BTV NEWS

កិច្ចសន្ទនារវាងកម្ពុជា-កូរ៉េ ឆ្លុះបញ្ចាំងពីការយកចិត្តទុកលើការថែទាំគាំទ្រវិនិយោគបរទេសនៅកម្ពុជា

អភិបាលខេត្តប៉ៃលិន ផ្តាំផ្ញើដល់បងប្អូនពលករដែលវិលត្រឡប់មកពីថៃ កុំព្រួយបារម្ភរឿងអត់ការងារធ្វើ ព្រោះរាជរដ្ឋាភិបាលកម្ពុជាបានត្រៀមរួចរាល់ហើយ

ឯកឧត្តមសាស្រ្តាចារ្យ ឈាង រ៉ា ចុះជួបមន្រី្តសុខាភិបាល នៅមណ្ឌលសុខភាពព្រែកលួង ដើម្បីស្វែងយល់ពីមូលដ្ឋាន និងការបម្រើសេវាសុខភាព

ពលករខ្មែរមកពីថៃថ្លែងអំណរគុណអភិបាលខេត្តប៉ៃលិនចំពោះការយកចិត្តទុកដាក់លើសុខភាពពួកគេ

ព័ត៌មានជាតិ

ក្នុងខែវិច្ឆិកា យន្តការច្រកចេញចូលតែមួយ បម្រើពលរដ្ឋបានជាង៦សែនសេវា រកចំណូលបាន ៣ លានដុល្លារ

ភ្នំពេញ៖ រយៈពេលពេញមួយខែវិច្ឆិកា កន្លងទៅនេះ លោកបណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃ បានឱ្យដឹងថា អង្គភាពច្រកចេញចូលតែមួយរាជធានី-ខេត្ត បានផ្ដល់សេវាជូនប្រជាពលរដ្ឋសរុបជាង ៦សែនសេវា។ ក្នុងចំណោមវិស័យទាំង១៤ ការងាររដ្ឋបាលផ្តល់សេវាច្រើនជាងគេ គឺមានសរុបបជិត ២ម៉ឺនសេវា បន្ទាប់មកវិស័យកសិកម្ម រុក្ខាប្រមាញ់ និងនេសាទជាង១ម៉ឺនសេវា ខណៈសេវាតិចជាងគេ គឺវិស័យវប្បធម៌ និងវិចិត្រសិល្បៈមានចំនួន៤សេវា។ បើតាមលោកបណ្ឌិត ទូច សុឃៈ សេវាដែលបានផ្ដល់ជូននៅអង្គភាពច្រកចេញចូលតែមួយរាជធានី ខេត្ត បានផ្ដល់ចំណូលជូនរដ្ឋសរុបជាង១២ពាន់លានរៀល ស្មើនឹង៣លានដុល្លារ ក្នុងនោះវិស័យទទួលបានចំណូលច្រើនជាងគេគឺ វិស័យរៀបចំដែនដីនគរូបនីយកម្ម និងសំណង់ចំនួនជាង១០ពាន់លានរៀល វិស័យសាធារណការនិងដឹកជញ្ជូនជាង១ពាន់លានរៀល ខណៈវិស័យទទួលចំណូលតិចជាងគេគឺវិស័យវប្បធម៌ និងវិចិត្រសិល្បៈមានចំនួន៨សែនរៀល។ ចំណែក ការិយាល័យច្រកចេញចូលតែមួយក្រុង ស្រុក ខណ្ឌ លោកបណ្ឌិតអ្នកនាំពាក្យរង បានឱ្យដឹងទៀតថា ក្នុងខែវិច្ឆិកាដូចគ្នា មន្រ្តីបានផ្តល់សេវាជាង៣សែនសេវា ដោយក្នុងចំណោមវិស័យទាំង១៧ ការងារអត្រានុកូលដ្ឋានផ្តល់បានច្រើនជាងគេ គឺមានជិត២សែនសេវា បន្ទាប់មកការងារនីត្យានុកូលកម្មផ្តល់បាន១សែនសេវា ខណៈវិស័យផ្តល់តិចជាងគេ គឺវិស័យកសិកម្មមានត្រឹមតែ១៩សេវា។ សេវានៅច្រកចេញចូលតែមួយក្រុង ស្រុក ខណ្ឌ បានផ្ដល់ចំណូលជូនរដ្ឋជាង៦៨០លានរៀល គិតជាដុល្លារប្រមាណ១សែន ៧ម៉ឺនដុល្លារ ខណៈចំណូលខ្ពស់ជាងគេគឺ វិស័យសុរិយោដីចំនួន១៦០លានរៀល បន្ទាប់មកវិស័យសំណង់ទទួលបាន១៥២លានរៀល ចំណែកវិស័យរ៉ែ និងថាមពលទទួលបានចំណូលតិចជាងគេគឺត្រឹមតែ ៥លានរៀល គ្រាដែលវិស័យបពាណិជ្ជកម្ម វិស័យធម្មការ និងសាសនា វិស័យបរិស្ថាន និងការងារអត្រានុកូលដ្ឋានមិនទទួលបានចំណូល។ យន្តការច្រកចេញចូលតែមួយត្រូវបានប្រជាពលរដ្ឋគ្រប់មជ្ឈដ្ឋានសារទរថាបានឆ្លើយតបទៅនឹងតម្រូវការចាំបាច់ជាប្រចាំថ្ងៃ។ រាជរដ្ឋាបាលកម្ពុជាក្រោមការដឹកនាំរបស់សម្តេចមហាបរវធិបតី ហ៊ុន ម៉ាណែត បាននិងកំពុងយកចិត្តទុកដាក់យ៉ាងខ្លាំងលើការពង្រឹងគុណភាពសេវាសាធារណៈ ស្របតាមទស្សនៈ «ធ្វើឱ្យលឿន ធ្វើឱ្យលះ បើស្ទះសុំគោលការណ៍» ខណៈឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ក្នុងនាមជាសេនាធិការ ក៏បន្តកិច្ចខិតខំប្រឹងប្រែងដាក់ចេញនូវគោលការណ៍នានាធ្វើយ៉ាងឱ្យស្របទៅនឹងគោលនយោបាយ និងភាពចាំបាច់របស់ប្រជាពលរដ្ឋស្របតាមទស្សនៈ« អ្វីៗដើម្បីផ្តល់ភាពកក់ក្តៅជូនប្រជាពលរដ្ឋ»៕

គណៈកម្មាធិការ ICC Angkor និងសំបូរព្រៃគុក ចាប់ផ្ដើមបើកកិច្ចប្រជុំបច្ចេកទេស និងកិច្ចប្រជុំពេញអង្គរ រយៈពេល២ថ្ងៃ នៅខេត្ដសៀមរាប

គណៈកម្មាធិការអន្តរជាតិ សម្របសម្រួល កិច្ចគាំពារ និងអភិវឌ្ឍន៍រមណីយដ្ឋានអង្គរ ហៅកាត់ថា ICC Angkor និងសំបូរព្រៃគុក នៅថ្ងៃទី១១ ខែធ្នូ ឆ្នាំ២០២៤នេះ បានបើកកិច្ចប្រជុំបច្ចេកទេសលើកទី៣៩ និងកិច្ចប្រជុំពេញអង្គលើក៣១ ដឹកនាំកិច្ចប្រជុំដោយលោក ព្យែរ វ៉ាំងហ្សង់(Pierre Vincent) ទីប្រឹក្សាផ្នែកវប្បធម៌របស់ស្ថានទូតបារាំងប្រចាំកម្ពុជា និងឯកឧត្តម ណាហ្កាសិ គេនស៊ូគិ ឯកអគ្គរាជទូតជប៉ុន ប្រចាំកម្ពុជា ជាសហប្រធាន។កិច្ចប្រជុំនេះ មានរយៈពេល២ថ្ងៃ ចាប់ពីថ្ងៃទី១១ដល់ថ្ងៃទី១៣ ខែធ្នូ ឆ្នាំ២០២៤ ក្រោមអធិបតីភាពលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងឯកឧត្ដម សាយ សំអាល់ ឧបនាយករដ្ឋមន្ដ្រី រដ្ឋមន្ដ្រីក្រសួងរៀបចំដែនដីនគររូបនីយកម្ម និងសំណង់។

