BTV NEWS

ពិធីប្រកាសចូលកាន់មុខតំណែងចៅអធិការវត្តចំនួន២៥វត្ត និងស្រោចស្រពសុគន្ធវារី

កោះទំហំជិត៤ហិកតាក្នុងស្រុកបាកាន ត្រូវបានបញ្ចុះបឋមសិលាអភិវឌ្ឍន៍ទៅជាឧទ្យានបាកាន កោះនៃការត្រាស់ដឹង

ឯកអគ្គរដ្ឋទូតនៃសាធារណរដ្ឋហ្វីលីពីនប្រចាំកម្ពុជា សន្យាចូលរួមលើកកម្ពស់វិស័យវប្បធម៌ជួយដល់កម្ពុជា

សម្តេច ឃួន សុដារី ណែនាំឱ្យចលនាស្រ្តីគណបក្សចូលរួមលើកិច្ចការគាំពារសង្គម ដើម្បីគាំទ្រយេនឌ័រ

ព័ត៌មានជាតិ

សមិទ្ធផលនានាតំលៃប្រមាណ ៤៣ម៉ឺនដុល្លា នៅវត្តសុភីរាម ហៅវត្តបន្ទាយត្រោក ត្រូវបានសម្ពោធដាក់ឱ្យប្រើសប្រាស់

ពោធិ៍សាត់៖ នៅព្រឹកថ្ងៃទី១៣ ខែមិថុនា ឆ្នាំ២០២៤ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងលោកជំទាវ អាំង សុជាតា និងលោកឧកញ៉ា ភូ ពុយ អ្នកតំណាងរាស្ត្រខេត្តបាត់ដំបង បានអញ្ជើញជាអធិបតិភាពក្នុង ពិធីសម្ពោធដាក់ឱ្យប្រើប្រាស់កុដិ ប្រតិស្ថានដើមពោធិព្រឹក្ស ពុទ្ធាភិសេកព្រះពុទ្ធរូប ឆ្លងខឿនពោធិព្រឹក្ស និងសមិទ្ធផលនានាជាច្រើនមុខ នៅវត្ដសុភីរាម ហៅវត្តបន្ទាយត្រោក ដោយមានការចូលរួមពីក្រុមប្រឹក្សាខេត្ត-ស្រុក សប្បុរសជន មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស លោកតាលោកយាយ ពុទ្ធបរិស័ទ ជាច្រើននាក់។លោក ឆាយ គឹមម៉ុង អភិបាលស្រុកកណ្តៀងបានឱ្យដឹងថា វត្តសុភីរាម ហៅ វត្តបន្ទាយត្រោក ជាវត្តចំណាស់មួយក្នុងខេត្តពោធិ៍សាត់ ស្ថិតក្នុងក្នុងភូមិបន្ទាយត្រោក ឃុំស្រែស្តុក ស្រុកកណ្តៀង វត្តនេះត្រូវបានកសាងឡើងជាថ្មីដោយព្រះតេជគុណ ខុង ម៉ូវ ក្នុងឆ្នាំ១៨៨០ នៅលើ ទីវត្តចាស់ ដែលមានអាយុកាលជាង ២០០ឆ្នាំ មុន។ ដោយនៅលើទីទួលវត្តចាស់នោះមានដើមសុភីជាច្រើនដើម ទើបព្រះតេជគុណ ខុង ម៉ូវ ព្រមទាំងពុទ្ធបរិស័ទចំណុះជើងវត្តបានសន្មតិជាឈ្មោះថា វត្តសុភីរាម ហើយឈ្មោះនេះ ត្រូវបានប្រើប្រាស់រហូតដល់សព្វថ្ងៃនេះ។ វត្តសុភីរាម រាប់ចាប់ផ្តើមពីការកសាងរហូតដល់ បច្ចុប្បន្ន មានព្រះគ្រូចៅអធិការចំនួន ១០អង្គ ហើយ ដែលបានគ្រប់គ្រងកសាងសមិទ្ធផលនានាក្នុងវត្ត ។ ចំពោះសមិទ្ធផលដែលត្រូវដាក់សម្ពោធឆ្លងក្នុងពេលនេះ សរុបការចំណាយអស់ ១២៥.៩២០.០០០រៀល និង ៤៣២.១៧៨ដុល្លារសហរដ្ឋអាមេរិក រួមមាន៖ ផ្ទះបិណ្ឌមួយខ្នង , កាយស្រះថ្មីមានបណ្ដោយ ១៩០ម៉ែត្រ ទទឹង ៣០ម៉ែត្រ ជម្រៅ ៦ម៉ែត្រ , កុដិតូច ៤ខ្នង មានបន្ទប់ទឹក៤ និងកុដិធំពីរជាន់ , រោងចម្រោះទឹកចំនួន១ និងម៉ាស៊ីនចម្រោះទឹកសុទ្ធមួយឈុត , បន្ទប់ទឹក មួយខ្នង ៦បន្ទប់,ផ្លូវ បេតុងតូចធំ៨ខ្សែ , ជួសជុលខឿនព្រះវិហារ , ស្រះទឹកតូចមានរបងជុំវិញ , សាងសង់ខ្យូស ចំនួន៨, ដងទង់តូចៗ ៣២០ដើម ,ដងទង់បង្គោលភ្លើង , ខឿនព្រះពោធិព្រឹក្ស និងព្រះពុទ្ធរូបលើខឿនពោធិព្រឹក្ស , រៀបចំសួនផ្កា , របង ,ក្រាលការ៉ូឡា , រៀបចំភ្លើងក្នុងវត្ត , និងចាក់សាបក្នុងបរិវេណវត្ត ។ សមិទ្ធផលទាំងអស់នេះ បានផ្ដួចផ្ដើមកសាង និងជួសជុល ដោយ ៖ ១- លោកឧកញ៉ា ភួ ប៉ូយ និងលោក ជំទាវ លី ផិចលន់ ២- លោកឧកញ៉ា ភួ ពុយ និងលោកជំទាវ អ៊ឹង ណងពីន ៣- ឧបាសក ទា យូថេង ឧបាសិកា ជិវ ឈីវវួច ៤-លោក ចាំ ម៉េង និងអ្នកស្រី ភួង ធីតា ៥- លោក តាំង ស៊ុយគង់ និងលោកស្រី អៀង ម៉ុយ និង៦-ឧបាសក សេង អៀម និងឧបាសិកា តាន់ ប៉ុច ព្រមទាំងព្រះគ្រូចៅអធិការ លោកអាចារ្យ គណៈកម្មការ និងពុទ្ធបរិស័ទ្ធចំណុះជើងវត្ត និងពុទ្ធបរិស័ទជិតឆ្ងាយ ក្នុងនិងក្រៅប្រទេស ។ ក្នុងឱកាសនោះ ឯកឧត្តម ខូយ រីដា មានប្រសាសន៍លើកឡើងថា ឯកឧត្តមពិតជាមានមោទនភាពបំផុត ជាមួយនិង សមិទ្ធផលដែលកើតចេញ ពីកម្លាំងសាមគ្គីរបស់សប្បុរសជន និងពុទ្ធបរិស័ទ ជិតឆ្ងាយ បានចូលរួមកសាងឱ្យកើតចេញជាសមិទ្ធផលទាំងនេះឡើង ដើម្បីបម្រើសេចក្តីត្រូវការរបស់ បងប្អូនប្រជាពលរដ្ឋយើង។យ៉ាងណាមិចសមិទ្ធផលដែលកើតមានចំពោះមុខយើងនេះមិនមែន កើតឡើងដោយឯកឯងនោះទេ គឺដោយសារគុណបំណាច់នៃសន្តិភាព យើងមានសន្តិភាព យើងអាចអភិវឌ្ឍបានសព្វបែបយ៉ាង។យើងទាំងអស់គ្នាក៏ត្រូវចង់ចាំនិងគោរពដឹងគុណជានិច្ច ចំពោះវីរភាពគំរូ និងបិតានយោបាយឈ្នះឈ្នះរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភានៃព្រះរាជាណាចក្រកម្ពុជា បាននាំ មកនូវសន្តិភាពជូនប្រជាជនកម្ពុជាទាំងមូល។ ក្នុងនោះដែរក៏សូមគោរពអរគុណយ៉ាងជ្រាលជ្រៅចំពោះសម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលមានឆន្ទៈ ក្នុងការកសាងប្រទេសឱ្យមានការ អភិវឌ្ឍ និងរីកចម្រើនស្របតាមគោលនយោបាយបញ្ចកោណរបស់រាជរដ្ឋាភិបាល។ ឆ្លៀតក្នុងឱកាសនេះដែរ ឯកឧត្តម សូមអរគុណចំពោះលោកឧកញ៉ា ភូ ពុយ ដែលបាន ចំណាយធនធានផ្ទាល់ខ្លួន ក្នុងការចូលកសាងវិស័យពុទ្ធចក្រនិងអាណាចក្រឱ្យមានការីក ចម្រើនដើម្បីបម្រើឧត្តមប្រយោជន៍ក្នុងវិស័យពុទ្ធសាសនា។ជាមួយគ្នានេះ សូមកោតសរសើរ និងថ្លែងអំណរគុណចំពោះគំនិតផ្តួចផ្តើមនិងការខិតខំប្រឹងប្រែងរបស់ព្រះចៅអធិការគ្រប់ជំនាន់ ព្រះថេរានុត្ថេរៈគ្រប់ព្រះអង្គក្រុមការងាររាជរដ្ឋាភិបាលចុះមូលដ្ឋានស្រុកកណ្តៀង ដែលតែងតែ លះបង់ពេលវេលានិងធនធានកន្លងមក ក្នុងការចូលរួមចំណែកអភិវឌ្ឍន៍មូលដ្ឋាន និងដោះ ស្រាយបញ្ហាផ្សេងៗ ពិសេស ឯកឧត្តម ប្រធានក្រុមការងារ លោកអភិបាលស្រុក សប្បុរសជន ពុទ្ធបរិស័ទទាំងក្នុងនឹងក្រៅខេត្ត ដែលបានផ្តល់នូវជំនឿជឿជាក់រួបរួមសាមគ្គី ក្នុងការកសាង សមិទ្ធផលនានាក្នុងវត្ត សម្រាប់ទុកជាទីសេនាសនៈដ៏គាប់ប្រសើរក្នុងវិស័យព្រះពុទ្ធសាសនា ៕ អត្ថបទ និងរូបភាព ៖ ភិរុណ ពៅ

