នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុង​ប្រតិបត្តិការ​បង្រ្កាបបទល្មើសតាមប្រព័ន្ធបច្ចេកវិទ្យា
ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប
ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ
ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

ពលរដ្ឋជាង១ម៉ឺននាក់ចូលរួមផ្ទាល់ទស្សនាស្វែងយល់ពីបញ្ហាគ្រឿងញៀនក្នុងព្រះរាជពិធីបុណ្យអុំទូក

2023/11/29 11:12:46 am        114
Facebook Telegram Linkin
ភ្នំពេញ៖នាឱកាស​ ព្រះរាជពិធីបុណ្យអុំទូក ចាប់ពីថ្ងៃទី២៦ដល់២៨ ខែវិច្ឆិកា ឆ្នាំ២០២៣ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន ដែលមានឯកឧត្តម នាយឧត្តមសេនីយ៍ មាស វិរិទ្ធ ជាអគ្គលេខាធិការ និងឧត្តមសេនីយ៍ឯក ថោង សុគន្ធា ជាអគ្គលេខាធិការរងទទួលផែនបានរៀបចំពិធីផ្សព្វផ្សាយពីបញ្ហាគ្រឿងញៀនដល់សាធារណជនក្នុងឱកាសព្រះរាជពិធីបុណ្យអុំទូក។ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ អប់រំ និងទំនាក់ទំនងសាធារណ:នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនបានប្រាប់ឱ្យដឹងថា រយ:ពេល០៣ថ្ងៃនៃព្រះរាជពិធីបុណ្យអុំទូក អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនសហការជាមួយរដ្ឋបាលរាជធានីភ្នំពេញ គ្រឹះស្ថានមីក្រូហិរញ្ញវត្ថុអិលអូអិលស៊ី LOLC បានរៀបចំពិធីផ្សព្វផ្សាយជាការប្រគំតន្រ្តី សំដែងរឿងខ្លី ចម្រៀង ឆ្លើយសំណួរយករង្វាន់អនុស្សាវរីយ៍ ការរាំ-ច្រៀងកំសាន្ត ការតាំងពិព័រណ៍រូបភាព និងចែកឯកសារចំណេះដឹងពីបញ្ហាគ្រឿងញៀនដែលមានសាធារណជនប្រមាណជាង១ម៉ឺននាក់បានចូលទស្សនាផ្ទាល់នៅសួនមាត់ទន្លេទល់មុខក្រុមប្រឹក្សាអភិវឌ្ឍន៍កម្ពុជា (CDC)។ឧត្តមសេនីយ៍ឯក លឹម តុងហួត បានបន្តថា បងប្អូនជាសាធារណជន បានសំដែងនូវការសប្បាយរីករាយផង មានឆន្ទ:ចូលរួមគាំទ្រដល់កម្មវិធីផ្សព្វផ្សាយអប់រំនេះផងតាមរយៈការបង្ហាញនូវអារម្មណ៍ពិត ការចែករំលែកនូវរឿងពិតផលវិបាកដែលមានសមាជិកគ្រួសារធ្លាក់ចូលទៅក្នុងអន្ទាក់នៃគ្រឿងញៀនដោយបានសំណូមពរសួមឱ្យចូលរួមសិក្សាស្វែងយល់និងផ្សព្វផ្សាយពីបញ្ហាគ្រឿងញៀនដើម្បីបង្ការទប់ស្កាត់ការកើតមានបញ្ហាគ្រឿងញៀនក្នុងគ្រួសារ។ លោកបញ្ជាក់ថា រយ:ពេលបីថ្ងៃនេះដែរ មន្រ្តីអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន យុវជនកាយរិទ្ធ និងកាកបាទក្រហមកម្ពុជា អង្គការកសាង KHANA បណ្តាញស្រ្តីអប់រំសហគមន៍និងHACC សរុបចំនួន៥០០នាក់បានដើរដង្ហែរក្បួនកាន់បដា អានសារ ចែកខិត្តបណ្ណផ្សព្វផ្សាយអប់រំបញ្ហាគ្រឿងញៀន ដល់សាធារណជនពីសួនច្បារមុខព្រះបរមរាជវាំង ទៅសួនច្បារមាត់ទន្លេទល់មុខក្រុមប្រឹក្សាអភិវឌ្ឍកម្ពុជា(CDC)ផងដែរ។ក្នុងនាមថ្នាក់ដឹកនាំ ពិសេស ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ ឧត្តមសេនីយ៍ឯក លឹម តុងហួត សូមថ្លែងអំណរគុណ ក្រសួងព័ត៌មាន រដ្ឋបាលរាជធានីភ្នំពេញ មន្ទីរអប់រំ យុវជន និងកីឡារាជធានីភ្នំពេញ អង្គការកសាង អង្គការសម្ព័ន្ធភាពខ្មែរប្រយុទ្ធជំងឺអេដស៍(khana) គណកម្មការសម្របសម្រួលសកម្មភាពសុខភាពសុខភាព (Hacc) បណ្តាញស្រ្តីអប់រំផ្ទាល់នៅតាមសហគមន៍ គ្រឹះស្ថានមីក្រូហិរញ្ញវត្ថុអិលអិលស៊ី (LOLC) Freshnews ទូរទស្សន៍ជាតិ វិទ្យុជាតិកម្ពុជា ស៊ីអិនស៊ី បាយ័ន កាសែតនគរវត្ត ព័ត៌មានអគ្គស្នងការដ្ឋាននគរបាលជាតិ ទូរទស្សន៍តន្រ្តីក្រុមហ៊ុនធំៗ ដែលបានផ្តល់កិច្ចសហការយ៉ាងល្អជាមួយអាជ្ញារជាតិប្រយុទ្ធប្រឆាំងគ្រឿងញៀនធ្វើសកម្មភាពផ្សព្វផ្សាយអប់រំពីបញ្ហាគ្រឿងញៀនក្នុងឱកាសបុណ្យអុំទូក២០២៣នេះ។ សូមបញ្ជាក់ថា ការផ្សព្វផ្សាយអប់រំបញ្ហាគ្រឿងញៀន ដល់អ្នកមកចូលរួមលេងកម្សាន្ត ព្រះរាជពិធីបុណ្យអុំទូកនេះ គឺស្របទៅនឹងតាមឆន្ទៈមុះមុតរបស់សម្តេចមហាបវរធិបតីហ៊ុនម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការប្រយុទ្ធប្រឆាំងគ្រឿងញៀនក្នុងនីតិកាលទី៧នេះ ។ ហើយថ្មីៗនេះ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿនឧបនាយករដ្ឋមន្រ្តីប្រចាំការ ប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានដាក់ចេញនូវសេចក្តីណែនាំលេខ០០២សណនស្តីពីការចាត់តាំងអនុវត្តការងារប្រយុទ្ធប្រឆាំងគ្រឿងញៀនឱ្យមានកាន់តែមានប្រសិទ្ធភាពទាំងថ្នាក់ជាតិ និងថ្នាក់ក្រោមជាតិក្នុងនោះ ឯកឧត្តមផ្តោតសំខាន់លើការងារអប់រំផ្សព្វផ្សាយធ្វើយ៉ាងណាឱ្យបានដឹងដល់ប្រជាពលរដ្ឋគ្រប់ស្រទាប់ទាំងអស់នៅតាមមូលដ្ឋានទូទាំងប្រទេសកម្ពុជា៕

