BTV NEWS

ឯកឧត្ដមរដ្ឋមន្ត្រី ជា វ៉ាន់ដេត អញ្ជើញជាចូលរួមកម្មវិធីជាមួយវិស័យឯកជននិងទីភ្នាក់ងារជំនាញនៃប្រទេសម៉ាឡេស៊ី

ក្នុងជំនួបរវាងឯកឧត្តម Wang Yi រដ្ឋមន្រ្ដីការបរទេសកម្ពុជា និងថៃ, ភាគីទាំងបីសម្រេចបានកុងសុងស៊ីសចំនួន៥ចំណុច

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងផ្តល់អំណោយមនុស្សធម៌ជូនក្រុមគ្រួសាររបស់វីរៈយុទ្ធជន ៦រូប រស់នៅខេត្តសៀមរាប ដែលត្រូវបានចាប់ខ្លួនក្រោយមានបទឈប់បាញ់

ឯកឧត្តម ហ៊ុន ម៉ានី៖កាលៈទេសៈនេះដើម្បីជម្នះបានទាំងឧបសគ្គចំពោះមុខ និងតទៅអនាគតយូរអង្វែង អ្វីដែលត្រូវធ្វើ គឺការខិតខំប្រឹងប្រែងពង្រឹងសមត្ថភាពខ្លួនយើងឱ្យមានភាពរឹងមាំ

ព័ត៌មានជាតិ

គណៈប្រតិភូជាន់ខ្ពស់រដ្ឋសភាកម្ពុជា អញ្ជើញទស្សនាមហាកំផែងចិន

បន្ទាប់ពីអញ្ជើញដល់សាធារណរដ្ឋប្រជាមានិតចិន នៅព្រឹកថ្ងៃទី២៣ ខែកញ្ញា ឆ្នាំ២០២៤នេះ គណៈប្រតិភូជាន់ខ្ពស់រដ្ឋសភាកម្ពុជា ដឹកនាំដោយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញទស្សនាមហាកំផែង ដែលជាកន្លែងប្រវត្តិសាស្ត្រដ៏ល្បីរបស់ប្រទេសចិន និងជាបេតិកភណ្ឌពិភពលោកមួយដែលបានទាក់ទាញអ្នកទេសចររាប់សិបលាននាក់មកទស្សនាក្នុងមួយឆ្នាំៗ។ដំណើរទស្សនកិច្ច គណៈប្រតិភូជាន់ខ្ពស់រដ្ឋសភាកម្ពុជានៅមហាកំផែងចិន នៅក្នុងគោលបំណងភ្ជាប់ទំនាក់ទំនងអរិយធម៌ដ៏ចំណាស់ សប្បូរបែប និងយូរលុងប្រទេសទាំងពីរ និងក៏ជាការភ្ជាប់ទំនាក់ទងប្រជាជន និងប្រជាជន ដែលជាគ្រឹះនៃការពង្រឹងកិច្ចសហប្រតិបត្តិការទំាងវិស័យការទូតសភា ទេសចរណ៍ វប្បធម៌ សេដ្ឋកិច្ច ពាណិជ្ជកម្ម ជាដើម។ ឆ្នាំ២០២៤ ជាឆ្នាំនៃការផ្លាស់ប្តូរប្រជាជន និងប្រជាជន ដែលរដ្ឋាភិបាលប្រទេសទំាងពីរ បានដាក់ចេញក្នុងផែនការកសាងសហគមន៍ជោគវាសនារួម កិច្ចសហប្រតិបត្តិត្បូងពេជ្រ ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់។មហាកំផែងចិន បានសាងសង់នៅដើមសតវត្សរ៍ទី៣ មុនគ.ស មានប្រវែងសរុប ២១,១៩៦ គីឡូម៉ែត្រ មានទទឹងប្រែប្រួលតាមផ្នែកនីមួយៗ ចន្លោះពី ៤ ទៅ៩ ម៉ែត្រ។ មហាកំផែង បានបញ្ចូលទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូក្នុងឆ្នាំ១៩៨៧។សូមជម្រាបថា តបតាមការអញ្ជើញរបស់ ឯកឧត្តម ចាវ ឡឺជី (Zhao Leji) ប្រធានសភាតំណាងប្រជាជនចិន សម្តេចមហារដ្ឋសភាធិការធិបតី ឃួន សុដារី បានដឹកនាំគណៈប្រតិភូជាន់ខ្ពស់រដ្ឋសភា នៃព្រះរាជាណាចក្រកម្ពុជា ទៅបំពេញទស្សនកិច្ចផ្លូវការ និងមិត្តភាព នៅសាធារណរដ្ឋប្រជាមានិតចិន រយៈពេល៥ថ្ងៃចាប់ពីថ្ងៃទី២២ ដល់ថ្ងៃទី២៦ ខែកញ្ញា ឆ្នាំ២០២៤ ដើម្បីពង្រឹងពង្រីកចំណងមិត្តភាព និងកិច្ចសហប្រតិបត្តិការសភា នៃប្រទេសទាំងពីរឱ្យកាន់តែរឹងមាំ ស៊ីជម្រៅ និងគ្រប់ជ្រុងជ្រោយឡើង ទាំងក្នុងក្របខណ្ឌទ្វេភាគី និងពហុភាគី។ នៅរសៀលថ្ងៃទី២៣ ខែកញ្ញានេះ សម្តេចរដ្ឋសភាធិការធិបតី នឹងជួបពិភាក្សាការងារទ្វេភាគី ជាមួយ ឯកឧត្តម ចាវ ឡឺជី ហើយបន្ទាប់មក ប្រធានរដ្ឋសភាប្រទេសទំាងពីរនឹងចុះហត្ថលេខាលើកិច្ចព្រមព្រៀងស្តីពីកិច្ចសហប្រតិបត្តិការរវាងរដ្ឋសភាប្រទេសទំាងពីរ និងធ្វើជាអធិបតីភាពក្នុងពិធីចុះអនុស្សរណៈនៃការយោគយល់គ្នារវាងអគ្គលេខាធិការដ្ឋានរដ្ឋសភាកម្ពុជានិងចិន ផងដែរ៕

ជប៉ុនផ្តល់ឥណទានជាង ៥៤ លានដុល្លារ សម្រាប់ពង្រីកខ្សែបញ្ជូន និងចែកចាយអគ្គិសនីនៅភ្នំពេញ

