BTV NEWS

កម្លាំងអាជ្ញាធរចម្រុះ ចុះត្រួតពិនិត្យអគារស្នាក់នៅមួយកន្លែងសង្ស័យមានបង្កប់ Online Scams រកឃើញជនបរទេស ៥នាក់ ស្នាក់នៅខុសច្បាប់

នគរបាលចាប់ខ្លួនជនជាតិចិន០៣នាក់ ករណីបង្កហិង្សា និងបង្ខាំងមនុស្សជំរិតទារប្រាក់ នៅខណ្ឌបឹងកេងកង

កម្លាំងចម្រុះខេត្តត្បូងឃ្មុំ ចុះត្រួតពិនិត្យបង្ក្រាបបទល្មើសពាក់ព័ន្ធលបលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា នៅស្រុកពញាក្រែក ឃាត់ខ្លួនជនបរទេសសង្ស័យ ២១២នាក់

ពលរដ្ឋបន្តសាទរកិច្ចប្រឹងប្រែងរបស់រដ្ឋាភិបាលបោសសម្អាត Online Scams ដើម្បីស្ដារមុខមាត់កម្ពុជា

សន្តិសុខ និង សង្គម

អាមេរិក សង្កត់ធ្ងន់លើសុវត្ថិភាពជនស៊ីវិលហ្កាហ្សា ខណៈអ៊ីស្រាអែល បង្កើនការវាយប្រហារឥតឈប់ឈរ

បេសកជនសន្តិសុខអាមេរិក បានពិភាក្សាជាមួយអ៊ីស្រាអែល អំពីការផ្លាស់ប្តូរយុទ្ធសាស្ត្រសង្រ្គាមរបស់ខ្លួននៅក្នុងតំបន់ហ្កាហ្សា ឆ្ពោះទៅរកប្រតិបត្តិការកំណត់គោលដៅច្បាស់លាស់ប្រឆាំងនឹងក្រុមហាម៉ាស ពីយុទ្ធនាការថ្មើរជើងដ៏ធំទូលាយដោយសង្កត់ធ្ងន់លើសុវត្ថិភាពជនស៊ីវិល ខណៈប្រធានាធិបតីអាមេរិក លោក ចូ បៃដិន (Joe Biden) បានអំពាវនាវឱ្យជនស៊ីវិលរស់នៅក្នុងទឹកដីប៉ាឡេស្ទីនត្រូវបានជួយសង្គ្រោះ។អ្នកស្រុកបាននិយាយថា កាលពីយប់ថ្ងៃព្រហស្បតិ៍ រថក្រោះ និងយន្តហោះអ៊ីស្រាអែលបានបង្កើនការទម្លាក់គ្រាប់បែកទៅលើសង្កាត់ភាគខាងជើងហ្កាហ្សា ដូចជាតំបន់សេចាអា (Shejaia) តំបន់ហ្ស៊ៃទួន (Zeitoun) និងតំបន់ដារាច (Daraj) ក៏ដូចជាទីក្រុខាន់ យ៉ូនីស (Khan Younis) នៅភាគខាងត្បូងនៃតំបន់ហ៊ុមព័ទ្ធនេះ។ អ៊ីស្រាអែលបាន និងកំពុងវាយលុកតំបន់ហ្កាហ្សា ដែលមានប្រវែង ៤០គីឡូម៉ែត្រនេះឥតឈប់ឈរដោយមិនមានសញ្ញានៃការផ្អាកនៅក្នុងអរិភាព ឬបទឈប់បាញ់ ដែលនឹងអនុញ្ញាតឱ្យផ្តល់ការផ្គត់ផ្គង់មូលដ្ឋានដែលត្រូវការយ៉ាងខ្លាំងសម្រាប់ជនស៊ីវិលដើម្បីរស់រានមានជីវិត ខណៈដែលលំនៅឋានរបស់ពួកគេត្រូវបានបំផ្លាញ។យោងតាមមន្ត្រីសុខាភិបាលប៉ាឡេស្ទីនបានឱ្យដឹងថា កងកម្លាំងអ៊ីស្រាអែលបានឡោមព័ទ្ធតំបន់ឆ្នេរហ៊ុមព័ទ្ធនេះ និងបានបង្កការបំផ្លិចបំផ្លាញយ៉ាងខ្លាំង ដោយមានមនុស្សជិត ១៩.០០០នាក់ ត្រូវបញ្ជាក់ថាបានស្លាប់ នេះបើយោងតាមមន្ត្រីសុខាភិបាលប៉ាឡេស្ទីន ហើយមនុស្សរាប់ពាន់នាក់ទៀតត្រូវបារម្ភបានកប់នៅក្រោមគំនរបាក់បែក។មន្ត្រីរដ្ឋបាលជាន់ខ្ពស់ម្នាក់បានប្រាប់អ្នកសារព័ត៌មានថា ទីប្រឹក្សាសន្តិសុខជាតិសេតវិមានលោក ជេក ស៊ុលលីវ៉ាន (Jake Sullivan) បានពិភាក្សាអំពីវិធានការផ្សេងៗកាលពីថ្ងៃព្រហស្បតិ៍ ដើម្បីផ្លាស់ប្តូរការវាយប្រហាររបស់អ៊ីស្រាអែលលើតំបន់ហ្កាហ្សាទៅជាប្រតិបត្តិការកម្រិតទាបដែលផ្តោតលើគោលដៅច្បាស់លាស់ក្នុងអំឡុងពេលដំណើរទស្សនកិច្ចរបស់ខ្លួនទៅកាន់ប្រទេសអ៊ីស្រាអែល ប៉ុន្តែគេមិនអាចផ្តល់ពេលវេលាជាក់លាក់សម្រាប់ការផ្លាស់ប្តូរបែបនេះទេ៕

