BTV NEWS

ឧត្តមសេនីយ៍ឯក ជួន ណារិន្ទ ទទួលជួបនគរបាលពិសេសទីក្រុងហុងកុង ដើម្បីផ្លាស់ប្តូរបទពិសោធន៍ការងាររវាងសមត្ថកិច្ចប្រទេសទាំង០២

កម្ពុជាធ្វើបច្ចុប្បន្នភាពផែនទី និងពង្រឹងប្រព័ន្ធស្បៀង ឆ្លើយតបការវិវត្តថ្មីៗ និងបញ្ហាប្រឈម

អតីតយុទ្ធជន ៤០គ្រួសារ ចាប់ឆ្នោតដើម្បីត្រៀមទទួលអំណោយផ្ទះ និងដី ពីសម្តេចធិបតី ហ៊ុន ម៉ាណែត នាស្អែកនេះ

បង្ក្រាបករណីចាប់ឃុំឃាំង និងបង្ខាំងមនុស្សដោយខុសច្បាប់ ជំរិតទារប្រាក់១០ម៉ឺនដុល្លារ ឃាត់ខ្លួនជនសង្ស័យ០៤នាក់

ព័ត៌មានជាតិ

សម្ដេចតេជោ ហ៊ុន សែន អញ្ជើញចាកចេញពីខេត្តឃ្យុងសាងប៊ុកដូ និវត្តន៍មកកាន់កម្ពុជាវិញ

នៅព្រឹកព្រលឹមថ្ងៃទី១៣ ខែកញ្ញា ឆ្នាំ២០២៤នេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានធ្វើដំណើរចាកចេញពីខេត្តឃ្យុងសាងប៊ុកដូ សាធារណរដ្ឋកូរ៉េ ដើម្បីធ្វើដំណើរនិវត្តន៍ឆ្ពោះមកកាន់រាជធានីភ្នំពេញវិញ បន្ទាប់ពីបានស្នាក់នៅបំពេញបេសកកម្មការងារ និងចូលរួមវេទិកាចំណេះដឹងពិភពលោកលើកទី២៥(World Knowledge Forum) នៅទីក្រុងអ៊ីនឆន់ និងអញ្ជើញចូលរួមទទួលសញ្ញាបណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព» ពីសាកលវិទ្យាល័យដុងហ្គុកវ៉ាយស៍ ខេត្តឃ្យុងសាងបុកដូ នៃសាធារណរដ្ឋកូរ៉េ រយៈពេល៥ថ្ងៃប្រកបដោយលទ្ធផលដ៏ត្រចះត្រចង់រួចមក។នៅអាកាសយានដ្ឋានអន្តរជាតិថេហ្គូ វត្តមាននៃការអញ្ជើញជូនដំណើរសម្តេចតេជោប្រធានព្រឹទ្ធសភា និងប្រតិភូរួមមាន ឯកឧត្តម លោកជំទាវ ជាឥស្សរជនជាន់ខ្ពស់ខេត្តឃ្យុងសាងប៊ុកដូ និងឥស្សរជនការទូតរបស់ព្រះរាជាណាចក្រកម្ពុជា ប្រចាំសាធារណរដ្ឋកូរ៉េជាច្រើនរូប។ តាមកម្មវិធីដែលបានគ្រោងទុក សម្តេចតេជោប្រធានព្រឹទ្ធសភា នឹងអញ្ជើញនិវត្តន៍ទៅដល់រាជធានីភ្នំពេញ នៅវេលាម៉ោង១១និង៣០នាទី៕

៤ថ្ងៃនេះ មន្រ្តីរាជការនៅខេត្តកោះកុង១១២៦នាក់ បានធ្វើតេស្តរកសារធាតុញៀនតាមទឹកមូត្រ

កោះកុង៖ មន្រ្តីរាជការដែលកំពុងបម្រើការងារនៅតាមមន្ទីរអង្គភាពនានាជុំវិញខេត្តកោះកុងចំនួន១១២៦នាក់បានធ្វើតេស្តរកសារធាតុញៀនតាមទឹកមូត្រ ដោយជាលទ្ធផលអវិជ្ជាមានទាំងអស់បន្ទាប់ពីធ្វើយុទ្ធនាការរយៈពេល៤ថ្ងៃនេះ។គិតចាប់ពីថ្ងៃទី៩ ខែកញ្ញា ដល់ថ្ងៃទី១២ ខែកញ្ញា ឆ្នាំ២០២៤នេះ មានមន្រ្តីរាជការ និងមន្រ្តីកិច្ចសន្យាសរុបចំនួន១១២៦នាក់ ស្រី៣៩៥នាក់ មកពីមន្ទីរអង្គភាពប្រមាណ២៦ បានចូលរួមធ្វើតេស្តរកសារធាតុញៀនតាមទឹកមូត្ររួចរាល់ហើយតាមគោលការណ៍ និងបទបញ្ជារបស់រាជរដ្ឋាភិបាល។យោងតាមរបាយការណ៍បណ្តោះអាសន្នរបស់ក្រុមការងារជំនាញត្រួតពិនិត្យរកសារធាតុញៀនតាមរយៈទឹកមូត្ររបស់រដ្ឋបាលខេត្តកោះកុងដែលផ្ញើជូនទៅក្រសួងមហាផ្ទៃ និងអគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន បង្ហាញនៅថ្ងៃទី១២ ខែកញ្ញាថា គ្រប់មន្រ្តីដែលបានមកធ្វើតេស្តគឺមិនត្រូវបានរកឃើញថាជាសារធាតុញៀនក្នុងខ្លួននោះទេ ពោលគឺអវិជ្ជមានទាំងអស់គ្នា។លោក សំ ឃិតវៀន អភិបាលរងខេត្តកោះកុង កាលពីថ្ងៃទី៩ ខែកញ្ញា ថ្មីៗនេះបានពន្យល់ថា យុទ្ធនាការធ្វើតេស្តរកសារធាតុញៀននេះ ធ្វើឡើងក្នុងគោលបំណងដើម្បីឈានទៅដល់ការប្រយុទ្ធប្រឆាំងជាមួយបទល្មើសផ្សេងៗ និងបញ្ហាមិនប្រក្រតីនានាដែលកើតឡើងនៅក្នុងសង្គម ហើយតបនឹងបទបញ្ជារបស់ប្រមុខរាជរដ្ឋាភិបាល។លោក សំ ឃិតវៀន ចាត់ទុកថា ការប្រយុទ្ធប្រឆាំងគ្រឿងញៀន ជាការងាររួមគ្នា មិនមែនចំពោះតែនរណាម្នាក់នោះទេ ដូច្នេះការសម្អាតផ្ទះ គឺផ្តើមចេញពីខ្លួនយើងម្នាក់ ទើបអាចទប់ស្កាត់ និងបង្រ្កាបបទល្មើសគ្រឿងញៀន ឬបទល្មើសផ្សេងៗបាន។ មន្រ្តីរាជការ និងកងកម្លាំងអនុវត្តច្បាប់ ត្រូវសម្អាតខ្លួនជាមុនសិន ទើបប្រសិទ្ធភាពនៃការអប់រំណែនាំ តម្រង់ទិសដល់មហាជនទូទៅមានប្រសិទ្ធភាព៕អត្តបទៈឈឹម មករា

