BTV NEWS

ឧបនាយករដ្ឋមន្ត្រី ទៀ សីហា÷ កងទ័ព២រូប ពលីនៅប្រទេសស៊ូដង់ខាងត្បូង

ក្រសួងការងារបន្តជួបសំណេះសំណាលជាមួយថ្នាក់ដឹកនាំសហព័ន្ធសហជីព ដើម្បីបង្កើនភាពជាដៃគូ

ព្រលានយន្តហោះអន្តរជាតិតេជោគ្រោងបើកដំណើរការនៅថ្ងៃ ១០ កក្កដា តែអាចប្រែប្រួលទៅតាមលទ្ធផលពិនិត្យវាយតម្លៃលើកទី២

ក្រុមប្រឹក្សាខេត្តប៉ៃលិន បានបើកកិច្ចប្រជុំសាមញ្ញលើកទី១២ អាណត្តិទី៤

ព័ត៌មានជាតិ

តំណាងកម្មករនិយោជិត៥ម៉ឺននាក់ ព្រមានតវ៉ាទ្រង់ទ្រាយធំ ដើម្បីស្នើសុំបិទការិយាល័យអង្គការសង់ត្រាល់នៅកម្ពុជា

សហជីពតំណាងកម្មករនិយោជិត ៥ម៉ឺននាក់ ព្រមានធ្វើការតវ៉ាទ្រង់ទ្រាយធំនៅមុខការិយាល័យមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា «សង់ត្រាល់ » និងនៅមុខក្រសួងមហាផ្ទៃ ដើម្បីស្នើសុំបិទការិយាល័យរបស់សង់ត្រាល់ បើអង្គការនេះមិនកែប្រែខ្លឹមសារក្នុងរបាយការណ៍របស់ខ្លួន ដែលបានចេញផ្សាយកាលពីថ្ងៃទី ៤ ខែមិថុនា ឆ្នាំ២០២៤។ ការព្រមាននេះធ្វើឡើង ពេលសហពន្ធ័សហជីពមូលដ្ឋាន ៤០នាក់ ដែលតំណាងកម្មករ និយោជិត ៥ម៉ឺននាក់ នៃ៥០រោងចក្រ បានដាក់លិខិតស្នើសុំទៅការិយាល័យអង្គការសង់ត្រាល់ នៅព្រឹកថ្ងៃទី២០ ខែមិថុនានេះ ដើម្បីឱ្យអង្គការនេះ កែសម្រួលខ្លឹមសារ ក្នុងរបាយការណ៍ដែលបានចេញផ្សាយកាលពីថ្ងៃទី ៤ ខែមិថុនា ឆ្នាំ២០២៤។ លោក អ៊ុន ដារ៉ា អនុប្រធាន និងជាអ្នកនាំពាក្យ សភាសម្ព័ន្ធសហជីពជាតិកម្ពុជា (NACC) ប្រាប់ថា ក្នុងករណីមិនមានកែសម្រួលរបាយការណ៍តាមការស្នើសុំទេ សហជីពមូលដ្ឋាន ដែលមានសមាជិក ៥ម៉ឺននាក់ មកពី៥០រោងចក្រ នឹងសរសេរលិខិតទៅម្ចាស់ជំនួយ និងក្រសួងមហារផ្ទៃ ដើម្បីធ្វើការពិនិត្យពីការអនុលោមភាព នៃលក្ខន្តិកៈរបស់ សង់ត្រាល់ និងការអនុលោមភាពច្បាប់នានានៅកម្ពុជា ហើយចុងក្រោយ និងប្រមូលផ្ដុំកម្មករ និយោជិត ដើម្បីធ្វើការតវ៉ាទ្រង់ទ្រាយធំនៅមុខការិយាល័យ សង់ត្រាល់ និងក្រសួងមហាផ្ទៃ ដើម្បីស្នើសុំឲ្យបិទការិយាល័យ របស់សង់ត្រាល់តែម្តង។លោកថា របាយការណ៍របស់មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ «សង់ត្រាល់» កំពុងបង្កើតភាពវឹកវរ បង្កឱ្យមានបញ្ហាញុះញង់ ធ្វើឱ្យមានសង្គ្រាមរវាងសហជីព និងសហជីពកើតឡើង និងកំពុងបំភាន់ព័ត៌មានធ្វើឱ្យអ្នកវិនិយោគភ័យខ្លាច។ របាយការណ៍របស់សង់ត្រាល់ មិនឆ្លុះបញ្ចាំងការពិត និងគ្មានមូលដ្ឋានច្បាស់លាស់ ធ្វើឱ្យប៉ះពាល់ដល់ស្ថិរភាពការងារ និងផលប្រយោជន៍រួមរបស់កម្មករ និយោជិតនៅកម្ពុជាទាំងមូល។ លោក អ៊ុន ដារ៉ា បន្តថា ខ្លឹមសារនៃរបាយការណ៍របស់អង្គការសង់ត្រាល់ បានធ្វើឱ្យមានការយល់ច្រឡំថា សិទ្ធិសេរីភាពសហជីពនៅកម្ពុជាកំពុងមានការរើសអើង ។ មិនតែប៉ុណ្ណោះ របាយការណ៍នោះ មានចេតនាធ្វើឱ្យអ្នកបញ្ជាទិញផ្លាស់ប្តូរចេញពីកម្ពុជា ព្រោះយល់ច្រឡំថានៅកម្ពុជាបាត់បង់សេរីភាព និងត្រូវបានបំភ័យដល់កម្មករ និយោជិត។លោកបញ្ជាក់ថា៖«យើងខ្ញុំទាំងអស់គ្នាជាតំណាងកម្មករ-និយោជិត មានការព្រួយបារម្មណ៍យ៉ាងខ្លាំងពីផលប៉ះពាល់ដល់ស្ថិរភាពការងារ និង ផលប្រយោជន៍របស់កម្មករ ទើបយើងខ្ញុំស្នើសុំដោយទទូចដល់លោកនាយក សង់ត្រាល់ ដើម្បីធ្វើការកែសម្រួលរបាយការណ៍របស់ខ្លួនឡើងវិញ ដោយបង្ហាញនូវសមិទ្ឋិផលវិជ្ជមានជាច្រើន ដែលជាវឌ្ឍនភាពលក្ខខណ្ឌការងាររួមរបស់កម្មករនិយោជិត និងសហជីពនៅកម្ពុជា»។អ្នកនាំពាក្យ សភាសម្ព័ន្ធសហជីពជាតិកម្ពុជា ស្នើសុំឱ្យអង្គការសង់ត្រាល់កែរសម្រួលខ្លឹមសារក្នុងរបាយការណ៍កាលពីថ្ងៃទី ៤ ខែមិថុនា ជាបន្ទាន់ ព្រោះខ្លឹមសារនោះ ផ្ទុយទាំងស្រុងទៅនឹងសភាពជាក់ស្តែង និងមិនរំលេចទាល់តែសោះ នូវសមិទ្ឋិផលវិជ្ជមានជាច្រើន ដែលជាវឌ្ឍនភាពលក្ខខណ្ឌការងារ រួមរបស់កម្មករនិយោជិត និងសហជីពនៅកម្ពុជា៕

