BTV NEWS

អគ្គស្នងការដ្ឋាននគរបាលជាតិ កែសម្រួលសមាសភាពក្រុមព័ត៌មានទាន់ហេតុការណ៍ជាមួយជនបរទេស

PRESS BRIEFING -Update on the implementation of the immediate and unconditional ceasefire agreement between Cambodia and Thailand (11:00 AM, August 6, 2025 )

អ្នកនំាពាក្យ៖ គ្រឹះស្ថានធនាគារ និងហិរញ្ញវត្ថុ ៦៨ហើយ បានប្រកាសលុបបំណុលជូនយោធិនពលី

ខេត្តចំនួន៦នៅកម្ពុជា ប្រកាសមានតម្រូវការកម្លាំងពលកម្មចំនួនជាង ២ម៉ឺនកន្លែង

ព័ត៌មានជាតិ

សម្ដេចធិបតី ហ៊ុន ម៉ាណែត និងលោកជំទាវបណ្ឌិត អញ្ជើញជាអធិបតីភាពក្នុងពិធីអភិសេកព្រះបដិមាដែលបានវិលមកកាន់មាតុប្រទេសវិញ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា និងលោកជំទាវបណ្ឌិត ពេជ ចន្ទមុន្នី នៅព្រឹកថ្ងៃទី១៧ ខែកញ្ញា ឆ្នាំ២០២៤នេះ បានអញ្ជើញជាអធិបតីក្នុងពិធីអភិសេកព្រះបដិមាដែលបានវិលមកកាន់មាតុប្រទេសវិញ ព្រមទាំងបួងសួងព្រះបារមីសុំសេចក្តីសុខសេចក្តីចម្រើនជូនដល់ជាតិ និងប្រជាជនកម្ពុជា។សូមជម្រាបថា កាលពីថ្ងៃទី២២ ខែសីហា ឆ្នាំ២០២៤ ក្រសួងបានរៀបចំ «ពិធីទទួលវត្ថុបុរាណខ្មែរ ដែលបានប្រគល់ជូនព្រះរាជាណាចក្រកម្ពុជាវិញ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែតនាយករដ្ឋមន្ត្រីនៃព្រះរាជាណា ចក្រកម្ពុជា នៅវិមានសន្តិភាព រាជធានីភ្នំពេញ ដើម្បីទទួលស្វាគមន៍ការវិលត្រឡប់មកវិញនៃសម្បត្តិវប្បធម៌ ជាតិដែលជាកេរដំណែលដូនតា បន្ទាប់ពីបានរសាត់ចាកឆ្ងាយពីមាតុភូមិកំណើតអស់រយៈពេលជាច្រើនឆ្នាំ ដែលបង្កឡើងដោយសង្គ្រាម អំពើចោរកម្ម និងការជួញដូរខុសច្បាប់ទៅក្រៅប្រទេស។ការយាងត្រឡប់មកវិញនៃព្រលឹងដូនតាខ្មែរនាពេលនេះ គឺជាលទ្ធផលនៃកិច្ចខិតខំប្រឹងប្រែងជាប់មិន ដាច់របស់រាជរដ្ឋាភិបាលកម្ពុជា ក្រោមកិច្ចសហការជាមួយគ្រប់ភាគីពាក់ព័ន្ធ ទាំងស្ថាប័នរដ្ឋ ផ្នែកឯកជន អ្នក ជំនាញជាតិនិងអន្តរជាតិ ព្រមទាំងជាមួយប្រទេសនានា ជាពិសេស រដ្ឋាភិបាលសហរដ្ឋអាមេរិក តាមរយៈ រដ្ឋអាជ្ញាសង្កាត់ភាគខាងត្បូងក្រុងញូវយ៉ក, ការិយាល័យស៊ើបអង្កេតសន្តិសុខមាតុភូមិ និងការិយាល័យរដ្ឋអាជ្ញា សង្កាត់ម៉ាន់ហាថាន។ សម្បត្តិវប្បធម៌ខ្មែរសរុបចំនួន៧០រូបដែលទទួលនាពេលនេះ តាមរយៈការប្រគល់ដោយស្ម័គ្រចិត្ត ការ ចរចា ការរឹបអូស ការទាមទារ និងតាមផ្លូវតុលាការ បានត្រូវប្រគល់មកវិញ។ ពី៖ គ្រួសារ Lindemann, លោក James Clark និងសារមន្ទីរ Metropolitan Museum of Art នៅទីក្រុងញូវយ៉ក, ព្រមទាំងពីម្ចាស់សមុច្ច័យ ឯកជននានានៅសហរដ្ឋអាមេរិក។ ក្នុងចំណោមវត្ថុពិចិត្រទាំងនេះមានរូបបដិមាសំខាន់ៗមួយចំនួនផ្នែកព្រហ្មញ្ញ សាសនា និងពុទ្ធសាសនា ក្នុងសម័យមុនអង្គរ និងសម័យអង្គរ ជាពិសេសបដិមាថ្មធំៗដ៏ប្រណីតដូចជា បដិមា ទេពនៃទេវកថាមហាភារតៈ, បដិមាព្រះឥសូរ នាងឧមា និងបដិមាព្រះអឌ្ឍនារីស្វរៈ មកពីអតីតរាជធានីកោះកេរ ព្រមទាំងព្រះសិរនៃព្រះលោកេសូរ ដែលត្រូវបានផ្តុំភ្ជាប់ឡើងវិញជាមួយនឹងដងខ្លួនរបស់ព្រះអង្គស្ថិតនៅ សារមន្ទីរជាតិភ្នំពេញ ក្រោយពីបានព្រាត់ចាកឆ្ងាយពីគ្នាអស់រយៈពេលរាប់សិបឆ្នាំ ដោយសារសង្គ្រាម និងការ ជួញដូរខុសច្បាប់។សន្ដិភាពកើតដែលកើតចេញពីនយោបាយឈ្នះ-ឈ្នះរបស់សម្ដេចអគ្គមហាសេនាបតីតេជោ ហ៊ុន សែន បានផ្ដល់ឱកាសឱ្យកម្ពុជាអាចនាំយកនូវព្រលឹងដូនតា និងរតនសម្បត្តិដ៏មានតម្លៃនានាដែលបានបាត់បង់កន្លងមកត្រឡប់មកមាតុភូមិកំណើតវិញជាបន្តបន្ទាប់ ដែលជាការជួបជុំគ្នាឡើងវិញនៃមហាគ្រួសារខ្មែឬ និងជាមង្គលសម្រាប់ជាតិ និងប្រជាជនកម្បូជា។ រាជរដ្ឋាភិបាលកម្ពុជា នីតិកាលទី៧ ក្រោមការដឹកនាំប្រកបដោយគតិបណ្ឌិត និងភាពឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រី នៃព្រះរាជាណាចក្រកម្ពុជា បានបន្តនូវគោលនយោបាយជាប្រវត្តិសាស្ត្រនេះ ប្រកបដោយការប្តេជ្ញាចិត្ត ខ្ពស់ក្នុងការការពារ ទប់ស្កាត់ ការចរាចរ និងការជួញដូរខុសច្បាប់នៃសម្បត្តិវប្បធម៌ ក៏ដូចជាការស្វែងរក និង ទាមទារយកមកវិញនូវមរតកវប្បធម៌ជាតិ ដើម្បីទុកជាកេរដំណែលវប្បធម៌និងអត្តសញ្ញាណជាតិសម្រាប់កូនខ្មែរ ជំនាន់ក្រោយ។