កម្ពុជា និងឡាវ ប្តេជ្ញាចិត្តរួមគ្នាកាត់បន្ថយការបំពុលប្លាស្ទិក នៅតាមដងទន្លេមេគង្គ

ភ្នំពេញ៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថានកម្ពុជា និងឯកឧត្តម Phouvong Luangxaysana អនុរដ្ឋមន្ត្រីក្រសួងធនធានធម្មជាតិ នៃប្រទេសឡាវ នៅរសៀលថ្ងៃទី១២ ខែកញ្ញា ឆ្នាំ២០២៤នេះ បានអញ្ជើញចុះអនុស្សារណៈយោគយល់គ្នា (MoU) ស្តីពីកិច្ចសហប្រតិបត្តិការរួមគ្នាពីការប្តេជ្ញាចិត្តលើវិស័យបរិស្ថាន និងកាត់បន្ថយការបំពុលដោយប្លាស្ទិក នៅតាមដងទន្លេមេគង្គ។ការចុះ MoU នេះ បានធ្វើឡើងនៅក្នុងឱកាសដែលប្រទេសកម្ពុជា ធ្វើជាម្ចាស់ផ្ទះនៃកិច្ចប្រជុំលើកទី៦ ថ្នាក់រដ្ឋមន្ត្រីបរិស្ថានមហាអនុតំបន់មេគង្គ និងកិច្ចប្រជុំពាក់ព័ន្ធ (The 6th GMS Environment Ministers’ Meeting, EMM-6) រៀបចំឡើងក្នុងរាជធានីភ្នំពេញ ចាប់ពីថ្ងៃទី១០ ដល់ថ្ងៃទី១៣ ខែកញ្ញា ឆ្នាំ២០២៤។ បើតាមឯកឧត្តមបណ្ឌិត អ៊ាង សុផល្លែត បានបញ្ជាក់ថា តាមរយៈការចុះហត្ថលេខារួមគ្នារវាងក្រសួងបរិស្ថានកម្ពុជា និងឡាវ នៅពេលនេះ គឺធ្វើយ៉ាងពង្រីកយុទ្ធនាការកាត់បន្ថយការប្រើប្រាស់ប្លាស្ទិក ឱ្យកាន់តែធំបន្ថែមទៀត ហើយឈានឆ្ពោះទៅទន្លេមេគង្គមួយដែលគ្មានប្លាស្ទិក។ឯកឧត្តមបណ្ឌិត បានគូសបញ្ជាក់ថា៖ «នេះជាជំហានដំបូង និងជាគោលដៅរបស់កម្ពុជា និងឡាវ ផងដែរ»បន្ទាប់ពីកម្ពុជាបានដាក់ចេញយុទ្ធសាស្រ្តចក្រាវិស័យបរិស្ថាន ដែលក្នុងនោះមានសសរស្តម្ភ៣ គឺភាពស្អាត បៃតង និងចីរភាព ហើយដែលកន្លងមក កម្ពុជា បានដាក់ចេញ យុទ្ធនាការកាត់បន្ថយការប្រើប្រាស់ប្លាស្ទិក ជំហានទី១ «ថ្ងៃនេះ ខ្ញុំមិនប្រើថង់ប្លាស្ទិកទេ» បានជោគជ័យ និងបានបន្តទៅជោគជ័យជំហានទី២ «កម្ពុជាស្អាត ខ្មែរធ្វើបាន» ដែលឆ្ពោះទៅភាពស្អាតទាំងនៅលើដែនគោក ដែនទឹក និងដែនអាកាស។ទន្ទឹមនឹងនេះដែរ ឯកឧត្តមរដ្ឋមន្ត្រី បានបន្ថែមថា សម្រាប់ការចុះ MoU រវាងក្រសួងបរិស្ថានកម្ពុជា និងឡាវ នៅលើទឹកដីនៃព្រះរាជាណាចក្រកម្ពុជា នឹងក្លាយជាផ្នែកមួយចូលរួមទប់ស្កាត់បទល្មើសបំផ្លាញធនធានឆ្លងដែនផងដែរ។«នេះជាការប្តេជ្ញាចិត្តដ៏ធំទូលំទូលាយមួយក្នុងវិស័យបរិស្ថាន ជារួម ប៉ុន្តែយើងធ្វើការមួយជំហានម្តងៗនេះ គឺយើងធ្វើការប្រយុទ្ធប្រឆាំងលើការបំពុលដោយប្លាស្ទិក ដែលកំពុងបំពុលដល់បរិស្ថាន នៅតាមដងទន្លេមេគង្គ តាមទីជនបទ និងតាមទីប្រជុំជននានានៅក្នុងប្រទេសទាំងពីរជាដើម»។ នេះគឺជាការលើកឡើងបន្ថែមរបស់ឯកឧត្តមបណ្ឌិត អ៊ាង សុផល្លែត៕