សម្តេចធិបតី៖ ពលីកម្មប្រកបដោយស្មារតីស្នេហាជាតិរបស់យុទ្ធជនយុទ្ធនារី និងប្រជាពលរដ្ឋនៅគ្រប់ដំណាក់កាលជាគុណបំណាច់ដ៏ធំធេង

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានគោរពដឹងគុណចំពោះមហាវីរភាពដ៏អង់អាចរបស់សម្តេចតេជោ និងយុទ្ធមិត្តដ៏តិចតួចដែលបានលះបង់ហានចាកចេញទៅរកការគាំទ្រជួយពីមិត្តជិតខាងដើម្បីជួយរំដោះសង្គ្រោះប្រទេសជាតិនិងអាយុជីវិតប្រជាជនពីក្រញាំបីសាច ប៉ុល ពត ហើយសម្តេច ក៏បានមានប្រសាសន៍ថា ពិលីកម្ម ប្រកបដោយស្មារតីស្នេហាជាតិ របស់យុទ្ធជន យុទ្ធនារី និងប្រជាពលរដ្ឋនៅគ្រប់ដំណាក់កាលជាប្រវត្តិសាស្ត្រ បានរួមចំណែកដ៏សំខាន់ដល់ការរីកចម្រើនក្នុងសុខសន្តិភាព រហូតដល់សព្វថ្ងៃនេះ។សម្តេចធិបតី នាយករដ្ឋមន្ត្រីបានមានប្រសាសន៍ដោយមោទនភាពបែបនេះ ខណៈអញ្ជើញជាអធិបតីដ៏ខ្ពង់ខ្ពស់នៅក្នុងពិធីខួបអនុស្សាវរីយ៍លើកទី៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២៤) និងពិធីបញ្ចុះបឋមសិលាសាងសង់ហេដ្ឋារចនាសម្ព័ន្ធនានា នៅតំបន់ប្រវត្តិសាស្រ្តយោធាតេជោកោះថ្ម (X16)ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ នាព្រឹកថ្ងៃទី២០មិថុនានេះ។គួរបញ្ជាក់ថា ខួបគម្រប់៤៧ឆ្នាំ ដែលសមមិត្ត ហ៊ុន សែន និងកម្មាភិបាលដ៏ទុកចិត្ត៤នាក់ទៀត បានចេញដំណើរពីបន្ទាយឆ្ពោះទៅកាន់ប្រទេសវៀតណាម ដើម្បីស្វែងរកការគាំទ្រ វាយផ្តួលរំលំរបបប្រល័យពូជសាសន៍ប៉ុល ពត៕

មន្ត្រីជាន់ខ្ពស់សុខាភិបាល ស្នើមន្ត្រីសុខាភិបាលរាជធានី-ខេត្ត យកចិត្តទុកដាក់ថែទាំមាតា និងទារក នៅមុន និងក្រោយពេលសម្រាល

