BTV NEWS

រដ្ឋបាលខេត្តស្វាយរៀងរៀបចំវេទិការផ្ដល់ឱកាសជូនដល់ពលករមកពីប្រទេសថៃចុះឈ្មោះស្វែងរកការងារធ្វើ

រដ្ឋមន្រ្តីសុខាភិបាល ណែនាំដល់ថ្នាក់ដឹកនាំសុខាភិបាល បង្កើនការយកចិត្តទុកដាក់ខ្ពស់ទប់ស្កាត់ជំងឺគ្រុនឈាម ពិសេសចំពោះស្ត្រីមានផ្ទៃពោះ ទារក និងកុមារ ក្នុងរដូវវស្សានេះ

អ្នកនាំពាក្យ៖ម្សិលមិញនិងថ្ងៃនេះទាហានថៃប្រដាប់ដោយអាវុធមករាយបន្លាលួស និងដាក់កងឡាននៅច្រកជោគជ័យខេត្តបន្ទាយមានជ័យ

កម្ពុជាបន្តអំពាវនាវឲ្យថៃប្រគល់ទាហានខ្មែរ១៨នាក់មកកម្ពុជាវិញឲ្យបានឆាប់ខណៈក្រុមគ្រួសារជនរងគ្រោះកំពុងចាំទាំងយប់ទាំងថ្ងៃ

ព័ត៌មានជាតិ

សម្ដេច ម៉ែន សំអន អញ្ជើញប្រកាសទទួលស្គាល់គណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជាខេត្ត និងសមាសភាពគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តក្រចេះ

នាឱកាសអញ្ជើញជាអធិបតីដ៏ខ្ពង់ខ្ពស់ នៃពិធីប្រកាសទទួលស្គាល់គណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជាខេត្ត និងទទួលស្គាល់សមាសភាពគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តក្រចេះ នៅឯសាលមហោស្រព ខេត្តក្រចេះ នាព្រឹកថ្ងៃទី២២ ខែកញ្ញា ឆ្នាំ២០២៤ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា បានមានប្រសាសន៍ថា ភារកិច្ចស្នូល ២ ក្នុងចំណោមភារកិច្ចស្នូលនានារបស់រណសិរ្សសាមគ្គីអភិវឌ្ឍន៍មាតុភូមិកម្ពុជា គឺការលើកកម្ពស់ជីវភាពរស់នៅរបស់ប្រជាជនឱ្យមានការរីកចម្រើន និងរួមចំណែកកសាង និងអភិវឌ្ឍន៍ប្រទេសជាតិ។ សម្ដេចកិត្តិសង្គហបណ្ឌិត បានសង្កត់ធ្ងន់ថា ខេត្តក្រចេះ គឺជាខេត្តដ៏សំខាន់ និងផ្ដល់ភ័ព្វសំណាង ក៏ដូចជាអាយុជីវិតដល់ប្រជាជន និងប្រទេសកម្ពុជា ដ្បិតថា ភូមិជើងឃ្លូន ឃុំ២ធ្នូ ស្រុកស្នួល ខេត្តក្រចេះ នេះ គឺជាទីកំណើតនៃរណសិរ្ស ២ ធ្នូ ហើយប្រសិនបើពុំមានរណសិរ្ស ២ ធ្នូ ទេនោះ ក៏ពុំមាន ៧មករា ១៩៧៩ ដែរ ហើយបើពុំមាន ៧មករា ១៩៧៩ ទេនោះ អាយុជីវិតរបស់ប្រជាជនកម្ពុជាទូទាំងប្រទេស និងប្រទេសជាតិខ្មែរទាំងមូល នឹងទៅជាយ៉ាងណា ហើយក៏ប្រាកជាមិនអាចមានសុខសន្តិភាព និងការអភិវឌ្ឍគ្រប់វិស័យដូចថ្ងៃនេះដែរ ។ សម្តេចកិត្តិសង្គហបណ្ឌិត ក៏បានលើកឡើងអំពីភារកិច្ចរបស់រណសិរ្សសាមគ្គី អភិវឌ្ឍន៍មាតុភូមិកម្ពុជា គឺរួមចំណែកអភិវឌ្ឍន៍ធនធានមនុស្ស ក្នុងគ្រប់សមាសភាពសង្គម ពង្រីកសាមគ្គី លើកកម្ពស់ការអប់រំ សីលធម៌ ចរិយាធម៌ មនសិការស្នេហាជាតិរក្សាប្រពៃណី ទំនៀមទម្លាប់ រក្សាឯករាជ្យ អធិបតេយ្យ និងបូរណភាពទឹកដី លើកកម្ពស់ការអប់រំ គោរពសិទ្ធិស្ត្រី សិទ្ធិកុមារ លិទ្ធិប្រជាធិបតេយ្យ សមភាព យុត្តិធម៌ សង្គម និងគោរពច្បាប់ ទប់ស្កាត់រាល់អំពើរំលោភបំពាន និងជិះជាន់កេងប្រវ័ញ្ចមកលើស្រ្តីភេទ និងកុមារ អប់រំប្រជាជនឱ្យយល់ដឹងពីគ្រោះថ្នាក់នៃការប្រើប្រាស់គ្រឿងញៀនគ្រប់ប្រភេទ ទប់ស្កាត់រាល់អំពើហិង្សាក្នុងគ្រួសារ ការរាលដាលជំងឺឆ្លងនានា មានជំងឺអេដស៍ជាដើម ជួយចាស់ព្រឹទ្ធាចារ្យ ស្ត្រីមេម៉ាយ ជនពិការ និងកុមារកំព្រាគ្មានទីពំនឹង ដោយការបណ្តុះបណ្តាលមុខរបរសមស្រប ពង្រឹងសាមគ្គីភាព មិត្តភាព និងសហប្រតិបត្តិការជាមួយបណ្តាប្រទេសជិតខាង និងពិភពលោក។ ទន្ទឹមនឹងនោះផងដែរ សម្តេចកិត្តិសង្គហបណ្ឌិត ក៏បានណែនាំដល់សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តក្រចេះឱ្យស្វែងយល់ និងអនុវត្តឱ្យបាននូវគោលនយោបាយគោលការណ៍ដឹកនាំរបស់បក្ស និងរាជរដ្ឋាភិបាល។ គោរព និងអនុវត្តតាមលក្ខន្តិកៈសមាគមនារីកម្ពុជា ដើម្បីសន្តិភាព និងអភិវឌ្ឍន៍ឱ្យបានខ្ជាប់ខ្ជួន។ ពង្រឹងរចនាសម្ព័ន្ធ និងពង្រីកសមាជិកសមាគមនារីឱ្យបានច្រើន។ សមាសភាពសមាគមនារី ដែលបានកែសម្រួល និងបំពេញបន្ថែមថ្មីត្រូវចូលរួមអនុវត្តឱ្យបានជោគជ័យនូវទិសដៅយុទ្ធសាស្ត្រ និងផែនការសកម្មភាពរបស់ខេត្តក៏ដូចជាផែនការសកម្មភាពរបស់សមាគមនារីកម្ពុជា ដើម្បីសន្តិភាព និងអភិវឌ្ឍន៍។ យកចិត្តទុកដាក់ពង្រឹងសាមគ្គីភាព ឯកភាពផ្ទៃក្នុងទាំងទស្សនៈ គោលជំហរឱ្យបានល្អ រួមគ្នាទទួលខុសត្រូវរាល់ភារកិច្ចដែលបានកំណត់ ពង្រឹងមិត្តភាព រក្សាទំនាក់ទំនងជិតស្និទ្ធរវាងថ្នាក់ដឹកនាំ និងមន្ត្រីគ្រប់លំដាប់ថ្នាក់ទាំងអស់ ដើម្បីបង្កើនប្រសិទ្ធភាព និងគុណភាពការងារ។ ខិតខំការពារផលប្រយោជន៍ និងពង្រឹងសមត្ថភាពដល់ស្ត្រី តាមរយៈការបណ្តុះបណ្តាលជំនាញ ជាពិសេសការប្រើប្រាស់ប្រព័ន្ធព័ត៌មានវិទ្យា ដើម្បីមានលទ្ធភាពបំពេញការងារប្រកបដោយគុណភាព និងប្រសិទ្ធភាពក្នុងយុគសម័យឌីជីថល និងរៀបចំប្រជុំគណៈកម្មការសាខាឱ្យបានទៀងទាត់ ដើម្បីរាយការណ៍ និងបូកសរុប វាយតម្លៃសភាពការណ៍ និងមានវិធានដោះស្រាយបានត្រឹមត្រូវ និងទាន់ពេលវេលា៕ អត្ថបទ៖ ប្រាក់ វ៉ាន់ដា

