BTV NEWS

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា មន្ត្រីនៃមន្ទីរអង្គភាពនានាជុំវិញខេត្តសៀមរាប និងឧត្តរមានជ័យ

កម្ពុជា-វៀតណាម ឯកភាពបន្តពង្រឹង និងពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ

សម្តេចតេជោ ហ៊ុន សែន៖ យើងសម្រេចយកវិធីចរចា ដើម្បីចៀសវាងការចោទប្រកាន់ថាយើងបំពានកិច្ចព្រមព្រៀងឈប់បាញ់

អ្នកនាំពាក្យសម្ដេចតេជោ ច្រានចោលការចុះផ្សាយរបស់សារព័ត៌មានថៃមួយចំនួន ដែលដកស្រង់ប្រសាសន៍របស់សម្តេចតេជោ ហ៊ុន សែន ខុសពីការពិតជុំវិញជំហររបស់កម្ពុជាក្នុងការដោះស្រាយបញ្ហាព្រំដែនជាមួយប្រទេសថៃ

ព័ត៌មានជាតិ

សម្ដេចធិបតី នាយករដ្ឋមន្រ្ដី ថ្លែងអំណរគុណជនរួមជាតិបានមកបរិច្ចាគឈាមយ៉ាងច្រើន ដែលបង្ហាញយ៉ាងច្បាស់អំពីទឹកចិត្តមនុស្សធម៌ និងគាំទ្រដល់តម្រូវការដែលអាចនឹងមានសម្រាប់វីរកងទ័ពជួរមុខ

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅយប់ថ្ងៃទី២៥ ខែកក្កដា ឆ្នាំ២០២៥នេះ បានផ្ញើសារ ថ្លែងអំណរគុណដល់ ជនរួមជាតិដែលបានមកបរិច្ចាគឈាមយ៉ាងច្រើន ដែលបង្ហាញយ៉ាងច្បាស់អំពីទឹកចិត្តមនុស្សធម៌ និងគាំទ្រដល់តម្រូវការដែលអាចនឹងមានសម្រាប់វីរកងទ័ពជួរមុខ។ សម្ដេចធិបតីបានសរសេរថា៖ «សូមថ្លែងអំណរគុណដល់បងប្អូន អ៊ំពូមីង តាយាយ មហាគ្រួសារខ្មែរ ដែលបានមកបរិច្ចាគឈាមយ៉ាងច្រើន តបតាមការអំពាវនាវរបស់លោកជំទាវបណ្ឌិត ពេជ ចន្ទមុន្នី កាលពីរាត្រីថ្ងៃទី២៤ កក្កដាម្សិលមិញ»។ សម្ដេចបានថ្លែងថា ជាលទ្ធផលនៃការបរិច្ចាគយើងទទួលបានឈាមចំនួន ២,១១៧ប្លោក។ ជាមួយគ្នានេះ ក៏មានបងប្អូន អ៊ំពូមីង តាយាយក៏បានអញ្ជេីញទៅដល់ទីតាំង ហើយមិនទាន់បានបរិច្ចាគ និងបានចុះឈ្មោះតាម QR Code សម្រាប់អាចនឹងបរិច្ចាគតាមក្រោយបានចំនួន ៩,៣៣៦នាក់។ សម្ដេចនាយករដ្ឋមន្រ្ដីបានបញ្ជាក់ថា ជាមួយគ្នានឹងលទ្ធផលយ៉ាងច្រើននេះ គឺបានបង្ហាញយ៉ាងច្បាស់អំពីទឹកចិត្តមនុស្សធម៌ និងគាំទ្រដល់តម្រូវការដែលអាចនឹងមានសម្រាប់វីរកងទ័ព ក៏ដូចជាប្រជាជនដែលជាជនភៀសសឹកនៅក្នុងខេត្តឧត្តរមានជ័យ និងខេត្តព្រះវិហារ៕

លោកជំទាវបណ្ឌិត ពេជ ចន្ទមុន្នី ថ្លែងអំណរគុណជនរួមជាតិ ដែលបានបរិច្ចាគឈាមគាំទ្រដល់តម្រូវការដែលអាចនឹងមាន សម្រាប់វីរកងទ័ពក៏ដូចជាប្រជាជនដែលជាជនភៀសសឹក

