BTV NEWS

កម្ពុជាដាក់ចេញព្រះរាជក្រឹត្យស្តីពី «លក្ខន្តិកៈនៃអង្គគ្រូបង្រៀន» ដើម្បីកែទម្រង់អង្គគ្រូបង្រៀន លើកកម្ពស់គុណវុឌ្ឍិគ្រូបង្រៀន និងស្តង់ដារអប់រំ

ឯកឧត្តម ប្រាក់ សុខុន និងឯកឧត្តម វ៉ាង វិនពីន អញ្ជើញចុះហត្ថលេខាលើកិច្ចព្រមព្រៀងមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង ឆ្នាំ២០២៦

គណៈកម្មការទី៧នៃរដ្ឋសភា ចុះស្វែងយល់ពីស្ថានភាពអប់រំ និងបញ្ហាប្រឈមក្នុងស្រុកកំពង់ត្រឡាច ខេត្តកំពង់ឆ្នាំង

គ្រូពេទ្យកាន់តែល្អ ការថែទាំកាន់តែមានសុវត្ថិភាព៖ ព្រះរាជក្រឹត្យថ្មីធានានូវសេវាថែទាំសុខភាពប្រកបដោយក្រមសីលធម៌ និងគុណភាពខ្ពស់សម្រាប់ប្រជាពលរដ្ឋ

ព័ត៌មានជាតិ

BREAKING NEWS ទាហានថៃ បើកការបាញ់ប្រហារមកលើប្រជាពលរដ្ឋស៊ីវិល នៅភូមិព្រៃចាន់ បង្កឱ្យមានរបួសពលរដ្ឋខ្មែរ ៥នាក់

នៅល្ងាចថ្ងៃទី១២ ខែវិច្ឆិកា ឆ្នាំ២០២៥ ទាហានថៃបានបើកការបាញ់ប្រហារមកលើប្រជាពលរដ្ឋស៊ីវិលនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បង្កឱ្យមានពលរដ្ឋខ្មែរ ៥នាក់ បានរបួស។ នេះបើយើងតាមអាជ្ញាធរមូលដ្ឋានរាយការណ៍បឋម។

អន្តរភាគីពិភាក្សា និងផ្តល់ធាតុចូលលើលក្ខន្តិកៈសមាគម និងសៀវភៅបន្ទុកម៉ាកសម្គាល់ភូមិសាស្រ្តទំនិញ “ក្តាមថ្មកោះកុង”

នាថ្ងៃពុធ ទី១២ ខែវិច្ឆិកា ឆ្នាំ២០២៥ ឯកឧត្តម កឹម សុខុន រដ្ឋលេខាធិការក្រសួងពាណិជ្ជកម្ម និងមន្ត្រីជំនាញ បានអញ្ជើញជាគណៈអធិបតីដឹកនាំកិច្ចប្រជុំពិភាក្សា ស្តីពី ការពិនិត្យ និងផ្តល់ធាតុចូលលើលក្ខន្តិកៈសមាគម និងសៀវភៅបន្ទុកម៉ាកសម្គាល់ភូមិសាស្រ្តទំនិញ “ក្តាមថ្មកោះកុង”។កិច្ចប្រជុំនេះ មានការចូលរួមពី ឯកឧត្តម ឃី វិបុលបុត្រា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក ឈេង សុវណ្ណដា អភិបាលរងនៃគណៈអភិបាលខេត្តកោះកុង លោកប្រធានមន្ទីរពាណិជ្ជកម្មខេត្តកោះកុង លោក លោកស្រីប្រធានមន្ទីរខេត្តពាក់ព័ន្ធ តំណាងសាខា ក.ប.ប ខេត្តកោះកុង អ្នកជំនាញការរបស់អង្គការកម្មសិទ្ធិបញ្ញាពិភពលោក (WIPO) លោកមេស្រុក និងអាជ្ញាធរមូលដ្ឋានពាក់ព័ន្ធ ព្រមទាំងលោកប្រធានសហគមន៍តំបន់ការពារធម្មជាតិ ពាមក្រសោប និងសមាជិក ក្នុងខេត្តកោះកុង ជាច្រើនរូប។ជាលទ្ធផល អង្គសិក្ខាសាលាបាន៖- ទី១. ពិនិត្យ និងផ្តល់ធាតុចូលលើសេចក្តីព្រាងសៀវភៅបន្ទុកម៉ាកសម្គាល់ភូមិសាស្រ្តទំនិញ “ក្តាមថ្មកោះកុង” រួមមាន៖ ការកំណត់ ពូជ ប្រភេទក្តាមថ្ម វិធីសាស្រ្ត និងរដូវប្រមូលផល តំបន់នេសាទ និងចិញ្ចឹមក្តាមថ្មកោះកុង ព្រមទាំងលក្ខណៈពិសេសរបស់ក្តាមថ្មកោះកុង- ទី២. បានពិនិត្យ និងផ្តល់ធាតុចូលលើលក្ខន្តិកៈសមាគម អំពីតួនាទី និងភារកិច្ចរបស់សមាគម និងការពិនិត្យលទ្ធភាពក្នុងការរួមបញ្ចូលគ្នារវាងសហគមន៍ក្នុងស្រុកចំនួន ៥ និងការរៀបចំបង្កើតទីស្នាក់ការដាច់ដោយឡែកមួយ ដើម្បីគ្រប់គ្រង និងត្រួតពិនិត្យគុណភាព និងអនុលោមភាពនៃសៀវភៅបន្ទុក និងលក្ខន្តិកៈរបស់ខ្លួន- ទី៣. កំណត់កិច្ចប្រជុំបន្ត ដើម្បីពិនិត្យ និងសម្រេចលើសៀវភៅបន្ទុក និងលក្ខន្តិកៈសមាគម និងការបោះឆ្នោតជ្រើសរើសប្រធានសមាគម ដែលគ្រោងនឹងប្រព្រឹត្តទៅនាសប្តាហ៍ទី ៣ នៃខែធ្នូ ឆ្នាំ២០២៥ ខាងមុខនេះ៕

