នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធានសហគមន៍អ្នកគណិតវិទ្យាកម្ពុជា៖ ការប្រកួតគណិតវិទ្យាអន្តរជាតិ ជា​ការ​ចូល​រួម​ពង្រឹង​សមត្ថភាព​សិស្ស និងការសិក្សាស្រាវជ្រាវ
សម្ដេចធិបតី ហ៊ុន ម៉ាណែត ថ្លែងអំណរគុណដល់បងប្អូនមហាគ្រួសារខ្មែរ ដែលបានជួបជុំគ្នាជាលើកទីពីរ ជាសារលើកទឹកចិត្តដ៏ធំធេងទៅដល់វីរកងទ័ពជួរមុខ
ប្រតិភូគណៈចលនាសាសនិកឥស្លាមកម្ពុជា នាំយកអំណោយឧបត្ថម្ភជូនកងកម្លាំងជួរមុខ ដែលកំពុងឈរជើងការពារព្រំដែន ខេត្តព្រះវិហារ
ឯកឧត្តម ឌិត ទីណា អញ្ជើញបើកកិច្ចប្រជុំបូកសរុបសកម្មភាព និងលទ្ធផលការងារមូលដ្ឋានខេត្តបន្ទាយមានជ័យ

ព័ត៌មានជាតិ

ក្រសួងអភិវឌ្ឍន៍ជនបទ កំពុងជំរុញអភិវឌ្ឍផ្លូវជនបទបន្តបន្ទាប់ ឆ្លើយតបនិងការរស់នៅរបស់ប្រជាជន

2024/09/16 08:32:56 pm        140
Facebook Telegram Linkin
ពោធិ៍សាត់ ៖ ក្រសួងអភិវឌ្ឍន៍ជនបទ បាននិងកំពុងជំរុញអភិវឌ្ឍផ្លូវជនបទជាបន្តបន្ទាប់ ដើម្បីចូលរួមលើកកម្ពស់ដល់ការនៅរបស់ប្រជាជន និងការ ប្រែក្លាយតំបន់ជនបទ ឱ្យក្លាយទៅជាតំបន់មានការអភិវឌ្ឍន៍រីកចម្រើនប្រកបដោយបរិយាបន្ន ទាំងផ្នែកសេដ្ឋកិច្ច សង្គម និងវប្បធម៌។ ឯកឧត្តម ផូ ផារិទ្ធ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានលើកឡើង នៅក្នុងការចុះត្រួតពិនិត្យ វាយតម្លៃបញ្ចប់សុពលភាព លើការងារស្ថាបនាផ្លូវក្រាលបេតុងចំនួន ១ ខ្សែ នៅស្រុកក្រគរ ខេត្តពោធិ៍សាត់ និង ផ្លូវក្រាលកៅស៊ូ DBST នៅស្រុកភ្នំស្រួច ខេត្តកំពង់ស្ពឺ ថ្ងៃទី ១៦ ខែ កញ្ញា ឆ្នាំ២០២៤ នេះថា ក្រសួងអភិវឌ្ឍន៍ជនបទ ក្នុងនាមជា សេនាធិការផ្ទាល់របស់រាជរដ្ឋាភិបាល បាននិងកំពុងជំរុញការងារស្ថាបនា ស្ដារឡើងវិញ កែលម្អ ពង្រីក ថែទាំ និងជួសជុលផ្លូវជនបទ ដោយក្រាលកៅស៊ូពីរជាន់ ឬបេតុង ដើម្បីសម្រួលដល់សហគមន៍ និងការផ្តល់សេវាផ្សេងៗជូនប្រជាពលរដ្ឋគ្រប់ទិសទីនៅទូទាំងប្រទេស ដើម្បីចូលរួមចំណែកលើកកម្ពស់ការរស់នៅរបស់ប្រជាពលរដ្ឋនៅជនបទ។ឯកឧត្តម បន្តថា ជាក់ស្តែងផ្លូវក្រាលបេតុង និងក្រាលកៅស៊ូ DBST នៅក្នុងខេត្តទាំងពីរខាងលើនេះ បានកំពុងផ្តល់ប្រយោជន៍ យ៉ាងសំខាន់ ក្នុងការជំរុញដំណើរសេដ្ឋកិច្ច និងសង្គមនៅជនបទ តាមរយៈការតភ្ជាប់ផ្លូវជនបទឱ្យមានភាពប្រទាក់ក្រឡា ជាពិសេសការ ជំរុញអភិវឌ្ឍទៅកាន់តំបន់ផលិតកម្ម រោងចក្រ សហគ្រាស និងអាជីវកម្មនានា ដើម្បីបង្ករលក្ខណៈងាយស្រួល នៃការសម្រួលដល់ការ ធ្វើពាណិជ្ជកម្ម ។ ការអភិវឌ្ឍហេដ្ឋារចនាសម្ព័ន្ធជារូបវ័ន្ត និងគមនាគមន៍ជនបទនេះ គឺជាគន្លឹះគាំទ្រដល់រាល់កម្មវិធីកាត់បន្ថយភាពក្រីក្រ នៅតំបន់ជនបទ។ជុំវិញផ្លូវខាងលើនេះដែរ, ឯកឧត្តម ផូ ផារិទ្ធ បានជម្រាបជូនអាជ្ញាធរ និងប្រជាពលរដ្ឋដែលរស់នៅតាមបណ្តាយផ្លូវទាំងនោះថា ផ្លូវទាំងនេះគឺបានបញ្ចប់សុពលភាពក្នុងការថែហើយ, ដូច្នេះសូមឱ្យអាជ្ញាធរ និងប្រជាពលរដ្ឋនៅមូលដ្ឋាន សូមចូលរួមថែទាំផ្លូវទាំងនេះឱ្យ បានគង់វង់យូរអង្វែង។ ការចូលរួមថែទាំផ្លូវបានល្អ ក៏ជាការចូលរួមជាមួយរាជរដ្ឋាភិបាល ក្នុងការថែទាំសម្បត្តិសាធារណៈរបស់រដ្ឋផងដែរ។នៅការចុះពិនិត្យផ្លូវនេះដែរ, ឯកឧត្តម រដ្ឋលេខាធិការ រួមជាមួយគណៈកម្មាធិការអន្តរក្រសួង បានជួបសំណេះសំណាលជាមួយអាជ្ញាធរ និងប្រជាពលរដ្ឋនៅមូលដ្ឋាន, ដោយនៅក្នុងពិធីនោះ ឯកឧត្តមបានពាំនាំនូវប្រសាសន៍ផ្តាំផ្ញើសាកសួរសុខទុក្ខពី ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ជាពិសេសពីសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី ប្រធានព្រឹទ្ធសភា និងជា ប្រធានឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ដែលសម្តេចបានខិតខំប្រឹងប្រែងជំរុញឱ្យ តំបន់ជនបទមានការអភិវឌ្ឍ រីកចម្រើន និងបច្ចុប្បន្នបន្តដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ដែលសម្តេចទាំងទ្វេរតែងតែគិតគូរពីសុខទុក្ខ និងការរស់នៅរបស់ប្រជាពលរដ្ឋ៕អត្ថបទ៖ សុន រ៉ាឌី

តើហេតុអ្វីប្រជាពលរដ្ឋខ្មែរគ្រប់មជ្ឈដ្ឋាន ចូលរួមគាំទ្រមូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន?

