BTV NEWS

ក្រសួងបរិស្ថាន និងGGGI ប្តេជ្ញាពង្រឹងកិច្ចសហប្រតិបត្តិការ ឆ្ពោះទៅជាប្រទេសអព្យាក្រឹតកាបូនឆ្នាំ២០៥០

បទវិភាគ៖ «ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិ គឺជាឱកាសមាស សម្រាប់កម្ពុជា»

ស្ថានទូត និងរដ្ឋាភិបាលម៉ាឡេស៊ីប្រកាសគាំទ្រ និងសហការជាមួយកម្ពុជា ប្រយុទ្ធប្រឆាំងការឆបោកតាមបច្ចេកវិទ្យា

ឯកឧត្តម ហេង រតនា៖ មកដល់ពេលនេះកម្ពុជាបានបោសសម្អាត និងកម្ទេចចោលគ្រាប់មីន និងគ្រាប់យុទ្ធភណ្ឌមិនទាន់ផ្ទុះបានជាង ៤លាន៤៦ម៉ឺនគ្រាប់

ព័ត៌មានជាតិ

អភិបាលរាជធានីភ្នំពេញត្រួតពិនិត្យ និងទប់ស្កាត់ការបាក់ច្រាំងទន្លេ ៣ កន្លែងនៅក្នុងខណ្ឌជ្រោយចង្វារ

ភ្នំពេញ៖ ឯកឧត្ដមឃួង ស្រេង អភិបាលរាជធានីភ្នំពេញ នាព្រឹកថ្ងៃទី០២ ខែកុម្ភៈ ឆ្នាំ២០២៥ បានដឹកនាំមន្ត្រីជំនាញ និងអាជ្ញាធរដែនដីចុះពិនិត្យទីតាំងបាក់ច្រាំងទន្លេចំនួន៣កន្លែងនៅក្នុងមូលដ្ឋាន ខណ្ឌជ្រោយចង្វារ ដើម្បីចាត់វិធានការចាក់ដី និងបូមខ្សាច់ចាក់ទប់ និងរិះរកវិធានការ បង្ការទប់ស្កាត់កុំឱ្យបាក់ច្រាំងតទៅទៀត និងមានភាពយូរអង្វែង។ឯកឧត្ដម ឃួង ស្រេង អភិបាលរាជធានីភ្នំពេញបានចុះត្រួតពិនិត្យ និងមានវិធានការទប់ស្កាត់ការបាក់ច្រាំងទន្លេរួមមានទី១ គឺការបាក់ស្រុតច្រាំងទន្លេមេគង្គ ប្រវែងប្រមាណ ៣០ម៉ែត្រនៅចំណុចផ្សារក្រមួន ភូមិខ្ទរ សង្កាត់ព្រែកលៀប ខណ្ឌជ្រោយចង្វា ក្រោយពីបានបាក់ស្រុត កាលពីវេលា៩និង៣០នាទីព្រឹកថ្ងៃទី១ ខែកុម្ភៈ ឆ្នាំ២០២៥។ ទីតាំងទី២ នៅចំណុចមុខវត្តបាក់ខែង សង្កាត់បាក់ខែង។ ទីតាំងទី៣ នៅចំណុចមុខអនុវិទ្យាល័យចំបក់មាស សង្កាត់បាក់ខែង ខណ្ឌជ្រោយចង្វា។ឯកឧត្ដម ឃួង ស្រេង អភិបាលរាជធានីភ្នំពេញបានធ្វើការណែនាំឱ្យមន្ត្រីបច្ចេកទេសនៃមន្ទីរជំនាញរាជធានីភ្នំពេញ រុះរើសំណង់ដែលខូចខាត រួចដាក់គ្រឿងចក្រជាបន្ទាន់ ដោយបូមដីចាក់លុបដើម្បីទប់ស្កាត់ការបាក់ច្រាំងទន្លេនៅផ្សារក្រមួន ស្ថិតនៅភូមិខ្ទរ និងនៅចំណុចបាក់ស្រុតនៅចំណុចមុខអនុវិទ្យាល័យចំបក់មាស សង្កាត់បាក់ខែង ខណ្ឌជ្រោយចង្វាជាបន្ទាន់។ ជាមួយគ្នានេះ ឯកឧត្ដម ឃួង ស្រេង ក៏បានណែនាំបន្ថែមឱ្យលោក ឯក ឃុនដឿន អភិបាលរងរាជធានីភ្នំពេញ ដែលទទួលបន្ទុកលើការងារនេះ ធ្វើលិខិតស្នើទៅក្រសួងធនធានទឹក និងឧត្តុនិយម សុំមន្ត្រីជំនាញរបស់ក្រសួងចុះមកសិក្សានៅទីតាំងទាំង២ខាងលើ ដើម្បីបង្វែផ្លូវទឹកធ្វើយ៉ាងណាកុំឱ្យទឹកហូរមកបុកទីតាំងទាំងពីរនេះបន្តទៀត។គូរបញ្ជាក់ថា កាលពីរសៀលថ្ងៃទី០១ ខែកុម្ភៈ ឆ្នាំ២០២៥ មានករណីបាក់ស្រុតច្រាំងទន្លេ ប្រវែងប្រមាណ៣០ម៉ែត្រ ជិតដល់ផ្លូវបេតុង នៅចំណុចផ្សារក្រមួន ស្ថិតនៅភូមិខ្ទរ សង្កាត់ព្រែកលៀប ខណ្ឌជ្រោយចង្វា ដែលបានធ្វើឱ្យប៉ះពាល់ ក្នុងនោះម្ចាស់ផ្ទះទី១ ដែលបានបាក់ទាំងស្រុង ឈ្មោះ ឌី មីន អស់ផ្ទះចំនួន២៤បន្ទប់ ជាប្រភេទឥដ្ឋប្រក់ស័ង្កសី ទំហំ២០ម៉ែត្រ គុណ៣០ម៉ែត្រ។ ម្ចាស់ផ្ទះទី២ មឈ្មោះ អ៊ុយ សម្បត្តិ ផ្ទះសង់អំពីឥដ្ឋបប្រកសង្កសី មានស្នាមប្រេះខ្លាំង មានប្រវែង ១០គុណ ៣០ម៉ែត្រ គឺមិនអាចរស់នៅបាន។ ម្ចាស់ផ្ទះទី៣ឈ្មោះ ឌី ជា ផ្ទះសង់អំពីដែកប្រក់សង្កសី មានបីបន្ទប់ ប្រវែង ១០ម៉ែត្រ គុណនិង៣០ម៉ែត្រ គឺមិនអាចរស់នៅបាន។សំណង់ខាងលើដែលបានបាក់ស្រុតនេះ ជាប្រភេទសំណង់ថ្មី បានសាងសង់រួចប្រហែល១ឆ្នាំ ហើយទីតាំងដែលសាងសង់សំណង់នេះដែរជាទីតាំងចាក់សំរាម ហើយម្ចាស់សំណង់បានចាក់ដីនិងខ្សាច់ធ្វើសំណង់ជាបន្ទប់ជួល បើទោះបី អាជ្ញាធរសង្កាត់ធ្វើការណែនាំយ៉ាងណាក៏ដោយក៏ពួកគាត់នៅតែបន្តការសាង់សង់ និងជួលឱ្យប្រជាពលរដ្ឋស្នាក់នៅ ទើបង្កឱ្យមានហានិភ័យបែបនេះ៕អត្ថបទ ៖ ប្រាក់ វ៉ាន់ដា