អ៊ីស្រាអែល ប្តេជ្ញាបន្តប្រយុទ្ធក្នុងតំបន់ហ្កាហ្សា ទោះមានការពួនស្ទាក់វាយប្រហារដ៏បង្ហូរឈាម និងសម្ពាធអន្តរជាតិកើនឡើងក៏ដោយ

រដ្ឋមន្ត្រីក្រសួងការពារជាតិ បាននិយាយកាលពីថ្ងៃព្រហស្បតិ៍ថា ខ្លួននឹងបន្តសង្រ្គាមនេះរយៈពេលច្រើនខែទៀត ដើម្បីកម្ទេចក្រុមហាម៉ាស ខណៈប្រទេសរបស់លោក និងសម្ព័ន្ធមិត្តដ៏សំខាន់របស់ខ្លួនគឺសហរដ្ឋអាមេរិក ប្រឈមនឹងភាពឯកោពីអន្តរជាតិកាន់តែខ្លាំង និងការរិះគន់ជុំវិញវិនាសសកម្មនៃយុទ្ធនាការរបស់ខ្លួននៅក្នុងតំបន់ហ្កាហ្សា។ សារព័ត៌មាននានាបានរាយការណ៍ថា ប្រមុខកងទ័ពអ៊ីស្រាអែលរូបនេះបាននិយាយថា ខ្លួននឹងបន្តសង្រ្គាមនេះរយៈពេលច្រើនខែទៀត ប៉ុន្តែពួកលោកនឹងឈ្នេះ ហើយពួកលោកនឹងកម្ទេចក្រុមហាម៉ាសចោល។ ការអត្ថាធិប្បាយរបស់លោក យ៉ាវ ហ្គាឡិន (Yoav Gallant) បានកើតឡើងនៅពេលដែលទីប្រឹក្សាសន្តិសុខជាតិរបស់សហរដ្ឋអាមេរិក លោក ជែក ស៊ូលីវ៉ាន់ (Jake Sullivan) បានជួបជាមួយក្រុមមេដឹកនាំអ៊ីស្រាអែល ពិភាក្សាអំពីពេលវេលាសម្រាប់ការបង្រ្កាបការប្រយុទ្ធដ៏សំខាន់នៅក្នុងតំបន់ហ្កាហ្សា។ ក្រុមមេដឹកនាំអ៊ីស្រាអែលបានប្ដេជ្ញាចិត្តជាថ្មីក្នុងការបន្តការវាយប្រហារដោយយោធារហូតដល់កម្ទេចក្រុមសកម្មប្រយុទ្ធនេះ ជាការសងសឹកចំពោះការវាយប្រហារកាលពីថ្ងៃទី ៧ តុលានៅក្នុងប្រទេសរបស់ខ្លួន។ការផ្លាស់ប្ដូរយោបលគ្នានេះទំនងជានឹងបន្តប្រកបដោយភាពស្វាហាប់ ដែលសម្ព័ន្ធមិត្តទាំងពីរត្រូវបានខ្វែងគំនិតគ្នាអស់រយៈពេលជាច្រើនសប្តាហ៍។ រដ្ឋបាលលោក Biden បានបង្ហាញភាពមិនសប្បាយចិត្តចំពោះការបរាជ័យរបស់អ៊ីស្រាអែលក្នុងការកាត់បន្ថយការស្លាប់ និងរបួសរបស់ជនស៊ីវិល និងផែនការរបស់ខ្លួនសម្រាប់អនាគតនៃតំបន់ហ្កាហ្សា ប៉ុន្តែសេតវិមាននៅតែបន្តផ្តល់ការគាំទ្រអស់ពីចិត្តសម្រាប់អ៊ីស្រាអែល ជាមួយនឹងការដឹកជញ្ជូនសព្វាវុធ និងការគាំទ្រផ្នែកការទូត៕

ពលរដ្ឋភៀសខ្លួនហ្កាហ្សាស្នាក់នៅជម្រកបណ្ដោះអាសន្នក្នុងតំបន់ Al-Mawasi ជួបស្ថានភាពលំបាកខ្លាំង

