BTV NEWS

ចាប់ពីថ្ងៃទី២៧ ខែមិថុនាដល់ថ្ងៃទី១៦ ខែកក្កដានេះ គ.ប.ឆ.ប. បង្រ្កាប ONLINESCAMS ២០ទីតាំងឃាត់ខ្លួនជនសង្ស័យ ១.៣៦២ នាក់ ក្នុងនោះជនជាតិវៀតណាម ៣៤៧នាក់

រាជរដ្ឋាភិបាលបានកំណត់តម្លៃនិងតួនាទីព្រៃឈើ ដោយមិនកាត់ផ្តាច់ចេញពីវិស័យអាទិភាពរបស់រដ្ឋ

ឯកឧត្តមឧបនាយករដ្ឋមន្ត្រី ប្រាក់ សុខុន អញ្ជើញធ្វើបាឋកថាស្តីពី «សភាពការណ៍អន្តរជាតិ និងនយោបាយការបរទេសរបស់កម្ពុជា» ចែករំលែកដល់សិស្សមន្ត្រីសាលាភូមិន្ទរដ្ឋបាល

ក្រសួងការងារបដិសេធចំពោះជនខិលខូចប្រើប្រាស់រូប និងឈ្មោះ ឯកឧត្តម ហេង សួរ ក្នុងចេតនាឆបោកសាធារណជន

ព័ត៌មានជាតិ

កុមារកំព្រាមានពិការភាព និងអ្នកថែទាំ ទទួលបានការផ្តល់ម្ហូបអាហារពីសប្បុរសជន ក្នុងឱកាសពិធីបុណ្យកាន់បិណ្ឌ

លោកជំទាវ ជា ផល្គុន ឧត្តមភរិយា ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា រួមទាំងសប្បុរសជន បានអញ្ជើញផ្តល់អាហារ ដល់កុមារមានពិការភាព អូទីស្សឹម ខ្សោយសតិបញ្ញា ដោនស៊ីនដ្រូម កុមារកំព្រា ពិការភ្នែក កាយសម្បទា និងអ្នកថែទាំ ចំនួន ៣០០នាក់ នៅ“មជ្ឈមណ្ឌលទារក និងកុមារជាតិ”។លោកជំទាវ ជា ផល្គុន បានពាំនាំការ ផ្តាំផ្ញើសាកសួរសុខទុក្ខ ពី ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ជូនចំពោះ កុមារមានពិការភាព និងបងប្អូនទាំងអស់ដោយក្តីនឹករឭកបំផុត ដែលជានិច្ចកាល ឯកឧត្តម និងលោកជំទាវ តែងតែគិតគូរពីសុខទុក្ខ ផ្តល់ភាពកក់ក្តៅ ក្តីស្រឡាញ់ចំពោះ បងប្អូនជនមានពិការភាព ប្រជាពលរដ្ឋជួបការលំបាក អ្នកមានជំងឺ ចាស់ជរា និងជនងាយរងគ្រោះ ដោយមិនប្រកាន់រើសអើង។លោកជំទាវបន្តថា ការជួបជុំនាថ្ងៃនេះក៏បញ្ជាក់ដែរថា កុមារដែលស្នាក់នៅ និងទទួលការមើលថែទាំក្នុងមជ្ឈមណ្ឌលទារក និងកុមារជាតិ គឺមិនត្រូវបានបំភ្លេចចោលឡើយ។ ជនមានពិការភាព ក៏មានសិទ្ធិទទទួលបាននូវការស្រលាញ់រាប់អាន មានឱកាសចូលរួមរាល់សកម្មភាពនានាក្នុងសង្គមស្មើៗគ្នា និងត្រូវបានផ្តល់តម្លៃដែលជាចំណែកនៃកោសិកាសង្គមមិនអាចខ្វះបាន។ ជាពិសេសគឺមានការយកចិត្តទុកដាក់យ៉ាងខ្លាំងពីសំណាក់ថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា និងប្រមុខរាជរដ្ឋាភិបាលផងដែរ។លោកស្រី ថោង ពៅ បានលើកឡើងថា នៅក្នុងមជ្ឈមណ្ឌលទារក និងកុមារជាតិ មានកុមារ និងយុវជនមានពិការភាពចំនួន ១៩៥នាក់ រួមមានកុមារពិការចំនួន ១៧៦នាក់ កុមារ HIV ចំនួន៧នាក់ និងកុមារធម្មតា១២នាក់។ ដោយក្នុងនោះមានកុមារ និងយុវជនចំនួន ៨៧នាក់ អាច ញ៉ាំអាហារដោយខ្លួនឯងបាន និងកុមារនិងយុវជនចំនួន ១០៨នាក់ ត្រូវការអ្នកថែទាំបញ្ចុក។ កុមារចំនួន ៥០នាក់ ត្រូវញ៉ាំបបររ៉េហ្សីម និងកុមារចំនួន ៣៥នាក់ ត្រូវប្រើប្រាស់ (លេប) ថ្នាំប្រកាច់ជារៀងរាល់ថ្ងៃ។ កុមារដែលមាន អាយុចាប់ពី០១ឆ្នាំ ដល់១៨ឆ្នាំ មានចំនួន ១៣០នាក់ និងយុវជនអាយុលើ១៨ឆ្នាំ មានចំនួន ៦៥នាក់។ជារួមកុមារ និងយុវជនដែលរស់នៅក្នុងមជ្ឈមណ្ឌលទារក និងកុមារជាតិ មានអាយុចន្លោះពី១ខែ ដល់ ៤៣ឆ្នាំ។ កុមារនិងយុវជនទាំងនោះភាគច្រើន ទទួលពីមន្ទីរពេទ្យគន្ធបុប្ផា មន្ទីរពេទ្យកុមារជាតិ មន្ទីពេទ្យជប៉ុន និងទទួលពីអាជ្ញាធរ ដែនដីដែលត្រូវបានឪពុកម្តាយ ឬសាច់ញាតិបោះបង់ចោល ឬស្លាប់ចោល និងមួយចំនួនត្រូវ ឪពុកម្តាយបោះបង់ចោលនៅខាងមុខមជ្ឈមណ្ឌលតែម្តង។មជ្ឈមណ្ឌលទារក និងកុមារជាតិ បានទទួលការឧបត្ថម្ភ និងរបបប្រចាំថ្ងៃ តាមអនុក្រឹត្យលេខ ៩០ អនក្រ .បក ចុះថ្ងៃទី១៣ ខែកក្កដា ឆ្នាំ២០១៥ ស្តីពីការកែសម្រួលមាត្រា៧នៃអនុក្រឹត្យលេខ ១១៦ អនក្រ.បក ស្តីពី របបគោលនយោបាយចំពោះជនរងគ្រោះស្នាក់នៅក្នុងមជ្ឈមណ្ឌលរបស់រដ្ឋ ដោយបានដំឡើងប្រាក់ម្ហូបអាហារ ពី ៤៥.០០០រៀល ក្នុងមួយខែ ទៅ ១៥០.០០០រៀល ក្នុងខែ។ ផ្អែកតាមការឧបត្ថម្ភនេះ មជ្ឈមណ្ឌលបានផ្តល់នូវអាហារដល់កុមារចំនួន ០៣ពេល និងមានអាហារសម្រន់ ០២ពេល ក្នុងមួយថ្ងៃ រួមមាន៖ ទឹកសណ្តែក ឬទឹកដោះគោ នំចំណី និងផ្លែឈើផ្សេងៗ។លើកឡើងក្នុងឱកាសនោះផងដែរ ឯកឧត្តម ចាប តូ អនុរដ្ឋលេខាធិការ និងជាប្រធានសមាគមតន្រ្តីសំនៀងជនពិការបានលើកឡើងថា ក្នុងនាមជនមានពិការភាពកន្លងមក សមាគមតែងតែកៀរគរសប្បុរជន ដើម្បីចូលរួមធ្វើសកម្មភាព កិច្ចការងារសង្គមសប្បុរសធម៌ សម្របសម្រួលបញ្ហាសុខភាព ថវិកា សម្ភារៈជួយដល់ជនមានពិការភាព ចែករំលែកនូវក្តីស្រឡាញ់ អាហារទានជូនដល់កុមារ និងអ្នកថែទាំ ដោយមិនទុកឱ្យពួកគេនៅឯកោឡើយ។ឯកឧត្តមលើកឡើងដែរថា គិតត្រឹមថ្ងៃទី២៧ ខែសីហា ឆ្នាំ២០២៤ មានជនមានពិការភាពមានបណ្ណសមធម៌ចំនួន ៤៩,០២១ នាក់ បានចុះឈ្មោះចូលក្នុងកម្មវិធីអត្តសញ្ញាណកម្មគ្រួសារក្រីក្រ និងមានជនមានពិការភាពចំនួន ២១,១៨៤ នាក់ បានចុះឈ្មោះដើម្បីទទួលផលពីកម្មវិធីជាតិជំនួយសង្គមក្នុងកញ្ចប់គ្រួសារ ព្រមទាំងចំនួន ២៥០ នាក់ បានចុះឈ្មោះបណ្តុះបណ្តាលវិជ្ជាជីវៈ។ ដោយឡែក ជនមានពិការភាពដែលមានបណ្ណសម្គាល់ជនមានពិការភាពនៅរាជធានីខេត្តទាំង ២៥ កំពុងបន្តចុះឈ្មោះដើម្បីទទួលផលពីកម្មវិធីជាតិជំនួយសង្គមក្នុងកញ្ចប់គ្រួសារ។ផ្អែកតាមរបាយការណ៍អង្កេតសេដ្ឋកិច្ច សង្គមកម្ពុជាឆ្នាំ២០២១ របស់វិទ្យាស្ថានជាតិស្ថិតិនៃក្រសួងផែនការ បានបញ្ជាក់ថាអត្រាជនមានពិការភាព កម្ពុជា មានប្រមាណ ៥.៣% (ប្រមាណ ៨៧២,៥២៧ នាក់) នៃចំនួនប្រជាជនសរុបប្រមាណជាង ១៦លាននាក់៕ អត្ថបទ៖ គឹមហុក

