BTV NEWS

ធនាគារជាតិនៃកម្ពុជា រៀបចំពិធីសូត្រមន្តចម្រើនព្រះបរិត្ត អបអរសាទរពិធីបុណ្យចូលឆ្នាំថ្មី

មន្រ្ដីជាន់ខ្ពស់ គ.ប.ឆ.ប៖ អាជ្ញាធរសមត្ថកិច្ចក្នុង២៥រាជធានី-ខេត្តត្រូវចូលរួមអនុវត្តច្បាប់ថ្មីស្តីពីការប្រឆាំងការឆបោកតាមប្រព័ន្ធបច្ចេកវិទ្យាឱ្យមានប្រសិទ្ធភាពខ្ពស់ ដើម្បីស្តារកិត្តិយសជាតិកម្ពុជា

អាជ្ញាធរភ្នំពេញ និង ស.ស.យ.ក. ប្រជុំពង្រឹងកិច្ចការសន្តិសុខក្នុងព្រឹត្តិការណ៍នគរសង្ក្រាន្ត

BREAKING NEWS | ប្រមុខរដ្ឋស្តីទីចេញព្រះរាជក្រមប្រកាសឲ្យប្រើច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា

ព័ត៌មានជាតិ

អង្គការសហប្រជាជាតិ ព្រួយបារម្ភយ៉ាងខ្លាំងចំពោះស្ថានភាពកាន់តែយ៉ាប់យ៉ឺននៅក្នុងទីក្រុង el-Fasher របស់ស៊ូដង់

អគ្គលេខាធិការអង្គការសហប្រជាជាតិបានអំពាវនាវឱ្យមានបទឈប់បាញ់ជាបន្ទាន់នៅក្នុងតំបន់ Darfur របស់ប្រទេសស៊ូដង់ បន្ទាប់ពីការវាយប្រហារដោយយានដ្រូនកាលពីថ្ងៃសុក្របានសម្លាប់អ្នកបួងសួងជាង៧០ នាក់នៅក្នុងទីក្រុង el-Fasher ដោយបង្ហាញក្ដីបារម្ភធ្ងន់ធ្ងរអំពីស្ថានភាពកាន់តែយ៉ាប់យ៉ឺនយ៉ាងឆាប់រហ័ស ។លោក Antonio Guterres បាននិយាយនៅក្នុងសេចក្តីថ្លែងការណ៍មួយចេញដោយអ្នកនាំពាក្យរបស់លោកកាលពីថ្ងៃសៅរ៍ថា ការប្រយុទ្ធត្រូវតែបញ្ឈប់ឥឡូវនេះ ដោយបានជំរុញឱ្យភាគីសង្រ្គាមចូលរួមក្នុងការសន្ទនា និងផ្តល់ច្រករបៀងមនុស្សធម៌ ទន្ទឹមនឹងសង្រ្គាមស៊ីវិលដ៏ឃោរឃៅបានបំផ្លាញប្រទេសនេះ ក្នុងឆ្នាំទីបីនៃសង្គ្រាម។កងកម្លាំងប្រដាប់អាវុធស៊ូដង់ (SAF) និងមូលដ្ឋានរឹងមាំចុងក្រោយរបស់សម្ព័ន្ធមិត្តរបស់ខ្លួន នៅទូទាំងតំបន់ Darfur។តំបន់នេះ ត្រូវបានស្ថិតនៅក្រោមការឡោមព័ទ្ធអស់រយៈពេលជាងមួយឆ្នាំដោយកងកម្លាំងគាំទ្ររហ័សប៉ារ៉ា (RSF) ដែលបានបើកការវាយលុកជាថ្មីដើម្បីដណ្តើមយកទីក្រុងនេះ ក្នុងប៉ុន្មានសប្តាហ៍ថ្មីៗនេះ។បណ្ដាអង្គការមនុស្សធម៌បានបង្កើនក្ដីបារម្ភអំពីការកើនឡើងនៃភាពអត់ឃ្លាននៅក្នុងទីក្រុង ខណៈមនុស្សរាប់សែននាក់នៅតែជាប់ខ្លួនក្នុងជម្លោះ ដោយមិនមានលទ្ធភាពទទួលបានអាហារ ថ្នាំពេទ្យ និងសម្ភារៈចាំបាច់ផ្សេងទៀត៕

សមត្ថកិច្ចបង្រ្កាបករណីចាប់ឃុំឃាំងបង្ខាំងមនុស្សធ្វើទារុណកម្មដោយខុសច្បាប់ និងជួញដូរមនុស្សដោយមានគោលដៅដោយឃាត់ជនសង្ស័យ៧នាក់