ស្ពានឈើមួយកន្លែងសាងសង់សម្រេចបានប្រមាណ៥០ភាគរយ ខណៈអាជ្ញាធរស្រុកអន្លង់វែង និងពលរដ្ឋពន្លឿនការសាងសង់ឱ្យរួចរាល់មុនបុណ្សភ្ជុំបិណ្ឌ

ឧត្តរមានជ័យ៖ អាជ្ញាធរស្រុកអន្លង់វែង សហការជាមួយប្រជាពលរដ្ឋក្នុងមូលដ្ឋាន បន្តធ្វើសកម្មភាពយ៉ាងសស្រាក់សស្រាំ ក្នុងការពន្លឿនការសាងសង់ស្ពានឈើថ្មីមួយកន្លែង ឱ្យរួចរាល់មុន ឱកាសបុណ្សភ្ជុំបិណ្ឌ ខណៈនេះសម្រេចបានប្រមាណ៥០ភាគរយហើយ។ជាក់ស្ដែងនៅថ្ងៃទី១៧កញ្ញាម្សិលមិញនេះ លោកអភិបាលស្រុកអន្លង់វែងលោក ងួន ទ្ធីរិទ្ធ បានលើកឡើងថា ឈើថ្មីនេះ មានប្រវែងវែងជាង៦០ម៉ែត្រ ទទឹង៣ម៉ែត្រកន្លះ សាងសង់ឡើង ដើម្បីសម្រួលរាល់ការធ្វើដំណើរឆ្លងកាត់ដឹកកសិផលផ្សេងៗ របស់បងប្អូនប្រជាពលរដ្ឋចំនួនពីរឃុំ គឺត្រពាំងប្រិយ៍ និងឃុំផ្លាត់ ក្នុងស្រុកអន្លង់វែង ខេត្តឧត្តរមានជ័យ ឲ្យបានឆាប់រួចរាល់ទាន់ ក្នុងឱកាសបុណ្សភ្ជុំបិណ្ឌខាងមុខនេះ។លោក បានបន្ថែមទៀតថា ដោយយោងតាមតម្រូវចាំបាច់របស់ប្រជាពលរដ្ឋក្នុងមូលដ្ឋាន ក្នុងស្រុកអន្លង់វែង បានលើកឡើងនូវសំណូមពរជាច្រើនតាមវេទិការសាធារណៈកន្លងមកនោះ បច្ចុប្បន្នស្ពានឈើនេះ បានកសាងបានជាង៥០ ភាគរយហើយ និងរួចរាល់ក្នុងពេលឆាប់ៗនៅថ្ងៃខាងមុខដ៏ខ្លីនេះ។លោកអភិបាលស្រុក បានបន្តថា សម្រាប់ការជួយឧបត្ថម្ភសាងសង់ស្ពាននេះ គឺជាគម្រោងថវិកាចំណាយទាំងស្រុងរបស់លោកផ្ទាល់ និងឯកឧត្តមអភិបាលខេត្ត និងមានការចូលរួមជួយជាកម្លាំងពលកម្មពីបងប្អូនប្រជាពលរដ្ឋ ក្នុងមូលដ្ឋានផងដែរ។សូមបញ្ជាក់ថា នៅតំបន់នេះ នៅពេលរដូវវស្សាម្តងៗ មានទឹកច្រើនពលរដ្ឋពុំហានធ្វើដំណើរឆ្លងកាត់នៅលើស្ពានចាស់ ដែលមានសភាពទ្រុឌទ្រោមនោះទេ ជាពិសេសប្អូនៗសិស្សានុសិស្សខកខានក្នុងការទៅរៀនផងដែរ៕

អគ្គព្រះរាជអាជ្ញារង ស្នើមន្ត្រីនគរបាលយុត្តិធម៌គោរពច្បាប់កុំគោរពបុគ្គលអាចនាំទុក្ខដល់រាស្ត្រ

កំពង់ឆ្នាំង៖ ឯកឧត្តម អ៊ឹម សុផាន អគ្គព្រះរាជអាជ្ញារង និងក្រុមការងារ នៃមហាអយ្យការអមសាលា ឧទ្ទរណ៍ភ្នំពេញ បានស្នើមន្ត្រីនគរបាលយុត្តិធម៌នៅក្នុងខេត្តកំពង់ឆ្នាំង ត្រូវនាំគ្នាគោរពច្បាប់ឱ្យបានត្រឹមត្រូវ មិនត្រូវគោរពតែបុគ្គលចោលច្បាប់ នាំទុក្ខដល់រាស្ត្រនោះឡើយ។ ឯកឧត្តម បានថ្លែងបែបនេះ ក្នុងពេលចុះ ធ្វើអធិការកិច្ចនៅអយ្យការអមសាលាដំបូងខេត្ត ពន្ធនាគារ និងមន្ត្រីនគរបាលយុត្តិធម៌ក្នុងខេត្តកំពង់ឆ្នាំង នៅថ្ងៃទី១៦ ខែកញ្ញា នេះ ។ឯកឧត្តម បានបញ្ជាក់ថា ការចុះមកធ្វើអធិការកិច្ចក្នុងខេត្តកំពង់ឆ្នាំងនាពេលនេះ គឺធ្វើអធិការកិច្ច លើភាពយឺតយ៉ាវនៃសំណុំរឿង បញ្ហានីតិវិធី (បច្ចេកទេសអនុវត្ត សំណួរ ចម្លើយ) ការពិនិត្យសំណុំរឿង ការពិនិត្យសៀវភៅ បញ្ហាប្រឈម និងដំណោះស្រាយ។ ក្រុមការងារ បានអធិការកិច្ចទៅលើពន្ធនាគារខេត្ត ដោយពិនិត្យលើសាលក្រម សាលដីកា ការឃុំខ្លួនលើស អ្នកទោសអនីតិជន អ្នកទោសជាស្ត្រីមានកូននៅ ជាមួយ អ្នកទោសរោគចិត្ត ពិនិត្យសៀវភៅ និងស្ថានភាពអ្នកទោស។ ក្រុមការងារ ក៏បានដំណើរការអធិការ កិច្ចនៅបញ្ជាការកងរាជអាវុធហត្ថខេត្ត និងស្នងការដ្ឋាននគរបាលខេត្ត លើបញ្ហាប្រឈម និងដំណោះ ស្រាយ ពិនិត្យសៀវភៅ និងពិនិត្យកន្លែងឃាត់ខ្លួន។ នៅក្នុងច្បាប់ ពេលចាប់បានបទល្មើស ឬមានហេតុ ការណ៍អ្វីកើតឡើង នគរបាលយុត្តិធម៌ទាំងអស់ ត្រូវរាយការណ៍ជាបន្ទាន់ទៅឯកឧត្តមព្រះរាជអាជ្ញា និងស្នើ សុំយោបល់ មិនត្រូវនាំគ្នាចាប់ហើយ ឬបទល្មើសកើតឡើងហើយ នៅស្ងៀមមិនឱ្យព្រះរាជអាជ្ញាដឹងនោះ ឡើយ។ឯកឧត្តម បានសុំឱ្យមន្ត្រីនគរបាលយុត្តិធម៌ដែលមិនអស់ចិត្តពីរបបរាយការណ៍ជូនព្រះរាជអាជ្ញា អាចសួរអគ្គព្រះរាជអាជ្ញាបាន ថាតើព្រះរាជអាជ្ញាឱ្យរាយការណ៍យោងតាមមាត្រាលេខ៨៩នោះ ត្រឹមត្រូវ ឬ អត់ និងមាត្រាផ្សេងទៀតនៅក្នុងក្រមនីតិវិធីព្រហ្មទណ្ឌនោះ ។ឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង បានឱ្យដឹងថា រយៈពេលកន្លង មក ការធ្វើការងារជាមួយនគរបាលយុត្តិធម៌ក្នុងខេត្តកំពង់ឆ្នាំង គឺមាននគរបាលយុត្តិធម៌មួយចំនួន មិន ទាន់អនុវត្តបានត្រឹមត្រូវឡើយ តាមមាត្រា៨៩ នៃក្រមនីតិវិធី បើទោះជាឯកឧត្តមបានប្រជុំជាមួយនគរ បាលយុត្តិធម៌ជាច្រើនលើក និងបានលើកមកពន្យល់រួចហើយ នៅតែនគរបាលយុត្តិធម៌មួយចំនួន មិន ទាន់អនុវត្តបានត្រឹមត្រូវ ។ ក៏ប៉ុន្តែ មួយរយៈពេលខ្លីមកនេះ ឃើញថាមានការគោរពច្បាប់បានច្រើនឡើង វិញ និងនៅមួយចំនួនតូច មិនទាន់ធ្វើបាន១០០ភាគរយនៅឡើយ ៕ អត្ថបទ៖ កាំង ហុងវាស្នា