ប្រធានក្រុមការងាររាជរដ្ឋាភិបាលចុះស្រុកបរិបូណ៌ នាំយកទេយ្យទានចង្ហាន់បិណ្ឌបាត្រ និងបច្ច័យប្រគេនព្រះសង្ឃ

កំពង់ឆ្នាំង៖ នៅថ្ងៃទី២៤ ខែកញ្ញា ឆ្នា២០២៤ ឯកឧត្តម លី ណារុន ប្រធានក្រុមការងាររាជរដ្ឋាភិបាលចុះស្រុកបរិបូណ៌ ឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង ក្រុមការងារ និងអាជ្ញាធរ បានអញ្ជើញនាំយកទេយ្យទាន ចង្ហាន់បិណ្ឌបាត្រ និងបច្ច័យវេរប្រគេនដល់ព្រះសង្ឃ ក្នុងឱកាសបិណ្ឌវេនទី៧ នៃពិធីបុណ្យភ្ជុំបិណ្ឌក្នុងវត្តចាស់ ស្ថិតក្នុងស្រុកបរិបូណ៌ ខេត្តកំពង់ឆ្នាំង។ ក្នុងពេលជួបជាមួយប្រជាពលរដ្ឋ ឯកឧត្តម លី ណារុន បានលើកឡើងថា ៖ បច្ចុប្បន្នក៏ដូចជាទៅអនាគត រាជរដ្ឋាភិបាលកម្ពុជា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី បានបន្តអនុវត្តខ្ជាប់ខ្ជួនក្នុងការគោរពសេរីភាពខាងជំនឿ ការប្រណិប័តន៍ខាងផ្លូវសាសនា លើកស្ទួយព្រះពុទ្ធសាសនា ដែលជាសាសនារបស់រដ្ឋ និងគាំទ្រការប្រណិប័តន៍ សាសនាផ្សេងៗទៀតនៅកម្ពុជា ដោយខិតខំធ្វើឲ្យវត្តអារាម និងវិហារសាសនាឯទៀតៗ ក្លាយជាមជ្ឈមណ្ឌលនៃជីវភាពខាងស្មារតី ដែលចូលរួមយ៉ាងសកម្មក្នុងការអភិវឌ្ឍសង្គមជាតិ ខាងផ្នែកវប្បធម៌ អប់រំ សុខាភិបាលសង្គមកិច្ច និងសីលធម៌សង្គម ជាពិសេសទប់ស្កាត់ការធ្វើអាជីវកម្មលើសាសនាប្រឆាំងការរើសអើងបែកចែករវាងប្រជាជន និងប្រជាជន ដែលបណ្តាលមកពីភាពខុសគ្នាខាងជំនឿ និងសាសនា ដើម្បីសំដៅប្រែក្លាយសក្តានុពលរបស់សាសនាទាំងអស់ ទៅជាកម្លាំងសាមគ្គីមួយដ៏ខ្លាំងក្លាក្នុងការការពារសុខសន្តិភាព ការឯកភាពជាតិ និងជំរុញការអភិវឌ្ឍសង្គម- សេដ្ឋកិច្ច ផងដែរ។ឯកឧត្តមក៏បានផ្តាំផ្ញើដល់បងប្អូនប្រជាពលរដ្ឋ សូមមានការប្រុងប្រយ័ត្នខ្ពស់ ព្រោះរដូវនេះមានភ្លៀងធ្លាក់ច្រើន ហើយបើមានបញ្ហាអ្វីកើតឡើង ត្រូវរាយការណ៍មកកាន់ អាជ្ញាធរមូលដ្ឋានឱ្យបានទាន់ ពេលវេលា ជាពិសេសត្រូវយកចិត្តទុក្ខដាក់ថែទាំសុខភាព និងរស់នៅប្រកបដោយអនាម័យ ដើម្បីជៀសវាងកើតមានជម្ងឺតម្កាត់ផ្សេងៗ ៕ កាំង ហុងវាស្នា

