BTV NEWS

មនុស្សចំនួន០៦នាក់ត្រូវបានឃាត់ខ្លួន ក្នុងយុទ្ធនាការចុះត្រួតពិនិត្យឆែកអាវុធជាតិផ្ទុះ និងទប់ស្កាត់រាល់បទល្មើស

ឧត្តមសេនីយ៍ឯក ជួន ណារិន្ទ បញ្ជាឲ្យស្រាវជ្រាវ តាមចាប់ជនក្លែងបន្លំ ជានគរបាលដើរទារលុយពលរដ្ឋនៅខណ្ឌច្បាអំពៅ

អាជ្ញាធរខណ្ឌចំការមន ឃាត់ខ្លួនយុវជន៦៧នាក់ និងម៉ូតូជាង ៣០គ្រឿង អប់រំណែនាំ កុំឱ្យមានការប្រមូលផ្តុំ

សមត្ថកិច្ចបង្ក្រាបក្រុមក្មេងទំនើង ដែលបង្កហិង្សាលើយុវជន០២នាក់ រងរបួសនៅខណ្ឌទួលគោក

សន្តិសុខ និង សង្គម

អ្នកបើកបររថយន្តជនជាតិឥណ្ឌា តវ៉ាលើច្បាប់ថ្មី «បុកហើយរត់» និងផលប៉ះពាល់ការផ្គត់ផ្គង់ប្រេងនិងបន្លែ

អ្នកបើកបររថយន្តនៅទូទាំងប្រទេសឥណ្ឌាកាលពីថ្ងៃអង្គារ បានធ្វើបាតុកម្មជុំវិញច្បាប់ដែលទើបនឹងអនុម័តថ្មី ដាក់ពន្ធនាគាររយៈពេល ១០ ឆ្នាំ ឬពិន័យជាប្រាក់យ៉ាងតិច ៧០០.០០០ រូពី ស្មើនឹង ៨.៤០០ ដុល្លារអាមេរិក ក្នុងករណីបើករថយន្តបុកហើយរត់ ចំពោះអ្នកទាំងឡាយណាដែលរត់គេចខ្លួនចេញពីកន្លែងកើតហេតុ។ក្រុមអ្នកតវ៉ាទាមទារឱ្យរដ្ឋាភិបាលលុបចោលច្បាប់នេះ ហើយបង្ហាញកំហឹងចំពោះការខ្វះការពិភាក្សាយោបល់ ពីភាគីពាក់ព័ន្ធសំខាន់ៗ ដែលប្រឈមមុខភាពធ្ងន់ធ្ងរនៃច្បាប់អនុម័តថ្មី ដែលនឹងចូលជាធរមានចាប់ពីថ្ងៃទី ១ ខែមេសា។ រថយន្តធំៗជាច្រើនខ្សែ ត្រូវបានគេមើលឃើញច្រើនកកកុញនៅស្ថានីយ៍ប្រេងឥន្ធនៈ ដោយស្ថានីយប្រេងមួយចំនួន ត្រូវបានបិទ ខណៈការផ្គត់ផ្គង់ប្រេងត្រូវបានកាត់ផ្តាច់ដោយអ្នកបើកបររថយន្តដឹកប្រេងកំពុងធ្វើការតវ៉ា។ចំណែកទីផ្សារលក់ដុំសម្រាប់បន្លែ និងផ្លែឈើ ក៏ត្រូវបានរងការរំខានផងដែរ ដោយសារការផ្គត់ផ្គង់ផលិតផលពីខាងក្រៅរដ្ឋត្រូវបានកំណត់ក្នុងពេលមានការតវ៉ា ហើយតម្លៃស្តុកដែលមានស្រាប់ត្រូវបានគេរំពឹងថានឹងកើនឡើង។ពលរដ្ឋនៅទូទាំងរដ្ឋជាច្រើន បានត្អូញត្អែរពីការរំខាន ក្នុងពេលមានការព្រួយបារម្ភរាលដាល ក្នុងការទិញប្រេងឥន្ធនៈ។ យោងតាមទិន្នន័យរបស់រដ្ឋាភិបាល បានឲ្យដឹងថា ផ្លូវមួយចំនួននៅប្រទេសឥណ្ឌា មានមនុស្សស្លាប់ច្រើន ដែលកាលពីឆ្នាំមនុស្សច្រើនជាង ១៦០.០០០នាក់បានស្លាប់ នៅក្នុងគ្រោះថ្នាក់ ។

មេដឹកនាំបក្សប្រឆាំងកូរ៉េខាងត្បូងស្ថិតក្នុងបន្ទប់សង្រ្គោះបន្ទាន់ ក្រោយការវាយប្រហារដោយកាំបិត ខណៈអំពាវនាវឲ្យរឹតបន្តឹងសន្តិសុខ