ជប៉ុនឥណទានសម្បទាន សម្រាប់គម្រោងពង្រីកប្រព័ន្ធខ្សែបញ្ជូន និងចែកចាយនៅរាជធានីភ្នំពេញជំហានទី២ ជាកញ្ចប់ឥណទាន ទី៣ មានទឹកប្រាក់ជាង ៥៤ លានដុល្លារ សម្រាប់សាងសង់អនុស្ថានីយអគ្គិសនី និងប្រព័ន្ធខ្សែបញ្ជូនអគ្គិសនីតភ្ជាប់ទៅតំបន់ច្បារអំពៅ។ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាភាគីហត្ថលេខីតំណាងរាជរដ្ឋាភិបាលកម្ពុជា និង ឯកឧត្តម SANUI Kazumasa ប្រធានទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន (JICA) ប្រចាំព្រះរាជាណាចក្រកម្ពុជា ជាភាគីហត្ថលេខីតំណាងរាជរដ្ឋាភិបាលជប៉ុន នៅថ្ងៃទី ២៣ ខែ កញ្ញា ឆ្នាំ២០២៤នេះ, បានចុះហត្ថលេខាលើកិច្ចព្រមព្រៀងឥណទាន សម្បទាន សម្រាប់គម្រោងពង្រីកប្រព័ន្ធខ្សែបញ្ជូន និងចែកចាយនៅរាជធានីភ្នំពេញជំហានទី២ ដែលជាកញ្ចប់ឥណទានទី ៣ មាន ទឹកប្រាក់ចំនួន ៧ ៩៨៨ លានយ៉េនជប៉ុន ត្រូវជាប្រមាណ ៥៤,៣ លានដុល្លារអាម៉េរិក។គម្រោងពង្រីកប្រព័ន្ធខ្សែបញ្ជូន និងចែកចាយនៅរាជធានីភ្នំពេញជំហានទី២នេះ មានគោលបំណងពង្រឹងស្ថេរភាព និងពង្រីក សមត្ថភាពក្នុងការផ្គត់ផ្គង់អគ្គិសនីនៅរាជធានីភ្នំពេញ តាមរយៈការសាងសង់អនុស្ថានីយអគ្គិសនីថ្មី, ការសាងសង់ប្រព័ន្ធខ្សែបញ្ជូន អគ្គិសនីអាកាស តង់ស្យុងខ្ពស់, និងការសាងសង់ប្រព័ន្ធខ្សែបញ្ជូន អគ្គិសនីបង្កប់ក្រោមដី តង់ស្យុងខ្ពស់ និងមធ្យម ដើម្បីការធ្វើឱ្យប្រសើរឡើង នូវអនុស្ថានីយអគ្គិសនីដែលមានស្រាប់ផងដែរ។ ជាមួយគ្នានេះ កញ្ចប់ឥណទានទី៣នេះ គឺជាហិរញ្ញប្បទានបំពេញ បន្ថែម សម្រាប់ការងារសាងសង់អនុស្ថានីយអគ្គិសនី និងប្រព័ន្ធខ្សែបញ្ជូនអគ្គិសនីបន្តបន្ទាប់ទៀតដែលតភ្ជាប់ទៅតំបន់ច្បារអំពៅ។ជុំវិញគម្រោងខាងលើនេះ, ឯកឧត្តម រស់ សីលវ៉ា បានថ្លែងអំណរគុណដល់រដ្ឋាភិបាល និងប្រជាជនជប៉ុន និងគ្រប់ស្ថាប័ន ពាក់ព័ន្ធរបស់រដ្ឋាភិបាលជប៉ុន ជាពិសេសទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ដែលតែងតែបានផ្តល់នូវកិច្ច សហប្រតិបត្តិការដ៏ល្អប្រសើរ និងបានចូលរួមគាំទ្រដល់កិច្ចអភិវឌ្ឍន៍សង្គម-សេដ្ឋកិច្ចកម្ពុជា ដែលបានបន្តផ្តល់ហិរញ្ញប្បទានសម្រាប់កិច្ចសហប្រតិបត្តិការអភិវឌ្ឍន៍ផ្លូវការ (ODA) ដោយបានឆ្លើយតបចំទិសដៅនៃកម្មវិធីគោលនយោបាយអាទិភាពរបស់រាជរដ្ឋាភិបាល កម្ពុជា និងយុទ្ធសាស្រ្តបញ្ចកោណដំណាក់កាលទី១ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា៕ អត្ថបទ៖ សុន រ៉ាឌី

អបអរសាទរ! ប្រៃសណីយ៍កម្ពុជាដែលបានឈ្នះពានរង្វាន់ពីសហភាពប្រៃសណីយ៍សកល (Universal Postal Union - UPU)

កាលពីថ្ងៃទី១៣ ខែកញ្ញា ឆ្នាំ២០២៤ ក្នុងវេទិកា TradePost Forum នៅទីក្រុងហ្សឺណែវ ប្រទេសស្វីស សហភាពប្រៃសណីយ៍សកល (Universal Postal Union - UPU) បានផ្តល់ពានរង្វាន់ Global Alliance for Trade Facilitation (GATF) Trade Facilitation Innovation Award ជូនប្រៃសណីយ៍កម្ពុជាសម្រាប់គម្រោងរបស់ខ្លួន ស្តីពី e-costoms clearance platform for postal shipment។ ពានរង្វាន់របស់ UPU នេះ ត្រូវបានផ្តល់ដល់ស្ថាប័នដែលមានគំនិតផ្តួចផ្តើម ឬវិធានការសាធារណៈ និងឯកជន សំដៅជំរុញគម្រោងសម្រួលពាណិជ្ជកម្មប្រកបដោយនវានុវត្តន៍ តាមរយ:បណ្តាញប្រៃសណីយ៍។ការទទួលបានពានរង្វាន់នេះដោយសារប្រៃសណីយ៍កម្ពុជាបានភ្ជាប់ដោយជោគជ័យប្រព័ន្ធប្រតិវេទន៍គយ (Customs Declaration System-CDS) របស់សហភាពប្រៃសណីយ៍សកល (UPU) ជាមួយប្រព័ន្ធស្វ័យប្រវត្តិកម្មទិន្នន័យគយ(ASYCUDA) របស់អគ្គនាយកដ្ឋានគយនិងរដ្ឋាករ ដែលផ្តល់លទ្ធភាពសម្រាប់ការផ្លាស់ប្តូរព័ត៌មានរវាងគ្នា ឆ្លើយតបនឹងការបញ្ចេញវត្ថុបញ្ញើ គាំទ្រដល់កិច្ចព្រមព្រៀងសម្របសម្រួលពាណិជ្ជកម្មរបស់ WTO សម្រាប់ដំណើរការជាមុន មុនបញ្ញើប្រៃសណីយ៍មកដល់ ដោយធ្វើឱ្យមានសុខដុមនីយកម្មនៃប្រព័ន្ធទាំងពីរ ដោយប្រើបច្ចេកទេសគ្រប់គ្រងហានិភ័យទំនើប ផ្សារភ្ជាប់នឹងនីតិវិធី និងការអនុវត្តរបស់អន្តរជាតិ។

