BTV NEWS

៩ខែឆ្នាំ២០២៥ នគរបាលខេត្តបាត់ដំបងឃាត់ខ្លួនមនុស្ស ៩២០នាក់ក្នុងករណីគ្រឿងញៀន និងដកហូតបានគ្រឿងញៀនជាង១៧គីឡូក្រាម

នគរបាលខេត្តបាត់ដំបងប្រមូលក្រុមក្មេងទំនើង៨៦នាក់ រកឃើញផ្ទុកសារធាតុញៀន៥១នាក់ អនុវត្តតាមច្បាប់ និងមួយចំនួនបញ្ជូនទៅមណ្ឌលសំចត

សូមចូលរួមគោរពច្បាប់ចរាចរណ៍! ៧ថ្ងៃមុនកាន់បិណ្ឌ គ្រោះថ្នាក់ចរាចរណ៍ ផ្តាច់ជីវិតពលរដ្ឋ ២៤ នាក់ និងរបួសជិត៦០នាក់

មនុស្សចំនួន០៦នាក់ត្រូវបានឃាត់ខ្លួន ក្នុងយុទ្ធនាការចុះត្រួតពិនិត្យឆែកអាវុធជាតិផ្ទុះ និងទប់ស្កាត់រាល់បទល្មើស

សន្តិសុខ និង សង្គម

ក្រុមបាតុករប្រឆាំងប្រទេសស៊ែប៊ី វាយបំបែកបង្អួច ខណៈនគរបាលបាញ់ម្សៅម្រេច

មនុស្សរាប់ពាន់នាក់ បានមកប្រមូលផ្តុំគ្នានៅកណ្តាលទីក្រុង ប៊ែលក្រាដ(Belgrade) ក្នុងការតវ៉ាប្រឆាំងរដ្ឋាភិបាល កាលពីថ្ងៃអាទិត្យ ដើម្បីទាមទារឱ្យលុបចោលការបោះឆ្នោតសភា និងការបោះឆ្នោតតំបន់ រយៈពេលមួយសប្តាហ៍កន្លងទៅនេះ ដែលអ្នកសង្កេតការណ៍អន្តរជាតិ បាននិយាយថា អយុត្តិធម៌។សាក្សីសារព័ត៌មាន Reuters បាននិយាយថា នគរបាល បានបាញ់ម្សៅម្រេច បន្ទាប់ពីហ្វូងមនុស្សព្យាយាមសម្រុកចូលទៅក្នុងសាលាក្រុង Belgrade ជាកន្លែងដែលគណៈកម្មាធិការរៀបចំការបោះឆ្នោតក្នុងតំបន់មានមូលដ្ឋាននៅទីនោះ។ ក្រុមបាតុករមួយចំនួន បានឡើងលើអគារ និងវាយបំបែកបង្អួច ខណៈ អ្នកតវ៉ាបានស្រែកថា «ជនក្បត់ជាតិ»។ក្រុមបាតុករ បានព្យាយាមបើកទ្វារសាលាក្រុង ប៉ុន្តែមិនអាចចូលទៅបានទេ ខណៈហ្វូងមនុស្សស្រែកថា «សម្រុកចូល សម្រុកចូល» និងពាក្យថា «មិនចុះចាញ់» ។ សមាជិកម្នាក់ទៀតនៃប្រទេសស៊ែប៊ី ដែលប្រឆាំងអំពើហិង្សា លោក Marinika Tepic បានធ្វើកូដកម្មអត់អាហារ ចាប់តាំងពីការបោះឆ្នោតមក ដើម្បីទាមទារឱ្យមានការលុបចោល។យោងតាមលទ្ធផលបឋមរបស់គណៈកម្មាធិការរៀបចំការបោះឆ្នោតរដ្ឋបានឱ្យដឹងថា គណបក្សជឿនលឿនស៊ែប៊ី (SNS) ដែលកំពុងកាន់អំណាចដ៏មានប្រជាប្រីយ៍ភាព បានឈ្នះ ៤៦,៧២ភាគរយ នៃសន្លឹកឆ្នោតនៅក្នុងការបោះឆ្នោតសភាមុនអាណត្តិកាលពីចុងសប្តាហ៍មុន។បេសកកម្មឃ្លាំមើលអន្តរជាតិមួយ និយាយនៅថ្ងៃចន្ទនេះថា គណបក្សជឿនលឿនស៊ែប៊ី (SNS) ទទួលបានអត្ថប្រយោជន៍អយុត្តិធម៌ តាមរយៈការលំអៀងផ្នែកប្រព័ន្ធផ្សព្វផ្សាយ ឥទ្ធិពលមិនត្រឹមត្រូវរបស់ប្រធានាធិបតី លោក Aleksandar Vucic និងភាពមិនប្រក្រតីនៃការបោះឆ្នោត ដូចជាការទិញសន្លឹកឆ្នោតជាដើម។ ប៉ុន្តែ លោក Vucic និយាយថា ការបោះឆ្នោតមានភាពយុត្តិធម៌។