2024/09/16 07:43:09 pm        60
Facebook Telegram Linkin
ភ្នំពេញ ៖ នៅរសៀលថ្ងៃទី១៦ ខែកញ្ញា ឆ្នាំ២០២៤នេះ អង្គភាពព័ត៌មាននិងប្រតិកម្មរហ័ស បានបញ្ចេញផ្សាយនូវវីដេអូមួយដែលមានចំណងជើងថា «តើហេតុអ្វីប្រជាពលរដ្ឋខ្មែរគ្រប់មជ្ឈដ្ឋាន ចូលរួមគាំទ្រមូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន?»។ វីដេអូនេះ មានរយៈពេល១៣៖៥៨ វិនាទី បានបង្ហាញថាអំពីមូលហេតុចំនួន៥ដែលប្រជាពលរដ្ឋខ្មែរគ្រប់មជ្ឈដ្ឋាន ស្ម័គ្រចិត្តបរិច្ឆាគថវិកាចូលរួមគាំទ្រមូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន តាមការប្រកាសរបស់ប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត។ ប្រជាពលរដ្ឋខ្មែរពីគ្រប់មជ្ឈដ្ឋាន បានបង្ហាញការគាំទ្រដ៏ច្រើនលើសលប់ ដែលបានប្រែក្លាយជាចលនាជាតិនិយមមួយដ៏ផុសផុល ទាំងក្នុងជួរមន្ត្រីរាជការស៊ីវិល កងកម្លាំងប្រដាប់អាវុធគ្រប់ប្រភេទ អ្នកជំនួញ អាជីវករ កសិករ កម្មករ និងប្រជាជនទូទៅ គឺបានចូលរួមបរិច្ចាគថវិកាដោយស្ម័គ្រចិត្ត ក្នុងស្មារតីរួមចំណែកកសាងសមិទ្ធផលជូនជាតិមាតុភូមិ។ មូលហេតុទាំង៥រួមមាន៖ ទី១- ប្រជាជនខ្មែរភាគច្រើនលើសលុប មានមនសិកា និងស្មារតីស្រលាញ់ប្រទេសជាតិពិតប្រាកដ, ទី២- ការជឿជាក់ និងទុកចិត្ត លើការដឹកនាំរបស់រាជរដ្ឋាភិបាល, ទី៣- ឆ្លើយតបនិងទាត់ចោលការចោទប្រកាន់អគតិរបស់ក្រុមប្រឆាំងជ្រុលនិយម, ទី៤- គោលដៅមនុស្សធម៌ គឺរួមគ្នាកសាងជាតិក្នុងបុព្វហេតុជួយដល់ប្រជាពលរដ្ឋរស់នៅតាមបណ្តោយព្រំដែន និង ទី៥- ខឿនការពារជាតិដ៏រឹងមាំគឺប្រជាពលរដ្ឋដែលរស់នៅតាមបណ្តោយព្រំដែន។ ឆ្លើយតបនិងចលនាជាតិនិយមគាំទ្រយ៉ាងផុសផុលចំពោះមូលនិធិនេះ សម្តេចធិបតីក៏បានប្រកាសថា រាជរដ្ឋាភិបាលនឹងប្រើប្រាស់ថវិកាដែលប្រជាពលរដ្ឋគ្រប់មជ្ឈដ្ឋានបានរួមគ្នាបរិច្ឆាគក្នុងមូលនិធិ បូករួមនិងថវិការបស់រាជរដ្ឋាភិបាលដែលមានស្រាប់ ដើម្បីកសាងហេដ្ឋារចនាសម្ព័ន្ធតាមបណ្តោយព្រំដែន ប្រកបដោយតម្លាភាព និងប្រើឱ្យចំគោលដៅចាំបាច់ ដែលជាសេចក្តីត្រូវការជាក់ស្តែងរបស់ប្រជាពលរដ្ឋរស់នៅតំបន់ព្រំដែនតែម្តង។

គណៈកម្មាធិការជាតិគ្រប់គ្រងគ្រោះមហន្តរាយ បើកកម្មវិធី "បង្ហាញផ្លូវអាស៊ានមួយ ការឆ្លើយតបមួយ " នៅកម្ពុជា