អន្តរគណៈកម្មការរដ្ឋសភា និងតំណាងរាជរដ្ឋាភិបាល ប្រជុំពិនិត្យពិភាក្សាលើសេចក្តីព្រាងច្បាប់ ស្តីពីការអនុម័តយល់ព្រមឱ្យកម្ពុជាចូលជាភាគី នៃកិច្ចព្រមព្រៀងស្តីពីយានយន្ត បរិក្ខារ និងគ្រឿងបន្លាស់

គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា (គណៈកម្មការទី៥) ដឹកនាំដោយឯកឧត្តម សួស យ៉ារ៉ា សហការជាមួយគណ:កម្មការទី៩ នៃរដ្ឋសភា រួមជាមួយតំណាងគណៈកម្មការជំនាញផ្សេងទៀតរបស់រដ្ឋសភា បានជួបប្រជុំជាមួយ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងសហការី ដើម្បីពិនិត្យសិក្សាលើសេចក្តីព្រាងច្បាប់ស្តីពី ការអនុម័តយល់ព្រមឱ្យព្រះរាជាណាចក្រកម្ពុជាចូលជាភាគីនៃកិច្ចព្រមព្រៀងស្តីពីការទទួលយកបទប្បញ្ញត្តិបច្ចេកទេសរួម នៃអង្គការសហប្រជាជាតិសម្រាប់យានយន្ត បរិក្ខារ និងគ្រឿងបន្លាស់ ដែលអាចបំពាក់ និង/ឬប្រើប្រាស់ទៅលើយានយន្ត និងលក្ខខណ្ឌសម្រាប់ការទទួលស្គាល់ទៅវិញទៅមកនៃការផ្តល់អនុលោមភាពដោយឈរលើមូលដ្ឋាននៃបទប្បញ្ញត្តិអង្គការសហប្រជាជាតិ។នៅក្នុងកិច្ចប្រជុំដែលបានធ្វើឡើង នៅវិមានរដ្ឋសភា នារសៀលថ្ងៃទី១៦ ខែកញ្ញា ឆ្នាំ២០២៤ ឯកឧត្តម សួស យ៉ារ៉ា បានមានប្រសាសន៍ថា កិច្ចប្រជុំនាពេល នេះ គឺជាការចែករំលែកធាតុចូលរួមគ្នារវាងគណៈកម្មការរដ្ឋសភា និងតំណាងរាជរដ្ឋាភិបាល នៅក្នុងការពិនិត្យសិក្សាលើសេចក្តីព្រាងច្បាប់ទាំងមូលឱ្យស្របតាមទម្រង់គតិយុត្ត ។ ឯកឧត្តមប្រធានអណៈកម្មការបានបន្តថា សេចក្តីព្រាងច្បាប់នេះគឺមានសារ:សំខាន់ពាក់ព័ន្ធទៅនឹងការប្រើប្រាស់ឯកភាវូបពាណិជ្ជកម្មលើ យថាប្រភេទសម្រាប់ការផលិតយានយន្តថ្មីក្នុងការកាត់បន្ថយចំពោះថ្លៃដើម ការអភិវឌ្ឍ និងដំណើរការសុំលិខិតអនុលោមភាព ព្រមទាំងការនាំចេញទៅកាន់ទីផ្សារអន្តរជាតិដោយមិនមានរនាំងបច្ចេកទេស។ ឯកឧត្តម ប៉េង ពោធិ៍នា បានជម្រាបជូន គណៈកម្មការរដ្ឋសភាថា កិច្ចព្រមព្រៀងស្តីពីការទទួលយកបទប្បញ្ញត្តិបច្ចេកទេសរួមនៃអង្គការសហប្រជាជាតិសម្រាប់យានយន្ត បរិក្ខារ និងគ្រឿងបន្លាស់ ដែលអាចបំពាក់ និង/ឬប្រើប្រាស់ទៅលើយានយន្ត និងលក្ខខណ្ឌសម្រាប់ការទទួលស្គាល់ ទៅវិញទៅមកនៃការផ្តល់អនុលោមភាពដោយឈរលើមូលដ្ឋាននៃបទប្បញ្ញត្តិអង្គការសហប្រជាជាតិ ដែលតទៅនេះ ហៅកាត់ថា កិច្ចព្រមព្រៀងអង្គការសហប្រជាជាតិឆ្នាំ១៩៥៨ ត្រូវបានបង្កើតឡើងក្រោយសង្គ្រាមលោកលើកទី២ នៅពេលដែលវិស័យឧស្សាហកម្មយានយន្តមានការរីកចម្រើនយ៉ាងឆាប់រហ័ស ហើយបទប្បញ្ញត្តិ ស្តង់ដា និង សុវត្ថិភាព ក្នុងចំណោមបណ្តាប្រទេសឧស្សាហកម្មយានយន្ត មានភាពខុសៗគ្នា បណ្តាលឱ្យមានជារបាំង ពាណិជ្ជកម្ម។ ដើម្បីដោះស្រាយបញ្ហាប្រឈមទាំងនេះ នៅថ្ងៃទី២០ ខែមីនា ឆ្នាំ១៩៥៨ កិច្ចព្រមព្រៀងអង្គការ សហប្រជាជាតិឆ្នាំ១៩៥៨ ត្រូវបានចុះហត្ថលេខាដោយប្រទេសជាសមាជិកអឺរ៉ុប ចំនួន៨ រួមមាន បែលហ្ស៊ិក បារាំង អាល្លឺម៉ង់ អ៊ីតាលី លុចសំបួ ហូឡង់ ស៊ុយអែត និងចក្រភពអង់គ្លេស និងបានចូលជាធរមាននៅថ្ងៃទី២០ ខែមិថុនា ឆ្នាំ១៩៥៩។ គិតត្រឹមពាក់កណ្តាលឆ្នាំ២០២៤ រដ្ឋភាគីបានផ្តល់សច្ចាប័នរួចរាល់មានចំនួន ៦៨ប្រទេស។ ប្រទេស ក្នុងតំបន់អាស៊ាន ដែលបានផ្តល់សច្ចាប័នលើកិច្ចព្រមព្រៀងនេះ រួមមាន ម៉ាឡេស៊ី ថៃ ហ្វីលីពីន និងវៀតណាម ហើយប្រទេសសមាជិកមួយចំនួនរួមមាន ឡាវ មីយ៉ាន់ម៉ា សិង្ហបុរី ព្រុយណេ ឥណ្ឌូណេស៊ី ក៏កំពុងតែរៀបចំស្នើសុំ ចូលជារដ្ឋភាគីផងដែរ។ ដោយឡែកព្រះរាជាណាចក្រកម្ពុជា បាននិងកំពុងរៀបចំនីតិវិធីដើម្បីស្នើសុំចូលជារដ្ឋភាគី ឱ្យបានត្រឹមឆ្នាំ២០២៥។ បន្ទាប់ពីតំណាងរាជរដ្ឋាភិបាលធ្វើការបកស្រាយ ឆ្លើយបំភ្លឺលើបញ្ហាមួយចំនួនរួចមក គណៈកម្មការជំនាញនៃរដ្ឋសភា បានសម្រេចឯកភាព បញ្ជូនសេចក្ដីព្រាងច្បាប់នេះ ទៅគណៈកម្មាធិការអចិន្ត្រៃយ៍រដ្ឋសភា ដើម្បីពិនិត្យដាក់បញ្ចូល ក្នុងរបៀបវារៈសម័យប្រជុំរដ្ឋសភា នាពេលខាងមុខនេះ៕