ចំនួនអ្នកស្លាប់ខាងប៉ាឡេស្ទីននៅតំបន់ហ្កាហ្សា កើនលើស ២០.៤០០នាក់ ខណៈអ៊ីស្រាអែលប្តេជ្ញាបន្តការវាយប្រហារ

ចំនួនអ្នកស្លាប់ខាងប៉ាឡេស្ទីននៅក្នុងតំបន់ហ្កាហ្សាស្ទ្រីប ដែលហែកហួរដោយសង្រ្គាម បានកើនឡើងដល់ ២០.៤២៤នាក់ និងមនុស្សជាង ៥៤.០០០នាក់ ផ្សេងទៀតបានរងរបួសចាប់តាំងពីការផ្ទុះឡើងនៃជម្លោះចុងក្រោយបំផុតរវាងប៉ាឡេស្ទីន និងអ៊ីស្រាអែល កាលពីថ្ងៃទី០៧ ខែតុលា មក។យ៉ាងហោចណាស់ ជនជាតិប៉ាឡេស្ទីនចំនួន ១៦៦នាក់ ត្រូវបានសម្លាប់ នៅក្នុងការវាយប្រហាររបស់អ៊ីស្រាអែល លើតំបន់ហ្កាហ្សា ក្នុងរយៈពេល ២៤ម៉ោងចុងក្រោយ ដែលភាគច្រើនជាស្ត្រី និងកុមារ។កងទ័ពអ៊ីស្រាអែលបាននិយាយថា ទាហានអ៊ីស្រាអែលសរុបចំនួន ១៥នាក់ ត្រូវបញ្ជាក់បានស្លាប់នៅក្នុងតំបន់ហ្កាហ្សា កាលពីចុងសប្តាហ៍មុន ដែលនាំឱ្យទាហានអ៊ីស្រាអែលសរុបចំនួន ១៥៤នាក់ ត្រូវបានសម្លាប់ក្នុងអំឡុងពេលការវាយលុកជើងគោករបស់ខ្លួននៅក្នុងតំបន់ហ៊ុមព័ទ្ធនេះ។ទោះបីជាបានទទួលស្គាល់ការបង់ខាត «តម្លៃដ៏ធ្ងន់ធ្ងរ» លើជីវិតរបស់ទាហានរបស់ខ្លួនក្នុងអំឡុងពេលការវាយលុករយៈពេល ៧៨ថ្ងៃដែលកំពុងបន្តក៏ដោយ នៅក្នុងសេចក្តីថ្លែងការណ៍ជាវីដេអូមួយ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បានប្រកាសថា «យើងកំពុងបង្កើនប្រតិបត្តិការបន្ថែមទៀតក្នុងសង្រ្គាមនៅតំបន់ហ្កាហ្សាស្រ្ទីប»។ជនភៀសខ្លួននៅតំបន់ហ្កាហ្សា កំពុងប្រឈមនឹងវិបត្តិទុរ្ភិក្សធ្ងន់ធ្ងរ ដោយសារជំនួយមនុស្សធម៌តិចតួចប៉ុណ្ណោះដែលអាចទៅដល់តំបន់នោះ។ អង្គការស្បៀងអាហារ និងកសិកម្មនៃអង្គការសហប្រជាជាតិបាននិយាយថា បច្ចុប្បន្ននេះ តម្រូវការក្នុងស្រុកត្រឹមតែ ១០ភាគរយប៉ុណ្ណោះសម្រាប់ម្ហូបអាហារដែលអាចបំពេញបាននៅក្នុងតំបន់សង្រ្គាមមួយនេះ៕

អង្គការ WHO សម្ដែងកង្វល់ពីការបំផ្លិចបំផ្លាញប្រព័ន្ធសុខាភិបាលនៅតំបន់ហ្កាហ្សាស្ទ្រីប