ព្រះសីហនុ៖ នៅថ្ងៃទី១៧ ខែកញ្ញា ឆ្នាំ២០២៥ វេលាម៉ោង០១និង០០នាទី មានប្រជាពលរដ្ឋរាយការណ៍មកថា នៅចំណុចមុខកាស៊ីណូ ដាយមិន ស្ថិតនៅភូមិ៤ សង្កាត់លេខ៤ ក្រុង-ខេត្តព្រះសីហនុ មានជនសង្ស័យមិនស្គាល់អត្តសញ្ញាណជាជនជាតិចិន ០១ក្រុម បានធ្វើសកម្មភាពចាប់ជនជាតិចិនដូចគ្នា ដាក់ចូលក្នុងរថយន្តរួចគេចខ្លួនបាត់ ។ ដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ និងការចង្អុលដឹកនាំផ្ទាល់របស់ ឯកឧត្តម ឧត្តមសេនីយ៍ឯក អគ្គស្នងការរង និងជាស្នងការនគរបាលខេត្តព្រះសីហនុ ដោយមានការសម្របសម្រួលនីតិវិធីពី លោក ឆាយ សុត្រា ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ ដឹកនាំដោយលោកឧត្តមសេនីយ៍ត្រី ណុប បញ្ញា ស្នងការរងផែនការងារនគរបាលព្រហ្មទណ្ឌ និងកម្លាំងជំនាញ បានធ្វើការស្រាវជ្រាវយ៉ាងយកចិត្តទុកដាក់ សហការជាមួយកម្លាំងអធិការដ្ឋាននគរបាលស្រុកកំពង់សៀម នៃស្នងការដ្ឋាននគរបាលខេត្តកំពង់ចាម និងកម្លាំងអធិការដ្ឋាននគរបាលក្រុងប៉ោយប៉ែត នៃស្នងការដ្ឋាននគរបាលខេត្តបន្ទាយមានជ័យ រហូតនៅថ្ងៃទី១៨ ខែកញ្ញា ឆ្នាំ២០២៥ វេលាម៉ោង០៦និង០០នាទីព្រឹក ទើបឃាត់ខ្លួនបានជនសង្ស័យចំនួន ០៧នាក់ ភេទប្រុស ជនជាតិចិន សង្ស័យពាក់ព័ន្ធករណីខាងលើ នៅចំណុចផ្លូវជាតិលេខ71A ស្ថិតក្នុងភូមិអន្លង់ស្នូក ឃុំអូរស្វាយ ស្រុកកំពុងសៀម ខេត្តកំពង់ចាម យកមកកាន់ស្នងការដ្ឋាននគរបាលខេត្តព្រះសីហនុ ដើម្បីសួរនាំជុំវិញករណីខាងលើ ។បន្ទាប់ពីធ្វើការសួរនាំ និងស្រាវជ្រាវយ៉ាងយកចិត្តទុកដាក់ បានឱ្យដឹងថា ក្នុងចំណោមមនុស្សចំនួន ០៧នាក់ មានជនសង្ស័យចំនួន ០៤នាក់ ពិតជាមានតម្រុយពាក់ព័ន្ធបទល្មើសខាងលើ ពិតប្រាកដមែន ដោយទ្បែកមនុស្សចំនួន ០៣នាក់ទៀត គឺជាជនរងគ្រោះក្នុងករណី លក់ដូរមនុស្សដោយមានគោលដៅ ពិតប្រាកដមែន ។ អត្តសញ្ញាណជនសង្ស័យចំនួន ០៤នាក់ មានឈ្មោះដូចខាងក្រោម៖១-ឈ្មោះ ZHANG WEN HAI ភេទប្រុស អាយុ ៣២ឆ្នាំ ជនជាតិចិន មុខរបរ មិនពិតប្រាកដ ទីលំនៅបច្ចុប្បន្ន មិនពិតប្រាកដ ។ ២-ឈ្មោះ CUI LI ZHI ភេទប្រុស អាយុ ៤១ឆ្នាំ ជនជាតិចិន មុខរបរ មិនពិតប្រាកដ ទីលំនៅបច្ចុប្បន្ន ភូមិ៤ សង្កាត់លេខ៤ ក្រុង-ខេត្តព្រះសីហនុ ។ ៣-ឈ្មោះ WANG JIAN WU ភេទប្រុស អាយុ ៣១ឆ្នាំ ជនជាតិចិន មុខរបរ មិនពិតប្រាកដ ទីលំនៅបច្ចុប្បន្ន ភូមិ២ សង្កាត់លេខ២ ក្រុង-ខេត្តព្រះសីហនុ ។ ៤-ឈ្មោះ LU BO ភេទប្រុស អាយុ ៣៤ឆ្នាំ ជនជាតិចិន មុខរបរ មិនពិតប្រាកដ ទីលំនៅបច្ចុប្បន្ន មិនពិតប្រាកដ ។ សម្ភារៈចាប់យកបានជាក់ស្តែងរួមមាន ទូរស័ព្ទចំនួន ០៤គ្រឿង រថយន្តចំនួន ០២គ្រឿង និងលិខិតឆ្លងដែន ចំនួន ០៤ក្បាល ។ ចំពោះករណីខាងលើនេះ ពិតជាករណី លក់ដូរមនុស្សដោយមានគោលដៅ និងចាប់ឃុំឃាំង បង្ខាំងមនុស្សធ្វើទារុណកម្មដោយខុសច្បាប់ ពិតប្រាកដមែន ។ បច្ចុប្បន្នកម្លាំងសមត្ថកិច្ចជំនាញកំពុងធ្វើការសាកសួរ និងបន្តតាមនីតិវិធីច្បាប់ ៕

ពលរដ្ឋជិតឆ្ងាយជាច្រើននាំទេយ្យទានទៅធ្វើបុណ្យ និងប្រគេនព្រះសង្ឃនៅវត្តព្រៃចាន់ក្នុងឱកាសភ្ជុំបិណ្ឌនេះ

វត្តសុវណ្ណសិក្ខារាមព្រៃចាន់ គឺជាវត្តមួយក្នុងចំណោមវត្តដទៃផ្សេងៗទៀតក្នុងតំបន់ជាយដែន ព្រំដែនកម្ពុជា/ថៃ ប្រមាណជា១០០០ម៉ែត្រមាន ពីទីតាំងស្ថិត ភូមិព្រៃចាន់ ឃុំអូរបីជាន់ ស្រុកអូរជ្រៅខេត្តបន្ទាយមានជ័យ ក្បែរតំបន់ដែលភាគីថៃបានរាយបន្លាលួសហ៊ុព័ទ្ធយកផ្ទះសម្បែងរបស់បងប្អូនប្រជាពលរដ្ឋ។ ទោះបីជានៅតំបន់នោះ ស្ថានភាពនៅមានកម្ដៅកើតឡើងដោយសារបញ្ហាព្រំដែនកម្ពុជា និងថៃ ប៉ុន្ដែបងប្អូនពុទ្ធបរិស័ទមកពីទីជិតឆ្ងាយនាំគ្នាមកធ្វើបុណ្សកាន់បិណ្ឌក្នុងវត្តមួយនេះមានចំនួនច្រើនកុះករសម្រាប់ថ្ងៃកាន់បិណ្ឌទី១៤ ត្រូវនឹងថ្ងៃអាទិត្យទី២១ កញ្ញាឆ្នាំ២០២៥នេះ។ព្រះតេជគុណ ញ៉ិល ឌី ព្រះគ្រូចៅអធិការវត្តសិក្ខារាមព្រៃចាន់ បានថ្លែងអំណរគុណដល់ប្រជាពលរដ្ឋ និងពុទ្ធបរិស័ទជិតឆ្ងាយទាំងអស់ ដែលបានអញ្ជើញមកធ្វើបុណ្យនៅវត្តព្រៃចាន់ និងសួរសុខទុក្ខដល់ព្រះសង្ឃ និងព្រជាពលរដ្ឋកំពុងឈរការពារទឹកដីនៅភូមិព្រៃចាន់។ ក្នុងឱកាសនើព្រះចៅអធិការវត្តព្រៃចាន់ មានសង្ឃដីកាថា បើទោះបីវត្តមួយនេះមានទីតាំងនៅក្បែរតំបន់ប្រឈមជម្លោះព្រំដែនកម្ពុជា និងថៃ មានចម្ងាយមិនឆ្ងាយប្រមាណជា១០០០ម៉ែត្រពីកន្លែងទាហានថៃដាក់លួសបន្លាហ៊ុព័ន្ធយកផ្ទះប្រជាពលរដ្ឋយ៉ាងណាក្តី ក៏មិនបង្ករឲ្យមានការរំខានដល់ការធ្វើបុណ្សទានរបស់ប្រជាពលរដ្ឋនោះទេ ផ្ទុយទៅវិញបែរជាមានពុទ្ធបរិស័ទមកពីតាមតំបន់ជិតឆ្ងាយបានមកធ្វើបុណ្សប្រកេនចង្ហាន់នៅវត្តនេះបានយ៉ាងច្រើនកុះករចាប់តាំងពីថ្ងៃកាន់បិណ្ឌទី១ រហូតដល់ថ្ងៃកាន់បិណ្ឌទី១៤នេះ៕អត្តបទ ៖ ឃិនសារិទ្ធ

ពលរដ្ឋទៅធ្វើបុណ្យភ្ជុំបិណ្ឌក្រៅពីឧទ្ទិសកុសលដល់បុព្វការីជនក៏បានឧទ្ទិផលបុណ្យដល់វីរកងទ័ពពលីដែរ