មន្រ្តីជាន់ខ្ពស់ក្រសួងអភិវឌ្ឍន៍ជនបទ ចុះពិនិត្យការថែទាំផ្លូវជនបទ ដែលក្រាលល្បាយក្រួស១១ខ្សែ ក្នុងខេត្តបន្ទាយមានជ័យ

បន្ទាយមានជ័យ៖ នៅថ្ងៃទី១២ ខែកញ្ញា ឆ្នាំ ២០២៤ ប្រតិភូអន្តរក្រសួង មានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ បានចុះត្រួតពិនិត្យ និងវាយតម្លៃលើការងារថែទាំផ្លូវជនបទជាប្រចាំក្រាលល្បាយក្រួស ១១ខ្សែ ប្រវែង១១៧,៧០០ម៉ែត្រ ក្នុងស្រុកចំនួន៥ រួមមាន៖ ស្រុកព្រះនេត្រព្រះ, ស្រុកអូរជ្រៅ, ស្រុកភ្នំស្រុក, ស្រុកថ្មពួក និងស្រុកស្វាយចេក ដែលការចុះពិនិត្យនេះដឹកនាំដោយ ឯកឧត្តម អុិន ចន្ថា រដ្ឋលេខាធិការក្រសួងអភិវឌ្ឍន៍ជនបទ ដោយមានការចូលរួមអមដំណើរដោយលោក ជា យុទ្ឋារុណ ប្រធានមន្ទីរអភិវឌ្ឍន៍ជនបទខេត្ត និងក្រុមការងារបច្ចេកទេសនៃមន្ទីរអភិវឌ្ឍន៍ជនបទខេត្ត។ ឆ្លៀតក្នុងឱកាសនោះ ឯកឧត្តម ឯកឧត្តម អុិន ចន្ថា ក៏បានអញ្ជេីញជួបសំណេះសំណាលជាមួយប្រជាពលរដ្ឋដែលរស់នៅសងខាងផ្លូវ និងពាំនាំនូវប្រសាសន៍ផ្ដាំផ្ញើសួរសុខទុក្ខ ប្រកបដោយមនោសញ្ចេតនា សេចក្តីនឹករលឹកយ៉ាងជ្រាលជ្រៅបំផុត ពីសំណាក់សម្ដេចតេជោ ហ៊ុន សែន មគ្គុទេសក៏ឯកនយោបាយឈ្នះ ឈ្នះ, បិតាស្ថាបនិកសន្តិភាព និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ។ឯកឧត្តម ក៏បានអំពាវនាវដល់ប្រជាពលរដ្ឋ សូមមេត្តាកុំចាញ់បោកតាមការឃោសនា ញុះញង់ បោកបញ្ឆោតរបស់ក្រុមជនអគតិមួយក្តាប់តូច ដែលបានធ្វើការចោទប្រកាន់រាជរដ្ឋាភិបាល លើកិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) និងសូមជឿជាក់លើសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងសម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា។ទន្ទឹមជាមួយគ្នានោះ បានធ្វើការកោតសរសើរ និងវាយតម្លៃចំពោះថ្នាក់ដឹកនាំមន្ទីរអភិវឌ្ឍន៍ជនបទខេត្តបន្ទាយមានជ័យ ដែលបានសហការ សាមគ្គីភាពគ្នាក្នុងការអនុវត្តការងាររយៈពេលកន្លងមក។ ក្នុងនោះ ត្រូវបន្តចុះអនុវត្តត្រួតពិនិត្យ និងថែទាំផ្លូវប្រកបដោយគុណភាព និងមានប្រសិទ្ធភាពខ្ពស់ក្នុងការប្រើប្រាស់ និងបានធ្វើការសំណូមពរសូមឱ្យបងប្អូនប្រជាពលរដ្ឋជួយថែទាំផ្លូវទាំងនេះឱ្យបានដិតដល់ដើម្បីធានាថាផ្លូវនេះអាចប្រើប្រាស់បានយូរអង្វែង និងបម្រើផលប្រយោជន៍ជូនប្រជាពលរដ្ឋយើងនៅមូលដ្ឋានផងដែរ៕

កាកបាទក្រហម ដាំកូនឈើ និងផ្តល់កម្ចីគ្មានការប្រាក់ដល់អតីតយុទ្ធជន នៅភូមិប៊ុនរ៉ានីសែនជ័យដំណាក់ត្រយឹង

