BTV NEWS

ក្រសួងអប់រំ ប្រកាសដាក់ឱ្យប្រើប្រាស់ជាផ្លូវការនូវ កម្មវិធីផ្សាយផ្ទាល់ការបង្រៀនបំប៉ន (Live Teaching) ឆ្នាំ២០២៦

អនុប្រធានសមាគមអតីតយុទ្ធជន អញ្ជើញជាអធិបតីសម្ពោធអគារទីស្នាក់សមាគមអតីតយុទ្ធជន និងនិវត្តជនកម្ពុជា ខេត្តត្បូងឃ្មុំ

ប្រធានក្រុមការងារគណបក្សប្រជាជនចុះមូលដ្ឋាន ប្រកាសបញ្ចូលសមាជិកគណបក្សថ្មីជាង ១៥០០នាក់នៃឃុំចំនួន៥ ក្នុងស្រុកកំពង់សៀម ខេត្តកំពង់ចាម

ប្រធានគណៈកម្មាធិការ ណបក្សប្រជាជនកម្ពុជា ខេត្តកំពង់ស្ពឺ លើកទឹកចិត្តឱ្យក្រុមការងារបន្តយកចិត្តទុកដាក់ដោះស្រាយរាល់សំណើរពលរដ្ឋ

ព័ត៌មានជាតិ

ឯកឧត្តមបណ្ឌិតសភាចារ្យ ហង់ជួន ណារ៉ុន និងឯកឧត្តម ហ៊ុន ម៉ានី រួមទាំងថ្នាក់ដឹកនាំ និងមន្ត្រីរាជការ ស្មឹងស្មាតគោរពវិញ្ញាណក្ខន្ធវីរកងទ័ព ដែលបានពលីជីវិតនៅសមរភូមិក្នុងការការពារបូរណភាពទឹកដី

ភ្នំពេញ៖ ទោះបីជាយើងត្រូវអនុវត្តកម្មវិធីក៏ដោយ ក៏ថ្នាក់ដឹកនាំ និងមន្ត្រីរាជការទាំងអស់ នៅជាមួយវីរកងទ័ពនៅសមរភូមិគ្រប់ៗរូប ដែលកំពុងបំពេញបេសកកម្ម ការពារប្រទេសជាតិរបស់យើង។ ជាមួយគ្នានេះ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ ព្រមទាំងថ្នាក់ដឹកនាំ និងមន្ត្រីរាជការជាច្រើនរូប បានបង្ហាញនូវការគោរព ដឹងគុណនិងគោរពវិញ្ញាណក្ខន្ធវីរកងទ័ពរបស់យើង ដែលបានពលីការពារបូរណភាពទឹកដីខ្មែរ។ក្នុងនាមជាប្រជាពលរដ្ឋខ្មែរ យើងទាំងអស់គ្នា ពិតជាដឹងគុណ និងចងចាំជានិច្ចនូវវីរភាពនៃការលះបង់ដ៏ថ្លៃថ្លាបំផុត។ សូមដួងវិញាណក្ខន្ធវីរកងទ័ពដ៏អង់អាចបានយោនយកកំណើតក្នុងសុគតិភពកុំបីឃ្លៀងឃ្លាតឡើយ។

សម្តេចរដ្ឋសភាធិបតី ឃួន សុដារី រួមប្រធានសភាស្រ្តី មកពី៣០ប្រទេស បានជួបជុំនៅទីក្រុងហ្សឺណែវ ប្រទេសស្វីស ក្នុងក្របខ័ណ្ឌកិចហចប្រជុំ កិច្ចប្រជុំកំពូលប្រធានសភាស្រ្តីលើកទី១៥