មេដឹកនាំគណបក្សប្រឆាំងប្រជាធិបតេយ្យកូរ៉េខាងត្បូង លោក លីចេ មីយ៉ុង (Lee Jae-myung) នៅតែស្ថិតក្នុងបន្ទប់សង្រ្គោះបន្ទាន់នៅឡើយនៅថ្ងៃពុធទី៣ខែមករា នេះ មួយថ្ងៃបន្ទាប់ពីការវាយប្រហារដោយកាំបិតលើមេដឹកនាំនយោបាយដ៏គួរឲ្យរន្ធត់ ដែលមានបំណងយកឈ្នះការបោះឆ្នោតក្នុងការបោះឆ្នោតដ៏សំខាន់ក្នុងពេល៣សប្ដាហ៍ទៀត។ ការវះកាត់លោក Lee បានចំណាយពេលជាង២ម៉ោង កាលពីល្ងាចថ្ងៃអង្គារដើម្បីជួសជុលសរសៃឈាម ក្នុងក របស់លោក ដែលត្រូវបានដាច់រហែក នៅពេលបុរសម្នាក់ចាក់ដោយកាំបិត។ មេដឹកនាំសភារបស់គណបក្សប្រជាធិបតេយ្យ លោក ហុង អ៊ីកផ្យូ (Hong Ik- pyo) បាននិយាយនៅកិច្ចប្រជុំក្រុមប្រឹក្សាមេដឹកនាំបក្សថា ទង្វើភេរវកម្មលើមេដឹកនាំ លោក លី ចេ មីយ៉ុង បង្ហាញយ៉ាងច្បាស់ពីការប្រឈមលើការប្រឆាំងនឹងលទ្ធិប្រជាធិបតេយ្យ និងជាការគំរាមដល់លទ្ធិប្រជាធិបតេយ្យ ។លោក បានជំរុញឲ្យបង្កើនការស៊ើបអង្កេត និងរឹតបន្តឹងសន្តិសុខឲ្យកាន់តែខ្លាំងសម្រាប់ឥស្សរជននយោបាយជាន់ខ្ពស់ ដោយលើកពីសំណួរថ្មីៗជាច្រើនអំពីសុវត្ថិភាពលើយុទ្ធនាការនៅក្នុងប្រទេសនេះ ដែលមានអំពើហិង្សានយោបាយ បើទោះបីជាមានការរឹតបន្តឹងច្បាប់កាន់អាវុធយ៉ាងតឹងរ៉ឹងក៏ដោយ។លោក ជីនជីយ៉ុង វ៉ា ( Jin Jeong-hwa) អ្នកគាំទ្រគណបក្សនេះ ដែលបានឃើញហេតុការណ៍នៅកន្លែងកើតហេតុ បាននិយាយថា ឧបទ្ទវហេតុនេះ បង្ហាញយ៉ាងច្បាស់ពីភាពចាំបាច់ក្នុងការការពារសន្តិសុខឲ្យកាន់តែតឹងរ៉ឹងថែមទៀត សម្រាប់មេដឹកនាំនយោបាយទាំងឡាយ មិនមែនត្រឹមតែដាក់ពង្រាយកម្លាំងនគរបាលឲ្យឈរមើលធម្មតាៗនោះទេ៕

ការតវ៉ានៅ West Bank បន្ទាប់ពីការសម្លាប់មេដឹកនាំរងក្រុមហាម៉ាស លោក Arouri

ក្រុមបាតុករប៉ាឡេស្ទីន នៅទូទាំងតំបន់ West Bank បានចេញធ្វើបាតុកម្មកាលពីថ្ងៃអង្គារ បន្ទាប់ពីបានទទួលដំណឹងថា មេដឹកនាំជាន់ខ្ពស់ក្រុមហាម៉ាស លោក Saleh al-Arouri ត្រូវបានសម្លាប់។ ប្រភពផ្នែកសន្តិសុខចំនួនបី បានប្រាប់សារព័ត៌មានរ៉យទ័រថា លោក Aouri រងការវាយប្រហារ ដោយ យានដ្រូនរបស់អ៊ីស្រាអែល នៅជាយក្រុង Dahiyeh ភាគខាងត្បូងទីក្រុង Beirut ជាទីតាំងលាក់ខ្លួនដ៍រឹងមាំរបស់ក្រុមសកម្មប្រយុទ្ធលីបង់ជាសម្ព័ន្ធមិត្តក្រុមហេសបូឡា។ ក្រុមអ្នកតវ៉ា មកពីទីក្រុង Ramallah, Jenin, Hebron និងទីក្រុង Aroura ជាទីក្រុងកំណើតរបស់ លោក Arouri បានចេញដើរដង្ហែរដើម្បីគោរពលោក ខណៈស្រែកពាក្យដូចជា «យើងនឹងដើរតាមគន្លងរបស់អ្នក» ។ អ៊ីស្រាអែល បានចោទប្រកាន់ លោក Arouri ជាយូរមកហើយពីការវាយប្រហារដ៍ឃោឃៅទៅលើពលរដ្ឋរបស់ខ្លួន ប៉ុន្តែមន្ត្រីក្រុមហាម៉ាសម្នាក់ បាននិយាយថាលោក ជា «មនុស្សសំខាន់នៃការចរចា» ជុំវិញលទ្ធផល សង្រ្គាមនៅតំបន់ហ្កាហ្សា និងការដោះលែងចំណាប់ថ្នូរ ដែលធ្វើឡើងដោយប្រទេសកាតា និងប្រទេសអេហ្ស៊ីប។ ទោះបីជាមានឥទ្ធិពលតិចជាងមេដឹកនាំផ្សេងៗទៀតរបស់ក្រុមហាម៉ាស នៅតំបន់ហ្កាហ្សាក៏ដោយ លោក Arouri ត្រូវបានគេមើលឃើញថាជាអ្នកមានតួនាទីសំខាន់ម្នាក់ក្នុងចលនានេះ ជាមេគំនិតប្រតិបត្តិការរបស់ក្រុមនៅតំបន់ West Bank។ ជាមួយគ្នានេះ ប្រជាជនប៉ាឡេស្ទីនរាប់រយនាក់ ក៏បានចេញធ្វើបាតុកម្ម ហើយដើរឆ្ពោះទៅកាន់ស្រុកកំណើតរបស់លោក Arouri ទីក្រុង Aroura។ គេបានឃើញក្រុមបាតុករ កាន់ទង់ជាតិប៉ាឡេស្ទីន និងស្រែកពាក្យផ្សេងៗ។ កាលពីឆ្នាំមុន សហរដ្ឋអាមេរិក បានផ្តល់ប្រាក់ចំនួន ៥ លានដុល្លារសម្រាប់ព័ត៌មានអំពីលោក Arouri ។ លោក Mark Regev ទីប្រឹក្សានាយករដ្ឋមន្ត្រីអ៊ីស្រាអែល លោក Benjamin Netanyahu បានប្រាប់សារព័ត៌មាន MSNBC ថា អ៊ីស្រាអែល មិនបានទទួលខុសត្រូវចំពោះការវាយប្រហារនេះទេ ប៉ុន្តែ អ្នកណាដែលធ្វើវា ប្រាកដជាដឹងច្បាស់ហើយ ថានេះពុំមែនជាការវាយប្រហារទៅលើរដ្ឋលីបង់នោះទេ។