2024/09/16 05:14:09 pm        86
Facebook Telegram Linkin
ភ្នំពេញ ៖ ឯកឧត្តម ហង្ស សាមឿន អនុប្រធានទី២ គ.ជ.គ.ម. តំណាងឯកឧត្តមបណ្ឌិត គន់ គីម ទេសរដ្ឋមន្ត្រីអនុប្រធានទី១ គណៈកម្មាធិការជាតិគ្រប់គ្រងគ្រោះមហន្ត រាយ នៅព្រឹកថ្ងៃទី១៦ ខែកញ្ញា ឆ្នាំ២០២៤ នេះ បានធ្វើជាអធិបតីបើកកម្មវិធី " បង្ហាញផ្លូវអាស៊ានមួយ ការឆ្លើយតបមួយ" នៅកម្ពុជា។ពិធីនេះក៏មានការចូលរួមពីលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និង លោក លី យ៉ាំម៉ឹង នាយកប្រតិបត្តិ នៃមជ្ឈមណ្ឌលអាហារ, ព្រម ទាំងតំណាងមកពីក្រសួងស្ថាប័នពាក់ព័ន្ធ រដ្ឋបាលថ្នាក់ ក្រោមជាតិ ដៃគូអភិវឌ្ឍន៍អង្គការជាតិ អន្តរជាតិ កាកបាទ ក្រហមកម្ពុជានិងវិស័យឯកជនដែលប្រព្រឹត្តទៅនៅសណ្ឋា គារសូហ្វីតែលភ្នំពេញ ភូគីត្រា។កម្មវិធី« បង្ហាញផ្លូវ អាស៊ានមួយ ការឆ្លើយតបមួយ» នេះ គឺជាសកម្មភាពអាទិភាពមួយ ក្នុងចំណោមសកម្មភាពជា ច្រើន ស្ថិតក្រោមកម្មវិធីការងារ ឆ្នាំ២០២១-២០២៥ នៃកិច្ចព្រមព្រៀងអាស៊ាន ស្តីពីការគ្រប់គ្រងគ្រោះមហន្តរាយ និងការឆ្លើយតបសង្គ្រោះបន្ទាន់ (AADMER) និងជា ផែន ការរបស់មជ្ឈមណ្ឌលអាហារ ក្នុងដំណើរការកម្មវិធីនេះ ដោយផ្ទាល់ជាមួយបណ្តាប្រទេសជាសមាជិកអាស៊ាន ចាប់ តាំង ពី២០២៣ រហូតមក។កម្មវិធីនេះ នឹងជួយសម្រួលដល់ការ ចូលរួមរបស់អ្នកពាក់ព័ន្ធទាំងអស់យ៉ាងទូលំទូលាយ និង កម្រិតខ្ពស់ រវាងអ្នករៀបចំគោលនយោបាយរបស់ប្រទេស និងភាគីអ្នកពាក់ព័ន្ធក្នុងការងារមនុស្សធម៌ និងការគ្រប់គ្រងគ្រោះមហន្តរាយ។ សំខាន់ជាងនេះទៀត អំពីរបៀបដែលវិស័យនេះ អាចសម្របសម្រួល និង ពង្រីកភាពជាដៃគូឱ្យកាន់តែប្រសើរឡើង ក្នុងការឆ្លើយតបនឹងបញ្ហាប្រឈមថ្មីៗកំពុងកើតឡើង និងការផ្លាស់ប្តូរទិដ្ឋភាពមនុស្សធម៌ នៅក្នុងប្រទេស និងនៅក្នុងតំបន់។ គណៈកម្មាធិការជាតិគ្រប់គ្រងគ្រោះមហន្តរាយ ក្រោមការ ដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ដោយមាន ឯកឧត្តម កិត្តិសង្គហបណ្ឌិត គន់ គីម ទេសរដ្ឋ មន្ត្រី អនុប្រធានទី១ ជាសេនាធិការផ្ទាល់បានយកចិត្តទុក ដាក់ខ្ពស់ក្នុងការអនុវត្តសេចក្តីថ្លែងការណ៍ អាស៊ានមួយ ការឆ្លើយតបមួយ។ក្នុងកិច្ចសហប្រតិបត្តិការជាមួយប្រទេសជាសមាជិកអាស៊ាន នឹងអាចដោះស្រាយនូវរាល់បញ្ហាប្រ ឈមនានា បង្កដោយគ្រោះមហន្តរាយកាន់តែមាន ប្រសិទ្ធ ភាពខ្ពស់ និងឈានទៅកសាងសហគមន៍អាស៊ាន ប្រកប ដោយភាពធន់ ។ ឯកឧត្តម អនុប្រធានទី២ ហង្ស សាមឿន មានប្រសាសន៏ថា ក្នុងនាមជាសេនាធិការឱ្យរាជរដ្ឋាភិបាលកម្ពុជានឹងបន្តយកចិត្តទុកដាក់លើការត្រៀមរៀបចំ និងការឆ្លើយតបសង្គ្រោះបន្ទាន់ និងពង្រឹងភាពជាដៃគូជាមួយប្រទេសជាសមាជិកអាស៊ាន ភាគីអ្នកពាក់ព័ន្ធដើម្បីកសាងសហគមន៍ប្រកប ដោយភាពធន់ដែលសកម្មភាពទាំងនេះ នឹងត្រូវអនុវត្តន៍ដោយផ្អែកលើ លិខិតបទដ្ឋានគតិយុត្ត ច្បាប់ស្តីពីការគ្រប់ គ្រងគ្រោះមហន្តរាយ និងផែនការសកម្មភាពជាតិសម្រាប់ការកាត់បន្ថយហា និភ័យគ្រោះមហន្តរាយកម្ពុជា ។ គ្រោះមហន្តរាយមិនមានព្រំដែនទេដោយរំលឹកយើងថា សុវត្ថិភាព និងសុខុមាល ភាពរួមរបស់យើងមានទំនាក់ ទំនងយ៉ាងជិតស្និទ្ធ។ ក្នុងបរិបទនេះ ត្រូវបានគូសបញ្ជាក់ពីតួនាទីដ៏សំខាន់ នៃភាពជាអ្នកដឹកនាំកិច្ចសហប្រតិបត្តិការនិងការចូលរួមយ៉ាងសកម្មពីគ្រប់ភាគីពាក់ព័ន្ធទាំងអស់ ដូចជារាជរដ្ឋាភិបាល ភ្នាក់ងារសហប្រជាជាតិ អង្គការជាតិ- អន្តរជាតិ សង្គមស៊ីវិល វិស័យឯកជនហើយសំខាន់បំផុត គឺសហគមន៍របស់យើង។  ឯកឧត្តម បន្តថាក្នុងរយៈពេលមួយទសវត្សរ៍ចុងក្រោយនេះ កម្ពុជាបានបោះជំហានទៅមុខគួរឱ្យកត់សម្គាល់ លើសមត្ថភាព នៃការឆ្លើយតបគ្រោះមហន្តរាយ ដោយបានវិនិយោគលើការពង្រឹងប្រព័ន្ធប្រកាស ព័ត៌មានឱ្យដឹងមុន បង្កើតកងប្រតិបត្តិការរុករក និងសង្គ្រោះគ្រោះមហន្តរាយ ចំនួន ១៦ កង ស្មើ ១,៩២០នាក់ រៀបចំកសាង ផែនការត្រៀមបម្រុងថ្នាក់ជាតិសម្រាប់ការឆ្លើយតបសង្គ្រោះបន្ទាន់ គ្រោះមហន្តរាយទឹកជំនន់ ព្រមទាំងគាំទ្រដល់ រាជធានី ខេត្តទាំង២៥ ដើម្បីរៀបចំកសាងផែនការ ត្រៀមបម្រុងថ្នាក់ រាជធានី ខេត្ត សម្រាប់ការឆ្លើយតបសង្គ្រោះបន្ទាន់គ្រោះ មហន្តរាយ ទឹកជំនន់ និងរាំងស្ងួត ផងដែរ។ ឯកឧត្តមហង្ស សាមឿន លើកឡើងថារាជរដ្ឋាភិបាលកម្ពុជា បានចូលរួមយ៉ាងសកម្ម ក្នុងការអនុវត្ត សេចក្តីថ្លៃការណ៍ អាស៊ានមួយ ការឆ្លើយតបមួយ នៅឆ្នាំ២០២៥ ខាងមុខនេះ កម្ពុជានឹងធ្វើជាម្ចាស់ផ្ទះទទួលរៀបចំ «លំហាត់សមយុទ្ធ ឆ្លើយតបគ្រោះអាសន្ន គ្រោះមហន្តរាយថ្នាក់តំបន់អាស៊ានសម្រាប់ឆ្នាំ២០២៥ » ដែលគ្រោងនឹងអញ្ជើញ អ្នកពាក់ព័ន្ធប្រមាណ ៤០០នាក់មកពីបណ្តាប្រទេសជាសមាជិកអាស៊ាន ក្រសួង -ស្ថាប័ន នៃរាជរដ្ឋាភិបាលកម្ពុជានិង រដ្ឋបាលថ្នាក់ក្រោមជាតិ។ ប្រើនូវយន្តការគ្រប់គ្រងគ្រោះ មហន្តរាយ ក្នុងតំបន់អាស៊ាន និងពង្រឹងសមត្ថភាពក្នុងការឆ្លើយតបគ្រោះមហន្ត រាយ រួមគ្នា។ ឯកឧត្តមហង្ស សាមឿន សង្ឃឹមយ៉ាងមុតមាំថា យើងនឹងអាចយកវេទិកានេះធ្វើ ការ ចែករំលែកនូវបទពិសោធល្អៗនិងបញ្ហាប្រឈមនានានៅកម្រិតជាតិ និងកម្រិតតំបន់ ដើម្បីឱ្យយើងទាំងអស់គ្នា អាចស្វែងយល់បានកាន់ តែស៊ីជម្រៅអំពីយន្តការនៃការគ្រប់ គ្រងគ្រោះមហន្តរាយថ្នាក់ជាតិ និង ថ្នាក់តំបន់អាស៊ាន ដែលនឹងអាចត្រួសត្រាយផ្លូវឆ្ពោះទៅកាន់សហគមន៍អាស៊ានមួយប្រកបដោយភាពធន់ ៕ អត្ថបទ ៖ ភារម្យ

