BTV NEWS

កម្ពុជា ធ្វើជាម្ចាស់ផ្ទះកិច្ចប្រជុំប្រកំពូលប្រព័ន្ធផ្សព្វផ្សាយអាស៊ីលើកទី២០ និងកិច្ចប្រជុំពាក់ព័ន្ធនៅខេត្ដសៀមរាប

ជប៉ុនស្វែងយល់ពីទិដ្ឋភាពទូទៅនៃគោលនយោបាយរបស់កម្ពុជា លើការអភិវឌ្ឍសង្គម-សេដ្ឋកិច្ច

ម្ចាស់កសិដ្ឋាននៅស្រុកឱរ៉ាល់កំពុងពង្រីកផលិតកម្មចិញ្ចឹមសត្វ និងបន្លែគាំទ្រដល់សន្តិសុខស្បៀងក្នុងស្រុក

អ្នកនយោបាយ និងអ្នកវិភាគ៖ ច្បាប់ដកសញ្ជាតិមិនប៉ះពាល់ចំពោះពលរដ្ឋ និងអ្នកនយោបាយស្នេហាជាតិទេ

ព័ត៌មានជាតិ

កម្ពុជាកំពុងជំរុញប្រែក្លាយជនបទ ឱ្យសមជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

កំពត ៖ រាជរដ្ឋាភិបាលបាននិងកំពុងជំរុញការអភិវឌ្ឍន៍ជនបទទាំងផ្នែកសេដ្ឋកិច្ច និងសង្គម ដើម្បី ប្រែក្លាយតំបន់ជនបទឱ្យទៅជាតំបន់ដែល មានភាពរីកចម្រើន និងស៊ីវីល័យ ស័ក្តិសមជាជនបទនៃប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រាក់ចំណូលខ្ពស់ នៅឆ្នាំ២០៥០។កម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា នឹងជំរុញការអភិវឌ្ឍន៍ប្រទេសជាតិឱ្យកាន់តែរីកចម្រើន ជាពិសេស ការបន្តជំរុញការលើកកម្ពស់ជីវភាពប្រជាជននៅជនបទ តាមរយៈការស្តារ, ការស្ថាបនាហេដ្ឋារចនាសម្ព័ន្ធគមនាគមន៍ដឹកជញ្ជូននៅ ជនបទ និងការលើកកម្រិតផ្លូវជនបទជាដើម សំដៅធានាដល់ការប្រើប្រាស់យូរអង្វែង ធន់នឹងការប្រែប្រួលអាកាសធាតុ ដើម្បីជំរុញការផ្សារ ភ្ជាប់សកម្មភាពធុរកិច្ចផ្សេងៗ រវាងតំបន់ជនបទ និងទីប្រជុំជន។ជុំវិញផ្លូវជនបទនេះ, ឯកឧត្តម អ៊ិន ចន្ថា រដ្ឋលេខាធិការក្រសួងអភិវឌ្ឍន៍ជនបទ និងជាសមាជិកគណៈកម្មាធិការលទ្ធកម្ម នៅថ្ងៃទី ២៧-២៨ ខែឧសភា ឆ្នាំ២០២៥, បានដឹកនាំគណៈកម្មការអន្តរក្រសួង ចុះត្រួតពិនិត្យ និងវាយតម្លៃ លើគម្រោងការងារស្ថាបនាផ្លូវក្រាល ដីល្បាយក្រួស និងក្រាលកៅស៊ូ DBST ចំនួន ២គម្រោង ស្ថិតនៅខេត្តកំពត និងខេត្តពោធិ៍សាត់រួមមាន៖ គម្រោងទី១ ការងារស្ថាបនាផ្លូវ ក្រាលដីល្បាយក្រួសចំនួន ២ខ្សែ ប្រវែងសរុប ៤ ៧៥០ ម៉ែត្រ ទទឹង ៧ ម៉ែត្រ ស្ថិតនៅឃុំស្រែចែង ស្រុកជុំគីរី ខេត្តកំពត និងគម្រោងទី២, ផ្លូវក្រាលកៅស៊ូពីរជាន់ (DBST) ចំនួន ១ខ្សែ ប្រវែង ២ ៦៦០ ម៉ែត្រ ទទឹង ៦ ម៉ែត្រ រួមជាមួយសំណង់សិល្បការ្យផ្សេង នៅក្នុងឃុំត្នោតជុំ ស្រុកក្រគរ ខេត្តពោធិ៍សាត់ ដែលអនុវត្តដោយ នាយកដ្ឋានវិស្វកម្ម ក្រសួងការពារជាតិ។ទាក់ទងផ្លូវវពីរខ្សែនេះ, ឯកឧត្តមរដ្ឋលេខាធិការ បានវាយតម្លៃខ្ពស់ ចំពោះការខិតខំប្រឹងប្រែងស្ថាបនាផ្លូវទាំងពីរខ្សែ បញ្ចប់ទៅ តាមផែនការ និងប្រកបដោយគុណភាពខ្ពស់ ធានាដល់ការប្រើប្រាស់ដល់សហគមន៍មូលដ្ឋាន និងសាធារជនធ្វើដំណើរឆ្លងកាត់ជាដើម។ ចំពោះរយៈពេលទៅមុខ ឯកឧត្តម បានសំណូមពរដល់ម្ចាស់គម្រោងត្រូវយកចិត្តទុកលើការថែទាំឱ្យបានជាប្រចាំ ដើម្បីរក្សាគុណភាពឱ្យ បានល្អប្រសើរ ដើម្បីជាប្រយោជន៍សម្រាប់សង្គម។ ឯកឧត្តម អ៊ិន ចន្ថា នៅក្នុងការសំណេះសំណាលជាមួយអាជ្ញាធរនៃខេត្តទាំងពីរ ក៏បានលើកឡើងអំពីការយកចិត្តទុកដាក់របស់ រាជរដ្ឋាភិបាល លើការជំរុញអភិវឌ្ឍន៍នៅតាមមូលដ្ឋាន ជាពិសេសការងារស្ថាបនាផ្លូវជាដើម, ឯកឧត្តមក៏បានសំណូមពរដល់អាជ្ញាធរមូល ដ្ឋាន និងបងប្អូនប្រជាពលរដ្ឋត្រូវថែរក្សាការពារសុខសន្តិភាពឱ្យខាងតែបាន ចូលរួមថែរក្សាផ្លូវនិងសំណង់សិល្បការ្យទាំងនេះ ប្រកប ដោយការទទួលខុសត្រូវខ្ពស់ ដើម្បីឱ្យការប្រើប្រាស់បានយូរអង្វែង និងសូមឱ្យអាជ្ញាធរមូលដ្ឋាន និងប្រជាពលរដ្ឋបោះឆ្នោតជូនគណបក្ស ប្រជាជនកម្ពុជាឱ្យបានច្រើនលើសលុប និងមានជំនឿទុកចិត្តលើការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ប្រកបដោយឋាមវ័ន្ត៕អត្ថបទ៖ សុន រ៉ាឌី

ប្រមុខការពារជាតិកម្ពុជា៖មូលដ្ឋានសមុទ្ររាមមិនមែនចេះតែឱ្យគេចូលទស្សនាគ្រប់ទីតាំងនោះឡើយ