ឯកឧត្តម ហេង សួរ ទទួលជួបពិភាក្សាការងារជាមួយគណៈប្រតិភូទីភ្នាក់ងារស្វីស សម្រាប់កិច្ចសហប្រតិបត្តិការ និងការអភិវឌ្ឍ

ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានទទួលជួបពិភាក្សាការងារជាមួយគណៈប្រតិភូ ដែលដឹកនាំដោយលោក រ៉េត្រូ ហ្រ្គូនីងហ្គឺ (Reto Gruninger) នាយកការិយាល័យកិច្ចសហប្រតិបត្តិការ និងកុងស៊ុលស្វីសប្រចាំកម្ពុជា នារសៀលថ្ងៃទី១០ ខែធ្នូ ឆ្នាំ២០២៤។ ប្រភពក្រសួងការងារ និងបណ្តុះបណ្តាលវិជ្ជាជីវៈ ក្រោយចប់ជំនួបនេះ បានឲ្យដឹងថា ឯកឧត្តម ហេង សួរ បានសម្តែងការស្វាគមន៍ និងអបអរសាទរចំពោះលោក Reto Gruninger ដែលត្រូវបានតែងតាំងជានាយកការិយាល័យកិច្ចសហប្រតិបត្តិការ និងទីភ្នាក់ងារកុងស៊ុលស្វីសប្រចាំកម្ពុជា។ ឯកឧត្តម ក៏បានថ្លែងអំណរគុណដល់ទីភ្នាក់ងារស្វីស SDC ក្នុងការជួយគាំទ្រកម្ពុជាលើការពង្រឹងប្រព័ន្ធអប់រំបណ្តុះបណ្តាលវិជ្ជាជីវៈ(TVET) នៅកម្ពុជា។ ឯកឧត្តមរដ្ឋមន្ត្រី បានលើកឡើងថា ទីភ្នាក់ងារស្វីសសម្រាប់កិច្ចសហប្រតិបត្តិការ និងការអភិវឌ្ឍ(SDC) ដើរតួនាទីយ៉ាងសំខាន់ក្នុងការលើកកម្ពស់កម្លាំងពលកម្មកម្ពុជាជាមួយនឹងជំនាញដែលស្របទៅនឹងតម្រូវការទីផ្សារ និងការអភិវឌ្ឍក្នុងប្រទេសកម្ពុជា។ ក្នុងន័យនេះ ឯកឧត្តម ជឿជាក់ថា ទីភ្នាក់ងារ SDC នឹងបន្តកិច្ចសហប្រតិបត្តិការជាមួយក្រសួងការងារ និងបណ្តុះបណ្តាលវិជ្ជាជីវៈ ទៅលើវិស័យ TVET និងការងារទេសន្តរប្រវេសន៍សម្រាប់កម្ពុជាកាន់តែច្រើនថែមទៀត។ ជាការឆ្លើយតបលោក Reto Gruninger បានថ្លែងអំណរគុណ និងកោតសរសើរចំពោះក្រសួងការងារ និងបណ្តុះបណ្តាលវិជ្ជាជីវៈ ក្នុងការផ្តល់នូវកិច្ចសហប្រតិបត្កិការជាមួយទីភ្នាក់ងារស្វីស សម្រាប់កិច្ចសហប្រតិបត្តិការ និងការអភិវឌ្ឍ(SDC)។ ទន្ទឹមនេះ លោកសង្ឃឹមថា សម្រាប់កិច្ចសហប្រតិបត្តិការរវាងភាគីទាំងពីរក្នុងឆ្នាំ២០២៥ខាងមុខនេះនឹងទទួលបាននូវលទ្ធផលកាន់តែល្អប្រសើរ៕

ប្រធានសភាកាតាកោតសរសើរដល់គោលជំហរអព្យាក្រឹត្យរបស់កម្ពុជាចំពោះបញ្ហាប៉ាឡេស្ទីន

នៅចំពោះមុខសម្តេចតេជោ ហ៊ុន សែន ប្រធានព្រឹទ្ធសភាកម្ពុជា លោក ហាសាន់ ប៊ីន អាបឌុលឡា អាល-ហ្កានីម(Hassan bin Abdullah Al Ghanim)ប្រធានរដ្ឋសភានៃរដ្ឋកាតា បានសម្ដែងការកោតសរសើរ ជំហរអព្យាក្រឹត្យរបស់កម្ពុជា ចំពោះបញ្ហាប៉ាឡេស្ទីន និងបានចាត់ទុកទស្សនកិច្ចរបស់សម្តេចតេជោនាពេលនេះល្អណាស់ សម្រាប់ការជំរុញទំនាក់ទំនង និងសហប្រតិបត្តិការសភា និងវិស័យផ្សេងៗ រវាងប្រទេសកម្ពុជា និងកាតា។ក្នុងកិច្ចជំនួបជាមួយសម្ដេចតេជោ ហ៊ុន សែន នៅថ្ងៃទី១០ ខែធ្នូ ឆ្នាំ២០២៤ម្សិលមិញនេះ លោក ហាសាន់ ប៊ីន អាបឌុលឡា អាល-ហ្កានីម បានស្វាគមន៍យ៉ាងកក់ក្ដៅចំពោះ សម្ដេចតេជោ និងគណៈប្រតិភូ ដែលបានអញ្ជើញមកបំពេញទស្សនកិច្ចនៅរដ្ឋកាតា ហើយលោកបានលើកឡើងថា កាតាមានតួនាទីសំខាន់នៅក្នុងតំបន់ និងពិភពលោក និងចូលរួមចំណែកក្នុងការសម្របសម្រួល ដើម្បីឱ្យមានដំណោះស្រាយបញ្ហាអន្តរជាតិដូចជា អ៊ុយក្រែន ប៉ាឡេស្ទីន និង អាហ្វានីស្ថានជាដើម។លោកបានបន្តថា កាតាបានខិតខំធ្វើការដើម្បី ឱ្យមានបទឈប់បាញ់ក្នុងផលប្រយោជន៍ សន្តិភាព និងប្រជាជន ហើយកាតាក៏មានសុទិដ្ឋិនិយមថា បណ្តាសភានៅក្នុងសកលលោក ដែលស្រឡាញ់សន្តិភាពនឹងរួមដៃគ្នាធ្វើកិច្ចការនេះផងដែរ។ លោកបានសង្កត់ធ្ងន់ថា ធម្មនុញសន្តិភាព សកលលោក មានសារៈសំខាន់យ៉ាងខ្លាំង ក្នុងការពង្រីកទំនាក់ទំនងសភា និងអ្នកស្រឡាញ់សន្តិភាព ហើយលោកបានអះអាងថា កាតានឹងធ្វើការជាមួយកម្ពុជា ដើម្បីសន្តិភាពពិភពលោក និងប្រឆាំងសង្គ្រាម។ថ្លែងនៅក្នុងកិច្ចជំនួបនោះដែរសម្តេចតេជោ ហ៊ុន សែន បានថ្លែងអំណរអរគុណ ចំពោះលោក ហាសាន់ ប៊ីន អាបឌុលឡា អាល-ហ្កានីម ចំពោះការលើកឡើងពីទំនាក់ទំនងទ្វេភាគីកម្ពុជា-កាតា និងតួនាទីរបស់សភា ក្នុងការដោះស្រាយបញ្ហាតំបន់ និងពិភពលោក។ សម្តេចប្រធានព្រឹទ្ធសភាបានលើកឡើងទៀតថា សម្តេចពិតជារីករាយនឹងដំណើរទស្សនកិច្ចនៅរដ្ឋកាតា ដែលនឹងពង្រឹងទំនាក់ទំនងរវាងអង្គការនីតិប្បញ្ញត្តិ រាជរដ្ឋាភិបាល ពាណិជ្ជកម្ម និងវិនិយោគរវាងប្រទេសកម្ពុជា និងកាតា។ សម្តេចតេជោ ហ៊ុន សែន បានបន្ថែមថា ប្រទេសយើងទាំងពីរ(កម្ពុជា-កាតា) ត្រូវធ្វើការជាមួយគ្នា ដើម្បីសម្រេចបានកិច្ចព្រមព្រៀងគាំពារវិនិយោគ និងពាណិជកម្ម ខណៈប្រទេសកាតាមានសន្តិសុខថាមពល ហើយកម្ពុជាមានសន្តិសុខស្បៀង។ នៅក្នុងកិច្ចជំនួបនោះដែរ សម្តេចតេជោ ហ៊ុន សែន បានបង្ហាញចំណាប់អារម្មណ៍ចង់បាន អ្នកវិនិយោគិនកាតាមកកម្ពុជា និងចង់ឃើញ ការពិគ្រោះយោបល់ទ្វេភាគី រវាងក្រសួងការបរទេសទាំងពីរ ដោយសារសភាពការពិភពលោកស្មុគស្មាញ ហើយជាមួយគ្នានោះសម្តេចតេជោបានទទួលស្គាល់ ដោយការពេញចិត្ត និងវាយតម្លៃខ្ពស់នូវតួនាទីរបស់កាតា នៅលើឆាកអន្តរជាតិ ដូចជាការចរចាពាណិជ្ជកម្មពិភពលោក ក្នុងក្របខ័ណ្ឌ Doha Round ជាដើម។ សម្តេចបានលើកឡើងទៀតថា ជំហររបស់កាតានិងកម្ពុជាលើបញ្ហាអន្តរជាតិ និងតំបន់មិនខុសគ្នាទេ ខណៈប្រទេសកម្ពុជា និងកាតា តូចយ៉ាងណាក៏ដោយ ប៉ុន្តែប្រទេសយើងទាំងពីរត្រូវចូលរួមចំណែក ក្នុងការដោះស្រាយបញ្ហាតំបន់ និងអន្តរជាតិ។ ឆ្លៀតក្នុងឱកាសនោះដែរ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា ក៏បានអញ្ជើញ លោកប្រធានសភាកាតា មកបំពេញទស្សនកិច្ចនៅកម្ពុជា នាពេលខាងមុខផងដែរ៕ អត្ថបទ៖ បាន ចក់

