នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចម៉ែ ប្រោសព្រះរាជទានព្រះរាជូបត្ថម្ភចំនួន ២០ ០០០ដុល្លារដល់ CMAC ដើម្បីឧបត្ថម្ភដល់មន្ត្រីបោសសម្អាតមីននៅតាមបណ្តោយព្រំដែន
កម្ពុជា អាហ្រ្វិកខាងត្បូង ពង្រីកទំហំពាណិជ្ជកម្មទ្វេភាគី កាន់តែល្អប្រសើរ
គម្រោង «ពង្រឹងបច្ចេកវិទ្យា និងធនធាន សម្រាប់ស្រ្តីជនជាតិដើមភាគតិច ក្នុងវិស័យកសិកម្ម (STRIVE Project)» សម្ពោធក្រោមការចូលរួមពីដៃគូអន្តរជាតិ
រដ្ឋមន្ត្រីក្រសួងទេសចរណ៍ ទាក់ទាញ ក្រុមហ៊ុនទេសចរណ៍ធំវៀតណាម បង្កើនវិនិយោគនៅកម្ពុជា

ព័ត៌មានជាតិ

សាខាកាកបាទក្រហមកម្ពុជាខេត្តឧត្តរមានជ័យប្រារព្វសន្និបាតសាខាអាណត្តិទី៦

2024/09/18 03:39:28 pm        80
Facebook Telegram Linkin
ភ្នំពេញ ៖ នៅព្រឹកថ្ងៃទី១៨ ខែ កញ្ញា ឆ្នាំ ២០២៤នេះ លោកជំទាវតបណ្ឌិត អ៊ុក ម៉ាលី អគ្គហេរញ្ញិកកាកបាទក្រហមកម្ពុជា និងជាតំណាងដ៏ខ្ពង់ខ្ពស់សម្តេចកិត្តិព្រឹទ្ធ ប៊ុន រ៉ានី ហ៊ុនសែន ប្រធាន កាកបាទក្រហមកម្ពុជា បានអញ្ជើញជាអធិបតី ក្នុងការប្រារព្ធសន្និបាតសាខាកាកបាទក្រហមកម្ពុជា ខេត្តឧត្តរមានជ័យ អាណត្តិទី៦ ដែលពិធីនេះធ្វើឡើងក្នុងសាលប្រជុំសាលាខេត្តឧត្តរមានជ័យ ដោយមានការអញ្ជើញចូលរួមពី សមាជិក-សមាជិកាពេញសិទ្ធិ មន្ត្រីបច្ចេកទេសទីស្នាក់ការកណ្តាល ក្រុមប្រតិបត្តិសាខា យុវជនកាកបាទក្រហមកម្ពុជា អ្នកស្ម័គ្រចិត្ត ប្រមាណជាង២០០នាក់។ក្នុងអង្គសន្និបាតនោះក៏បានឆ្លងសេចក្ដីព្រាងរបាយការណ៍ សកម្មភាពសាខាអាណត្ដិទី៥ និងលើកទិសដៅការងារសម្រាប់អាណត្ដិទី៦ ឆ្លងសេចក្ដីព្រាងរបាយការណ៍ការងារហិរញ្ញវត្ថុក្នុងអាណត្ដិទី៥ និងលើកទិសដៅការងារហិរញ្ញវត្ថុសម្រាប់អាណត្ដិទី៦ ហើយអង្គសន្និបាតក៏បានពិភាក្សាអនុម័ត ដោយលើកបណ្ណលើសេចក្ដីព្រាងរបាយការណ៍បូកសរុបអាណត្ដិទី៥ និងទិសដៅការងារអាណត្ដិទី៦ផងដែរ។ ក្នុងនោះក៏មានសេចក្ដីប្រកាសរំសាយគណៈកម្មការធិការសាខាអាណត្ដិទី៥ បន្ទាប់មកប្រកាសសមាសភាពបេក្ខជនគណៈកម្មាធិការសាខាសម្រាប់អាណត្ដិទី៦ រួចឆ្លងនិងអនុម័តលើសមាសភាពបេក្ខជន គណៈកម្មការរៀបចំបោះឆ្នោត ដោយលើកបណ្ណអនុម័ត។ ជាលទ្ធផលដំណើរនៃការបោះឆ្នោតជ្រើសរើសគណៈកម្មាធិការសាខាកាកបាទក្រហមកម្ពុជា ខេត្តឧត្តរមានជ័យអាណត្តិទី៦ មានចំនួន១៥រូប ក្នុងនោះឯកឧត្តម មាន ចាន់យ៉ាដា អភិបាលនៃគណៈ អភិបាលខេត្តឧត្តរមានជ័យជាប្រធានគណៈកម្មាធិការសាខាកាកបាទក្រហមកម្ពុជា ខេត្តឧត្តរមានជ័យអាណត្តិទី៦។បន្ទាប់ពីប្រកាសលទ្ធផលរួច ឯកឧត្តម មាន ចាន់យ៉ាដា ប្រធានគណៈ កម្មាធិការសាខាកាកបាទក្រហមកម្ពុជា ខេត្តឧត្តរមានជ័យ អាណត្តិទី៦ បានធ្វើការប្តេជ្ញាចិត្តយ៉ាងមុតមាំ ដោយប្រកាន់ខ្ជាប់នូវគោលការណ៍គ្រឹះទាំង៧ នៃចលនាអន្តរជាតិកាកបាទក្រហម អឌ្ឍចន្ទក្រហម ដោយយកចិត្តទុកដាក់ប្រតិបត្តិតាមគោលការណ៍ណែនាំ របស់កាកបាទក្រហមកម្ពុជា ដើម្បីបំពេញភារកិច្ចមនុស្សធម៌ឱ្យទទួលបានជោគជ័យ និងដឹកនាំតម្រង់ទិសក្រុមប្រតិបត្តិសាខាឱ្យអនុវត្តន៍បានល្អ នូវភារកិច្ចស្របតាមយុទ្ធសាស្រ្តកាកបាទក្រហមកម្ពុជា ដែលក្នុងនោះមានវិស័យស្នូល៤ រួមមាន៖ -ការគ្រប់គ្រងគ្រោះមហន្តរាយ -សុខភាព និងការថែទាំសុខភាពសហគមន៍ -លើកកម្ពស់គោលការណ៍គ្រឹះ និងតម្លៃមនុស្សធម៌របស់ចលនា -អភិវឌ្ឍន៍ស្ថាប័ន និងអភិវឌ្ឍន៍ធនធានបង្កើនគំនិត ក្នុងការកៀរគររកមូលនិធិពីសប្បុរសជនពីគ្រប់មជ្ឈដ្ឋាន ដើម្បីបម្រើការងារមនុស្សធម៌របស់សាខានិងយកចិត្តទុកដាក់ណែនាំអនុសាខា ឱ្យបំពេញភារកិច្ចមនុស្សធម៌ឱ្យបានល្អ ស្របតាមវិស័យស្នូលទាំង៤ នៃយុទ្ធសាស្រ្តកាកបាទក្រហមកម្ពុជា។ ជាមួយគ្នានេះលោកជំទាវបណ្ឌិត អ៊ុក ម៉ាលី អគ្គហេញ្ញិក បានសម្ដែងនូវការគាំទ្រយ៉ាងពេញទំហឹងចំពោះសមាសភាព  គណៈកម្មាធិការសាខា ដែលទើបជាប់ឆ្នោតថ្មី និងបានឯកភាពចំពោះទិសដៅការងារ៦ឆ្នាំបន្ត ដែលអង្គសន្និបាតបានអុម័ត។ លោកជំទាវ សង្ឃឹមថា ឯកឧត្តម លោកជំទាវ លោកឧកញ៉ា លោក លោកស្រី ពិតជាលើកកម្ពស់ស្មាតី និងទទួលខុសត្រូវចំពោះមុខគណៈកម្មាធិការកណ្ដាល ជាពិសេសគណៈកិត្តិយសសាខា ជាអ្នកផ្ដល់នូវកិត្តិនាមដល់កាកបាទក្រហមកម្ពុជា អ្នកសម្របសម្រួលទ្រទ្រង់ និងការកៀរគររកមូនិធិដើម្បីសាខា អនុសាខាមានលទ្ធភាពតាមតម្រូវការ សម្រេចបាននូវសកម្មភាពមនុស្សធម៌៕ ​អត្ថបទៈ សំ ងីម 

