នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចធិបតីសង្ឃឹមយ៉ាងមុតមាំថា គណៈកម្មការចម្រុះព្រំ​ដែនប្រទេសទាំងពីរកម្ពុជា-ថៃ​អាចចាប់ផ្តើមអនុវត្តការងារវាស់វែងបានឆាប់រហ័ស តាមស្មារតីដែលបានឯកភាពគ្នាក្នុងសេចក្តីប្រកាសរួម
ផ្ទះទេវតា១ខ្នងដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ,សម្ដេចធិបតី ហ៊ុន ម៉ាណែត និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាពនៅខេត្តកំពង់ធំ
សួនរុក្ខជាតិអង្គរ ពិព័រណ៍ “មិត្តសត្វព្រៃ និងពិភពសត្វល្អិត” សម្រាប់អ្នកទេសចរទស្សនា ក្រៅ​ពី​អង្គរវត្ដ
សម្ដេចព្រះមហាសង្ឃរាជ បួរ គ្រី ផ្ដល់ព្រះរាជអំណោយដល់កងទ័ព និង​ធ្វើ​បុណ្យ​ឧទ្ទិសកុសល​ដល់​យុទ្ធជន​ពលី

ព័ត៌មានជាតិ

អគ្គលេខាធិការសមាគមអតីតយុទ្ធជន អញ្ជើញចុះពិនិត្យស្ថានភាពភូមិអតីតយុទ្ធជន និងនិវត្តជន ខេត្តឧត្តរមានជ័យ

2026/03/17 12:38:45 pm        189
Facebook Telegram Linkin
នៅថ្ងៃទី១៦ ខែមីនា ឆ្នាំ២០២៦ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា បានអញ្ជើញចុះសួរសុខទុក្ខ និងពិនិត្យស្ថានភាពរស់នៅរបស់អតីតយុទ្ធជន និងនិវត្តជន រស់នៅ ភូមិស្រះទឹកតេជោសែនជ័យ ឃុំចុងកាល់ ស្រុកចុងកាល់ ខេត្តឧត្តរមានជ័យ។ឯកឧត្តម គន់ គីម មានប្រសាសន៍កោតសរសើរចំពោះអតីតយុទ្ធជន និងនិវត្តជនដែលរស់នៅទីនោះដែលទទួលបានផ្ទះ ចេះថែទាំ និងរៀបចំផ្ទះយ៉ាងស្អាត និងស្នើឱ្យបងប្អូនទាំងអស់សូមចាប់ផ្តើមរៀបចំដាំដុះដំណាំបន្លែ ដំណាំហូបផ្លែ និងដំណាំយុទ្ធសាស្ត្រនានានៅជុំវិញផ្ទះរបស់ខ្លួន និងចិញ្ចឹមសត្វឱ្យបានកាន់តែច្រើន ព្រោះដំណាំ និងសត្វចិញ្ចឹមទាំងនេះនឹងជួយសម្រួលដល់ជីវភាពប្រចាំថ្ងៃទៅថ្ងៃមុខ។ ឯកឧត្តម គន់ គីម ក៏បាននាំប្រសាសន៍ផ្តាំផ្ញើសាកសួរសុខទុកពីសំណាក់សម្តេចតេជោ ហ៊ុន សែន ប្រធានសមាគម សម្តេចកិត្តិព្រឹទ្ធបណ្ឌិត ប៊ុន រ៉ានី សម្តេចធិបតី ហ៊ុន ម៉ាណែត នាយករដ្ឋមន្រ្តី អនុប្រធានទី១សមាគម និងលោកជំទាវ ពេជ ចន្ទមុន្នី ដែលតែងតែគិតគូរ មានចក្ខុវិស័យវែងឆ្ងាយសម្រាប់ប្រជាជនកម្ពុជា ជាពិសេសបងប្អូនអតីតយុទ្ធជន និងនិវត្តជនទាំងអស់ដែលបានតស៊ូការពារមាតុភូមិកម្ពុជាឲ្យមានសុខសន្តិភាពរហូតមក និងបានចាត់ឱ្យថ្នាក់ដឹកនាំគ្រប់ជាន់ថ្នាក់ ពិសេសមូលដ្ឋានចុះពិនិត្យតាមដានពីការរស់នៅ និងសុខទុក្ខរបស់អតីតយុទ្ធជន និងនិវត្តជន ជាប់ជាប្រចាំ និងពិនិត្យឱ្យបានហ្មត់ចត់ចំពោះការដាក់ពាក្យស្នើសុំដី និងផ្ទះជូនអតីតយុទ្ធជន និងនិវត្តជន រូបណាដែលខ្វះខាតពិតប្រាកដដើម្បីរៀបចំដោះស្រាយទាន់ពេលវេលា។ឆ្លៀតក្នុងឱកាសនេះ ឯកឧត្តមទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា ក៏បានជូនពរឱ្យអតីតយុទ្ធជន និងនិវត្តជនទាំងអស់សូមថែរក្សាសុខភាពឱ្យបានល្អគ្រប់ៗគ្នា៕

អ្នកនាំពាក្យ៖ រាជរដ្ឋាភិបាល និងពលរដ្ឋចងចាំជានិច្ចនូវវីរភាពដ៏អង់អាចរបស់វីរកងទ័ព វីរនគរបាល បានបូជាអាយុជីវិតការពារប្រជាជន និងបូរណភាពទឹកដី