សម្ដេចតេជោ ហ៊ុន សែន បង្ហាញពីសក្តានុពលវិស័យកសិកម្មកម្ពុជាដែលផ្តល់ឱកាសដល់វិនិយោគិនពីកាតាក្នុងការកែច្នៃ ដើម្បីនាំចេញទៅប្រទេសកាតា

កាលពីរសៀលថ្ងៃទី១០ ខែធ្នូ ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានទទួលជួប ឯកឧត្តម Sheikh Faisal bin Thani bin Faisal Al Thani រដ្ឋមន្ត្រីក្រសួងពាណិជ្ជកម្ម និងឧស្សាហកម្ម និងថ្នាក់ដឹកនាំអាជ្ញាធរវិនិយោគនៃរដ្ឋកាតា(QIA) នៅសណ្ឋាគារ Sheraton Grand Doha រាជធានីដូហា។នៅក្នុងជំនួបនេះ សម្តេចតេជោ បានសម្តែងនូវក្តីរីករាយក្នុងការទទួលជួបពិភាក្សាជាមួយនឹង ឯកឧត្តម រដ្ឋមន្ត្រីក្រសួងពាណិជ្ជកម្ម និងឧស្សាហកម្ម និងថ្នាក់ដឹកនាំអាជ្ញាធរវិនិយោគនៃរដ្ឋកាតា(QIA) បន្ទាប់ពីជួបនាយករដ្ឋមន្ត្រីកាតា កាលពីព្រឹក ដើម្បីបង្ហាញពីសក្តានុពល និងកាលានុវត្តន៍ភាពសេដ្ឋកិច្ច និងវិនិយោគនៅកម្ពុជា។ សម្តេចតេជោ បានជម្រាបជូនភ្ញៀវ អំពីសក្តានុពលខាងវិស័យកសិកម្ម ជាពិសេស ស្រូវ គ្រាប់ស្វាយចន្ទី ដំឡូងមី និងផលិតផលជាច្រើនទៀត ដែលផ្តល់ឱកាសដល់វិនិយោគិនពីកាតាក្នុងការកែច្នៃដើម្បីនាំចេញមកប្រទេសកាតា និងប្រទេសនានាក្នុងតំបន់ និងពិភពលោក។ ដើម្បីពង្រឹង និងពង្រីកកិច្ចសហប្រតិបត្តិការទ្វេភាគី នៅក្នុងវិស័យសេដ្ឋកិច្ច ពាណិជ្ជកម្ម និងវិនិយោគ សម្តេចតេជោ បានលើកឡើងថា ឯកសារសំខាន់ពីររួមមាន កិច្ចព្រមព្រៀងស្តីពីការជំរុញ និងការការពារវិនិយោគទៅវិញទៅមក និង កិច្ចព្រមព្រៀងស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងបច្ចេកទេស គួរត្រូវបានចុះហត្ថលេខានាពេលដ៏ខ្លីខាងមុខ។ ឯកឧត្តម រដ្ឋមន្ត្រីក្រសួងពាណិជ្ជកម្ម និងឧស្សាហកម្មកាតា បានថ្លែងអំណរគុណ សម្តេចតេជោ ចំពោះព័ត៌មានដ៏មានសារៈសំខាន់ស្តីពីកាលានុវត្តន៍ភាព និងសក្តានុពលសេដ្ឋកិច្ច និងវិនិយោគនៅកម្ពុជា និងបានលើកឡើងថា ភាគីទាំងពីរនឹងធ្វើការជាមួយគ្នា ដើម្បីធ្វើការចុះហត្ថលេខាឱ្យបានឆាប់លើកិច្ចព្រមព្រៀងទាំងពីរដែលសម្តេចបានលើកឡើង៕

នាយករដ្ឋមន្ត្រីរដ្ឋកាតា៖ ទស្សនកិច្ចរបស់សម្តេចតេជោនឹងពង្រឹងកិច្ចសហប្រតិបត្តិការរវាងប្រទេសទាំងពីរ

