BTV NEWS

‎អនុប្រធាន សមាគមអតីតយុទ្ធជន អញ្ជើញប្រគល់ផ្ទះជូនគ្រួសារសមាជិកពលីមានជីវភាពខ្វះខាត ក្នុងខេត្តកំពង់ចាម

សាលាដំបូងរាជធានីភ្នំពេញ សម្រេចឃុំខ្លួនជនបរទេស ១២នាក់ ពាក់ព័ន្ធករណីឆបោកវិនិយោគតាមប្រព័ន្ធអនឡាញ

សម្ដេចធិបតី៖ កម្ពុជា នឹងប្រើយន្តការនៃការផ្សះផ្សារដោយចាប់បង្ខំ ដោះស្រាយដែនសមុទ្រត្រួតគ្នាកម្ពុជា-ថៃ

សម្ដេចកិត្តិព្រឹទ្ធបណ្ឌិត៖ ការវិនិយោគលើឆ្មប ជាការវិនិយោគលើស្ត្រី កុមារ គ្រួសារ និងអនាគតនៃសង្គមជាតិ

ព័ត៌មានជាតិ

សម្តេចព្រះមហាក្សត្រី ព្រះរាជានុញ្ញាតជូន ឯកឧត្តម តូ ឡឹម ចូលក្រាបថ្វាយបង្គំគាល់ នៅព្រះបរមរាជវាំង

សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត សព្វព្រះរាជហឬទ័យ ព្រះរាជានុញ្ញាត ជូន ឯកឧត្តម តូ ឡឹម ( TO Lam ) អគ្គលេខាធិការបក្សកុម្មុយនីស្តវៀតណាម ចូលក្រាបថ្វាយបង្គំគាល់ នៅព្រះបរមរាជវាំង នាព្រឹកថ្ងៃទី០៦ ខែកុម្ភៈ ឆ្នាំ២០២៦ ក្នុងឱកាសដែលឯកឧត្តមអញ្ជើញបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជា។

ប្រធានសភាពាណិជ្ជកម្មកម្ពុជា អំពាវនាវដល់វិស័យឯកជនបង់ពន្ធជូនរដ្ឋគ្រប់ៗគ្នាដើម្បីអភិវឌ្ឍន៍ជាតិ

ប្រធានសភាពាណិជ្ជកម្មកម្ពុជា បានអំពាវនាវដល់ផ្នែកវិស័យឯកជនទាំងអស់ ចូលរួមបំពេញកាតព្វកិច្ចបង់ពន្ធជូនរដ្ឋឱ្យបានត្រឹមត្រូវ និងគ្រប់ៗគ្នា ចូលរួមចំណែកដល់ការប្រមូលចំណូលជូនរដ្ឋ ដើម្បីរាជរដ្ឋាភិបាលមានលទ្ធភាពជំរុញអភិវឌ្ឍន៍លើវិស័យសំខាន់ៗ ក្នុង គោលដៅជំរុញកំណើនសេដ្ឋកិច្ចជាតិ។អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា លើកឡើងនៅក្នុងវេទិកាពន្ធដារកម្ពុជាឆ្នាំ២០២៦ នៅថ្ងៃទី៥ ខែកុម្ភៈ ឆ្នាំ ២០២៦ នេះថា ជុំវិញការបង់ពន្ធជូនរដ្ឋនេះ ឃើញថា វិស័យឯកជនមានការយល់ដឹងច្រើន ក្នុងការបំពេញកាតព្វកិច្ចរបស់ខ្លួន ប៉ុន្តែក៏នូវ ជួបបញ្ហាប្រឈមខ្លះៗអំពីនីតិវិធីមួយចំនួន បញ្ហានេះ, សូមឱ្យរដ្ឋាភិបាល ជាពិសេសអគ្គនាយកដ្ឋានពន្ធដារ ជួយសម្រួលដើម្បីធ្វើឱ្យអ្នក ជាប់ងាយស្រួល ក្នុងការបំពេញកាតព្វបង់ពន្ធ និងផ្តល់នូវទំនុកចិត្តរវាងគ្នាទៅវិញទៅមក។អ្នកឧកញ៉ា បានគូសបញ្ជាក់ថា ចំពោះសភាពាណិជ្ជកម្មកម្ពុជា គឺបានប្តេជ្ញាចិត្តយ៉ាងមុតមាំរបស់ខ្លួន ក្នុងការធ្វើការងារយ៉ាងជិត ស្និទ្ធជាមួយរាជរដ្ឋាភិបាល អគ្គនាយកដ្ឋានពន្ធដារ និងអ្នកពាក់ព័ន្ធទាំងអស់ ដើម្បីលើកកម្ពស់ការប្រព្រឹត្តិអាជីវកម្ម ប្រកបដោយការទទួល ខុសត្រូវ ការប្រកួតប្រជែងដោយយុត្តិធម៌ អភិបាលកិច្ចសាជីវកម្មល្អ និងការអភិវឌ្ឍសេដ្ឋកិច្ចប្រកបដោយចីរភាព។ ក្នុងនោះផងដែរ អ្នកឧកញ៉ា ក៏បានអំពាវនាវដល់ផ្នែកវិស័យឯកជនទាំងអស់ សូមបង់ពន្ធជូនរដ្ឋឱ្យបានត្រឹមត្រូវ ដើម្បីរួមចំណែកដល់ការប្រមូលចំណូល របស់រាជរដ្ឋាភិបាល សម្រាប់យកទៅអភិវឌ្ឍន៍វិស័យសំខាន់ៗ ដើម្បីជំរុញដល់កំណើនសេដ្ឋកិច្ចជាតិ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជំរុញឱ្យអគ្គនាយកដ្ឋាន ពន្ធដារ បន្តយកចិត្តទុកដាក់លើការធ្វើបរិវត្តកម្មឌីជីថល សំដៅប្រែក្លាយខ្លួនទៅជារដ្ឋបាលសារពើពន្ធទំនើប ឬហៅជាភាសាអង់គ្លេសថា Tax Administration 3.0 នាពេលខាងមុខ ស្របតាមចក្ខុវិស័យរួមរបស់រាជរដ្ឋាភិបាល ដូចមានចែងក្នុង «ក្របខណ្ឌគោលនយោបាយ សេដ្ឋកិច្ច និងសង្គមឌីជីថលកម្ពុជា ២០២១-២០៣៥» និង «គោលនយោបាយរដ្ឋាភិបាលឌីជីថល ២០២២-២០៣៥», សម្រាប់ធ្វើជា ត្រីវិស័យ ជំរុញការធ្វើបរិវត្តកម្មឌីជីថលរបស់កម្ពុជា ដើម្បីលើកកម្ពស់អភិបាលកិច្ច និងពង្រឹងអនុលោមភាពសារពើពន្ធ ធ្វើឲ្យការបំពេញ កាតព្វកិច្ចសារពើពន្ធរបស់វិស័យឯកជន កាន់តែមានភាពងាយស្រួល និងដើម្បីបង្កើនចំណូលពន្ធជូនរដ្ឋផងដែរ។ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជា អគ្គនាយកនៃអគ្គនាយកដ្ឋានពន្ធដារ បានលើកឡើងផងដែរថា វេទិកា ពន្ធដារកម្ពុជា គឺជាយន្តការថ្មី ដើម្បីបំពេញបន្ថែមទៀត ពីលើយន្តកាកិច្ចសហការជាមួយវិស័យឯកជន ដែលកំពុងអនុវត្តស្រាប់ និងក៏ជា ឱកាសល្អសម្រាប់ការបញ្ចេញមតិ និងផ្លាស់ប្តូរយោបល់ ជាពិសេសក្នុងឱកាសដែលមានការចូលរួមពីភាគីពាក់ព័ន្ធទាំងអស់ ទាំងស្ថាប័នរដ្ឋ ទាំងវិស័យឯកជន ទាំងតំណាងស្ថានទូត និងកុងស៊ុល និងទាំងដៃគូអភិវឌ្ឍនានា។ បញ្ហាខាងលើនេះ ឯកឧត្តមក៏បានទទួលស្តាប់ មតិរបស់អ្នកចូលរួមដែលលើកឡើងពីពន្ធដារ ជាពិសេសវិស័យឯកជនដែលជាអ្នកទទួលបានការលើកទឹកចិត្តពន្ធដារ ដើម្បីពិនិត្យមើលថា តើយន្តការដែលបានដាក់ចេញកន្លងមកមានប្រសិទ្ធភាព និងសម្រេចបានគោលដៅយ៉ាងណា? អត្ថបទ៖ សុន រ៉ាឌី