ប្រជាជនដែលកំពុងស្វែងរកការជ្រកកោននៅតំបន់ អាល់ម៉ាវ៉ាស៊ី (Al-Mawasi) នៅភាគខាងត្បូងនៃតំបន់សង្រ្គាម ហ្កាហ្សាស្ទ្រីប កំពុងរស់នៅក្នុងស្ថានភាពដ៏លំបាកយ៉ាងធ្ងន់ធ្ងរ អ្នកខ្លះដេកនៅកណ្ដាលវាល និងជួបការលំបាកដើម្បីរស់រានមានជីវិតដោយមិនមានលទ្ធភាពទទួលបានអាហារ ទឹក ឬអគ្គិសនីដែលអាចប្រើប្រាស់បានឡើយ។ អ្នកស្រុកហ្កាហ្សា ប្រហែល ១២០.០០០នាក់ បានសម្រុកចូលទៅក្នុងទីក្រុង អាល់ម៉ាវ៉ាស៊ី ក្នុងសប្តាហ៍មុន បន្ទាប់ពីកងកម្លាំងការពារអ៊ីស្រាអែល (IDF) បានប្រកាសថាវាជាតំបន់សុវត្ថិភាព។ជនភៀសខ្លួនម្នាក់បាននិយាយថា «យើងដេកនៅខាងក្រៅកណ្ដាលវាល យើងរៀបចំតង់ជាមួយនឹងបន្ទះប្លាស្ទិក និងបំណែកឈើ។ លើសពីនេះ យើងមិនមានសូម្បីតែសម្ភារៈចាំបាច់បំផុត មិនមានសំលៀកបំពាក់ ទឹក និងអាហារគ្រប់គ្រាន់នោះទេ»។ជនភៀសខ្លួនម្នាក់ទៀតបានប្រាប់អ្នកយកព័ត៌មាន CCTV ថា មុនពេលពួកគេទៅដល់ទីក្រុង អាល់ម៉ាវ៉ាស៊ី ពួកគេបានជម្លៀសទៅកាន់ទីក្រុងព្រំដែនរ៉ាហ្វាហ្វ ខណៈដែលកងកម្លាំងអ៊ីស្រាអែល IDF បានព្រមានថាតំបន់ដែលពួកគេធ្លាប់រស់នៅគឺកំពុងស្ថិតក្នុងគ្រោះថ្នាក់។ ទោះបីជាយ៉ាងណាក៏ដោយ នៅក្នុងទីក្រុងរ៉ាហ្វាហ្វ កងកម្លាំងអ៊ីស្រាអែលបានប្រាប់ពួកគេឱ្យជម្លៀសទៅទីក្រុង អាល់ម៉ាវ៉ាស៊ី ដែលជាតំបន់សុវត្ថិភាពតែមួយគត់នៅក្នុងតំបន់ហ្កាហ្សាស្រ្ទីប។ទីក្រុង អាល់ម៉ាវ៉ាស៊ី គឺជាក្រុងដីវាលនៃតំបន់ឆ្នេរហ៊ុមព័ទ្ធ និងជាផ្ទះរបស់មនុស្សប្រហែល ១.៥០០នាក់ មុនពេលមានជម្លោះ ហើយហេដ្ឋារចនាសម្ព័ន្ធជាមូលដ្ឋានមិនល្អរបស់តំបន់នេះ មិនគ្រប់គ្រាន់ដើម្បីទប់ទល់នឹងលំហូរចូលនៃមនុស្សរាប់ម៉ឺននាក់ដែលជម្លៀសពីផ្នែកផ្សេងទៀតនៃតំបន់ហ្កាហ្សានោះទេ៕

ចិនថ្កោលទោសការគាំទ្ររបស់កាណាដាចំពោះហ្វីលីពីន ជុំវិញឧប្បត្តិហេតុ នៅសមុទ្រចិនខាងត្បូង

សេចក្តីថ្លែងការណ៍របស់អ្នកនាំពាក្យស្ថានទូតចិនប្រចាំនៅកាណាដា បានឲ្យដឹងថា ប្រទេសចិន បានថ្កោលទោសការគាំទ្ររបស់ប្រទេសកាណាដាចំពោះហ្វីលីពីនជុំវិញអ្វីដែលខ្លួនបាននិយាយថា ជាការរំលោភលើអធិបតេយ្យភាពរបស់ចិន នៅក្នុងសមុទ្រចិនខាងត្បូង។សេចក្តីថ្លែងការណ៍នោះ បាននិយាយថា៖«សមុទ្រចិនខាងត្បូង គឺជាទីតាំងរួមរបស់ប្រទេស នៅក្នុងតំបន់នេះ ហើយមិនគួរក្លាយជាកន្លែងស្វែងរកធនធានសម្រាប់ប្រទេសកាណាដា សហរដ្ឋអាមេរិក និងប្រទេសដទៃទៀត ដើម្បីបន្តផលប្រយោជន៍ភូមិសាស្ត្រនយោបាយរបស់ពួកគេទេ។រយៈពេលពីរបីខែកន្លងមកនេះ ប្រទេសចិន និងហ្វីលីពីន មានការប្រឈមមុខដាក់គ្នាជាច្រើនដែលផ្តោតលើតំបន់ថ្មប៉ប្រះទឹកថូម៉ាសទី២ ដែលកន្លែងដែលមានផ្កាថ្មដុះព័ទ្ធជុំវិញ នៅសមុទ្រចិនខាងត្បូង។អ្នកនាំពាក្យស្ថានទូតកាណាដា បាននិយាយថា៖«ក្នុងនាមជាប្រទេសនៅក្រៅតំបន់ កាណាដា បានជំរុញ ការរំលោភបំពានរបស់ហ្វីលីពីនចំពោះអធិបតេយ្យភាពរបស់ប្រទេសចិន រំលោភលើគោលបំណង និងគោលការណ៍នៃធម្មនុញ្ញរបស់អង្គការសហប្រជាជាតិ និងបង្កគ្រោះថ្នាក់ដល់សន្តិភាព និងស្ថិរភាពក្នុងតំបន់។ចំណែកទីក្រុងម៉ានីល បានចោទប្រកាន់ឆ្មាំល្បាតឆ្នេរសមុទ្រចិន និងនាវាកងជីវពលដែនសមុទ្រថា បានបាញ់កាណុងបាញ់ទឹកម្តងហើយម្តងទៀតទៅលើនាវាផ្គត់ផ្គង់របស់ខ្លួន ហើយបានបំបុកនាវាមួយគ្រឿងនៅជិតដែនទឹក ដែលមានជម្លោះនោះ។