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និងចែកចាយបារីអេឡិចត្រូនិក

ដោយរាជរដ្ឋាភិបាលបានសង្កេតឃើញថា មានការរីករាលដាល ការប្រើប្រាស់ឧបករណ៍អេឡិចត្រូនិក និងសារធាតុគីមីសម្រាប់ជក់ និងស៊ីស្សា ក្នុងចំណោម កុមារ និងយុវជន នៅក្នុងព្រះរាជាណាចក្រកម្ពុជា ដែលផ្តល់ផលប៉ះពាល់យ៉ាងខ្លាំង ដល់ សណ្តាប់ធ្នាប់សង្គម សុខភាពសាធារណៈ ជាពិសេសសុខភាពអ្នកសិក្សា និងបុគ្គលិក អប់រំ។ ដូចនេះដើម្បីបញ្ជ្រាបបន្ថែម ពីការប៉ះពាល់ការប្រើប្រាស់ផលិតផលទាំងនេះ ក្រសួងអធិការកិច្ច សហការជាមួយគណកម្មាធិការអន្តរក្រសួង នាព្រឹកថ្ងៃទី១២ ខែវិច្ឆកា ឆ្នាំ២០២៥នេះ បានរៀបចំវេទិកាសុខភាពផ្សព្វផ្សាយ ទប់ស្កាត់ហានិភ័យ ការប្រើប្រាស់និងចែកចាយបារីអេឡិចត្រូនិចនិងសារធតុគីមីសម្រាប់ជក់ នៅទីស្តីការក្រសួងអធិការកិច្ច។ក្នុងវេទិការនោះដែរ វាគ្មិនលោកវេជ្ជ.មុំ គង់ នាយកប្រតិបត្តិអង្គការចលនាដើម្បីសុខភាពកម្ពុជាបានឡើងធ្វើបទបង្ហាញ ផលប៉ះពាល់នៃបារីអេឡិចត្រូនិកលើសុខភាព និងបង្ហាញរូបរាងច្រើនបែបច្រើនទំហំជាទូទៅ ក្នុងបារីអេឡិចត្រូនិកមាន ថ្មអគ្គីសនី ប្រព័ន្ធកំដៅ និងកន្លែងផ្ទុក សូលុយស្យុង។ បារីអេឡិចត្រូនិកដុតកំដៅសូលុយស្យុងបង្កើតជាចំហាយសម្រាប់អ្នកជក់ស្រូបចូលទៅក្នុងសួត។ មនុស្សនៅ ជុំវិញអ្នកជក់បារីអេឡិចត្រូនិក ក៏អាចស្រូបចំហាយដែលអ្នកជក់បញ្ចេញមកវិញដែរ។ បារីអេឡិចត្រូនិកត្រូវបានគេផលិតឱ្យមាន រូបរាង ដូចបារីធម្មតា ស៊ីហ្គា បំពង់ឡៅ ប៊ិច ផ្លាស់(USB) ឬឧបករណ៍ប្រើប្រាស់ប្រចាំថ្ងៃផ្សេងទៀត។ បារីអេឡិចត្រូនិកត្រូវបានគេ ហៅថា Vape ផងដែរ។ក្នុងឱកាសនោះដែរ លោកជំទាវវេជ្ជបណ្ឌិត សូ ឆវីរត្ន អនុប្រធានលេខាដ្ឋាននៃគណៈកម្មាធិការអន្តរក្រសួងស្តីពីសុខភាពសិក្សា នៃក្រសួងអប់រំ យុវជន និងកីឡា បានបញ្ជាក់ពីផលប៉ះពាល់នៃបារីអេឡិចត្រូនិក ដែលត្រូវហាមឃាត់ក្នុងបរិវេណ គ្រឹះស្ថានសិក្សាសាធារណៈ។ នេះមិនមែនជាឧបករណ៍សម្រាប់ផ្តាច់ការជក់បារីនោះទេ ប៉ុន្តែជាផលិតផលដែលមានផលប៉ះពាល់ដល់ សង្គម ក្រុមគ្រួសារ និងបង្កគ្រោះថ្នាក់ធ្ងន់ធ្ងរដល់សុខភាព ដូចជាបង្កជំងឺមហារីក ជំងឺសួត បង្កើនហានិភ័យជំងឺបេះដូង ធ្វើឱ្យខួរក្បាលមានដំណើរការមិនប្រក្រតីក្នុងអំឡុងពេលប្រើប្រាស់ និងប៉ះពាល់យូរអង្វែងដល់ការលូតលាស់ ខួរក្បាលរបស់កុមារនិងយុវវ័យ ព្រមទាំងបង្កអន្តរាយដល់រាងកាយ។ លោកជំទាវ វង់ មយូរា រដ្ឋលេខាធិការ ប្រធានគណ:កម្មាធិការសុខភាពសិក្សា និង ជាប្រធានក្រុមការងារបញ្ជ្រាបយេនឌ័រ នៃក្រសួងអធិការកិច្ចមានប្រសាសន៍ថា ការកសាងមូលធនមនុស្ស គឺសំដៅទៅលើការពង្រឹងសុខភាព ចំណេះដឹង និងបំណិន វេទិកាសុខភាពនាពេលនេះពិតជាមានសារៈសំខាន់ណាស់ ក្នុងការចូលរួមចំណែកអនុវត្តគោលនយោបាយជាតិស្តីពី សុខភាពសិក្សា សំដៅលើកកម្ពស់គុណភាពអប់រំ តាមរយៈការផ្តល់នូវចំណេះដឹងពីសុខភាព ស្របតាមការលូតលាស់រាងកាយ និងស្មារតីប្រកបដោយលក្ខណៈវិទ្យាសាស្ត្រ បង្ការជម្ងឺឆ្លង ជម្ងឺមិនឆ្លង និងគ្រោះថ្នាក់ផ្សេងៗ។ជាមួយគ្នានោះ លោកជំទាវ រដ្ឋលេខាធិការក្រសួងអធិការកិច្ច ជឿជាក់ថាតាមរយៈវេទិការ សុខភាព ដែលសហការជាមួយ គណៈកម្មាធិការអន្តរក្រសួងពេលនេះ និងបានបន្តបញ្រ្ជាបដល់ក្នុងចំណោមកុមារ និងយុវជន សំដៅរួមចំណែក បង្ការនិងទប់ស្កាត់គ្រោះថ្នាក់ដែលបង្កឡើងដោយបារីអេឡិចត្រូនិច ព្រមទាំងលើកកម្ពស់ការយល់ដឹងអំពីការថែទាំសុខភាព និង ជួយផ្សព្វផ្សាយបន្តនូវបទបញ្ជា០០២របស់រាជរដ្ឋាភិបាល។ ព្រោះការប្រើប្រាស់ផលិតផលទាំងអស់នេះអាចជាច្រកផ្លូវទៅកាន់ ការប្រើប្រាស់គ្រឿងញៀន ខុសច្បាប់ផ្សេងទៀត ព្រោះប្រភេទឧបករណ៍អេឡិចត្រូនិក ដូចជាបារីអេឡិចត្រូនិក ផលិតផល HTP អាចប្រើសម្រាប់ជក់គ្រឿងញៀនផ្សេងទៀតបាន ដែលនាំអោយកុមារ និងយុវជនឈានទៅជក់បារីធម្មតាបាន នៅពេលដែលពួកគេញៀន នឹងសារធាតុនីកូទីន ដែលជាកត្តានាំដល់កំណើន នៃជម្ងឺមិនឆ្លងនៅក្នុងសង្គម៕