ជនសង្ស័យ ៤នាក់ ត្រូវនគរបាលឃាត់ខ្លួនពាក់ព័ន្ធករណីហិង្សាដោយចេតនា នៅចំណុចមុខស្ថានីយប្រេងមួយកន្លែង នៅខណ្ឌសែនសុខ

ភ្នំពេញ៖ ក្រោយទទួលបានបទបញ្ជារបស់ ឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២១ ខែកញ្ញា ឆ្នាំ២០២៤ កម្លាំងអធិការដ្ឋាននគរបាលខណ្ឌសែនសុខ ដឹកនាំដោយលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ ធ្វើការឃាត់ខ្លួនជនសង្ស័យចំនួន០៤នាក់ ពាក់ព័ន្ធករណីហិ ង្សាដោយចេតនា ព្រួតគ្នាវាយ បណ្តាលឱ្យរបួស ប្រព្រឹត្តល្មើសនៅចំណុចមុខស្ថានីប្រេងសាវីមិច ស្ថិតភូមិត្រពាំងជើងស្រុក សង្កាត់ ក្រាំងធ្នង់ ខណ្ឌសែនសុខ។ឃាត់ខ្លួនជនសង្ស័យចំនួន០៤នាក់៖ ទី១. ឈ្មោះ តាំង សឿន ភេទប្រុស ទី២. ឈ្មោះ សារ៉ូ អក្ករ៉ា ភេទប្រុស, ទី៣. ឈ្មោះ អាន់ សុខា ភេទប្រុស និងទី៤. ឈ្មោះ លុច្យ បុនលី ភេទប្រុស។គួរបញ្ជាក់ផងដែរ កាលពីវេលាម៉ោង១១យប់ ថ្ងៃទី១៩ ខែកញ្ញា ឆ្នាំ២០២៤ ជនរងគ្រោះមានគ្នា ៣នាក់បានជិះម៉ូតូចេញពីបន្ទប់ជួល ដើម្បីទៅទិញបាយឆាហូប។ លុះពេលទៅលើមុខស្ថានីយប្រេងឥន្ធនៈសាវីមិចរបស់ជនបង្កឈ្មោះ តាំង សឿន ស្រាប់តែបុគ្គលនេះ និងបក្ខពួកជិះរថយន្ដ ម៉ូតូ ដេញបុកពួកគេទាំងកម្រោលតែម្ដង ដោយគ្មានហេតុ។នៅពេលដេញបុក ម៉ូតូរបស់ពួកគេបានដួល ហើយក្នុងចំណោម៣នាក់ មានម្នាក់រត់ឲ្យអ្នកភូមិជួយ និង២នាក់ទៀត ត្រូវក្រុមជនបង្កចាប់បាន រួចចងដៃ ដកទូរស័ព្ទ និងព្រួតវាយយ៉ាងដំណំ។ ប៉ុន្តែជនរងគ្រោះដែលរត់រួច ក៏ត្រូវក្រុមបង្កតាមទៅចាប់យកមកដល់ស្ថានីយ៍ប្រេង និងបានប្រើហិង្សាផងដែរ។ ក្រោយនាំមកដល់កន្លែងរបស់ខ្លួន ក្រុមជនបង្ក បានប្រគល់ពួកគេទៅឲ្យនគរបាលប៉ុស្ដិ៍រដ្ឋបាលសង្កាត់ក្រាំងធ្នង់ ដើម្បីធ្វើការសួរនាំ។ នៅពេលសមត្ថកិច្ចសួរនាំជនបង្កឈ្មោះ តាំង សឿន បានអះអាងថា ពួកគេវាយជនរងគ្រោះច្រឡំ និងបង្គាប់ឲ្យធ្វើកិច្ចសន្យាមិនប្ដឹងផ្ដល់ទៅវិញ។ដោយសាររងនូវភាពអយុត្តិធម៌ពីការប្រើប្រាស់អំពើហិង្សាដែលបង្កដោយបុគ្គលឈ្មោះ តាំង សឿន ដែលមានតួនាទីជាមន្ដ្រីយោធានដែរនោះ ក្រុមគ្រួសាររបស់ជនរងគ្រោះទាំង៣នាក់ បាននាំពួកគេទៅដាក់ពាក្យ បណ្ដឹងវិញ នៅប៉ុស្ដិ៍នគរបាលរដ្ឋបាលសង្កាត់ក្រាំងធ្នង់ ដើម្បីឲ្យជួយអន្ដរាគមន៍កាលពីថ្ងៃទី២០ ខែកញ្ញា ឆ្នាំ២០២៤។បច្ចុប្បន្នជនសង្ស័យ ត្រូវបាននគរបាលឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនីតិវិធី៕ អត្ថបទ៖ កុម្ភះ