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា រួមជាមួយប្រធានសភា ជាស្រ្តីមកពី៣០ប្រទេស បានផ្តើមជួបជុំគ្នា នៅទីក្រុងហ្សឺណែវ ប្រទេសស្វីស ក្នុងក្របខ័ណ្ឌកិចហចប្រជុំ កិច្ចប្រជុំកំពូលប្រធានសភាស្រ្តីលើកទី១៥។ នៅល្ងាចថ្ងៃទី ២៧ ខែក្កដាឆ្នាំ២០២៥ លោកជំទាវ Maja Riniker ប្រធានរដ្ឋសភាប្រទេសស្វីស បានរៀបចំលៀងសាយភោជន៍ជូនគណៈប្រតិភូទំាងអស់ដែលបានអញ្ជើញចូលរួម កិច្ចប្រជុំកំពូលប្រធានសភាស្រ្តីលើកទី១៥ នៅសណ្ឋាគារ Four Seasons Hotel Des Bergues ប្រកបដោយភាពរាក់ទាក់និងកក់ក្តៅជាទីបំផុត។ឆ្លៀតនៅក្នុងឱកាសនោះ សម្តេចប្រធានរដ្ឋសភា បានជួបសន្ទនាក្រៅផ្លូវការជាមួយប្រធានសភានានាដែលបានអញ្ជើញចូលរួម ក្នុងការពង្រឹងចំណងការទូតនិងកិច្ចសហប្រតិបត្តិការរវាងព្រះរាជាណាណាចក្រកម្ពុជា ជាមួយ បណ្តាប្រទេសជាមិត្ត ក្នុងការទាញយកផលប្រយោជន៍ជូនប្រទេសជាតិ និងប្រជាពលរដ្ឋកម្ពុជា ទំាងវិស័យការទូតសភា សេដ្ឋកិច្ច ពាណិជ្ជកម្ម អប់រំ កសិកម្ម និងទេសចរណ៍ជាដើម ក៏ដូចជាការជម្រាបជូនបណ្តាប្រទេសជាមិត្តពីសភាពការណ៍ពិតនៅកម្ពុជា ផងដែរ។ អញ្ជើញអមដំណើរ សម្តេចប្រធានរដ្ឋសភាក្នុងពិធីលៀងសាយភោជន៍នេះមាន លោកជំទាវ ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា និង លោកជំទាវ ចាន់ សុទ្ធាវី ប្រធានគណៈកម្មការនីតិកម្ម និងយុត្តិធម៌ នៃព្រឹទ្ធសភា។សូមជម្រាបថា កិច្ចប្រជុំកំពូលប្រធានសភាស្រ្តីលើកទី១៥ នឹងធ្វើពិធីបើកជាផ្លូវការនៅព្រឹកថ្ងៃទី២៨ ខែកក្កដា ក្រោមប្រធានបទ «ការដឹកនាំសម្រាប់សន្តិភាពរួម និងយូរអង្វែង» ។ នៅក្នុងកិច្ចប្រជុំនេះ សម្តេចរដ្ឋសភាធិបតី នឹងអញ្ជើញថ្លែងបទអន្តរាគមន៍ចំនួន ២ លើក។ លើកទី១ក្នុងសម័យប្រជុំលើកទី១ ស្តីពី “របៀបវារៈស្រ្តី សន្តិភាព និងសន្តិសុខក្រោយរយៈពេល២៥ ឆ្នាំៈ បញ្ហាប្រឈមកំពុងកើតមាន និងមាគ៌ាឆ្ពោះទៅអនាគត” និង លើកទី២ ក្នុងសម័យប្រជុំលើកទី២ ក្រោមប្រធានបទ «បញ្ហាប្រឈមកំពុងកើតឡើងចំពោះសន្តិភាពរួម និងយូរអង្វែង និងមាគ៌ាឆ្ពោះទៅមុខ» ។ក្រោយពីបញ្ចប់កិច្ចប្រជុំកំពូលប្រធានសភាស្រ្តីលើកទី១៥ហើយ គណៈប្រតិភូសភានៃព្រះរាជាណាចក្រកម្ពុជា នឹងបន្តចូលរួមសន្និសីទប្រធានសភាពិភពលោកលើកទី៦ ទៀត។ សន្និសីទនេះ មានការអញ្ជើញចូលរួមពីប្រធាន អនុប្រធានរដ្ឋសភា និងព្រឹទ្ធសភាសរុបប្រមាណជាង ១០០ ប្រទេស។ សម្តេចរដ្ឋសភាធិបតី ប្រធានគណៈប្រតិភូសភាកម្ពុជា នឹងអញ្ជើញថ្លែងចំណាប់អារម្មណ៍លើកិច្ចពិភាក្សាទូទៅក្រោមមូលបទស្តីពី «ពិភពលោកក្នុងភាពចលាចល៖ កិច្ចសហប្រតិបត្តិការសភា និងពហុភាគីនិយម ដើម្បីសន្តិភាព យុត្តិធម៌ និងវិបុលភាពសម្រាប់ទាំងអស់គ្នា» ទៀតផង៕

ទាហានសៀមនៅបន្តបាញ់ស្រោចមកកម្ពុជាដូចជាភ្លៀងរលឹមទោះថ្ងៃនេះរាជរដ្ឋាភិបាលកម្ពុជានិងសៀមជួបគ្នាដើម្បីកំណត់ការឈប់បាញ់ក្តី

អ្នកនាំពាក្យរបស់ក្រសួងការពារជាតិកម្ពុជា លោកជំទាវ ម៉ាលី សុជាតា បានអះអាងថា ទាហានឈ្លានពាន សៀមបានបន្តបាញ់ប្រហារមកលើកម្ពុជាយ៉ាងឃោឃៅ និងគឃ្លើនបំផុតប្រៀបបានដូចជាភ្លៀងរលឹម បើទោះបីថ្ងៃនេះមានការកំណត់នូវកិច្ចប្រជុំពិសេសមួយនៅប្រទេសម៉ាឡេស៊ី ក្នុងកម្រិតប្រមុខរាជរដ្ឋាភិបាល នៃប្រទេសកម្ពុជា និងថៃដើម្បីកំណត់ឲ្យមានបទឈប់បាញ់ក៏ដោយនោះ។ថ្លែងប្រាប់អ្នកសារព័ត៌មាន ស្តីពីបច្ចុប្បន្នភាពថ្ងៃទី៥ នៃដំណើរការឈ្លានពានរបស់សៀមមកលើ កម្ពុជានាព្រឹកថ្ងៃទី២៨ ខែកក្កដា ឆ្នាំ២០២៥នេះ លោកជំទាវម៉ាលី សុជាតា បានលើកឡើងថា ទាហានឈ្លានពានរបស់សៀមបានបាញ់គ្រាប់បែកផ្សែងពីលើយន្តហោះ មកលើដែនអធិបតេយ្យភាពរបស់កម្ពុជានៅតំបន់អានសេះ និងកន្លែងផ្សេងៗទៀត និងបានបន្តទម្លាក់គ្រាប់បែកចង្កោម បាញ់អាវុធធុនធ្ងន់ដូចជាភ្លៀងរលឹមមកដល់ទាហានកម្ពុជា និងប៉ុនប៉ងកាន់វាយកាន់កាប់វត្តកែវសិក្ខាគិរីស្វារៈ ប៉ុន្តែត្រូវបានបរាជ័យ ដោយទាហានក្លាហានកម្ពុជាវាយបកទៅវិញយ៉ាងចាស់ដៃនោះ។លោកជំទាវម៉ាលី សុជាតា ក៏បានបញ្ជាក់ផងដែរថា ទាហានឈ្លានពានរបស់សៀម បានធ្វើការវាយប្រហារដល់ដែនអធិបតេយ្យកម្ពុជាកាន់តែធំ និងកាន់តែខ្លាំងឡើង ដោយគ្នានខ្លាចរអានឹងច្បាប់អន្តរជាតិនោះឡើយ ហើយការឈ្លានពានរបស់សៀមនេះបានបណ្តាលប្រជាជនស្លូតត្រង់របស់កម្ពុជាជាង១៣ម៉ឺននាក់រត់ភៀសសឹក សាលារៀនជាង៦០០ត្រូវបានបិទទ្វា ហេដ្ឋារចនាសម្ព័ន្ធជាច្រើនត្រូវបានខូចខាត ភូមិដ្ឋាន និងទ្រព្យសម្បត្តិប្រជាពលរដ្ឋស្លូតត្រង់ត្រូវបានរងគ្រោះ និងថែមទាំងបានប៉ះពាល់ដល់សម្បតិ្តបេតិកភណ្ឌពិភពលោករបស់មនុស្សជាតិផងដែរ ជាពិសេសប្រាសាទព្រះវិហារតែម្តង៕អត្ថបទបានចក់