នាវាកងទ័ពជើងទឹកអង់គ្លេស ចូលចតធ្វើទស្សនកិច្ចលើកកម្ពស់ទំនាក់ទំនង និងពង្រឹងកិច្ចសហប្រតិបត្ដិការ

នាវាកងទ័ពជើងទឹកអង់គ្លេស ១គ្រឿង បានចូលចតដល់កំពង់ផែស្វយ័តក្រុងព្រះសីហនុ ថ្ងៃទី២៣ ខែកញ្ញា ឆ្នាំ២០២៤ ប្រកបដោយសុវត្ថិភាព ក្នុងដំណើរទស្សនកិច្ចលើកកម្ពស់ទំនាក់ទំនង និងពង្រឹងកិច្ចសហប្រតិបត្តិការល្អ រវាងកងទ័ពជើងទឹកប្រទេសទាំងពីរកម្ពុជា-អង់គ្លេស ។នៅក្នុងឱកាសទទួលស្វាគមន៍នៅកំពង់ផែ លោកវរនាវីឯក មាន សាវឿន នាយសេនាធិការរងមូលដ្ឋានសមុទ្ររាម ប្រាប់ថា លោកបានដឹកនាំនាយនាវីចំនួន ៤២រូប អញ្ជើញទៅទទួលស្វាគមន៍ នាវាកងទ័ពជើងទឹកអង់គ្លេស ឈ្មោះ HMS SPEY (P234) ដឹកនាំដោយលោកវរនាវីទោ ប៉ូល ខេដឌី (Cdr Paul Caddy) មេបញ្ជាការនាវា និងកងនាវិក ៦៣រូប ។ ការចូលចតរបស់នាវាកងទ័ពជើងទឹកអង់គ្លេស នាពេលនេះ ក្នុងដំណើរបំពេញទស្សនកិច្ចជាផ្លូវការនៅព្រះរាជាណាចក្រកម្ពុជារយៈពេល ០៥ថ្ងៃ ចាប់ពីថ្ងៃទី២៣ ដល់ថ្ងៃទី២៧ ខែកញ្ញា ឆ្នាំ២០២៤ ក្នុងគោលបំណង ដើម្បីពង្រឹងទំនាក់ទំនងការទូតប្រទេសទាំងពីរ ដើម្បីបង្កើនចំណងសាមគ្គីភាព មិត្តភាព និងកិច្ចសហប្រតិបត្តិការល្អ រវាងកងទ័ពជើងទឹកប្រទេសទាំងពីរកម្ពុជា-អង់គ្លេស ឱ្យកាន់តែល្អប្រសើរឡើង ។លោក បន្ដថា នាវានេះ មានបណ្តោយជាង ៩០ម៉ែត្រ ទទឹងជាង ១៣ម៉ែត្រ កម្ពស់ជាង ៣០ម៉ែត្រ ជម្រៅទឹកជាង ៤ម៉ែត្រ ។ ក្នុងដំណើរទស្សនកិច្ចរបស់នាវាកងទ័ពជើងទឹកអង់គ្លេសនាពេលនេះ គណៈប្រតិភូបានចូលជួបសម្ដែងការគួរសមជាមួយឯកឧត្ដម ឧត្តមនាវីទោ ម៉ី ឌីណា មេបញ្ជាការមូលដ្ឋានសមុទ្ររាម និងជួបសំដែងការគួរសមជាមួយលោកម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងមានការហ្វឹកហាត់រួមគ្នារវាងកងទ័ពជើងទឹកកម្ពុជា និងកងទ័ពជើងទឹកប្រទេសអង់គ្លេស មានកម្មវិធីសប្បុរសធម៌ វប្បធម៌ ការប្រកួតកីឡារួមគ្នា និងដំណើរទស្សនាការអភិវឌ្ឍរបស់ខេត្ត ក៏ដូចជាតំបន់ទេសចរណ៍នានាក្នុងក្រុងព្រះសីហនុ។ល។

រដ្ឋមន្ត្រីក្រសួងបរិស្ថាន ចុះសួរសុខទុក្ខ និងនាំយកគ្រឿងឧបភោគបរិភោគ និងសម្ភារៈប្រើប្រាស់ជូនដល់នាយទាហាន នាយទាហានរង និងពលទាហាន នៃយោធភូមិភាគទី១

ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញចុះសួរសុខទុក្ខ និងសំណះសំណាល ដោយរួមមាន គ្រឿងឧបភោគ បរិភោគ និងសម្ភារៈប្រើប្រាស់ជូនដល់នាយទាហាន នាយទាហានរង និងពលទាហាន នៃយោធភូមិភាគទី១ នៅបញ្ជាការដ្ឋានយោធភូមិភាគទី១ ខេត្តស្ទឹងត្រែង នាឱកាសពិធីកាន់បិណ្ឌវេនទី៦នៃពិធីបុណ្យភ្ជុំបិណ្ឌ ដើម្បីរួមចំណែកកិច្ចការពារជាតិ ការពារប្រជាជន រក្សាសន្តិសុខ សណ្តាប់ធ្នាប់សង្គម ស្របតាមពាក្យស្លោក ការពារជាតិដើម្បីទាំងអស់គ្នា ទាំងអស់គ្នាដើម្បីការពារជាតិ នៅថ្ងៃទី២៣ ខែកញ្ញា ឆ្នាំ២០២៤។ជាមួយគ្នានេះ ឯកឧត្តមរដ្ឋមន្រ្តីក្រសួងបរិស្ថាន ក៏បានពាំនាំនូវការផ្តាំផ្ញើសួរសុខទុក្ខដល់នាយទាហាន នាយទាហានរង និងពលទាហាននៃយោធភូមិភាគទី១ទាំងអស់ ពីសំណាក់សម្តេច អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលសម្តេចទាំងពីរបានយកចិត្តទុកដាក់បំផុតចំពោះសុខទុក្ខ និងគិតគូដល់សុខភាព និងជីវភាពរស់នៅរបស់បងប្អូនកងយោធពលខេមរភូមិន្ទ ឈរជើងនៅសមរភូមិមុខ និងក្រុមគ្រួសារទ័ពនៃយោធភូមិភាគទី១ ក៏ដូចនាយទាហាន នាយទាហានរង និងពលទាហានតាមបណ្តោយបន្ទាត់ព្រំដែនកម្ពុជា ដែលបានលះបង់អ្វីៗគ្រប់បែបយ៉ាងរួមទាំងជីវិត និងសេចក្តីសុខផ្ទាល់ខ្លួនដើម្បីជាតិ និងបូរណភាពដែនដី។គួររម្លឹកថា គ្រឿងឧបភោគ បរិភោគ និងសម្ភារៈប្រើប្រាស់ សម្រាប់ទីបញ្ជាការដ្ឋានយោធភូមិភាគទី១ និងមន្ត្រីឧទ្យានុរក្សដែលប្រចាំការក្នុងភូមិសាស្ត្រខេត្តស្ទឹងត្រែងរួមមាន អង្ករ មី ប្រេងឆា ទឹកស៊ីអ៊ីវ ទឹកត្រី ត្រីខ ទឹកដោះគោខាប់ ស្ករស ប៊ីចេង អំបិល ឆៃប៉ូវប្រៃ ខ្ទឹមស ទឹកក្រូចចម្រុះ និងទឹកសុទ្ធព្រមទាំងឧបត្ថម្ភជូនកងយោធភូមិភាគទី១ ជាថវិកាសរុបចំនួន ២៥,០០០,០០០ រៀល និងមានការរួមចំណែកពីអ្នកឧកញ៉ាអគ្គនាយកក្រុមហ៊ុន អាន ម៉ារឌី គ្រុប ផ្ដល់ថវិកាជួសជុលអគារស្នាក់នៅរបស់កងទ័ពចំនួន០១ខ្នង តម្លៃ២៥០០ដុល្លារ ឃ្លាំងសម្ភារៈ ចំនួន០១ខ្នង តម្លៃ២៥០០ដុល្លារ និងអាគុយកម្លាំង ១០០អំពែ ចំនួន ២០ធុង ដែលសរុបទឹកប្រាក់អស់ ៦១ ៤០០ ០០០រៀល និង៧០០០ដុល្លារសហរដ្ឋអាម៉េរិក៕