ប្រតិភូសាលារាធានីភ្នំពេញចុះសួរសុខទុក្ខ និងចែកអំណោយដល់កងទ័ពជួរមុខតាមព្រំដែន

អភិបាលរាជធានី ដឹកនាំប្រតិភូសាលារាធានីភ្នំពេញចុះសួរសុខទុក្ខ និងចែកអំណោយសម្ដេចធិបតីនាយករដ្ឋមន្ដ្រីដល់កងទ័ពជួរមុខតាមបន្ទាត់ព្រំដែន។ឯកឧត្តម ឃួង ស្រេង អភិបាលរាជធានីភ្នំពេញនិងលោកជំទាវ នាព្រឹកថ្ងៃទី២២ ខែកញ្ញា ឆ្នាំ២០២៤ បានដឹកនាំប្រតិភូសាលារាធានីភ្នំពេញ ចុះសួរសុខទុក្ខ និងចែកអំណោយដ៏ថ្លៃថ្លារបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី និងលោកជំទាវបណ្ឌិត ពេជ ចន្ទមុន្នី ជូនដល់កងទ័ពជួរមុខនៅបញ្ជាការដ្ឋានកងពលធំអន្តរាគមន៍លេខ ៣ កងពលតូចអន្តរាគមន៍លេខ ៩ កងពលតូចអន្តរាគមន៍លេខ ១២៨ និងកងនគរបាលជាតិ វរសេនាតូចការពារព្រំដែនលេខ ៧៩៣ ស្ថិតនៅក្នុងភូមិសាស្ត្រខេត្តព្រះវិហារ និងខេត្តស្ទឹងត្រែង ដែលកំពុងឈរជើងការពារបូរណភាពទឹកដីតាមបន្ទាត់ព្រំដែន។ក្នុងឱកាសជួបជាមួយកងទ័ពនៅព្រំដែននេះ ឯកឧត្តម ឃួង ស្រេង មានប្រសាសន៍ថា ដោយគិតគូពីកង្វល់របស់ប្រជាជនលើបញ្ហាទឹកដី និងភាពចាំបាច់ខាងនយោបាយ ដើម្បីដកអាវុធចេញពីដៃពួកជ្រុលនិយមកុំឱ្យមានលទ្ធភាពប្រើប្រាស់ CLV-DTA បោកប្រាស់ប្រជាជនកម្ពុជាតទៅទៀត សម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត និងថ្នាក់ដឹកនាំបានសម្រេចបញ្ចប់ការចូលរួមតំបន់ត្រីកោណអភិវឌ្ឍន៍កម្ពុជា ឡាវ វៀតណាម CLV-DTA ចាប់ពីថ្ងៃ២០ ខែកញ្ញា ឆ្នាំ២០២៤នេះ តទៅ ហើយរាជរដ្ឋាភិបាលកម្ពុជាក៏បានជូនដំណឹងជាផ្លូវការទៅប្រទេសវៀតណាម និងប្រទេសឡាវ រួចហើយដែរ។ឯកឧត្តម ឃួង ស្រេង បន្ថែមថា ការបញ្ចប់ការចូលរួមតំបន់ត្រីកោណអភិវឌ្ឍន៍ CLV-DTA នេះមិនមែនយើងទុកខេត្តទាំងអស់នេះចោលដោយមិនអភិវឌ្ឍន៍នោះទេ កម្ពុជានឹងបន្តអភិវឌ្ឍន៍លើទឹកដីរបស់ខ្លួន ដោយមានកិច្ចសហការជាធម្មតាជាមួយប្រទេសជិតខាងក្នុងក្របខ័ណ្ឌទ្វេភាគីរវាងប្រទេស និងប្រទេស និងដៃគូរអភិវឌ្ឍន៍ផ្សេងទៀតនៅលើសកលលោក។លោកឧត្តមសេនីយ៍ទោ មៀច សាមុត មេបញ្ជាការកងពលតូចអន្តរាគមន៍លេខ១២៨ មានប្រសាសន៍ថា ការចងសម្ព័ន្ធមេត្រីភាពជាមួយរដ្ឋបាលរាជធានីភ្នំពេញជាមួយកងទ័ព ធ្វើឡើងក្នុងគោលដៅពង្រឹង និងពង្រីកចំណងសាមគ្គីភាព មិត្តភាព យ៉ាងជិតស្និទ្ធសំដៅជួយឧបត្ថម្ភទំនុកបម្រុងគាំទ្ររវាងស្ថាប័នស៊ីវិលជាមួយកងទ័ពឱ្យមានភាពស្អិតរមួត ដើម្បីលើកស្ទួយជីវភាពរស់នៅរបស់កងទ័ពឱ្យកាន់តែល្អប្រសើរឡើងក្នុងកិច្ចការពារបូរណភាពទឹកដី និងបន្តកសាងអង្គភាពរឹងមាំគ្រប់ផ្នែក។ក្នុងនាមកងទ័ព មេបញ្ជាការកងពលតូចអន្តរាគមន៍លេខ១២៨ បានប្តេជ្ញាការពារសន្តិភាព ការពារព្រះមហាក្សត្រ ការពាររដ្ឋធម្មនុញ្ញន ការពាររាជរដ្ឋាភិបាល ដែលប្រសូត្រចេញពីការបោះឆ្នោតស្របច្បាប់ ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងប្រឆាំងដាច់ខាតរាល់ការញុះញង់ពីពួកអគតិ ប្រឆាំងដាច់ខាតបុគ្គល ឬក្រុមអមិត្តណាដែលមានគំនិតផ្តួលរំលំរាជរដ្ឋាភិបាល និងកម្ទេចចោលរាល់ជនណាមួយដែលប៉ុនប៉ងធ្វើបដិវត្តន៍ពណ៌ និងគាំទ្រពេញទំហឹងក្នុងការសម្រេចចិត្តរបស់សម្តេចតេជោ និងសម្តេចធិបតី ដែលបានយកចិត្តទុកដាក់គិតគូរខ្ពស់បំផុតដល់ប្រជាជនលើបញ្ហាទឹកដី ព្រមទាំងភាពចាំបាច់ខាងនយោបាយ ដើម្បីដកអាវុធចេញពីដៃពួកជ្រុលនិយមកុំឱ្យមានលទ្ធភាពប្រើប្រាស់ CLV-DTA បោកប្រាស់ប្រជាជនតទៅទៀត៕ អត្ថបទ៖ ប្រាក់ វ៉ាន់ដា

ដំណើរទស្សនកិច្ចខេត្តទិសឦសានលើកទី៣ បញ្ចប់ដោយជោគជ័យ ខណៈរាជរដ្ឋាភិបាលបន្តរៀបចំរហូតដល់បំណាច់ឆ្នាំ