ធនាគារជាតិគ្រោងដាក់ឱប្រើប្រាស់ QR Code មានរូបិយប័ណ្ណតែមួយ ដើម្បីងាយស្រួលក្នុងការទូទាត់

2024/09/18 03:35:09 pm        124
Facebook Telegram Linkin
ភ្នំពេញ ៖ ធនាគារជាតិនៃកម្ពុជា គ្រោងដាក់ឱប្រើប្រាស់ QR Code តែមួយ មានទាំងប្រាក់រៀលនិងប្រាក់ដុល្លារ ដើម្បីផ្តល់ភាពងាយស្រួល ទៅដល់អតិថិជនក្នុងការទូទាត់ ជាពិសេសរវាងអ្នកទិញនិងអ្នកលក់ និងក៏ជាការចូលរួមលើកកម្ពស់វិស័យទេសចរ និងការជំរុញប្រើប្រាស់ ប្រាក់រៀលឱ្យកាន់តែទូលាយផងដែរ។  ​លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា លើកឡើងនៅក្នុងជំនួបអ្នកសារព័ត៌មាន ស្តីពីការប្រើប្រាស់ ប្រព័ន្ធ QR Code នៅថ្ងៃទី ១៧ ខែ កញ្ញា ឆ្នាំ ២០២៤ នេះថា ជុំវិញការប្រើប្រាស់ QR Code បច្ចុប្បន្ននៅលើទីផ្សារ អ្នកលក់ភាគច្រើន មានតែ QR ប្រាក់ដុល្លារប៉ុណ្ណោះ និងអ្នកលក់មួយចំនួនតូចមាន QR ជាប្រាក់រៀល បញ្ហានេះ, នៅពេលអ្នកទិញត្រូវការទូទាត់តែងតែ ជួបបញ្ហាអំពី QR ដែលមានរូបិយប័ណ្ណផ្សេងគ្នា ។ ចំណែកការទូទាត់ក្រៅស្រុក, ធនាគារជាតិនៃកម្ពុជាគឺមានគោលបំណងចង់ជំរុញឱ្យ មានការប្រើប្រាស់ប្រាក់រៀលឱ្យកាន់តែទូលាយ ក្នុងនោះចំពោះប្រជាពលរដ្ឋទៅក្រៅប្រទេស ប្រសិនពួកគាត់មាន QR តែប្រាក់ដុល្លារ គឺអាចទូរទាត់មិនបាននោះឡើយ សម្រាប់ប្រទេសដែលជាដៃគូដែលបានចុះអនុស្សារណៈជាមួយធនាគារជាតិនៃកម្ពុជា មានដូចជា៖ ប្រទេសថៃ ឡាវ ម៉ាឡេស៊ី កូរ៉េ និងចិនជាដើម ។ ចំណែកបរទេសចូលមកកម្ពុជាវិញ នៅពេលអ្នកលក់អត់មាន QR Code ជាលុយ រៀលនោះទេ អថិតិជនទាំងនោះក៏មិនអាចស្ពែនទូទាត់បាននោះឡើយ ដែលបញ្ហានេះដោយសារយើងមាន QR Code ពីរផ្សេងគ្នា។លោកជំទាវបណ្ឌិត បន្តឱ្យដឹងថា ចំពោះការប្រើប្រាស់ QR Code តែមួយ មានទាំងប្រាក់រៀលនិងប្រាក់ដុល្លារ គឺតម្រូវឱ្យ អតិថិជនរបស់ធនាគារ និងហិរញ្ញវត្ថុ ត្រូវមានគណនីទាំងលុយរៀល និងដុល្លារ ។ បញ្ហានេះគឺតម្រូវឱ្យគ្រឹះស្ថានធនាគារ និងហិរញ្ញវត្ថុ ផ្សព្វផ្សាយទៅដល់អតិថិជនរបស់ខ្លួនបន្ថែម ឱ្យបានយល់ដឹងអំពីការទូទាត់ QR Code ថ្មីនេះ។ ជុំវិញបញ្ហានេះដែរ, ប្រសិនអតិថិជន របស់គ្រឹះស្ថាន ពួកគាត់មិនចង់បើកគណនេយ្យជាលុយរៀល ក៏ជារឿងរបស់ពួកគាត់ ពោលគឺពួកគាត់អាចប្រើ QR Code ជារៀល ឬក៏ជាដុល្លារតែមួយក៏បាន ក៏ប៉ុន្តែពួកមិនអាចទូរទាត់តាម QR Code បានតទៅទៀតឡើយ ព្រោះធនាគារនៃកម្ពុជានឹងបង្កើត QR Code ថ្មីនេះ លុះត្រាមានការបើកគណនេយ្យទាំងពីរ គឺប្រាក់ដុល្លារ និងប្រាក់រៀល។លោកជំទាវបណ្ឌិត លើកឡើងបន្ថែមថា ចំពោះការតម្រូវឱ្យគ្រឹះស្ថានធនាគារ និងហិរញ្ញវត្ថុ បើកគណនេយ្យលុយរៀលជូន ដល់អតិថិជនរបស់ពួកគាត់នេះ ធនាគារជាតិនៃកម្ពុជា មានគោលបំណងជំរុញលើកកម្ពស់ការប្រើប្រាស់ប្រាក់រៀលឱ្យបានកាន់តែ ទូលាយ ការសម្រួលដល់ការទូទាត់ឆ្លងប្រទេស និងការចូលរួមលើកកម្ពស់វិស័យទេសចរ (ចំពោះប្រទេសដែលបានចុះអនុស្សារណៈ ជាមួយធនាគារជាតិនៃកម្ពុជា) គឺពួកគាត់អាចទូទាត់បានងាយស្រួលជាងមុន ព្រមទាំងផ្តល់ភាពងាយស្រួលដល់អ្នកផ្តល់សេវា លែង ប្រើប្រាស់ QR Code ច្រើន នៅក្នុងការទូទាត់, ហើយនេះការជាការបង្កើតឡើងនូវប្រព័ន្ធបច្ចេកវិទ្យាផងដែរ ដែលធនាគារជាតិនៃកម្ពុជា មិនត្រឹមដាក់បញ្ចូលគ្រឹះស្ថានធនាគារ និងហិរញ្ញវត្ថុ តែមួយនោះទេ ទោះបីរូបិយប័ណ្ណក៏យើងដាក់បញ្ចូនបានផងដែរ ដែលនេះក៏ជា មោទនភាពរបស់កម្ពុជា នៅលើការប្រើប្រាស់បច្ចេកវិទ្យាទំនើបនេះ៕អត្ថបទ៖ សុន រ៉ាឌី