អង្គការសុខភាពពិភពលោក (WHO) កាលពីថ្ងៃអាទិត្យ (២៤ ធ្នូ) បានសម្តែងការព្រួយបារម្ភយ៉ាងខ្លាំងចំពោះការបំផ្លាញប្រព័ន្ធសុខាភិបាលនៅក្នុងតំបន់ហ្កាហ្សាស្ទ្រីប ដែលហែកហួរដោយសង្រ្គាម។ អង្គការ WHO បានព្រមានថា ប្រសិនបើប្រព័ន្ធសុខាភិបាលនៅតំបន់ហ្កាហ្សាដួលរលំ វានឹងនាំឱ្យមាន «សោកនាដកម្ម» ហើយអង្គការនេះក៏បានអំពាវនាវឲ្យមានបទឈប់បាញ់ជាបន្ទាន់ពីគ្រប់ភាគីដែលពាក់ព័ន្ធក្នុងជម្លោះ។យោងតាមទិន្នន័យចុងក្រោយបំផុតដែលចេញផ្សាយដោយអង្គការសហប្រជាជាតិ កាលពីថ្ងៃព្រហស្បតិ៍សប្តាហ៍មុន មានតែមន្ទីរពេទ្យចំនួន ៩កន្លែងប៉ុណ្ណោះក្នុងចំណោមមន្ទីរពេទ្យចំនួន ៣៦កន្លែង នៅក្នុងតំបន់ដែលកំពុងដំណើរការដោយផ្នែក ហើយកំពុងជួបការលំបាកដើម្បីទប់ទល់នឹងចំនួនអ្នករបួសដ៏ច្រើនលើសលប់។ក្រសួងសុខាភិបាលដែលមានមូលដ្ឋាននៅហ្កាហ្សា បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ចំនួនអ្នកស្លាប់របស់ជនជាតិប៉ាឡេស្ទីន ពីការវាយប្រហាររបស់អ៊ីស្រាអែល នៅតំបន់ហ្កាហ្សាស្ទ្រីប បានកើនដល់ជាង ២០.៤០០នាក់ ចាប់តាំងពីថ្ងៃទី០៧ ខែតុលា មកជាមួយនឹងមនុស្សជាង ៥៤.០០០នាក់ ផ្សេងទៀតបានរងរបួស។អ៊ីស្រាអែលបាននិងកំពុងបើកការវាយលុកទ្រង់ទ្រាយធំប្រឆាំងនឹងក្រុមហាម៉ាស នៅតំបន់ហ្កាហ្សាស្ទ្រីប ដើម្បីសងសឹកប្រឆាំងនឹងការវាយលុករបស់ក្រុមហាម៉ាស ឆ្លងកាត់ព្រំដែនភាគខាងត្បូងអ៊ីស្រាអែល កាលពីថ្ងៃទី០៧ ខែតុលា ក្នុងអំឡុងពេលដែលមនុស្សប្រហែល ១.២០០នាក់បានស្លាប់ និងមនុស្សជាង ២០០នាក់ ត្រូវបានចាប់ធ្វើជាចំណាប់ថ្នូរ៕

ខ្មាន់កាំភ្លើងបានសម្លាប់មនុស្សយ៉ាងតិច២០នាក់ នៅភាគខាងលិចប្រទេសប៊ូរុនឌី

រដ្ឋាភិបាលបានប្រាប់អ្នកយកព័ត៌មានកាលពីថ្ងៃសៅរ៍ (២៤ ធ្នូ) ថាខ្មាន់កាំភ្លើងបានសម្លាប់មនុស្សយ៉ាងហោចណាស់ ២០នាក់ និងបង្ករបួសដល់មនុស្ស ៩នាក់ ផ្សេងទៀតនៅជិតព្រំដែនភាគខាងលិចនៃប្រទេសប៊ូរុនឌី ជាមួយសាធារណរដ្ឋប្រជាធិបតេយ្យកុងហ្គោ នៅក្នុងការវាយប្រហារមួយដែលត្រូវបានអះអាងដោយក្រុមឧទ្ទាម តាបារ៉ាក្រហម (Red Tabara) ។អ្នកនាំពាក្យរដ្ឋាភិបាលលោក ហ្សេរ៉ូម នីយ៉ុនហ្ស៊ីម៉ា (Jérôme Niyonzima) បាននិយាយថា អ្នកដែលត្រូវបានសម្លាប់នៅក្នុងការវាយឆ្មក់កាលពីល្ងាចថ្ងៃសុក្រ ទៅលើភូមិមួយឈ្មោះថា វ៉ុហ្កីហ្ស៊ូ (Vugizo) រួមមានកុមារចំនួន ១២នាក់ ស្ត្រីមានផ្ទៃពោះ ២នាក់ មន្ត្រីនគរបាលម្នាក់ និងអ្នកស្រុកជាច្រើននាក់ទៀត។ក្រុមឧទ្ទាមតាបារ៉ាក្រហម ដែលកំពុងប្រយុទ្ធជាមួយរដ្ឋាភិបាលប៊ូរុនឌី ពីមូលដ្ឋាននៅភាគខាងកើតកុងហ្គោចាប់តាំងពីឆ្នាំ២០១៥ មកបានអះអាងនៅលើវេទិកាប្រព័ន្ធផ្សព្វផ្សាយសង្គម X ថាបានសម្លាប់ទាហាន៩នាក់ និងនគរបាលម្នាក់។ អ្នកស្រុកបាននិយាយថា ពួកគេបានឮសំឡេងកាំភ្លើង និងការផ្ទុះយ៉ាងខ្លាំងអំឡុងការវាយប្រហារនោះ៕