យានដ្រូនរបស់អ៊ីស្រាអែល សម្លាប់មេដឹកនាំរងក្រុមហាម៉ាសនៅទីក្រុងបេរូត

ប្រភពពីសន្តិសុខលីបង់ និងដែនដីប៉ាឡេស្ទីន បាននិយាយថា អ៊ីស្រាអែលបានសម្លាប់មេដឹកនាំរងរបស់ក្រុមហាម៉ាស លោក Saleh al-Arouri នៅក្នុងការវាយប្រហារដោយយានដ្រូននៅរដ្ឋធានីបេរូត(Beirut) ប្រទេសលីបង់ កាលពីថ្ងៃអង្គារ ខណៈរថក្រោះនិងយន្តហោះចម្បាំងរបស់អ៊ីស្រាអែល បានវាយលុកនៅតំបន់ហ្កាហ្សា នៅក្នុងសង្គ្រាមកាន់តែខ្លាំងបន្ថែមទៀតប្រឆាំងក្រុមសកម្មប្រយុទ្ធនៅក្នុងតំបន់ហ៊ុមព័ទ្ធ។ លោក Arouri អាយុ៥៧ឆ្នាំ គឺជាមេដឹកនាំជាន់ខ្ពស់ម្នាក់ដំបូងគេផ្នែកនយោបាយ របស់ក្រុមហាម៉ាស ដែលត្រូវបានធ្វើឃាត ចាប់តាំងពីអ៊ីស្រាអែល បានបើកការវាយលុកតាមអាកាស និងជើងគោកទៅលើក្រុមអ្នកគ្រប់គ្រងក្រុមហាម៉ាសនៅហ្កាហ្សា រយៈពេលពីជិត៣ខែកន្លងទៅនេះ បន្ទាប់ពីការវាយសម្រុកចូលដ៏គួឲ្យភ្ញាក់ផ្អើលរបស់ក្រុមសកម្មប្រយុទ្ធហាម៉ាស ទៅក្នុងទីក្រុងជាច្រើនរបស់អ៊ីស្រាអែល។ ការស្លាប់របស់លោក អាចបង្កើនហានិភ័យសង្គ្រាមរវាងអ៊ីស្រាអែល និងក្រុមហាម៉ាស ដែលកំពុងរាលដាលហួសពីតំបន់ហ្កាហ្សា។ ក្រុមហេសបូឡាប្រដាប់អាវុធធុនធ្ងន់នៅប្រទេសលីបង់ ដែលជាសម្ព័ន្ធមិត្តរបស់ ក្រុមហាម៉ាស បាននិងកំពុងបាញ់តគ្នា ជារៀងរាល់ថ្ងៃជាមួយអ៊ីស្រាអែល ឆ្លងកាត់ព្រំដែនភាគខាងត្បូងប្រទេសលីបង់ ចាប់តាំងពីសង្រ្គាមនៅតំបន់ហ្កាហ្សាប់ផ្តើម។ វិទ្យុ និងទូរទស្សន៍របស់ក្រុមហាម៉ាស និងទូរទស្សន៍ Mayadeen គាំទ្រអ៊ីរ៉ង់ របស់ប្រទេសលីបង់ បានបញ្ជាក់ពីប្រភពសន្តិសុខថា លោក Arouri សមាជិកនៃការិយាល័យនយោបាយរបស់ចលនាសកម្មប្រយុទ្ធប៉ាឡេស្ទីន មានមូលដ្ឋាននៅបរទេស និងសហស្ថាបនិកស្លាបយោធារបស់ក្រុមហាម៉ាស លោក Izz-el-Deen នៅកងពល al-Qassam ត្រូវបានសម្លាប់នៅពេលដែលយានដ្រូន បានវាយប្រហារការិយាល័យរបស់ក្រុមហាម៉ាស នៅភាគខាងត្បូងទីក្រុងបេរូត។ ទីភ្នាក់ងារសារព័ត៌មានរដ្ឋលីបង់ បានរាយការណ៍ថា ការវាយប្រហារដោយយានដ្រូន បានសម្លាប់មនុស្ស ៦ នាក់នៅជាយក្រុង Daliyeh ភាគខាងត្បូង ជាទីតាំងលាក់ខ្លួនរបស់ក្រុមហេសបូឡា។ ប្រភពសន្តិសុខចំនួនពីរ បាននិយាយថា យានដ្រូន បានកំណត់គោលដៅក្នុងការជួបជុំមួយ ហើយទូរទស្សន៍ Al Aqsa របស់ក្រុមហាម៉ាស បាននិយាយថា មេបញ្ជាការស្លាបប្រដាប់អាវុធរបស់ក្រុមនេះ នៅក្នុងប្រទេស លីបង់២នាក់ផ្សេងទៀត ស្ថិតក្នុងចំណោមអ្នកស្លាប់។