លោកជំទាវសាស្ត្រាចារ្យ អ៊ឹម សិទិ្ធការ្យ រដ្ឋលេខាធិការ តំណាងដ៏ខ្ពង់ខ្ពស់ឯកឧត្ដមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានស្នើដល់មន្រី្តសុខាភិបាលរាជធានី-ខេត្ត យកចិត្តទុកដាក់ខ្ពស់ក្នុងការថែទាំមាតា និងទារកនៅមុន និងក្រោយពេលសម្រាល។ការថ្លែងរបស់លោកជំទាវសាស្ត្រាចារ្យ អ៊ឹម សិទិ្ធការ្យ រដ្ឋលេខាធិការ តំណាងដ៏ខ្ពង់ខ្ពស់ឯកឧត្ដមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល យ៉ាងដូច្នេះក្នុងសិក្ខាសាលាប្រចាំឆ្នាំ ពិនិត្យលទ្ធផលការងារសេវាសង្រ្គោះបន្ទាន់ផ្នែកសម្ពព និងការថែទាំទារកទើបកើត, រៀបចំដោយមជ្ឈមណ្ឌលជាតិគាំពារមាតា និងទារក ដោយមានកិច្ចសហការ និងគាំទ្រថវិកា និងបច្ចេកទេសដោយអង្គការUNFPA, នាព្រឹកថ្ងៃទី២០ ខែមិថុនា ឆ្នាំ២០២៤នេះ។លោកជំទាវសាស្រ្តាចារ្យ បន្តថា សេវាសង្គ្រោះបន្ទាន់ផ្នែកសម្ភព និងការថែទាំទារកទើបកើត(EmONC) ជាអន្តាគមន៍គន្លឹះមួយ ដែលក្រសួងសុខាភិបាល បានដាក់ឱ្យអនុវត្តន៍តាំងពីឆ្នាំ២០០៩ ក្នុងគោលបំណងពន្លឿនការកាត់បន្ថយអត្រាមណភាពមាតា និងទារក។ គោលដៅអភិវឌ្ឍន៍ប្រកបដោយចីរភាពក្នុងឆ្នាំ២០៣០ កម្ពុជាបានកំណត់គោលដៅក្នុងការកាត់បន្ថយអត្រាមរណភាពមាតា មកនៅត្រឹម៧០ ក្នុង១០០០០០កំណើតរស់ និង កំណត់កាត់បន្ថយអត្រាមរណភាពទារកឲ្យមកនៅត្រឹម១២ ក្នុង១០០០កំណើតរស់។លោកជំទាវសាស្ត្រាចារ្យ អ៊ឹម សិទិ្ធការ្យ បានសង្កត់ធ្ងន់ថា ជាលទ្ធផលយើងឃើញថាអត្រាមរណភាព មាតា និងទារកមានការធ្លាក់ចុះគួរជាទីមោទនៈ ជាក់ស្តែងអត្រាមរណភាពរបស់ទារកបានធ្លាក់ចុះពី២៧/១០០០ កំណើតរស់ក្នុងឆ្នាំ២០១០ មកនៅត្រឹម៨ ក្នុង១០០០កំណើតរស់ ត្រឹមឆ្នាំ២០២២ នេះមានន័យថាកម្ពុជាបានសម្រេចដល់គោលដៅ៨ឆ្នាំមុនកាលកំណត់។ អត្រាមរណភាពមាតា ក៏មានការធ្លាក់ចុះដែរ តែហាក់មានការធ្លាក់ចុះយឺតយ៉ាវនៅប៉ុន្មានឆ្នាំចុងក្រោយនេះ។ អត្រានៃការស្លាប់របស់មាតា នៅមានគម្លាតឆ្ងាយពីគោលដៅដែលបានកំណត់ក្នុងឆ្នាំ២០៣០។ គិតត្រឹមឆ្នាំ២០២២ យើងបានសម្រេចការកាត់បន្ថយអត្រាស្លាប់របស់មាតាបានត្រឹម១៥៤ក្នុង១០០០០០(១សែន) កំណើតរស់។ យុទ្ធសាស្រ្តបញ្ចកោណរាជរដ្ឋាភិបាលអាណត្តិទី៧ ដំណាក់កាលទី១ ក្រោមការដឹកនាំដ៏ឆ្លៀសវៃរបស់សម្តេចមហាបរវធិបតី ហ៊ុន ម៉ាណែត គឺបានផ្តោតលើការអភិវឌ្ឍមូលធនមនុស្សនិយាយជារួម។ បើតាមលោកស្រីវេជ្ជបណ្ឌិត គឹម រ័ត្ននា ប្រធានមជ្ឈមណ្ឌលជាតិគាំពារមាតា និងទារក បានឲ្យដឹងថា ពិតមែនហើយ មូលដ្ឋានសុខាភិបាលសេវាសង្រ្គោះបន្ទាន់ (ហៅកាត់ថា អ៊ីម៉ុក-EmONC) មានការកើនឡើង វាទាមទាការផ្គត់ផ្គង់សម្ភារៈ និងធនធានមនុស្សឲ្យបានគ្រប់គ្រាន់ផងដែរ។ មជ្ឈមណ្ឌលជាតិគាំពារមាតា និងទារកដោយមានការអនុញ្ញាតពីក្រសួងសុខាភិបាល ក៏បានខិតខំធ្វើការបណ្តុះបណ្តាលធនធានមនុស្សដល់បុគ្គលិកសុខាភិបាលដែលកំពុងបម្រើការងារនៅមូលដ្ឋានសុខាភិបាលទាំងនោះ។ យើងក៏មានកន្លែងបណ្តុះបណ្តាលបច្ចេកទេស៣កន្លែងទៀត នៅថ្នាក់ក្រោមជាតិ ដើម្បីជួយគាំទ្រដល់ផ្នែកបណ្តុះបណ្តាលនៃមជ្ឈមណ្ឌលជាតិគាំពារមាតា និងទារក ដែលក្នុងនោះមានខេត្តកំពង់ចាម បាត់ដំបង និងខេត្តតាកែវ។ គិតមកដល់ឆ្នាំ២០២៤នេះ ផ្នែកបណ្តុះបណ្តាលសម្រេចបានការបណ្តុះបណ្តាលលើការសង្គ្រោះបន្ទាន់ផ្នែកសម្ភព និងការថែទាំទារកទើបកើតដល់មន្ត្រីសុខាភិបាលចំនួន៤៣៧៩នាក់ ក្នុងនោះមាន៖ វេជ្ជបណ្ឌិតចំនួន២៤៧ ឆ្មបចំនួន៩៤០ គិលានុបដ្ឋាកដាក់ថ្នាំសណ្តំចំនួន១៥៥ និងវគ្គបណ្តុះបណ្តាលខ្លី ដូចជា៖ PPH, MgSO4, MVE, INC, ដល់បុគ្គលិក មានចំនួន ៣០៣៧នាក់ ចំណែកគ្រូបង្គោលរបស់យើងនៅទូទាំងប្រទេសសម្រាប់ផ្តល់ការបណ្តុះបណ្តាលដល់មន្ត្រីសុខាភិបាលមានចំនួន ៨៤នាក់ (ក្នុងនោះមជ្ឈមណ្ឌលជាតិគាំពារមាតា និងទារក មានចំនួន៤០នាក់)៕ អត្ថបទ រដ្ឋា

សម្ដេចធិបតីណែនាំដល់គ្រប់បណ្ដាខេត្តឱ្យបន្តរៀបចំសួនតេជោសន្ដិភាពឱ្យបានស្អាតបន្ថែមទៀត

ក្នុងឱកាសអធិបតីភាពដ៏ខ្ពង់ខ្ពស់ អបអរសាទរ ពិធីខួបអនុស្សាវរីយ៍លើកទី៤៧ ទិវានៃការចងចាំដំណើរឆ្ពោះទៅការផ្ដួលរំលំ របបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២៤) និងពិធីបញ្ចុះបឋមសិលាសាងសង់ហេដ្ឋារចនាសម្ព័ន្ធនានានៅតំបន់ប្រវត្តិសាស្រ្តយោធាតេជោកោះថ្ម(X16) សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានណែនាំដល់គ្រប់បណ្ដាខេត្តឱ្យបន្តរៀបចំសួនតេជោសន្ដិភាពឱ្យបានស្អាតបន្ថែមទៀត។ សម្តេចធិបតី ហ៊ុន ម៉ាណែត បានថ្លែងថា ប្រវត្តិសាស្ត្រនេះ បានបញ្ជាក់យ៉ាងច្បាស់ថា មានការចាប់ផ្តើមពីដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧ ទើបមានការបង្កើតអង្គការចាត់តាំងខាងយោធាដំបូងនៅថ្ងៃទី១២ ឧសភា ១៩៧៨, មានការបង្កើតបានរណសិរ្សសាមគ្គីសង្គ្រោះជាតិកម្ពុជា ២ ធ្នូ ១៩៧៨ ទើបមានជ័យជម្នះ ៧ មករា ១៩៧៩។ សម្តេចធិបតី បានថ្លែងថា មានថ្ងៃជ័យជម្នះ ៧ មករា ១៩៧៩ ទើបមាននយោបាយឈ្នះ-ឈ្នះ ២៩ ធ្នូ ១៩៩៨ ឈានទៅដល់ការបញ្ចប់សង្គ្រាមស៊ីវិលនៅកម្ពុជានាំមកនូវសន្តិភាព និងការឯកភាពជាតិពេញលេញនៅទូទាំងប្រទេស។ នេះគឺជាសច្ចភាពប្រវត្តិសាស្ត្រ ដែលមានតម្លៃមិនអាចកាត់ថ្លៃបាននោះឡើយ។ដូច្នេះ សម្តេចធិបតី នាយករដ្ឋមន្រ្ដី បានណែនាំឱ្យអាជ្ញាធររាជធានី ខេត្ត បន្តរៀបចំសួនតេជោសន្តិភាព និងតំបន់ប្រវត្តិសាស្ត្រយោធាតេជោ ទៅតាមទីតាំងដែលបានរៀបចំ។ក្នុងឱកាសនោះសម្តេចធបិតី នាយករដ្ឋមន្រ្ដី បានថ្លែងអំណរគុណយ៉ាងជ្រាលជ្រៅចំពោះសម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ និងជាអតីតប្រធានគណៈកម្មការសាងសង់វិមានឈ្នះ-ឈ្នះ ដែលសម្តេចបានខិតខំយកអស់ពីកម្លាំងកាយចិត្ត និងមានចក្ខុវិស័យវែងឆ្ងាយ ក្នុងការចង្អុលបង្ហាញរៀបចំការកសាងតំបន់ ប្រវត្តិសាស្រ្តយោធាតេជោកោះថ្ម (X16) នេះតាំងពីថ្ងៃដំបូង និងបានផ្តួចផ្តើមរៀបចំប្រារព្ធពិធីជាប្រវត្តិសាស្ត្រនេះ ជារៀងរាល់ឆ្នាំដើម្បីដឹងគុណូបការៈដ៏ថ្លៃថ្លារបស់យុទ្ធជន-យុទ្ធនារីស្នេហាជាតិ ដែលបានធ្វើ ពលិកម្ម ដោយវីរភាព ដើម្បីជាតិមាតុភូមិ៕អត្ថបទ៖វ៉ន ដារ៉ា