នៅព្រឹក ថ្ងៃទី១០ ខែធ្នូ ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញជួបពិភាក្សាជាមួយ ឯកឧត្តម សេក្ខ មហាម៉េដ ប៊ីន អាប់ឌុលរ៉ាហ្សម៉ាន់ ប៊ីន ចាសស៊ីម អាល-ថានី (Sheikh Mohammed Bin Abdulrahman Bin Jassim Al-Thani) នាយករដ្ឋមន្ត្រី និងជារដ្ឋមន្ត្រីការបរទេសនៃរដ្ឋកាតា នៅវិមានរដ្ឋាភិបាល រាជធានីដូហា។ជាកិច្ចចាប់ផ្តើម ឯកឧត្តមនាយករដ្ឋមន្ត្រី បានគោរពនិងស្វាគមន៍ យ៉ាងកក់ក្ដៅចំពោះ សម្ដេចតេជោ និងគណៈប្រតិភូ ដែលបានអញ្ជើញមកបំពេញទស្សនកិច្ចនៅរដ្ឋកាតា និងបានរំលឹកថាធ្លាប់បានជួប សម្តេចតេជោ នៅភ្នំពេញកាលពីឆ្នាំ២០២២កន្លងទៅ។ ឯកឧត្តមបានបន្តថា ទស្សនកិច្ចរបស់ សម្តេចតេជោ នឹងពង្រឹងកិច្ចសហប្រតិបត្តិការរវាងប្រទេសយើងទាំងពីរ។នាឱកាសនេះ សម្តេចតេជោ បានសម្តែងនូវសេចក្តីអំណរគុណដល់ ឯកឧត្តមនាយករដ្ឋមន្ត្រី ចំពោះការទទួលស្វាគមន៍ សម្តេច និងគណៈប្រតិភូយ៉ាងកក់ក្តៅ នៅរាជធានីដូហា។ សម្តេច បានបញ្ជាក់ថាបានទទួលជួប ឯកឧត្តម ក្នុងអំឡុងពេលឯកឧត្តម ចូលរួមក្នុងកិច្ចប្រជុំរដ្ឋមន្ត្រីការបរទេសអាស៊ាន និងចុះហត្ថលេខាចូលជាភាគីនៃសន្ធិសញ្ញាមិត្ត និងសហប្រតិបត្តិការអាស៊ីអាគេ្នយ៍ (TAC)។សម្តេច បានបន្តថា កម្ពុជា និងកាតា បានបង្កើតទំនាក់ទំនងការទូត នៅឆ្នាំ២០០៨ ហើយសម្តេច មានបំណងមកធ្វើទស្សនកិច្ចនៅរដ្ឋកាតាជាច្រើនដង ក៏ប៉ុន្តែត្រូវបានលើកពេលជាបន្តបន្ទាប់។ សម្តេចបានបន្ថែមថា ប្រទេសយើងទាំងពីរមានសក្តានុពលច្រើនដែលប្រើប្រាស់មិនទាន់អស់។ កាតា ជាប្រទេសអ្នកមាន និងគួរវិនិយោគនៅកម្ពុជា ជាពិសេស នៅក្នុងវិស័យកសិឧស្សាហកម្មកែច្នៃដើម្បីនាំចេញ។ កម្ពុជាមានផលិតផលកសិកម្មច្រើន ដូចជាគ្រាប់ស្វាយចន្ទីដែលកម្ពុជាផលិតច្រើនជាងគេនៅក្នុងពិភពលោក តែខ្វះលទ្ធភាពកែច្នៃ និងផលិតផលកសិកម្មជាច្រើនទៀត។ សម្តេចបានស្នើ ឯកឧត្តមនាយករដ្ឋមន្ត្រី បញ្ជូនវិនិយោគិនទៅកម្ពុជាដើម្បីជំរុញការវិនិយោគ និងពាណិជ្ជកម្ម។ សម្តេច បានគូសបញ្ជាក់ថា កម្ពុជា និងកាតា គួរចុះហត្ថលេខាលើកិច្ចព្រមព្រៀងស្តីពីការជំរុញនិងការការពារវិនិយោគទៅវិញទៅមក និងកិច្ចព្រមព្រៀងស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងបច្ចេកទេស និង អនុស្សរណៈនៃការយោគយល់គ្នា (MoU) ស្តីពីការបង្កើតកិច្ចពិគ្រោះ យោបល់ទ្វេភាគីរវាងក្រសួងការបរទេសទាំងពីរ។ សម្តេចតេជោ បានលើកសរសើរតួនាទីរបស់កាតានៅក្នុងតំបន់ និងលើឆាកអន្តរជាតិ ដោយបានបញ្ជាក់ថា កាតាត្រូវបានគេស្គាល់ទូទាំងសកលលោក តាមរយៈការចរចាពាណិជ្ជកម្មពិភពលោក Doha Round និងបានរៀបចំគោលនយោបាយមួយ ដែលទទួលបានការទុកចិត្តពីសំណាក់ប្រទេសនានាក្នុងសកលលោក។សម្តេចតេជោ បានគូសបញ្ជាក់ថា កាតាមានទំនាក់ទំនងជាមួយអាស៊ាន តាមរយៈការចូលជាភាគីនៃសន្ធិសញ្ញា TAC។ អាស្រ័យហេតុនេះ ការតភ្ជាប់ផ្លូវអាកាសពីមជ្ឈិមបូព៌ា មកអាស៊ីអាគ្នេយ៍ជាចំណុចខ្លាំងរបស់កាតា។ សម្តេច បានអរគុណ Qatar Airways ដែលមានជើងហោះហើរប្រចាំថ្ងៃមកកម្ពុជា។ ទង្វើនេះ ផ្តល់ផលប្រយោជន៍ដល់ទំនាក់ទំនងរវាងប្រជាជន និងប្រជាជន និងវិនិយោគិន។ សម្តេចសម្តែងក្តីរីករាយដែល កាតា ទទួលបានជោគជ័យជាខ្លាំងក្នុងការធ្វើជាម្ចាស់ផ្ទះ World Cup 2022 ដែលបានធ្វើឱ្យតួនាទីរបស់កាតា កើនឡើងលេចធ្លោថែមទៀតនៅលើឆាកអន្តរជាតិ។ ជាកិច្ចឆ្លើយតប ឯកឧត្តមនាយករដ្ឋមន្ត្រីកាតា បានអរគុណចំពោះការលើកឡើងខាងលើរបស់សម្តេច និងបានជម្រាបសម្តេចតេជោថា កាតា ផ្តល់សារៈសំខាន់យ៉ាងខ្លាំងដល់ទំនាក់ទំនងជាមួយប្រទេសជាមិត្តយ៉ាងច្រើន ក្នុងនោះមាន កម្ពុជា និងអាស៊ានផងដែរ។ ឯកឧត្តម បានបន្តថា នៅក្នុងទំនាក់ទំនងទ្វេភាគី កាតា សម្លឹងមើលឱកាសសម្រាប់វិនិយោគនៅក្នុងវិស័យកសិកម្មនៅកម្ពុជា។ ឯកឧត្តម បានគូសបញ្ជាក់ថា កិច្ចព្រមព្រៀងពាណិជ្ជកម្មដែលត្រូវបានចុះហត្ថលេខាចប់សព្វគ្រប់នាពេលខាងមុខ នឹងជំរុញវិនិយោគទៅកម្ពុជា។ ជាមួយគ្នានេះដែរ ឯកឧត្តមនាយករដ្ឋមន្ត្រីកាតា បានលើកឡើងថា ឯកឧត្តម នឹងចាត់រដ្ឋមន្រ្តីក្រសួងពាណិជ្ជកម្ម និងឧស្សាហកម្ម និង ថ្នាក់ដឹកនាំអាជ្ញាធរវិនិយោគនៃរដ្ឋកាតា(QIA) មកជួបសម្តេច ដើម្បីជំរុញទំនាក់ទំនងខាងវិស័យពាណិជ្ជកម្ម និងវិនិយោគ។ កិច្ចពិភាក្សារបស់សម្តេចតេជោនិងឯកឧត្តមនាយករដ្ឋមន្ត្រីកាតា ក៏បានផ្តោតលើបញ្ហាដែលកំពុងវិវត្តនៅក្នុងសកលលោក ផងដែរ ជាពិសេសសភាពការណ៍ថ្មីៗដែលកំពុងកើតមាននៅក្នុងតំបន់ជ្ឈិមបូព៌ា។ជាចុងបញ្ចប់ តាមរយៈសម្តេចតេជោ ឯកឧត្តមនាយករដ្ឋមន្ត្រីកាតា បានអញ្ជើញសម្តេចធិបតី នាយករដ្ឋមន្ត្រី មកបំពេញទស្សនកិច្ចនៅរដ្ឋកាតា នាពេលខាងមុខ៕

កម្ពុជា ចូលរួមកិច្ចប្រជុំក្រុមប្រឹក្សាសម្របសម្រួលកម្មវិធីរបស់អង្គការយូអិនអេដស៍ លើកទី៥៥ ប្រទេសកេនយ៉ា