សម្ដេចតេជោ ហ៊ុន សែន និងឯកឧត្តម តូ ឡឹម អញ្ជើញជាអធិបតីក្នុងពិធីចុះហត្ថលេខាលើអនុស្សរណៈ នៃការយោគយល់រវាងគណៈទាក់ទងការបរទេសគណបក្សប្រជាជនកម្ពុជា និងគណៈកម្មាធិការបក្សក្រសួងការបរទេសវៀតណាម

នៅវិមាន៧មករា នាព្រឹកថ្ងៃសុក្រ ថ្ងៃទី៦ ខែកុម្ភៈ ឆ្នាំ២០២៦ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និង ឯកឧត្តម តូ ឡឹម អគ្គលេខាធិការបក្សកុម្មុយនីស្តវៀតណាម អញ្ជើញជាអធិបតីក្នុងពិធីចុះហត្ថលេខាលើអនុស្សរណៈនៃការយោគយល់រវាងគណៈទាក់ទងការបរទេស គណបក្សប្រជាជនកម្ពុជា និងគណៈកម្មាធិការបក្សក្រសួងការបរទេសវៀតណាម។

មន្រ្តីជាន់ខ្ដស់ CDC៖ ខណៈពិភពលោកកំពុងតានតឹង កម្ពុជាបានកំពុងបន្តឆ្ពោះទៅមុខមានទិសដៅសេដ្ឋកិច្ចច្បាស់លាស់

