BTV NEWS

លោកជំទាវរដ្ឋលេខាធិការ ប្រាក់ ច័ន្ទណយ បានអញ្ជើញដឹកនាំកិច្ចប្រជុំស្តីពី “ការបង្កើតក្រុមការងារអន្តរក្រសួងត្រួតពិនិត្យមាតិកាលើប្រព័ន្ធអនឡាញ”

កងកម្លាំងការពារព្រំដែនទិសខេត្តព្រះវិហារ និង ជនភៀសសឹក ៥០០គ្រួសារទទួលអំណោយពីតំណាង នាយឧត្តមសេនីយ៍ ស ថេត អគ្គស្នងការនគរបាលជាតិ

អ្នកនាំពាក្យក្រសួងព័ត៌មានបញ្ជាក់ថា ការងារព័ត៌មាន និងសាធារណមតិ ជាការងាររួម មិនមានអ្នកណាជាតួឯកទេ គឺត្រូវសហការគ្នាជាទម្រង់ តួអង្គតែមួយ

ក្រសួងការងារ និងបណ្ដុះបណ្ដាលវិជ្ជាជីវៈ បើកសិក្ខាសាលាត្រីភាគីស្ដីពី «បច្ចុប្បន្នភាពសេដ្ឋកិច្ច សង្គម និងនិន្នាការប្រាក់ឈ្នួលអប្បបរមានៅកម្ពុជា និងក្នុងតំបន់»

ព័ត៌មានជាតិ

អគ្គនាយកស៊ីម៉ាក់៖ទាហានឈ្លានពានសៀមប្រើគ្រាប់បែកចង្កោមគឺរំលោភអនុសញ្ញាអន្តរជាតិយ៉ាងធ្ងន់ធ្ងរ

ភ្នំពេញ ៖ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា CMAC បានហៅចាត់ទុកទាហានឈ្លានពានរបស់សៀមថា បានរំលោភអនុសញ្ញាអន្តរជាតិយ៉ាងធ្ងន់ធ្ងរខណៈទាហានសៀមបានប្រើប្រាស់គ្រាប់បែកចង្កោមបាញ់មកលើទាហាន និងជនស៊ី វិលកម្ពុជានៅថ្ងៃទី២៥ ខែកក្កដា ឆ្នាំ២០២៥នេះ។ តាមរយៈបណ្តាញសង្គមហ្វេសបុក នាល្ងាចថ្ងៃទី២៥ ខែកក្កដានេះឯកឧត្តម ហេង រតនា បានបញ្ជាក់ថា គ្រាប់ចង្កោមគឺជាអាវុធដែលត្រូវបានហាមប្រាម ពោលគឺស្ថិតនៅក្រោមការហាមឃាត់នៃអនុសញ្ញាគ្រាប់បែកចង្កោមអន្តរជាតិអូស្លូ ដោយសារគ្រាប់បែកចង្កោមនេះវានឹងបង្ករគ្រោះថ្នាក់រយៈពេលវែង សម្រាប់មនុស្សជាតិ និងបរិស្ថាន។ ឯកឧត្តម ហេង រតនា ដែលជាអ្នកជំនាញឯកទេសកម្ចាត់គ្រាប់មីន និងគ្រាប់មិនទាន់ផ្ទុះ និងកាកសំណល់ពីសង្រ្គាមបានគូសបញ្ជាក់ថាព្រឹកថ្ងៃទី២៥ ខែកក្កដា ឆ្នាំ២០២៥នេះនៅសមរភូមិមុខនៃសង្គ្រាមឈ្លានពានរបស់សៀមលើព្រំដែនបូរណភាពទឹកដីខ្មែរនោះ ពួកទ័ពសៀមបានប្រើប្រាស់គ្រាប់បែកចង្កោម តាមរយៈគ្រាប់កាំភ្លើង១៥៥មម ដែលបាញ់ពីកាំភ្លើងធំប្រភេទ(M758ATMG 155 mm)បាញ់បានចម្ងាយប្រមាណ៤០គ.ម។ ឯកឧត្តមបានឲ្យដឹងទៀតថា ក្នុងគ្រាប់ផ្លោង១៥៥មមមួយគ្រាប់មានកូនគ្រាប់បែកចង្កោមចំនួន៥៦គ្រាប់ ដែល«គ្រាប់កាំភ្លើងធំប្រភេទនេះស្ថិតនៅក្រោមការហាមឃាត់នៃអនុសញ្ញាគ្រាប់បែកចង្កោមអន្តរជាតិអូស្លូ!»។ ជាមួយគ្នានោះដែរឯកឧត្តមអគ្គនាយកស៊ីម៉ាក់ក៏បានរំលេចផងដែរថា បច្ចុប្បន្ននេះមានប្រទេស១២៤ជាសមាជិករដ្ឋភាគី ហើយ«ទង្វើរបស់សៀមនេះ ជាការរំលោភអនុសញ្ញាអន្តរជាតិយ៉ាងធ្ងន់ធ្ងរបំផុត»៕អត្ថបទ ៖ បាន ចក់

TOP STORY | Prime Minister Hun Manet: "Genuine willingness of the Thai side to accept ceasefire is the first step to solving conflict"

Prime Minister Hun Manet emphasizes Cambodia's stance on the ceasefire proposal initiated by the ASEAN rotating chair Malaysian Prime Minister Anwar Ibrahim, amid escalating clash between Cambodia and Thailand.In his social media page, Prime Minister Hun Manet details the phone conversation he had with Malaysian Prime Minister Ibrahim on the evening of July 24. Ibrahim expressed deep concern over the ongoing border clash between the two ASEAN member states and urged both sides to agree on an immediate ceasefire.Prime Minister Hun Manet clarifies that Cambodia agreed on the proposed ceasefire highlighting its consistent commitment to peaceful resolution, "Cambodia agreed with his proposal for a ceasefire because Cambodia did not initiate this fighting."Prime Minister Hun Manet states that Malaysian Prime Minister Ibrahim informed him that Thailand's acting Prime Minister Phumtham Wechayachai has also agreed on the proposed ceasefire, which was supposed to be implemented at midnight of July 24.But just an hour later, Thai side suddenly reversed its position on the initially agreed ceasefire stating that it would delay to a later date, which led to the continuing exchange fire at its border until now. Prime Minister Hun Manet says that Malaysian Prime Minister Ibrahim is well aware of this situation.Prime Minister Hun Manet stresses that the key to resolving the ongoing border conflict is the genuine willingness of the Thai side to accept ceasefire and find solutions between the neighboring countries.

