BTV NEWS

សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់

បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា

កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស

មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”

ព័ត៌មានជាតិ

សហជីព និងកម្មករ ប្តេជ្ញាចូលរួមទប់ស្កាត់ និងការពារជំងឺមិនឆ្លង ដើម្បីធានាឲ្យបាននូវសុខុមាលភាព

ប្រធានសហព័ន្ធសហជីព និងក្រុមកម្មកររោងចក្រ បានបង្ហាញការប្តេជ្ញាចិត្តក្នុងការចូលរួមបេសកកម្មជាមួយរាជរដ្ឋាភិបាលកម្ពុជា ធ្វើយ៉ាងណាចូលរួមទប់ស្កាត់ និងការពារជំងឺមិនឆ្លង ដើម្បីធានាឲ្យបាននូវសុខុមាលភាពទាំងអស់គ្នា ជាពិសេសដើម្បីចូលរួមអភិវឌ្ឍឱ្យមានកំណើនប្រកបដោយចីរភាព។លោក សំ សឿន ប្រធានសហព័ន្ធសហជីពដើម្បីសិទ្ធិការងារ ក្នុងបទសម្ភាសន៍ជាមួយព័ត៌មាន ប៊ីធីវី នៅក្រោយចប់កម្មវិធីបើកយុទ្ធនាការផ្សព្វផ្សាយ និងទប់ស្កាត់ជំងឺមិនឆ្លងដល់បងប្អូនកម្មករ និយោជិត នៅតាមសហគ្រាស គ្រឹះស្ថាន កាលពីថ្ងៃទី៥ ខែកុម្ភៈកន្លងទៅ បានឲ្យដឹងថា ជាមួយនឹងការរីកចម្រើននៃវិស័យឧស្សាហកម្ម និងសេដ្ឋកិច្ច ជាកាពិតកម្មករនិយោជិត គឺជាកម្លាំងដ៏សំខាន់ ដើម្បីចូលរួមអភិវឌ្ឍកំណើនសេដ្ឋកិច្ចជាតិ។ ដូច្នេះ សុខភាព និងសុវត្ថិភាពរបស់កម្មករ និយោជិត គឺជាបញ្ហាសំខាន់ដែលត្រូវចាប់អារម្មណ៍ និងផ្តល់ការពារដោយយកចិត្តទុកដាក់បំផុត។លោកបានបន្ថែមថា ក្នុងនាមសហជីព លោកនៅតែបន្តចូលរួមសហការយ៉ាងជិតស្និត ជាមួយក្រសួងការងារ និងបណ្តុះបណ្តាលវិជ្ជាជីវៈ ក្រសួងសុខាភិបាល អង្គការសមាគមនិយោជក និងស្ថាប័នពាក់ព័ន្ធ ក្នុងការចូលរួមគ្នាអនុវត្តយុទ្ធនាការនានា ដើម្បីធានាបាននូវការទប់ស្កាត់ជំងឺមិនឆ្លងដល់បងប្អូនកម្មករនិយោជិត នៅតាមសហគ្រាស គ្រឹះស្ថាន ក្នុងការលើកកម្ពស់លក្ខខណ្ឌសុវត្ថិភាព និងសុខភាពការងាររបស់កម្មករនិយោជិតនៅកន្លែងធ្វើការ ដើម្បីបង្កើនប្រសិទ្ធភាព ផលិតភាពការងារ និងការអភិវឌ្ឍប្រកបដោយចីរភាពនៅតាមសហគ្រាស គ្រឹះស្ថាន។ក្រុមកម្មការិនី ដែលបានចូលរួមក្នុងយុទ្ធនាការនេះ ក៏បានអំពាវនាវទៅដល់កម្មករនិយោជិតទាំងអស់ ក៏ដូចជាប្រជាពលរដ្ឋដទៃទៀត ចូលរួមសហការជាមួយយុទ្ធនាការនេះ ដោយស្វែងយល់ពីវិធីការពារសុខភាពផ្ទាល់ខ្លួន រួមទាំងការទទួលយកជំនាញ ឬប្រឹក្សាពីអ្នកជំនាញផ្នែកសុខភាព។ ក្រុមកម្មការិនី និយាយស្រដៀងគ្នាថា នឹងចូលរួមជំរុញការផ្សព្វផ្សាយបង្កើនការយល់ដឹងជាសាធារណៈអំពីកត្តាហានិភ័យនៃជំងឺមិនឆ្លង វិធីសាស្ត្របង្ការ និងសារៈសំខាន់នៃការរកឃើញឱ្យបានឆាប់រហ័ស។នៅក្នុងយុទ្ធនាការផ្សព្វផ្សាយ និងទប់ស្កាត់ជំងឺមិនឆ្លងដល់បងប្អូនកម្មករនិយោជិតនៅតាមសហគ្រាស គ្រឹះស្ថាន ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានមានប្រសាសន៍ថា វិធីសាស្ត្របង្ការជំងឺមិនឆ្លង កម្មករ និយោជិត និងប្រជាពលរដ្ឋទាំងអស់ ត្រូវកាត់បន្ថយការទទួលផ្អែម ភេសជ្ជៈប៉ូវកម្លាំង កាត់បន្ថយការទទួលទានអំបិល ឱ្យបានពាក់កណ្តាលនៃទម្លាប់ហូបប្រៃកន្លងមក កាត់បន្ថយអាហារចៀន ឬបំពង អាហារដែលមានខ្លាញ់ច្រើន និងជៀងវាងការពិសាគ្រឿងស្រវឹង ការពិសាថ្នាំជក់ (បារី) និងត្រូវបេ្តជ្ញាចិត្តចៀសវាងការពារខ្លួនអ្នក និងក្រុមគ្រួសារ ពីជំងឺទឹកនោមផ្អែម គាំងបេះដូង ខ្សោយតំរង់នោម ស្ទះសរសៃឈាមបេះដូង និងជំងឺលើសឈាម (ដោយសារពិសាប្រៃ)៕ អត្ថបទ៖ ឈិត បូរ៉ាវី

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញធ្វើដំណើរតាមនាវាទេចរណ៍ ទស្សនាតាមដងទន្លេ និងសហគមន៍តម្បាញ ហូល ផាមួង ក្រមាសូត្រ និងកន្សែង នៅឃុំកោះឧកញ៉ាតី