ពោធិ៍សាត់ ៖ ក្រុមការងារ កាកបាទក្រហមកម្ពុជា ថ្នាក់កណ្តាល ដឹកនាំដោយលោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា សហការជាមួយសាខាកាកបាទក្រហមកម្ពុជាខេត្តពោធិសាត់ បានរៀបចំយុទ្ធនាការដាំដើមឈើ ក្រោមប្រធានបទ (រួមគ្នាពង្រឹងនិងពង្រីកបរិស្ថានបៃតង)នៅក្នុងបរិវេណមណ្ឌលសុខភាព ប៊ុន រ៉ានី សែនជ័យ ដំណាក់ត្រយឹង និងប្រគល់ប្រាក់កម្ចីគ្មានការប្រាក់ ដល់បងប្អូនជាអតីតយុទ្ធជនចំនួន១០០គ្រួសារ កំពុងរស់នៅក្នុងភូមិ ប៊ុនរ៉ានី សែនជ័យ ដំណាក់ត្រយឹង ឃុំព្រងឹល ស្រុកភ្នំក្រវ៉ាញ ខេត្តពោធិសាត់ កាលថ្ងៃទី១១ ខែកញ្ញា ឆ្នាំ២០២៤។ក្នុងឱកាសនោះឯកឧត្តម ខូយ រីដា អភិបាលនៃគណៈអភិបាលខេត្ត និងជាប្រធានគណៈកម្មាធិការសាខា បានគោរពថ្លែងអំណរគុណយ៉ាងជ្រាលជ្រៅ ចំពោះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូ ពីជីវភាពរស់នៅរបស់ប្រជាជន ក្នុងភូមិប៊ុនរ៉ានីសែនជ័យដំណាក់ត្រយឹង តាមរយៈការផ្តល់ជាលំនៅដ្ឋាន ការបង្កើតឱ្យមានមណ្ឌលសុខភាព សាលារៀន សម្រាប់ផ្តល់សេវាសុខភាព និងការសិក្សារៀនសូត្រ ជូនប្រជាជន និងកូនចៅប្រជាជន មិនតែប៉ុណ្ណោះថែមទាំងផ្តល់នូវប្រាក់កម្ចី គ្មានការបា្រក់ជូនបងប្អូនអតីតយុទ្ធជនយកទៅធ្វើដើមទុន សំរាប់ប្រកប អាជីវកម្មផ្សេងៗបង្កើនសេដ្ឋកិច្ចគ្រួសារថែមទៀត។លោកជំទាវ ពុំចន្ទីនី បានបញ្ជាក់ថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន តែងតែយកចិត្តទុកដាក់ គិតគូពីសុខទុក្ខ របស់បងប្អូនប្រជាពលរដ្ឋ ដែលជាអតីតយុទ្ធជន ដោយសម្តេចបានអភិវឌ្ឍន៍នូវហេដ្ឋារចនាសម្ព័ន្ធ មន្ទីរពេទ្យ សាលារៀន ផ្លូវ ភ្លើង និងបានសាងសង់ផ្ទះ សម្រាប់បងប្អូនរស់នៅ មិនត្រឹមតែប៉ុណ្ណោះ សម្តេចក៏បានផ្តល់ប្រាក់កម្ចី ដោយគ្មានការប្រាក់បន្ថែមទៀត ធ្វើយ៉ាងណាឱ្យប្រជាពលរដ្ឋអាចមានមុខរបរចិញ្ចឹមជីវិត និងមានជីភាពធូរធារ រស់នៅប្រកបដោយស្នាមញញឹមក្រោមដំបូលនៃសុខសន្តិភាព។សូមបញ្ជាក់ថា នេះជាលើកទី២ហើយដែលបងប្អូនអតីតយុទ្ធជន និងគ្រួសារអតីតយុទ្ធជន រស់នៅក្នុងភូមិប៊ុនរ៉ានីសែនជ័យ តំណាក់ត្រយឹង ទទួលបានប្រាក់កម្ចីគ្មានការប្រាក់ពី កាកបាទក្រហមកម្ពុជា ក្នុងនោះលើកទី១មានចំនួន ៥៨គ្រួសារ និងលើកទី២នេះចំនួន១០០គ្រួសារ ។ពោធិ៍សាត់គឺជាខេត្តមួយក្នុងចំណោមខេត្តគោលដៅចំនួន៤ ដែលប្រជាពលរដ្ឋងាយរងគ្រោះ ទទួលបានសេវាប្រាក់កម្ចីពីកាកបាទក្រហមកម្ពុជា។ ដោយគិតចាប់តាំងពី ឆ្នាំ២០០៥ ដល់ ២០២៤នេះ មានប្រជាពលរដ្ឋចំនួន ២.៥៦៩គ្រួសារ ទទួលបានប្រាក់កម្ចី ដែលក្នុងនោះស្រុកវាលវែង១.៣៧១គ្រួសារ, ស្រុភ្នំក្រវាញ៩៦៥គ្រួសារ និងស្រុកតាលោសែនជ័យ ២៣៣គ្រួសារ៕អត្ថបទៈ សំ ងីម

សម្តេចតេជោ ហ៊ុន សែន អញ្ជើញជាអធិបតីក្នុងពិធីចុះអនុស្សរណៈ ស្តីពីកិច្ចសហប្រតិបត្តិការគម្រោងចលនាភូមិថ្មី ខេត្តឃ្យុងសាងប៊ុកដូ នៃសាធារណរដ្ឋកូរ៉េ និងក្រុមប្រឹក្សាវប្បធម៌អាស៊ី នៃព្រះរាជាណាចក្រកម្ពុជា