វិស័យសន្តិសុខស្បៀង និងអាហារូបត្ថម្ភ មានសារៈសំខាន់ក្នុងការចូលរួមចំណែកអភិវឌ្ឍមូលធនមនុស្ស បង្កើនប្រសិទ្ធភាពការងារ ជំរុញកំណើនសេដ្ឋកិច្ច និងវឌ្ឍនភាពសង្គម

កំពង់ឆ្នាំង៖ ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី និងជាប្រធានក្រុមប្រឹក្សាស្តារ អភិវឌ្ឍន៍វិស័យកសិកម្ម និងជនបទ នៅថ្ងៃទី១២ ខែវិច្ឆិកា ឆ្នាំ២០២៥នេះ បានថ្លែងក្នុងទិវាជាតិលើកទី១២ ក្រោមប្រធានបទ អារហារូបត្ថម្ភដើម្បីសន្តិភាព សន្តិភាពដើម្បីអារហាររូបត្ថម្ភ ថា «វិស័យសន្តិសុខស្បៀង និងអាហារូបត្ថម្ភ មានសារៈសំខាន់ណាស់ក្នុងការចូលរួមចំណែកអភិវឌ្ឍមូលធនមនុស្ស បង្កើនប្រសិទ្ធភាពការងារ ជំរុញកំណើនសេដ្ឋកិច្ច និងវឌ្ឍនភាពសង្គម» ដូចនេះគ្រប់ម្ចាស់អាជីវកម្មបន្តយកចិត្តទុកដាក់លើការផលិត និងចែកចាយស្របតាមស្ដង់ដារបច្ចេកទេស។ ឯកឧត្តមបណ្ឌិតសភាចារ្យ អ៊ុក រ៉ាប៊ុន បានថ្លែងថា៖ ទោះបីបច្ចុប្បន្ន ផលិតផលក្នុងស្រុកកំពុងទទួលបានការគាំទ្រច្រើនពីសំណាក់ប្រជាពលរដ្ឋទូទាំងប្រទេស ក្រោយពហិកាមិនប្រើផលិតផលថៃក៏ដោយ ប៉ុន្តែឯកឧត្តម ចង់ឃើញការគាំទ្រនេះកាន់តែផុសផុលបន្ថែមទៀត ដែលទាមទារឱ្យគ្រប់ម្ចាស់អាជីវកម្មបន្តយកចិត្តទុកដាក់លើការផលិត និងចែកចាយស្របតាមស្ដង់ដារបច្ចេកទេស។ ឯកឧត្តមបានសំណូមពរដល់ប្រជាពលរដ្ឋគ្រប់រូប, រដ្ឋបាលថ្នាក់ក្រោមជាតិ, ម្ចាស់ក្រុមហ៊ុនសិប្បកម្ម, អ្នកប្រកបមុខរបរអាជីវកម្មម្ហូបអាហារ, ផ្សារទំនើប, ភោជនីយដ្ឋាននានា, គ្រឹះស្ថានសិក្សា, រមណីយដ្ឋានទេសចរណ៍ និងអ្នកលក់ដូរអាហារតាមដងផ្លូវ សូមចូលរួមប្រើប្រាស់ផលិតផលក្នុងស្រុក ដោយត្រូវយកចិត្តទុកដាក់ខ្ពស់ក្នុងការផលិត កែច្នៃ រក្សាទុក និងចែកចាយផលិតផលម្ហូបអាហារ ទាំងម្ហូបអាហារស្រស់ និងឆ្អិនស្រាប់ឱ្យមានអនាម័យ មានសុវត្ថិភាព និងមានគុណភាពស្របតាមស្ដង់ដារបច្ចេកទេស និងមានលក្ខខណ្ឌតម្រូវស្ដីពីអនាម័យ និងសុវត្ថិភាពម្ហូបអាហារ៕ កាំង ហុងវាស្នា

