BTV NEWS

អ្នកនាំពាក្យ៖ ស្ថានការណ៍វិវត្តថ្មីៗនៅតាមព្រំដែនកម្ពុជាថៃនៅតែជាកិច្ចការងារការទូតសកម្មរបស់រាជរដ្ឋាភិបាល

អតីតពលករជាង ៥ពាន់នាក់ ទទួលបានវិញ្ញាបនបត្រទទួលស្គាល់សមត្ថភាពជាផ្លូវការពីរាជរដ្ឋាភិបាល

ជប៉ុនស្នើដល់កម្ពុជាឱ្យពិនិត្យលទ្ធភាពផ្តល់ការលើកលែងទិដ្ឋាការដល់ភ្ញៀវទេសចរជប៉ុន

ជប៉ុនចែករំលែកគន្លឹះសំខាន់ៗដើម្បីជាធាតុចូល សម្រាប់រៀបចំផែនការមេស្របតាមស្តង់ដារអន្តរជាតិ

ព័ត៌មានជាតិ

នាយករដ្ឋមន្ត្រីវៀតណាម កោតសរសើរវឌ្ឍនភាព និងការរីកចម្រើនរបស់កម្ពុជាក្រោមការដឹកនាំរបស់សម្ដេចធិបតី

នាល្ងាច ថ្ងៃទី៦ ខែវិច្ឆិកា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និង ឯកឧត្ដម ផាម មិញជីញ (Pham Minh Chinh) នាយករដ្ឋមន្ត្រី នៃសាធារណរដ្ឋសង្គមនិយមវៀតណាម បានជួបពិភាក្សាការងារ នាឱកាសនៃការអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨ នៅថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណរដ្ឋប្រជាមានិតចិន។ ក្នុងឱកាសនៃជំនួប សម្ដេចបវរធិបតីបានថ្លែងអំណរគុណដល់រដ្ឋាភិបាល និងអាជ្ញាធរវៀតណាម ដែលបានសម្របសម្រួលពិធីដង្ហែអង្គកឋិនទានមហាសាមគ្គីគ្រួសារខ្មែរ ទៅកាន់វត្តពោធិគិរីវង្សារាម ( ហៅវត្តស្វាយសៀមថ្មី ) ស្ថិតនៅខេត្តត្រាវិញ សាធារណរដ្ឋសង្គមនិយមវៀតណាម ដែលដឹកនាំដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា កាលពីពេលថ្មីៗនេះ។ សម្ដេចបវរធិបតីបានគូសបញ្ជាក់អំពីការរីកចម្រើននៃទំនាក់ទំនងកម្ពុជា-វៀតណាម ជាពិសេសនៅក្នុងវិស័យពាណិជ្ជកម្ម និងសេដ្ឋកិច្ច។ ជាក់ស្ដែង ទំហំពាណិជ្ជកម្មទ្វេភាគីរវាងប្រទេសទាំងពីរក្នុងរយៈពេល ១០ខែ នៃឆ្នាំ២០២៤ មានកំណើនគួរឱ្យកត់សម្គាល់ បើធៀបជាមួយនឹងរយៈពេលដូចគ្នា ក្នុងឆ្នាំ២០២៣ កន្លងទៅ។ ជាការឆ្លើយតប ឯកឧត្ដមនាយករដ្ឋមន្ត្រីវៀតណាមបានកោតសរសើរវឌ្ឍនភាព និងការរីកចម្រើនរបស់កម្ពុជា ក្រោមការដឹកនាំរបស់សម្ដេចបវរធិបតី ទោះបីជាប្រឈមនឹងសម្ពាធសេដ្ឋកិច្ចសកលក៏ដោយ។ ម្យ៉ាងទៀត កិត្តិសព្ទរបស់កម្ពុជានៅលើឆាកអន្តរជាតិក៏ត្រូវបានលើកកម្ពស់បន្ថែមទៀត។ ឯកឧត្ដមនាយករដ្ឋមន្ត្រីវៀតណាមបានសម្ដែងនូវសេចក្ដីរីករាយចំពោះពិធីដង្ហែអង្គកឋិនទានមហាសាមគ្គីគ្រួសារខ្មែរ ទៅកាន់វត្តពោធិគិរីវង្សារាម ( ហៅវត្តស្វាយសៀមថ្មី ) ប្រទេសវៀតណាម ដែលបានប្រព្រឹត្តទៅប្រកបដោយសុវត្ថិភាព។ សម្ដេចបវរធិបតី និងឯកឧត្ដមនាយករដ្ឋមន្ត្រីវៀតណាម ក៏បានពិភាក្សាអំពីការបន្តពង្រឹង និងពង្រីកកិច្ចសហប្រតិបត្តិការទ្វេភាគីនៃប្រទេសទាំងពីរ ទៅលើវិស័យសំខាន់ៗមួយចំនួន រួមមាន៖ វិស័យទេសចរណ៍, ការតភ្ជាប់ហេដ្ឋារចនាសម្ព័ន្ធ, វិស័យថាមពល, ការផ្លាស់ប្ដូរប្រជាជន និងប្រជាជន ក៏ដូចជា ការអប់រំ យុវជន និងវប្បធម៌ ផងដែរ៕

នគរបាលរាជធានីនឹងបង្រាយកម្លាំងជិត ៥ពាន់នាក់ការពាសន្តិសុខក្នុងព្រះរាជពិធីបុណ្យអុំទូក

នគរបាលរាជធានីភ្នំពេញ នឹងប្រើប្រាស់កម្លាំងជិត៥ពាន់នាក់ ត្រៀមការពារសន្តិសុខ និងរបៀបរៀបរយសាធារណៈ ជូនប្រជាពលរដ្ឋ នៅក្នុងព្រះរាជពីធីបុណ្យអុំទូក ខាងមុខ ។ ឯកឧត្ដមឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញបានប្រាប់ឱ្យដឹងថា កិច្ចការងារការពារសន្តិសុខ និងរក្សាបានរបៀបរៀបរយសាធារណៈ គឺជាកាតព្វកិច្ចរបស់សមត្ថកិច្ច ក៏ដូចជាកម្លាំងគណៈបញ្ជាការឯកភាពថ្នាក់រាជធានី និងថ្នាក់ជាតិ ត្រូវសហការ ដើម្បីថែរក្សាឱ្យបានល្អប្រសើរ ក្នុងឱកាស នៃព្រះរាជពិធីបុណ្យអុំទូក ដែលនឹងកាន់តែគៀកខិតមកដល់ ។ ឯកឧត្តមស្នងការបញ្ជាក់ថា ឆ្នាំនេះ នគរបាលបង្កើនគោលដៅបញ្ចៀសចរាចរណ៍ច្រើនជាងមុន ដើម្បីបញ្ចៀសយានយន្តផ្សេងៗ មិនឱ្យចូលទៅក្នុងរង្វង់ទីតាំងប្រារព្ធពិធីនោះឡើយ ក្នុងការទុកលទ្ធភាព ឱ្យបងប្អូនប្រជាពលរដ្ឋ អាចដើរដោយថ្មើរជើង លេងកម្សាន្តដោយភាពសប្បាយរីករាយ ។ សូមបញ្ជាក់ថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នឹងប្រារព្ធឡើងរយៈពេល០៣ថ្ងៃ គឺនៅថ្ងៃទី១៤ , ១៥ , ១៦ ខែវិច្ឆិកា ឆ្នាំ២០២៤ខាងមុខនេះ៕ អត្ថបទ ៖ លីហេង

