BTV NEWS

ថៃនៅតែព្រងើយកន្តើយក្នុងការដោះលែងទាហានកម្ពុជា១៨នាក់ដែលខ្លួនចាប់ទៅបើទោះបីជាមានកិច្ចអន្តរាគមន៍ពីអន្តរជាតិ

សម្តេចតេជោ ហ៊ុន សែន ប្រកាសថាសញ្ញាបត្រចំនួនបីដែលថៃប្រគល់ជូននោះត្រូវបានសម្តេចបោះចោល យូរហើយ

ឯកឧត្តមរដ្ឋមន្រ្តី ជា វ៉ាន់ដេត ជួបសំណេះសំណាលជាមួយនិស្សិតជ័យលាភីអាហារូបករណ៍សិក្សានៅក្រៅប្រទេស ចំនួន ១២៤រូប

ក្រសួងការងារ និងបណ្តុះបណ្តាលវិជ្ជាជីវៈ បើកសិក្ខាសាលាត្រីភាគីត្រៀមថ្នាក់ជាតិ សម្រាប់វេទិកាអាស៊ានស្តីពីទេសន្តរប្រវេសន៍ការងារ លើកទី១៨ (18th AFML)

ព័ត៌មានជាតិ

យោធភូមិភាគ៥ ត្រៀមកម្លាំងជិត២០០០នាក់ ដើម្បីចុះជួយពលរដ្ឋរងគ្រោះទឹកជំនន់

នាយទាហា នាយទាហានរង និងពលទាហានប្រមាណជិត ២០០០នាក់នៅក្នុងតំបន់យោធភូមិភាគទី៥ បានត្រៀមកម្លាំង និងមធ្យោបាយរួចជាស្រេច ដើម្បីចុះអន្តរាគមន៍ជួយបងប្អូនប្រជាពលរដ្ឋជួបករណីទឹកជំនន់។ថ្លែងប្រាប់ទូរទស្សន៍BTV តាមរយៈតេលេក្រាម នាព្រឹកថ្ងៃទី១៩ ខែកញ្ញា ឆ្នាំ២០២៤នេះ ឧត្តមសេនីយ៍ទោ សេង ធារិន មេបញ្ជាការរង និងជានាយសេនាធិការយោធភូមិភាគទី៥ បាន លើកឡើងថា ស្របពេលគ្រោះទឹកជំនន់បានកំពុងវាយប្រហារនៅប្រទេសជិតខាងរបស់កម្ពុជា ហើយក៏ទទួលបានបទបញ្ជាររបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ឲ្យកងកម្លាំងប្រដាប់អាវុធគ្រប់ប្រភេទ ត្រៀមខ្លួនចុះអន្តរាគមន៍ជួយបងប្អូនប្រជាពលរដ្ឋរងគ្រោះដោយសារទឹកជំនន់នោះ នាពេលនេះតំបន់យោធភូមិភាគទី៥ ដែលមានខេត្តបាត់ដំបង ពោធិសាត់ ប៉ៃលិន និងខេត្តបន្ទាយមានជ័យនោះបានត្រៀមកម្លាំងរួចរាល់ហើយ ថែមទាំង សម្ភារៈជាច្រើនទៀតផងដែរ។លោកឧត្តមសេនីយ៍ សេង ធារិន បានបញ្ជាក់ថា«យោធភូមិភាគទី៥ បានត្រៀមកម្លាំង ចំនួន ១៧០០នាក់ មធ្យោបាយ សង្រ្គោះជាច្រើនទៀតដូចជា ទូក កាណូត រថយន្ត និង។ល។»។សូមបញ្ជាក់ថា យោធភូមិភាគទី៥តែងតែចេញបទបញ្ជាជាប្រចាំ មិនថាយប់ឬថ្ងៃនោះទេ ពោលគឺប្រុងប្រៀបកម្លាំងគ្រប់ពេលជានិច្ច ក្នុងការចុះជួយសង្រ្គោះបងប្អូនប្រជាពលរដ្ឋលើគ្រប់បញ្ហាទាំងអស់ ជាពិសេសទាក់ទងនឹងទឹកជំនន់ គ្រោះរាំងស្ងួត ខ្យល់កន្ត្រាក់ និងអគ្គិភ័យ និងគ្រោះធម្មជាតិផ្សេងៗទៀតជាដើម។ ជាក់ស្តែងនាពេលកន្លងមកនេះកងកម្លាំងនៃយោធភូមិភាគទី៥ បានចុះជួយអន្តរាគមន៍ភ្លាមៗ ពន្លត់ភ្លើងឆេះព្រៃ ឆេះផ្ទះពលរដ្ឋ ករណីគ្រោះរាំងស្ងួត និងផ្ទះពលរដ្ឋរំលំដោយខ្យល់កន្ត្រាក់ជាដើម៕ អត្ថបទ៖ បាន ចក់

សម្ដេចធិបតី ហ៊ុន ម៉ាណែត អនុញ្ញាតឱ្យលោកស្រី Laurel E. Miller ប្រធានមូលនិធិអាស៊ី ចូលជួបសម្ដែងការគួរសម និងពិភាក្សាការងារ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យ លោកស្រី Laurel E. Miller ប្រធាន និងជានាយកប្រតិបត្តិមូលនិធិអាស៊ី ចូលជួបសម្ដែងការគួរសម និងពិភាក្សាការងារ នៅវិមានសន្តិភាព នៅព្រឹកថ្ងៃទី១៩ ខែកញ្ញា ឆ្នាំ២០២៤។មូលនិធិអាស៊ីបានក្លាយជាដៃគូកិច្ចសហប្រតិបត្តិការជាមួយព្រះរាជាណាចក្រកម្ពុជា មកដល់ពេលនេះមានរយៈពេល៣០ឆ្នាំ គឺនៅឆ្នាំ១៩៩៣ ចាប់តាំងពីប្រទេសកម្ពុជាមិនទាន់ស្គាល់សន្តិភាពពេញលេញនៅឡើយ។