គណៈប្រតិភូនៃព្រះរាជាណាចក្រកម្ពុជា ដឹកនាំដោយឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានចេញដំណើរនៅល្ងាចថ្ងៃទី៨ ខែធ្នូ ឆ្នាំ២០២៤ ទៅចូលរួមកិច្ចប្រជុំក្រុមប្រឹក្សា សម្របសម្រួលកម្មវិធីរបស់អង្គការយូអិនអេដស៍ (UNAIDS PCB) លើកទី៥៥ នៅទីក្រុងណៃរ៉ូប៊ី ប្រទេសកេនយ៉ា ដែលប្រព្រឹត្តទៅពីថ្ងៃទី១០ ដល់១២ ខែធ្នូ ឆ្នាំ២០២៤។យោងតាមសេចកី្តប្រកាសព័ត៌មានរបស់អាជ្ញាធរជាតិប្រយុទ្ធនឹងជំងឺអេដស៍ កាលពីថ្ងៃទី១០ ខែធ្នូ ឆ្នាំ២០២៤ បានបញ្ជាក់ថា ព្រះរាជាណាចក្រកម្ពុជា បានទទួលអាសនៈសមាជិកក្រុមប្រឹក្សាសម្របសម្រួលកម្មវិធីរបស់អង្គការយូអិនអេដស៍ តាមរយៈការបោះឆ្នោតរបស់ក្រុមប្រឹក្សាសេដ្ឋកិច្ច និងសង្គម (ECOSOC) របស់អង្គការសហប្រជាជាតិនៅទីក្រុងញ៉ូវយ៉ក កាលពីថ្ងៃទី៥ ខែមេសា ឆ្នាំ២០២៣ តំណាងតំបន់អាស៊ីប៉ាស៊ីហ្វិក សម្រាប់អាណត្តិ២០២៣-២០២៥។ ការចូលរួមប្រជុំរបស់គណៈប្រតិភូកម្ពុជាលើកនេះ ជាការចូលរួមលើកទី៤។ឯកឧត្តមទេសរដ្ឋមន្ត្រី ប្រធានអាជ្ញាធរជាតិប្រយុទ្ធ នឹងជំងឺអេដស៍ បានថ្លែងនូវសេចក្តីថ្លែងការណ៍អាស៊ានក្នុងវិស័យសុខាភិបាល ស្តីពីការបញ្ចប់វិសមភាព និងការធ្វើដំណើរក្នុងផ្លូវត្រូវឆ្ពោះទៅ បញ្ចប់អេដស៍ ក្នុងរបៀបវារៈទី១.៣ ស្តីពីការត្រិះរិះពិចារណាលើរបាយការណ៍របស់នាយិកាប្រតិបត្តិ អង្គការយូអិនអេដស៍ នៅព្រឹកថ្ងៃទី១០ ខែធ្នូ។ ឯកឧត្តមទេសរដ្ឋមន្ត្រី បានថ្លែងថា ការឆ្លងមេរោគអេដស៍ថ្មី ត្រូវបានប៉ាន់ស្មានថាធ្លាក់ចុះប្រមាណ២៨% នៅចន្លោះឆ្នាំ២០១០ និង២០២២ ដែលក្នុងនោះរដ្ឋសមាជិក អាស៊ានជាដៃគូគន្លឹះ និងជាប្រទេសឈានមុខក្នុងតំបន់ក្នុងការឆ្លើយតប នឹងមេរោគអេដស៍ និងជំងឺអេដស៍។ ការប្តេជ្ញាចិត្តរួម និងអាទិភាពត្រូវបានបង្ហាញឱ្យឃើញយ៉ាងច្បាស់តាមរយៈការអនុវត្តនូវការផ្តួចផ្តើមទីក្រុងអាស៊ាន ឆ្ពោះទៅរកសូន្យអេដស៍ និងបច្ចុប្បន្នភាពសេចក្តីថ្លែងការណ៍មេដឹកនាំអាស៊ាន ស្តីពីការបញ្ចប់វិសមភាព និងការធ្វើដំណើរក្នុងផ្លូវត្រូវឆ្ពោះទៅបញ្ចប់អេដស៍ នៅឆ្នាំ២០៣០ ដែលត្រូវបានអនុម័តដោយកិច្ចប្រជុំកំពូលអាស៊ានលើកទី៤០ និង៤១ នៅរាជធានីភ្នំពេញ នាថ្ងៃទី១១ ខែវិច្ឆិកា ឆ្នាំ២០២២។សូមបញ្ជាក់ជូនកិច្ចប្រជុំក្រុមប្រឹក្សាសម្របសម្រួលកម្មវិធីរបស់អង្គការយូអិនអេដស៍ លើកទី៥៥ ឯកឧត្តមទេសរដ្ឋមន្ត្រី បានបន្តថា រដ្ឋសមាជិកអាស៊ាន ប្តេជ្ញាធ្វើដំណើរក្នុងផ្លូវត្រូវ ពង្រឹងការឆ្លើយតបផ្អែក លើសហគមន៍ បញ្ចប់វិសមភាព ធានាចីរភាពនៃការឆ្លើយតប និងបង្កើនហិរញ្ញវត្ថុក្នុងការបញ្ចប់អេដស៍ នៅអាស៊ាន នាឆ្នាំ២០៣០។ ក្នុងនោះ៖ ធានាថាគ្មាននរណាត្រូវបានទុកចោលក្នុងការឆ្លើយតបនឹងអេដស៍ ដោយកង្វះនូវការទទួលបាននូវកម្មវិធីអេដស៍ និងសេវាដែលមានគុណភាពខ្ពស់ និងគ្មានការមាក់ងាយនិងរើសអើង។ បង្កើនសេវាគ្របដណ្តប់ និងការបង្ការរួមគ្នាមេរោគអេដស៍ដែលមានគុណភាព កាត់បន្ថយផលប៉ះពាល់ ដោយការធ្វើតេស្ត និងកម្មវិធីព្យាបាលនិងសេវាសមស្រប ដែលអាចអនុវត្តបាន ដើម្បីសម្រេចបាននូវគោលដៅដែលបានឯកភាព។ ពង្រីកការប្រើបាស់នូវយុទ្ធសាស្ត្រដែលមានលក្ខណៈច្នៃប្រឌិត។ បញ្ចូលនូវថាមពល កិច្ចប្រឹងប្រែង និងធនធានថ្មីក្នុងការឆ្លើយតបនឹងមេរោគអេដស៍ និងជំងឺអេដស៍។ គាំទ្រ និងធានាចីរភាពក្នុងការឆ្លើយតប ដែលផ្អែកលើសហគមន៍ ដើម្បីឱ្យសេវាមេរោគអេដស៍បានទៅដល់ប្រជាជនគន្លឹះ។ ដកចេញនូវរបាំងនយោបាយលើការចូលរួមពីអ្នកផ្ទុកមេរោគអេដស៍និងប្រជាជនគន្លឹះ និងរបាំងក្នុងការដែលពួកគេទទួលបានសេវា។ បោះជំហានទៅលុបបំបាត់ការម៉ាក់ងាយ និងរើសអើងចំពោះអ្នកផ្ទុកមេរោគអេដស៍ ប្រជាជនគន្លឹះ និងធានាថាកម្មវិធីមេរោគអេដស៍ និងជំងឺអេដស៍ដែលកំពុងមានត្រូវបានធ្វើសមាហរណកម្ម មានប្រសិទ្ធភាព និងប្រកបដោយចីរភាព។មានប្រសាសន៍បញ្ចប់សេចក្តីថ្លែងការណ៍ ឯកឧត្តមទេសរដ្ឋមន្ត្រី បានគូសបញ្ជាក់ថា សេចក្តីថ្លែងការណ៍មេដឹកនាំអាស៊ានស្តីពីការបញ្ចប់វិសមភាព និងការធ្វើដំណើរក្នុងផ្លូវត្រូវឆ្ពោះទៅបញ្ចប់អេដស៍ នៅឆ្នាំ២០៣០នេះ ពង្រឹងនូវសារៈសំខាន់នៃវិធីសាស្ត្រ ការរៀបចំ និងការឆ្លើយតបក្នុងការអនុវត្តជាពហុវិស័យ តាមរយៈឆ្លុះបញ្ចាំងពីវិសមភាព ដើម្បីយល់ដឹងកាន់តែប្រសើរពីគម្លាតក្នុងការឆ្លើយតបនឹង មេរោគអេដស៍ និងឆ្លើយនឹងតម្រូវការដ៏ធំៗទាំងនោះ។ រដ្ឋសមាជិកអាស៊ានប្តេជ្ញាដើរតួនាទីឈានមុខ ក្នុងការឆ្លើយតបនឹងមេរោគអេដស៍ក្នុងសកលលោកនិងក្នុងតំបន់ ហើយលើកទឹកចិត្តសមាជិកទាំងអស់ អនុវត្តគោលដៅយុទ្ធសាស្ត្រក្នុងការឆ្លើយតបនឹងមេរោគអេដស៍ ដោយឆ្លើយតបនឹងតម្រូវការរបស់ប្រជាជនដែលត្រូវបានទុកចោល ជាពិសេសប្រជាជនគន្លឹះនិងយុវវ័យ៕អត្ថបទ រដ្ឋា

អាជ្ញាធរខណ្ឌបឹងកេងកង ឆ្មក់ចុះបង្ក្រាប់ទីតាំងល្បែងស៉ីសងមួយកន្លែង ឃាត់ខ្លួន០៤នាក់ ប្រុសស្រី