លោកជំទាវ អ៊ុក ម៉ាលី អគ្គហេរញ្ញិកាកាកបាទក្រហម ចុះសួរសុខទុក្ខកងកម្លាំងព្រំដែនខេត្តឧត្ដរមានជ័យ

2024/09/18 03:20:53 pm        577
Facebook Telegram Linkin
ឧត្ដរមានជ័យ៖ លោកជំទាវបណ្ឌិត អ៊ុក ម៉ាលី អគ្គហេរញ្ញិកា នៃគណៈកម្មាធិការកណ្ដាលកាកបាទក្រហមកម្ពុជា អមដំណើរដោយឯកឧត្តម មាន ចាន់យ៉ាដា អភិបាលខេត្តឧត្តរមានជ័យ និងឧត្ដមសេនីយ៍ត្រី នាក់ វង្ស មេបញ្ជាការកងពលតូចថ្មើរជើង លេខ៤២ យោធភូមិភាគទី៤ បានអញ្ជើញសួរសុខទុក្ខកងកម្លាំងប្រដាប់អាវុធជួរមុខ ឈរជើងនៅតំបន់ព្រំដែនប្រាសាទតាមាន់ និងប្រាសាទដំរីទ្រោម ។ក្នុងពេលចុះទស្សនាប្រាសាទ និងសួរសុខទុក្ខកងកម្លាំងយោធាឈរជើងនៅតំបន់ព្រំដែននេះ លោកជំទាវ អ៊ុក ម៉ាលី បានផ្តាំផ្ញើការសាកសួរសុខទុកពីសំណាក់សម្តេចតេជោ ហ៊ុន សែន ប្រធាន​ព្រឹទ្ធសភាជាតិ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាកក្រហមកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា ដែលជានិច្ចកាលតែងតែមានការនឹករលឹកដល់កងកម្លាំងជួរ ទាំងអស់ និងបាននាំយកនូវថវិកាមួយចំនួនឧបត្ថម្ភដល់កងកម្លាំងឈរជើងនៅតំបន់ប្រាសាទតាមាន់ និង ដំរីទ្រោម ផងដែរ សម្រាប់ឱកាសពិធីបុណ្សភ្ជុំបិណ្ឌ ដោយក្នុងម្នាក់ៗ ទទួលបានថវិកាចំនួន៥០ពាន់រៀល៕អត្ថបទ៖ ឃិន សារិទ្ធ

ឯកឧត្តម ឌិត ទីណា ទទួលជួបក្រុមហ៊ុនផ្គត់ផ្គង់ម្រេច ដើម្បីពិភាក្សាអំពីការពង្រឹងគុណភាព និងពង្រីកទីផ្សារនាំចេញ