ក្រុមប្រឹក្សា ប្រជាពលរដ្ឋឃុំកំពង់អុស ឃុំកោះថ្កូវ ស្រុកជលគីរី ប្រកាសគាំទ្រ «គម្រោងព្រែកជីកហ្វូណនតេជោ»

កំពង់ឆ្នាំង៖ ក្រុមប្រឹក្សា ប្រជាពលរដ្ឋឃុំកំពង់អុស ឃុំកោះថ្កូវស្រុកជលគីរី ខេត្តកំពង់ឆ្នាំង នៅថ្ងៃទី២០ ខែមិថុនា ឆ្នាំ២០២៤នេះ បានរួមគ្នាប្រកាសគាំទ្រ «គម្រោងព្រែកជីកហ្វូណនតេជោ» ដែលពួកគាត់មើលឃើញយ៉ាងច្បាស់ថា គម្រោងព្រែកជីកនេះនឹងផ្ដល់ផលប្រយោជន៍យ៉ាងច្រើនសន្ធឹកសន្ធាប់ដល់សង្គមជាតិ សេដ្ឋកិច្ចរបស់ប្រជាជន និងប្រទេសកម្ពុជាទាំងមូល។ក្រុមប្រឹក្សា ប្រជាពលរដ្ឋឃុំកំពង់អុស ឃុំកោះថ្កូវ ស្រុកជលគីរី ខេត្តកំពង់ឆ្នាំង បានបន្តថា៖ ការអនុវត្តគម្រោងព្រែកជីកហ្វូណន-តេជោ ជាព្រែកជីកប្រវត្តិសាស្ត្រលើកទី១នៅកម្ពុជា ដែលជាគំនិតផ្តួចផ្តើមរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភានៃព្រះរាជាណាចក្រកម្ពុជា ហើយបច្ចុប្បន្នសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបន្តស្នាដៃ និងជំរុញបន្ថែមក្នុងការអភិវឌ្ឍគម្រោងព្រែកជីកហ្វូណន-តេជោនេះឲ្យសម្រេចបាននាពេលខាងមុខ ហើយគម្រោងបើកការដ្ឋានសាងសង់នឹងចាប់ផ្តើមនៅថ្ងៃទី០៥ ខែសីហា ឆ្នាំ២០២៤ខាងមុខនេះ។ ក្រុមប្រឹក្សា ប្រជាពលរដ្ឋឃុំកំពង់អុស ឃុំកោះថ្កូវ ស្រុកជលគីរី ខេត្តកំពង់ឆ្នាំង បានបង្ហាញការជឿជាក់ចំពោះការដឹកនាំរបស់រាជរដ្ឋាភិបាលចាប់តាំងពីអាណត្តិមុនៗក្រោមការដឹកនាំដោយសម្ដេចតេជោ ហ៊ុន សែន អតីតនាយករដ្ឋមន្រ្ដី និងអាណត្តិទី៧នេះក្រោមការដឹកនាំដោយសម្ដេចធិបតី ហ៊ុន ម៉ាណែត ជានាយករដ្ឋមន្រ្ដី និងធ្វើឱ្យគម្រោងព្រែកជីក ហ្វូណនតេជោ នេះក្លាយជាផលប្រយោជន៍ជាប្រវត្តិសាស្រ្ដសម្រាប់ប្រជាជន និងប្រទេសកម្ពុជាបន្ថែមទៀត។គម្រោងព្រែកជីកហ្វូណនតេជោនេះ តភ្ជាប់ផ្លូវទឹករវាងទន្លេរទៅកាន់សមុទ្រកម្ពុជា ដោយបានឆ្លងកាត់ខេត្តកណ្តាល តាកែវ កំពត និងខេត្តកែប ដែលមានប្រវែង១៨០គីឡូម៉ែត្រ។ ព្រែកជីកហ្វូណនតេជោ និងផ្តល់អត្ថប្រយោជន៍ដ៏មហាសាលដល់ប្រជាជន និងប្រទេសកម្ពុជា ជាពិសេសវិស័យដឹកជញ្ជូន ដូចជាកាត់បន្ថយតម្លៃដឹកជញ្ជូន កាត់បន្ថយពេលវេលា ចម្ងាយ ការខូចខាតផ្លូវថ្នល់ ការកកស្ទះចរាចរណ៍ គ្រោះថ្នាក់ចរាចរណ៍ ក៏ដូចជាកាត់ បន្ថយនីតិវិធីសម្រាប់នាវា និងបែបបទក្នុងការឆ្លងកាត់ទំនិញពីកម្ពុជាទៅសមុទ្រ ការបង្កើតតំបន់ពាណិជ្ជកម្ម តំបន់សេដ្ឋកិច្ចពិសេស ការអភិវឌ្ឍផែរណបថ្មីៗជាច្រើន ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម ទេសចរណ៍ ជួយរំដោះទឹកជំនន់ក្នុងរដូវវស្សា ជួយបង្កើនផលត្រីទឹកសាបនៅតាមព្រែក អចលនទ្រព្យ និងការវិនិយោគផ្សេងៗ។ និយាយជារួម គម្រោងព្រែកជីកហ្វូណនតេជោនេះ គឺជាគម្រោងបម្រើផល ប្រយោជន៍ជាតិ ប្រជាជនដ៏ធំធេង ជាពិសេស ផ្នែកសេដ្ឋកិច្ចសង្គមនៅកម្ពុជា៕ ដោយ ៖ កាំង ហុងវាស្នា