ភ្នំពេញ៖ ទីតាំងបើកល្បែងស៊ីសងមួយកន្លែងដែលបង្កប់ដោយល្បីស៊ីសងគ្រប់ប្រភេទត្រូវកម្លាំងគណៈបញ្ជាការឯកភាពខណ្ឌបឹងកេងកង ឆ្មក់ចុះបង្ក្រាប ឃាត់ខ្លួនមនុស្ស០៤នាក់ និងដកហូតសម្ភារះមួយចំនួន ពាក់ព័ន្ធប្រព្រឹត្តល្បែងស៉ីសង។ប្រតិបត្តិការនេះបានធ្វើនៅ ថ្ងៃទី០៩ ខែធ្នូ ឆ្នាំ២០២៤ ដឹកផ្ទាល់ដោយលោក សុខ សម្បត្តិ អភិបាលនៃគណៈអភិបាលខណ្ឌបឹងកេងកង និងជាប្រធានគណៈបញ្ជាការឯកភាពខណ្ឌបឹងកេងកង ចុះបង្ក្រាបទីតាំងមួយកន្លែងដែលស្ថិតនៅតាមបណ្ដោយផ្លូវលេខ២៩៨ កែងផ្លូវលេខ ១៨៩ ក្នុងសង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។តាមប្រភពព័ត៌មានបានឲ្យដឹងថាទីតាំងនេះបានបើកបង្កប់ល្បែងស៊ីសងគ្រប់ប្រភេទ រួមមាន ភ្នាល់បាល់ មាន់ជល់អនឡាញនិងឡូតូតូចធំ ដែលមានមនុស្សចេញចូលពពាក់ពពូនទាំងយប់ទាំងថ្ងៃបង្ករភាពអសន្តិសុខដល់ប្រជាពលរដ្ឋដែលមានផ្ទះនៅក្បែរនោះដូច្នេះប្រជាពលរដ្ឋសំណូមពរដល់អាជ្ញាធរគួមានវិធានការ ហើយថ្នាក់នាំក៏ទើបចេញសារាចរថ្មីផងនោះ អាជ្ញាធរខណ្ឌបឹងកេងកង ឆ្មក់ចុះបង្ក្រាបជាក់ស្ដែងតែម្ដង ដោយដកហូតបាន កុំព្យូទ័រភ្នាល់តាមប្រព័ន្ធអនឡាញបានចំនួន ០៤គ្រឿង និងឃាត់ខ្លួនបានអ្នកលេងល្បែងស៊ីសងចំនួនពីរប្រុស និងអ្នកទទួលចាក់ភ្នាល់ល្បែងស៊ីសងស្រីចំនួនពីរនាក់ផងដែរ។ក្រោយប្រតិបត្តិការកម្លាំងអាជ្ញាធរបាននាំយកសម្ភារៈនិងមនុស្សទាំង០៤នាក់ទៅអធិការដ្ឋាននគរបាលខណ្ឌបឹងកេងកងដើម្បីចាត់ការតាមនីតិវិធីបន្ត។ចំណែកឯទីតាំងត្រូវបានបិទជាបណ្ដោះសន្ន។គួរបញ្ជាក់ផងដែរ កាលពីថ្ងៃទី០៤ ខែធ្នូ ឆ្នាំ២០២៤ ក្រសួងមហាផ្ទៃ បានចេញសារាចរណែនាំ ឱ្យបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ នៅលើបណ្តាញទំនាក់ទំនងសង្គម ព្រោះការផ្សព្វផ្សាយនោះ បានធ្វើឱ្យប៉ះពាល់ធ្ងន់ធ្ងរ ដល់សន្តិសុខសណ្តាប់ធ្នាប់សាធារណះ និងសុវត្ថិភាពសង្គម ។ បន្ទាប់ពីទទួលបានសារាចរណែនាំខាងលើនេះរួចមក អគ្គស្នងការនគរបាលជាតិ បានដាក់ឱសានវាទ ត្រឹមថ្ងៃ១០ធ្នូ ឱ្យអ្នកប្រើប្រាស់បណ្តាញទំនាក់ទំនងសង្គម ប្រព័ន្ធផ្សព្វផ្សាយ អ្នកផលិតមាតិកាសង្គម ក៏ដូចជាបុគ្គលមានប្រជាប្រិយមួយចំនួន ធ្វើការលុបចោលព័ត៌មានល្បែងអនឡាញពីបណ្តាញសង្គម បើមិនដូច្នេះ សមត្ថកិច្ចនឹងចាត់វិធានការទៅតាមផ្លូវច្បាប់ជាធរមាន ៕ អត្ថបទ៖ កុម្ភះ

ស្ថានីយប្រព្រឹត្តកម្មទឹកកខ្វក់ក្រុងស្ទឹងសែនបានដើរតួនាទីយ៉ាងសំខាន់ក្នុងការកែលម្អហេដ្ឋារចនាសម្ព័ន្ធបរិស្ថាន

កំពង់ធំ៖ស្ថានីយប្រព្រឹត្តកម្មទឹកកខ្វក់ក្រុងស្ទឹងសែន ស្ថិតនៅក្នុងខេត្តកំពង់ធំបានដើរតួនាទីយ៉ាងសំខាន់ក្នុងការកែលម្អហេដ្ឋារចនាសម្ព័ន្ធបរិស្ថាន ព្រមទាំងកាត់បន្ថយការបំពុលទឹកក្នុងអាងទន្លេសាប។ នេះបើតាមការឱ្យដឹងពីលោក ព្រឹម រដ្ឋា អភិបាលរងខេត្តកំពង់ធំបានផ្តល់បទសម្ភាសជាមួយBTVនៅថ្ងៃទី១០ខែធ្នូនេះ ស្របពេលលោកស្រី Jyotsana Varma (ចូតសាណា វ៉ាម៉ា) នាយិកាធនាគារអភិវឌ្ឍន៍អាស៊ីប្រចាំកម្ពុជា (ADB) បានដឹកនាំក្រុមអ្នកសារព័ត៌មានចុះទស្សនកិច្ចនៅស្ថានីយប្រព្រឹត្តកម្មទឹកកខ្វក់ក្រុងស្ទឹងសែន។ នៅក្នុងបទសម្ភាសជាមួយBTV លោក ព្រឹម រដ្ឋា អភិបាលរងខេត្តកំពង់ធំ បានបន្តថា ស្ថានីយប្រព្រឹត្តិកម្មទឹកកខ្វក់ដែលរៀបចំជាប្រព័ន្ធបណ្តាញលូពីក្រុងស្ទឹងសែនរហូតដល់ស្ថានីយប្រព្រឹត្តិកម្មទឹកកខ្វក់ បានជួយរំដោះជំនន់ទឹកភ្លៀង និងបានចូលរួមលើកកម្ពស់អនាម័យ បរិស្ថាន និងសុខុមាលភាពប្រជាពលរដ្ឋជាដើម។ ពលរដ្ឋនៅក្រុងស្ទឹងសែន ខេត្តកំពង់ធំ បានឱ្យដឹងថា កាលមិនទាន់មានប្រព័ន្ធប្រឡាយរំដោះទឹកនេះ ឱ្យតែរដូវជំនន់ទឹកភ្ញៀវមកដល់ គឺតែងតែលិចផ្លូវពិបាកធ្វើដំណើរ ហើយទឹកក៍ស្អុយទៀត ប៉ុន្តែឥលូវវិញ បញ្ហាទាំងអស់នេះលែងមានទៀតហើយ បន្ទាប់ពីរាជរដ្ឋាភិបាលកម្ពុជាធ្វើប្រព័ន្ធប្រឡាយរំដោះទឹកនេះរួចរាល់។លោកស្រី Jyotsana Varma (ចូតសាណា វ៉ាម៉ា) នាយិកាធនាគារអភិវឌ្ឍន៍អាស៊ីប្រចាំកម្ពុជាបានឱ្យដឹងថា កន្លងទៅធនាគារ ADB បានធ្វើការយ៉ាងស្អិតរមួតជាមួយរាជរដ្ឋាភិបាលកម្ពុជាក្នុងការអនុវត្តគម្រោងផ្សេងៗ ដែលធនាគារ ADBបានគាំទ្រ ក្នុងនោះក៍មានការលើកកម្ពស់អនាម័យ បរិស្ថាន និងវិស័យធនធានទឹកផងដែរ។ លើសពីនេះ លោកស្រី បានបង្ហាញអារម្មណ៍រីករាយនៅពេលឃើញប្រជាពលរដ្ឋនៅក្នុងសហគមន៍ ទទួលបានផលជាវិជ្ជមាន ក្នុងការអនុវត្តន៍គម្រោងគ្រប់គ្រងបរិស្ថានទីក្រុងជុំវិញបឹងទន្លេសាបជំហានទី២។គួរបញ្ជាក់ដែរថា គម្រោងគ្រប់គ្រងបរិស្ថានទីក្រុងជុំវិញបឹងទន្លេសាបជំហានទី២ ដែលក្នុងការអនុវត្តន៍គម្រោងនេះ ក៍មានការបង្កើតស្ថានីយប្រព្រឹត្តកម្មទឹកកខ្វក់ក្រុងស្ទឹងសែនមួយផងដែរ។ ស្ថានីយប្រព្រឹត្តកម្មទឹកកខ្វក់នេះ ត្រូវបានសាងសង់លើផ្ទៃដី ១៦,៥០ ហិកតា តភ្ជាប់ជាមួយបណ្តាញលូទឹកកខ្វក់ប្រវែង ៤៤ គីឡូម៉ែត្រ បណ្តាញលូបង្ហូរទឹកភ្លៀង ២៣,៣៥ គីឡូម៉ែត្រ និងការតភ្ជាប់ផ្ទាល់នឹងបណ្តាញលូនិងបង្គន់តាមផ្ទះចំនួន២.១៤២។ មានន័យថាទឹកសំណល់ចេញពីផ្ទះនីមួយៗ រួមមានបង្គន់អនាម័យ ផ្ទះបាយ ឬបន្ទប់ទឹកនឹងហូរដោយផ្ទាល់ទៅស្ថានីយប្រព្រឹត្តិកម្មទឹកកខ្វក់។ អត្ថបទ៖ទូច សោភ័ណ