2024/09/18 02:14:36 pm        491
Facebook Telegram Linkin
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ នៅព្រឹកថ្ងៃទី១៨ ខែកញ្ញា ឆ្នាំ២០២៤នេះ បានទទួលជួបសម្តែងការគួរសមជាមួយក្រុមហ៊ុន សិលា ផិបភើរ ខូអិលធីឌី ដើម្បីពិភាក្សាគ្នាក្នុងការលើកកម្ពស់បន្ថែមដល់ទីផ្សារនាំចេញ ក៏ដូចជាការពង្រឹងគុណភាពម្រេច។ប្រភពក្រសួងកសិកម្ម រុក្ខាប្រមាញ់ និងនេសាទ បានសសេរក្នុងបណ្តាញសង្គមឲ្យដឹងថា ក្នុងកិច្ចប្រជុំនេះ ឯកឧត្តមរដ្ឋមន្ត្រី បានណែនាំអំពីកម្មវិធីគោលនយោបាយអាទិភាពក្នុងវិស័យកសិកម្មរបស់រាជរដ្ឋាភិបាល ដែលផ្ដោតសំខាន់លើការរក្សាលំនឹងថ្លៃកសិផល និងការកសាងសហគមន៍កសិកម្មទំនើបដែលអាចជួយដោះស្រាយបញ្ហាប្រឈមនានារបស់ប្រជាកសិករ។ លើសពីនេះ ឯកឧត្តម បានលើកទឹកចិត្តដល់ក្រុមហ៊ុនឱ្យមានការអភិវឌ្ឍបន្ថែមទៀត ដោយផ្តោតលើគុណភាពល្អប្រណិត មានស្តង់ដាខ្ពស់ ជួយកសិករនៅផ្នែកកែច្នៃ និងនាំចេញទៅទីផ្សារ ធ្វើយ៉ាងណាឱ្យខ្សែច្រវាក់តម្លៃ មានភាពល្អប្រសើរ ផ្ដោតលើគុណភាព ជាជាងប្រកួតប្រជែងលើបរិមាណ។បើតាមឯកឧត្តមរដ្ឋមន្ត្រី ក្រុមហ៊ុនអាចពិចារណាសហការជាមួយសហគមន៍កសិកម្មទំនើប ដែលអាចផលិតទៅតាមតម្រូវការរបស់ក្រុមហ៊ុន មានគុណភាពល្អ មានធនធានគ្រប់គ្រាន់សម្រាប់ផលិតកម្ម មានប្រសិទ្ធភាពសេដ្ឋកិច្ច ទទួលបានការវិនិយោគ និងចែករំលែកផលចំនេញទាំងអស់គ្នា។ ឯកឧត្តម បានគូសបញ្ជាក់ថា វិស័យកសិកម្មត្រូវការការចូលរួមពីវិស័យឯកជន និងក្រុមហ៊ុន លើកកម្ពស់ការអនុវត្តកសិកម្មតាមកិច្ចសន្យា (Contract Farming) ផលិតកសិផលមានគុណភាព និងមានតម្លៃបន្ថែមខ្ពស់។សម្រាប់កម្ចីដែលមានអត្រាការប្រាក់ទាប ឯកឧត្តមរដ្ឋមន្ត្រី បានណែនាំអោយក្រុមហ៊ុនសហការជាមួយនឹងសាជីវកម្មធានាឥណទានកម្ពុជា (CGCC) ដើម្បីអាចមានលទ្ធភាពក្នុងការធ្វើការជាមួយធនាគារពាក់ព័ន្ធ ក្នុងការផ្តល់កម្ចី ដោយឆ្លងកាត់ការគិតគូរនិងការវាយតម្លៃច្បាស់លាស់ ព្រមទាំងមានលទ្ធភាពសងត្រលប់៕ អត្ថបទ៖ ឈិត បូរ៉ាវី 

កម្ពុជា-ចិនសន្យាបន្ដពង្រឹងកិច្ចសហប្រតិបត្តិការលើការងារសន្ដិសុខ និង​ប្រយុទ្ធ​ប្រឆាំង​គ្រឿងញៀន