ការចោទប្រកាន់របស់សៀមថា កម្ពុជាប្រើមីស៊ីលPHL-03 គឺដើម្បីយកលេសប្រើអាវុធឃោឃៅវាយប្រហារមកលើកម្ពុជាប៉ុណ្ណោះ

ជាថ្មីម្តងទៀតអ្នកនាំពាក្យរបស់ក្រសួងការពារជាតិកម្ពុជាឧត្តមសេនីយ៍ឯក ម៉ាលី សុជាតា បានប្រកាសទាត់ចោលទាំងស្រុង ចំពោះការចោទប្រកាន់របស់ភាគីសៀម ដែលថាកម្ពុជាបានប្រើប្រាស់មីស៊ីល PHL-03 បាញ់ទៅទាហានរបស់ខ្លួន ខណៈការចោទប្រកាន់ម្តងហើយម្តងទៀត មកលើកម្ពុជា ពីសំណាក់ទាហានឈ្លានពានសៀមនេះ គឺជាល្បិចកល ដើម្បីយកលេសប្រើអាវុធសាហាវឃោឃៅ ព្រៃផ្សៃដ៏ទៃទៀតបាញ់ប្រហារមកលើកម្ពុជាប៉ុណ្ណោះ។ថ្លែងប្រាប់អ្នកសារព័ត៌មាន ស្តីពីបច្ចុប្បន្នភាពថ្ងៃទី៥ នៃដំណើរការឈ្លានពានរបស់សៀមមកលើ កម្ពុជានាព្រឹកថ្ងៃទី២៨ ខែកក្កដា ឆ្នាំ២០២៥នេះ លោកជំទាវ ម៉ាលី សុជាតា បានលើកឡើងថា ក្រសួងការ ពារជាតិកម្ពុជាសូមធ្វើការថ្កោលទោសយ៉ាងដាច់អហង្ការ និងច្រានចោលទាំងស្រុងចំពោះការចោទប្រកាន់ ខុសពីការពិត និងមានចេតនាទុច្ចរិតពីសំណាក់ទាហានឈ្លានពានសៀម ដែលបានចោទប្រកាន់កម្ពុជាថាបានប្រើប្រាស់កាំជ្រួចរយៈចម្ងាយឆ្ងាយPHL-03 បាញ់ចូលទឹកដីសៀម ខណៈការចោទប្រកាន់នេះ គឺជាការចោទប្រកាន់ដោយគ្មានមូលដ្ឋានច្បាស់ និងឆ្លុះបញ្ចាំងពីលេសរបស់ភាគីសៀម ដើម្បីខ្លួនអាចប្រើប្រាស់ អាវុធកាន់តែសាហាវព្រៃផ្សៃជាងមុន និងអមនុស្សធម៌ជាងមុន ក្នុងការវាយប្រហារ និងរំលោភលើដែនអធិបតេយ្យភាពរបស់កម្ពុជា ហើយបែជាមកលាបពណ៌ដល់កម្ពុជាទៅវិញ។ជាមួយគ្នានោះដែរលោកជំលោកជំទាវ ម៉ាលី សុជាតា ក៏បានប្រកាសច្រានចោល និងថ្កោលទោស ផងដែរចំពោះភាគីសៀម ដោយមានចេតនាព្យាបាទដល់កម្ពុជា ដែលបានចោទច្រំដែលៗថា កម្ពុជាបានបាញ់ផ្លោងចូលទឹកដីឡាវដោយចេតនា ខណៈការចោទប្រកាន់ដោយគ្មានមូលដ្ឋាននេះគឺបានឆ្លុះបញ្ចាំងពីយុទ្ធសាស្រ្តថោកទាប ភូតកុហក និងបោកបញ្ឆោតរបស់សៀម ដែលដំបូងឡើយជាការប្រឌិត ដើម្បីបង្ហាញពីភាពត្រឹមត្រូវនៃការឈ្លានពានខុសច្បាប់របស់ខ្លួនមកលើកម្ពុជា ហើយពេលនេះក៏បានកំពុងបំភ័ន្តភ្នែកអន្តរជាតិ ដោយបានព្យាយាមធ្វើឲ្យខូចឈ្មោះដល់កម្ពុជា ផ្ទុយទៅនឹងទង្វើរបស់ខ្លួន ដោយកម្ពុជាមិនដែលបានធ្វើ ឬរំលោភបំពានលើដែនអធិបតេយ្យភាពរបស់ប្រទេសជិតខាងណាមួយឡើយនោះ។ទាក់ទងនឹងការចោទប្រកាន់ច្រំដែលៗ ដោយព្រហើនរបស់ភាគីសៀម ដែលថាកម្ពុជាបានបាញ់ផ្លោងគ្រាប់ចូលទឹកដីឡាវនេះដែរ លោកជំទាវ ម៉ាលី សុជាតា ក៏បានប្រាប់ទៅភាគីសៀមវិញថា កម្ពុជាគឺនៅតែបន្តមានការតាំងចិត្តក្នុងការគោរពអធិបតេយ្យភាព បូរណភាពទឹកដីរបស់ប្រជាជាតិដទៃ និងបញ្ជាក់អំពីការត្រៀមខ្លួនរួចរាល់ក្នុងការសហការ និងប្រតិបត្តិការពេញលេញដល់កងទ័ព និងប្រជាជនឡាវ ដើម្បីស៊ើបអង្កេតនូវឧបទ្ទវហេតុដែលបានកើតឡើង (គ្រាប់ធ្លាក់លើទឹកដីឡាវ) ប្រកបដោយទំនួលខុសត្រូវវិជ្ជាជីវៈ និងតម្លាភាពខ្ពស់ផងដែរ៕ អត្ថបទបាន ចក់