ភ្នំពេញ ៖ ឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ប្រកាសថា មូលដ្ឋានសមុទ្ររាម កងទ័ពជើងទឹកកម្ពុជា មិនមែននរណាចេះតែឱ្យនាវាបរទេសចូលចត និងធ្វើទស្សនកិច្ចនោះទេ ការចូលមកមូលដ្ឋាននេះត្រូវមានលក្ខខណ្ឌពិសេស ត្រូវមានលក្ខខណ្ឌ នៃកិច្ចសហប្រតិបត្តិការរវាងកងទ័ព និងកងទ័ព ហើយសម្រាប់មូលដ្ឋានកងទ័ព មិនចេះតែអនុញ្ញាតឱ្យអ្នកណាអាចមកចូលចត ឬទស្សនាគ្រប់ទីតាំងតាមចិត្តពួកគេចង់បាននោះឡើយ។ ក្នុងពិធីបិទសមយុទ្ធនាគមាស ឆ្នាំ២០២៥ រវាងកងយោធពលខេមរភូមិន្ទ និងកងទ័ពរំដោះប្រជាជនចិនដែលមានឈ្មោះថា«នាគមាសឆ្នាំ២០២៥» នៅព្រឹកថ្ងៃទី២៨ ខែឧសភា ឆ្នាំ២០២៥នេះ នៅមជ្ឈ មណ្ឌលហ្វឹកហ្វឹនកងរាជអាវុធហត្ថ ស្ថិតនៅក្នុងស្រុកសាមគ្គីមានជ័យ ខេត្តកំពង់ឆ្នាំងនោះ នាយឧត្តមសេ នីយ៍ ទៀ សីហា បានបញ្ជាក់ថា បញ្ហាមូលដ្ឋានកងទ័ពរាម ជារើយៗកម្ពុជាធ្លាប់រងការរិះគន់ពីសំណាក់បរទេសមួយចំនួន ដែលគេចោទថា ជាមូលដ្ឋានរបស់កងទ័ពចិននៅក្នុងប្រទេសកម្ពុជា។ ទាក់ទិននឹងបញ្ហានេះ កម្ពុជាបានបញ្ជាក់ម្តងហើយម្តងទៀតថា រដ្ឋាភិបាលកម្ពុជា ជារដ្ឋអធិបតេយ្យដែលមានសិទ្ធិពេញលេញក្នុងការកសាង និងលើកកម្ពស់កិច្ចសហប្រតិបត្តិការជាមួយដៃគូទាំងអស់ ដើម្បីបម្រើប្រយោជន៍ឱ្យប្រទេសជាតិ និងប្រជាជន ហើយកិច្ចសហប្រតិបត្តិការទាំងអស់នោះសុទ្ធតែស្របតាមគោលបំណង និងគោលការណ៍នៃរដ្ឋធម្មនុញ្ញរបស់កម្ពុជា។ឯកឧត្តមឧបនាយករដ្ឋមន្រ្តីបានបន្ថែមទៀតថា រដ្ឋធម្មនុញ្ញ បានបញ្ជាក់យ៉ាងច្បាស់ហើយថា កម្ពុជាមិនអនុញ្ញាតឱ្យមានមូលដ្ឋានទ័ព បរទេសនៅលើទឹកដីរបស់ខ្លួននោះទេ ហើយកម្ពុជាក៏មិនបញ្ជូនទ័ពរបស់ខ្លួនឱ្យទៅចូលរួមនៅក្នុងជម្លោះនៅក្រៅប្រទេសដែរ ក្រៅតែពីការចូលរួមដល់ការរក្សាសន្តិភាពពិភពលោក តាមរយៈប្រតិបត្តិការរក្សាសន្តិភាពរបស់អង្គការសហប្រជាជាតិ។ប្រមុខការពារជាតិរូបនេះ បានគូសបញ្ជាក់ថា««សូមបញ្ជាក់ថា ការបើកជាផ្លូវការឱ្យចូលចតនៅមូលដ្ឋានសមុទ្ររាម គឺមិនមែនសំដៅទៅលើថាអ្នកណាក៏អាចចូលមកដល់មូលដ្ឋានសមុទ្ររាមរបស់យើងបានទេ វាត្រូវតែមានលក្ខខ័ណ្ឌពិសេស លក្ខខ័ណ្ឌនៃការទំនាក់ទំនង លក្ខខ័ណ្ឌនៃកិច្ចសហប្រតិបត្តិការកងទ័ព និងកងទ័ព លក្ខខ័ណ្ឌកិច្ចសហប្រតិបត្តិការកងទ័ពជើងទឹក និងជើងទឹក ទើបអាចបើកឱ្យចូលក្នុងមូលដ្ឋានកងទ័ពជើងទឹកសមុទ្ររាមបាន…»។នាយឧត្តមសេនីយ៍ ទៀ សីហា បានអះអាងទៀតថាកម្ពុជាបានបើកស្វាគមន៍រាល់ភាគីមិត្តទាំងអស់ សម្រាប់នាវាយោធាចូលចតនៅមូលដ្ឋានកងទ័ពរាម របស់កម្ពុជា ដោយមាននាវាចម្បាំងរបស់ភាគីមិត្តជាច្រើនក៏បានចូលចតនៅមូលដ្ឋានកងទ័ពជើងទឹករាម រួចទៅហើយ។ ប៉ុន្តែ ចំណុចនេះ នៅតែមានជ្ឈដ្ឋានអគតិមួយចំនួនមិនអស់ចិត្តដោយលើកឡើង និងចោទប្រកាន់មកលើរាជរដ្ឋាភិបាលកម្ពុជាថាបានបិទបាំងដោយត្រឹមអនុញ្ញាតឱ្យចូលតែមួយផ្នែកនៃមូលដ្ឋានកងទ័ពជើងទឹកសមុទ្ររាមទៅវិញ ព្រមទាំងដាក់ជាមន្ទិលសង្ស័យថារដ្ឋាភិបាលកម្ពុជា លាក់បាំងអាថ៍កំបាំងនៅមូលដ្ឋានកងទ័ពជើងទឹកសមុទ្ររាមជាដើម។នាយឧត្តមសេនីយ៍ បានបញ្ជាក់បន្ថែមទៀតថា «ខ្ញុំសូមបញ្ជាក់ថាមូលដ្ឋានសមុទ្ររាម គឺជាទីបញ្ជាការមួយរបស់កងទ័ពជើងទឹកកម្ពុជា ដូច្នេះហើយ គឺមានទីតាំងខ្លះដែលយើងអាចឱ្យភាគីមិត្តចូលមកទស្សនា និងធ្វើសមយុទ្ធរួមគ្នា យើងបានសាងសង់នូវអគារស្នាក់នៅ កន្លែងសំចតជូនទៅដល់នាវាចម្បាំង ក៏ដូចជាភាគីមិត្តចូលមកសម្រាក ហើយមានអគារខ្លះគឺជាទីបញ្ជាការដ្ឋានរបស់កងទ័ពកម្ពុជា»។ ហេតុនេះហើយ គឺកម្ពុជាមានទីតាំងសំខាន់ៗសម្រាប់ការពារ និងទីតាំងខ្លះទៀត ត្រូវបើកចំហ។ ចំពោះករណីមិនអនុញ្ញាតឱ្យបរទេសចូលចត ឬមកទស្សនាទីតាំងសំខាន់ៗរបស់កងទ័ពបាន គឺមិនមែនមានតែកម្ពុជានោះទេ ប៉ុន្តែគ្រប់បណ្តាប្រទេសនៅលើពិភពលោកក៏មានកន្លែងដែលគេហាមឃាត់មិនឱ្យបរទេសចូលចត និងឲ្យទស្សនាបានដូចមូលដ្ឋានកងទ័ពជើងទឹកសមុទ្ររាមកម្ពុជាផងដែរ។ ក្នុងឱកាសនោះដែរ នាយឧត្តមសេនីយ៍ ទៀ សីហា ក៏បានប្រាប់ទៅភាគីមិត្តមួយចំនួន ព្រមទាំងអ្នកវិភាគឱ្យមានការយោគយល់ ពីព្រោះកម្ពុជា ធ្វើបែបនេះដើម្បីការពារបូរណភាពទឹកដី ការពារសិទ្ធិរបស់កម្ពុជា ហើយកម្ពុជាក៏ការពារ និងគោរពសិទ្ធិរបស់ភាគីមិត្តទាំងអស់ដែលមានបំណងសហការជាមួយកងទ័ពកម្ពុជា ក៏ដូចជាកងទ័ពជើងទឹកនៅឯមូលដ្ឋានសមុទ្ររាម ហើយកងទ័ពកម្ពុជា មិនមែនសហការជាមួយតែកងទ័ពរំដោះប្រជាជនចិន តែមួយនោះទេ។ ប៉ុន្តែកងទ័ពកម្ពុជា ស្វាគមន៍សហការរាល់ភាគីមិត្តទាំងអស់ ដោយមិនប្រកាន់ជាដាច់ខាត។ ជាក់ស្តែងសម្រាប់ការធ្វើសមយុទ្ធនាគមាស ឆ្នាំ២០២៥ រវាងកងយោធពលខេមរភូមិន្ទ និងកងទ័ពរំដោះប្រជាជនចិន នៅលើទឹកដីកម្ពុជា បង្ហាញឱ្យឃើញថា ភាគីមិត្តបានចូលរួមចំណែកផ្តល់ជាជំនួយយោធា ផ្តល់ការហ្វឹកហ្វឺនដល់កងទ័ពជើងគោក ជើងអាកាស និងជើងទឹក ដើម្បីធ្វើយ៉ាងណាពង្រឹងសមត្ថភាពរបស់កងទ័ពកម្ពុជា លើការងារការពារអធិបតេយ្យភាព បូរណភាពទឹកដី៕អត្ថបទ ៖ បាន ចក់

អាជ្ញាធរខេត្តកំពង់ឆ្នាំង នឹងចាត់វិធានការម៉ឹងម៉ាត់ក្នុងការ ការពារនិងទប់ស្កាត់ករណីជនខិលខូចនៅតែបន្តចុះអាស្រ័យផលទន្ទ្រានដីព្រៃលិចទឹកតំបន់ ៣