កាលពីរសៀលថ្ងៃទី៥ ខែកុម្ភះ ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពជា អមដំណើរដោយ ឯកឧត្តមអភិបាល នៃគណះអភិបាលរាជធានីភ្នំពេញ លោកជំទាវ អ្នកឧកញ៉ា មន្រី្តសាលារាជធានីភ្នំពេញ បានអញ្ជើញធ្វើដំណើរតាមនាវាទេចរណ៍ ទស្សនាតាមដងទន្លេសាប ទន្លេមេគង្គ និងបានអញ្ជើញទៅកាន់រមណីយ៍ដ្ឋានចំការស្នេហ៍ ដែលមានសហគមន៍តម្បាញ ហូល ផាមួង ក្រមាសូត្រ និងកន្សែងដែលស្ថិតនៅឃុំកោះឧកញ៉ាតី ស្រុកខ្សាច់កណ្តាល ខេត្តកណ្តាល នេះក៏ជាលើកទី២ហើយ ដែលសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញធ្វើដំណើរតាមនាវាទេសចរណ៍ ទៅកាន់ទីនោះ។ ដោយលើកទីនៅថ្ងៃទី១៦ ខែកុម្ភះ ឆ្នាំ២០១៩កន្លងទៅ។ក្នុងឱកាសនេះដែរសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនក៏បានអញ្ជើញពិនិត្យមើលការចិញ្ចឹមដង្កូវនាង ការផលិតសូត្របំរើរអោយវិស័យតម្បាញ ហូល ផាមួង និងកន្សែងផងដែរ ។គួរបញ្ជាក់ថា ហូល ផាមួងក្រមា និងកន្សែងសូត្រ គឺជាស្នាដៃ ដែលដូនតាខ្មែរ បានបន្សល់ទុកសម្រាប់ជាកេរ្តិ៍តំណែលតកូន តចៅជាច្រើនជំនាន់មកហើយ ពីព្រោះសិប្បកម្មតម្បាញ និងមានអត្ថប្រយោជន៍សម្រាប់ប្រើប្រាស់ច្រើនយ៉ាង ក្នុងជីវភាព ប្រចាំថ្ងៃរបស់ប្រជាពលរដ្ឋខ្មែរគ្រប់ស្រទាប់វណ្ណៈ។នៅតាមផ្លូវក្នុងភូមិដែលធ្វើដំណើរតាមរឺម៉ូតូ សម្តេចកិត្តិព្រឹទ្ធបណ្ឌិត ជាចៃដន្យបានឃើញប្រជាពលរដ្ឋកំពុងប្រមូលផលខ្ញី សម្តេចកិត្តិព្រឹទ្ធបណ្ឌិត ក៏បានចុះជួយដកប្រមូលផល និងជួយទិញខ្ញីមួយចំនួនផងដែរ នៅតាមដងផ្លូវធ្វើដំណើរត្រូវបានប្រជាពលរដ្ឋស្វាគមន៍ដោយក្តីសប្បាយរីករីយ ៕

មន្រ្តីជំនាញចាប់ផ្ដើមដាក់ទ្រូងផ្លូវ នៅកំណាត់ផ្លូវ៦០ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍

កំណាត់ផ្លូវ ៦០ម៉ែត្រ ត្រូវបានមន្ត្រីជំនាញមន្ទីរសាធារណការរាជធានីភ្នំពេញស្ទូចរបាំងថ្ម និងរនាំងដែកដើម្បីដាក់ទ្រូងផ្លូវ បញ្ចៀសគ្រោះថ្នាក់ចរាចរណ៍។មន្ត្រីជំនាញមន្ទីរសាធារណការរាជធានីភ្នំពេញបានស្ទូចយក របាំងថ្មនិងរនាំងដែកដើម្បីដាក់ទ្រូងផ្លូវនៅកំណាត់ផ្លូវ៦០ម៉ែត្រ ដើម្បីកាត់បន្ថយនិងបញ្ជៀសចរាចរណ៍នៅកំណាត់ផ្លូវ៦០ម៉ែត្រនេះដោយកន្លងមកបង្កគ្រោះថ្នាក់ចរាចរណ៍បណ្ដាលដោយមនុស្សស្លាប់ជាញឹកញាប់។ជាក់ស្ដែងនៅព្រឹកថ្ងៃទី០៦ ខែកុម្ភៈ ឆ្នាំ២០២៥ នេះមន្រ្តីជំនាញនៃមន្ទីរសាធារណការរាជធានីភ្នំពេញបានចាប់ផ្ដើមស្ទូចយករបាំងថ្មនិងរនាំងដែកដើម្បីយកមកដាក់ទ្រូងផ្លូវនៅកំណាត់ផ្លូវ៦០ម៉ែត្រដែលស្ថិតនៅមូលដ្ឋានខណ្ឌមានជ័យនិងខណ្ឌដង្កោ។ប្រជាពលរដ្ឋ ដែលអ្នកប្រកបរបរលក់ដូរនៅតាមបណ្តោយផ្លូវ៦០ម៉ែត្រ បានឱ្យដឹងថា ក្នុងមួយរយៈពេលក្រោយមកនេះ ពួកគាត់បានសង្កេតឃើញថា គ្រោះថ្នាក់ចរាចរណ៍ហាក់មិនមានការកើតឡើងញឹកញាប់ដូចពេលមុននោះទេ ពិសេសការបើកបរធ្វើដំណើររបស់ពលរដ្ឋអ្នកបញ្ជារយានយន្ត ហាក់ចូលរួមគោរពបានល្អប្រសើរជាងមុន ដោយមិនសូវមានអ្នកបន្តបើកបរលឿនៗទៀតនោះឡើយ ខណះដែលសមត្ថកិច្ចនៅតែបន្តយកចិត្តទុលដាក់ក្នុងការពង្រឹងការអនុវត្តច្បាប់ទាំងយប់ទាំងថ្ងៃផងដែរ។ ពលរដ្ឋបន្តលើកឡើងថា កន្កងទៅអ្នកបើកបរទាំងម៉ូតូទាំងរថយន្តបានបើកបរក្នុងល្បឿនលឿនៗមិនមានការប្រុងប្រយ័ត្នបណ្ដាលឲ្យគ្រោះថ្នាក់ចរាចរណ៍ជាញឹកញាប់ហើយក្នុងករណីគ្រោះថ្នាក់ចរាចរណ៍នោះភាគច្រើនគឺបណ្ដាលឲ្យមានមនុស្សស្លាប់ផងដែរ។សូមបញ្ជាក់ថា ការអនុញ្ញាត្តិល្បឿននៅលើផ្លូវ៦០ម៉ែត្រ គឺក្រោម៦០km/h គិតចាប់ពីស្តុប៥០ម៉ែត្រ ដល់ស្តុបសឺដែស ។ ដោយឡែកពីស្តុបសឺដែស ដល់ស្ពានអាកាសមរតកតេជោ គឺអនុញ្ញាត្តិត្រឹម 40Km/h ប៉ុណ្ណោះ ។ បច្ចុប្បន្ននេះ ក្រុមការងារបច្ចេកទេស នៃមន្ទីរសាធារណះការ និងដឹកជញ្ចូនរាជធានីភ្នំពេញ បានគូសគំនូសសញ្ញាចរាចរណ៍ នៅលើដងផ្លូវខាងលើ និងដាក់ទ្រូងផ្លូវ ដើម្បីឱ្យប្រជាពលរដ្ឋអ្នកដំណើរងាយស្រួលកំណត់ចំណាំឱ្យបានច្បាស់ និងបន្តការចូលរួមគោរពគំនូសសញ្ញាឱ្យបានខ្ជាប់ខ្ជួនទាំងអស់គ្នាផងដែរ៕ អត្ថបទ៖ កុម្ភៈ