ប្រជាពុទ្ធបរិស័ទជាច្រើនកុះករ នៅថ្ងៃអាទិត្យ ត្រូវជាថ្ងៃឈប់សម្រាកនាឱកាសបុណ្យភ្ជុំបិណ្ឌ បាននាំយកចង្ហាន់ និងទេយ្យទានប្រគេនជូនព្រះសង្ឃគង់នៅតាមទីវត្តអារាម។ ជាក់ស្ដែងនៅទីតាំង វត្តគល់ទទឹង ក្នុងភូមិសាស្ត្រខណ្ឌ ច្បារអំពៅ រាជធានីភ្នំពេញ នាព្រឹកនេះ ពុទ្ធបរិស័ទកកកុញតម្រង់ជួរក្នុងការរាប់បាត្រ។ប្រជាពលរដ្ឋម្នាក់ៗក្នុងសម្លៀកបំពាក់ប្រពៃណី សំពត់ហូល អាវប៉ាក់ ខោខ្មៅ អាវស ដៃកាន់ផ្កា និងចានស្រាក់ ក្នុងទឹកចិត្តជ្រះថ្លា ទាំងចាស់ទាំងក្មេង ធ្វើបុណ្យរួមគ្នាជាលក្ខណៈគ្រួសារ ខ្លះជាលក្ខណៈមិត្តភក្តិ។ភ្ជាប់ជាមួយទឹកចិត្តជ្រះថ្លាក្នុងការធ្វើបុណ្យតាមប្រពៃណី ក្រៅពីឧទ្ទិសកុសលផលបុណ្យទៅដល់បុព្វការីជនដែលបានចែកឋាន ពួកគាត់ក៏ឧទ្ទិផលបុណ្យទៅដល់វីរកងទ័ពកម្ពុជាដែលបានពលីការពារបូរណភាពទឹកដីផងដែរ និងសូមជូនពរទៅកាន់កងកម្លាំងជួរមុខ ដែលកំពុងឈរជើងការពារទឹកដី ប្រកបដោយសុខភាពល្អ និងសម្រេចបានរាល់ជោគជ័យក្នុងការការពារទឹកដីកម្ពុជា។សូមជម្រាបថា ជាពិធីបុណ្យដ៏ធំសម្រាប់ជាតិ ការឈប់សម្រាកសម្រាប់ឱកាសពិធីបុណ្យភ្ជុំបិណ្ឌ គឺមានរយៈពេល ៣ថ្ងៃ។ ពេលវេលាឈប់សម្រាកនេះដែរ ក៏ជាពេលវេលាដែលប្រជាពលរដ្ឋ ចាប់ផ្ដើមធ្វើដំណើរច្រើន ពិសេសចាកចេញពីរាជធានីភ្នំពេញ ទៅកាន់ទីបណ្ដាខេត្តនានា ដែលជាស្រុកកំណើតរបស់ខ្លួន ដើម្បីជួបជុំគ្រួសារធ្វើបុណ្យរួមគ្នា៕អត្ថបទ៖ គឹមហុក

អ្នកទេសចរណ៍ជិត២ម៉ឺននាក់ ទស្សនាទិដ្ឋភាពព្រះអាទិត្យរះចំកំពូលប្រាសាទអង្គរវត្ត

អ្នកទេសចរចម្រុះជាតិសាសន៍ ប្រមាណជិត២ម៉ឺននាក់ បានចូលមកទស្សនាទិដ្ឋភាពព្រះអាទិត្យរះចំកំពូលកណ្តាលនៃប្រាសាទអង្គរវត្ដឬហៅថាសមរាត្រី នាព្រឹកព្រលឹមថ្ងៃទី២១ខែកញ្ញាឆ្នាំ២០២៥នេះ។ភ្ញៀវទេសចរបានក្រោយពីម៉ោងទាបភ្លឺ បានអង្គុយរង់ចាំ នៅបរិវេណច្រាំងកសិន្ធុខាងមុខប្រាសាទ ខ្លះចូលមកអង្គុយត្រៀបត្រានៅបណ្តាល័យ និងខ្លះទៀតឈរង់ចាំនៅលើរានហាល ក្បែរស្រះទឹកខាងជើង និងខាងត្បូងនៃប្រាសាទ ដើម្បីរង់ចាំទស្សនាទិដ្ឋភាព និងផ្តិតយករូបភាព ដ៏អស្ចារ្យថ្ងៃរះនៅប្រាសាទអង្គរវត្ត។ ក្រោយពីបានទស្សនាថ្ងៃរះចំកំពូលប្រាសាទអង្គររួចហើយនោះ ភ្ញៀវទេសចរជាតិង បានលើកឡើងថា ទោះបីជាធ្លាប់បានមកទស្សនាប្រាសាទអង្គរវត្តជាច្រើនលើកក៏ដោយ តែនេះជាលើកទីមួយហើយ បានចូលមកទស្សនាថ្ងៃរះចាប់ពីម៉ោង៥ព្រឹក ហើយបានឃើញភាពស្រស់ស្អាតនៃថ្ងៃរះនៅលើកំពូលប្រាសាទអង្គរវត្ត ឆ្លុះជាមួយស្រះទឹកបញ្ចេញពន្លឺព័ណ៌មាសស្របពេលមានទេសភាពសម្រស់ខៀខ្ចីនៃរុក្ខជាតិស្មៅក្នុងបរិវេណអង្គរ។ពួកគាត់បានលើកឡើងថា ពិតជាមិនខកបំណងឡើយដែលខ្លួនចំណាយពេលដើម្បីមករង់ចាំទស្សនាថ្ងៃរះនៅប្រាសាទអង្គរវត្ត។អ្នកទេសចរក៍បានបង្ហាញអារម្មណ៍ភ្ញាក់ផ្អើលនិងសប្បាយចិត្ដយ៉ាងខ្លាំង ពេលមកដល់ប្រាសាទអង្គរដោយបានលើកឡើងថា ព្រះអាទិត្យរះចំកណ្ដាលកំពូលប្រាសាទ ពិតជាអស្ចារ្យនិងមានភាពស្រស់ស្អាត ដែលប្រទេសដទៃទៀតមិនអាចប្រៀបផ្ទឹមបាន ហើយមានភ្ញៀវទេសចរជាច្រើនកុះករ ទៅទស្សនាថ្ងៃរៈ ព្រមទាំងនាំគ្នាផ្ដិយករូបភាពនាពេលព្រឹកព្រលឹមនេះ។លោក សេង សុធារ៉ា ប្រធាននាយកដ្ឋានទេសចរណ៍វប្បធម៌ធម្មជាតិ នៃអាជ្ញាធរជាតិអប្សរា បានឲ្យដឹងថា នាថ្ងៃទី២១ ខែកញ្ញាឆ្នាំ២០២៥នេះថា ព្រឹត្ដិការណ៍ព្រះអាទិត្យរះចំកំពូលកណ្តាលប្រាសាទអង្គរវត្ត មានភ្ញៀវទេសចរនិងប្រជាពលរដ្ឋខេត្តសៀមរាប បានទៅទស្សនាមានចំនួនប្រមាណជាង១ម៉ឺន៩ពាន់នាក់ ក្នុងចំណោមនោះ អ្នកទេសចរន្ដរជាតិជាង ១,៣០៧ នាក់ និងអ្នកទេសជាតិចំនួន១៨,១០១ នាក់។សូមបញ្ជាក់ថា ព្រឹត្ដិការណ៍ថ្ងៃរះចំកណ្ដាលប្រាសាទអង្គរ ឬហៅថា សមរាត្រី (Equinox) កើតឡើងចំនួន២ដងជារៀងរាល់ឆ្នាំ គឺសមរាត្រីរដូវប្រាំង (វសន្តរដូវ) កើតឡើងនៅថ្ងៃទី២១ ខែមីនា និងសមរាត្រីរដូវវស្សាកើតឡើងនៅថ្ងៃទី២២ ខែកញ្ញា៕