2026/03/17 12:03:02 pm        167
Facebook Telegram Linkin
អ្នកនាំពាក្យរាជរដ្ឋាភិបាលកម្ពុជា បានបញ្ជាក់ជាថ្មីថា រាជរដ្ឋាភិបាលកម្ពុជា ថ្នាក់ដឹកនាំនៃយើង និងប្រជាជនកម្ពុជាទាំងអស់ចងចាំជានិច្ចនូវវីរភាពដ៏អង់អាចក្លាហានរបស់វីរកងទ័ពនិងវីរនគរបាលជាតិ និងវីរកងរាជអាវុធហត្ថ ដែលបានបូជាអាយុជីវិតដើម្បីការពារបូរណភាពទឹកដីដើម្បីនាំមកនូវសន្តិភាពជូនជាតិមាតុភូមិ និងប្រជាពលរដ្ឋខ្មែរគ្រប់រូប ដោយមិនបោះបង់នរណាម្នាក់ចោលនោះឡើយ។ តាមរយៈសន្និសីទសារព័ត៌មាននៅថ្ងៃទី១៧ ខែមីនា ឆ្នាំ២០២៦នេះ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានបញ្ជាក់អំពីការយកចិត្តទុកដាក់របស់រាជរដ្ឋាភិបាលជាពិសេសសម្តេចធិបតីហ៊ុន ម៉ាណែត និងលោកជំទាវបណ្ឌិតចំពោះគ្រួសារយុទ្ធជនពលី, ជាក់ស្ដែង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត កាលពីថ្ងៃទី ១៦ ខែមីនា ឆ្នាំ ២០២៦ បានអញ្ជើញប្រគល់ផ្ទះថ្មី៣ខ្នងទៀតជូនគ្រួសារវីរកងទ័ពពលីដែលក្នុងនោះ ផ្ទះ២ខ្នង ស្ថិតនៅក្រុងតាខ្មៅ ខេត្តកណ្ដាល និង១ខ្នងទៀត ក្នុងខណ្ឌព្រែកព្នៅ រាជធានីភ្នំពេញ។ សកម្មភាពផ្តល់ផ្ទះថ្មីជូនគ្រួសារវីរយុទ្ធជនពលីជាបន្តបន្ទាប់សបញ្ជាក់ពីការយកចិត្តទុកដាក់យ៉ាងខ្លាំងរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិតចំពោះគ្រួសារយុទ្ធជនពលីដើម្បីបុព្វហេតុការពារជាតិមាតុភូមិ ក៏ដូចជាចំពោះវីរយុទ្ធជនរងរបួសនិងវីរកងទ័ពដែលកំពុងឈរជើងនៅជួរមុខ ព្រមទាំងពលរដ្ឋភៀសឹក។ អ្នកនាំពាក្យរាជរដ្ឋាភិបាលបានថ្លែងថា ជារៀងរាល់លើក នៅក្នុងពិធីប្រគល់ផ្ទះថ្មីជូនគ្រួសារវីរយុទ្ធជនពលី លោកជំទាវបណ្ឌិត បានពាំនាំប្រសាសន៍ចូលរួមរំលែកមរណទុក្ខដ៏ក្រៀមក្រំបំផុតនិងប្រសាសន៍សួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចមហាបវរធិបតី ហ៊ុន ម៉ាណែត ជូនដល់ក្រុមគ្រួសារនៃសពផងដែរ។ ទន្ទឹមនឹងនេះ លោកជំទាវបណ្ឌិត ក៏បាននាំយកអំណោយជាច្រើនរបស់សម្តេចបវរធិបតីនិងលោកជំទាវបណ្ឌិតផ្ទាល់ មានដូចជា ថវិកា សម្ភារៈប្រើប្រាស់ និង គ្រឿងឧបភោគបរិភោគ ជូនដល់ក្រុមគ្រួសារសពដើម្បីជួយសម្រួលដល់ការរស់នៅប្រចាំថ្ងៃរបស់ពួកគេ។ នេះសបញ្ជាក់ថា រាជរដ្ឋាភិបាលកម្ពុជា ថ្នាក់ដឹកនាំនៃយើង និងប្រជាជនកម្ពុជាទាំងអស់ចងចាំជានិច្ចនូវវីរភាពដ៏អង់អាចក្លាហានរបស់វីរកងទ័ពនិងវីរនគរបាលជាតិ និងវីរកងរាជអាវុធហត្ថ ដែលបានបូជាអាយុជីវិតដើម្បីការពារបូរណភាពទឹកដីដើម្បីនាំមកនូវសន្តិភាពជូនជាតិមាតុភូមិ និងប្រជាពលរដ្ឋខ្មែរគ្រប់រូប ដោយមិនបោះបង់នរណាម្នាក់ចោលនោះឡើយ។ ជាការតបស្នងចំពោះការលះបង់ដ៏ថ្លៃថ្លានេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានដាក់ចេញគោលនយោបាយ និងយន្តការជាច្រើនដើម្បីជួយសម្រួលដល់ក្រុមគ្រួសាររបស់យុទ្ធជនពលី ដូចជា៖ ការផ្តល់ជូនមុខរបរចិញ្ចឹមជីវិត ការស្រោចស្រង់សមាជិកគ្រួសារ ការផ្តល់អាហារូបករណ៍ដល់កូនៗឱ្យបានសិក្សារហូតដល់កម្រិតបរិញ្ញាបត្រ ការរៀបចំឥណទានសារជាថ្មី ការដោះស្រាយបំណុលជូនវីរយុទ្ធជនក្នុងសមរភូមិ ថែមទាំងមានការគិតគូររហូតដល់ការបង្កើតជាមូលនិធិសម្រាប់ជួយទ្រទ្រង់ដល់ក្រុមគ្រួសារវីរយុទ្ធជនពលីថែមទៀតផង។ ជាក់ស្តែង តមតាមការអំពាវនាវរបស់សម្តេចបវរធិបតី នាយករដ្ឋមន្រ្តី គ្រឹះស្ថានមីក្រូហិរញ្ញវត្ថុដែលជាសមាជិករបស់សមាគមមីក្រូហិរញ្ញវត្ថុកម្ពុជាបានសម្រេចលើកលែងការប្រាក់យ៉ាងច្រើនសម្រាប់គ្រួសារជនភៀសសឹកដើម្បីជួយពួកគាត់ឱ្យមានស្ថិរភាពហិរញ្ញវត្ថុក្នុងអំឡុងពេលភៀសសឹក និងបានលុបចោលបំណុល(ទាំងប្រាក់ដើម ទាំងការប្រាក់) រាប់លានដុល្លារដល់យោធិនជួរមុខ យោធិនរងរបួស និងគ្រួសាររបស់យោធិនពលីដើម្បីជាការដឹងគុណចំពោះការលះបង់ និងជួយសម្រួលជីវភាពរបស់ពួកគេក្នុងគ្រាដ៏លំបាកនេះផង។ នៅក្នុងសារផ្ញើជូនជនរួមជាតិកាលពីថ្ងៃទី ២៩ ខែធ្នូ ឆ្នាំ ២០២៥ សម្តេចមហាបវរធិបតី ហ៊ុន ម៉ាណែត បានសម្តែងការដឹងគុណដ៏ជ្រាលជ្រៅបំផុតចំពោះការលះបង់មិនអាចកាត់ថ្លៃបានរបស់វីរកងទ័ព និងវីរនគរបាលដ៏អង់អាចក្លាហានគ្រប់រូបក្នុងការបំពេញភារកិច្ចដ៏ឧត្តុងឧត្តមដើម្បីកាពារអធិបតេយ្យជាតិ និង បូរណភាពទឹកដី។ គុណូបការៈទាំងនេះ ពិតជាមានតម្លៃលើសអ្វីៗទាំងអស់ ហើយនឹងត្រូវបានចារទុកក្នុងប្រវត្តិសាស្រ្ត សម្រាប់ប្រជាពលរដ្ឋកម្ពុជាគ្រប់រូបនិងគ្រប់ជំនាន់។អ្នកនាំពាក្យរាជរដ្ឋាភិបាលជម្រាបជូនជនរួមជាតិជ្រាបថា ទន្ទឹមនឹងការយកចិត្តទុកដាក់យ៉ាងខ្លាំងចំពោះគ្រួសារវីរយុទ្ធជនពលី វីរយុទ្ធជនរងរបួស ក៏ដូចជាវីរយុទ្ធជនដែលកំពុងឈរជើងនៅជួរមុខ និងពលរដ្ឋភៀសសឹក រាជរដ្ឋាភិបាលនិងថ្នាក់ដឹកនាំក៏ កំពុងការពារអធិបតេយ្យភាពជាតិ និងបូរណភាពទឹកដី ក្នុងដែនអធិបតេយ្យស្របច្បាប់របស់កម្ពុជាយ៉ាងប្តូរផ្តាច់បំផុតតាមរយៈនយោបាយការទូតសកម្មនិងដោយសន្តិវិធីស្របតាមគោលការណ៍ច្បាប់អន្តរជាតិ។ ជាក់ស្តែង រាជរដ្ឋាភិបាលបាននិងកំពុងបន្តការងារបេសកកម្មការទូតយ៉ាងមមាញឹកទាំងនៅក្នុងប្រទេស ទាំងក្នុងក្របខ័ណ្ឌតំបន់ និងលើឆាកអន្តរជាតិ ដើម្បីឈានទៅរកដំណោះស្រាយបញ្ហាព្រំដែនដោយសន្តិវិធីឱ្យបានឆាប់ ប្រកបដោយយុត្តិធម៌ ត្រឹមត្រូវនិងចីរកាល ដោយមានច្បាប់អន្តរជាតិជាគោល៕