ប្រវត្តិវិទូកំពុងរួមគ្នាចងក្រងប្រវត្តិសាស្ដ្រខ្មែរ៥ដំណាក់កាល ដើម្បីបញ្ឈប់ការខ្វែងគំនិតគ្នារវាងខ្មែរ និងខ្មែរ

អ្នកជំនាញផ្នែកសិក្សាស្រាវជ្រាវប្រវត្តិសាស្ត្រ នៃរាជបណ្ឌិត្យសភាកម្ពុជា បាននឹងកំពុងរួមគ្នាសរសេរចងក្រងប្រវត្តិសាស្ត្ររបស់កម្ពុជា ចំនួន៥ដំណាក់កាល ឱ្យបានច្បាស់លាស់ ដើម្បីឱ្យប្រជាពលរដ្ឋខ្មែរទាំងអស់ បាន យល់ដឹង លែងខ្វែងគំនិតគ្នាទៅលើបញ្ហាប្រវត្តិសាស្ត្រខ្លួនឯង ។ក្នុងសន្និសីទអន្តរជាតិ ស្ដីពីប្រវត្តិសាស្ត្រប្រទេសកម្ពុជាក្នុងសម័យអាណានិគមបារាំង ដែលមានវាគ្មិនជាតិ និងអន្តរជាតិជាច្រើនរូបធ្វើបទបង្ហាញ រយៈពេល២ថ្ងៃ គឺថ្ងៃទី៧ និងទី៨ ខែវិច្ឆិកា នេះ ឯកឧត្តមបណ្ឌិត សភាចារ្យ សុខ ទូច ប្រធានរាជបណ្ឌិត្យសភាកម្ពុជា បានមានប្រសាសន៍ថា សម្រាប់ឯកសារប្រវត្តិសាស្ត្រទាំង៥ ដំណាក់កាល ទី១. សម័យបុរេប្រវត្តិ, ទី២. សម័យមុនអង្គរ, ទី៣. សម័យអង្គរ, ទី៤. សម័យក្រោយអង្គរ និង ទី៥. សម័យទំនើប ដែលទាំងអស់នេះ គណៈកម្មការស្រាវជ្រាវ កំពុងធ្វើការចងក្រង ។ឯកឧត្តម វង្សី វិស្សុត ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី បានមានប្រសាសន៍ថា ការសរសេរឡើងនូវប្រវត្តិខ្មែរឱ្យបានច្បាស់លាស់នេះ មិនមែនជាការចង់កកូរកកាយ ធ្វើឱ្យមានការរើសអើង ជាមួយប្រទេសនានា ឬចង់បង្កបញ្ហាអ្វីនោះទេ គឺគ្រាន់តែចង់ឱ្យកូនខ្មែរបានដឹងពីប្រវត្តិខ្មែរពិតប្រាកដ ច្បាស់ លាស់ ដើម្បីកុំឱ្យមានការខ្វែងគំនិតគ្នា ។ឯកឧត្តមបណ្ឌិតសភាចារ្យ សុខ ទូច បានបញ្ជាក់ថា សម្រាប់សន្និសីទអន្តរជាតិ ស្ដីពីប្រវត្តិសាស្ត្រកម្ពុជា ក្នុងសម័យអាណានិគមបារាំង ធ្វើឡើងដោយឈរលើគោលការណ៍មួយចំនួន ក្នុងនោះបានដឹងនូវអ្វីដែលកម្ពុជាបាត់បង់, បានដឹងពីមូលហេតុដែលកម្ពុជាបានបាត់បង់, បានដឹងពីអ្វីដែលត្រូវចងក្រងឯកសារឡើងវិញពីប្រវត្តិសាស្ត្រខ្មែរ និងបានដឹងពីអត្ថប្រយោជន៍នៃឯកសារប្រវត្តិសាស្ត្រទាំងអស់នេះ ។ចំណែក ឯកឧត្តម វង្សី វិស្សុត បានជំរុញរាជបណ្ឌិត្យសភាកម្ពុជា បន្តធ្វើកម្មវិធីសន្និសីទអន្តរជាតិនេះទៀត ដែលក្រៅពីប្រធានបទខ្មែរក្នុងអាណានិគមបារាំង គឺនៅមានសម័យហ្វូណន សម័យមុនអង្គរសម័យអង្គរ និងសម័យក្រោយអង្គរ ជាដើម ដើម្បីឱ្យសិស្សនិស្សិតសិក្សាប្រវត្តិសាស្ត្រមានប្រភពស្រាវជ្រាវកាន់តែច្រើន៕ អត្ថបទ៖ បាន សុខរិទ្ធិ

ក្រុមការងារអន្តរក្រសួងរៀបចំផែនការទាក់ទាញទេសចរអន្តរជាតិទស្សនាខេត្តសៀមរាបឲ្យមានកំណើនគ្រប់រដូវ