អាវុធហត្ថរាជធានីឃាត់ខ្លួនសង្ស័យ ០៣នាក់ករណីគ្រឿងញៀន និងរក្សាទុកអាវុធដោយខុសច្បាប់

កម្លាំងជំនាញការិយាល័យប្រឆាំងបទល្មើសគ្រឿងញៀន នៃ កងរាជអាវុធហត្ថរាជធានីភ្នំពេញ ឃាត់ខ្លួន ជនសង្ស័យ ០៣នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន និងរក្សាទុកអាវុធដោយខុសច្បាប់។ ប្រតិបត្តិការនេះធ្វើឡើងកាលពីថ្ងៃទី១៦ ខែកញ្ញា ឆ្នាំ២០២៤ នៅចំណុចបន្ទប់ជួលគ្មានលេខជាន់ទី១ ផ្លូវបេតុង ភូមិកន្ទោកជើង សង្កាត់កន្ទោក ខណ្ឌកំបូល និងបន្តទៅឆែកឆេរផ្ទះគ្មានលេខ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។ ដកហូតវត្ថុតាង ម្សៅក្រាមសថ្លា ចំនួន ១៨កញ្ចប់ តូចធំ , អាវុធខ្លី ០១ដើម ម៉ាក K-54 , សម្ភារៈសម្រាប់ច្រក និងប្រើប្រាស់គ្រឿងញៀន ព្រមទាំងសម្ភារៈពាក់ព័ន្ធមួយចំនួនទៀត ។ ជនសង្ស័យទាំង០៣នាក់ ១.ឈ្មោះ ឈន រតនា (ហៅ) មេឃ ភេទ ប្រុស អាយុ ៤៥ឆ្នាំ, ២.ឈ្មោះ អុី សំអាត ភេទ ប្រុស អាយុ ២៤ឆ្នាំ, ៣.ឈ្មោះ អាន ហុង ភេទ ប្រុស អាយុ ១៨ឆ្នាំ។ ជនសង្ស័យទាំង០៣នាក់ រួមនិងងវត្ថុតាងពាក់ព័ន្ធ ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់ ៕តារាវុទ្ធី

រដ្ឋមន្រ្តីក្រសួងបរិស្ថាន៖ការទុកដាក់សំរាមឱ្យបានត្រឹមត្រូវ ជាពិសេសសំណល់ប្លាស្ទិកបានធ្វើឱ្យបរិស្ថានស្អាត និងសុខភាពប្រជាជនល្អ

ភ្នំពេញ៖«ការប្រមូលទុកដាក់សំរាមឱ្យបានត្រឹមត្រូវ ជាពិសេសសំណល់ប្លាស្ទិក មិនត្រឹមតែធ្វើឱ្យបរិស្ថានស្អាត ទីសាធារណៈមានសោភ័ណភាព ថែមទាំងធ្វើឱ្យសុខភាពរបស់ប្រជាជនល្អ ដែលបង្កឡើងពីការបំពុលដោយប្លាស្ទិក»។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍បែបនេះ ក្នុងពេលអញ្ជើញ ចូលរួមទស្សនាកប៉ាល់ Plastic Odyssey ប្រយុទ្ធប្រឆាំងនឹងប្លាស្ទិក និងជួបសំណេះសមណាលជាមួយនាវិក នាររសៀលថ្ងៃពុធ ទី១១ ខែកញ្ញា ឆ្នាំ២០២៤ ដោយមានការចូលរួមពី ឯកឧត្តម ហ្សាក់ បឺឡេ ឯកអគ្គរដ្ឋទូត សាធារណរដ្ឋបារាំង ប្រចាំកម្ពុជា ថ្នាក់ដឹកនាំ និងមន្រ្តីរាជការក្រសួងបរិស្ថាន ព្រមទាំងក្រុមការងារនៃកប៉ាល់ Plastic Odyssey ជាច្រើននាក់។ឯកឧត្តមបណ្ឌិត អ៊ាង សុផល្លែត បានថ្លែងបន្ថែមថាកប៉ាល់ Plastic Odyssey បានចូលរួមផ្សព្វផ្សាយ ពីបញ្ហាប្លាស្ទិកដល់ប្រជាពលរដ្ឋ នៅលើពិភពលោកថាបញ្ហាប្លាស្ទិកបង្កគ្រោះថ្នាក់ដល់សុខភាព ដល់អាយុជីវិត ដល់បរិស្ថានទាំងមូលតែម្តង។ ការចូលចតកប៉ាល់ Plastic Odyssey នៅកម្ពុជា ក្នុងការធ្វើដំណើរជុំវិញពិភពលោក ពីប្រទេសបារាំង ឆ្លងកាត់ទៅ អឺរ៉ុប អាហ្រ្វិកនិងអាស៊ី ពីប្រទេសជប៉ុន មកឥណ្ឌូណេស៊ី សិង្ហបុរី និងមកកម្ពុជា នាពេលនេះ បានចូលរួមដោះរួមគ្នាក្នុងការប្រយុទ្ធប្រឆាំងនឹងការបំពុលដោយប្លាស្ទិក ដោយធ្វើការកែច្នៃប្លាស្ទិកធ្វើជាសម្ភារប្រើប្រាស់ផ្សេងៗទៀតបាន ជាជាងយកទៅបោះចោល ដល់ប្រជាជនលើពិភពលោក។ ឯកឧត្តមរដ្ឋមន្រ្តីថ្លែងអំណរគុណដល់ក្រុមការងារកប៉ាល់ទាំងអស់ ដែលបានចូលរួមប្រយុទ្ធប្រឆាំងនឹងប្លាស្ទិក ស្របនឹងភាពស្អាត ដែលជាសសរស្តម្ភទី១ ដែលបានចែងក្នុងយុទ្ធសាស្រ្តចក្រាវិស័យបរិស្ថាន។ តាមរយៈការអនុវត្តភាពស្អាត ក្រសួងបរិស្ថាន បានដាក់ចេញយុទ្ធនាការកាត់បន្ថយការប្រើប្រាស់ជាបន្តបន្ទាប់ មិនត្រឹមតែការសម្អាតអនាម័យបរិស្ថាន នៅតាមមូលដ្ឋាន ប្រមូលទុកដាក់សំរាម រួមទាំងការកាត់បន្ថយសំណល់ប្លាស្ទិក ដែលឈានទៅបញ្ឈប់ការប្រើប្រាស់ប្លាស្ទិក ប៉ុណ្ណោះទេ យុទ្ធនាការរបស់ក្រសួងបរិស្ថាន ធានាការគ្រប់គ្រងសំរាម ថែរក្សាអនាម័យបរិស្ថាន និងសុខមាលភាពប្រជាពលរដ្ឋ បានល្អប្រសើរ។ សូមបញ្ជាក់ថា ក្រសួងបរិស្ថានបានដាក់ចេញយុទ្ធនាការកាត់បន្ថយការប្រើប្រាស់ប្លាស្ទិក ដែលក្នុងនោះយុទ្ធនាការ « ថ្ងៃនេះ ខ្ញុំមិនប្រើថង់ប្លាស្ទិកទេ» បានដាក់ចេញកាលពីថ្ងៃទី១ ខែកញ្ញា ឆ្នាំ២០២៣ រហូតដល់ពេលនេះ មានការចូលរួមពីសិស្សានុសិស្ស ព្រះសង្ឃ កម្មករ កម្មការិនី មន្រ្តីរាជការ កងកម្លាំងប្រដាប់អាវុធ និងប្រជាជន ជាង៩,៥លាន នាក់នៅទូទាំងប្រទេសកម្ពុជា។ បន្ទាប់មកយុទ្ធនាការ «កម្ពុជាស្អាត ខ្មែរធ្វើបាន» គឺជាយុទ្ធនាការសុំឱ្យសិស្សានុសិស្ស បងប្អូនប្រជាពលរដ្ឋមួយភូមិ ឬមួយឃុំ ឬមួយស្រុក ឬមួយខេត្ត ចេញមកទាំងអស់គ្នារើសសំរាមជុំវិញបរិវេណផ្ទះ សាលារៀន វត្តអារាម និងតាមទីសាធារណៈ ចំនួន១៥នាទី ក្នុង១ថ្ងៃ ក្នុង១សប្តាហ៍ ដោយប្រមូលទុកដាក់សំរាមឱ្យបានត្រឹមត្រូវ។ យុទ្ធនាករបាននិងកំពុងមានការចូលរួមពីប្រជាពលរដ្ឋជាង២,៥លាននាក់។ ក្រសួងបរិស្ថាននឹងបន្តយុទ្ធនាការជំហានទី៣ គឺការញែក និងទុកដាក់សំរាមឱ្យបានត្រឹមត្រូវ ដែលបានបង្ហាញយ៉ាងច្បាស់ពីការតាំងចិត្ត និងការកែប្រែជាទម្លាប់ពីខ្មែរទូទាំងប្រទេស ដើម្បីកម្ពុជាចូលរួមទប់ស្កាត់ ការប្រើប្រាស់ និងបោះចោលថង់ប្លាស្ទិក ទទួលបានជោគជ័យ៕គួរបញ្ជាក់ថា កប៉ាល់ Plastic Odyssey ចូលចត និងបំពេញការផ្សព្វផ្សាយប្រយុទ្ធប្រឆាំងនឹងការបំពុលដោយប្លាស្ទិក នៅទីក្រុងភ្នំពេញ ប្រទេសកម្ពុជា ចាប់តាំងពីថ្ងៃទី១១ ខែកញ្ញា ឆ្នាំ២០០២៤ រហូតដល់ថ្ងៃទី២៣ ខែកញ្ញា ឆ្នាំ២០២៤ បន្ទាប់ពីបានធ្វើដំណើរបេសកកម្មកម្មនៅជុំវិញពិភពលោកអស់រយៈពេល២ឆ្នាំមកហើយ៕