តម្លៃប្រេងឥន្ធនៈចាប់ពីថ្ងៃទី១៧ខែមីនាដល់ជូនដំណឹងថ្មីសាំង ៥,៥០០រៀល និងម៉ាស៊ូត ៦,៥៥០រៀល/លីត្រ

2026/03/17 11:50:52 am        235
Facebook Telegram Linkin
ក្រសួងពាណិជ្ជកម្មកម្ពុជាបានឱ្យដឹងថា តម្លៃលក់រាយប្រេងឥន្ធនៈនៅព្រះរាជាណាចក្រកម្ពុជា អនុវត្តចាប់ពីថ្ងៃទី១៧ ខែមីនា ឆ្នាំ២០២៦ រហូតដល់មានការជូនដំណឹងថ្មី គឺតម្លៃប្រេងសាំង = ៥,៥០០រៀល/លីត្រ ចំណែក ប្រេងម៉ាស៊ូត = ៦,៥៥០រៀល/លីត្រ។ នេះបើតាមសេចក្តីជូនដំណឹង ស្តីពីថ្លៃលក់រាយប្រេងឥន្ធនៈនៅតាមស្ថានីយប្រេងនៅកម្ពុជា។ ក្រសួងពាណិជ្ជកម្មបានឱ្យដឹងថា ការកំណត់ថម្លៃប្រេងនេះ គឺយោងតាមប្រកាសអន្តរក្រសួង ចុះថ្ងៃទី២២ ខែមីនា ឆ្នាំ២០២២ របស់ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងក្រសួងរ៉ែ និងថាមពល ស្តីពីការកំណត់រូបមន្តសម្រាប់កែសម្រួលថ្លៃលក់រាយប្រេងឥន្ធនៈនៅកម្ពុជា និងយោងលើការព្រមព្រៀង លើរូបមន្តកំណត់តម្លៃជាមួយក្រុមហ៊ុនប្រេងឥន្ធនៈដែលប្រកបអាជីវកម្មនៅកម្ពុជា ដោយយោងការប្រែប្រួលនៃតម្លៃប្រេងឥន្ធនៈលើទីផ្សារក្នុងតំបន់និងអន្តរជាតិ។ក្រសួងពាណិជ្ជកម្មបានបញ្ជាក់ថា ឆ្លើយតបបញ្ហាតម្លៃប្រេងនេះ រាជរដ្ឋាភិបាលបាន បន្តបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន ៦,៥ សេនដុល្លារ/លីត្រ ក្នុងគោលបំណងជួយសម្រួល ដល់ជីវភាពរបស់ប្រជាពលរដ្ឋ និងបន្តបញ្ចុះ ១សេនដុល្លារ/លីត្របន្ថែមទៀត ដោយសារថ្លៃប្រេងសាំងអន្តរជាតិឡើងលើសពី ៩០ដុល្លារ/បារ៉ែល និងប្រេងម៉ាស៊ូតអន្តរជាតិឡើងលើស ១០០ដុល្លារបារ៉ែល។ ក្រសួងបញ្ជាក់ថា រាជរដ្ឋាភិបាលក៏បានកាត់បន្ថយពន្ធអាករចំនួនប្រមាណ ៤.១ លានដុល្លារក្នុងរយៈពេល៣ថ្ងៃផងដែរ។ដូច្នេះថ្លៃលក់រាយប្រេងឥន្ធនៈត្រូវអនុវត្ត ចាប់ពីថ្ងៃទី១៧ ខែមីនា ឆ្នាំ២០២៦ រហូតដល់ថ្ងៃជូនដំណឹងបន្ទាប់ គឺត្រូវលក់ ៥ ៥០០រៀលលីត្រ សម្រាប់ប្រេងសាំងធម្មតា (Gasoline 92) និង ៦ ៥៥០រៀល/លីត្រ សម្រាប់ប្រេងម៉ាស៊ូត (Gasoil 10ppm)៕

