BTV NEWS

លោកជំទាវ ចម និម្មល អញ្ជើញដឹកនាំកិច្ចប្រជុំគណៈកម្មការអន្តរក្រសួងដើម្បីរៀបចំ និងចូលរួមពិព័រណ៍ពិភពលោក និងពិព័រណ៍ពាណិជ្ជកម្មអន្តរជាតិ

ឧត្តមសេនីយ៍ឯក ឯក សំអូន៖ កម្ពុជា-ថៃ នឹងខិតខំដោះស្រាយបញ្ហាដោយសន្តិវិធីជៀសវាងការប៉ះទង្គិចគ្នា

កិច្ចប្រជុំ RBC ព្រឹកនេះ កម្ពុជា និងថៃ បានប្តេជ្ញាចិត្តធ្វើការរួមគ្នាឆ្ពោះទៅស្តារប្រក្រតីភាពឡើងវិញ នៅតាមតំបន់ព្រំដែន

មណ្ឌលសុខភាពទូទាំងប្រទេស ទទួលការបណ្តុះបណ្តាល ស្តីពីការគ្រប់គ្រងមន្រ្តីផ្អែកលើកិច្ចព្រមព្រៀងការងារ

ព័ត៌មានជាតិ

ការធ្វើកំណែសន្លឹកកិច្ចការគ្រូមតេយ្យសិក្សាបានចាប់ផ្ដើម និងគ្រោងប្រកាសលទ្ធផលសប្ដាហ៍នេះ

ក្រសួងមុខងារសាធារណៈ នៅព្រឹកថ្ងៃទី ១៦ ខែកញ្ញា ឆ្នាំ ២០២៤នេះ បានចាប់ផ្ដើមធ្វើកំណែលើសន្លឹកកិច្ចការបេក្ខជនប្រឡងគ្រូមតេយ្យសិក្សា។ ការចាប់ផ្ដើមធ្វើកំណែនេះ ធ្វើឡើងក្រោមអធិបតីភាព ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងមានវត្តមានចូលរួមសង្កេតការណ៍ពី មន្ត្រីអង្គភាពប្រឆាំងអំពើពុករលួយ ក៏ដូចជាអ្នកសង្កេតការណ៍ស្ម័គ្រចិត្តជាច្រើនរូប។ឯកឧត្តម ង៉ឺយ ធឿន សមាជិកគណៈមេប្រយោគនិងជាអនុប្រធានគណៈកម្មការកំណែលើកឡើងឱ្យដឹងថា គ្រូបង្រៀនដែលទទួលខុសត្រូវលើការធ្វើកំណែទាំងមុខវិជ្ជាអក្សរសាស្ត្រខ្មែរ និងមុខវិជ្ជាគណិតវិទ្យាមានចំនួនជាង ២០នាក់។ ពួកគាត់ជាគ្រូបង្រៀន មកពីវិទ្យាល័យផ្សេងៗ ដែលចាត់តាំងដោយ ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងអប់រំ។ ឯកឧត្តមលើកឡើងបន្ថែមថា តាមការគ្រោងការធ្វើកំណែនឹងបញ្ចប់ឆាប់ៗ រីឯការប្រកាសលទ្ធផលអាចធ្វើឡើងនៅរសៀលថ្ងៃពុធ ឬព្រឹកថ្ងៃព្រហស្បតិ៍។សូមជម្រាបថា សម្រាប់បេក្ខជន ដែលប្រឡងជាប់ទាំង ២០០ រូប នឹងត្រូវឆ្លងកាត់ការបណ្ដុះបណ្ដាលថែម រយៈពេលពីរឆ្នាំ មុននឹងចេញទៅបង្រៀន នៅតាមសាលាគោលដៅនីមួយៗ។ ចំពោះការជ្រើសរើសគ្រូបង្រៀនកម្រិតមតេយ្យសិក្សានេះ គឺនឹងបែងចែកទៅតាមប៉ុស្តិ៍គ្រប់រាជធានី-ខេត្តទូទាំងប្រទេស។ តាមការបែងចែក ខេត្តសៀមរាប និងខេត្ត ត្បូងឃ្មុំ មានចំនួនច្រើនជាងគេ គឺចំនួន ១៨ ប៉ុស្តិ៍ក្នុងខេត្តនីមួយ។ រីឯខេត្តដែលចំនួនប៉ុស្តិ៍ច្រើនបន្ទាប់ គឺជាខេត្ត បាត់ដំបង ដែលមានចំនួន ១៥ប៉ុស្តិ៍។ ចំពោះខេត្តដែលមានចំនួនប៉ុស្តិ៍តិចជាងគេ គឺជាខេត្ត កែប ដែលមានចំនួនត្រឹម ១ប៉ុស្តិ៍ប៉ុណ្ណោ៕ អត្ថបទ៖ គឹមហុក

ពលរដ្ឋ៖ ព្រឹត្តិការណ៍ Gumball 3000 នឹងទាក់ទាញភ្ញៀវទេសចរអន្តរជាតិកាន់តែច្រើន មកទស្សនាកម្ពុជា