សម្តេចធិបតី៖ សមិទ្ធផលធំសម្រាប់ជាតិ គឺផ្តើមចេញពីមនុស្សម្នាក់ៗ បានជោគជ័យលើសិក្សា និងការងារ

ក្នុងឱកាសអញ្ជើញជាអធិបតីពិធីចែកសញ្ញាបត្រដល់និស្សិតនៃសាកលវិទ្យាល័យលីមកុកវីង នៅថ្ងៃទី១៣ ខែមិថុនានេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រាសាសន៍ថា សមិទ្ធផលធំសម្រាប់ប្រទេសជាតិ គឺផ្តើមចេញពីមនុស្សម្នាក់ៗ បានសម្រេចជោគជ័យទាំងក្នុងការសិក្សា និងការងារ។សម្តេចធិបតី នាយករដ្ឋមន្រ្ដីបានថ្លែងថា សិស្សនិស្សិតនៃសាកលវិទ្យាល័យលីមកុកវីងដែលបញ្ចប់ការសិក្សានៅថ្ងៃនេះ នឹងក្លាយទៅជាតួអង្គធនធានមនុស្សដែលអាចយកទៅបម្រើការងារបានក្នុងការជំរុញសេដ្ឋកិច្ច អាចក្លាយជាអ្នកដឹកនាំ ឬអាចជួយជំរុញសកម្មភាពការងារនៅតាមបណ្តាអង្គភាព ស្ថាប័នទាំងវិស័យរដ្ឋ និងវិស័យឯកជន និងនៅតាមអង្គការ ស្ថាប័នអន្តរជាតិនានា ឬការងារស្វ័យនិយោជន៍ដោយខ្លួនឯងផងដែរ។ក្នុងឱកាសនោះសម្តេចធិបតីនាយករដ្ឋមន្រ្ដី បានបញ្ជាក់ថា ការសម្រេចបានលទ្ធផលល្អលើការសិក្សា និងការងាររបស់យុវជន និងប្រជាពលរដ្ឋ គឺជាសមិទ្ធផលដ៏ធំបំផុតសម្រាប់ប្រទេសជាតិ។ សម្ដេចធិបតីក៏បាន អបអរសាទរ និងអបអរសាទរដល់ប្រទេសជាតិ ដែលទទួលបានធនធានមនុស្សដែលគុណវុឌ្ឍិបន្ថែមទៀតនាថ្ងៃនេះផងដែរ។សូមជម្រាបថា រដ្ឋាភិបាលតាំងពីអាណត្តិមុន រហូតដល់អាណត្តិទី៧នេះ បានយកចិត្តទុកដាក់ខ្ពស់លើការអប់រំ និងការបណ្តុះបណ្តាលដើម្បីបង្កើនធនធានមនុស្ស ដែលជាមូលដ្ឋានគ្រឹះនៃការអភិវឌ្ឍប្រទេសជាតិក្នុងនោះរាជរដ្ឋាភិបាលបានបន្តខិតខំកែទម្រង់វិស័យអប់រំគ្រប់កម្រិត រួមទាំងការដាក់ចេញគោលនយោបាយ និងវិធានគន្លឹះនានាឱ្យអនុវត្តសម្រាប់បង្កើនគុណភាពអប់រំ ប្រកបដោយប្រសិទ្ធភាព បរិយាបន្ន និងតម្លាភាព ដើម្បីធានាឱ្យបាននូវកំណើនសេដ្ឋកិច្ច ប្រកបដោយចីរភាព និងភាពធន់ ក្នុងគោលបំណងលើកកម្ពស់នូវជីវភាពរស់នៅរបស់ប្រជាពលរដ្ឋ និងសម្រេចបាននូវចក្ខុវិស័យកម្ពុជាឆ្នាំ២០៥០ ប្រែក្លាយកម្ពុជាទៅជាប្រទេសមានចំណូលខ្ពស់៕អត្ថបទ៖វ៉ន ដារ៉ា

