BTV NEWS

សម្ដេចតេជោ ហ៊ុន សែន៖ ភាពធន់សេដ្ឋកិច្ចកម្ពុជាបង្ហាញច្បាស់ចាប់តាំងពីដំណាក់ការកូវីដ-១៩ រហូតមកដល់ពេលនេះ ខណៈរដ្ឋមានសាច់ប្រាក់គ្រប់គ្រាន់ដំឡើងបៀវត្ស និងបើកបៀវត្សពីរដងក្នុងមួយខែ

NEA បន្តរៀបចំសិក្ខាសាលាស្ដីពី៖ ការរៀបចំផែនការអាជីព និងការជ្រើសរើសជំនាញសិក្សាដល់សិស្សវិទ្យាល័យនៅខណ្ឌព្រែកព្នៅ

ចិនស្នើឱ្យកម្ពុជាពន្លឿនការតភ្ជាប់ប្រព័ន្ធបញ្ជរតែមួយ និងប្រព័ន្ធផ្លាស់ប្តូរទិន្នន័យ ដើម្បីសម្រួលការធ្វើពាណិជ្ជកម្ម

មន្រ្ដីជាន់ខ្ពស់ក្រសួងធនធានទឹកចុះពិនិត្យវឌ្ឍនភាព និងវាយតម្លៃបញ្ចប់ការងារសាងសង់គម្រោងអភិវឌ្ឍន៍ប្រព័ន្ធធារាសាស្ត្រ និងកាត់បន្ថយទឹកជំនន់ ក្នុងខេត្តបន្ទាយមានជ័យ

ព័ត៌មានជាតិ

ឯកឧត្តមរដ្ឋមន្រ្តី ជា វ៉ាន់ដេត អញ្ជើញជាអធិបតី បើកវគ្គបណ្តុះបណ្តាលស្ដីពីភាពជាអ្នកដឹកនាំបរិវត្តកម្មឌីជីថល “បច្ចេកវិទ្យាថ្មីៗ និងនវានុវត្តន៍សម្រាប់ថ្នាក់ដឹកនាំរាជរដ្ឋាភិបាល”

ព្រឹកថ្ងៃទី១២ ខែវិច្ឆិកា ឆ្នាំ២០២៥ ឯកឧត្តម ជាវ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ (ក.ប.ទ.) បានអញ្ជើញជាអធិបតីក្នុងពិធីបើកវគ្គបណ្តុះបណ្តាលកម្រិតខ្ពស់ស្ដីពីភាពជាអ្នកដឹកនាំបរិវត្តកម្មឌីជីថល “បច្ចេកវិទ្យាថ្មីៗ និងនវានុវត្តន៍សម្រាប់ថ្នាក់ដឹកនាំរាជរដ្ឋាភិបាល” ដល់ថ្នាក់ដឹកនាំ ក.ប.ទ. ប្រមាណ ៥០រូប។វគ្គបណ្ដុះបណ្ដាលនេះ នឹងប្រព្រឹត្តទៅរយៈពេល ២ថ្ងៃ ដោយសាស្រ្តាចារ្យចំនួន ២រូបមកពីស្ថាប័ន បណ្តុះបណ្តាលភាពជាអ្នកដឹកនាំដ៏ល្បី HEC Paris ក្នុងគោលបំណងចែករំលែកចំណេះដឹង និងបទពិសោធនៃការចាប់យកបច្ចេកវិទ្យាថ្មីៗសម្រាប់អ្នកដឹកនាំការងារបរិវត្តកម្មរដ្ឋាភិបាលឌីជីថលក្នុងវិស័យសាធារណៈ (Digital Government Transformation in Public Sector) ជាអាទិ៍ ការបញ្រ្ចាប និងការចាប់យកបច្ចេកវិទ្យា, បញ្ញាសិប្បនិម្មិត (AI), អភិបាលកិច្ចទិន្នន័យ និងការចាប់យកបច្ចេកវិទ្យាថ្មីៗ ព្រមទាំងការអនុវត្តជាក់ស្ដែងនូវគម្រោងផ្លាស់ប្តូរឌីជីថល ផងដែរ។លើសពីនេះ ថ្នាក់ដឹកនាំ ក.ប.ទ. ក៏អាចស្វែងយល់បន្ថែមអំពីបច្ចេកទេសនៃការគ្រប់គ្រងការផ្លាស់ប្តូរ (Change Management) ក្នុងការងារបរិវត្តកម្មឌីជីថល ផលប្រយោជន៍យុទ្ធសាស្ត្រនៃបរិវត្តកម្មឌីជីថលសម្រាប់ប្រតិបត្តិការរបស់រដ្ឋាភិបាល និងការកសាងការជឿទុកចិត្តលើការចាប់យកបច្ចេកវិទ្យាឌីជីថល ដើម្បីបង្កើនប្រសិទ្ធភាព តម្លាភាព និងការផ្តល់សេវាសាធារណៈ៕

ពលរដ្ឋខ្មែរនៅភូមិព្រៃចាន់ ខេត្តបន្ទាយមានជ័យរងរបួស៥នាក់ ក្រោយយោធាថៃបើកការបាញ់ប្រហារនៅល្ងាចថ្ងៃទី១២នេះ