មន្ត្រី ប.ស.ស ខេត្តក្រចេះ ចុះផ្សព្វផ្សាយពីសារប្រយោជន៍ នៃប័ណ្ណ ប.ស.សដល់កម្មករ-និយោជិតក្រុមហ៊ុន នៅក្នុងស្រុកស្នួល

សាខា ប.ស.ស ខេត្តក្រចេះ បានចុះផ្សព្វផ្សាយអំពីគោលនយោបាយសន្តិសុខសង្គម ជូនដល់ម្ចាស់ក្រុមហ៊ុន កម្មករ និងនិយោជិត ដែលកំពុងបម្រើការងារនៅក្នុងក្រុមហ៊ុនស្វីសរីសសល៍ (Cambodia) ស្ថិតក្នុងឃុំស្នួល ស្រុកស្នួល ខេត្តក្រចេះ នាថ្ងៃទី ៥ ខែ កុម្ភៈ ឆ្នាំ២០២៥ ។ តាមការឲ្យដឹងពី លោក ហេ សុខសាយ ប្រធានសាខាបានឲ្យដឹងថា៖ ដោយអនុវត្តនូវយុទ្ធសាស្ត្របច្ចកោណ ដំណាក់កាលទី១ មុំទី ៤ និងកម្មវិធីទី១ នៃយុទ្ធសាស្ត្រអាទិភាពរបស់រាជរដ្ឋាភិបាលនីតិកាលទី៧ ព្រមទាំងមានការស្នើសុំពីម្ចាស់ក្រុមហ៊ុន និងស្រប់តាមផែនការសកម្មភាពនោះ ក្រុមការងារ ប.ស.ស សាខាខេត្តក្រចេះ បានចុះដល់ក្រុមហ៊ុនដើម្បីធ្វើការផ្សព្វផ្សាយអំពីគោលនយោបាយ របបសន្តិសុខសង្គម និងធ្វើប័ណ្ណ ប.ស.ស ជូនដល់កម្មករនិយោជិត ប្រមាណចំនួន ២០០នាក់ ។ បន្ថែមពីនេះ លោកបានជម្រាបជូនដំណឹងដល់ម្ចាស់ក្រុមហ៊ុន កម្មករ និងនិយោជិត ឲ្យយល់កាន់តែច្បាស់អំពី គោលនយោបាយរបស់ ប.ស.ស នៃក្រសួងការងារ និងគោលនយោបាយរបស់រាជរដ្ឋាភិបាល ដែលបានយកចិត្តទុកដាក់ខ្ពស់ ចំពោះសុខមាលភាពរបស់ប្រជាពលរដ្ឋ និងកំណើនសេដ្ឋកិច្ចប្រកបដោយចីរភាព ។ ជាមួយគ្នានេះ លោក ហេ សុខសាយ ក៏បានបញ្ជាក់ច្បាស់អំពីអត្ថប្រយោជន៍ ដែលបងប្អូនកម្មករ-និយោជិត ត្រូវទទួលបាន ដូចជា៖ របបហានិភ័យការងារ -របបថែទាំសុខភាព និងរបបប្រាក់សោធន (ប្រាក់រ៉ឺត្រែតជាដើម) ។ លោក បានបន្ថែមថា៖ បងប្អូនកម្មករ-និយោជិត ទទួលបានអត្ថប្រយោជន៍ជាច្រើនពី ប.ស.ស និងរាជរដ្ឋាភិបាល ទាំងពេលបច្ចុប្បន្ននិងពេលអនាគត រហូតដល់មរណភាព ។ ជាងនេះទៅទៀត លោក ក៏បានស្នើរសុំឲ្យម្ចាស់ក្រុមហ៊ុន ត្រូវជម្រុញចែតចែង និងសម្របសម្រួលដល់បងប្អូនកម្មករ-នយោជិត ក្នុងការចុះឈ្មោះស្នើរសុំប័ណ្ណ ប.ស.ស. ដើម្បីទទួលបានអត្ថប្រយោជន៍ និងការធានារ៉ាប់រងលើហានីភ័យការងារឲ្យបានគ្រប់ៗគ្នា ។ ទន្ទឹមនឹងនោះដែរ បងប្អូនកម្មករ-និយោជិត ដែលបានចូលរួមក្នុងការផ្សព្វផ្សាយនាពេលនោះ មានការសប្បាយរីករាយប្រកបដោយភាពជឿជាក់ចំពោះ ប.ស.ស ជាពិសេស មានជំនឿជាក់មកលើប្រមុខដឹកនាំរាជរដ្ឋាភិបាលសព្វថ្ងៃ ។ ពួកគាត់បានសំដែងនូវការដឹងគុណចំពោះថ្នាក់ដឹកនាំរាជរដ្ឋាភិបាល ដែលមានសម្តេចតេជោអតីត និងសម្តេចបវរធិបតីនាយករដ្ឋមន្រ្តីនៃកម្ពុជា ៕ ដោយ សេង ម័រ