ភ្នំពេញ ៖ នៅរសៀលថ្ងៃទី១២ ខែកញ្ញា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានស្ថាបនិកកិត្តិយសក្រុមប្រឹក្សាវប្បធម៌អាស៊ី អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីចុះអនុស្សរណៈយោគយល់គ្នាស្តីពីកិច្ចសហប្រតិបត្តិការគម្រោងចលនាភូមិថ្មី ខេត្តឃ្យុងសាងប៊ុកដូ នៃសាធារណរដ្ឋកូរ៉េ និងក្រុមប្រឹក្សាវប្បធម៌អាស៊ី នៃព្រះរាជាណាចក្រកម្ពុជា។ ពិធីចុះអនុស្សរណៈយោគយល់គ្នានេះធ្វើឡើងនៅ ខេត្តឃ្យុងសាងប៊ុកដូ នៃសាធារណរដ្ឋកូរ៉េ។ពិធីចុះហត្ថលេខាលើអនុស្សរណៈនៃការយោគយល់គ្នា(MOU)នេះ ដើម្បីរួមចំណែកលើកកម្ពស់ចំណងមិត្តភាព និងការអភិវឌ្ឍរួមគ្នារវាងប្រទេសទាំងពីរតាមរយៈការចែករំលែកបទពិសោធន៍ជោគជ័យ នៃកិច្ចសហប្រតិបត្តិការអភិវឌ្ឍន៍ជនបទ និងចលនាភូមិថ្មីរបស់កូរ៉េ។គោលបំណងនៃ MOU នេះគឺដើម្បីលើកកម្ពស់ចលនាភូមិថ្មីសម្រាប់ការអភិវឌ្ឍជនបទនៅកម្ពុជា ក្នុងនោះភាគីទាំងពីរនឹងចូលរួមនិងសហការគ្នាយ៉ាងសកម្ម ដើម្បីធានានូវភាពជោគជ័យលើកិច្ចការនេះ។វិសាលភាព នៃកិច្ចសហប្រតិបត្តិការវិសាលភាព នៃគម្រោងសហប្រតិបត្តិការធ្វើឡើងតាមរយៈកិច្ចសហប្រតិបត្តិការរបស់ភាគីទាំងពីរមានដូចជា ៖ ការអនុវត្តគម្រោងអភិវឌ្ឍន៍ជនបទរួមមាន ការបង្កើត និងដំណើរការកសិដ្ឋានឆ្លាតវៃ កសិកម្មមេកានិក និងប្រព័ន្ធគាំទ្រកសិកម្ម។ ការលើកកម្ពស់គម្រោងសុខភាពសាធារណៈ រួមមានសេវាចល័តបុគ្គលិកពេទ្យសាធារណៈ ការងារពេទ្យស្ម័គ្រចិត្ត និងកិច្ចដំណើរគ្លីនិកមន្ទីរពេទ្យក្នុងស្រុក។ ដំណើរការសាលាបណ្ដុះបណ្ដាលវិជ្ជាជីវៈសមស្របមួយ ការពង្រីកការផ្លាស់ប្តូរធនធានមនុស្សរវាងសាកលវិទ្យាល័យ។ល។ ការគាំទ្រការផ្តល់អាហារូបករណ៍ថ្នាក់អនុបណ្ឌិតសម្រាប់កម្មវិធីចលនាភូមិថ្មី បង្កើត និងដំណើរការ មជ្ឈមណ្ឌលចលនាភូមិថ្មី និងការបណ្តុះបណ្តាលបុគ្គលិកសំខាន់ៗអំពីចលនាភូមិថ្មី។ កិច្ចសហប្រតិបត្តិការក្នុងវិស័យ AI និងឌីជីថល ព្រមទាំងការផ្លាស់ប្តូរវប្បធម៌។បន្ទាប់មក សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃកម្ពុជាបានដឹកនាំប្រតិភូជាន់ខ្ពស់កម្ពុជាអញ្ជើញជាកិត្តិយសក្នុងពិធីជប់លៀងអាហារស្វាគមន៍ដោយ ឯកឧត្តម លី ឈុលរ៉ូ អភិបាលខេត្តស្យុងសាងប៊ុកដូ ៕

ឧត្តមសេនីយ៍ទោ ហ៊ុល សំអុន ផ្ញើសារអបអរសាទរសម្តេចតេជោ ហ៊ុន សែន ទទួលបានសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព»

ឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ និងនាយទាហាន នាយទាហាន និងពលទាហានទាំងអស់នៃកងពលតូចដឹកជញ្ជូនលេខ៩៩ ផ្ញើសារអបអរសាទរយ៉ាងស្មោះស្ម័គ្របំផុតជូនចំពោះសម្តេចតេជោ ហ៊ុន សែន ប្រធាន ព្រឹទ្ធសភាកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ ជូនចំពោះសម្តេច ដែលទទួលបានសញ្ញាបត្របណ្ឌិតកិត្តិយសផ្នែក«ភាពជាអ្នកដឹកនាំ និងការកសាងសន្តិភាព» ពីសាកលវិទ្យាល័យ Dongguk University WISE ខេត្តឃ្យុងសាងបុកដូ នៃសាធារណរដ្ឋកូរ៉េ នាថ្ងៃទី១២ ខែកញ្ញា ឆ្នាំ២០២៤នេះ។ការទទួលសញ្ញាបត្របណ្ឌិតកិត្តិយសនេះ ជាមហាកិត្តិយសដ៏ថ្លៃថ្លា ឧត្តុង្គឧត្តមបំផុតសម្រាប់ប្រ ទេសជាតិ និងប្រជាជនកម្ពុជាទាំងមូល និងស័ក្តិសមបំផុតចំពោះសម្តេច ដែលបានដឹកនាំការតស៊ូប្រកប ដោយវីរភាព ក្នុងការដណ្តើមបាននូវ សន្តិភាព ការកសាង និងអភិវឌ្ឍន៍សង្គមកម្ពុជាទាំងមូល ព្រមទាំង បានកែប្រែប្រទេសកម្ពុជា ពីភាពដុនដាបខ្ទេចខ្ទាំដោយភ្លើងសង្រ្គាម ក្លាយជាប្រទេសដែលមានកិត្តិនាម និង កិត្តិស័ព្ទស្មើមុខស្មើមាត់ស្មើសិទ្ធនៅក្នុងតំបន់ និងសកលលោក។ក្នុងនាមកងពលតូចដឹកជញ្ជូនលេខ៩៩ សូមគោរពជូនពរ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី ចៅប្រុស ចៅស្រីទាំងអស់ ជួបប្រទះតែសេចក្តីសុខ សុភមង្គល ព្រមទាំងសមប្រកបដោយព្រះពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

មន្ត្រីជំនាញជលផលក្រចេះ បន្តចុះត្រួតពិនិត្យ បង្ក្រាបបទល្មើសជលផល និងចាក់លែងកូនត្រីចម្រុះចូលបឹងធម្មជាតិ