2024/09/18 02:05:31 pm        274
Facebook Telegram Linkin
ឯកឧត្តម សន្ដិបណ្ឌិត នេត សាវឿន ឧបនាយករដ្ឋមន្ដ្រី និងលោក វ៉ាង វិនប៊ីន (Wang Wenbin) ឯកអគ្គរដ្ឋទូតចិនប្រចាំនៅកម្ពុជា នៅព្រឹកថ្ងៃទី១៨ ខែកញ្ញា ឆ្នាំ២០២៤នេះ បាន​បង្ហាញ​ជំហររួមគ្នា ក្នុងការបន្ដពង្រឹងកិច្ចសហប្រតិបត្តិការទ្វេភាគី លើការងារសន្ដិសុខ អនុវត្ត​ច្បាប់ និងការងារប្រយុទ្ធប្រឆាំងគ្រឿងញៀនជាដើម។នៅក្នុងកិច្ចជំនួបទ្វេភាគីនោះ ឯកឧត្តមឧបនាយករដ្ឋមន្ដ្រី នេត សាវឿន បាន​សម្ដែង​នូវ​ការ​ស្វាគមន៍​ចំពោះ​វត្តមានរបស់លោក វ៉ាង វិនប៊ីន ដែលត្រូវបានតែង​តាំង​ជា​ឯក​អគ្គ​រដ្ឋ​ទូត​ចិន​ប្រចាំ​កម្ពុជា ដោយតាមបទពិសោធន៍កាទូតដ៏ប៉ិនប្រសប់ និងយូរឆ្នាំរបស់លោកឯកអគ្គរដ្ឋទូត នឹង​ធ្វើ​ឲ្យ​ទំនាក់​ទំនង​រវាងកម្ពុជា-ចិនកាន់តែរឹងមាំបន្ថែមទៀត ខណៈកម្ពុជា និងចិនមានទំនាក់​ទំនង​ជា​ប្រពៃណី កិច្ចសហប្រតិបត្តិការស៊ីជម្រៅ និងគ្រប់ជ្រង់ជ្រោយ និងជាមិត្តដែកថែប។នៅក្នុងកិច្ចជំនួបនោះ ឯកឧត្តម​សន្តិ​បណ្ឌិត​បាន​លើក​ឡើង​អំពី​កិច្ចសហប្រតិបត្តិការដ៏ល្អរវាង​ភាគី​ទាំង​ពីរ​កម្ពុជា និងចិន នាពេលកន្លងមក ក្នុងនោះមានទាំងវិស័យសន្ដិសុខ, សេដ្ឋកិច្ច និងពាណិជ្ជ​កម្ម​ជា​ដើម។ យ៉ាងណាក៏ដោយនៅក្នុងកិច្ចជំនួបនោះ ឯកឧត្តមឧបនាយករដ្ឋមន្ដ្រី នេត សាវឿន ក៏​បានប្រកាសថ្លែងអំណរគុណជាថ្មីម្តងទៀត ដល់រដ្ឋាភិបាលចិន ដែល​បាន​ផ្ដល់​កិច្ច​សហ​ប្រតិបត្តិ​ការ​ និងជំនួយនៅក្នុងការអភិវឌ្ឍលើវិស័យមួយជាច្រើនដល់កម្ពុជាផងដែរ ។ថ្លែង​នៅ​ក្នុងកិច្ចជំនួបនោះដែរ លោកវ៉ាង វិនប៊ីនក៏បានលើកឡើងផងដែរថា ផ្អែកទៅលើ​ចំណង​មិត្ត​ភាព​ដ៏​យូរលង់ និងប្រពៃណី ក៏ដូចជាមិត្តភាពដែកថែប រដ្ឋាភិបាលចិន តាមរយៈស្ថាន​ទូត​នឹង​បន្ដ​គាំទ្រ​កម្ពុជា ដើម្បីសម្រេចចក្ខុវិស័យនៅឆ្នាំ២០៣០ ក្លាយជាប្រទេ​ស​ដែល​មាន​ចំណូល​មធ្យម​កម្រិត​ខ្ពស់ និងឆ្នាំ២០៥០ ក្លាយជាប្រទេសដែលមានចំណូលខ្ពស់ សំដៅលើកម្ពស់ក​ម្រិត​ជីវភាព​ប្រជាជន​ឲ្យកាន់តែខ្ពស់ផងដែរ។នៅក្នុងកិច្ចជំនួបនេះ លោក ឯកអគ្គរដ្ឋទូតក៏បានអះអាងផងដែរថា រដ្ឋាភិបាលចិន តាម​រយៈ​ស្ថាន​ទូត​របស់​ខ្លួនប្រចាំនៅកម្ពុជា នឹងបន្ដកិច្ចសហប្រតិបត្តិការជួយពង្រឹងសមត្ថភាព ការបណ្ដុះ​បណ្ដាល ផ្លាស់ប្ដូរព័ត៌មាន សំដៅពង្រឹងសន្ដិសុខរវាងប្រទេសទាំងពីរចិន-កម្ពុជា និង​ទប់ស្កាត់​បទល្មើសឆ្លងដែនគ្រប់ប្រភេទឲ្យកាន់តែសកម្មបន្ថែមទៀតផងដែរ ហើយ​លោក​ក៏​បាន​វាយ​តម្លៃ​ខ្ពស់ អំពីកិច្ចសហប្រតិបត្តិការដ៏ល្អរវាងអាជ្ញាធរជាតិប្រយុទ្ធប្រឆាំងគ្រឿងញៀនរបស់កម្ពុជា និង​អាជ្ញាធរ​ប្រយុទ្ធប្រឆាំងគ្រឿងញៀនរបស់ចិន និងគូសបញ្ជាក់ថា ស្ថាប័នទាំងពីរ នឹងបន្ដ​កិច្ច​សហការ​គាំទ្រគ្នាទៅវិញទៅមកឲ្យកាន់តែល្អប្រសើរបន្ថែមទៀតផងដែរ៕ អត្ថបទ បាន ចក់

កម្ពុជាដាក់គោលដៅប្រើប្រាស់រថយន្តអគ្គិសនី ៣ម៉ឺនគ្រឿង នៅត្រឹមឆ្នាំ២០៣០

2024/09/18 01:56:23 pm        98
Facebook Telegram Linkin
កម្ពុជាមានគោលនយោបាយច្បាស់លាស់ ក្នុងការជំរុញការប្រើប្រាស់យានយន្តអគ្គិសនីនៅត្រឹមឆ្នាំ ២០៣០ឱ្យសម្រេចឱ្យបានចំនួន៣ម៉ឺនគ្រឿង ទោចក្រយានយន្តអគ្គិសនីសុទ្ធចំនួន ៧២ ម៉ឺនគ្រឿង និងត្រីចក្រយានចំនួន២ម៉ឺនគ្រឿងផងដែរ។ នេះបើ​តាម​ការ​បញ្ជាក់​ក្នុង​កិច្ច​ប្រជុំ​ផ្សព្វ​ផ្សាយ​គោល​នយោបាយជាតិស្ដីពី ការអភិវឌ្ឍនវិស័យយានយន្តអគ្គិសនី ២០២៤-២០៣០ នៅព្រឹកថ្ងៃទី១៨ ខែកញ្ញា ឆ្នាំ ២០២៤។ ។ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានលើកឡើងថា គោល​នយោបាយជាតិស្ដីពី ការអភិវឌ្ឍនវិស័យយានយន្តអគ្គិសនី ២០២៤-២០៣០ បាន​កំណត់​គោល​ដៅ​ច្បាស់លាស់ ក្នុងនោះមានការដាក់ចេញជាកញ្ចប់វិធានការគោលនយោបាយគន្លឹះ ក្នុងន័យ​ជំរុញ​ការ​ប្រើប្រាស់ និងការផ្គត់ផ្គង់យានយន្តអគ្គិសនី ក៏ដូចជាការការពារបរិស្ថាន ដោយ​មាន​ការ​កំណត់​ក្រសួង ស្ថាប័នទទួលខុសត្រូវអនុវត្តច្បាស់លាស់ នៅក្នុងក្របខ័ណ្ឌពេលវេលាជាក់លាក់។ ក្នុងពិធីផ្សព្វផ្សាយនេះដែរ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន លើក​ឡើងដែរថាវិស័យយានយន្តអគ្គិសនីត្រូវបានកំណត់ជាវិស័យមួយក្នុងចំណោម វិស័យ​ដែល​មាន​សក្តានុពលខ្ពស់ ក្នុងការចូលរួមមិនត្រឹមតែជួយដល់ការលើកកម្ពស់បរិស្ថាន និងធ្វើឱ្យប្រសើរ​ឡើង​នូវ​សុខុមាលភាពសាធារណៈប៉ុណ្ណោះទេ ប៉ុន្តែថែមទាំងជំរុញសន្ទុះនៃការ ធ្វើពិពិធកម្ម​មូល​ដ្ឋាន​សេដ្ឋកិច្ច និងពង្រឹងសន្តិសុខថាមពលផងដែរ។ឯកឧត្តមថ្លែងថា ការជំរុញការប្រើប្រាស់យានយន្តអគ្គិសនី គឺជាការចូលរួម យ៉ាងសំខាន់​ក្នុង​ការ​កាត់​បន្ថយផលប៉ះពាល់ដែលបង្កឡើងដោយការបំភាយឧស្ម័នកាបូនឌីអុកស៊ីត (CO2) ចេញ​ពី​យាន​យន្ត​ប្រភេទប្រេងឥន្ធនៈ។ ខណៈក្រសួង​សាធារណការ​ក៏​បាន​និង​កំពុង​ខិត​ខំ​អនុវ​ត្ត​ស្រប​តាម​ទិស​ដៅ និងវិធានការចាំបាច់ដែលរាជរដ្ឋាភិបាល បានកំណត់ ស្របតាមយុទ្ធសាស្ត្រ​អភិវឌ្ឍន៍​រយៈពេល​វែង​ប្រកប​ដោយ​អព្យាក្រឹត្យ​កាបូន​ដើម្បី​ជំរុ​ញស​ម្រេច​ឱ្យបា​ន​នូវ​ការ​ប្រើ​ប្រាស់​រថយន្ត​អគ្គិសនី​ក្នុង​អត្រា៤០% និងទោចក្រយានយន្តអគ្គិសនីក្នុងអត្រា៧០% នៅត្រឹមឆ្នាំ២០៥០។បើ​តាមក្រសួងសាធារណការ យានយន្តអគ្គិសនីដែលបានចុះបញ្ជីនៅកម្ពុជាគិតត្រឹមខែ សីហា ឆ្នាំ២០២៤ មានចំនួន ៣ ៦៧៦គ្រឿង។ ចំណែកស្ថានីយទីតាំងបញ្ចូលថាមពលអគ្គិសនីគិតត្រឹម​ដើមឆ្នាំ២០២៤ មានចំនួន២១កន្លែង៕ អត្ថបទ៖ គឹម ហុក