ក្រោយពីដំណើរទស្សនៈកិច្ចសម្ដេចតេជោ ហ៊ុន សែននៅមជ្ឈិមបូព៌ា អ្នកវិភាគមានសុទិដ្ឋិនិយមចំពោះវិស័យនយោបាយ និងសេដ្ឋកិច្ចកាន់តែរឹងមាំ

(ភ្នំពេញ)៖ ក្រោយពីដំណើរទស្សនៈកិច្ចរបស់សម្ដេចតេជោ ហ៊ុន សែន ទៅកាន់ប្រទេសក្នុងតំបន់មជ្ឈិមបូព៌ា អ្នកវិភាគបញ្ហានយោបាយ និងអ្នកជំនាញខាងសេដ្ឋកិច្ច មានសុទិដ្ឋិនិយមចំពោះវិស័យនយោបាយ និងសេដ្ឋកិច្ចកម្ពុជាកាន់តែរឹងមាំតាមរយៈការផ្លាស់ប្ដូរទំនិញគ្នាទៅវិញទៅមកនៅក្នុងទីផ្សារ។លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជាបានមានប្រសាសន៍ថា៖«តំបន់មជ្ឈិមបូព៌ា យើងអាចចាត់ទុកថា ជាទីផ្សារថ្មី ព្រោះផលិតផលទំនិញកម្ពុជាតិចតួចបំផុតដែលយកទៅលក់នៅក្នុងប្រទេសទាំងនោះ ហើយវាជាទីផ្សារធំមួយដែលមិនអាចមើលរំលង។ ដូច្នេះយើងគួរតែមានការសិក្សាពីតម្រូវការចាំបាច់ទីផ្សារនៅក្នុងតំបន់មជ្ឈិមបូព៌ាដូចជា ស្រូវអង្ករ វិស័យទេសចរណ៍ និងផលិតផលកសិកម្មផ្សេងៗទៀត»។លោកបន្តថា កម្ពុជាមិនទាន់បាននាំផលិតផលរបស់ខ្លួនទៅកាន់ទីផ្សារតំបន់នោះឱ្យបានទូលំទូលាយនៅឡើយ ប៉ុន្ដែធ្លាប់មានទំនាក់ទំនងផ្នែកវិស័យការងារមួយចំនួនតាមរយៈការបញ្ជូនកម្លាំងពលកម្មពីកម្ពុជាទៅបម្រើការងារនៅប្រទេសអេមីរ៉ាតអារ៉ាប់រួម។បើទោះបីជាប្រទេសទាំងនោះមានសេដ្ឋកិច្ចរីកចម្រើន មានបច្ចេកវិទ្យាខ្ពស់ និងវិស័យថាមពលដ៏សម្បូរបែបក៏ដោយ ប៉ុន្ដែវិស័យចំណីអាហារ ឬវិស័យកសិកម្មនៅមានកម្រិត ដោយសារប្រទេសទាំងនោះមិនមានដីសម្រាប់កសិកម្មច្រើននោះទេ។ ដូច្នេះវាជាឱកាសថ្មីសម្រាប់កម្ពុជា ដើម្បីបង្កើតកិច្ចព្រមព្រៀងពាណិជ្ជកម្មសេរីជាមួយប្រទេសក្នុងតំបន់មជ្ឈិមបូព៌ាទាំងនោះ។ចំណែកលោកបណ្ឌិត យង់ ពៅ អ្នកវិភាគបញ្ហានយោបាយនៃរាជបណ្ឌិត្យសភាកម្ពុជាមានប្រសាសន៍ថា វិស័យការទូត នយោបាយ និងសេដ្ឋកិច្ចកម្ពុជា ក៏នៅមានកម្រិតជាមួយនឹងប្រទេសក្នុងតំបន់មជ្ឈិមបូព៌ាទាំងនោះ។ ដូច្នេះលោកចាត់ទុកដំណើរទស្សនៈកិច្ចសម្ដេចតេជោ ហ៊ុន សែន នាពេលនេះ គឺជាការបើកទំព័រប្រវត្តិសាស្រ្តថ្មីមួយទៀត។លោកបណ្ឌិតបន្តថា កន្លងមកធ្លាប់មានទំនាក់ទំនងល្អជាមួយសហរដ្ឋអាមេរិក សហភាពអ៊ឺរ៉ុប និងប្រទេសមួយចំនួនទៀតនៅក្នុងតំបន់អាស៊ីអាគ្នេយ៍ប៉ុណ្ណោះ ប៉ុន្ដែមួយរយៈចុងក្រោយនេះ កម្ពុជាបានពង្រីកវិស័យការទូតរបស់ខ្លួនទៅដល់តំបន់មជ្ឈិមបូព៌ា។លោកបណ្ឌិតបន្ថែមថា៖«ដំណើរទស្សនៈកិច្ចរបស់សម្ដេចតេជោ មានន័យថា យើងបើកច្រកនៅក្នុងតំបន់មជ្ឈិមបូព៌ាមួយទៀត គឺនឹងទទួលបានផលប្រយោជន៍យ៉ាងច្រើន ទាំងទិន្នភាពភូមិសាស្រ្តនយោបាយ ទាំងសេដ្ឋកិច្ចពាណិជ្ជកម្ម ទាំងទិន្នភាពនយោបាយការទូត រួមទាំងវិស័យទេសចរណ៍។ នេះជាសកម្មភាពដែលកម្ពុជាមិនធ្លាប់បានធ្វើពីមុនមក ខ្ញុំមានសុទិដ្ឋិនិយមខ្ពស់ចំពោះដំណើរទស្សនៈកិច្ចនេះ»។សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានដឹកនាំប្រតិភូជាន់ខ្ពស់កម្ពុជាទៅទស្សនៈកិច្ចផ្លូវការនៅតំបន់មជ្ឈឹមបូព៌ា និងអឺរ៉ុបរយៈពេល ១សប្តាហ៍ទៅកាន់ប្រទេសចំនួន៤ រួមមានព្រះរាជាណាចក្រអារ៉ាប៊ីសាអូឌិត រដ្ឋកាតា តួកគីយេ និងប្រទសអារ៉ាបរួមចាប់ពីថ្ងៃទី៨ ដល់ថ្ងៃទី១៤ ខែធ្នូ ឆ្នាំ២០២៤។សម្ដេចតេជោ ហ៊ុន សែន បានជួបពិភាក្សាជាមួយលោកបណ្ឌិត អាប់ឌុលឡា ម៉ូហាម៉េដ អ៊ីប្រាហ៊ីម អាល-សេក្ខ (Abdullah Mohammed Ibrahim Al-Sheikh) ប្រធានសភាអារ៉ាប៊ីសាអូឌីតនៅវិមានរដ្ឋសភា រាជធានីរីយ៉ាដនៅថ្ងៃទី ៩ ខែធ្នូនេះ។ក្នុងជំនួបនោះ សម្តេចតេជោបានស្នើដល់ប្រធានរដ្ឋសភាអារ៉ាប៊ីសាអូឌីតថា ប្រទេសទាំងពីរគួរចាប់ផ្តើមធ្វើកិច្ចសហប្រតិបត្តិការស្នូលតាមរយៈកម្ពុជានាំចេញអង្ករមកអារ៉ាប៊ីសាអូឌីត ដោយសារកម្ពុជាមានអំណោយផលល្អក្នុងការធ្វើកសិកម្ម។ សម្តេចតេជោក៏បានស្នើវិនិយោគិនអារ៉ាប៊ីសាអូឌីតឱ្យមកវិនិយោគ រៀបចំម៉ាស៊ីនកិនស្រូវ ស្តុកស្រួវ និងវេចខ្ចប់ស្រូវអង្ករនៅកម្ពុជាសម្រាប់នាំចេញមកប្រទេសអារ៉ាប៊ីសាអូឌីត និងប្រទេសនានាក្នុងតំបន់។ សម្តេចបានបន្ថែមថា មិនមានប្រទេសច្រើនទេដែលផ្តល់ឱកាសឱ្យវិនិយោគដោយផ្ទាល់បែបនេះ។ អារ៉ាប៊ីសាអូឌីតមានសន្តិសុខថាមពល រីឯកម្ពុជាមានសន្តិសុខស្បៀង ទើបប្រទេសទាំងពីរអាចបំពេញបន្ថែមឱ្យគ្នាទៅវិញទៅមកបាន។ជាការឆ្លើយតប ប្រធានរដ្ឋសភាអារ៉ាប៊ីសាអូឌីតបានស្វាគមន៍ដំណើរទស្សនៈកិច្ចរបស់សម្តេចតេជោ និងបានបញ្ជាក់ថា ការលើកឡើងរបស់សម្តេចតេជោមានសារៈសំខាន់ណាស់ ហើយលោកនឹងយកទៅពិចារណាជាមួយរាជរដ្ឋាភិបាលរបស់លោក។ លោកបានលើកឡើងថា អារ៉ាប៊ីសាអូឌីតនឹងបើកស្ថានទូតនៅកម្ពុជាក្នុងពេលដ៏ខ្លីខាងមុខនេះ ដើម្បីបង្កភាពងាយស្រួលដល់ការជំរុញ និងពង្រឹងបន្ថែមនូវទំនាក់ទំនងទ្វេភាគីរវាងប្រទេសទាំងពីរ។ លោកបានគូសបញ្ជាក់ថា អារ៉ាប៊ីសាអូឌីតយកចិត្តទុកដាក់ខ្លាំង ការលើកកម្ពស់សេដ្ឋកិច្ច សាសនា និងការធ្វើកិច្ចសហប្រតិបត្តិការលើវិស័យផ្សេងៗទៀត ជាពិសេសវិស័យប្រេងដែលជាវិស័យសំខាន់បំផុតរបស់អារ៉ាប៊ីសាអូឌីត។ ប្រទេសជាច្រើនមានទំនាក់ទំនងជាមួយអារ៉ាប៊ីសាអូឌីតតាមរយៈការផ្សាភ្ជាប់វិស័យសេដ្ឋកិច្ច៕