កំពង់ឆ្នាំង ÷ នៅសាលាខេត្តកំពង់ឆ្នាំង ថ្ងៃទី២៨ ខែឧសភា ឆ្នាំ២០២៥ បានបើកកិច្ចប្រជុំចាត់វិធានការដោយម៉ឹងម៉ាត់ក្នុងការ ការពារ និងទប់ស្កាត់ករណីជនខិលខូចនៅតែបន្តចុះអាស្រ័យផលទន្ទ្រានដីព្រៃលិចទឹកតំបន់ ៣ស្ថិតក្នុងភូមិសាស្ត្រខេត្តកំពង់ឆ្នាំង ក្រោមអធិបតីភាព លោក ពេជ្រ កែវមុន្នី អភិបាលរងខេត្ដកំពង់ឆ្នាំង ។ដោយមានការអញ្ជើញចូលរួមពីនាយករងរដ្ឋបាលខេត្ត លោកលោកស្រីថ្នាក់ដឹកនាំមន្ទីរអង្គភាពពាក់ព័ន្ធ កងកម្លាំងទាំង៣ ព្រមទាំង អាជ្ញាធរឃុំ សង្កាត់ផងដែរ៕

កិច្ចប្រជុំក្រុមប្រឹក្សាបច្ចេកទេសអាជ្ញាធរជាតិប្រយុទ្ធ នឹងជំងឺអេដស៍លើកទី៥ ឆ្នាំ២០២៥

ភ្នំពេញ ៖ នាព្រឹកថ្ងៃទី២៨ ខែឧសភា ឆ្នាំ២០២៥នេះ អាជ្ញាធរជាតិប្រយុទ្ធនឹងជំងឺអេដស៍ ដោយទទួលបានការចាត់តាំងពីឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ឯកឧត្តមបណ្ឌិត ឈឹម ឃិនដារ៉េត អគ្គលេខាធិការអាជ្ញាធរជាតិប្រយុទ្ធនឹងជំងឺអេដស៍ និងជាប្រធានក្រុមប្រឹក្សាបច្ចេកទេស បានអញ្ជើញដឹកនាំកិច្ចប្រជុំក្រុមប្រឹក្សាបច្ចេកទេសអាជ្ញាធរជាតិប្រយុទ្ធនឹងជំងឺអេដស៍លើកទី៥ ឆ្នាំ២០២៥ ពិនិត្យ និងពិភាក្សាលើសេចក្តីព្រាងរបាយការណ៍វឌ្ឍនភាពស្តីពីការអនុវត្តសេចក្តីសម្រេចចិត្តនៃកិច្ចប្រជុំពេញអង្គលើកទី២ ឆ្នាំ២០២៤។ជាបឋមឯកឧត្តមបណ្ឌិតអគ្គលេខាធិការ បានថ្លែងថា សេចក្តីព្រាងរបាយការណ៍វឌ្ឍនភាពស្តីពីការអនុវត្តសេចក្តីសម្រេចចិត្តនៃកិច្ចប្រជុំពេញអង្គលើកទី២ ឆ្នាំ២០២៤ ដែលកិច្ចប្រជុំក្រុមប្រឹក្សាបច្ចេកទេសពិភាក្សានាព្រឹកនេះ នឹងត្រូវដាក់ជូនកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី១ ឆ្នាំ២០២៥ ដែលគ្រោងធ្វើនៅថ្ងៃទី១១ ខែមិថុនា ឆ្នាំ២០២៥ នៅខេត្តព្រះសីហនុ ដើម្បីពិនិត្យ ពិភាក្សានិងអនុម័ត។ រាជរដ្ឋាភិបាលនីតិកាលទី៧ នៃរដ្ឋសភា ក្រោមកិច្ចដឹកប្រកបដោយគតិបណ្ឌិត ឈ្លាសវៃ និងស្វាហាប់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានបន្តចាត់ទុកការប្រយុទ្ធទប់ស្កាត់ការរាលដាលមេរោគអេដស៍ និងជំងឺអេដស៍ ជាការងារអាទិភាព ដែលបានបញ្ចូលក្នុងយុទ្ធសាស្ត្របញ្ចកោណ ដំណាក់កាលទី១ នៃការលើកកម្ពស់សុខភាព និងសុខុមាលភាពប្រជាជន តាមរយៈការដាក់ចេញនូវគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍ សម្រាប់ឆ្នាំ២០២៣-២០២៨ ដើម្បីការបញ្ចប់អេដស៍ជាការគំរាមកំហែងដល់សុខភាពសាធារណៈ ដោយបានកំណត់កម្មវត្ថុចំនួនបីគឺ៖ ទី១. ការឆ្លងថ្មីនៃមេរោគអេដស៍តិចជាង១នាក់/ថ្ងៃ ឬក្នុងរង្វង់ជាង២០០នាក់/ឆ្នាំ, ទី២. កាត់បន្ថយការស្លាប់ដោយសារអេដស៍តិចជាង២០០នាក់/ឆ្នាំ, និងទី៣. លុបបំបាត់ការរើសអើង និងការមាក់ងាយអ្នកផ្ទុកមេរោគអេដស៍។ឯកឧត្តមបណ្ឌិត បានបន្តថា តាមរយៈកិច្ចប្រឹងប្រែងចូលរួមអនុវត្តការឆ្លើយតបនឹងមេរោគអេដស៍ និងជំងឺអេដស៍ជាពហុវិស័យរបស់ក្រសួង ស្ថាប័នទាំងថ្នាក់ជាតិ ថ្នាក់ក្រោមជាតិ កាកបាទក្រហមកម្ពុជា ជាសមាជិក និងអង្គការដៃគូ ដឹកនាំសម្របសម្រួលរបស់អាជ្ញាធរជាតិប្រយុទ្ធនឹងជំងឺអេដស៍ ជាសេនាធិការរបស់រាជរដ្ឋាភិបាល ប្រទេសកម្ពុជា នៅតែបន្តជោគជ័យលំដាប់ជួរមុខក្នុងការឆ្លើយតបនឹងមេរោគអេដស៍។ ថ្មីៗនេះក្នុងដំណើរបំពេញទស្សនកិច្ចជាផ្លូវការនៅកម្ពុជាពីថ្ងៃទី១១ដល់១៦ ខែឧសភា ឆ្នាំ២០២៥ លោកជំទាវ Winnie Byanyima អគ្គលេខាធិការរងអង្គការសហប្រជាជាតិ និងជានាយិកាប្រតិបត្តិអង្គការUNAIDS បានវាយតម្លៃខ្ពស់ និងកោតសរសើរចំពោះកម្ពុជា ដែលសម្រេចបាន ៩២-១០០-៩៨ លើគោលដៅ៩៥-៩៥-៩៥ នៅឆ្នាំ២០២៤ ដែលជាលទ្ធផលខ្ពស់ជាងលទ្ធផលរួមរបស់ពិភពលោក។ឯកឧត្តមបណ្ឌិត បានលើកឡើងថា ទន្ទឹមនឹងភាពជោគជ័យ ប្រទេសកម្ពុជា យើងនូវមានភាពប្រឈមមួយចំនួនទៀតដែលត្រូវបន្តប្រឹងប្រែងឆ្លើយតបរួមគ្នា ដើម្បីបញ្ចប់អេដស៍ជាការគំរាមដល់សុខភាពសាធារណៈតាមការកំណត់របស់រាជរដ្ឋាភិបាល។ ភាពប្រឈមទាំងនោះរួមមាន៖ ក្រុមយុវវ័យដែលមានអាយុ១៥ទៅ២៤ឆ្នាំ មាននិន្នាការកើនឡើងនៃការឆ្លងថ្មី ដោយសារការយល់ដឹងមានការថយចុះ។ ការប្រើប្រាស់ស្រោមអនាម័យមានការថយចុះ។ ក្រុមប្រជាជនគន្លឹះ ជាពិសេសក្រុមយុវវ័យបុរសរួមភេទជាមួយបុរស(អាយុ១៥-២៤ឆ្នាំ) ជាមុខសញ្ញាងាយរងគ្រោះដោយសារការឆ្លងមេរោគអេដស៍ខ្ពស់ ព្រោះពុំបានទទួលការបញ្ជ្រាបការយល់ដឹងអំពីហានិភ័យនៃមេរោគអេដស៍ និងជាក្រុមភ្លើតភ្លើនសប្បាយក្នុងការរួមភេទដែលពុំមានសុវត្ថិភាព។ ក្រុមនេះជាគោលដៅដែលពិបាកទាក់ទង ដើម្បីផ្ដល់ការអប់រំអំពីវិធីបង្ការការពារ។ កង្វះថវិកាសម្រាប់កម្មវិធីអេដស៍ដែលអនុវត្តដោយអង្គការសង្គមស៊ីវិល បានធ្វើឱ្យសកម្មភាពបង្ការការពារធ្លាក់ចុះជាអតិបរមា មិនបានគ្របដណ្ដប់គោលដៅងាយរងគ្រោះដូចជា៖ ក្រុមយុវវ័យបុរសរួមភេទជាមួយបុរស ក្រុមបំប្លែងភេទ និងក្រុមប្រើប្រាស់និងចាក់គ្រឿងញៀន ឱ្យបាន ទូលំទូលាយ។ ការផ្តល់ឱសថបង្ការមុនការប្រព្រឹត្តប្រឈម ប្រឹព (PrEP) នៅមានកម្រិតមិនទាន់សម្រេចគោលដៅបានកំណត់ និងការអនុវត្តគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍សម្រាប់ឆ្នាំ២០២៣-២០២៨ ធ្វើបានតែនៅថ្នាក់ជាតិ និងថ្នាក់ខេត្ត ដោយឡែកនៅថ្នាក់ស្រុក និង ឃុំ សង្កាត់ ពុំទាន់ដំណើរការបានទាំងស្រុងនៅឡើយ៕អត្ថបទ រដ្ឋា

វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសផ្ដល់អាហារូបករណ៍ ៦៦៥ កន្លែង ដល់យុវជនឱ្យសិក្សាជំនាញបច្ចេកទេសវិជ្ជាជីវៈឥតគិតថ្លៃ និងទទួលបានប្រាក់ឧបត្ថម្ភប្រចាំខែ

កំពង់ឆ្នាំង៖ វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈរបស់រដ្ឋតែមួយគត់ចំណុះក្រសួងការងារ និងបណ្ដុះបណ្ដាលវិជ្ជាជីវៈនៅខេត្តកំពង់ឆ្នាំង បានប្រកាសផ្ដល់អាហារូបករណ៍១០០% ចំនួន៦៦៥កន្លែង ដល់ក្រុមយុវជនមកពីគ្រួសារក្រីក្រ និងគ្រួសារងាយរងហានិភ័យ ឱ្យសិក្សាជំនាញបច្ចេកទេសវិជ្ជាជីវៈកម្រិត១ (C1) ព្រមទាំងមានប្រាក់ឧបត្ថម្ភប្រចាំខែថែមទៀតផង។ការផ្ដល់ជូនអាហារូបករណ៍នេះ គឺជាការអនុវត្តកម្មវិធីគោលនយោបាយអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET) ១.៥លាននាក់ របស់រាជរដ្ឋាភិបាលនីតិកាលទី៧ នៃរដ្ឋសភា ក្រោមអាណត្តិដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងទិសដៅលើកកម្ពស់ស្ថានភាពជីវិតយុវជនមកពីគ្រួសារក្រីក្រ និងគ្រួសារងាយរងហានិភ័យ តាមរយៈផ្ដល់ឱ្យពួកគេនូវជំនាញជាក់លាក់មួយ និងមានលទ្ធភាពទទួលបានចំណូលសមរម្យ។សម្រាប់វគ្គសិក្សាពីថ្ងៃចន្ទ-សុក្រ វេនព្រឹក-រសៀល ម៉ោង ៨:០០-១២:០០ និង ១:៣០-៤:៣០ មានជំនាញ៖ (១).ជំនាញដំឡើង និងអនុវត្តបច្ចេកវិទ្យាឌីជីថល (ជំនាញកុំព្យូទ័រ) ចំនួន៣៥នាក់។ (២).ជំនាញរចនាក្រាហ្វិកដោយកុំព្យូទ័រ ចំនួន៣៥នាក់ (៣).ជំនាញថែទាំនិងជួសជុលរថយន្ត ចំនួន៣៥នាក់ (៤).ជំនាញសេវាកម្មបរិក្ខារត្រជាក់ក្នុងគេហដ្ឋាន ចំនួន៣៥នាក់ (៥).ជំនាញថែទាំនិងជួសជុលម៉ូទ័រអគ្គិសនី ចំនួន៣៥នាក់ (៦).ជំនាញដំឡើងបណ្ដាញអគ្គិសនីក្នុងអគារ ចំនួន៣៥នាក់ (៧).ជំនាញសម្អាងកាយ ចំនួន៣៥នាក់។សម្រាប់ការសិក្សាពីថ្ងៃចន្ទ-សុក្រ វេនយប់ (៥:៣០-៨:៣០) រួមមាន៖ (១).ជំនាញដំឡើង និងអនុវត្តបច្ចេកវិទ្យាឌីជីថល (ជំនាញកុំព្យូទ័រ) ចំនួន៣៥នាក់ (២).ជំនាញរចនាក្រាហ្វិកដោយកុំព្យូទ័រ ចំនួន៣៥នាក់ (៣).ជំនាញថែទាំនិងជួសជុលរថយន្ត ចំនួន៣៥នាក់ (៤).ជំនាញថែទាំនិងជួសជុលម៉ាស៊ីនត្រជាក់រថយន្ត ចំនួន៣៥នាក់ (៥).ជំនាញថែទាំនិងជួសជុលអគ្គិសនីរថយន្ត ចំនួន៣៥នាក់ (៦).ជំនាញសេវាកម្មបរិក្ខារត្រជាក់ក្នុងគេហដ្ឋាន ចំនួន៣៥នាក់ (៧). ជំនាញថែទាំនិងជួសជុលម៉ូទ័រអគ្គិសនី ចំនួន៣៥នាក់ និងទី(៨).ជំនាញកែច្នៃបន្លែនិងផ្លែឈើ ចំនួន៣៥នាក់។ដោយឡែក កម្មវិធីសិក្សាសម្រាប់ថ្ងៃសៅរ៍-អាទិត្យ ម៉ោង ៨:០០-១២:០០ និង ១:៣០-៤:៣០ មានមុខជំនាញចំនួន៤ គឺ (១).ជំនាញរចនាក្រាហ្វិកដោយកុំព្យូទ័រ ចំនួន៣៥នាក់ (២).ជំនាញថែទាំនិងជួសជុលរថយន្ត ចំនួន៣៥នាក់ (៣).ជំនាញសេវាកម្មបរិក្ខារត្រជាក់ក្នុងគេហដ្ឋាន ចំនួន៣៥នាក់ និង(៤). ជំនាញសេវាកម្មសម្អាងកាយ ចំនួន៣៥នាក់។លោក ហួ បញ្ញា នាយករងវិទ្យាស្ថានពហុបច្ចេកទេសខេត្តកំពង់ឆ្នាំង បានឱ្យដឹងថា ការទទួលពាក្យចូលសិក្សាជំនាញ TVET ខាងលើនេះ គឺធ្វើឡើងរហូតដល់ថ្ងៃទី៣១ ខែឧសភា។ ចំណែកវគ្គសិក្សានឹងចាប់ផ្ដើមពីថ្ងៃទី១ ខែមិថុនា ឆ្នាំ២០២៥ តទៅ សម្រាប់វគ្គសម្អាងកាយ និងអគ្គិសនី។ ដោយឡែក មុខជំនាញវគ្គកុំព្យូទ័រ នឹងចូលសិក្សានៅខែសីហា ឆ្នាំ២០២៥។សម្រាប់យុវជនគោលដៅទាំងពីរក្រុមខាងលើដែលចាប់អារម្មណ៍ក្នុងការដាក់ពាក្យ សូមទាក់ទងវិទ្យាស្ថានពហុបច្ចេកទេសខេត្តកំពង់ឆ្នាំង ដែលមានទីតាំងនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ជាប់មន្ទីរអប់រំ យុវជន និងកីឡាខេត្ត ឬទំនាក់ទំនងតាមរយៈលេខ ០១២ ៤៧៤ ៣៤១ / ០១៥ ៩៤០ ៤២០ / ០១០ ៥៤៦ ១៧៧ / ០៩៧ ២៦៩ ៥៧១៣។គួរបញ្ជាក់ថា ក្រៅពីក្រុមយុវជនគោលដៅមកពីគ្រួសារក្រីក្រ និងគ្រួសារងាយរងហានិភ័យ វគ្គបណ្ដុះបណ្ដាលពិសេសនេះក៏បើកចំហសម្រាប់យុវជន និងប្រជាពលរដ្ឋទូទៅ រួមទាំងកម្មករ-កម្មការិនីផងដែរ ដែលអាចដាក់ពាក្យចូលសិក្សាជំនាញបច្ចេកទេសនិងវិជ្ជាជីវៈនេះបានដោយឥតបង់ថ្លៃដូចគ្នា គ្រាន់តែមិនទទួលបានប្រាក់ឧបត្ថម្ភប្រចាំខែពីរាជរដ្ឋាភិបាល៕

ទស្សនកិច្ចនៅជប៉ុនថ្ងៃដំបូង សម្ដេចធិបតី បានអញ្ជើញជួបជាមួយសមាគម និងប្រធានក្រុមហ៊ុនជប៉ុនជាបន្តបន្ទាប់