នៅថ្ងៃទី៧ ខែវិច្ឆិកានេះ ក្រុមការងារអន្តរក្រសួង នៃគណៈកម្មគ្រប់គ្រង និងអភិវឌ្ឍន៍ទេសចរណ៍សៀមរាបអង្គរ បើកកិច្ចប្រជុំឆ្លងសេចក្តីព្រាង ផែនការអភិវឌ្ឍន៍ទេសចរណ៍ខេត្តសៀមរាប ឆ្នាំ២០២៥ -ឆ្នាំ២០២៨ ដែលក្នុងសេចក្តីព្រាងផែនការគឺមានគោលបំណងសំខាន់ជំរុញការរៀបចំទាក់ទាញភ្ញៀវទេសចរអន្តរជាតិទស្សនាខេត្តសៀមរាប ឲ្យកំណើននៅរដូវកាល។ឯកឧត្តម ថោង ខុន ទេសរដ្ឋមន្ត្រីទទួលបន្ទុកបេសកម្មពិសេស និងជាប្រធានគណៈកម្មគ្រប់គ្រង និងអភិវឌ្ឍន៍ទេសចរណ៍សៀមរាប អង្គរ ថ្លែងថា នៅក្នុងកិច្ចប្រជុំ ឆ្លងសេចក្តីព្រាងគណៈកម្មការថ្ងៃនេះ បានបង្ហាញសេចក្តីព្រាងចំនួន២ រួមមាន៖ សេចក្តីព្រាង វិធានការគន្លឹះអភិវឌ្ឍន៍ទេសចរណ៍ខេត្តសៀមរាប ឆ្នាំ២០២៥ និងសេចព្រាងផែនការអភិវឌ្ឍន៍ទេសចរណ៍ ខេត្តសៀមរាប ឆ្នាំ២០២៥ ឆ្នាំ២០២៨ ដែលក្នុងសេចក្តីព្រាងផែនការអភិវឌ្ឍនេះ គឺមានគោលបំណងសំខាន់ កាត់បន្ថយគន្លាតកំណើនភ្ញៀវទេសចរអន្តរជាតិទស្សនាខេត្តសៀមរាបនៅក្នុងរដូវភ្លៀងភ្ញៀវតិច និងរដូវទេសចរច្រើន ជំរុញការទាក់ទាញភ្ញៀវទេសចរអន្តរជាតិមកទស្សនាបាននៅគ្រប់រដូវមកច្រើនដង ស្នាក់នៅយូរ ចំណាយច្រើន។ឯកឧត្តម ណេប សាមុត រដ្ឋលេខាធិការធិការទីស្តីការគណៈរដ្ឋមន្ត្រី និងក្នុងនាមជាប្រធានលេខាធិការដ្ឋាន គណៈកម្មគ្រប់គ្រង និងអភិវឌ្ឍន៍ទេសចរណ៍សៀមរាប អង្គរថ្លែងថា នៅក្នុងដំណើររៀបចំទាក់ទាញភ្ញៀវទេសចរអន្តរមកទស្សនាខេត្តសៀមរាប អង្គរ ក្នុងរដូវភ្លៀង ទេសចរណ៍បៃតង គឺគណៈកម្មការក៏មានផែនការជំរុញរៀបចំព្រឹត្តិការណ៍ទេសចរណ៍ឲ្យបានច្រើន ជំរុញការរៀបចំកញ្ចប់ទេសចរណ៍ពិសេស និងផ្តល់គោលនយោបាយទិដ្ឋាការ ការស្នាក់នៅខេត្ត រៀបចំផលិតផលទេសចរណ៍ខេត្តសៀមរាបឲ្យមានគុណភាព និងទាក់ទាញជាដើម។ឯកឧត្តម ណេប សាមុត បន្តថា នៅក្នុងផែនការអភិវឌ្ឍន៍ទេសចរណ៍ខេត្តសៀមរាប ឆ្នាំ២០២៥ ឆ្នាំ២០២៨ ក៏នឹងរៀបចំគម្រោងអនុវត្តជាអាទិភាពចំនួន៧គម្រោង ជាពិសេសគម្រោងអភិវឌ្ឍសង្កាត់ទេសចរណ៍គំរូ រៀបចំវត្តទេសចរណ៍គំរូ អភិវឌ្ឍន៍ទេសចរណ៍ឌីជីថល និងការអភិវឌ្ឍតំបន់ចុងឃ្នៀស កំពង់ភ្លុក និងតំបន់គូលេន និងតំបន់មានសក្តានុពលរដ្ឋទេសចរណ៍នានាទៀត។ឯកឧត្តម បញ្ជាក់ថា ជារួមនៅក្នុងផែនការអភិវឌ្ឍន៍ទេសចរណ៍ខេត្តសៀមរាបនេះ នឹងជំរុញការទាក់ទាញភ្ញៀវទេសចរអន្តរជាតិទស្សនាសៀមរាបឲ្យបាន៤លាននាក់នៅឆ្នាំ២០២៨៕ អត្ថបទ៖ ស៊ុម សុខជា

អតីតសកម្មជនបក្សប្រឆាំង ទទូចដល់ក្រុមប្រឆាំងបញ្ឈប់ការធ្វើនយោបាយយកបរទេសជាឈ្នាន់ ដើម្បីតែបំផ្លាញជាតិ

អតីតសកម្មជនមកពីគណបក្សប្រឆាំង បានទទូចដល់ក្រុមប្រឆាំងឱ្យបញ្ឈប់ការធ្វើនយោបាយដោយយកបរទេសជាឈ្នាន់ក្នុងគោលបំណងដើម្បីតែបំផ្លាញប្រទេសជាតិ ដោយគួរតែងាកមកជាការបង្រួបបង្រួមជាតិតែមួយជាមួយគណបក្សប្រជាជនកម្ពុជា។ ថ្លែងប្រាប់BTV បន្ទាប់ពីចូលរូមក្នុងពិធីសំណេះសំណាល និងពិសាបាយសាមគ្គីជាមួយសមាជិកដែលពីមុនជាអតីតមន្រ្តីដឹកនាំ ថ្នាក់ដឹកនាំរាជធានី-ខេត្ត ក្រុង ស្រុក-ខណ្ឌ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា កាលពីថ្ងៃទី៦ ខែវិច្ឆិកា ឆ្នាំ២០២៤ម្សិលមិញ លោក ហៃ វណ្ណា អតីតសកម្មជនគណបក្សប្រឆាំងប្រចាំប្រទេសជប៉ុន បានបង្ហាញការពេញចិត្តចំពោះអនុសាសន៍យ៉ាងកក់ក្តៅ និងមានអត្ថន័យជ្រាលជ្រៅរបស់សម្តេចតេជោ ហ៊ុន សែន ដែលជាមេដឹកនាំឈរលើគោលការណ៍បង្រួបបង្រួមជាតិតែមួយ។ ក្នុងនោះ អតីតសកម្មជនគណបក្សប្រឆាំងរូបនេះ បានទទូចដល់ក្រុមប្រឆាំងឱ្យបញ្ឈប់ការធ្វើនយោបាយសាចទឹកដាក់គ្នា ហើយបង្ហាញអ្វីមិនចំណេញដល់ជាតិពីបរទេសនោះទេ។ អតីតសកម្មជនគណបក្សប្រឆាំងរូបនេះ អះអាងថា ប្តេជ្ញានឹងធ្វើខ្លួនប្រៀបបានជាស្ពានដល់យុវជនប្រឆាំងដើម្បីឱ្យយល់ច្បាស់ពីនយោបាយឈ្នះ ឈ្នះរបស់គណបក្សប្រជាជនកម្ពុជា។ ជាមួយគ្នានេះ លោក ខៃ រដ្ឋា អតីតអគ្គលេខាធិការនៃគណបក្សប្រឆាំងប្រចាំទ្វីបអាមេរិកខាងជើង បានបង្ហាញពីខុសគ្នាបន្ទាប់ពីចូលរួមជីវភាពនយោបាយជាមួយគណបក្សប្រជាជនកម្ពុជានោះ គឺថ្នាក់ដឹកនាំគណបក្សប្រជាជនកម្ពុជាតែងធ្វើកិច្ចការពិតប្រាកដ ដើម្បីសន្តិភាព អភិវឌ្ឍន៍ និងបម្រើប្រជាពលរដ្ឋនៅទូទាំងប្រទេស ដោយមិនគិតពីនិន្នាការនយោបាយ។ សូមជម្រាបថា ពិធីសំណេះសំណាល និងពិសាបាយសាមគ្គីជាមួយសមាជិកដែលពីមុនជាអតីតមន្រ្តីដឹកនាំ ថ្នាក់ដឹកនាំរាជធានី-ខេត្ត ក្រុង ស្រុក-ខណ្ឌ នាពេលនេះគឺជាជំនួបធំ និងលើកដំបូង ក្នុងចំណោមសមាជិកជាង១ម៉ឺននាក់ដែលបានសម្រេចចូលរួមជីវភាពនយោបាយជាមួយគណបក្សប្រជាជនកម្ពុជា៕ អត្ថបទ៖ សេក ឧត្តម