មន្រ្តីជាន់ខ្ដស់ក្រុមប្រឹក្សាអភិវឌ្ឍន៍កម្ពុជាថ្លែងថា ទោះបីពិភពលោកកំពុងមានភាពតាន់តឹង ក៏ប្រទេសកម្ពុជានៅតែបន្តឆ្ពោះទៅមុខ ជាមួយនឹងទិសដៅសេដ្ឋកិច្ចច្បាស់លាស់ ក្រោមការប្តេជ្ញាចិត្តយ៉ាងមុតមាំរបស់រាជរដ្ឋាភិបាល ក្នុងកិច្ចការពារសន្តិភាព និងស្ថិរភាព នយោបាយ ដែលជាមូលដ្ឋានគ្រឹះបង្កើតទំនុកចិត្តវិនិយោគរយៈពេលវែង។ ឯកឧត្តម នុត អ៊ុនវ័ណរ៉ា អគ្គលេខាធិការរងនៃក្រុមប្រឹក្សាវិនិយោគកម្ពុជា លើកឡើងក្នុង «ពិធីបើកពិព័រណ៍អ៊ីតាលីកម្ពុជា ឆ្នាំ២០២៦» នៅថ្ងៃទី៥ ខែកុម្ភៈ ឆ្នាំ២០២៦ ថា នៅពេលដែលសេដ្ឋកិច្ចពិភពលោកកំពុងប្រឈមមុខនឹងភាពមិនប្រាកដប្រជា កាន់តែ ខ្លាំងឡើង ភាពតានតឹងនៃភូមិសាស្ត្រនយោបាយ ជម្លោះក្នុងតំបន់ និងការរឹតបន្តឹងហិរញ្ញវត្ថុជាដើម, ចំពោះការរៀបចំព្រឹត្តិការណ៍ពិព័រណ៍នេះឡើង មានសារៈសំខាន់ជាងពេលណាៗទាំងអស់ ដោយពិព័រណ៍នេះជាសញ្ញាដ៏រឹងមាំនៃទំនុកចិត្តនៃវិនិយោគ និងបាន ប្រមូលផ្តុំនូវចំណុចខ្លាំងរបស់អ៊ីតាលី ក្នុងវិស័យបច្ចេកវិទ្យា គ្រឿងចក្រ ការរចនា នវានុវត្តន៍ និងការអភិវឌ្ឍសហគ្រាសធុនតូច និង មធ្យម ជាមួយនឹងទីផ្សារដែលកំពុងរីកចម្រើនរបស់កម្ពុជា និងអាទិភាពនៃការធ្វើឱ្យប្រសើរឡើងនៃឧស្សាហកម្ម និងឱកាសធ្វើសមាហរណកម្មក្នុងតំបន់ តាមរយៈការផ្លាស់ប្តូរបណ្តាញទំនាក់ទំនងទៅជាពាណិជ្ជកម្ម ការវិនិយោគ និងការបណ្តាក់ទុនរួមគ្នា។ឯកឧត្តម បន្តថា ខណៈដែលពិភពលោកកំពុងមានភាពតាន់តឹង, ចំណែកកម្ពុជានៅតែបន្តឆ្ពោះទៅមុខ ជាមួយនឹងទិសដៅ សេដ្ឋកិច្ចច្បាស់លាស់ ក្រោមការដឹកនាំដ៏ឈ្លាសវៃរបស់សម្តេចអគ្គមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដោយក្នុង នោះរាជរដ្ឋាភិបាលបានប្តេជ្ញាចិត្តយ៉ាងមុតមាំ ក្នុងការការពារសន្តិភាព និងស្ថិរភាពនយោបាយ ដែលជាមូលដ្ឋានគ្រឹះសម្រាប់ទំនុកចិត្ត វិនិយោគរយៈពេលវែង។ ក្នុងពេលជាមួយគ្នានេះ, រដ្ឋាភិបាលបន្តពង្រឹងភាពធន់នៃម៉ាក្រូសេដ្ឋកិច្ច រក្សាគោលនយោបាយហិរញ្ញវត្ថុ និង រូបិយវត្ថុដោយប្រុងប្រយ័ត្ន និងពង្រឹងកំណែទម្រង់ ដើម្បីធានាបាននូវបរិយាកាសវិនិយោគដែលបើកចំហ អាចព្យាករណ៍បាន មាន តម្លាភាព និងមានភាពប្រកួតប្រជែង។ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម លើកឡើងផងដែរថា ក្នុងរយៈពេលប៉ុន្មានឆ្នាំចុងក្រោយនេះ ពាណិជ្ជកម្ម និងការវិនិយោគសកលលោក កាន់តែមានភាពស្មុគស្មាញ និងប្រកួតប្រជែង ក្នុងនោះការចូលទីផ្សារតែមួយមុខមិនគ្រប់ គ្រាន់ឡើយ ខណៈដែលប្រទេស និងក្រុមហ៊ុននានា ត្រូវតែបង្ហាញពីភាពជឿជាក់ លើការអនុលោមតាមស្តង់ដារ ភាពធន់នៃខ្សែសង្វាក់ ផ្គត់ផ្គង់ និងសមត្ថភាពក្នុងការផ្តល់គុណភាពស្របគ្នា។ បរិបទនេះចំពោះប្រទេសកម្ពុជា ការពង្រឹងភាពប្រកួតប្រជែង ផ្នែកពាណិជ្ជកម្ម និងការជំរុញការធ្វើពិពិធកម្មសេដ្ឋកិច្ច នៅតែជាគោលបំណងស្នូលរបស់រាជរដ្ឋាភិបាលកម្ពុជា ក្នុងការជំរញកែលម្អតម្លៃបន្ថែម គុណភាព និងនិរន្តរភាពផងដែរ៕ អត្ថបទ៖ សុន រ៉ាឌី

ពលរដ្ឋបន្តសាទរបទបញ្ជារបស់រាជរដ្ឋាភិបាលបោសសម្អាតឧក្រិដ្ឋកម្មឆបោកតាមអនឡាញឱ្យអស់ពីកម្ពុជា