ឯកឧត្តមអភិសន្តិបណ្ឌិត ជូនពរឡាវទទួលជោគជ័យក្នុងតួនាទីប្រធានអាស៊ានប្ដូរវេននាពេលខាងមុខ

2024/09/16 04:51:19 pm        66
Facebook Telegram Linkin
ភ្នំពេញ ៖ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានថ្លែងជូនពរសាធារណរដ្ឋប្រជាធិបតេយ្យប្រជាមានិតឡាវឱ្យទទួលបានជោគជ័យក្នុងតួនាទីជាប្រធានអាស៊ានប្ដូរវេនឆ្នាំ២០២៤ ជាពិសេសជោគជ័យនៃការដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធផ្សេងទៀតដែលមានការអញ្ជើញចូលរួមពីបណ្ដាមេដឹកនាំប្រទេស និងអង្គការអន្តរជាតិជាច្រើន នាពេលខាងមុខនេះ។ ការថ្លែងជូនពរពីប្រមុខក្រសួងមហាផ្ទៃកម្ពុជា បានធ្វើឡើងនាឱកាសទទួល ឯកឧត្ដម បួរកែវ ភូមិវង្សកែវ ឯកអគ្គរដ្ឋទូតសាធារណរដ្ឋប្រជាធិបតេយ្យប្រជាមានិតឡាវ ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួងមហាផ្ទៃ នារសៀលថ្ងៃទី១៦ ខែកញ្ញា ឆ្នាំ២០២៤ ។ ក្នុងក្របខណ្ឌការងារអាស៊ានដដែលនេះ ឯកឧត្តមអភិសន្តិបណ្ឌិត បានចូលរួមអបអរសាទរ​រដ្ឋាភិបាលក្រុងវៀងច័ន្ទ ដែលថ្មីៗនេះ បានរៀបចំប្រកបដោយជោគជ័យនូវកិច្ចប្រជុំថ្នាក់រដ្ឋមន្ត្រីអាស៊ាន ទទួលបន្ទុកឧក្រិដ្ឋកម្មឆ្លងដែន លើកទី១៨ និងកិច្ចប្រជុំពាក់ព័ន្ធ ។ ជាការឆ្លើយតប ឯកឧត្ដម បួរកែវ ភូមិវង្សសៃ ឯកអគ្គរដ្ឋទូតឡាវប្រចាំកម្ពុជា បានថ្លែងអបអរសាទរចំពោះកិច្ចសហប្រតិបត្ដិការល្អរវាងប្រទេសទាំងពីរកម្ពុជា ឡាវ និងបានបង្ហាញការជឿជាក់ថា ក្រោមការដឹកនាំរបស់ ឯកឧត្ដមអភិសន្តិបណ្ឌិត ក្រសួងមហាផ្ទៃកម្ពុជានឹងបន្តជំរុញគាំទ្រដល់អាជ្ញាធរពាក់ព័ន្ធដែលនៅតាមបណ្ដាព្រំដែនជួបប្រជុំគ្នាជាប្រចាំដើម្បីរក្សាបាននូវសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម ជូនប្រជាជន នៃប្រទេសទាំងពីរ ។ក្រៅពីនេះ ឯកឧត្ដម ឯកអគ្គរដ្ឋទូតឡាវ ក៏បង្ហាញភាពជឿជាក់ខ្ពស់ថា ឯកឧត្ដមអភិសន្ដិបណ្ឌិត នឹងបន្ដចូលរួមគាំទ្រដល់កិច្ចសហប្រតិបត្ដិការទ្វេភាគីរវាងប្រទេសទាំងពីរ លើវិស័យពាណិជ្ជកម្ម ទេសចរណ៍ ឧក្រិដ្ឋកម្មឆ្លងដែន ការជួញដូរមនុស្ស និងការជួញដូរគ្រឿងញៀនតាមបណ្ដាខេត្ដជាប់ព្រំដែន ដើម្បីធានាសុខសុវត្ថិភាពជូនប្រជាពលរដ្ឋដែលរស់នៅតាមបណ្ដាព្រំដែននៃប្រទេសទាំងពីរផងដែរ ៕ ដោយ ៖ បាន សុខរិទ្ធិ

អង្គការដៃគូ​ប្ដេជ្ញាបន្តសហការជាមួយ គ.ជ.ប.ជ ប្រយុទ្ធប្រឆាំងអំពើជួញដូរមនុស្ស ឲ្យទទួលលទ្ធផលកាន់តែល្អ