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត៖ «ជាដំបូងនាងខ្ញុំសូមថ្លែងអំណរគុណដល់បងប្អូន អ៊ំពូមីង តាយាយ មហាគ្រួសារខ្មែរ ដែលបានមកបរិច្ចាគឈាមយ៉ាងច្រេីន តបតាមការអំពាវនាវរបស់នាងខ្ញុំ កាលពីរាត្រីថ្ងៃទី២៤ កក្កដាម្សិលមិញ។ ជាលទ្ធផលនៃការបរិច្ចាគយេីងទទួលបានឈាមចំនួន ២,១១៧ប្លោក។ ជាមួយគ្នានេះ ក៏មានបងប្អូន អ៊ំពូមីង តាយាយក៏បានអញ្ជេីញទៅដល់ទីតាំង ហេីយមិនទាន់បានបរិច្ចាគ និងបានចុះឈ្មោះតាម QR Code សម្រាប់អាចនឹងបរិច្ចាគតាមក្រោយបានចំនួន ៩,៣៣៦នាក់។ ជាមួយគ្នានឹងលទ្ធផលយ៉ាងច្រេីននេះ គឺបានបង្ហាញយ៉ាងច្បាស់អំពីទឹកចិត្តមនុស្សធម៌ និងគាំទ្រដល់តម្រូវការដែលអាចនឹងមានសម្រាប់វីរកងទ័ព ក៏ដូចជាប្រជាជនដែលជាជនភៀសសឹកនៅក្នុងខេត្តឧត្តរមានជ័យ និងខេត្តព្រះវិហារ។ នាងខ្ញុំជឿជាក់ថាបេីខ្មែរយេីងរួមសាមគ្គីគ្នា យេីងនឹងឆ្លងកាត់ពេលវេលាមួយនេះបានដោយជោគជ័យ»៕

ចាប់ពីយប់នេះរដ្ឋមន្រ្ដីមហាផ្ទៃបញ្ជាឱ្យស្នងការនគរបាលរាជធានី-ខេត្តផ្អាកជាបណ្ដោះអាសន្នការអនុវត្តច្បាប់ចរាចរណ៍ផ្លូវគោក បែរមកសម្របសម្រួលការធ្វើចរាចរណ៍តាមដងផ្លូវសាធារណៈវិញ

ភ្នំពេញ៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅយប់ថ្ងៃទី២៥ ខែកក្កដានេះបានបង្ហោះសារនៅលើហ្វេសប៊ុកថា ចាប់ពីយប់ថ្ងៃទី២៥ ខែកក្កដានេះតទៅ ឯកឧត្តមបានបញ្ជាឱ្យស្នងការនគរបាលរាជធានី-ខេត្តផ្អាកជាបណ្ដោះអាសន្នការអនុវត្តច្បាប់ចរាចរណ៍ផ្លូវគោក បែរមកសម្របសម្រួលការធ្វើចរាចរណ៍តាមដងផ្លូវសាធារណៈវិញ។ឯកឧត្តមបានសរសេរថា៖«ចាប់ពីយប់ថ្ងៃទី២៥ ខែកក្កដា ឆ្នាំ២០២៥នេះតទៅតែម្ដង ខ្ញុំសម្រេចបញ្ជាឱ្យអគ្គស្នងការនគរបាលជាតិ ដែលមានស្នងការនគរបាលរាជធានី-ខេត្តជាសេនាធិការ ផ្អាកជាបណ្ដោះអាសន្ន ការអនុវត្តច្បាប់ស្ដីពីចរាចរណ៍ផ្លូវគោក រហូតដល់មានការបញ្ជាក់ជាថ្មីនាពេលក្រោយ»។ ឯកឧត្តមបានបញ្ជាក់ថា ក្នុងចន្លោះពេលនេះ មន្ត្រីនគរបាលចរាចរណ៍ទូទាំងប្រទេស និងបន្តអនុវត្តតួនាទីភារកិច្ច សម្របសម្រួលការធ្វើចរាចរណ៍តាមដងផ្លូវសាធារណៈ ជាពិសេសតាមដងផ្លូវជាតិសំខាន់ៗ ដែលមានការធ្វើចរាចរណ៍របស់កងកម្លាំង អាជ្ញាធរមានសមត្ថកិច្ច និងប្រជាពលរដ្ឋ ក្នុងបេសកកម្មការពារបូរណភាពទឹកដីនិងអធិបតេយ្យភាពជាតិ។ ឯកឧត្តមបន្តថា ក្នុងពេលជាមួយគ្នានេះ ខ្ញុំសូមអំពាវនាវដោយទទូច សូមបងប្អូនជនរួមជាតិ ដែលធ្វើដំណើរតាមដងផ្លូវមេត្តាគោរពច្បាប់ បើកបរប្រកបដោយការទទួលខុសត្រូវ ដើម្បីធានាសុវត្ថិភាព និងអាយុជីវិតរបស់បងប្អូនផ្ទាល់ រួមទាំងអ្នកដំណើរផ្សេងទៀតលើដងផ្លូវ៕