មន្ត្រីជំនាញចុះពិនិត្យតំបន់ជន់លិច និងសិក្សាជាក់ស្ដែងលើលទ្ធភាពអនុវត្តកិច្ចគាំពារឆ្លើយតបនឹងគ្រោះអាសន្ន

មន្ត្រីជំនាញ រួមមានអគ្គលេខាធិការក្រុមប្រឹក្សាជាតិគាំពារសង្គម ក៏ដូចជាថ្នាក់ដឹកនាំមូលនិធិជាតិជំនួយសង្គម បានចុះទៅពិនិត្យមើលជាក់ស្ដែង នៅតំបន់រងការជន់លិច ក្នុងភូមិសាស្ត្រខេត្ត ក្រចេះ។ ការចុះពិនិត្យនេះ មានគោលដៅសំខាន់ ក្នុងការវាយតម្លៃសូចនាករ ក្នុងដូចជាសិក្សាជាក់ស្ដែងលើលទ្ធភាពអនុវត្តកិច្ចគាំពារសង្គមឆ្លើយតប គ្រោះអាសន្ន ដែលកម្ពុជា បានបង្កើតកិច្ចគាំពារនេះឡើងកាលពី ខែកញ្ញា ឆ្នាំ ២០២៣។រយៈពេលប៉ុន្មានថ្ងៃមកនេះ ការជន់លិចបានកើតមានឡើងនៅតាមបណ្ដាខេត្តមួយចំនួនរបស់កម្ពុជា ដើម្បីឆ្លើតតបលើបញ្ហានេះ មន្ត្រីចាប់រាប់ពី ថ្នាក់ភូមិ ឃុំ រហូតដល់មន្ត្រីថ្នាក់ជាតិ កំពុងយកចិត្តទុកដាក់ និងចុះបំពេញការងារជាក់ស្ដែងទៅតាមមុខជំនាញការងាររបស់ខ្លួន។ ជាក់ស្ដែងកាលពីចុងសប្ដាហ៍កន្លងទៅនេះ ឯកឧត្តម ចន ណារិទ្ធ អគ្គលេខាធិការក្រុមប្រឹក្សាជាតិគាំពារសង្គម រួមទាំងវត្តមាន អគ្គនាយកមូលនិធិជាតិជំនួយសង្គម និងមន្ត្រីជាច្រើនរូប បានចុះទៅតំបន់រងការជន់លិច ក្នុងភូមិសាស្ត្រខេត្ត ក្រចេះ ដើម្បីពិនិត្យមើលពីភាពជាក់ស្ដែង ដើម្បីវាយតម្លៃកម្រិតសូចនាករនៃក្របខណ្ឌកិច្ចគាំពារសង្គមឆ្លើយតបនឹងគ្រោះអាសន្ន ក្នុងស្ថានភាពដែលមានជំនន់កើតឡើងនេះ។ ទន្ទឹមគ្នានេះដែរ ការចុះទៅផ្ទាល់នេះ ក៏ដើម្បី ពិនិត្យស្ថានភាពអនុវត្តកម្មវិធីជាតិជំនួយសង្គម ក្នុងកញ្ចប់គ្រួសារ និងមូលនិធិសមធម៌សុខាភិបាល។សូមជម្រាបថា ក្របខណ្ឌកិច្ចគាំពារសង្គមឆ្លើយតបនឹងគ្រោះអាសន្ន ជាគំនិតផ្តួចផ្តើមក្នុងការប្រើប្រាស់ ប្រព័ន្ធគាំពារសង្គម ដើម្បីផ្តល់កិច្ចគាំពារដែលមានលក្ខណៈជាប្រព័ន្ធ, អាចព្យាករទុកមុន, ទាន់ពេល និងមានប្រសិទ្ធភាព ជូនដល់ពលរដ្ឋពិសេសគឺគ្រួសារក្រីក្រ និងគ្រួសារងាយរងហានិភ័យ ដើម្បីឆ្លើយតបនឹង គ្រោះអាសន្នធម្មជាតិ, វិបត្តិម៉ាក្រូសេដ្ឋកិច្ច និងហិរញ្ញវត្ថុ និងវិបត្តិសុខភាពសាធារណៈ ទាំងក្នុង អំឡុងពេលគ្រោះអាសន្នដើម្បីរក្សាលំនឹងជីវភាព និងក្រោយគ្រោះអាសន្នដើម្បីស្តារជីវភាពឡើងវិញ។ លើសពីនេះ គឺបង្កើតយន្តការសម្របសម្រួលដែលមានភាពប្រទាក់ក្រឡាគ្នា រវាងវិធានការអន្តរាគមន៍ និងវិធានការផ្សេងទៀត ដែលបានដាក់ចេញដោយស្ថាប័នមានសមត្ថកិច្ច និងស្ថាប័នមនុស្សធម៌ ដូចជាគណៈកម្មាធិការជាតិ គ្រប់គ្រងគ្រោះមហន្តរាយ និងកាកបាទក្រហមកម្ពុជាជាដើម សម្រាប់ឆ្លើយតបនឹងគ្រោះអាសន្ន តាមរយៈការធ្វើសុខដុមនីយកម្មយន្តការអនុវត្តកម្មវិធីដើម្បីបំពេញគ្នា ប្រកបដោយប្រសិទ្ធភាព៕ អត្ថបទ៖ គឹម ហុក