មន្រ្ដីក្រសួងធនធានទឹក បន្តចុះពិនិត្យការបញ្ជូនទឹក ការបែងចែកទឹក និងការបូមទឹកសង្គ្រោះស្រូវប្រាំងប្រជាកសិករក្នុងស្រុកបាទី ខេត្តតាកែវ

តាកែវ៖ នៅព្រឹកថ្ងៃអាទិត្យ ទី២ ខែកុម្ភៈ ឆ្នាំ២០២៥នេះ ឯកឧត្តមសាស្រ្តាចារ្យបណ្ឌិត អឿង ចន្ថា អនុរដ្ឋលេខាធិការ ក្នុងនាមតំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយមន្រ្តីបច្ចេកទេសនាយកដ្ឋានធារាសាស្ត្រកសិកម្ម ដោយសហការជាមួយមន្ទីរធនធានទឹក និងឧតុនិយមខេត្តតាកែវ និងអាជ្ញាធរមូលដ្ឋាន បានអញ្ជើញចុះពិនិត្យមើលការបញ្ជូនទឹកពីស្ទឹងព្រែកត្នោតចូលទៅទន្លេបាទីរហូតដល់ក្នុងប្រព័ន្ធប្រឡាយហនុមាន និងបន្តពិនិត្យមើលការបែងចែកទឹក និងការបូមទឹកសង្គ្រោះស្រូវប្រាំង ដើម្បីធានាឱ្យបងប្អូនប្រជាកសិករដែលកំពុងមានតម្រូវការទឹក ក្នុងស្រុកបាទី ខេត្តតាកែវ ទទួលបានទឹកក្នុងការដាក់បំពេញសង្រ្គោះស្រូវប្រាំង។គួរបញ្ជាក់ថា ក្រសួងធនធានទឹក និងឧតុនិយម រយៈពេលជាង ១០ថ្ងៃមកនេះ បានធ្វើអន្តរាគមន៍បើកទ្វារទឹកទំនប់អាងទឹកតាសាលស្ថិតនៅស្រុកឱរ៉ាល់ ខេត្តកំពង់ស្ពឺ ដោយបញ្ជូនទឹកតាមស្ទឹងព្រែកត្នោតចូលក្នុងអាងទឹកទន្លេបាទីតាមប្រឡាយ៧៨ ហើយបញ្ជូនបន្តពីអាងទឹកទន្លេបាទីមកប្រព័ន្ធប្រឡាយមេហនុមាន ដើម្បីទៅអន្តរាគមន៍ជួយស្រោចស្រពផ្ទៃដីស្រូវប្រាំងប្រមាណជាង ៤ពាន់ហិកតា ដែលប្រឈមនឹងការខ្វះខាតទឹក ក្នុងស្រុកបាទី ខេត្តតាកែវ។ឯកឧត្តមអនុរដ្ឋលេខាធិការ និងក្រុមការងារបានបន្តចុះពិនិត្យការបូមទឹកស្រោចស្រពនៅតាមប្រឡាយមេ ប្រឡាយយរង ក្នុងប្រព័ន្ធប្រឡាយយហនុមាន ដើម្បីសង្រ្គោះស្រូវប្រាំងបងប្អូនប្រជាកសិករចំនួន ៣៥០០គ្រួសារ នៅឃុំក្រាំងធ្នង់ ឃុំពត់សរ ឃុំកណ្តឹង ឃុំចំប៉ី ឃុំត្រពាំងសាប ឃុំចំបក់ ឃុំដូង ឃុំពារាម និងឃុំត្នោត ក្នុងស្រុកបាទី ខេត្តតាកែវ។ឯកឧត្តមអនុរដ្ឋលេខាធិការបានបញ្ជាក់បន្ថែមទៀតថា ក្នុងរយៈពេលមួយសប្តាហ៍មកនេះ ស្ថានភាពស្រូវប្រាំងបងប្អូនប្រជាកសិករបានល្អប្រសើរ ក្រោយពីបានទទួលទឹកសង្រ្គោះស្រូវប្រាំងទាន់ពេលវេលា៕

អាជ្ញាធរស្រុកទឹកឈូ នឹងផ្អាកអាជីវកម្មអាហារដ្ឋានមួយកន្លែង បើនៅបន្តបង្ហូរទឹកកខ្វក់ចូលជ្រោះទឹកឈូ