ភ្នំពេញ ៖ បន្ទាប់ពីអញ្ជើញដល់ទឹកដីនៃប្រទេសជប៉ុន ក្នុងឱកាសបំពេញទស្សនកិច្ចការងារផ្លូវការតបតាមការអញ្ជើញរបស់រដ្ឋាភិបាលជប៉ុន និងអញ្ជើញចូលរួមសន្និសីទអន្តរជាតិលើកទី៣០ ស្តីពី «អនាគតរបស់អាស៊ី» នៅថ្ងៃទី២៨ ខែឧសភា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអញ្ជើញជួបជាមួយ ប្រធានសមាគមកម្ពុជា-ជប៉ុន ប្រធានក្រុមហ៊ុន និងអ្នកវិនិយោគិនជប៉ុនជាបន្តបន្ទាប់ នៅទីក្រុងតូក្យូ ប្រទេសជប៉ុន។ ក្នុងឱកាសនោះ សម្ដេចធិបតី បានអញ្ជើញ ជួបជាមួយ ឯកឧត្តម TAKAHASHI Fumiaki ប្រធានសមាគមកម្ពុជា-ជប៉ុន (JCA) ក្នុងជំនួបសម្តែងការគួរសម និងពិភាក្សាការងារ។ JCA បានរួមចំណែកដើម្បីលើកកម្ពស់ការយោគយល់គ្នា និងពង្រឹងទំនាក់ទំនងមិត្តភាពជប៉ុន-កម្ពុជា តាមរយៈការជំរុញពាណិជ្ជកម្ម និងវិនិយោគ, ការចូលរួមអភិវឌ្ឍសង្គម-សេដ្ឋកិច្ចកម្ពុជា, និងការលើកកម្ពស់ការផ្លាស់ប្តូរទៅវិញទៅមកនៃវប្បធម៌, ការអប់រំ, និងកីឡា។បន្ទាប់មកសម្ដេចធិបតី បន្តជួបជាមួយ លោក MIKI Watanabe នាយកប្រតិបត្តិ នៃក្រុមហ៊ុន Watami និងជាប្រធាន School Aid Japan ក្នុងជំនួបសម្តែងការគួរសម និងពិភាក្សាការងារ។ អង្គការក្រៅរដ្ឋាភិបាល School Aid Japan បានបង្កើតឡើងក្នុងឆ្នាំ២០០១ កំពុងធ្វើសកម្មភាពជំនួយមនុស្សធម៌ក្នុងប្រទេសកម្ពុជាដោយផ្តោតលើការជួយសាងសង់អាគារសិក្សា គម្រោងគាំទ្រការអប់រំ គម្រោងគាំទ្រម្ហូបអាហារ និងមណ្ឌលកុមារកំព្រា។សម្ដេចធិបតី បានបន្តជួបជាមួយ លោក OKUMURA Yusuke ប្រធានក្រុមហ៊ុន KOUA SHOJI Co., Ltd. ។ ខណៈក្រុមហ៊ុននេះ ត្រូវបានបើកដំណើរការជាផ្លូវការនៅក្នុងឆ្នាំ១៩៥២ ដែលផ្តោតសំខាន់លើការគិតគូរដល់បរិស្ថាន ពិសេសការកែច្នៃសំណល់ឬសំរាមផ្សេងៗ។ កន្លងមកក្រុមហ៊ុនផ្តួចផ្តើមនូវសកម្មភាពជាច្រើនផងដែរនៅកម្ពុជាលើសកម្មភាពលើកកម្ពស់ការយល់ដឹងពីការបែងចែកសំណល់, គាំទ្រសកម្មភាពប្រមូលសំរាម, ការកែច្នៃសំណល់ប្លាស្ទិក និងកីឡាផ្នែកនារីផងដែរ ដែលស្ថិតក្នុងរាជធានីភ្នំពេញ ខេត្តស្វាយរៀង និងខេត្តសៀមរាប។ លើសពីនេះក្រុមហ៊ុនក៏មានគោលដៅពង្រីកបន្ថែមសកម្មភាពរបស់ខ្លួននៅខេត្តផ្សេងៗទៀតផងដែរនាពេលអនាគត។សម្ដេចធិបតី បានបន្តជួបជាមួយ លោក HIROKI Kuriyama ប្រធាន និងជានាយកប្រតិបត្តិក្រុមហ៊ុន NTT DOCOMO GLOBAL Inc.។ ក្រុមហ៊ុននេះ ជាក្រុមហ៊ុនយក្សលំដាប់លេខ១នៅប្រទេសជប៉ុន និងជាក្រុមហ៊ុនជួរមុខលំដាប់ពិភពលោក ដែលធ្វើសកម្មភាពអាជីវកម្ម លើវិស័យទូរគមនាគមន៍, ផ្គត់ផ្គង់សេវាកម្ម 4G និង 5G, អភិវឌ្ឍន៍បច្ចេកវិទ្យា 6G, ប្រព័ន្ធផ្កាយរណប និងទូរសព្ទចល័ត។នៅរសៀលថ្ងៃដដែលនេះសម្ដេចធិបតី ក៏បានអញ្ជើញជួបជាមួយ លោក YOSHIHISA Kainuma ប្រធាន និងជានាយកប្រតិបត្តិក្រុមហ៊ុន Minebea Mitsumi Inc.។ ក្រុមហ៊ុននេះ ជាក្រុមហ៊ុនដ៏ធំមួយរបស់ជប៉ុន ធ្វើអាជីវកម្មលើការផលិតគ្រឿងបង្គុំម៉ាស៊ីន និងគ្រឿងបង្គុំអេឡិចត្រូនិកចាប់តាំងឆ្នាំ១៩៥១។ បច្ចុប្បន្នក្រុមហ៊ុនក៏បានបង្កើតរោងចក្រចំនួនពីរកន្លែងនៅកម្ពុជា, ទីមួយនៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ និងទីពីរ នៅក្នុងតំបន់សេដ្ឋកិច្ចពិសេសពោធិសាត់ ដែលអាចបង្កើតការងារជិត១ម៉ឺនកន្លែង។ សម្ដេចធិបតី បានបន្តជួបជាមួយលោក MAEDA Tadashi ប្រធាន និងជានាយកប្រតិបត្តិក្រុមហ៊ុន Japan Bank for International Cooperation (JBIC)។ ក្រុមហ៊ុន JBIC គឺជាស្ថាប័នហិរញ្ញវត្ថុផ្អែកលើគោលនយោបាយរបស់រដ្ឋាភិបាលជប៉ុន ដែលផ្តល់ប្រាក់កម្ចីដល់ក្រុមហ៊ុនជប៉ុនដែលវិនិយោគនៅក្រៅប្រទេស ជាពិសេសក្នុងប្រទេសដែលមានសេដ្ឋកិច្ចកំពុងរីកចម្រើន។ JBIC បានក្លាយ ជាដៃគូផ្តល់ឥណទានសម្បទានរបស់រដ្ឋាភិបាលជប៉ុនដល់ប្រទេសកម្ពុជាចាប់តាំងពីឆ្នាំ១៩៩៩មក។ បច្ចុប្បន្នមានគម្រោងមួយចំនួនដែលត្រូវបានអនុវត្តតាមរយៈកិច្ចព្រមព្រៀងឥនទានសម្បទានជាមួយ JBIC ។សូមជម្រាបថា សម្តេចធិបតី នាយករដ្ឋមន្ត្រី និងលោកជំទាវបណ្ឌិតកំពុងអញ្ជើញដឹកនាំគណៈប្រតិភូជាន់ខ្ពស់កម្ពុជាបំពេញទស្សនកិច្ចការងារផ្លូវការនៅប្រទេសជប៉ុន តបតាមការអញ្ជើញរបស់រដ្ឋាភិបាលជប៉ុន និងអញ្ជើញចូលរួមសន្និសីទអន្តរជាតិលើកទី៣០ស្តីពី «អនាគតរបស់អាស៊ី» ចាប់ពីថ្ងៃទី ២៨-៣១ ខែឧសភា ឆ្នាំ២០២៥ នៅរដ្ឋធានីតូក្យូប្រទេសជប៉ុន៕

TOP STORY ក្រសួងការពារជាតិ៖ កងទ័ពថៃបានធ្វើការបាញ់ប្រហារមុនមកលើលេណដ្ឋានទីតាំងឈរជើងរបស់កងទ័ពកម្ពុជាបណ្តាលឱ្យបាត់បង់ជីវិតកងទ័ពយើងម្នាក់