ខណ្ឌរដ្ឋបាលជលផលក្រចេះ បានសហការជាមួយកម្លាំងនគរបាលប្រឆាំង បទល្មើសសេដ្ឋកិច្ច នៃស្នងការដ្ឋាននគរបាលខេត្ត រួមទាំងក្រុមប្រឹក្សាសង្កាត់ និងសហគមន៍ នេសាទ បានបន្តចុះត្រួតពិនិត្យ បង្ក្រាបបទល្មើសជលផល និងចាក់លែងកូនត្រីចម្រុះ ចូលក្នុងបឹងធម្មជាតិ ស្ថិតក្នុងសង្កាត់រកាកណ្តាល និងសង្កាត់អូរឫស្សី ក្រុងក្រចេះ កាលពីថ្ងៃទី១១ ខែកញ្ញា ឆ្នាំ២០២៤ ។កម្លាំងសមត្ថកិច្ចចម្រុះ ដែលដឹកនាំដោយលោក ម៉ុក ពន្លក នាយខណ្ឌរដ្ឋបាល ជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ បានបញ្ជាក់អោយដឹងថា រដូវនេះ គឺជារដូវបិទនេសាទ ការធ្វើនេសាទដោយប្រើប្រាស់ឧបករណ៍ស្បៃមុង និងសាច់អួន ក្រលាញឹក (សាច់ប៉ាក់) និងឧបករណ៍ខុសច្បាប់នេសាទទាំងឡាយ គឺត្រូវច្បាប់ហាមឃាត់ ដាច់ខាតមិនអនុញ្ញាតិអោយប្រើឡើយ។ ហេតុដូច្នេះ បើសិនជាបងប្អូនអ្នកនេសាទ នៅតែលួចធ្វើនេសាទដោយប្រើប្រាស់ឧបករណ៍ខុសច្បាប់ខាងលើ ថ្ងៃណាមួយសមត្ថកិច្ច ចាប់ឃាត់ខ្លួនបាន បងប្អូននឹងត្រូវទទួលទោសតាមមាត្រា៩៩ ចំនុចទី៧ នៃច្បាប់ស្តីពី ជលផល ដោយត្រូវផ្តន្ទាទោសក្រោមបទល្មើសជលផលថ្នាក់ទី២ ដែលត្រូវដាក់ពន្ធនាគារ ពីមួយ (១) ឆ្នាំ ទៅបី (៣) ឆ្នាំ និងពិន័យជាប្រាក់ពីប្រាំលាន (៥.០០០.០០០) រៀល ទៅ ហាសិបលាន (៥០.០០០.០០០)រៀល និងវត្ថុតាងទាំងអស់ត្រូវរឹបអូសជាសម្បត្តិ៍រដ្ឋ ឬ បំផ្លាញចោល ។លោក នាយខណ្ឌ ក៏បានអំពាវនាវដល់ប្រជានេសាទចូលរួមគោរពច្បាប់ទាំងអស់គ្នា ព្រោះរដូវនេះ ជារដូវត្រីពង ដើម្បីការពារនឹងអភិរក្សាធនធានជលផលឲ្យមាននិរន្តរភាព ឋិតថេរគង់វង្ស ទាំងបច្ចុប្បន្ន និងអនាគត។ជាក់ស្តែង នៅក្នុងសកម្មភាពចុះបង្ក្រាបបទល្មើសជលផលស្ថិតនៅទីតាំងខាងលើសមត្ថកិច្ចចម្រុះ បានធ្វើការរុះរើ និងបំផ្លាញចោលនូវឧករណ៍នេសាទល្មើសច្បាប់ រួមមាន របាំងព្រួលស្បៃមុងចំនួន ១៧ខ្សែ មានប្រវែង ៩៥០ម៉ែត្រ លូស្បៃមុងចំនួន ១៩មាត់លូ របាំងលប ណរ៉ាវ ចំនួន ០២ខ្សែ ប្រវែង១៤០ម៉ែត្រ។ លប ណរ៉ាវ (លបកាវ) ០៤គ្រឿង បង្គោលចម្រឹងប្ញស្សី ចំនួន ២៦០ដើម និងបានចាក់លែងត្រីចម្រុះទម្ងន់ប្រមាណ ១០០គីឡូក្រាម ចូលក្នុងបឹងធម្មជាតិវិញ ៕ ដោយ សេង ម័រ