រដ្ឋមន្ត្រីសុខាភិបាល ផ្ដល់អនុសាសន៍គន្លឹះ ដល់និសិ្សតជ័យលាភី ទៅសិក្សានៅជប៉ុន ដើម្បីរួមចំណែកដល់ការសិក្សាឲ្យបានជោគជ័យ

ភ្នំពេញ ÷ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានទទួលជួបសំណេះសំណាលជាមួយនិស្សិតជ័យលាភីអាហារូបករណ៍អង្គការ JICA របស់រាជរដ្ឋាភិបាលជប៉ុន ចំនួន០៩រូប ដែលត្រូវទៅសិក្សាថ្នាក់ក្រោយឧត្តមសិក្សានៅប្រទេសជប៉ុន កម្រិតបរិញ្ញាបត្រជាន់ខ្ពស់ចំនួន០៥នាក់ និងបណ្ឌិតចំនួន០៤នាក់, នារសៀលថ្ងៃទី១៨ ខែកញ្ញា ឆ្នាំ២០២៤នេះ នៅទីស្តីការក្រសួងសុខាភិបាល។ជាកិច្ចស្វាគមន៍ ឯកឧត្តមសាស្ត្រាចារ្យរដ្ឋមន្ត្រី បានសំដែងនូវការកោតសរសើរដល់និស្សិតជ័យលាភីទាំង ៩រូប ដែលទទួលបានអាហារូបករណ៍រាជរដ្ឋាភិបាលជប៉ុន តាមរយៈអង្គការ JICA ទៅសិក្សានៅប្រទេសជប៉ុន និងសង្ឃឹមថាក្មួយៗ និស្សិតជ័យលាភីទាំងអស់នឹងបញ្ចប់ការសិក្សាដោយជោគជ័យ ត្រឡប់មកជួយអភិវឌ្ឍន៍ប្រទេស និងក្លាយជាសសរទ្រូងដ៍រឹងមាំរបស់ប្រទេសជាតិ។នាឱកាសនោះដែរ ឯកឧត្តមសាស្ត្រាចារ្យរដ្ឋមន្ត្រី បានផ្ដល់អនុសាសន៍គន្លឹះ ដល់និសិ្សតជ័យលាភីទាំងអស់ ដើម្បីរួមចំណែកដល់ការសិក្សាឲ្យបានជោគជ័យដូចខាងក្រោម៖១- ត្រូវមានមោទនភាព ដែលបានទទួលបាននូវអាហារូបករណ៍នេះ២- ត្រូវរំលេចឱ្យឃើញ ស្គាល់ឱ្យច្បាស់ពីសារៈសំខាន់នៃការសិក្សារៀងៗខ្លួន។ ធ្វើយ៉ាងណាឱ្យដំណើរនៃការសិក្សារបស់យើង ក្លាយទៅជាការជួយអភិវឌ្ឍន៍ខ្លួនឯង និងចូលរួមអភិវឌ្ឍន៍ប្រទេសជាតិ៣ - ចេះលើកទឹកចិត្តខ្លួនឯង និងតាំងចិត្តថាធ្វើឱ្យបាន៤ - បង្ហាញពីវប្បធម៌ដ៏ល្អរបស់ជាតិ និងចែករំលែកដល់ប្រទេសដ៏ទៃឱ្យបានដឹង៥ - ជំរុញធ្វើយ៉ាងណាឱ្យមានការទំនាក់ទំនងល្អ ក្នុងចំណោមគ្នាយើង និងក្នុងចំណោមបណ្ដានិស្សិតប្រទេសទាំងឡាយ គឺធ្វើជាមនុស្សល្អចំពោះអ្នកនៅជុំវិញខ្លួន៦- ធ្វើយ៉ាងណាលើកកម្ពស់ពីការស្ថាបនាជាតិរបស់យើង តាមរយៈការខិតខំប្រឹងប្រែងរៀនសូត្រ៧- ថែទាំសុខភាពផ្លូវចិត្ត សុខុមាលភាពផ្ទាល់ខ្លួនម្នាក់ៗ ដូចជាការសម្រាកឱ្យបានគ្រប់គ្រាន់ ត្រឹមត្រូវ និងហូបចុកឱ្យបានល្អ ៨- មានការទំនាក់ទំនងល្អជាមួយអង្គភាពដែលខ្លួនបំពេញការងារ និងជាមួយស្ថានទូតខ្មែរនៅប្រទេសជប៉ុន៩- និស្សិតម្នាក់ត្រូវដើរតួជាឯកអគ្គរដ្ឋទូតសុច្ឆន្ទៈរបស់ប្រទេសជាតិ០១រូប ត្រូវដើរតួថាយើងជាអ្នកតំណាងឱ្យប្រទេសជាតិយើង ឱ្យមានសេចក្ដីថ្លៃថ្នូរ ឱ្យមានការគោរព។បន្ទាប់ពីទទួលបានអនុសាសន៍គន្លឹះសំខាន់ៗ ដ៏ខ្ពង់ខ្ពស់ពី ឯកឧត្តមសាស្ត្រាចារ្យរដ្ឋមន្ត្រី តំណាងនិស្សិតបានធ្វើការប្តេជ្ញាចិត្តថា នឹងខិតខំរៀនសូត្រឲ្យបានពូកែ និងជោគជ័យយកចំណេះដឹងមកជួយអភិវឌ្ឍន៍ជាតិមាតុភូមិវិញ។ជាទីបញ្ចប់ ឯកឧត្តមសាស្ត្រាចារ្យរដ្ឋមន្ត្រី បានថ្លែងអំណរគុណដល់ថ្នាក់ដឹកនាំក្រសួងសុខាភិបាលទាំងអស់ ដែលបានចូលរួម និងជូនពរឱ្យក្មួយៗនិស្សិតទាំងអស់ ទទួលបានជោគជ័យក្នុងការសិក្សា។ ឯកឧត្តមសាស្ត្រាចារ្យរដ្ឋមន្ត្រី បានជូនវត្ថុអនុស្សាវរ័យ៍នូវសៀវភៅរបាយការណ៍សមិទ្ធផលសុខាភិបាល ឆ្នាំ២០២៣ និងទិសដៅការងារឆ្នាំ២០២៤ និងឆ្នាំបន្ត របស់ក្រសួងសុខាភិបាលជូនដល់និស្សិតម្នាក់ៗ ចំនួនមួយក្បាលផងដែរ៕អត្ថបទ រដ្ឋា