ក្រុមប្រជាពលរដ្ឋដែលបានចូលរួមអបអរសាទរពឹ្រត្តការណ៍អន្តរជាតិ Gumball 3000 បានបង្ហាញអារម្មណ៍ភ្ញាក់ផ្អើលលាយឡំជាមួយភាពសប្បាយរីករាយយ៉ាងគគ្រឹកគគ្រេងក្នុងកម្មវិធីនេះ និងលើកឡើងថា តាមរយៈព្រឹត្តការណ៍នេះ នឹងទាក់ទាញភ្ញៀវទេសចរបរទេសកាន់តែច្រើនឡើងថែមទៀត ដើម្បីមកទស្សនាប្រទេសកម្ពុជានាពេលខាងមុខ។លោក កែវ តារាវង្ស ពលរដ្ឋមកពីតំបន់ពោធិ៍ចិនតុង ខណ្ឌពោធិ៍សែន រាជធានីភ្នំពេញ ដែលបានចូលរួមព្រឹត្តការណ៍នេះដោយផ្ទាល់រួមទាំងរថយន្តផងនោះ បានឲ្យព័ត៌មាន ប៊ីធីវី ដឹងថា កម្មវិធីនេះរូបលោក រួមទាំងក្រុមគ្រួសារ និងមិត្តភក្តិបានចុះឈ្មោះរថយន្ត ដើម្បីចូលរួមក្នុងគោលដៅផ្សព្វផ្សាយពីទេសចរណ៍ និងបង្ហាញពីសន្តិភាពកម្ពុជាទៅកាន់ឆាកអន្តរជាតិ មានចំនួន ៤១គ្រឿង។ លោកបានបន្តថា នេះជាកម្មវិធីដ៏អស្ចារ្យសម្រាប់ប្រទេសកម្ពុជាទាំងមូល ព្រោះបានបង្ហាញថា កម្ពុជាជាប្រទេសមានសុខសន្តិភាព ធានាបានស្ថិរភាពនយោបាយ ដែលអាចឱ្យភ្ញៀវជាប្រតិភូសុទ្ធសឹងជាអ្នកល្បីល្បាញចូលរួម មកជួយផ្សព្វផ្សាយកិត្តិនាមកម្ពុជាទៅកាន់ពិភពលោក។ ស្រដៀងគ្នានេះ ប្រជាពលរដ្ឋដទៃផ្សេងទៀត ដែលកំពុងដើរទស្សនាក្នុងកម្មវិធីនេះ បានលើកឡើងថា ពិតជាមានអារម្មណ៍ថារំភើបចិត្ត ប្លែកភ្នែក និងមិននឹកស្មានទេថា កម្ពុជាអាចមានព្រឹត្តការណ៍បែបនេះឡើងនៅក្នុងប្រទេសរបស់ខ្លួនដោយផ្ទាល់ ខណៈដែលកន្លងមកព្រឹត្តការណ៍បែបនេះ ធ្លាប់ឃើញតែក្នុងបណ្តាញសង្គម ដែលរៀបចំឡើងនៅក្រៅស្រុកតែប៉ុណ្ណោះ។លោកឧកញ៉ា លាង ពៅ ប្រធានក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន បានបញ្ជាក់ថា តួលេខចុងក្រោយដែលទទួលបានពីការចុះឈ្មោះរបស់អ្នកចូលរួមក្នុងព្រឹត្តការណ៍អន្តរជាតិនេះ មានរថយន្តក្នុងស្រុកចំនួនជាង ៤០០គ្រឿង និងមកពីក្រៅស្រុកចំនួនជាង ១០០គ្រឿង ដើម្បីចូលរួមតាំងបង្ហាញឡានទំនើបៗ ក៏ដូចជាជួបជុំគ្នាថតរូបនៅរង្វង់រាជធានីភ្នំពេញ និងបន្ទាប់ពីនោះបន្តដំណើរឆ្ពោះទៅកាន់ខេត្តសៀមរាប។ លោកបញ្ជាក់បន្ថែមថាកាន់តែពិសេសជាងនេះថែមទៀត គឺការបង្កើតកំណត់ត្រា World Guinness Record នៅមុខប្រាសាទអង្គរ។សូមជម្រាបថាព្រឹត្តិការណ៍ Gumball 3000 នឹងរួមចំណែកធ្វើឱ្យប្រទេសកម្ពុជាមានអ្នកកាន់តែស្គាល់ច្រើនបន្ថែមទៀតតាមរយៈអ្នកល្បីល្បាញនឹងបង្កើតមាតិកាផ្សព្វផ្សាយពីកម្ពុជា ខណៈក្រៅពីនោះប្រតិភូរបស់ Gumball 3000 នឹងរៀបចំសង្ខេបជាភាពយន្តមួយដែលរៀបរាប់ពីដំណើរផ្សងព្រេងរបស់ពួកគេ ដើម្បីបញ្ជូលទៅក្នុងកម្មវិធីដ៏ល្បីមានឈ្មោះថា Nexflix ដែលតែងតែចាក់បញ្ចាំងរាល់វីដេអូលើពេញពិភពលោក៕ អត្ថបទ ឈិត បូរ៉ាវី

ម្ចាស់រថយន្តចូលរួមព្រឹត្តិការណ៍ Gumball 3000 ប្ដេជ្ញាទាក់ទាញទេសចរឱ្យកាន់តែច្រើនមកកម្ពុជា

ប្រជាពលរដ្ឋដែលជាម្ចាស់រថយន្តទំនើបៗ ចូលរួមព្រឹត្តិការណ៍ Gumball 3000 បានប្ដេជ្ញាធ្វើឱ្យ ព្រឹត្តិការណ៍នេះទាក់ទាញដល់ទេសចរ និងវិស័យទេសចរណ៍នៅខេត្តសៀមរាបកាន់តែច្រើនថែមទៀត។ស្របពេលថ្ងៃនេះព្រឹត្តិការណ៍ Gumball 3000 បានឈានចូលដល់ថ្ងៃទី២ បណ្តាប្រជាពលរដ្ឋកម្ពុជាដែលជាម្ចាស់រថយន្តទំនើបៗបានបន្តចូលរួមជាមួយសមាជិក Gumball មកពីអ៊ឺរ៉ុប ដើម្បីធ្វើដំណើឆ្ពោះទៅកាន់ខេត្តសៀមរាប។ ក្នុងនោះ ម្ចាស់រថយន្តទំនើបៗ បានប្រាប់ BTV ឱ្យដឹងនៅថ្ងៃទី១៦ ខែកញ្ញា ឆ្នាំ២០២៤នេះថា ក្នុងនាមអ្នកចូលរួមក្នុងព្រឹត្តិការណ៍ដ៏អស្ចារ្យនេះពិតជាមានក្តីសប្បាយរីករាយ និងសាទរទៅលើការរៀបចំរបស់ Gumball 3000 សហការជាមួយក្រុមហ៊ុន ជីប ម៉ុង រួមទាំងក្រោមកិច្ចសម្របសម្រួលរបស់ក្រសួងទេសចរណ៍ទើបធ្វើឱ្យព្រឹត្តិការណ៍ក្នុងថ្ងៃទី១ម្សិលមិញនេះប្រព្រឹត្តទៅដោយរលូន និងមានការចូលរួមយ៉ាងច្រើនកុះករពីសំណាក់ប្រជាពលរដ្ឋ។ ប្រជាពលរដ្ឋជាម្ចាស់រថយន្ត បានបញ្ជាក់ថា ដំណើរទៅកាន់ខេត្តសៀមរាប ពិតជាមានសារៈសំខាន់ និងជាគោលបំណងធំបំផុតគឺដើម្បីរំលេច និងលើកស្ទួយវិស័យទេសចរណ៍របស់ប្រទេសកម្ពុជាទៅកាន់អន្តរជាតិតាមរយៈការជួបជារបស់អ្នកល្បីល្បាញលំដាប់ពិភពលោក រួមជាមួយរថយន្តប្រណិតៗជាច្រើនគ្រឿង។សូមជម្រាបថា ព្រឹត្តិការណ៍ GUMBALL 3000 ធ្វើឡើងនៅកម្ពុជាឆ្នាំនេះ គឺក្នុងគោលដៅធំៗ ចំនួន៤គឺ យុទ្ធនាការផ្សព្វផ្សាយវិស័យទេសចរណ៍នៅកម្ពុជា, យុទ្ធនាការសប្បុរសធម៌រៃអង្គាសថវិកាជួយដល់មន្ទីរពេទ្យកុមារនៅសៀមរាប, ទី៣ ការបើកឱកាសរវាងអ្នកវិនិយោគទុនឯកជនបរទេស និងនៅក្នុងស្រុកបានជួបគ្នា និងកាន់តែពិសេសនោះ គឺការបង្កើតកំណត់ត្រាពិភពលោកហ្គីណេស ដោយចតរថយន្តទំនើបៗច្រើនបំផុត នៅតំបន់បេតិកភណ្ឌ នៅមុខប្រាសាទអង្គរ៕ អត្ថបទ សេក ឧត្តម

ឯកឧត្តមបណ្ឌិត កៅ ថាច ស្នើសុំឲ្យម្ចាស់រោងម៉ាស៊ីនបន្តប្រមូលទិញស្រូវពីកសិករបន្ថែមទៀត