ជំនន់ទឹកភ្លៀងកំពុងវាយប្រហារស្រុកចិត្របុរី ខេត្តក្រចេះ

នៅព្រឹកថ្ងៃទី១៧ ខែកញ្ញា ឆ្នាំ២០២៤នេះ ជំនន់ទឹកភ្លៀងបានកើតឡើងបង្កឲ្យជនលិចផ្ទះសម្បែងប្រជាពលរដ្ឋ ផ្លូវ សាលារៀន មណ្ឌលសុខភាព និងវត្តអារាម ស្ថិតនៅភូមិអញ្ចាញ ឃុំដារ ស្រុកចិត្របុរី ខេត្តក្រចេះ បន្ទាប់ពីមានភ្លៀងធ្លាក់មួយមេធំ និងពេញមួយយប់កាលពីយប់មិញ។ ជំនន់ទឹកភ្លៀងនេះបានបង្កឲ្យវត្ត ដាសិលារាម មណ្ឌលសុខភាពដារ សាលាបឋមសិក្សាដារ កំណាត់ផ្លូវកៅស៊ូក្នុងភូមិអញ្ចាញ និងផ្ទះប្រជាពលរដ្ឋជាច្រើនខ្នងផ្ទះផងដែរ។ លោក ញ៉ឹក សេត ជាពលរដ្ឋរងគ្រោះទឹកលិចផ្ទះបានឲ្យដឹងថា ជំនន់ទឹកភ្លៀងនេះបានហក់ឡើង នៅវេលាម៉ោងប្រមាណជា៦ និង០០នាទីព្រឹកយ៉ាងកំហុកតែម្តងដោយពុំបានដឹងខ្លួនជាមុន បន្ទាប់ពីមានភ្លៀងធ្លាក់ខ្លាំងកាលពីយប់មិញពេញមួយយប់។ ភ្លាមៗនោះផ្ទះ និងសម្ភារៈផ្សេងៗនៅក្នុងផ្ទះរបស់គាត់ក៏ត្រូវបានអ្នកភូមិជួយលើកទុកដាក់ផុតពីទឹកបានទាន់ពេលវេលា។ គូសបញ្ជាក់ថា នេះជាលើកទី១ហើយ ដែលលំនៅឋានប្រជាពលរដ្ឋនៅភូមិអញ្ចាញ ឃុំដារ ស្រុកចិត្របុរី ខេត្តក្រចេះ រងគ្រោះលិចលង់ដោយជំនន់ទឹកភ្លៀងនេះ ប៉ុន្តែមិនបង្កឲ្យគ្រោះថ្នាក់ដល់អាយុជីវិតមនុស្ស សត្វឡើយ ខណៈកម្រិតកម្ពស់ទឹកទន្លេមេគង្គក្រចេះ នៅព្រឹកថ្ងៃទី១៧ ខែកញ្ញា ឆ្នាំ២០២៤នេះ មានកម្ពស់ ១៩.៨៤ម៉ែត្រ និងកម្ពស់ទឹកប្រុងប្រយ័ត្ន ២២.០០ម៉ែត្រ៕ ដោយ សេង ម័រ