និស្សិតមហាវិទ្យាល័យសិល្បៈសូនរូប ១៨៣នាក់ឡើងការពារស្នាដៃបញ្ចប់បរិញ្ញាបត្រឆ្នាំសិក្សា២០២៣-២០២៤

និស្សិតមហាវិទ្យាល័យសិល្បៈសូនរូប នៃសាកលវិទ្យាល័យភូមិន្ទវិចិត្រសិល្បៈ ចំនួន១៨៣នាក់ បានឡើងការពារស្នាដៃបញ្ចប់បរិញ្ញាបត្រឆ្នាំសិក្សា២០២៣-២០២៤ ជំនាន់ទី២៦ ឯកទេសតុបតែងលម្អ នៃស្ថាបត្យកម្ម, ជំនាន់ទី៣២ ឯកទេសវិចិត្រកម្ម, ជំនាន់ទី៣០ ឯកទេសចម្លាក់ និងជំនាន់ទី១៥ ឯកទេសគំនូរសារគមនាគមន៍, នាព្រឹកថ្ងៃទី២៣ ខែកញ្ញា ឆ្នាំ២០២៤នេះ។លោកសាស្រ្តាចារ្យ សុផុន សំខាន់ ព្រឹទ្ធបុរសមហាវិទ្យាល័យសិល្បៈសូនរូប បានលើកឡើងថា ក្នុងឆ្នាំសិក្សា២០២៣-២០២៤ មិនខុសពីឆ្នាំសិក្សាមុនៗ ដែលមហាវិទ្យាល័យសិល្បៈសូនរូប តែងតែរៀបចំឲ្យមានការប្រឡងបញ្ចប់បរិញ្ញាបត្រដល់និសិ្សតដែលបានរៀនចប់ ដោយជោគជ័យក្នុងថ្នាក់បរិញ្ញាបត្រឆ្នាំទី៤។ ក្នុងរយៈពេល៨ខែ នៃការធ្វើស្នាដៃប្រឡងបញ្ចប់ដែលគិតចាប់ពីខែធ្នូ ឆ្នាំ២០២៣ មកដល់ថ្ងៃទី២៣ ខែកញ្ញា ឆ្នាំ២០២៤នេះ និសិ្សតទាំងអស់ពុះពារការលំបាក ដោយឈរលើស្មារតីទទួលខុសត្រូវខ្ពស់ក្នុងការបំពេញភារកិច្ចដែលសាមីខ្លួនត្រូវប្រឡង រហូតដល់បានបញ្ចប់កិច្ចការជាស្ថាពរយកមកដាក់ការពារ នៅចំពោះមុខឯកឧត្តម លោក លោកស្រី ដែលជាគណៈកម្មការកំណែនាថ្ងៃនេះ។ និសិ្សតដែលជាបេក្ខជនត្រូវប្រឡងក្នុងឆ្នាំនេះ សរុបមានចំនួន ១៨៣នាក់ ក្នុងនោះមាន៖ ឯកទេសតុបតែងលំអ នៃស្ថាបត្យកម្ម មានចំនួន១១៣នាក់ នារី៨៥នាក់, ឯកទេសគំនូរសារគមនាគមន៍ មានចំនួន៤៧នាក់ នារី១៦នាក់, ឯកទេសវិចិត្រកម្ម មានចំនួន៧នាក់ នារី៤នាក់, ឯកទេសចម្លាក់ មានចំនួន២នាក់ និងលោកគ្រូ អ្នកគ្រូ បំពេញយកបរិញ្ញាបត្រសូនរូប មានចំនួន១៤នាក់ នារី៨នាក់។ឆ្លៀតក្នុងឱកាសនោះឯកឧត្តម សោម សុគន្ធ រដ្ឋលេខាធិការ តំណាងលោកជំទាវបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ បានថ្លែងថា ក្នុងនាមក្រុមប្រឹក្សាភិបាល ដ៏ដូចជាតំណាងក្រសួងវប្បធម៌ និងវិចិត្រសិល្បៈ ពិតជាមានកិត្តិយសបានចូលរួមក្នុងពិធីបើក និងបិទនៃការប្រឡងបញ្ចប់បរិញ្ញាបត្រតាមបណ្តាមហាវិទ្យាល័យនីមួយៗ ក៏ដូចជាមហាវិទ្យាល័យសិល្បៈសូនរូប ក្នុងការប្រឡងបញ្ចប់ចុងក្រោយគេប្រចាំឆ្នាំ ក្នុងចំណោមមហាវិទ្យាល័យទាំង៥ នៃសាកលវិទ្យាល័យភូមិន្ទវិចិត្រសិល្បៈ។ ប៉ុន្តែអ្វីដែលមិនអាចបំភ្លេចបាននោះ គឺការខិតខំប្រឹងប្រែងរបស់លោកព្រឹទ្ធបុរស និងលោកសាស្រ្តាចារ្យ ព្រឹទ្ធាចារ្យ ដែលខិតខំផ្ទេរចំណេះជំនាញទៅដល់ក្មួយៗនិសិ្សត។ជាចុងក្រោយឯកឧត្តមបណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្រសិល្បៈ បានណែនាំដល់និស្សិតបេក្ខជនឡើងការពារស្នាដៃប្រឡងបញ្ចប់នាថ្ងៃនេះ ត្រូវសិក្សាស្វែងយល់ឲ្យច្បាស់អំពីប្រវតិ្តសាស្រ្ត ប្រវតិ្តសិល្បៈខ្មែរ ដើម្បីជៀសវាងនៅពេលសរសេរសារណា និងឡើងការពារកុំឲ្យខុសខ្លឹមសារ។ ដូច្នេះទាមទារឲ្យមានការរៀនអំពីចំណេះដឹងទូទៅផ្នែកប្រវតិ្តសាស្រ្ត ប្រវតិ្តសិល្បៈខ្មែរ និងសូមកុំផ្តោតលើជំនាញខ្លាំងពេក៕ អត្ថបទ រដ្ឋា