អាជីវករលក់ដូរនៅភ្នំពេញថ្ងៃភ្ជុំបិណ្ឌវេនទី១៤នេះ ខ្លះបិទទ្វារ និងខ្លះទៀតបន្តលក់ដូរជាធម្មតា

អាជីវករលក់ដូរនៅរាជធានីភ្នំពេញ ក្នុងរដូវបុណ្យភ្ជុំបិណ្ឌទី១៤នេះ ឃើញថា អាជីវករដែលលក់ដូរនៅតាមផ្ទះ ខ្លះបានបិទទ្វារ និងខ្លះទៀតនៅបន្តលក់ដូរធម្មតា ទោះបីការលក់ដូរដាច់បន្តិចបន្ទួច ក៏ដើម្បីបម្រើដល់តម្រូវការរបស់ប្រជាពលរដ្ឋ និងការចូលរួមចំណែក ដោះស្រាយជីវភាពរស់នៅរបស់ពួកគាត់។ អាជីវករលក់ដូរក្នុងរដូវបុណ្យភ្ជុំបិណ្ឌ នៅរាជធានីភ្នំពេញ ជាពិសេសនៅថ្ងៃទី ១៤ រោជ ត្រូវថ្ងៃទី២១ ខែកញ្ញា ឆ្នាំ២០២៥ នេះ បានលើកឡើងថា នៅក្នុងរដូវបុណ្យភ្ជុំបិណ្ឌ ទោះប្រជាពលរដ្ឋខ្មែរមួយចំនួនបានចាកចេញពីរាជធានីភ្នំពេញ ទៅធ្វើបុណ្យទាននៅ តាមស្រុកកំណើត និងប្រជាពលរដ្ឋមួយចំនួនទៀត បានចាកចេញដើរកម្សាន្តនៅតាមតំបន់រមណីយដ្ឋាននានាក៏ដោយ ក៏នៅមាន ប្រជាពលរដ្ឋមួយចំនួន ដែលមិនបានចាកចេញ ពួកគាត់ត្រូវការនូវរបស់របរសម្រាប់ផ្គត់ផ្គង់ការហូបចុកប្រចាំថ្ងៃ ជាពិសេសការធ្វើម្ហូប អាហារ នំចំណី យកទៅប្រគេនព្រះសង្ឃនៅតាមវត្តអារាមនានាជាដើម។ អាជីវករទាំងនេះ លើកឡើងស្រដៀងគ្នាទៀតថា ទាក់ទិននៅក្នុងរដូវបុណ្យភ្ជុំបិណ្ឌនេះ ជារៀងរាល់ឆ្នាំទោះបីក្រុមអាជីវករ មួយចំនួនបានឈប់សម្រាក់ក្នុងការលក់ដូរក៏ដោយ ក៏ពួកគាត់នៅបន្តការលក់ដូរ ព្រោះថា នៅក្នុងឱកាសរដូវបុណ្យភ្ជុំបិណ្ឌនេះ ប្រជាពលរដ្ឋដែលមិនបានចាកចេញពីរាជធានីភ្នំពេញ ច្បាស់ណាស់ពួកគាត់និងត្រូវការម្ហូបអាហារ បន្លែ ផ្លែឈើ និងភេសជ្ជៈជាដើម សម្រាប់ផ្គត់ផ្គង់ដល់ការហូបចុក ឬការធ្វើម្ហូបអាហារ នំចំណី និងភេសជ្ជៈ ទៅប្រគេនចង្ហាន់ និងប្រគេនទេយ្យវត្ថុមួយចំនួន ដល់ព្រះ សង្ឃគង់ចាំព្រះវស្សា ទោះបីការលក់ដូរនៅក្នុងរយៈរដូវនេះបានលក់ដាច់តិចតួច ក៏ជាការចូលរួមចំណែកក្នុងការដោះស្រាយជីវភាព រស់នៅរបស់ពួកគាត់ផងដែរ។សូមបញ្ជាក់ថា បុណ្យភ្ជុំបិណ្ឌ គឺជាពិធីបុណ្យបែបព្រះពុទ្ធសាសនា និងជាពិធីបុណ្យមួយក្នុងចំណោមពិធីបុណ្យធំៗដទៃទៀត ដែល ប្រជារាស្ដ្រទូទាំងកម្ពុជាតែងតែប្រារព្ធមិនដែលអាក់ខាន ចាប់ពីថ្ងៃ ១ រោជ រហូតដល់ថ្ងៃ ១៥ រោជ ខែភទ្របទ ដោយមានរយៈពេល ១៥ថ្ងៃ, ព្រោះនៅក្នុងពិធីបុណ្យភ្ជុំបិណ្ឌនេះ ប្រជាពលរដ្ឋដែលបានធ្វើបុណ្យដាក់បិណ្ឌ ក្នុងគោលបំណងទំនុកបម្រុង និងចាត់ចែង ចង្ហាន់ និងបច្ច័យ៤ ប្រគេនព្រះសង្ឃគង់ចាំព្រះវស្សា និងការឧទ្ទិសកុសលផលបុណ្យដល់ដួងវិញ្ញាណខន្ធអ្នកដែលបាក់បែកចែកឋាន ជាពិសេសក្រៅពីសាច់សារលោហិត គឺការឧទ្ទិសកុសលផលបុណ្យជូនដល់វិញ្ញាណក្ខ័ន យុទ្ធជន យុទ្ធនារីស្នេហាជាតិ ដែលពលីជីវិត ក្នុងបុព្វហេតុជាតិមាតុភូមិគ្រប់សម័យកាល និងជាពិសេសចំពោះវិរះយុទ្ធជនដែលបានពលីជីវិតលើកិច្ចការការពាទឹកដី នៃការប៉ះទង្គិច ពីជម្លោះព្រំដែនកម្ពុជា-ថៃ នាពេលថ្មីៗ ជូនដល់វិញ្ញាណក្ខ័នអស់លោកទាំងនោះ បានសោយសុខនាឋានបុរមសុខកុំបីឃ្លៀងឃ្លាត៕ អត្ថបទ៖ សុន រ៉ាឌី

ថ្ងៃនេះ ប្រជាពលរដ្ឋ និងកម្មករនិយោជិត បន្តប្រើសេវារថយន្តក្រុងឥតគិតថ្លៃរបស់រដ្ឋធ្វើដំណើរទៅស្រុកកំណើតក្នុងឱកាសបុណ្យភ្ជុំបិណ្ឌ