មន្ត្រីជំនាញជលផល បន្តចុះបង្ក្រាបឧបករណ៍នេសាទខុសច្បាប់ដូចភ្លៀងរលឹមនៅស្រុកជេីងព្រៃ

កំពង់ចាម៖ ដេីម្បីចូលរួមទប់ស្កាត់ និងបង្ក្រាបបទល្មេីសនេសាទខុសច្បាប់នៅតាមព្រែក បឹង និងទន្លេ ក្នុងភូមិសាស្ត្រខេត្តកំពង់ចាម មន្ត្រីខណ្ឌរដ្ឋបាលជលផលកំពង់ចាម បានបន្តចុះបង្ក្រាបឧបករណ៍នេសាទខុសច្បាប់នៅក្នុងស្រុកជេីងព្រៃ ដូចភ្លៀងរលឹម កាលពីថ្ងៃទី២៣ ខែកញ្ញា ឆ្នាំ២០២៤នេះ ។បេីតាមការបញ្ជាក់ពី លោក លី ស្រ៊ី នាយខណ្ឌស្តីទីជលផលកំពង់ចាម បានឲ្យដឹងថា ជាលទ្ធផល ប្រតិបត្តិការចុះបង្រ្កាបបទល្មើសជលផលនេះដែរ ក្រុមការងារបានរុះរើកាប់បំផ្លាញចោលវត្ថុតាងនៅចំណុចទំនប់តំបន់បាទី ឃុំព្រៃចារ ស្រុកជើងព្រៃ ឧបករណ៍ដែលបំផ្លាញចោលរួមមាន៖ លូស្បៃមុងចំនួន ១៦មាត់, របាំងស្បៃមុងប្រវែង ១៦៨ម៉ែត្រ, បង្គោលចម្រឹងចំនួន ១៤៨ដើម និងចាក់លែងកូនត្រីចម្រុះមួយចំនួនផងដែរ។ ទន្ទឹមនឹងនេះដែរ លោក នាយខណ្ឌស្តីទីជលផលកំពង់ចាម បានបន្តចុះអប់រំផ្សព្វផ្សាយដល់ប្រជានេសាទឈប់នេសាទនៅតំបន់ កុំប្រើប្រាស់ឧបករណ៍ល្មើសច្បាប់ និងស្នេីសុំឲ្យអាជ្ញាធរមូលដ្ឋានចូលរួមសហការរាយការណ៍ និងបង្ក្រាប អ្វីដែលមន្ត្រីជំនាញស្នេីសុំទៀតនោះ គឺសូមឲ្យបងប្អូនប្រជាពលរដ្ឋ ចូលរួមសហការទប់ស្កាត់ការនេសាទខុសច្បាប់ ដេីម្បីរក្សាពូជត្រីបានច្រេីន៕

JICA ចុះហត្ថលេខាលើគម្រោងពង្រឹងសមត្ថភាពតួនាទីអង្គភាពស៊ីម៉ាក់ដំណាក់កាលទី២ ចាប់ពីឆ្នាំ ២០២៥ ដល់ ២០២៨

ភ្នំពេញ៖ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ និង លោកស្រី SHIMADA Tomoko ប្រធាននាយកដ្ឋានកសាងសន្តិភាពនៃទីភ្នាក់ងារសហប្រតិបត្តិការអន្តរជាតិជប៉ុន (JICA) ទីក្រុងតូក្យូ បានចុះហត្ថលេខាលើកំណត់ហេតុកិច្ចពិភាក្សាស្តីពីគម្រោងពង្រឹងសមត្ថភាពតួនាទីអង្គភាពស៊ីម៉ាក់ដំណាក់កាលទី២ ដែលនឹងចាប់អនុវត្តចាប់ពីខែឧសភា ឆ្នាំ២០២៥ ដល់ខែមេសាឆ្នាំ២០២៨ ខាងមុខ ។ ការចុះហត្ថលេខានារសៀលថ្ងៃទី២៣ ខែកញ្ញា ឆ្នាំ២០២៤ នៅទីបញ្ជាការស៊ីម៉ាក់ភ្នំពេញទៅលើគម្រោងនេះ គឺស្របតាមយុទ្ធសាស្ត្រអភិវឌ្ឍន៍របស់រាជរដ្ឋាភិបាលកម្ពុជា ក៏ដូចជាឆ្លើយ តបនឹងយុទ្ធសាស្ត្រសកម្មភាពមីនរបស់រដ្ឋាភិបាលនិងយុទ្ធ សាស្ត្ររបស់ស៊ីម៉ាក់ ជាពិសេសេគម្រោងនេះរួមចំណែកដល់គោលនយោបាយរបស់រដ្ឋាភិបាលជប៉ុនចំពោះប្រទេសកម្ពុជា លើគំនិតផ្តួចផ្តើមសកម្មភាពមីនកម្ពុជា-ជប៉ុន។គម្រោងនេះ នឹងរួមចំណែក ក្នុងការកសាងសមត្ថភាព នឹងពង្រឹងតួនាទីរបស់អង្គភាពស៊ីម៉ាក់ ដើម្បីក្លាយជាស្ថាប័នជាតិដែលផ្តល់សេវាសកម្មភាពមីនប្រកបដោយឯកទេស និងវិជ្ជាជីវៈកម្រិតស្តង់ដារសាកល រួមជាមួយការធ្វើផែនការសម្រាប់កំណែទម្រង់ស្ថាប័ន និងពង្រឹងសមត្ថភាពមន្រ្តីជំនាញ។ បន្ថែមពីនេះទៀត ធាតុសំខាន់នៃគម្រោងនេះគឺផ្តោតទៅលើការចូលរួមរបស់អង្គភាពស៊ីម៉ាក់ក្នុងកម្រិតអន្តរជាតិ លើការបណ្តុះបណ្តាលវិស័យសកម្ម ភាពមីនដល់ប្រទេសដែលរងផលប៉ះពាល់ដោយសារគ្រាប់មីន និងសំណល់យុទ្ធភណ្ឌសង្រ្គាម ការកសាងធនធានសមត្ថភាពបន្ថែមដល់មន្រ្តីបុគ្គលិក និងការពង្រឹងផ្នែកទំនាក់ទំនងសាធារណៈ។លោកស្រី SHIMADA Tomoko បានមានប្រសាសន៍នៅ ក្នុងពិធីចុះហត្ថលេខា ដោយបង្ហាញពីក្តីសោមនស្សរីករាយដែលបានមកទស្សនកិច្ចអង្គភាពស៊ីម៉ាក់ និងបានឃើញពីវឌ្ឍនភាពនៃហេដ្ឋារចនាសម្ព័ន្ធ។ ហើយការចុះហត្ថលេខាថ្ងៃនេះគឺដើម្បីរួមចំណែកជាមួយការពង្រឹងសមត្ថភាពដែលមានស្រាប់របស់អង្គភាពស៊ីម៉ាក់ ដើម្បីឆ្លើយតបទៅនឹងសកម្មភាពការងាររបស់អង្គភាពស៊ីម៉ាក់នៅពេលខាងមុខ។ ជាការឆ្លើយតប ឯកឧត្តម ហេង រតនា បានថ្លែងអំណរគុណដល់ប្រជាជននិងប្រទេសជប៉ុន ជាពិសេសថ្នាក់ដឹកនាំ និងក្រុម ការងារទីភ្នាក់ងារសហប្រតិបត្តិការអន្តរជាតិជប៉ុនទាំងនៅរាជ ធានីភ្នំពេញ និងទីក្រុងតូក្យូប្រទេសជប៉ុន រួមជាមួយនឹងទីប្រឹក្សាបច្ចេកទេសជប៉ុន ដែលបានខ្នះខ្នែងជ្រោមជ្រែងជួយកសាងសមត្ថភាពអង្គភាពស៊ីម៉ាក់ទាំងពីមុនរហូតមកទល់បច្ចុប្បន្ន និងទៅអនាគត។ ឯកឧត្តមបានបញ្ជាក់បន្ថែមទៀតថា គម្រោងនេះពិតជាបានបង្ហាញពីការតាំងចិត្តសហការរួមគ្នារបស់រដ្ឋាភិបាលប្រទេសជប៉ុន និងប្រទេសកម្ពុជា។សូមបញ្ជាក់ថា គម្រោងដំណាក់កាលទី១ នឹងបញ្ចប់នៅឆ្នាំក្រោយ ប៉ុន្តែការចុះហត្ថលេខានាពេលនេះគឺដើម្បីត្រៀមបន្តការងារសម្រាប់គម្រោងថ្មីរយៈពេល៤ឆ្នាំទៅមុខទៀត៕ អត្ថបទ៖ ភារម្យ