ប្រធានអនុសញ្ញាអូតាវ៉ា អំពាវនាវដល់ប្រទេសនានាបោះឆ្នោតគាំទ្រសេចក្តីថ្លែងការណ៍នយោបាយសៀមរាប-អង្គរ ក្នុងមហាសន្និបាតអង្គការសហប្រជាជាតិលើកទី៧៩

2024/09/18 01:51:56 pm        119
Facebook Telegram Linkin
ហ្សឺណែវ៖ ឯកឧត្តមបណ្ឌិត លី ធុជ ទេសរដ្ឋមន្ត្រី អនុ ប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ា នាថ្ងៃទី១៧ ខែកញ្ញា ឆ្នាំ២០២៤ បានដឹកនាំកិច្ចប្រជុំគណៈកម្មការសម្របសម្រួលនៃអនុសញ្ញាអូតាវ៉ា ដើម្បីរាយការណ៍អំពីសកម្មភាពការងាររបស់ប្រធានអនុសញ្ញាពិភាក្សាអំពីតួនាទីរបស់គណៈកម្មការសម្រប សម្រួលនៅក្នុងកិច្ចប្រជុំកំពូលសៀមរាប-អង្គរ និងពិនិត្យលើសេចក្តីព្រាងនៃសេចក្តីថ្លែង ការណ៍ស្តីពីការអនុវត្តអនុសញ្ញាអូតាវ៉ា ដែលនឹងត្រូវដាក់ជូនអង្គការសហប្រជាជាតិ ដើម្បីពិនិត្យ និងអនុម័ត។ គូសបញ្ជាក់ថា ក្នុងនាមជាប្រធានកិច្ចប្រជុំត្រួតពិនិត្យឡើងវិញលើកទី៥នៃអនុសញ្ញាអូតាវ៉ា ឬកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន កម្ពុជា មានកាតព្វកិច្ច​រៀបចំសេចក្តីព្រាងនៃសេច ក្តីថ្លែងការណ៍នយោបាយស្តីពីការអនុវត្តអនុសញ្ញាអូតាវ៉ា ដើម្បីដាក់ជូនអង្គការ សហប្រជាជាតិ ដើម្បីពិនិត្យ និងអនុម័ត នៅក្នុងមហាសន្និបាតអង្គការ​សហប្រជា ជាតិលើកទី៧៩ នាខែតុលា ឆ្នាំ២០២៤ នៅទីក្រុងញូវយ៉ក ។កម្ពុជារួមជាមួយអាល្លឺម៉ង់ ជាប្រធានអនុសញ្ញាឆ្នាំ២០២៣ និងជប៉ុន ជាប្រធានអនុសញ្ញាឆ្នាំ២០២៥ ក្រោមការ​សម្របសម្រួលពីអង្គភាពគាំទ្រការអនុវត្តអនុសញ្ញាអូតាវ៉ា បានរួមគ្នារៀបចំរួចរាល់​នូវ​សេចក្តីព្រាងនៃសេចក្តីថ្លែងការណ៍នយោបាយនេះ និងដាក់ជូនសមាជិកគណៈកម្មការ​សម្របសម្រួល ដើម្បីពិនិត្យ និងផ្តល់ធាតុចូលបន្ថែម មុនដាក់ជូនអង្គការសហប្រជាជាតិ។ ជាមួយគ្នានេះ ឯកឧត្តមបណ្ឌិត បានអំពាវនាវដល់សមាជិកគណៈកម្មការសម្របសម្រួលទាំងអស់ ឱ្យបោះឆ្នោតគាំទ្រ និងអំពាវនាវបន្តទៅកាន់ប្រទេសនានា ឱ្យបោះឆ្នោតគាំទ្រ សេចក្តីថ្លែង ការណ៍នយោបាយសៀមរាប-អង្គរ ដ៏មានសំខាន់នេះ។ សូមបញ្ជាក់ថា ឯកឧត្តមបណ្ឌិត លី ធុជ ក្នុងនាមជាប្រធានអនុសញ្ញាអូតាវ៉ា នឹងដឹកនាំគណៈប្រតិភូកម្ពុជា ទៅចូលរួមកិច្ចប្រជុំគណៈកម្មការរំសាយសព្វាវុធ និងសន្តិសុខអន្តរជាតិ នៃមហាសន្និបាតអង្គកាសហប្រជាជាតិលើកទី៧៩ ពីថ្ងៃទី៧ ដល់១១ ខែតុលា ឆ្នាំ២០២៤ នៅទីក្រុងញូវយ៉ក ដើម្បីផ្សព្វផ្សាយសេចក្តីថ្លែងការណ៍នេះ ដល់មហាសន្និបាតអង្គការសហប្រជាជាតិ ព្រមទាំងផ្សព្វផ្សាយ និងធ្វើសាកលភាវូបនីយកម្មអនុសញ្ញាអូតាវ៉ា តាមរយៈកិច្ចប្រជុំទ្វេភាគី ពហុភាគី និងការរៀបចំព្រឹត្តិការណ៍អម ក្នុងអំឡុងពេលនៃមហាសន្និបាត។សមាជិកគណៈកម្មការសម្របសម្រួលមាន១៩ប្រទេសគឺ៖ កូឡុំប៊ី ស៊ុយអែត ថៃអង់គ្លេស អាល្លឺម៉ង់ ន័រវែស ប៉េរូ អាហ្វ្រិកខាងត្បូង ស្លូវើនៀ បូគីណាហ្វាសូ ហូឡង់ សំប៊ី អាល់ហ្សេរី ដាណឺម៉ាក ជប៉ុន តួកគី អូស្ត្រាលី បែលហ្ស៊ិក និងកម្ពុជា និងអង្គការចំនួន៤៖ GICHD, ICBL, ICRC, UNODA ៕ ភារម្យ