ភ្នំពេញ៖ នៅរសៀលថ្ងៃទី២៨ ខែឧសភា ឆ្នាំ២០២៥នេះ ក្រសួងការពារជាតិចេញសេចក្តីប្រកាសព័ត៌មានពាក់ព័ន្ធការប៉ះទង្គិចរវាងកងទ័ពកម្ពុជា និងកងទ័ពថៃ ដែលបានកើតឡើងនៅព្រឹកថ្ងៃទី២៨ ខែឧសភា ឆ្នាំ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះ វិហារ ខណៈដោយកងទ័ពថៃបានធ្វើការបាញ់ប្រហារមុនមកលើលេណដ្ឋាន ដែលជាទីតាំងឈរជើងរបស់កងទ័ពកម្ពុជា ជាយូរលង់ណាស់មកហើយបណ្តាលឱ្យបាត់បង់ជីវិតកងទ័ពយើងម្នាក់។ក្រសួងការពារជាតិប្រកាសថា៖ ការប៉ះទង្គិចរវាងកងទ័ពកម្ពុជា និងកងទ័ពថៃ ដែលបានកើតឡើងនៅព្រឹកថ្ងៃទី២៨ ខែឧសភា ឆ្នាំ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះ វិហារ ដោយកងទ័ពថៃបានធ្វើការបាញ់ប្រហារមុនមកលើលេណដ្ឋាន ដែលជាទីតាំងឈរជើងរបស់កងទ័ពកម្ពុជា ជាយូរលង់ ណាស់មកហើយ បណ្តាលឱ្យបាត់បង់ជីវិតកងទ័ពយើងម្នាក់។ ការប៉ះទង្គិចគ្នានេះមិនមែនជាជម្រើសដែលកម្ពុជាចង់ បាននោះទេ ហើយយើងនឹងបន្តពិភាក្សាជាមួយក្រសួងការពារជាតិថៃ ដើម្បីស្វែងរកដំណោះស្រាយរួមមួយ ក្នុងការធ្វើ ឱ្យស្ថានភាពវិលត្រឡប់ទៅដូចដើមវិញឱ្យបានឆាប់រហ័ស និងបង្ការកុំឱ្យស្ថានភាពនេះកើតឡើងសាជាថ្មីម្តងទៀត។តាមរយៈសេចក្ដីប្រកាសព័ត៌មានក្រសួងបានបញ្ជាក់ថា កម្ពុជាប្រកាន់ខ្ជាប់នូវមធ្យោបាយការទូត និងការដោះស្រាយបញ្ហាដោយសន្តិវិធី ព្រមទាំងការរក្សាព្រំដែនរបស់ ខ្លួនជាមួយប្រទេសជិតខាងជាព្រំដែនសន្តិភាព ស្ថេរភាព ការអភិវឌ្ឍន៍ និងកិច្ចសហប្រតិបត្តិការដែលផ្តល់ប្រយោជន៍ឱ្យ គ្នាទៅវិញទៅមក។ កម្ពុជាប្តេជ្ញាចិត្តក្នុងការការពារបូរណភាពទឹកដីទោះក្នុងតម្លៃណាក៏ដោយ។ក្នុងន័យនេះ ក្រសួងការពារជាតិបានអំពាវនាវឱ្យសាធារណជនទាំងអស់មេត្តាកុំជឿ និងផ្សព្វផ្សាយនៅតាម បណ្តាញ ទំនាក់ទំនងសង្គមនូវព័ត៌មានមិនពិត ដែលអាចរុញច្រានស្ថានការណ៍នៅតាមបណ្តោយព្រំដែនឱ្យមានអស្ថិរភាព និង អសន្តិសុខ ព្រមទាំងបង្កផលប៉ះពាល់ដល់ទំនាក់ទំនងរបស់កងទ័ព ការប្រព្រឹត្តទៅនៃជីវភាពធម្មតារបស់ប្រជាពលរដ្ឋ ក៏ ដូចជារបស់ប្រទេសជាតិទាំងសងខាង។ ក្រសួងការពារជាតិក៏សូមស្នើឱ្យសាធារណជនទាំងអស់ ទទួលយកតែព័ត៌មាន ដែលមានប្រភពច្បាស់លាស់ និងផ្លូវការ ជាពិសេសការប្រកាសព័ត៌មានរបស់ក្រសួងការពារជាតិ៕

អគ្គបណ្ឌិតសភាចារ្យ អូន ព័ន្ធមុនីរ័ត្ន៖ កម្ពុជាកំពុងខិតខំពង្រីកកិច្ចសហប្រតិបត្តិការលើពាណិជ្ជកម្ម និងវិនិយោគទ្វេភាគីរវាងកម្ពុជា-អាមេរិក

កម្ពុជាបាននឹងកំពុងកិច្ចខិតខំពង្រឹង និងពង្រីកកិច្ចសហប្រតិបត្តិការទ្វេភាគីកម្ពុជា-សហរដ្ឋអាមេរិក និងការដោះស្រាយកត្តាដែល មានឥទ្ធិពលអវិជ្ជមាន ចំពោះទំនាក់ទំនងពាណិជ្ជកម្ម និងវិនិយោគទ្វេភាគី, ការប្ដេជ្ញាចិត្តបង្ការ និងបង្រ្កាបបទល្មើស និងទប់ស្កាត់ការ ក្លែងបន្លំដើមកំណើតទំនិញដើម្បីជំរុញការធ្វើពាណិជ្ជកម្មប្រទេសទាំងពីរឱ្យកាន់តែប្រសើរ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី ២៧ ខែឧសភា ឆ្នាំ ២០២៥ នេះបានទទួលជួបពិភាក្សាការងារជាមួយលោកស្រី Bridgette Walker ភារៈធារីស្តីទីនៃស្ថានទូតសហរដ្ឋ- អាមេរិក ប្រចាំព្រះរាជាណាចក្រកម្ពុជា ក្នុងកិច្ចខិតខំពង្រឹង និងពង្រីកកិច្ចសហប្រតិបត្តិការទ្វេភាគី ឱ្យបានកាន់តែស៊ីជម្រៅ និងល្អ ប្រសើរថែមទៀត ដែលរួមចំណែកយ៉ាងធំធេង ក្នុងគាំទ្រដល់ការអភិវឌ្ឍសេដ្ឋកិច្ច និងសង្គមកម្ពុជា។ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី បានលើកឡើងអំពើគោលដៅកម្ពុជា ក្នុងការចាកចេញពីប្រទេសដែល មានការអភិវឌ្ឍតិចតួចនៅឆ្នាំ២០២៩ និងគោលដៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០។ ក្នុងការសម្រេចគោលដៅ នេះ, កម្ពុជាត្រូវការរក្សាឲ្យបាននូវកំណើនសេដ្ឋកិច្ចខ្ពស់ ពិពិធកម្មសេដ្ឋកិច្ច និងស្ថានភាពម៉ាក្រូសេដ្ឋកិច្ច ពិសេសការទាញយក សក្តានុពលនៃមូលធនឯកជនពីអ្នកវិនិយោគបរទេស និងដៃគូវិនិយោគ ដោយក្នុងនោះសហអាមេរិក ជាដៃគូសហការដ៏ល្អប្រសើរ និង ទីផ្សារដ៏ធំរបស់កម្ពុជា ដែលបានដើរតួនាទីយ៉ាងសំខាន់នៅក្នុងការជួយបង្កើនកំណើនសេដ្ឋកិច្ច និងអភិវឌ្ឍន៍សង្គមកម្ពុជា។ ក្នុងជំនួបនេះ ភាគីទាំងពីរក៏បានពិភាក្សាអំពីករណីអត្រាពន្ធគយបដិការ រវាងកម្ពុជានិងសហរដ្ឋអាមេរិក, ក្នុងនោះឯកឧត្តម អគ្គបណ្ឌិតសភាចារ្យ បានជម្រាបជូនថា កម្ពុជាបានខិតខំរៀបចំ និងដោះស្រាយកត្តាដែលមានឥទ្ធិពលអវិជ្ជមាន ចំពោះទំនាក់ទំនង ពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិកដូចជា៖ បានបង្កើតក្រុមការងារចំពោះកិច្ច សម្របសម្រួលទំនាក់ទំនង ពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាម៉េរិក។ បន្ថែមលើនេះ, រាជរដ្ឋាភិបាលកម្ពុជាប្ដេជ្ញាចិត្តខ្ពស់ក្នុងការពង្រឹង នីតិវិធី បង្ការ និងបង្រ្កាបបទល្មើស និងទប់ស្កាត់ការក្លែងបន្លំដើមកំណើតទំនិញ និងជំរុញការអនុវត្តច្បាប់ស្ដីពីវិធានដើមកំណើតទំនិញ ប្រកបដោយតម្លាភាព សម្រាប់ការនាំចេញទំនិញទៅកាន់ទីផ្សារសហរដ្ឋអាមេរិក។ ជាក់ស្តែង, រាជរដ្ឋាភិបាលកម្ពុជា បានដាក់ចេញនូវ ប្រកាសអន្តរក្រសួង ស្តីពីវិធានការសម្រាប់បង្ការ និងទប់ស្កាត់ការក្លែងបន្លំដើមកំណើតទំនិញ សម្រាប់ការនាំចេញទំនិញមួយចំនួនទៅ កាន់ទីផ្សារអាមេរិក និងប្រកាសរបស់ក្រសួងពាណិជ្ជកម្ម ស្ដីពីនីតិវិធីក្នុងការស្នើសុំ និងការចេញលិខិតអនុញ្ញាតបញ្ជាក់ដើមកំណើត ទំនិញ សម្រាប់ការនាំចេញទំនិញទៅកាន់ទីផ្សារអាមេរិក ដើម្បីជំរុញទាក់ទាញវិនិយោគិនបរទេស ឱ្យមកបណ្តាក់ទុន។លោកស្រី Bridgette Walker បានសម្តែងនូវការសាទរចំពោះកម្ពុជា ក្នុងការអភិវឌ្ឍសង្គម-សេដ្ឋកិច្ច ពិសេសកិច្ចខិតខំ ប្រឹងប្រែងរបស់រាជរដ្ឋាភិបាលកម្ពុជា ក្នុងការធ្វើពិពិធកម្មប្រភពវិនិយោគឯកជន។ ជាមួយគ្នានេះ, លោកស្រី ក៏បានចែករំលែកនូវការ ព្រួយបារម្ភអំពីបទល្មើសឆបោកអនឡាញ (Scams), សន្តិសុខអ៊ីនធឺណែត (Cyber Security) និងហិរញ្ញវត្ថុតាមប្រព័ន្ធអ៊ីនធឺណែត ដែលជះឥទ្ធិពលអវិជ្ជមានដល់បរិយាកាសវិនិយោគ និងសេដ្ឋកិច្ចនៅកម្ពុជាក៏ដូចជានៅក្នុងតំបន់។ លោកស្រីក៏បានជម្រាបជូនថា ក្រសួងរតនាគារសហរដ្ឋអាមេរិក បានបង្ហាញជំហរផ្ដល់ការគាំទ្រជាជំនួយបច្ចេកទេសដល់កម្ពុជា ពាក់ព័ន្ធទៅនឹងការពង្រឹងសមត្ថភាព នៃការគ្រប់គ្រងហិរញ្ញវត្ថុសាធារណៈ ប្រកបដោយប្រសិទ្ធភាព តម្លាភាព និងបង្កើនភាពធន់ នៃវិស័យហិរញ្ញវត្ថុ៕អត្ថបទ៖ សុន រ៉ាឌី