ប្រជាពលរដ្ឋ បានសម្តែងការគាំទ្រខ្ពស់ចំពោះគោលជំហរមុតមាំរបស់ប្រមុខរាជរដ្ឋាភិបាល សម្តេចធិបតី ហ៊ុន ម៉ាណែត ដែលបានបន្តជំរុញឱ្យអាជ្ញាធរខិតខំបោសសម្អាតឧក្រិដ្ឋកម្មឆបោកអនឡាញចេញពីកម្ពុជា។ ក្នុងពិធីបិទសន្និបាទបូកសរុបលទ្ធផលការងាររបស់ក្រសួងមហាផ្ទៃ កាលពីម្សិលមិញ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានបន្តដាក់បញ្ជាដោយគោលជំហរមុតមាំ ចំពោះអាជ្ញាធរឱ្យបោសសម្អាតអំពើឆបោកតាមប្រព័ន្ធអនឡាញ ដោយសម្តេចលើកឡើងថា « យើងត្រូវតែរួមគ្នាប្តេជ្ញាចិត្តសម្អាតផ្ទះយើង ដោយបណ្ដេញរាល់អំពើអាក្រក់ចេញពីប្រទេសឱ្យអស់ ដើម្បីនាំមកវិញនូវអ្វីដែលល្អៗ សម្រាប់ជាតិ និង ប្រជាជនយើង» ។ចំណែកឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏បានបន្តណែនាំដាក់កំហិតដល់អាជ្ញាធរនៅតាមថ្នាក់រដ្ឋបាលក្រោមជាតិទាំង២៥រាជធានីខេត្ត ត្រូវម្ចាស់ការក្នុងការសម្អាតឧក្រិដ្ឋកម្មឆបោកអនឡាញ (Online Scams) ឱ្យអស់ពីមូលដ្ឋានខ្លួន ត្រឹមខែមេសា ឆ្នាំ២០២៦នេះ។ ពលរដ្ឋ បានបង្ហាញនូវការគាំទ្រខ្ពស់ ចំពោះវិធានការដ៏ម៉ឺងម៉ាត់ ក្នុងការកម្ទេចបទល្មើសឧក្រិដ្ឋទាំងឡាយ ដែលបានបង្កអសន្តិសុខ និងអស្ថិរភាពដល់ប្រទេសជាតិ។ ពលរដ្ឋ មិនចង់ឲ្យកម្ពុជា ក្លាយជាជម្រក នៃបទល្មើសឧក្រិដ្ឋទាំងឡាយនោះទេ ពោលចង់ឲ្យកម្ពុជាលេចមុខលេចមាត់នៅឆាកអន្តរជាតិ តាមរយៈលទ្ធផលវិជ្ជមានជាច្រើន ដូចជាវប្បធម៌ ទំនៀមទំលាប់ ប្រពៃណី សន្តិភាព ក៏ដូចជាការអភិវឌ្ឍន៍ជាដើម ។ ដើម្បីជាការឆ្លើយតប ទៅតាមបទបញ្ជាដ៏ម៉ឺងម៉ាត់របស់សម្តេចធិបតី ហ៊ុន ម៉ាណែត នាយករដ្ឋមន្ត្រី កងកម្លាំងអាជ្ញាធរមានសមត្ថកិច្ចនៅគ្រប់ជាន់ថ្នាក់ ទាំងថ្នាក់ជាតិ និងរដ្ឋបាលក្រោមជាតិ បាននឹងកំពុងបន្តការ យកចិត្តទុកដាក់ខ្ពស់ក្នុងយុទ្ធនាការទប់ស្កាត់ និងបង្ក្រាបឲ្យមានប្រសិទ្ធភាពខ្ពស់ លើបទល្មើសឧក្រិដ្ឋកម្ម ឆបោកតាមប្រព័ន្ធបច្ចេកវិទ្យា (Online Scams) ។ យុទ្ធនាការ នៃការចុះរដ្ឋបាលត្រួតពិនិត្យនេះ គឺតែងបានធ្វើ ឡើងជារឿយៗទៅតាមទីតាំងជួលការស្នាក់នៅតាមទីតាំងផ្ទះជួល ,អគារបន្ទប់ជួល, ខុនដូរ, ផ្ទះសំណាក់ និង សណ្ឋាគារនានា ដើម្បីធ្វើបច្ចុប្បន្នភាពកំណត់ឲ្យបានច្បាស់អំពីការរស់នៅដោយស្របច្បាប់ត្រឹមត្រូវរបស់ជន បរទេសទាំងឡាយ ជៀសវៀងការស្នាក់នៅដោយលួចលាក់ប្រព្រឹត្តិឧក្រិដ្ឋកម្មឆបោកតាមប្រព័ន្ធបច្ចេកវិទ្យា៕ អត្ថបទ៖ លីហេង