បន្ទាយមានជ័យ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និង សហការី បានបន្តអញ្ជើញចុះពិនិត្យមើលរោងម៉ាស៊ីនកិនស្រូវ៤កន្លែង និងការប្រមូលទិញស្រូវរបស់រោងម៉ាស៊ីនក្នុងស្រុក ស្ថិតនៅភូមិធំថ្មី ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ។ការចុះពិនិត្យពីខ្សែច្រវ៉ាក់ផលិតកម្មនៅក្នុងរោងម៉ាស៊ីនកិនស្រូវ ធ្វើឡើងនៅថ្ងៃទី១៥ ខែកញ្ញាម្សិលមិញនេះ ដឹកនាំដោយឯកឧត្តមបណ្ឌិត កៅ ថាច គឺស្របពេលដែលកសិករនៅទូទាំងប្រទេស កំពុងតែមមាញឹកយ៉ាងខ្លាំងក្នុងការប្រមូលផលស្រូវ OM 54 51 ស្រូវស្រង៉ែ ជាដើម។ ក្នុងនោះឯកឧត្តមបណ្ឌិត ក៏បានស្នើសុំឲ្យរោងម៉ាស៊ីនបន្តប្រមូលទិញស្រូវពីកសិករបន្ថែមទៀត។ ជាមួយគ្នានេះ ក៏ជាពេលវេលាដ៏ល្អ ដែលកសិករយើងបាន និងត្រៀមខ្លួនក្នុងការប្រមូលផលស្រូវវស្សានៅពេលខាងមុខនេះ។សូមបញ្ជាក់ថា ដំណើរទស្សនកិច្ចចុះពិនិត្យមើលរោងម៉ាស៊ីនកិនស្រូវរបស់ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) រួមមាន៖ ទី១ រោង ម៉ាស៊ីន ឆាយ គឹមទឹង ,ទី២ រោងម៉ាស៊ីន ហ្វាង វី ១៦៨ និងទី៣ រោងម៉ាស៊ីនកិនស្រូវ កៅង៉ែត ដែលកំពុងប្រមូលទិញស្រូវស្រង៉ែ និងOM 54 51 ពីប្រជាកសិករនៅទូទាំងខេត្ដបន្ទាយមានជ័យ ដើម្បីស្តុកទុក និងកែច្នៃនាំចេញក្រៅប្រទេស ។ដោយឡែកនារសៀលថ្ងៃទី១៥ ខែកញ្ញាដដែលនោះឯកឧត្តមបណ្ឌិត កៅ ថាច និង សហការី បានបន្តអញ្ជើញចុះពិនិត្យមើលរោងម៉ាស៊ីន និងការប្រមូលទិញស្រូវទី៤ ឈ្មោះ ភួកុកគី ដែលស្ថិតនៅភូមិក្រោលក្របី ឃុំត្រពាំងជង ស្រុកបាកាន ខេត្តពោធិ៍សាត់។ទន្ទឹមនោះឯកឧត្តមបណ្ឌិតប្រតិភូ បានផ្តល់អនុសាសន៍ និងណែនាំដល់ម្ចាស់រោងម៉ាស៊ីនកិនស្រូវ ភួកុកគី ត្រូវធ្វើយ៉ាងណា នាពេលប្រមូលផលស្រូវត្រូវបង្កើតការទិញស្រូវពីកសិករឲ្យបានច្រើនថែមទៀត ដើម្បីជួយរក្សាស្ថេរភាពតម្លៃដល់កសិករ៕

សម្តេចរដ្ឋសភាធិបតី ឃួន សុដារី នឹងដឹកនាំគណៈប្រតិភូជាន់ខ្ពស់រដ្ឋសភាកម្ពុជា បំពេញទស្សនកិច្ចទៅកាន់ប្រទេសចិន នៅចុងសប្តាហ៍នេះ

តបតាមការអញ្ជើញរបស់ ឯកឧត្តម ចាវ ឡឺជី (Zhao Leji) ប្រធានគណៈកម្មាធិការអចិន្រ្តៃយ៍នៃសភាតំណាងប្រជាជនចិនទូទាំងប្រទេសនៃសាធារណរដ្ឋប្រជាមានិតចិន សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់រដ្ឋសភានៃព្រះរាជាណាចក្រកម្ពុជា ទៅបំពេញទស្សនកិច្ចផ្លូវការ និងមិត្តភាព នៅសាធារណរដ្ឋប្រជាមានិតចិន ចាប់ពីថ្ងៃទី២២ ដល់ថ្ងៃទី២៦ ខែកញ្ញា ឆ្នាំ២០២៤។ ដំណើរទស្សនកិច្ចនេះធ្វើឡើងក្នុងគោលបំណង ពង្រឹងពង្រីកចំណងមិត្តភាព និងកិច្ចសហប្រតិបត្តិការសភា នៃប្រទេសទាំងពីរឱ្យកាន់តែរឹងមាំ ស៊ីជម្រៅ និងគ្រប់ជ្រុងជ្រោយឡើង ទាំងក្នុងក្របខណ្ឌទ្វេភាគី និងពហុភាគី ស្របតាមស្មារតីនៃចំណងមិត្តភាពជាប្រពៃណី កិច្ចសហប្រតិបត្តិការដៃគូយុទ្ធសាស្រ្តគ្រប់ជ្រុងជ្រោយ និងមិត្តភាពដែកថែបនៃប្រទេសទាំងពីរឱ្យកាន់តែរីកចម្រើនរឹងមាំឡើងជាលំដាប់ សំដៅបម្រើផលប្រយោជន៍ជូនប្រទេស និងប្រជាជនទំាងសងខាងឱ្យបានកាន់តែផុលផុសឡើង។ តាមគម្រោងក្នុងដំណើរទស្សនកិច្ចនេះ សម្តេចរដ្ឋសភាធិការធិបតី នឹងជួបសម្តែងការគួរសមនិងពិភាក្សាការងារជាមួយថ្នាក់ដឹកនាំសំខាន់ៗនៃស្ថាប័ននីតិប្បញ្ញត្តិនៃសាធារណរដ្ឋប្រជាមានិតចិន មានជាអាទិ៍ ជួប សម្តែងការគួរសម ឯកឧត្តម វ៉ាង ហ៊ូនីង (Wang Huning) ប្រធានគណៈកម្មាធិការជាតិនៃសន្និសីទប្រឹក្សានយោបាយប្រជាជនទូទំាងប្រទេសចិន និងជួបពិភាក្សាការងារទ្វេភាគី ជាមួយ ឯកឧត្តម ចាវ ឡឺជី (Zhao Leji) ប្រធានគណៈកម្មាធិការអចិន្រ្តៃយ៍នៃសភាតំណាងប្រជាជនចិនទូទាំងប្រទេស។ ប្រធានរដ្ឋសភាកម្ពុជា-ចិន ក៏គ្រោងនឹងចុះហត្ថលេខាលើអនុស្សរណៈនៃការយោគយល់គ្នា រវាងរដ្ឋសភាប្រទេសទំាងពីរ ដែលនឹងផ្តល់លទ្ធភាពកាន់តែទូលំទូលាយថែមទៀតដល់កិច្ចសហប្រតិបត្តិការរដ្ឋសភាប្រទេសទំាងពីរ ដូចជាការផ្លាស់ប្តូរដំណើរទស្សនកិច្ចនិងការចែករំលែកបទពិសោធន៍ការងារពីគ្នាទៅវិញទៅមកនៅគ្រប់កម្រិត។ សម្តេចរដ្ឋសភាធិបតី ឃួន សុដារី និងសមភាគី ឯកឧត្តម ចាវ ឡឺជី ក៏នឹងអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងគ្នាស្តីពីកិច្ចសហប្រតិបត្តិការ រវាងអគ្គលេខាធិការដ្ឋានរដ្ឋសភានៃប្រទេសទំាងពីរ ផងដែរ។ បន្ទាប់ពីបញ្ចប់ទស្សនកិច្ចនៅទីក្រុងប៉េកំាង គណៈប្រតិភូជាន់ខ្ពស់រដ្ឋសភាកម្ពុជា ដឹកនាំដោយ សម្តេចរដ្ឋសភាធិបតី នឹងបន្តទស្សនកិច្ចនៅទីក្រុងសៀងហៃ ដែលនៅទីនោះ សម្តេចរដ្ឋសភាធិបតី នឹងទទួលជួបពិភាក្សាការងារជាមួយ មូយភាគីមិត្តចិន មួយចំនួនទៀត។ អំឡុងពេលទស្សនកិច្ចនៅសាធារណរដ្ឋប្រជាមានិតចិន គណៈប្រតិភូជាន់ខ្ពស់រដ្ឋសភាកម្ពុជា នឹងអញ្ជើញទៅ ទស្សនាតំបន់វប្បធម៌ ទេសចរណ៍ និងឧស្សាហកម្មសំខាន់ៗ ទំាងនៅទីក្រុងប៉េកំាងនិងក្រុងសៀងហៃ ដែលជាផ្នែកមួយសំខាន់នៃការភ្ជាប់ទំនាក់ទំនងប្រជាជននិងប្រជាជន ដែលជាគ្រឹះនៃការពង្រឹងកិច្ចសហប្រតិបត្តិការ រវាងប្រទេសទំាងពីរលើគ្រប់វិស័យ មានទេសចរណ៍ វប្បធម៌ សេដ្ឋកិច្ច ពាណិជ្ជកម្ម អប់រំនិង បច្ចេកវិទ្យាជាដើម៕