2024/09/16 03:44:19 pm        499
Facebook Telegram Linkin
ភ្នំពេញ៖ អង្គការក្រៅរដ្ឋាភិបាលមួយចំនួន បានប្ដេជ្ញាបន្តសហការជាមួយ​គណៈកម្មាធិការជាតិ​ប្រយុទ្ធ​ប្រឆាំង​អំពើ​ជួញ​ដូរមនុស្ស (គ.ជ.ប.ជ) ក្នុងការ​ប្រយុទ្ធ​ប្រឆាំង​ការ​ជួញ​ដូរ​មនុស្ស​នៅ​កម្ពុជា និងធ្វើឲ្យកាន់តែមានភាពល្អប្រសើរ តាមរយៈការអនុវត្តនូវសកម្មភាពមួយចំនួន ។ក្នុងពិធីចុះអនុស្សារណៈ នៃការយោគយល់រវាង គណៈកម្មាធិការជាតិ​ប្រយុទ្ធ​ប្រឆាំង​អំពើ​ជួញ​ដូរ​មនុស្ស​ជា​មួយអង្គការ អង្គការ A21 អង្គការចាប់ដៃ និងអង្គការម៉ារីស៊ី នៅថ្ងៃទី១៦ ខែកញ្ញា ឆ្នាំ​២០២៤ ក្រុមអង្គការទាំងនោះ លើកឡើងថា សម្រាប់កិច្ចការរបស់ពួកគេ ចូលរួម ជាមួយ​គណៈកម្មាធិការ​ជាតិ ប្រយុទ្ធប្រឆាំងអំពើជួញដូរមនុស្ស មានដូចជាការបណ្ដុះបណ្ដាល សមត្ថ​ភាព​មន្ត្រី លើការកំណត់អត្តសញ្ញាណជនរងគ្រោះ ការអប់រំផ្សព្វផ្សាយ ពីបញ្ហាចំណាក ស្រុក​ខុស​ច្បាប់​ដល់​ប្រជាពលរដ្ឋ និងអប់រំឲ្យមានការយល់ដឹងពីច្បាប់នានា ពាក់ព័ន្ធនឹង​ការងារ​ទេសន្តរ​ប្រវេស​ជា​ដើម។ក្រុមអង្គការ បានបន្តថា តាមរយៈកិច្ចសហការនេះ ពួកគេនឹងបន្តគាំទ្រដល់ជនរងគ្រោះ ក្នុង​អំពើ​ជួញ​ដូរ​មនុស្ស ក្នុងនោះមានការគាំទ្រផ្នែកច្បាប់ សេវាផ្លូវចិត្ត ផ្នែកវេជ្ជសាស្ត្រ ការអប់រំ ទីជម្រក​សុវត្ថិភាព ការបណ្ដុះបណ្ដាលជំនាញវិជ្ជាជីវៈ និងការគាំទ្រជាទុន​ក្នុងការ​បង្កើត​អាជីវកម្ម​ខ្នាត​តូច​ជាដើម។ជាមួយនេះ ពួកគេបានវាយតម្លៃខ្ពស់ ចំពោះកិច្ចខិតខំរបស់រាជរដ្ឋាភិបាលកម្ពុជា តាមរយៈ​គណៈកម្មាធិការជាតិ​ប្រឆាំងអំពើជួញដូរមនុស្ស បានប្រឹងប្រែងក្នុង​ការងារ​ប្រយុទ្ធ​ប្រឆាំង​បទ​ល្មើស​នេះ ហើយពួកគេនឹងខិតខំបន្តកិច្ចសហការ លើការងារនេះជាមួយមន្ត្រីជំនាញ និង​អាជ្ញាធរ​ពាក់​ព័ន្ធ​ឲ្យ​កាន់​តែទទួលបានលទ្ធផលល្អ។នៅក្នុងឱកាសនោះ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុ​ប្រធាន​អចិន្ត្រៃយ៍ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស មានប្រសាសន៍ថា កិច្ច​ការ​ប្រយុទ្ធ​ប្រឆាំងការជួញដូរមនុស្ស គឺត្រូវមានការចូលរួមពីគ្រប់ភាគីទាំងអស់ ព្រោះថា ជន​ល្មើស​មាន​ល្បិចកលច្រើន ក្នុងការអូសទាញនិងបោកប្រាស់ជនរងគ្រោះ ខណៈបច្ចុប្បន្ន ពួកគេបាន​ប្រើប្រាស់​បច្ចេកវិទ្យាឌីជីថល ដើម្បីធ្វើសកម្មភាពបទល្មើសរបស់ខ្លួន។លោកជំទាវ បានអំពាវនាវបន្ថែម ទៅដល់អង្គការដៃគូទាំងអស់សូមបន្តគាំទ្រ និងជួយ​រក​វិធី​សាស្ត្រថ្មីៗ ដើម្បីប្រយុទ្ធប្រឆាំងអំពើជួញដូរមនុស្សនេះ ហើយអនុវត្តឲ្យកាន់​តែទ​ទួល​បាន​លទ្ធ​ផល​ល្អ​ជាង​មុន។ ជាមួយនេះ លោកជំទាវ ជូ ប៊ុនអេង ក៏បានសូម ថ្លែងអំណរគុណ ដល់ ដៃគូ​ទាំងអស់ បានចូលរួមគាំទ្រ និងជ្រោមជ្រែងកម្ពុជា​លើ​ការងារ​ប្រយុទ្ធប្រឆាំងបញ្ហាជាសកលនេះ៕ អត្ថបទ បាន សុខរិទ្ធិ 

សម្តេចធិបតី៖ ការសាងសង់អគារមន្ទីរពេទ្យបន្ថែមគឺដើម្បីជំរុញទំនើបកម្មវិស័យសុខាភិបាល

2024/09/16 03:42:17 pm        473
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងថា ការសាងសង់អគារ មន្ទីរពេទ្យបន្ថែម គឺជាការជំរុញទំនើបកម្ម និងពិពិធកម្មនៃសេវាសុខាភិបាល ដើម្បីផ្ដល់ឱកាសកាន់តែច្រើន ដល់ប្រជាពលរដ្ឋទទួលបានសេវាសុខាភិបាលប្រកបដោយប្រសិទ្ធភាព និងទូលំទូលាយ ។សម្ដេចធិបតី ហ៊ុន ម៉ាណែត នាយករដ្ឋមន្ត្រី ក្នុងឱកាសអញ្ជើញជាអធិបតីបើកការដ្ឋានសាងសង់ អគារមជ្ឈមណ្ឌលកណ្តាល អគារវេជ្ជសាស្ត្រស៊ីក្លូត្រុង និងអគារចំណត នៃមន្ទីរពេទ្យកាល់ម៉ែត នៅព្រឹកថ្ងៃទី១៦ ខែកញ្ញានេះ បានមានប្រសាសន៍ថា អគារមន្ទីរពេទ្យថ្មីបន្ថែមទៀត នឹងបើកច្រក បើកឱ កាសបន្ថែមទៀត ដើម្បីទទួលប្រជាពលរដ្ឋឱ្យចូលពិនិត្យ និងព្យាបាលប្រកបដោយគុណភាព ។ អគារមន្ទីរ ពេទ្យថ្មី នឹងឆ្លើយតបបានចំពោះកំណើនប្រជាពលរដ្ឋក្នុងការស្វែងរកសេវាសុខាភិបាល ។សូមបញ្ជាក់ថា អគារដែលបើកការដ្ឋានសាងសង់នៅថ្ងៃនេះ គឺអគារមជ្ឈមណ្ឌលកណ្តាល នឹងរួមចំ ណែកដល់ការបង្កើនសមត្ថភាពមន្ទីរពេទ្យក្នុងការទទួលពិនិត្យព្យាបាលអ្នកជំងឺ ដែល​កើនឡើង​ពីមួយថ្ងៃទៅមួយថ្ងៃ ព្រមទាំងសមត្ថភាពបច្ចេកទេស តាមជំនាញឯកទេសនីមួយៗ ប្រកបដោយ​នវានុវត្តដែលផ្តោតលើគុណភាពជាមូលដ្ឋាន ។ មជ្ឈមណ្ឌលវេជ្ជសាស្ត្រស៊ីក្លូត្រុង ក៏​មានសក្តានុពលក្នុងការផលិតឱសថវិទ្យុសកម្មបន្ថែម​សម្រាប់​ត្រៀមចែកចាយទៅមន្ទីរពេទ្យ ឬមជ្ឈមណ្ឌលផ្សេងៗទៀត ដែលត្រូវការ និងមានបំណងធ្វើទំនើប​កម្មការធ្វើរោគវិនិច្ឆ័យ ​និងការព្យាបាលជំងឺប្រកបដោយប្រសិទ្ធភាព ទាំងនៅក្នុងរាជធានីភ្នំពេញ និងតាមបណ្ដាខេត្តនានា ៕ អត្ថបទ៖ មុត សុទ្ធ