សហព័ន្ធសភាពាណិជ្ជកម្មអារ៉ាប៊ីសាអ៊ូឌីត នឹងមកពិនិត្យសក្តានុពលកម្ពុជានៅខែធ្នូខាងមុខ

នាឱកាសដឹកនាំគណៈប្រតិភូជាន់ខ្ពស់ក្រសួងទេសចរណ៍ ចូលរួមមហាសន្និបាតលើកទី២៦ នៃអង្គការទេសចរណ៍សហប្រជាជាតិ (UN Tourism - 26th General Assembly) នៅរាជធានីរីយ៉ាដ ព្រះរាជាណាចក្រអារ៉ាប៊ីសាអ៊ូឌីត ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានជួបពិភាក្សាការងារកម្រិតខ្ពស់ជាមួយឯកឧត្តម Hassan Al-Huwaizy ប្រធានក្រុមប្រឹក្សាសភាពាណិជ្ជកម្មអារ៉ាប៊ីសាអូឌីត និងសហការីជាពាណិជ្ជករធំៗ ពីស្ថានភាពពិត នៃនយោបាយ សេដ្ឋកិច្ច សង្គម សក្តានុពលទេសចរណ៍ និងកាលានុវត្តភាពវិនិយោគ យន្តការលើកទឹកចិត្តដល់វិនិយោគិន ព្រមទាំងបទដ្ឋានគតិយុត្តក្នុងការវិនិយោគលើវិស័យទេសចរណ៍ និងបដិសណ្ឋារកិច្ច។ បន្ទាប់ពីជំនួបពិភាក្សាការងារ នាថ្ងៃទី១១ ខែវិច្ឆិកា ឆ្នាំ២០២៥ នេះ ឯកឧត្តមប្រធានក្រុមប្រឹក្សា បានជម្រាបពីគោលបំណង និងការចាប់អារម្មណ៍លើសក្តានុពលទេសចរណ៍ដ៏សម្បូរបែបដែលជាទីផ្សារទើបនឹងរះ និងកាលានុវត្តន៍ភាពវិនិយោគដ៏ល្អរបស់កម្ពុជា ដោយបានជម្រាបជូន ឯកឧត្តមរដ្ឋមន្រី្ត ពីការត្រៀមរៀបចំដឹកនាំគណៈប្រតិភូជាពាណិជ្ជករធំៗ ពីគ្រប់វិស័យ និងផ្នែកដែលជាសមាជិករបស់សហព័ន្ធ ទៅពិនិត្យ និងឈ្វេងយល់ផ្ទាល់នៅព្រះរាជាណាចក្រកម្ពុជាខែធ្នូខាងមុខនេះ។សូមបញ្ជាក់ជូនថា សហព័ន្ធសភាពាណិជ្ជកម្មអារ៉ាប៊ីសាអូឌីត គឺជាឆ័ត្រ និងជាតំណាងស្របច្បាប់តែមួយគត់របស់សហគមន៍ធុរកិច្ចអារ៉ាប៊ីសាអូឌីត សម្រាប់គ្រប់ក្រុម គ្រប់វិស័យ និងតំបន់ផ្សេងៗរបស់ខ្លួន នៃព្រះរាជាណាចក្រអារ៉ាប៊ីសាអូឌីត៕

កាកបាទក្រហមកម្ពុជា បន្ដចុះផ្សព្វផ្សាយដល់និស្សិតស្តីពី “កម្ពុជាឆ្ពោះទៅបញ្ចប់អេដស៍ និងផលប៉ះពាល់ដោយជំងឺមិនឆ្លង”