កសិផលខ្មែរចំនួន ៥មុខ ត្រូវបានជ្រើសរើស និងកែច្នៃក្នុងកម្មវិធីប្រកួតប្រជែងធ្វើម្ហូបអាហារ

ខណៈពិព័រណ៍វិស័យផ្គត់ផ្គង់ម្ហូបអាហារ ភេសជ្ជៈ សណ្ឋាគារ និងបដិសណ្ឋារកិច្ច បានកំពុងដំណើរការកម្មវិធីនេះ ក៏មានរៀបចំការប្រកួតប្រជែងធ្វើម្ហូបថ្នាក់ជាតិផងដែរ ដែលបង្ហាញពីភាពច្នៃប្រឌិតខាងផ្នែកម្ហូបអាហារ។ ក្នុងនោះ សមាគមចុងភៅកម្ពុជា បាននាំយកកសិផលរបស់កម្ពុជាចំនួន៥មុខ ដើម្បីដាក់ឱ្យកែច្នៃធ្វើជាមុខម្ហូប នៅក្នុងព្រឹត្តិការណ៍ប្រកួតប្រជែង។លោក តុង សេង ប្រធានសមាគមចុងភៅកម្ពុជាបានឲ្យដឹងថា កសិផលសំខាន់ៗទាំង៥មុខ របស់កម្ពុជានេះ រួមមាន៖ ប្រហុក គ្រាប់ស្វាយចន្ទីរ ទឹកត្រី ទឹកប៉េងប៉ោះ និងទឹកស៊ីអ៊ីវ ដែលសុទ្ធសឹងជាផលិតផលខ្មែរសុទ្ធសាធ។ លោករៀបរាប់បន្តថា មុខម្ហូបដែលបានលើកយកមកប្រឡងឆ្នាំនេះ មានដូចជានំបុ័ង និងការឆ្លាក់បន្លែផ្លែឈើជាដើម។ លោកប្រធានសមាគម បានឲ្យដឹងទៀតថា នៅក្នុងព្រឹត្តិការណ៍ប្រកួតប្រជែងនេះ បើសិនជាចុងភៅរូបណា អាចយកកសិផលទាំងនោះ មកកែច្នៃជាម្ហូប ហើយទទួលបានជ័យលាភី មុខម្ហូបនោះ នឹងត្រូវចាត់ចូលជាម្ហូបថ្នាក់ជាតិ ហើយនឹងផ្សព្វផ្សាយក្នុងការជំរុញនាំចេញកសិផលទាំងអស់នោះទៅកាន់ទីផ្សារអន្តរជាតិផងដែរ។ក្រុមបេក្ខភាព ដែលបានចូលរួមប្រកួតប្រជែងម្ហូបអាហារនេះ បានសម្តែងក្តីសប្បាយរីករាយ និងលើកឡើងថា តាមរយៈព្រឹត្តិការណ៍ប្រកួតប្រជែងនេះ ផលិតផលរបស់កម្ពុជានឹងត្រូវបានយកចិត្តទុកដាក់ពីអ្នកប្រើប្រាស់ ជាពិសេសក្នុងការនាំយកទៅកែច្នៃចេញជាម្ហូបអាហារ ក៏ដូចជាជំរុញទីផ្សារនាំចេញ ដែលនឹងអាចធ្វើឱ្យផលិតផលរបស់ខ្មែរកាន់តែមានសក្ដានុពល។សូមបញ្ជាក់ថា ពិព័រណ៍វិស័យផ្គត់ផ្គង់ម្ហូបអាហារ ភេសជ្ជៈ សណ្ឋាគារ និងបដិសណ្ឋារកិច្ច មានរយៈពេល ៣ថ្ងៃ ចាប់ពីថ្ងៃទី៦ ដល់៨ ខែវិច្ឆិកា ឆ្នាំ២០២៤ នៅមជ្ឈមណ្ឌលសន្និបាតពិព័រណ៍កោះពេជ្រ។ ព្រឹត្តការណ៍នេះ រៀបចំឡើងដើម្បីផ្សារភ្ជាប់ដៃគូអាជីវកម្ម ការពង្រីកពាណិជ្ជកម្ម ក្នុងគោលបំណងអភិវឌ្ឍន៍វិស័យទេសចណ៍នៅកម្ពុជាឲ្យកាន់តែរីកចម្រើនបន្ថែមទៀតទៅថ្ងៃអនាគតខាងមុខ៕ អត្ថបទ៖ ឈិត បូរ៉ាវី

ក្រសួងសេដ្ឋកិច្ចពង្រឹងការប្រមូលចំណូលពន្ធអាករ លើការផ្គត់ផ្គង់មានថែមទំនិញ ឬផ្តល់ជារង្វាន់