លោកអភិបាលខណ្ឌ៧មករាចុះត្រួតពិនិត្យមើលតាមអាហារដ្ឋានលក់ដូរភេសជ្ជៈគ្រឿងកំប៉ុងក្នុងបរិវេណសាលារៀនបាក់ទូក

លោកអភិបាលខណ្ឌ៧មករា បានចុះត្រួតពិនិត្យមើលតាមអាហារដ្ឋានលក់ដូរក្នុងបរិវេណសាលារៀនបាក់ទូក ទាំងវិទ្យាល័យ និងសាលាបឋមសិក្សា ដែលលក់ដូរភេសជ្ជៈគ្រឿងកំប៉ុងដែលអាចប៉ះពាល់ដល់សុខភាពសិស្សានុសិស្ស។ជាក់ស្ដែងនាព្រឹកថ្ងៃទី១៦ ខែកញ្ញា ឆ្នាំ២០២៤នេះ លោក ថេង សុថុល អភិបាលនៃគណៈអភិបាលខណ្ឌ៧មករា បានដឹកនាំមន្រ្តី និងគណៈគ្រប់គ្រងសាលា ចុះត្រួតពិនិត្យ និងសំណេះសំណាលជាមួយ បងប្អូនអាជីវក អ្នកលក់ដូរចំណីអាហារសម្រាប់កូនៗសិស្សានុសិស្ស ក្រោយមានពលរដ្ឋសំណូមពរដល់អាជ្ញាធរនិងគណៈគ្រប់គ្រងសាលារៀន គួរមានវិធានការ ចំពោះការលក់ដូរភេសជ្ជៈគ្រឿងកំប៉ុង នៅសាលារៀន។ក្នុងការចុះសំណេះសំណាល នេះដែរ លោក ថេង សុថុល អភិបាលខណ្ឌ៧មករា បន្តណែនាំដល់បងប្អូនអាជីវករអ្នកលក់ដូរភេសជ្ជៈគ្រឿងកំប៉ុង រួមទាំងចំណីអាហារទាំងអស់ សូមចូលរួមសហការជាមួយគណៈគ្រប់គ្រងសាលា និងពិនិត្យមើលពីគុណភាពឲ្យបានត្រឹមត្រូវ ជៀសវាងពីផលប៉ះពាល់ដល់សុខភាពកូនៗសិស្សានុសិស្ស បងប្អូនអាជីវក ក៏មានកូនចៅតូចៗ ដូចគ្នា ទាំងសាលាបឋម និងវិទ្យាល័យ នៅសាលារៀនបាក់ទូក។អាជីវកអ្នកលក់ដូរនៅអាហារដ្ឋានក្នុងបរិវេណសាលាឲ្យដឹងថា គណៈគ្រប់គ្រងសាលាបានណែនាំជាប់ជាប្រចាំ ហើយពួកគាត់លើកឡើងថា ការលក់ដូររបស់ពួកគាត់គិតពីបរិស្ថានអនាម័យ ណាស់ សម្រាប់កូនៗសិស្សសាលា ព្រោះកូនៗនៅតូច កូនគេកូនយើង ចៅគេចៅយើង ដូចតែគ្នាទេ គិតពីសុខភាព។គួរបញ្ជាក់ផងដែរ រសៀលថ្ងៃទី១២ ខែកញ្ញាឆ្នាំ២០២៤ រដ្ឋបាលខណ្ឌ៧មករា បានបើកវេទិកាផ្សព្វផ្សាយ និងពិគ្រោះយោបល់ ក្រោមអធិបតីភាព លោក សោម សុវណ្ណ ប្រធានក្រុមប្រឹក្សាខណ្ឌ៧មករា និងលោក ថេង សុថុល អភិបាល នៃគណៈអភិបាលខណ្ឌ៧មករា មន្រ្តីចម្រុះក្រោមឱវាទរដ្ឋបាលខណ្ឌ៧មករា ព្រមទាំងមានការចូលរួមពីប្រជាពលរដ្ឋជាច្រើននាក់ មកពីតាមបណ្តាសង្កាត់ទាំង៨។ ក្នុងពលរដ្ឋបានលើកឡើងនិងសំណូមពរ ពីបញ្ហា ក្រុមអាជីវករលក់ដូរភេសជ្ជៈគ្រឿងកំប៉ុង នៅបរិវេណសាលារៀនបាក់ទូក ដែលកូនៗរបស់គាត់ទិញហូបអាចធ្វើប៉ះពាល់ដល់សុខភាព ជាខ្លាំង ។ក្នុងនោះដែរ លោក ថេង សុថុល អភិបាលនៃគណៈអភិបាលខណ្ឌ៧មករា បានទទួលយកនៅសំណូមពរ ប្រជាពលរដ្ឋ នឹងបានលើកឡើងថា សំណូមពរនេះពិតជាសំខាន់ណាស់ គឺដើម្បីផលប្រយោជន៍រួម សម្រាប់សិស្សានុសិស្សនិងអាណាព្យាបាលរបស់សិស្ស។ បញ្ហានេះ លោកអភិបាលនិងពិភាក្សាជាមួយគណៈនាយកសាលាដើម្បីរកដំណោះស្រាយឲ្យបានសមរម្យណាមួយសម្រាប់សំណូមពររបស់ពលរដ្ឋ៕ អត្ថបទ ៖ កុម្ភះ