វេជ្ជបណ្ឌិតព្រមានថា ភាពចង្អៀតណែន និងហានិភ័យកង្វះខាត នឹងរាលដាលជំងឺក្នុងចំណោមកុមារ នៅហ្កាហ្សា

ដោយមានកុមារធ្លាក់ខ្លួនឈឺ និងឪពុកម្តាយដែលព្រួយបារម្ភ នៅក្នុងបន្ទប់កុមារ វេជ្ជបណ្ឌិតម្នាក់នៅមន្ទីរពេទ្យធំមួយក្នុងទីក្រុង Khan Younis នៅភាគខាងត្បូងតំបន់ហ្កាហ្សា បានព្រមានពីភាពចង្អៀតណែន នៅទីជម្រកសម្រាប់អ្នកភៀសខ្លួន ស្ថានភាពអនាម័យកាន់តែយ៉ាប់យ៉ឺន និងកង្វះអាហារ ទឹកស្អាត និងថ្នាំពេទ្យកំពុងធ្វើឲ្យកុមារធ្លាក់ខ្លួនឈឺនិងមានហានិភ័យការរីករាលដាលជំងឺកាន់តែច្រើនបន្ថែមទៀតក្នុងចំណោមកុមារ។ នៅក្នុងបន្ទប់មន្ទីពេទ្យកុមារនៃបរិវេណមន្ទីពេទ្យ Nasser ប្រធាននាយកដ្ឋាន លោកវេជ្ជបណ្ឌិត Ahmed al-Farra និយាយទំនោរទៅរកកុមារ និងបានពិគ្រោះយោបល់ជាមួយឪពុកម្តាយដែលមានការព្រួយបារម្ភ ខណៈបុគ្គលិកបានពិនិត្យអ្នកជំងឺផ្សេងទៀត។ លោក Al-Farra បានព្រមានថា បន្ទប់មានភាពចង្អៀតណែន ហើយពួកគេបានមើលឃើញការកើនឡើងខ្លាំងអ្នកជំងឺវ័យក្មេងដែលមានករណីឆ្លងវីរុស ដូចជាជំងឺរលាកក្រពះ ដែលបណ្តាលមកពីការទទួលបានអាហារូបត្ថម្ភតិច ទឹកមិនស្អាត ត្រូវរស់នៅកន្លែងចង្អៀតរួមគ្នា និងអនាម័យមិនល្អ។ វេជ្ជបណ្ឌិតបាននិយាយថា អង្គភាពរបស់លោក បានរកឃើញករណីជំងឺរលាកថ្លើមប្រភេទ A រួមជាមួយនឹងជំងឺផ្សេងៗទៀត ដែលលោកមានការព្រួយបារម្ភថា អាចរាលដាល ខណៈអ្នកភៀសខ្លួន ត្រូវបានបង្ខំឱ្យស្នាក់នៅក្នុងសាលារៀនមានមនុស្សច្រើន និងជំរំដែលមានអនាម័យជាមូលដ្ឋាន។ នៅខាងក្រៅតង់បណ្តោះអាសន្ន ស្នាក់នៅជាមួយកូនតូចៗទាំងបីរបស់គាត់ មានអាយុតិចជាង ៣ ឆ្នាំ លោក Mahmud Abu Sharkh បាននិយាយថា ស្ថានភាពកំពុងធ្វើឱ្យគ្រួសាររបស់គាត់ធ្លាក់ខ្លួនឈឺ ហើយការព្យាបាលអាចធ្វើទៅបានមានកំណត់សម្រាប់ពួកគាត់។អង្គការសុខភាពពិភពលោក បាននិយាយថា វានឹងក្លាយជារឿងរ៉ាវគ្រប់យ៉ាង ប៉ុន្តែពុំអាចធ្វើឱ្យប្រសើរឡើងនូវស្ថានភាព «មហន្តរាយ» នៅក្នុងតំបន់ហ្កាហ្សា ដែលតម្រូវការផ្នែកវេជ្ជសាស្រ្តកើនឡើង និងហានិភ័យនៃជំងឺកើនឡើង ខណៈប្រព័ន្ធសុខខាភិបាលត្រូវបានកាត់បន្ថយខ្លាំង។