សម្តេចធិបតី៖បំណងនៃកិច្ចប្រជុំស្អែកជាមួយនាយករដ្ឋមន្រ្តីស្តីទីរបស់ថៃ គឺដើម្បីសម្រេចឲ្យមានបទឈប់បាញ់គ្នា

ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានឲ្យដឹងថា នៅស្អែកថ្ងៃទី២៨ ខែកក្កដា ឆ្នាំ២០២៥នេះ សម្តេចនឹងអញ្ជើញទៅចូលរួមកិច្ចប្រជុំមួយនៅប្រទេសម៉ាឡេស៊ី ដែលរៀបចំឡើងដោយសហរដ្ឋអាមេរិក និងមានការចូលរួមពីតំណាងភាគីចិន។ ដោយកិច្ចប្រជុំនេះគឺមានគោលបំណងដើម្បីសម្រេចឲ្យមានបទឈប់បាញ់គ្នាជាបន្ទាន់មួយរវាងកងទ័ពកម្ពុជា និងថៃ ក្រោយមានការផ្តួចផ្តើមដោយឯកឧត្តមដូ ណាត្រាំ ប្រធានាធិបតីអាមេរិក និងនាយករដ្ឋមន្រ្តីម៉ាឡេស៊ី។ តាមរយៈបណ្តាញសង្គមហ្វេសបុក និងតេលេក្រាម នាយប់ថ្ងៃទី២៧ ខែកក្កដា ឆ្នាំ២០២៥នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់ថា«ថ្ងៃទី២៨ ខែកក្កដា ឆ្នាំ២០២៥ ស្អែកនេះ ខ្ញុំនឹងដឹកនាំគណៈប្រតិភូកម្ពុជាទៅចូលរួមកិច្ចប្រជុំពិសេសមួយនៅទីក្រុងកូឡាឡាំពួរ ដែលមានម៉ាឡេស៊ី ធ្វើជាម្ចាស់ផ្ទះ សហរដ្ឋអាមេរិកជាសហអ្នករៀបចំ និងមានការចូលរួមពីតំណាងចិន»។ សម្តេចធិបតី នាយករដ្ឋមន្រ្តីបានបន្ថែមទៀតថា«គោលបំណងនៃកិច្ចប្រជុំនេះ គឺដើម្បីសម្រេចឲ្យមានបទឈប់បាញ់គ្នាបន្ទាន់ ដែលនាយករដ្ឋមន្ត្រីនៃប្រទេសទាំងពីរ(កម្ពុជា និងថៃ) បានឯកភាពគ្នាតាមគំនិតផ្ដួចផ្ដើមរបស់ឯកឧត្តមប្រធានាធិបតីសហរដ្ឋអាមេរិក Donald Trump កាលពីយប់ម្សិលមិញ។ តាមរយៈសារខ្លីនេះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានប្រកាសថ្លែងអំណរគុណឯកឧត្តមនាយករដ្ឋមន្ត្រី Anwar Ibrahim ដែលបានផ្តួចផ្តើមគំនិតសម្របសម្រួលអោយមានកិច្ចប្រជុំនេះផងដែរ។ សូមបញ្ជាក់ថា កាលពីយប់ថ្ងៃទី២៦ ខែកក្កដា ឆ្នាំ២០២៥ម្សិលមិញនេះ ឯកឧត្តមប្រធានាធិបតីអាមេរិក ដូណាត្រាំ បានជួបពិភាក្សាតាមទូរស័ព្ទជាមួយនាយករដ្ឋមន្រ្តីស្តីទីរបស់ថៃ ហើយបន្ទាប់មកជួបជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងគោលបំណងសម្របសម្រួលឲ្យប្រទេសទាំងពីរ(កម្ពុជា-ថៃ)មានបទឈប់បាញ់មួយជាបន្ទាន់៕អត្ថបទ ៖ បាន ចក់