ក្រសួងសេដ្ឋកិច្ច និងហិរញ្ញវត្ថុ ពង្រឹងការគ្រប់គ្រងប្រមូលចំណូលពន្ធអាករ ចំពោះការផ្គត់ផ្គង់ទំនិញដោយមានថែមទំនិញ ឬផ្តល់ជា រង្វាន់ទំនិញជាស្តុកសម្រាប់លក់, ការថែមទំនិញ ឬផ្តល់ជារង្វាន់ទំនិញមិនមែនជាស្ដុកសម្រាប់លក់ ឬរង្វាន់ផ្សេងៗក្រៅពីទំនិញជាដើម។ក្រសួងសេដ្ឋកិច្ច និងហិរញ្ញវត្ថុ ចេញសេចក្តីណែនាំ ស្តីពីកាតព្វកិច្ចបង់ពន្ធអាករ ចំពោះការផ្គត់ផ្គង់ទំនិញដោយមានថែមទំទិញ ឬផ្តល់ជារង្វាន់ របស់សហគ្រាសផ្គត់ផ្គង់ទំនិញក្នុងស្រុក ដែលមានថែមទំនិញរបស់សហគ្រាស ឬទំនិញដទៃ ឬផ្តល់ជារង្វាន់តាមរយៈ ក្រវិលកំប៉ុង គម្របដប ឬវិធីផ្សេងទៀតផ្តល់ជូនអតិថិជនរបស់ខ្លួន។ ដើម្បីពង្រឹងការគ្រប់គ្រងប្រមូល ចំណូលពន្ធអាករ ប្រកបដោយប្រសិទ្ធភាព ក្រសួងណែនាំដល់សហគ្រាសផ្គត់ផ្គង់ទំនិញក្នុងស្រុកអំពីកាតព្វកិច្ចបង់ពន្ធអាករ ចំពោះការផ្គត់ផ្គង់ទំនិញដោយមានថែម ទំនិញ ឬផ្តល់ជារង្វាន់ជាដើម។ចំពោះការផ្គត់ផ្គង់ទំនិញដោយមានថែមទំនិញ ឬផ្តល់រង្វាន់នូវទំនិញជាស្តុកសម្រាប់លក់ ត្រូវចាត់ទុកជាការផ្គត់ផ្គង់ជាប់អាករ ដែលសហគ្រាសត្រូវបំពេញកាតព្វកិច្ច ក្នុងនោះសហគ្រាសផលិតក្នុងស្រុកនូវទំនិញជាប់អាករពិសេស និងអាករសម្រាប់បំភ្លឺសាធារណៈ ត្រូវជាប់អាករពិសេស និងអាករសម្រាប់បំភ្លឺសាធារណៈ ចំពោះការថែមទំនិញឬផ្តល់ជារង្វាន់នូវទំនិញផលិតក្នុងស្រុក ជាប់អាករពិសេស ផង និងអាករសម្រាប់បំភ្លឺសាធារណៈផង។ ក្នុងករណីទំនិញផលិតក្នុងស្រុកមិនជាប់អាករសម្រាប់បំភ្លឺសាធារណៈនោះ សហគ្រាសបង់ តែអាករពិសេសប៉ុណ្ណោះ និងត្រូវជាប់អាករសម្រាប់បំភ្លឺសាធារណៈ ក្នុងករណីការថែមទំនិញ ឬផ្តល់ជារង្វាន់នូវទំនិញជាប់អាករសម្រាប់ បំភ្លឺសាធារណៈ ដែលសហគ្រាសបាននាំចូលដោយផ្ទាល់។ ជាប់អាករលើតម្លៃបន្ថែម និងប្រាក់រំដោះពន្ធលើប្រាក់ចំណូល ដោយ អនុញ្ញាតឱ្យយកមូលដ្ឋានគិតអាករលើតម្លៃបន្ថែម និងប្រាក់រំដោះពន្ធលើប្រាក់ចំណូល ស្មើនឹងថ្លៃដើមនៃទំនិញជាប់អាករនោះ។ ត្រូវជាប់ពន្ធលើប្រាក់ចំណូល ដោយអនុញ្ញាតឱ្យទទួលស្គាល់ ចំណូលស្មើនឹងចំណាយថ្លៃដើម។ចំពោះសហគ្រាសនាំចូលទំនិញជាប់អាករសម្រាប់បំភ្លឺសាធារណៈ៖ ត្រូវជាប់អាករសម្រាប់បំភ្លឺសាធារណៈ ដោយមូលដ្ឋានគិត អាករ ត្រូវផ្អែកតាមតម្លៃទីផ្សារនៃការផ្គត់ផ្គង់ទំនិញជាប់អាករនោះ, ត្រូវជាប់អាករលើតម្លៃបន្ថែម និងប្រាក់រំដោះពន្ធលើប្រាក់ចំណូល ដោយអនុញ្ញាតឱ្យយកមូលដ្ឋានគិតអាករលើតម្លៃបន្ថែម និងប្រាក់រំដោះពន្ធលើប្រាក់ចំណូល ស្មើនឹងថ្លៃដើមនៃការនាំចូលទំនិញជាប់អាករនោះ, ត្រូវជាប់ពន្ធលើប្រាក់ចំណូល ដោយអនុញ្ញាតឱ្យទទួលស្គាល់ចំណូលស្មើនឹងចំណាយថ្លៃដើម។ ចំណែកសហគ្រាសផ្គត់ផ្គង់ ទំនិញដែលមិនជាប់អាករពិសេស និងអាករសម្រាប់បំភ្លឺសាធារណៈ៖ ត្រូវជាប់អាករលើតម្លៃបន្ថែម និងប្រាក់រំដោះពន្ធលើប្រាក់ចំណូល ដោយអនុញ្ញាតឱ្យយកមូលដ្ឋានគិតអាករលើតម្លៃបន្ថែម និងប្រាក់រំដោះពន្ធលើប្រាក់ចំណូល ស្មើនឹងថ្លៃដើមនៃទំនិញជាប់អាករនោះ។ដោយឡែកការថែមទំនិញ ឬផ្តល់ជារង្វាន់នូវទំនិញដែលមិនមែនជាស្ដុក សម្រាប់លក់ឬរង្វាន់ផ្សេងៗក្រៅពីទំនិញ, សហគ្រាស ត្រូវអនុវត្តដូចជា៖ មិនត្រូវបានចាត់ទុកជាការផ្គត់ផ្គង់ដែលជាកម្មវត្ថុនៃអាករលើតម្លៃបន្ថែម ប្រាក់រំដោះពន្ធលើប្រាក់ចំណូល និងពន្ធលើ ប្រាក់ចំណូលឡើយ, អាករលើតម្លៃបន្ថែមដែលសហគ្រាសបានបង់ លើការទិញទំនិញយកមកប្រើប្រាស់សម្រាប់ការលក់ដោយមានថែមទំនិញឬផ្តល់ជារង្វាន់, មិនត្រូវបានអនុញ្ញាតជាឥណទានអាករលើធាតុចូលឡើយ ប៉ុន្តែត្រូវបានអនុញ្ញាតជាចំណាយកាត់កងបាន, ចំណែកការអនុញ្ញាតជាចំណាយវិញ, ត្រូវបានអនុញ្ញាតជាចំណាយកាត់កងបាន សម្រាប់គោលដៅពន្ធលើប្រាក់ចំណូល និងត្រូវកត់ត្រា ឱ្យច្បាស់លាស់ក្នុងបញ្ជីគណនេយ្យ ដោយត្រូវមានសក្ខីបត្រគាំទ្រដូចមានចែងក្នុង បទប្បញ្ញត្តិស្តីពីពន្ធលើប្រាក់ចំណូលជាដើម៕ អត្ថបទ៖ សុន រ៉ាឌី

ក្រុមហ៊ុនក្រៅស្រុកមួយនឹងជ្រើសរើសកម្ពុជា វិនិយោគលើវិស័យកសិកម្មប្រើប្រាស់បច្ចេកវិទ្យាទំនើប