ប្រមុខចារកម្មអាមេរិក និងអ៊ីស្រាអែល បានជួបគ្នាជុំវិញបទឈប់បាញ់នៅហ្កាហ្សា

2023/11/29 11:11:58 am        261
Facebook Telegram Linkin
ចំណាប់ថ្នូរ ១២នាក់ផ្សេងទៀត ត្រូវបានដោះលែងដោយក្រុមហាម៉ាស់កាលពីថ្ងៃអង្គារនៅក្នុងបទឈប់បាញ់របស់ពួកគេជាមួយកងកម្លាំងអ៊ីស្រាអែល។ យោធាអ៊ីស្រាអែល បានបញ្ជាក់ថា ពលរដ្ឋអ៊ីស្រាអែល ១០នាក់ និងជនបរទេស២នាក់ បានមកដល់ទឹកដីរបស់ខ្លួន។ វីដេអូរបស់ក្រុមហាម៉ាស ត្រូវបានគេនិយាយថាបង្ហាញពីការប្រគល់ចំណាប់ថ្នូរទៅឲ្យកាកបាទក្រហម។អ្នកទោសប៉ាឡេស្ទីន ៣០នាក់ ត្រូវបានដោះលែងដោយអ៊ីស្រាអែល ក្នុងការដោះដូរគ្នា។ ការដោះដូរនេះ បានចាប់ផ្តើម ខណៈបទឈប់បាញ់រយៈពេលបួនថ្ងៃ ត្រូវបានបន្ថែមពេលដល់៦ថ្ងៃ ហើយពេលនេះ វាអាចធ្វើទៅបាន។ សារព័រមានរ៉យទ័ររាយការណ៍ថា ប្រមុខ CIA និងចារកម្មអ៊ីស្រាអែល បានជួបជាមួយនាយករដ្ឋមន្ត្រីកាតា នៅទីក្រុងដូហា ជុំវិញអ្វីដែលត្រូវបានគេចាត់ទុកថាជា «ដំណាក់កាលបន្ទាប់នៃកិច្ចព្រមព្រៀងដ៏មានសក្តានុពល» ហើយមន្ត្រីអេហ្ស៊ីប ក៏មានវត្តមានផងដែរ។ ចំនួនចំណាប់ថ្នូរសរុបដែលក្រុមហាម៉ាសបានដោះលែងមានចំនួន ៨១ នាក់ គិតត្រឹមថ្ងៃអង្គារ។ ពលរដ្ឋអ៊ីស្រាអែលទាំង៦០នាក់ ដែលត្រូវបានដោះលែង គឺសុទ្ធតែជាស្ត្រី និងកុមារ។ ការជួបជុំគ្នាឡើងវិញនេះមានការសម្រក់ទឹកភ្នែក និងភាពរីករាយ សម្រាប់គ្រួសារមួយចំនួននៅភាគីទាំងសងខាង ខណៈអ្នកផ្សេងទៀតនៅពុំទាន់ដឹងពីជោគវាសនារបស់មនុស្សជាទីស្រលាញ់របស់ពួកគេនៅឡើយ។ អ៊ីស្រាអែល និយាយថា ខ្លួនបានបើកចំហក្នុងការបន្តការបន្ថែមពេលបទឈប់បាញ់ ប្រសិនបើក្រុមហាម៉ាស បន្តដោះលែងចំណាប់ថ្នូរយ៉ាងហោចណាស់ ១០ នាក់ក្នុងមួយថ្ងៃ។ ប៉ុន្តែដោយមានការថយចុះ ចំនួនស្ត្រី និងកុមារនៅក្នុងការចាប់ជាចំណាប់ថ្នូរ ការបន្ថែមពេលហួសពីថ្ងៃពុធនេះ អាចតម្រូវឱ្យក្រុមហាម៉ាសដោះលែងចំណាប់ថ្នូរបុរសមួយចំនួនជាលើកដំបូង។

ប្រទេសលីបង់៖ ចក្រភពអង់គ្លេស ត្រូវតែទទួលខុសត្រូវបន្ថែមទៀតចំពោះសង្គ្រាមអ៊ីស្រាអែល និងក្រុមហាម៉ាស

2023/11/29 11:07:14 am        230
Facebook Telegram Linkin
រដ្ឋមន្ត្រីការបរទេសលីបង់ បាននិយាយថា ចក្រភពអង់គ្លេស មានកាតព្វកិច្ចរារាំងអ៊ីស្រាអែលក្នុងសង្គ្រាមរបស់ខ្លួនជាមួយក្រុមហាម៉ាស ដោយសារតែគោលនយោបាយសម័យអាណានិគម បានជួយបង្កើតជម្លោះនៅក្នុងតំបន់នេះ។លោក អាបដាឡា ប៊ូ ហាប៊ីប (Abdallah Bou Habib) បានព្រមានប្រឆាំងនឹងការលម្អៀងដែលគាំទ្រអ៊ីស្រាអែល និងបានជំរុញឲ្យរដ្ឋាភិបាលអង់គ្លេស ចាត់វិធានការ «កម្រិតមធ្យមបន្ថែមទៀត» ដើម្បីជួយនាំមកនូវសន្តិភាពយូរអង្វែង។លោក បានថ្លែងប្រាប់សារព័ត៌មាន The Telegraph ថា៖ «ចក្រភពអង់គ្លេស ទទួលខុសត្រូវចំពោះអ្វីដែលកំពុងកើតឡើងនៅពេលនេះ តាមរយៈសេចក្តីប្រកាស Balfour ខណៈដែលលោកបានអំពាវនាវឲ្យចក្រភពអង់គ្លេសគ្រប់គ្រងសម្ព័ន្ធមិត្តរបស់ខ្លួន។លោក កំពុងនិយាយសំដៅទៅលើសេចក្តីប្រកាស Balfour ឆ្នាំ១៩១៧ ដែលនាំឲ្យអង់គ្លេសគ្រប់គ្រងលើប៉ាឡេស្ទីន និងបានចាក់គ្រឹះសម្រាប់រដ្ឋទំនើបរបស់អ៊ីស្រាអែល។លោក ប៊ូ ហាប៊ីប បាននិយាយថា ការចូលរួមរបស់ចក្រភពអង់គ្លេសនៅក្នុងជម្លោះបច្ចុប្បន្ន បង្ហាញពីរបៀបដែលប្រទេសនេះ នៅតែ«គាំទ្រអ៊ីស្រាអែល»។