ក្រសួងការបរទេស៖សកម្មភាពតាំងពីមុនថ្ងៃទី២៨ឧសភាដល់ពេលនេះជាផែនការរបស់ថៃឈ្លានពានទឹកដីកម្ពុជា

ភ្នំពេញ ៖ឯកឧត្តម គង់ ភោគ អ្នកនាំពាក្យ ក្រសួងការបរទេស និងសហប្រតិបត្តិការ កម្ពុជា បានថ្លែងបញ្ជាក់ថា អ្វីដែលថៃបានធ្វើតាំងពីមុនថ្ងៃទី២៨ ខែឧសភា ឆ្នាំ២០២៥ រហូតដល់ពេលនេះ គឺជាផែនការដែលបានសម្របសម្រួល គិតទុកជាមុនដោយចេតនា ដើម្បីឈ្លានពានចូលទឹកដីរបស់កម្ពុជា ខណៈថ្ងៃទី២៤ ខែកក្កដា ភាគីថៃបានផ្ទុះអាវុធវាយប្រហារមកលើកម្ពុជា គឺថៃបានត្រៀម និងដាក់ទ័ពតាំងពីថ្ងៃទី២៣ ខែកក្កដាមកម្លេះ។ឯកឧត្តម គង់ ភោគ បានលើកឡើងថា ពាក់ព័ន្ធនឹងការឈ្លានពានរបស់ថៃ កម្ពុជា បានបញ្ជាក់ទៅកាន់អង្គទូតបរទេសនានាប្រចាំនៅកម្ពុជាថា រឿងនេះមិនមែនជារឿងថ្មីទេ ប៉ុន្ដែជាការគិតទុកជាមុនដោយចេតនារបស់ភាគីថៃ ប៉ុន្ដែកម្ពុជាតែងតែព្យាយាមដោះស្រាយតាមសន្ដិវិធី និងច្បាប់អន្តរជាតិ។ បើតាម ឯកឧត្តម គង់ ភោគ អ្នកនាំពាក្យក្រសួងការបរទេសកម្ពុជា ភាគីថៃ មិនដែលទទួលស្គាល់គំហុសចំពោះការឈ្លានពានរបស់ខ្លួនមកលើម្ពុជានោះទេ ប៉ុន្ដែមេទ័ពថៃ បានប្រកាសដាក់ចេញនូវផែនការ «ចក្រពង្សភូវនាថ» ដែលពួកគេហៅថា ជាផែនការពេញលេញត្រៀមធ្វើសង្គ្រាមឈ្លានពានដែនអធិបតេយ្យរបស់កម្ពុជា តាំងពីថ្ងៃទី២៣ ខែកក្កដាមកម្លេះ៕

ក្រសួងការបរទេស៖ថៃប្រើអាវុធធុនធ្ងន់វាយប្រហារកម្ពុជាផ្ទុយពីច្បាប់អាមេរិក និងច្បាប់អន្តរជាតិ

ភ្នំពេញ ៖ឯកឧត្តម គង់ ភោគ អ្នកនាំពាក្យ ក្រសួងការបរទេស និងសហប្រតិបត្តិការ កម្ពុជា បានថ្លែងថា ពាក់ព័ន្ធនឹងការឈ្លានពានរបស់ថៃមកលើបូរណភាពទឹកដីរបស់កម្ពុជា នៅក្នុងកិច្ចប្រជុំជាមួយបណ្ដាអង្គទូតបរទេសនានានៅព្រឹកថ្ងៃទី២៥ ខែកក្កដានេះ ក្រសួងការបទេសប្រាប់ថា ភាគីថៃ ចំពោះការប្រើប្រាស់អាវុធធុនធ្ងន់របស់ថៃ វាយប្រហារមកលើកម្ពុជា ដែលករណីនេះ អាចផ្ទុយពីច្បាប់របស់សហរដ្ឋអាមេរិក និងបានផ្ទុយពីច្បាប់អន្តរជាតិ។បើតាម ឯកឧត្តម គង់ ភោគ អ្នកនាំពាក្យក្រសួងការបរទេសកម្ពុជា នៅក្នុងកិច្ចប្រជុំព្រឹកនេះ ក្រសួងការបរទេសបានប្រាប់អង្គទូតបរទេសនានាប្រចាំនៅកម្ពុជាថា កម្ពុជាថ្កោលទោសចំពោះការឈ្លានពាន និងហេតុការណ៍កំពុងកើតឡើងពីការឈ្លានពានរបស់ថៃមកលើទឹកដីកម្ពុជា។ ឯកឧត្តមបញ្ជាក់ថា ការឆ្លើយតបរបស់កម្ពុជាលើការឈ្លានពានរបស់ថៃ, ដំណោះស្រាយនានា និងការប្ដេជារបស់កម្ពុជា គឺរក្សាជំហរតាមយន្តការច្បាប់អន្តរជាតិក្នុងការដោះស្រាយជម្លោះប្រទេសទាំងពីរ៕

គ្រូពេទ្យ TYDA អំពាវនាវឱ្យពលរដ្ឋចុះឈ្មោះបរិច្ចាគឈាមតាម QR code ត្រៀមសម្រាប់ពេលមានតម្រូវការ