គុណបំណាច់ដ៏ធំធេងរបស់សម្តេចតេជោ ហ៊ុន សែន ថ្ងៃ២០មិថុនា ជាកំណត់ត្រាប្រវត្តិសាស្រ្ត នៃការលះបង់ដើម្បីសង្រ្គោះជាតិ និងប្រជាជនកម្ពុជា

ក្រុមយុវជនសង្គមស៊ីវិល និងប្រជាពលរដ្ឋនៅក្នុងសេដ្ឋកិច្ចក្រៅប្រព័ន្ធ នៅរាជធានីភ្នំពេញ និងនៅតាមបណ្ដាខេត្ត នៅថ្ងៃទី២០ ខែមិថុនានេះ បានចេញសារលិខិតអបអរសាទរ និងសម្ដែងការចង់ចាំចំពោះ ថ្ងៃទី២០ ខែមិថុនា គឺជាទិវាប្រវត្តិសាស្រ្តដែលជាចំណុចចាប់ផ្តើម នៃដំណើរឆ្ពោះទៅរកការសង្រ្គោះជាតិ របស់ជនកម្ពុជា។លោក ហេង សំណាង ប្រធានសមាគមយុវជនខ្មែរមហានគរ និងក្រុមសេដ្ឋកិច្ចក្រៅប្រព័ន្ធ បានលើកឡើងថា ថ្ងៃទី២០ ខែមិថុនា គឺជាទិវាប្រវត្តិសាស្រ្តដែលជាចំណុចចាប់ផ្តើម នៃដំណើរឆ្ពោះទៅរកការសង្រ្គោះជាតិ។ ថ្ងៃនេះ កាលពី៤៧ឆ្នាំមុន នៅចំពោះមុខមហាវិនាសកម្ម នៃអំពើប្រល័យពូជសាសន៍ យុទ្ធជនដ៏អង់អាចក្លាហាន បានងើបឡើងស្វែងរកការរំដោះជាតិ ជួយសង្រ្គោះអាយុជីវិតជាបន្តបន្ទាប់។ ថ្ងៃនេះ គឺជាចំណុចនេះ ដែលបាននាំទៅដល់ការបង្កើតរណសិរ្សសាមគ្គីសង្រ្គោះជាតិ និងការរំដោះជាតិចេញពីរបបខ្មែរក្រហមដោយជោគជ័យនៅថ្ងៃ ៧ មករា ១៩៧៩។លោកបានថ្លែងថា ពិតណាស់ សម្តេចតេជោ ហ៊ុន សែន គឺជាតួអង្គពិតក្នុងបេសកកម្ម «សំណាងមួយក្នុងមួយម៉ឺនគ្រោះថ្នាក់» នេះ។ នៅម្ខាង គឺជាវាលពិឃាដនៃរបបប្រល័យពូជសាសន៍ដែលកាប់សម្លាប់មនុស្សគ្មានត្រាប្រណី។ រីឯនៅម្ខាងទៀត គឺជាព្រំដែនប្រទេសជិតខាងដែលកងទ័ពខ្មែរក្រហមធ្លាប់បើកការវាយប្រហារជារឿយៗ។ ស្ថានភាពនេះ មិនខុសពី «ចុះទឹកក្រពើឡើងលើខ្លា» នោះឡើយ។ ប៉ុន្តែដោយអំណាចនៃទឹកចិត្តស្នេហាជាតិដ៏មោះមុត កុលបុត្រខ្មែរដ៏ឆ្នើមរូបនេះ មិនញញើតឡើយក្នុងការប្រថុយជីវិតដើម្បីបុព្វហេតុរំដោះជាតិពីក្រញាំបិសាចអាវខ្មៅ។ លោកបានបន្តថា ក្នុងនាមជាកុលបុត្រ កុលធីខ្មែរ ក៏ដូចជាយុវជន និស្សិតបញ្ញវន្តខ្មែរ ដែលបានកើតទាន់សម័យបច្ចុប្បន្ននេះ ពិតណាស់ គឺបានឃើញ បានយល់អំពីពាក្យថា សន្តិភាព និងការអភិវឌ្ឍ ហើយមិនអាចកែខៃប្រវត្តិសាស្រ្តបានទេគឺគុណូបករៈមហាធំធេងរបស់សម្តេចតេជោ ហ៊ុន សែន។ ៤៧ ឆ្នាំក្រោយ ព្រះរាជាណាចក្រកម្ពុជាបានប្រែក្លាយខ្លួនពីវាលពិឃាត សោកនាដកម្ម ទៅជាទឹកដីសន្តិភាព ពោរពេញដោយការអភិវឌ្ឍ ដែលប្រជាពលរដ្ឋកំពុងរស់នៅប្រកបដោយសុខដុមរនា អាចបំពេញកិច្ចការដើម្បីឈោងចាប់ក្តីស្រមៃរបស់ខ្លួន។ លោកបញ្ជាក់ថា៖«អ្វីៗគ្រប់យ៉ាងដែលយើងបានទទួលថ្ងៃនេះ គឺបានកើតចេញពីពលិកម្មដ៏ខ្ពង់ខ្ពស់របស់យុវជនជំនាន់មុន ដែលមិនបោះបង់ចោលជាតិសាសន៍របស់ខ្លួន នៅចំពោះមុខការបំផ្លិចបំផ្លាញ និងសម្លាប់រង្គាល ហើយបានតស៊ូប្តូរផ្តាច់ រហូតទទួលបានជ័យជម្នះជូនជាតិមាតុភូមិ និងប្រជាជន»។លោកបានប្ដេជ្ញាថា៖«យើងខ្ញុំជាយុវជនជំនាន់ក្រោយ ចងចាំមិនភ្លេចនូវមហាពលិកម្មដ៏ធំធេងនេះ ដែលជាគំរូវីរភាពដ៏អង់អាចក្លាហាន ដែលមិនអាចបំភ្លេចបានជាពិសេសសម្ដេចអគ្គមហាសេនាបតីតេជោ ហ៊ុន សែន នោះឡើយ។ យើងខ្ញុំប្តេជ្ញាការពារសមិទ្ធផលទាំងឡាយដែលបានខិតខំពុះពារកសាងបានដោយលំបាកបំផុតនេះមិនឱ្យបាត់បង់ជាដាច់ខាត ទោះក្នុងតម្លៃណាក៏ដោយ»។គួរបញ្ជាក់ផងដែលថា កាលពី ៤៧ ឆ្នាំមុន នៅលើទឹកដីជាយដែននៃកម្ពុជា មានយុវជនខ្មែរមួយរូបទើបតែអាយុ ២៥ឆ្នាំ បានសម្រេចចិត្តប្រកបដោយការលះបង់ខ្ពស់បំផុតជាមួយយុទ្ធមិត្តដ៏ស្មោះស្ម័គ្រ៤រូបផ្សេងទៀត ដើម្បីទាមទារសិទ្ធិរស់រានមានជីវិតរបស់ពលរដ្ឋខ្មែរ ក្នុងទឹកដីនៃតំបន់ x-១៦ ក្នុងឃុំទន្លូង ស្រុកមេមត់ ខេត្តត្បូងឃ្មុំ នាថ្ងៃទី២០ មិថុនា ឆ្នាំ១៩៧៧ ដែលជាការចាប់ផ្តើមបេសកកម្មដាក់ជីវិតផ្ទាល់ខ្លួនធ្វើជាដើមទុន ដើម្បីប្តូរយកជីវិតខ្មែរមួយនគរដែលកំពុងឈរនៅពីមុខជ្រោះមរណៈនិងកំពុងបួងសួងរកអ្នកជួយសង្គ្រោះ៕