អាជ្ញាធរស្រុកទឹកឈូ និងសមត្ថកិចក្ចក្នុងដែនជំនាញនឹងប្រើសិទ្ធិបញ្ឈប់អាជីវកម្មមួយកន្លែង ប្រសិនបើម្ចាស់អាហារដ្ឋាននៅតែបន្តបង្ហូរទឹកកខ្វក់ចូលជ្រោះទឹកឈូ ស្ថិតនៅភូមិស្នំប្រាំពីរ ឃុំម៉ាក់ប្រាង ស្រុកទឹកឈូ ដែលភ្ញៀវទេសចរតែងនិយមចុះងូតទឹក ហែលលេងកម្សាន្តនោះ។ក្រោយមានការថតរូបវីដេអូបង្ហោះតាមហ្វេសប៊ុក ស្តីពីសកម្មភាពបង្ហូរទឹកកខ្វក់ចេញពីអាហារដ្ឋាន " ម៉ាក់ឈូឈូ " ចូលក្នុងជ្រោះទឹកឈូ កាលពីថ្ងៃទី១ ខែកុម្ភៈ ឆ្នាំ២០២៥ អាជ្ញាធរស្រុក និងមន្ត្រីជំនាញពាក់ព័ន្ធបានចុះពិនិត្យផ្ទាល់ដើម្បីបញ្ជាក់ការពិត។ពាក់ព័ន្ធករណីខាងលើ រដ្ឋបាលស្រុកទឹកឈូបានចេញសេចក្តីប្រកាសព័ត៌មានក្នុងខ្លឹមសារថា ក្រុមការងាររដ្ឋបាលស្រុក-ឃុំសហការជាមួយមន្ទីរបរិស្ថាន និងមន្ទីរទេសចរណ៍ខេត្តកំពតបានចុះពិនិត្យទីតាំងជាក់ស្តែងឃើញថា សំណល់រាវពិតជាបានហៀរចេញពីអាហារដ្ឋាន "ម៉ាក់ឈូឈូ " ដោយម្ចាស់អាហារដ្ឋាននេះ បានលបលួចបង្ហូរចូលក្នុងជ្រោះទឹកឈូប្រាកដមែន។ ក្រុមការងារបានធ្វើកំណត់ហេតុ និងដាក់កិច្ចសន្យាយ៉ាងម៉ឺងម៉ាត់ដោយតម្រូវឲ្យម្ចាស់អាហារដ្ឋានបញ្ឈប់សកម្មភាពបង្ហូរទឹកកខ្វក់ចូលជ្រោះទឹកឈូជាបន្ទាន់។ ប្រសិនបើមានករណីបែបនេះបន្ត ម្ចាស់ទីតាំងនឹងទទួលខុសត្រូវចំពោះមុខច្បាប់ ហើយសមត្ថកិច្ចដែនជំនាញនឹងបញ្ឈប់អាជីវកមកមតែម្តង។សេចក្តីប្រកាសខាងលើក៏បានបញ្ជាក់ផងដែរថា ជាមួយបេសកកម្មនេះ ក្រុមការងារក៏បានចុះពិនិត្យគ្រប់ទីតាំងនៃរមណីយដ្ឋាននៅតំបន់ទឹកឈូទាំងអស់ តែក្រៅពីអាហារដ្ឋាន " ម៉ាក់ឈូឈូ " ពុំឃើញកន្លែងផ្សេងទៀតបង្ហូរទឹកកខ្វក់ចូលជ្រោះទឹកឈូនោះឡើយ។ក្រុមការងារបានណែនាំដល់ម្ចាស់ទីតាំងត្រូវរៀបចំអាងចម្រោះ ឬធុងស្តុកទឹកតាមលក្ខណៈបច្ចេកទេសឲ្យបានឆាប់រហ័ស ដើម្បីបញ្ចៀសករណីហៀរចូលក្នុងជ្រោះដែលភ្ញៀវតែងនាំគ្នាហែលលេងកម្សាន្តនេះ៕

ឯកឧត្តម ចាយ បូរិន អញ្ជើញសួរសុខទុក្ខ និងនាំយកវត្ថុអនុស្សាវរីយ៍របស់សម្តេចមហាបវរធិបតី ហ៊ុន ម៉ាណែត ជូនឯកឧត្តមបណ្ឌិត ញឹម វណ្ណដា

ភ្នំពេញ : ឯកឧត្តម ចាយ បូរិន ប្រធានផ្នែកឃោសនាអប់រំ នៃយុវជនគណបក្សថ្នាក់កណ្តាល បានដឹកនាំប្រតិភូយុវជនផ្នែកឃោសនាអប់រំ នៃយុវជនគណបក្សថ្នាក់កណ្តាល ចុះសួរសុខទុក្ខ និងនាំយកវត្ថុអនុស្សាវរីយ៍របស់សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តមបណ្ឌិត ញឹម វណ្ណដា សមាជិកគណៈកម្មាធិការកណ្តាលគណបក្សប្រជាជនកម្ពុជា តំណាងរាស្ត្រ មណ្ឌលព្រៃវែង ដែលកំពុងសម្រាកព្យាបាលជំងឺនៅគេហដ្ឋាន ស្ថិតនៅសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ, នៅរសៀលថ្ងៃទី១ ខែកុម្ភៈ ឆ្នាំ២០២៥។ឯកឧត្តម ចាយ បូរិន មានប្រសាសន៍ពាំនាំនូវការផ្តាំផ្ញើសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តមបណ្ឌិត ញឹម វណ្ណដា និងក្រុមគ្រួសារ ។ឯកឧត្តមបណ្ឌិត ញឹម វណ្ណដា និងក្រុមគ្រួសារពិតជាមានសេចក្តីរំភើបរីករាយយ៉ាងខ្លាំង មិនអាចយកអ្វីមកប្រៀបផ្ទឹមបានឡើយ និងសូមសម្តែងនូវការដឹងគុណយ៉ាងជ្រាលជ្រៅចំពោះសម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ព្រមទាំងថ្នាក់ដឹកនាំគណបក្សទាំងអស់ តាមរយៈឯកឧត្តម ចាយ បូរិន ដែលបានដឹកនាំប្រតិភូមកសួរសុខទុក្ខឯកឧត្តមបណ្ឌិត ញឹម វណ្ណដា និងក្រុមគ្រួសារដល់លំនៅដ្ឋាន។ក្រុមគ្រួសារពិតជាមានការពេញចិត្តយ៉ាងខ្លាំងចំពោះសកម្មភាពចុះសួរសុខទុក្ខរបស់ក្រុមការងារយុវជនគណបក្សថ្នាក់កណ្ដាល ក្រោមការដឹកនាំដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត ដែលបានដឹកនាំតាមប្រពៃណីដ៏ល្អផូរផង់ បន្តពីសម្តេចតេជោ ហ៊ុន សែន គឺការយកចិត្តទុកដាក់ពីសុខទុក្ខនិងជីវភាពរស់នៅ ដែលបានផ្តល់នូវភាពកក់ក្តៅ និងក្តីសង្ឃឹមដល់ចាស់ព្រឹទ្ធាចារ្យទាំងអស់ ដែលមានគុណបំណាច់ចំពោះគណបក្សនិងប្រទេសជាតិ។ក្រុមគ្រួសាររបស់ឯកឧត្តមបណ្ឌិតញឹម វណ្ណដា ក៏បានបញ្ជាក់ពីការគាំទ្រ និងជំនឿយ៉ាងមុតមាំចំពោះរាជរដ្ឋាភិបាលអាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត ដែលបានដាក់ចេញនិងកំណត់នូវចក្ខុវិស័យវែងឆ្ងាយ ផែនការយុទ្ធសាស្រ្តច្បាស់លាស់ ជាពិសេសយុទ្ធសាស្ត្របញ្ចកោណដំណាក់កាលទី១ ដើម្បីកំណើនការងារ សមធម៌ ប្រសិទ្ធភាព និងចីរភាព សំដៅកសាងមូលដ្ឋានគ្រឹះឆ្ពោះទៅសម្រេចបានចក្ខុវិស័យកម្ពុជាឆ្នាំ២០៥០ ទាំងវិស័យអាណាចក្រនិងពុទ្ធចក្រ។ ក្រុមគ្រួសារបានរំលឹកពីប្រវត្តិនិងអនុស្សាវរីយ៍ជាច្រើន ដែលឯកឧត្តមបណ្ឌិត ញឹម វណ្ណដា ធ្លាប់បានឆ្លងកាត់ ក្រោយថ្ងៃរំដោះ៧មករា ឆ្នាំ១៩៧៩ គឺការចូលបម្រើការងារនៅក្រសួងសេដ្នកិច្ចនិងជីវភាព ប្រធានមន្ទីរ អនុរដ្ឋមន្រ្តី ក្រសួងផែនការ ឧត្តមសេនីយ៍ទោ អគ្គភ័ស្តភារ ឧត្តមសេនីយ៍ឯក អនុរដ្ឋមន្រ្តីក្រសួងការពារជាតិ រដ្ឋមន្រ្តីពាណិជ្ជកម្មបេសកជនពិសេសរបស់នាយករដ្ឋមន្រ្តី ទី១-ទី២ នាយឧត្តមសេនីយ៍ផ្កាយមាស៤ រដ្ឋមន្ត្រីយុវនីតិសម្បទា ប្រធានសមាគម មិត្តភាពកម្ពុជា-សាធារណៈរដ្ឋកូរ៉េ ទេសរដ្ឋមន្ត្រី គ្រប់គ្រងគ្រោះមហន្តរាយ បច្ចុប្បន្នសមាជិកនៃគណៈកម្មាធិការកណ្តាលគណបក្សប្រជាជនកម្ពុជា សមាជិកគណៈកម្មាធិការកណ្តាលកាកបាទក្រហមកម្ពុជា តំណាងរាស្ត្រ មណ្ឌលព្រៃវែង ។ក្នុងឱកាសដ៏មានអត្ថន័យនោះដែរ ឯកឧត្តមប្រធានប្រតិភូ បានប្រគល់អំណោយដ៏ថ្លៃថ្លារបស់សម្តេចធិបតីហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនដល់ឯកឧត្តមបណ្ឌិត ញឹម វណ្ណដា និងសូមជូនពរដល់ឯកឧត្តមបណ្ឌិតទទួលបាននូវសុខភាពល្អ ជួបប្រទះតែនឹងពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីប្រែក្លាយជាប្រការដទៃឡើយ៕អត្ថបទ រដ្ឋា