ឯកឧត្តមកិត្តិសេដ្ឋាបណ្ឌិត ជាម យៀប ទទួលជួបសម្តែងការគួរសម និងពិភាក្សាការងារ ជាមួយឯកឧត្តមរដ្ឋមន្ត្រីក្រសួងការបរទេសនៃប្រទេសឡាវ

ឯកឧត្តមកិត្តិសេដ្ឋាបណ្ឌិត ជាម យៀប ប្រធានរដ្ឋសភាស្តីទី នារសៀលថ្ងៃទី២៥ ខែកក្កដា ឆ្នាំ២០២៥ បានទទួលជួបពិភាក្សាការងារ ជាមួយឯកឧត្តម ថងសាវណ្ណ ភុមវិហាន (H.E. Mr. Thongsavanh Phomvihane) រដ្ឋមន្ត្រីក្រសួងការបរទេសនៃសាធារណរដ្ឋប្រជាធិបតេយ្យប្រជាមានិតឡាវ នៅវិមានរដ្ឋសភា។ ឯកឧត្តម ថងសាវណ្ណ ភុមវិហាន បានមានប្រសាសន៍ថា ដំណើរទស្សនកិច្ចរបស់ ឯកឧត្តម នៅព្រះរាជាណាចក្រកម្ពុជានាពេលនេះ តបតាមការអញ្ចើញរបស់ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងចូលរួមកិច្ចប្រជុំស្តីពីកិច្ចការព្រំដែនJBCលើកទី៨ ដែលព្រះរាជាណាចក្រកម្ពុជាធ្វើជាម្ចាស់ផ្ទះ។ ឯកឧត្តម បានបន្តថានេះជាលើកទី១ ដែលឯកឧត្តម បានមកធ្វើទស្សនកិច្ចនៅកម្ពុជា បន្ទាប់ពីឯកឧត្តម ត្រូវបានរដ្ឋាភិបាលនៃសាធារណរដ្ឋប្រជាធិបតេយ្យប្រជាមានិតឡាវ តែងតាំងជារដ្ឋមន្ត្រីក្រសួងការបរទេស នៃសាធារណរដ្ឋប្រជាធិបតេយ្យប្រជាមានិតឡាវ។ ឯកឧត្តម ក៏បានពាំនាំការផ្តាំផ្ញើរការសាកសួរសុខទុក្ខពីសំណាក់ឯកឧត្តម សៃសំផន ព្រំវិហាន ប្រធានរដ្ឋសភា នៃសាធារណរដ្ឋប្រជាធិបតេយ្យប្រជាមានិតឡាវ ជូនចំពោះសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជាផងដែរ។ ឯកឧត្តម រដ្ឋមន្ត្រីក្រសួងការបរទេសឡាវ បានបន្ថែមថា ដំណើរទស្សនកិច្ចរបស់ឯកឧត្តមនាពេលនេះគឺជាការបន្តយន្តការទំនាក់ទំនង កិច្ចសហប្រតិបត្តិការ កិច្ចការបរទេស នៃប្រទេសទាំងពីរ កម្ពុជា-ឡាវ ឱ្យកាន់តែស៊ីជម្រៅបន្ថែមទៀត។ ក្នុងនាមសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា ឯកឧត្តម មានសេចក្តីសោមនស្សរីករាយ ដែលបានជួបពិភាក្សាការងារ ជាមួយឯកឧត្តមរដ្ឋមន្ត្រី និងគណៈប្រតិភូនៅពេលនេះ។ នេះជាប្រពៃណីនៃប្រទេសយើងទាំងពីរ ក្នុងការជួបប្រាស្រ័យទាក់ទងគ្នា នៅរាល់ពេលចូលរួមកិច្ចប្រជុំនានា ក្នុងកម្រិតទ្វេភាគី កម្រិតតំបន់ និងកម្រិតសកលលោក។ វត្តមាននៃការជួបគ្នានៅពេលនេះក៏ ជាផ្នែកមួយនៃការអនុវត្តស្មារតីមិត្តភាព និងកិច្ចសហប្រតិបត្តិការរបស់ថ្នាក់ដឹកនាំ បក្ស រដ្ឋ និងរដ្ឋាភិបាលនៃប្រទេសទាំងពីរផងដែរ។ ឯកឧត្តមកិត្តិសេដ្ឋាបណ្ឌិត ជាម យៀប ប្រធានរដ្ឋសភាស្តីទី បានបន្តថា រដ្ឋសភាកម្ពុជា សូមអបអរសាទរចំពោះសាធារណរដ្ឋប្រជាធិបតេយ្យប្រជាមានិតឡាវ ដែលបានធ្វើជាប្រធាន ASEAN នៅ ឆ្នាំ២០២៤ និងជាប្រធានមហាសន្និបាត AIPA លើកទី៤៥ ប្រកបដោយ ជោគជ័យ និងទទួលបានលទ្ធផលល្អដ៏ត្រចះត្រចង់ ហើយក្នុងឱកាសនោះដែរក៏បានប្រកាសការអនុវត្តកម្មវិធី AIPA Lync Digital law Library ដែលផ្តួចផ្តើមដោយសភានៃព្រះរាជាណាចក្រកម្ពុជា ហើយបានអនុម័តក្នុងមហាសន្និបាត លើកទី៤៤ នៅទីក្រុងហ្សាការតា សាធារណរដ្ឋឥណ្ឌូនេស៊ី កាលពីឆ្នាំ២០២៣។ ឯកឧត្តមកិត្តិសេដ្ឋាបណ្ឌិត បានជម្រាបជូនឯកឧត្តម ថងសាវណ្ណ ភុមវិហាន ជ្រាបផងដែរ ពីជម្លោះព្រំដែនគោករវាងកម្ពុជា-ថៃ ដែលបាន និងកំពុងបង្កផលប៉ះពាល់យ៉ាងធ្ងន់ធ្ងរដល់ការធ្វើពាណិជ្ជកម្ម និងទំនាក់ទំនងចេញចូលរបស់ពលរដ្ឋនៃប្រទេសទាំងពីរ ពិសេសភ្ញៀវទេសចរណ៍ តាមរយៈការបិទ ព្រំដែនគោកជាឯកតោភាគីរបស់ប្រទេសថៃ។ បញ្ហា ជម្លោះ ព្រំដែនជាមួយប្រទេសថៃ កម្ពុជាគោរពនិងប្រកាន់ខ្ជាប់ នូវសន្ធិសញ្ញាបារាំង-សៀម ឆ្នាំ១៩០៤ និងឆ្នាំ១៩០៧។ ទោះបី ប្រទេសទាំងពីរមានអនុស្សរណៈនៃការយោគយល់គ្នា ដែលបាន ចុះហត្ថលេខានៅឆ្នាំ២០០០ សម្រាប់ការពិភាក្សាបោះបង្គោលព្រំដែន ទ្វេភាគី កម្ពុជា-ថៃ ក៏ដោយក៏វឌ្ឍនភាពនៃបោះបង្គោលព្រំដែន មិនសូវទទួលបានលទ្ធផលក្នុងរយៈពេល២៥ឆ្នាំកន្លងទៅនេះ ហើយជម្លោះ យោធានៅតែបន្តកើតមានមិនចេះចប់ឡើយ។ ដូចនេះហើយទើប រាជរដ្ឋាភិបាលកម្ពុជា បានដាក់សំណើរទៅកាន់ប្រទេសថៃ ដើម្បីរួមគ្នានាំយកបញ្ហាព្រំដែន ទៅដោះស្រាយនៅចំពោះមុខតុលាការយុត្តិធម៌អន្តរជាតិ (International Court of Justice-ICJ)។ កម្ពុជា ព្យាយាមស្វែងរកដំណោះស្រាយ ដោយសន្តិវិធីតាមរយៈច្បាប់អន្តរជាតិ ដើម្បីរក្សាព្រំដែនមិត្តភាពនិងកិច្ចសហប្រតិបត្តិការតទៅអនាគត។ ឯកឧត្តម ថងសាវណ្ណ ភុមវិហាន បានគាំទ្ររាជរដ្ឋាភិបាលកម្ពុជាដែលប្រកាន់យកការដោះស្រាយដោយសន្តិវិធី៕