សួនឌីជីថល នឹងដើរតួនាទីយ៉ាងសំខាន់ក្នុងការជំរុញការអភិវឌ្ឍជំនាញឌីជីថល

ការបង្កើតសួនឌីជីថល នឹងដើរតួនាទីយ៉ាងសំខាន់ក្នុងការជំរុញការអភិវឌ្ឍជំនាញឌីជីថល ការគាំទ្រដល់ធុរកិច្ចថ្មីឌីជីថល ការរៀបចំហេដ្ឋារចនាសម្ព័ន្ធឌីជីថលគាំទ្រ រួមមាន មជ្ឈមណ្ឌលទិន្នន័យ និងការកសាងសហគមន៍ឌីជីថលមួយក្នុងការទាក់ទាញវិនិយោគិន សំដៅរួមចំណែកដល់ការអភិវឌ្ឍសេដ្ឋកិច្ចនិង សង្គមឌីជីថលនៅកម្ពុជា។មុខងារសំខាន់ៗនៃសួនឌីជីថល ជាប្រព័ន្ធអេកូឡូស៊ីធុរកិច្ចថ្មីឌីជីថល បង្កើតច្រកចេញ-ចូលតែមួយដើម្បីគាំទ្រដល់ធុរកិច្ចថ្មីឌីជីថល ផ្តល់ការគាំទ្រកិច្ចការរដ្ឋបាលនិងអនុលោមភាព ផ្សារភ្ជាប់ធុរកិច្ចថ្មីឌីជីថលទៅនឹងឧស្សាហកម្ម។ ការអប់រំជំនាញឌីជីថលដោយផ្សារភ្ជាប់នឹងឱកាសការងារ ដោយចាប់ដៃគូជាមួយវិទ្យាល័យ សាកលវិទ្យាល័យ និងក្រុមហ៊ុនបច្ចេកវិទ្យាធំៗ ក្នុងការដើរតួនាទីជាមជ្ឈមណ្ឌលអប់រំ ដើម្បីជំរុញការអភិវឌ្ឍជំនាញឌីជីថល ផ្តល់ឱកាសហ្វឹកហាត់ការងារ កម្មវិធីបណ្តុះបណ្តាល និង ឱកាសការងារដោយផ្ទាល់និងការងារពីចម្ងាយលើកទឹកចិត្តសិស្សបញ្ចប់ថ្នាក់វិទ្យាល័យចាប់យក្ខជំនាញ ឌីជីថលក្នុងការបន្តការសិក្សានៅសាកលវិទ្យាល័យ សួនឌីជីថលក៏ជាមជ្ឈមណ្ឌលទិន្នន័យជាតិ បង្កើតមជ្ឈមណ្ឌលទិន្នន័យជាតិទី១ សម្រាប់បំពេញតម្រូវការទាំងវិស័យសាធារណៈនិងឯកជន ផ្តល់សេវា Data Hosting មួយប្រកបដោយសុវត្ថិភាព ការជឿទុកចិត្ត និងតម្លៃសមរម្យ ជាទីស្នាក់ការសម្រាប់ក្រុមហ៊ុនបច្ចេកវិទ្យា ទាក់ទាញក្រុមហ៊ុនបច្ចេកវិទ្យាក្នុងតំបន់និងពិភពលោកមកដាក់ប្រតិបត្តិការនៅកម្ពុជា ដើរតួនាទីជាច្រកទ្វារសម្រាប់ភ្ជាប់ទៅកាន់ទីផ្សារអាស៊ាន។ សួនឌីជីថលជាមជ្ឈមណ្ឌលតាំងពិព័រណ៍ ផ្តល់ទីកន្លែងតាំងពិព័រណ៍នូវស្នាដៃនវានុវត្តន៍ពីធុរកិច្ចថ្មីឌីជីថល មជ្ឈដ្ឋានសិក្សា អ្នកសិក្សាស្រាវជ្រាវ វិស័យឯកជន និងភ្នាក់ងាររដ្ឋាភិបាលនានា ផ្តល់ជាទីតាំងសម្រាប់ការរៀបចំព្រឹត្តិការណ៍ជាតិនិងអន្តរជាតិនានា ដើម្បីជំរុញកិច្ចសហការនិងការចូលរួមពីសាធារណជន។សូមបញ្ជាក់ថា ការបង្កើតសួនឌីជីថល ជាបទបង្ហាញមួយ ត្រូវបានធ្វើឡើងនៅក្នុង សន្និបាតបូកសរុបលទ្ធផលការងាររយៈពេល ៥ឆ្នាំ ២០២០-២០២៤ នៃដំណើរឆ្ពោះទៅបរិវត្តកម្មឌីជីថល និងលើកទិសដៅការងារបន្ត របស់ក្រសួងប្រៃសណីយ៍និងទូរគមនាគមន៍ នាថ្ងៃទី៦ ខែកុម្ភៈ ឆ្នាំ២០២៥ ក្រោមអធិបតីភាព ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថល៕ អត្ថបទ៖ ស៊ូជីង

រដ្ឋមន្រ្តីការងារទទួលជួបអង្គការ កយកា ដើម្បីពិភាក្សាការងារគម្រោងអភិវឌ្ឍន៍វិជ្ជាជីវៈឆ្នាំ២០២៦-២០៣០

ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃទី៥ កុម្ភៈ ឆ្នាំ២០២៥នេះ បានទទួលជួបពិភាក្សាការងារជាមួយគណៈប្រតិភូរបស់ទីភ្នាក់ងារកិច្ចសហប្រតិបត្តិការអន្តរជាតិកូរ៉េ (KOICA) ដឹកនាំដោយលោកស្រីនាយិកាប្រចាំប្រទេស ឆយ ម៉ូនជុង (Choi Moon Jung) ផ្តោតលើវឌ្ឍនភាពនៃកិច្ចសហប្រតិបត្តិការរវាភាគីទាំងពីរ ជាពិសេសលើសេចក្តីព្រាងឯកសារនៃគម្រោងអភិវឌ្ឍន៍វិជ្ជាជីវៈ និងទេពកោសល្យកម្ពុជា ឆ្នាំ២០២៦-២០៣០។ ក្រោយចប់ជំនួបការងារនេះ ក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងថា ក្នុងឱកាសនោះ ឯកឧត្តម ហេង សួរ បានថ្លែងអំណរគុណចំពោះ KOICA ដែលបានរួមចំណែកក្នុងសកម្មភាពអភិវឌ្ឍន៍ជាច្រើនក្នុងប្រទេសកម្ពុជាអស់រយៈពេលជាង ២០ ឆ្នាំមកហើយ។ ទន្ទឹមនេះ ឯកឧត្តមរដ្ឋមន្ត្រី បានគូសបញ្ជាក់ថា ក្រសួងការងារ និងបណ្តុះបណ្តាលវិជ្ជាជីវៈ នឹងបន្តកិច្ចសហប្រតិបត្តិការជាមួយ KOICA លើគម្រោងលើកកម្ពស់ការបណ្តុះបណ្តាលវិជ្ជាជីវៈ និងបច្ចេកទេសនៅកម្ពុជា ដោយសហការជាមួយវិទ្យាស្ថាន TVET ដើម្បីធ្វើបច្ចុប្បន្នភាពកម្មវិធីសិក្សា ស្របទៅនឹងតម្រូវការឧស្សាហកម្ម និងការរីកចំរើនផ្នែកបច្ចេកវិទ្យាដែលកំពុងរីកចម្រើន។ ជាការឆ្លើយតប លោកស្រី ឆយ ម៉ូនជុង បានបង្ហាញនូវការពេញចិត្តចំពោះការបន្តពង្រីកកិច្ចសហប្រតិបត្តិការទ្វេភាគីរវាងKOICA និងក្រសួងការងារ និងបណ្តុះបណ្តាលវិជ្ជាជីវៈ។ លោកស្រី ជឿជាក់ថា តាមរយៈគម្រោងអភិវឌ្ឍន៍វិជ្ជាជីវៈ និងទេពកោសល្យកម្ពុជា ឆ្នាំ២០២៦-២០៣០ នឹងចូលរួមលើកកម្ពស់ការអភិវឌ្ឍជំនាញវិជ្ជាជីវៈ និងទេពកោសល្យសម្រាប់វិស័យបច្ចេកវិទ្យានៅកម្ពុជា ស្របតាមអាទិភាពរបស់កម្ពុជា ក្នុងការការអភិវឌ្ឍកម្លាំងពលកម្មជំនាញ ទន្ទឹមនឹងអាទិភាពរបស់ប្រទេសកូរ៉េ ដែលត្រូវការកម្លាំងពលកម្មជំនាញពីបរទេស៕ អត្ថបទ៖ ឈិត បូរ៉ាវី