ភ្នំពេញ ៖ កម្មវិធីបរិច្ចាគឈាម ដើម្បីបុព្វហេតុជាតិមាតុភូមិ ឃើញថាមានយុវជនរាប់ពាន់នាក់ បានអញ្ជើញមកចូលរួមបរិច្ចាគឈាមយ៉ាងច្រើនកុះករ នៅមជ្ឈមណ្ឌលសន្និបាត និងពិពណ៌កោះពេជ្រ រហូតដល់ក្រុមគ្រូពេទ្យ TYDA លែងទទួលការចុះ ឈ្មោះនៅហ្នឹងកន្លែង តែទទួលការចុះឈ្មោះតាម QR code ទុក្ខត្រៀមសម្រាប់ពេលមានតម្រូវការណាមួយឡើងកើតឡើងជាយថាហេតុ។បើតាមការឲ្យដឹងពីក្រុមគ្រូពេទ្យ TYDA បានឲ្យដឹងថា រហូតមកដល់ម៉ោង 3:00 រសៀល គឺសន្ទុះនៃក្រុមយុវជននៅតែមកចូលរួមបរិច្ចាគឈាម ដែលជាចំនួនមួយដ៏ច្រើនមិនធ្លាប់មាន ក្នុងការងារមនុស្សធម៌បរិច្ចាគឈាមនេះ ក្រុមគ្រូពេទ្យ TYDA អោយដឹងថា ក្រុមការងារបានបិទការទទួលការចុះឈ្មោះដោយផ្ទាល់ និងបូមឈាមនៅហ្នឹងកន្លែង ព្រោះសន្ទះ នៃការចូលរួមបរិច្ចាគឈាមដោយស្ម័គ្រចិត្ត ដើម្បីបុព្វហេតុជាតិដែលមានរយៈពេលពេញមួយថ្ងៃនេះ មានចំនួនច្រើនលើស លុប តែទោះជាយ៉ាងណាក្រុមការងារគ្រូពេទ្យមាន QR Code ចាំទទួលសម្រាប់ការចុះឈ្មោះសប្បុរសជន ដែលមានបំណងចូលរួមបរិច្ចាគឈាមបាន ពេលដែលមានតម្រូវការបន្ទាន់ណាមួយ ក្រុមការងារគ្រូពេទ្យ TYDA និងទាក់ទងតាមលេខទូរស័ព្ទ អញ្ជើញមកបរិច្ចាគឈាម។បើតាមឯកឧត្តមឧបនាយករដ្ឋមន្ត្រី ហ៊ុន ម៉ានី អនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្ត យុវជនសម្ដេចតេជោ ( TYDA ) បានឱ្យដឹងថា គោលបំណងនៃការផ្តល់ឈាមថ្ងៃនេះ មានពីរចំណុចសំខាន់ៗ៖ ទី១ ដើម្បីបម្រើដល់សេចក្តីត្រូវការជាប្រចាំក្នុងការជួយសង្គ្រោះអាយុជីវិតមនុស្ស ដែលទទួលរងគ្រោះថ្នាក់ ឬអ្នកជំងឺដែលកំពុងសម្រាកព្យាបាលនៅតាម មន្ទីរពេទ្យនានា ដែលមានតម្រូវការឈាមជាបន្ទាន់, ទី២ជាពិសេសបំផុតនោះ គឺត្រៀមបម្រុងសម្រាប់វីរកងទ័ពជួរមុខ ឬ ប្រជាពលរដ្ឋ ក្នុងករណីដែលទទួលរងរបួស ឬ គ្រោះថ្នាក់ ដោយសារសង្គ្រាមពីចោរឈ្លានពានទឹកដី នៅទិសខេត្តឧត្តរមានជ័យ និង ខេត្តព្រះវិហារ ពីសំណាក់ចោរសៀម ដែលទាមទារឲ្យមានតម្រូវការឈាម ជាចាំបាច់ក្នុងការសង្គ្រោះ ឬអាចនឹងសម្រាប់បំពេញតាមសេចក្តីត្រូវការឈាមជាបន្ទាន់ណាមួយ របស់គ្រូពេទ្យព្រោះ ឈាមជាជីវិត។សូមជម្រាបថាតបតាមការអំពាវនាវរបស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត កាលពីយប់ថ្ងៃទី ២៤ បានឲ្យបងប្អូនប្រជាពលរដ្ឋខ្មែរ ចូលរួមបរិច្ចាគឈាមឱ្យបានច្រើនគ្នា ដើម្បីត្រៀមនៅពេលបន្ទាន់ណាមួយ ទុកជួយគាំទ្រដល់យុទ្ធជនកម្ពុជា ដែលកំពុងការពារបូរណភាពទឹកដី ចំពោះសត្រូវឈ្លានពាន។ ដូច្នេះថ្ងៃនេះឃើញថា ត្រឹមរយៈពេលមួយថ្ងៃ មានប្រជាពលរដ្ឋ គ្រប់មជ្ឈដ្ឋានរួមមាន៖ ព្រះសង្ឃ ក្រុមគ្រូពេទ្យ តារាសិល្បៈ សិស្ស និស្សិត និងប្រជាជនទូទៅ រាប់ពាន់នាក់ បានចូលរួមបរិច្ចាគឈាមដោយស្ម័គ្រចិត្ត ប្រកបដោយទឹកមុខស្នេហាជាតិ មាតុភូមិ ក្នុងការត្រៀមនៅពេលបន្ទាន់ណាមួយ ទុកជួយគាំទ្រដល់យុទ្ធជនកម្ពុជា ដែលកំពុងការពារបូរណភាពទឹកដី ចំពោះសត្រូវឈ្លានពានសៀម៕ អត្ថបទ៖ សំ ងីម

TOP STORY | សម្ដេចធិបតី៖គន្លឹះបញ្ចប់ជម្លោះប្រដាប់អាវុធរវាងកម្ពុជា និងថៃពេលនេះ ដំបូងភាគីថៃទទួលយកនូវការឈប់បាញ់