ក្រសួងប្រៃសណីយ៍ រៀបចំវេទិកាសុវត្ថិភាពលើប្រព័ន្ធអនឡាញ លើកទី២ ឆ្នាំ២០២៥ ក្រោមមូលបទ៖ «កសាងទំនុកចិត្តក្នុងយុគសម័យបញ្ញាសិប្បនិម្មិត»

ក្រសួងប្រៃសណីយ៍ និងទូរគមនាគមន៍ (ក.ប.ទ.) សហការជាមួយក្រុមហ៊ុន ស្មាតអាស្យាតា រៀបចំវេទិកាស្តីពី “សុវត្ថិភាពលើប្រព័ន្ធអនឡាញ លើកទី២ ឆ្នាំ២០២៥” ក្រោមមូលបទ៖ កសាងទំនុកចិត្តក្នុងយុគសម័យបញ្ញាសិប្បនិម្មិត (Online Safety Forum 2025: Building Trust in the Age of AI) ដែលនឹងប្រព្រឹត្តទៅនាថ្ងៃទី១ ខែសីហា ឆ្នាំ២០២៥ ចាប់ពីម៉ោង៧:៣០នាទីព្រឹក នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) ក្នុងបរិវេណសាកលវិទ្យាល័យភូមិន្ទភ្នំពេញ។ វេទិកានេះរៀបចំឡើងក្នុងគោលបំណងលើកកម្ពស់ការយល់ដឹងរបស់ប្រជាពលរដ្ឋកម្ពុជាអំពីហានិភ័យលើប្រព័ន្ធអនឡាញ ចែករំលែកចំណេះដឹងអំពីបច្ចុប្បន្នភាពបច្ចេកវិទ្យាបញ្ញាសិប្បនិម្មិត Artificial Intelligence (AI) ជាពិសេស Generative AI ជា AI ជំនាន់ថ្មីដែលត្រូវបានប្រើប្រាស់ក្នុងការផលិតមាតិកាមិនសមរម្យដែលអាចបង្កហានិភ័យ និងគ្រោះថ្នាក់ដល់សុខភាពសាធារណៈ និងសណ្តាប់សង្គម។វេទិកាស្តីពីសុវត្ថិភាពលើប្រព័ន្ធអនឡាញ ឆ្នាំ២០២៥ នឹងបើកជូនសាធារណជនចូលរួម ដោយសេរី ចុះឈ្មោះតាមរយៈតំណភ្ជាប់ https://go.gov.kh/mptc/osfguess ព្រមទាំងមានការដាក់តាំងបង្ហាញសមិទ្ធផលសេវាសាធារណៈឌីជីថលរបស់ ក.ប.ទ. ផងដែរ។ សម្រាប់ព័ត៌មានបន្ថែម សូមទំនាក់ទំនងតាមរយៈអ៊ីមែល [email protected] ឬលេខទូរសព្ទ ០៩២ ៨៧៦ ៦៧៩៕

ប្រជាពលរដ្ឋខេត្តពោធិ៍សាត់ ចូលរួមឧបត្ថម្ភគាំទ្រ និងលើកទឹកចិត្តវីរកងទ័ពនៅសមរភូមិមុខកំពុងការពារទឹកដី

សមរភូមិក្រោយចូលរួមឧបត្ថម្ភគាំទ្រទាំងស្មារតី សម្ភារៈ ថវិកា និងលើកទឹកចិត្តវីរកងទ័ពនៅសមរភូមិមុខក្នុងការរក្សាការពារជាតិមាតុភូមិមិនឱ្យពួកសត្រូវចោរសៀមមកឈ្លានពានយកទឹកដីនោះឡើយ។ប្រជាពលរដ្ឋក្មេងចាស់ប្រុសស្រី ក្នុងខេត្តពោធិ៍សាត់បានស្ម័គ្រចិត្ត ចែករំលែកធនធានផ្ទាល់ខ្លួនចូលរួមជួយឧបត្ថម្ភ និងលើកទឹកចិត្តវីរកងទ័ពនៅសមរភូមិមុខដែលបាននឹងកំពុងរក្សាការពារបូរណភាពទឹកដីយ៉ាងអង់អាចក្លាហានដោយបាននាំយកមកនូវគ្រឿងឧបភោគ បរិភោគ ជូនរដ្ឋបាលសាលាខេត្តសម្រាប់យកទៅចែកជូនបន្ត ដែលបានរៀបចំនៅមុខបរិវេណសាលាខេត្តពោធិ៍សាត់នាថ្ងៃទី២៥ ខែកក្កដា ឆ្នាំ២០២៥ ។ឯកឧត្តម ខូយ រីដា អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត សូមថ្លែងអំណរគុណយ៉ាងេជ្រាលជ្រៅប្រគេននិងជូនចំពោះព្រះមន្ត្រីសង្ឃ ព្រះសង្ឃ ថ្នាក់ដឹកនាំគ្រប់ផ្នែក គ្រប់ថ្នាក់ មន្ត្រីរាជការ កងកម្លាំងប្រដាប់អាវុធទាំង៣ និងប្រជាពលរដ្ឋទូទាំងខេត្តពោធិ៍សាត់ ដែលមានទឹកចិត្តសប្បុរសធម៌ដោយស្មោះស្ម័គ្រ បានផ្តល់ជូននូវគ្រឿងឧបភោគ បរិភោគនិងថវិកា ជូនដល់រដ្ឋបាលសាលាខេត្តសម្រាប់យកទៅចែកជូនកងទ័ពជួរមុខដែលជាការបង្ហាញនីវទឹកចិត្តចូលរួមចំណែក ជាថាមពលជំរុញលើកទឹកចិត្តដល់កងទ័ពទាំងអស់ឱ្យមានស្មារតី អង់អាចក្លាហាននិងត្រៀមលក្ខណៈរួចជាស្រេចក្នុងបុព្វហេតុខឿនការ ពារជាតិរបស់កម្ពុជាពិតជារឹងនមាំហើយកាន់តែខ្លាំងក្លាបំផុត។ ទឹកចិត្តដ៏ប្រពៃថ្លៃថ្លារបស់ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ ទាំង៣ អាជីវករ ពាណិជ្ចករ អាជ្ញាធរមូលដ្ឋាន ព្រះសង្ឃ និងប្រជាពលរដ្ឋទូទាំងខេត្តពោធិ៍សាត់នាពេលនេះក៏ដូចនាកន្លងមក ពិតជាបានបង្ហាញនូវមនោសញ្ចេតនាសេចក្តីរាប់អាន និងយកចិត្តទុកដាក់ដល់ជីវភាពកងទ័ពជួរមុខ ដូចពាក្យថា សមរភូមិក្រោយចូលរួមឧបត្ថម្ភគាំទ្រ និងលើកទឹកចិត្តវីរកងទ័ពនៅសមរភូមិមុខ ជាពិសេសបង្ហាញ់ពីឯកភាពជាតិខ្មែរ យើងរួមគ្នាការពារបូរណភាពទឹកដីរបស់យើង៕