សាលាបឋមសិក្សាស្ថាពរខេត្តព្រះវិហារ ទទួលអំណោយមួយចំនួនពីសប្បុរសជន

ភ្នំពេញ៖ តបតាមសំណើរ សប្បុរជនតាមរយៈសមាគមសហព័ន្ធអ្នកវិនិយោគកម្ពុជា បានប្រគល់អំណោយមួយចំនួននិងសម្ភារៈសិក្សា ជូនដល់សាលាបឋមសិក្សាស្ថាពរ ស្ថិតនៅក្រុង/ខេត្តព្រះវិហារ ដើម្បីជាប្រយោជន៍រួមក្នុងការប្រើប្រាស់ការងារក្នុងវិស័យអប់រំ។លោក សំបួរ សុខឃាង នាយកសាលាបឋមសិក្សាស្ថាពរ ស្ថិតនៅក្រុង/ខេត្តព្រះវិហារ នៅព្រឹកថ្ងៃទី២៧ ខែកក្កដា ឆ្នាំ២០២៥នេះ បានមានប្រសាសន៍ប្រាប់ព័ត៌មាន ប៊ីធីវី ឱ្យដឹងថា នេះជាលើកទី២ ដែលសមាគមសហព័ន្ធអ្នកវិនិយោគកម្ពុជា បានផ្តល់ឱ្យ ដោយសារតែឃើញទុក្ខលំបាករបស់សាលា ក៏ដូចជាការខ្វះខាតរបស់សិស្សានុសិស្ស។ លោកបានបន្តថា អំណោយលើកទី២នេះ រួមមាន៖ កុំព្យូរទ័រចំនួន២គ្រឿង ម៉ាស៊ីនព្រីនធ័រ១គ្រឿង សឡា២០គ្រឿង សម្ភារៈសិក្សា និងថវិកាមួយចំនួន សម្រាប់យកទៅប្រើប្រាស់ក្នុងសាលាទាំងមូល។លោកនាយក បានលើកឡើងថា អំណោយទាំងនេះ ពិតជាមានសារៈសំខាន់ និងរួមចំណែកយ៉ាងធំធេង សម្រាប់យកទៅប្រើប្រាស់នៅក្នុងសាលារៀន និងអាចធ្វើរបាយការណ៍កាន់តែងាយ ឆាប់រហ័សជូនដល់ក្រសួង ជាពិសេសលោកគ្រូ អ្នកគ្រូ អាចប្រើប្រាស់បានទាំងអស់គ្នាដើម្បីជំរុញដល់សាលាកាន់តែរីកចម្រើន។ ដោយឡែក សឡាវិញ នឹងជួយឱ្យសាលាកាន់តែមានភាពស្រស់បំព្រង មានពណ៍បៃតង និងធ្វើកុមារមានទឹកចិត្តក្នុងការសិក្សារៀនសូត្រកាន់តែច្រើនជាងមុនផងដែរ។សមាគមសហព័ន្ធអ្នកវិនិយោគកម្ពុជា បង្កើតឡើងមានគោលបំណងក្នុងការប្រមូលផ្តុំនូវសមាសភាពសមាគមនីមួយៗ រួមគ្នាជាថ្នាលធំមួយដើម្បីពង្រឹង និងពង្រីកសកម្មភាពទាក់ទាញវិនិយោគិនបរទេសមកពីគ្រប់ប្រទេស ដើម្បីចូលមកបណ្តាក់ទុកក្នុងប្រទេសកម្ពុជាជាអតិបរមា រួមចំណែកចូលរួមដល់ការអភិវឌ្ឍសេដ្ឋកិច្ចជាតិ ស្របតាមគោលនយោបាយរបស់រាជរដ្ឋាភិបាលកម្ពុជា។ សមាគមនេះ ក្រៅពីការផ្សព្វផ្សាយ និងទាក់ទាញភ្ញៀវបរទេសចូលមកកម្ពុជា ក៏បានកៀរគរសប្បុរសជនជាតិ និងអន្តរជាតិ ចូលរួមក្នុងការងារមនុស្សធម៌ និងសប្បុរសធម៌ផងដែរ មានដូចជា ការឧបត្ថម្ភរថយន្តសង្រ្គោះបន្ទាន់ដល់មន្ទីរ ការផ្តល់សម្ភារៈបរិក្ខាពេទ្យ និងសហការជាមួយក្រុមគ្រូពេទ្យស្ម័គ្រចិត្តមកពីប្រទេសចិន ដើម្បីពិនិត្យនិងព្យាបាលជំងឺឥតគិតថ្លៃ ជូនដល់ប្រជាពលរដ្ឋកម្ពុជាជាដើម៕

ច្ចសន្ទនាតាមទូរស័ព្ទរបស់ ឯកឧត្តម Marco Rubio រដ្ឋមន្ត្រីក្រសួងការបរទេសអាមេរិក និងឯកឧត្តម ប្រាក់ សុខុន ឧបនាយករដ្ឋមន្ត្រី និងរដ្ឋមន្ត្រីក្រសួងការបរទេសកម្ពុជា