ភ្នំពេញ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅល្ងាចថ្ងៃទី២៥ ខែកក្កដា ឆ្នាំ២០២៥នេះបានចេញសារឱ្យដឹងថា កាលពីល្ងាចថ្ងៃទី ២៤ កក្កដាម្សិលមិញនេះ ឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្ដូរវេនអាស៊ានបានស្នើសុំជួបពិភាក្សាជាមួយសម្ដេចតាមទូរស័ព្ទពាក់ព័ន្ធនឹងការប្រយុទ្ធគ្នារវាងកងទ័ពកម្ពុជា និងកងទ័ពថៃនៅតាមបណ្ដោយព្រំដែន ក្នុងនោះនាយករដ្ឋមន្រ្ដីស្ដីទីថៃបានសន្យាទទួលយកបទឈប់បាញ់ ប៉ុន្ដែគួរឱ្យសោកស្ដាយមួយម៉ោងក្រោមក ភាគីថៃបានប្តូរជំហរពីឯកភាពឈប់បាញ់ ទៅជាមិនឯកភាព ខណៈគន្លឹះបញ្ចប់ជម្លោះប្រដាប់អាវុធរវាងកម្ពុជា និងថៃពេលនេះដំបូងភាគីថៃទទួលយកការឈប់បាញ់សិន។សម្ដេចធិបតី នាយករដ្ឋមន្រ្ដី បានចេញបញ្ជាក់បែបនេះ បន្ទាប់ពីមានការចុះផ្សាយនូវព័ត៌មានមិនច្បាស់លាស់ នៅតាមបណ្ដាសារព័ត៌មានអន្តរជាតិមួយចំនួនពាក់ព័ន្ធទៅនឹងជំហររបស់កម្ពុជា សម្រាប់ការឈប់បាញ់ ដែលស្នើឡើងដោយឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្ដូរវេនអាស៊ាន ខ្ញុំមានការចាំបាច់ត្រូវធ្វើការបញ្ជាក់ដូចខាងក្រោម៖សម្ដេចនាយករដ្ឋមន្រ្ដីបានបញ្ជាក់ថា កាលពីល្ងាចថ្ងៃទី ២៤ កក្កដា ២០២៥ ម្សិលមិញនេះ ឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្ដូរវេនអាស៊ាន បានស្នើសុំជួបពិភាក្សាជាមួយខ្ញុំតាមទូរស័ព្ទ ពាក់ព័ន្ធនឹងការប្រយុទ្ធគ្នារវាងកងទ័ពកម្ពុជា និងកងទ័ពថៃនៅតាមបណ្ដោយព្រំដែន។ សម្ដេចបានលើកឡើងថា តាមរយៈជំនួបនេះ ឯកឧត្តមបានបង្ហាញនូវកង្វល់ពាក់ព័ន្ធនឹងការប្រយុទ្ធគ្នានេះ ក៏ដូចជាឆន្ទៈចង់ឱ្យមានការឈប់បាញ់គ្នាភ្លាម ដើម្បីបើកច្រកសម្រាប់ការស្វែងរកដំណោះស្រាយ រវាងភាគីទាំងពីរ។ សម្ដេចធិបតីថ្លែងថា៖«ខ្ញុំបានបញ្ជាក់ច្បាស់ជាមួយឯកឧត្តម Anwar Ibrahim ថា កម្ពុជាឯកភាពជាមួយសំណើរបស់ឯកឧត្តមឱ្យមានការឈប់បាញ់ ព្រោះកម្ពុជាមិនបានចាប់ផ្តើមការវាយប្រយុទ្ធនេះទេ»។ សម្ដេចបានបន្តថា ជាចម្លើយបឋមដែលខ្ញុំបានទទួលពី ឯកឧត្តម Anwar Ibrahim ក្រោយពីឯកឧត្តមបានពិភាក្សាជាមួយឯកឧត្តម Phumtham Wechayachai នាយករដ្ឋមន្ត្រីស្តីទីថៃ គឺភាគីថៃបានឯកភាពជាមួយសំណើរបស់ឯកឧត្តម Anwar Ibrahim ស្តីពីការឈប់បាញ់ ដោយកំណត់យកម៉ោង ១២យប់ ថ្ងៃទី ២៤ កក្កដា ២០២៥ ជាពេលដែលកងទ័ពទាំងសងខាងឈប់បាញ់គ្នា។ ប៉ុន្តែជាការសោកស្តាយ ដោយជាងមួយម៉ោងក្រោយនោះ ភាគីថៃបានជូនដំណឹងវិញថា ភាគីថៃបានប្តូរជំហរពីឯកភាពឈប់បាញ់ម៉ោង ១២យប់ ថ្ងៃទី ២៤ កក្កដា ២០២៥ ទៅជាមិនឯកភាព ហើយរង់ចាំសិន។ ឯកឧត្តម Anwar Ibrahim បានដឹងករណីនេះច្បាស់។សម្ដេចធិបតីនាយករដ្ឋមន្រ្ដីបានបញ្ជាក់ថា៖«ហេតុដូច្នេះ អ្វីដែលជាគន្លឹះសម្រាប់ការស្វែងរកការបញ្ចប់ជម្លោះប្រដាប់អាវុធរវាងថៃនិងកម្ពុជានៅពេលនេះ គឺសុឆន្ទៈពិតប្រាកដរបស់ភាគីថៃក្នុងការទទួលយកនូវការឈប់បាញ់ ដែលជាជំហានដំបូងនៃការស្វែងរកដំណោះស្រាយបន្តទៅមុខទៀតរវាងភាគីទាំងពីរ»៕

អ្នកនាំពាក្យក្រសួងការពារជាតិកម្ពុជាប្រាប់ទៅចោរឈ្លានពានសៀមថាកម្ពុជាអត់រាថយចំពោះការឈ្លានពានរបស់ខ្លួននោះឡើយ

ភ្នំពេញ ៖ អ្នកនាំពាក្យក្រសួងការពារជាតិកម្ពុជា លោកជំទាវឧត្តមសេនីយ៍ឯក ម៉ាលី សុជាតា បានផ្តាំទៅទាហានឈ្លានពានថៃថា កម្ពុជាអត់មានការរាថយ និងចុះញ៉មចំពោះទង្វើឈ្លានពានរបស់ខ្លួននោះឡើយ ផ្ទុយទៅវិញមានតែវាយបកគ្រប់ពេលទាំងអស់ទោះក្នុងទម្រង់ណាក៏ដោយនោះ ខណៈមកដល់ថ្ងៃទី២នៃការឈ្លានពានរបស់សៀម បានធ្វើឲ្យប្រជាជនខ្មែរស្លាប់ រងរបួស និងភាសឹកជាច្រើននាក់។ ក្នុងសន្និសីទស្តីពីការវិវត្តន៍សភាពការណ៍នៃការឈ្លានពានរបស់ថៃមកលើកម្ពុជា នារសៀលថ្ងៃទី២៥ ខែកក្កដា ឆ្នាំ២០២៥នេះ លោកជំទាវម៉ាលី សុជាតា បានសង្កត់ធ្ងន់ថា កងទ័ពកម្ពុជាមានភាពអង់អាចក្លាហាន ក្នុងកិច្ចការពារបូរណភាពទឹកដី អធិបតេយ្យភាពរបស់ខ្លួន និងធ្វើការបាញ់តបគ្រប់ពេលវេលាចំពោះទាហានឈ្លានពានថៃ ដែលបានបាញ់សន្ធុបមកលើទាហាន និងប្រជាជនកម្ពុជា ដែលការបាញ់នេះថៃបានប្រើប្រាស់អាវុធខុសច្បាប់អន្តរជាតិ ដូចជាគ្រាប់បែកចង្កោម និងអាវុធធនធ្ងន់ជាច្រើនទៀត ដែលមានលក្ខណៈឃោឃៅបំផុតពីសំណាក់ទាហានឈ្លានពានថៃ។នៅក្នុងសន្និសីទសារព័ត៌មាននេះដែរ លោកជំទាវម៉ាលី សុជាតា ក៏បានប្រកាសថ្កោលទោសយ៉ាងខ្លាំងក្លាចំពោះចោរឈ្លានពានសៀម ដែលបានទម្លាក់គ្រាប់បែកចង្កោមមកលើកម្ពុជា រហូតដល់បានធ្វើឲ្យជនស៊ីវិលកម្ពុជាមានរងរបួស និងបាត់បង់ទ្រព្យសម្បត្តិ និងរត់ភាសឹកជាច្រើនពាន់នាក់ទៅមណ្ឌលសុវត្ថិភាពផងដែរ។ អ្នកនាំពាក្យក្រសួងការពារជាតិកម្ពុជា ក៏បានប្រកាសអះអាងផងដែរថា តាំងពីព្រឹកព្រលឹមរហូតដល់ម៉ោងនេះ ទាហានឈ្លានពានថៃ បានវាយលុកមកលើកម្ពុជាចំនួន៧ទីតាំង ដោយប្រើប្រាស់អាវុធធនធ្ងន់ និងប្រើយន្តហោះទម្លាក់គ្រាប់បែកមកលើទឹកដីកម្ពុជាចំនួន៤លើករហូតដល់ប៉ះពាល់ដល់ប្រជាពលរដ្ឋស្លូតត្រង់ ប៉ះពាល់សាលារៀន និងបានធ្វើឲ្យខូចខាតស្ថានីយ៍ប្រេងឥន្ធនៈ និងទ្រពសម្បត្តិប្រជា ជនកម្ពុជា ជាច្រើនទៀត៕អត្ថបទ ៖ បាន ចក់