ប្រជាពលរដ្ឋខ្មែរ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ យ៉ាងតិច៥នាក់ បានរងរបួស ក្រោយយោធាថៃបានបើកការបាញ់ប្រហារមកលើពួកគាត់នៅល្ងាចថ្ងៃទី១២ ខែវិច្ឆិកា ឆ្នាំ២០២៥ នេះបើតាមអ្នកនាំពាក្យក្រសួងការពារជាតិកម្ពុជា។លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានបញ្ជាក់ថា នៅវេលាម៉ោងប្រមាណ ១៥:៥០នាទី យោធាថៃបានបើកការបាញ់ប្រហារមកលើប្រជាពលរដ្ឋខ្មែរ នៅក្នុងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលយោងតាមព័ត៌មានបឋមពីអាជ្ញាធរមូលដ្ឋាន ករណីនេះបង្កការរបួសជនស៊ីវិលចំនួន ៥រូប។ ការបើកការវាយប្រហារនេះធ្វើឡើងបន្ទាប់ពីយោធាថៃបានធ្វើសកម្មភាពបង្កហេតុជាច្រើនរាប់មិនអស់ច្រើនថ្ងៃមកហើយ ក្នុងចេតនាញុះញង់ដើម្បីនាំដល់ការប៉ះទង្គិចគ្នា។ ភ្លាមៗក្រោយយោធាថៃបើកការបាញ់ប្រហារមកលើពលរដ្ឋខ្មែរ បណ្តាលឲ្យរងរបួសចំនួន៥នាក់នេះដែរ ក្រសួងការពារជាតិកម្ពុជាបានប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ ដ៏សាហាវឃោរឃៅនេះ ខណៈទង្វើនេះបង្ហាញយ៉ាងច្បាស់កាលដែលភាគីថៃបានរំលោភបំពានលើ ”សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ” ដែលភាគីទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខា ដោយនាយករដ្ឋមន្ត្រីនៃប្រទេសកម្ពុជា និងថៃ ក្រោមសាក្សីរបស់ឯកឧត្តម ដូណាល់ ត្រាំ ប្រធានាធិបតីសហរដ្ឋអាម៉េរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន។តាមរយៈសេចក្តីប្រកាសព័ត៌មាននេះដែរ កម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ ចំពោះការរំលោភបំពានសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា និងថៃ និងសកម្មភាពខុសច្បាប់របស់ថៃម្តងហើយម្តងទៀតនេះ ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដែលគំរាមកំហែងដល់សន្តិភាព និងស្ថិរភាពនៅក្នុងតំបន់។ ទន្ទឹមនឹងនេះ កម្ពុជាអំពាវនាវឱ្យភាគីថៃងាកមកគោរពកិច្ចព្រម ព្រៀមបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព និងកាតព្វកិច្ចទាំងឡាយនៅក្រោមច្បាប់អន្តរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ។ជាមួយគ្នានេះដែរ កម្ពុជាប្តេជ្ញាចិត្តយ៉ាងម៉ឺងម៉ាត់ក្នុងការគោរព និងអនុវត្តតាមលក្ខខណ្ឌនៃបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ព្រមទាំងកិច្ចព្រមព្រៀងទាំងឡាយដែលភាគីទាំងពីរសម្រេចបានកន្លងមក ប្រកបដោយសុច្ឆន្ទៈ និងការទទួលខុសត្រូវខ្ពស់បំផុត។ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការគំរាម ឬការប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តធម៌ ត្រឹមត្រូវ យូរអង្វែង និងស្របតាមច្បាប់អន្តរជាតិជាដើម៕

ក្រសួងការពារជាតិ៖ យោធាថៃបានបើកការបាញ់ប្រហារមកលើប្រជាពលរដ្ឋខ្មែរនៅក្នុងភូមិព្រៃចាន់ បណ្ដាលឱ្យរងរបួស ៥នាក់

វេលាម៉ោងប្រមាណ ១៥:៥០នាទី យោធាថៃបានបើកការបាញ់ប្រហារមកលើប្រជាពលរដ្ឋខ្មែរ នៅក្នុងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលយោងតាមព័ត៌មានបឋមពីអាជ្ញាធរមូលដ្ឋាន ករណីនេះបង្កការរបួសជនស៊ីវិលចំនួន ៥រូប។ ការបើកការវាយប្រហារនេះធ្វើឡើងបន្ទាប់ពីយោធាថៃបានធ្វើសកម្មភាពបង្កហេតុជាច្រើនរាប់មិនអស់ច្រើនថ្ងៃមកហើយ ក្នុងចេតនាញុះញង់ដើម្បីនាំដល់ការប៉ះទង្គិចគ្នា។ នេះបើតាមសេចក្តីប្រកាសព័ត៌មានរបស់លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា។ ក្រសួងការពារជាតិ នៃព្រះរាជាណាចក្រកម្ពុជា សូមប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ ដ៏សាហាវឃោរឃៅនេះ ហើយនេះបង្ហាញយ៉ាងច្បាស់កាលដែលភាគីថៃបានរំលោភបំពានលើ ”សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ” ដែលភាគីទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខា ដោយនាយករដ្ឋមន្ត្រីនៃប្រទេសកម្ពុជា និងថៃ ក្រោមសាក្សីរបស់ឯកឧត្តម ដូណាល់ ត្រាំ ប្រធានាធិបតីសហរដ្ឋអាម៉េរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន។ក្នុងន័យនេះ កម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ ចំពោះការរំលោភបំពានសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ និងសកម្មភាពខុសច្បាប់របស់ថៃម្តងហើយម្តងទៀតនេះ ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដែលគំរាមកំហែងដល់សន្តិភាព និងស្ថិរភាពនៅក្នុងតំបន់។ ទន្ទឹមនឹងនេះ កម្ពុជាអំពាវនាវឱ្យភាគីថៃងាកមកគោរពកិច្ចព្រម ព្រៀមបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព និងកាតព្វកិច្ចទាំងឡាយនៅក្រោមច្បាប់អន្តរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ។ កម្ពុជាប្តេជ្ញាចិត្តយ៉ាងម៉ឺងម៉ាត់ក្នុងការគោរព និងអនុវត្តតាមលក្ខខណ្ឌនៃបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ព្រមទាំងកិច្ចព្រមព្រៀងទាំងឡាយដែលភាគីទាំងពីរសម្រេចបានកន្លងមក ប្រកបដោយសុច្ឆន្ទៈ និងការទទួលខុសត្រូវខ្ពស់បំផុត។ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការគំរាម ឬការប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តធម៌ ត្រឹមត្រូវ យូរអង្វែង និងស្របតាមច្បាប់អន្តរជាតិ៕