រដ្ឋមន្ត្រីក្រសួងប្រៃសណីយ៍ ធ្វើទស្សនកិច្ចទៅទីភ្នាក់ងារ​អវកាស​ជប៉ុន និង​ក្រុមហ៊ុន​បច្ចេក​វិទ្យា​ជប៉ុន

2026/03/17 11:42:35 am        202
Facebook Telegram Linkin
ទីក្រុងតូក្យូ៖ ឆ្លៀតក្នុងឱកាសអញ្ជើញទៅចូលរួមកិច្ចប្រជុំលើកទី២នៃក្រុមប្រទេសជាមិត្ត (Friends Group) នៃ “ដំណើរការហ៊ីរ៉ូស៊ីម៉ាស្ដីពីបញ្ញាសិប្បនិម្មិត” (Hiroshima AI Process) នាថ្ងៃទី១៥-១៦ ខែមីនា ឆ្នាំ២០២៦ ឯកឧត្ដម ជា វ៉ាន់ដេត រដ្ឋមន្ត្រី​ក្រសួង​ប្រៃសណីយ៍​និង​ទូរ​គមនាគមន៍​បាន​អញ្ជើញទៅធ្វើទស្សនកិច្ចការងារ នៅទីភ្នាក់ងាររុករកអវកាសជប៉ុន (Japan Aerospace Exploration Agency) ដើម្បីស្វែងយល់អំពីការអភិវឌ្ឍនិងការប្រើប្រាស់អវកាស ជា​ពិសេសផ្កាយរណប ដែលជា​ផ្នែក​មួយ​កំពុង​ជឿន​លឿន​នៃ​បច្ចេក​វិទ្យា​ទូរគមនាគមន៍ និង​ឌីជីថល​។ក្នុងឱកាសនេះដែរ ឯកឧត្ដមរដ្ឋមន្ត្រី ក៏បានទទួល​ជំនួប​ពិភាក្សា​ការងារ​ជា​មួយ​នឹង​ក្រុម​ហ៊ុន​ជប៉ុន​ចំនួ​ន៣ គឺក្រុមហ៊ុន Nippon Koei ក្រុមហ៊ុន Magna Wireless និងក្រុមហ៊ុន NextMake។ ក្រុម​ហ៊ុន Nippon Koei ជាក្រុមហ៊ុនសិក្សារៀបចំផែនការមេ (Master Plan) នៃ​គម្រោង​សួន​ឌីជីថល (Digital Park) ជូនក្រសួងប្រៃសណីយ៍និងទូរគមនាគមន៍។ ក្រុមហ៊ុននេះ មាន​ប្រវត្តិ​ទំនាក់​ទំនង​យូរអង្វែងជាមួយកម្ពុជា ដោយបានទទួល​គ្រឿង​ឥស្សរិយ​យសពីព្រះ​រាជា​ណា​ចក្រ​កម្ពុជា​តាំង​ពីឆ្នាំ១៩៥៨ ក្នុងការចូលរួមអភិវឌ្ឍផ្លូវទឹកនិងផ្លូវដែកនៅកម្ពុជា។ រីឯក្រុមហ៊ុន Magna Wireless ជាក្រុមហ៊ុនផលិតគ្រឿងសម្ភារៈបរិក្ខារទូរគមនាគមន៍ រួមមាន​ឧបករណ៍​ប្រើ​បច្ចេក​វិទ្យា​ទូរ​គមនាគមន៍ចល័តជំនាន់ទី៥ (5G) ដែលមានឡេតថិនស៊ីទាប (low-latency) សឺមី​កុង​ឌុច​ទ័រ​ និងបន្ទះឈីប។ កិច្ចពិភាក្សានេះ គឺដើម្បីពិនិត្យលទ្ធភាពឱ្យក្រុមហ៊ុន Magna Wireless មក​ដាក់​ទីតាំងក្នុងសួនឌីជីថលនៅកម្ពុជា។ ចំពោះជំនួបជាមួយក្រុមហ៊ុន NextMake គឺដើម្បី​ពិភាក្សា​ការងារ​លើ​ការរៀបចំបញ្ជូននិស្សិតជំនាញឌីជីថល ជំនាន់ទី១ ដែលចេះភាសាជប៉ុន មកធ្វើ​ការ​ងារ​នៅ​ប្រទេស​ជប៉ុនក្រោមកម្មវិធី IT Pathway ដែលគាំទ្រដោយ​ក្រសួង​ប្រៃសណីយ៍​និង​ទូរគមនាគមន៍​។ដំណើរទស្សនកិច្ចនេះ ជាផ្នែកមួយនៃការពង្រឹងទំនាក់ទំនងវិស័យឌីជីថលរវាងកម្ពុជានិងជប៉ុន ដែលមានការរីកចម្រើនជាលំដាប់ តាមរយៈការស្វែងយល់អំពីការអភិវឌ្ឍនិងប្រើប្រាស់អវកាស ការវិនិយោគក្នុងវិស័យឌីជីថល ទូរគមនាគមន៍ ធនធានមនុស្សឌីជីថល និងហេដ្ឋារចនាសម្ព័ន្ធឌីជីថល៕

ក្នុងខែកុម្ភៈឆ្នាំនេះ ការដោះដូរពាណិជ្ជកម្មរបស់កម្ពុជាជាមួយ RCEP មានទំហំទឹកប្រាក់ជិត ៣.៥០០ លានដុល្លារ