សម្តេចតេជោ ហ៊ុន សែន អញ្ជើញដឹកនាំគណៈប្រតិភូកម្ពុជាទៅដល់សាធារណរដ្ឋប្រជាធិបតេយ្យប្រជាមានិតឡាវប្រកបដោយសុវត្ថិភាព

នៅព្រឹក ថ្ងៃព្រហស្បតិ៍ ទី៦ ខែកុម្ភៈឆ្នាំ២០២៥ នេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញដឹកនាំគណៈប្រតិភូជាន់ខ្ពស់កម្ពុជា អញ្ជើញទៅដល់សាធារណរដ្ឋប្រជាធិបតេយ្យប្រជាមានិតឡាវប្រកបដោយសុវត្ថិភាពហើយដើម្បីបំពេញទស្សនកិច្ចរយៈពេល២ថ្ងៃ។ វត្តមាននៃការអញ្ជើញដល់របស់សម្ដេចតេជោ ត្រូវបានទទួលការធ្វើគារវកិច្ចស្វាគមន៍រាក់ទាក់ និងកក់ក្តៅជាទីបំផុត ពីសំណាក់ថ្នាក់ដឹកនាំជាន់ខ្ពស់នៃសាធារណរដ្ឋប្រជាធិបតេយ្យប្រជាមានិតឡាវ និងថ្នាក់ដឹកនាំសំខាន់ៗជាច្រើនទៀតផងដែរ។សមាសភាពគណៈប្រតិភូអមដំណើរ សម្តេចតេជោ ក្នុងទស្សនកិច្ច រួមមាន សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និងជាអនុប្រធានគណបក្សប្រជាជនកម្ពុជា សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ និងជាអនុប្រធានគណបក្សប្រជាជនកម្ពុជា សម្តេចកិតិ្តសង្ហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាអនុប្រធានគណបក្សប្រជាជនកម្ពុជា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រធានគណៈទាក់ទងបរទេសនៃគណបក្សប្រជាជនកម្ពុជា ព្រមទាំងសមាជិកព្រឹទ្ធសភា-រដ្ឋសភា និងថ្នាក់ដឹកនាំសំខាន់ៗនៃស្ថាប័ននីតិប្បញ្ញត្តិកម្ពុជា និងគណបក្សប្រជាជនកម្ពុជា។នៅក្នុងឱកាសទស្សនកិច្ចនេះ សម្តេចតេជោ នឹងមានជំនួបទ្វេភាគីជាមួយ ឯកឧត្តម សាយសំផន កុមវិហាន ប្រធានរដ្ឋសភាឡាវ ជួបពិភាក្សាការងារជាមួយ ឯកឧត្តម សនសៃ ស៊ី ផាន់ដន នាយករដ្ឋមន្ត្រីឡាវ និងធ្វើជាសហប្រធានជាមួយ ឯកឧត្តម ថងលុន ស៊ីសុលីត ប្រធានរដ្ឋឡាវ និងជាអគ្គលេខាធិការគណបក្សប្រជាជនបដិវត្តន៍ឡាវ ដឹកនាំកិច្ចប្រជុំកំពូលលើកទី១៥ រវាងគណបក្ស ប្រជាជនកម្ពុជានិងគណបក្សប្រជាជនបដិវត្តន៍ឡាវ។គួរបញ្ជាក់ដែរថា តាមរយៈដំណើរទស្សនកិច្ចទៅកាន់ប្រទេសឡាវនាពេលនេះ ត្រូវបានសម្តេចតេជោ ហ៊ុន សែន នឹងផ្តល់សន្ទុះថ្មីក្នុងការពង្រឹង និងលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង រវាងព្រះរាជាណាចក្រកម្ពុជានិងសាធារណរដ្ឋប្រជាធិបតេយ្យប្រជាមានិតឡាវ ឱ្យកាន់តែ រឹងមាំស៊ីជម្រៅ និងប្រកបដោយផ្លែផ្កាបន្ថែមទៀត៕

ឧបករណ៍នេសាទ «ជន» ៥គ្រឿង ក្នុងចំណោម៣០គ្រឿងរបស់ជនជាតិខ្មែរឥស្លាម ត្រូវបានកម្លាំងកងទ័ពក្របួចបានទាំងល្ងាច