សម្តេចតេជោ ហ៊ុន សែន ស្វាគមន៍លោក សម វឌ្ឍនា ចូលរួមជីវភាពនយោបាយ ជាមួយគណបក្សប្រជាជនកម្ពុជា

សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នៅព្រឹកថ្ងៃទី២០មិថុនានេះ ប្រកាសស្វាគមន៍លោក សម វឌ្ឍនា ចូលរួមជីវភាពនយោបាយជាមួយគណបក្សប្រជាជនកម្ពុជា។តាមរយៈតេឡេក្រាមសម្ដេចតេជោ បានសរសេរយ៉ាងដូច្នេះថា « តាងនាមឲ្យគណបក្សប្រជាជនកម្ពុជា និងក្នុងនាមខ្លួនខ្ញុំផ្ទាល់ ខ្ញុំសូមស្វាគមន៍យ៉ាងកក់ក្តៅចំពោះលោក សម វឌ្ឍនា ដែលបានសម្រេចចិត្តដ៏ក្លាហានចាកចោលក្រុមប្រឆាំងទាំងនៅក្រៅប្រទេស ទាំងនៅក្នុងប្រទេសមកចូលរួមជីវភាពនយោបាយជាមួយគណបក្សប្រជាជនកម្ពុជា និងគាំទ្ររាជរដ្ឋាភិបាលក្នុងការជីកព្រែកហ្វូណនតេជោ។ សូមជូនពរលោកនិងក្រុមគ្រួសារជួបតែសេចក្តីសុខសេចក្តីចម្រើន។»

សម្តេចតេជោ ហ៊ុន សែន៖ «ទឹកភ្នែកខ្ញុំស្រក់ចុះពេលនឹកឃើញដល់រឿងរ៉ាវកាលពីថ្ងៃទី២០ មិថុនា ១៩៧៧»

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានបង្ហោះសាររម្លឹកពីរឿងរ៉ាវដែលសម្ដេចបានជួបប្រទះកាលពីថ្ងៃទី២០ ខែមិថុនា ឆ្នាំ១៩៧៧ ដោយសម្ដេចបានលើកឡើងថា ទោះពេលវេលាបានកន្លងហួសរយៈពេល៤៧ឆ្នាំទៅហើយក្តី តែសម្ដេចនៅតែស្រក់ទឹកភ្នែកពេលនឹកឃើញដល់រឿងទាំងនោះ។ តាមរយៈហ្វេសប៊ុកផ្លូវការសម្ដេចតេជោ ហ៊ុន សែនបានសរសេរថា «ទោះពេលវេលាបានកន្លងហួស រយៈពេល៤៧ឆ្នាំទៅហើយក្តីតែនៅពេលដែលខ្ញុំនឹកឃើញដល់រឿងរ៉ាវដែលបានជួបប្រទះកាលពីថ្ងៃ២០មិថុនា១៩៧៧ទឹកភ្នែកខ្ញុំតែងស្រក់ចុះមកជាប់មិនដាច់។ ពិតជាខ្លោចផ្សា និងឈឺចាប់រកពាក្យនិយាយមិនបាន។ យើងមានតែជីវិតប៉ុណ្ណោះធ្វើជាដើមទុនដើម្បីរំដោះជាតិ និងប្រជាជនចេញពីរបបប្រល័យពូជសាសន៍ប៉ុល ពត។» សម្ដេចតេជោបន្តថា «ប្រសិនសម្ដេចស្លាប់នាពេលនោះតើនឹងមានអ្វីកើតឡើងនាពេល ៤៥ឆ្នាំកន្លងមកនេះ?។ យកជីវិតទៅប្តូរយកការរស់រានមានជីវិតរបស់ប្រជាជន។ យកជីវិតទៅប្តូរយកសន្តិភាពជូនប្រជាជនតាមរយៈនយោបាយឈ្នះ ឈ្នះ។ យកអំណាចទៅប្តូរជាមួយសន្តិភាព និងការអភិវឌ្ឍរយៈពេលវែង តាមរយៈផ្ទេរការដឹកនាំពីជំនាន់ចាស់ទៅកាន់ជំនាន់ថ្មី។» សម្ដេចតេជោបានបញ្ជាក់ថា ចូលចងចាំថាគ្មានជោគជ័យ ឬ លទ្ធផលណាមួយដោយគ្មានការបង់ថ្លៃឬការលះបង់នោះឡើយ៕

ឯកឧត្តមបណ្ឌិត ម៉ឹង មករា ជំរុញដល់ក្រុមការងាររួមគ្នាប្រែក្លាយតំបន់ប្រវត្តិសាស្ត្រ ដែលធ្លាប់ជាតំបន់សមរភូមិប្រយុទ្ធ ឱ្យក្លាយជាតំបន់ "ទេសចរណ៍"