ហានិភ័យទឹកជំនន់ និងភ្លៀងធ្លាក់ខ្លាំង នៅតែបន្តនៅភាគឦសានប្រទេសអូស្ត្រាលី បន្ទាប់ពីព្យុះស៊ីក្លូន Jasper

ភ្លៀងធ្លាក់ខ្លាំង បានបណ្តាលឱ្យមានការបំផ្លាញនៅភាគឦសានប្រទេសអូស្ត្រាលី នៅថ្ងៃព្រហស្បតិ៍ ទី១៤ ខែធ្នូនេះ ដោយបានផ្តួលរំលំដើមឈើ កាត់ផ្តាច់ចរន្តអគ្គិសនី និងបង្ខំឱ្យពលរដ្ឋជម្លៀសខ្លួន និងមានការបិទផ្លូវ ខណៈអ្នកស្រុកប្រឈមទៅនឹងហានិភ័យនៃទឹកជំនន់ដ៏គំហុគដែលគំរាមកំហែងដល់អាយុជីវិត។ព្យុះស៊ីក្លូន Jasper បានវាយបក់បោកលើតំបន់ចុងខាងជើងនៃរដ្ឋ Queensland ជាទីតាំងរមណីយដ្ឋានជាច្រើនកន្លែង នៅតាមបណ្តោយថ្មប៉ប្រាស់ទឹក Great Barrier ដ៏ល្បីល្បាញនៅលើពិភពលោក បន្ទាប់ពីបានវាយបក់ដល់ដីគោកកាលពីថ្ងៃពុធ ទី១៣ ខែធ្នូ ជាព្យុះប្រភេទទី២ ដែលមាន៣កម្រិតក្រោមកម្រិតល្បឿនខ្យល់គ្រោះថ្នាក់បំផុត។ការិយាល័យឧតុនិយមរបស់ប្រទេសអូស្ត្រាលី បាននិយាយនៅក្នុងការធ្វើបច្ចុប្បន្នភាពចុងក្រោយថា ព្យុះដែលបច្ចុប្បន្ននេះ បានបន្ថយពីកម្រិតទាបត្រូពិក កំពុងធ្វើដំណើរក្នុងទិសដៅភាគពាយ័ព្យឆ្ពោះទៅកាន់ឈូងសមុទ្រ កាផេនតារីយ៉ា(Carpentaria) ជាកន្លែងដែលព្យុះអាចបង្កើនកម្លាំងត្រឡប់ទៅជាព្យុះស៊ីក្លូនវិញ នៅចុងសប្តាហ៍នេះ។ ទោះបើជាព្យុះថយចុះក៏ដោយ ការិយាល័យអាកាសធាតុ បានព្រមានដល់ពលរដ្ឋនៅតំបន់ដែលរងគ្រោះដោយព្យុះស៊ីក្លូនថា ភ្លៀងធ្លាក់ខ្លាំងត្រូវបានព្យាករណ៍នៅទីនោះក្នុងរយៈពេល ២៤ម៉ោងបន្ទាប់។

ប្រភព៖ អាមេរិក ពន្យារពេលលក់កាំភ្លើងវាយប្រហារទៅឲ្យអ៊ីស្រាអែល ជុំវិញអំពើហិង្សាបង្កឡើងដោយអ្នកតាំងទីលំនៅ

ប្រភពពីរដែលដឹងអំពីបញ្ហានេះ បាននិយាយកាលពីថ្ងៃពុធថា រដ្ឋបាលលោកបៃដិន កំពុងពន្យារពេលលក់កាំភ្លើងដែលផលិតដោយសហរដ្ឋអាមេរិកជាង ២០.000 ដើមទៅឲ្យអ៊ីស្រាអែល ជុំវិញការព្រួយបារម្ភអំពីការវាយប្រហារដោយអ្នកតាំងលំនៅអ៊ីស្រាអែលលើជនជាតិប៉ាឡេស្ទីន នៅក្នុងតំបន់វេសបែងដែលគ្រប់គ្រងដោយអ៊ីស្រាអែល។ ក្រសួងការបរទេស បានជូនដំណឹងក្រៅផ្លូវការមួយសម្រាប់ការលក់ទៅសភា កាលពីប៉ុន្មានសប្តាហ៍មុន។ ប៉ុន្តែការលក់នេះ មិនបានដំណើរការទៅមុខទេ បើទោះបីជាត្រូវបានបញ្ជាក់យ៉ាងច្បាស់ ដោយថ្នាក់ដឹកនាំនៃគណៈកម្មាធិការកិច្ចការបរទេសព្រឹទ្ធសភា និងសភាតំណាងរាស្រ្ត នៅដើមខែវិច្ឆិកាក្តី។អតីតមន្ត្រីអាមេរិកដែលធ្លាប់ដឹងពីការលក់អាវុធនេះ បាននិយាយថា៖«សមាជិកសភាផ្សេងទៀត បានដឹងអំពីករណីនេះ ហើយបានតម្រូវឲ្យរដ្ឋបាលនេះ ដើម្បីទាមទារថា ពួកគេគួរទទួលបានការធានាពីអ៊ីស្រា អែលថា អាវុធទាំងនេះ នឹងត្រូវបានផ្តល់ទៅឲ្យអ្នកតាំងលំនៅ»។អតីតមន្ត្រីរូបនោះ បាននិយាយថា រដ្ឋបាល បានចូលរួមជាមួយអ៊ីស្រាអែលក្នុងការព្យាយាម ដើម្បីទទួលបានការធានាដែលពេញចិត្តចំពោះបញ្ហានេះ មុនពេលជូនដំណឹងជាផ្លូវការ។ នៅក្រោមអាជ្ញាប័ណ្ណដូចដែលបានព្រាង អាវុធទាំងនេះ ក៏អាចទៅដល់អង្គភាពនគរបាលអ៊ីស្រាអែលផងដែរ ដែលក្រសួងនេះ មានការព្រួយបារម្ភអំពីសិទ្ធិមនុស្ស»។ ក្រសួងការបរទេស ពុំបានធ្វើការអត្ថាធិប្បាយអំពីការលក់អាវុធនោះទេ។