ក្រសួងអភិវឌ្ឍន៍ជនបទកំពុងខិតខំកសាងហេដ្ឋារចនាសម្ព័ន្ធ ឆ្លើយតបទៅនឹងតម្រូវការចាំបាច់របស់ពលរដ្ឋ

រាជរដ្ឋាភិបាលកម្ពុជា ដែលមានក្រសួងអភិវឌ្ឍន៍ជនបទជាសេនាធិការ បាននឹងកំពុងខិតខំបន្តស្ថាបនាផ្លូវនៅទីជនបទ និងហេដ្ឋារចនាសម្ព័ន្ធជនបទ ដើម្បីជួយសម្រួលដល់ពលរដ្ឋដឹកនាំកសិផលទៅកាន់ទីផ្សារ និងការធ្វើដំណើរទៅទីកន្លែងផ្សេងៗកាន់តែងាយស្រួល និងឆាប់រហ័សជាមុន ដែលការណ៍នេះ ក៏បានជួយលើកកម្ពស់កម្រិតជីវភាពរបស់ពលរដ្ឋនៅក្នុងមូលដ្ឋាន។ ក្នុងឱកាសតំណាងឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ចុះត្រួតពិនិត្យវាយតម្លៃលើការងារស្ថាបនាផ្លូវចំនួន ២គម្រោង ទី១. ផ្លូវក្រាលកៅស៊ូពីរជាន់ ប្រវែងជាង ១ពាន់ ៦រយម៉ែត្រ និងដាក់លូ ស្ថិតនៅក្នុងឃុំសូភាស និងឃុំទួលព្រះឃ្លាំង ស្រុកស្ទឹងត្រង់ ខេត្តកំពង់ចាម និងទី២. ផ្លូវ១ខ្សែ មាន៣កំណាត់ (ផ្លូវក្រាលកៅស៊ូ និងចាក់បេតុង) និងដាក់លូ នៅឃុំព្រៃស្រឡិត ស្រុកពារាំង ខេត្តព្រៃវែង ស្ថាបនាដោយកងវិស្វកម្ម នៃក្រសួងកាពារជាតិ នៅថ្ងៃទី១២ ខែវិច្ឆិកា ឆ្នាំ២០២៥ ឯកឧត្តមបណ្ឌិត សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទ មានប្រសាសន៍ថា ការសម្រេចទៅបានចក្ខុវិស័យ ឆ្នាំ២០៣០ ពលរដ្ឋមានចំណូលមធ្យមកម្រិតខ្ពស់ និងចក្ខុវិស័យឆ្នាំ២០៥០ ពលរដ្ឋមានចំណូលខ្ពស់ ក៏មិនអាចកាត់ផ្ដាច់បាននូវការកសាងផ្លូវគមនាគមន៍ ហើយផ្លូវជនបទ និងហេដ្ឋារចនាសម្ព័ន្ធជនបទ ក៏ជាចំណែកដ៏សំខាន់ ក្នុងការចូលរួមធ្វើឲ្យសម្រេចបាននូវគោលដៅនេះ។ឯកឧត្តមបន្តថា ក្នុងនាមជាសេនាធិការរាជរដ្ឋាភិបាល ទើបក្រសួងអភិវឌ្ឍន៍ជនបទ ក្នុងយុទ្ធសាស្ត្រសំខាន់របស់ខ្លួន កំពុងប្រឹងប្រែងអភិវឌ្ឍន៍ហេដ្ឋារចនាសម្ព័ន្ធរូបវន្ត និងគមនាគមន៍ជនបទប្រទាក់ក្រឡា ដោយការខិតខំលើកកម្ពស់កម្រិតគុណភាពផ្លូវពីផ្លូវដីស និងផ្លូវដីល្បាយក្រួសទៅជាផ្លូវក្រាលកៅស៊ូពីរជាន់ (DBST) និងផ្លូវបេតុង។ក្នុងពេលទទួលបានសមិទ្ធផលផ្លូវថ្មី ពលរដ្ឋរស់នៅអមសងផ្លូវទាំងពីរខ្សែ បានសម្ដែងនូវការសប្បាយរីករាយ និងថ្លែងអំណរគុណដល់រាជរដ្ឋាភិបាល ដែលបានខិតខំកសាងនូវហេដ្ឋារចនាសម្ព័ន្ធនានា ឆ្លើយតបទៅនឹងតម្រូវការចាំបាច់របស់ពួកគាត់ ហើយជួយលើកកម្ពស់កម្រិតជីវភាព ។ ជាមួយគ្នានោះ គណៈកម្មការអន្តរក្រសួង ក៏បានស្នើទៅកាន់អាជ្ញាធរមូលដ្ឋាន ចូលរួមទប់ស្កាត់ នូវការដឹកលើសទម្ងន់ ដែលធ្វើឲ្យផ្លូវឆាប់រងការខូចខាត់ ហើយអំពាវនាវដល់ប្រជាពលរដ្ឋដែលរស់នៅអមសងខាងផ្លូវ និងអ្នកធ្វើដំណើរពីទីកន្លែងនានា សូមចូលរួមថែទាំ ដើម្បីធានាថាអាចប្រើប្រាស់បានយូរអង្វែង៕ អត្ថបទ បាន សុខរិទ្ធិ