រុស្ស៊ី វាយប្រហារទីក្រុងធំៗពីររបស់អ៊ុយក្រែន ក្នុងរលកថ្មីនៃការវាយប្រហារដ៏ខ្លាំងក្លា

ប្រទេសរុស្ស៊ី បានវាយលុកទីក្រុងធំជាងគេចំនួនពីររបស់អ៊ុយក្រែន កាលពីថ្ងៃអង្គារ (០២ មករា) នៅក្នុងរលកថ្មីនៃការវាយប្រហារតាមផ្លូវអាកាសដ៏ខ្លាំងក្លាដែលបានសម្លាប់ជនស៊ីវិលយ៉ាងហោចណាស់ ៥នាក់ និងបានជំរុញឱ្យមានការអំពាវនាវឱ្យលោកខាងលិចផ្តល់ជំនួយយោធាបន្ថែមទៀតយ៉ាងឆាប់រហ័ស។ក្រសួងមហាផ្ទៃរបស់ប្រទេសអ៊ុយក្រែនបាននិយាយថា មនុស្ស ១៣៥នាក់ បានរងរបួសនៅក្នុងការវាយប្រហារដោយមីស៊ីល និងយានដ្រូនចុងក្រោយបង្អស់ រួមទាំងមនុស្ស ៦១នាក់ផ្សេងទៀតនៅក្នុង និងជុំវិញទីក្រុងខាកូវ (Kharkov) ដែលជាទីក្រុងទីពីររបស់អ៊ុយក្រែននៅភាគឦសាន និងមនុស្ស ១៧នាក់នៅក្នុងនិងជុំវិញរដ្ឋធានី គីវ។ ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskiy) បាននិយាយថា ប្រតិបត្តិការជួយសង្គ្រោះបានបន្តរហូតដល់ល្ងាច ខណៈដែលការវាយលុកនេះក៏បណ្តាលឱ្យខូចខាតយ៉ាងទូលំទូលាយ និងប៉ះពាល់ដល់ការផ្គត់ផ្គង់ថាមពលផងដែរ។រុស្ស៊ីបានបង្កើនការវាយប្រហារកាន់តែខ្លាំងក្នុងអំឡុងពេលចូលឆ្នាំថ្មី ដោយលោកប្រធានាធិបតី វ្ល៉ាឌីមៀ ពូទីន បានព្រមានកាលពីថ្ងៃចន្ទថាការវាយប្រហារតាមអាកាសរបស់អ៊ុយក្រែនទៅលើទីក្រុងប៊ែលហ្កូរ៉ូត (Belgorod) របស់រុស្ស៊ី ដែលទីក្រុងមូស្គូបាននិយាយថាបានសម្លាប់ជនស៊ីវិល ២៥នាក់នោះ នឹង «មិនត្រូវបានអត់ឱនឲ្យនោះទេ»។លោក ហ៊្សេឡិនស្គី នៅក្នុងវីដេអូនៅពេលយប់របស់ខ្លួន បាននិយាយថា រុស្ស៊ីបានប្រើប្រាស់មីស៊ីលជិត ៣០០គ្រាប់ និងយានដ្រូនជាង ២០០គ្រឿងក្នុងការវាយប្រហារក្នុងរយៈពេលបីថ្ងៃចុងក្រោយនេះ ហើយការវាយប្រហារនេះមានគោលបំណងបង្កឱ្យមានការបំផ្លិចបំផ្លាញជាអតិបរមានៅក្នុងប្រទេសអ៊ុយក្រែន៕