ត្បូងឃ្មុំ៖ ឯកឧត្តមបណ្ឌិត ម៉ឹង មករា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋាន ស្រុកមេមត់ ខេត្តត្បូងឃ្មុំ បានជំរុញថ្នាក់ដឹកនាំ និងមន្រ្តីនៅស្រុកមេមត់ ចូលរួមចំណែកប្រែក្លាយតំបន់ប្រវត្តិសាស្ត្រ "យោធាតេជោកោះថ្ម X១៦" ដែលធ្លាប់ជាតំបន់សមរភូមិប្រយុទ្ធ ឱ្យក្លាយជាតំបន់ "ទេសចរណ៍" ។ក្នុងឱកាសដឹកនាំក្រុមការងារចុះទស្សនកិច្ចតំបន់ប្រវត្តិសាស្ត្រ "យោធាតេជោកោះថ្ម X១៦" ឯកឧត្តមបណ្ឌិត ម៉ឹង មករា បានលើកឡើងថា គោលបំណងចម្បងរបស់ក្រុមការងាររាជរដ្ឋាភិបាលចុះមូលដ្ឋានស្រុកមេមត់ គឺចូលរួមចំណែកប្រែក្លាយតំបន់ប្រវត្តិសាស្ត្រ ដែលធ្លាប់ជាតំបន់សមរភូមិប្រយុទ្ធ ឱ្យក្លាយជាតំបន់ "ទេសចរណ៍ប្រវត្តិសាស្រ្ត ទេសចរណ៍កសិកម្ម និងជាតំបន់សេដ្ឋកិច្ចពិសេស" ដែលនាំមកនូវទេសចរណ៍ និងការនាំចេញនាំចូលទំនិញរវាងប្រទេសទាំងពីរកម្ពុជា វៀតណាម ដើម្បីលើកស្ទួយជីវភាពប្រជាពលរដ្ឋ និងសេដ្ឋកិច្ចជាតិ។ឯកឧត្តមបណ្ឌិត ម៉ឹង មករា បានគូសរំលេចថា វីរភាព សម្ដេចតេជោ នៅថ្ងៃទី២០ ខែមិថុនា ឆ្នាំ១៩៧៧ ដែលបានសម្រេចចិត្តចាកចេញពីប្រពន្ធកូនជាទីស្រឡាញ់ និងយកជីវិតទៅប្ដូរ ដើម្បីសង្គ្រោះប្រជាជាតិ និងមាតុភូមិកម្ពុជា ពីរបបប្រល័យពូជសាសន៍ ប៉ុលពត និងបានដឹកនាំកសាងប្រទេសឱ្យមាន សុខសន្តិភាព និងការអភិវឌ្ឍជានិរន្តរ៍ មកដល់បច្ចុប្បន្ន គឺជាគុណបំណាច់ដ៏ធំធេងបំផុត សម្រាប់ប្រជាជាតិខ្មែរទាំងមូល ដែលកូនខ្មែរមិនអាចបំភ្លេចបានឡើយ។ក្នុងនាម ឯកឧត្តមជាកូនខ្មែរ និងជួសមុខឱ្យថ្នាក់ដឹកនាំ និងសមាជិកសមាជិកា ក្រុមការងារថ្នាក់ជាតិចុះមូលដ្ឋាន ស្រុកមេមត់ ខេត្តត្បូងឃ្មុំ យើងខ្ញុំសូមគោរពដឹងគុណដ៍ជ្រាវជ្រៅបំផុតនៅគំរូវីរភាព សម្ដេចអគ្គមហាសេនាបតីតេជោ ហ៊ុន សែន និងវីរជនកម្ពុជាទាំងអស់ដែលបានធ្វើពាក់កម្ម ដើម្បីបុព្វហេតុជាតិមាតុភូមិ ជាទីស្រឡាញ់នៃយើងឱ្យមានការរស់រានមានជីវិត និងសុខសន្តិភាព ការអភិវឌ្ឍពេញលេញជានិរន្តរ៍។ រាជរដ្ឋាភិបាលកម្ពុជា តាមរយៈក្រុមការងាររាជរដ្ឋាភិបាលចុះមូលដ្ឋាន និងអជ្ញាធរមូលដ្ឋាន តែងតែយកចិត្តទុកដាក់ខ្ពស់ក្នុងការលើកម្ពស់អភិបាលកិច្ចល្អ លើកស្ទួយកម្រឹតជីវភាពសេដ្ឋកិច្ចគ្រួសារប្រជាពលរដ្ឋក្នុងមូលដ្ឋាន គាំពារសុខមាលភាពប្រជាពលរដ្ឋ ដើម្បីឲ្យពួកគាត់ទទួលបានឱកាស និងមានលទ្ធភាពចូលរួមចំណែកក្នុងការថែរក្សានូវ "សុខសន្តិភាព និងការអភិវឌ្ឍប្រទេស"។ ក្នុងការអភិវឌ្ឍប្រទេសជាតិ ដោយឆ្លងកាត់បង្គោលចរនៃការប្រែក្លាយខ្លួនជា "ប្រទេសមានចំណូលមធ្យមកម្រិតខ្ពស់នៅ ឆ្នាំ២០៣០" ឆ្ពោះទៅសម្រេចបាននូវចក្ខុវិស័យប្រែក្លាយកម្ពុជា ជា "ប្រទេសអភិវឌ្ឍន៍នៅ ឆ្នាំ២០៥០" ។សូមបញ្ជាក់ផងដែរ ឯកឧត្តមបណ្ឌិត បានដឹកនាំក្រុមការងារមករំលឹកដល់វិញ្ញាណក្ខន្ធ កុមារា ហ៊ុន កំសត់ ដែលត្រូវជាបុត្ររបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានស្លាប់ក្នុងរបប ប៉ុល ពត កាលពីថ្ងៃឋតី១០ វិច្ឆិកា ឆ្នាំ១៩៧៦ នៅមន្ទីរពេទ្យស្រុក ដែលបច្ចុប្បន្ននេះជាវិទ្យាល័យ ប៊ុន រ៉ានី ហ៊ុន សែន មេមត់។ ឯកឧត្តមបណ្ឌិត ម៉ឹង មករា បានបន្តដឹកនាំក្រុមការងារចុះទស្សនកិច្ចតំបន់ប្រវត្តិសាស្ត្រ "យោធាតេជោកោះថ្ម X១៦" ដែលជាកន្លែងតស៊ូរបស់ សម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា ក្នុងដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត កាលពីថ្ងៃទី២០ ខែមិថុនា ឆ្នាំ១៩៧៧ ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ ព្រំដែនកម្ពុជា-វៀតណាម៕

ប្រសាសន៍សំខាន់ៗរបស់សម្តេចធិបតី ក្នុងខួបអនុស្សាវរីយ៍លើកទី៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត

ត្បូងឃ្មុំ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា នៅព្រឹកថ្ងៃទី២០ ខែមិថុនានេះ បានអញ្ជើញជាអធិបតីក្នុងពិធីខួបអនុស្សាវរីយ៍លើកទី៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២៤) និងពិធីបញ្ចុះបឋមសិលាសាងសង់ហេដ្ឋារចនាសម្ព័ន្ធនានា នៅតំបន់ប្រវត្តិសាស្រ្តយោធាតេជោកោះថ្ម (X16) ។ ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖ -សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងពិធីរម្លឹកខួបលើកទី ៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត នៅថ្ងៃទី២០ ខែមិថុនា ឆ្នាំ២០២៤ បាន មានប្រសាសន៍ថា កម្ពុជាធ្លាប់បានជួយវៀតណាមឱ្យរំដោះប្រទេស រហូតឈានដល់ការបង្រួបបង្រួមជាតិ។ វៀតណាម ក៏ធ្លាប់បានជួយកម្ពុជា ឱ្យរំដោះប្រទេសចេញពីរបបប្រល័យពូជសាសន៍ ប៉ុល ពត ដែរ។ សម្ដេចធិបតីបន្ថែមថា នេះជាសច្ចភាពប្រវត្តិសាស្ត្រដែលប្រជាជននៃប្រទេសទាំងពីរត្រូវយល់ឱ្យច្បាស់ ដើម្បីជៀសវាងការបកស្រាយឱ្យមានការយល់ច្រឡំណាមួយ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងពិធីរម្លឹកខួបលើកទី ៤៧ ទិវានៃការចងចាំដំ ណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត នៅថ្ងៃទី២០ ខែមិថុនា ឆ្នាំ២០២៤ បានមា នប្រសាសន៍ថា ការបំផ្លាញសន្តិភាព មិនពិបាកនោះទេ ប៉ុន្តែការស្វែងរកសន្តិភាពទើបជាការលំបាក។ ប្រទេសខ្លះ ត្រូវចំណាយពេលរាប់ឆ្នាំក៏នៅតែមិនអាចស្វែងរកសន្តិភាពសម្រាប់ប្រទេសខ្លួនបាននៅឡើយ។ ហេតុនេះត្រូវការពារឱ្យបានជាដាច់ខាតនូវសុខសន្តិភាព ដែលកំពុងតែកើតមាននៅកម្ពុជាសព្វថ្ងៃ និង កម្ទេចចោលរាល់ការប៉ុនប៉ងណាមួយ ដែលចង់បំផ្លាញសន្តិភាពនៅកម្ពុជា។

បណ្ដាញសង្គម

ព័ត៌មានថ្មីៗ

កម្រិតទឹកអាងស្តុកទឹកអង់គ្លេសធ្លាក់ចុះ ខណៈប្រទេសមើលឃើញការចាប់ផ្តើមនិទាឃរដូវស្ងួតបំផុតក្នុងរយៈពេល ៦៩ឆ្នាំ

ក្រុមហ៊ុនទុយនីស៊ី បំប្លែងកាកសំណល់អូលីវទៅជាឥន្ធនៈមិនប៉ះពាល់ដល់បរិស្ថាន

UN រាយការណ៍ពីការឃុំឃាំង និងការបាត់ខ្លួនរបស់អ្នករិះគន់រដ្ឋាភិបាលវេណេស៊ុយអេឡា

មេដឹកនាំអាល្លឺម៉ង់ អំពាវនាវឲ្យលោកខាងលិចឯកភាពគ្នា ជុំវិញបញ្ហាអ៊ុយក្រែន មុនការចរចាសន្តិភាព

វិមានក្រឹមឡាំង៖ កិច្ចចរចាសន្តិភាពអ៊ុយក្រែន នៅទួរគី នៅតែដំណើរការ តែមិនប្រាប់ថា អ្នកណានឹងទៅ

អ៊ីស្រាអែលបង្កើនការទម្លាក់គ្រាប់បែក នៅហ្កាហ្សា ខណៈលោក Trump ទស្សនកិច្ច នៅមជ្ឈិមបូព៌ា

យន្តហោះហ្វឹកហាត់យោធាជប៉ុន បានធ្លាក់ជាមួយអាកាសយានិក ២នាក់នៅលើយន្តហោះ

នគរបាលទួរគីឃាត់ខ្លួននិស្សិត ៩៧នាក់ ពាក់ព័ន្ធនឹងបាតុកម្មនៅសាកលវិទ្យាល័យ

បក្សកាន់អំណាចហុងគ្រី រៀបចំសេចក្ដីព្រាងច្បាប់ ដើម្បីបង្រ្កាបអង្គការទទួលមូលនិធិពីបរទេស

ឧបនាយករដ្ឋមន្ត្រី ទៀ សីហា÷ កងទ័ព២រូប ពលីនៅប្រទេសស៊ូដង់ខាងត្បូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

តំណាងកម្មករនិយោជិត៥ម៉ឺននាក់ ព្រមានតវ៉ាទ្រង់ទ្រាយធំ ដើម្បីស្នើសុំបិទការិយាល័យអង្គការសង់ត្រាល់នៅកម្ពុជា

សម្ដេចធិបតីណែនាំដល់គ្រប់បណ្ដាខេត្តឱ្យបន្តរៀបចំសួនតេជោសន្ដិភាពឱ្យបានស្អាតបន្ថែមទៀត

ក្រុមប្រឹក្សា ប្រជាពលរដ្ឋឃុំកំពង់អុស ឃុំកោះថ្កូវ ស្រុកជលគីរី ប្រកាសគាំទ្រ «គម្រោងព្រែកជីកហ្វូណនតេជោ»

សម្តេចតេជោ ហ៊ុន សែន ស្វាគមន៍លោក សម វឌ្ឍនា ចូលរួមជីវភាពនយោបាយ ជាមួយគណបក្សប្រជាជនកម្ពុជា

សម្តេចតេជោ ហ៊ុន សែន៖ «ទឹកភ្នែកខ្ញុំស្រក់ចុះពេលនឹកឃើញដល់រឿងរ៉ាវកាលពីថ្ងៃទី២០ មិថុនា ១៩៧៧»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

សម្ដេចធិបតីណែនាំដល់គ្រប់បណ្ដាខេត្តឱ្យបន្តរៀបចំសួនតេជោសន្ដិភាពឱ្យបានស្អាតបន្ថែមទៀត

​ក្រុមប្រឹក្សា ប្រជាពលរដ្ឋឃុំកំពង់អុស ឃុំកោះថ្កូវ ស្រុកជលគីរី ប្រកាសគាំទ្រ «គម្រោងព្រែកជីកហ្វូណនតេជោ»

សម្តេចតេជោ ហ៊ុន សែន ស្វាគមន៍លោក សម វឌ្ឍនា ចូលរួមជីវភាពនយោបាយ ជាមួយគណបក្សប្រជាជនកម្ពុជា

សម្តេចតេជោ ហ៊ុន សែន៖ «ទឹកភ្នែកខ្ញុំស្រក់ចុះពេលនឹកឃើញដល់រឿងរ៉ាវកាលពីថ្ងៃទី២០ មិថុនា ១៩៧៧»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមប្រឹក្សា ប្រជាពលរដ្ឋឃុំកំពង់អុស ឃុំកោះថ្កូវ ស្រុកជលគីរី ប្រកាសគាំទ្រ «គម្រោងព្រែកជីកហ្វូណនតេជោ»