ដំណើរទស្សនកិច្ចខេត្តទិសឦសានសម្រាប់ជើងទីបី បានបញ្ចប់ដោយជោគជ័យ និងភាពសប្បាយរីករាយ ខណៈការចុះឈ្មោះសម្រាប់ដំណើរទស្សនកិច្ចប៉ែកឦសានបាន និងកំពុងបន្តរហូតដល់បំណាច់ឆ្នាំ២០២៤នេះ។ នេះបើតាមឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន។ឯកឧត្តម ទេព អស្នារិទ្ធ បានឱ្យដឹងថាដំណើរទស្សនកិច្ចពលរដ្ឋទៅកាន់ប៉ែកឦសាន ដោយឥតគិតថ្លៃជើងទី៣ កាលពីថ្ងៃទី២១ ខែកញ្ញា ឆ្នាំ២០២៤នេះ មានអ្នកចូលរួមដល់ទៅជាង ៦០០ នាក់ មកពីគ្រប់មជ្ឈដ្ឋាន ហើយបានប្រព្រឹត្តទៅដោយជោគជ័យ និងមានសុវត្ថិភាពទាំងចាប់ពីពេលចេញដំណើរពីរាជធានីភ្នំពេញ រហូតដល់ពេលត្រលប់មកដល់រាជធានីភ្នំពេញវិញ នៅក្នុងថ្ងៃដដែល។ ដំណើរទស្សនកិច្ចទាំងបីលើកនេះត្រូវបានរៀបចំឡើង និងសម្របសម្រួលយ៉ាងរលូនដោយក្រុមការងារដែលដឹកនាំដោយ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ព្រមទាំងមានការចូលរួមពីថ្នាក់ដឹកនាំនៃអង្គភាពអ្នកនាំពាក្យរាជរដ្ឋាភិបាល រដ្ឋលេខាធិការដ្ឋានទទួលបន្ទុកកិច្ចការព្រំដែន ថ្នាក់ដឹកនាំខេត្តនិងអាជ្ញាធរក្នុងភូមិសាស្ត្រខេត្តពាក់ព័ន្ធ ក៏ដូចជាមន្ត្រីជំនាញខាងព្រំដែនផងដែរ។ ក្រោមការផ្តួចផ្តើមរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដំណើរទស្សនកិច្ចនេះផ្តល់សារៈសំខាន់ចំពោះការចូលរួមពីសំណាក់សាធារណជន ប្រជាពលរដ្ឋទូទៅ ឱ្យបានឃើញដោយផ្ទាល់អំពីស្ថានភាពពិតនៃការគ្រប់គ្រង និងការពារទឹកដីរបស់កម្ពុជា ជាពិសេសតាមរយៈការស្វែងយល់ឱ្យបានស៊ីជម្រៅអំពីការងារព្រំដែន ការបោះបង្គោលព្រំដែន ការកសាងហេដ្ឋារចនាសម្ព័ន្ធនានា និងការអភិវឌ្ឍជីវភាពរស់នៅរបស់ប្រជាជននៅក្នុងបណ្តាខេត្តដែលស្ថិតនៅតាមណ្តោយព្រំដែន។ ក្រុមការងាររៀបចំដំណើរទស្សនកិច្ចបាននិងកំពុងបន្តទទួលការចុះឈ្មោះរបស់ប្រជាពលរដ្ឋជាបន្តបន្ទាប់ តាមប្រព័ន្ធចុះឈ្មោះអនឡាញ ជាមួយទម្រង់ចុះឈ្មោះងាយស្រួលសម្រាប់លើកទឹកចិត្តដល់ប្រជាពលរដ្ឋពីគ្រប់មជ្ឈដ្ឋានដែលមានបំណងចូលរួមក្នុងដំណើរទស្សនកិច្ចនេះ។ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មាន«ជាគោលការណ៍ណែនាំដ៏ខ្ពង់ខ្ពស់របស់សម្ដេចធិបតី ហ៊ុន ម៉ាណែត នាយករដ្ឋមន្រ្ដី នៃកម្ពុជាក្រុមការងារអន្តរក្រសួងបាននឹងកំពុងរៀបចំដំណើរទស្សនកិច្ច សម្រាប់ប្រជាពលរដ្ឋទូទៅបានចូលរួមទាំងអស់គ្នាទៅទស្សនាខេត្តទិសឦសានរបស់កម្ពុជា។ ដំណើរទស្សនកិច្ច៣លើកបានបញ្ចប់ទៅដោយជោគជ័យនឹងត្រូវរៀបចំរហូតដល់បំណាច់ឆ្នាំ២០២៤នេះ»។សូមរំលឹកជូនថា ដំណើរទស្សនកិច្ចនេះត្រូវបានបើកទូលាយសម្រាប់សាធារណជនទូទៅទាំងអស់ពីគ្រប់មជ្ឈដ្ឋានឱ្យចូលរួមដោយស្ម័គ្រចិត្ត ដោយឥតគិតថ្លៃ ដោយត្រូវបំពេញព័ត៌មានងាយៗតាមការចុះឈ្មោះអនឡាញ និងដោយអនុវត្តគោលការណ៍៖ ចុះឈ្មោះមុន បានចូលរួមមុន។ រីឯថវិកាសម្រាប់ការចំណាយ គឺជាការឧបត្ថម្ភដោយ សម្ដេចធីបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី ព្រមទាំងមានការចូលរួមពីសប្បុរសជន។ ថវិកានេះជាថវិកាផ្ទាល់ដោយឡែក របស់សម្តេចធិបតី និងលោកជំទាវ ដែលថវិកានេះ មិន ពាក់ព័ន្ធនឹងថវិកាជាតិ ឬមូលនិធិកសាងហេដ្ឋារចនាសម្ព័ន្ធក្រវាត់ព្រំដែនឡើយ៕

អ្នកទេសចរច្រើនកុះករមកទស្សនាព្រឹត្ដិការណ៍ព្រះអាទិត្យរះចំកំពូលប្រាសាទអង្គរនៅថ្ងៃទី២២ កញ្ញានេះ

អ្នកទេសចរជាតិ អន្ដរជាតិជាច្រើនកុះករ បានទៅទស្សនាព្រឹត្ដិការណ៍ព្រះអាទិត្យរះចំកំពូលប្រាសាទអង្គរវត្ដ ឬហៅថាសមរាត្រី នៅព្រឹកព្រលឹមថ្ងៃទី២២ ខែកញ្ញាឆ្នាំ២០២៤នេះ ដើម្បីចង់ដឹងពីភាពអស្ចារ្យនៃការកសាងប្រាសាទអង្គរ ដែលជាប្រាសាទដ៍ល្បីល្បាញរបស់កម្ពុជា។នៅវេលាព្រឹកព្រលឹមស្រាងៗ នាថ្ងៃទី២២ខែមីនាឆ្នាំ២០២៤នេះ ភ្ញៀវទេសចរជាតិ និងអន្តរជាតិ ជាច្រើនកុះករបានមកអង្គុយរង់ចាំទស្សនាទិដ្ឋភាពថ្ងៃរះនៅប្រាសាទអង្គរ។ ភ្ញៀវទេសចរខ្លះបានអង្គុយរង់ចាំ នៅបរិវេណច្រាំងកសិន្ធុខាងមុខប្រាសាទ ខ្លះចូលមកអង្គុយត្រៀបត្រានៅបណ្តាល័យ និងខ្លះទៀតឈរង់ចាំនៅលើរានហាល ក្បែរស្រះទឹកខាងជើង និងខាងត្បូងនៃប្រាសាទ ដើម្បីរង់ចាំទស្សនាទិដ្ឋភាព និងផ្តិតយករូបភាព ដ៏អស្ចារ្យថ្ងៃរះនៅប្រាសាទអង្គរវត្ត។អ្នកទេសចរ បានឱ្យដឹងស្រដៀងគ្នាថា ការមើលឃើញនូវព្រះអាទិត្យរះចំកំពូលប្រាសាទអង្គរ ពិតជាធ្វើឱ្យអារម្មណ៍រំភើប បើទោះបីថ្ងៃនេះមើលឃើញពន្លឺព្រះអាទិត្យមិនសូវរះច្បាស់ក៏ដោយ ដែលពួកគាត់មានមោទកភាពយ៉ាងខ្លាំងដែលបុព្វបុរសខ្មែរបានកសាងប្រាសាទអង្គរដ៏អច្ឆរិយៈបន្សល់ទុកឱ្យកូនខ្មែរជំនាន់ក្រោយបានស្គាល់។ បណ្ដាទេសចរបានបន្តថា ទោះបីជាធ្លាប់បានមកទស្សនាប្រាសាទអង្គរវត្តជាច្រើនលើកក៏ដោយ ប៉ុន្ដែពេលបានចូលមកទស្សនាថ្ងៃរះបានឃើញទិដ្ឋភាពស្រស់ស្អាតនៃប្រាសាទអង្គរធ្វើឱ្យអារម្មណ៍ស្រស់ថ្លា។ សូមបញ្ជាក់ថា ព្រឹត្ដិការណ៍ថ្ងៃរះចំកណ្ដាលប្រាសាទអង្គរ ឬហៅថា សមរាត្រី (Equinox) កើតឡើងចំនួន២ដងជារៀងរាល់ឆ្នាំ គឺសមរាត្រីរដូវប្រាំង (វសន្តរដូវ) កើតឡើងនៅថ្ងៃទី២១ ខែមីនា និងសមរាត្រីរដូវវស្សាកើតឡើងនៅថ្ងៃទី២២ ខែកញ្ញានេះ៕