ក្នុងដំណើរឈានឆ្ពោះទៅទិវាពិភពលោកប្រយុទ្ធនឹងជំងឺអេដស៍១ធ្នូ ក្រោមមូលបទ៖ “យកឈ្នះការរំខាន បរិវត្តកម្មឆ្លើយតបនឹងជំងឺអេដស៍ "Overcoming disruption, transforming the AIDS response" នារសៀលថ្ងៃទី១១ ខែវិច្ឆិកា ឆ្នាំ២០២៥នេះ ក្រុមការងារឥស្សរជនឆ្នើមថ្នាក់ជាតិ នៃកាកបាទក្រហមកម្ពុជា បានរៀបចំពិធីអប់រំផ្សព្វផ្សាយស្តីពី “កម្ពុជាឆ្ពោះទៅបញ្ចប់អេដស៍ និងផលប៉ះពាល់ដោយជំងឺមិនឆ្លង” ជូនដល់សាស្ត្រាចារ្យ គណៈគ្រប់គ្រង បុគ្គលិក យុវជន ប្រមាណ ៣០០អង្គ/នាក់ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច ក្រោមអធិបតីភាពឯកឧត្តមបណ្ឌិតសាស្ដ្រាចារ្យ លុយ ចណ្ណា សាកលវិទ្យាធិការ និងជាប្រធានកិត្តិយសក្លឹបយុវជនកាកបាទក្រហមកម្ពុជា នៃសាលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច ឯកឧត្តម រឿត សុខុន នាយករង នាយកដ្ឋានធនធានមនុស្សកាកបាទក្រហមកម្ពុជា ផងដែរ។ក្នុងឱកាសអញ្ជើញជាអធិបតីក្នុងពិធីផ្សព្វផ្សាយនេះ ឯកឧត្តមបណ្ឌិតសាស្ដ្រាចារ្យ លុយ ចណ្ណា សាកលវិទ្យាធិការ និងជាប្រធានកិត្តិយសក្លឹបយុវជនកាកបាទក្រហមកម្ពុជា នៃសាលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច បានថ្លែងបញ្ជាក់គោលបំណងនៃកម្មវិធីផ្សព្វផ្សាយនេះ ក្នុងនាមលោកជំទាវអគ្គលេខាធិការកាកបាទក្រហមកម្ពុជា ដើម្បីឈានឆ្ពោះទៅទិវាពិភពលោកប្រយុទ្ធនឹងជំងឺអេដស៍១ធ្នូ ក្រោមមូលបទ៖ “យកឈ្នះការរំខាន បរិវត្តកម្មឆ្លើយតបនឹងជំងឺអេដស៍ "Overcoming disruption, transforming the AIDS response"។ ឯកឧត្តម រឿត សុខុន នាយករង នាយកដ្ឋានធនធានមនុស្ស កាកបាទក្រហមកម្ពុជា បានធ្វើបទបង្ហាញអំពីគោរមងារឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ីប៉ាស៊ីហ្វិក ឆ្លើយតបមេរោគអេដស៍/ជំងឺអេដស៍ និងការអភិវឌ្ឍនៅកម្ពុជា ១៧ វិច្ឆិកា ២០០៦ និងជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខាធិការអង្គការសហប្រជាជាតិដើម្បីសុខភាពស្ត្រី និងកុមារ ២១ កុម្ភៈ ឆ្នាំ២០១១។លោកបណ្ឌិត វ៉ា សុភ័ក្ត្រ លេខាក្រុមការងារឥស្សរជនឆ្នើមថ្នាក់ជាតិ ធ្វើបទបង្ហាញអំពីមូលបទ៖ យកឈ្នះការរំខានបរិវត្តកម្មឆ្លើយតបនឹងជំងឺអេដស៍ ក្នុងដំណើរឈានឆ្ពោះទៅទិវាពិភពលោកប្រយុទ្ធនឹងជំងឺអេដស៍១ធ្នូ ដោយបានលើកជាសំណួរមួយចំនួនមានដូចជា៖ មូលបទ៖ យកឈ្នះការរំខាន បរិវត្តកម្មឆ្លើយតបនឹងជំងឺអេដស៍ មានន័យដូចម្តេច? ធ្វើម្តេចអាចដឹងថា បុគ្គលម្នាក់មានផ្ទុកមេរោគអេដស៍? តើមេរោគអេដស៍ឆ្លងតាមណា? ហេតុអ្វីបានជាអង្គការសហប្រជាជាតិជ្រើសយកប្រធានបទនេះ? លោកបណ្ឌិត វ៉ា សុភ័ក្ត្រ ក៏បានបង្ហាញផងដែរអំពីវឌ្ឍនភាព ធៀបនឹងគោលដៅ ៩៥-៩៥-៩៥ នៅឆ្នាំ២០២៤ គឺ៩៥ទី១ សម្រេចបាន៩២% ៩៥ទី២ សម្រេចបាន១០០% និង៩៥ទី៣ សម្រេចបាន៩៨%, ព្រមទាំងបានលើកពីការឆ្លងថ្មី នៃមេរោគអេដស៍ក្នុងចំណោមយុវវ័យ, ក្រុមប្រជាជនគន្លឹះក្នុងសង្គម, ក្រុមប្រជាជនគន្លឹះ តាមខេត្ត និងអត្រាប្រេវ៉ាឡង់ នៃជំងឺកាមរោគ ក្នុងចំណោមក្រុមប្រឈម។ ជាបន្ថែមលោកបណ្ឌិតបានលើកសំណួរថា តើយើងគិតថា គួរប្រព្រឹត្តដូចម្តេចដើម្បីធានាថា មិនប្រឈមនឹងមេរោគអេដស៍? និងតើធ្វើដូចម្តេច ទើបមានសុខភាពល្អ?ជាមួយគ្នានេះក្រុមការងារក៏បាននាំយកទៅជាមួយនូវរង្វាន់ និងវត្ថុអនុស្សវរីយ៍មួយចំនួនជូនដល់យុវនិស្សិតចំនួន ១០រូបដែល ស្វាហាប់ឆ្លើយនឹងសំណួរក្រុមបច្ចេកទេសផងដែរ៕

សិក្ខាសាលាពិគ្រោះយោបល់លើកទី២ ស្តីពី «ការអភិវឌ្ឍផែនការការងារ ACCSM និង ACCSM+3 ឆ្នាំ២០២៦-២០៣០» បានឈានដល់ថ្ងៃទី២

តាមការគ្រោងទុក សមាជិកប្រទេសអាស៊ាន លេខាធិការដ្ឋានអាស៊ាន និងទីប្រឹក្សាគម្រោង បានប្រជុំពិភាក្សាជាមួយគណៈកម្មការមុខងារសាធារណៈអូស្រ្តាលី តាមប្រព័ន្ធអនឡាញ ដើម្បីចែករំលែកបទពិសោធ ក៏ដូចជាពិភាក្សារួមគ្នា ក្នុងគោលដៅប្រមូលធាតុចូល និងគំនិតផ្តួចផ្តើមថ្មីៗ ក្នុងការកំណត់រៀបចំ ឬកែសម្រួលសូចនាករ នៅក្នុងផែនការងារ ACCSM ឆ្នាំ២០២៦-២០៣០។ចំណុចអាទិភាព(ACCSM Priority Area) ទាំងនោះរួមមាន៖ (១)Public Sector Capability, Values, and Leadership (២)Intergrity, Ethics, and Anti-Corruption (៣)Productivity and Innovation។ ទន្ទឹមនេះ គណៈកម្មការមុខងារសាធារណៈអូស្រ្តាលីក៏បាន ចែករំលែកពីបទពិសោធផ្ទាល់ខ្លួនតាមរយៈការធ្វើបទបង្ហាញដែលពាក់ព័ន្ធនឹងចំណុចអាទិភាព(ACCSM Priority Area) ទាំងនេះផងដែរ។ជាការកត់សម្គាល់ នៅក្នុងបទបង្ហាញរបស់គណៈកម្មការមុខងារសាធារណៈអូស្រ្តាលី បានបង្ហាញការចាប់រអាម្មណ៍ និងគាំទ្រលើគម្រោង «Better Service Delivery» ដែលជាគំនិតផ្តួចផ្តើមរបស់ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ហើយបានថ្លែងការរំពឹងទុកថានឹងចូលរួមសហការគាំទ្រជាមួយគម្រោងនេះជាបន្តបន្ទាប់៕

សមាគមជប៉ុន-កម្ពុជា ប្ដេជ្ញាបន្តកិច្ចសហប្រតិបត្តិការក្នុងវិស័យសុខាភិបាល ដើម្បីរួមចំណែកក្នុងការជំរុញការរីកចម្រើនផ្នែកធុរកិច្ច និងការអភិវឌ្ឍសង្គម-សេដ្ឋកិច្ចនៅកម្ពុជា