សម្ដេចធិបតី៖ គ្រូពេទ្យធ្វើការងាររបស់ទេវតា តាមរយៈការខិតខំជួយសង្គ្រោះជីវិតរបស់ប្រជាពលរដ្ឋ

ក្នុងឱកាសអញ្ជើញជាអធិបតីពិធីបញ្ចុះបឋមសិលាបើកការដ្ឋានសាងសង់អគារបន្ថែមនៅមន្ទីរពេទ្យកាល់ម៉ែត រាជធានីភ្នំពេញ នៅព្រឹកថ្ងៃ ទី១៦ ខែកញ្ញា ឆ្នាំ២០២៤នេះដែរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់ថា គ្រូពេទ្យកំពុងធ្វើការងាររបស់ទេវតា ខណៈដែលគ្រូពេទ្យបានចូលរួមដើរតួនាទីយ៉ាងសំខាន់ ក្នុងការជួយសង្គ្រោះជីវិតរបស់ប្រជាពលរដ្ឋនៅទូទាំងប្រទេសជារៀងរាល់ថ្ងៃ។ក្នុងឱកាសនោះ សម្ដេចធិបតី នាយករដ្ឋមន្រ្ដីបានថ្លែងអំណរគុណដល់គ្រូពេទ្យនៅទូទាំងប្រទេស ក៏ដូចជាមន្រ្ដីសុខាភិបាលដែលបានខិតខំផ្ដល់សេវាល្អជូនដល់ប្រជាពលរដ្ឋនៅទូទាំងប្រទេស ជាពិសេសក្នុងកាលៈទេសៈដែលលំបាកដូចជាអំឡុងពេលការរាតត្បាតជំងឺកូវីដ-១៩ គ្រូពេទ្យ គឺជាទ័ពអាវសនៅមុខគេ ដើម្បីជួយសង្គ្រោះជីវិតរបស់ប្រជាពលរដ្ឋ។ទោះជាយ៉ាងណាសម្ដេចធិបតី នាយករដ្ឋមន្រ្ដី បានអំពាវនាវដល់គ្រូពេទ្យទាំងអស់ កុំបន្ទន់ និងកុំទម្លាក់ស្ដង់ដាការផ្ដល់សេវាសុខាភិបាលល្អដល់ប្រជាពលរដ្ឋឱ្យសោះ ហើយគ្រូពេទ្យត្រូវប្រកាន់ខ្ជាប់នូវវិន័យឱ្យបានតឹងរឹង ពីព្រោះការសង្គ្រោះជីវិតរបស់ប្រជាពលរដ្ឋ គឺមានសារសំខាន់ណាស់មិនអាចធ្វេសប្រហែសឡើយ។សម្ដេចធិបតីបញ្ជាក់ថា រាជរដ្ឋាភិបាលអាណត្តិទី៧ កំពុងបន្តពង្រឹងការផ្ដល់សេវាសុខាភិបាលឱ្យបានល្អប្រសើរទៅដល់ប្រជាពលរដ្ឋ តាមរយៈការពង្រាយមន្រ្ដី ដើម្បីធ្វើយ៉ាងណាផ្ដល់សេវាសុខាភិបាលឱ្យដល់ប្រជាពលរដ្ឋឱ្យបាន២៤ម៉ោងលើ២៤ម៉ោង ជាពិសេសចំពោះការផ្ដល់សេវាសង្គ្រោះបឋមណាមួយដែលកើតមានឡើងនៅមូលដ្ឋាន។ លើសនេះរាជរដ្ឋាភិបាលបាននឹងកំពុងពង្រីកបន្ថែមការគ្រប់ដណ្ដប់លើកម្មវិធីមូលនិធិសមធម៌សង្គមសុខាភិបាលជូនដល់គ្រួសារងាយរងគ្រោះ និងក្រុមគោលដៅក្នុងសេដ្ឋកិច្ចក្រៅប្រព័ន្ធ របបសន្ដិសុខសង្គមផ្នែកថែទាំសុខភាព ប.ស.ស. ដល់សមាជិកគ្រួសារ និងអ្នកនៅក្នុងបន្ទុកសមាជិក ប.ស.ស និងប្រជាជនស្វ័យនិយោជន៍ដោយឈរលើគោលការណ៍ស្ម័គ្រចិត្ត ព្រមទាំងវិធីជំនួយសង្គមផ្សេងទៀតជូនដល់ប្រជាជនគោលដៅ៕អត្ថបទ៖ វ៉ន ដារ៉ា

ក្រុមគ្រូពេទ្យភ្នែកស្ម័គ្រចិត្តឯកឧត្តម កែវ រតនៈ ចុះពិនិត្យព្យាបាលភ្នែកជាលើកទី២ ជូនប្រជាពលរដ្ឋស្រុកកណ្តៀង