2026/03/17 11:24:12 am        216
Facebook Telegram Linkin
ការដោះដូរពាណិជ្ជកម្មរបស់កម្ពុជា ជាមួយទីផ្សារ RCEP នៅក្នុងខែកុម្ភៈ ឆ្នាំ២០២៦ នេះ មានទំហំទឹកប្រាក់ជិត ៣.៥០០ លានដុល្លារ កើន ឡើងជាង ២៣ ភាគរយ ក្នុងនោះទីផ្សារអាស៊ានមានជាង ១.៤០០ លានដុល្លារ កើនជិត ៥ ភាគរយ ធៀបរយៈពេលដូចគ្នាឆ្នាំ២០២៥ ខណៈ ប្រទេសចំនួន៥ផ្សេងទៀត ដែលជាមាជិកមានកំណើនឡើងផងដែរ។ក្រសួងពាណិជ្ជកម្ម បានបង្ហាញរបាយការណ៍នៃការធ្វើពាណិជ្ជកម្ម ក្នុងនោះការធ្វើពាណិជ្ជកម្មរបស់កម្ពុជាជាមួយទីផ្សារ RCEP នៅ ក្នុងខែកុម្ភៈ ឆ្នាំ២០២៦ នេះ មានទឹកប្រាក់សរុបជិត ៣.៥០០ លានដុល្លារ កើនជាង ២៣ ភាគរយ ដោយកម្ពុជាបាននាំចេញមានទឹកប្រាក់ជាង ៧៥០ លានដុល្លារ ថយចុះ ១២ ភាគរយ និងការនាំចូល មានទឹកប្រាក់ជាង ២.៧០០ លានដុល្លារ កើន ៣៨ ភាគរយ ធៀបរយៈពេលដូចគ្នា ឆ្នាំ២០២៥។ចំណែកជាមួយទីផ្សារអាស៊ានដែលជាសមាជិករបស់ RCEP ទាំង ១០ ប្រទេសវិញ, ការដោះដូរក្នុងរយៈពេលនេះដែរ មានទំហំទឹក ប្រាក់ជាង ១.៤០០ លានដុល្លារ កើនឡើងជិត ៥ ភាគរយ ក្នុងនោះកម្ពុជាបាននាំចេញមានទឹកប្រាក់ជាង ៣៨៥ លានដុល្លារ ថយចុះ ២៧ ភាគរយ ខណៈការនាំចូលពីទីផ្សារអាស៊ានមានទឹកប្រាក់ជាង ១.០០០ លានដុល្លារ កើនឡើង ២៤ ភាគរយ បើធៀបរយៈពេលដូចគ្នានិង ឆ្នាំ២០២៥។ ដោយឡែកប្រទេសដែលជាសមាជិក RCEP ចំនួន៥ផ្សេងទៀតរួមមាន៖ ប្រទេសចិន មានទឹកប្រាក់ជាង ១.៦០០ លានដុល្លារ, ជប៉ុន ២២៩ លានដុល្លារ, កូរ៉េ ៧៣ លានដុល្លារ, អូស្រា្តលី ៦៤ លានដុល្លារ, និងនូវែលសេឡង់ ជាង ៣ លានដុល្លារ ។សូមបញ្ជាក់ថា នៅរយៈពេល២ខែ ដើមឆ្នាំ២០២៦នេះ ការដោះដូរពាណិជ្ជកម្មលើទីផ្សារអន្តរជាតិរបស់កម្ពុជា មានទំហំទឹកប្រាក់សរុបជាង ១១ ពាន់លានដុល្លារ ក្នុងនោះការនាំចេញទំនិញរបស់កម្ពុជា មានទឹកប្រាក់ជាង ៥,២ ពាន់លានដុល្លារ កើនជាង ១៧ ភាគរយ ខណៈការនាំចូលពី បរទេសមានចំនួនជាង ៥,៨ ពាន់លានដុល្លារ កើនឡើង ១៨ ភាគរយ បើធៀបរយៈពេលដូចគ្នាឆ្នំា២០២៥៕អត្ថបទ៖ សុន រ៉ាឌី

ក្រុមអធិការកិច្ចអន្តរក្រសួង បើកប្រជុំពិនិត្យវឌ្ឍនភាពការងារឆ្នាំ២០២៥ និងលើកទិសដៅការងារឆ្នាំ២០២៦