នាវាដឹកទំនិញដែលមានទំនាក់ទំនងជាមួយអ៊ីស្រាអែល ត្រូវបានវាយប្រហារដោយយានដ្រូន នៅឯឆ្នេរសមុទ្រឥណ្ឌា

នាវាដឹកទំនិញដែលត្រូវបានពិពណ៌នាថាជា «មានទំនាក់ទំនងជាមួយអ៊ីស្រាអែល» ត្រូវបានវាយប្រហារ ដោយយានដ្រូន នៅសមុទ្រអារ៉ាប់ ចំពេលមានការវាយប្រហារលើការដឹកជញ្ជូនទូទាំងពិភពលោកចាប់តាំងពីការផ្ទុះឡើងនៃសង្រ្គាមអ៊ីស្រាអែល-ហាម៉ាស។ក្រុមហ៊ុនសន្តិសុខដែនសមុទ្ររបស់អង់គ្លេស Ambrey បាននិយាយ កាលពីព្រឹកថ្ងៃសៅរ៍ថា នាវាដឹកផលិតផលគីមី ដែលមានទង់ជាតិលីបេរីយ៉ា ត្រូវបានវាយប្រហារនៅចម្ងាយ ១២០ម៉ាយ ភាគនិរតីនៃទីក្រុងវីរ៉ាវ៉ាល(Veraval) ប្រទេសឥណ្ឌា។ ភ្លើងដែលឆេះ ត្រូវបានពន្លត់ដោយក្រុមនាវិក ដោយមិនមានមនុស្សរងគ្រោះឡើយ។ក្រុមហ៊ុន Ambrey បាននិយាយនៅលើគេហទំព័ររបស់ខ្លួនថា៖«ការខូចខាតរចនាសម្ព័ន្ធមួយចំនួន ក៏ត្រូវបានរាយការណ៍ដែរ ហើយទឹកខ្លះ បានចូលនៅក្នុងនាវា។ នាវានោះ មានទំនាក់ទំនងជាមួយអ៊ីស្រាអែល។ ខណៈពេលដែលមិនទាន់មានក្រុមណាមួយចេញមុខទទួលខុសត្រូវចំពោះការវាយប្រហារនេះ ក្រុមឧទ្ទាម ហួទីដែលគាំទ្រដោយអ៊ីរ៉ង់ នៅយេម៉ែន បាននិងកំពុងធ្វើការវាយប្រហារជាបន្តបន្ទាប់ សំដៅលើនាវាដែលពាក់ព័ន្ធជាមួយអ៊ីស្រាអែល នៅសមុទ្រក្រហម និងសមុទ្រអារ៉ាប់ ក្នុងសាមគ្គីភាពជាមួយតំបន់ហ្កាហ្សា ដែលបានបង្កការរំខានយ៉ាងធ្ងន់ធ្ងរដល់ ផ្លូវដឹកជញ្ជូនសកលសំខាន់ៗ។

នាវាចម្បាំងអាមេរិក បាញ់ទម្លាក់យានដ្រូនជាច្រើនគ្រឿង ខណៈវិបត្តិសមុទ្រក្រហមកាន់តែស៊ីជម្រៅ