សម្តេចធិបតី៖ សុខចិត្តមានពេទ្យតិចតែជំនាញ ប្រសើរជាងមានពេទ្យច្រើន តែមិនច្បាស់លាស់

2024/09/16 03:26:38 pm        366
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានថ្លែងថា សម្តេចសុខចិត្តឃើញ មានគ្រូពេទ្យតិច តែមានជំនាញជាក់លាក់ ប្រសើរជាងមានគ្រូពេទ្យច្រើន តែមិនច្បាស់លាស់ ។នៅព្រឹកថ្ងៃទី១៦ ខែកញ្ញានេះ ក្នុងឱកាសអញ្ជើញជាអធិបតីពិធីបើកការដ្ឋានសាងសង់អគារមជ្ឈ មណ្ឌលកណ្តាល អគារវេជ្ជសាស្ត្រស៊ីក្លូត្រុង និងអគារចំណត នៃមន្ទីរពេទ្យកាល់ម៉ែត សម្តេចធិបតី ហ៊ុន ម៉ាណែត នាយករដ្ឋមន្ត្រី បានមានប្រសាសន៍ណែនាំឱ្យមន្ត្រីសុខាភិបាល បុគ្គលិកសុខាភិបាល ឱ្យបន្តយក ចិត្តទុកដាក់ពង្រឹងគុណភាពលើការបណ្តុះបណ្តាលទាំងជំនាញរឹង និងជំនាញទន់ទាំងអស់ ។សម្ដេចធិបតី នាយករដ្ឋមន្ត្រី បានបន្តថា សុខចិត្តមានពេទ្យតិចដែលមានគុណភាព កុំឱ្យច្រើនតែពិបាកធ្វើការ ដែលប៉ះពាល់ដល់សុខភាពនិងអាយុជីវិតរបស់មនុស្ស។ ដូច្នេះ ការបណ្ដុះបណ្ដាល និងការកំណត់ស្តង់ដាសាលាពេទ្យ សម្ដេចក៏បានអំពាវនាវឲ្យសាកលវិទ្យាល័យទាំងអស់ ទាំងរដ្ឋនិងឯកជន យកចិត្តទុកដាក់នៅក្នុងការបង្កើនគុណភាពសិស្ស ដោយធ្វើយ៉ាងណាយើងជួយជំរុញ សិស្សសិក្សាឲ្យបានខ្ពស់ ៕ អត្ថបទ៖ មុត​ សុទ្ធ

កងពលតូចដឹកជញ្ជូនលេខ៩៩ ត្រៀមកម្លាំង រថយន្តរួចជាស្រេច​ដើម្បីចុះអន្តរាគមន៍​ជួយពលរដ្ឋ​រងគ្រោះធម្មជាតិ

2024/09/16 02:44:20 pm        840
Facebook Telegram Linkin
ខណៈគ្រោះទឹកជំនន់បានកំពុងគំរាមកំហែងនៅប្រទេសជិតខាងកម្ពុជានោះ កងពលតូច​ដឹក​ជញ្ជូន​លេខ​៩៩ បានប្រកាសត្រៀមកម្លាំង និងសម្ភាររួចជាស្រេចសម្រាប់ចុះជួយអន្តរាគមន៍ ដល់​បងប្អូនប្រជាពលរដ្ឋដែលជួបបញ្ហាគ្រោះមហន្តរាយនានាដែលកើតឡើងជាយថាហេតុណាមួយ ស្រប​ពេលក្រសួងធនធានទឹក និងឧតុនិយមប្រកាសថានាពេលខាងមុខនេះទឹកទន្លេមេគង្គផ្នែក ខាង​លើអាចនឹងហក់ឡើងជាបន្តបន្ទាប់នោះ។ថ្លែង​ប្រាប់ទូរទស្សន៍ BTV តាមរយៈតេលេក្រាម នាថ្ងៃទី១៦ ខែកញ្ញា ឆ្នាំ២០២៤នេះ លោក ឧត្តម​សេនីយ៍ត្រី ហ៊ុល វណ្ឌី មេបញ្ជាការរង និងជា​នាយ​សេនាធិការ​កង​ពល​តូច​ដឹក​ជញ្ជូន​លេខ​៩៩ បានឲ្យដឹងថា បច្ចុប្បន្ននេះ កងកម្លាំងរបស់កងពលតូចលេខ៩៩ បានកំពុង​ត្រៀម​ខ្លួន​២៤​ម៉ោង​លើ​២៤ម៉ោង ដើម្បីរង់ចាំបទបញ្ជា​ដោយគោរពតាមបទបញ្ជាយ៉ាងម៉ឺងម៉ាត់ របស់ នាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងជាប្រធានក្រុមការងារសម្របសម្រួល ការត្រៀមរៀបចំ ឆ្លើយតបសង្គ្រោះបន្ទាន់ និងស្តារឡើងវិញ របស់ក្រសួងការពារជាតិ និងបទបញ្ជាផ្ទាល់របស់ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋាន ភស្តុភារ និងហិរញ្ញវត្ថុ ក្រសួងការពារជាតិ ក៏ដូចជាថ្នាក់ដឹកនាំក្រសួងការពារជាតិ ដើម្បី​ចុះជួយអន្តរាគមន៍តាមគោលដៅ ដែលបងប្អូនប្រជាពលរដ្ឋជួបបញ្ហា និង​តាម​តម្រូវ​ការ​ផ្សេងៗ​ជាដើម​។លោកឧត្តមសេនីយ៍ត្រី ហ៊ុល វណ្ឌី បានឲ្យដឹងទៀតថា កងពលពលតូចដឹកជញ្ជូនលេខ៩៩ បាន​មធ្យោបាយដឹកជញ្ជូនជាច្រើន ក្នុងនោះរថយន្តដុងហ្វេង ចំនួន៦០គ្រឿង រថយន្ត​ជួស​ជុល​ចល័ត​ ២គ្រឿង រថយន្តស្ទួច១គ្រឿង អូប័រ១១គ្រឿង ម៉ាស៊ីនបូមទឹកខ្នាតតូច២៥គ្រឿង ម៉ាស៊ីន​ភ្លើង​២​គ្រឿង និងកម្លាំងបើកបរ និងសង្រ្គោះចំនួន២១៥នាក់ជាដើម។ជាមួយ​គ្នា​នោះដែរ លោកឧត្តមសេនីយ៍ត្រី ហ៊ុល វណ្ឌី ក៏បានលើកឡើងផងដែរថា ស្របតាម​កំណែ​ទម្រង់​របស់រាជរដ្ឋាភិបាល ក៏ដូចជាក្រសួងការពារជាតិ កម្លាំងនៃកង​ពល​តូច​ដឹក​ជញ្ជូន​លេខ​៩៩ ក៏បានធ្វើការហ្វឹកហាត់ និងធ្វើសមយុទ្ធជាប្រចាំជាមួយភាគីដទៃទៀត លើជំនាញ​សង្រ្គោះ​ប​ន្ទាន់ ដើម្បីជួយ​ដល់​បងប្អូន​ប្រជាពលរដ្ឋ​ឲ្យ​បាន​ទាន់​ពេល​វេលា​ពេល​ដែល​ជួប​គ្រោះ​ធម្មជា​តិ ដូចជាករណីខ្យល់កន្រ្តាក់ គ្រោះរាំងស្ងួត និងទឹកជំនន់ជាដើមផងដែរ៕ អត្ថបទ៖ បាន ចក់ 