នៅថ្ងៃទី២នៃការដាក់ឱ្យប្រើសេវាដឹកជញ្ជូនសាធារណៈដោយមិនគិតថ្លៃរបស់រាជរដ្ឋាភិបាលកម្ពុជា ត្រូវនឹងថ្ងៃទី២១ ខែកញ្ញានេះ បានមើលឃើញថា ប្រជាពលរដ្ឋ និងកម្មករ និយោជិត បាននាំគ្នាចាកចេញពីរាជធានីភ្នំពេញ ដោយប្រើមធ្យោបាយផ្សេងៗគ្នា និងមួយចំនួនបានប្រើប្រាស់សេវារថយន្តក្រុងដោយឥតគិតថ្លៃដែលផ្តល់ជូនរបស់ប្រមុខរាជរដ្ឋាភិបាលកម្ពុជា ដើម្បីទៅជួបជុំគ្រួសារ សាច់ញាតិនៅស្រុកកំណើតរៀងៗខ្លួន ក្នុងឱកាសពិធីបុណ្យភ្ជុំបិណ្ឌ។ លោក ដាញ់ ដារិទ្ធ ប្រធានក្រុមការងារគោលដៅទី២ នៅស្ថានីយរថយន្តក្រុងផ្លូវ២០០៤ ជាប់របងបញ្ជាការដ្ឋានកងទ័ពអាកាស បានមានប្រសាសន៍ប្រាប់ព័ត៍មាន ប៊ីធីវី ឱ្យដឹងថា គិតចាប់ពីថ្ងៃម្សិលមិញ រហូតត្រឹមព្រឹកថ្ងៃ ទី២១ ខែកញ្ញានេះ ឃើញមានប្រជាពលរដ្ឋយ៉ាងច្រើនកុះករ ជាមួយទឹកមុខសប្បាយរីករាយ ក្នុងការជិះរថយន្តក្រុងដោយមិនអស់ប្រាក់នេះ ដែលក្នុងគោលដៅខុសៗគ្នាដើម្បីចេញទៅស្រុកកំណើត និងមួយចំនួនផ្សេងទៀត ដើម្បីធ្វើដំណើរកម្សាន្តក្នុងថ្ងៃឈប់សម្រាកពីការងារ។ លោកបានបន្តថា រថយន្តក្រុងដឹកអ្នកដំណើរទាំងអស់ ពេលទៅដល់គោលដៅ នឹងនៅរង់ចាំដល់ថ្ងៃចេញដំណើរត្រឡប់មករាជធានីភ្នំពេញវិញផងដែរ។ ចំពោះម៉ោងចេញដំណើរទាំងចេញពីរាជធានីភ្នំពេញទៅខេត្ត និងចេញពីខេត្តមករាជធានីភ្នំពេញ គឺដូចគ្នា ចាប់ពីម៉ោង ចាប់ពីម៉ោង ៦:៣០ព្រឹកតទៅ។ កញ្ញា សាន់ សាយះ បម្រើការងារជាកម្មការិនីរោងចក្រកាត់ដេរសម្លៀកបំពាក់នៅរាជធានីភ្នំពេញ បាននិយាយថា កញ្ញា ពិតជាមានអារម្មណ៍សប្បាយរីករាយយ៉ាងខ្លាំង ពេលបានឮដំណឹងថា រាជរដ្ឋាភិបាលកម្ពុជា បន្តផ្តល់ជូនរថយន្តក្រុងសាធារណៈដោយមិនគិតថ្លៃ សម្រាប់ដឹកជញ្ជូន កម្មករ-កម្មការិនី និងប្រជាពលដ្ឋទូទៅ ដែលមានបំណងទៅលេងស្រុកកំណើត នាឱកាសពិធីបុណ្យភ្ជុំបិណ្ឌឆ្នាំនេះ ពីព្រោះជួយកាត់បន្ថយថ្លៃចំណាយយ៉ាងច្រើន។ ក្រុមប្រជាពលរដ្ឋផ្សេងទៀត បានលើកឡើងស្រដៀងគ្នាដែរថា នៅពេលមានសេវារថយន្តក្រុងសារធារណៈដឹកជញ្ជូន ដោយឥតគិតថ្លៃជារៀងរាល់ឆ្នាំ គឺជារឿងល្អបំផុតរបស់ប្រជាពលរដ្ឋ ដែលមានការគិតគូរពីថ្នាក់ដឹកនាំប្រទេស ពិសេសស្ថាប័នពាក់ព័ន្ធ ដែលតែងតែមានតួនាទីជួយសម្រួលដល់ការធ្វើដំណើររបស់ប្រជាពលរដ្ឋទូទៅទាំងអស់ មិនថាជាឱកាសបុណ្យភ្ជុំបិណ្ឌ និងបុណ្យចូលឆ្នាំប្រពៃណីជាតិខ្មែរ។ ពួកគាត់ បានសម្តែងការអរគុណជូនចំពោះប្រមុខរាជរដ្ឋាភិបាល ដែលបានគិតគូរសុខទុករបស់ប្រជាពលរដ្ឋ ដោយផ្តល់ជារថយន្តក្រុងដឹកជញ្ជូនពលរដ្ឋទៅលេងស្រុកកំណើតជួបជុំគ្រួសារ ដែលអាចសន្សំសំចៃថវិកាបានមួយចំនួនផងដែរ។សូមបញ្ជាក់ថា ការរដាក់ឱ្យប្រើសេវាដឹកជញ្ជូនសាធារណៈដោយមិនគិតថ្លៃនេះ រាជរដ្ឋាភិបាលកម្ពុជា តាមរយៈរដ្ឋបាលរាជធានីភ្នំពេញ បានរៀបចំរថយន្តក្រុងសរុបចំនួន ៥៩៧គ្រឿង រយៈពេល ៦ថ្ងៃ គិតចាប់ពីថ្ងៃទី២០ ដល់២៥ ខែកញ្ញា ឆ្នាំ២០២៥នេះ ដើម្បីសម្រួលដល់ការចំណាយរបស់ប្រជាពលរដ្ឋទាំងអស់ក្នុងការធ្វើដំណើរទៅលេងស្រុកកំណើតជួបជុំបងប្អូនក្រុមគ្រួសារនៅទូទាំងប្រទេសក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ៕អត្ថបទ៖ ឈិត បូរ៉ាវី

រដ្ឋបាលខេត្តឧត្តរមានជ័យ ប្រកាសគាំទ្រ និងចូលរួមចំណែកជាមួយរាជរដ្ឋាភិបាលកម្ពុជា ក្នុងការស្នើសុំឱ្យប្រធានអាស៊ាន និងថ្នាក់ដឹកនាំពិភពលោក ជួយជំរុញឱ្យមានការគោរពយ៉ាងពេញលេញចំពោះលក្ខខណ្ឌបទឈប់បាញ់