អាជ្ញាធរខេត្តកំពតប្រារព្ធទិវាសម្អាតពិភពលោកលើកទី៧ដើម្បីផ្សព្វផ្សាយការថែរក្សាបរិស្ថាន

អាជ្ញាធរខេត្តកំពត សហការជាមួយមន្ទីរបរិស្ថានខេត្ត បានរៀបចំទិវាសម្អាតពិភពលោកលើកទី៧ ដើម្បីលើកកម្ពស់ការយល់ដឹងរបស់ប្រជាពលរដ្ឋឲ្យស្រឡាញ់បរិស្ថាន និងចូលរួមក្នុងការគ្រប់គ្រងសំរាម សំណល់រឹង រាវ និងបញ្ជ្រាបការយល់ដឹងអំពីផលប៉ះពាល់ នៃកំណើនបរិមាណសំរាមលើភពផែនដី ពិសេសបរិស្ថានខេត្តកំពត ដែលជាខេត្តគោលដៅទេសចរណ៍ដ៏ល្បីល្បាញរបស់កម្ពុជា ។ ប្រធានមន្ទីរបរិស្ថាន លោក អេង ប៉ូឡូ បានធ្វើលើកឡើងថា ការប្រារព្ធទិវាសម្អាតពិភពលោកលើកទី៧ (7th World Cleanup Day) ដែលនឹងប្រព្រឹត្តទៅ នៅថ្ងៃទី២១ ខែកញ្ញា ឆ្នាំ២០២៤ នៅបរិវេណរូបសំណាក់ត្រីសេះសមុទ្រ ខេត្តកំពតនេះ មានការអញ្ជើញចូលរួមពីគ្រប់ភាគីពាក់ព័ន្ធក្នុងខេត្ត ក្នុងគោលបំណង លើកកម្ពស់ការយល់ដឹងរបស់ប្រជាពលរដ្ឋឱ្យស្រឡាញ់បរិស្ថាន និងចូលរួមក្នុងការគ្រប់គ្រងសំរាម សំណល់រឹង រាវ ដោយបញ្ជ្រាបការយល់ដឹងអំពីផលប៉ះពាល់នៃកំណើនបរិមាណសំរាមលើភពផែនដី។ ទិវាសម្អាតពិភពលោក ជាវេទិកាដ៏ល្អប្រសើរមួយ ដែលផ្តល់ឱកាសដល់ប្រជាពលរដ្ឋ យុវជន សិស្សានុសិស្ស និង បុគ្គលិកមកពីគ្រប់ស្ថាប័នចូលរួមដើម្បីជាសារមួយជូនដល់សហគមន៍អន្តរជាតិថា “កម្ពុជាស្អាត ខ្មែរធ្វើបាន” ។ លោកប្រធានមន្ទីរបញ្ជាក់ថា ទិវាសម្អាតពិភពលោកលើកទី៧ រៀបចំឡើងស្របទៅ នឹងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលអាណត្តិទី៧ ក្នុងការកសាង និងពង្រឹងមូលដ្ឋានគ្រឹះ ដើម្បីពន្លឿនការអភិវឌ្ឍជាតិ និងគាំទ្រដល់យុទ្ធសាស្រ្តចក្រាវិស័យបរិស្ថាន រួមមាន៖ ភាពស្អាត ភាពបៃតង និងចីរភាព និងរួមចំណែកដល់យុទ្ធនាការទឹកស្អាត កាត់បន្ថយប្លាស្ទិក និងគោលដៅអភិវឌ្ឍន៍។ ឯកឧត្តម មឿង គង្គា អភិបាលរងខេត្តកំពត បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ទីរបរិស្ថានខេត្ត ដែលបានធ្វើការយ៉ាងសកម្ម ក្នុងការចូលរួមបង្កា ទប់ស្កាត់ និងថែរក្សាអភិរក្សបាននូវធនធានធម្មជាតិ ពិសេសបរិស្ថានស្អាតនៅគ្រប់តំបន់រមណីយដ្ឋាន និងភូមិដ្ឋានរបស់ប្រជាពលរដ្ឋទូទាំងខេត្ត។ ជាក់ស្តែងការរៀបចំទិវាសម្អាតពីភពលោកលើកទី៧នាពេលនេះ ពិតជាបានឆ្លើយតបទៅនឹងការចង់បានរបស់រាជរដ្ឋាភិបាល ក៏ដូចជារដ្ឋបាលខេត្តកំពត។ ឯកឧត្តមបញ្ជាក់ថា ខេត្តកំពតក្រោមការដឹកនាំរបស់ឯកឧត្តម ម៉ៅ ធនិន លោកបានខិតខំ និងយកចិត្តទុកដាក់យ៉ាងខ្លាំង ក្នុងការអភិវឌ្ឍន៍ខេត្ត ពិសេសជំរុញ និងលើកកម្ពស់វិស័យទេសចរណ៍ ធ្វើឲ្យមានកំណើនភ្ញៀវ កើនឡើងជាលំដាប់ ពីមួយឆ្នាំទៅមួយឆ្នាំ។ ដូច្នេះក្នុងនាមយើងគ្រប់គ្នាជាម្ចាស់ផ្ទះ ត្រូវចូលរួមសហការគ្នា ទាំងប្រជាពលរដ្ឋ អាជីវករ ក្រុមអ្នកផ្តល់សេវាទេសចរណ៍ ក្រុមការងារសម្អាតសំរាម ត្រូវចូលរួមសម្អាត ថែរក្សាបរិស្ថានអនាម័យឲ្យបានល្អ កាត់បន្ថយការប្រើប្រាស់ថង់ប្លាស្ទិក ពិសេសត្រូវគិតថាកំពតជាផ្ទះរបស់យើង ហើយមានតែយើងទេ ដែលអាចធ្វើឲ្យផ្ទះមួយនេះស្អាតជានិច្ចបាន៕

សារមន្ទីរឧក្រិដ្ឋកម្មប្រល័យពូជសាសន៍ទួលស្លែងប្រារព្ធពិធីបុណ្យភ្ជុំបិណ្ឌឧទ្ទិសកុសលជូនដល់វិញ្ញាណក្ខន្ធជនរងគ្រោះ