អគ្គនាយកស៊ីម៉ាក់៖ទាហានឈ្លានពានសៀមប្រើគ្រាប់បែកចង្កោមគឺរំលោភអនុសញ្ញាអន្តរជាតិយ៉ាងធ្ងន់ធ្ងរ

ភ្នំពេញ ៖ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា CMAC បានហៅចាត់ទុកទាហានឈ្លានពានរបស់សៀមថា បានរំលោភអនុសញ្ញាអន្តរជាតិយ៉ាងធ្ងន់ធ្ងរខណៈទាហានសៀមបានប្រើប្រាស់គ្រាប់បែកចង្កោមបាញ់មកលើទាហាន និងជនស៊ី វិលកម្ពុជានៅថ្ងៃទី២៥ ខែកក្កដា ឆ្នាំ២០២៥នេះ។ តាមរយៈបណ្តាញសង្គមហ្វេសបុក នាល្ងាចថ្ងៃទី២៥ ខែកក្កដានេះឯកឧត្តម ហេង រតនា បានបញ្ជាក់ថា គ្រាប់ចង្កោមគឺជាអាវុធដែលត្រូវបានហាមប្រាម ពោលគឺស្ថិតនៅក្រោមការហាមឃាត់នៃអនុសញ្ញាគ្រាប់បែកចង្កោមអន្តរជាតិអូស្លូ ដោយសារគ្រាប់បែកចង្កោមនេះវានឹងបង្ករគ្រោះថ្នាក់រយៈពេលវែង សម្រាប់មនុស្សជាតិ និងបរិស្ថាន។ ឯកឧត្តម ហេង រតនា ដែលជាអ្នកជំនាញឯកទេសកម្ចាត់គ្រាប់មីន និងគ្រាប់មិនទាន់ផ្ទុះ និងកាកសំណល់ពីសង្រ្គាមបានគូសបញ្ជាក់ថាព្រឹកថ្ងៃទី២៥ ខែកក្កដា ឆ្នាំ២០២៥នេះនៅសមរភូមិមុខនៃសង្គ្រាមឈ្លានពានរបស់សៀមលើព្រំដែនបូរណភាពទឹកដីខ្មែរនោះ ពួកទ័ពសៀមបានប្រើប្រាស់គ្រាប់បែកចង្កោម តាមរយៈគ្រាប់កាំភ្លើង១៥៥មម ដែលបាញ់ពីកាំភ្លើងធំប្រភេទ(M758ATMG 155 mm)បាញ់បានចម្ងាយប្រមាណ៤០គ.ម។ ឯកឧត្តមបានឲ្យដឹងទៀតថា ក្នុងគ្រាប់ផ្លោង១៥៥មមមួយគ្រាប់មានកូនគ្រាប់បែកចង្កោមចំនួន៥៦គ្រាប់ ដែល«គ្រាប់កាំភ្លើងធំប្រភេទនេះស្ថិតនៅក្រោមការហាមឃាត់នៃអនុសញ្ញាគ្រាប់បែកចង្កោមអន្តរជាតិអូស្លូ!»។ ជាមួយគ្នានោះដែរឯកឧត្តមអគ្គនាយកស៊ីម៉ាក់ក៏បានរំលេចផងដែរថា បច្ចុប្បន្ននេះមានប្រទេស១២៤ជាសមាជិករដ្ឋភាគី ហើយ«ទង្វើរបស់សៀមនេះ ជាការរំលោភអនុសញ្ញាអន្តរជាតិយ៉ាងធ្ងន់ធ្ងរបំផុត»៕អត្ថបទ ៖ បាន ចក់