នាវាពិឃាតរបស់អាមេរិក បានស្ទាក់ចាប់យានដ្រូនចំនួន ៤គ្រឿងដែលត្រូវបានបាញ់ដោយក្រុមសកម្មប្រយុទ្ធហ៊ូទី (Houthi) ចូលទៅក្នុងផ្លូវដឹកជញ្ជូនដ៏មមាញឹកនៃសមុទ្រក្រហម ខណៈកំណើនវិបត្តិដ៏ស៊ីជម្រៅនៅផ្លូវទឹកនេះ បានមើលឃើញនាវាពាណិជ្ជកម្មចំនួនពីរគ្រឿងបានរងការវាយប្រហារក្នុងថ្ងៃដ៏វឹកវរមួយ។នៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃអាទិត្យ (២៤ ធ្នូ) ទីបញ្ជាការកណ្តាលរបស់សហរដ្ឋអាមេរិកបាននិយាយថា កងទ័ពជើងទឹករបស់ខ្លួន «បានបាញ់ទម្លាក់យានដ្រូនចំនួន ៤គ្រឿងដែលមានប្រភពមកពីតំបន់គ្រប់គ្រងដោយពួក ហ៊ូទី ក្នុងប្រទេសយេម៉ែន ដែលធ្វើដំណើរទៅកាន់នាវាពិឃាត យ៉ូអេសអេស ឡាប៊ុន (USS Laboon)» កាលពីមួយថ្ងៃមុន។នាវាពិឃាតរបស់អាមេរិក មួយគ្រឿងនេះបាននឹងកំពុងល្បាតក្នុងតំបន់ដែលជាផ្នែកមួយនៃប្រតិបត្តិការការពារភាពរុងរឿង ដែលជាបេសកកម្មដឹកនាំដោយទីក្រុងវ៉ាស៊ីនតោន ដើម្បីទប់ស្កាត់អំពើហឹង្សាដែលធ្លាយចូលទៅក្នុងផ្លូវទឹកយុទ្ធសាស្ត្រ។កាលពីថ្ងៃសៅរ៍ មន្ទីរបញ្ចកោណបានប្រកាសថា នាវាដឹកប្រេងគីមីមួយគ្រឿង ដែលជាកម្មសិទ្ធិរបស់ជប៉ុន ត្រូវបានវាយប្រហារដោយយានដ្រូននៅក្នុងមហាសមុទ្រឥណ្ឌា ដោយបញ្ជាក់ថា ការវាយប្រហារនេះត្រូវបានធ្វើឡើងពីប្រទេសអ៊ីរ៉ង់ ហើយវាត្រូវបានគេជឿថាជាលើកដំបូងហើយដែលសហរដ្ឋអាមេរិក បានចោទប្រកាន់អ៊ីរ៉ង់ ដោយផ្ទាល់ពីការដាក់គោលដៅលើនាវាដឹកជញ្ជូនពាណិជ្ជកម្មចាប់តាំងពីវិបត្តិបានចាប់ផ្តើមមក៕

Update ..តំណាងអយ្យការ ចេញដីកាសន្និដ្ឋានបញ្ជូនរឿងឱ្យស៊េីបសួរ លេីជនសង្ស័យពីបទ បើកបរធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ច

ភ្នំពេញ ៖ ជនបើករថយន្ត Jeep បង្កគ្រោះថ្នាក់ចរាចរណ៍បណ្ដាលឲ្យស្លាប់មនុស្សនៅខណ្ឌទួលគោក ត្រូវបានតំណាងអយ្យការ ចេញដីកាសន្និដ្ឋានបញ្ជូនរឿងឱ្យស៊េីបសួរ លេីជនសង្ស័យពីបទ: បើកបរធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ចដែលបទប្បញ្ញត្តិស្តីពីចរាចរណ៍ផ្លូវគោកតម្រូវបណ្តាលឲ្យស្លាប់អ្នកដទៃ ជាបទល្មេីសព្រហ្មទណ្ឌដែលមានចែងអោយផ្តន្ទាទោសតាមបញ្ញត្តិមាត្រា៨៥ នៃច្បាប់ស្តីពីចរាចរណ៍ផ្លូវគោក រួចហេីយ។ នេះបើតាមការបញ្ជាក់របស់ លោក ប៉េង ម៉េងគ័ង អ្នកនាំពាក្យ និងជាព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ នៅរសៀលថ្ងៃទី២៤ ខែធ្នូ ឆ្នាំ២០២៣នេះ។គួរបញ្ជាក់ផងដែរ កាលពីវេលាម៉ោង១១ព្រឹកថ្ងៃទី២៣ ម្សិលមិញនេះ ជនបើករថយន្តបង្កឈ្មោះ ព្រហ្ម វិចិត្រសុសក្ដា ត្រូវបានអាណាព្យាបាលនាំខ្លួនចូលមកកាន់ស្នងការដ្ឋាននគរបាលរាជធានីភ្នំពេញ ដើម្បីប្រគល់ជូន នគរបាលនៃស្នងការដ្ឋាននគរបាលជំនាញ ដើម្បីធ្វើការសាកសួរនាំដោយផ្ទាល់តាមនីតិវិធី ។ គួររំលឹកថា ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និង៤០នាទីយប់ ថ្ងៃទី១៤ ខែធ្នូ ឆ្នាំ២០២៣ ស្ថិតនៅផ្លូវបំបែកជាបួនលេខ៣១៧ កែងជាមួយផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូឃ្លីក ពណ៌ស ពាក់ផ្លាកលេខ ភ្នំពេញ1DF-5396 ធ្វើដំណើរតាមបណ្តោយផ្លូវលេខ៥៦៦ ក្នុងទិសដៅពីលិចទៅកើត ចំណែករថយន្តម៉ាក Jeep Gladiator ពណ៌ខ្មៅ ពាក់ផ្លាកលេខ ភ្នំពេញ 2CB-9963 បានបើកបរក្នុងល្បឿនលឿនតាមបណ្តោយផ្លូវលេខ៣១៧ ទិសដៅពីជើងទៅត្បូង។ លុះមកដល់ចំណុចកើតហេតុ ភាគីខាងម៉ូតូបានបើកឆ្លងផ្លូវបំបែក ស្របពេលនោះរថយន្តបើកលឿនបោះពួយទៅបុកម៉ូតូពេញទំហឹង បណ្តាលឱ្យអ្នកបើកម៉ូតូ ខ្ទាតចេញពីម៉ូតូបែកក្បាលស្លាប់ ចំណែករថយន្តនៅមានល្បឿនបានអូសម៉ូតូរបស់ជនរងគ្រោះជាប់ខាងក្រោមរថយន្ត ទើបអ្នកបើកទុករថយន្តចោល ហើយគេចខ្លួនបាត់ ៕ អត្ថបទ ៖ កុម្ភៈ