PPM និង FAES Farma ពួតដៃគ្នាដើម្បីភាពអស្ចារ្យនៃដៃគូពាណិជ្ជកម្ម

ភ្នំពេញ ÷ ក្រុមហ៊ុន PPM ដែលជាសហគ្រាសផលិតឱសថធំបំផុតនៅកម្ពុជា ចាប់ដៃគូពាណិជ្ជកម្មជាមួយក្រុមហ៊ុន ហ្វាអែស ហ្វាម៉ា (FAES Farma) ប្រទេសអេស្ប៉ាញ ជាក្រុមហ៊ុនឱសថល្បីលំដាប់ពិភពលោក ដើម្បីផ្តល់ជូននូវផលិតផលឱសថដែលមានគុណភាព ខ្ពស់ និងប្រកបដោយភាពច្នៃប្រឌិតសម្រាប់ទីផ្សារកម្ពុជា។ ឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកក្រុមហ៊ុន PPM លើកឡើងនៅក្នុងពិធីប្រកាសដៃគូពាណិជ្ជកម្មរវាង PPM និង FAES Farma នៅថ្ងៃទី ១២ ខែ មិថុនា ឆ្នាំ ២០២៤ នេះថា PPM គឺជាសហគ្រាសផលិតឱសថដែលមានវ័យចំណាស់ ដូច FAES Farma ព្រោះ PPM មានផលិតផលឱសថ «គីណាល់» ដែលបានបង្កើតឡើងតាំងពីឆ្នាំ ១៩៦០។ ហើយ FAES Farma ក៏ដូចគ្នា ដែលជាសហគ្រាសផលិតឱសថ មានវត្តមានតាំងពីមុនសង្គ្រាមលោកលើកទី២មកម្ល៉េះ។ ដូចនេះសហគ្រាសទាំង ពីរនេះ សុទ្ធតែជាសហគ្រាសផលិតឱសថចាស់ទុំដូចគ្នា ហើយនេះជាការធម្មតាដែលយើងចាប់ដៃគ្នា ដោយសារសុទ្ធតែមាន បទពិសោធដ៏សម្បូរបែប នៅក្នុងវិស័យឱសថសាស្រ្តនេះ។ឧកញ៉ាឱសថបណ្ឌិត បន្តថា ការចាប់ដៃគ្នារវាង PPM និង FAES ដោយសារតែសហគ្រាសមានទិសដៅដូចគ្នា ជាពិសេស យើងមានផលិតផលប្រកបទៅដោយគុណភាពក្នុងការពង្រីកចូលទីផ្សាររួមគ្នា ព្រោះគ្រប់ផលិតផលទាំងអស់របស់ PPM និង FAES ជាផលិតផលដែលអាចឆ្លើយតបគ្នាទៅវិញទៅមកនៅលើទីផ្សារ។ ឧកញ៉ា សង្ឃឹមថា ការចាប់ដៃគ្នារវាង PPM និង FAES នឹងធ្វើឱ្យ គេកាន់តែស្គាល់ផលិតផលរបស់សហគ្រាស ក៏ដូចជាការចែករំលែកនូវបទពិសោធល្អៗរៀងៗខ្លួនទៅវិញទៅមក ក្នុងការចូលរួមលើក តម្កើងសុខុមាលភាពប្រជាពលរដ្ឋកម្ពុជា ដោយទទួលបាននូវឱសថដែលមានគុណភាពល្អ និងសុវត្ថិភាពក្នុងការប្រើប្រាស់។ចំណែកលោក Alberto Montero តំណាង ហ្វាអែសហ្វាម៉ា (FAES Farma) លើកឡើងថា កម្ពុជាគឺជាទីផ្សារសំខាន់ ដែលជាផ្នែកមួយនៃផែនការពង្រីកវត្តមាន FAES នៅអាស៊ីអាគ្នេយ៍, ហើយលោកមានជំនឿយ៉ាងមុតមាំថា PPM ដែលជាក្រុមហ៊ុន ផលិត និងចែកចាយឱសថក្នុងស្រុកដ៏ធំនិងឈានមុខគេ ដែលផ្តោតសំខាន់ទៅលើគុណភាព និងភាពច្នៃប្រឌិតខ្ពស់សម្រាប់ផលិតផលឱសថ គឺជាដៃគូដ៏ល្អបំផុតសម្រាប់ក្រុមហ៊ុន FAES Farma។ព្រឹត្តិការណ៍ «ការពួតដៃគ្នាដើម្បីភាពអស្ចារ្យ» នេះ គឺជាព្រឹត្តិការណ៍ដ៏អស្ចារ្យមួយ ដែលបង្ហាញពីភាពស័ក្តិសមឥតខ្ចោះរវាង PPM Pharma និង FAES Farma។ ការចាប់ដៃគូនេះនឹងនាំមកនូវផលិតផលឱសថដែលមានគុណភាពខ្ពស់ កាន់តែសម្បូរបែប ដែលរួមបញ្ចូលទាំងការស្រាវជ្រាវ និងអភិវឌ្ឍន៍ច្នៃប្រឌិតរបស់ FAES Farma ជាមួយជំនាញនិងបណ្តាញចែកចាយទូលំទូលាយ របស់សហគ្រាស PPM នៅកម្ពុជា។ ហើយការចាប់ដៃគូរវាងក្រុមហ៊ុនផលិតឱសថដ៏ធំទាំងពីរនេះ រំពឹងថា នឹងចូលរួមចំណែកដល់ការសេដ្ឋកិច្ចក្នុងស្រុក តាមរយៈការបង្កើតឱកាសការងារ និងលើកកម្ពស់សហគមន៍ ឱ្យមានសុខភាពល្អ និងគាំទ្រដល់គម្រោងគោល ដៅអភិវឌ្ឍន៍ជាតិរបស់យើងផងដែរ៕អត្ថបទ៖ សុន រ៉ាឌី