សមាជិកភាពអ៊ុយក្រែនស្ថិតក្នុងភាពមិនច្បាស់លាស់ខណៈក្រុមមេដឹកនាំអឺរ៉ុបជួបគ្នាថ្ងៃនេះនៅជំនួបកំពូលដ៏សំខាន់

កាលពីឆ្នាំ២០១៤ ពលរដ្ឋអ៊ុយក្រែនជាងកន្លះលាននាក់ បានចេញតវ៉ានៅតាមដងផ្លូវនានានៃរដ្ឋធានីគីវ (Kyiv)ច្រានចោលទំនាក់ទំនងកាន់តែជិតស្និទ្ធជាមួយរុស្ស៊ី និងអំពាវនាវសម្រាប់អនាគតរបស់ខ្លួនក្នុងការក្លាយជាសមាជិករបស់សហភាពអឺរ៉ុប។ ការងើបបះបោរបាននាំឲ្យមានការបណ្ដេញអតីតប្រធានាធិបតីគាំទ្ររុស្ស៊ី លោក វីកទ័រយ៉ានូ កូវិច(Viktor Yanukovych) និងបានប៉ះពាល់ដល់ជំហរនយោបាយរបស់អ៊ុយក្រែនបច្ចុប្បន្នដែលគាំទ្រដោយលោកខាងលិច។ រយៈពេលមួយទស្សវត្សរ៍ក្រោយមក បដិវដ្ដរបស់អ៊ុយក្រែន នៅតែមិនទាន់បញ្ចប់។ ប្រទេសនេះ កំពុងរង់ចាំស្ដាប់ថាតើបណ្ដាមេដឹកនាំសហភាពអឺរ៉ុប ត្រៀមខ្លួនបើកចំហឲ្យមានការពិភាក្សាលើសមាជិកភាពរបស់ខ្លួនសម្រាប់ប្លុកនេះឬយ៉ាងណា។ ឧបនាយករដ្ឋមន្ត្រីរបស់អ៊ុយក្រែន សម្រាប់កិច្ចអឺរ៉ុប អាត្លង់ទិក និងសមាហរណកម្ម អឺរ៉ុប លោក ស្រី អូលហា ស្តេហ្វានីស៊ីណា (Olha Stefanishyna) បាននិយាយថាការសម្រេចចិត្តពីសំណាក់ក្រុមមេដឹកនាំសហភាពអឺរ៉ុប នឹងបង្កអស្ថិរភាពសម្រាប់ប្រទេសរបស់លោកស្រី។ លោកស្រី និយាយថា ប្រការនេះ នឹងមានន័យជ្រាលជ្រៅសម្រាប់អ៊ុយក្រែន ព្រោះនេះគឺជាសារដោយផ្ទាល់ ដែលប្រាកដណាស់ថា នឹងប៉ះពាល់សមរភូមិ ។ ហើយអាស្រ័យលើការសម្រេចចិត្ត ដែលនឹងក្លាយជាសាររឹងមាំ ចំពោះកងកម្លាំងប្រដាប់អាវុធរបស់អ៊ុយក្រែន ឬ ជាសារដ៏រឹងមាំចំពោះកងកម្លាំងរបស់រុស្ស៊ី។ នៅថ្ងៃព្រហស្បតិ៍ទី១៤ធ្នូនេះ ប្រមុខរដ្ឋទាំង២៧ប្រទេសរបស់ប្លុកសហភាពអឺរ៉ុប នឹងជួបជុំគ្នានៅក្រុមប្រឹក្សាអឺរ៉ុបក្នុងទីក្រុងព្រុចសែល ជាអ្វីដែលគេហៅថាជាការបង្ហាញកិច្ចប្រជុំដើម្បីពិភាក្សាពីការចរចាចូលជាសមាជិករបស់អ៊ុយក្រែន ជាដំណើរការមួយដែលនឹងដាក់ប្រទេសនេះ នៅលើវិថីដ៏សំខាន់មួយឆ្ពោះទៅរកការក្លាយជាសមាជិកភាពរបស់សហភាពអឺរ៉ុប៕