អ្នកធ្វើដំណើរតាមដងផ្លូវ គាំទ្រឱ្យមានការផាកពិន័យអ្នកល្មើសច្បាប់ចរាចរណ៍ឡើងវិញ

ក្រសួងមហាផ្ទៃបានប្រកាស ពីការរឹតបន្តឹងការអនុវត្តច្បាប់ចរាចរណ៍ផ្លូវគោកឡើងវិញ ចាប់ពីខែកុម្ភៈ ឆ្នាំ២០២៦នេះតទៅ។ ស្របគ្នានឹងការប្រកាសនេះដែរ អ្នកធ្វើដំណើរតាមដងផ្លូវជារៀងរាល់ថ្ងៃចង់ឱ្យមានការផាកពិន័យអ្នកល្មើសច្បាប់ចរាចរណ៍ឱ្យបានត្រឹមត្រូវឡើងវិញ ព្រោះពួកគេមើលឃើញដែរថា អ្នកបើកបរមានការធ្វេសប្រហែស មិនគោរពច្បាប់ចរាចរណ៍ នៅពេលមានការបន្ធូរបន្ថយមួយរយៈកន្លងមកនេះ។ការរឹតបន្តឹងការអនុវត្តច្បាប់ចរាចរណ៍ផ្លូវគោកឡើងវិញ ត្រូវបានប្រកាសអនុវត្ត ចាប់ពីខែកុម្ភៈ ឆ្នាំ ២០២៦នេះតទៅ។ ទោះយ៉ាងណាក៏ដោយ នៅតាមគោលដៅចរាចរណ៍មួយចំនួន ពុំទាន់អនុវត្តការផាកពិន័យនោះទេ គិតត្រឹមព្រឹកថ្ងៃទី៦ ខែកុម្ភៈ ឆ្នាំ ២០២៦នេះ។ សម្រាប់គោលដៅចរាចរណ៍នៅចំណុចទីតាំងស្ពានដែក ចំការដូង ជាទីតាំងមមាញឹកមួយ រៀងរាល់ថ្ងៃ គឺសមត្ថកិច្ចបន្តសម្របសម្រួលចរាចរណ៍ ជាធម្មតា តែក៏ពុំទាន់អនុវត្តការផាកពិន័យនោះដែរ ។សម្រាប់អ្នកធ្វើដំណើរឆ្លងកាត់ចំណុចនេះនៅថ្ងៃនេះផ្ទាល់ ក៏នៅបន្តមានអ្នកបើកបរមិនពាក់មួកការពារសុវត្ថិភាពដែរ ក្នុងនោះមានទាំងយុវជន មានទាំងសិស្ស មានទាំងមនុស្សវ័យចំណាស់។សម្រាប់ពលរដ្ឋដែលបើកបរម៉ូតូ និងម៉ូតូកង់បី លើកឡើងថា ពួកគេចង់ឱ្យមានការផាកពិន័យអ្នកល្មើសច្បាប់ចរាចរណ៍ឡើងវិញ។ ពួកគេមើលឃើញផ្ទាល់ពីការធ្វេសប្រហែស របស់អ្នកបើកបរមួយចំនួនស្របពេលដែល មានការបន្ធូរបន្ថយ និងមិនមានការផាកពិន័យកន្លងមកនេះ។ជាអ្នកបើកបរ ពួកគេចង់ឱ្យអ្នកបើកបរតាមដងផ្លូវគ្រប់គ្នា ត្រូវគោរពច្បាប់ចរាចរណ៍ជាដាច់ខាត ដើម្បីសុខសុវត្ថិភាព។ការប្រកាសពីការរឹតបន្តឹងការអនុវត្តច្បាប់ចរាចរណ៍ឡើងវិញនេះ ស្របពេលដែលមានការរកឃើញថា គ្រោះថ្នាក់ចរាចរណ៍មានការកើនឡើង ក្នុងពេលវេលាដែលមានការបន្ធូរបន្ថយកន្លងមកនេះ។ អគ្គស្នងការដ្ឋាននគរបាលជាតិ បានបញ្ជាក់ថា ក្នុងរយៈពេល ១៦០ថ្ងៃ(គិតចាប់ពីថ្ងៃទី២៥ ខែកក្កដា ដល់ថ្ងៃទី៣១ ខែធ្នូ ឆ្នាំ២០២៥) ក្នុងអំឡុងពេលមានជម្លោះ ប្រដាប់អាវុធនៅតំបន់ព្រំដែនកម្ពុជា-ថៃ ការត្រួតពិនិត្យការអនុវត្តច្បាប់ត្រូវបានបន្ធូរបន្ថយមួយរយៈ។ ក្នុងរយៈពេលនោះករណីគ្រោះថ្នាក់ចរាចរណ៍មានការកើនឡើង៣៤លើក ស្មើ៣% អ្នកស្លាប់កើន៦២នាក់ ស្មើ១០% និងអ្នករបួសកើន២០៩នាក់ ស្មើ១៥% បើធៀបរយៈពេលដូចគ្នាឆ្នាំ២០២៤។ ជាពិសេសរយៈពេល ១ខែមករា ដើមឆ្នាំ២០២៦ ធៀបនឹងខែមករា ឆ្នាំ២០២៥ គ្រោះថ្នាក់ចរាចរណ៍កើន៤២លើក ស្មើ១៩% អ្នកស្លាប់កើន២៥នាក់ ស្មើ១៨% និងអ្នករបួសកើន៦៤នាក់ ស្មើ២៣%។ មូលហេតុបង្កគ្រោះថ្នាក់រួមមាន ការបើកបរល្មើសល្បឿន៤៧% មិនគោរពសិទ្ធិ២១% មិនប្រកាន់ស្តាំ១០% ប្រជែងគ្រោះថ្នាក់៧% បត់គ្រោះថ្នាក់៦% ស្រវឹង៣% សញ្ញាចរាចរណ៍២% កត្តាយាន១% ងងុយ១% និងកត្តាផ្លូវ១% ៕ អត្ថបទ៖ គឹម ហុក

កិច្ចប្រជុំ RBC រវាងកម្ពុជា និងថៃ ចំនួនបីលើកមិនទាន់រកឃើញចំណុចកណ្តាលដែលត្រូវឯកភាពគ្នានោះទេ