នគរបាលបញ្ជូនជនបើករថយន្ត Jeep បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌទួលគោក ទៅដល់តុលាការនៅព្រឹកថ្ងៃនេះ

ភ្នំពេញ ៖ ជនបើករថយន្ត Jeep បង្កគ្រោះថ្នាក់ចរាចរណ៍បណ្ដាលឲ្យស្លាប់មនុស្សនៅខណ្ឌទួលគោក ត្រូវបាននគរបាលចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ បញ្ជូនទៅដល់អយ្យការអមសាលាដំបូងរាជធានីភ្នំពេញ នៅព្រឹកថ្ងៃទី២៤ ខែធ្នូ ឆ្នាំ២០២៣នេះ ដើម្បីបន្តនីតិវិធី។គួរបញ្ជាក់ផងដែរ កាលពីវេលាម៉ោង១១ព្រឹកថ្ងៃទី២៣ ម្សិលមិញនេះ ជនបើករថយន្តបង្កឈ្មោះ ព្រហ្ម វិចិត្រសុសក្ដា ត្រូវបានអាណាព្យាបាលនាំខ្លួនចូលមកកាន់ស្នងការដ្ឋាននគរបាលរាជធានីភ្នំពេញ ដើម្បីប្រគល់ជូន នគរបាលនៃស្នងការដ្ឋាននគរបាលជំនាញ ដើម្បីធ្វើការសាកសួរនាំដោយផ្ទាល់តាមនីតិវិធី ។ គួររំលឹកថា ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និង៤០នាទីយប់ ថ្ងៃទី១៤ ខែធ្នូ ឆ្នាំ២០២៣ ស្ថិតនៅផ្លូវបំបែកជាបួនលេខ៣១៧ កែងជាមួយផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូឃ្លីក ពណ៌ស ពាក់ផ្លាកលេខ ភ្នំពេញ1DF-5396 ធ្វើដំណើរតាមបណ្តោយផ្លូវលេខ៥៦៦ ក្នុងទិសដៅពីលិចទៅកើត ចំណែករថយន្តម៉ាក Jeep Gladiator ពណ៌ខ្មៅ ពាក់ផ្លាកលេខ ភ្នំពេញ 2CB-9963 បានបើកបរក្នុងល្បឿនលឿនតាមបណ្តោយផ្លូវលេខ៣១៧ ទិសដៅពីជើងទៅត្បូង។ លុះមកដល់ចំណុចកើតហេតុ ភាគីខាងម៉ូតូបានបើកឆ្លងផ្លូវបំបែក ស្របពេលនោះរថយន្តបើកលឿនបោះពួយទៅបុកម៉ូតូពេញទំហឹង បណ្តាលឱ្យអ្នកបើកម៉ូតូ ខ្ទាតចេញពីម៉ូតូបែកក្បាលស្លាប់ ចំណែករថយន្តនៅមានល្បឿនបានអូសម៉ូតូរបស់ជនរងគ្រោះជាប់ខាងក្រោមរថយន្ត ទើបអ្នកបើកទុករថយន្តចោល ហើយគេចខ្លួនបាត់ ៕ អត្ថបទ ៖ កុម្ភៈ