សម្តេចធិបតី៖ រាជរដ្ឋាភិបាលអាណត្តិទី៧នេះ នឹងបន្តដាក់ទិសដៅជាអាទិភាពគឺអភិវឌ្ឍន៍ធនធានមនុស្ស

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសជាថ្មីម្តងទៀតថា រាជរដ្ឋាភិបាលអាណត្តិទី៧នេះ នឹងបន្តដាក់ទិសដៅជាអាទិភាពដ៏សំខាន់បំផុត គឺអភិវឌ្ឍន៍នូវធនធានមនុស្ស ពោលគឺផ្តោតសំខាន់លើការសិក្សាអប់រំ និងសុខភាពរបស់មនុស្ស។ក្នុងអញ្ជើញជាអធិបតីប្រគល់សញ្ញាបត្រជូន ដល់និស្សិតសាកលវិទ្យាល័យលីមកុកវីងជាង៥០០នាក់ នាព្រឹកថ្ងៃទី១៣ ខែមិថុនា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានមានប្រសាសន៍ថា ក្នុងអាណត្តិទី៧នេះរាជរដ្ឋាភិបាលបានកំពុងយកចិត្តទុកដាក់យ៉ាងខ្លាំង ដោយបានដាក់ចេញនូវគោលនយោបាយច្បាស់លាស់ចំពោះការលើកកម្ពស់នូវធនធានមនុស្សនៅកម្ពុជាឲ្យកាន់ តែរីកចម្រើនទៅមុខបន្ថែមទៀត តាមរយៈផ្តល់អាហារូបករណ៍ និងឱកាសផ្តល់វគ្គបណ្តុះបណ្តាលជំនាញ ផ្សេងៗទៀតជាដើម។សម្តេចធិបតី នាយករដ្ឋមន្រ្តី បានបន្ថែមទៀតថា ការដែលរាជរដ្ឋាភិបាលដាក់ចេញនូវគោលនយោ បាយច្បាស់លាស់ក្នុងការលើកកម្ពស់នូវធនធានមនុស្សនេះ គឺដោយសារធនធានមនុស្សនេះ ជាទ្រព្យដ៏សំ ខាន់បំផុតសម្រាប់នាំឲ្យប្រទេសជាតិមានការរីកចម្រើនទៅមុខបន្ថែមទៀត លើគ្រប់វិស័យ និងធ្វើឲ្យកម្ពុជា ខ្លាំងដោយខ្លួនឯង ខណៈការលើកកម្ពស់នូវធនធានមនុស្សនេះគឺត្រូវតែរស់រវើកជានិច្ច ដើម្បីធ្វើយ៉ាងណាឲ្យកម្ពុជា មានឱកាសបានប្រកួតប្រជែងជាមួយប្រទេសជិតខាងរបស់ខ្លួន៕ អត្ថបទបាន ចក់រូបភាព

សម្តេចធិបតី៖ ធនធានមនុស្សគឺជាទ្រព្យសម្បត្តិសម្រាប់ជាតិ ដែលនាំឲ្យប្រទេសរីកចម្រើនប្រកបដោយនិរន្តភាព

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា ធនធានមនុស្សគឺជាទ្រព្យសម្បត្តិ ដ៏សំខាន់បំផុតសម្រាប់ប្រទេសជាតិ ហើយនឹងនាំឲ្យប្រទេសមានការអភិវឌ្ឍរីកចម្រើន ប្រកបដោយនិរន្តភាព និងចីរភាព ហើយមួយវិញទៀតធនធានមនុស្សនេះក៏ធ្វើឲ្យប្រទេសមានឯករាជ្យភាពដោយខ្លួនឯង ផងដែរ។ក្នុងអញ្ជើញជាអធិបតីប្រគល់សញ្ញាបត្រជូនដល់និស្សិតសាកលវិទ្យាល័យលីមកុកវីងជាង ៥០០នាក់ នាព្រឹកថ្ងៃទី១៣ ខែមិថុនា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានមានប្រសាសន៍ថា ធនធានមនុស្សគឺជាកត្តាសំខាន់បំផុត ដែលនឹងនាំឲ្យមានការអភិវឌ្ឍប្រទេសជាតិឲ្យកាន់តែរីកចម្រើនទៅមុខបន្ថែមទៀត ដូច្នេះហើយបានរាជរដ្ឋាភិបាលបានបន្តយកចិត្តទុកដាក់យ៉ាង ខ្លាំងចំពោះការលើកកម្ពស់នូវវិស័យអប់រំ និងធនធានមនុស្សឲ្យកាន់តែល្អប្រសើរបន្ថែមទៀត ដើម្បីជាឱកាសមួយក្នុងការប្រកួតប្រជែងជាមួយប្រទេសដទៃនោះ។នោះដែរសម្តេចធិបតី នាយករដ្ឋមន្រ្តី ក៏បានលើកឡើងផងដែរថា នាពេលបច្ចុប្បន្នសម្ភារៈ និងឧបករណ៍ជាពិសេស កុំព្យូទ័រទំនើប និងឆ្លាតយ៉ាងណាក៏ដោយក៏មិនអាចអភិវឌ្ឍន៍ ខ្លួនឯងបានដែរ ប៉ុន្តែមនុស្សអាចអភិវឌ្ឍន៍ដោយខ្លួនឯងបានឲ្យកាន់តែល្អប្រសើរបន្ថែមទៀតជាប្រចាំ ខណៈមនុស្សទទួលបានការអប់រំ និងមានធន ធានមនុស្សច្រើននោះ៕អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ក្នុងពិធីប្រគល់សញ្ញាបត្រជូននិស្សិតសាកលវិទ្យាល័យ លីមកុកវីង