BREAKING NEWS ទាហានថៃ បើកការបាញ់ប្រហារមកលើប្រជាពលរដ្ឋស៊ីវិល នៅភូមិព្រៃចាន់ បង្កឱ្យមានរបួសពលរដ្ឋខ្មែរ ៥នាក់

នៅល្ងាចថ្ងៃទី១២ ខែវិច្ឆិកា ឆ្នាំ២០២៥ ទាហានថៃបានបើកការបាញ់ប្រហារមកលើប្រជាពលរដ្ឋស៊ីវិលនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បង្កឱ្យមានពលរដ្ឋខ្មែរ ៥នាក់ បានរបួស។ នេះបើយើងតាមអាជ្ញាធរមូលដ្ឋានរាយការណ៍បឋម។

អន្តរភាគីពិភាក្សា និងផ្តល់ធាតុចូលលើលក្ខន្តិកៈសមាគម និងសៀវភៅបន្ទុកម៉ាកសម្គាល់ភូមិសាស្រ្តទំនិញ “ក្តាមថ្មកោះកុង”

នាថ្ងៃពុធ ទី១២ ខែវិច្ឆិកា ឆ្នាំ២០២៥ ឯកឧត្តម កឹម សុខុន រដ្ឋលេខាធិការក្រសួងពាណិជ្ជកម្ម និងមន្ត្រីជំនាញ បានអញ្ជើញជាគណៈអធិបតីដឹកនាំកិច្ចប្រជុំពិភាក្សា ស្តីពី ការពិនិត្យ និងផ្តល់ធាតុចូលលើលក្ខន្តិកៈសមាគម និងសៀវភៅបន្ទុកម៉ាកសម្គាល់ភូមិសាស្រ្តទំនិញ “ក្តាមថ្មកោះកុង”។កិច្ចប្រជុំនេះ មានការចូលរួមពី ឯកឧត្តម ឃី វិបុលបុត្រា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក ឈេង សុវណ្ណដា អភិបាលរងនៃគណៈអភិបាលខេត្តកោះកុង លោកប្រធានមន្ទីរពាណិជ្ជកម្មខេត្តកោះកុង លោក លោកស្រីប្រធានមន្ទីរខេត្តពាក់ព័ន្ធ តំណាងសាខា ក.ប.ប ខេត្តកោះកុង អ្នកជំនាញការរបស់អង្គការកម្មសិទ្ធិបញ្ញាពិភពលោក (WIPO) លោកមេស្រុក និងអាជ្ញាធរមូលដ្ឋានពាក់ព័ន្ធ ព្រមទាំងលោកប្រធានសហគមន៍តំបន់ការពារធម្មជាតិ ពាមក្រសោប និងសមាជិក ក្នុងខេត្តកោះកុង ជាច្រើនរូប។ជាលទ្ធផល អង្គសិក្ខាសាលាបាន៖- ទី១. ពិនិត្យ និងផ្តល់ធាតុចូលលើសេចក្តីព្រាងសៀវភៅបន្ទុកម៉ាកសម្គាល់ភូមិសាស្រ្តទំនិញ “ក្តាមថ្មកោះកុង” រួមមាន៖ ការកំណត់ ពូជ ប្រភេទក្តាមថ្ម វិធីសាស្រ្ត និងរដូវប្រមូលផល តំបន់នេសាទ និងចិញ្ចឹមក្តាមថ្មកោះកុង ព្រមទាំងលក្ខណៈពិសេសរបស់ក្តាមថ្មកោះកុង- ទី២. បានពិនិត្យ និងផ្តល់ធាតុចូលលើលក្ខន្តិកៈសមាគម អំពីតួនាទី និងភារកិច្ចរបស់សមាគម និងការពិនិត្យលទ្ធភាពក្នុងការរួមបញ្ចូលគ្នារវាងសហគមន៍ក្នុងស្រុកចំនួន ៥ និងការរៀបចំបង្កើតទីស្នាក់ការដាច់ដោយឡែកមួយ ដើម្បីគ្រប់គ្រង និងត្រួតពិនិត្យគុណភាព និងអនុលោមភាពនៃសៀវភៅបន្ទុក និងលក្ខន្តិកៈរបស់ខ្លួន- ទី៣. កំណត់កិច្ចប្រជុំបន្ត ដើម្បីពិនិត្យ និងសម្រេចលើសៀវភៅបន្ទុក និងលក្ខន្តិកៈសមាគម និងការបោះឆ្នោតជ្រើសរើសប្រធានសមាគម ដែលគ្រោងនឹងប្រព្រឹត្តទៅនាសប្តាហ៍ទី ៣ នៃខែធ្នូ ឆ្នាំ២០២៥ ខាងមុខនេះ៕