សារមន្ទីរឧក្រិដ្ឋកម្មប្រល័យពូជសាសន៍ទួលស្លែង នៃក្រសួងវប្បធម៌ និងវិចិត្រសិល្បៈ បានរៀបចំប្រារព្ធពិធីបុណ្យភ្ជុំបិណ្ឌ ដើម្បីឧទ្ទិសកុសលផលបុណ្យជូនដល់វិញ្ញាណក្ខន្ធជនរងគ្រោះ ដែលត្រូវបានសម្លាប់ក្នុងរបបប្រល័យពូជសាសន៍ប៉ុលពត។ជាកិច្ចចាប់ផ្តើមនៃកម្មពិធីបុណ្យភ្ជុំបិណ្ឌ ដើម្បីឧទ្ទិសកុសលផលបុណ្យជូនដល់វិញ្ញាណក្ខន្ធជនរងគ្រោះ ដែលត្រូវបានសម្លាប់ក្នុងរបបប្រល័យពូជសាសន៍ប៉ុលពត ខាងលើនេះ ថ្នាក់ដឹកនាំនៃក្រសួង ស្ថាប័ននានា នៃរាជរដ្ឋាភិបាលកម្ពុជា បានអញ្ជើញអុជធូបនៅព្រះភូមិ និងបង្សុកូលនៅបរិវេណផ្នូរសពទាំង១៤-អុជធូប នៅអគារទាំង៤ និងស្តូបនៃសារមន្ទីរទួលស្លែង-ពិធីដារពិស្តារ (ព្រះសង្ឃ ៧អង្គ) ក្នុងរោងពិធី។ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញជាអធិបតីក្នុងពិធីសូត្រមន្ត បង្សុកូល និងរាប់បាត្រ ដើម្បីឧទ្ទិសកុសលជូនដល់ជនរងគ្រោះដែលបាត់បង់ជីវិតក្នុងរបបប្រល័យពូជសាសន៍ ប៉ុល ពត នាឱកាសបុណ្យភ្ជុំបិណ្ឌនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ។ឆ្លៀតក្នុងឱកាសនោះ ឯកឧត្តមឧបនាយករដ្ឋមន្ត្រី សាយ សំអាល់ និងលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រី ព្រមទាំងថ្នាក់ដឹកនាំក្រសួងស្ថាប័ននានា នៃរាជរដ្ឋាភិបាលកម្ពុជា បានរាប់បាត្រព្រះសង្ឃចំនួន ៤៥ អង្គ ដើម្បីឧទ្ទិសកុសលជូនជនរងគ្រោះដែលបាត់បង់ជីវិតនៅគុកទួលស្លែង ឬហៅថាមនី្ទរ «ស ២១» ជាកន្លែងឃុំឃាំងសួរចម្លើយធ្វើទារុណកម្មយ៉ាងសាហាវព្រៃផ្សៃ និងសម្លាប់ក្រោយពេលបានបំពេញសំណុំឯកសារសេចក្ដីសារភាពចប់សព្វគ្រប់ និងនៅទូទាំងប្រទេស ក្នុងរបបប្រល័យពូជសាសន៍ ប៉ុល ពត (៣ឆ្នាំ ៨ខែ និង ២០ថ្ងៃ) ដែលបញ្ចប់ទៅកាលពី៤៥ឆ្នាំមុន។ឯកឧត្ដមឧបនាយករដ្ឋមន្ត្រី ក៏បានបួងសួងសូមឲ្យទេវតា និងវត្ថុស័ក្តិសិទ្ធិក្នុងលោកតាមថែរក្សា ប្រមុខរាជរដ្ឋាភិបាល និងប្រជាជនកម្ពុជា ឱ្យជួបតែសេចក្ដីសុខ វឌ្ឍនភាព និងពុទ្ធពរទាំង ៤ ប្រការ គឺអាយុ វណ្ណៈ សុខៈ និងពៈលៈ កុំបីឃ្លៀងឃ្លាតឡើយ៕ អត្ថបទ រដ្ឋា

ពលរដ្ឋចំនួន ២០០នាក់បន្តទស្សនកិច្ចទៅខេត្តទិសឦសាន ជើងទី៣ ស្វែងយល់ពីអធិបតេយ្យភាពជាតិ

ដំណើរទស្សនកិច្ចសិក្សារបស់ប្រជាពលរដ្ឋស្ម័គ្រចិត្ត មកកាន់ទិសឦសាន ដោយឥតគិតថ្លៃ ជើងទី៣ ត្រូវបានរៀបចំឡើងនៅថ្ងៃទី២១ ខែកញ្ញា ឆ្នាំ២០២៤ ដោយមានអ្នកចូលរួមជាង ៦០០ នាក់មកពីរាជធានីភ្នំពេញ ខេត្តតាកែវ ខេត្តកំពង់ស្ពឺ និងខេត្តព្រះវិហារ។ ជាដំណើរទស្សនកិច្ចដ៏មានសារៈសំខាន់ដើម្បីឱ្យសាធារណជនបានឃើញការស្វែងយល់ពីអធិបតេយ្យភាពជាតិ និងបូរណភាពទឹកដី ការបោះបង្គោលព្រំដែន និងការកសាងហេដ្ឋារចនាសម្ព័ន្ធនានានៅតាមខេត្តជាប់ព្រំដែន។ក្នុងតម្រាយផ្លូវទស្សនកិច្ចក្នុងភូមិសាស្ត្រខេត្តត្បូងឃ្មុំ ខេត្តក្រចេះ និងខេត្តមណ្ឌលគិរី នេះ អ្នកចូលរួមទាំងអស់មានឱកាសអញ្ជើញទៅពិនិត្យមើលដោយផ្ទាល់នូវបង្គោលព្រំដែននៅក្នុងទីតាំងចំនួន៧ ទីតាំង ដែលជាទីតាំងបង្គោលមេ ព្រមទាំងអញ្ជើញទៅពិនិត្យមើលដោយផ្ទាល់នូវទីតាំងបង្គោលសំខាន់ៗផ្សេងៗទៀត ដែលជាទីតាំងបង្គោលបំពេញបន្ថែម និងទីតាំងបង្គោលតម្រុយព្រំដែន។ ក្រៅពីដំណើរទស្សនកិច្ចរៀបចំដោយរដ្ឋាភិបាលក៏មានការរៀបចំដោយក្រសួងស្ថាប័នអង្គភាព និងក្រុមហ៊ុនឯកជននានាដើម្បីឱ្យមន្ត្រី និងបុគ្គលិករបស់ខ្លួនបានស្គាល់ច្បាស់ពីទឹកដី ដោយមិនលង់ក្នុងការបោកប្រាស់ និងការបំភ្លៃរបស់ក្រុមជ្រុលនិយមមួយក្តាប់តូចដែលតែងតែយកបញ្ហាព្រំដែន និងទឹកដីមកបន្លាច និងបង្កចលាចលសង្គម។ដំណើរទស្សនកិច្ចប៉ែកឦសាននេះ គឺជាសក្ខីកម្មរស់ដោយប្រជាពលរដ្ឋ ស្តីពីការពិត និងស្ថានភាពជាក់ស្តែងនៃការងារព្រំដែន ការគ្រប់គ្រងនិងការពារទឹកដី របស់រាជរដ្ឋាភិបាលកម្ពុជា។ ប្រជាពលរដ្ឋកម្ពុជាច្រើនឡើងៗ ជាពិសេសអ្នកដែលបានទៅដល់តំបន់ក្រវាត់ព្រំដែនដោយផ្ទាល់រួចហើយ បានចែករំលែកបទពិសោធន៍ល្អអំពីដំណើរទស្សនកិច្ចនេះដែលពោរពេញដោយការផ្តល់នូវចំណេះដឹង និងភាពសប្បាយរីករាយ ជាពិសេសការបង្កឱកាសបង្កើនសាមគ្គីភាពជាតិកម្ពុជាឱ្យកាន់តែរឹងមាំ សម្រាប់ចូលរួមថែរក្សាបូរណភាពទឹកដីឱ្យស្ថិតនៅគង់វង្សជាដរាបមិនឱ្យបាត់សូម្បី ១មីលីម៉ែត្រឡើយ។ជាងនេះទៀត សកម្មភាពនៃដំណើរទស្សនកិច្ចដែលទទួលបានការសាទរពីប្រជាពលរដ្ឋ និងយុវជនទាំងអស់ដែលបានចូលរួម ត្រូវបានផ្សព្វផ្សាយយ៉ាងទូលំទូលាយទាំងក្នុងនិងក្រៅប្រទេសកម្ពុជា ហើយត្រូវបានចាត់ទុកជាដំណើរទស្សនកិច្ចកម្រនិងមានសារៈសំខាន់។ ដំណើរទស្សនកិច្ចនេះបានក្លាយជាសាក្សីរស់ដ៏សំខាន់បញ្ជាក់ពីភាពច្បាស់លាស់ប្រាកដប្រជា និងឆន្ទៈមុះមុតរបស់រាជរដ្ឋាភិបាលកម្ពុជាក្នុងការបន្តបេសកកម្ម ដើម្បីការពារអធិបតេយ្យភាពជាតិ បូរណភាពទឹកដី និងបន្តធានាសុខសន្តិភាព និងស្ថិរភាពសង្គម-សេដ្ឋកិច្ចសម្រាប់ជាប្រយោជន៍ដល់ជាតិ និងប្រជាជនកម្ពុជាទាំងអស់។សូមរំឭកថា ដំណើរទស្សនកិច្ចនេះត្រូវបានបើកទូលាយសម្រាប់សាធារណជនទូទៅទាំងអស់ពីគ្រប់មជ្ឈដ្ឋានឱ្យចូលរួម ដោយឥតគិតថ្លៃ ដោយត្រូវបំពេញព័ត៌មានងាយៗតាមការចុះឈ្មោះអនឡាញ និងដោយអនុវត្តគោលការណ៍៖ ចុះឈ្មោះមុន បានចូលរួមមុន។ រីឯថវិកាសម្រាប់ការចំណាយ គឺជាការឧបត្ថម្ភដោយ សម្ដេចធីបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី ព្រមទាំងមានការចូលរួមពីសប្បុរសជន។ ថវិកានេះជាថវិកាផ្ទាល់ដោយឡែក របស់សម្តេចធិបតី និងលោកជំទាវ ដែលថវិកានេះ មិនពាក់ព័ន្ធនឹងថវិកាជាតិ ឬមូលនិធិកសាងហេដ្ឋារចនាសម្ព័ន្ធក្រវាត់ព្រំដែនឡើយ៕