កងទ័ពកម្ពុជា និងថៃ បានបើកកិច្ចប្រជុំក្រុមលេខាធិការដ្ឋាននៃគណៈកម្មាធិការព្រំដែនថ្នាក់យោធ ភូមិភាគ (RBC) បានចំនួនបីលើកមកហើយ កាលពីជាងមួយសប្តាហ៍កន្លងទៅ ប៉ុន្តែភាគីទាំងពីរ នៅតែមិនទាន់រកឃើញនូវចំណុចកណ្តាលដែលត្រូវឯកភាពគ្នានោះទេ បើទោះបីជាកិច្ចប្រជុំនេះបានប្រព្រឹត្តទៅក្រោមវត្តមានក្រុមអ្នកសង្កេតការណ៍អាស៊ាន AOT ពីប្រទេសទាំងសងខាងក៏ដោយ។តាមរយៈសន្និសីទសារព័ត៌មានប្រចាំថ្ងៃស្តីពីការវិវត្តន៍ស្ថានការណ៍រវាងកម្ពុជា និងថៃ នាព្រឹកថ្ងៃទី ៦ ខែកុម្ភៈ ឆ្នាំ២០២៦នេះ អ្នកនាំពាក្យរបស់រាជរដ្ឋាភិបាលកម្ពុជា ឯកឧត្តម ប៉ែន បូណា បានបញ្ជាក់ថា រាល់កិច្ចប្រជុំ RBC នេះ គឺបានធ្វើឡើងសុទ្ធតែផ្អែកទៅតាមស្មារតីនៃសេចក្តីប្រកាសរួម នៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ (GBC) កាលពីថ្ងៃទី២៧ ខែធ្នូ ឆ្នាំ២០២៥ ដែលភាគីទាំងពីរបានបញ្ជាក់សាជាថ្មី អំពីការបន្តអនុវត្តយ៉ាងម៉ឺងម៉ាត់ខ្ជាប់ខ្ជួននូវលទ្ធផលនៃកិច្ចប្រជុំពិសេសនេះឱ្យបានពេញលេញ និងប្រកបដោយប្រសិទ្ធភាព ក៏ដូចជាការបន្តកិច្ចខិតខំប្រឹងប្រែងកាត់បន្ថយភាពតានតឹងតាមបណ្តោយព្រំដែន ព្រមទាំងស្វែងរកកិច្ចសហប្រតិបត្តិការជាក់ស្តែងសំដៅលើកកម្ពស់សន្តិភាព និងស្ថិរភាពរវាងប្រទេសទាំងពីរ និងឈានដល់ការវិលត្រឡប់ទៅរកប្រក្រតីភាពឡើងវិញបានឆាប់រហ័ស។យ៉ាងណាក៏ដោយឯកឧត្តម ប៉ែន បូណា បានបញ្ជាក់ថា បើទោះបីជាកិច្ចប្រជុំខាងលើនេះពុំទាន់ បានរកឃើញនុវចំណុចកណ្តាលដែលត្រូវនឹងឯកភាពគ្នាក៏ដោយ ក៏ប៉ុន្តែកិច្ចប្រជុំជាបន្តបន្ទាប់នេះក៏ជាសញ្ញាមួយបានបង្ហាញពីការខិតខំប្រឹងប្រែងរបស់ភាគីកម្ពុជា និងថៃក្នុងការស្វះស្វែងរកដំណោះស្រាយ ដោយសន្តិវិធីតាមរយៈការជួបប្រជុំដើម្បីជជែកគ្នាជំនួសដោយការប្រយុទ្ធគ្នាដោយប្រដាប់អាវុធស្របតាម ស្មារតីនៃសេចក្តីប្រកាសរួមកាលពីថ្ងៃទី២៧ ខែធ្នូ ឆ្នាំ២០២៥ និងកិច្ចព្រមព្រៀងទាំងឡាយដែលភាគីទាំង ពីរបានធ្វើកាលពីកន្លងទៅនោះ។បើតាមអ្នកនាំពាក្យរាជរដ្ឋាភិបាលឯកឧត្តមប៉ែន បូណា ក៏បានបញ្ជាក់ជាថ្មីផងដែរថា មិនថាកិច្ចប្រ ជុំកម្រិត JBC. GBC ឬRBCនោះទេកម្ពុជាសុទ្ធតែមានឆន្ទៈគោរព និងអនុវត្តដោយស្មោះត្រង់បំផុតចំពោះ សេចក្តីប្រកាសរួមកាលពីថ្ងៃទី២៧ ខែធ្នូឆ្នាំ២០២៥ ក៏ដូចជាឯកសារនៃកិច្ចព្រមព្រៀងនានា ដែលបានឯកភាពគ្នា ដូច្នេះកម្ពុជាអំពាវនាវដល់ភាគីថៃត្រូវតែគោរព និងអនុវត្តរាល់កិច្ចព្រមព្រៀងកាលពី កន្លងទៅដូចកម្ពុជាដែរ ដើម្បីធ្វើយ៉ាងណាឲ្យសម្រេចឲ្យបាននូវការកសាងសន្តិភាពនៅតាមព្រំដែនយូរអង្វែង ដូចអ្វីដែលភាគីទាំងពីរបានប្តេជ្ញាចិត្ត និងជាក្តីប្រាថ្នារបស់ប្រជាជនទំាងពីរ រួមទាំងសហគមន៍ក្នុងតំបន់ និងអន្តរជាតិផងដែរនោះ៕ អត្ថបទ៖ បាន ចក់

ក្រសួងការងារកំពុងសម្រុកផ្សព្វផ្សាយឱកាសការងារដែលនៅសល់ជិត ៩ម៉ឺនកន្លែងទៀតដល់មូលដ្ឋានពលរដ្ឋ