ព្រះរាជពិធីសម្ពោធវិមានរដ្ឋធម្មនុញ្ញនឹងប្រព្រឹត្តទៅនៅថ្ងៃទី២៤កញ្ញា ស្អែកនេះ

វិមានរដ្ឋធម្មនុញ្ញ ជាសំណង់និមិត្តរូបនៃរដ្ឋធម្មនុញ្ញ និងជាបេតិកភណ្ឌជាតិដ៏វិសេសវិសាលមួយ កសាងឡើងក្នុងសម័យកាលដ៏រុងរឿង នៃសម្ដេចអគ្គមហាសេនាបតីតេជោ ហ៊ុន សែន។ វិមានរដ្ឋធម្មនុញ្ញ ត្រូវបានបញ្ចុះបឋមសិលាសាងសង់ កាលពីថ្ងៃទី ១២ ខែមិថុនា ឆ្នាំ ២០២៣ ដោយប្រើពេលសាងសង់ប្រមាណ១៥ខែ។ ស្ថាបត្យកម្ម នៃសំណង់បេតិកភណ្ឌជាតិ ស្ថាបត្យករ បានធ្វើសំយោគបញ្ចូលក្នុងសិល្បៈស្ថាបត្យកម្ម ញ៉ាំងឱ្យគ្រប់ផ្នែកនៃសំណង់នេះផ្សារភ្ជាប់ដោយខ្លឹមសារនៃរដ្ឋធម្មនុញ្ញ។ ស្ថាបត្យករបានរចនានូវវិមានមួយក្នុងទិដ្ឋភាព បដិរូបកម្ម ដោយការនាំយកទស្សនៈធម្មនុញ្ញនិយម មកមូលសង្ខេបនៅលើសំណង់ស្ថាបត្យ កម្មដ៏កម្រមួយ ក្នុងសណ្ឋានជារូបភាពសំយោគរវាង ១៖ ស្ថាបត្យកម្មក្រិករ៉ូម៉ាំង សម្ដែងនូវ និមិត្តរូបនៃគុណតម្លៃទំនើប និង២៖ ស្ថាបត្យកម្មខ្មែរបុរាណសម្ដែងនូវនិមិត្តរូបនៃគុណតម្លៃខ្មែរ ដែលគុណតម្លៃទាំងពីរនេះ មានចារឹកទុកក្នុងរដ្ឋធម្មនុញ្ញឆ្នាំ១៩៩៣ នៃព្រះរាជាណាចក្រកម្ពុជា។ ព្រះរាជពិធីសម្ពោធវិមានរដ្ឋធម្មនុញ្ញនឹងប្រព្រឹត្តទៅនៅថ្ងៃទី២៤ ខែកញ្ញា ឆ្នាំ២០២៤។រូបភាព ពីឯកឧត្តម លី រស្មី រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារសាងសង់

សេវាករ ប្រតិបត្តិករ អាជីវករ ៤វិស័យក្នុងខេត្តកំពង់ឆ្នាំង ទទួលការបណ្តុះបណ្តាលអំពីការផ្តល់សេវានៅអង្គភាពច្រកចេញចូលតែមួយ និងការផ្តល់សេវាតាមប្រព័ន្ធអនឡាញ

ដើម្បីចូលរួមក្នុងការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នៅថ្ងៃទី២៣ ខែកញ្ញា ឆ្នាំ២០២៤នេះ អង្គភាពច្រកចេញចូលតែមួយរបស់សាលាខេត្តកំពង់ឆ្នាំង បានបណ្តុះបណ្តាលសេវាករ ប្រតិបត្តិករ និងអាជីវករចំនួន៤វិស័យក្នុងខេត្តកំពង់ឆ្នាំង អំពីការផ្តល់សេវានៅអង្គភាពច្រកចេញចូលតែមួយ និងការផ្តល់សេវាតាមប្រព័ន្ធអនឡាញ ក្នុងការលើកកម្ពស់នៃការផ្តល់សេវារដ្ឋបាលស្របតាមគោលការណ៍ និងនីតិវិធីដែលមានលក្ខណៈសាមញ្ញ ឆាប់រហ័ស តម្លាភាព គណនេយ្យភាព ភាពជឿទុកចិត្ត និងគ្មានអំពើពុករលួយ។លោកស្រី ផល នីវៀរ៉ា អនុប្រធានច្រកចេញចូលតែមួយសាលាខេត្តកំពង់ឆ្នាំង បានអោយដឹងថា៖ កម្មវិធីនេះ មានភាពងាយស្រួលដល់ប្រជាពលរដ្ឋក្នុងការស្នើសុំសេវារដ្ឋបាលពីវិស័យចំនួន៤ ដូចជាវិស័យឧស្សាហកម្ម និងសិប្បកម្ម, កសិកម្ម រុក្ខាប្រម៉ាញ់ និងនេសាទ, វប្បធម៌ និងវិចិត្រសិល្បៈ, និងវិស័យទេសចរណ៍ តាមរយៈប្រព័ន្ធអនឡាញដោយមិនចាំបាច់ធ្វើដំណើរមកកាន់អង្គភាពច្រកចេញចូលតែមួយដោយផ្ទាល់នោះទេ។ ក្រៅពីការផ្តល់សេវាលើវិស័យទាំង៤នេះ អង្គភាពនៅមានការផ្តល់សេវារដ្ឋបាលពីវិស័យចំនួន១០ផ្សេងទៀតផងដែរ ធ្វើយ៉ាងណាលើកកម្ពស់នៃការផ្តល់សេវារដ្ឋបាលស្របតាមគោលការណ៍ និងនីតិវិធីដែលមានលក្ខណៈសាមញ្ញ ឆាប់រហ័ស តម្លាភាព គណនេយ្យភាព ភាពជឿទុកចិត្ត និងគ្មានអំពើពុករលួយ តាមគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល។លោក ឈឹម វុទ្ធា អភិបាលរងខេត្តកំពង់ឆ្នាំងបានថ្លែងថា ការប្រើប្រាស់កម្មវិធីស្នើសុំសេវាតាមប្រព័ន្ធអនឡាញនេះ ហាក់ដូចជាថ្មីសម្រាប់អ្នកមកទទួលសេវា និងអ្នកស្នើសុំសេវា ដែលទាមទារឱ្យមានការផ្សព្វផ្សាយ និងបណ្តុះបណ្តាលពង្រឹងសមត្ថភាពបន្ថែម។ ថ្ងៃនេះ អង្គភាពច្រកចេញចូលតែមួយនៃរដ្ឋបាលខេត្តកំពង់ឆ្នាំង បានរៀបចំវគ្គបណ្ដុះបណ្ដាលនេះឡើង ដើម្បីឆ្លើយតបទៅនឹងយុទ្ធសាស្ត្របញ្ចកោណរបស់រាជរដ្ឋាភិបាល ដំណាក់កាលទី១ នីតិកាលទី៧ ។ លើកកម្ពស់អភិបាលកិច្ចល្អក្នុងការផ្តល់សេវា និងការអភិវឌ្ឍសេដ្ឋកិច្ចនៅរដ្ឋបាលថ្នាក់ក្រោមជាតិ តាមរយៈការពង្រឹងតួនាទីភារកិច្ចក្នុងការទទួល និងការសម្រុះសម្រួលដោះស្រាយបណ្តឹងនៅក្រៅប្រព័ន្ធតុលាការ ដែលពាក់ព័ន្ធនឹងការផ្តល់សេវាសាធារណៈ និងការគ្រប់គ្រងរដ្ឋបាលនៅរដ្ឋបាលថ្នាក់ក្រោមជាតិ៕ កាំង ហុងវាស្នា