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃទី១៣ ខែមិថុនា ឆ្នាំ ២០២៤នេះ បានអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យ លីមកុកវីងជាង ៥០០នាក់ ដែលបញ្ចប់ការសិក្សា ដោយជោគជ័យ។ កម្មវិធីនេះ ធ្វើឡើងនៅសាលសន្និបាតភីអេច ហ្គ្រេនហល បុរី ប៉េង ហួត បឹងស្នោ ខណ្ឌច្បារអំពៅ រាជធានីភ្នំពេញ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃ អបអរសាទរចំពោះនិស្សិត និងក្រុមគ្រួសារនិស្សិតទាំងអស់ ដែលបានបញ្ចប់ការសិក្សានាពេលនេះ ដោយការបញ្ចប់នៃការសិក្សានេះ គឺជាផ្នែកមួយដែលបានកើតចេញពីប្រទេសមានសុខសន្តិភាពផងដែរ។-សម្តេចធិបតី ហ៊ុន ម៉ាណែត បានលើកឡើងជាថ្មីម្តងទៀតថា ធនធានមនុស្សគឺជាកត្តាសំ ខាន់បំផុត ដែលនឹងនាំឲ្យមានការអភិវឌ្ឍប្រទេសជាតិឲ្យកាន់តែរីកចម្រើនទៅមុខបន្ថែមទៀត។-សម្ដេចធិបតី ហ៊ុន ម៉ាណែត៖ ការអភិវឌ្ឍរីកចម្រើន បើគ្មានធនធានមនុស្ស គឺមិនអាចមានចីរភាព និងនិរន្តរភាពឡើយ។ កុំព្យូទ័រទំនើបយ៉ាងណា បើគ្មានធនធានមនុស្សជាអ្នកអភិវឌ្ឍន៍កុំព្យូទ័រនោះក៏មិនអាចវិវឌ្ឍន៍ទំនើបបានដែរ។-សម្ដេចធិបតី ហ៊ុន ម៉ាណែត៖ កុំព្យូទ័រអាចពូកែ ឆ្លាតវ័យបែបណាក៏ដោយ ក៏កើតឡើងដោយសារមនុស្សអ្នកបង្កើតដែរ។ ចំណែកមនុស្សគឺមានការវិវឌ្ឍជាប្រចាំថ្ងៃ ដូច្នេះការរីកចម្រើនរបស់មនុស្សយើងមិនអាចស្មានដល់បានឡើយ ប៉ុន្ដែបច្ចេកវិទ្យាអាចមានកំណត់។-សម្ដេចធិបតី៖ ការអភិវឌ្ឍរីកចម្រើន បើគ្មានធនធានមនុស្ស គឺមិនអាចមានចីរភាព និងនិរន្តរភាពឡើយ។ កុំព្យូទ័រទំនើបយ៉ាងណា បើគ្មានធនធានមនុស្សជាអ្នកអភិវឌ្ឍន៍កុំព្យូទ័រនោះក៏មិនអាចវិវឌ្ឍន៍ទំនើបបានដែរ។-សម្ដេចធិបតី ហ៊ុន ម៉ាណែត៖ ធនធានមនុស្ស ជាកត្តាសំខាន់ណាស់ដែលអាចធ្វើឱ្យប្រទេសយើងមានឯករាជ្យ។ ពីមុនយើងរៀបចំផែនការ និងគោលនយោបាយអភិវឌ្ឍន៍ប្រទេសជាតិ ត្រូវពឹងផ្អែកលើប្រទេសដែលជាដៃគូជួយ ប៉ុន្ដែពេលនេះតាំងពីយុទ្ធសាស្រ្ដចតុកោណ និងបញ្ចកោណដំណាក់កាលទី១នេះ គឺរៀបចំឡើងដោយកូនខ្មែរខ្លួនឯង។-សម្ដេចធិបតី ហ៊ុន ម៉ាណែត៖ កូនអ្នកជីវភាពធូរធារ មិនប្រាកដថាជោគជ័យទេ បើពួកគេមិនខិតខំប្រឹងសិក្សារៀនសូត្រ និងពង្រឹងសមត្ថភាព។ ប៉ុន្ដែកូនអ្នកមានជីវភាពខ្វះខាត កូនកសិករ បើមានការខិតខំរៀនសូត្រ មានសមត្ថភាព ក៏អាចក្លាយជាធនធានមនុស្សដ៏សំខាន់សម្រាប់ចូលរួមអភិវឌ្ឍន៍ប្រទេសជាតិដែរ។-សម្ដេចធិបតី ហ៊ុន ម៉ាណែត៖ រាជរដ្ឋាភិបាលអាណត្តិទី៧នេះ បន្តដាក់អាទិភាពធំណាស់ទៅលើការអភិវឌ្ឍធនធានមនុស្ស ដោយផ្ដោតសំខាន់ទៅលើ សុខភាព និងការអប់រំ។-សម្ដេចធិបតី ហ៊ុន ម៉ាណែត៖ រាជរដ្ឋាភិបាល ក៏ដូចជាក្រសួងអប់រំត្រឹមតែជាអ្នកដាក់ចេញនូវគោលនយោបាយ គោលការណ៍ និងការផ្ដល់ការអនុគ្រោះដល់ការអប់រំ ប៉ុន្ដែអ្នកដែលចូលរួមដោយផ្ទាល់ក្នុងការអភិវឌ្ឍធនធានមនុស្សឱ្យមានការរីកចម្រើនទៅបាន គឺជាគ្រឹះស្ថានសិក្សា ជាពិសេសគ្រឹះស្ថានឧត្តមសិក្សាដោយផ្ទាល់តែម្ដង។-សម្ដេចធិបតី ហ៊ុន ម៉ាណែត រម្លឹកថា ដោយសារធនធានមនុស្សយើងមានសមត្ថភាព នាអំឡុងពេលវិបត្តិកូវីដ-១៩ យើងមានគ្រូពេទ្យ (ទ័ពអាវស) ទើបយើងអាចជួយដោះស្រាយបញ្ហាកាលនោះបានទាន់ពេលវេលា និងអាចគ្រប់គ្រងម្ចាស់ការខ្លួនឯងបាន។ ពីព្រោះក្នុងកាលទេសនោះ គឺយើងមិនអាចទៅពឹងគ្រូពេទ្យពីប្រទេសដទៃបានទេ។-សម្ដេចធិបតី ហ៊ុន ម៉ាណែត៖ ជោគជ័យធំ គឺកើតចេញពីជោគជ័យតូចៗជាច្រើនផ្គុំគ្នា។ ខ្ញុំរៀនរហូតដល់ថ្នាក់បណ្ឌិត ក៏ចាប់ផ្ដើមពីរៀនបឋមសិក្សា អនុវិទ្យាល័យ និងវិទ្យាល័យដូចគ្នាដែរ។-សម្ដេចធិបតី ហ៊ុន ម៉ាណែត៖ ខ្ញុំជួប ខ្ញុំឃើញ មនុស្សជាច្រើន ឆាប់បោះបង់ពេក ទាំងការរៀនសូត្រ ការងារ និងរកស៊ី។ ឧទាហរណ៍ យើងរៀននៅមហាវិទ្យាល័យ បើយើងប្រឡងធ្លាក់មួយមុខវិជ្ជា គឺយើងមិនអាចបោះបង់ការសិក្សាទាំងស្រុងបាននោះទេ។ សម្ដេចធិបតីបន្តថា ការអំណត់ តស៊ូ ព្យាយាម នឹងធ្វើឱ្យយើងរីកចម្រើន។-សម្ដេចធិបតី ហ៊ុន ម៉ាណែត៖ ធនធានមនុស្សរបស់យើង គឺត្រូវធ្វើជាធនធានមនុស្សរស់រវើក កុំធ្វើជាមនុស្សទឹកកក។ មានតែធនធានមនុស្សដែលរស់រវើកទេ ទើបអាច ចែករំលែកឱ្យគ្នាទៅវិញទៅមកនៅកន្លែងការងារនីមួយៗ ហើយធ្វើឱ្យមានការអភិវឌ្ឍរីកចម្រើនទៅបាន។