អ៊ីស្រាអែលអះអាងថា ក្រុមហាម៉ាស«បំពាន»កិច្ចព្រមព្រៀងបទឈប់បាញ់ ដោយបំផ្ទុះគ្រាប់បែក និងបាញ់សំដៅលើកងទ័ពរបស់ខ្លួន

2023/11/29 11:03:53 am        269
Facebook Telegram Linkin
យោធាអ៊ីស្រាអែល កំពុងចោទប្រកាន់ក្រុមភេរវកម្មប៉ាឡេស្ទីនហាម៉ាសថា បានបំពានលើកិច្ចព្រមព្រៀងឈប់បាញ់បច្ចុប្បន្នរបស់ខ្លួន បន្ទាប់ពីមានការផ្ទុះ និងការបាញ់ប្រហារជាបន្តបន្ទាប់ នៅតំបន់ហ្កាហ្សាភាគខាងជើង កាលពីថ្ងៃអង្គារ។កងកម្លាំងការពារអ៊ីស្រាអែល (IDF) បាននិយាយថា៖«ក្នុងរយៈពេលមួយម៉ោងចុងក្រោយនេះ គ្រាប់បែកចំនួន៣គ្រាប់ ត្រូវបានបំផ្ទុះនៅជិតកងIDF នៅក្នុងទីតាំងពីរផ្សេងគ្នា នៅតំបន់ហ្កាហ្សាភាគខាងជើង ដោយបំពានលើក្របខ័ណ្ឌនៃការផ្អាកប្រតិបត្តិការនេះ។កងទ័ពអ៊ីស្រាអែល បានបន្ថែមថា៖ «នៅក្នុងទីតាំងមួយ ក្រុមភេរវករ ក៏បានបើកការបាញ់ប្រហារទៅលើកងទ័ពផងដែរ ដែលបានឆ្លើយតបដោយការបាញ់ប្រហារទៅវិញ។ ទាហានមួយចំនួន បានរងរបួសស្រាលក្នុងអំឡុងពេលឧប្បត្តិហេតុនេះ»។ «កងទ័ព IDF ត្រូវបានដាក់ឲ្យប្រចាំការ នៅក្នុងក្របខ័ណ្ឌនៃការផ្អាកប្រតិបត្តិការ»។ការវិវឌ្ឍកើតឡើង នៅពេលដែលក្រុមហាម៉ាស ត្រូវបានគេរំពឹងថា នឹងដោះលែងចំណាប់ថ្នូរអ៊ីស្រា អែលចំនួន ១០នាក់បន្ថែមទៀត នៅចំណុចមួយចំនួននៅថ្ងៃនេះ ក្នុងថ្ងៃដំបូងនៃកិច្ចព្រមព្រៀងបទឈប់បាញ់។

ក្រុមអាជ្ញាធរអាល្លឺម៉ង់ ជំរុញប្រជាពលរដ្ឋឱ្យស្នាក់នៅក្នុងផ្ទះ ខណៈស្ថានភាពអាកាសធាតុរដូវរងាធ្ងន់ធ្ងរឆក់យកជីវិតមនុស្ស២នាក់