បច្ចេកវិទ្យាហិរញ្ញវត្ថុ បានកំពុងផ្តល់អត្ថប្រយោជន៍ដល់អ្នកប្រើប្រាស់ និងអ្នកធ្វើអាជីវកម្មផ្សេងៗ

ភ្នំពេញ ៖ ការប្រើប្រាស់បច្ចេកវិទ្យានៅកម្ពុជា បានកំពុងផ្លាស់ប្តូររីកចម្រើនយ៉ាងឆាប់រហ័ស ទាំងការបម្រើសេវាកម្មនៅតាមរដ្ឋបាលសាធារណៈ និងវិស័យឯកជន ជាពិសេសការប្រើប្រាស់បច្ចេកវិទ្យាហិរញ្ញវត្ថុ បាននាំមកនូវអត្ថប្រយោជន៍ជាច្រើន ទាំងអ្នកប្រើប្រាស់និងអ្នកធ្វើ អាជីវកម្ម។លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា លើកឡើងនៅក្នុងកម្មវិធី CamTech Summit 2024 នៅ មណ្ឌលសិក្សាបច្ចេកទេសធនាគារ (CBS) នៅថ្ងៃទី ១៨ ខែ កញ្ញា ឆ្នាំ ២០២៤ នេះថា នៅពេលយើងពិភាក្សាអំពី Fintech វាជារឿង សំខាន់ក្នុងការយល់ដឹងថា ហេដ្ឋារចនាសម្ព័ន្ធប្រព័ន្ធទូទាត់បម្រើជាឆ្អឹងខ្នង នៃប្រព័ន្ធអេកូទាំងមូល, បច្ចេកវិទ្យាហិរញ្ញវត្ថុមិនត្រឹមតែជា មធ្យោបាយនៃប្រតិបត្តិការប៉ុណ្ណោះទេ ប៉ុន្តែហេដ្ឋារចនាសម្ព័ន្ធសំខាន់ៗ បានអនុញ្ញាតឱ្យមានអន្តរកម្មយ៉ាងរលូន រវាងអ្នកប្រើប្រាស់ អាជីវកម្ម និងស្ថាប័នហិរញ្ញវត្ថុ។ ប្រព័ន្ធទូទាត់ប្រកបដោយប្រសិទ្ធភាព បានជួយសម្រួលដល់ការជឿទុកចិត្ត បង្កើនបទពិសោធន៍អ្នក ប្រើប្រាស់ និងជំរុញការច្នៃប្រឌិត ដោយផ្តល់នូវក្របខ័ណ្ឌចាំបាច់ សម្រាប់សេវាកម្មហិរញ្ញវត្ថុផ្សេងៗឱ្យរីកចម្រើន។ជុំវិញ Fintech នេះដែរ, លោកជំទាវបណ្ឌិត ក៏បានចែករំលែកអំពីការអភិវឌ្ឍន៍ ដែលធនាគារជាតិនៃកម្ពុជាបានធ្វើទំនើបកម្ម ហេដ្ឋារចនាសម្ព័ន្ធប្រព័ន្ធទូទាត់ ដែលជាកត្តាសំខាន់សម្រាប់ជំរុញការអភិវឌ្ឍន៍បច្ចេកវិទ្យាហិរញ្ញវត្ថុនៅក្នុងប្រទេស។ រហូតមកដល់ ពេលនេះ ធនាគារជាតិនៃកម្ពុជាបានទទួលយកបច្ចេកវិទ្យាថ្មីៗ ដើម្បីធ្វើទំនើបកម្មប្រព័ន្ធទូទាត់ ដោយបានដាក់ចេញនូវគំនិតផ្តួច ផ្តើម សំខាន់ៗជាច្រើន រួមទាំងប្រព័ន្ធជម្រះបញ្ជីជាតិ នៃការទូទាត់សេវាធនាគារ តាមអ៊ីនធឺណិត NBC-Platform, Cambodian Shared Switch និង BAKONG ច្នៃប្រឌិត។ កិច្ចខិតខំប្រឹងប្រែងទាំងនេះមានគោលបំណង ធ្វើឱ្យសេវាកម្មបង់ប្រាក់កាន់តែងាយស្រួលប្រើ ប្រាស់ ជាពិសេសសម្រាប់បុគ្គល និងអាជីវកម្ម ដែលរស់នៅក្នុងតំបន់ជនបទ ការលើកទឹកចិត្តមនុស្សគ្រប់គ្នា ដើម្បីចូលរួមក្នុង ប្រតិបត្តិការហិរញ្ញវត្ថុឌីជីថល។ នេះជាភាពអស្ចារ្យ ដែលយើងបានកសាងហេដ្ឋារចនាសម្ព័ន្ធទាំងនេះ ដោយបានកើនឡើងគួរឱ្យកត់ សម្គាល់ នៅក្នុងឌីជីថលផងដែរដូចជា វិធីសាស្រ្តទូទាត់ដូចជា ការបង់ប្រាក់ KHQR Code ជាដើម។ បច្ចេកវិទ្យានេះបានផ្លាស់ប្តូរ យ៉ាងពិតប្រាកដដូចជា ការបង់ថ្លៃទំនិញ និងសេវាកម្ម ដែលនាំមកនូវអត្ថប្រយោជន៍ជាច្រើន ដល់អ្នកប្រើប្រាស់ និងអ្នកអាជីវកម្ម។ទាក់ទិនបច្ចេកវិទ្យា Fintech នេះដែរ, និស្សិតដែលសិក្សានៅមណ្ឌលសិក្សាបច្ចេកទេសធនាគារ (CBS) និងនិស្សិតមក វិទ្យាស្ថាន វ៉ាន់ដា លើកឡើងថា ជុំវិញការបង្កើតឱ្យមានព្រឹត្តិការណ៍ CamTech Summit 2024 ពិតជាមានសារៈសំខាន់ណាស់ ដើម្បីឱ្យសិស្ស-និស្សិត បានស្វែងយល់បន្ថែម អំពីវិស័យបច្ចេកវិទ្យា ខណៈដែលបច្ចេកវិទ្យាបានកំពុងដើរឆ្ពោះទៅមុខ ក្នុងនោះសម្រាប់ បច្ចេកវិទ្យា Fintech ក៏កំពុងមានការរីកចម្រើនគួរកត់សម្គាល់ផងដែរ ហើយរំពឹងថា នៅពេលខាងមុខវិស័យនេះរីកចម្រើនកាន់តែខ្លាំង បន្ថែមទៀត សម្រាប់បម្រើដល់អ្នកប្រើប្រាស់ និងអ្នកធ្វើអាជីវកម្ម។ជុំវិញ Fintech នេះ, CamTech Summit ផ្តល់ឱកាសពិសេសមួយ ក្នុងការប្រមូលផ្តុំអ្នកបង្កើតគោលនយោបាយ និយតករ អាជីវកម្ម និងអ្នកដឹកនាំបច្ចេកវិទ្យានៅលើវិស័យផ្សេងៗ សម្រាប់បម្រើជាវេទិកា ដើម្បីចែករំលែកការយល់ដឹង ផ្លាស់ប្តូរគំនិត និងស្វែងរករួមគ្នា នូវឱកាស និងបញ្ហាប្រឈមនៃបច្ចេកវិទ្យា Fintech និងការរីកចម្រើនផ្នែកបច្ចេកវិទ្យាជាដើម៕អត្ថបទ៖ សុន រ៉ាឌី