ក្រុមហ៊ុនក្រៅស្រុកមួយ កំពុងស្វែងយល់អំពីទីផ្សារ និងកាលានុវត្តភាព វិនិយោគលើវិស័យកសិកម្មទំនើប នឹងអាចជ្រើសរើសកម្ពុជា ជាទីតាំងសម្រាប់បណ្តាក់ទុនវិនិយោគនាពេលខាងមុខ ក្នុងគោលដៅចូលរួមចំណែកនាំយកបច្ចេកវិទ្យាថ្មី សម្រាប់បម្រើដល់ឧត្តម- ប្រយោជន៍ នៃវិស័យកសិកម្ម និងកសិ-ឧស្សាហកម្មនៅកម្ពុជា។ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៅក្នុងជំនួបពិភាក្សាការងារជាមួយ លោក Peter Chen ប្រធានក្រុមប្រឹក្សាភិបាល ក្រុមហ៊ុន Guangdong Juxiang General Aviation Co., Ltd. នៅថ្ងៃទី ៦ ខែ វិច្ឆិកា ឆ្នាំ ២០២៤ នេះថា ឯកឧត្តម អគ្គលេខាធិការ បានសម្តែងនូវការស្វាគមន៍យ៉ាងកក់ក្តៅ ជូនចំពោះគណៈប្រតិភូ ដែលបានចំណាយពេលវេលាមកធ្វើទស្សនកិច្ចសិក្សាដោយផ្ទាល់នៅកម្ពុជា ដើម្បីសិក្សាស្វែងយល់ឱ្យកាន់តែច្បាស់អំពីទីផ្សារ និងកាលានុវត្តភាពវិនិយោគលើមុខសញ្ញា កសិកម្មទំនើប នឹងរំពឹងថា នឹងចូលរួមចំណែកដល់ការពង្រឹង និងពង្រីកកិច្ចសហប្រតិបត្តិការ លើការអភិវឌ្ឍរបៀងមច្ឆា និងអង្ករ កម្ពុជា-ចិន ឱ្យកាន់តែរីកធំធាត់ជាលំដាប់។ក្នុងជំនួបនេះដែរ, ឯកឧត្តម ក៏បានធ្វើការគូសរំលេចអំពីគោលនយោបាយគាំទ្រ និងការលើកទឹកចិត្តផ្នែកសារពើពន្ធនានា របស់រាជរដ្ឋាភិបាលកម្ពុជាលើវិស័យកសិកម្ម សំដៅធ្វើយ៉ាងណាធានាបានថា វិស័យដ៏មានអាទិភាពមួយនេះនឹងកាន់តែមានភាព ប្រកួតប្រជែង, បរិយាបន្ន, ទំនើបកម្ម និងធន់នឹងការប្រែប្រួលអាកាសធាតុ។ បញ្ហាននេះ ឯកឧត្តមអគ្គលេខាធិការ បានលើកទឹកចិត្ត ដល់ភាគីក្រុមហ៊ុន មេត្តាសិក្សាស្វែងយល់ឱ្យបានគ្រប់ជ្រុងជ្រោយជាមួយក្រសួង ស្ថាប័នពាក់ព័ន្ធសំដៅធានាបាននូវ អនុលោមភាព គតិយុត្ត ហើយក្រុមប្រឹក្សាអភិវឌ្ឍន៍កម្ពុជា រីករាយស្វាគមន៍ជានិច្ច ក្នុងការត្រៀមខ្លួនផ្តល់នូវកិច្ចសម្រួលវិនិយោគ ជូនវិនិយោគិន តាមរយៈយន្តការតុវិនិយោគកសិ-ចំណីអាហារ។ជាការឆ្លើយតប លោក Peter Chen ក៏បានជម្រាបជូនអំពីឆន្ទៈរបស់ក្រុមហ៊ុន ក្នុងការពិនិត្យលទ្ធភាពជ្រើសយកកម្ពុជា ជាទីតាំងសម្រាប់បណ្តាក់ទុនវិនិយោគនាពេលខាងមុខ ក្នុងគោលដៅចូលរួមចំណែក ពាំនាំនូវបច្ចេកវិទ្យាថ្មីសម្រាប់បម្រើដល់ឧត្តម ប្រយោជន៍នៃវិស័យកសិកម្ម និងកសិ-ឧស្សាហកម្មនៅកម្ពុជា។ គួរបញ្ជាក់ជូនផងដែរថា Guangdong Juxiang General Aviation Co., Ltd. គឺជាក្រុមហ៊ុនដែលមានមូលដ្ឋាននៅខេត្ត Guangxi សាធារណរដ្ឋប្រជាមានិតចិន ហើយមានប្រតិបត្តិការធុរកិច្ចយ៉ាងសម្បូរបែបដូចជា ការផលិតជី, ថ្នាំសម្លាប់សត្វល្អិត,កសិកម្មទំនើប, កសិកម្មឆ្លាតវៃ, ដ្រូនកសិកម្មជាដើម៕ អត្ថបទ៖ សុន រ៉ាឌី

កម្លាំងអគ្គស្នងការនគរបាលជាតិ ចុះបង្ក្រាបទីតាំងអគារមួយកន្លែង ពាក់ព័ន្ធល្បែងអនឡាញខុសច្បាប់ ឃាត់ខ្លួនជនជាតិចិន និងប៉ាគីស្ថាន ជិត២០០នាក់

ភ្នំពេញ៖ កម្លាំងនគរបាលនៃអគ្គស្នងការដ្ឋាននគរបាលជាតិ បានចុះទៅទីតាំងអគារមួយកន្លែង ស្ថិតនៅសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ បង្ក្រាបបទល្មើសល្បែងអនឡាញខុសច្បាប់ ដោយរកឃើញជនជាតិចិន និងប៉ាគីស្ថាន ជិត២០០នាក់ នារសៀលថ្ងៃទី០៦ ខែវិច្ឆិកា ឆ្នាំ២០២៤ម្សិលមិញនេះ។ប្រតិបត្ដិការនេះ ដឹកនាំដោយលោកឧត្ដមសេនីយ៍ឯក ស៊ាង ធារិទ្ធ អគ្គស្នងការរងនគរបាលជាតិ ក្រោមការបញ្ជាពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងនាយឧត្ដមសេនីយ៍ ស ថេត អគ្គស្នងការនគរបាលជាតិ។ក្រោយទទួលបានទទួលព័ត៌មានពីជនរងគ្រោះ ដែលបានប្តឹងថាត្រូវចាប់បង្ខាំង នៅក្នុងអគារនេះ កម្លាំងជំនាញ បានទទួលបទបញ្ជាពីឧបនាយករដ្ឋមន្ដ្រី ស សុខា និងនាយឧត្ដមសេនីយ៍ ស ថេត កម្លាំងបានចុះទៅដល់ទីតាំងឃើញសង្ស័យពាក់ព័ន្ធនឹងបទល្មើសល្បែងអនឡាញ ព្រមទាំងរកឃើញជនជាតិចិន និងប៉ាគីស្ថាន ជិត២០០នាក់ ដែលមានភាគច្រើន ជាជនជាតិចិន។សូមបញ្ជាក់ផងដែរ ជនជាតិបរទេសទាំងនោះ ត្រូវបានឃាត់ខ្លួន ដើម្បីបន្ដនីតិវិធីរៀបចំឯកសារ បណ្ដេញចេញពីប្រទេសកម្ពុជា។ ដោយឡែក អ្នកពាក់ព័ន្ធនឹងម្ចាស់ទីតាំង សមត្ថកិច្ចកំពុងបន្ដនីតិវិធី តាមផ្លូវច្បាប់ជាបន្ដទៀត៕អត្ថបទ៖ កុម្ភះ