រដ្ឋបាលខេត្តខេត្តឧត្តរមានជ័យ សូមប្រកាសគាំទ្រយ៉ាងពេញទំហឹង ចំពោះខ្លឹមសារទាំងស្រុងនៃ សេចក្តីប្រកាស ព័ត៌មានរបស់ ក្រសួងការបរទេស និងសហប្រតិបត្តិការអន្តរជាតិ របស់កម្ពុជា ដែលបានបញ្ជាក់ពីខ្លឹមសាររបស់សារលិខិត សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាក្នុងការស្នើសុំការគាំទ្រ ពីប្រធានអាស៊ាន និងថ្នាក់ដឹកនាំកំពូលៗរបស់ពិភពលោក ដើម្បីជំរុញឱ្យមានការគោរពយ៉ាងពេញលេញចំពោះ លក្ខខណ្ឌបទឈប់បាញ់ និងកិច្ចព្រមព្រៀងទាំងអស់ដែលបានសម្រេចនៅក្នុងកិច្ចប្រជុំគណៈកម្មាធិការព្រំដែនទូទៅ (GBC) និងគណៈកម្មាធិការព្រំដែនថ្នាក់ភូមិភាគ (RBC) រវាងកម្ពុជា និងថៃ ប្រកបដោយប្រសិទ្ធភាពខ្ពស់។យើងខ្ញុំទាំងអស់គ្នា សូមប្រកាសគាំទ្រ និងចូលរួមចំណែកជាមួយរាជរដ្ឋាភិបាលកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត ក្នុងការស្នើសុំឱ្យប្រធានអាស៊ាន និងថ្នាក់ដឹកនាំពិភពលោកជួយគាំទ្រដល់ការជំរុញឱ្យមាន៖- ការប្រកាន់ខ្ជាប់យ៉ាងម៉ឺងម៉ាត់ចំពោះបទឈប់បាញ់ និងកិច្ចព្រមព្រៀងពាក់ព័ន្ធ ដែលសម្រេចបាននៅទីក្រុង ពុត្រាចាយ៉ា នៅថ្ងៃទី២៨ ខែកក្កដា ឆ្នាំ២០២៥ និងកិច្ចប្រជុំ GBC និងRBC នាពេលថ្មីៗនេះ ហើយបញ្ឈប់ជា បន្ទាន់នូវរាល់សកម្មភាពជាឯកតោភាគី ដែលអាចបង្កើនភាពតានតឹង និងពង្រីកទំហំ និងវិសាលភាពនៃជម្លោះ -ការហាមប្រើកម្លាំងប្រឆាំងជនស៊ីវិល និងទ្រព្យសម្បត្តិ- ការរុះរើឧបសគ្គដែលទើបដាក់ថ្មីៗ ដូចជាលួសបន្លា និងសំបកកង់រថយន្តក្នុងតំបន់ដែលពលរដ្ឋខ្មែរបាន និងកំពុង រស់នៅរាប់ទសវត្សរ៍ និងក្នុងតំបន់ដែលការកំណត់ខណ្ឌសីមាព្រំដែននៅមិនទាន់បានដោះស្រាយបញ្ចប់ - ការបញ្ឈប់ផែនការបណ្ដេញចេញដោយបង្ខំ និងអនុញ្ញាតឱ្យប្រជាពលរដ្ឋខ្មែរ ដែលត្រូវបានបណ្ដេញចេញរួចហើយ អាចវិលត្រឡប់ទៅកាន់លំនៅឋាន និងដីរបស់ពួកគេវិញ-ការបញ្ឈប់ការប្រើប្រាស់ឬគម្រោងប្រើប្រាស់កម្លាំងយោធា ដើម្បីធ្វើការកំណត់ខណ្ឌសីមាព្រំដែនជាឯកតោភាគី ហើយអនុញ្ញាតឱ្យយន្តការទ្វេភាគីដែលមានស្រាប់បន្តធ្វើការងារដោយសន្តិវិធី ផ្អែកលើមូលដ្ឋានកិច្ចព្រមព្រៀង អនុសញ្ញា សន្ធិសញ្ញា និងច្បាប់អន្តរជាតិដែលមានស្រាប់ និង- ការដោះលែងជាបន្ទាន់ដោយគ្មានលក្ខខណ្ឌ និងការធ្វើមាតុភូមិនិវត្តន៍យោធិនកម្ពុជាចំនួន ១៨រូប ដែលកំពុងស្ថិត ក្រោមការឃុំឃាំងនៅប្រទេសថៃ៕

កម្ពុជាតវ៉ា និងជំទាស់យ៉ាងខ្លាំងចំពោះចេតនារបស់ថៃក្នុងការអនុវត្តច្បាប់ក្នុងស្រុកមកលើពលរដ្ឋកម្ពុជា