លោកជំទាវ អ៊ុក ម៉ាលី អគ្គហេរញ្ញិកាកាកបាទក្រហម ចុះសួរសុខទុក្ខកងកម្លាំងព្រំដែនខេត្តឧត្ដរមានជ័យ

ឧត្ដរមានជ័យ ៖ កាលថ្ងៃទី ១៧ ខែសីហា ២០២៤ លោកជំទាវបណ្ឌិត អ៊ុក ម៉ាលី អគ្គហេរញ្ញិកា នៃគណៈកម្មាធិការកណ្ដាលកាកបាទក្រហមកម្ពុជា អមដំណើរដោយឯកឧត្តម មាន ចាន់យ៉ាដា អភិបាលខេត្តឧត្តរមានជ័យ និងឧត្ដមសេនីយ៍ត្រី នាក់ វង្ស មេបញ្ជាការកងពលតូចថ្មើរជើង លេខ៤២ យោធភូមិភាគទី៤ បានអញ្ជើញសួរសុខទុក្ខកងកម្លាំងប្រដាប់អាវុធជួរមុខ ឈរជើងនៅតំបន់ព្រំដែនប្រាសាទតាមាន់ និងប្រាសាទដំរីទ្រោម ។ក្នុងឱកាសចុះទស្សនកិច្ចនេះ លោកជំទាវបណ្ឌិត អ៊ុក ម៉ាលី បាននាំយកថវិការបស់សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហកម្ពុជា ឧបត្ថម្ភថវិកាចំនួន ១១លានរៀល ដល់កងការពារព្រំដែនគោកលេខ ៤០៣ និងវរនគរបាលកងការពារព្រំដែន៩០៥។ បន្ទាប់ពីចុះពិនិត្យទីតាំងទាំងពីររួចមក លោកជំទាវបណ្ឌិត និងអភិបាលខេត្ដឧត្ដរមានជ័យ បានបន្ដដំណើរចុះសួរសុខទុក្ខដល់កងពលឈរជើងការពារប្រាសាទតាមាន់ ដោយក្នុងនោះលោកជំទាវ ក៏បាននាំយកថវិកា ១៦លានរៀល ឧបត្ថម្ភដល់វរសេនាតូចការពារប្រាសាទតាមាន់ នៃកងពលតូចអន្តរគមន៍ថ្មើរជើងលេខ ៤២ និងប៉ុស្តិ៍នគរបាលការពារព្រំដែនគោកលេខ ៧០២។ទន្ទឹមនឹងនោះលោកស្រីបណ្ឌិត អ៊ុក ម៉ាលី បានពាំនាំប្រសាសន៍របស់សម្ដេចតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីនឹករលឹក ការស្រឡាញ់ដ៏ជ្រាលជ្រៅ ចំពោះបងប្អូនជនរួមជាតិពលទាហាន និងកងទ័ពទាំងអស់។ជាមួយគ្នានេះផងដែរ លោកជំទាវបណ្ឌិត ក៏បានសម្តែងនូវការកោតសរសើរ និងដឹងគុណដល់បងប្អូនកងទ័ព នាយទាហាន ពលទាហានទាំងអស់ ដែលបានលះបង់កម្លាំងកាយ-ចិត្ត ពលីអាយុជីវិត ចូលរួមក្នុងសមរភូមិ ដើម្បីការពារជាតិ អធិបតេយ្យភាព បូរណភាពទឹកដី និងនាំមកនូវសុខសន្តិភាព ស្ថិរភាព ដែលជាបុរេលក្ខខណ្ឌចាំបាច់ដល់ការសម្រេចបាននូវសមិទ្ធផលដ៏ធំធេងលើគ្រប់វិស័យ។កងទ័ពគឺជាកម្លាំងការពារ ដ៏រឹងមាំសម្រាប់ការពារឯករាជ្យ បូរណភាពជាតិទឹកដី និងប្រជាជន។ ជាពិសេសលោកស្រីបណ្ឌិតបានលើកទឹកចិត្ដដល់កងទ័ពទាំងអស់ថែរក្សាសុខភាពជានិច្ច និងឱ្យសូមបងប្អូនទាំងអស់រស់នៅប្រកបដោយសុវត្ថិភាព និងសុខភាពល្អ៕អត្ថបទះ សំ ងីម

ឆ្នាំដំបូងនីតិកាលទី៧នេះ មន្រ្តីក្រសួងមហាផ្ទៃ ផ្ដល់លិខិតឆ្លងដែនជូនពលរដ្ឋជាង៣សែនក្បាល ខណៈសេវាអនឡាញកំពុងដំណើរការរលូន!