ជម្លោះជុំវិញទំនាក់ទំនងចិន បង្កភាពជូរចត់ដល់យុទ្ធនាការបោះឆ្នោតកោះតៃវ៉ាន់

ជម្លោះដ៏ជូរចត់អំពីមធ្យោបាយដោះស្រាយទំនាក់ទំនងជាមួយចិន និងការជៀសវាងជម្លោះកំពុងគ្របដណ្តប់លើយុទ្ធនាការបោះឆ្នោតចុងក្រោយនៅកោះតៃវ៉ាន់ ខណៈដែលការស្ទង់មតិមួយចំនួនបង្ហាញពីការប្រកួតប្រជែងដ៏តឹងតែងរវាងគូប្រជែងសំខាន់ពីររូបដើម្បីក្លាយជាមេដឹកនាំបន្ទាប់របស់កោះនេះ។ការបោះឆ្នោតមេដឹកនាំ និងសភានៅថ្ងៃទី១៣ ខែមករា ខាងមុខនេះកំពុងប្រព្រឹត្តទៅប្រឆាំងនឹងភាពតានតឹងនៃកំណើនសម្ពាធពីប្រទេសចិន ខណៈដែលទីក្រុងប៉េកាំង ស្វះស្វែងពង្រឹងការទាមទារអធិបតេយ្យភាពរបស់ខ្លួន។នៅពេលដែលការបោះឆ្នោតកាន់តែខិតជិតមកដល់ ប្រទេសចិនបានចោទប្រកាន់កោះតៃវ៉ាន់ពីការអនុវត្តពាណិជ្ជកម្មអយុត្តិធម៌ និងបានបញ្ចប់ការកាត់បន្ថយពន្ធមួយចំនួន ខណៈដែលយោធារបស់ប្រទេសចិនបានបន្តហោះហើរឆ្លងកាត់ច្រកសមុទ្រតៃវ៉ាន់។ ទាំងប្រទេសចិន និងគណបក្សប្រឆាំងដ៏ធំបំផុតរបស់កោះតៃវ៉ាន់ គឺគណបក្សគូមីនតាំង (KMT) បានកំណត់ការបោះឆ្នោតជាជម្រើសរវាងសង្រ្គាម និងសន្តិភាព។មេដឹកនាំកោះតៃវ៉ាន់ លោកស្រី សៃ អ៊ីងវិន (Tsai Ing-wen) និងបេក្ខជនមេដឹកនាំបន្ទាប់លោក ឡៃ ឈីងតេ (Lai Ching-te) បានផ្តល់កិច្ចចរចាជាមួយប្រទេសចិនម្តងហើយម្តងទៀត ប៉ុន្តែត្រូវបានបដិសេធ ដោយសារទីក្រុងប៉េកាំង ជឿថាពួកគេជាពួកផ្តាច់ខ្លួន។ គណបក្សគូមីនតាំង ដែលអនុគ្រោះដល់ទំនាក់ទំនងជិតស្និទ្ធជាមួយចិន ប៉ុន្តែបដិសេធយ៉ាងដាច់អហង្ការថាមិនគាំទ្រទីក្រុងប៉េកាំង នោះបាននិយាយថា ខ្លួននឹងបន្តជំរុញការការពាររបស់កោះតៃវ៉ាន់ ប៉ុន្តែចង់ចូលរួមជាមួយចិនឡើងវិញ ហើយប្រឆាំងនឹងឯករាជ្យភាពរបស់តៃវ៉ាន់៕

អង្គការសហប្រជាជាតិ ជំរុញការផ្តល់ស្បៀងអាហារដល់ជនភៀសខ្លួនរ៉ូហ៊ីងយ៉ា នៅប្រទេសបង់ក្លាដែស

កម្មវិធីស្បៀងអាហារពិភពលោក (WFP) បាននិយាយកាលពីថ្ងៃអង្គារ (០២ មករា) ថាអង្គការសហប្រជាជាតិបង្កើនការផ្ដល់ស្បៀងអាហារសម្រាប់ជនភៀសខ្លួនរ៉ូហ៊ីងយ៉ាម្នាក់ៗក្នុងប្រទេសបង់ក្លាដែស ចំនួន ២ដុល្លារទៀតក្នុងមួយខែដែលឡើងដល់ចំនួន ១០ដុល្លារ ចាប់ពីថ្ងៃទី០១ ខែមករា ខណៈទីភ្នាក់ងារស្បៀងអាហារ UN មួយនេះសម្ដែងការដឹងគុណដល់ម្ចាស់ជំនួយដែលបានជួយដល់កិច្ចខិតខំប្រឹងប្រែងដែលខ្វះថវិកានេះ។អង្គការសហប្រជាជាតិបានកាត់បន្ថយជំនួយស្បៀងអាហារកាលពីឆ្នាំមុនដល់ជនភៀសខ្លួនចំនួនមួយភាគបីមកនៅត្រឹមចំនួន ៨ដុល្លារជារៀងរាល់ខែ ដោយសារខ្លួនរៃអង្គាសបានថវិកាតិចជាងពាក់កណ្តាលនៃចំនួន ៨៧៦លានដុល្លារដែលត្រូវការដើម្បីជួយអ្នករងគ្រោះទាំងនោះ។សមាជិកជិតមួយលាននាក់នៃជនជាតិភាគតិចមូស្លីមរ៉ូហ៊ីងយ៉ាមកពីប្រទេសមីយ៉ាន់ម៉ា រស់នៅក្នុងជំរំធ្វើពីឫស្សី និងផ្លាស្ទិកក្នុងសង្កាត់ព្រំដែន ខុកស៍បាហ្សា (Cox's Bazar) របស់ប្រទេសបង់ក្លាដែស ដែលភាគច្រើនបានភៀសខ្លួនចេញពីការបង្ក្រាបដោយយោធាក្នុងឆ្នាំ២០១៧។ទីភ្នាក់ងារ WFP បាននិយាយថា ការស្ទង់មតិចុងក្រោយបង្អស់បានបង្ហាញពីកង្វះអាហារូបត្ថម្ភនៅក្នុងជំរំជនភៀសខ្លួនរ៉ូហ៊ីងយ៉ាក្នុងប្រទេសបង់ក្លាដែស មានកម្រិតខ្ពស់បំផុតចាប់តាំងពីការហូរចូលឆ្នាំ២០១៧ ហើយបានលើសពីកម្រិតសង្គ្រោះបន្ទាន់ ១៥% នេះបើយោងតាមចំណាត់ថ្នាក់គ្រាអាសន្នរបស់អង្គការសុខភាពពិភពលោក៕