សប្បុរសជនផ្តល់អំណោយជាគ្រឿងបរិភោគដល់រដ្ឋបាលខេត្តកំពង់ស្ពឺ សម្រាប់ត្រៀមទុកចែកជូនពលរដ្ឋរងគ្រោះ

សប្បុរសជននានា ដែលដឹកនាំដោយឯកឧត្តម យឿន យឿត ទីប្រឹក្សារាជរដ្ឋាភិបាលកម្ពុជា និង ជាទីប្រឹក្សាសម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានយកអំណោយជាគ្រឿងបរិភោគផ្តល់ជូនរដ្ឋបាលខេត្តកំពង់ស្ពឺ ដើម្បីត្រៀមបម្រុងទុកចែកជូនពលរដ្ឋក្រីក្រ និងពលរដ្ឋរងគ្រោះដោយសារគ្រោះធម្មជាតិ។អំណោយដែលជាអង្ករចំនួន១០តោន សារ៉ុងចំនួន១០០០ មីម៉ាម៉ាចំនួន៥០កេសធំនេះ គឺបានទទួលដោយផ្ទាល់ពីសំណាក់ ឯកឧត្តម ជាម ច័ន្ទសោភណ្ឌ អភិបាលគណៈអភិបាល ខេត្តកំពង់ស្ពឺ នាព្រឹកថ្ងៃទី២២ ខែកញ្ញា ឆ្នាំ២០២៤នេះនៅសាលាខេត្តកំពង់ស្ពឺ។បើតាមឯកឧត្តម យឿន យឿត បានឲ្យដឹងថា អំណោយដែលជាគ្រឿងបរិភោគនេះគឺ បានមកពីការរៃអង្គាស់គ្នាពីសប្បុរសជននានាទាំងក្នុង និងក្រៅប្រទេស និងក្រុមហ៊ុន ហុង ម៉េងជូ ដើម្បីផ្តល់ជូនដល់រដ្ឋបាលខេត្តកំពង់ស្ពឺទុកសម្រាប់ចែកជូនបងប្អូនក្រីក្រ និងរងគ្រោះ ធម្មជាតិ ជាពិសេសគឺរងគ្រោះដោយទឹកជំនន់តែម្តង។ក្រោយទទួលនូវអំណោយដែលជាជំនួយសប្បុរសធម៌នេះឯកឧត្តម ជាម ច័ន្ទសោភ័ណ្ឌ បានថ្លែងអំណរគុណចំពោះសប្បុរសជន ដែលបានផ្តល់ជូននាពេលនេះ ខណៈអំណោយ នេះនឹងរក្សាទុកសម្រាប់ចែកជូនដល់បងប្អូនប្រជាពលរដ្ឋក្រីក្រ និងរងគ្រោះនានាជាយថា ហេតុណាមួយ៕ អត្ថបទ៖ បាន ចក់

ឯកឧត្តម ហ៊ុន ម៉ានី៖ មិនថាការសម្រេចចិត្តណាមួយនោះទេ គោលដៅតែមួយគត់ គឺដើម្បីសេចក្តីសុខប្រជាជន និងភាពរីកចម្រើនរបស់ប្រជាជាតិកម្ពុជា