កម្ពុជា-បារាំង ចុះMOU ដើម្បីរៀបចំប្រតិបត្តិគម្រោងសិក្សាលទ្ធភាព នៃការសាងសង់មន្ទីរពេទ្យអន្តរជាតិ

ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឯកឧត្តមវេជ្ជបណ្ឌិត ស៊ុង វិនតៈ រដ្ឋលេខាធិការ បានអញ្ជើញចុះហត្ថលេខា លើអនុស្សរណៈនៃការយោគយល់គ្នា (MOU) រវាងក្រសួងសុខាភិបាល និងក្រុមហ៊ុនVINCI CONSTRUCTION GRANDS PROJETS S.A.S នៃសាធារណរដ្ឋបារាំង។ពិធីចុះអនុស្សារណៈនៃការយោគយល់គ្នានេះ ប្រារព្ធឡើងក្រោមអធិបតីភាពឯកឧត្តមសាស្ត្រាចារ្យ កុយ វ៉ាន់នី រដ្ឋលេខាធិការតំណាងដ៏ខ្ពង់ខ្ពស់របស់ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងលោក Junsereiwath SOK Economic Attaché តំណាងឯកឧត្តម Jacques Pellet ឯកអគ្គរដ្ឋទូតវិសាមញ្ញ ពេញសមត្ថភាព នៃស្ថានទូតបារាំងប្រចាំព្រះរាជាណាចក្រកម្ពុជា, រសៀលថ្ងៃទី២៣ ខែកញ្ញា ឆ្នាំ២០២៤។ អនុស្សរណៈនៃការយោគយល់គ្នានេះ រៀបចំឡើងក្នុងគោលបំណងសំខាន់ រៀបចំប្រតិបត្តិគម្រោងសិក្សាលទ្ធភាព នៃការសាងសង់មន្ទីរពេទ្យអន្តរជាតិ កម្ពុជា-បារាំង ដែលគ្រោងជាមន្ទីរពេទ្យ ចូលរួមចំណែកក្នុងការធ្វើឱ្យកាន់តែប្រសើរឡើង នូវសេវាសុខាភិបាលប្រកបដោយបច្ចេកទេសខ្ពស់ ព្រមទាំងបម្រើឱ្យការបណ្តុះបណ្តាល និងធ្វើការសិក្សាស្រាវជ្រាវផងដែរ។ គួរបញ្ជាក់ផងដែរថា គម្រោងសិក្សាដែលមានរយៈពេលប្រមាណជា ៩ខែនេះ ទទួលបានការគាំទ្រពីរដ្ឋាភិបាលបារាំង ក៏ដូចជាឆ្លុះបញ្ចាំងអំពីកិច្ចសហប្រតិបត្តិការយ៉ាងរឹងមាំ រវាងរដ្ឋាភិបាល នៃប្រទេសទាំងពីរកម្ពុជា-បារាំង។ នៅក្នុងពិធីនោះ ឯកឧត្តមសាស្ត្រាចារ្យរដ្ឋលេខាធិការ បានថ្លែងអំណរគុណដល់ ក្រុមហ៊ុន Vinci និង Assistance publique des Hôpitaux de Paris (AP-HP) ភាគីពាក់ព័ន្ធផ្សេងទៀតក្នុងគម្រោងនេះ ជាពិសេសស្ថានទូតបារាំង ប្រចាំព្រះរាជាណាចក្រកម្ពុជា ក៏ដូចជារដ្ឋាភិបាល នៃសាធារណរដ្ឋបារាំងតែម្តង ដែលតែងតែ បានជួយឧបត្ថម្ភគាំទ្រវិស័យសុខាភិបាលនៃព្រះរាជាណាចក្រកម្ពុជា។ ជាចុងក្រោយ ឯកឧត្តមសាស្ត្រាចារ្យ កុយ វ៉ាន់នី បានជំរុញលើកទឹកចិត្តឱ្យភាគីពាក់ព័ន្ធទាំងអស់ខិតខំអនុវត្តឱ្យសម្រេចនូវ គោលបំណងដែលបានចែងក្នុងអនុស្សរណៈយោគយល់គ្នានេះ៕អត្ថបទ រដ្ឋា

ប្រធានសភាប្រឹក្សានយោបាយនៃប្រជាជនចិន សន្យាកៀរគរ និងជំរុញអ្នកទេសចរ អ្នកវិនិយោគចិន មកកម្ពុជាឱ្យកាន់តែច្រើនឡើង

សមាជិកគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈិមបក្សកុម្មុយនិស្តចិន និងជាប្រធានសភាប្រឹក្សានយោបាយនៃប្រជាជនចិន ឯកឧត្តម វ៉ាង ហ៊ូនីង (Wang Huning) បានជម្រាបសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជាថា ឈរលើកិច្ចសហប្រតិបត្តិការដ៏ល្អ មិត្តភាពជាប្រពៃណី មិត្តដែកថែប និងកិច្ចសហប្រតិបត្តិការដៃគូយុទ្ធសាស្រ្តគ្រប់ជ្រុងជ្រោយ ចិននឹងកៀរគរអ្នកទេសចរ និងអ្នកវិនិយោគពីប្រទេសខ្លួន ឱ្យមកទស្សនា និងបណ្តាក់ទុននៅកម្ពុជាឱ្យបានកាន់តែច្រើន។ឯកឧត្តម វ៉ាង ហ៊ូនីង បានលើកឡើងដូច្នេះនៅក្នុងឱកាសជួបពិភាក្សាការងារជាមួយសម្តេចប្រធានរដ្ឋសភា នៅព្រឹកថ្ងៃទី២៤ ខែកញ្ញា ឆ្នាំ២០២៤ នៅវិមានសភាតំណាងប្រជាជនចិនក្នុងរដ្ឋធានីប៉េកំាង។ទំាងសម្តេចមហារដ្ឋសភាធិការធិបតី ឃួន សុដារី ទាំងឯកឧត្តម វ៉ាង ហ៊ូនីង បានវាយតម្លៃខ្ពស់ចំពោះកិច្ចសហប្រតិបត្តិការដែលថ្នាក់ដឹកនាំប្រទេសទំាងពីរបានដាក់ចេញ និងបានសន្យារួមគ្នាថា នឹងជំរុញបន្ថែមទៀតនូវការបន្ស៊ីនៅក្នុងកិច្ចសហប្រតិបត្តិការត្បូងពេជ្ររវាងគំនិតផ្តួមផ្តើមនានារបស់ភាគីចិន ដូចជាគម្រោងខ្សែក្រវាត់និងផ្លូវ ជាមួយយុទ្ធសាស្រ្តបញ្ចកោណដំណាក់កាលទី១ របស់កម្ពុជា ដើម្បីបម្រើផលប្រយោជន៍នៃប្រទេសទំាងពីរ ឱ្យចេញជាលទ្ធផលជាក់ស្តែង ក្នុងការកសាងសហគមន៍ជោគវាសនារួមកម្ពុជា-ចិន ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់។នៅក្នុងឱកាសនេះ សម្តេចប្រធានរដ្ឋសភា ក៏បានពាំនាំនូវការនឹករឭកនិងការផ្តាំផ្ញើ សួរសុខទុក្ខពីចម្ងាយរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ជូនចំពោះឯកឧត្តមប្រធានាធិបតី និងឯកឧត្តមនាយករដ្ឋមន្រ្តីចិន ក៏ដូចជាជូនចំពោះ ឯកឧត្តម វ៉ាង ហ៊ូនីង ផ្ទាល់ផងដែរ។ឯកឧត្តមប្រធានសភាប្រឹក្សានយោបាយនៃប្រជាជនចិន បានអបអរសាទរជាថ្មីជូនសម្តេចរដ្ឋសភាធិបតី ឃួន សុដារី ដែលត្រូវបានរដ្ឋសភាបោះឆ្នោតជាប្រធានរដ្ឋសភានីតិកាលទី៧ និងជាស្រ្តីដំបូងក្នុងប្រវត្តិសាស្ត្រកម្ពុជាដែលបានកាន់តួនាទីដ៏ឧត្តុង្គឧត្តមនេះ។ ឯកឧត្តមបានមានប្រសាសន៍បន្តថា ក្នុងនាមប្រធានរដ្ឋសភាហើយជាប្រធានក្រុមមិត្តភាពរដ្ឋសភាកម្ពុជា-ចិនផង នោះ ក៏បានបង្ហាញពីឆន្ទៈមោះមុតរបស់ សម្តេច នៅក្នុងការចូលរួម ថែរក្សា និងលើកកម្ពស់ចំណងមិត្តភាពកម្ពុជានិងចិន ឱ្យកាន់តែរឹងមាំបន្ថែមទៀត។ឯកឧត្តមវ៉ាង ហ៊ូនីង ធ្លាប់បានមកបំពេញទស្សនកិច្ចនៅកម្ពុជាកាលពីឆ្នាំ២០១៦ ក្នុងការអមដំណើរទស្សនកិច្ចរបស់ ឯកឧត្តម ស៊ី ជិនពីង ។ ឯកឧត្តមសម្តែងក្តីរីករាយចំពោះការរីកចម្រើនរបស់កម្ពុជា ហើយសង្ឃឹមថា ក្រោមការដឹកនាំរបស់ឥស្សរជនបន្តវេន គឺសម្តេចមហាវបរធិបតី ហ៊ុន ម៉ាណែត ជានាយករដ្ឋមន្រ្តី កម្ពុជានឹងរីកចម្រើនកាន់តែឆាប់រហ័ស សម្រេចបាននូវគោលដៅអភិវឌ្ឍន៍ ក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០។ ឯកឧត្តមបានបញ្ជាក់ថាក្នុងនាមមិត្តដែកថែបរបស់កម្ពុជា ចិននឹងគំាទ្រកម្ពុជាដើម្បីសម្រេចឱ្យបាននូវគោលដៅអភិវឌ្ឍន៍នេះ។ សម្តេចរដ្ឋសភាធិបតី ឃួន សុដារី បានគូសបញ្ជាក់ថា “យើងសង្ឃឹមថា មិត្តចិននឹងបន្តជំរុញលើកទឹកចិត្តដល់អ្នកវិនិយោគចិនមកកម្ពុជាឱ្យបានកាន់តែច្រើនថែមទៀត ជាអាទិ៍ វិស័យកសិ-ឧស្សាហកម្ម ផលិតកម្ម ឧស្សាហកម្ម សេវាកម្ម សេដ្ឋកិច្ចឌីជីថល និងសេដ្ឋកិច្ចបៃតង។ ជាមួយគ្នានេះ យើងក៏ត្រូវចាំបាច់ជំរុញបន្ថែមទៀតពាណិជ្ជកម្ម ទេសចរណ៍ ការវិនិយោគ នវានុវត្តន៍ ការផ្ទេរបច្ចេកវិទ្យា ការពង្រឹងសមត្ថភាពផលិត និងការអភិវឌ្ឍមូលធនមនុស្ស។ យើងត្រូវប្រឹងប្រែង ក្នុងការជំរុញឱ្យសម្រេចបាននូវ “ច្រករបៀងឧស្សាហកម្ម និងបច្ចេកវិទ្យា” និង “ច្រករបៀងមច្ឆា និងអង្ករ” នេះជាការលើកឡើងរបស់សម្តេចប្រធានរដ្ឋសភា។ឆ្លៀតក្នុងឱកាសនោះដែរ សម្តេចប្រធានរដ្ឋភា ក៏បានជម្រាបជូន ឯកឧត្តមប្រធានសភាប្រឹក្សានយោបាយនៃប្រជាជនចិន ពីលទ្ធផលនៃជំនួបពិភាក្សាការងារទ្វេភាគីរវាងសម្តេច ជាមួយ ឯកឧត្តម ចាវ ឡឺជី ប្រធានគណៈកម្មាធិការអចិន្ត្រៃយ៍ នៃសភាតំណាងប្រជាជនចិន កាលពីថ្ងៃទី២៣ ខែកញ្ញា ម្សិលមិញ ប្រកបដោយភាពស្និទ្ធស្នាលនិងទទួលបានលទ្ធផលគួរជាទីមោទនៈ។សម្តេចរដ្ឋសភាធិបតី ក៏បានជម្រាបជូន ឯកឧត្តមសមាជិកគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈិមបក្សកុម្មុយនិស្តចិន ស្តីពីការធ្វើជាម្ចាស់ផ្ទះរបស់សភាកម្ពុជា សម្រាប់សម័យប្រជុំពេញអង្គរបស់សភាអន្តរជាតិដើម្បីភាពអត់ឱន និងសន្តិភាព (IPTP) ដែលរៀបចំដោយសភាកម្ពុជា នៅថ្ងៃទី២៣-២៦ ខែវិច្ឆិកា ខាងមុខនេះ។ សភាកម្ពុជាបានគោរពអញ្ជើញថ្នាក់ដឹកនាំប្រទេសចិននិងសភាតំណាងប្រជាជនចិន ចូលរួមក្នុងព្រឹត្តិការណ៍ដ៏មានសារៈសំខាន់សម្រាប់បង្ហាញជាសក្ខីភាពនៃការចូលរួមលើកស្ទួយវប្បធម៌សន្ទនា ការដោះស្រាយជម្លោះដោយអហិង្សានិងអន់ឱន ការពង្រឹងតួនាទីការទូតសភា ដើម្បីពិភពលោកទទួលបាននូវសុខសន្តិភាព ស្ថិរភាព និងវិបុលភាព៕

ការបង្កើតរដ្ឋធម្មនុញ្ញនៅឆ្នាំ១៩៩៣ បានរួមចំណែកជាសារវន្តក្នុងការបង្រួបបង្រួមជាតិ និងការអភិវឌ្ឍ