កាលពីថ្ងៃទី១១ ខែវិច្ឆិកា ឆ្នាំ២០២៥ នៅទីស្តីការក្រសួងសុខាភិបាល ឯកឧត្តមសាស្រ្តាចារ្យ កុយ វ៉ាន់នី រដ្ឋលេខាធិការក្រសួងសុខាភិបាល បានទទួលជួបឯកឧត្តម តាកាហាស៊ី ហ្វូមីអាគី (Fumiaki Takahashi) ប្រធានសមាគមជប៉ុន-កម្ពុជា និងគណៈប្រតិភូធុរជនក្រុមហ៊ុនសហគ្រាសជប៉ុន។ជាកិច្ចចាប់ផ្ដើម ឯកឧត្តមសាស្ត្រាចារ្យរដ្ឋលេខាធិការ បានពាំនាំនូវការផ្ដាំផ្ញើការសួរសុខទុក្ខពី ឯកឧត្តមសាស្ត្រាចារ្យរដ្ឋមន្ត្រី និងបានសំដែងនូវការស្វាគមន៍ និងថ្លែងអំណរគុណចំពោះ ឯកឧត្តម តាកាហាស៊ី ហ្វូមីអាគី ដែលកន្លងមកតែងតែជួយគាំទ្រ ដល់ការអភិវឌ្ឍវិស័យសុខាភិបាល តាមរយៈការជួយសម្របសម្រួលផ្តល់ហិរញ្ញប្បទានឥតសំណង ក្រោមក្របខ័ណ្ឌជំនួយសហប្រតិបត្តិការបច្ចេកទេស របស់រដ្ឋាភិបាលជប៉ុនដល់វិស័យសុខាភិបាលកម្ពុជា ទាំងក្នុងនាមជាឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសជប៉ុនប្រចាំកម្ពុជា និងក្នុងនាមជាប្រធានសមាគមកម្ពុជា-ជប៉ុន។ឯកឧត្តមប្រធានសមាគម បានជម្រាបជូនពីគោលបំណងនៃកិច្ចជំនួបនាឱកាសនេះ ដើម្បីដឹកនាំក្រុមការងារ សហគ្រាសធុនតូច និងមធ្យម ដែលមានចំណាប់អារម្មណ៍ចង់វិនិយោគលើវិស័យសុខាភិបាល ក្នុងការបង្កើតមជ្ឈមណ្ឌលបណ្ដុះបណ្ដាលគិលានុបដ្ឋាក ការថែទាំសុខភាព ផលិតផលបរិក្ខារវេជ្ជសាស្ត្រ គ្រឿងសម្អាង និងការបណ្ដុះបណ្ដាលផ្នែកវេជ្ជសាស្ត្រ នៅប្រទេសកម្ពុជា និងស្នើសុំការណែនាំ ក៏ដូចជាសុំការសហការគាំទ្ររបស់ក្រសួងសុខាភិបាលផងដែរ។ឯកឧត្តមប្រធានសមាគម បានសន្យាបន្តពង្រឹង និងពង្រីកកិច្ចសហប្រតិបត្តិការ គាំទ្រផែនការអាទិភាពរបស់ក្រសួងសុខាភិបាល ព្រមទាំងជួយពង្រីកវិសាលភាពនៃកិច្ចសហប្រតិបត្តិការទ្វេភាគីកម្ពុជា-ជប៉ុន លើវិស័យសុខាភិបាល ដោយខិតខំជាបន្ថែមទៀត ជំរុញឱ្យសមាគមធុរកិច្ចជប៉ុន សហការ និងបង្កើនទំនាក់ទំនងការងារ ជាមួយភាគីពាក់ព័ន្ធនៃប្រទេសទាំងពីរ។ឯកឧត្តមសាស្ត្រាចារ្យរដ្ឋលេខាធិការ បានថ្លែងអំណរគុណយ៉ាងជ្រាលជ្រៅបំផុតជូនដល់ប្រជាជន និងរដ្ឋាភិបាលជប៉ុន ជាពិសេស ឯកឧត្តមប្រធានសមាគម ដែលបានបញ្ជាក់ជំហរគាំទ្ររួមចំណែកជាមួយនឹងកិច្ចខិតខំប្រឹងប្រែងរបស់ក្រសួងសុខាភិបាលនៃព្រះរាជាណាចក្រកម្ពុជា ក្នុងការលើកកម្ពស់សុខុមាលភាពរបស់ប្រជាជនកម្ពុជា ដើម្បីឈានទៅសម្រេចបាននូវការគ្របដណ្តប់សុខភាពជាសកលស្របតាមយុទ្ធសាស្រ្តបញ្ចកោណ នៃរាជរដ្ឋាភិបាលអាណត្តិទី៧ ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

នាយឧត្តមសេនីយ៍ ខ្វាន់ ស៊ាម អញ្ជើញចុះពិនិត្យវឌ្ឍនភាពការស្ថាបនាផ្លូវខ្សែក្រវាត់ព្រំដែនកម្ពុជា-វៀតណាមក្នុងភូមិសាស្ត្រ ខេត្តមណ្ឌលគិរី