អ៊ីស្រាអែល នឹងតតាំងប្រឆាំងនឹងការអះអាងរបស់អាហ្វ្រិកខាងត្បូង អំពើប្រល័យពូជសាសន៍ នៅតំបន់ហ្កាហ្សា នៅតុលាការ

អ្នកនាំពាក្យរបស់អ៊ីស្រាអែល បាននិយាយថា អ៊ីស្រាអែលនឹងតតាំងប្រឆាំងនឹងការអះអាងរបស់អាហ្វ្រិកខាងត្បូងដែលថា ខ្លួនកំពុងប្រព្រឹត្តអំពើ «ប្រល័យពូជសាសន៍» នៅតំបន់ហ្កាហ្សា នៅតុលាការយុត្តិធម៌អន្តរជាតិ(ICJ)។ លោក Eylon Levy បាននិយាយទៅកាន់មេដឹកនាំអាហ្វ្រិកខាងត្បូងថា៖«ប្រវត្តិសាស្ត្រ នឹងវិនិច្ឆ័យអ្នក ហើយវានឹងវិនិច្ឆ័យអ្នកដោយគ្មានមេត្តា»។ប្រទេសអាហ្វ្រិកខាងត្បូង បានដាក់សំណុំរឿងនេះទៅតុលាការ ICJ កាលពីថ្ងៃសុក្រ ដោយធ្វើឲ្យអ៊ីស្រា អែលផ្ទុះកំហឹង។អាហ្រ្វិកខាងត្បូង គឺជាអ្នកគាំទ្រដ៏ម៉ឺងម៉ាត់របស់ប៉ាឡេស្ទីន ហើយបានថ្កោលទោសអ៊ីស្រាអែលម្តងហើយម្តងទៀត ចាប់តាំងពីការចាប់ផ្តើមនៃសង្រ្គាមនៅតំបន់ហ្កាហ្សា នៅថ្ងៃទី៧ ខែតុលា។ប្រជាជនប៉ាឡេស្ទីនជាង ២២.០០នាក់ ដែលភាគច្រើនជាជនស៊ីវិល ត្រូវបានសម្លាប់ នៅក្នុងការវាយប្រហាររបស់អ៊ីស្រាអែល ចាប់តាំងពីសង្រ្គាម បានចាប់ផ្តើម នេះបើយោងតាមក្រសួងសុខាភិបាលនៃតំបន់ហ្កាហ្សា ដែលគ្រប់គ្រងដោយក្រុមអ៊ីស្លាមនិយមហាម៉ាស។អ៊ីស្រាអែល បានប្រកាសសង្រ្គាមទៅលើក្រុមហាម៉ាស បន្ទាប់ពីក្រុមនេះ បានដឹកនាំការវាយប្រហារដ៏ធំលើសហគមន៍នានាក្នុងប្រទេសអ៊ីស្រាអែល ដោយបានសម្លាប់មនុស្សប្រហែល ១.២០០នាក់ ភាគច្រើនជាជនស៊ីវិល និងបានចាប់មនុស្សប្រហែល ២៤០នាក់ទៀតទៅកាន់តំបន់ហ្កាហ្សា ជាចំណាប់ថ្នូរ។

អាមេរិក បានឈានដល់កិច្ចព្រមព្រៀងដោយសម្ងាត់ជាមួយកាតា ដើម្បីបន្តប្រតិបត្តិការមូលដ្ឋានយោធាធំបំផុតនៅមជ្ឈិមបូព៌ា