អ្នកសិក្សាស្រាវជ្រាវ និងអ្នកនយោបាយនៅកម្ពុជា យល់ឃើញថា ការបង្កើតរដ្ឋធម្មនៅឆ្នាំ១៩៩៣ បានរួមចំណែកជាសារវន្តក្នុងការបង្រួបបង្រួមជាតិ និងការអភិវឌ្ឍរីកចម្រើនមកដល់សព្វថ្ងៃ ។ក្នុងកិច្ចសម្ភាសជាមួយBTV នៅថ្ងៃទី២៤ ខែកញ្ញា នេះ លោកបណ្ឌិត គិន ភា ប្រធានវិទ្យាស្ថានទំ នាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា បានមានប្រសាសន៍ថា ការបង្កើតរដ្ឋធម្មនុញ្ញនៅ ឆ្នាំ១៩៩៣ មានសារសំខាន់ ដូចជា៖ បានផ្លាស់ប្ដូរនៃដំណាក់កាលប្រវត្តិសាស្រ្តដ៏សំខាន់មួយ ដោយបាន បង្កើតឡើងវិញនៃរបបរាជានិយមដែលជាគ្រឹះរបបនយោបាយនៃប្រទេសកម្ពុជា, ជាគ្រឿងទប់អំណាច ទាំងបីនៅក្នុងព្រះរាជាណាចក្រកម្ពុជា ដោយបានបែងចែកដាច់ពីគ្នា និងជាសារវន្តសម្រាប់ការរក្សាសុខ សន្តិភាពប្រទេសជាតិ ជាដើម ។លោក អ៊ុន វិសិទ្ធគុន ប្រធានគណបក្សកម្លាំងប្រជាធិបតេយ្យ បានឱ្យដឹងដែរថា បច្ចុប្បន្ន ប្រទេស កម្ពុជាមានសុខសន្តិភាព ដោយគោរពទៅតាមរដ្ឋធម្មនុញ្ញ ដែលបានបង្កើតឡើងនៅឆ្នាំ១៩៩៣។ រដ្ឋធម្មនុញ្ញ គឺជាច្បាប់កំពូលរបស់រដ្ឋ ដែលប្រជាពលរដ្ឋគ្រប់រូប រាប់បញ្ចូលទាំងអ្នកនយោបាយដែរនោះ ត្រូវគោរពតាម។ ម្យ៉ាងវិញទៀត ការបង្កើតរដ្ឋធម្មនុញ្ញនេះ បានធ្វើឱ្យមានការបង្រួបបង្រួមជាតិផងដែរ។ គួររម្លឹកដែរថា រដ្ឋធម្មនុញ្ញនៃព្រះរាជាណាចក្រកម្ពុជា ត្រូវបានសភាធម្មនុញ្ញអនុម័ត នៅថ្ងៃទី២១ ខែកញ្ញា ឆ្នាំ១៩៩៣ ហើយត្រូវបានព្រះមហាក្សត្រឡាយព្រះហស្ថលេខាលើព្រះរាជក្រមប្រកាសឱ្យប្រើប្រាស់ជាផ្លូវការ នៅថ្ងៃទី២៤ ខែកញ្ញា ឆ្នាំ១៩៩៣។ រដ្ឋធម្មនុញ្ញ គឺជាច្បាប់កំពូលនៃព្រះរាជាណាចក្រកម្ពុជា។ ច្បាប់ និងសេចក្តីសម្រេចទាំងឡាយ និងស្ថាប័ននានារបស់រដ្ឋ ត្រូវស្របនឹងរដ្ឋធម្មនុញ្ញជាដាច់ខាត។ គិតត្រឹមថ្ងៃទី២៤ ខែកញ្ញា ឆ្នាំ២០២៤នេះ រដ្ឋធម្មនុញ្ញានៃព្រះរាជាណាចក្រកម្ពុជា មានអាយុ កាល ៣១ឆ្នាំហើយ៕ អត្ថបទ៖ សោភ័ណ

ផលិតផលកែច្នៃ និងវេចខ្ចប់ក្នុងស្រុក កំពុងមានទីផ្សារ និងទទួលបានការគាំទ្រប្រសើរជាងមុន

សហគ្រិនដែលជាម្ចាស់សហគ្រាសក្នុងស្រុក បង្ហាញនូវអារម្មណ៍សប្បាយរីករាយ ខណៈដែលការលក់ផលិតផលរបស់ពួគគាត់ ទទួលបានការគាំទ្រ និងលក់ដាច់បានប្រសើរជាងមុន ហើយរំពឹងថា នឹងទទួលបានការគាំទ្រពីប្រជាពលរដ្ឋកាន់តែច្រើនថែមទៀត ជាពិសេសនៅក្នុងរដូវបុណ្យភ្ជុំបិណ្ឌនេះ។សិប្បករដែលម្ចាស់សហគ្រាសកែច្នៃ និងវេចខ្ចប់ផលិតផលក្នុងស្រុក លើកឡើងក្នុងកិច្ចសម្ភាសន៍ជាមួយភ្នាក់ងារអ្នកយក ព័ត៌មាន BTV ស្តីពីការលក់ និងការដាក់បង្ហាញផលិតផលខ្មែរ ដែលរៀបចំដោយសមាគមអភិវឌ្ឍន៍សង្គមខ្មែរ នៅថ្ងៃទី ២២ ខែ កញ្ញា នេះថា ពាក់ព័ន្ធការរៀបចំដាក់តាំងបង្ហាញ និងលក់ផលិតផលនេះ ពួកគាត់តែងតែចូលរួម ដើម្បីដាក់បង្ហាញផលិតផល ក៏ដូចជា ការផ្សព្វផ្សាយទៅដល់ប្រពលរដ្ឋដូចជា៖ បញ្ហាវេចខ្ចប់ គុណភាព និងអនាម័យជាដើម ដើម្បីឲ្យប្រជាជនជួយគាំទ្រផលិតផលក្នុងស្រុក ជាពិសេសនៅក្នុងរដូវបុណ្យភ្ជុំបិណ្ឌនេះ។ ការចូលរួមគាំទ្រពីប្រជាពលរដ្ឋពិតជាមានសារៈសំខាន់ណាស់ ដើម្បីជំរុញឱ្យខ្សែច្រវាក់ ផលិតកម្មបានដំណើរការ ដែលជាផ្នែកមួយជួយគាំទ្រដល់កសិករជាអ្នកដាំដុះ ការលើកកម្ពស់វិស័យការងារ និងការបង្កើនចំណូលក្នុង សេដ្ឋកិច្ចជាតិជាដើម។សិប្បករទាំងនោះ លើកឡើងស្រដៀងគ្នាទៀតថា ជាក់ស្តែងមកដល់ពេលនេះ ផលិតផលរបស់ពួកគាត់មួយចំនួន បានរុញ ចូលទីផ្សារធំៗជាបណ្តើរៗ និងការរុញចូលក្នុងផ្សារសមាគមខ្មែរជាដើម បច្ចុប្បន្នឃើញថា, មានការលក់ដាច់ប្រសើរជាងពេលមុន, ហើយរំពឹងថា ចាប់ពីពេលនេះតទៅ ទីផ្សារធំៗនៅក្នុងស្រុក នឹងស្រូបផលិតផលរបស់ពួកគាត់កាន់តែច្រើន។ឯកឧត្តម ស្វាយ សុវណ្ណរិទ្ធ ប្រធានសមាគមអភិវឌ្ឍន៍សង្គមខ្មែរ លើកឡើងថា ជុំវិញផលិតផលខ្មែរនេះ សមាគមបានយក ចិត្តទុកដាក់យ៉ាងខ្លាំង ដើម្បីលើកទឹកចិត្តដល់សិប្បករខ្មែរដែលជាអ្នកផលិត និងប្រជាពលរដ្ឋដែលជាអ្នកទិញ ឱ្យជួយគាំទ្រផលិតផល ខ្មែរ ។ ការចូលរួមគាំទ្រពីប្រជាពលរដ្ឋ គឺជាការចូលរួមចំណែកបង្កើតការងារក្នុងស្រុក ជួយដល់ប្រជាជនឱ្យមានការងារធ្វើ និងបង្កើត ប្រាក់ចំណូលដល់ប្រជាជន។ ជុំវិញបញ្ហានេះ សមាគមបាននិងកំពុងខិតខំយកចិត្តទុកដាក់ និងរៀបចំព្រឹត្តិការណ៍ផ្សេងៗ ដើម្បីចូលរួម លើកកម្ពស់ផលិតខ្មែរ ឱ្យមានការគាំទ្រ និងមានទីផ្សារលក់ផលិតផលរបស់ពួកគាត់កាន់តែច្រើន។ទាក់ទិនការជួយដល់ផលិតករ សេវាករ និងសហគ្រិននេះ, ឯកឧត្តម ស្វាយ សុវណ្ណរិទ្ធ បានថ្លែងនូវការប្តេជ្ញាចិត្តខ្ពស់ ក្នុងការ ចូលរួមជួយជ្រោមជ្រែង បណ្តុះគំនិតច្នៃប្រឌិតថ្មីៗ និងការស្វែងរកដៃគូពង្រីកអាជីវកម្មជាដើម រួមជាមួយការជំរុញឱ្យសហគ្រិនចូលរួម ក្នុងព្រឹត្តិការណ៍ពិព័រណ៍ផលិតផលផ្សេងៗឱ្យបានច្រើន ជាពិសេសនៅក្នុងឱកាសបុណ្យភ្ជុំបិណ្ឌនេះ ដើម្បីផ្សព្វផ្សាយ ការលក់ផលិតផល និងការស្វែងរកការគាំទ្រពីប្រជាពលរដ្ឋបន្ថែម៕ អត្ថបទ៖ សុន រ៉ាឌី