ឯកឧត្តម វង្សី វិស្សុត អញ្ជើញដឹកនាំគណៈប្រតិភូបំពេញទស្សនកិច្ចនៅប្រទេសជប៉ុន

នៅថ្ងៃទី១ខែកុម្ភៈម្សិលមិញនេះ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី អញ្ជើញដឹកនាំគណៈប្រតិភូទៅបំពេញទស្សនកិច្ចនៅប្រទេសជប៉ុន ចាប់ពីថ្ងៃទី១ ដល់ថ្ងៃទី៩ ខែកុម្ភៈ ឆ្នាំ២០២៥។ក្នុងដំណើរទស្សនកិច្ចនេះ ឯកឧត្តមឧបនាយករដ្ឋមន្ត្រី វង្សី វិស្សុត នឹងមានជំនួបពិភាក្សា ការងារជាមួយសមាជិកគណៈរដ្ឋមន្ត្រីជប៉ុន និងថ្នាក់ដឹកនាំសំខាន់ៗ ដូចជា ដើម្បីសិក្សាអំពីប្រព័ន្ធអភិបាលកិច្ចជប៉ុន ជាពិសេសពិភាក្សាផ្លាស់ប្តូរបទពិសោធ និងចំណេះដឹងពាក់ព័ន្ធការពង្រឹងមុខងារ និងភារកិច្ចរបស់ទីស្តីការគណៈរដ្ឋមន្ត្រី ព្រមទាំងក្នុងនាមជាសេនាធិការដ៏សំខាន់មួយរបស់នាយករដ្ឋមន្ត្រី និងគណៈរដ្ឋមន្ត្រី។ ក្នុងនោះជំនួបនោះ ឯកឧត្តមឧបនាយករដ្ឋមន្ត្រី នឹងសិក្សាស្វែងយល់អំពីគោលនយោបាយសំខាន់ៗពាក់ព័ន្ធនឹងវិស័យរដ្ឋបាល ច្បាប់ ការតាមដាននិងវាយតម្លៃការអនុវត្តគោលនយោបាយរបស់រដ្ឋាភិបាល និងទិដ្ឋភាពពាក់ព័ន្ធមួយចំនួនទៀត។ ទន្ទឹមគ្នានេះ គណៈប្រតិភូកម្ពុជាដឹកនាំដោយឯកឧត្តមឧបនាយករដ្ឋមន្ត្រី នឹងពង្រឹងកិច្ចសហប្រតិបត្តិការទ្វេភាគី និងចំណងមិត្តភាពរវាងប្រទេសទាំងពីរឱ្យកាន់តែស្អិតរមួត សម្រាប់ជាប្រយោជន៍ដល់ការអភិវឌ្ឍ និងទំនាក់ទំនង ប្រជាជននិងប្រជាជន។ក្រៅពីជំនួបខាងលើនេះ ឯកឧត្តមឧបនាយករដ្ឋមន្ត្រី នឹងមានជំនួបពិភាក្សាជាមួយ ប្រធាន JETRO និងប្រធានសមាគមជប៉ុននិងកម្ពុជា (JCA) ដើម្បីពិភាក្សាការងារពាក់ព័ន្ធនឹងការវិនិយោគនិងធ្វើធុរកិច្ចនៅកម្ពុជា ដើម្បីស្វែងយល់អំពីកង្វល់ និងបញ្ហាប្រឈមដែលវិនិយោគគិនជប៉ុនកំពុងជួបប្រទះ សំដៅស្វែងរកដំណោះស្រាយ សម្រួលដល់ការធ្វើធុរកិច្ច និងជំរុញការវិនិយោគនៅកម្ពុជា ស្របតាមគោលនយោបាយ និងយុទ្ធសាស្ត្ររបស់រាជរដ្ឋាភិបាល កម្ពុជា។ បន្ទាប់ពីនោះ ឯកឧត្តមឧបនាយករដ្ឋមន្ត្រី ក៏នឹងអញ្ជើញធ្វើដំណើរទៅកាន់ខេត្តគូម៉ាម៉ូតូ (Kumamoto) ដែលមានទីតាំងនៅភាគនិរតីនៃប្រទេសជប៉ុន ដើម្បីជួបជាមួយអភិបាលខេត្តកូម៉ាម៉ូតូ និងជាប្រធានសមាគមន៍ឧស្សាហកម្មកូម៉ាម៉ូតូ ដើម្បីដកពិសោធន៍ ពីភាពជោគជ័យរបស់តំបន់នេះក្នុងការទាក់ទាញការវិនិយោគក្នុងវិស័យឧស្សាហកម្ម និងការរីចម្រើនផ្នែកបច្ចេកវិទ្យា ក៏ដូចជាការគ្រប់គ្រងរដ្ឋបាលថ្នាក់ក្រោមជាតិនៅប្រទេសជប៉ុន។ សូមជម្រាបថា ដំណើរទស្សនកិច្ចនេះ ក្នុងគោលបំណងបង្ហាញអំពីការយកចិត្តទុកដាក់ និងការប្តេជ្ញាចិត្តរបស់រដ្ឋាភិបាលកម្ពុជា ក្នុងការជំរុញកម្មវិធីកែទម្រង់របស់រាជរដ្ឋាភិបាល ការពង្រឹងអភិបាលកិច្ចប្រព័ន្ធការងារ ក៏ដូចជាពង្រឹងសមត្ថភាព និងសមិទ្ធកម្មស្ថាប័ន ជាពិសេសដើម្បីពង្រឹងគុណភាព និងប្រសិទ្ធភាព ក្នុងការអនុវត្តនូវមុខងារគន្លឹះ និងមុខងារស្នូលមួយចំនួនរបស់ទីស្តីការគណៈរដ្ឋមន្ត្រី ស្របតាមយុទ្ធសាស្ត្របញ្ចកោណដំណាក់កាល ទី១ របស់រាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិត និងភាពស្វាហាប់ របស់សម្តេចធិបតី ហ៊ុន ម៉ាណែត នាយករដ្ឋមន្ត្រី ដើម្បីដឹកនាំកម្ពុជាឆ្ពោះទៅសម្រេចបានចក្ខុវិស័យប្រទេសចំណូលខ្ពស់នៅឆ្នាំ២០៥០៕អត្ថបទ សេក ឧត្តម