កំពង់ឆ្នាំង៖ ឧបករណ៍នេសាទ«ជន»ប្រើម៉ាស៊ីន ៥គ្រឿងក្នុងចំណោម «ជន»ប្រើម៉ាស៊ីនជាង៣០គ្រឿងរបស់ជនជាតិខ្មែរឥស្លាម ត្រូវបានកម្លាំងកងទ័ពក្របួចបាននៅល្ងាចថ្ងៃទី០៥ ខែកុម្ភៈ ឆ្នាំ២០២៥ នៅចំណុចចុងកោះ ភូមិចុងកោះ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ ក្នុងកិច្ចប្រតិបត្តការនេះ កម្លាំងតំបន់ប្រតិបត្តិការសឹករងកំពង់ឆ្នាំងចំនួន២៥នាក់ ដឹកនាំដោយលោកឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តការសឹករងកំពង់ឆ្នាំង លោកវរសេនីយ៍ឯក ចក់ ជឿន មេបញ្ជាការរង ចាប់បានមនុស្ស៩នាក់ និងកាណូតរុញជន រួមនិងសម្ភារៈជន៥គ្រឿង។បើតាមការបញ្ជាក់ពីលោកឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តការសឹករងកំពង់ឆ្នាំងបានអោយដឹងថា ក្រោយពីកម្លាំងសម្ងាត់បានរាយការណ៍ពីកាណូតជនរុញដោយម៉ាស៊ីនរបស់ជនជាតិចាមនៅចំណុចចុងកោះមក លោកឧត្តមសេនីយ៍បានដាក់កម្លាំងចុះប្រតិបត្តការភ្លាម និងបានឃាត់ខ្លួនមនុស្សចំនួន០៩នាក់ កាណូតជនចំនួន០៥គ្រឿង និងបានប្រគល់ទាំងកាណូត និងមនុស្សអោយទៅកម្លាំងខ័ណ្ឌរដ្ឋបាលជលផល ដើម្បីអនុវត្តតាមនីតិវិធី។ ក្នុងករណីល្មើសនេះ លោកឧត្តមសេនីយ៍ត្រី បានសំណូមពរដល់សមត្ថកិច្ចជំនាញ អនុវត្តតាមនីតិវិធី ដើម្បីអោយពួកគាត់រាងចាល ហើយលោកនឹងបន្តតាមដានចាប់ពួកនេះអោយអស់។បើតាមប្រជានេសាទលក្ខណៈគ្រួសារ បានអោយដឹងថា មង សន្ទូចពួកគាត់ត្រូវបានដាច់ជាញឹកញយ ដោយសារក្រុមជនល្មើសប្រើប្រាស់«ជន»ប្រើម៉ាស៊ីននេះ រុញបុកផ្តាច់មង សន្ទូចពួកគាត់អស់គ្មានសល់។ ពេលចាប់បាន ពួកក្រុមនេះមិនខ្លាចញញើតនឹងផ្លូវច្បាប់ឡើយ។ ប្រជានេសាទលក្ខណៈគ្រួសារអះអាងថា ក្រុមរកស៊ីរុញជនដោយម៉ាស៊ីននៅពេលយប់នេះ បានអាងអ្នកធំម្នាក់នៅក្នុងសាលាខេត្តកំពង់ឆ្នាំង ព្រោះពេលអាជ្ញាធរ ប្រជាពលរដ្ឋចាប់បានម្តងៗ គេតែងឃើញមានអន្តរាគមន៍ពីអ្នកធំនោះរហូត៕

ចិនបន្តផ្តល់ជំនួយឥតសំណង ៤.៤លានដុល្លារដល់កម្ពុជា សម្រាប់គាំទ្រដល់ការបោសសម្អាតមីននៅខេត្តចំនួន៧

ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយមជ្ឈមណ្ឌលកម្ចាត់មីនកម្ពុជា (CMAC) បានឱ្យដឹងនៅថ្ងៃទី៥ ខែកុម្ភៈ ឆ្នាំ២០២៥នេះថា រដ្ឋាភិបាលចិនបានសម្រេចផ្តល់ជំនួយឥតសំណង ជូនរាជរដ្ឋាភិបាលកម្ពុជា ដេីម្បីគាំទ្រដល់អង្គភាព CMAC ក្នុងការបោសសម្អាតមីននៃ «គម្រោងជំនួយចិនលុបបំបាត់គ្រាប់មីននៅកម្ពុជា» (The China-Aided Cambodia Landmine Elimination Projection) មានថវិកាសរុបចំនួន៤ ៤០០ ០០០ដុល្លារអាមេរិកសម្រាប់រយៈពេល១២ខែ (០១ មីនា ២០២៥-២៩ កុម្ភៈ ២០២៦) ដោយគាំទ្រកិច្ចប្រតិបត្តិការចំនួន៧ខេត្តរួមមាន ខេត្តកំពង់ធំ សៀមរាប ឧត្តរមានជ័យ ព្រះវិហារ ស្ទឹងត្រែង និងខេត្តក្រចេះ ព្រមទាំងមណ្ឌលសុនខស្ថិតនៅខេត្តកំពង់ឆ្នាំង។ឯកឧត្តមបន្ថែមថា នៅគម្រោងនេះ គាំទ្រអ្នកជំនាញបច្ចេកទេសជាង ៤០០នាក់របស់អង្គភាព CMAC និងត្រូវអនុវត្តកិច្ចប្រតិបត្តិការសកម្មភាពសំខាន់ៗមួយចំនួនដូចជា៖១៖ ការបោសសម្អាតផ្ទៃដីដែលមានបញ្ហាគ្រាប់មីន និងសំណល់យុទ្ធភណ្ឌមិនទាន់ផ្ទុះសង្រ្គាម ចំនួនជាង៣ ៤០០ហិកតា, ២៖ ការស្រាវជ្រាវព័ត៌មានសំណល់យុទ្ធភណ្ឌមិនទាន់ផ្ទុះសង្ក្រាមនិងគ្រាប់បែកចង្កោម តាមខេត្តគោលដៅខាងលេី, ៣៖ ពង្រឹងសមត្ថភាពវិទ្យាស្ថានបច្ចេកទេសសុនខ និង៤៖ ពង្រឹងសមត្ថភាពថ្នាក់ក្រោមជាតិលើការអប់រំគ្រោះថ្នាក់ដោយសារមីន និងសង្គ្រោះជនពិការដោយសារមីន។បើតាមឯកឧត្តម ហេង រតនា គម្រោងជំនួយឥតសំណងរបស់ប្រជាជននិងរដ្ឋាភិបាលចិន «គម្រោងជំនួយចិនលុបបំបាត់គ្រាប់មីននៅកម្ពុជា» ក្នុងឆ្នាំ២០២៥នេះ ជាជំនួយឆ្នាំទី៣នៃដំណាក់កាលទី៣ (មីនា ឆ្នាំ២០២៣ ដល់កុម្ភៈ ឆ្នំា២០២៦) ដែលមានកញ្ចប់ថវិកាសរុបចំនួន ១៣ ២០០ ០០០ ដុល្លារសហរដ្ឋអាមេរិក។ទន្ទឹងនឹងនេះ បេីគិតចាប់ពីឆ្នាំ២០១៨ មកដល់ត្រឹមខែធ្នូ ឆ្នាំ២០២៤ គម្រោងនេះ អង្គភាព CMAC សម្រេចបាននូវលទ្ធផលដូចខាងក្រោម៖* រំដោះផ្ទៃដីសរុបចំនួនជាង១៥ ០៦០ ហិកតា* រកឃើញគ្រាប់មីន និងយុទ្ធភណ្ឌសំណល់សង្រ្គាមសរុបចំនួន ៨២ ៨៤៤ គ្រាប់។* ឆ្លើយតបសំណើរបស់ប្រជាពលរដ្ឋ និងអាជ្ញាធរមូលដ្ឋានជាសំណូមពរបន្ទាន់ៗសរុបចំនួន ៦ ៦៦៨ សំណើ។* អប់រំផ្សព្វផ្សាយអំពីគ្រោះដោយសារគ្រាប់មីន និងយុទ្ធភណ្ឌមិនទាន់ផ្ទុះដល់ប្រជាពលរដ្ឋសរុបចំនួនជាង ១ ៨៦៦ ៧០០នាក់។* ផ្តល់ផលប្រយោជន៍ដល់ប្រជាពលរដ្ឋផ្ទាល់និងប្រយោលសរុបចំនួនជាង ២ ៤៨៥ ៣០០នាក់៕