បណ្ដាញសង្គម

ព័ត៌មានថ្មីៗ

ក្រុមហ៊ុននេប៉ាល់ ប្រើប្រាស់យានដ្រូន ដើម្បីដឹកជញ្ជូនសម្ភារៈ និងកាកសំណល់នៅលើភ្នំ Everest

លោក Macron ៖ អឺរ៉ុបនឹងចំណាយបន្ថែមទៀតលើថ្លៃការពារ ដើម្បីប្រឈមការគំរាមកំហែងពីរុស្ស៊ី

ពលរដ្ឋហ្កាហ្សាចូលរួមពិធីបុណ្យសពអ្នកកាសែតដែលត្រូវបានសម្លាប់ក្នុងការវាយប្រហាររបស់អ៊ីស្រាអែល

អាកាសយានដ្ឋានក្រុងតែល អាវីវ ចាប់ផ្តើមជើងហោះហើរអន្តរជាតិឡើងវិញ ក្រោយមានបទឈប់បាញ់ជាមួយអ៊ីរ៉ង់

លោក Medvedev របស់រុស្ស៊ី ហៅ EU ថា ជា «ការគំរាមដោយផ្ទាល់» និងថា ភាពជាសមាជិករបស់អ៊ុយក្រែន នឹងបង្កគ្រោះថ្នាក់

សមាជិកសភារុស្ស៊ី ព្រមានថា ទីក្រុងមូស្គូ នឹងស្វែងរកការឆ្លើយតបចំពោះការគំរាមកំហែងណាមួយពី ណាតូ

លោក Grossi៖ឱកាសសម្រាប់ដំណោះស្រាយការទូតចំពោះបញ្ហានុយក្លេអ៊ែរអ៊ីរ៉ង់បច្ចុប្បន្ន បានបើកចំហ

សង្រ្គាមច្រកអាកាសអ៊ីស្រាអែល-អ៊ីរ៉ង់ធ្វើឲ្យក្រុមវិនយោគព្រួយបារម្ភពីច្រកសមុទ្រ Hormuz

សារព័ត៌មាន Yonhap៖ តុលាការកូរ៉េខាងត្បូងបដិសេធមិនចេញដីកាចាប់ខ្លួនអតីតប្រធានាធិបតី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ក្នុងខែវិច្ឆិកា យន្តការច្រកចេញចូលតែមួយ បម្រើពលរដ្ឋបានជាង៦សែនសេវា រកចំណូលបាន ៣ លានដុល្លារ

ប្រធានសភាកាតាកោតសរសើរដល់គោលជំហរអព្យាក្រឹត្យរបស់កម្ពុជាចំពោះបញ្ហាប៉ាឡេស្ទីន

នាយករដ្ឋមន្ត្រីរដ្ឋកាតា៖ ទស្សនកិច្ចរបស់សម្តេចតេជោនឹងពង្រឹងកិច្ចសហប្រតិបត្តិការរវាងប្រទេសទាំងពីរ

កម្ពុជា ចូលរួមកិច្ចប្រជុំក្រុមប្រឹក្សាសម្របសម្រួលកម្មវិធីរបស់អង្គការយូអិនអេដស៍ លើកទី៥៥ ប្រទេសកេនយ៉ា

អាជ្ញាធរខណ្ឌបឹងកេងកង ឆ្មក់ចុះបង្ក្រាប់ទីតាំងល្បែងស៉ីសងមួយកន្លែង ឃាត់ខ្លួន០៤នាក់ ប្រុសស្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្នុងខែវិច្ឆិកា យន្តការច្រកចេញចូលតែមួយ បម្រើពលរដ្ឋបានជាង៦សែនសេវា រកចំណូលបាន ៣ លានដុល្លារ

ប្រធានសភាកាតាកោតសរសើរដល់គោលជំហរអព្យាក្រឹត្យរបស់កម្ពុជាចំពោះបញ្ហាប៉ាឡេស្ទីន

នាយករដ្ឋមន្ត្រីរដ្ឋកាតា៖ ទស្សនកិច្ចរបស់សម្តេចតេជោនឹងពង្រឹងកិច្ចសហប្រតិបត្តិការរវាង​ប្រទេស​ទាំងពីរ

កម្ពុជា ចូលរួមកិច្ចប្រជុំក្រុមប្រឹក្សាសម្របសម្រួលកម្មវិធីរបស់អង្គការយូអិនអេដស៍ លើកទី៥៥ ប្រទេសកេនយ៉ា

អាជ្ញាធរខណ្ឌបឹងកេងកង ឆ្មក់ចុះបង្ក្រាប់ទីតាំងល្បែងស៉ីសងមួយកន្លែង ឃាត់ខ្លួន០៤នាក់ ប្រុសស្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយករដ្ឋមន្ត្រីរដ្ឋកាតា៖ ទស្សនកិច្ចរបស់សម្តេចតេជោនឹងពង្រឹងកិច្ចសហប្រតិបត្តិការរវាងប្រទេសទាំងពីរ