ខេត្តពោធិ៍សាត់៖ ប្រជាពលរដ្ឋមកពីតាមបណ្តាឃុំនានាក្នុងស្រុកកណ្តៀង បានមកទទួលការពិនិត្យព្យាបាលភ្នែក វាស់ភ្នែក វះកាត់បកភ្នែក និងកន្ទុយថ្លែន ថ្នាំភ្នែក និងវ៉ែនតា ដោយឥតគិតប្រាក់ពីក្រុមគ្រូពេទ្យភ្នែកស្ម័គ្រចិត្តឯកឧត្ដម កែវ រតនៈ ដឹកនាំដោយឯកឧត្ដម ជិត ប៉ុណ្ណារ៉ា និងលោកជំទាវ យូ ស្រីលាភ ក្រោមកិច្ចសហការសម្របសម្រួលដោយ ឯកឧត្តមបណ្ឌិត ប្រាំង ជលសា ប្រធានក្រុមការងារគណបក្សប្រជាជនកម្ពុជាចុះជួយស្រុកក្រគរ និងស្រុកកណ្តៀង ។ កម្មវិធីពិនិត្យព្យាបាលភ្នែកនេះត្រូវបានរៀបចំឡើងនៅបរិវេណទីស្នាក់ការគណបក្សប្រជាជនកម្ពុជាស្រុកកណ្តៀង រយៈ១ថ្ងៃពេញ ដោយបានធ្វើការពិនិត្យ និងចែកវ៉ែនតាដល់ប្រជាពលរដ្ឋចំនួន ១៧៦៧នាក់ ផ្តល់ថ្នាំព្យាបាលភ្នែកចំនួន៦៩៤នាក់ ជាពិសេសបានធ្វើការវះគីសភ្នែក កុមារាម្នាក់ ដោយជោគជយ័នៅទីតាំងផ្ទាល់លើរថយន្តវះកាត់ភ្នែកចល័ត។ ហើយនេះជាលើកទី២ហើយដែលក្រុមគ្រូពេទ្យភ្នែកស្មគ្រ័ចិត្ត ឯកឧត្តម កែវ រតនៈ បានចុះមកស្រុកកណ្តៀង ដោយកាលពីលើកទី១ក្នុងខែមេសាឆ្នាំ២០២៣ បានចុះពិនិត្យ ព្យាបាល វាស់ភ្នែក និងកាត់វ៉ែនតា ដោយឥតគិតប្រាក់ជូនប្រជាពលរដ្ឋចំនួន៧៣២នាក់ ។ឯកឧត្តមបណ្ឌិត ប្រាំង ជលសា មានប្រសាស៍លើកឡើងថា ក្រុមគ្រូពេទ្យភ្នែកស្ម័គ្រចិត្ត ចុះមកពិនិត្យនិងព្យាបាលភ្នែកជូនប្រជាពលរដ្ឋក្នុងស្រុកកណ្តៀងដោយឥតគិតប្រាក់ក្នុងពេលនេះគឺជាសកម្មភាពមនុស្សធម៌ ដែលបានផ្តួចផ្តើមឡើងដោយឯកឧត្តម កែវ រតនៈ ប្រធានក្រុមការងារគណបក្សប្រជាជនកម្ពុជាចុះជួយខេត្តពោធិ៍សាត់ ដែលជាការយកចិត្តទុកដាក់លើសុខមាភាពរបស់ប្រជាពលរដ្ឋក្នុងមូលដ្ឋានស្រុកកណ្តៀង និងក្នុងគោលបំណងដើម្បីរួមចំណែកកាត់បន្ថយការចំណាយនិងការលំបាកនានារបស់ប្រជាពលរដ្ឋជាពិសេសប្រជាពលរដ្ឋដែលមានជីវភាពខ្សត់ខ្សោយ ។ ហើយក្នុងនាមជាប្រធានក្រុមការងារចុះជួយមូលដ្ឋានស្រុកកណ្តៀង ឯកឧត្តម សូមថ្លែងអំណរគុណយ៉ាងជ្រាលជ្រៅចំពោះ ឯកឧត្ដម ជិត ប៉ុណ្ណារ៉ា និងលោកជំទាវ យូ ស្រីលាភ ដែលបានដឹកនាំក្រុមគ្រូពេទ្យភ្នែកស្ម័គ្រចិត្តជាច្រើនរូប លះបង់ទាំងថវិកា កំលាំងកាយចិត្ត និងពេលវេលាផ្ទាល់ខ្លួន ចុះមកពិនិត្យព្យាបាលភ្នែកជូនប្រជាពលរដ្ឋស្រុកកណ្តៀងជាលើកទី២ដោយមិនគិតប្រាក់ ។ ឯកឧត្តមបណ្ឌិត ប្រាំង ជលសា ក៏សូមអរគុណដល់ក្រុមការងារជួយចុះតាមឃុំដែលបានជួយសម្រួលដល់ការធ្វើដំណើរ និងផ្តល់អាហារសម្រន់ជូនប្រជាពលរដ្ឋដើម្បីមកទទួលការពិនិត្យព្យាបាលភ្នែក ។ ហើយដោយមើលឃើញពីតម្រូវការជាក់ស្តែង និងតបតាមសំណូមពរពីប្រជាពលរដ្ឋ ក្រុមការងារចុះមូលដ្ឋានស្រុកកណ្តៀង និងបន្តសហការជាមួយក្រុមគ្រូពេទ្យភ្នែកស្ម័គ្រចិត្តឯកឧត្តម កែវ រតនៈ ធ្វើការចុះមកពិនិត្យព្យាបាលភ្នែកជូនបងប្អូនប្រជាពលរដ្ឋក្នុងស្រុកកណ្តៀងជាបន្តបន្ទាប់ទៀត ។គួរឱ្យដឹងដែរថាក្នុងឆ្នាំ២០២៤នេះ ក្រុមគ្រូពេទ្យភ្នែកស្ម័គ្រចិត្តឯកឧត្តម កែវ រតនៈ ដឹកនាំដោយឯកឧត្ដម ជិត ប៉ុណ្ណារ៉ា និងលោកជំទាវ យូ ស្រីលាភ បានចុះមកខេត្តពោធិ៍សាត់ចំនួន៥លើក ដោយពិនិត្យព្យាលបាលភ្នែក ជូនប្រជាពលរដ្ឋបានប្រមាណ១១០០០នាក់ ហើយកាលពីឆ្នាំ២០២៣ក្រុមគ្រូពេទ្យភ្នែកស្ម័គ្រចិត្តឯកឧត្តម កែវ រតនៈ បានចុះមកខេត្តពោធិ៍សាត់ចំនួន០៧លើក ដោយធ្វើការពិនិត្យព្យាបាលជូនប្រជាពលរដ្ឋប្រមាណជិត១ម៉ឺននាក់ ក្នុងនោះលោកយាយលោកតាចាស់ជរាជាប្រមាណជិត២០០នាក់ ដែលមានបញ្ហាភ្នែកធ្ងន់ធ្ងរអាចបណ្តាលអោយទៅជាពិការភ្នែក ត្រូវបានក្រុមគ្រូពេទ្យភ្នែកស្ម័គ្រចិត្តធ្វើការវះកាត់ជួយសង្គ្រោះបានយ៉ាងជោគជ័យផងដែរ៕ អត្ថបទ៖ ភិរុណ ពៅ

អន្តរក្រសួងប្រជុំការងារបច្ចេកទេសរៀបចំផែនការជាតិ ស្តីពីការបង្ការ និងទប់ស្កាត់អំពើហិង្សាលើកុមារឆ្នាំ ២០២៤-២០២៨

ក្រុមការងារបច្ចេកទេសអន្តរក្រសួង បានបើកកិច្ចប្រជុំលើកទី១ លើការរៀបចំផែនការជាតិ ស្តីពី ការបង្ការ ទប់ស្កាត់ និងឆ្លើយតបចំពោះអំពើហិង្សាលើកុមារឆ្នាំ ២០២៤-២០២៨។ កិច្ចប្រជុំនេះ បានប្រារព្ធធ្វើឡើងនៅភោជនីយដ្ឋានទន្លេបាសាក់២ នាព្រឹកថ្ងៃទី១៦ ខែកញ្ញា ឆ្នាំ២០២៤ ក្រោមវត្តមាន ឯកឧត្តម គីម សុវណ្ណឌី អគ្គលេខាធិការ ក្រុមប្រឹក្សាជាតិកម្ពុជាដើម្បីកុមារ ជាប្រធាន។ឯកឧត្តម គីម សុវណ្ណឌី បានបញ្ជាក់ថា កិច្ចប្រជុំលើកទី១ សម្រាប់ក្រុមការងារអន្តរក្រសួងនាពេលនេះ ក្នុងគោលបំណងបង្ហាញសមាសភាព ក្រុមការងារបច្ចេកទេសរៀបចំផែនការសកម្មភាពជាតិ ដើម្បីទប់ស្កាត់ និងឆ្លើយតបចំពោះអំពើហិង្សាលើកុមារ សម្រាប់ឆ្នាំ២០២៤-២០២៨ រួមទាំងការវាយតម្លៃពាក់កណ្តាលអាណត្តិ នៃការអនុវត្តផែនការសកម្មភាព ដែលបានបង្ការ ទប់ស្កាត់ និងឆ្លើយតបចំពោះការកេងប្រវ័ញ្ចផ្លូវភេទលើកុមារ តាមប្រព័ន្ធអនឡាញនាអាណត្តិកន្លងមកផងដែរ ពោលគឺចាប់ពីឆ្នាំ២០២១-២០២៥ ដើម្បីផ្តល់ជាធាតុចូលលើផែនការសម្រាប់អាណត្តិថ្មីនេះ៕