មន្ត្រីការពារជាតិអាមេរិកបីនាក់ និងមន្ត្រីម្នាក់ទៀតដែលដឹងពីកិច្ចព្រមព្រៀងនេះបានប្រាប់ CNN ថា សហរដ្ឋអាមេរិកបានឈានដល់កិច្ចព្រមព្រៀងដោយសម្ងាត់ដែលត្រូវពង្រីកវត្តមានយោធារបស់ខ្លួននៅឯមូលដ្ឋានដ៏ធំមួយក្នុងប្រទេសកាតាសម្រាប់រយៈពេល ១០ ឆ្នាំទៀត ។ កិច្ចព្រមព្រៀង ដែលមិនត្រូវបានប្រកាសជាសាធារណៈ បង្ហាញពីការពឹងផ្អែករបស់ទីក្រុងវ៉ាស៊ីនតោន លើប្រទេសឈូងសមុទ្រតូចមួយនេះ ដែលថ្មីៗនេះបានដើរតួនាទីសំខាន់ក្នុងការសម្របសម្រួលការដោះលែងចំណាប់ថ្នូរជនជាតិអាមេរិកពីការជាប់ឃុំឃាំងនៅតំបន់ហ្កាហ្សា និងវេណេហ្ស៊ុយអេឡា។មូលដ្ឋានទ័ពអាកាស អេអាយ យូដេដ (Al Udeid) ដែលមានទីតាំងនៅវាលខ្សាច់ភាគនិរតីនៃទីក្រុង ដូហា(Doha) ប្រទេសកាតា គឺជាការដំឡើងសាច់ដុំយោធាដ៏ធំបំផុតរបស់សហរដ្ឋអាមេរិកនៅមជ្ឈិមបូព៌ា ហើយអាចផ្ទុកទាហានអាមេរិកជាង១ម៉ឺននាក់។រដ្ឋមន្ត្រីក្រសួងការពារជាតិអាមេរិក លោក ឡយ អូស្ទីន (Lloyd Austin) បានទៅទស្សនកិច្ចនៅមូលដ្ឋានទ័ពអា អាយ យូដែដ (Al Udeid)កាលពីខែមុន ជាទីដែលលោកបានថ្លែងអំណរគុណដល់ប្រទេសកាតា សម្រាប់ការបង្កើនការចំណាយរបស់ពួកគេលើមូលដ្ឋានទ័ពនេះ។ ប៉ុន្តែលោកពុំបាននិយាយអំពីការបន្តឡើងវិញនោះទេ ហើយរដ្ឋបាល លោកBiden ពុំបានផ្សព្វផ្សាយជាសាធារណៈដែរ នៅពេលប្រទេសកាតា ស្ថិតនៅក្រោមការត្រួតពិនិត្យកាន់តែខ្លាំងឡើងសម្រាប់ការធ្វើជាម្ចាស់ផ្ទះទទួលមេដឹកនាំជាន់ខ្ពស់របស់ក្រុមហាម៉ាស។ ក្រុមមន្ត្រីកាតាបានប្រឆាំងថា នោះគ្រាន់តែជាសំណើរបស់សហរដ្ឋអាមេរិកក្នុងអំឡុងរដ្ឋបាលលោកអតីតប្រធានាធិបតី អូបាម៉ា ប៉ុណ្ណោះដែលក្រុមហាម៉ាស ត្រូវបានអនុញ្ញាតឱ្យបើកការិយាល័យនយោបាយនៅទីក្រុងដូហា។ មូលដ្ឋាននេះជាមជ្ឈមណ្ឌលសំខាន់សម្រាប់ប្រតិបត្តិការផ្លូវអាកាសរបស់ទីបញ្ជាការកណ្តាលអាមេរិកក្នុងឬជុំវិញប្រទេសអាហ្វហ្គានីស្ថាន អ៊ីរ៉ង់ និងទូទាំងមជ្ឈិមបូព៌ា។ កងទ័ពអាកាសកាតា និងអង់គ្លេសក៏ប្រតិបត្តិការពីមូលដ្ឋាននោះដែរ។ការពង្រីកឥទ្ធិពលយោធានេះ កើតឡើងនៅពេលសហរដ្ឋអាមេរិកបានពង្រឹងវត្តមានរបស់ខ្លួននៅក្នុងតំបន់ស្របពេលមានការគំរាមកំហែងកាន់តែខ្លាំងឡើងពីក្រុមសកម្មប្រយុទ្ធ ដែលគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់ ស៊ីរី និងយេម៉ែន៕

ការប្រយុទ្ធគ្នារវាងក្រុមហាម៉ាស និងអ៊ីស្រាអែល នៅតែបន្ត ខណៈអ្នកស្លាប់ខាងប៉ាឡេស្ទីនឡើងលើស ២២.០០០នាក់