ការតវ៉ា ទាមទារបទឈប់បាញ់នៅតំបន់ហ្កាហ្សាបានបិទផ្លូវធំទៅមកក្នុងទីក្រុង Los Angeles

ក្រុមបាតុករគាំទ្រប៉ាឡេស្ទីន រាប់សិបនាក់បានបិទផ្លូវធំទៅមកមួយកន្លែងនៅទីក្រុង Los Angeles កាលពីថ្ងៃពុធ ខណៈពួកគេអំពាវនាវឲ្យមានបទឈប់បាញ់នៅតំបន់ហ្កាហ្សា។ស្រែកពាក្យថា «ឈប់បាញ់ឥឡូវនេះ»' និងពាក្យថា «បើយើងមិនទទួលបានបទឈប់បាញ់ទេ បិទផ្លូវនេះចោលទៅ» ដែលត្រូវបាននិយាយម្តងហើយម្តងទៀត ខណៈក្រុមបាតុករ បានបិទចរាចរណ៍រយៈពេលប្រហែលមួយម៉ោង។ យោងតាមសេចក្តីរាយការណ៍របស់ប្រព័ន្ធផ្សព្វផ្សាយបានឲ្យដឹងថា ក្រុមអ្នកតវ៉ា បាននាំគ្នាដើរលើផ្លូវធំទៅមកនៅម៉ោងប្រហែល ៩ ព្រឹកម៉ោងក្នុងស្រុក ដោយបានចេញពីរថយន្តរបស់ពួកគេ ហើយដើរឆ្លងកាត់គន្លងផ្លូវទៅភាគខាងត្បូង។ ពួកគេបានឈរនៅលើផ្លូវ ហើយក្រោយមកបានអង្គុយចុះ បង្កើតជាខ្សែតភ្ជាប់គ្នា។អ្នកបើកបរដែលខឹងសម្បា បានប៉ះទង្គិចគ្នាជាមួយក្រុមបាតុករនៅតាមដងផ្លូវជាច្រើនលើកនៅពេលព្រឹកក្នុងម៉ោងដ៏មមាញឹក ហើយអ្នកបើកបរម៉ូតូមួយចំនួន បានបើកលើផ្លូវឆ្លងកាត់របាំងមនុស្ស ដោយម្នាក់បានជេរអ្នកតវ៉ា បង្កើនល្បឿនម៉ាស៊ីន និងរោទិ៍សំឡេងឮខ្លាំងៗ។ យោងតាមក្រុមល្បាតផ្លូវ Highway រដ្ឋកាលីហ្វ័រនីញ៉ាបានឲ្យដឹងថា មនុស្សប្រហែល ៧៥ នាក់ត្រូវបានឃុំខ្លួន។យុទ្ធនាការយោធារបស់អ៊ីស្រាអែលនៅតំបន់ហ្កាហ្សា បានសម្លាប់ពលរដ្ឋប៉ាឡេស្ទីនជាង ១៨.៥០០នាក់ និងជម្លៀសមនុស្សជិតពីរលាននាក់ និងបានបំផ្លាញតំបន់ហ៊ុមព័ទ្ធឆ្នេរភាគច្រើន។ ការវាយលុកលើតំបន់ហ្កាហ្សារបស់អ៊ីស្រាអែល បានកើតឡើងបន្ទាប់ពីក្រុមហាម៉ាស បានសម្លាប់មនុស្សប្រហែល ១.២០០ នាក់ ដែលភាគច្រើនជាជនស៊ីវិល នៅក្នុងការវាយប្រហារដ៏គួរឱ្យភ្ញាក់ផ្អើលកាលពីថ្ងៃទី ៧ ខែតុលា។

របាយការណ៍ស្ថានភាពអ៊ុយក្រែន៖ មីស៊ីលបាលិស្ទិក បានកំណត់គោលដៅលើទីក្រុងគីវ បន្ទាប់ពីលោកហ្សេឡិនស្គី ជួបលោកបៃដិន