រដ្ឋមន្រ្ដីធនធានទឹកដឹកនាំមន្រ្ដី ចុះពិនិត្យការងារអន្តរាគមន៍បូមទឹកសង្គ្រោះស្រូវប្រាំងប្រជាកសិករប្រមាណ ៤៨៦ហិកតា នៅក្រុងពោធិ៍សាត់

ពោធិ៍សាត់៖ គោរពតាមអនុសាសន៍ណែនាំដ៏យកចិត្តទុកដាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ឱ្យក្រសួងធនធានទឹក និងឧតុនិយមត្រូវតែចុះទៅគ្រប់ទីតាំង ដើម្បីអន្តរាគមន៍ជួយដោះស្រាយបញ្ហាទឹកជូន ដល់ប្រជាពលរដ្ឋ នៅទី១ ខែកុម្ភៈ ឆ្នាំ២០២៥នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយឯកឧត្តមជាថ្នាក់ដឹកនាំ មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តពោធិ៍សាត់ ព្រមទាំងអាជ្ញាធរមូលដ្ឋាន បានអញ្ជើញចុះពិនិត្យការងារអន្តរាគមន៍បូមទឹក ដើម្បីជួយសង្រ្គោះស្រូវប្រាំងរបស់ប្រជាកសិករប្រមាណ ៤៨៦ ហិកតា នៅតាមបណ្តាសង្កាត់នានា នៃក្រុងពោធិ៍សាត់ ខេត្តពោធិ៍សាត់។សូមជម្រាបថា កិច្ចអន្តរាគមន៍បូមទឹកបានចាប់ផ្តើមតាំងពីថ្ងៃទី២៧ ខែធ្នូ ឆ្នាំ២០២៤ នៅទីតាំងភូមិមាន់ចែ សង្កាត់ព្រៃញី ក្រុងពោធិ៍សាត់ ដោយប្រើប្រាស់ម៉ាស៊ីនបូមទឹកចល័ត ៦៥សេះចំនួន ១គ្រឿង និងម៉ាស៊ីនបូមទឹករបស់ប្រជាកសិករ ៣គ្រឿង ដើម្បីបូមទឹកពីប្រភពស្ទឹងពោធិ៍សាត់ ទៅជួយសង្គ្រោះស្រូវប្រាំងរបស់ប្រជាកសិករប្រមាណ ៤៨៦ហិតា នៅក្នុងភូមិក្រាំងតាសែន ភូមិសាលាគំរូ សង្កាត់ព្រៃញី និងភូមិកែវសុវណ្ណ សង្កាត់បន្ទាយដី នៃក្រុងពោធិ៍សាត់។ គិតមករហូតមកដល់ពេលនេះ ការងារអន្តរាគមន៍បូមទឹកសម្រេចបានប្រមាណ ៤៣៥ហិកតា។ឯកឧត្តមរដ្ឋមន្ត្រី បានបញ្ជាក់ឱ្យដឹងថា រាជរាជរដ្ឋាភិបាលនីតិកាលទី៧ នៃរដ្ឋសភា បាននិងកំពុងយកចិត្តដាក់ខ្ពស់ក្នុងការអន្តរាគមន៍បូមទឹកពីប្រភពនានា ក្នុងគោលដៅបម្រើដល់ការងារស្រោចស្រពផ្ទៃដីស្រូវរដូវប្រាំងឱ្យបានគ្រប់គ្រាន់ ព្រមទាំងដោះស្រាយនូវទុក្ខកង្វល់ចំពោះមុខរបស់ប្រជាកសិករឱ្យអស់ពីលទ្ធភាព។ ក្នុងនោះ ក្រសួងធនធានទឹក និងឧតុនិយមដែលជាសេនាធិការ បានសហការជាមួយនឹងអាជ្ញាធរមូលដ្ឋាន ធ្វើអន្តរាគមន៍តាមគ្រប់មធ្យោបាយ ដើម្បីបូមទឹកពីបណ្តាទីតាំងដែលមានទឹក ហើយបញ្ជូនទឹកទៅជួយសង្គ្រោះតំបន់ដែលប្រឈមនឹងការខ្វះទឹក ដោយប្រើប្រាស់ម៉ាស៊ីនបូមទឹកចល័ត។ក្នុងឱកាសនោះដែរឯកឧត្តមរដ្ឋមន្ត្រីក៏បានណែនាំដល់ក្រុមការងាររបស់ក្រសួង និងមន្ទីរធនធានទឹក និងឧតុនិយមខេត្ត ត្រូវផ្តោតការយកចិត្តទុកដាក់ខ្ពស់លើការងារស្រោចស្រព និងត្រូវត្រៀមជានិច្ចសម្រាប់កិច្ចអន្តរាគមន៍បន្ទាន់ក្នុងករណីមានការខ្វះខាតទឹកសម្រាប់បង្កបង្កើនផល៕

កងពលលេខ៩៩ បញ្ចេញម៉ាស៊ីនបូមទឹករាប់សិបគ្រឿង និងកម្លាំងជាង១០០នាក់ ជួយបូមទឹកសង្រ្គោះស្រូវប្រាំង ពលរដ្ឋខេត្តស្វាយរៀង