តំណាងរដ្ឋមន្ត្រីវប្បធម៌ បិទវគ្គបណ្តុះបណ្តាលស្តីពី «គរុកោសល្យ វិធីសាស្ត្របង្រៀន និងការគ្រប់គ្រងថ្នាក់រៀន»

ភ្នំពេញ ៖ លោកជំទាវ ឆឹង ស៊ីមន រដ្ឋលេខាធិការ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យ រដ្ឋមន្រ្តីក្រសួងវប្បធម៌ និងវិចិត្រសិល្បៈ បានអញ្ជើញចូលរួមបិទវគ្គបណ្តុះបណ្តាលស្តីពី «គរុកោសល្យ វិធីសាស្ត្របង្រៀន និងការគ្រប់គ្រងថ្នាក់រៀន» ជំហាន៣ ក្រុម២ សម្រាប់លោកគ្រូ អ្នកគ្រូ និងមន្រ្តីរាជការ សាលាមធ្យមនិងវិចិត្រសិល្បៈ, នារសៀលថ្ងៃទី២៥ ខែកក្កដា ឆ្នាំ២០២៥នេះ។លោក ជ័យ វឌ្ឍនា នាយកស្តីទីសាលាបណ្តុះបណ្តាលក្របខ័ណ្ឌវប្បធម៌ នៃក្រសួងវប្បធម៌ និងវិចិត្រសិល្បៈ បានមានប្រសាសន៍ថា វគ្គបណ្តុះបណ្តាលនេះ មានសិក្ខាកាមចូលរួមសរុបចំនួន១០២នាក់ ក្នុងនោះស្ត្រី៥០នាក់។ តាមរយៈវគ្គបណ្តុះបណ្តាលរយៈពេលប៉ុន្មានថ្ងៃកន្លងមកនេះ សង្ឃឹមជឿជាក់ថាសិក្ខាកាម ពិតជាទទួលបាននូវចំណេះដឹង និងទស្សនទានថ្មីៗ សម្រាប់យកទៅប្រើប្រាស់លើការងារ ជំនាញ របស់ខ្លួនប្រកបដោយសុច្ចរិតភាព ភាពថ្លៃថ្នូរ និងលើកស្ទួយវិស័យវប្បធម៌ និងសង្គមជាតិ ស្របតាមតថភាពពិតនៃសង្គមបច្ចុប្បន្ន ដើម្បីឆ្លើយតបទៅនឹងការខិតខំប្រឹងប្រែងរបស់រាជរដ្ឋាភិបាល ក្នុងការស្តារ ពង្រឹង និងអភិវឌ្ឍន៍ជាតិ ទៅតាមទិសដៅនៃយុទ្ធសាស្រ្តបញ្ចកោណ ដំណាក់កាលទី១នេះ។ ក្រៅពីបំពេញកាតព្វកិច្ចតាមផែនការដែលអង្គភាពបានដាក់ចេញ បងប្អូនសិក្ខាកាមទាំងអស់ ត្រូវចូលរួមចំណែកក្នុងការអភិវឌ្ឍសមត្ថភាពបន្ថែម តាមរយៈការបន្តខិតខំសិក្សាស្វែងយល់ និងត្រូវមានគំនិតផ្តួចផ្តើម និងច្នៃប្រឌិត ក្នុងគោលបំណងកែលម្អ សកម្មភាពការងារ សំដៅធ្វើឱ្យការងារមានប្រសិទ្ធភាព និងមានការរីកចម្រើនឆាប់រហ័ស។ ហើយកម្មវិធីសិក្សានេះ មានការដាក់បញ្ចូលវិធីសាស្រ្តអនុវត្ត សម្រាប់ប្រធានបទសំខាន់ៗចំនួន២ រួមមាន៖ ១. មុខវិជ្ជាការអភិវឌ្ឍការរៀបប្លង់មេរៀន និង ២. មុខវិជ្ជាការអភិវឌ្ឍកិច្ចតែងការបង្រៀន ដែលមុខវិជ្ជាគឺអនុញ្ញាតឱ្យសិក្ខាកាមស្វែងយល់កាន់តែស៊ីជម្រៅពីបច្ចេកទេសគ្រប់គ្រងម៉ោងសិក្សា ពេលវេលាក្នុងការបង្រៀន កំណត់រយៈពេលនៃមេរៀន ជំហានទាំង៥ នៃការបង្រៀន មានប្រសិទ្ធភាពនៃការបង្រៀន មានទំនាក់ទំនងល្អក្នុងថ្នាក់រៀន មានសិល្បៈក្នុងការចែករំលែក លើកទឹកចិត្តដល់សិស្ស និងជំរុញការចូលរួមរវាងសិស្ស និងគ្រូបានល្អប្រសើរ។នាឱកាសនោះដែលលោកជំទាវ ឆឹង ស៊ីមន បានថ្លែងថា វគ្គបណ្តុះបណ្តាល៤ថ្ងៃនេះ បានផ្សារភ្ជាប់ នឹងគោលនយោបាយអភិវឌ្ឍមូលធនមនុស្សដែលរាជរដ្ឋាភិបាលកម្ពុជាអាណត្តិថ្មីបានដាក់ចេញ គឺដើម្បីរួមចំណែកជួយដល់គ្រឹះស្ថានអប់រំ ក្នុងការពង្រឹងការគ្រប់គ្រង និងការអភិវឌ្ឍធនធានមនុសុ្ស ឱ្យក្លាយទៅជាមូលធនមនុស្សពិតប្រាកដ ដែលអាចយកទៅប្រើប្រាស់ពោពេញដោយសមត្ថភាព ប្រសិទ្ធភាព អាចទុកចិត្តបាន និងឆ្លើយតបទាន់ពេលវេលាទៅតាមតម្រូវការ។ លោកគ្រូ អ្នកគ្រូជាសិក្ខាកាមនៃសាលាមធ្យមវិចិត្រសិល្បៈ ដែលមានវត្តមាននៅថ្ងៃនេះ ជាមូលធនមនុស្សប្រកបដោយសក្តានុពល ក្នុងកិច្ចការងារលើកស្ទួយវិស័យវប្បធម៌ និងវិចិត្រិសិល្បៈទាំងពេលនេះ និងទៅថ្ងៃអនាគត។ ដូច្នេះការបំពាក់ចំណេះដឹងផ្នែកគរុកោសល្យ និងជំនាញទន់ (soft skill)បន្ថែម ជូនដល់លោកគ្រូ អ្នកគ្រូ គឺជាផែនការយុទ្ធសាស្រ្តអាទិភាព ដែលប្រមុខរាជរដ្ឋាភិបាល ជាពិសេសក្រសួងវប្បធម៌ និងវិចិត្រសិល្បៈ តែងគិតគូអភិវឌ្ឍន៍សមត្ថភាពបន្ថែមដល់បុគ្គលិកអប់រំ បណ្តុះបណ្តាល ដែលបម្រើឱ្យវិស័យសិល្បៈ និងវប្បធម៌ ដើម្បីឱ្យដើរស្របទៅតាមបរិបទនៃសាកល ភាវូបនីយកម្ម និងភាពរីកចម្រើនរបស់សង្គមជាតិនាពេលបច្ចុប្បន្ននេះ៕អត្ថបទ រដ្ឋា