សម្តេចធិបតីប្រកាសផ្តល់អគារសិក្សា១ខ្នងស្មើនឹង៣០បន្ទប់ដល់វិទ្យាល័យហ៊ុន សែន តាខ្មៅ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសផ្តល់អំណោយជាអគារសិក្សាមួយខ្នង ដែលមានកម្ពស់៣ជាន់ ស្មើនឹង៣០បន្ទប់ និងសម្ភារមួយចំនួនទៀតសម្រាប់បម្រើដល់ការអប់រំដល់វិទ្យាល័យ ស៊ុន សែន តាខ្មៅ ខេត្តកណ្តាល។តាមរយៈបណ្តាញសង្គមហ្វេសបុកនៅព្រឹកថ្ងៃទី១៧ ខែកញ្ញា ឆ្នាំ២០២៤នេះ សម្តេចធិបតី នាយករដ្ឋមន្រ្តីបានឲ្យដឹងថា កាលពីថ្ងៃរសៀលម្សិលមិញ(ថ្ងៃទី១៦) សម្តេចបានឆ្លៀតចូលវិទ្យាល័យហ៊ុន សែនតាខ្មៅ បន្ទាប់ពីទទួលបានសំណូមពររបស់ក្មួយៗសិស្សានុសិស្ស និងលោកគ្រូអ្នកគ្រូ ពាក់ព័ន្ធនឹងការខ្វះខាតថ្នាក់រៀន ដោយសារចំនួនសិស្សមានការកើនឡើងច្រើន។ ម្យ៉ាងទៀតក៏ចង់ចូលមើលវិទ្យាល័យនេះ ដែលសម្តេចធ្វើដំណើរឆ្លងកាត់ពេលទៅធ្វើការ រយៈពេលជាង ១ឆ្នាំមកហើយ។បន្ទាប់ពីបានចុះពិនិត្យទីតាំងជាក់ស្តែង និងបានពិភាក្សាជាមួយលោកនាយកសាលា និងលោកគ្រូនៅសាលា «ខ្ញុំបានសម្រេចផ្ដល់ជូននូវអគារសិក្សា១ខ្នង កម្ពស់៣ជាន់ ស្មើនឹង ៣០បន្ទប់ ព្រមទាំងផ្តល់ជូននូវឧបករណ៍ សម្ភារៈមួយចំនួនទៀតសម្រាប់បម្រើដល់ការអប់រំ បណ្ដុះបណ្ដាលដល់សិស្សានុសិស្សនៃវិទ្យាល័យហ៊ុនសែនតាខ្មៅនេះដែលបច្ចុប្បនមានសិស្សសរុប ២ ៣៥១ នាក់ ដោយរំពឹងថានឹងកើនឡើងបន្ថែមទៀតនៅឆ្នាំខាងមុខ»៕ អត្ថបទបាន ចក់

ក្រសួងអភិវឌ្ឍន៍ជនបទ កំពុងជំរុញអភិវឌ្ឍផ្លូវជនបទបន្តបន្ទាប់ ឆ្លើយតបនិងការរស់នៅរបស់ប្រជាជន

ពោធិ៍សាត់ ៖ ក្រសួងអភិវឌ្ឍន៍ជនបទ បាននិងកំពុងជំរុញអភិវឌ្ឍផ្លូវជនបទជាបន្តបន្ទាប់ ដើម្បីចូលរួមលើកកម្ពស់ដល់ការនៅរបស់ប្រជាជន និងការ ប្រែក្លាយតំបន់ជនបទ ឱ្យក្លាយទៅជាតំបន់មានការអភិវឌ្ឍន៍រីកចម្រើនប្រកបដោយបរិយាបន្ន ទាំងផ្នែកសេដ្ឋកិច្ច សង្គម និងវប្បធម៌។ ឯកឧត្តម ផូ ផារិទ្ធ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានលើកឡើង នៅក្នុងការចុះត្រួតពិនិត្យ វាយតម្លៃបញ្ចប់សុពលភាព លើការងារស្ថាបនាផ្លូវក្រាលបេតុងចំនួន ១ ខ្សែ នៅស្រុកក្រគរ ខេត្តពោធិ៍សាត់ និង ផ្លូវក្រាលកៅស៊ូ DBST នៅស្រុកភ្នំស្រួច ខេត្តកំពង់ស្ពឺ ថ្ងៃទី ១៦ ខែ កញ្ញា ឆ្នាំ២០២៤ នេះថា ក្រសួងអភិវឌ្ឍន៍ជនបទ ក្នុងនាមជា សេនាធិការផ្ទាល់របស់រាជរដ្ឋាភិបាល បាននិងកំពុងជំរុញការងារស្ថាបនា ស្ដារឡើងវិញ កែលម្អ ពង្រីក ថែទាំ និងជួសជុលផ្លូវជនបទ ដោយក្រាលកៅស៊ូពីរជាន់ ឬបេតុង ដើម្បីសម្រួលដល់សហគមន៍ និងការផ្តល់សេវាផ្សេងៗជូនប្រជាពលរដ្ឋគ្រប់ទិសទីនៅទូទាំងប្រទេស ដើម្បីចូលរួមចំណែកលើកកម្ពស់ការរស់នៅរបស់ប្រជាពលរដ្ឋនៅជនបទ។ឯកឧត្តម បន្តថា ជាក់ស្តែងផ្លូវក្រាលបេតុង និងក្រាលកៅស៊ូ DBST នៅក្នុងខេត្តទាំងពីរខាងលើនេះ បានកំពុងផ្តល់ប្រយោជន៍ យ៉ាងសំខាន់ ក្នុងការជំរុញដំណើរសេដ្ឋកិច្ច និងសង្គមនៅជនបទ តាមរយៈការតភ្ជាប់ផ្លូវជនបទឱ្យមានភាពប្រទាក់ក្រឡា ជាពិសេសការ ជំរុញអភិវឌ្ឍទៅកាន់តំបន់ផលិតកម្ម រោងចក្រ សហគ្រាស និងអាជីវកម្មនានា ដើម្បីបង្ករលក្ខណៈងាយស្រួល នៃការសម្រួលដល់ការ ធ្វើពាណិជ្ជកម្ម ។ ការអភិវឌ្ឍហេដ្ឋារចនាសម្ព័ន្ធជារូបវ័ន្ត និងគមនាគមន៍ជនបទនេះ គឺជាគន្លឹះគាំទ្រដល់រាល់កម្មវិធីកាត់បន្ថយភាពក្រីក្រ នៅតំបន់ជនបទ។ជុំវិញផ្លូវខាងលើនេះដែរ, ឯកឧត្តម ផូ ផារិទ្ធ បានជម្រាបជូនអាជ្ញាធរ និងប្រជាពលរដ្ឋដែលរស់នៅតាមបណ្តាយផ្លូវទាំងនោះថា ផ្លូវទាំងនេះគឺបានបញ្ចប់សុពលភាពក្នុងការថែហើយ, ដូច្នេះសូមឱ្យអាជ្ញាធរ និងប្រជាពលរដ្ឋនៅមូលដ្ឋាន សូមចូលរួមថែទាំផ្លូវទាំងនេះឱ្យ បានគង់វង់យូរអង្វែង។ ការចូលរួមថែទាំផ្លូវបានល្អ ក៏ជាការចូលរួមជាមួយរាជរដ្ឋាភិបាល ក្នុងការថែទាំសម្បត្តិសាធារណៈរបស់រដ្ឋផងដែរ។នៅការចុះពិនិត្យផ្លូវនេះដែរ, ឯកឧត្តម រដ្ឋលេខាធិការ រួមជាមួយគណៈកម្មាធិការអន្តរក្រសួង បានជួបសំណេះសំណាលជាមួយអាជ្ញាធរ និងប្រជាពលរដ្ឋនៅមូលដ្ឋាន, ដោយនៅក្នុងពិធីនោះ ឯកឧត្តមបានពាំនាំនូវប្រសាសន៍ផ្តាំផ្ញើសាកសួរសុខទុក្ខពី ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ជាពិសេសពីសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី ប្រធានព្រឹទ្ធសភា និងជា ប្រធានឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ដែលសម្តេចបានខិតខំប្រឹងប្រែងជំរុញឱ្យ តំបន់ជនបទមានការអភិវឌ្ឍ រីកចម្រើន និងបច្ចុប្បន្នបន្តដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ដែលសម្តេចទាំងទ្វេរតែងតែគិតគូរពីសុខទុក្ខ និងការរស់នៅរបស់ប្រជាពលរដ្ឋ៕អត្ថបទ៖ សុន រ៉ាឌី

តើហេតុអ្វីប្រជាពលរដ្ឋខ្មែរគ្រប់មជ្ឈដ្ឋាន ចូលរួមគាំទ្រមូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន?