2026/03/17 11:08:08 am        86
Facebook Telegram Linkin
ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមការងាររៀបចំក្រុមអធិការកិច្ចអន្តរក្រសួង បានអញ្ជើញជាអធិបតីដឹកនាំកិច្ចប្រជុំ ដើម្បីពិនិត្យវឌ្ឍនភាពការងារឆ្នាំ២០២៥ និងលើកទិសដៅការងារបន្តសម្រាប់ឆ្នាំ២០២៦ ដែលប្រព្រឹត្តទៅនៅទីស្តីការក្រសួងការងារ។នៅក្រោយចប់កិច្ចប្រជុំ កាលពីរសៀលថ្ងៃទី១៦ មីនា ឆ្នាំ២០២៦កន្លងទៅ ក្រសួងការងារ និងបណ្តុះបណ្តាលវិជ្ជាជីវៈ បានសសេរឱ្យដឹងថា កិច្ចប្រជុំនេះ មានការអញ្ជើញចូលរួមពីសំណាក់ថ្នាក់ដឹកនាំ និងមន្រ្តីជំនាញ តំណាងឱ្យក្រសួងពាក់ព័ន្ធចំនួន ៧ រួមមាន៖ ១. ក្រសួងការងារ និងបណ្ដុះបណ្ដាលវិជ្ជាជីវៈ, ២. ក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្តន៍, ៣. ក្រសួងបរិស្ថាន, ៤). ក្រសួងទេសចរណ៍, ៥. ក្រសួងសុខាភិបាល, ៦. ក្រសួងកសិកម្ម រុក្ខាប្រមាញ់ និងនេសាទ និង៧. ក្រសួងរៀបចំដែនដី នគរូបនីយកម្ម និងសំណង់។នៅក្នុងអង្គប្រជុំនេះ ឯកឧត្តមរដ្ឋមន្រ្តី ហេង សួរ បានគូសបញ្ជាក់យ៉ាងច្បាស់ពីសារៈសំខាន់នៃការបន្តជំរុញយន្តការអធិការកិច្ចអន្តរក្រសួងនេះ ដោយហេតុថាយន្តការនេះ នឹងជួយបង្កើនអត្រាអនុលោមភាព ដែលជាកត្តាស្នូលមិនអាចខ្វះបានក្នុងការជ្រោមជ្រែងភាពប្រកួតប្រជែងរបស់កម្ពុជានៅលើទីផ្សារសកល ជាពិសេសត្រៀមលក្ខណៈក្នុងបរិបទដែលកម្ពុជានឹងត្រូវចាកចេញពីចំណាត់ថ្នាក់ប្រទេសដែលមានការអភិវឌ្ឍតិចតួច (LDC) នៅក្នុងឆ្នាំ២០២៩ខាងមុខ។ ឯកឧត្តម បានសង្កត់ធ្ងន់ថា ការចុះធ្វើអធិការកិច្ចរួមគ្នាដោយអន្តរក្រសួងក្នុងពេលតែមួយនេះ គឺជាការឆ្លើយតបយ៉ាងមានប្រសិទ្ធភាពក្នុងការកាត់បន្ថយការរំខានដល់ប្រតិបត្តិការប្រចាំថ្ងៃរបស់សហគ្រាស ក្រុមហ៊ុន និងរោងចក្រ ដែលកត្តានេះនឹងរួមចំណែកយ៉ាងធំធេងក្នុងការធ្វើឱ្យកម្ពុជាក្លាយជាគោលដៅវិនិយោគដ៏ទាក់ទាញបំផុត។ក្រសួងការងារ បានបញ្ជាក់ថា យន្តការនេះកើតចេញពីការដាក់ចេញនូវវិធានការកែទម្រង់មុតស្រួចជាកញ្ចប់របស់រាជរដ្ឋាភិបាល សំដៅពង្រឹងភាពប្រកួតប្រជែង និងជំរុញការធ្វើពិពិធកម្មសេដ្ឋកិច្ច ដែលបានប្រកាសនៅក្នុងវេទិការាជរដ្ឋាភិបាល-ផ្នែកឯកជនលើកទី១៨ (ថ្ងៃទី២៩ ខែមីនា ឆ្នាំ២០១៩) និងវេទិការាជរដ្ឋាភិបាល-ផ្នែកឯកជនលើកទី១៩ (ថ្ងៃទី១៣ ខែវិច្ឆិកា ឆ្នាំ២០២៣)។ ក្នុងចំណោមប្រធានបទទាំង១៥ នៃវិធានការកែទម្រង់ ប្រធានបទទី៦ គឺផ្តោតសំខាន់លើ “ការពិនិត្យ និងរៀបចំជាបញ្ជីស្ថាប័ន និងពេលវេលាចុះពិនិត្យនៅតាមរោងចក្រ” ដើម្បីបង្កើនប្រសិទ្ធភាពអធិការកិច្ច និងដោះស្រាយបញ្ហារំខានដែលវិស័យឯកជនធ្លាប់ជួបប្រទះ ដោយសារការចុះពិនិត្យច្រើនដងក្នុងពេលខុសៗគ្នាពីសំណាក់ស្ថាប័នផ្សេងៗ។ជាលទ្ធផល គិតមកទល់ពេលនេះ ក្រុមអធិការកិច្ចអន្តរក្រសួង ត្រូវបានបង្កើតឡើងដោយជោគជ័យលើវិស័យអាទិភាពចំនួន ៤ រួមមាន៖ វិស័យកម្មន្តសាល វិស័យឧស្សាហកម្មទេសចរណ៍ វិស័យកសិកម្ម និងវិស័យសំណង់៕អត្ថបទ៖ ឈិត បូរ៉ាវី

ស្ពានមិត្តភាពកម្ពុជា-ចិន មេគង្គក្រចេះគ្រោងដាក់ឱ្យពលរដ្ឋឆ្លងកាត់នៅថ្ងៃទី១ ខែមេសាខាងមុខនេះ ខណៈការសាងសង់សម្រេចបាន ៩៩,៨% ហើយ

2026/03/17 11:01:15 am        166
Facebook Telegram Linkin
ខេត្តក្រចេះ៖ នាថ្ងៃទី១៦ ខែមីនា ឆ្នាំ២០២៦ ឯកឧត្តម លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំក្រុមការងារបច្ចេកទេស ចុះត្រួតពិនិត្យលក្ខណៈបច្ចេកទេស និងតាមដានវឌ្ឍនភាពការងារ នៃគម្រោងសាងសង់ស្ពានមិត្តភាពកម្ពុជា-ចិនមេគង្គក្រចេះ និងផ្លូវតភ្ជាប់។ ក្នុងដំណើរចុះពិនិត្យនេះ មានការចូលរួមពី ឯកឧត្តមអនុរដ្ឋលេខាធិការ ក្រុមការងារអនុវត្តគម្រោង តំណាងមន្ទីរសាធារណការ និងដឹកជញ្ជូនខេត្តក្រចេះ តំណាងក្រុមហ៊ុនសាងសង់សៀងហៃ និងតំណាងក្រុមហ៊ុនទីប្រឹក្សាបច្ចេកទេស ក្វាងចូវវ៉ានអាន។ក្នុងឱកាសនោះ ឯកឧត្តមរដ្ឋលេខាធិការ បានណែនាំឱ្យក្រុមហ៊ុនសាងសង់ និងក្រុមហ៊ុនទីប្រឹក្សាបច្ចេកទេស រៀបចំដំឡើងផ្លាកសញ្ញាចរាចរណ៍ និងប្រព័ន្ធភ្លើងបំភ្លឺលើស្ពានឱ្យបានគ្រប់គ្រាន់ មុននឹងដាក់ឱ្យប្រជាពលរដ្ឋឆ្លងកាត់នៅថ្ងៃទី១ ខែមេសា ឆ្នាំ២០២៦ ខាងមុខនេះ។គិតមកដល់បច្ចុប្បន្ន ការងារសាងសង់តួស្ពានសម្រេចបានប្រមាណ ៩៩,៨% ខណៈដែលវឌ្ឍនភាពគម្រោងទាំងមូល រួមទាំងការសាងសង់ផ្លូវតភ្ជាប់ សម្រេចបានប្រមាណ ៩៧%។ តាមការប៉ាន់ស្មាន គម្រោងនេះគ្រោងនឹងបញ្ចប់ជាស្ថាពរនៅចុងខែមិថុនា ឆ្នាំ២០២៦ ខាងមុខនេះ។សូមជម្រាបថា ស្ពានមិត្តភាពកម្ពុជា-ចិន មេគង្គក្រចេះ ជាស្ពានយុទ្ធសាស្ត្រតភ្ជាប់ការធ្វើដំណើរដ៏សំខាន់ពីស្រុកចិត្របុរី នៅត្រើយខាងកើត ភ្ជាប់នឹងស្រុកព្រែកប្រសព្វ នៅត្រើយខាងលិច។ ស្ពាននេះ ក៏នឹងលើកកម្ពស់ដល់ប្រសិទ្ធភាពនៃវិស័យដឹកជញ្ជូន ពិសេស ការដឹកជញ្ជូនទិន្នផលកសិ-ឧស្សាហកម្ម រួមទាំងការតភ្ជាប់វិស័យទេសចរណ៍ពីខេត្តកំពង់ធំ ទៅកាន់ភូមិភាគឦសានបានកាន់តែងាយស្រួលបន្ថែមទៀត៕