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និងចែកចាយបារីអេឡិចត្រូនិក

ដោយរាជរដ្ឋាភិបាលបានសង្កេតឃើញថា មានការរីករាលដាល ការប្រើប្រាស់ឧបករណ៍អេឡិចត្រូនិក និងសារធាតុគីមីសម្រាប់ជក់ និងស៊ីស្សា ក្នុងចំណោម កុមារ និងយុវជន នៅក្នុងព្រះរាជាណាចក្រកម្ពុជា ដែលផ្តល់ផលប៉ះពាល់យ៉ាងខ្លាំង ដល់ សណ្តាប់ធ្នាប់សង្គម សុខភាពសាធារណៈ ជាពិសេសសុខភាពអ្នកសិក្សា និងបុគ្គលិក អប់រំ។ ដូចនេះដើម្បីបញ្ជ្រាបបន្ថែម ពីការប៉ះពាល់ការប្រើប្រាស់ផលិតផលទាំងនេះ ក្រសួងអធិការកិច្ច សហការជាមួយគណកម្មាធិការអន្តរក្រសួង នាព្រឹកថ្ងៃទី១២ ខែវិច្ឆកា ឆ្នាំ២០២៥នេះ បានរៀបចំវេទិកាសុខភាពផ្សព្វផ្សាយ ទប់ស្កាត់ហានិភ័យ ការប្រើប្រាស់និងចែកចាយបារីអេឡិចត្រូនិចនិងសារធតុគីមីសម្រាប់ជក់ នៅទីស្តីការក្រសួងអធិការកិច្ច។ក្នុងវេទិការនោះដែរ វាគ្មិនលោកវេជ្ជ.មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជាបានឡើងធ្វើបទបង្ហាញ ផលប៉ះពាល់នៃបារីអេឡិចត្រូនិកលើសុខភាព និងបង្ហាញរូបរាងច្រើនបែបច្រើនទំហំជាទូទៅ ក្នុងបារីអេឡិចត្រូនិកមាន ថ្មអគ្គីសនី ប្រព័ន្ធកំដៅ និងកន្លែងផ្ទុក សូលុយស្យុង។ បារីអេឡិចត្រូនិកដុតកំដៅសូលុយស្យុងបង្កើតជាចំហាយសម្រាប់អ្នកជក់ស្រូបចូលទៅក្នុងសួត។ មនុស្សនៅ ជុំវិញអ្នកជក់បារីអេឡិចត្រូនិក ក៏អាចស្រូបចំហាយដែលអ្នកជក់បញ្ចេញមកវិញដែរ។ បារីអេឡិចត្រូនិកត្រូវបានគេផលិតឱ្យមាន រូបរាង ដូចបារីធម្មតា ស៊ីហ្គា បំពង់ឡៅ ប៊ិច ផ្លាស់(USB) ឬឧបករណ៍ប្រើប្រាស់ប្រចាំថ្ងៃផ្សេងទៀត។ បារីអេឡិចត្រូនិកត្រូវបានគេ ហៅថា Vape ផងដែរ។ក្នុងឱកាសនោះដែរ លោកជំទាវវេជ្ជបណ្ឌិត សូ ឆវីរត្ន អនុប្រធានលេខាដ្ឋាននៃគណៈកម្មាធិការអន្តរក្រសួងស្តីពីសុខភាពសិក្សា នៃក្រសួងអប់រំ យុវជន និងកីឡា បានបញ្ជាក់ពីផលប៉ះពាល់នៃបារីអេឡិចត្រូនិក ដែលត្រូវហាមឃាត់ក្នុងបរិវេណ គ្រឹះស្ថានសិក្សាសាធារណៈ។ នេះមិនមែនជាឧបករណ៍សម្រាប់ផ្តាច់ការជក់បារីនោះទេ ប៉ុន្តែជាផលិតផលដែលមានផលប៉ះពាល់ដល់ សង្គម ក្រុមគ្រួសារ និងបង្កគ្រោះថ្នាក់ធ្ងន់ធ្ងរដល់សុខភាព ដូចជាបង្កជំងឺមហារីក ជំងឺសួត បង្កើនហានិភ័យជំងឺបេះដូង ធ្វើឱ្យខួរក្បាលមានដំណើរការមិនប្រក្រតីក្នុងអំឡុងពេលប្រើប្រាស់ និងប៉ះពាល់យូរអង្វែងដល់ការលូតលាស់ ខួរក្បាលរបស់កុមារនិងយុវវ័យ ព្រមទាំងបង្កអន្តរាយដល់រាងកាយ។ លោកជំទាវ វង់ មយូរា រដ្ឋលេខាធិការ ប្រធានគណ:កម្មាធិការសុខភាពសិក្សា និង ជាប្រធានក្រុមការងារបញ្ជ្រាបយេនឌ័រ នៃក្រសួងអធិការកិច្ចមានប្រសាសន៍ថា ការកសាងមូលធនមនុស្ស គឺសំដៅទៅលើការពង្រឹងសុខភាព ចំណេះដឹង និងបំណិន វេទិកាសុខភាពនាពេលនេះពិតជាមានសារៈសំខាន់ណាស់ ក្នុងការចូលរួមចំណែកអនុវត្តគោលនយោបាយជាតិស្តីពី សុខភាពសិក្សា សំដៅលើកកម្ពស់គុណភាពអប់រំ តាមរយៈការផ្តល់នូវចំណេះដឹងពីសុខភាព ស្របតាមការលូតលាស់រាងកាយ និងស្មារតីប្រកបដោយលក្ខណៈវិទ្យាសាស្ត្រ បង្ការជម្ងឺឆ្លង ជម្ងឺមិនឆ្លង និងគ្រោះថ្នាក់ផ្សេងៗ។ជាមួយគ្នានោះ លោកជំទាវ រដ្ឋលេខាធិការក្រសួងអធិការកិច្ច ជឿជាក់ថាតាមរយៈវេទិការ សុខភាព ដែលសហការជាមួយ គណៈកម្មាធិការអន្តរក្រសួងពេលនេះ និងបានបន្តបញ្រ្ជាបដល់ក្នុងចំណោមកុមារ និងយុវជន សំដៅរួមចំណែក បង្ការនិងទប់ស្កាត់គ្រោះថ្នាក់ដែលបង្កឡើងដោយបារីអេឡិចត្រូនិច ព្រមទាំងលើកកម្ពស់ការយល់ដឹងអំពីការថែទាំសុខភាព និង ជួយផ្សព្វផ្សាយបន្តនូវបទបញ្ជា០០២របស់រាជរដ្ឋាភិបាល។ ព្រោះការប្រើប្រាស់ផលិតផលទាំងអស់នេះអាចជាច្រកផ្លូវទៅកាន់ ការប្រើប្រាស់គ្រឿងញៀន ខុសច្បាប់ផ្សេងទៀត ព្រោះប្រភេទឧបករណ៍អេឡិចត្រូនិក ដូចជាបារីអេឡិចត្រូនិក ផលិតផល HTP អាចប្រើសម្រាប់ជក់គ្រឿងញៀនផ្សេងទៀតបាន ដែលនាំអោយកុមារ និងយុវជនឈានទៅជក់បារីធម្មតាបាន នៅពេលដែលពួកគេញៀន នឹងសារធាតុនីកូទីន ដែលជាកត្តានាំដល់កំណើន នៃជម្ងឺមិនឆ្លងនៅក្នុងសង្គម៕