អ៊ីស្រាអែលបាននិយាយកាលពីថ្ងៃអង្គារ (០២ មករា) ថាកងទ័ពរបស់ខ្លួនបានសម្លាប់ពួកសកម្មប្រយុទ្ធរាប់សិបនាក់នៅភាគខាងជើងនៃតំបន់ហ្កាហ្សាស្ទ្រីប ខណៈដែលយន្តហោះ និងរថក្រោះរបស់ខ្លួនបានបង្កើនការវាយប្រហារនៅភាគខាងត្បូងនៃតំបន់ប៉ាឡេស្ទីន។ អ្នកស្រុកបាននិយាយថា ការប្រយុទ្ធគ្នាយ៉ាងខ្លាំងក្លាក៏កំពុងបន្តផ្ទុះឡើងនៅក្នុងតំបន់កណ្តាលផងដែរ ដោយលើកឡើងពីការបាញ់ផ្លោងដោយរថក្រោះអ៊ីស្រាអែលលើផ្នែកខ្លះនៃជំរំជនភៀសខ្លួន អាល់ប៊ុរេច (Al-Bureij)។ក្រសួងសុខាភិបាលហ្កាហ្សាបាននិយាយថា ប្រជាជនប៉ាឡេស្ទីនចំនួន ២០៧នាក់ត្រូវបានសម្លាប់ និងមនុស្ស ៣៣៨នាក់បានរងរបួសក្នុងរយៈពេល ២៤ម៉ោងចុងក្រោយនេះ ដែលនាំឱ្យចំនួនអ្នកស្លាប់សរុបខាងប៉ាឡេស្ទីនដែលបានកត់ត្រាកើនឡើងដល់ ២២.១៨៥នាក់ និងរបួសចំនួន ៥៧.០៣៥នាក់ ក្នុងរយៈពេលជិត ៣ខែនៃសង្គ្រាមនៅក្នុងតំបន់ហ៊ុមព័ទ្ធដែលគ្រប់គ្រងដោយក្រុមហាម៉ាស។ការប្រយុទ្ធចុងក្រោយនេះបានកើតឡើងបន្ទាប់ពីអ៊ីស្រាអែលបានប្រកាសពីផែនការដកកងទ័ពមួយចំនួនមកវិញ ដែលជាសញ្ញានៃដំណាក់កាលថ្មីក្នុងសង្គ្រាមប្រឆាំងនឹងក្រុមហាម៉ាស ស្របពេលមានការព្រួយបារម្ភជាសកលចំពោះស្ថានភាពរបស់អ្នកស្រុកនៅតំបន់ហ្កាហ្សា។ការទម្លាក់គ្រាប់បែករបស់អ៊ីស្រាអែលបានបំផ្លាញទឹកដីភាគច្រើននៃតំបន់នេះទៅជាកម្ទេចថ្ម និងបានធ្វើឲ្យអ្នកស្រុកហ្កាហ្សាចំនួន ២,៣លាននាក់ស្ថិតនៅក្នុងគ្រោះមហន្តរាយមនុស្សធម៌ ដែលមនុស្សជាច្រើនត្រូវបានទុកចោលយ៉ាងគួរឲ្យអាណិត និងរងគំរាមកំហែងដោយទុរ្ភិក្សដោយសារកង្វះការផ្គត់ផ្គង់ស្បៀងអាហារ៕

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន ប្រារព្ធពិធីបុណ្យទក្ខិណានុប្បទាន ដើម្បីឧទ្ទិសកុសល ជូនចំពោះវិញ្ញាណក្ខន្ធវីរកងទ័ព ដែលបានពលីជីវិត ក្នុងបុព្វហេតុជាតិ ការពារបូរណភាព

[UPDATE] លោក Anutin ស្បថចូលកាន់តំណែងជានាយករដ្ឋមន្ត្រីថៃ ជាផ្លូវការ បន្ទាប់ពីរាជានុម័តពីព្រះមហាក្សត្រ

[UPDATE] ទូរទស្សន៍រដ្ឋ NHK របស់ជប៉ុន រាយការណ៍ថា លោកនាយករដ្ឋមន្ត្រីជប៉ុន Ishiba នឹងលាលែងពីតំណែង

[BREAKING NEWS] លោក Anutin ស្បថចូលកាន់តំណែងជានាយករដ្ឋមន្ត្រីថៃ ជាផ្លូវការ បន្ទាប់ពីរាជានុម័តពីព្រះមហាក្សត្រ

កិច្ចប្រជុំ GBC កម្ពុជា-ថៃ បានចាប់ផ្តើមហើយនៅរសៀលនេះ នៅខេត្តកោះកុង ដើម្បីពិភាក្សាបន្ថែមទៀតជំរុញប្រសិទ្ធភាព និងភាពជឿជាក់អំពីការអនុវត្តកិច្ចព្រមព្រៀងបទឈប់បាញ់ និងកសាងទំនុកចិត្តជាមួយគ្នា

អ្នកភូមិបន្តជម្លៀសខ្លួន ការងារបន្តអាក់ខាន ក្រោយគ្រោះរញ្ជួយដីវាយប្រហារតំបន់ភាគខាងកើតអាហ្វហ្គានីស្ថាន

[BREAKING NEWS] ទូរទស្សន៍រដ្ឋ NHK របស់ជប៉ុន និយាយថា លោកនាយករដ្ឋមន្ត្រីជប៉ុន Ishiba នឹងលាលែងពីតំណែង

[UPDATE] ការវាយប្រហារដ៏ធំលើកដំបូងបំផុតរបស់រុស្ស៊ី លើអគាររដ្ឋាភិបាលអ៊ុយក្រែន បង្កការស្លាប់និងរបួសជាច្រើន

លោក Putinជំរុញឲ្យឧស្សាហកម្មអវកាសរុស្ស៊ី អភិវឌ្ឍម៉ាស៊ីនរបស់យានចម្លង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877