ភ្នំពេញ ៖ នៅរសៀលថ្ងៃទី១៦ ខែកញ្ញា ឆ្នាំ២០២៤នេះ អង្គភាពព័ត៌មាននិងប្រតិកម្មរហ័ស បានបញ្ចេញផ្សាយនូវវីដេអូមួយដែលមានចំណងជើងថា «តើហេតុអ្វីប្រជាពលរដ្ឋខ្មែរគ្រប់មជ្ឈដ្ឋាន ចូលរួមគាំទ្រមូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន?»។ វីដេអូនេះ មានរយៈពេល១៣៖៥៨ វិនាទី បានបង្ហាញថាអំពីមូលហេតុចំនួន៥ដែលប្រជាពលរដ្ឋខ្មែរគ្រប់មជ្ឈដ្ឋាន ស្ម័គ្រចិត្តបរិច្ឆាគថវិកាចូលរួមគាំទ្រមូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន តាមការប្រកាសរបស់ប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត។ ប្រជាពលរដ្ឋខ្មែរពីគ្រប់មជ្ឈដ្ឋាន បានបង្ហាញការគាំទ្រដ៏ច្រើនលើសលប់ ដែលបានប្រែក្លាយជាចលនាជាតិនិយមមួយដ៏ផុសផុល ទាំងក្នុងជួរមន្ត្រីរាជការស៊ីវិល កងកម្លាំងប្រដាប់អាវុធគ្រប់ប្រភេទ អ្នកជំនួញ អាជីវករ កសិករ កម្មករ និងប្រជាជនទូទៅ គឺបានចូលរួមបរិច្ចាគថវិកាដោយស្ម័គ្រចិត្ត ក្នុងស្មារតីរួមចំណែកកសាងសមិទ្ធផលជូនជាតិមាតុភូមិ។ មូលហេតុទាំង៥រួមមាន៖ ទី១- ប្រជាជនខ្មែរភាគច្រើនលើសលុប មានមនសិកា និងស្មារតីស្រលាញ់ប្រទេសជាតិពិតប្រាកដ, ទី២- ការជឿជាក់ និងទុកចិត្ត លើការដឹកនាំរបស់រាជរដ្ឋាភិបាល, ទី៣- ឆ្លើយតបនិងទាត់ចោលការចោទប្រកាន់អគតិរបស់ក្រុមប្រឆាំងជ្រុលនិយម, ទី៤- គោលដៅមនុស្សធម៌ គឺរួមគ្នាកសាងជាតិក្នុងបុព្វហេតុជួយដល់ប្រជាពលរដ្ឋរស់នៅតាមបណ្តោយព្រំដែន និង ទី៥- ខឿនការពារជាតិដ៏រឹងមាំគឺប្រជាពលរដ្ឋដែលរស់នៅតាមបណ្តោយព្រំដែន។ ឆ្លើយតបនិងចលនាជាតិនិយមគាំទ្រយ៉ាងផុសផុលចំពោះមូលនិធិនេះ សម្តេចធិបតីក៏បានប្រកាសថា រាជរដ្ឋាភិបាលនឹងប្រើប្រាស់ថវិកាដែលប្រជាពលរដ្ឋគ្រប់មជ្ឈដ្ឋានបានរួមគ្នាបរិច្ឆាគក្នុងមូលនិធិ បូករួមនិងថវិការបស់រាជរដ្ឋាភិបាលដែលមានស្រាប់ ដើម្បីកសាងហេដ្ឋារចនាសម្ព័ន្ធតាមបណ្តោយព្រំដែន ប្រកបដោយតម្លាភាព និងប្រើឱ្យចំគោលដៅចាំបាច់ ដែលជាសេចក្តីត្រូវការជាក់ស្តែងរបស់ប្រជាពលរដ្ឋរស់នៅតំបន់ព្រំដែនតែម្តង។

គណៈកម្មាធិការជាតិគ្រប់គ្រងគ្រោះមហន្តរាយ បើកកម្មវិធី "បង្ហាញផ្លូវអាស៊ានមួយ ការឆ្លើយតបមួយ " នៅកម្ពុជា