រដ្ឋមន្រ្តីសុខាភិបាល «មានមាតាសុខភាពល្អ មានទារកសុខភាពល្អ នឹងមានជាតិសុខភាពល្អ»

ភ្នំពេញ ៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីសុខាភិបាល បានបញ្ជាក់ថា៖ មានមាតាសុខភាពល្អ មានទារកសុខភាពល្អ នឹងមានជាតិសុខភាពល្អ រាល់ជីវិតត្រូវតែមានការយកចិត្តទុកដាក់ខ្ពស់ និងត្រូវឆ្លើយតបបានរហ័សត្រឹមត្រូវ នោះគឺការជួយសង្រ្គោះជីវិតមាតា និងទារក។ការថ្លែងរបស់ឯកឧត្តមសាស្ត្រាចារ្យ ឈាង រ៉ា យ៉ាងដូច្នេះក្នុងពិធីប្រកាសដាក់ឱ្យប្រើប្រាស់ជាផ្លូវការផែនទីបង្ហាញផ្លូវសម្រាប់ពន្លឿនការកាត់បន្ថយអត្រាមរណភាពមាតា និងទារក ឆ្នាំ២០២៥-២០៣០ និងពិធីសារជាតិ ស្តីពីការពិនិត្យមរណភាពមាតា និងទារកជុំវិញកំណើត និងការឆ្លើយតប នាព្រឹកថ្ងៃទី២៥ ខែកក្កដា ឆ្នាំ២០២៥នេះ។ផែនទីបង្ហាញផ្លូវសម្រាប់ពន្លឿនការកាត់បន្ថយអត្រាមរណភាពមាតា និងទារកជុំវិញកំណើត ឆ្នាំ២០២៥-២០៣០នេះ ជាឯកសារយុទ្ធសាស្ត្រមានសមាសធាតុគន្លឹះ ៧ចំណុច ដែលចាំបាច់ត្រូវអនុវត្តស្របពេលជាមួយគ្នានឹងការពង្រឹងប្រព័ន្ធសុខាភិបាល ពង្រឹងសមត្ថភាពក្នុងការបម្រើសេវានៅមូលដ្ឋានសុខាភិបាលគ្រប់កម្រិតទាំងសាធារណៈ និងឯកជន។ ការពិនិត្យលើករណីស្លាប់របស់មាតា និងទារកជុំវិញកំណើតនឹងជួយដល់ការរកឃើញមូលហេតុពិតប្រាកដ ដើម្បីធ្វើការកែលម្អនិងបង្កើនគុណភាពព្យាបាលបានទាន់ពេលវេលា។ ឆ្លៀតក្នុងឱកាសនេះ ឯកឧត្តមសាស្ត្រាចារ្យរដ្ឋមន្រ្តី បានផ្តល់អនុសាសន៍គន្លឹះសំខាន់ៗមួយចំនួន ដើម្បីការបង្ការការបញ្ជៀសកត្តាហានិភ័យ ដែលបង្កជាមូលហេតុនៃការស្លាប់របស់មាតា និងទារក ដោយ៖ ១. ត្រូវយកចិត្តទុកដាក់លើការពិនិត្យផ្ទៃពោះប្រកបដោយគុណភាព កំណត់ឱ្យបាន និងរកឱ្យឃើញទាន់ពេលវេលាស្ត្រីមានផ្ទៃពោះប្រឈមនឹងគ្រោះថ្នាក់ គ្រប់គ្រងផលវិបាកឱ្យបាន និងបញ្ជូនទៅមន្ទីរពេទ្យ ដែលមានសេវាសង្គ្រោះបន្ទាន់កម្រិតខ្ពស់ជាង។ ២. ត្រូវបម្រើការថែទាំជាសារវន្ត ក្នុងពេលសម្រាល និងក្រោយសម្រាល ការតាមដានស្ថានភាពសុខភាពទាំងម្តាយទាំងទារកទើបនឹងកើតជាប់ជាប្រចាំ។៣. ត្រូវផ្តល់សេវាសង្គ្រោះបន្ទាន់ផ្នែកសម្ភព និងការថែទាំទារកទើបនឹងកើត រួមជាមួយនឹងប្រព័ន្ធបញ្ជូនដែលដំណើរការពេញលេញ។ ក្នុងករណីមានផលវិបាកធ្ងន់ធ្ងរ សុំឱ្យរួមគ្នាធ្វើការងារជាក្រុម និងមានការគាំទ្រពីអ្នកជំនាញ ឬអ្នកឯកទេសដទៃទៀត។៤. រៀបចំការបណ្តុះបណ្តាលជំនាញចាំបាច់ក្នុងការសង្គ្រោះជីវិតស្ត្រី និងទារក បង្កើនការជួយគាំទ្រគ្នាពីមន្ទីរពេទ្យជាតិ ទៅមន្ទីរពេទ្យសម្ព័ន្ធមេត្រីភាព ដើម្បីបន្តពង្រឹងសមត្ថភាពបុគ្គលិកគ្រប់កម្រិត។៥. ពង្រឹងកិច្ចសហការជាមួយភាគីពាក់ព័ន្ធ អង្គការដៃគូ អជ្ញាធរមូលដ្ឋាន គ្រួសារ និងសហគមន៍ ដើម្បីជួយដល់ស្ត្រីមានផ្ទៃពោះនិងទារក ទាន់ពេលវេលា។ ៦. ថ្នាក់ដឹកនាំមន្ទីរសុខាភិបាលរាជធានី-ខេត្តទាំង២៥ ត្រូវជំរុញឱ្យមន្ត្រីសុខាភិបាលពាក់ព័ន្ធទាំងអស់អនុវត្តពិធីសារជាតិស្តីពីការពិនិត្យមរណភាពមាតា និងទារកជុំវិញកំណើត ហើយរៀបចំបង្កើតគណៈកម្មការថ្នាក់ខេត្តទៅតាមគោលការណ៍ ដែលមានចែងក្នុងពិធីសារជាតិ និងរៀបចំគណៈកម្មការមន្ទីរពេទ្យខេត្តទៅតាមគោលការណ៍ក្នុងពិធីសារជាតិផងដែរ។ គ្រប់ករណីស្លាប់របស់មាតា និងករណីស្លាប់របស់ទារកជុំវិញកំណើត គណៈកម្មការថ្នាក់ខេត្តត្រូវតែកំណត់ឱ្យបាន ពិនិត្យរកមូលហេតុ ធ្វើផែនការឆ្លើយតប និងធ្វើរបាយការណ៍ភ្លាមមកគណៈកម្មការថ្នាក់ជាតិពិនិត្យមរណភាពមាតា និងទារកជុំវិញកំណើត និងការឆ្លើយតប។មុននឹងបញ្ចប់ ឯកឧត្តមសាស្រ្តាចារ្យរដ្ឋមន្រ្តី បានលើកឡើងថា ការកាត់បន្ថយអត្រាមរណភាពមាតា ទារក និងកុមារ មិនមែនគ្រាន់តែជាអាទិភាពប៉ុណ្ណោះទេ តែជាការប្តេជ្ញាចិត្តរបស់យើងទាំងអស់គ្នា ដើម្បីសម្រេចបានគោលដៅដែលបានកំណត់ដោយយកចិត្តទុកដាក់ ១) ករណីរំលូត សូមគណៈកម្មការអ្នកជំនាញទាំងឡាយពិនិត្យ និងវិភាគសារឡើងវិញការរំលូតដែលមិនត្រឹមត្រូវ ២) ករណីមរណភាពមាតា និងទារក ត្រូវតែមានការតាមដានឱ្យបានជាប់ជាប្រចាំ ៣) ត្រូវបង្កើនការស្រាវជ្រាវ អំពីករណីមិនទាន់មានការថយចុះអត្រាមរណភាពមាតា និងទារក។ពិធីនេះ មានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំក្រសួង លោក លោកស្រីអញ្ជើញមកពីរដ្ឋបាលរាជធានី ខេត្ត មន្ទីរពេទ្យជាតិ មជ្ឈមណ្ឌលជាតិ មន្ទីរសុខាភិបាល និងដៃគូអភិវឌ្ឍ តំណាងអង្គការសុខភាពពិភពលោក សាកលវិទ្យាល័យជាតិសឹង្ហបុរី ,UNFPA និងតាមប្រព័ន្ធ Zoom ការិយាល័យសុខាភិបាលស្រុកប្រតិបត្តិ មន្រ្តីកម្មវិធីជាតិ មណ្ឌលសុខភាព ចំនួន ២២៥៨នាក់៕អត្ថបទ រដ្ឋា

តំណាងឯកឧត្តម ចាយ បូរិន អញ្ជើញបើកកម្មវិធី “នាទីព្រះពុទ្ធសាសនាផ្សារភ្ជាប់នឹងសង្គម” លើកទី៣១៤