ក្រសួងការងារ និងបណ្ដុះបណ្ដាលវិជ្ជាជីវៈ នៅឆ្នាំ២០២៦នេះ កំពុងសម្រុកធ្វើការផ្សព្វផ្សាយនូវឱ កាសការងារ ទៅដល់ប្រជាពលរដ្ឋនៅតាមមូលដ្ឋានផ្ទាល់ ខណៈបច្ចុប្បន្ននេះ កំពុងនៅសល់ការងារជិត ៩ម៉ឺនកន្លែងទៀត កំពុងរងចាំអតីតពលករមកពីប្រទេសថៃ បងប្អូនកំពុងភៀសសឹក និងប្រជាពលរដ្ឋផ្សេងៗទៀត ។ក្នុងពេលចុះសួរសុខទុក្ខបងប្អូនកម្មករនិយោជិក ដែលជាអតីតពលករខ្មែរមកពីប្រទេសថៃ នៅរោងចក្រកាត់ដេរសម្លៀកបំពាក់ H&W ស្ថិតក្នុងស្រុកសំរោងទង ខេត្តកំពង់ស្ពឺ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងថា បច្ចុប្បន្នកម្ពុជាមានរោងចក្រ សហគ្រាសប្រមាណជាង ៤ម៉ឺន ៦ពាន់កន្លែង ខណៈរោងចក្ររាប់រយកន្លែងទៀត កំពុងសាងសង់បន្ថែមនៅក្នុងរាជធានីភ្នំពេញ និងបណ្ដាខេត្តមានសក្ដានុលពលរដ្ឋចំនួនទៀត។លោកបានបន្តថា ស្របនឹងកំណើនរោងចក្រសហគ្រាស កើតឡើងឥតឈប់ឈរនេះ គឺនៅសល់ការងារច្រើនរហូតដល់ជិត៩ម៉ឺនកន្លែង ដូច្នេះហើយ នៅឆ្នាំ២០២៦នេះ ក្រសួងការងារ និងបណ្ដុះបណ្ដាលវិជ្ជាជីវៈ សម្រុកធ្វើវេទិកាការងារឲ្យបានប្រមាណជាង ៦០ដងថែមទៀត នៅក្នុងខេត្តគោលដៅចំនួន១៤ ដើម្បីផ្សព្វផ្សាយឱកាសការងារដល់អតីតពលករមកពីប្រទេសថៃ បងប្អូនភៀសសឹក សិស្សនិស្សិត និងប្រជាពលរដ្ឋ ដែលចង់ធ្វើការ។លោក ស៊ុន មេសា បានបន្ថែមថា ចាប់ពីមានការប៉ះទង្គិចប្រដាប់អាវុធរវាងកងទ័ពកម្ពុជា និងកងទ័ពថៃ គឺមានពលករខ្មែរប្រមាណជិត ៩៦ម៉ឺននាក់ បានត្រឡប់មកពីប្រទេសថៃវិញ ហើយបច្ចុប្បន្ន ក្រសួងបានរកការងារឲ្យពួកគាត់បានធ្វើ ប្រមាណជាង ៦២ម៉ឺននាក់ និងមានជាង ៣ម៉ឺននាក់ បានចូលរួមវគ្គបណ្ដុះបណ្ដាលជំនាញវិជ្ជាជីវៈ។ជាមួយនេះ អ្នកនាំពាក្យក្រសួងការងារ បានអំពាវនាវយ៉ាងទទួច ដល់ពលរដ្ឋខ្មែរ ដែលមានបំណងចង់ធ្វើការ និងរកការងារ អាចទាក់ទងមជ្ឈមណ្ឌលការងារ របស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ នៅតាមរាជធានីខេត្ត ឬទាក់ទងតាមលេខទូរស័ព្ទ ១២៩៧ ហើយការផ្ដល់ជូនការងារនេះ ផ្ដល់អទិភាពដល់អតីតពលករទើបត្រឡប់មកពីប្រទេសថៃ និងបងប្អូនបន្តភៀសសឹក៕ អត្ថបទ បាន សុខរិទ្ធិ

ព្រឹកនេះក្រុម AOT ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច១ ស្រុកវាលវែង ខេត្តពោធិ៍សាត់

នៅព្រឹកថ្ងៃសុក្រ ទី៦ ខែកុម្ភៈ ឆ្នាំ២០២៦ វេលាម៉ោង ៩:០០នាទី ក្រុមសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនដល់ក្រុមអ្នកសង្កេតការណ៍អាស៊ាន (AOT) ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច១ ស្រុកវាលវែង ខេត្តពោធិ៍សាត់ ក្រោយបទឈប់បាញ់ចូលជាធរមាន។ នេះបើតាមសេចក្តីប្រកាសព័ត៌មាន របស់លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា។សេចក្តីប្រកាសព័ត៌មានបានគូសបញ្ជាក់ជូនផងដែរថា ចាប់តាំងពីការចូលជាធរមាននៃបទឈប់បាញ់រវាងកម្ពុជា និងថៃមក កម្ពុជាតែងតែប្រកាន់ខ្ជាប់នូវការប្តេជ្ញាចិត្តយ៉ាងម៉ឺងម៉ាត់បំផុតក្នុងការគោរព និងអនុវត្តយ៉ាងខ្ជាប់ខ្ជួន ពេញលេញនូវបទឈប់បាញ់, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ កាលពីថ្ងៃទី២៦ ខែតុលា ឆ្នាំ២០២៥, សេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី២៧ ខែធ្នូ ឆ្នាំ២០២៥ ព្រមទាំងកិច្ចព្រមព្រៀងពាក់ព័ន្ធដទៃទៀត៕

សម្ដេចមហាបវរធិបតី ហ៊ុន ម៉ាណែត អញ្ជើញចូលរួមកិច្ចប្រជុំកំពូលរវាងគណបក្សប្រជាជនកម្ពុជា និងគណបក្សកុម្មុយនីស្តវៀតណាម

នៅព្រឹកថ្ងៃទី៦ ខែកុម្ភៈ ឆ្នាំ២០២៦នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និង ជាអនុប្រធានគណបក្សប្រជាជនកម្ពុជា បានអញ្ជើញចូលរួមកិច្ចប្រជុំរវាងគណៈអចិន្ត្រៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា ដឹកនាំដោយ សម្តេច អគ្គមហាសេនាបតីតេជោ ហ៊ុន សែន ប្រធានគណបក្ស ជាមួយការិយាល័យមជ្ឈិមបក្សកុម្មុយនីស្តវៀតណាម ដឹកនាំដោយ ឯកឧត្តម តូ ឡឹម (TO Lam ) អគ្គលេខាធិការបក្សកុម្មុយនីស្តវៀតណាម នៅវិមាន៧មករា។

បណ្ដាញសង្គម

ព័ត៌មានថ្មីៗ

សិស្សសាលាអារ៉ាប់រួមនៅទីក្រុងឌូបៃ វិលត្រឡប់ទៅរៀនតាមអនឡាញ ក្រោយការវាយប្រហាររបស់អ៊ីរ៉ង់

ភរិយាសកម្មជនកងនាវាហ្កាហ្សានិយាយថា ស្វាមីរបស់ពួកគេដែលឃាត់ខ្លួនដោយអ៊ីស្រាអែល ត្រូវបានគេធ្វើទារុណកម្ម