ភ្នំពេញ ៖ ឯកឧត្តម ហង្ស សាមឿន អនុប្រធានទី២ គ.ជ.គ.ម. តំណាងឯកឧត្តមបណ្ឌិត គន់ គីម ទេសរដ្ឋមន្ត្រីអនុប្រធានទី១ គណៈកម្មាធិការជាតិគ្រប់គ្រងគ្រោះមហន្ត រាយ នៅព្រឹកថ្ងៃទី១៦ ខែកញ្ញា ឆ្នាំ២០២៤ នេះ បានធ្វើជាអធិបតីបើកកម្មវិធី " បង្ហាញផ្លូវអាស៊ានមួយ ការឆ្លើយតបមួយ" នៅកម្ពុជា។ពិធីនេះក៏មានការចូលរួមពីលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និង លោក លី យ៉ាំម៉ឹង នាយកប្រតិបត្តិ នៃមជ្ឈមណ្ឌលអាហារ, ព្រម ទាំងតំណាងមកពីក្រសួងស្ថាប័នពាក់ព័ន្ធ រដ្ឋបាលថ្នាក់ ក្រោមជាតិ ដៃគូអភិវឌ្ឍន៍អង្គការជាតិ អន្តរជាតិ កាកបាទ ក្រហមកម្ពុជានិងវិស័យឯកជនដែលប្រព្រឹត្តទៅនៅសណ្ឋា គារសូហ្វីតែលភ្នំពេញ ភូគីត្រា។កម្មវិធី« បង្ហាញផ្លូវ អាស៊ានមួយ ការឆ្លើយតបមួយ» នេះ គឺជាសកម្មភាពអាទិភាពមួយ ក្នុងចំណោមសកម្មភាពជា ច្រើន ស្ថិតក្រោមកម្មវិធីការងារ ឆ្នាំ២០២១-២០២៥ នៃកិច្ចព្រមព្រៀងអាស៊ាន ស្តីពីការគ្រប់គ្រងគ្រោះមហន្តរាយ និងការឆ្លើយតបសង្គ្រោះបន្ទាន់ (AADMER) និងជា ផែន ការរបស់មជ្ឈមណ្ឌលអាហារ ក្នុងដំណើរការកម្មវិធីនេះ ដោយផ្ទាល់ជាមួយបណ្តាប្រទេសជាសមាជិកអាស៊ាន ចាប់ តាំង ពី២០២៣ រហូតមក។កម្មវិធីនេះ នឹងជួយសម្រួលដល់ការ ចូលរួមរបស់អ្នកពាក់ព័ន្ធទាំងអស់យ៉ាងទូលំទូលាយ និង កម្រិតខ្ពស់ រវាងអ្នករៀបចំគោលនយោបាយរបស់ប្រទេស និងភាគីអ្នកពាក់ព័ន្ធក្នុងការងារមនុស្សធម៌ និងការគ្រប់គ្រងគ្រោះមហន្តរាយ។ សំខាន់ជាងនេះទៀត អំពីរបៀបដែលវិស័យនេះ អាចសម្របសម្រួល និង ពង្រីកភាពជាដៃគូឱ្យកាន់តែប្រសើរឡើង ក្នុងការឆ្លើយតបនឹងបញ្ហាប្រឈមថ្មីៗកំពុងកើតឡើង និងការផ្លាស់ប្តូរទិដ្ឋភាពមនុស្សធម៌ នៅក្នុងប្រទេស និងនៅក្នុងតំបន់។ គណៈកម្មាធិការជាតិគ្រប់គ្រងគ្រោះមហន្តរាយ ក្រោមការ ដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ដោយមាន ឯកឧត្តម កិត្តិសង្គហបណ្ឌិត គន់ គីម ទេសរដ្ឋ មន្ត្រី អនុប្រធានទី១ ជាសេនាធិការផ្ទាល់បានយកចិត្តទុក ដាក់ខ្ពស់ក្នុងការអនុវត្តសេចក្តីថ្លែងការណ៍ អាស៊ានមួយ ការឆ្លើយតបមួយ។ក្នុងកិច្ចសហប្រតិបត្តិការជាមួយប្រទេសជាសមាជិកអាស៊ាន នឹងអាចដោះស្រាយនូវរាល់បញ្ហាប្រ ឈមនានា បង្កដោយគ្រោះមហន្តរាយកាន់តែមាន ប្រសិទ្ធ ភាពខ្ពស់ និងឈានទៅកសាងសហគមន៍អាស៊ាន ប្រកប ដោយភាពធន់ ។ ឯកឧត្តម អនុប្រធានទី២ ហង្ស សាមឿន មានប្រសាសន៏ថា ក្នុងនាមជាសេនាធិការឱ្យរាជរដ្ឋាភិបាលកម្ពុជានឹងបន្តយកចិត្តទុកដាក់លើការត្រៀមរៀបចំ និងការឆ្លើយតបសង្គ្រោះបន្ទាន់ និងពង្រឹងភាពជាដៃគូជាមួយប្រទេសជាសមាជិកអាស៊ាន ភាគីអ្នកពាក់ព័ន្ធដើម្បីកសាងសហគមន៍ប្រកប ដោយភាពធន់ដែលសកម្មភាពទាំងនេះ នឹងត្រូវអនុវត្តន៍ដោយផ្អែកលើ លិខិតបទដ្ឋានគតិយុត្ត ច្បាប់ស្តីពីការគ្រប់ គ្រងគ្រោះមហន្តរាយ និងផែនការសកម្មភាពជាតិសម្រាប់ការកាត់បន្ថយហា និភ័យគ្រោះមហន្តរាយកម្ពុជា ។ គ្រោះមហន្តរាយមិនមានព្រំដែនទេដោយរំលឹកយើងថា សុវត្ថិភាព និងសុខុមាល ភាពរួមរបស់យើងមានទំនាក់ ទំនងយ៉ាងជិតស្និទ្ធ។ ក្នុងបរិបទនេះ ត្រូវបានគូសបញ្ជាក់ពីតួនាទីដ៏សំខាន់ នៃភាពជាអ្នកដឹកនាំកិច្ចសហប្រតិបត្តិការនិងការចូលរួមយ៉ាងសកម្មពីគ្រប់ភាគីពាក់ព័ន្ធទាំងអស់ ដូចជារាជរដ្ឋាភិបាល ភ្នាក់ងារសហប្រជាជាតិ អង្គការជាតិ- អន្តរជាតិ សង្គមស៊ីវិល វិស័យឯកជនហើយសំខាន់បំផុត គឺសហគមន៍របស់យើង។ ឯកឧត្តម បន្តថាក្នុងរយៈពេលមួយទសវត្សរ៍ចុងក្រោយនេះ កម្ពុជាបានបោះជំហានទៅមុខគួរឱ្យកត់សម្គាល់ លើសមត្ថភាព នៃការឆ្លើយតបគ្រោះមហន្តរាយ ដោយបានវិនិយោគលើការពង្រឹងប្រព័ន្ធប្រកាស ព័ត៌មានឱ្យដឹងមុន បង្កើតកងប្រតិបត្តិការរុករក និងសង្គ្រោះគ្រោះមហន្តរាយ ចំនួន ១៦ កង ស្មើ ១,៩២០នាក់ រៀបចំកសាង ផែនការត្រៀមបម្រុងថ្នាក់ជាតិសម្រាប់ការឆ្លើយតបសង្គ្រោះបន្ទាន់ គ្រោះមហន្តរាយទឹកជំនន់ ព្រមទាំងគាំទ្រដល់ រាជធានី ខេត្តទាំង២៥ ដើម្បីរៀបចំកសាងផែនការ ត្រៀមបម្រុងថ្នាក់ រាជធានី ខេត្ត សម្រាប់ការឆ្លើយតបសង្គ្រោះបន្ទាន់គ្រោះ មហន្តរាយ ទឹកជំនន់ និងរាំងស្ងួត ផងដែរ។ ឯកឧត្តមហង្ស សាមឿន លើកឡើងថារាជរដ្ឋាភិបាលកម្ពុជា បានចូលរួមយ៉ាងសកម្ម ក្នុងការអនុវត្ត សេចក្តីថ្លៃការណ៍ អាស៊ានមួយ ការឆ្លើយតបមួយ នៅឆ្នាំ២០២៥ ខាងមុខនេះ កម្ពុជានឹងធ្វើជាម្ចាស់ផ្ទះទទួលរៀបចំ «លំហាត់សមយុទ្ធ ឆ្លើយតបគ្រោះអាសន្ន គ្រោះមហន្តរាយថ្នាក់តំបន់អាស៊ានសម្រាប់ឆ្នាំ២០២៥ » ដែលគ្រោងនឹងអញ្ជើញ អ្នកពាក់ព័ន្ធប្រមាណ ៤០០នាក់មកពីបណ្តាប្រទេសជាសមាជិកអាស៊ាន ក្រសួង -ស្ថាប័ន នៃរាជរដ្ឋាភិបាលកម្ពុជានិង រដ្ឋបាលថ្នាក់ក្រោមជាតិ។ ប្រើនូវយន្តការគ្រប់គ្រងគ្រោះ មហន្តរាយ ក្នុងតំបន់អាស៊ាន និងពង្រឹងសមត្ថភាពក្នុងការឆ្លើយតបគ្រោះមហន្ត រាយ រួមគ្នា។ ឯកឧត្តមហង្ស សាមឿន សង្ឃឹមយ៉ាងមុតមាំថា យើងនឹងអាចយកវេទិកានេះធ្វើ ការ ចែករំលែកនូវបទពិសោធល្អៗនិងបញ្ហាប្រឈមនានានៅកម្រិតជាតិ និងកម្រិតតំបន់ ដើម្បីឱ្យយើងទាំងអស់គ្នា អាចស្វែងយល់បានកាន់ តែស៊ីជម្រៅអំពីយន្តការនៃការគ្រប់ គ្រងគ្រោះមហន្តរាយថ្នាក់ជាតិ និង ថ្នាក់តំបន់អាស៊ាន ដែលនឹងអាចត្រួសត្រាយផ្លូវឆ្ពោះទៅកាន់សហគមន៍អាស៊ានមួយប្រកបដោយភាពធន់ ៕ អត្ថបទ ៖ ភារម្យ