វិស័យសន្តិសុខស្បៀង និងអាហារូបត្ថម្ភ មានសារៈសំខាន់ក្នុងការចូលរួមចំណែកអភិវឌ្ឍមូលធនមនុស្ស បង្កើនប្រសិទ្ធភាពការងារ ជំរុញកំណើនសេដ្ឋកិច្ច និងវឌ្ឍនភាពសង្គម

កំពង់ឆ្នាំង៖ ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី និងជាប្រធានក្រុមប្រឹក្សាស្តារ អភិវឌ្ឍន៍វិស័យកសិកម្ម និងជនបទ នៅថ្ងៃទី១២ ខែវិច្ឆិកា ឆ្នាំ២០២៥នេះ បានថ្លែងក្នុងទិវាជាតិលើកទី១២ ក្រោមប្រធានបទ អារហារូបត្ថម្ភដើម្បីសន្តិភាព សន្តិភាពដើម្បីអារហាររូបត្ថម្ភ ថា «វិស័យសន្តិសុខស្បៀង និងអាហារូបត្ថម្ភ មានសារៈសំខាន់ណាស់ក្នុងការចូលរួមចំណែកអភិវឌ្ឍមូលធនមនុស្ស បង្កើនប្រសិទ្ធភាពការងារ ជំរុញកំណើនសេដ្ឋកិច្ច និងវឌ្ឍនភាពសង្គម» ដូចនេះគ្រប់ម្ចាស់អាជីវកម្មបន្តយកចិត្តទុកដាក់លើការផលិត និងចែកចាយស្របតាមស្ដង់ដារបច្ចេកទេស។ ឯកឧត្តមបណ្ឌិតសភាចារ្យ អ៊ុក រ៉ាប៊ុន បានថ្លែងថា៖ ទោះបីបច្ចុប្បន្ន ផលិតផលក្នុងស្រុកកំពុងទទួលបានការគាំទ្រច្រើនពីសំណាក់ប្រជាពលរដ្ឋទូទាំងប្រទេស ក្រោយពហិកាមិនប្រើផលិតផលថៃក៏ដោយ ប៉ុន្តែឯកឧត្តម ចង់ឃើញការគាំទ្រនេះកាន់តែផុសផុលបន្ថែមទៀត ដែលទាមទារឱ្យគ្រប់ម្ចាស់អាជីវកម្មបន្តយកចិត្តទុកដាក់លើការផលិត និងចែកចាយស្របតាមស្ដង់ដារបច្ចេកទេស។ ឯកឧត្តមបានសំណូមពរដល់ប្រជាពលរដ្ឋគ្រប់រូប, រដ្ឋបាលថ្នាក់ក្រោមជាតិ, ម្ចាស់ក្រុមហ៊ុនសិប្បកម្ម, អ្នកប្រកបមុខរបរអាជីវកម្មម្ហូបអាហារ, ផ្សារទំនើប, ភោជនីយដ្ឋាននានា, គ្រឹះស្ថានសិក្សា, រមណីយដ្ឋានទេសចរណ៍ និងអ្នកលក់ដូរអាហារតាមដងផ្លូវ សូមចូលរួមប្រើប្រាស់ផលិតផលក្នុងស្រុក ដោយត្រូវយកចិត្តទុកដាក់ខ្ពស់ក្នុងការផលិត កែច្នៃ រក្សាទុក និងចែកចាយផលិតផលម្ហូបអាហារ ទាំងម្ហូបអាហារស្រស់ និងឆ្អិនស្រាប់ឱ្យមានអនាម័យ មានសុវត្ថិភាព និងមានគុណភាពស្របតាមស្ដង់ដារបច្ចេកទេស និងមានលក្ខខណ្ឌតម្រូវស្ដីពីអនាម័យ និងសុវត្ថិភាពម្ហូបអាហារ៕ កាំង ហុងវាស្នា