ភ្នំពេញ៖ ឯកឧត្ដម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានលើកឡើងថា មិនថាការសម្រេចចិត្តណាមួយនោះទេ ទោះជាកាលពី២៥ឆ្នាំមុន ឬក៏នៅពេលនេះក៏ដោយ គោលដៅតែមួយគត់ គឺដើម្បីសេចក្តីសុខរបស់ប្រជាជនកម្ពុជា និងភាពរីកចម្រើនរបស់ប្រជាជាតិកម្ពុជា។តាមរយៈបណ្ដាញសង្គមនាយប់ថ្ងៃទី២១ ខែកញ្ញា ឆ្នាំ២០២៤ ឯកឧត្ដម ឧបនាយករដ្ឋមន្ត្រី ហ៊ុន ម៉ានី បានសរសេរថា «CLV-DTA៖ មិនថាការ សម្រេចចិត្តណាមួយនោះទេ ទោះជាកាលពី២៥ឆ្នាំមុន ឬក៏នៅពេលនេះក៏ដោយ គោលដៅតែមួយគត់ គឺដើម្បីសេចក្តីសុខរបស់ប្រជាជនកម្ពុជា និងភាពរីកចម្រើនរបស់ប្រជាជាតិកម្ពុជា។ រយៈពេល២៥ ឆ្នាំកន្លងមកនេះ កិច្ចសហប្រតិបត្តិការតំបន់ ត្រីកោណអភិវឌ្ឍន៍ CLV-DTA ដែលជាគំនិតផ្ដួចផ្ដើមរបស់សម្ដេចអគ្គមហាសេនាបតីតេជោហ៊ុនសែន បានផ្ដល់នូវគុណប្រយោជន៍ និងការអភិវឌ្ឍជូនមកដល់កម្ពុជាជាច្រើនអនេក។ ប្រជាពលរដ្ឋដែលនៅតាមបណ្ដាតំបន់ទាំងនេះប្រាកដជាបានជ្រាបច្បាស់អំពីសារៈសំខាន់ និងអត្ថប្រយោជន៍ដែលកម្ពុជាទទួលបាន។ »ឯកឧត្តម ហ៊ុន ម៉ានី បានបញ្ជាក់បន្ថែមទៀតថា ទោះបីជាយ៉ាងនេះក្តី ប្រមុខថ្នាក់ដឹកនាំកំពូលរបស់កម្ពុជា និងរាជរដ្ឋាភិបាលកម្ពុជាក្រោមការដឹកនាំដ៏វាងវៃរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានគិតគូរយ៉ាងល្អិតល្អន់ ធ្វើយ៉ាងណាធានានិរន្តរភាពនៃសុខដុមរមនារបស់ប្រជាជនកម្ពុជា យល់ច្បាស់ពីកង្វល់ និងការខ្វល់ខ្វាយរបស់ប្រជាពលរដ្ឋ កាត់ផ្តាច់នូវមន្ទិលសង្ស័យទាំងឡាយ និងដើម្បីបញ្ចៀសនូវរាល់ការប៉ុនប៉ងក្នុងចេតនាអាក្រក់នានាដែលអាចផ្ដល់ហានិភ័យ ឬដែលនឹងអាចជះឥទ្ធិពលមិនល្អដល់សេចក្តីសុខរបស់ប្រជាជនកម្ពុជាជារួម។ ឯកឧត្តម ហ៊ុន ម៉ានី បានគាំទ្រយ៉ាងពេញទំហឹងចំពោះការសម្រេចចិត្តប្រកបដោយគតិបណ្ឌិត និងការគិតគូរយូរអង្វែងសម្រាប់ប្រជាជាតិកម្ពុជាលើការដកខ្លួនចេញពីតំបន់ត្រីកោណអភិវឌ្ឍន៍ CLV-DTA។

បណ្ដាញសង្គម

ព័ត៌មានថ្មីៗ

គ្រោះរាំងស្ងួតនៅស៊ែរប៊ី បង្កផលប៉ះពាល់ធ្ងន់ធ្ងរដល់ប្រជាកសិករ និងការចិញ្ចឹមសត្វ

សេចក្តីរាយការណ៍៖ អ៊ីស្រាអែល និងស៊ូដង់ខាងត្បូង ជជែកគ្នាពីការផ្ទេរជនប៉ាឡេស្ទីនទាំងបង្ខំ

យោធាអ៊ីស្រាអែល ប្រាប់ថា ខ្លួនបានយល់ព្រមលើផែនការ សម្រាប់ការវាយលុកថ្មី នៅហ្កាហ្សា

រុស្ស៊ីចាត់ទុកការទូតរបស់អឺរ៉ុប ជុំវិញបញ្ហាអ៊ុយក្រែនថា «មិនមានសារៈសំខាន់»

ទួរគី៖ កងជីវពលឃឺដ YPG គួរតែបញ្ឈប់ពន្យារពេលការធ្វើសមាហរណកម្មជាមួយស៊ីរី

មនុស្ស ២នាក់ស្លាប់ ក្រោយអគ្គិភ័យឆាបឆេះអគារផ្ទះល្វែងនៅទីក្រុង Bukit Merah ប្រទេសសិង្ហបុរី

អេស្តូនីបណ្តេញអ្នកការទូតរុស្ស៊ី ខណៈទីក្រុងមូស្គូ ប្រាប់ថា នឹងសងសឹក

ទីក្រុងម៉ានីល៖យន្តហោះចម្បាំងចិនហោះស្កាត់យន្តហោះហ្វីលីពីននៅលើតំបន់ថ្មប៉ប្រះទឹកជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ប្រតិភូសាលារាធានីភ្នំពេញចុះសួរសុខទុក្ខ និងចែកអំណោយដល់កងទ័ពជួរមុខតាមព្រំដែន

ដំណើរទស្សនកិច្ចខេត្តទិសឦសានលើកទី៣ បញ្ចប់ដោយជោគជ័យ ខណៈរាជរដ្ឋាភិបាលបន្តរៀបចំរហូតដល់បំណាច់ឆ្នាំ

អ្នកទេសចរច្រើនកុះករមកទស្សនាព្រឹត្ដិការណ៍ព្រះអាទិត្យរះចំកំពូលប្រាសាទអង្គរនៅថ្ងៃទី២២ កញ្ញានេះ

អាជ្ញាធរខេត្តកំពតប្រារព្ធទិវាសម្អាតពិភពលោកលើកទី៧ដើម្បីផ្សព្វផ្សាយការថែរក្សាបរិស្ថាន

ពលរដ្ឋចំនួន ២០០នាក់បន្តទស្សនកិច្ចទៅខេត្តទិសឦសាន ជើងទី៣ ស្វែងយល់ពីអធិបតេយ្យភាពជាតិ

សប្បុរសជនផ្តល់អំណោយជាគ្រឿងបរិភោគដល់រដ្ឋបាលខេត្តកំពង់ស្ពឺ សម្រាប់ត្រៀមទុកចែកជូនពលរដ្ឋរងគ្រោះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ប្រតិភូសាលារាធានីភ្នំពេញចុះសួរសុខទុក្ខ និងចែកអំណោយដល់កងទ័ពជួរមុខតាមព្រំដែន

ដំណើរទស្សនកិច្ចខេត្តទិសឦសានលើកទី៣ បញ្ចប់ដោយជោគជ័យ ខណៈរាជរដ្ឋាភិបាល​បន្តរៀបចំ​រហូតដល់បំណាច់ឆ្នាំ

អ្នកទេសចរច្រើនកុះករមកទស្សនាព្រឹត្ដិការណ៍ព្រះអាទិត្យរះចំកំពូលប្រាសាទអង្គរនៅថ្ងៃទី២២ កញ្ញានេះ

អាជ្ញាធរខេត្តកំពតប្រារព្ធទិវាសម្អាតពិភពលោកលើកទី៧ដើម្បីផ្សព្វផ្សាយការថែរក្សាបរិស្ថាន

ពលរដ្ឋចំនួន ២០០នាក់បន្តទស្សនកិច្ចទៅខេត្តទិសឦសាន ជើងទី៣ ស្វែងយល់ពីអធិបតេយ្យភាពជាតិ

សប្បុរសជនផ្តល់អំណោយជាគ្រឿងបរិភោគដល់រដ្ឋបាលខេត្តកំពង់ស្ពឺ សម្រាប់ត្រៀមទុកចែក​ជូនពលរដ្ឋរងគ្រោះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ដំណើរទស្សនកិច្ចខេត្តទិសឦសានលើកទី៣ បញ្ចប់ដោយជោគជ័យ ខណៈរាជរដ្ឋាភិបាលបន្តរៀបចំរហូតដល់បំណាច់ឆ្នាំ

សប្បុរសជនផ្តល់អំណោយជាគ្រឿងបរិភោគដល់រដ្ឋបាលខេត្តកំពង់ស្ពឺ សម្រាប់ត្រៀមទុកចែកជូនពលរដ្ឋរងគ្រោះ