កម្ពុជាបន្តបោះជំហាន ក្នុងដំណើរឆ្ពោះទៅបញ្ចប់ជំងឺអេដស៍ ដែលជាការគំរាមកំហែងដល់សុខភាពសាធារណៈ

នាព្រឹកថ្ងៃទី២៨ ខែឧសភា ឆ្នាំ២០២៥នេះ អាជ្ញាធរជាតិប្រយុទ្ធនឹងជំងឺអេដស៍ បានបើកសន្និសីទសារព័ត៌មានស្តីពីលទ្ធផលសម្រេចបានថ្មី នៃគោលដៅ៩៥-៩៥-៩៥ និងទស្សនកិច្ចរបស់លោកជំទាវ Winnie Byanyima អគ្គលេខាធិការរងអង្គការសហប្រជាជាតិ និងជានាយិកាប្រតិបតិ្តអង្គការ UNAIDS ។ដោយមានកិច្ចសហការយ៉ាងជិតស្និទ្ធរវាងស្ថាប័នរាជរដ្ឋាភិបាល សង្គមស៊ីវិល សហគមន៍ កាកបាទក្រហមកម្ពុជា និងដៃគូអភិវឌ្ឍ និងដោយមានការគាំទ្រឥតឈប់ឈរពីសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងជាប្រធានព្រឹទ្ធសភា និងពីសម្តេចមហាបវរធីបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ការគណនាប៉ាន់ប្រមាណការរីករាលមេរោគអេដស៍នៅឆ្នាំ២០២៥បញ្ជាក់សារជាថ្មីឡើងវិញ នូវកេរ្តិ៍ឈ្មោះរបស់ប្រទេសកម្ពុជាថា ជាប្រទេសឈានមុខគេក្នុងពិភពលោកក្នុងការឆ្លើយតបនឹងមេរោគអេដស៍។យោងតាមការប៉ាន់ប្រមាណការរាលដាលនៃមេរោគអេដស៍ ចំនួនអ្នកឆ្លងមេរោគអេដស៍ថ្មីបានថយចុះមកត្រឹម១ ២០០នាក់ ក្នុងឆ្នាំ២០២៤ ដែលជាការថយចុះ៤៥% ពីកម្រិតមូលដ្ឋាននៅឆ្នាំ២០១០ និងជាការថយចុះជាង៩០% ចាប់តាំងពីការឆ្លងរីករាលដាលនៃមេរោគច្រើនបំផុតនៅចុងទសវត្សរ៍ឆ្នាំ ១៩៩០។ លើសពីនេះទៀត ការចម្លងមេរោគអេដស៍ពីម្តាយទៅកូនបានធ្លាក់ចុះមកត្រឹម៦.៩% ក្នុងឆ្នាំ ២០២៤ ដោយស្ត្រីមានផ្ទៃពោះជាង៩៧%នៃអ្នកផ្ទុកមេរោគអេដស៍បានទទួលការព្យាបាលដោយឱសថប្រឆាំងមេរោគអេដស៍ ដើម្បីបង្ការការចម្លងមេរោគអេដស៍ពីម្តាយទៅកូន។វឌ្ឍនភាពឆ្ពោះទៅគោលដៅព្យាបាលមេរោគអេដស៍ជាសកល៩៥-៩៥-៩៥បានបន្ត៖ ៩២%នៃអ្នកផ្ទុកមេរោគអេដស៍ដែលបានដឹងពីស្ថានភាពរបស់ខ្លួន នៅឆ្នាំ២០២៤ (កើនឡើងពី៨៩% ក្នុងឆ្នាំ២០២៣)។ ១០០%នៃអ្នកផ្ទុកមេរោគអេដស៍ដែលបានដឹងពីស្ថានភាពរបស់ខ្លួន កំពុងស្ថិតក្នុងការព្យាបាល។ ៩៨%នៃអ្នកដែលកំពុងព្យាបាល មានបន្ទុកមេរោគអេដស៍កម្រិតទាប។ ទោះបីជាមានភាពជឿនលឿនទាំងនេះក៏ដោយ ក៏បញ្ហាប្រឈមនៅតែមាន។ ការឆ្លងថ្មីនៅតែមានកម្រិតខ្ពស់ក្នុងចំណោមប្រជាជនគន្លឺះៗ រួមមានបុរសដែលរួមភេទជាមួយបុរស អ្នកបំប្លែងភេទ ស្ត្រីក្នុងសេវាកម្សាន្តនិងអ្នកដែលប្រើប្រាស់/ចាក់គ្រឿងញៀន។ បច្ចុប្បន្ននេះ ៤៤%នៃករណីឆ្លងមេរោគអេដស៍ថ្មីៗ គឺជាយុវវ័យដែលមានអាយុពី១៥ទៅ២៤ឆ្នាំ។ និន្នាការមួយគួរឱ្យព្រួយបារម្ភនេះបណ្តាលមកពីការថយចុះចំណេះដឹងមូលដ្ឋានអំពីមេរោគអេដស៍នៅក្នុងចំណោមយុវវ័យ។ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានមានប្រសាសន៍ថា៖ ការឆ្លើយតបនឹងមេរោគអេដស៍ជាតិរបស់យើងត្រូវតែឈរលើសសរស្តម្ភបីគឺ៖ ភាពជាអ្នកដឹកនាំ ឬភាពជាម្ចាស់ ភាពជាដៃគូ និងការវិនិយោគ ដែលរំលេចចេញពីគោលការណ៍ណែនាំជាយុទ្ធសាស្ត្រសំខាន់ៗនៅក្នុងផែនការយុទ្ធសាស្រ្តជាតិលើកទី៦ របស់យើង មានជាអាទិ៍ ការដឹកនាំនៅថ្នាក់ជាតិ និងសហគមន៍ និងភាពជាម្ចាស់ ការតម្រឹមជាមួយគោលដៅអភិវឌ្ឍន៍ប្រកបដោយចីរភាព និងអាទិភាពជាតិ ការធានាចីរភាព កិច្ចសហប្រតិបត្តិពហុវិស័យ អភិក្រមដែលផ្តោតលើមនុស្ស និងសមធម៌ អន្តរាគមន៍ដែលផ្អែកលើភស្តុតាង គណនេយ្យភាព និងតម្លាភាព។ នេះជារបៀបដែលកម្ពុជានឹងឈានទៅសម្រេចគោលដៅក្នុងការបញ្ចប់ជំងឺអេដស៍ ខណៈពេលដែលធានានូវចីររភាពនៃកម្មវិធីមេរោគអេដស៍របស់យើង។លោកស្រី Patricia Ongpin នាយិកាអង្គការUNAIDS ប្រចាំកម្ពុជា បានកោតសរសើរចំពោះសមិទ្ធផលរបស់កម្ពុជា ខណៈពេលដែលលោកស្រីគូសបញ្ជាក់ឱ្យមានការប្រុងប្រយ័ត្នអំពីផ្លូវឆ្ពោះទៅមុខ ដោយលើកឡើងថា៖ កំណាត់ផ្លូវចុងក្រោយដើម្បីសម្រេចបានគោលដៅនឹងមិនងាយស្រួលនោះទេ ប៉ុន្តែវាស្ថិតនៅលើដៃរបស់កម្ពុជា។ ការធានាចីរភាពដើម្បីបន្ថយផលប៉ះពាល់នៃការរាលដាលមេរោគអេដស៍ក៏កាន់តែមានសារៈសំខាន់ទៅទៀត។ តាមរយៈកិច្ចខិតខំប្រឹងប្រែងរួមគ្នាក្នុងការផ្តល់សេវាបង្ការមេរោគអេដស៍រួមបញ្ចូលគ្នានៅគ្រប់កម្រិតនិងគ្រប់វិស័យ និងតាមរយៈការដោះស្រាយឧបសគ្គនានាដែលបណ្តាលមកពីការមាក់ងាយ និងការរើសអើងចំពោះអ្នករស់នៅជាមួយមេរោគអេដស៍ អ្នករងផលប៉ះពាល់ ឬអ្នកប្រឈមនឹងមេរោគអេដស៍ កម្ពុជាអាចសម្រេចបាននូវគោលដៅប្រកបដោយមហិច្ឆិតារបស់ខ្លួន និងធ្វើជាគំរូសម្រាប់តំបន់ និងពិភពលោក។លោកសាស្ត្រាចារ្យជំនួយ អ៊ុក វិជ្ជា នាយកមជ្ឈមណ្ឌលជាតិប្រយុទ្ធនឹងជំងឺអេដស៍ និងសើស្បែក និងកាមរោគ បានបញ្ជាក់ថា ដើម្បីសម្រេចបាននូវគោលដៅផែនការយុទ្ធសាស្រ្តជាតិទីប្រាំមួយ ដែលកំណត់ថា ការឆ្លងថ្មីនៃមេរោគអេដស៍ ធ្លាក់តិចជាង២០០ករណី ក្នុងមួយឆ្នាំ នៅឆ្នាំ២០២៨ យើងត្រូវពន្លឿនការបង្ការ ពង្រឹងប្រព័ន្ធទិន្នន័យ និងវិនិយោគបន្ថែមទៀតដើម្បីឈានទៅធ្វើអន្តរាគមន៍ដល់ប្រជាជនគន្លឹះដែលនៅសេសសល់៕អត្ថបទ រដ្ឋា