មន្ទីររៀបចំដែនដីខេត្តក្រចេះ បិទផ្សាយជាសាធារណៈនូវឯកសារវិនិច្ឆ័យក្បាលដី ស្ថិតនៅឃុំសំបូរ ស្រុកសំបូរ

មន្ទីររៀបចំដែនដី នគរូបនីយកម្ម និងសំណង់ខេត្តក្រចេះ នាថ្ងៃទី១២ ខែមិថុនា ឆ្នាំ២០២៤ បានបិទផ្សាយជាសាធារណៈនូវឯកសារវិនិច្ឆ័យក្បាលដី ចំនួន ០២ភូមិ ស្ថិតនៅឃុំសំបូរ ស្រុកសំបូរ ក្រោមវត្តមានចូលរួមពីលោក ចេង គឹមជប់ អភិបាលរង ស្រុកសំបូរ និងលោក យិន បូទុម អនុប្រធានមន្ទីររៀបចំដែនដី ដែលធ្វើឡើងនៅបរិវេណ វត្តព្រះវិហារធំ សសរ ១០០។តាមការឲ្យដឹងពីលោក យិន បូទុម អនុប្រធានមន្ទីររៀបចំដែនដី បានបញ្ជាក់ថា នេះគឺជាដំណាក់កាលទី៣ នៃដំណើរការចុះបញ្ជីដីធ្លីលក្ខណៈជាប្រព័ន្ធ ដែលតម្រូវឲ្យបងប្អូន ប្រជាពលរដ្ឋធ្វើការប្តឹងតវ៉ា ជំទាស់ និងកែសម្រួលទិន្និន័យ ភាពមិនប្រក្រតីនូវ ព័ត៌មាន ណាមួយ ដែលនៅពេលមន្រ្តីអាជ្ញាធរជំនាញបានបំពេញ និងផ្តល់ជូនមានរយៈពេល១៥ថ្ងៃ ដោយរាប់បញ្ចូលទាំងថ្ងៃឈប់សម្រាក ចាប់ពីថ្ងៃទី១២ ដល់ថ្ងៃទី២៦ ខែមិថុនា ឆ្នាំ២០២៤។ ជាមួយគ្នានោះ លោកបានស្នើសុំបន្ថែមដល់អាជ្ញាធរភូមិ ធ្វើការផ្សព្វផ្សាយទៅដល់ មូលដ្ឋានប្រជាពលរដ្ឋ ឲ្យបានដឹងជ្រាបអំពីដំណើរការ នីតិវិធីនៃការចូលរួម និងផ្តល់ព័ត៌មាន ឯកសារទៅកាន់មន្រ្តីជំនាញដែនដី ដើម្បីឈានទៅទទួលបានប្លង់ដី។ ហើយស្នើសុំឲ្យបងប្អូន ម្ចាស់ដី ចូលរួមសហការ និងអនុវត្តជាមួយក្រុមការងារជំនាញរាល់គ្រប់សកម្មភាព ដើម្បីពន្លឿនការចុះបញ្ជីរបស់មន្ត្រីមានភាពរលូន។តាមការបន្ថែមពីលោក ចេង គឹមជប់ អភិបាលរងស្រុកសំបូរ បានបញ្ជាក់ថា ការបិទផ្សាយនាពេលនេះ ពិតជាមានសារៈសំខាន់ណាស់ ដើម្បីទុកពេលឱ្យប្រជាពលរដ្ឋ ម្ចាស់ដី ទៅពិនិត្យផ្ទៀងផ្ទាត់មើលពីភាពត្រឹមត្រូវ ពិតប្រាកដលើដីរបស់ខ្លួន មុននឹងវាស់វែង ចេញប័ណ្ណកម្មសិទ្ធិ (ប្លង់រឹង) នោះ ។ ហើយការចុះបញ្ជីដីធ្លីដែលមានលក្ខណៈជាប្រព័ន្ធនេះ ម្ចាស់ដីមិនមានការចំណាយប្រាក់ច្រើនក្នុងការធ្វើប្លង់រឹងលើដីធ្លី ដើម្បីធានាបាននូវសិទ្ធិ ធ្វើជាម្ចាស់កាន់កាប់ ឬជាឯកសារសំអាងរឹងមាំក្នុងករណីមានជម្លោះដីធ្លី ពិសេសទៀតនោះ ធ្វើឱ្យបញ្ហាទំនាស់ដីធ្លី ត្រូវបានកាត់បន្ថយយ៉ាងច្រើនទៀតផង។ទាំងអស់នេះ បានឆ្លុះបញ្ចាំងឲ្យឃើញអំពីការយកចិត្តទុកដាក់ខ្ពស់របស់ប្រមុខ រាជរដ្ឋាភិបាល ក្រោមការដឹកនាំប្រកបដោយគតិបណ្ឌិត របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីថ្មីនីតិកាលទី៧ នៃព្រះរាជាណាចក្រកម្ពុជា រហូតឈានដល់ការចេញ ប័ណ្ណកម្មសិទ្ធដីធ្លីស្របច្បាប់ ជូនប្រជាពលរដ្ឋសំដៅលើកកម្ពស់ជីវភាព សុខុមាលភាព និងការកាត់បន្ថយភាពក្រីក្រ ព្រមទាំងរួមចំណែកដល់ការពង្រឹងយុត្តិធម៌ និងស្ថេរភាពសង្គម ។ លោកអភិបាលរងស្រុក ក៏បានសុំឲ្យមន្ត្រីអាជ្ញាធរទាំងអស់ សូមបំពេញការងារ ឲ្យបានម៉ឺងម័ត តែទន់ភ្លន់ ប្រកបដោយប្រសិទ្ធភាពខ្ពស់ ឆ្លើយតបទៅនឹងផែនការ របស់រដ្ឋាភិបាល ពន្លឿនការចេញប័ណ្ណកម្មសិទ្ធ និងបញ្ចប់បញ្ហាទំនាស់ដីធ្លីនៅទូទាំងខេត្ត ក្រចេះ ក៏ដូចជានៅទូទាំងប្រទេស នៅឆ្នាំ ២០២៦ ខាងមុខនេះ។គូសបញ្ជាក់ថា ការធីបិទផ្សាយជាសាធារណៈនូវឯកសារវិនិច្ឆ័យក្បាលដី នាពេលនោះមានចំនួន ០២ភូមិ គឺភូមិសំបូរ និងភូមិកែងប្រាសាទ ស្ថិតនៅឃុំសំបូរ ស្រុកសំបូរ ខេត្តក្រចេះ សរុបមានចំនួន ២.២០៧ក្បាលដី៕ ដោយ សេង ម័រ