នាយករដ្ឋមន្ត្រីរ៉ូម៉ានីត្រូវបានទម្លាក់ពីតំណែង ដោយការបោះឆ្នោតដកសេចក្ដីទុកចិត្ត

អារ៉ាប់រួមរឹតបន្តឹងដែនអាកាស ក្រោយមានការវាយប្រហារដោយមីស៊ីល និងយានដ្រូនរបស់អ៊ីរ៉ង់

ប្រមុខមន្ទីរបញ្ចកោណ៖ អាមេរិកមិនស្វែងរកការប្រយុទ្ធ ដោយប្រតិបត្តិការបណ្តោះអាសន្ន ដើម្បីការពារនាវាទេ

កូនប្រុសរបស់លោកស្រី អ៊ុងសាន ស៊ូជី ជំរុញឲ្យរដ្ឋាភិបាលមីយ៉ាន់ម៉ាផ្តល់ «ភស្តុតាងពីការមានជីវិត»

ចិន៖ ទណ្ឌកម្មកាន់តែទូលំទូលាយរបស់សហរដ្ឋអាមេរិក លើគុយបា គឺ «ខុសច្បាប់»

រដ្ឋមន្ត្រីការបរទេសអ៊ីរ៉ង់ ចេញដំណើរទៅទីក្រុងប៉េកាំង សម្រាប់កិច្ចពិភាក្សាជាមួយចិន

អ៊ុយក្រែនអះអាងថា មនុស្ស ៣នាក់ រងរបួស ក្នុងការវាយប្រហារយានដ្រូនរុស្ស៊ីលើមជ្ឈមណ្ឌលទីក្រុង Chernihiv

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សម្តេចព្រះមហាក្សត្រី ព្រះរាជានុញ្ញាតជូន ឯកឧត្តម តូ ឡឹម ចូលក្រាបថ្វាយបង្គំគាល់ នៅព្រះបរមរាជវាំង

ប្រធានសភាពាណិជ្ជកម្មកម្ពុជា អំពាវនាវដល់វិស័យឯកជនបង់ពន្ធជូនរដ្ឋគ្រប់ៗគ្នាដើម្បីអភិវឌ្ឍន៍ជាតិ

មន្រ្តីជាន់ខ្ដស់ CDC៖ ខណៈពិភពលោកកំពុងតានតឹង កម្ពុជាបានកំពុងបន្តឆ្ពោះទៅមុខមានទិសដៅសេដ្ឋកិច្ចច្បាស់លាស់

ពលរដ្ឋបន្តសាទរបទបញ្ជារបស់រាជរដ្ឋាភិបាលបោសសម្អាតឧក្រិដ្ឋកម្មឆបោកតាមអនឡាញឱ្យអស់ពីកម្ពុជា

អ្នកធ្វើដំណើរតាមដងផ្លូវ គាំទ្រឱ្យមានការផាកពិន័យអ្នកល្មើសច្បាប់ចរាចរណ៍ឡើងវិញ

កិច្ចប្រជុំ RBC រវាងកម្ពុជា និងថៃ ចំនួនបីលើកមិនទាន់រកឃើញចំណុចកណ្តាលដែលត្រូវឯកភាពគ្នានោះទេ

ក្រសួងការងារកំពុងសម្រុកផ្សព្វផ្សាយឱកាសការងារដែលនៅសល់ជិត ៩ម៉ឺនកន្លែងទៀតដល់មូលដ្ឋានពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សម្តេចព្រះមហាក្សត្រី ព្រះរាជានុញ្ញាតជូន ឯកឧត្តម តូ ឡឹម ចូលក្រាបថ្វាយបង្គំគាល់ នៅព្រះបរមរាជវាំង

ប្រធានសភាពាណិជ្ជកម្មកម្ពុជា អំពាវនាវ​ដល់វិស័យឯកជនបង់ពន្ធ​ជូនរដ្ឋគ្រប់ៗ​គ្នា​ដើម្បីអភិវឌ្ឍន៍ជាតិ

ពលរដ្ឋបន្តសាទរបទបញ្ជារបស់រាជរដ្ឋាភិបាលបោសសម្អាតឧក្រិដ្ឋកម្មឆបោកតាមអនឡាញឱ្យអស់ពីកម្ពុជា

អ្នកធ្វើដំណើរតាមដងផ្លូវ គាំទ្រឱ្យមានការផាកពិន័យអ្នកល្មើសច្បាប់ចរាចរណ៍ឡើងវិញ

កិច្ចប្រជុំ RBC រវាងកម្ពុជា និងថៃ ចំនួនបី​លើក​មិន​ទាន់​រក​ឃើញ​ចំណុច​កណ្តាល​ដែល​ត្រូវ​ឯក​ភាព​គ្នា​នោះ​ទេ

ក្រសួងការងារកំពុងសម្រុកផ្សព្វផ្សាយឱកាសការងារដែលនៅសល់ជិត ៩ម៉ឺនកន្លែងទៀត​ដល់​មូលដ្ឋាន​ពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានសភាពាណិជ្ជកម្មកម្ពុជា អំពាវនាវដល់វិស័យឯកជនបង់ពន្ធជូនរដ្ឋគ្រប់ៗគ្នាដើម្បីអភិវឌ្ឍន៍ជាតិ

កិច្ចប្រជុំ RBC រវាងកម្ពុជា និងថៃ ចំនួនបីលើកមិនទាន់រកឃើញចំណុចកណ្តាលដែលត្រូវឯកភាពគ្នានោះទេ

ក្រសួងការងារកំពុងសម្រុកផ្សព្វផ្សាយឱកាសការងារដែលនៅសល់ជិត ៩ម៉ឺនកន្លែងទៀតដល់មូលដ្ឋានពលរដ្ឋ