សេចក្តីថ្លែងការណ៍ ការិយាល័យអ្នកនាំពាក្យ ថ្ងៃទី២៧ ខែកក្កដា ឆ្នាំ២០២៥ លោកស្រី Tammy Bruce អ្នកនាំពាក្យក្រសួងការបរទេសអាមេរិក៖ឯកឧត្តម Marco Rubio រដ្ឋមន្ត្រីក្រសួងការបរទេសអាមេរិក បានសន្ទនាជាមួយ ឯកឧត្តម ប្រាក់ សុខុន ឧបនាយករដ្ឋមន្ត្រី និងរដ្ឋមន្ត្រីក្រសួងការបរទេសកម្ពុជា ដើម្បីអំពាវនាវឱ្យរដ្ឋាភិបាលកម្ពុជា បន្ធូរបន្ថយភាពតានតឹងជាបន្ទាន់ និងយល់ព្រមលើកិច្ចព្រមព្រៀងបទឈប់បាញ់គ្នាជាមួយប្រទេសថៃ ក្នុងវិវាទព្រំដែនដែលកំពុងបន្ត។ ឯកឧត្តមរដ្ឋមន្ត្រី Rubio បានបញ្ជាក់ឡើងវិញនូវបំណងប្រាថ្នារបស់ ឯកឧត្តមប្រធានាធិបតី Trump ដែលចង់បានសន្តិភាព និងសារៈសំខាន់នៃការឈប់បាញ់គ្នាជាបន្ទាន់។ សហរដ្ឋអាមេរិក ត្រៀមខ្លួនដើម្បីជួយសម្របសម្រួលកិច្ចពិភាក្សានាពេលខាងមុខ ដើម្បីធានានូវសន្តិភាព និងស្ថិរភាពរវាងប្រទេសកម្ពុជា និងថៃ។Secretary Rubio’s Phone Call with Cambodian Deputy Prime Minister/Foreign Minister PrakOFFICE OF THE SPOKESPERSONJULY 27, 2025The below is attributable to Spokesperson Tammy Bruce:Secretary of State Marco Rubio spoke with Cambodian Deputy Prime Minister/Foreign Minister Prak Sokhonn to urge the Cambodian government to deescalate tensions immediately and agree to a ceasefire with Thailand over the ongoing border dispute. Secretary Rubio reiterated President Trump’s desire for peace and the importance of an immediate ceasefire. The United States is prepared to facilitate future discussions in order to ensure peace and stability between Thailand and Cambodia.

គណៈប្រតិភូសភាកម្ពុជា ដឹកនាំដោយសម្តេចរដ្ឋសភាធិបតី ឃួន សុដារី អញ្ជើញដល់ទីក្រុងហ្សឺណែវ ប្រទេសស្វីស ដោសុវត្ថិភាព ក្នុងការចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នៅរសៀលថ្ងៃទី២៧ ខែកក្កដា ឆ្នាំ២០២៥ បានអញ្ជើញដឹកនាំគណៈប្រតិភូជាន់ខ្ពស់សភានៃព្រះរាជាណាចក្រកម្ពុជា ដល់ទីក្រុងហ្សឺណែវ ប្រទេសស្វីស ដោយសុវត្ថិភាព ក្នុងការចូលរួមកិច្ចប្រជុំកំពូលប្រធានសភាស្រ្តីលើកទី១៥ (15th SWSP) និងសន្និសីទប្រធានសភាពិភពលោក លើកទី៦ (6th WCSP) ពីថ្ងៃទី២៧ ខែកក្កដា ដល់ថ្ងៃទី២ ខែសីហា ឆ្នាំ២០២៥។ នៅអាកាសយានដ្ឋានអន្តរជាតិហ្សឺណែវ គណៈប្រតិភូជាន់ខ្ពស់សភានៃព្រះរាជាណាចក្រកម្ពុជា ទទួលស្វាគមន៍យ៉ាងកក់ក្តៅ ពីសំណាក់ ឯកអគ្គរាជទូតនៃព្រះរាជាណាចក្រកម្ពុជា ប្រចាំប្រទេសស្វីស និងសហការី ជាពិសេសប្រជាពលរដ្ឋខ្មែរដែលរស់នៅក្នុងប្រទេសស្វីស យ៉ាងច្រើនកុះករ ប្រកបដោយក្តីនឹករលឹក គោរពស្រឡាញ់ជ្រាលជ្រៅ ចំពោះសម្តេចប្រធានរដ្ឋសភា ក៏ដូចជាគណៈប្រតិភូទំាងមូល។ សូមជម្រាបថា កិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦ ជាព្រឹត្តិការណ៍ដ៏សំខាន់នៃស្ថាប័នសភាអន្តរជាតិក្នុងការពង្រឹងយន្តការសភា ការលើកកម្ពស់កិច្ចសន្ទនា និងការគាំទ្រកិច្ចសហប្រតិបត្តិការពហុនិយម សំដៅធានាការពារសុខសន្តិភាព ការលើកកម្ពស់សមភាពយេនឌ័រ ការជំរុញតួនាទីដឹកនាំរបស់ស្រ្តី ដើម្បីផលប្រយោជន៍ប្រជាពលរដ្ឋ ប្រកបដោយចីរភាព បរិយាបន្ន និងវិបុលភាព។ក្នុងដំណើរបំពេញបេសកកម្មការទូតសភាដ៏សំខាន់នៅលើឆាកអន្តរជាតិនេះ សម្តេចប្រធានរដ្ឋសភា និងថ្នាក់ដឹកនាំសភាមកពីបណ្តាប្រទេសនានាក្នុងសកលោកនឹងពិភាក្សាលើប្រធានបទសំខាន់ៗ ដូចជាកិច្ចប្រជុំកំពូលប្រធានសភាស្រ្តីលើកទី១៥ ដែលមានការចូលរួមពីប្រធានសភាជាស្ត្រីចំនួន ៣០ ប្រទេសមានប្រធានបទ «ការដឹកនាំសម្រាប់សន្តិភាពរួម និងយូរអង្វែង» នឹងប្រជុំពិភាក្សាលើរបៀបវារៈសំខាន់ៗដូចជា “របៀបវារៈស្រ្តី សន្តិភាព និងសន្តិសុខក្រោយរយៈពេល២៥ ឆ្នាំៈ បញ្ហាប្រឈមកំពុងកើតមាន និងមាគ៌ាឆ្ពោះទៅអនាគត” និង «បញ្ហាប្រឈមកំពុងកើតឡើងចំពោះសន្តិភាពរួម និងយូរអង្វែង និងមាគ៌ាឆ្ពោះទៅមុខ» ។ចំពោះសន្និសីទប្រធានសភាពិភពលោកលើកទី៦ នឹងមានការអញ្ជើញចូលរួមពីប្រធាន អនុប្រធានរដ្ឋសភា និងព្រឹទ្ធសភាសរុបប្រមាណជាង ១០០ ប្រទេសនឹងពិភាក្សាលើមូលបទស្តីពី «ពិភពលោកក្នុងភាពចលាចល៖ កិច្ចសហប្រតិបត្តិការសភា និងពហុភាគីនិយម ដើម្បីសន្តិភាព យុត្តិធម៌ និងវិបុលភាពសម្រាប់ទាំងអស់គ្នា»។សម្តេចរដ្ឋសភាធិបតី និងសមាជិកគណៈប្រតិភូដទៃទៀត នៃសភាកម្ពុជានឹងអញ្ជើញថ្លែសន្ទរកថា បទអន្តរាគមន៍នៅក្នុងកិច្ចប្រជុំទំាងពីរនិងកិច្ចប្រជុំពាក់ព័ន្ធផ្សេងទៀត។ ជាមួយគ្នានេះ អំឡុងពេលស្នាក់នៅទីក្រុងហ្សឺណែវ សម្តេចរដ្ឋសភាធិបតី ឃួន សុដារី នឹងមានជំនួបពិភាក្សាទ្វេភាគីជាមួយប្រធានសភានិងថ្នាក់ដឹកនាំដៃគូអភិវឌ្ឍន៍មួយចំនួន ក្នុងការពង្រឹងកិច្ចសហប្រតិបត្តិការ រវាងព្រះរាជាណាចក្រកម្ពុជា និងបណ្តាប្រទេសជាមិត្ត និងដៃគូអភិវឌ្ឍន៍នានា សំដៅស្វែងរកផលប្រយោជន៍ជូនប្រទេសជាតិនិងប្រជាពលរដ្ឋកម្ពុជា ផងដែរ។គណៈប្រតិភូអមដំណើរសម្តេចប្រធានរដ្ឋសភា មាន លោកជំទាវ ឡោក ខេង ប្រធានគណ:កម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា លោកជំទាវ ចាន់ សុទ្ធាវី ប្រធានគណៈកម្មការនីតិកម្ម និងយុត្តិធម៌ នៃព្រឹទ្ធសភា ឯកឧត្តមបណ្ឌិត កែវ ពិសិដ្ឋ នាយកខុទ្ទកាល័យសម្តេចប្រធានរដ្ឋសភា ឯកឧត្តម ឃួន ដាវិត អគ្គលេខាធិការរងរដ្ឋសភា ឯកឧត្តមណ្ឌិត ឈាង វណ្ណារិទ្ឋ ប្រធានក្រុមទីប្រឹក្សារដ្ឋសភា៕