ក្រសួងសាធារណការ៖ ការកែលម្អផ្លូវជាតិលេខ៤ នៅតែបន្តធ្វើរាល់ថ្ងៃ តែកន្លែងខ្លះផ្អាកសិន​ដោយសារ​បញ្ហាភ្លៀង

2024/09/16 02:35:17 pm        549
Facebook Telegram Linkin
ភ្នំពេញ៖ ក្រសួងសាធារណការ និងដឹកជញ្ជូន បានប្រកាសថា សកម្មភាពការពង្រីក និង​ថែទាំ​ផ្លូវ​ជាតិ​លេខ៤ នៅតែបន្តរាល់ថ្ងៃ ប៉ុន្តែដោយសារតំបន់ខ្លះមានភ្លៀងធ្លាក់ជោគជាំស្ទើររាល់ថ្ងៃ ទើប​បណ្ដាល​ឲ្យ​ក្រុម​ការងារការដ្ឋាន នៅតាមចំណុចមួយចំនួន ត្រូវបានផ្អាក​ដំណើរ​ការ​ជា​បណ្ដោះ​អាសន្ន ដោយត្រូវរង់ចាំស្ថានភាពអាកាសធាតុល្អប្រសើរឡើងវិញ។ក្នុងសេចក្តីជូនដំណឹងរបស់ក្រសួងសាធារណការ និងដឹកជញ្ជូន កាលពីពេលថ្មីៗនេះ បាន​ឲ្យ​ដឹង​ថា ថ្មីៗនេះ មានការចុះផ្សាយនូវព័ត៌មានមិនពិត អំពីគម្រោងលើកកម្រិតពង្រីក និងថែទាំ​ផ្លូវ​ជាតិ​លេខ​៤ ដែលខ្លឹមសារផ្សាយ មានភាពប្រាសចាកពីភាពពិតរបស់គម្រោង ដែលបាន​និង​កំពុង​ដំណើរ​ការ​អនុវត្ត ស្ថិតក្រោមការគ្រប់គ្រង របស់ក្រសួងសាធារណការ និងដឹកជញ្ជូន ។សេចក្តីជូនដំណឹងបន្តថា គម្រោងលើកកម្រិត និងថែទាំផ្លូវជាតិលេខ៤ មានប្រវែងសរុប ១៩៦,១​គីឡូម៉ែត្រ ប្រើប្រាស់ហិរញ្ញប្បទានពីធនាគារពិភពលោក បាននិងកំពុង​បន្ត​បេសកកម្ម​ការងារ​សាង​សង់​ជា​រៀង​រាល់​ថ្ងៃ ។ ការអវឌ្ឍនេះ អាចធានាបានប្រសិទ្ធភាព និងការការពារការជន់លិចផ្លូវ​ជាតិ​លេខ​៤ ពីជំនន់ទឹកភ្លៀងដូចនាឆ្នាំកន្លងមក ហើយក្រសួង ជាមួយក្រុមហ៊ុនម៉ៅការសាងសង់ និង​ក្រុមហ៊ុនទីប្រឹក្សាបច្ចេកទេស នឹងខិតខំបន្តជំរុញសកម្មភាពសាងសងបន្ថែមទៀត បន្ទាប់​ពី​ផុត​រដូវ​វស្សា​នេះ។បើតាមសេចក្តីបំភ្លឺរបស់ក្រុមហ៊ុន ប៉ូលី ចាងដា អេនជីនារីង ឯ.ក បានឲ្យដឹងថា គម្រោងស្ថាបនា​ស្ពាន​តាម​បណ្តោយផ្លូវជាតិលេខ៤ បានចាប់ផ្ដើមពីខែឧសភា ឆ្នាំ២០២៣ ត្រូវស្ថាបនាសរុប ៩១២​ថ្ងៃ ហើយនឹងបញ្ចប់នៅខែវិច្ឆិកា ឆ្នាំ២០២៥ ។ គម្រោងនេះ មានស្ពានចំនួន៣៧ ក្នុងនោះ​ស្ពាន​ធ្វើ​ថ្មី​៨ និងពង្រីក២៩ ហើយរហូតមកដល់ពេលនេះ គម្រោងបានបញ្ចប់ការងារជាង ៥០​ភាគរយ។ភាគីក្រុមហ៊ុន បន្តថា ក្រុមហ៊ុនតែងអនុវត្តការគ្រងគ្រងចរាចរណ៍ ធ្វើផ្លូវវៀងដោយ​មាន​ការ​ត្រួត​ពិនិត្យ និងអនុម័តដោយក្រុមហ៊ុន ប្រឹក្សារបច្ចេកទេសអន្តរជាតិ ដើម្បីពង្រឹងសុវត្ថិភាពកម្មករ និង​សាធារណជនដែលប្រើប្រាស់ផ្លូវ ហើយក្រុមហ៊ុនតែងតែអនុវត្តជារៀងរាល់ខែការថែទាំ និង​ជួស​ជុល​ផ្លូវ​វៀង និងផ្លូវដែលមានស្រាប់ នៅតាមទីតាំងស្ថិតក្រោមកុងត្រា របស់ខ្លួន ដើម្បីធា​នា​នូវ​សុវត្ថិភាព និងដើម្បីបង្ហាញការប្តេជ្ញារបស់ក្រុមហ៊ុន ក្នុងការអនុវត្តន៍គម្រោងយ៉ាងជាប់លាប់ ។គួរ​បញ្ជាក់ថា ផ្លូវជាតិលេខ៤ ជាផ្លូវសេដ្ឋកិច្ចសំខាន់ និងមានចរាចរណ៍មមាញឹក ហើយ​អាកាស​ធាតុ មានការបម្រែបម្រួលខុស ពីតំបន់មួយចំនួនផ្សេងទៀត ជាពិសេសក្នុងរដូវវស្សា ដែល​តម្រូវ​ឱ្យមា​ន​ការខិតខំបន្ថែមទ្វេរដង ក្នុងការជួសជុល និងថែរក្សាផ្ផ្លូវបណ្ដោះអាសន្ន ទាំងនោះ ដូច​នេះ​ក្រុម​ហ៊ុន​ទទួលការសាងសង់ បាបស្នើសុំការយោគយល់ និងអធ្យាស្រ័យខ្ពស់ពីប្រជាពលរដ្ឋ ក្នុង​ករណី​មាន​ផលរំខានណាមួយក្នុងកំឡុងពេលសាងសង់នេះ៕ អត្ថបទ បាន សុខរិទ្ធិ 

នាល្ងាចថ្ងៃនេះ ក្រសួងកសិកម្មនឹងបង្ហាញវីដេអូឯកសារមួយអំពី «១០០ឆ្នាំ នៃដំណាំកៅស៊ូនៅកម្ពុជា»