សហព័ន្ធសភាពាណិជ្ជកម្មអារ៉ាប៊ីសាអ៊ូឌីត នឹងមកពិនិត្យសក្តានុពលកម្ពុជានៅខែធ្នូខាងមុខ

នាឱកាសដឹកនាំគណៈប្រតិភូជាន់ខ្ពស់ក្រសួងទេសចរណ៍ ចូលរួមមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism - 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប៊ីសាអ៊ូឌីត ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានជួបពិភាក្សាការងារកម្រិតខ្ពស់ជាមួយឯកឧត្តម Hassan Al-Huwaizy ប្រធានក្រុមប្រឹក្សាសភាពាណិជ្ជកម្មអារ៉ាប៊ីសាអូឌីត និងសហការីជាពាណិជ្ជករធំៗ ពីស្ថានភាពពិត នៃនយោបាយ សេដ្ឋកិច្ច សង្គម សក្តានុពលទេសចរណ៍ និងកាលានុវត្តភាពវិនិយោគ យន្តការលើកទឹកចិត្តដល់វិនិយោគិន ព្រមទាំងបទដ្ឋានគតិយុត្តក្នុងការវិនិយោគលើវិស័យទេសចរណ៍ និងបដិសណ្ឋារកិច្ច។ បន្ទាប់ពីជំនួបពិភាក្សាការងារ នាថ្ងៃទី១១ ខែវិច្ឆិកា ឆ្នាំ២០២៥ នេះ ឯកឧត្តមប្រធានក្រុមប្រឹក្សា បានជម្រាបពីគោលបំណង និងការចាប់អារម្មណ៍លើសក្តានុពលទេសចរណ៍ដ៏សម្បូរបែបដែលជាទីផ្សារទើបនឹងរះ និងកាលានុវត្តន៍ភាពវិនិយោគដ៏ល្អរបស់កម្ពុជា ដោយបានជម្រាបជូន ឯកឧត្តមរដ្ឋមន្រី្ត ពីការត្រៀមរៀបចំដឹកនាំគណៈប្រតិភូជាពាណិជ្ជករធំៗ ពីគ្រប់វិស័យ និងផ្នែកដែលជាសមាជិករបស់សហព័ន្ធ ទៅពិនិត្យ និងឈ្វេងយល់ផ្ទាល់នៅព្រះរាជាណាចក្រកម្ពុជាខែធ្នូខាងមុខនេះ។សូមបញ្ជាក់ជូនថា សហព័ន្ធសភាពាណិជ្ជកម្មអារ៉ាប៊ីសាអូឌីត គឺជាឆ័ត្រ និងជាតំណាងស្របច្បាប់តែមួយគត់របស់សហគមន៍ធុរកិច្ចអារ៉ាប៊ីសាអូឌីត សម្រាប់គ្រប់ក្រុម គ្រប់វិស័យ និងតំបន់ផ្សេងៗរបស់ខ្លួន នៃព្រះរាជាណាចក្រអារ៉ាប៊ីសាអូឌីត៕

កាកបាទក្រហមកម្ពុជា បន្ដចុះផ្សព្វផ្សាយដល់និស្សិតស្តីពី “កម្ពុជាឆ្ពោះទៅបញ្ចប់អេដស៍ និងផលប៉ះពាល់ដោយជំងឺមិនឆ្លង”

ក្នុងដំណើរឈានឆ្ពោះទៅទិវាពិភពលោកប្រយុទ្ធនឹងជំងឺអេដស៍១ធ្នូ ក្រោមមូលបទ៖ “យកឈ្នះការរំខាន បរិវត្តកម្មឆ្លើយតបនឹងជំងឺអេដស៍ "Overcoming disruption, transforming the AIDS response" នារសៀលថ្ងៃទី១១ ខែវិច្ឆិកា ឆ្នាំ២០២៥នេះ ក្រុមការងារឥស្សរជនឆ្នើមថ្នាក់ជាតិ នៃកាកបាទក្រហមកម្ពុជា បានរៀបចំពិធីអប់រំផ្សព្វផ្សាយស្តីពី “កម្ពុជាឆ្ពោះទៅបញ្ចប់អេដស៍ និងផលប៉ះពាល់ដោយជំងឺមិនឆ្លង” ជូនដល់សាស្ត្រាចារ្យ គណៈគ្រប់គ្រង បុគ្គលិក យុវជន ប្រមាណ ៣០០អង្គ/នាក់ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច ក្រោមអធិបតីភាពឯកឧត្តមបណ្ឌិតសាស្ដ្រាចារ្យ លុយ ចណ្ណា សាកលវិទ្យាធិការ និងជាប្រធានកិត្តិយសក្លឹបយុវជនកាកបាទក្រហមកម្ពុជា នៃសាលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច ឯកឧត្តម រឿត សុខុន នាយករង នាយកដ្ឋានធនធានមនុស្សកាកបាទក្រហមកម្ពុជា ផងដែរ។ក្នុងឱកាសអញ្ជើញជាអធិបតីក្នុងពិធីផ្សព្វផ្សាយនេះ ឯកឧត្តមបណ្ឌិតសាស្ដ្រាចារ្យ លុយ ចណ្ណា សាកលវិទ្យាធិការ និងជាប្រធានកិត្តិយសក្លឹបយុវជនកាកបាទក្រហមកម្ពុជា នៃសាលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច បានថ្លែងបញ្ជាក់គោលបំណងនៃកម្មវិធីផ្សព្វផ្សាយនេះ ក្នុងនាមលោកជំទាវអគ្គលេខាធិការកាកបាទក្រហមកម្ពុជា ដើម្បីឈានឆ្ពោះទៅទិវាពិភពលោកប្រយុទ្ធនឹងជំងឺអេដស៍១ធ្នូ ក្រោមមូលបទ៖ “យកឈ្នះការរំខាន បរិវត្តកម្មឆ្លើយតបនឹងជំងឺអេដស៍ "Overcoming disruption, transforming the AIDS response"។ ឯកឧត្តម រឿត សុខុន នាយករង នាយកដ្ឋានធនធានមនុស្ស កាកបាទក្រហមកម្ពុជា បានធ្វើបទបង្ហាញអំពីគោរមងារឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ីប៉ាស៊ីហ្វិក ឆ្លើយតបមេរោគអេដស៍/ជំងឺអេដស៍ និងការអភិវឌ្ឍនៅកម្ពុជា ១៧ វិច្ឆិកា ២០០៦ និងជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខាធិការអង្គការសហប្រជាជាតិដើម្បីសុខភាពស្ត្រី និងកុមារ ២១ កុម្ភៈ ឆ្នាំ២០១១។លោកបណ្ឌិត វ៉ា សុភ័ក្ត្រ លេខាក្រុមការងារឥស្សរជនឆ្នើមថ្នាក់ជាតិ ធ្វើបទបង្ហាញអំពីមូលបទ៖ យកឈ្នះការរំខានបរិវត្តកម្មឆ្លើយតបនឹងជំងឺអេដស៍ ក្នុងដំណើរឈានឆ្ពោះទៅទិវាពិភពលោកប្រយុទ្ធនឹងជំងឺអេដស៍១ធ្នូ ដោយបានលើកជាសំណួរមួយចំនួនមានដូចជា៖ មូលបទ៖ យកឈ្នះការរំខាន បរិវត្តកម្មឆ្លើយតបនឹងជំងឺអេដស៍ មានន័យដូចម្តេច? ធ្វើម្តេចអាចដឹងថា បុគ្គលម្នាក់មានផ្ទុកមេរោគអេដស៍? តើមេរោគអេដស៍ឆ្លងតាមណា? ហេតុអ្វីបានជាអង្គការសហប្រជាជាតិជ្រើសយកប្រធានបទនេះ? លោកបណ្ឌិត វ៉ា សុភ័ក្ត្រ ក៏បានបង្ហាញផងដែរអំពីវឌ្ឍនភាព ធៀបនឹងគោលដៅ ៩៥-៩៥-៩៥ នៅឆ្នាំ២០២៤ គឺ៩៥ទី១ សម្រេចបាន៩២% ៩៥ទី២ សម្រេចបាន១០០% និង៩៥ទី៣ សម្រេចបាន៩៨%, ព្រមទាំងបានលើកពីការឆ្លងថ្មី នៃមេរោគអេដស៍ក្នុងចំណោមយុវវ័យ, ក្រុមប្រជាជនគន្លឹះក្នុងសង្គម, ក្រុមប្រជាជនគន្លឹះ តាមខេត្ត និងអត្រាប្រេវ៉ាឡង់ នៃជំងឺកាមរោគ ក្នុងចំណោមក្រុមប្រឈម។ ជាបន្ថែមលោកបណ្ឌិតបានលើកសំណួរថា តើយើងគិតថា គួរប្រព្រឹត្តដូចម្តេចដើម្បីធានាថា មិនប្រឈមនឹងមេរោគអេដស៍? និងតើធ្វើដូចម្តេច ទើបមានសុខភាពល្អ?ជាមួយគ្នានេះក្រុមការងារក៏បាននាំយកទៅជាមួយនូវរង្វាន់ និងវត្ថុអនុស្សវរីយ៍មួយចំនួនជូនដល់យុវនិស្សិតចំនួន ១០រូបដែល ស្វាហាប់ឆ្លើយនឹងសំណួរក្រុមបច្ចេកទេសផងដែរ៕