ភ្នំពេញ ៖ ក្នុងរយៈពេល១ឆ្នាំ គិតចាប់ពីខែសីហា ឆ្នាំ២០២៣ ដល់ខែកញ្ញា ឆ្នាំ២០២៤ មន្រ្តីនៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានផ្ដល់សេវាធ្វើលិខិតឆ្លងដែនជូនប្រជាពលរដ្ឋបានចំនួន៣០៣.៣៨៨ក្បាល ក្នុងនោះបើគិតពីឆ្នាំ២០១៤មក មន្រ្តីបានផ្តល់សេវានេះជូនប្រពលរដ្ឋចំនួន៣.០៣៥.២៩១ក្បាលហើយ។ នេះបើតាមលោកបណ្ឌិត ទូច សុឃៈ (សុខៈ) អ្នកនាំពាក្យរងក្រសួងមហាផ្ទៃ។ស្របតាមយុទ្ធសាស្រ្តបញ្ចកោណរបស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់សម្ដចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ជាពិសេសត្រង់មុំ ឌីជីថល ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានឯកភាពឱ្យអគ្គនាយកដ្ឋានអត្តសញ្ញាណកម្មដាក់ឱ្យដំណើរការសេវាធ្វើលិខិតឆ្លងដែនតាមអនឡាញ ដើម្បីរួមចំណែកកាត់បន្ថយពេលវេលា ដោយទទួលបានការសាទរយ៉ាងខ្លាំងពីប្រជាពលរដ្ឋ។ប្រជាពលរដ្ឋអាចចូលទៅគេហទំព័រសេវាអត្តសញ្ញាណកម្ម online.gdi.gov.kh ដើម្បីបំពេញបែបទ ជំនួសឱ្យការទៅបំពេញបែបបទនៅទីតាំងផ្ដល់សេវាដោយផ្ទាល់។ ក្រោយបំពេញបែបបទ សាមីខ្លួនត្រូវអញ្ជើញទៅទីតាំងផ្ដល់សេវា ដើម្បីសម្ភាស ថតរូប ផ្តិតខ្ចៅដៃ និងបង់សេវារដ្ឋបាល ដោយភ្ជាប់នូវពាក្យស្នើសុំដែលបំពេញរួច និងឯកសារយោង។ លោកបណ្ឌិត ទូច សុឃៈ (សុខៈ) បានអះអាងថាសេវាអនឡាញនេះកំពុងដំណើរការរលូន។ពាក់ព័ន្ធនឹងសេវាធ្វើលិខិតឆ្លងដែននេះដែរ ចំពោះប្រជាពលរដ្ឋមានជំងឺធ្ងន់ ឬចាស់ជរា ឬពិការភាព សមាជិកគ្រួសារ ឬតំណាងអាចដាក់ពាក្យស្នើសុំទៅកាន់ អគ្គនាយកដ្ឋានអត្តសញ្ញាណកម្ម ដោយភ្ជាប់ជាមួយនូវសំបុត្របញ្ជាក់ពីពេទ្យ ឬរូបថតអំពីស្ថានភាពនៃអ្នកជំងឺ ឬស្ថានភាពអ្នកស្នើសុំ ដើម្បីស្នើសុំមន្រ្តីចុះផ្តល់សេវាដល់ទីតាំងរបស់សាមីខ្លួនដោយពុំគិតកម្រៃសេវាបន្ថែមឡើយ សម្រាប់ទីតាំងនៅក្នុងរាជធានីភ្នំពេញ។សេវាធ្វើលិខិតឆ្លងដែនមាន៣ប្រភេទ រួមមាន សេវាធម្មតា មានតម្លៃ១០០ដុល្លារ មានរយៈពេល១៥ថ្ងៃនៃថ្ងៃធ្វើការ សេវារហ័សកម្រិតមធ្យម មានតម្លៃ១៥០ដុល្លារ មានរយៈពេល៧ថ្ងៃនៃថ្ងៃធ្វើការ និងសេវារហ័ស មានតម្លៃ២០០ដុល្លារ មានពេល១ថ្ងៃ នៃថ្ងៃធ្វើការ។ អ្នកមមាញឹកខ្លាំងនៅថ្ងៃធ្វើការ ក៏អាចទៅស្នាក់ការផ្តល់លិខិតឆ្លងដែននៅ ផ្សារទំនើបអ៊ីអន២ សែនសុខ នៅថ្ងៃសៅរ៍ និងថ្ងៃអាទិត្យ ដើម្បីទទួលសេវានេះផងដែរ។ ពលរដ្ឋខ្មែរនៅកូរ៉េខាងត្បូង និងជប៉ុន ក៏អាចទទួលបានសេវានេះនៅស្ថានឯកអគ្គរដ្ឋទូតកម្ពុជា នៅទីក្រុងសេអ៊ូលផងដែរ៕ដោយ សេង សុខហ៊ុនមន្រ្តីក្រុមអ្នកនាំពាក្យ

រដ្ឋមន្ត្រីក្រសួងសុខាភិបាល ជួបពិភាក្សាការងារជារមួយប្រធានតំណាងការិយាល័យទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ប្រចាំកម្ពុជា