គ្រូពេទ្យឆ្មបនៅមណ្ឌលសុខភាព និងមន្ទីរពេទ្យបង្អែកខេត្តកំពង់ឆ្នាំង ទទួលបានចំណេះដឹងពីការកត់ត្រាសុខភាពមាតា តាមប្រព័ន្ធវេបសាយ

កំពង់ឆ្នាំង៖ នៅថ្ងៃទី២៤ ខែកញ្ញា ឆ្នាំ២០២៤នេះ មន្ទីរសុខាភិបាលខេត្ត អង្គការវ៉ា(WAR) និងមន្ទីរពេទ្យNUSCប្រទេសសឹង្ហបុរី បានបើកវគ្គបណ្តុះបណ្តាលដល់គ្រូពេទ្យឆ្មបនៃមន្ទីរពេទ្យបង្អែកខេត្ត និងតាមមណ្ឌលសុខភាព ក្នុងខេត្តកំពង់ឆ្នាំង ដើម្បីអោយពួកគាត់ចេះកត់ត្រា និងបញ្ចូលទិន្នន័យពីសុខភាពមាតា ទារក តាមប្រព័ន្ធវេបសាយ។ ការកត់ត្រាសុខភាពមាតា ទារក តាមប្រព័ន្ធវេបសាយនេះ មានសារៈសំខាន់ចំពោះក្រុមគ្រូពេទ្យទាំងអស់ ក្នុងការតាមដានសុខភាពមាតា ទារក មុនពេលសំរាល ក្នុងពេលសំរាល និងក្រោយពេលសំរាលអោយកាន់តែច្បាស់ និងមានគុណភាពជាងមុន។ លោកស្រីវេជ្ជបណ្ឌិត ពូន កែវរ៉ានី នាយកអង្គការវ៉ាបានអោយដឹងថា៖ វគ្គបណ្តុះបណ្តាលនេះ នឹងបង្កើនចំណេះដឹង គុណភាព និងសមត្ថភាពដល់ក្រុមគ្រូពេទ្យ ជាពិសេសគ្រូពេទ្យឆ្មបនៅតាមមន្ទីរពេទ្យបង្អែក មណ្ឌលសុខភាព អោយកាន់តែមានសមត្ថភាពខ្ពស់ក្នុងការពិនិត្យតាមដានស្ត្រីមានផ្ទៃពោះ ព្រោះស្រ្តីមានផ្ទៃពោះមានហានិភ័យច្រើនដែលគ្រូពេទ្យទាំងអស់ត្រូវយកចិត្តទុកដាក់ទៅលើពួកគាត់។ នេះជាលើកទី១ហើយ ដែលមន្ទីរសុខាភិបាលកំពង់ឆ្នាំង អង្គការវ៉ា និងមន្ទីរពេទ្យNUSCប្រទេសសឹង្ហបុរី បានសហការគ្នា ដោយមានគ្រូល្អៗមកពីប្រទេសសឹង្ហបុរី ដើម្បីផ្តល់ចំណេះដឹងថ្មីនេះដល់គ្រូពេទ្យឆ្មបទាំងអស់ ក្នុងន័យកាត់បន្ថយអាត្រាគ្រោះថ្នាក់ក្នុងពេលមានផ្ទៃពោះ ពេលសំរាល និងក្រោយពេលសំរាលរបស់ស្ត្រីគ្រប់រូបនៅតាមទីក្រុង និងជនបទ។ ក្រោយពីបញ្ចប់វគ្គបណ្តុះបណ្តាលនេះទៅ គ្រូពេទ្យទាំងអស់នឹងអាចយកចំណេះដឹងរបស់ខ្លួន ទៅប្រើប្រាស់ដោយមានប្រសិទ្ធភាព ជួយដល់សុខភាពស្ត្រីមានផ្ទៃពោះ និងទារកទាំងអស់បាន។លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំងបានថ្លែងថា៖ កន្លងមក មន្ទីរសុខាភិបាលខេត្តកំពង់ឆ្នាំង អង្គការវ៉ា និងមន្ទីរពេទ្យNUSសឹង្ហបុរី តែងតែសហការគ្នា ដោយបាននាំគ្រូពេទ្យល្អៗមកពិនិត្យសុខភាពភ្នែកអោយប្រជាជនបានរាប់ពាន់នាក់ ជាពិសេស បានផ្តល់ចំណេះដឹងផ្នែកឆ្មបដល់គ្រូពេទ្យក្នុងខេត្តកំពង់ឆ្នាំងបានច្រើន និងកាត់បន្ថយអាត្រាគ្រោះថ្នាក់របស់ស្ត្រីមានផ្ទៃពោះ និងទារក ទាំងមុនពេលសំរាល ក្នុងពេលសំរាល និងក្រោយពេលសំរាលអោយមកនៅកំរិតទាបផងដែរ ៕ កាំង ហុងវាស្នា