សម្ដេចធិបតី៖ រាជរដ្ឋាភិបាលបាននឹងកំពុងផ្ទេរធនធានសុខាភិបាលទៅមូលដ្ឋាន ដើម្បីផ្ដល់សេវាមានគុណដល់ពលរដ្ឋ

ក្នុងឱកាសអញ្ជើញជាអធិបតីពិធីបញ្ចុះបឋមសិលាបើកការដ្ឋានសាងសង់អគារបន្ថែមនៅមន្ទីរពេទ្យកាល់ម៉ែត រាជធានីភ្នំពេញ នៅព្រឹកថ្ងៃ ទី១៦ ខែកញ្ញា ឆ្នាំ២០២៤នេះដែរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់ថា បច្ចុប្បន្នរាជរដ្ឋាភិបាលបាន នឹងកំពុងផ្ទេរធនធាននានា ក្នុងវិស័យសុខាភិបាលឱ្យបានទៅដល់មូលដ្ឋាន ដើម្បីផ្ដល់សេវាមានគុណល្អជូនដល់ពលរដ្ឋ។សម្ដេចធិបតី នាយករដ្ឋមន្រ្ដីមានប្រសាសណ៍ថា រាជរដ្ឋាភិបាលជាច្រើនអាណត្តិមកហើយ បានយកចិត្តទុកដាក់ជាសំខាន់ដើម្បីឱ្យប្រជាពលរដ្ឋមានលទ្ធភាពទទួលបានសេវាសុខាភិបាល ក្នុងនោះលទ្ធភាពទី១ គឺការពង្រីកសេវាសុខាភិបាល តាមរយៈការជំរុញសេវាសុខាភិបាលទៅមូលដ្ឋាន ការកសាងប៉ុស្ដិ៍សុខភាព មណ្ឌលសុខភាព ពេទ្យបង្អែកស្រុក ដែលការងារនេះបានពង្រីកជាប្រចាំ បូកផ្សំជាមួយនឹងការកសាងពង្រឹងហេដ្ឋារចនាសមព័ន្ធតភ្ជាប់ ដែលនេះជាកិច្ចការងារដ៏សំខាន់សម្រាប់គាំទ្រដល់ពលរដ្ឋនៅមូលដ្ឋានដោយផ្ទាល់។ សម្ដេចធិបតីមានប្រសាសន៍ថា រាជរដ្ឋភិបាល បាននឹងកំពុងធ្វើការកែលម្អហេដ្ឋារចនាសម្ព័ន្ធរូបវន្ត ការបំពាក់ឧបករណ៍ពេទ្យ ការបណ្ដុះបណ្ដាល ការជ្រើសរើស និងការពង្រាយគ្រូពេទ្យ និងបុគ្គលិកបច្ចេកទេស ក៏ដូចជាការផ្គត់ផ្គង់ឱសថជាសារវន្ត នៅតាមមណ្ឌលសុខភាព និងមន្ទីរពេទ្យបង្អែក ស្រុក ខេត្ត ដើម្បីពង្រឹងសមត្ថភាពផ្ដល់សេវាថែទាំសុខភាពដោយគុណភាពជូនប្រជាពលរដ្ឋនៅមូលដ្ឋាន។ សម្ដេចបន្តថា លើសនេះរាជរដ្ឋាភិបាលបានពង្រីកបន្ថែមនៃការគ្រប់ដណ្ឌប់នៃកម្មវិធីមូលនិធិសមធម៌សង្គមសុខាភិបាលជូនដល់គ្រួសារងាយរងគ្រោះ និងក្រុមគោលដៅក្នុងសេដ្ឋកិច្ចក្រៅប្រព័ន្ធ របបសន្ដិសុខសង្គមផ្នែកថែទាំសុខភាព ប.ស.ស. ដល់សមាជិកគ្រួសារ និងអ្នកនៅក្នុងបន្ទុកសមាជិក ប.ស.ស និងប្រជាជនស្វ័យនិយោជន៍ ដែលឈរលើគោលការណ៍ស្ម័គ្រចិត្ត ព្រមទាំងវិធីជំនួយសង្គមផ្សេងទៀត ដល់ប្រជាជនគោលដៅ។សម្ដេចធិបតី បញ្ជាក់ថា រាជរដ្ឋាភិបាលនីតិកាលទី៧ ក៏ដូចជានីកាលមុនៗនៃរដ្ឋសភា ចាត់ទុការអភិវឌ្ឍធនធានមនុស្សប្រកបដោយគុណភាពខ្ពស់ នៅក្នុងនោះសុខភាពល្អរួមចំណែកយ៉ាងសំខាន់ដល់សមត្ថភាពក្នុងការស្រូបយកចំណេះដឹងទូលំទូលាយ និងជំនាញឯកទេសពិតប្រាកដប្រកបដោយសីលធម៌វិជ្ជាជីវ ដែលទាំងនេះ គឺជាអាទិភាពគន្លឹះទីមួយដែល ដើម្បីជំរុញការអភិវឌ្ឍសង្គម សេដ្ឋកិច្ចប្រកបដោយប្រសិទ្ធភាព និងបរិយាបន្ន ភាពធន់ និងចីរភាព។ សម្ដេចបន្តថា ក្នុងន័យនេះ រាជរដ្ឋាភិបាលតែងតែខិតខំរិះរកយន្តការចាំបាច់នានា ដែលមានប្រសិទ្ធភាព និងការវិភាជថវិកាយ៉ាងច្រើនជាបន្តបន្ទាប់ដើម្បីលើកកម្ពស់សុខភាព និងសុខុមាលភាពរបស់ប្រជាជនគ្រប់រូបឱ្យកាន់តែប្រសើរជាលំដាប់ ដោយផ្ដោតជាសំខាន់លើការកាត់បន្ថយការឈឺ និងការស្លាប់ដែលបណ្ដាលមកពីជំងឺជាពិសេសជំងឺមិនឆ្លងចំបងៗ ការលើកកម្ពស់សុខភាពបន្តពូជ សុខភាពមាតា និងទារកកម្ពុជា និងអាហារូបត្ថម្ភ ការការពារសុខភាពសាធារណៈ និងការការពារ និងគ្រប់គ្រងគ្រោះអាសន្នសុខភាពជាដើម។សូមជម្រាបថា រាជរដ្ឋាភិបាលអាណត្តិទី៧ បានដាក់ចេញគោលនយោបាយអាទិភាពចំនួន ៦ ចំណុចសម្រាប់ចាប់ផ្ដើមអនុវត្តភ្លាមៗនៅក្នុងឆ្នាំ ២០២៣ នៅក្នុងនោះកម្មវិធីគោលនយោបាយអាទិភាពទី១ គឺការពង្រីកសេវាសុខភាពសុខាភិបាល ឆ្ពោះទៅរកការគ្រប់ដណ្ដប់សុខភាពជាសកលដោយចាប់ផ្ដើមពីទី១ ការផ្គត់ផ្គង់សេវាជូនគ្រោះសារងាយរងហានិភ័យប្រមាណជាង ៤០ ម៉ឺនគ្រួសារ ដែលមានសមាជិកសរុបចំនួន ១,៥ លាននាក់ តាមរយៈការប្រើប្រាស់មូលនិធិសមធម៌សុខាភិបាល។ ទី២ ការពង្រីករបបថែទាំសុខភាព ប.ស.ស. ទាំងសម្រាប់កម្មករនិយោជិត និងមន្រ្ដីសាធារណៈដែលគ្រប់ដណ្ដប់បន្ថែមដោយសមាជិកគ្រួសារនៅក្នុងបន្ទុកប្រមាណ ៣ លាននាក់តាមគោលការណ៍ស្ម័គ្រចិត្ត។ សរុប គម្រោងទាំងពីរនឹងធ្វើឱ្យប្រជាជនប្រមាណ ៧,៤ លាននាក់ ទទួលបានរបបសន្ដិសុខសង្គមផ្នែកថែទាំសុខភាព៕