ភ្នំពេញ ៖ តំណាងឯកឧត្តម ចាយ បូរិន រដ្ឋមន្រី្តក្រសួងធម្មការ និងសាសនា បានអញ្ជើញបើកកម្មវិធី “នាទីព្រះពុទ្ធសាសនាផ្សារភ្ជាប់នឹងសង្គម” លើកទី៣១៤ ស្មើនឹង១០៦៧ មាតិកាព្រះធម៌ ដែលកំពុងបន្តផ្សព្វផ្សាយយ៉ាងទូលំទូលាយ តាមអនុសាសន៍ណែនាំដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រី្តនៃព្រះរាជាណាចក្រកម្ពុជា។ក្នុងឱកាសអញ្ជើញបើកកម្មវិធី នាទីព្រះពុទ្ធសាសនាផ្សារភ្ជាប់នឹងសង្គមលើកទី៣១៤ ស្មើនឹង១០៦៧ មាតិកាព្រះធម៌ នារសៀលថ្ងៃទី២៥ ខែកក្កដា ឆ្នាំ២០២៥នេះ លោក កែវ ហេង ប្រធាននាយកដ្ឋានស្រាវជ្រាវពុទ្ធសាសនាផ្សារភ្ជាប់សង្គម បានជម្រាបជូនថា ការសម្តែងព្រះធម៌ទេសនានេះ ពិតជាបានចូលរួមចំណែកយ៉ាងធំធេងដល់ការអប់រំក្នុងសង្គម ក្នុងនោះរួមមាន៖ ១-ព្រះធម៌ទេសនាជួយអប់រំទូន្មាន កូនខ្មែរគ្រប់រូបឱ្យប្រកាន់ខ្ជាប់នូវអំពើល្អ សីលធម៌ គុណធម៌ ចរិយាធម៌ សេចក្តីថ្លៃថ្នូរនៅក្នុងសង្គម, ២-បង្ការការរីករាលដាលមេរោគអេដស៍ និងជំងឺអេដស៍, ៣-ចៀសផុតពីគ្រឿងញៀន គ្រឿង ស្រវឹង ពីការជួញដូរមនុស្ស, ៤-ចៀសផុតពីអំពើហឹង្សាក្នុងគ្រួសារ និងក្នុងសង្គម, ៥-បង្ការគ្រោះថ្នាក់ចរាចរណ៍, ៦-ទីក្រុងស្អាត រមណីយដ្ឋានស្អាត សេវាល្អ និងបដិសណ្ឋារកិច្ចល្អ, ៧-រួមចំណែករក្សា ភូមិ ឃុំ មានសុវត្ថិភាព, ៨- អក្ខរកម្មឆ្ពោះទៅរកការសិក្សាពេញមួយជីវិត, ៩-ការចិញ្ចឹមកូនបែបវិជ្ជមាន ១០-ជួយផ្សព្វផ្សាយពីហានីភ័យ ដែលកើតឡើងពីផ្សែងធូប ផ្សែងភ្លើងទៀន ធ្វើយ៉ាងណាឱ្យពួកគាត់កាត់បន្ថយ ព្រោះបង្កគ្រោះថ្នាក់ដល់សុខភាពខ្លាំងណាស់។ នាឱកាសនោះ ឯកឧត្តម ហាក់ ប៊ុនធឿន បានថ្លែងថា កម្មពិធីផ្សព្វផ្សាយ នាទីព្រះពុទ្ធសាសនាផ្សារភ្ជាប់នឹងសង្គមត្រូវបានបង្កើតឡើងតាមគំនិតផ្តួចផ្តើមដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា អតីតនាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា កាលពីឆ្នាំ២០០៩។ ចាប់តាំងពីការបង្កើតកម្មវិធីផ្សព្វផ្សាយ នាទីព្រះពុទ្ធសាសនាផ្សារភ្ជាប់នឹងសង្គម នេះមក កម្មវិធីនេះទទួលបានការអបអរសាទរទាំងផ្នែកពុទ្ធចក្រ និងអាណាចក្រ ក៏ដូចជាមានការចូលរួម និងអបអរសាទររបស់ប្រជាពលរដ្ឋ លោកគ្រូ អ្នកគ្រូ មន្រ្តីរាជការ និងសិស្សានុសិស្សនៅទូទាំងប្រទេសយ៉ាងអធិកអធម។ ជាពិសេសជាងនេះទៅទៀត នៅក្នុងអាណត្តិរាជរដ្ឋាភិបាលទី៧ នៃរដ្ឋសភា ក្រោមការដឹកនាំចង្អុលបង្ហាញដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា កម្មវិធីនេះក៏ត្រូវបានបន្តអនុវត្តនិងផ្សព្វផ្សាយជាបន្តបន្ទាប់ ហើយទទួលបានការគាំទ្រយ៉ាងច្រើនពីសំណាក់ប្រជាពលរដ្ឋ។ សូមជម្រាបជូនថា នាទីព្រះពុទ្ធសាសនាផ្សារភ្ជាប់នឹងសង្គមលើកទី៣១៤ ស្មើនឹង១០៦៧ មាតិកាព្រះធម៌ នាឱកាសនេះ មានការនិមន្តសម្តែងព្រះធម៌ទេសនា ដោយព្រះសុមេធវង្ស បណ្ឌិត សុខ ប៊ុនធឿន , ព្រះរតនរង្សី គឹម សំបូរ , ព្រះគ្រូសង្ឃលិខិត ស៊ឹម ពន និងមានការនិមន្ត-អញ្ជើញចូលរួមពីព្រះសង្ឃ ឯកឧត្តម លោកជំទាវ មន្រ្តីរាជការ លោក លោកស្រី លោកគ្រូ អ្នកគ្រូ ព្រះសង្ឃ តាជី យាយជី សីលវ័ន សីលវត្តីនិងសិស្សានុសិស្សយ៉ាងច្រើនកុះករ៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

ជើងហោះហើររបស់ក្រុមហ៊ុនអាកាសចរណ៍ AirAsia ចុះចតខុសអាកាសយានដ្ឋាន នៅកូរ៉េខាងត្បូង

ប្រភពនិយាយថា ទួរគីគ្រោងនឹងជួយផ្តល់ប្រព័ន្ធសព្វាវុធដល់ប្រទេសស៊ីរី

គណៈកម្មការUN និយាយថា ឧក្រិដ្ឋកម្មសង្គ្រាមទំនងជាប្រព្រឹត្តដោយភាគីទាំងពីរ នៅក្នុងអំពើហិង្សាប្រកាន់និកាយ នៅស៊ីរី

អ្នកជំនាញ៖ អឺរ៉ុបមិនអាចទ្រទ្រង់ជម្លោះអ៊ុយក្រែនបានទេ ប្រសិនបើគ្មានអាមេរិក

ប្រធានាធិបតីអ៊ីរ៉ង់ រិះគន់ការសន្យារបស់លោក Netanyahu ក្នុងការជួយដោះស្រាយបញ្ហាទឹករបស់សាធារណរដ្ឋឥស្លាម

ទួរគី និងស៊ីរី និយាយថា អ៊ីស្រាអែលនៅពីក្រោយអំពើហិង្សានៅទីក្រុង Sweida

អង្គការជាង១០០ក្រុម រិះគន់ខ្លាំងៗ«ការយកជំនួយធ្វើជាអាវុធ»របស់អ៊ីស្រាអែល ខណៈពលរដ្ឋហ្កាហ្សាស្រេកឃ្លាន

រុស្ស៊ី រឹតត្បិតការសន្ទនាតាម WhatsApp និងTelegram ខណៈការគ្រប់គ្រងអ៊ីនធឺណិតកាន់តែតឹងរ៉ឹង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877