រុស្ស៊ី បានបើកការវាយប្រហារដោយមីស៊ីលទ្រង់ទ្រាយធំមួយទៀតប្រឆាំងនឹងអ៊ុយក្រែន នៅព្រឹកនេះ ដែលជាក់ស្តែងផ្តោតលើរដ្ឋធានីគីវ ជាកន្លែងដែលអាជ្ញាធរ បានរាយការណ៍ថា មនុស្សយ៉ាងហោចណាស់ ៥៣ នាក់រួមទាំងកុមារ៦នាក់ បានរងរបួសដោយសារអំបែង បន្ទាប់ពីប្រព័ន្ធការពារដែនអាកាសអ៊ុយក្រែន បានបាញ់ទម្លាក់មីស៊ីលបាលិស្ទិកចំនួន ១០គ្រាប់។ការវាយប្រហារនោះ ប្រហែលជាបានត្រូវកំណត់ពេល ដើម្បីវាយប្រហារទីក្រុងទីក្រុងគីវ ត្រឹមតែប៉ុន្មាននាទីប៉ុណ្ណោះ បន្ទាប់ពីប្រធានាធិបតីអ៊ុយក្រែន លោក វ៉ូឡូមៀ ហ្សេឡិនស្គី (Volodymyr Zelensky) បានជួបសមភាគីអាមេរិក លោកប្រធានាធិបតី ចូ បៃដិន សម្រាប់កិច្ចពិភាក្សា នៅទីក្រុងវ៉ាស៊ីនតោន។ ដំណើរទស្សនកិច្ចរបស់លោកហ្សេឡិនស្គី គឺមានគោលបំណងទម្លាយភាពជាប់គាំង ដើម្បីទទួលបានជំនួយប្រហែល ៦០ពាន់លានដុល្លារ ដែលត្រូវបានកំណត់សម្រាប់ទីក្រុងគីវ។លោកហ្សេឡិនស្គី បានពណ៌នាអំពីការវាយប្រហារដោយមីស៊ីលបាលិស្ទិកនោះថា ជាឧក្រិដ្ឋកម្ម «ដ៏សាហាវយង់ឃ្នង» ដោយពណ៌នាប្រទេសរុស្ស៊ីជាថ្មីថាជារដ្ឋ «ភេរវកម្ម» ។ លោកបាននិយាយថា៖ «រុស្ស៊ី បានបង្ហាញជាថ្មីម្តងទៀតថា ខ្លួនជាប្រទេសដ៏សាហាវយង់ឃ្នង ដែលបាញ់មីស៊ីល នៅពេលយប់ ដោយព្យាយាមវាយប្រហារតំបន់លំនៅឋាន សាលាមត្តេយ្យ និងកន្លែងផ្តល់ថាមពល ក្នុងអំឡុងពេលរដូវរងានេះហើយវាជាការពិតណាស់ថា នឹងមានការឆ្លើយតប។ខណៈដែលការអះអាងរបស់ពួកគេ មិនអាចផ្ទៀងផ្ទាត់បាន ក្រុមមន្ត្រីអ៊ុយក្រែន បាននិយាយថា មីស៊ីលទាំង១០ គ្រាប់ ដែលពាក់ព័ន្ធនឹងការវាយប្រហារ ត្រូវបានទម្លាក់ដោយជោគជ័យដោយប្រព័ន្ធការពារដែនអាកាសរបស់អ៊ុយក្រែន នៅប៉ុន្មានម៉ោងព្រឹកព្រលឹមនេះ។

បណ្ដាញសង្គម

ព័ត៌មានថ្មីៗ

សម្ដេចកិត្តិសង្គហបណ្ឌិត ម៉ែន សំអន វាយតម្លៃខ្ពស់ចំពោះACUក្នុងការស៊ើបអង្កេត និងបំបែកសំណុំរឿងធំៗ

EU៖ ការដាក់ពង្រាយកងទ័ព នៅអឺរ៉ុប គឺ «ដើម្បីផលប្រយោជន៍របស់សហរដ្ឋអាមេរិក»

លោក Trump ៖ សហរដ្ឋអាមេរិកនឹងបញ្ចេញឯកសារមនុស្សពិភពផ្កាយក្នុងពេលដ៏ខ្លីខាងមុខនេះ

ជនជាតិជ្វីហ្វអង់គ្លេស ទាមទារកិច្ចប្រឹងប្រែងបន្ថែមទៀតពីរដ្ឋាភិបាល ក្រោយការវាយប្រហារដោយកាំបិត

កណ្តុររាតត្បាតជំរំតង់នៅតំបន់ហ្គាហ្សា ខាំក្មេងៗ និងធ្វើឲ្យរីករាលដាលជំងឺ

អធិការបតីអាល្លឺម៉ង់ អំពាវនាវឲ្យមាន «ភាពជាដៃគូឆ្លងមហាសមុទ្រអាត្លង់ទិកអាចទុកចិត្តបាន»

អាស៊ានប្ដេជ្ញាបញ្ចៀសការហាមឃាត់ការនាំចេញ និងចែករំលែកប្រេងឥន្ធនៈ ខណៈតម្លៃប្រេងហក់ឡើង

ប្រធានថាមពលអាមេរិក៖ អារ៉ាប៊ីសាអ៊ូឌីត និងអារ៉ាប់រួមនឹងបង្កើនការផលិតប្រេង ក្រោយជម្លោះអ៊ីរ៉ង់

ចិនគំរាមសងសឹក EU ប្រសិនបើប្លុកហាមឃាត់ឧបករណ៍របស់ក្រុមហ៊ុន Huawei

ក្រុមសិទ្ធិមនុស្ស៖ មនុស្សយ៉ាងតិច ៣៥៨នាក់ ត្រូវបានប្រហារជីវិត ក្រោមការដឹកនាំរបស់លោក គីម ជុងអ៊ុន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877