បណ្ដាញសង្គម

ព័ត៌មានថ្មីៗ

អ៊ីស្រាអែលប្រើប្រាស់គ្រឿងចក្រ ដើម្បីគាស់រំលើងដើមឈើរាប់រយដើម នៅក្នុងភូមិនៃតំបន់ West Bank

មន្ត្រីនិយាយថា កងទ័ពអាកាសនីហ្សេរីយ៉ា ជួយសង្គ្រោះជនរងគ្រោះដែលត្រូវបានចាប់ពង្រត់ជាង ៧០នាក់

UNICEF៖ គ្រោះទុរ្ភិក្សនៅហ្កាហ្សា កើតចេញពីបរាជ័យក្នុងការផ្តល់ជំនួយ មិនមែនមកពីកង្វះស្បៀងទេ

WSJ រាយការណ៍ថា មន្ទីរបញ្ចកោណដាក់កំហិតលើអ៊ុយក្រែន ក្នុងការប្រើមីស៊ីលអាមេរិក ប្រឆាំងនឹងរុស្ស៊ី

ការស្ទង់មតិ៖ អត្រាគាំទ្ររបស់នាយករដ្ឋមន្ត្រីជប៉ុន Ishiba កើនឡើង ទោះជាចាញ់ឆ្នោតក៏ដោយ

របបសឹកមីយ៉ាន់ម៉ា និយាយថា ស្ពានផ្លូវរថភ្លើងដ៏ប្រវត្តិសាស្ត្ររបស់ប្រទេស «ត្រូវបានបំផ្ទុះ និងបំផ្លាញ»

សហរដ្ឋអាមេរិក បញ្ជាក់ករណីដង្កូវស៊ីសាច់ក្នុងខ្លួនមនុស្ស ស្របពេលការផ្ទុះឡើងនៅអាមេរិកកណ្តាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ការធ្វើកំណែសន្លឹកកិច្ចការគ្រូមតេយ្យសិក្សាបានចាប់ផ្ដើម និងគ្រោងប្រកាសលទ្ធផលសប្ដាហ៍នេះ

ពលរដ្ឋ៖ ព្រឹត្តិការណ៍ Gumball 3000 នឹងទាក់ទាញភ្ញៀវទេសចរអន្តរជាតិកាន់តែច្រើន មកទស្សនាកម្ពុជា

ម្ចាស់រថយន្តចូលរួមព្រឹត្តិការណ៍ Gumball 3000 ប្ដេជ្ញាទាក់ទាញទេសចរឱ្យកាន់តែច្រើនមកកម្ពុជា

ឯកឧត្តមបណ្ឌិត កៅ ថាច ស្នើសុំឲ្យម្ចាស់រោងម៉ាស៊ីនបន្តប្រមូលទិញស្រូវពីកសិករបន្ថែមទៀត

លោកអភិបាលខណ្ឌ៧មករាចុះត្រួតពិនិត្យមើលតាមអាហារដ្ឋានលក់ដូរភេសជ្ជៈគ្រឿងកំប៉ុងក្នុងបរិវេណសាលារៀនបាក់ទូក

សម្ដេចធិបតី៖ គ្រូពេទ្យធ្វើការងាររបស់ទេវតា តាមរយៈការខិតខំជួយសង្គ្រោះជីវិតរបស់ប្រជាពលរដ្ឋ

សម្ដេចធិបតី៖ រាជរដ្ឋាភិបាលបាននឹងកំពុងផ្ទេរធនធានសុខាភិបាលទៅមូលដ្ឋាន ដើម្បីផ្ដល់សេវាមានគុណដល់ពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ការធ្វើកំណែសន្លឹកកិច្ចការគ្រូមតេយ្យសិក្សាបានចាប់ផ្ដើម និងគ្រោងប្រកាសលទ្ធផលសប្ដាហ៍នេះ

ពលរដ្ឋ៖ ព្រឹត្តិការណ៍ Gumball 3000 នឹងទាក់ទាញភ្ញៀវទេសចរអន្តរជាតិកាន់តែច្រើន មកទស្សនាកម្ពុជា

ម្ចាស់រថយន្តចូលរួមព្រឹត្តិការណ៍ Gumball 3000 ប្ដេជ្ញាទាក់ទាញទេសចរ​ឱ្យកាន់តែច្រើន​មកកម្ពុជា

ឯកឧត្តមបណ្ឌិត កៅ ថាច ស្នើសុំឲ្យម្ចាស់រោងម៉ាស៊ីនបន្តប្រមូលទិញ​ស្រូវពី​កសិករបន្ថែមទៀត

លោកអភិបាលខណ្ឌ៧មករាចុះត្រួតពិនិត្យមើលតាមអាហារដ្ឋានលក់ដូរភេសជ្ជៈគ្រឿងកំប៉ុងក្នុងបរិវេណសាលារៀនបាក់ទូក

សម្ដេចធិបតី៖ គ្រូពេទ្យធ្វើការងាររបស់ទេវតា តាមរយៈការខិតខំជួយសង្គ្រោះជីវិតរបស់ប្រជាពលរដ្ឋ

សម្ដេចធិបតី៖ រាជរដ្ឋាភិបាលបាននឹងកំពុងផ្ទេរធនធានសុខាភិបាលទៅមូលដ្ឋាន ដើម្បីផ្ដល់សេវាមានគុណដល់ពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ម្ចាស់រថយន្តចូលរួមព្រឹត្តិការណ៍ Gumball 3000 ប្ដេជ្ញាទាក់ទាញទេសចរឱ្យកាន់តែច្រើនមកកម្ពុជា

ឯកឧត្តមបណ្ឌិត កៅ ថាច ស្នើសុំឲ្យម្ចាស់រោងម៉ាស៊ីនបន្តប្រមូលទិញស្រូវពីកសិករបន្ថែមទៀត