ឯកឧត្តម ហ៊ុន ម៉ានី៖ សាលាភូមិន្ទរដ្ឋបាលសម្រេចបន្ថែមមុខវិជ្ជា «ឧត្តមភាពមន្ត្រីរាជការ» ក្នុងការបណ្តុះបណ្តាលដើម្បីផ្សារភ្ជាប់មនសិការ ស្មារតី វិជ្ជាជីវៈជាមន្ត្រីរាជការឱ្យសិស្សមន្ត្រី

ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានមានប្រសាសន៍បញ្ជាក់ថា សាលាភូមិន្ទរដ្ឋបាលបានសម្រេចបន្ថែមមុខវិជ្ជា «ឧត្តមភាពមន្ត្រីរាជការ» ទៅក្នុងការបណ្តុះបណ្តាលរបស់ខ្លួន។ មុខវិជ្ជាបន្ថែមនេះ រៀបចំឡើងក្នុងគោលបំណងផ្សារភ្ជាប់មនសិការ ស្មារតី វិជ្ជាជីវៈជាមន្ត្រីរាជការ ឱ្យសិស្សមន្ត្រី និងធ្វើឱ្យក្របខណ្ឌនៃការបណ្តុះបណ្តាល នៅសាលាភូមិន្ទរដ្ឋបាល កាន់តែមានភាពពេញលេញ ទាំងការបណ្តុះជំនាញ ចំណេះដឹង ចំណេះធ្វើដោយប្រើប្រាស់ចំណេះដឹងទាំងអស់នេះ ដើម្បីបម្រើប្រទេសជាតិ និងប្រជាជន។ឯកឧត្តម ហ៊ុន ម៉ានី មានប្រសាសន៍បញ្ជាក់ថាបែបនេះ ចូលរួមជាតំណាងដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីបិទវគ្គបណ្តុះបណ្តាលឆ្នាំ២០២៤ និងបើកវគ្គបណ្តុះបណ្តាលឆ្នាំ២០២៥ នៃសាលាភូមិន្ទរដ្ឋបាលកាលពីថ្ងៃទី២៧ ខែឧសភា ឆ្នាំ២០២៥ នៅវិទ្យាស្ថានបច្ចេកវិទ្យាកម្ពុជា។ឯកឧត្តម ឧបនាយករដ្ឋមន្ត្រី បានថ្លែងថា ការរៀបចំនេះ ជាការដើរស្របជាមួយបរិបទនៃការទម្រង់រដ្ឋបាលសាធារណៈក្នុងអភិក្រម «ជវភាពនៃប្រព័ន្ធតួអង្គតែមួយ» ដែលទាមទារការចូលរួម ពីគ្រប់ក្រសួងស្ថាប័នពាក់ព័ន្ធព្រមទាំងមន្ត្រីរាជការគ្រប់រូបជាមួយឆន្ទៈ មនសិការជាតិ ដោយហ៊ានលះបង់ ដើម្បីប្រយោជន៍ជាតិជាធំ។ ការបញ្ជ្រាបឧត្តមភាពមន្ត្រីរាជការ មិនត្រឹមតែជំរុញឱ្យមានការចូលរួមក្នុងការកែទម្រង់តែប៉ុណ្ណោះទេ ថែមទាំងជំរុញឱ្យការផ្តល់សេវាសាធារណៈជូនប្រជាជន មានប្រសិទ្ធភាព និងគុណភាព ស្របតាមប្រសាសន៍របស់សម្តេចអគ្គមហាសេនាបតីតេជោ "... ការកែទម្រង់ត្រូវយកប្រជាពលរដ្ឋជាគោល...ត្រូវបម្រើប្រជាពលរដ្ឋឱ្យចំគោលដៅ។"ឯកឧត្តមបានសង្គត់ធ្ងន់ថា៖«ក្នុងនាមជាមន្ត្រីរាជការ គួរចាត់ទុកតួនាទីរបស់ខ្លួន មិនត្រឹមតែលើការងារតែប៉ុណ្ណោះទេ ប៉ុន្តែជាបេសកកម្ម ក្នុងការបំពេញការងារប្រកបដោយឆន្ទៈម្ចាស់ការ និងក្រមសីលធម៌វិជ្ជាជីវៈ ដើម្បីបុព្វហេតុជាតិ និងប្រជាជន។ ឧត្តមគតិជាមន្ត្រីរាជការ ត្រូវឈរក្នុងតម្លៃ ដែលឆ្លុះបញ្ចាំង ពីការទទួលខុសត្រូវនៃអភិបាលកិច្ចល្អ និងសេចក្តីទុកចិត្តពីប្រជាជន»៕

បណ្ដាញសង្គម

ព័ត៌មានថ្មីៗ

អាមេរិក គំរាមជើងហោះហើរប្រទេសម៉ិកស៊ិកជុំវិញការដឹកទំនិញ និងបញ្ហាប្រកួតប្រជែង

លោក Trump និយាយថា លោកនឹងជួយពលរដ្ឋអាហ្វហ្គានីស្ថានដែលត្រូវបានឃុំខ្លួននៅអារ៉ាប់រួម

អ្នកប្រយុទ្ធBedouin ធ្វើដំណើរទៅភូមិក្បែរក្រុង Sweida ខណៈស៊ីរីនិយាយថាបទឈប់បាញ់នៅតែមាន

ក្រុមសិទ្ធិមនុស្ស៖ ការប៉ះទង្គិចរវាងនិកាយផ្សេងគ្នានៅស៊ីរីបណ្តាលឲ្យមនុស្សជាង១.០០០ នាក់ស្លាប់

អ៊ីរ៉ង់ នឹងបើកកិច្ចចរចានុយក្លេអ៊ែរជាមួយប្រទេសមហាអំណាចអឺរ៉ុបចំនួន៣ នៅថ្ងៃសុក្រ

កូរ៉េខាងត្បូង កំពុងពិនិត្យមើលជម្រើសមួយចំនួនដើម្បីកែលម្អទំនាក់ទំនងជាមួយកូរ៉េខាងជើង

គ្រួសារចំណាប់ថ្នូរអ៊ីស្រាអែល "ភ័យខ្លាច" បន្ទាប់ពីយោធាគ្រោងបង្កើនប្រតិបត្តិការនៅភាគកណ្តាលហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877