TOP STORY | Prime Minister Hun Manet: "Genuine willingness of the Thai side to accept ceasefire is the first step to solving conflict"

Prime Minister Hun Manet emphasizes Cambodia's stance on the ceasefire proposal initiated by the ASEAN rotating chair Malaysian Prime Minister Anwar Ibrahim, amid escalating clash between Cambodia and Thailand.In his social media page, Prime Minister Hun Manet details the phone conversation he had with Malaysian Prime Minister Ibrahim on the evening of July 24. Ibrahim expressed deep concern over the ongoing border clash between the two ASEAN member states and urged both sides to agree on an immediate ceasefire.Prime Minister Hun Manet clarifies that Cambodia agreed on the proposed ceasefire highlighting its consistent commitment to peaceful resolution, "Cambodia agreed with his proposal for a ceasefire because Cambodia did not initiate this fighting."Prime Minister Hun Manet states that Malaysian Prime Minister Ibrahim informed him that Thailand's acting Prime Minister Phumtham Wechayachai has also agreed on the proposed ceasefire, which was supposed to be implemented at midnight of July 24.But just an hour later, Thai side suddenly reversed its position on the initially agreed ceasefire stating that it would delay to a later date, which led to the continuing exchange fire at its border until now. Prime Minister Hun Manet says that Malaysian Prime Minister Ibrahim is well aware of this situation.Prime Minister Hun Manet stresses that the key to resolving the ongoing border conflict is the genuine willingness of the Thai side to accept ceasefire and find solutions between the neighboring countries.

ក្រសួងការបរទេស៖សកម្មភាពតាំងពីមុនថ្ងៃទី២៨ឧសភាដល់ពេលនេះជាផែនការរបស់ថៃឈ្លានពានទឹកដីកម្ពុជា

ភ្នំពេញ ៖ឯកឧត្តម គង់ ភោគ អ្នកនាំពាក្យ ក្រសួងការបរទេស និងសហប្រតិបត្តិការ កម្ពុជា បានថ្លែងបញ្ជាក់ថា អ្វីដែលថៃបានធ្វើតាំងពីមុនថ្ងៃទី២៨ ខែឧសភា ឆ្នាំ២០២៥ រហូតដល់ពេលនេះ គឺជាផែនការដែលបានសម្របសម្រួល គិតទុកជាមុនដោយចេតនា ដើម្បីឈ្លានពានចូលទឹកដីរបស់កម្ពុជា ខណៈថ្ងៃទី២៤ ខែកក្កដា ភាគីថៃបានផ្ទុះអាវុធវាយប្រហារមកលើកម្ពុជា គឺថៃបានត្រៀម និងដាក់ទ័ពតាំងពីថ្ងៃទី២៣ ខែកក្កដាមកម្លេះ។ឯកឧត្តម គង់ ភោគ បានលើកឡើងថា ពាក់ព័ន្ធនឹងការឈ្លានពានរបស់ថៃ កម្ពុជា បានបញ្ជាក់ទៅកាន់អង្គទូតបរទេសនានាប្រចាំនៅកម្ពុជាថា រឿងនេះមិនមែនជារឿងថ្មីទេ ប៉ុន្ដែជាការគិតទុកជាមុនដោយចេតនារបស់ភាគីថៃ ប៉ុន្ដែកម្ពុជាតែងតែព្យាយាមដោះស្រាយតាមសន្ដិវិធី និងច្បាប់អន្តរជាតិ។ បើតាម ឯកឧត្តម គង់ ភោគ អ្នកនាំពាក្យក្រសួងការបរទេសកម្ពុជា ភាគីថៃ មិនដែលទទួលស្គាល់គំហុសចំពោះការឈ្លានពានរបស់ខ្លួនមកលើម្ពុជានោះទេ ប៉ុន្ដែមេទ័ពថៃ បានប្រកាសដាក់ចេញនូវផែនការ «ចក្រពង្សភូវនាថ» ដែលពួកគេហៅថា ជាផែនការពេញលេញត្រៀមធ្វើសង្គ្រាមឈ្លានពានដែនអធិបតេយ្យរបស់កម្ពុជា តាំងពីថ្ងៃទី២៣ ខែកក្កដាមកម្លេះ៕