កងពលតូចដឹកជញ្ជូនលេខ៩៩ បានបញ្ចេញម៉ាស៊ីនបូមទឹកជាង៣០គ្រឿង កម្លាំងជាងមួយរយនាក់ និងសម្ភារៈជាច្រើនទៀត ចុះអន្តរាគមន៍ជួយបូមទឹកសង្រ្គោះស្រូវប្រាំងពលរដ្ឋនៅស្រុកចន្ទ្រា ខេត្តស្វាយរៀង ខណៈស្រូវប្រាំងរបស់ប្រជាកសិករចំនួនបីឃុំ នៃស្រុកចន្ទ្រា រាប់ពាន់ហិកតាជិតផុតដង្ហើមដោយសារគ្មានទឹកស្រោយស្រពគ្រប់គ្រាន់នោះ។ថ្លែងប្រាប់ទូរទស្សន៍ BTV ក្រោយកិច្ចប្រជុំក្រុមការងារសម្របសម្រួលការត្រៀមរៀបចំឆ្លើយតបសង្រ្គោះបន្ទាន់ និងស្តារឡើងវិញ ដែលដឹកនាំដោយនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ នៅរសៀលថ្ងៃទី១ ខែកុម្ភៈ ឆ្នាំ២០២៥នេះ លោកឧត្តមសេនីយ៍ទោ ហ៊ុល សំអុន បានឲ្យដឹងថា ក្រោយមានបទបញ្ជារបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បទបញ្ជារបស់រដ្ឋមន្រ្តី ក្រសួងការពារជាតិ ក៏ដូចជាអគ្គនាយកដ្ឋានភស្តុភារ ហិរញ្ញវត្ថុនៃក្រសួងការពារជាតិនោះ កងពលតូចបានត្រៀមសម្ភារៈគ្រប់យ៉ាងដើម្បីជួយអន្តរាគមន៍ស្រូវប្រាំងពលរដ្ឋដែលរងគ្រោះដោយសារធម្មជាតិ ពោលគឺខ្វះទឹក ដោយជំហ៊ានដំបូងដែលកងពលបញ្ជូនទៅអន្តរាគមន៍ចាប់ពីថ្ងៃទី២ ខែកុម្ភៈ ឆ្នាំ២០២៥នេះ គឺស្ថិតនៅស្រុក ចន្ទ្រា ខេត្តសាយរៀង។បើតាមលោកឧត្តមសេនីយ៍ទោ ហ៊ុល សំអុន បានបញ្ជាក់ថា«កងពលតូចដឹកជញ្ជូនលេខ៩៩ដឹក នាំកម្លាំង១៥០នាក់ ម៉ាស៊ីនបូមទឹកតូចធំជាង៣០គ្រឿង ចប បង្គី និងសម្ភារៈជាច្រើនចុះជួយអន្តរាគមន៍បូមទឹក និងទប់ភ្លឺស្រែរបស់ពលរដ្ឋនៅឃុំចំនួនបី នៃស្រុកចន្ទ្រា ខេត្តស្វាយរៀង ខណៈស្រូវប្រាំងរបស់បងប្អូនប្រជាកសិកររាប់ពាន់ហិកតាកំពុងខ្វះទឹកស្រោយស្រពនោះ»។លោកឧត្តមសេនីយ៍ ហ៊ុល សំអុន បានលើកឡើងទៀតថា កងពលតូចដឹកជញ្ជូនលេខ៩៩ គ្មានការរុញរានោះឡើយក្នុងការចុះជួយអន្តរាគមន៍ប្រជាពលរដ្ឋដែលរងគ្រោះ គ្រោះមហន្តរាយផ្សេងៗ មិនថា គ្រោះទឹកជំនន់ រាំងស្ងួត និងបញ្ហាផ្សេងៗ គឺកងពលនឹងចុះជួយគ្រប់កាលៈទេសៈទាំងអស់មិនថាយប់ ឬថ្ងៃ និងរើសអើងនោះឡើយ ឲ្យតែមានបទបញ្ជាភ្លាមនឹងចុះអន្តរាគមន៍ភ្លាមៗដោយគ្មានបង្អង់យូរនោះទេ។សូមបញ្ជាក់ថា កាលពីកន្លងទៅថ្មីៗនេះសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានចេញបទបញ្ជាឲ្យក្រសួង ស្ថាប័នពាក់ព័ន្ធទាំងអស់ត្រូវធ្វើការតាមដានឲ្យជាប់ជាប្រចាំ និងត្រូវត្រៀមជួយអន្តរាគមន៍សង្រ្គោះស្រូវប្រាំងរបស់ប្រជាកសិករឲ្យបានទាន់ពេលវេលា ខណៈប្រជាកសិករខ្លះបានកំពុងសម្រុកធ្វើស្រូវប្រាំងនេះហួសផែនការកំណត់ ហើយតំបន់ខ្លះ អាចនឹងព្រឈមខ្វះទឹកនោះ៕អត្ថបទបាន ចក់

ឯកឧត្តម ហ៊ុន ម៉ានី មានប្រសាសន៍ទៅកាន់ ថ្នាក់ដឹកនាំ និងមន្ត្រីថា «បេសកកម្មដែលយើងបាន និងកំពុងធ្វើ ជាបេសកកម្មដែលធំ ហើយពោរពេញដោយឧត្តមភាព»

ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានអញ្ជើញជាអធិបតីភាពដ៏ខ្ពង់ខ្ពស់ក្នុងកម្មវិធីបូកសរុបលទ្ធផលការងារនៃការអនុវត្តការងារឆ្នាំ២០២៤ និងលើកទិសដៅការងាសម្រាប់អនុវត្តឆ្នាំ២០២៥ របស់អគ្គលេខាធិការដ្ឋាននៃគណៈកម្មាធិការកែទម្រង់រដ្ឋបាលសាធារណៈ (គ.ក.ស) នៅឧទ្យានជាតិព្រះសុរាម្រិតកុសុមៈ«គិរីរម្យ» នៃខេត្តកំពង់ស្ពឺ។ក្នុងកម្មវិធីបូកសរុបលទ្ធផលនេះ ឯកឧត្តមឧបនាយករដ្ឋមន្ត្រី បានលើកឡើងថា “ការងារកែទម្រង់ដែលយើង បានធ្វើកន្លងមក មិនមែនជាការងារដែលងាយស្រួលពេកនោះទេ។ ការងារខ្លះមានភាពស្មុគស្មាញ មានការប្រឈម ត្រូវការពេលវេលាយូរ និងត្រូវការឆន្ទៈខ្ពស់ក្នុងការអនុវត្ត។ ឯកឧត្តមឧបនាយករដ្ឋមន្ត្រី បន្ថែមថា “ខ្ញុំនៅតែនិយាយដដែលថា ខ្ញុំមានភ័ព្វសំណាងដែលខ្ញុំមានឱកាសបានមកចូលរួមការងារជាមួយថ្នាក់ដឹកនាំ និងមន្ត្រីរាជការនៅក្រសួងមុខងារសាធារណៈ ដែលសុទ្ធតែមានសមត្ថភាព វិជ្ជាជីវៈ និងឆន្ទៈខ្ពស់ ដើម្បីបម្រើជាតិ និងប្រជាជន។”កម្មវិធីនាចុងសប្តាហ៍នេះ គ.ក.ស. បានបង្ហាញពីរបាយការណ៍សមិទ្ធផលដែលខ្លួនសម្រេចបាន ក្នុងឆ្នាំ២០២៤ និងដាក់ចេញផែនការសកម្មភាពសម្រាប់អនុវត្តក្នុងឆ្នាំ២០២៥។ ក្រោយបានស្តាប់របាយការណ៍ ឯកឧត្តមឧបនាយករដ្ឋមន្ត្រី បានគូសបញ្ជាក់ថា "ការខិតខំប្រឹងប្រែងរបស់ថ្នាក់ដឹកនាំ និងមន្ត្រីរាជការរបស់យើងទាំងអស់ កន្លងមកនេះ មិនត្រឹមតែជាការបំពេញតួនាទីភារកិច្ចយ៉ាងហ្មត់ចត់ ក្នុងនាមជាសេនាធិការរបស់រាជរដ្ឋាភិបាលប៉ុណ្ណោះទេ ថែមទាំងបានចូលរួមជាផ្នែកមួយ ក្នុងការផ្លាស់ប្តូរ និងកែលម្អផ្នត់គំនិតរបស់មហាជន ជាពិសេសមកលើប្រព័ន្ធជ្រើសរើសមន្ត្រីរាជការស៊ីវិល។" […] "សមិទ្ធផល និងសកម្មភាពដែលថ្នាក់ដឹកនាំ និងមន្ត្រីមាន និងដែលកំពុងធ្វើនាពេលនេះ ជាឱកាសដ៏ល្អ និងស្ថិតក្នុងបរិយាកាសអំណោយផល ដើម្បីចូលរួមកសាងប្រព័ន្ធរដ្ឋបាលសាធារណៈដែលទំនើប មានសមត្ថភាពខ្ពស់ ខ្លាំង វៃឆ្លាត ស្អាតស្អំ និងដែលជាកេរមរតកដ៏ប្រពៃសម្រាប់អ្នកជំនាន់ក្រោយ។” បេសកកម្មដែលថ្នាក់ដឹកនាំ និងមន្ត្រីរបស់យើងបាន និងកំពុងធ្វើ ជាបេសកកម្មដែលធំ និងពោរពេញដោយឧត្តមភាព" ឯកឧត្តមឧបនាយករដ្ឋមន្ត្រី បានបន្ថែម៕

រដ្ឋបាលខេត្តព្រះសីហនុ អំពាវនាវប្រជាពលរដ្ឋ និងភ្ញៀវទេសចរ ផ្អាកចុះលេងទឹកជាបណ្តោះអាសន្ននៅឆ្នេរព្រែកត្រែង

ករណីមានប្រេងអណ្តែតមកលើឆ្នេរព្រែកត្រែង ស្ថិតនៅភូមិ៣ សង្កាត់លេខ១ ក្រុងព្រះសីហនុ និងឃុំអូរត្រេះ ស្រុកស្ទឹងហាវ ខេត្តព្រះសីហនុ នៅថ្ងៃទី១ ខែកុម្ភៈ ឆ្នាំ២០២៥ រដ្ឋបាលខេត្តព្រះសីហនុ អំពាវនាវប្រជាពលរដ្ឋ និងភ្ញៀវទេសចរផ្អាកចុះលេងទឹកជាបណ្តោះអាសន្ន នៅឆ្នេរព្រែកត្រែង។បន្ទាប់ពីទទួលបានព័ត៌មាន ពីករណីមានប្រេងអណ្តែតមកលើឆ្នេរព្រែកត្រែង ឯកឧត្តមអភិបាល នៃគណៈអភិបាលខេត្ត បានដឹកនាំមន្ទីរអង្គភាពពាក់ព័ន្ធ អាជ្ញាធរក្រុងព្រះសីហនុ ស្រុកស្ទឹងហាវ និងឃុំ សង្កាត់ ដោយមានការចូលរួមសហការពីតំណាងក្រសួងបរិស្ថាន និងក្រសួងរ៉ែ និងថាមពល ចុះពិនិត្យទីតាំងជាក់ស្តែង ដើម្បីស្វែងរកប្រភព នៃការលេចធ្លាយប្រេងនៅលើផ្ទៃសមុទ្រ និងបានចាត់កំលាំងធ្វើការសម្អាតប្រេងនៅតាមបណ្តោយឆ្នេរ និងតាមទីតាំងមួយចំនួនទៀតដែលមានកក់កំណកប្រេង។ ចំពោះមុខរដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ ដែលមកកំសាន្តនៅឆ្នេរព្រែកត្រែង សូមផ្អាកចុះលេងទឹកជាបណ្តោះអាសន្ន ដើម្បីទុកលទ្ធភាពជូនក្រុមការងារធ្វើការសម្អាត និងចៀសវាងផលប៉ះពាល់ផ្សេងៗ។ ចំពោះករណីនៃបញ្ហានេះ និងផលប៉ះពាល់រង់ចាំក្រសួងបរិស្ថាន និងក្រសួងរ៉ែថាមពល ដែលកំពុងធ្វើការ រួចនឹងប្រកាសព័ត៌មាន ។ករណីនេះ ភ្នាក់ងារទូរទស្សន៍ប៊ីធីវី កំពុងព្យាយាមទាក់ទងទៅអ្នកនាំពាក្យក្រសួងបរិស្ថាន ដើម្បីសុំរបាយការណ៍ព័ត៌មានបញ្ជាក់បន្ថែមប្រភពកើតហេតុ និងផលប៉ះពាល់ ព្រមទាំងវិធានការ រួមទាំងទំនួលខុសត្រូវចំពោះករណីនេះ ដោយសារក្រសួងទាំងពីរកំពុងធ្វើការលើករណីនេះ មិនទាន់ឆ្លើយតបនៅឡើយទេ។ នៅពេលបានទទួលសេចក្ដីប្រកាសព័ត៌មាន ឬការឆ្លើយតបយ៉ាងណាពីក្រសួងបរិស្ថាន ទូរទស្សន៍ប៊ីធីវី នឹងធ្វើការផ្សាយជូនបន្ថែមទៀត៕

សម្ដេចធិបតីនាយករដ្ឋមន្រ្ដី អបអរសាទរប្រាសាទអង្គរវត្ត ជាប់លើកំពូលតារាងជាគោលដៅទស្សនាដ៏ល្បីបំផុត លើពិភពលោក