កម្ពុជាបង្ហាញសក្តានុពលវិស័យកសិកម្មដល់អូស្ត្រាលី ដើម្បីជំរុញកំណើនវិនិយោគ និងពង្រីកការនាំចេញ

2026/03/17 10:55:31 am        168
Facebook Telegram Linkin
ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីល្ងាចថ្ងៃទី១៦ ខែមីនា ឆ្នាំ២០២៦ បានអញ្ជើញចូលរួមក្នុងវេទិកាតភ្ជាប់កសិ-ចំណីអាហារអូស្ត្រាលី-កម្ពុជា "Australia-Cambodia Agrifood Connection Forum" នៅរាជធានីភ្នំពេញ។ យោងតាមក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា នៅកម្មវិធីនាឱកាសនោះ ឯកឧត្តមរដ្ឋមន្រ្តី បានគូសបញ្ជាក់អំពីកិច្ចសហប្រតិបត្តិការ រវាងកម្ពុជា-អូស្រ្តាលី នូវទំនាក់ទំនងល្អ និងយូរអង្វែង ប្រកបដោយភាពរឹងមាំ ហើយកម្មវិធីនាពេលនេះគឺជាការពង្រឹងនូវភាពជាដៃគូបន្ថែមទៀត ជាពិសេសការវិនិយោគក្នុងវិស័យកសិ-ពាណិជ្ជកម្ម។ជាមួយគ្នានេះ ឯកឧត្តមរដ្ឋមន្រ្តី បានលើកឡើងអំពីគោលនយោបាយអាទិភាពក្នុងវិស័យកសិកម្ម ជូនដល់វិនិយោគិនអូស្រ្តាលី ក្នុងការចូលរួមសហការជាមួយសហគមន៍កសិកម្មទំនើប ដែលមានប្រព័ន្ធការងារជាក់លាក់ មានខ្សែច្រវាក់ផលិតកម្ម មានធនធានមនុស្សសម្រាប់ផលិតកម្មទំហំធំ និងមានស្តង់ដារបច្ចេកទេសត្រឹមត្រូវ។ឯកឧត្តមរដ្ឋមន្រ្តី ស្វាគមន៍ដល់រាល់វិនិយោគិនទាំងអស់ ដែលមានបំណងក្នុងការវិនិយោគលើតភ្ជាប់ខ្សែច្រវាក់តម្លៃទាំងមូល ពោលគឺចាប់ពីការផលិត កែច្នៃវេចខ្ចប់ និងនាំចេញទៅកាន់ទីផ្សារអន្តរជាតិ ខណៈកម្ពុជាមានកសិផលសក្តានុពលជាច្រើនប្រភេទ ដែលមានគុណភាពល្អប្រណិត និងមានតម្លៃបន្ថែមខ្ពស់។ឯកឧត្តមរដ្ឋមន្ត្រី ឌិត ទីណា បានថ្លែងអំណរគុណដល់ស្ថានទូតអូស្រ្តាលីប្រចាំកម្ពុជា និងបណ្តាពាណិជ្ជករអូស្រ្តាលី ដែលបានរៀបចំកម្មវិធីនេះឡើងដើម្បីផ្គូផ្គងដៃគូកម្ពុជា-អូស្រ្តាលី សំដៅទទួលបានផលចំណេញទាំងអស់គ្នា៕អត្ថបទ៖ ឈិត បូរ៉ាវី 

ក្រុមការងារមន្ទីរកសិកម្មខេត្តឧត្តរមានជ័យ បន្តប្រមូលផលបន្លែ ស៊ុតទា និងត្រីអណ្តែងជូនដល់ពលរដ្ឋភៀសសឹក និងកងទ័ពជួរមុខ

2026/03/17 10:45:10 am        183
Facebook Telegram Linkin
នៅថ្ងៃទី១៦ ខែមីនា ឆ្នាំ២០២៦ ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តឧត្តរមានជ័យបានបន្តប្រមូលផលបន្លែមានត្រកួនចំនួន ១ ០០០គីឡូក្រាម ស៊ុតទាចំនួន ១ ៦៥០គ្រាប់ និងត្រីអណ្តែងចំនួន ៧០គីឡូក្រាមជូនដល់ប្រជាពលរដ្ឋ សិស្សានុសិស្សក្នុងមណ្ឌលសុវត្ថិភាពបាត់ថ្កៅ និងកងទ័ពជួរមុខប្រចាំការនៅខេត្តឧត្តរមានជ័យ។សូមជម្រាបជូនថា គិតត្រឹមថ្ងៃទី១៦ ខែមីនា ការប្រមូលផលបានចំនួន ១៧លើក សរុបចំនួន ២២ ១៦០គក ក្នុងនោះរួមមាន ត្រកួនចំនូន ១៤ ៨៣០គីឡូក្រាម ស្ពៃចង្កឹះចំនួន ៤ ៦៨០គីឡូក្រាម ស្ពៃក្រញ៉ាញ់ចំនួន ២ ៣៥០គីឡូក្រាម ស្ពៃតឿចំនួន ២៥០គីឡូក្រាម ផ្ទីចំនួន ៥០គីឡូក្រាម ស៊ុតទាចំនួន ១២ ១៤០គ្រាប់ និងត្រីអណ្តែងចំនួន ១៨០គីឡូក្រាម៕