ភ្នំពេញ ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានទទួលជួបសំដែងការគួរសម និងពិភាក្សាការងារជាមួយលោក សាណុយ កាហ្សូម៉ាស្សា (SANUI Kazumasa) ប្រធានតំណាងការិយាល័យទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ប្រចាំប្រទេសកម្ពុជា និងក្រុមការងារ, នៅព្រឹកថ្ងៃទី១៨ ខែកញ្ញា ឆ្នាំ២០២៤ នៅទីស្តីការក្រសួងសុខាភិបាល។ជាកិច្ចចាប់ផ្តើម ឯកឧត្តមសាស្ត្រាចារ្យរដ្ឋមន្ត្រី បានមានមតិស្វាគមន៍ និងថ្លែងអំណរគុណដល់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ដែលកន្លងមកតែងតែគាំទ្រក្រសួងសុខាភិបាល ក្នុងការកសាងប្រព័ន្ធថែទាំសុខភាព ដែលមានភាពធន់ និងរឹងមាំនៅកម្ពុជា តាមរយៈការផ្តល់អ្នកជំនាញបច្ចេកទេស និងការផ្តល់ជំនួយហិរញ្ញប្បទាន ក្រោមក្របខណ្ឌជំនួយសហប្រតិបត្តិការបច្ចេកទេស និងហិរញ្ញប្រទានឥតសំណងដល់វិស័យសុខាភិបាល ដូចជាសាងសង់មូលដ្ឋានសុខាភិបាល និងផ្គត់ផ្គង់សម្ភារវេជ្ជសាស្ត្រ នៅតាមមន្ទីរពេទ្យជាច្រើនក្នុងប្រទេសកម្ពុជា ការពង្រឹងសេវាសង្គ្រោះបន្ទាន់ផ្នែកសម្ភព និងការថែទាំទារកទើបកើត និងការអភិវឌ្ឍធនធានមនុស្សសុខាភិបាលជាច្រើន មិនអាចកាត់ថ្លៃបានជាង៣ទសវត្សរ៍កន្លងមក និងបាននឹងកំពុងជួយជាបន្តបន្ទាប់រហូតបច្ចុប្បន្ន។ឯកឧត្តមសាស្ត្រាចារ្យរដ្ឋមន្ត្រី ក៏បានជម្រាបជូនភាគី JICA អំពីផែនការអាទិភាពរបស់ក្រសួងសុខាភិបាល ក្នុងអាណត្តិទី៧ ដែលត្រូវចាប់ផ្តើមអនុវត្តរួមមាន ការពង្រឹងសេវាមណ្ឌលសុខភាព មន្ទីរពេទ្យបង្អែកស្រុក ខេត្ត តាមរយៈការកែលម្អអគារ បំពាក់សម្ភារបរិក្ខារពេទ្យ ឱសថ និងការបណ្តុះបណ្តាលបុគ្គលិក ព្រមទាំងការប្រយុទ្ធនឹងជំងឺមិនឆ្លង និងការពង្រឹងស្ថាប័ន។ជាកិច្ចឆ្លើយតប លោក សាណុយ កាហ្សូម៉ាស្សា ប្រធានតំណាងការិយាល័យប្រចាំប្រទេសកម្ពុជា បានថ្លែងការកោតសរសើរ ឯកឧត្តមសាស្ត្រាចារ្យរដ្ឋមន្រ្តី ដែលបន្ទាប់ពីទទួលបាននូវការទុកចិត្ត ពីរាជរដ្ឋាភិបាលអាណត្តិទី៧ តែងតាំងជារដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ បានគាំទ្រពង្រឹង និងពង្រីកគម្រោងកិច្ចសហប្រតិបត្តិការទ្វេភាគីកាន់តែខ្លាំងក្លា។ លោកប្រធានក៏បានថ្លែងអំណរគុណ ឯកឧត្តមសាស្ត្រាចារ្យរដ្ឋមន្រ្តី ដែលបានឆ្លៀតពេលវេលាដ៏មមាញឹកទទួលជួបរូបលោក និងសហការីជាពិសេស គឺដើម្បីអនុញ្ញាតជូនលោកវេជ្ជបណ្ឌិត ណូហ្សូគី អ៊ីគូម៉ា ទីប្រឹក្សាគោលនយោបាយ (Health Policy Advisor) បានជម្រាបលាបន្ទាប់ពីបានបំពេញការងារ ជាទីប្រឹក្សាក្រសួងសុខាភិបាលអស់រយៈពេល៤ឆ្នាំ និងទទួលជួបស្វាគមន៍ទីប្រឹក្សាថ្មីដែលមកជំនួសគឺ លោកវេជ្ជបណ្ឌិត យូកូបូរី ព្រមទាំងជួបលោកស្រីវេជ្ជបណ្ឌិត ទីប្រឹក្សាគម្រោងជំងឺមិនឆ្លង (NCD Project)ផងដែរ។លោកប្រធាន ក៏បានសន្យានឹងបន្តពង្រឹងកិច្ចសហប្រតិបត្តិការ គាំទ្រផែនការអាទិភាពរបស់ក្រសួងសុខាភិបាល និងពង្រីកវិសាលភាពនៃកិច្ចសហប្រតិបត្តិការទ្វេភាគីកម្ពុជា-ជប៉ុន លើវិស័យសុខាភិបាល តាមរយៈកិច្ចសហការយ៉ាងជិតស្និទ្ធជាមួយក្រុមការងារបច្ចេកទេសរបស់ក្រសួងសុខាភិបាល។ឯកឧត្តមសាស្ត្រាចារ្យរដ្ឋមន្ត្រី បានស្វាគមន៍ និងថ្លែងនូវអំណរគុណយ៉ាងជ្រាលជ្រៅជូនចំពោះប្រជាជន និងរាជដ្ឋាភិបាលជប៉ុន ដែលបានឧបត្ថម្ភគាំទ្រដល់កម្ពុជា ទោះជាក្នុងអំឡុងពេលនៃការរាតត្បាតនៃជំងឺកូវីដ-១៩ ដូចជាបានផ្តល់នូវវ៉ាក់សាំងកូវីដ-១៩ ជូនប្រជាជនកម្ពុជា ផ្តល់រថយន្តគិលានសង្គ្រោះ លើកកម្ពស់គុណភាពសេវាសុខាភិបាល ការអភិវឌ្ឍធនធានមនុស្ស និងការអភិវឌ្ឍមូលដ្ឋានសុខាភិបាលជាដើម។ នេះសបញ្ជាក់អំពីភាពជិតស្និទ្ធនៃកិច្ចសហប្រតិបត្តិការទ្វេគាគីរបស់ប្រទេសទាំងពីរ ដែលបានការទទួលស្គាល់ពីថ្នាក់ដឹកនាំកំពូលនៃប្រទេសទាំងពីរថា ជាទំនាក់ទំនងទ្វេភាគីកម្ពុជា-ជប៉ុន គឺជាដៃគូយុទ្ធសាស្ត្រគ្រប់ជ្រុងជ្រោយ។ជាចុងបញ្ចប់ ឯកឧត្តមសាស្ត្រាចារ្យរដ្ឋមន្ត្រី បានថ្លែងអំណរគុណយ៉ាងជ្រាលជ្រៅបំផុតជូនដល់ប្រជាជន និងរដ្ឋាភិបាល នៃប្រទេសជប៉ុន ជាពិសេសទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ដែលបាននិងកំពុងបន្តពង្រឹកកិច្ចសហប្រតិបត្តិការដែលមានស្រាប់ជាមួយក្រសួងសុខាភិបាល និងដែលបានបង្ហាញពីការបេ្តជ្ញាចិត្តឥតងាករេបន្តគាំទ្ររួមចំណែកជួយដល់កិច្ចខិតខំប្រឹងប្រែងឥតឈប់ឈររបស់ក្រសួងសុខាភិបាលនៃព្រះរាជាណាចក្រកម្ពុជា ក្នុងការលើកកម្ពស់សុខុមាលភាពរបស់ប្រជាជនកម្ពុជា ដើម្បីរួមចំណែកជាមួយរាជរដ្ឋាភិបាលកម្ពុជាឈានទៅសម្រេចបាននូវការគ្របដណ្តប់សុខភាពជាសកលនាឆ្នាំ២០៣៥ ស្របតាមយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ ក្រោមការដឹកនាំដ៏ឈ្លាសវៃ និងមុះមុតប្រកបដោយគតិបណ្ឌិត និងចក្ខុវិស័យវែងឆ្លាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕អត្ថបទ រដ្ឋា