វេទិកាការងារស្អែកនេះ នឹងតាំងបង្ហាញឱកាសការងារជាង២០០កន្លែង សម្រាប់យុវជន និងអ្នកស្វែងករកការងារ

2024/09/18 01:37:29 pm        107
Facebook Telegram Linkin
ភ្នំពេញ៖ ក្រុមហ៊ុនធំៗចំនួន៧ នៅថ្ងៃទី១៩ កញ្ញា ឆ្នាំ២០២៤ស្អែកនេះ នឹងផ្តល់ឱកាស​ការងារ​ថ្មីបន្ថែមទៀតចំនួន ២៧៤កន្លែង សម្រាប់យុវជន សិស្ស/និស្សិត និងអ្នកស្វែងរកការងារនៅ​ក្នុងវេទិកាការងារ នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។ក្រុមហ៊ុនទាំង៧ ដែលនឹងចូលរួមក្នុងវេទិកាការងារនេះមានដូចជា៖ គ្រឹះស្ថានមីក្រូហិរញ្ញវត្ថុ AMK, គ្រឹះស្ថានមីក្រូហិរញ្ញវត្ថុ Chockchey Finance, ក្រុមហ៊ុន Land &Home, គ្រឹះស្ថានមីក្រូហិរញ្ញវត្ថុ JACCS, ក្រុមហ៊ុន InvestM, ក្រុមហ៊ុន AC និងក្រុមហ៊ុន CBS។វេទិកាការងារនេះ ត្រូវបានរៀបចំឡើងដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជា វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ដើម្បីផ្តល់ភាពងាយស្រួលដល់យុវជន សិស្ស/និស្សិត ក្នុងការដាក់ពាក្យស្វែងរកការងារ និងសម្ភាសការងារជាមួយតំណាង​ក្រុមហ៊ុនធំៗ​នៅមួយកន្លែងភ្លាមៗតែម្តង។សូមបញ្ជាក់បន្ថែមថា យុវជន សិស្ស/និស្សិត និងអ្នកកំពុងស្វែងរកការងារធ្វើ ឬចង់ផ្លាស់ប្តូរ​ការងារ​អាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយ​តំណាង​ក្រុមហ៊ុនទាំង៧ នេះបានដោយងាយស្រួល៕

សម្ដេចតេជោ ហ៊ុន សែន បង្ហាញកម្រងរូបភាព អតីតកាល-បច្ចុប្បន្នកាល

2024/09/18 01:37:03 pm        71
Facebook Telegram Linkin
តាមរយៈហ្វេសប៊ុកនារសៀលថ្ងៃទី១៨ ខែកញ្ញា ឆ្នាំ២០២៤នេះ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី និងជាប្រធានព្រឹទ្ធសភា នៃព្រះរាជាណាចក្រកម្ពុជា បានបង្ហោះនូវកម្រងរូបភាព ដោយប្រៀបធៀបពីអតីតកាល មកបច្ចុប្បន្នកាល។