នៅព្រឹកថ្ងៃទី១៣មិថុនានេះសម្តេចធិបតី អញ្ជើញជាអធិបតីប្រគល់សញ្ញាបត្រជូនដល់និស្សិតសាកលវិទ្យាល័យលីមកុកវីងជាង ៥០០នាក់

នៅព្រឹកថ្ងៃទី១៣ ខែមិថុនា ឆ្នាំ ២០២៤ នេះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យ លីមកុកវីងជាង៥០០នាក់ ដែលបញ្ចប់ការសិក្សា ដោយជោគជ័យ។ ដោយកម្មវិធីនេះធ្វើឡើងនៅសាលសន្និបាតភីអេច ហ្គ្រេនហល បុរី ប៉េង ហួត បឹងស្នោ ខណ្ឌច្បារអំពៅ រាជធានីភ្នំពេញ។សូមបញ្ជាក់ថានិស្សិតដែលទទួលសញ្ញាបត្រនាព្រឹកថ្ងៃនេះ រួមមាន៖ ថ្នាក់បរិញ្ញាបត្ររង ចំនួន ៦០នាក់ នារី ៣៣នាក់, ថ្នាក់បរិញ្ញាបត្រ ចំនួន ៤៦១នាក់ នារី ២៣៥នាក់, ថ្នាក់បរិញ្ញាបត្រជាន់ខ្ពស់ ចំនួន ១៩នាក់ នារី ៥នាក់។ និស្សិតដែលទទួលសញ្ញាបត្រនេះ បានបញ្ចប់ការសិក្សា ក្នុងឆ្នាំសិក្សា២០២១-២០២២ និងឆ្នាំសិក្សា២០២២-២០២៣។សាកលវិទ្យាល័យលីមកុកវីង គឺជាគ្រឹះស្ថានឧត្តមសិក្សាដែលល្បីល្បាញមួយនៅកម្ពុជា បណ្តុះបណ្តាលលើជំនាញស្ថាបត្យកម្ម និងរចនាផ្ទៃក្នុង ជំនាញច្នៃម៉ូដសម្លៀកបំពាក់ និងរចនាក្រាហ្វិក ជំនាញវិស្វកម្មសូហ្វវែរ និងជំនាញគ្រប់គ្រងពាណិជ្ជកម្មជាដើម។ ចាប់ពីឆ្នាំសិក្សា២០០៧-២០០៨ ដល់ឆ្នាំសិក្សា២០២២-២០២៣ និស្សិត បញ្ចប់ការសិក្សាពីសាកលវិទ្យាល័យលីមកុកវីងនៅកម្ពុជា មានចំនួនសរុបចំនួន ១,៥២៥នាក់ នារី ៧១១នាក់។ ក្នុងឆ្នាំសិក្សា២០២៣-២០២៤ នេះ និស្សិតកំពុងសិក្សានៅក្នុងសាកលវិទ្យាល័យលីមកុកវីង មានចំនួនសរុប ១,៦២៨នាក់ នារី ៧៨៦នាក់។ សាកលវិទ្យាល័យលីមកុកវីង ត្រូវបានបង្កើតឡើងតាំងពីឆ្នាំ១៩៩១ មានមូលដ្ឋាននៅប្រទេសម៉ាឡេស៊ី និងមានសាខានៅអាស៊ី អឺរ៉ុប និងអាហ្វ្រិក។ សាកលវិទ្យាល័យ បានបណ្តុះបណ្តាលនិស្សិតបញ្ញវន្តឆ្នើមរាប់ម៉ឺននាក់មកពីប្រទេសផ្សេងៗគ្នាជាង១៥០ជាតិសាសន៍៕