ឯកឧត្តមអភិសន្តិបណ្ឌិត ជូនពរឡាវទទួលជោគជ័យក្នុងតួនាទីប្រធានអាស៊ានប្ដូរវេននាពេលខាងមុខ

ភ្នំពេញ ៖ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានថ្លែងជូនពរសាធារណរដ្ឋប្រជាធិបតេយ្យប្រជាមានិតឡាវឱ្យទទួលបានជោគជ័យក្នុងតួនាទីជាប្រធានអាស៊ានប្ដូរវេនឆ្នាំ២០២៤ ជាពិសេសជោគជ័យនៃការដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធផ្សេងទៀតដែលមានការអញ្ជើញចូលរួមពីបណ្ដាមេដឹកនាំប្រទេស និងអង្គការអន្តរជាតិជាច្រើន នាពេលខាងមុខនេះ។ ការថ្លែងជូនពរពីប្រមុខក្រសួងមហាផ្ទៃកម្ពុជា បានធ្វើឡើងនាឱកាសទទួល ឯកឧត្ដម បួរកែវ ភូមិវង្សកែវ ឯកអគ្គរដ្ឋទូតសាធារណរដ្ឋប្រជាធិបតេយ្យប្រជាមានិតឡាវ ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួងមហាផ្ទៃ នារសៀលថ្ងៃទី១៦ ខែកញ្ញា ឆ្នាំ២០២៤ ។ ក្នុងក្របខណ្ឌការងារអាស៊ានដដែលនេះ ឯកឧត្តមអភិសន្តិបណ្ឌិត បានចូលរួមអបអរសាទររដ្ឋាភិបាលក្រុងវៀងច័ន្ទ ដែលថ្មីៗនេះ បានរៀបចំប្រកបដោយជោគជ័យនូវកិច្ចប្រជុំថ្នាក់រដ្ឋមន្ត្រីអាស៊ាន ទទួលបន្ទុកឧក្រិដ្ឋកម្មឆ្លងដែន លើកទី១៨ និងកិច្ចប្រជុំពាក់ព័ន្ធ ។ ជាការឆ្លើយតប ឯកឧត្ដម បួរកែវ ភូមិវង្សសៃ ឯកអគ្គរដ្ឋទូតឡាវប្រចាំកម្ពុជា បានថ្លែងអបអរសាទរចំពោះកិច្ចសហប្រតិបត្ដិការល្អរវាងប្រទេសទាំងពីរកម្ពុជា ឡាវ និងបានបង្ហាញការជឿជាក់ថា ក្រោមការដឹកនាំរបស់ ឯកឧត្ដមអភិសន្តិបណ្ឌិត ក្រសួងមហាផ្ទៃកម្ពុជានឹងបន្តជំរុញគាំទ្រដល់អាជ្ញាធរពាក់ព័ន្ធដែលនៅតាមបណ្ដាព្រំដែនជួបប្រជុំគ្នាជាប្រចាំដើម្បីរក្សាបាននូវសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម ជូនប្រជាជន នៃប្រទេសទាំងពីរ ។ក្រៅពីនេះ ឯកឧត្ដម ឯកអគ្គរដ្ឋទូតឡាវ ក៏បង្ហាញភាពជឿជាក់ខ្ពស់ថា ឯកឧត្ដមអភិសន្ដិបណ្ឌិត នឹងបន្ដចូលរួមគាំទ្រដល់កិច្ចសហប្រតិបត្ដិការទ្វេភាគីរវាងប្រទេសទាំងពីរ លើវិស័យពាណិជ្ជកម្ម ទេសចរណ៍ ឧក្រិដ្ឋកម្មឆ្លងដែន ការជួញដូរមនុស្ស និងការជួញដូរគ្រឿងញៀនតាមបណ្ដាខេត្ដជាប់ព្រំដែន ដើម្បីធានាសុខសុវត្ថិភាពជូនប្រជាពលរដ្ឋដែលរស់នៅតាមបណ្ដាព្រំដែននៃប្រទេសទាំងពីរផងដែរ ៕ ដោយ ៖ បាន សុខរិទ្ធិ

បណ្ដាញសង្គម

ព័ត៌មានថ្មីៗ

វិមានក្រឹមឡាំង៖ ការកែលម្អទំនាក់ទំនងរវាងរុស្ស៊ី-សហរដ្ឋអាមេរិក នឹងត្រូវការពេលវេលាបន្តិច

អ៊ីស្រាអែល ថាក្រុមហាម៉ាសបង្អត់អាហារចំណាប់ថ្នូរ ខណៈ UN ថាអ៊ីស្រាអែល បង្អត់អាហារជនប៉ាឡេស្ទីន

កាណាដា សាទរកិច្ចប្រជុំពាណិជ្ជកម្មជាមួយម៉ិកស៊ិក ខណៈការដំឡើងពន្ធរបស់អាមេរិក ខិតកាន់តែជិត

ការវិភាគរបស់ BBC៖ រុស្ស៊ី បង្កើនការវាយប្រហារទ្វេដងលើអ៊ុយក្រែន ចាប់តាំងពីលោក Trump ចូលកាន់តំណែង

PRESS BRIEFING -Update on the implementation of the immediate and unconditional ceasefire agreement between Cambodia and Thailand (11:00 AM, August 6, 2025 )

អង្គការសុខភាពពិភពលោក ផ្គត់ផ្គង់វេជ្ជសាស្រ្តនិងឈាមទៅកាន់តំបន់ហ្កាហ្សា ខណៈតម្រូវការកើនឡើង

លីបង់ ប្រគល់ភារកិច្ចដល់កងទ័ពដោយកំណត់អាវុធដល់កម្លាំងរដ្ឋ ក្នុងការប្រជែងជាមួយក្រុមហេសបូឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877