សមាគមមួយសហការជាមួយអ្នកកសិកម្ម លើកកម្ពស់ដល់សហគ្រិនលើការដាំដុះដំណាំសក្តានុពលកាកាវ

ភ្នំពេញ ៖ សមាគមក្នុងស្រុកមួយ សហការជាមួយអ្នកអភិវឌ្ឍន៍វិស័យកសិកម្ម លើការដាំដុះដំណាំកាកាវ ដែលជាដំណាំសក្តានុពល ដើម្បី លើកកម្ពុជាដល់សហគ្រិនដែលជាសមាជិករបស់សមាគមនៅតាមបណ្តាខេត្ត ចាប់យកនៃការដាំដុះ និងការកែច្នៃប្រភេទដំណាំនេះ ដើម្បី បង្កើនប្រាក់ចំណូលក្នុងសេដ្ឋកិច្ចគ្រួសារ និងការចូលរួមក្នុងសេដ្ឋកិច្ច-សង្គម។ ឯកឧត្តម ស្វាយ សុវណ្ណរិទ្ធ ប្រធានសមាគមអភិវឌ្ឍន៍សង្គមខ្មែរ លើកឡើងនៅក្នុងការចុះអនុស្សារណៈយោគយល់គ្នា ជាមួយ អ្នកអភិវឌ្ឍន៍វិស័យកសិកម្មក្នុងស្រុកមួយ ដើម្បីលើកកម្ពស់ដល់ការដាំដុះដំណាំកាកាវ នៅថ្ងៃទី ១២ ខែ កញ្ញា ឆ្នាំ២០២៤ នេះថា ជុំវិញបេសកម្មរបស់សមាគមអភិវឌ្ឍន៍សង្គមខ្មែរ បានបង្កើតឡើងដើម្បីគាំទ្រដល់សហគ្រិន និងផលិតផលខ្មែរ ក្នុងគោលដៅលើក កម្ពស់ដល់អ្នកដាំដុះ មានទីផ្សារសម្រាប់លក់ផលិតផលរបស់ខ្លួន ជាពិសេសការទទួលនូវចំណេះ-ជំនាញ លើការកែលម្អផលិតផល របស់ពួកគាត់ជាដើម។ឯកឧត្តម បន្តថា ជាក់ស្តែងតាមរយៈនៃការចុះអនុស្សារណៈយោគយល់គ្នា ជាមួយអ្នកអភិវឌ្ឍន៍វិស័យកសិកម្មនេះ គឺជាការ ជំរុញលើកកម្ពស់ដល់សហគ្រិនដែលជាសមាជិករបស់សមាគមបន្ថែម បានស្វែងយកលើការដាំដុះដំណាំកាកាវ ដែលជាប្រភេទដំណាំ កសិឧស្សាហកម្មមួយដែលមានសក្តានុពល និងកំពុងមានវត្តមានលើទីផ្សារកម្ពុជា ក្រោមការគាំទ្រក្នុងការដាំដុះនិងទីផ្សារសម្រាប់លក់ ចេញពីអ្នកអភិវឌ្ឍន៍ដំណាំកាកាវនេះផ្ទាល់។ ផែនការសកម្មភាពនេះ គឺជាជួយគាំទ្រដល់សហគ្រិនក្នុងស្រុក និងកសិករដាំដុះផ្សេងៗ ទៀត ទទួលបានចំណូលកាន់តែប្រសើរនៅក្នុងសេដ្ឋកិច្ចគ្រួសារ ជាពិសេសការចូលរួមជាមួយរាជរដ្ឋាភិបាល លើការលើកកម្ពស់វិស័យ កសិកម្ម និងបង្កើនចំណូលក្នុងសេដ្ឋកិច្ចជាតិជាដើម។ឯកឧត្តម ស្វាយ សុវណ្ណរិទ្ធ លើកឡើងបន្ថែមថា ជុំវិញបញ្ហានេះ សមាគមនឹងមានគោលដៅចុះរៀបចំ ជំរុញលើកទឹកចិត្តដល់បងប្អូន ប្រជាពលរដ្ឋ ដោយនៅក្នុងមួយស្រុក យ៉ាងហោចមានដាំដុះដំាណំានេះឱ្យបាន ៥០ ហិចតាឡើងទៅ ដើម្បីងាយស្រួលដល់ការ ប្រមូលផល និងការរៀបចំកន្លែងសំងួតសម្រាប់ការកែច្នៃនៅនឹងកន្លែង។ ហើយបញ្ហានេះដែរ ឯកឧត្តម នឹងស្នើរសុំឱ្យមានការទទួល ស្គាល់ពីក្រសួង-ស្ថាប័នដែលពាក់ព័ន្ធ ជាពិសេសក្រសួងកសិកម្ម រុក្ខាប្រមាញ់ និងនេសាទ ដើម្បីជំរុញឱ្យមានការដាំដុះដំណាំនេះ គាំទ្រដល់សមាគម ក្រុមហ៊ុន និងជួយដល់កសិករផងដែរ។ជុំវិញដំណាំនេះដែរ, លោក គៀរីស៊ិញ ស្ថាបនិកដំណាំកាកាវ លើកឡើងឱ្យដឹងផងដែរថា កាកាវគឺជាដំណាំសក្តានុពលមួយ ងាយក្នុង ការដាំដុះ មិនប្រកាន់រដូវ ហើយឆាប់ទទួលបានផល បន្ទាប់ពីការដាំដុះក្នុងរយៈពេល២ឆ្នាំប៉ុណ្ណោះ ចំណែកការទទួលផលសម្រាប់ ឆ្នាំដំបូង ក្នុង ១ ហិតតា កសិករអាចទទួលបានផលជាមធ្យម ក្នុងរង្វង់ពី ៩ ទៅ ១០ តោន ក្នុងនោះប្រសិនយើងថែទាំដល់រយៈពេល ៥ ទៅ ៨ឆ្នាំ កសិករអាចទទួលផលបានចាប់ពី ៥០ ទៅ ៦០ តោន ដោយកសិករអាចលក់ចេញផ្លែកាកាវស្រស់ ក្នុង ១ តោន បានក្នុង រង្វង់ ៣០០ ដុល្លារ និងមានទីផ្សារគាំទ្រនៅក្នុងស្រុកស្រាប់៕ អត្ថបទ៖ សុន រ៉ាឌី