ឯកឧត្តមរដ្ឋមន្រ្តី ហួត ហាក់ ដឹកនាំដោយគណៈប្រតិភូជាន់ខ្ពស់ក្រសួងអធិការកិច្ច អញ្ជើញជួបពិភាក្សាការងារជាមួយ លោក Duong Ngoc Hai ប្រធានគណៈកម្មាធិការត្រួតពិនិត្យទីក្រុងហូជីមិញ

ហូជីមិញ៖ រសៀលថ្ងៃទី១២ ខែមិថុនា ឆ្នាំ២០២៤ គណៈប្រតិភូជាន់ខ្ពស់ក្រសួងអធិការកិច្ច នៃព្រះរាជាណាចក្រកម្ពុជា ដឹកនាំដោយ ឯកឧត្តមរដ្ឋមន្រ្តី ហួត ហាក់ បានអញ្ជើញជួបពិភាក្សាការងារ ការងារជាមួយ លោក Duong Ngoc Hai ប្រធានគណៈកម្មាធិការត្រួតពិនិត្យទីក្រុងហូជីមិញ នៅទីស្នាក់ការគណៈកម្មាធិការប្រជាជនទីក្រុងហូជីមិញ ដែលស្ថិតនៅទីក្រុងហូជីមិញ សាធារណរដ្ឋសង្គមនិយមវៀតណាម។

ក្រុមប្រឹក្សាស្រុកបាកាន ខេត្តពោធិ៍សាត់ អាណត្តិទី៤ចំនួន២១រូប ត្រូវបានប្រកាសចូលកាន់តំណែងជាផ្លូវការ

ភ្នំពេញ ÷ នារសៀលថ្ងៃទី១២ ខែមិថុនា ឆ្នាំ២០២៤ នៅសាលាស្រុកបាកាន មានរៀបចំពិធីប្រកាសចូលកាន់មុខតំណែងក្រុមប្រឹក្សាស្រុកបាកាន នៃខេត្តពោធិ៍សាត់ អាណត្តិទី៤ ចំនួន២១រូប ។ ពិធីនេះស្ថិតក្រោមអធិបតីភាព ឯកឧត្ដម លឹម សុខតូ អភិបាលរងខេត្ត តំណាង ឯកឧត្ដម ខូយ រីដា អភិបាលនៃគណៈអភិបាលខេត្តពោធិ៍សាត់ និងដោយមានការចូលរួមពី តំណាំងសាលាដំបូងខេត្ត សមាជិកក្រុមប្រឹក្សាខេត្ត កងកម្លាំងទាំងបី អង្គភាព-មន្ទីរជុំវិញខេត្ត និងមន្ត្រីរាជការជាច្រើនរូប ។ យោងតាម អនុក្រឹត្យ លេខ៤៤៨ អនក្រ.តក របស់រាជដ្ឋាភិបាលកម្ពុជា អានដោយ លោក ពេជ្រ សុវណ្ណ នាយកទីចាត់ការគ្រប់គ្រងធនធានមនុស្ស សាលាខេត្តពោធិ៍សាត់ ស្តីពីការទទួលស្គាលសមាសភាពក្រុមប្រឹក្សាស្រុកបាកាន នៃខេត្តពោធិ៍សាត់ មានចំនួន២១រូប ក្នុងនោះស្ត្រីចំនួន៦រូប រួមមាន ៖ប្រធានក្រុមប្រឹក្សាស្រុកបាកាចំនួន១រូប០១- លោក ខៀវ ចែ សមាជិកក្រុមប្រឹក្សាស្រុកបាកានចំនួន២០រូប០២- លោក វង់ វឿន ០៣- លោកស្រី សំ សុភុន០៤- លោក អ៊ុំ ស៊ីថា០៥- លោក រស់ ប៊ុនធែល០៦- លោក សេង ណារ៉ាហុង០៧- លោក ឆាយ ភន០៨- លោក ផន ចិត្ត០៩- លោកស្រី លី អាមីណាស់១០- លោកស្រី ផៃ ភី១១- លោក ម៉ម ថៃលី១២- លោក ខន សុខឿន១៣- លោក នាង វុធ១៤- លោកស្រី វង គឹមសាន១៥- លោក អែម យ៉ុន១៦- លោក ជៀម ពឿន១៧- លោក ពៅ យីម១៨- លោក អ៊ុន ដុក១៩- លោកស្រី មុត ចាន់ដេត ២០- លោកស្រី ចាន់ ច្រិប ២១- លោក ចោម គោស៊ីងអត្ថបទ ៖ ភិរុណ ពៅ

បណ្ដាញសង្គម

ព័ត៌មានថ្មីៗ

[BREAKING NEWS] លោកTrump និងលោក Zelensky រៀបចំកិច្ចពិភាក្សាប្រកបដោយផ្លែផ្កានៅខាងក្រៅពិធីបុណ្យព្រះសពរបស់សម្តេចប៉ាប ខណៈសហរដ្ឋអាមេរិកជំរុញឱ្យមានកិច្ចព្រមព្រៀងសន្តិភាព

លោក Trump ស្តីបន្ទោសអ៊ុយក្រែនចំពោះការផ្តួចផ្តើមសង្រ្គាមដោយនិយាយថាតំបន់គ្រីម៉េនឹងនៅជាមួយរុស្ស៊ី

ប្រទេសអ៊ីរ៉ង់ ស្នើផ្តល់ការសម្របសម្រួលក្នុងជម្លោះឥណ្ឌា-ប៉ាគីស្ថាន

លោក Kim Jong Un បង្ហាញនាវាពិឃាតទ័ពជើងទឹកថ្មីរបស់កូរ៉េខាងជើង បំពាក់ដោយអាវុធដ៏មានឥទ្ធិពលបំផុត

មេដឹកនាំពិភពលោកបានចូលរួមព្រះរាជពិធីបុណ្យសពសម្ដេចប៉ាបហ្វ្រង់ស៊ីសនៅថ្ងៃសៅរ៍នេះ

អគាររាប់រយរងការខូចខាត និងមនុស្សរាប់សិបនាក់រងរបួសក្នុងការរញ្ជួយដីកម្រិត៦,៣រ៉ិចទ័រនៅប្រទេសអេក្វាឌ័រ

សេចក្តីថ្លែងការណ៍កិច្ចចរចាពាណិជ្ជកម្មរវាងអាមេរិក-ចិន បានបន្ថែមភាពចលាចលពាណិជ្ជកម្មពិភពលោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877