MOU រវាងក្រសួងវប្បធម៌-សមាគមសិល្បករគោកធ្លក ដើម្បីលើកស្ទួយ និងផ្សព្វផ្សាយទម្រង់សិល្បៈបុរាណខ្មែរ

ក្រសួងវប្បធម៌ និងវិចិត្រសិល្បៈ និងសមាគមសិល្បករគោកធ្លក, កាលពីរសៀលថ្ងៃទី៦ ខែវិចិ្ឆកា ឆ្នាំ២០២៤ បានចុះហត្ថលេខារយៈពេល៥ឆ្នាំ លើអនុស្សរណៈយោគយល់គ្នា ដើម្បីលើកស្ទួយ និងផ្សព្វផ្សាយទម្រង់សិល្បៈបុរាណខ្មែរ។ពិធីចុះហត្ថលេខាបន្តរយៈពេល៥ឆ្នាំទៀតលើអនុស្សរណៈនៃការយោគយល់គ្នាខាងលើនេះ តំណាងក្រសួងវប្បធម៌ និងវិចិត្រសិល្បៈ លោកជំទាវ ប៉ែន មុនីមករា រដ្ឋលេខាធិការតំណាងលោកជំទាវបណ្ឌិតសភាចារ្យរដ្ឋមន្ត្រីក្រសួងវប្បធម៌ និងវិចិត្រសិល្បៈ ជាមួយលោក ភឿង កុម្ភៈ ប្រធានសមាគមសិល្បករគោកធ្លក, នៅទីស្តីការក្រសួងវប្បធម៌ និងវិចិត្រសិល្បៈ។គោលដៅនៃកិច្ចសហប្រតិបតិ្តនៅក្នុងគម្រោងមាន ការសម្តែងបង្ហាញទម្រង់ផ្សេងៗ នៃសិល្បៈបុរាណខ្មែរ ដល់សាធារណជនឲ្យបានយ៉ាងតិច១០ទម្រង់ បណ្តុះបណ្តាលសិល្បករឲ្យមានក្បាច់បាតច្បាស់លាស់ រាល់ការសម្តែង ធ្វើយ៉ាងណាបញ្រ្ជាបមហាជនឲ្យស្គាល់ និងចែះបែងចែកទម្រង់ផ្សេងៗ នៃសិល្បៈបុរាណខ្មែរ ទាំងនៅក្នុងស្រុកខ្មែរ និងនៅបរទេស រាល់ការសម្តែង ឬការសិក្សាអនុវត្តធ្វើយ៉ាងណាបញ្រ្ជាបការលើកតម្លៃសិល្បៈបុរាណដល់មជ្ឈដ្ឋានទូទៅ ជាពិសេសដល់សិស្សានុសិស្សឲ្យបាន និងរៀបចំសិក្ខាសាលាស្រាវជ្រាវ និងអភិវឌ្ឍទម្រង់សិល្បៈខ្មែរ សំដៅចូលរួមចំណែកក្នុងឯកភាពជាតិ ចំពោះទម្រង់សិល្បៈមួយចំនួន។ គម្រោងកម្មវិធីនេះ ដើរតួនាទីចូលរួមចំណែកគាំទ្រដល់សិស្សនិស្សិតផ្នែកសិល្បៈ ឱ្យមានឱកាសចូលប្រឡូក សិល្បករក្មេងខ្ចីឱ្យមានឱកាសបង្ហាញស្នាដៃ និងសិល្បករមានបទពិសោធន៍ហើយស្រាប់ឱ្យមានឱកាសផ្ទេរ ចំណេះជំនាញ និងទទួលបានអត្ថប្រយោជន៍ទៅតាមសមត្ថភាពជាក់ស្តែងក្នុងអាជីពសិល្បៈរបស់ពួកគាត់ រៀងៗខ្លួន។ គោលបំណងរបស់គម្រោងគឺ៖ ១) អភិរក្ស និងលើកស្ទួយទម្រង់សិល្បៈបុរាណខ្មែរ, ២) បណ្តុះបណ្តាល និងពង្រឹងសមត្ថភាពសិល្បករ និង៣) ផ្សព្វផ្សាយទម្រង់ផ្សេងៗនៃសិល្បៈបុរាណខ្មែរ តាមរយៈការសម្តែងជាប្រចាំនៅបណ្ណាល័យជាតិ នៅក្នុងសាលមហោស្រព តាមបណ្តាខេត្តនានា និងនៅបរទេស ទៅតាមសំណើរបស់ដៃគូជាតិ និងអន្តរជាតិ ដែលត្រូវការសម្តែងសិល្បៈ ឬការសិក្សាអនុវត្តអំពីសិល្បៈ។ផលប្រយោជន៍ដែលនឹងទទួលបានពីគម្រោងនេះរួមមាន៖ គឺថែរក្សាអត្តសញ្ញាណជាតិ និងធានាអ្នកបន្តវេនឱ្យមានក្រុមសិល្បករទទួលបានការបណ្តុះបណ្តាល ច្បាស់លាស់អំពីទម្រង់សិល្បៈបុរាណផ្សេងៗ ប្រកបដោយទឹកចិត្តមុះមុតក្នុងការថែរក្សា និងលើកស្ទួយ សិល្បៈបុរាណខ្មែរ។ ក្រុមសិល្បករនេះនឹងក្លាយជាអ្នកបន្តវេន ក្នុងការថែរក្សាអភិរក្ស និងអភិវឌ្ឍទម្រង់ សិល្បៈខ្មែរ។ ការសម្តែងជាប្រចាំ ឱ្យប្រជាពលរដ្ឋខ្មែរ និងបរទេសបានស្គាល់ជ្រួតជ្រាប និងចេះបែងចែកទម្រង់ សិល្បៈបុរាណផ្សេងៗ តាមរយៈការរៀបចំការសម្តែងជាប្រចាំ (១សប្តាហ៍ម្តង ពេលចាប់ផ្តើម ហើយអាចឡើងទៅដល់០២ ឬ០៣ដង ក្នុងមួយសប្តាហ៍ ដូចមុនសម័យកូវីដ-១៩ ក្នុងរយៈពេល០៥ឆ្នាំ) នៅបណ្ណាល័យជាតិ សាលមហោស្រព តាមបណ្តាខេត្តនានា និងបរទេស ដើម្បីរក្សាទំនាក់ទំនងស្អិតរមួត រវាងសិល្បករនិងមហាជន រវាងមហាជននិងសិល្បៈ ព្រមទាំងផ្សព្វផ្សាយទម្រង់សិល្បៈរបស់ខ្មែរទៅ ក្រៅប្រទេស៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