មណ្ឌលគិរី៖ នៅថ្ងៃទី១០-១១ ខែវិច្ចិកា ឆ្នាំ២០២៥ នាយឧត្តមសេនីយ៍ ខ្វាន់ ស៊ាម អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ បញ្ជាការដ្ឋានវិស្វកម្ម អនុប្រធានក្រុមការងារចំពោះកិច្ចគ្រប់គ្រងមូលនិធិកសាងហេដ្ឋារចនាសម្ព័ន្ធតាមព្រំដែន បានដឹកនាំក្រុមការងារអញ្ជើញចុះពិនិត្យការដ្ឋាន ផ្លូវតភ្ជាប់ ផ្លូវខ្សែក្រវាត់ព្រំដែនកម្ពុជា-វៀតណាម ក្នុងភូមិសាស្ត្រស្រុកពេជ្រាដា និងស្រុកអូររាំង ខេត្តមណ្ឌលគិរី ។នាយឧត្តមសេនីយ៍ ខ្វាន់ ស៊ាម បានកោតសរសើរចំពោះ មេបញ្ជាការ មេបញ្ជាការរង និងនាយទាហាន នាយទាហានរង ពលទាហាន នៃបញ្ជាការដ្ឋានវិស្វកម្ម អគ្គបញ្ជាការ ដែលក្នុងរយៈពេលកន្លងមកនេះ បានយកចិត្តទុកដាក់ ពុះពារជម្នះរាល់ឧបសគ្គ គ្រោះថ្នាក់ ការលំបាក និងធ្វើពលិកម្មគ្រប់បែបយ៉ាង ខិតខំប្រឹងប្រែង ធ្វើការស្ថាបនាផ្លូវខ្សែក្រវាត់ព្រំដែនកម្ពុជា-វៀតណាម ក្នុងភូមិសាស្ត្រស្រុកពេជ្រាដា និងស្រុកអូររាំង ខេត្តមណ្ឌលគិរី ដែលរហូតមកដល់ថ្ងៃនេះ គឺសម្រេចបានលទ្ធផលយ៉ាងច្រើន គួរឱ្យកត់សម្គាល់ ។សមិទ្ធផលផ្លូវខ្សែក្រវាត់ព្រំដែនទាំងអស់នេះជាមរតកប្រវត្តិសាស្រ្ត មានតម្លៃជាយុទ្ធសាស្ត្រមិនអាចកាត់ថ្លៃបាន ហើយបាននឹងកំពុងសម្រេចចេញជារូបរាងយ៉ាងល្អរឹងមាំក្រោមការដឹកនាំរបស់រាជរដ្ឋាភិបាល៕

ក្រសួងអភិវឌ្ឍន៍ជនបទ ស្ថាបនាផ្លូវបេតុងជាបន្តបន្ទាប់ ដើម្បីលើកកម្រិតគុណភាពផ្លូវនៅជនបទឲ្យស្របតាមការរីកចម្រើនរបស់ប្រជាពលរដ្ឋនៅមូលដ្ឋាន

ក្រសួងអភិវឌ្ឍន៍ជនបទ បានចាប់ផ្ដើមស្ថាបនាផ្លូវចាក់បេតុង ចំនួន១ខ្សែប្រវែងជាង ១ពាន់ម៉ែត្រ ដើម្បីជួយលើកកម្ពស់កម្រិតជីវភាព របស់ប្រជាពលរដ្ឋនៅមូលដ្ឋាន និងជាចំណែកក្នុងការចូលរួមជំរុញកំណើនសេដ្ឋកិច្ចជាតិ ។ដោយផ្លូវបេតុង១ខ្សែនេះ ចែកចេញជា២កំណាត់ ដែលមានទទឹង៦ម៉ែត្រ កម្រាស២តឹក រួមជាមួយនឹងការដាក់លូមូល ដោយផ្លូវ១កំណាត់ធ្វើនៅភូមិក្រោលគោ និងមួយកំណាត់ទៀតនៅភូមិពោង ឃុំសំបួរមាស ស្រុកមុខកំពូល ខេត្តកណ្ដាល ដែលស្ថាបនាដោយកងវិស្វកម្ម នៃក្រសួងការពារជាតិ ដឹកនាំដោយឧត្តមសេនីយ៍ទោ សោម សុដេត ។ក្នុងឱកាសតំណាងឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ សម្ពោធបើកការដ្ឋានស្ថាបនាផ្លូវបេតុង នៅថ្ងៃទី១២ ខែវិច្ឆិកា ឆ្នាំ២០២៥ ឯកឧត្តមបណ្ឌិត សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទ មានប្រសាសន៍ថា រាជរដ្ឋាភិបាល បាននឹងកំពុងខិតខំអភិវឌ្ឍន៍ប្រទេសជាតិ លើគ្រប់វិស័យឱ្យកាន់តែមានភាពរីកចម្រើន ដោយបានដាក់ចេញ នូវយុទ្ធសាស្ត្របញ្ចកោណ ដែលកំណត់អាទិភាពគន្លឹះ៥ រួមមានមនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ជាបាវចនា ដើម្បីកំណើនការងារ សមធម៌ ប្រសិទ្ធភាព និងចីរភាព ។ឯកឧត្តមបណ្ឌិតបន្តថា ទន្ទឹមនេះ ក្រសួងអភិវឌ្ឍន៍ជនបទកំពុងពន្លឿនកិច្ចអភិវឌ្ឍន៍ និងជំរុញការអនុវត្តនូវយុទ្ធសាស្ដ្រសំខាន់ៗ គឺទី១. អភិវឌ្ឍហេដ្ឋារចនាសម្ព័ន្ធរូបវន្ត និងគមនាគមន៍ជនបទប្រទាក់ក្រឡា ខិតខំលើកកម្ពស់កម្រិតគុណភាពផ្លូវពីផ្លូវដីស និងផ្លូវដីល្បាយក្រួស ទៅជាផ្លូវក្រាលកៅស៊ូពីរជាន់ និងផ្លូវបេតុង, ទី២. លើកកម្ពស់ការទទួលបានទឹកស្អាត និងអនាម័យបរិស្ថានជនបទ តាមរយៈជំរុញអត្រាគ្របដណ្ដប់ នៃការផ្គត់ផ្គង់ទឹកស្អាត និងអនាម័យជនបទ ១០០%, ទី៣. ការជំរុញអភិវឌ្ឍសហគមន៍ជនបទ និងចលនាភូមិគំរូ តាមរយៈការជំរុញអភិវឌ្ឍសហគមន៍ជនបទ និងចលនាភូមិគំរូ ដែលជាការអភិវឌ្ឍភូមិចម្រុះឱ្យប្រែក្លាយទៅជាភូមិគំរូ, ទី៤. លើកកម្ពស់ការធ្វើពិពិធកម្មសេដ្ឋកិច្ចជនបទ តាមរយៈការបណ្តុះបណ្តាលជំនាញមូលដ្ឋានបំណិនជីវិត និងទី៥. ការពង្រឹងស្ថាប័ន និងកិច្ចការតាមរយៈបណ្ដុះបណ្ដាល ពង្រឹងសមត្ថភាពមន្ដ្រីរាជការគ្រប់លំដាប់ថ្នាក់, ការរៀបចំនូវសណ្ដាប់ធ្នាប់ និងការពង្រឹងសាមគ្គីភាព ដើម្បីចូលរួមចំណែកអនុវត្តការងារប្រកបដោយប្រសិទ្ធភាព និងការទទួលខុសត្រូវ ។ជាមួយនេះ ឯកឧត្តមរដ្ឋលេខាធិការ បានអំពាវនាវ ដល់ប្រជាពលរដ្ឋសូមជួយសម្របសម្រួល ក្នុងការស្ថាបនាផ្លូវនេះ ឲ្យបានចប់តាមផែនការ ជាមួយនឹងការសូមយោគយល់ ពីការស្ថាបនានេះ នៅពេលមានការរំខានណាមួយ ។អាជ្ញាធរ និងប្រជាពលរដ្ឋ ក្នុងឃុំសំបួរមាស បានថ្លែងអំណរគុណដល់រាជរដ្ឋាភិបាល និងក្រសួងអភិវឌ្ឍន៍ជនបទ ដែលបានខិតខំកសាងហេដ្ឋារចនាសម្ព័ន្ធផ្លូវបេតុង ក្នុងមូលដ្ឋានរបស់ពួកគេ ដែលការអភិវឌ្ឍន៍នេះ គឺត្រូវចំចំណុចត្រូវការជាចាំបាច់ ក្នុងការជួយជំរុញកំណើនសេដ្ឋកិច្ច ជាមួយនឹងការប្ដេជ្ញាចូលរួមធ្វើយ៉ាងណាឲ្យផ្លូវនេះ ដំណើរការស្ថាបនាដោយរលូន និងឆាប់បានប្រើប្រាស់ ដើម្បីធ្វើដំណើរទៅកាន់ទីកន្លែងផ្សេងៗបានស្រួល សុវត្ថិភាព និងឆាប់រហ័ស ៕ អត្ថបទ បាន សុខរិទ្ធិ