2024/09/16 02:23:51 pm        418
Facebook Telegram Linkin
ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ នៅល្ងាចថ្ងៃទី១៦ ខែកញ្ញា ឆ្នាំ២០២៤នេះ នឹងធ្វើការវីដេអូឯកសារអំពី «១០០ឆ្នាំ នៃដំណាំកៅស៊ូនៅកម្ពុជា» តាមរយៈបណ្ដាញសង្គម ខណៈកម្ពុជាមានដើមកៅស៊ូចាស់ ដែលនៅរស់ច្រើនជាងគេបំផុតនៅក្នុងពិភពលោក រហូតដល់ ៤៤៨ដើម។យោងតាមផេកផ្លូវការរបស់ក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ដំណាំកៅស៊ូ ចាប់ផ្ដើមមានវត្តមាននៅកម្ពុជា ចាប់តាំងពីឆ្នាំ១៩១០ ដែលកាលណោះ ជនជាតិបារាំងម្នាក់ឈ្មោះលោក Boulliard បាននាំដំណាំកៅស៊ូនេះ មកដាំដុះសាកល្បងក្នុងភូមិសាស្ត្រស្រុកព្រៃនប់ ខេត្តកំពត (បច្ចុប្បន្ន ខេត្តព្រះសីហនុ)។ ដោយសារសណ្ឋានដីពុំអំណោយផល ជំនាញការបារាំងបានស្វែងរកដីដែលមានក្សេតបរិស្ថានសមស្របសម្រាប់ដំណាំកៅស៊ូ ហើយចាប់ផ្ដើមដាំដុះជាលក្ខណៈទ្រង់ទ្រាយធំ នៅក្នុងខេត្តចំនួន ៥ ដែលមានដីក្រហមបាសាល់ ។ក្រសួងកសិកម្ម បានបញ្ជាក់ថា ចម្ការកៅស៊ូមានលក្ខណៈឧស្សាហកម្មទ្រង់ទ្រាយធំបានបង្កើតឡើងដោយក្រុមហ៊ុនវិនិយោគរបស់បារាំងធំៗចំនួន៥ នៅលើខេត្តដែលមានដីក្រហមបាសាល់ រួមមាន ខេត្តកំពង់ចាម ខេត្តក្រចេះ និងខេត្តរតនគិរី។ ជាង ១០០ឆ្នាំកន្លងមកនេះ ដំណាំកៅស៊ូ និងឧស្សាហកម្មកៅស៊ូ បាននៅជាប់ជាមួយប្រទេសកម្ពុជាជានិច្ច បើទោះបីជាកម្ពុជាបានផ្លាស់ប្ដូររបបដឹកនាំជាច្រើនលើកច្រើនសារក៏ដោយ។យោងតាមប្រភពដដែលនេះ បានបន្ថែមទៀតថា នៅក្នុងវីដេអូដែលគ្រោងបញ្ចេញនៅល្ងាចថ្ងៃនេះ នឹងនាំទស្សនជនទៅស្គាល់ចម្ការកៅស៊ូដែលមានវ័យចាស់ជាងគេបង្អស់នៅកម្ពុជា ស្ថិតនៅក្នុងភូមិសាស្ត្រឃុំជប់ ស្រុកត្បូងឃ្មុំ ខេត្តត្បូងឃ្មុំ។ ចម្ការកៅស៊ូនេះ មានចំនួនដើមកៅស៊ូចាស់ នៅរស់ច្រើនជាងគេបំផុតនៅក្នុងពិភពលោក រហូតដល់ ៤៤៨ដើម លើផ្ទៃដីប្រមាណ១៤ហិកតា និងកំពុងដើរតួយ៉ាងសំខាន់ក្នុងការស្រាវជ្រាវរកពូជកៅស៊ូ ដែលមានលក្ខខណ្ឌដុះ លូតលាស់ និងផ្ដល់ផលជ័រខ្ពស់ ស្របតាមក្សេតបរិស្ថានរបស់កម្ពុជា៕ 

បណ្ដាញសង្គម

ព័ត៌មានថ្មីៗ

ប្រធានសហគមន៍អ្នកគណិតវិទ្យាកម្ពុជា៖ ការប្រកួតគណិតវិទ្យាអន្តរជាតិ ជា​ការ​ចូល​រួម​ពង្រឹង​សមត្ថភាព​សិស្ស និងការសិក្សាស្រាវជ្រាវ
07/20/2025 10:07 AM
Facebook Telegram Linkin
សម្ដេចធិបតី ហ៊ុន ម៉ាណែត ថ្លែងអំណរគុណដល់បងប្អូនមហាគ្រួសារខ្មែរ ដែលបានជួបជុំគ្នាជាលើកទីពីរ ជាសារលើកទឹកចិត្តដ៏ធំធេងទៅដល់វីរកងទ័ពជួរមុខ
07/19/2025 10:07 PM
Facebook Telegram Linkin
ប្រតិភូគណៈចលនាសាសនិកឥស្លាមកម្ពុជា នាំយកអំណោយឧបត្ថម្ភជូនកងកម្លាំងជួរមុខ ដែលកំពុងឈរជើងការពារព្រំដែន ខេត្តព្រះវិហារ
07/19/2025 08:07 PM
Facebook Telegram Linkin
ឯកឧត្តម ឌិត ទីណា អញ្ជើញបើកកិច្ចប្រជុំបូកសរុបសកម្មភាព និងលទ្ធផលការងារមូលដ្ឋានខេត្តបន្ទាយមានជ័យ
07/19/2025 07:07 PM
Facebook Telegram Linkin
កូនប្រុសពៅសម្ដេចធិបតី ហ៊ុន ម៉ាណែត ទទួលបានមេដាយមាសសិស្សឆ្នើម លើការប្រកួតគណិតវិទ្យាអន្តរជាតិ ចំណាត់ថ្នាក់លេខមួយ ៣ឆ្នាំជាប់គ្នា
07/19/2025 05:07 PM
Facebook Telegram Linkin
ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បន្តចុះពិនិត្យ ព្យាបាលជំងឺ ជូនប្រជាពលរដ្ឋដោយឥតគិតថ្លៃ នៅឃុំតាសាល ស្រុកឱរ៉ាល់ ខេត្តកំពង់ស្ពឺ
07/19/2025 05:07 PM
Facebook Telegram Linkin
ចិនប្តេជ្ញាចាត់វិធានការកាន់តែតឹងរ៉ឹង ប្រឆាំងនឹងការរត់ពន្ធរ៉ែយុទ្ធសាស្ត្រ
07/19/2025 05:07 PM
Facebook Telegram Linkin
មន្ត្រីជាន់ខ្ពស់ក្រសួងធម្មការនិងសាសនាណែនាំដល់យុវជនត្រូវធ្វើអំពើល្អនិងខិតខំរៀនសូត្រដើម្បីបន្តការពារនិងអភិវឌ្ឍន៍ជាតិ
07/19/2025 05:07 PM
Facebook Telegram Linkin
លោក Zelenskyy៖ រុស្ស៊ីបាញ់មីស៊ីលជាង ៣០គ្រាប់ និងយានដ្រូន ៣០០គ្រឿង អំឡុងការវាយប្រហារលើអ៊ុយក្រែន
07/19/2025 05:07 PM
Facebook Telegram Linkin
មនុស្សយ៉ាងតិច ១៩នាក់ រងរបួសដោយសារការផ្ទុះកាំជ្រួចនៅកន្លែងតាំងពិព័រណ៍ ភាគខាងលិចអាល្លឺម៉ង់
07/19/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.