អគ្គកុងស៊ុលបណ្តាប្រទេស ក្នុងសហភាពអឺរ៉ុប នឹងជួយកៀគរវិនិយោគិនមកបណ្តាក់ទុននៅកម្ពុជាបន្ថែម

គណៈប្រតិភូអគ្គកុងស៊ុលបណ្តាប្រទេសចំនួន ៩ ក្នុងសហភាពអឺរ៉ុប (EU) បង្ហាញអារម្មណ៍កក់ក្តៅ និងមានសុទិដ្ឋិនិយមខ្ពស់ លើ ការជួយផ្សព្វផ្សាយ និងទាក់ទាញវិនិយោគិនពីប្រទេសរបស់ខ្លួន ពិនិត្យលទ្ធភាពក្នុងការដាក់ទុនវិនិយោគនៅក្នុងប្រទេសកម្ពុជាបន្ថែម។ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នៅទី ៥ ខែ កុម្ភៈ ឆ្នាំ ២០២៥ បាន អនុញ្ញាតឱ្យគណៈប្រតិភូកុងស៊ុលកិត្តិយស នៃបណ្តាប្រទេសក្នុងសហភាពអឺរ៉ុប (EU) ដឹកនាំដោយលោក Salah Essa អគ្គកុង ស៊ុលកិត្តិយស នៃសាធារណរដ្ឋស៊ីបប្រចាំនៅកម្ពុជា ចូលជួបសំដែងការគួរសមនិងពិភាក្សាការងារ ក្នុងនោះឯកឧត្តមឧបនាយករដ្ឋ មន្ត្រី បានជម្រាបជូនអំពីកំណើននៃគម្រោងវិនិយោគ កើនឡើងគួរឱ្យកត់សម្គាល់ក្នុងកំណត់ត្រាក្នុងប្រវត្តិ នៃប្រតិបត្តិការការងាររបស់ ក.អ.ក. កន្លងមករួមមាន៖ គម្រោងវិនិយោគដែលបានអនុម័តក្នុងឆ្នាំ២០២៤ សរុបចំនួន ៤១៤ គម្រោង និងគម្រោងវិនិយោគដែល បានអនុម័តក្នុងខែ មករា ដើមឆ្នាំ២០២៥ មានចំនួន ៦៨ គម្រោងផងដែរ។ តួលេខនេះ ជាសក្ខីភាពបង្ហាញពីប្រសិទ្ធភាពនៃច្បាប់ ស្តីពីការវិនិយោគ គោលនយោបាយ និងបង្ហាញពីការយកចិត្តដាក់ខ្ពស់របស់រាជរដ្ឋាភិបាល ចំពោះវិស័យឯកជន ។ ឯកឧត្តមឧបនាយករដ្ឋមន្ត្រី លើកឡើងថា នៅរៀងរាល់ ៦ ខែម្ដង ក្រុមប្រឹក្សាអភិវឌ្ឍន៍កម្ពុជា តែងតែរៀបចំកិច្ចប្រជុំ ពិភាក្សាលើបញ្ហាកង្វល់ផ្សេងៗជាមួយសមាគមធុរកិច្ចជប៉ុន សភាពាណិជ្ជកម្មអាម៉េរិក សភាពាណិជ្ជកម្មអឺរ៉ុប សមាគមធុរកិច្ចកូរ៉េ ដើម្បី ស្វែងរកដំណោះស្រាយ ដែលមានរូបឯកឧត្តមផ្ទាល់ជាសហប្រធាន រួមជាមួយឯកឧត្តមឯកអគ្គរាជទូត/ឯកអគ្គរដ្ឋទូតប្រចាំកម្ពុជា ដោយមានការចូលរួមពីតំណាងក្រសួងស្ថាប័នពាក់ព័ន្ធ និងតំណាងវិស័យឯកជនរបស់ប្រទេសនីមួយៗផងដែរ។ ឯកឧត្តមឧបនាយរដ្ឋ មន្ត្រី ក៏បានលើកឡើងពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ក្នុងការបន្តអភិវឌ្ឍវិស័យហេដ្ឋារចនាសម្ព័ន្ធផងដែរ។ឯកឧត្តម ស៊ុន ចាន់ថុល ជម្រាបជូនបន្ថែម អំពីការធ្វើឌីជីថលូបនីយកម្មដោយប្រើប្រាស់បច្ចេកវិទ្យា ដែល ក.អ.ក. បាននិង កំពុងអនុវត្តក្នុងការលើកកម្ពស់សេវាសាធារណៈ ស្របទៅតាមយុទ្ធសាស្រ្តបញ្ចកោណ-ដំណាក់កាលទី១ ដោយបានកំណត់យក បច្ចេកវិទ្យា ជាអាទិភាពគន្លឹះទី៥។ ជាក់ស្តែង កាលពីថ្ងៃទី២៧ ខែវិច្ឆិកា ឆ្នាំ២០២៤ កន្លងទៅ ក.អ.ក. បានដាក់ឱ្យប្រើប្រាស់ប្រព័ន្ធ គ្រប់គ្រងគម្រោងវិនិយោគកម្ពុជា (ប្រព័ន្ធ cdcIPM) ដើម្បីពន្លឿននីតិវិធីផ្តល់សេវា ដែលអនុញ្ញាតឱ្យវិនិយោគិនអាចធ្វើការដាក់ពាក្យ ស្នើសុំវិនិយោគ បានពីគ្រប់ទីកន្លែង និងគ្រប់ពេលវេលា។ក្នុងជំនួបនេះ, គណៈប្រតិភូអគ្គកុងស៊ុលកិត្តិយសទាំងអស់ បានសម្ដែងនូវចាប់អារម្មណ៍ជាខ្លាំង លើការអភិវឌ្ឍន៍យ៉ាងឆាប់ រហ័សរបស់កម្ពុជា ជាពិសេសពាក់ព័ន្ធនឹងការងារវិនិយោគពីបរទេសនៅក្នុងប្រទេសកម្ពុជា និងបានលើកឡើងអំពីភាពជោគជ័យរបស់ វិនិយោគិនពីប្រទេសរបស់ខ្លួន ដែលបានសម្រេចចិត្តមកដាក់ទុនវិនិយោគនៅកម្ពុជា និងបានបង្ហាញអារម្មណ៍កក់ក្តៅ ប្រកបដោយ សុទិដ្ឋិនិយមកាន់ខ្ពស់ ក្នុងការបន្តជួយផ្សព្វផ្សាយ និងទាក់ទាញវិនិយោគិនពីប្រទេសរបស់ខ្លួន និងពិនិត្យលទ្ធភាពក្នុងការដាក់ទុន វិនិយោគនៅក្នុងប្រទេសកម្ពុជាឱ្យបានកាន់តែច្រើនបន្ថែមទៀត។ សូមបញ្ជាក់ថា គណៈប្រតិភូអគ្គកុងស៊ុលកិត្តិយស នៃបណ្តាប្រទេស ក្នុងសហភាពអឺរ៉ុបប្រចាំកម្ពុជា ដែលអញ្ជើញចូលរួមមាន៖ អគ្គកុងស៊ុលកិត្តិយសស៊ីប, អ៊ីតាលី, ស៊ុយអែត, អូទ្រីស, ប៊ែលហ្សិក, ដាណឺម៉ាក, ន័រវ៉េស, អេស្ប៉ាញ, និងអង់គ្លេស៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី

អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ

វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី

លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron

ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី

រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

សហជីព និងកម្មករ ប្តេជ្ញាចូលរួមទប់ស្កាត់ និងការពារជំងឺមិនឆ្លង ដើម្បីធានាឲ្យបាននូវសុខុមាលភាព

មន្រ្តីជំនាញចាប់ផ្ដើមដាក់ទ្រូងផ្លូវ នៅកំណាត់ផ្លូវ៦០ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍

សួនឌីជីថល នឹងដើរតួនាទីយ៉ាងសំខាន់ក្នុងការជំរុញការអភិវឌ្ឍជំនាញឌីជីថល

រដ្ឋមន្រ្តីការងារទទួលជួបអង្គការ កយកា ដើម្បីពិភាក្សាការងារគម្រោងអភិវឌ្ឍន៍វិជ្ជាជីវៈឆ្នាំ២០២៦-២០៣០

ឧបករណ៍នេសាទ «ជន» ៥គ្រឿង ក្នុងចំណោម៣០គ្រឿងរបស់ជនជាតិខ្មែរឥស្លាម ត្រូវបានកម្លាំងកងទ័ពក្របួចបានទាំងល្ងាច

ចិនបន្តផ្តល់ជំនួយឥតសំណង ៤.៤លានដុល្លារដល់កម្ពុជា សម្រាប់គាំទ្រដល់ការបោសសម្អាតមីននៅខេត្តចំនួន៧

អគ្គកុងស៊ុលបណ្តាប្រទេស ក្នុងសហភាពអឺរ៉ុប នឹងជួយកៀគរវិនិយោគិនមកបណ្តាក់ទុននៅកម្ពុជាបន្ថែម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សហជីព និងកម្មករ ប្តេជ្ញាចូលរួមទប់ស្កាត់ និងការពារជំងឺមិនឆ្លង ដើម្បីធានាឲ្យបាន​នូវសុខុមាលភាព

មន្រ្តីជំនាញចាប់ផ្ដើមដាក់ទ្រូងផ្លូវ នៅកំណាត់ផ្លូវ៦០ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍

សួនឌីជីថល នឹងដើរតួនាទីយ៉ាងសំខាន់ក្នុងការជំរុញការអភិវឌ្ឍជំនាញឌីជីថល

រដ្ឋមន្រ្តីការងារទទួលជួបអង្គការ កយកា ដើម្បីពិភាក្សាការងារគម្រោងអភិវឌ្ឍន៍​វិជ្ជាជីវៈឆ្នាំ២០២៦-២០៣០

ឧបករណ៍នេសាទ «ជន» ៥គ្រឿង ក្នុងចំណោម៣០គ្រឿងរបស់ជនជាតិខ្មែរឥស្លាម ត្រូវបាន​កម្លាំង​កងទ័ពក្របួចបានទាំងល្ងាច

ចិនបន្តផ្តល់ជំនួយឥតសំណង ៤.៤លានដុល្លារដល់កម្ពុជា សម្រាប់គាំទ្រដល់ការបោសសម្អាតមីន​នៅខេត្តចំនួន៧

អគ្គកុងស៊ុលបណ្តាប្រទេស ក្នុងសហភាពអឺរ៉ុប នឹងជួយកៀគរវិនិយោគិនមកបណ្តាក់ទុននៅកម្ពុជាបន្ថែម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហជីព និងកម្មករ ប្តេជ្ញាចូលរួមទប់ស្កាត់ និងការពារជំងឺមិនឆ្លង ដើម្បីធានាឲ្យបាននូវសុខុមាលភាព

រដ្ឋមន្រ្តីការងារទទួលជួបអង្គការ កយកា ដើម្បីពិភាក្សាការងារគម្រោងអភិវឌ្ឍន៍វិជ្ជាជីវៈឆ្នាំ២០២៦-២០៣០

ឧបករណ៍នេសាទ «ជន» ៥គ្រឿង ក្នុងចំណោម៣០គ្រឿងរបស់ជនជាតិខ្មែរឥស្លាម ត្រូវបានកម្លាំងកងទ័ពក្របួចបានទាំងល្ងាច

ចិនបន្តផ្តល់ជំនួយឥតសំណង ៤.៤លានដុល្លារដល់កម្ពុជា សម្រាប់គាំទ្រដល់ការបោសសម្អាតមីននៅខេត្តចំនួន៧