អគ្គិភ័យឆេះអគារ City of Sky បានរលត់ទាំងស្រុងហើយ

ភ្នំពេញ៖ គិតត្រឹមល្ងាចថ្ងៃទី២៣ ខែធ្នូ ឆ្នាំ២០២៣ ជាថ្ងៃទីបួន នៃរង្វង់ប្រតិបត្តិការអន្តរាគមន៍លើករណីឆេះអគារ City of Sky ស្ថិតក្នុងខណ្ឌចំការមន រាជធានីភ្នំពេញ ត្រូវបានកងកម្លាំងចម្រុះគ្រប់គ្រងបានទាំងស្រុង ១០០ភាគរយ។ តាមរយៈរង្វង់ប្រតិបត្តិការដឹកនាំ និងសម្របសម្រួលរបស់ឯកឧត្តម នាយឧត្តមសេនីយ៍ គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ សហការជាមួយគណៈបញ្ជាការរដ្ឋបាលរាជធានីភ្នំពេញ និងការចូលរួមពីនាយកដ្ឋានពន្លត់អគ្គិភ័យ អគ្គស្នងការនគរបាលជាតិ និងបណ្តាកងរុករក និងសង្គ្រោះរបស់កងពលតូចលេខ៧០ និងបញ្ជាការដ្ឋានទ័ពពិសេស បានធ្វើការអន្តរាគមន៍រួមគ្នារយៈពេល៤ថ្ងៃ ក្នុងអគ្គិភ័យដែលបានឆេះកម្ពស់៥ជាន់។ ក្រោយរង្វង់ប្រតិបត្តិបិទបញ្ចប់ ឯកឧត្តមទេសរដ្ឋមន្ត្រី បានថ្លែងអំណរគុណដល់អាជ្ញាធរ និងកងកម្លាំងចម្រុះទាំងអស់ដែលបានខិតខំប្រឹងប្រែងសហការបានយ៉ាងល្អរហូតឈានមកដល់ការគ្រប់គ្រងស្ថានការណ៍ទាំងស្រុង នៃអគ្គិភ័យដែលមានរយៈពេលច្រើនថ្ងៃកន្លងមក។ ឯកឧត្តមទេសរដ្ឋមន្រ្តី ថ្លែងថា រង្វង់ប្រតិបត្តិការចំពោះករណីអគ្គិភ័យលើកនេះជាបទពិសោធន៍ថ្មីទៀតរបស់អាជ្ញាធរពាក់ព័ន្ធ និងកងកម្លាំងទាំងអស់ ក្នុងការរៀនសូត្រពីការអនុវត្តជាក់ស្តែងក្នុងស្ថានភាពអគារដែលមានភាពស្មុគស្មាញ និងលំបាកដល់ក្រុមពន្លត់។ ឯកឧត្តមទេសរដ្ឋមន្រ្តី ថ្លែងថា ប្រតិបត្តិការនេះជួបបញ្ហាស្មុគស្មាញ ដោយសារតែសំណង់អគារមានបន្ទះដែក និងបន្ទះអ៊ីសូឡង់យ៉ាងច្រើន។សូមជម្រាបថា ប្រតិបត្តិការពន្លត់អគ្គិភ័យខាងលើ បានចំណាយពេល៨០ម៉ោង នឹងប្រើប្រាស់រថយន្តពន្លត់អគ្គិភ័យ ៥០គ្រឿង ស្នើនឹងឡានទឹកប្រើប្រាស់ចំនួន៣៥០០ជើង និងកម្លាំងសរុបរួមជាង៤០០នាក់៕

[UPDATE] ជនសង្ស័យបើករថយន្ត Jeep បុកមនុស្សស្លាប់នៅខណ្ឌទួលគោក នឹងត្រូវបញ្ចូនទៅតុលាការនៅថ្ងៃស្អែក

លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានប្រាប់ BTV នាល្ងាចថ្ងៃទី២៣ ខែធ្នូ ឆ្នាំ២០២៣នេះ ឱ្យដឹងថា ករណីគ្រោះថ្នាក់ចរាចរណ៍រថយន្តម៉ាក Jeep ដែលបានបង្កគ្រោះថ្នាក់ចរាចរណ៍បុកមនុស្សស្លាប់នៅខណ្ឌទួលគោក ជនសង្ស័យ គឺនឹងត្រូវបញ្ចូនទៅសាលាដំបូងរាជធានីភ្នំពេញ នៅថ្ងៃទី២៤ធ្នូ ស្អែកនេះ ដើម្បីបន្តនីតិវិធីច្បាប់ ។ លោកវរសេនីយ៍ឯក បានបន្តឱ្យដឹងថា ៖ ជនបើករថយន្តបង្កឈ្មោះ ព្រហ្ម វិចិត្រសុសក្ដា ត្រូវបានអាណាព្យាបាលនាំខ្លួនចូលមកកាន់ស្នងការដ្ឋាននគរបាលរាជធានីភ្នំពេញ នាវេលាម៉ោង ១១ព្រឹកថ្ងៃទី២៣ធ្នូនេះ ដោយក្នុងនោះ គឺមានវត្តមានលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ជាអ្នកដឹកនាំក្រុមមន្ត្រីការិយាល័យជំនាញ ដើម្បីធ្វើការសាកសួរនាំដោយផ្ទាល់តាមនីតិវិធី ។ គួររំលឹកថា ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១ និង៤០នាទីយប់ ថ្ងៃទី១៤ ខែធ្នូ ឆ្នាំ២០២៣ ស្ថិតនៅផ្លូវបំបែកជាបួនលេខ៣១៧ កែងជាមួយផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ប្រភពព័ត៌មានបានឱ្យដឹងថា មុនពេលកើតហេតុ គេបានឃើញជនរងគ្រោះ ជិះម៉ូតូឃ្លីក ពណ៌ស ពាក់ផ្លាកលេខ ភ្នំពេញ1DF-5396 ធ្វើដំណើរតាមបណ្តោយផ្លូវលេខ៥៦៦ ក្នុងទិសដៅពីលិចទៅកើត ចំណែករថយន្តម៉ាក Jeep Gladiator ពណ៌ខ្មៅ ពាក់ផ្លាកលេខ ភ្នំពេញ 2CB-9963 បានបើកបរក្នុងល្បឿនលឿនតាមបណ្តោយផ្លូវលេខ៣១៧ ទិសដៅពីជើងទៅត្បូង។ លុះមកដល់ចំណុចកើតហេតុ ភាគីខាងម៉ូតូបានបើកឆ្លងផ្លូវបំបែក ស្របពេលនោះរថយន្តបើកលឿនបោះពួយទៅបុកម៉ូតូពេញទំហឹង បណ្តាលឱ្យអ្នកបើកម៉ូតូ ខ្ទាតចេញពីម៉ូតូបែកក្បាលស្លាប់ ចំណែករថយន្តនៅមានល្បឿនបានអូសម៉ូតូរបស់ជនរងគ្រោះជាប់ខាងក្រោមរថយន្ត ទើបអ្នកបើកទុករថយន្តចោលហើយគេចខ្លួនបាត់៕ អត្ថបទ៖ លីហេង

បណ្ដាញសង្គម

ព័ត៌មានថ្មីៗ

ចារកម្មទីក្រុងសេអ៊ូល៖ មេដឹកនាំកូរ៉េខាងជើង កំពុងពង្រឹងឋានៈកូនស្រី ជាអ្នកស្នងតំណែងបន្ត

ថ្នាក់ដឹកនាំខេត្តកំពង់ឆ្នាំង ធ្វើពិធីកាន់បិណ្ឌទី៤ នៅវត្តអារញ្ញការាម នាឱកាសបុណ្យកាន់បិណ្ឌ និងភ្ជុំបិណ្ឌ ដើម្បីសុំសេចក្តីសុខជូនដល់កម្លាំងកងទ័ពជួរមុខ និងថ្នាក់ដឹកនាំ

អតិផរណាអ្នកប្រើប្រាស់អាមេរិក ទំនងជាកើនឡើងនៅខែសីហា ស្របពេលពន្ធបញ្ចេញឥទ្ធិពល

តំណាងអចិន្ត្រៃយ៍កម្ពុជា ប្រចាំ UN ចូលរួមថ្លែងការណ៍នៅក្នុងកិច្ចប្រជុំបើកចំហររបស់ក្រុមប្រឹក្សាសន្តិសុខ UN

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

អភិបាលខេត្តតាកែវដឹកនាំកិច្ចប្រជុំជាមួយក្រុមហ៊ុនទទួលបន្ទុកសាងសង់គម្រោងព្រែកជីកហ្វូណនតេជោ ពិភាក្សាលើចំណុចគន្លឹះចំនួន៤

ក្រោយជំនួបជាមួយរដ្ឋមន្រ្ដីការពារជាតិ, ក្រុមអ្នកសង្កេតការណ៍អន្តរកាល (IOT) បន្តដំណើរពីភ្នំពេញឆ្ពោះទៅខេត្តព្រះវិហារ និងបន្ទាយមានជ័យដើម្បីសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែនក្រោយបទឈប់បាញ់

បាតុករនេប៉ាល់ ចង់ឱ្យអតីតរដ្ឋមន្រ្តីយុត្តិធម៌ ធ្វើនាយករដ្ឋមន្ត្រីបណ្ដោះអាសន្ន ខណៈកងទ័ពប្រឹងស្ដារសណ្តាប់ធ្នាប់

សម្តេចអគ្គមហាពញាចក្រី ហេង សំរិន និងសម្តេចធម្មវិសុទ្ធវង្សា សៅ ទី ហេង សំរិន អញ្ជើញចូលរួមកាន់បិណ្ឌវេនទី៤

អស្ថិរភាពនយោបាយ និងបញ្ហាសេដ្ឋកិច្ច ជាមូលហេតុនៅពីក្រោយកំហឹងដ៏កម្រោលរបស់បាតុករនេប៉ាល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877