អត្ថន័យ នៃពិធីបុណ្យភ្ជុំបិណ្ឌ

ជារៀងរាល់ឆ្នាំ ចាប់ពីថ្ងៃ១រោច ដល់ថ្ងៃ១៥រោច ខែភទ្របទ ប្រជាពលរដ្ឋខ្មែរតែងតែប្រារព្ធនូវពិធីបុណ្យកាន់បិណ្ឌ និងភ្ជុំបិណ្ឌនៅតាមទីវត្តអារាម ដោយធ្វើជាចង្ហាន់រាប់បាត្រប្រគេនព្រះសង្ឃ។ ពិធីបុណ្យដែលធ្វើតាមទំនៀមពីដូនតាមកនេះ ត្រូវបានដក់ជាប់ក្នុងគំនិតប្រជាពលរដ្ឋខ្មែរតជំនាន់មកថា វាជាពិធីដើម្បីឧទ្ទិសកុសល្យជូនទៅដល់ដូនតា និងញាតិកាទាំង៧សណ្តានដែលបានចែកឋានទៅ ។ពិធីបុណ្យភ្ជុំបិណ្ឌ ត្រូវបានចែកចេញជាពីរ គឺ៖ទី១ ៖ ជារយៈពេលនៃការកាន់បិណ្ឌចាប់ពីថ្ងៃទី១រោចខែភទ្របទ រហូតដល់ថ្ងៃ១៤រោច ដោយប្រជាពលរដ្ឋខ្មែរតែងធ្វើចង្ហាន់ទៅប្រគេនព្រះសង្ឃ ។ទី២ ៖ ថ្ងៃចុងក្រោយ គឺថ្ងៃ១៥រោច ដែលជាថ្ងៃភ្ជុំបិណ្ឌប្រជាពលរដ្ឋតែងធ្វើការជួបជុំគ្នាដើម្បីឆ្លងនូវសធាជ្រះថ្លា ដែលបានថ្វាយទានចំពោះភិក្ខុសង្ឃក្នុងរយៈពេល១៤ថ្ងៃកន្លងមក។ខ្មែរយើង គឺជាជនជាតិមួយដែលមានការដឹងគុណចំពោះបុគ្គលដែលបានធ្វើឧបការៈដល់ខ្លួន ពោលគឺអ្នកកាន់ព្រះពុទ្ធសាសនាប្រកាន់យកគោលការណ៍ នៃការដឹងគុណ ហើយការដឹងគុណនេះ មិនមែននិយាយត្រឹមតែដូនតា ឬក៏ញាតិមិត្តរបស់ខ្លួនទេ គឺជាការដឹងគុណតាំងពីធម្មជាតិ ដឹងគុណពីអ្នកដទៃបើមិនជាប់ជាញាតិរបស់ខ្លួនយ៉ាងណាក៏ដោយ ប៉ុន្តែសម្តែងនូវទឹកចិត្តដឹងគុណ ដែលហៅថា កតញ្ញូតាធម៌ ទើបមានការឈានទៅធ្វើពិធីទាំងអស់នេះបាន ព្រោះបើយើងអត់មានកតញ្ញូនៅក្នុងចិត្តទេ គឺមិនអាចទៅធ្វើពិធីបុណ្យនេះបានទេ។និយាយជារួមមក ពិធីបុណ្យភ្ជុំបិណ្ឌនេះ ដូនតាខ្មែរបានប្រារព្ធធ្វើឡើងក្នុងគោលបំណងបង្រៀនទៅដល់កូនចៅឱ្យដឹងអំពីកំណើត ចេះគោរព ដឹងគុណ និងមានកតញ្ញូធម៌។ យើងជាជនជាតិខ្មែរ ត្រូវស្គាល់អំពីកំណើត និងការដឹងគុណ។ «សូមចូលរួមចំណែកដើម្បីរក្សាវប្បធម៌ជាតិយើង ពិសេសបំផុតគឺបុណ្យភ្ជុំបិណ្ឌនេះ ដើម្បីក្លាយជាអ្នកបន្តវេណជំនាន់ក្រោយទៀត រក្សាតម្លៃដ៏ពិសិដ្ឋ នៃកតញ្ញូធម៌»៕

បណ្ដាញសង្គម

ព័ត៌មានថ្មីៗ

ប្រទេសហុងគ្រី និងស្លូវ៉ាគី ព្រួយបារម្ភពីកង្វះប្រេង ក្រោយការវាយប្រហាររបស់អ៊ុយក្រែនលើបំពង់បង្ហូរប្រេងរុស្ស៊ី

កូរ៉េខាងជើង ចោទទាហានកូរ៉េខាងត្បូងថាបានបាញ់ព្រមាននៅជិតព្រំដែន

លោក Zelenskiy៖ រុស្ស៊ីកំពុងធ្វើអ្វីៗគ្រប់យ៉ាងដើម្បីបញ្ឈប់ជំនួបរបស់លោក ជាមួយលោក Putin

[BREAKING NEWS] មនុស្សច្រើននាក់ស្លាប់ និងអ្នកដំណើរច្រើននាក់ទៀតជាប់ខ្លួនក្នុងឧបទ្ទវហេតុរថយន្តក្រុងទេសចរណ៍នៅ រដ្ឋញូវយ៉ក

ហុងគ្រីស្វែងរកជំនួយពីអាមេរិក ជុំវិញការកាត់ផ្ដាច់ការផ្គត់ផ្គង់ប្រេង ដោយសារសង្គ្រាមអ៊ុយក្រែន

រុស្ស៊ី៖ របៀបវារៈសម្រាប់លទ្ធភាពនៃជំនួបកំពូល Putin-Zelenskyy មិនទាន់ត្រៀមរួចរាល់ទេ

កូរ៉េខាងត្បូងបញ្ជូនគណៈប្រតិភូទៅចិន ខណៈពន្ធរបស់លោក Trump ផ្លាស់ប្តូរស្ថានភាពពាណិជ្ជកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877