បណ្ដាញសង្គម

ព័ត៌មានថ្មីៗ

លោក Trump៖ អាមេរិកនឹងទទួលបានអ៊ុយរ៉ានីញ៉ូមរបស់អ៊ីរ៉ង់ ហើយចង់ផ្ដាច់សង្គ្រាមលីបង់ចេញពីការចរចា

រដ្ឋមន្ត្រីការបរទេស៖ អ៊ីរ៉ង់មិនត្រូវការសង្គ្រាមទេ ប៉ុន្តែត្រៀមខ្លួនរួចជាស្រេចដើម្បីទប់ទល់នឹងជម្លោះឲ្យបានយូរ

កូវ៉ែតកោះអញ្ជើញឯកអគ្គរដ្ឋទូតអ៊ីរ៉ង់ និងបណ្តេញអ្នកការទូតពីរនាក់ បន្ទាប់ពីមានការវាយប្រហារពីក្រុងតេអេរ៉ង់

កងទ័ព៖ អ៊ីស្រាអែលត្រៀមខ្លួនជាស្រេចដើម្បីបន្តប្រតិបត្តិការយោធាប្រឆាំងអ៊ីរ៉ង់ នៅពេលណាក៏បាន

UN៖ ជំនួយជាង ១.000 កេស បានចូលទៅក្នុងតំបន់ហ្កាហ្សា ទោះបីជាមានការរឹតបន្តឹងថ្មីក៏ដោយ

UN៖ ប្រជាជនជិត ៥ លាននាក់ នៅប្រទេសយេម៉ែន ប្រឈមនឹងអសន្តិសុខស្បៀងយ៉ាងធ្ងន់ធ្ងរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

BREAKING NEWS ទាហានថៃ បើកការបាញ់ប្រហារមកលើប្រជាពលរដ្ឋស៊ីវិល នៅភូមិព្រៃចាន់ បង្កឱ្យមានរបួសពលរដ្ឋខ្មែរ ៥នាក់

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និងចែកចាយបារីអេឡិចត្រូនិក

សហព័ន្ធសភាពាណិជ្ជកម្មអារ៉ាប៊ីសាអ៊ូឌីត នឹងមកពិនិត្យសក្តានុពលកម្ពុជានៅខែធ្នូខាងមុខ

សិក្ខាសាលាពិគ្រោះយោបល់លើកទី២ ស្តីពី «ការអភិវឌ្ឍផែនការការងារ ACCSM និង ACCSM+3 ឆ្នាំ២០២៦-២០៣០» បានឈានដល់ថ្ងៃទី២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និង​ចែកចាយ​បារី​អេឡិចត្រូនិក

សហព័ន្ធសភាពាណិជ្ជកម្មអារ៉ាប៊ីសាអ៊ូឌីត នឹងមកពិនិត្យសក្តានុពលកម្ពុជានៅខែធ្នូខាងមុខ

សិក្ខាសាលាពិគ្រោះយោបល់លើកទី២ ស្តីពី «ការអភិវឌ្ឍផែនការការងារ ACCSM និង ACCSM+3 ឆ្នាំ២០២៦-២០៣០» បានឈានដល់ថ្ងៃទី២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អន្តរក្រសួងសហការផ្សព្វផ្សាយពីហានិភ័យផ្នែកសុខភាពបង្កដោយការប្រើប្រាស់ និងចែកចាយបារីអេឡិចត្រូនិក