ក្រសួងការបរទេស និងសហប្រតិបត្តិការអន្តរជាតិកម្ពុជា បានសម្តែងជាផ្លូវការនូវការតវ៉ា និងការ ជំទាស់យ៉ាងខ្លាំងរបស់រាជរដ្ឋាភិបាលកម្ពុជា ចំពោះចេតនារបស់ប្រទេសថៃក្នុងការអនុវត្តច្បាប់ក្នុង ស្រុករបស់ខ្លួន លើប្រជាពលរដ្ឋកម្ពុជា នៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ នេះបើយោងតាម សេចក្តីថ្លែងការណ៍របស់ក្រសួងការបរទេស កាលពីថ្ងៃទី២០ ខែកញ្ញានេះ។ក្រសួងការបរទេសកម្ពុជាបានឱ្យដឹងថាកាលពីថ្ងៃទី១៨ ខែកញ្ញា ឆ្នាំ២០២៥ អ្នកនាំពាក្យនៃយោធភូមិភាគទី១ នៃកងទ័ពភូមិន្ទ ថៃបានចេញសេចក្តីព្រមានជាសាធារណៈ ស្តីពីការអនុវត្តច្បាប់ក្នុងស្រុករបស់ថៃលើពលរដ្ឋកម្ពុជា ដែលរួមមានការដាក់ទោសទណ្ឌរហូតដល់ដាក់ពន្ធនាគារអស់មួយជីវិត ឬទោសប្រហារជីវិតចំពោះអ្វី ដែលហៅថា «សកម្មភាពប្រឆាំងនឹងអធិបតេយ្យរបស់ប្រទេសថៃ»។ ការប្រកាសប្រើច្បាប់នេះកើតឡើង បន្ទាប់ពីឧប្បត្តិហេតុ កាលថ្ងៃទី១៧ ខែកញ្ញា ឆ្នាំ ២០២៥ ដែលកងកម្លាំងសន្តិសុខថៃបានប្រើឧស្ម័ន បង្ហូរទឹកភ្នែក និងគ្រាប់កាំភ្លើងជ័រ លើប្រជាពលរដ្ឋកម្ពុជានៅភូមិព្រៃចាន់ ដែលថ្មីៗនេះ ប្រទេសថៃ បានប្រើកម្លាំង ដើម្បីអនុវត្តអធិបតេយ្យទឹកដី។ក្រសួងការបរទេសកម្ពុជាបញ្ជាក់ថា ការប្រកាសរបស់ថៃក្នុងការប្រើច្បាប់ក្នុងស្រុកនៅក្នុងទឹកដីដែលមានជម្លោះ បំពានលើ កាតព្វកិច្ចជាមូលដ្ឋាន ក្រោមមាត្រា ២ និង ២ នៃធម្មនុញ្ញអង្គការសហប្រជាជាតិដែល តម្រូវឱ្យមានការដោះស្រាយវិវាទដោយសន្តិវិធី និងមិនអនុញ្ញាតឱ្យប្រើកម្លាំងប្រឆាំងនឹងបូរណភាពទឹកដីរបស់រដ្ឋមួយផ្សេងទៀតឡើយ។ ការអនុវត្តទោសព្រហ្មទណ្ឌធ្ងន់ធ្ងររួមទាំងការដាក់ទោសប្រហារជីវិតលើប្រជាពលរដ្ឋកម្ពុជា ដែលចូលរួមក្នុងការតវ៉ាដោយសន្តិវិធី ក៏ជាការរំលោភយ៉ាងធ្ងន់ធ្ងរផងដែរលើសិទ្ធិមនុស្សជាមូលដ្ឋាន ដែលត្រូវបានធានាក្រោមច្បាប់អន្តរជាតិ។ សកម្មភាពបែបនេះ គឺជាការបំពានដោយផ្ទាល់លើសេរីភាពនៃការជួបប្រជុំ និងសមាគមដោយសន្ដិវីធីដែលជាបទដ្ឋានស្នូលមួយ ក្រោមសេចក្តីប្រកាសជាសកលស្តីពីសិទ្ធិមនុស្ស និងកតិកាសញ្ញាអន្តរជាតិ ស្តីពី សិទ្ធិស៊ីវិល និងសិទ្ធិនយោបាយ ដែលប្រទេសថៃជាភាគី។ សកម្មភាពរបស់ថៃក៏រំលោភបំពានផងដែរលើធម្មនុញ្ញអាស៊ាន និងសន្ធិសញ្ញាមិត្តភាព និងកិច្ចសហប្រតិបត្តិការដែលតម្រូវឱ្យរដ្ឋជាសមាជិកមិនត្រូវធ្វើសកម្មភាពបង្កហេតុ និងដោះស្រាយដោយសន្ដិវិធី។ក្រសួងការបរទេសកម្ពុជាបញ្ជាក់ថា ចេតនារបស់ប្រទេសថៃក្នុងការអនុវត្តច្បាប់ក្នុងស្រុករបស់ខ្លួនមកលើពលរដ្ឋកម្ពុជា ដែលតវ៉ាដោយសន្តិវិធី គឺជាការបង្ហាញយ៉ាងច្បាស់ពីការប្រើប្រាស់កម្លាំង ក្នុងការទាមទារយកដែន អធិបតេយ្យលើតំបន់ដែលមិនទាន់បានកំណត់ខណ្ឌសីមា ដោយបំពានលើកាតព្វកិច្ចនៃសន្ធិសញ្ញា និងការប្តេជ្ញាចិត្តរបស់ប្រទេសថៃផ្ទាល់ ក្រោមអនុស្សរណៈនៃការយោគយល់គ្នា រវាងរដ្ឋាភិបាលនៃ ព្រះរាជាណាចក្រកម្ពុជា និងរដ្ឋាភិបាលនៃព្រះរាជាណាចក្រថៃ ស្តីពីការវាស់វែង និងខណ្ឌសីមាព្រំដែន គោក (MoU 2000) ដែលជាក្របខ័ណ្ឌមូលដ្ឋានសម្រាប់ដោះស្រាយរាល់បញ្ហាព្រំដែន ដែលពុំទាន់ បានដោះស្រាយ។ លើសពីនេះ សកម្មភាពខាងលើបានជ្រៀតជ្រែកដោយផ្ទាល់ដល់អាណត្តិរបស់ គណៈកម្មការចម្រុះខណ្ឌសីមាព្រំដែនគោក ក្នុងការវាស់វែង និងកំណត់ព្រំដែនដូចមានចែងក្នុង ប្រការ២ នៃ MoU 2000 ។កម្ពុជាអំពាវនាវឱ្យថៃបញ្ឈប់សកម្មភាពនានា ដែលធ្វើឱ្យប៉ះពាល់ដល់កិច្ចខិតខំប្រឹង ប្រែង ដើម្បីបន្ធូរបន្ថយភាពតានតឹង ដូចដែលបានតាំងចិត្តរួម ក្រោមកិច្ចព្រមព្រៀងបទឈប់បាញ់ កាលពីថ្ងៃទី២៨ ខែកក្កដា ឆ្នាំ២០២៥ និងកំណត់ហេតុរបស់គណៈកម្មាធិការព្រំដែនទូទៅ (GBC) កាលពីថ្ងៃទី៧ ខែសីហា និងថ្ងៃទី ១០ ខែកញ្ញា ឆ្នាំ២០២៥។រាជរដ្ឋាភិបាលកម្ពុជា បញ្ជាក់សាជាថ្មីនូវការប្តេជ្ញាចិត្តយ៉ាងខ្ជាប់ខ្ជួន និងឥតងាករេ ក្នុងការ ស្វែងរកដំណោះស្រាយប្រកបដោយមិត្តភាព ចំពោះជម្លោះព្រំដែនជាមួយប្រទេសជិតខាងទាំងអស់ តាមរយៈមធ្យោបាយសន្តិវិធី ស្របតាមច្បាប់អន្តរជាតិ ខណៈរក្សាការប្តេជ្ញាចិត្តប្រកាន់ខ្ជាប់នូវ គោលជំហរជាគោលការណ៍ថា ព្រំដែនមិនត្រូវបានផ្លាស់ប្តូរដោយការប្រើកម្លាំង នោះឡើយ។ រាជរដ្ឋាភិបាលកម្ពុជា ក៏សូមរក្សាសិទ្ធិរបស់ខ្លួន ក្រោមច្បាប់អន្តរជាតិ និងមិនចាត់ទុកការប្រើប្រាស់ ច្បាប់ក្នុងស្រុករបស់ថៃ ថាមានប្រសិទ្ធភាពផ្លូវច្បាប់ ឬប៉ះពាល់ដល់ដំណើរការវាស់វែង និង ខណ្ឌសីមារួមនោះឡើយ៕

លេខាធិការដ្ឋានកិច្ចការព្រំដែនកម្ពុជា ច្រានចោលការផ្សាយលើផេកហ្វេសប៊ុករបស់ថៃ និងបញ្ជាក់ថា តំបន់ភូមិព្រៃចាន់ស្ថិតនៅចន្លោះបង្គោលព្រំដែនលេខ 42 និង 43 គឺជាតំបន់ដែលភាគីកម្ពុជា-ថៃពុំទាន់បានឯកភាពគ្នា