ឯកឧត្តម ឌិត ទីណា ស្វាគមន៍ពលករដែលបន្តចាកចេញពីប្រទេសថៃមកកម្ពុជាវិញ

ភ្នំពេញ៖ នារសៀលថ្ងៃទី២៧ ខែកក្កដា ឆ្នាំ២០២៥ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញចុះពិនិត្យស្ថានភាព និងសួរសុខទុក្ខមន្ត្រីប្រចាំការ និងប្រជាពលរដ្ឋដែលកំពុងបន្តវិលត្រឡប់មកមាតុភូមិកម្ពុជាវិញ នៅច្រកទ្វារព្រំដែនអន្តរជាតិប៉ោយប៉ែត។ឯកឧត្តមរដ្ឋមន្ត្រី បានទទួលស្វាគមន៍ពលករបន្តចាកចេញពីប្រទេសថៃមកកម្ពុជាវិញ និងបានថ្លែងអំណរគុណចំពោះអាជ្ញាធរខេត្ត និងមន្ត្រីប្រចាំការនៅច្រកព្រំដែន ចំពោះកិច្ចខិតខំប្រឹងប្រែងរៀបចំការដឹកជញ្ជូនទៅស្រុកកំណើត ការជួយស្វែងរកការងារ និងការផ្តល់សេវាសុខភាពដើម្បីសម្របសម្រួលឱ្យប្រជាពលរដ្ឋវិលត្រលប់ដោយរលូន៕

ក្រុមការងារមន្ទីរបរិស្ថានខេត្តព្រះវិហារ កំពុងរៀបចំអនាម័យបរិស្ថាន នៅតាមមណ្ឌលសុវត្ថិភាពជនភៀសសឹកដែលរដ្ឋបាលខេត្ត បានរៀបចំទទួលទាំង ១១កន្លែង