កិច្ចប្រជុំប្រាក់ឈ្នួលកម្មកររោងចក្រ គ្រោងបិទបញ្ចប់នៅថ្ងៃទី១៩ កញ្ញាខាងមុខ

រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា កិច្ចប្រជុំចរចាប្រាក់ឈ្នួលអប្បបរមាវិស័យកាត់ដេរសម្រាប់ឆ្នាំ២០២៥ ត្រូវបានត្រីភាគីឯកភាពគ្នាកំណត់ប្រជុំលឿនជាងការកំណត់នៅថ្ងៃទ១៩ ខែកញ្ញាខាងមុខ ដែលតាមគម្រោងនឹងបិទបញ្ចប់នៅថ្ងៃទី២៦ ខែកញ្ញា។មានប្រសាសន៍ប្រាប់ក្រុមអ្នកសារព័ត៌មាន ក្រោយចប់កិច្ចប្រជុំពិភាក្សាប្រាក់ឈ្នួលអប្បបរមា នៅព្រឹកថ្ងៃទី១២ កញ្ញា ឆ្នាំ២០២៤នេះ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា បានឲ្យដឹងថា ក្រោយឆ្លងកាត់កិច្ចប្រជុំជាលក្ខណៈត្រីភាគីផង ក៏ដូចជាលក្ខណៈផ្ទៃក្នុងរបស់ភាគីមួយៗផង គឺបានសម្រេចឯកភាព នឹងជួបប្រជុំគ្នាចុងក្រោយ នៅថ្ងៃទី១៩ ខែកញ្ញាខាងមុខ ដើម្បីកំណត់ប្រាក់ឈ្នួលអប្បបរមារបស់កម្មករផ្នែកវាយនភណ្ឌកាត់ដេរ ផលិតស្បែកជើង និងផលិតផលធ្វើដំណើរ និងកាបូប។ឯកឧត្តមរដ្ឋមន្រ្តី បានបញ្ជាក់ឲ្យដឹងថា សម្រាប់កិច្ចប្រជុំត្រីភាគី លើកទី៤ ក្នុងថ្ងៃនេះ ភាគីទាំងពីរបានបន្តពន្យល់គ្នាទៅវិញទៅមកនូវគោលជំហររបស់ខ្លួនប្រកបដោយវិជ្ជាជីវៈ និងភាពចាស់ទុំ។ ជាលទ្ធផល តំណាងភាគីកម្មករនិយោជិត បានស្នើរតួលេខកំណើនរបស់ខ្លួនចំនួន ៣ផ្សេងៗគ្នា គឺតួលេខកំណើន ៦ដុល្លារ, ៧ដុល្លារ និង១០ដុល្លារ លើប្រាក់ឈ្នួលបច្ចុប្បន្ន ២០៤ដុល្លារ។ ដោយឡែក ភាគីនិយោជក បានរក្សាគោលជំហរនៅដដែល គឺកំណើនចំនួន ២ដុល្លារ លើប្រាក់ឈ្នួលបច្ចុប្បន្ន ហើយនឹងដាក់សំណើរមួយចំនួនទៀត នាកិច្ចប្រជុំបញ្ចប់ខាងមុខ។លោក គឹម ចាន់សំណាង ភាគីសហជីពតំណាងកម្មករនិយោជិត បានលើកឡើងថា រហូតមកដល់ពេលនេះ សហជីពមានបទពិសោធន៍ច្រើនក្នុងការសម្រេចលើតួលេខដែលត្រូវដាក់ដើម្បីពិភាក្សាជាបន្តបន្ទាប់ ដូច្នេះជាទូទៅមិនមែនមានតែសហជីពក្នុងចិត្តតែមួយ មានន័យថា មានគំនិតរៀងៗខ្លួន ហើយមានក្រុមរៀងៗខ្លួនដែលមានសិទ្ធិបញ្ចេញតួលេខរៀងៗខ្លួនដូចគ្នា ហើយនេះក៏ជាសិទ្ធិសេរីភាពក្នុងការបើកទូលាយដើម្បីសម្រេចចិត្តចំពោះលើតួលេខនីមួយៗ ដូច្នេះភាគីសហជីពពិភាក្សាគ្នាជាបន្តបន្ទាប់ ដោយមានទឡ្ហីករណ៍រៀងៗខ្លួនដើម្បីកំណត់យកតួលេខមួយឲ្យទទួលបានទាំងអស់គ្នា។លោកបន្ថែមថា សម្រាប់តួលេខដែលដាក់ចេញរបស់ភាគីសហជីពផ្សេងៗគ្នាខាងលើ ក៏មិនប្រាកដថា នៅថ្ងៃចុងក្រោយមានតួលេខទាំង៣ ឬក៏បង្រួមតួលេខណាមួយទេ ដែលនេះជាលទ្ធិប្រជាធិបតេយ្យក្នុងការសម្រេចចិត្តរបស់ភាគីសហជីព ហើយសម្រាប់ក្រុមនីមួយៗ ខណៈសហជីពទាំងអស់ គឺបានគិតប្រយោជន៍ជារួមដូចគ្នា ទៅដល់កម្មករនិយោជិត។ការកំណត់ប្រាក់ឈ្នួលអប្បបរមារបស់កម្មករនិយោជិតក្នុងវិស័យឧស្សាហកម្មកាត់ដេរជារៀងរាល់ឆ្នាំនេះ ត្រីភាគី រួមមាន ភាគីរដ្ឋាភិបាល ភាគីនិយោជក និងភាគីសហជីពតំណាងកម្មករនិយោជិត បានពិភាក្សាគ្នាដោយផ្អែកទៅលើមូលដ្ឋានបម្រែបម្រួលលក្ខណៈវិនិច្ឆ័យបែបសង្គម និងសេដ្ឋកិច្ចចំនួន ៧ចំណុច ក្នុងនោះរួមមាន៖ ស្ថានភាពគ្រួសារ អត្រាអតិផរណា ការចំណាយក្នុងការរស់នៅ ផលិតភាព ភាពប្រកួតប្រជែងរបស់ប្រទេស ស្ថានភាពទីផ្សារការងារ និងកម្រិតចំណេញរបស់វិស័យ៕ អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ការស្ទង់មតិ៖ ប្រជាជនបារាំងភាគច្រើនចង់បានការបោះឆ្នោតថ្មី ប្រសិនបើរដ្ឋាភិបាលដួលរលំ

អ៊ីរ៉ង់ប្រកាសថា កងកម្លាំងរបស់ខ្លួន បានសម្លាប់ភេរវករ ១៣នាក់ នៅខេត្តភាគអាគ្នេយ៍

អ៊ីស្រាអែល បង្កើនប្រតិបត្តិការនៅទីក្រុងហ្កាហ្សា ខណៈលោក Trump សម្លឹងមើលផែនការក្រោយសង្រ្គាម

ឧបទ្ទវហេតុរថយន្តដឹកសិស្សសាលា នៅអូស្ត្រាលី បណ្ដាលឲ្យក្មេងស្រីម្នាក់ស្លាប់ និង ១១នាក់ផ្សេងទៀតរងរបួស

អ្នកជំនាញ៖ការបោះបង់ចោលការទិញប្រេងពីរុស្ស៊ីរបស់ឥណ្ឌា ទំនងជាមិនកើតឡើងទេ

ប្រមុខការទូត៖ អ៊ីរ៉ង់អាចនឹងបន្តការប្រឈមមុខដាក់គ្នា ជាមួយអ៊ីស្រាអែល

ចិន៖ កិច្ចពិភាក្សារំសាយអាវុធនុយក្លេអ៊ែរត្រីភាគី ជាមួយអាមេរិក និងរុស្ស៊ី គឺ «មិនសមហេតុផល»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877