ភ្នំពេញ៖ លេខាធិការដ្ឋានកិច្ចការព្រំដែនរបស់កម្ពុជា ច្រានចោលការផ្សាយលើផេកហ្វេសប៊ុករបស់ថៃ និងបញ្ជាក់ថា ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ជាភូមិសាស្ត្រដែលកម្ពុជា និងថៃ មិនទាន់បានឯកភាពពីការកំណត់ខណ្ឌសីមាដាច់ស្រេចនៅឡើយទេ។ រដ្ឋលេខាធិការដ្ឋានកិច្ចការព្រំដែន បានឱ្យដឹងថា ក្នុងពេលថ្មីៗនេះ បានសង្កេតឃើញការបង្ហោះផ្សាយព័ត៌មាន តាមរយៈគណនី Facebook Page មានឈ្មោះ «Royal Thai Army: Update» កាលពីថ្ងៃទី១៩ ខែកញ្ញា ឆ្នាំ២០២៥ ដោយប្រើប្រាស់ប្លង់បង្ហាញលក្ខណៈភូមិសាស្ត្រ និងទីតាំងបង្គោលព្រំដែន ដែលជាឧបសម្ព័ន្ធនៃ កំណត់ហេតុ ចុះថ្ងៃទី២៤ ខែវិច្ឆិកា ឆ្នាំ២០១៧ និងឧបសម្ព័ន្ធនៃកំណត់ហេតុ ចុះថ្ងៃទី២៨ ខែធ្នូ ឆ្នាំ២០១៦ របស់ក្រុមវាស់វែងចម្រុះកម្ពុជា-ថៃ ដែលជាលទ្ធផលនៃការរុករកទីតាំងពិតប្រាកដនៃបង្គោលព្រំដែនលេខ 42 និងលេខ43 នៅតំបន់ភូមិព្រៃចាន់ ដែលនាំឱ្យមានការភាន់ច្រឡំថា ថ្នាក់ដឹកនាំរបស់រដ្ឋលេខាធិការដ្ឋាន កិច្ចការព្រំដែន (ឯកឧត្តម ឡាយ សៀងលី) បានចុះហត្ថលេខាទទួលស្គាល់ខ្សែព្រំដែនជាផ្លូវការ នៅតំបន់ ភូមិព្រៃចាន់ ស្ថិតនៅចន្លោះបង្គោលព្រំដែនលេខ 42 និងលេខ 43។ រដ្ឋលេខាធិការដ្ឋានកិច្ចការព្រំដែន សូមប្រកាសបដិសេធ និងច្រានចោលទាំងស្រុង ចំពោះការផ្សព្វផ្សាយព័ត៌មានមិនពិត គ្មានវិជ្ជាជីវៈ និងមាន ចេតនាទុច្ចរិត ដែលបានប្រើប្រាស់ឯកសារ និងព័ត៌មានប្រាស់ចាកពីការពិតក្នុងចេតនាបំភាន់សាធារណជនជាតិ និងអន្តរជាតិ ឱ្យមានការភាន់ច្រឡំ។រដ្ឋលេខាធិការដ្ឋានកិច្ចការព្រំដែនបំភ្លឺ និងបញ្ជាក់ជូនសាធារណជនជាតិ និងអន្តរជាតិឱ្យបានជ្រាបពីការពិត៖ ១. ឯកសារដែលបានបង្ហាញក្នុងគណនីខាងលើនេះ គឺជាប្លង់បង្ហាញលក្ខណៈភូមិសាស្ត្រ និង ទីតាំងបង្គោលព្រំដែនដែលជាឧបសម្ព័ន្ធនៃកំណត់ហេតុ ចុះថ្ងៃទី២៤ ខែវិច្ឆិកា ឆ្នាំ២០១៧ និងឧបសម្ព័ន្ធនៃកំណត់ហេតុ ចុះថ្ងៃទី២៨ ខែធ្នូ ឆ្នាំ២០១៦ របស់ក្រុមវាស់វែងចម្រុះកម្ពុជា-ថៃ ស្តីពីលទ្ធផលនៃការរុករកទីតាំងពិតប្រាកដនៃបង្គោលព្រំដែនលេខ42 និងលេខ43 ដែលបានបោះនាសម័យបារាំងប៉ុណ្ណោះ ហើយពុំមែនជាផែនទី ឬជាឯកសារដែលបញ្ជាក់ពី ខ្សែព្រំដែនឡើយ។២. ម្ចាស់គណនី Facebook Page ខាងលើនេះ បានយកទិន្នន័យនៅក្នុងប្លង់បង្ហាញលក្ខណៈ ភូមិសាស្ត្រ និងទីតាំងបង្គោលព្រំដែនខាងលើមកគូសក្លែងបន្លំជាខ្សែព្រំដែននៅលើផែនទី រូបភាពផ្កាយរណប ដើម្បីបំភាន់សាធារណជនជាតិ និងអន្តរជាតិឱ្យមានការភាន់ច្រឡំថា ខ្សែបន្ទាប់ព្រំដែនដែលខ្លួនបានគូសក្លែងបន្លំនេះ គឺជាខ្សែព្រំដែនដែលបានឯកភាពដោយក្រុមវាសវែងចម្រុះកម្ពុជា-ថៃ។ ៣. តំបន់ភូមិព្រៃចាន់ ដែលស្ថិតនៅចន្លោះបង្គោលព្រំដែនលេខ 42 និង 43 គឺជាតំបន់ដែលភាគីទាំងពីរពុំទាន់បានឯកភាពគ្នាខណ្ឌសីមានៅលើដីជាក់ស្តែងនៅឡើយ ហើយកិច្ចការនេះ ត្រូវដោះស្រាយដោយគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ និង គ្មានយន្តការ ឬស្ថាប័នណាមួយមានសមត្ថកិច្ចលើកិច្ចការនេះឡើយ។ជាថ្មីម្តងទៀត រដ្ឋលេខាធិការដ្ឋានកិច្ចការព្រំដែន ប្រកាសបដិសេធ និងច្រានចោលទាំងស្រុង ចំពោះព័ត៌មានមិនពិត ក្លែងក្លាយ ដែលគណនី Facebook Page មានឈ្មោះ «Royal Thai Army: Update» បានបង្ហោះផ្សាយ និងអំពាវនាវដល់សាធារណជនជាតិ និងអន្តរជាតិទាំងអស់កុំជឿ និងកុំចែកចាយព័ត៌មានក្លែងក្លាយទាំងនេះ ហើយរដ្ឋលេខាធិការដ្ឋានកិច្ចការព្រំដែនសូមលើកទឹកចិត្តឱ្យមាន ការផ្សព្វផ្សាយ និងចែកចាយសេចក្តីប្រកាសបដិសេធព័ត៌មាននេះឱ្យបានទូលំទូលាយដើម្បីឱ្យមហាជន បានជ្រួតជ្រាបអំពីការពិតលើបញ្ហានេះ៕

បណ្ដាញសង្គម

ព័ត៌មានថ្មីៗ

ឥណ្ឌូនេស៊ីអនុញ្ញាតឲ្យក្រុមហ៊ុនអាកាសចរណ៍ដំឡើងថ្លៃសំបុត្រយន្តហោះចំនួន ១៣ភាគរយ

ប្អូនស្រីមេដឹកនាំកូរ៉េខាងជើង៖ ការសោកស្តាយរបស់ទីក្រុងសេអ៊ូល ចំពោះករណីយានដ្រូន «ជាភាពឈ្លាសវៃ»

អ៊ីរ៉ង់គំរាមបិទច្រកសមុទ្រ Bab al-Mandeb ឲ្យដូចគ្នានឹងច្រកសមុទ្រ Hormuz

អ៊ីស្រាអែល បញ្ជាក់ថា នឹងជំរុញការផលិតប្រព័ន្ធស្ទាក់ចាប់មីស៊ីល Arrow

IAEA៖ ការវាយប្រហារនៅជិតរោងចក្រថាមពលនុយក្លេអ៊ែរអ៊ីរ៉ង់ «ត្រូវតែបញ្ឈប់»

ឆ្មាំអ៊ីរ៉ង់ បញ្ជាក់ថា កំពុងរៀបចំផែនការសម្រាប់សណ្តាប់ធ្នាប់ថ្មី នៅក្នុងច្រកសមុទ្រ Hormuz

តម្លៃប្រេងធ្លាក់ចុះបន្តិច ខណៈនាវាមួយចំនួនឆ្លងកាត់ច្រកសមុទ្រ Hormuz

អ៊ីរ៉ង់៖ ប្រតិបត្តិការសង្គ្រោះអាកាសយានិកអាមេរិក អាចជាការបាំងមុខ ដើម្បី «លួចអ៊ុយរ៉ានីញ៉ូមចម្រាញ់ហើយ»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877