ពុទ្ធបរិស័ទកាន់តែកុះករបន្តនាំគ្នាទៅធ្វើបុណ្យតាមទីវត្តអារាម ក្នុងបិណ្ឌទី៧

ប្រជាពុទ្ធបរិស័ទកាន់តែកុះករបន្តនាំគ្នាយកចង្ហាន់ និងទេយ្យទានទៅប្រគេនព្រះសង្ឃ នៅតាមទីវត្តអារាម ក្នុងបុណ្យកាន់បិណ្ឌទី៧នេះ ។ នៅព្រឹកថ្ងៃទី២៤ ខែកញ្ញា ឆ្នាំ២០២៤នេះ ដែលជាថ្ងៃកាន់បិណ្ឌទី៧ ប្រជាប្រជាពុទ្ធបរិស័ទជាច្រើនមកពីទីជិតទីឆ្ងាយ បាននាំគ្នាទៅធ្វើបុណ្យដាក់ទាន នៅវត្តនាគវ័ន្ត ដែលជាវត្តមួយ ស្ថិតនៅក្នុងមូលដ្ឋានខណ្ឌទួលគោក ។ ពុទ្ធបរិស័ទយល់ថា បុណ្យកាន់បិណ្ឌ និងភ្ជុំបិណ្ឌ គឺជាពេលវេលាមួយអាចឱ្យពលរដ្ឋកម្ពុជាដែលកាន់សាសនាព្រះពុទ្ធដែលជាសាសនារបស់រដ្ឋ អាចចូលរួម ឬរួបរួមគ្នាធ្វើបុណ្យ បង្ហាញពីការគោរពប្រតិបត្តិតាមគន្លងទំនៀមទម្លាប់ប្រពៃណី និងជាការបង្ហាញពីសន្ធាចិត្ដដ៏ជ្រះថ្លៃរបស់មនុស្សម្នាក់ៗ ដែលកើតឡើងដោយអំពើបុណ្យដែលខ្លួនបានសាង ។ សូមបញ្ជាក់ថា ពិធីបុណ្យកាន់បិណ្ឌ និងភ្ជុំបិណ្ឌ មានរយះពេលសរុបរួមគ្នា១៥ថ្ងៃ ដោយគិតចាប់ពីថ្ងៃទី១៨ ខែកញ្ញា រហូតដល់ថ្ងៃទី០៣ ខែតុលា ឆ្នាំ២០២៤ខាងមុខ ។ ទន្ទឹមនឹងនោះដែរ បញ្ហាសន្តិសុខសុវត្ថិភាព ក៏ត្រូវបានការពារយ៉ាងយកចិត្តទុកដាក់ផងដែរ ពីសំណាក់កម្លាំងអាជ្ញាធរ មានសមត្ថកិច្ច ក្នុងមូលដ្ឋាន ដើម្បីការពារធានាមិនឱ្យអំពើអសន្តិសុខណាមួយអាចកើតមានឡើងនោះឡើយ ក្នុងពេលដែលប្រជាពុទ្ធបរិស័ទនាំគ្នាទៅធ្វើបុណ្យតាមទីវត្តអារាមនោះ៕ អត្ថបទ ៖ លីហេង

បណ្ដាញសង្គម

ព័ត៌មានថ្មីៗ

តើហេតុអ្វីបានជាប្រទេសប៉ាគីស្ថានងាយរងគ្រោះដោយសារទឹកជំនន់ស្លាប់មនុស្ស?

ឯកឧត្តមឧបនាយករដ្ឋមន្ត្រី ហ៊ុន ម៉ានី ជួបសំណេះសំណាលជាមួយសមាជិក សមាជិកា ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលទើបនឹងជ្រើសរើសថ្មី ប្រចាំសាកលវិទ្យាល័យវិទ្យាសាស្រ្តសុខាភិបាល ចំនួន ៥៨៤នាក់

ការទម្លាក់គ្រាប់បែករបស់រុស្ស៊ីសម្លាប់មនុស្ស ៤នាក់ និង ២៧នាក់ រងរបួសនៅទីក្រុង Dobropillia ប្រទេសអ៊ុយក្រែន

ក្រសួងឧស្សាហកម្ម ដាក់ប្រព័ន្ធបន្សុទ្ធទឹកស្អាតនៅមន្ទីរពេទ្យគន្ធបុប្ផា ជូនដល់អ្នកព្យាបាលជំងឺពិសា

សាស្ត្រាចារ្យសាកលវិទ្យាល័យតូក្យូ ចាប់អារម្មណ៍ស្វែងយល់បន្ថែមអំពីកម្ពុជា និងការអភិវឌ្ឍសង្គម-សេដ្ឋកិច្ច

សារព័ត៌មាន NBC News៖ ការវាយប្រហាររបស់អាមេរិក បានបំផ្លាញទីតាំងនុយក្លេអ៊ែរអ៊ីរ៉ង់តែមួយប៉ុណ្ណោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

កុមារកំព្រាមានពិការភាព និងអ្នកថែទាំ ទទួលបានការផ្តល់ម្ហូបអាហារពីសប្បុរសជន ក្នុងឱកាសពិធីបុណ្យកាន់បិណ្ឌ

ប្រធានក្រុមការងាររាជរដ្ឋាភិបាលចុះស្រុកបរិបូណ៌ នាំយកទេយ្យទានចង្ហាន់បិណ្ឌបាត្រ និងបច្ច័យប្រគេនព្រះសង្ឃ

មន្ត្រីជំនាញជលផល បន្តចុះបង្ក្រាបឧបករណ៍នេសាទខុសច្បាប់ដូចភ្លៀងរលឹមនៅស្រុកជេីងព្រៃ

JICA ចុះហត្ថលេខាលើគម្រោងពង្រឹងសមត្ថភាពតួនាទីអង្គភាពស៊ីម៉ាក់ដំណាក់កាលទី២ ចាប់ពីឆ្នាំ ២០២៥ ដល់ ២០២៨

កម្ពុជា-បារាំង ចុះMOU ដើម្បីរៀបចំប្រតិបត្តិគម្រោងសិក្សាលទ្ធភាព នៃការសាងសង់មន្ទីរពេទ្យអន្តរជាតិ

ការបង្កើតរដ្ឋធម្មនុញ្ញនៅឆ្នាំ១៩៩៣ បានរួមចំណែកជាសារវន្តក្នុងការបង្រួបបង្រួមជាតិ និងការអភិវឌ្ឍ

ផលិតផលកែច្នៃ និងវេចខ្ចប់ក្នុងស្រុក កំពុងមានទីផ្សារ និងទទួលបានការគាំទ្រប្រសើរជាងមុន

ពុទ្ធបរិស័ទកាន់តែកុះករបន្តនាំគ្នាទៅធ្វើបុណ្យតាមទីវត្តអារាម ក្នុងបិណ្ឌទី៧

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

កុមារកំព្រាមានពិការភាព និងអ្នកថែទាំ ទទួលបានការផ្តល់ម្ហូបអាហារពីសប្បុរសជន ក្នុងឱកាសពិធីបុណ្យកាន់បិណ្ឌ

ប្រធានក្រុមការងាររាជរដ្ឋាភិបាលចុះស្រុកបរិបូណ៌ នាំយកទេយ្យទានចង្ហាន់បិណ្ឌបាត្រ និងបច្ច័យប្រគេនព្រះសង្ឃ

មន្ត្រី​ជំនាញ​ជលផល បន្តចុះបង្ក្រាបឧបករណ៍នេសាទខុសច្បាប់ដូចភ្លៀងរលឹមនៅស្រុកជេីងព្រៃ

JICA ចុះហត្ថលេខាលើគម្រោងពង្រឹងសមត្ថភាពតួនាទីអង្គភាពស៊ីម៉ាក់ដំណាក់កាលទី២ ចាប់ពីឆ្នាំ ២០២៥ ដល់ ២០២៨

កម្ពុជា-បារាំង ចុះMOU ដើម្បីរៀបចំប្រតិបត្តិគម្រោងសិក្សាលទ្ធភាព នៃការសាងសង់មន្ទីរពេទ្យអន្តរជាតិ

ការបង្កើតរដ្ឋធម្មនុញ្ញនៅឆ្នាំ១៩៩៣ បានរួមចំណែកជាសារវន្តក្នុងការបង្រួបបង្រួមជាតិ និងការអភិវឌ្ឍ

ផលិតផលកែច្នៃ និងវេចខ្ចប់ក្នុងស្រុក កំពុងមានទីផ្សារ និងទទួលបានការគាំទ្រប្រសើរជាងមុន

ពុទ្ធបរិស័ទកាន់តែកុះករបន្តនាំគ្នាទៅធ្វើបុណ្យតាមទីវត្តអារាម ក្នុងបិណ្ឌទី៧

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ត្រីជំនាញជលផល បន្តចុះបង្ក្រាបឧបករណ៍នេសាទខុសច្បាប់ដូចភ្លៀងរលឹមនៅស្រុកជេីងព្រៃ