សហគ្រិនក្នុងស្រុកចាប់អារម្មណ៍ការប្រើប្រាស់បញ្ញាសិប្បនិម្មិត AI សម្រាប់ការធ្វើអាជីវកម្ម

សហគ្រិនក្នុងស្រុកកំពុងចាប់អារម្មណ៍ និងធ្វើការស្វែងយល់ លើការប្រើប្រាស់បញ្ញាសិប្បនិម្មិត AI, ដែលជាប្រព័ន្ធបច្ចេកវិទ្យាអាច ជួយដំណោះស្រាយនូវរាល់បញ្ហាផ្សេងៗ ដើម្បីចាប់យកការប្រើប្រាស់ប្រព័ន្ធមួយនេះ ជំរុញលើកកម្ពស់នៅក្នុងដំណើរការធ្វើអាជីវកម្ម របស់ពួកគាត់។ប្រព័ន្ធបច្ចេកវិទ្យាឌីជីថល បាននិងកំពុងដើរឆ្ពោះទៅមុខយ៉ាងលឿន និងជាកាតាលីករថ្មីដ៏មានសារៈសំខាន់ ដែលមានសក្តានុ ពល និងមានកាលានុវត្តន៍ភាព ក្នុងការជំរុញកំណើនសេដ្ឋកិច្ច និងសង្គម បច្ចុប្បន្នប្រព័ន្ធបច្ចេកវិទ្យាឌីជីថល ត្រូវបានរាជរដ្ឋាភិបាល ក្នុងនីតិកាលទី៧ នៃសភា បានដាក់ចេញសម្រាប់ការអភិវឌ្ឍសេដ្ឋកិច្ច និងសង្គមឌីជីថល។ ស្របតាមផែនការសកម្មភាពខាងលើ សមាគមអភិវឌ្ឍន៍សង្គមខ្មែរ នៅថ្ងៃទី២២ ខែកញ្ញា ឆ្នាំ២០២៤នេះ បានចុះអនុស្សាណៈយោគយល់គ្នារវាង សមាគមអភិវឌ្ឍន៍ សង្គមខ្មែរ និងស្ថាប័ន DG ACADEMY ដើម្បីជំរុញផ្សព្វផ្សាយ និងការបង្កើនសមត្ថភាព នៃការធ្វើអាជីវកម្មនៅក្នុងយុគសម័យឌីជីថល ជូនដល់សមាជិក-សមាជិការបស់សមាគម។ជុំវិញបច្ចេកវិទ្យា AI នេះ, សហគ្រិនក្នុងស្រុក ដែលជាម្ចាស់សហគ្រាសធុនតូច និងមធ្យម បានថ្លែងនូវការចាប់អារម្មណ៍យ៉ាង ខ្លាំង អំពីអត្ថប្រយោជន៍នៃប្រព័ន្ធបញ្ញាសិប្បនិម្មិត AI ដែលបញ្ហានេះពួកគាត់នឹងពង្រឹងចំណេះដឹងលើការប្រើប្រាស់ប្រព័ន្ធមួយនេះ សម្រាប់ការរៀបចំផែនការសកម្មភាពនៅក្នុងកិច្ចដំណើរការអាជីវកម្ម ក៏ដូចជាការប្រើប្រាស់ AI សម្រាប់ផ្សព្វផ្សាយផលិតផលជាដើម ដើម្បីជំរុញលើកកម្ពស់ការធ្វើអាជីវកម្មរបស់ពួកគាត់ឱ្យកាន់តែប្រសើរ ដែលជាផ្នែកមួយចូលរួមលើកកម្ពស់វិស័យការងារ និងកំណើន សេដ្ឋកិច្ចក្នុងស្រុក។ទាក់ទិនអាជីវកម្មនេះ, ឯកឧត្តម ស្វាយ សុវណ្ណរិទ្ធ ប្រធានសមាគមអភិវឌ្ឍន៍សង្គមខ្មែរ លើកឡើងថា ជុំវិញបេសកម្មរបស់ សមាគម គឺបានបង្កើតឡើងដើម្បីចូលរួមជាមួយរាជរដ្ឋាភិបាល ក្នុងការអភិវឌ្ឍទាំងសមត្ថភាព ពង្រីកនិងពង្រឹងអភិវឌ្ឍសេដ្ឋកិច្ចគ្រួសារ របស់បងប្អូនដែលជាសមាជិក និងប្រជាពលរដ្ឋទូទៅ។ បញ្ហានេះ សមាគមតែងតែបង្កើតនូវសកម្មភាពជាច្រើន និងការស្វែងរកនូវគំនិត ថ្មីៗ ដើម្បីជួយទៅដល់ពួកគាត់ ជាក់ស្តែង, ការចុះអនុស្សាណៈយោគយល់គ្នារវាងសមាគមអភិវឌ្ឍន៍សង្គមខ្មែរ និងស្ថាប័ន DG ACADEMY នេះ គឺដើម្បីពង្រីកចំណេះដឹងជូនដល់ពួកគាត់បន្ថែម បានស្វែងយល់អំពីអត្ថប្រយោជន៍ AI និងការចាប់យក AI សម្រាប់ ការជួយដល់ការធ្វើអាជីវកម្ម ដែលជាផ្នែកមួយក្នុងការជួយលើកកម្ពស់ ការធ្វើអាជីវកម្មរបស់ពួកគាត់ឱ្យកាន់តែប្រសើរ។ជុំវិញ Ai នេះ, លោក ហិន សុភាព នាយកប្រតិបត្តិ DG ACADEMY បានលើកឡើងក្នុងបទបង្ហាញនូវចំណុចសំខាន់ៗជាច្រើន ជូនដល់ថ្នាក់ដឹកនាំ និងសមាជិកសមាជិករបស់សមាគម បានស្វែងយល់អំពីអត្ថប្រយោជន៍ នៃប្រព័ន្ធវិទ្យាបញ្ញាសិប្បនិម្មិត AI ដែលជា ប្រព័ន្ធមួយអាចជួយដោះស្រាយបញ្ហារបស់មនុស្ស និងធ្វើសកម្មភាពដូចមនុស្ស។ ដូច្នេះ Ai អាចធ្វើឲ្យយើងទទួលបានផលប្រយោជន៍ មានទំនាក់នងកាន់តែកាន់តែល្អ និងធ្វើឲ្យកិច្ចការងារ រួមជាមួយសកម្មភាពអាជីវកម្មកាន់តែរលូន៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