សម្តេចកិត្តិសង្គហបណ្ឌិត ម៉ែន សំអន អញ្ជើញរៀបចំពិធីប្រុងពលីសុំម្ចាស់ទឹកម្ចាស់ដី ដើម្បីរៀបចំព្រឹត្តិការណ៍បុណ្យទន្លេ នៅខេត្តក្រចេះ

2026/03/17 10:37:50 am        180
Facebook Telegram Linkin
‎សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ អញ្ជើញដឹកនាំរៀបចំពិធីប្រុងពលី សុំម្ចាស់ទឹកម្ចាស់ដី បួងសួងសុំពរជ័យ សិរីសួស្តី សុខសប្បាយ និងសុំសេចក្តីសុខសាន្ត ដើម្បីជាពរជ័យ និងជោគជ័យក្នុងការរៀបចំព្រឹត្តិការណ៍បុណ្យទន្លេលើកទី១០ ដែលនឹងប្រារព្ធធ្វើឡើងនៅខេត្តក្រចេះ ចាប់ពីថ្ងៃទី២៧ ដល់ថ្ងៃទី២៩ ខែមីនា ខាងមុខនេះ ខណៈពិធីនេះប្រព្រឹត្តធ្វើនៅលើវាលខ្សាច់មាត់ទន្លេ កោះទ្រង់ ស្ថិតក្នុងសង្កាត់កោះទ្រង់ ក្រុងក្រចេះ ខេត្តក្រចេះ នាព្រឹកថ្ងៃទី១៧ ខែមីនា ឆ្នាំ២០២៦។ពិធីប្រុងពលីនេះ មានការអញ្ជើញចូលរួមពីសំណាក់ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ឯកឧត្តម ហ៊ឹម សុភា រដ្ឋលេខាធិការក្រសួងទេសចរណ៍ លោកជំទាវ ដួង វណ្ណា អ្នកតំណាងរាស្រ្តមណ្ឌលខេត្តស្វាយរៀង ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ ឯកឧត្តម លោកជំទាវ លោក លោកស្រី ជាមន្ត្រីរាជការ អាជ្ញាធរមូលដ្ឋាន និងប្រជាពលរដ្ឋជាច្រើនរូប។

បណ្ដាញសង្គម

ព័ត៌មានថ្មីៗ

សម្តេចធិបតីសង្ឃឹមយ៉ាងមុតមាំថា គណៈកម្មការចម្រុះព្រំ​ដែនប្រទេសទាំងពីរកម្ពុជា-ថៃ​អាចចាប់ផ្តើមអនុវត្តការងារវាស់វែងបានឆាប់រហ័ស តាមស្មារតីដែលបានឯកភាពគ្នាក្នុងសេចក្តីប្រកាសរួម
04/11/2026 08:04 PM
Facebook Telegram Linkin
ផ្ទះទេវតា១ខ្នងដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ,សម្ដេចធិបតី ហ៊ុន ម៉ាណែត និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាពនៅខេត្តកំពង់ធំ
04/11/2026 08:04 PM
Facebook Telegram Linkin
អេស្តូនីនឹងមិនឃាត់នាវារុស្ស៊ីនៅក្នុងសមុទ្របាល់ទិក ដោយសារតែហានិភ័យនៃការកើនឡើងភាពតានតឹង
04/11/2026 05:04 PM
Facebook Telegram Linkin
ប្រជាជនលីបង់នៅទីក្រុងបេរូត បង្ហាញពីភាពមិនប្រាកដប្រជា មុនពេលមានការចរចាជាមួយអ៊ីស្រាអែល
04/11/2026 05:04 PM
Facebook Telegram Linkin
កូរ៉េខាងជើងដាក់តាំងបង្ហាញស្ករគ្រាប់រាងដូចមីស៊ីល និងរថក្រោះ នៅក្នុងពិធីតាំងពិព័រណ៍
04/11/2026 05:04 PM
Facebook Telegram Linkin
ក្រុមអ្នកជួយសង្គ្រោះ កំពុងស្វែងរកមនុស្សបាត់ខ្លួន បន្ទាប់ពីទូកទេសចរណ៍លិចនៅភាគខាងជើងឥណ្ឌា
04/11/2026 05:04 PM
Facebook Telegram Linkin
លីប៊ីចុះហត្ថលេខាលើថវិការដ្ឋបង្រួបបង្រួមលើកដំបូង ក្នុងរយៈពេលជាង ១ ទសវត្សរ៍
04/11/2026 05:04 PM
Facebook Telegram Linkin
សួនរុក្ខជាតិអង្គរ ពិព័រណ៍ “មិត្តសត្វព្រៃ និងពិភពសត្វល្អិត” សម្រាប់អ្នកទេសចរទស្សនា ក្រៅ​ពី​អង្គរវត្ដ
04/11/2026 05:04 PM
Facebook Telegram Linkin
សម្ដេចព្រះមហាសង្ឃរាជ បួរ គ្រី ផ្ដល់ព្រះរាជអំណោយដល់កងទ័ព និង​ធ្វើ​បុណ្យ​ឧទ្ទិសកុសល​ដល់​យុទ្ធជន​ពលី
04/11/2026 04:04 PM
Facebook Telegram Linkin
តាមបណ្តាសាកលវិទ្យាល័យ រៀបចំលេងល្បែងប្រជាប្រិយមុនថ្ងៃចូលឆ្នាំថ្មី និងលើក​តម្កើង​អត្ត​សញ្ញាណ​វប្បធម៌ខ្មែរ
04/11/2026 04:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.