ក្រសួងការបរទេស៖ថៃប្រើអាវុធធុនធ្ងន់វាយប្រហារកម្ពុជាផ្ទុយពីច្បាប់អាមេរិក និងច្បាប់អន្តរជាតិ

ភ្នំពេញ ៖ឯកឧត្តម គង់ ភោគ អ្នកនាំពាក្យ ក្រសួងការបរទេស និងសហប្រតិបត្តិការ កម្ពុជា បានថ្លែងថា ពាក់ព័ន្ធនឹងការឈ្លានពានរបស់ថៃមកលើបូរណភាពទឹកដីរបស់កម្ពុជា នៅក្នុងកិច្ចប្រជុំជាមួយបណ្ដាអង្គទូតបរទេសនានានៅព្រឹកថ្ងៃទី២៥ ខែកក្កដានេះ ក្រសួងការបទេសប្រាប់ថា ភាគីថៃ ចំពោះការប្រើប្រាស់អាវុធធុនធ្ងន់របស់ថៃ វាយប្រហារមកលើកម្ពុជា ដែលករណីនេះ អាចផ្ទុយពីច្បាប់របស់សហរដ្ឋអាមេរិក និងបានផ្ទុយពីច្បាប់អន្តរជាតិ។បើតាម ឯកឧត្តម គង់ ភោគ អ្នកនាំពាក្យក្រសួងការបរទេសកម្ពុជា នៅក្នុងកិច្ចប្រជុំព្រឹកនេះ ក្រសួងការបរទេសបានប្រាប់អង្គទូតបរទេសនានាប្រចាំនៅកម្ពុជាថា កម្ពុជាថ្កោលទោសចំពោះការឈ្លានពាន និងហេតុការណ៍កំពុងកើតឡើងពីការឈ្លានពានរបស់ថៃមកលើទឹកដីកម្ពុជា។ ឯកឧត្តមបញ្ជាក់ថា ការឆ្លើយតបរបស់កម្ពុជាលើការឈ្លានពានរបស់ថៃ, ដំណោះស្រាយនានា និងការប្ដេជារបស់កម្ពុជា គឺរក្សាជំហរតាមយន្តការច្បាប់អន្តរជាតិក្នុងការដោះស្រាយជម្លោះប្រទេសទាំងពីរ៕

បណ្ដាញសង្គម

ព័ត៌មានថ្មីៗ

មនុស្ស៨នាក់ស្លាប់ក្នុងការវាយប្រហារពីអ៊ីស្រាអែលនៅលីបង់ ខណៈព្រមានឲ្យពលរដ្ឋចាកចេញពីទីក្រុងTyre

គ្រូកម្ពុជាមោទនភាពលើកូនក្រុមតែបារម្ភភារកិច្ចបន្ទាប់ ខណៈគ្រូហុងកុងបានត្រឹមសោកស្ដាយ

សហភាពអឺរ៉ុបកំណត់គោលដៅសេដ្ឋកិច្ច និងទាហានរុស្ស៊ី ក្នុងកញ្ចប់ទណ្ឌកម្មថ្មីបំផុតជុំវិញសង្គ្រាមអ៊ុយក្រែន

អ៊ីស្រាអែល រារាំងពលរដ្ឋប៉ាឡេស្ទីនជាង១៦.៥០០នាក់ពីការទទួលបានការព្យាបាលផ្នែកវេជ្ជសាស្ត្រ

អ៊ីរ៉ង់ ត្រូវបានរំពឹងថា នឹងសងសឹកប្រឆាំងការវាយប្រហាររបស់អាមេរិកដើម្បីរក្សាការរារាំង

នៅមិនច្បាស់នោះទេថាតើអាមេរិក និងអ៊ីរ៉ង់ នឹងឈានទៅរកប្រតិបត្តិការយោធាសងសឹកគ្នា ឬយ៉ាងណា

តម្លៃប្រេងកើនឡើងជិត១% ខណៈអាមេរិកបើកការវាយប្រហារថ្មីលើអ៊ីរ៉ង់ ខណៈការផ្គត់ផ្គង់កាន់តែតានតឹង

[UPDATE ] អ្នកស្លាប់ពីការរញ្ជួយដីនៅកោះមីនដាណាវ ប្រទេសហ្វីលីពីន ឡើងដល់៤៥ នាក់ ខណៈមានរលករញ្ជួយជិត២ពាន់លើក

យោធាអាមេរិកបើកការវាយប្រហារថ្មីលើអ៊ីរ៉ង់ក្រោយការបាញ់ទម្លាក់ឧទ្ធម្ភាគចក្រប្រយុទ្ធApache

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877