[BREAKING NEWS] លោក Trump និងលោក Putin ធ្វើសន្និសីទសារព័ត៌មានរួមគ្នានៅអាឡាស្កា ក្រោយជំនួបទល់មុខគ្នា

[BREAKING NEWS] លោក Trump និងលោក Putin បានបញ្ចប់កិច្ចប្រជុំដែលចាប់ផ្តើមដោយការចាប់ដៃគ្នាយ៉ាងកក់ក្តៅ ផ្ដោតលើសង្គ្រាមដ៏បង្ហូរឈាមនៅក្នុងប្រទេសអ៊ុយក្រែន

បុរសប៉ាឡេស្ទីនជម្លៀសខ្លួនពិបាកស្វែងរកស្បៀងអាហារសម្រាប់ក្រុមគ្រួសាររបស់លោកនៅតំបន់ហ្កាហ្សា

លោក Trump៖ អ៊ុយក្រែន គឺជាអ្នកសម្រេចដោយផ្ទាល់ ជុំវិញការដោះដូរដែនដី

អេស្ប៉ាញទទួលបានយន្តហោះទម្លាក់ទឹក Canadair ចំនួន ២គ្រឿងពីបារាំង ដើម្បីជួយពន្លត់ភ្លើងឆេះព្រៃ

នគរបាល៖ មនុស្ស ២នាក់ រងរបួសនៅក្នុងហេតុការណ៍បាញ់ប្រហារ ក្បែរវិហារឥស្លាម នៅស៊ុយអែត

ជនប៉ាឡេស្ទីននាំគ្នាប្រញាញចំណីអាហារនៅផ្ទះបាយស៊ុបនៅទីក្រុងហ្កាហ្សា ខណៈវិបត្តិអត់ឃ្លាននៅតែបន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

គណៈប្រតិភូជាន់ខ្ពស់រដ្ឋសភាកម្ពុជា អញ្ជើញទស្សនាមហាកំផែងចិន

ជប៉ុនផ្តល់ឥណទានជាង ៥៤ លានដុល្លារ សម្រាប់ពង្រីកខ្សែបញ្ជូន និងចែកចាយអគ្គិសនីនៅភ្នំពេញ

អបអរសាទរ! ប្រៃសណីយ៍កម្ពុជាដែលបានឈ្នះពានរង្វាន់ពីសហភាពប្រៃសណីយ៍សកល (Universal Postal Union - UPU)

នាវាកងទ័ពជើងទឹកអង់គ្លេស ចូលចតធ្វើទស្សនកិច្ចលើកកម្ពស់ទំនាក់ទំនង និងពង្រឹងកិច្ចសហប្រតិបត្ដិការ

មន្ត្រីជំនាញចុះពិនិត្យតំបន់ជន់លិច និងសិក្សាជាក់ស្ដែងលើលទ្ធភាពអនុវត្តកិច្ចគាំពារឆ្លើយតបនឹងគ្រោះអាសន្ន

និស្សិតមហាវិទ្យាល័យសិល្បៈសូនរូប ១៨៣នាក់ឡើងការពារស្នាដៃបញ្ចប់បរិញ្ញាបត្រឆ្នាំសិក្សា២០២៣-២០២៤

ព្រះរាជពិធីសម្ពោធវិមានរដ្ឋធម្មនុញ្ញនឹងប្រព្រឹត្តទៅនៅថ្ងៃទី២៤កញ្ញា ស្អែកនេះ

សហគ្រិនក្នុងស្រុកចាប់អារម្មណ៍ការប្រើប្រាស់បញ្ញាសិប្បនិម្មិត AI សម្រាប់ការធ្វើអាជីវកម្ម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

គណៈប្រតិភូជាន់ខ្ពស់រដ្ឋសភាកម្ពុជា អញ្ជើញទស្សនាមហាកំផែងចិន

ជប៉ុនផ្តល់ឥណទានជាង ៥៤ លានដុល្លារ សម្រាប់ពង្រីកខ្សែបញ្ជូន និងចែកចាយ​អគ្គិសនីនៅភ្នំពេញ

អបអរសាទរ!​ ប្រៃសណីយ៍កម្ពុជាដែលបានឈ្នះពានរង្វាន់ពីសហភាពប្រៃសណីយ៍សកល (Universal Postal Union​ - UPU)

នាវាកងទ័ពជើងទឹកអង់គ្លេស ចូលចតធ្វើទស្សនកិច្ចលើកកម្ពស់ទំនាក់ទំនង និងពង្រឹង​កិច្ចសហប្រតិបត្ដិការ

និស្សិតមហាវិទ្យាល័យសិល្បៈសូនរូប ១៨៣នាក់ឡើងការពារស្នាដៃបញ្ចប់បរិញ្ញាបត្រឆ្នាំ​សិក្សា២០២៣-២០២៤

ព្រះរាជពិធីសម្ពោធវិមានរដ្ឋធម្មនុញ្ញនឹងប្រព្រឹត្តទៅនៅថ្ងៃទី២៤កញ្ញា ស្អែកនេះ

សហគ្រិនក្នុងស្រុកចាប់អារម្មណ៍ការប្រើប្រាស់បញ្ញាសិប្បនិម្មិត AI សម្រាប់ការធ្វើអាជីវកម្ម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជប៉ុនផ្តល់ឥណទានជាង ៥៤ លានដុល្លារ សម្រាប់ពង្រីកខ្សែបញ្ជូន និងចែកចាយអគ្គិសនីនៅភ្នំពេញ

អបអរសាទរ! ប្រៃសណីយ៍កម្ពុជាដែលបានឈ្នះពានរង្វាន់ពីសហភាពប្រៃសណីយ៍សកល (Universal Postal Union - UPU)

នាវាកងទ័ពជើងទឹកអង់គ្លេស ចូលចតធ្វើទស្សនកិច្ចលើកកម្ពស់ទំនាក់ទំនង និងពង្រឹងកិច្ចសហប្រតិបត្ដិការ

និស្សិតមហាវិទ្យាល័យសិល្បៈសូនរូប ១៨៣នាក់ឡើងការពារស្នាដៃបញ្ចប់បរិញ្ញាបត្រឆ្នាំសិក្សា២០២៣-២០២៤