ឃុំចំនួនពីរ ក្នុងស្រុកកែវសីមា ខេត្តមណ្ឌលគិរី កំពុងរងការជន់លិចដោយជំនន់ទឹកភ្លៀង

2024/09/18 01:29:20 pm        67
Facebook Telegram Linkin
មណ្ឌលគិរី៖ ភូមិជាច្រើនដែលស្ថិតក្នុងឃុំចំនួនពីរ ភូមិសាស្ត្រស្រុកកែវសីមា ខេត្តមណ្ឌលគិរី បាននិងកំពុងរងទទួលនូវជំនន់ទឹកភ្លៀងយ៉ាងខ្លាំង ខណៈដែល​ទឹកជំនន់​បាន​កាត់​ផ្ដាច់​ផ្លូវ​ធ្វើ​ដំណើរ​ពី​រួម​ខេត្តទៅកាន់ទីនោះ ហើយផ្ទះសម្បែងពលរដ្ឋជាច្រើនខ្នងបានរងផលប៉ះពាល់ ប៉ុន្តែ​កម្លាំងសមត្ថកិច្ចបានជម្លៀសប្រជាពលរដ្ឋទៅកាន់ទីទួលសុវត្ថិភាពអស់ហើយ ។ អភិបាលស្រុកកែវសីមា លោក សាន គឹមអ៊ាប បានឲ្យដឹងមុននេះបន្តិចថា ជំនន់​ទឹក​ភ្លៀង​បាន​ជន​ឡើង​នៅវេលាទៀបភ្លឺនៅថ្ងៃទី១៨កញ្ញានេះ បានធ្វើឲ្យប៉ះពាល់ដល់ឃុំមេម៉ង់ និងឃុំចុងផ្លាស់ ដែល​ឃុំ​ទាំងពីរស្ថិតនៅក្បែរគ្នា ។ ក្នុងនោះឃុំមេម៉ង​មានការ​ជន់​លិច​ផ្ទះ​សម្បែង​ពលរដ្ឋ​ប្រមាណ​៥​ទៅ​៦​ភូមិ ចំណែកឃុំចុងផ្លាស់ប៉ះពាល់ប្រមាណ២ភូមិ ។ ហើយក្នុងករណីនេះកម្លាំងសមត្ថកិច្ចក្នុងតំបន់បានធ្វើការជម្លៀសពលរដ្ឋមកកាន់តំបន់មានសុវត្ថិភាពហើយ ។យោងតាមប្រភពពីពលរដ្ឋក្នុងតំបន់ជនលិច បញ្ជាក់ថា ផ្នែកខ្លះនៃឃុំទាំងពីរកំពុងជនលិចខ្លាំង គឺទឹកបានហក់ឡើងខ្ពស់ រហូតកន្លែងខ្លះត្រឹមទ្រូង ឬឡើងខ្ពស់ផុតក្បាលទៅទៀត ។ ហើយ​ផ្លូវ​សំខាន់​ដើម្បី​ធ្វើដំណើរពីទីរួមខេត្តមកកាន់ឃុំមេម៉ង់បានជនលិចខ្លាំងនៅព្រឹកមិញនេះ ត្រង់​ចំណុច​អូរឆាង ប៉ុន្តែគិតរហូតដល់ថ្ងៃត្រង់ ទឹកបានស្រកទៅវិញបន្តិច រថយន្តអាចធ្វើដំណើរបាន ។ យ៉ាងណាក៏ដោយ ចំពោះឃុំទាំងពីរជារៀងរាល់ឆ្នាំតែងប្រឈមនឹងជំនន់ទឹកភ្លៀងយ៉ាងឆាប់រហ័ស ប៉ុន្តែ​ប្រសិនបើរាំងភ្លៀង ទឹកក៏ឆាប់ស្រក់ទៅវិញលឿនផងដែរ ។ ហើយ​ជា​ទូទៅ​ភូមិ​សាស្ត្រ​ឃុំ​ទាំង​ពីរ ថ្វីត្បិតមិនស្ថិតជាប់ដងទន្លេ ប៉ុន្តែមានខ្សែអូរជាច្រើន ដែលធ្វើ​ឲ្យ​ស្ថាន​ភាព​ទឹក​ហក់​ឡើង​ពី​អូ​រទាំងនោះ បណ្ដាលឲ្យជនលិច ៕ 

បណ្ដាញសង្គម

ព័ត៌មានថ្មីៗ

សម្តេចម៉ែ ប្រោសព្រះរាជទានព្រះរាជូបត្ថម្ភចំនួន ២០ ០០០ដុល្លារដល់ CMAC ដើម្បីឧបត្ថម្ភដល់មន្ត្រីបោសសម្អាតមីននៅតាមបណ្តោយព្រំដែន
09/04/2025 10:09 PM
Facebook Telegram Linkin
កម្ពុជា អាហ្រ្វិកខាងត្បូង ពង្រីកទំហំពាណិជ្ជកម្មទ្វេភាគី កាន់តែល្អប្រសើរ
09/04/2025 10:09 PM
Facebook Telegram Linkin
មេដឹកនាំអឺរ៉ុប ជជែកតាមទូរសព្ទជាមួយលោក Trump បន្ទាប់ពីមានកិច្ចប្រជុំកំពូល ស្តីពីសន្តិសុខអ៊ុយក្រែន
09/04/2025 09:09 PM
Facebook Telegram Linkin
រុស្ស៊ីបណ្តេញអ្នកការទូតអេស្តូនី ជាវិធានការសងសឹកវិញ
09/04/2025 09:09 PM
Facebook Telegram Linkin
អ៊ីរ៉ង់ទម្លាក់កម្រិតទំនាក់ទំនងការទូតជាមួយអូស្ត្រាលី ក្រោយមានជម្លោះ ជុំវិញការវាយប្រហារដោយដុត
09/04/2025 08:09 PM
Facebook Telegram Linkin
[UPDATE] លោក ថាក់ស៊ីន ទៅពិនិត្យសុខភាព នៅសិង្ហបុរី ខណៈសន្យាវិលទៅស្ដាប់សាលក្រមវិញ ក្នុងរយៈពេល ២ថ្ងៃ
09/04/2025 08:09 PM
Facebook Telegram Linkin
ប្រមុខអង្គការណាតូ៖ មិនមែនរុស្ស៊ីជាអ្នកសម្រេចទេ ជុំវិញថា តើលោកខាងលិចអាចដាក់ពង្រាយទ័ព នៅអ៊ុយក្រែន ឬអត់
09/04/2025 08:09 PM
Facebook Telegram Linkin
មេដឹកនាំចិន និងកូរ៉េខាងជើង ប្រារព្ធកិច្ចពិភាក្សា នៅទីក្រុងប៉េកាំង
09/04/2025 07:09 PM
Facebook Telegram Linkin
BREAKING NEWS ៖ ​ ​លោក ថាក់ស៊ីន ទៅពិនិត្យសុខភាព នៅសិង្ហបុរី ខណៈសន្យាវិលត្រលប់វិញក្នុងរយៈពេល ២ថ្ងៃ
09/04/2025 07:09 PM
Facebook Telegram Linkin
គម្រោង «ពង្រឹងបច្ចេកវិទ្យា និងធនធាន សម្រាប់ស្រ្តីជនជាតិដើមភាគតិច ក្នុងវិស័យកសិកម្ម (STRIVE Project)» សម្ពោធក្រោមការចូលរួមពីដៃគូអន្តរជាតិ
09/04/2025 07:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.