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបង្ហាញការអបអរសាទរប្រាសាទអង្គរវត្តរបស់ប្រទេសកម្ពុជា ដែលឈរលើកំពូលតារាងជាគោលដៅទស្សនាដ៏ល្បីបំផុតលើពិភពលោក ក្នុងចំណោមគោលដៅល្បីៗបំផុតទាំង៣២ ដែលត្រូវបានចាត់ថ្នាក់ដោយសារព័ត៌មានអាមេរិក U.S. News & World Report។សម្ដេចធិបតីនាយករដ្ឋមន្ត្រី តែងតែអំពាវនាវដល់ប្រជាពលរដ្ឋខ្មែរ ក៏ដូចជាភ្ញៀវទេសចរអន្តរជាតិ សូមអញ្ជើញមកទស្សនាកម្សាន្តនៅខេត្តសៀមរាប ដែលជារមណីយដ្ឋានទេសចរណ៍វប្បធម៌ និងធម្មជាតិដ៏ទាក់ទាញសម្បូរបែប ជាអតីតមជ្ឈមណ្ឌលអរិយធម៌ខ្មែរបុរាណដ៏អស្ចារ្យ។សូមរម្លឹកថា «ប្រាសាទអង្គរវត្ត» កាលពីឆ្នាំ២០២៤ ក៏បានជាប់ជាទីតាំងដ៏ល្អបំផុតចំណាត់ថ្នាក់លេខ១ សម្រាប់មើលថ្ងៃរះ នៅអាស៊ីអាគ្នេយ៍ និងពិភពលោកផងដែរ។ នេះបើយោងតាមគេហទំព័រ Mornings.co.uk។តាមរយៈគេហទំព័រ Mornings.co.uk ដែលប្រមូលទិន្នន័យ និងស្វែងរកពាក្យគន្លឹះ “ថ្ងៃរះ” ក្នុងចំណោមប្រទេសប្រមាណ ៧២ នៅជុំវិញពិភពលោក ក្នុងនោះប្រាសាទអង្គរវត្តរបស់កម្ពុជា បានជាប់ជាទីតាំងដែលទទួលបានការលើកឡើងច្រើនជាងគេ និងចាត់ទុកថាជាកន្លែងដែលល្អបំផុតសម្រាប់ការមើលថ្ងៃរះ។ ព្រឹត្តិការណ៍ថ្ងៃរះចំកំពូលប្រាសាទអង្គរវត្ត ឬហៅថា សមរាត្រី (Equinox) តែងតែកើតមាន ២ដងក្នុងមួយឆ្នាំ លើកទី១ នៅខែមីនា និងលើកទី២ នៅខែកញ្ញា។ ព្រឹត្តិការណ៍ថ្ងៃរះនៅប្រាសាទអង្គរវត្តដ៏អស្ចារ្យនេះ បានធ្វើឱ្យអ្នកទស្សនាដោយផ្ទាល់ស្ងើចសរសើរមិនដាច់ពីមាត់ នូវភាពស្រស់ស្អាតនៃធម្មជាតិជះពន្លឺមាសមកលើកំពូលប្រាសាទអង្គរវត្ត។រមណីយដ្ឋានប្រវត្តិសាស្ត្រមួយនេះ គឺជាអតីតរាជធានីខ្មែរនាសម័យអង្គរជាង ៦០០ ឆ្នាំ (ស្រីយសោធរបុរៈ) ជាមជ្ឈមណ្ឌលអរិយធម៌ខ្មែរបុរាណដ៏រុងរឿង និងជាបេះដូងនៃមហាអំណាចកម្វុជទេសៈដ៏ធំធេង ដែលប្រៀបដូចជាទេពមហានគរនាអតីតកាល ខណៈបច្ចុប្បន្នពិភពលោកបានចាត់ទុកថាតំបន់រមណីយដ្ឋានអង្គរ គឺជាមហាសាសនាដ្ឋានធំជាងគេបំផុតនៅលើពិភពលោក គឺធំជាងសាសនាដ្ឋាននៅឥណ្ឌា អេហ្ស៉ីប ក្រិក រ៉ូម ចិន អឺរ៉ុប ឥណ្ឌូណេស៉ីជាដើម។ចាប់ពីឆ្នាំ១៩៩២មក ប្រាសាទអង្គរវត្ត និងតំបន់រមណីយដ្ឋានអង្គរបានក្លាយជាតំបន់បេតិកភណ្ឌពិភពលោករបស់អង្គការយូណេស្កូ ព្រមទាំងបានជំរុញឱ្យពិភពលោកចូលរួមបង្កើនការការពារ និងផ្សព្វផ្សាយកាន់តែទូលំទូលាយ។ ក្នុងមួយឆ្នាំៗ តំបន់រមណីយដ្ឋានទេសចរណ៍វប្បធម៌ និងធម្មជាតិមួយនេះបានទាក់ទាញភ្ញៀវទេសចរជាតិ-អន្តរជា៕

បណ្ដាញសង្គម

ព័ត៌មានថ្មីៗ

យោធាអ៊ីស្រាអែលបំផ្លាញផ្លូវរូងក្រោមដីប្រវែង ២,៧ គីឡូម៉ែត្ររបស់ក្រុមភេរវករ នៅភាគខាងជើងហ្កាហ្សា

[BREAKING NEWS] អ៊ីស្រាអែលបើកការវាយលុកផ្លូវគោកជាលើកដំបូង ក្នុងទីក្រុង Deir al-Balah នៅភាគកណ្តាលហ្កាហ្សា

រដ្ឋមន្ត្រី៖អាល្លឺម៉ង់ត្រៀមខ្លួនជាស្រេច ក្នុងការជួយស្ដារតំបន់ហ្កាហ្សាស្ទ្រីបឡើងវិញ

អ្នកជំនាញលោកខាងលិច ជឿជាក់ថា លោក Trump បានផ្លាស់ប្តូរសណ្តាប់ធ្នាប់ពិភពលោក ជាអចិន្ត្រៃយ៍

កងកម្លាំងប្រដាប់អាវុធហ្ស៊កដានី បានបាញ់ទម្លាក់យានដ្រូនដឹកគ្រឿងញៀន ៣១០គ្រឿង ក្នុងរយៈពេល ៧ខែ

ប្រមុខការទូតទួរគី ស៊ីរី និងបេសកជនអាមេរិក បានពិភាក្សាគ្នាអំពីស្ថានការណ៍ នៅក្នុងប្រទេសស៊ីរី

អតីតប្រមុខការពារជាតិអ៊ីស្រាអែល៖ លោក Netanyahu ព្យាយាមបន្លាយសង្រ្គាមហ្កាហ្សា រហូតដល់ការបោះឆ្នោត

ជនជាតិអាហ្រ្វិកមួយពាន់លាននាក់ កំពុងរងគ្រោះថ្នាក់ ដោយសារការផ្សែងពុលពីការចម្អិនអាហារ

ប្រធានាធិបតីហ្វីលីពីន គ្រោងជួបលោក Trump ដោយសង្ឈឹមថាអាចសម្រេចបានកិច្ចព្រមព្រៀងពាណិជ្ជកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877