ក្រុមការងារនៃមន្ទីរបរិស្ថានខេត្តព្រះវិហារសហការណ៍ជាមួយរដ្ឋបាលខេត្ត រៀបចំសម្អាតអនាម័យបរិស្ថានទាំងក្នុង និងជុំវិញមណ្ឌលសុវត្ថិភាពជនភៀសសឹកដែលបានរៀបចំឡើង ១១ទីតាំងផ្សេងៗគ្នា បន្ទាប់ពីមាន សង្គ្រាមឈ្លានពានរបស់កងទ័ពថៃមកលើអធិតេយ្យរបស់កម្ពុជាចាប់ពីថ្ងៃទី ២៤ ខែកក្កដា ឆ្នាំ២០២៥។ រហូតមកដល់ពេលនេះជនភៀសសឹកនៅក្នុងខេត្តព្រះវិហារបានកើនឡើងសរុបជាង ១១,៥៥៨គ្រួសារ ស្នើនឹង ២៧,០៥៣នាក់ បាននិងកំពុងស្នាក់នៅតាមមណ្ឌលសុវត្ថិភាពនីមួយៗ ហើយបញ្ហាអនាម័យបរិស្ថានជាពិសេស សំរាម សំណល់រឹង សំណល់ប្លាស្ទិក ត្រូវបានក្រុមការងារមន្ទីរយកចិត្តទុកដាក់ជាចាំបាច់ឱ្យមានភាពស្អាតនៅតាមមណ្ឌល និងកន្លែងស្នាក់នៅ។ នៅមណ្ឌលសុវត្ថិភាពវត្តពោធិ៍៥០០០ ដើម បានដំណើរការនៅថ្ងៃទី ២៥ ខែឧសភា ឆ្នាំ២០២៥ អំឡុងពេលដែលកងទ័ពថៃឈ្លានពានកម្ពុជា ដោយចូលសម្លាប់កងទ័ពកម្ពុជានៅតំបន់មុំ៣ ភូមិសាស្រ្តស្រុកជាំក្សាន្ដ ខេត្តព្រះវិហារ ហើយរហូតមកដល់ព្រឹកថ្ងៃទី ២៧ ខែកក្កដា ឆ្នាំ២០២៥ ចំនួន ជនភៀសសឹកបានកើនឡើងចំនួនសរុប ៣,៧៤៨គ្រួសារ ស្មើនឹង ១២,៧២២នាក់។ ដោយឡែកបញ្ហាសំរាមសំណល់រឹង សំណល់ប្លាស្ទិក ត្រូវបានប្រមូលទុកដាក់ដោយក្រុមការងារមន្ទីបរិស្ថានប្រមាណជាង ១៥តោន ក្នុងមួយថ្ងៃ។ នៅទីនោះក្រុមការងារបានរៀបចំដាក់ពង្រាយធុងសម្រាមចំនួន ៥០ធុង និងរថយន្ដដឹកសំរាម ០១គ្រឿង ដែលជាអំណោយរបស់ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ផ្ដល់ជូនរដ្ឋបាលខេត្តព្រះវិហារកាលពីពេលថ្មីៗ កន្លងមកនេះ។ ជាមួយគ្នានេះក្រុមការងារ សហការជាមួយរដ្ឋបាលខេត្តដើម្បីរៀបចំកន្លែងទុកដាក់សំរាម តាមមណ្ឌលសម្រាប់ការដឹកជញ្ជូនប្រចាំថ្ងៃ ដើម្បីធានានូវភាពស្អាត និងសុខភាពប្រជាពលរដ្ឋឱ្យបានល្អ។ សូមបញ្ជាក់ថាយោងតាមប្រសាសន៍ណែនាំរបស់ ឯកឧត្តមរដ្ឋមន្រ្តី អ៊ាង សុផល្លែត និងអនុវត្តតាមយុទ្ធសាស្រ្តចក្រាវិស័យបរិស្ថាន មន្ទីរបរិស្ថានបានចូលរួមផ្សព្វផ្សាយជំរុញភាពស្អាត ក្នុងនោះភាពស្អាតលើដីគឺ សកម្មភាព យុទ្ធនាការ កាត់បន្ថយការប្រើប្រាស់ប្លាស្ទិក «ថ្ងៃនេះខ្ញុំមិនប្រើថង់ប្លាស្ទិកទេ» យុទ្ធនាការ «កម្ពុជាស្អាត ខ្មែរធ្វើបាន» យុទ្ធនាការ «ផ្លូវជាតិគ្មានសំរាម និងសំណល់ប្លាស្ទិក» នៅទូទាំងខេត្តដើម្បី កម្ពុជាស្អាត។

បណ្ដាញសង្គម

ព័ត៌មានថ្មីៗ

ប្រាក់ចំណេញត្រីមាសទី១របស់ក្រុមហ៊ុនផលិតប្រេង Saudi Aramco កើនឡើង២៥% ខណៈមានវិបត្តិច្រកសមុទ្រ Hormuz

មេដឹកនាំកូរ៉េខាងជើង លោក Kim Jong-un សន្យាយកទំនាក់ទំនងជាមួយរុស្ស៊ីជាអាទិភាពកំពូល

ចិន ជំរុញឲ្យជប៉ុន និងហ្វីលីពីន បញ្ឈប់ការប្រឈមមុខដាក់គ្នា

អតីតសកម្មជនគណបក្សប្រឆាំង ៦៧នាក់ នៅស្រុកស្អាង ចូលរួមជីវភាពនយោបាយជាមួយគណបក្សប្រជាជនកម្ពុជា

ការបំផ្ទុះគ្រាប់បែកក្នុងរថយន្តនៅប៉ាគីស្ថាន បានសម្លាប់នគរបាលជាង១០នាក់ និងមួយចំនួនរងរបួស

ឃុំខ្លួនឧក្រិដ្ឋជនបរទេស ២២នាក់ ដាក់ពន្ធនាគារបណ្តោះអាសន្ន ពាក់ព័ន្ធនឹងបទល្មើស Online Scams

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877