មន្ត្រីអាមេរិក៖កងទ័ពអ៊ីស្រាអែលនឹងដកខ្លួនចេញពីតំបន់សាកល្បងលីបង់ ក្នុងរយៈពេលប៉ុន្មានថ្ងៃខាងមុខ

លោក NETANYAHU ប្រាប់លោក TRUMPថា ការអត្ថាធិប្បាយរបស់លោកERDOGAN ប្រឆាំងអ៊ីស្រា អែល គឺធ្ងន់ធ្ងរ

អ្នកការទូតរុស្ស៊ី៖ លោកខាងលិចមិនខ្វល់ថា មានមនុស្សប៉ុន្មាននាក់ ត្រូវបានសម្លាប់ នៅរុស្ស៊ី និងអ៊ុយ ក្រែនទេ

ទីភ្នាក់ងារUN៖ ការវាយប្រហាររបស់រុស្ស៊ីបានសម្លាប់ជនស៊ីវិលយ៉ាងតិច ២៦៥នាក់ នៅអ៊ុយក្រែន ក្នុងខែមិថុនា

ស្ថិតិ៖ អត្រាគ្មានការងារធ្វើនៅតំបន់ហ្កាហ្សាកើនឡើងដល់ ៨០% នៅឆ្នាំ ២០២៥

លោក NETANYAHU ប្តេជ្ញាថា លោកនឹងរារាំងអ៊ីរ៉ង់មិនឲ្យទទួលបាននុយក្លេអ៊ែរនិងជំរុញការផលិតអាវុធទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

នាយករដ្ឋមន្ត្រីវៀតណាម កោតសរសើរវឌ្ឍនភាព និងការរីកចម្រើនរបស់កម្ពុជាក្រោមការដឹកនាំរបស់សម្ដេចធិបតី

នគរបាលរាជធានីនឹងបង្រាយកម្លាំងជិត ៥ពាន់នាក់ការពាសន្តិសុខក្នុងព្រះរាជពិធីបុណ្យអុំទូក

ក្រុមការងារអន្តរក្រសួងរៀបចំផែនការទាក់ទាញទេសចរអន្តរជាតិទស្សនាខេត្តសៀមរាបឲ្យមានកំណើនគ្រប់រដូវ

អតីតសកម្មជនបក្សប្រឆាំង ទទូចដល់ក្រុមប្រឆាំងបញ្ឈប់ការធ្វើនយោបាយយកបរទេសជាឈ្នាន់ ដើម្បីតែបំផ្លាញជាតិ

កសិផលខ្មែរចំនួន ៥មុខ ត្រូវបានជ្រើសរើស និងកែច្នៃក្នុងកម្មវិធីប្រកួតប្រជែងធ្វើម្ហូបអាហារ

ក្រសួងសេដ្ឋកិច្ចពង្រឹងការប្រមូលចំណូលពន្ធអាករ លើការផ្គត់ផ្គង់មានថែមទំនិញ ឬផ្តល់ជារង្វាន់

ក្រុមហ៊ុនក្រៅស្រុកមួយនឹងជ្រើសរើសកម្ពុជា វិនិយោគលើវិស័យកសិកម្មប្រើប្រាស់បច្ចេកវិទ្យាទំនើប

MOU រវាងក្រសួងវប្បធម៌-សមាគមសិល្បករគោកធ្លក ដើម្បីលើកស្ទួយ និងផ្សព្វផ្សាយទម្រង់សិល្បៈបុរាណខ្មែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

នាយករដ្ឋមន្ត្រីវៀតណាម កោតសរសើរវឌ្ឍនភាព និងការរីកចម្រើនរបស់កម្ពុជា​ក្រោមការដឹកនាំ​របស់​សម្ដេចធិបតី

នគរបាលរាជធានីនឹងបង្រាយកម្លាំងជិត ៥ពាន់នាក់ការពាសន្តិសុខក្នុងព្រះរាជពិធីបុណ្យអុំទូក

ក្រុមការងារអន្តរក្រសួងរៀបចំផែនការទាក់ទាញទេសចរអន្តរជាតិទស្សនាខេត្តសៀមរាបឲ្យមានកំណើនគ្រប់រដូវ

អតីតសកម្មជនបក្សប្រឆាំង ទទូចដល់ក្រុមប្រឆាំងបញ្ឈប់ការធ្វើនយោបាយ​យកបរទេស​ជាឈ្នាន់ ដើម្បី​តែបំផ្លាញជាតិ

កសិផលខ្មែរចំនួន ៥មុខ ត្រូវបានជ្រើសរើស និងកែច្នៃក្នុងកម្មវិធីប្រកួតប្រជែងធ្វើម្ហូបអាហារ

ក្រសួងសេដ្ឋកិច្ចពង្រឹងការប្រមូលចំណូលពន្ធអាករ លើការផ្គត់ផ្គង់មានថែមទំនិញ ឬផ្តល់ជារង្វាន់

ក្រុមហ៊ុនក្រៅស្រុកមួយនឹងជ្រើសរើសកម្ពុជា វិនិយោគលើវិស័យកសិកម្មប្រើប្រាស់​បច្ចេកវិទ្យាទំនើប

MOU រវាងក្រសួងវប្បធម៌-សមាគមសិល្បករគោកធ្លក ដើម្បីលើកស្ទួយ និងផ្សព្វផ្សាយទម្រង់សិល្បៈបុរាណខ្មែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយករដ្ឋមន្ត្រីវៀតណាម កោតសរសើរវឌ្ឍនភាព និងការរីកចម្រើនរបស់កម្ពុជាក្រោមការដឹកនាំរបស់សម្ដេចធិបតី

អតីតសកម្មជនបក្សប្រឆាំង ទទូចដល់ក្រុមប្រឆាំងបញ្ឈប់ការធ្វើនយោបាយយកបរទេសជាឈ្នាន់ ដើម្បីតែបំផ្លាញជាតិ

ក្រុមហ៊ុនក្រៅស្រុកមួយនឹងជ្រើសរើសកម្ពុជា វិនិយោគលើវិស័យកសិកម្មប្រើប្រាស់បច្ចេកវិទ្យាទំនើប