បណ្ដាញសង្គម

ព័ត៌មានថ្មីៗ

ត្រីមាសទី១ឆ្នាំនេះ កម្ពុជាប្រមូលថវិកាពីដៃគូ និងការបោះលក់មូលបត្រមានទំហំជាង ៥៦១ លានដុល្លារ សម្រាប់តម្រូវការអភិវឌ្ឍ

ជនជាតិវៀតណាម ១៨០នាក់ទៀត ពាក់ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា

Napoli ទិញផ្តាច់ Rasmus Hojlund ពី Manchester United តម្លៃ ៥០ លានអឺរ៉ូ

មនុស្សរាប់ពាន់នាក់នៅអាហ្សង់ទីន តវ៉ាប្រឆាំងអំពើហិង្សាលើស្ត្រី ក្នុងពេលមានកំហឹងចំពោះការសម្លាប់ស្ត្រីជំទង់ម្នាក់

វត្ថុអនុស្សាវរីយ៍បាល់ទាត់ពិភពលោកតម្លៃជាង ២លានផោនត្រូវដាក់ដេញថ្លៃនៅទីក្រុងឡុងដ៍

នគរបាល បណ្តេញក្រុមអ្នកតវ៉ា ចេញពីរោងចក្រប្រេងនៅប្រទេសបូលីវី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ពលរដ្ឋខ្មែរនៅភូមិព្រៃចាន់ ខេត្តបន្ទាយមានជ័យរងរបួស៥នាក់ ក្រោយយោធាថៃបើកការបាញ់ប្រហារនៅល្ងាចថ្ងៃទី១២នេះ

ក្រសួងអភិវឌ្ឍន៍ជនបទកំពុងខិតខំកសាងហេដ្ឋារចនាសម្ព័ន្ធ ឆ្លើយតបទៅនឹងតម្រូវការចាំបាច់របស់ពលរដ្ឋ

BREAKING NEWS ទាហានថៃ បើកការបាញ់ប្រហារមកលើប្រជាពលរដ្ឋស៊ីវិល នៅភូមិព្រៃចាន់ បង្កឱ្យមានរបួសពលរដ្ឋខ្មែរ ៥នាក់

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និងចែកចាយបារីអេឡិចត្រូនិក

សហព័ន្ធសភាពាណិជ្ជកម្មអារ៉ាប៊ីសាអ៊ូឌីត នឹងមកពិនិត្យសក្តានុពលកម្ពុជានៅខែធ្នូខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ក្រសួងអភិវឌ្ឍន៍ជនបទកំពុងខិតខំកសាងហេដ្ឋារចនាសម្ព័ន្ធ ឆ្លើយ​តបទៅនឹ​ង​តម្រូវ​ការ​ចាំ​បាច់​របស់​ពលរដ្ឋ

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និង​ចែកចាយ​បារី​អេឡិចត្រូនិក

សហព័ន្ធសភាពាណិជ្ជកម្មអារ៉ាប៊ីសាអ៊ូឌីត នឹងមកពិនិត្យសក្តានុពលកម្ពុជានៅខែធ្នូខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រសួងអភិវឌ្ឍន៍ជនបទកំពុងខិតខំកសាងហេដ្ឋារចនាសម្ព័ន្ធ ឆ្លើយតបទៅនឹងតម្រូវការចាំបាច់របស់ពលរដ្ឋ

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និងចែកចាយបារីអេឡិចត្រូនិក