2023/11/29 10:54:09 am        244
Facebook Telegram Linkin
ក្រុមអាជ្ញាធរនៅភាគខាងលិចប្រទេសអាល្លឺម៉ង់កាលពីថ្ងៃអង្គារ ទី២៨ ខែវិច្ឆិកា បានជំរុញប្រជាពលរដ្ឋរបស់ខ្លួន ឱ្យស្នាក់នៅក្នុងផ្ទះដោយព្រមានពីគ្រោះថ្នាក់ ដែលគំរាមកំហែងដល់អាយុជីវិតបន្ទាប់ពីអាកាសធាតុរដូវរងាបានកើតមានឡើង បង្កឲ្យមានគ្រោះថ្នាក់ដល់ផ្លូវថ្នល់ និងបានឆក់យកជីវិតមនុស្ស២នាក់ ។ ការចាប់ផ្តើមនៃរដូវរងាភ្លាមៗបានបណ្ដាលឱ្យមានគ្រោះថ្នាក់ជាច្រើន ហើយមនុស្សត្រូវបានជាប់នៅក្នុងយានជំនិះរបស់ពួកគេ ដោយសារតែផ្លូវរអិល និងមែកឈើបាក់គ្របសង្កត់លើផ្លូវ ដែលបណ្តាលមកពីការធ្លាក់ព្រិលនៅក្នុងតំបន់ជាច្រើននៃប្រទេសអាល្លឺម៉ង់។ នៅក្នុងស្រុក រ៉េន ហ្កូ តូនើស (Rheingau-Taunus) នៅភាគខាងលិចនៃទីក្រុងហេស៊ី(Hesse) មនុស្ស ១០០ នាក់ត្រូវបានជម្លៀសចេញពីយានជំនិះរបស់ពួកគេនៅជិត វិថី អេលធ្វីល ម៉ាទីនស្តាល ( Eltville-Martinsthal) ខណៈមនុស្សចំនួន៧០ នាក់បានជាប់នៅលើផ្លូវក្បែរ តំបន់ លីនីនបាដ (Linienbad) ។ ប្រជាពលរដ្ឋក្នុងតំបន់បានរៀបរាប់ថាការធ្វើដំណើរ ១៥ នាទីចំណាយពេល ៣ ម៉ោង ហើយមានការភ្ញាក់ផ្អើល ដោយសារការធ្លាក់ព្រិលបានបង្កឲ្យការធ្វើចរាចរណ៍មានភាពចលាចល។ទីភ្នាក់ងារសេវាឧតុនិយមអាល្លឺម៉ង់ (DWD) ព្យាករណ៍ថា ព្រិលជាច្រើននឹងធ្លាក់ម្តងទៀតនៅក្នុងរដ្ឋសហព័ន្ធ នៅថ្ងៃនេះ ដោយបន្ថែមថាស្ថានភាពអាកាសធាតុធ្ងន់ធ្ងរបែបនេះ នឹងបន្តក្នុងរយៈពេលប៉ុន្មានថ្ងៃខាងមុខនេះ៕

ចំនួនអ្នកស្លាប់ដោយសារទឹកជំនន់នៅប្រទេសកេនយ៉ា កើនឡើងដល់១២០នាក់

2023/11/29 10:43:07 am        253
Facebook Telegram Linkin
ទឹកជំនន់ដ៏ធ្ងន់ធ្ងរដែលបង្កឡើងដោយបាតុភូតអាកាសធាតុ អ៊ែល នីញ៉ូ បានសម្លាប់មនុស្សចំនួន ១២០នាក់ នៅក្នុងប្រទេសកេនយ៉ា ខណៈប្រជាជនជិត ៩ ម៉ឺនគ្រួសារត្រូវបានបង្ខំឱ្យចាកចេញពីលំនៅឋានរបស់ពួកគេ នេះបើយោងតាមរដ្ឋាភិបាលកេនយ៉ា បាននិយាយកាលពីថ្ងៃអង្គារ (២៨ វិច្ឆិកា)។ចំនួនអ្នកស្លាប់តាមការប៉ាន់ប្រមាណចុងក្រោយបង្អស់នៅក្នុងប្រទេសកេនយ៉ានេះ បានកើនឡើងទ្វេដង ខណៈដែលភ្លៀងធ្លាក់ខ្លាំងតាមរដូវកាល បន្ទាប់ពីគ្រោះរាំងស្ងួតដ៏អាក្រក់បំផុតក្នុងរយៈពេល ៤ទសវត្សរ៍ បានជន់លិចទីក្រុង និងភូមិនានានៅទូទាំងទ្វីបអាហ្រ្វិកខាងកើត ដែលបណ្តាលឱ្យមនុស្សរាប់សែននាក់គ្មានផ្ទះសម្បែង។ទីភ្នាក់ងារជំនួយបាននិយាយថា លំនៅឋានរាប់ពាន់ខ្នងត្រូវបានបំផ្លាញ ឬលិចលង់ ខណៈដីស្រែត្រូវបានលិចទឹក ហើយបសុសត្វរាប់ម៉ឺនក្បាលបានលង់ទឹកស្លាប់។ មន្ត្រីគ្រប់គ្រងគ្រោះមហន្តរាយម្នាក់បាននិយាយថា នៅក្នុងប្រទេសជិតខាង សូម៉ាលី ទឹកជំនន់បានសម្លាប់មនុស្សយ៉ាងហោចណាស់ ៩៦នាក់ និងធ្វើឲ្យមនុស្សជាង ៧០ម៉ឺននាក់ ផ្លាស់ទីលំនៅ។ស្រុកចំនួនបួននៅភាគខាងកើតប្រទេសកេនយ៉ា រួមមានស្រុក ថាណា រីវើ (Tana River) ស្រុកហ្ការីសា (Garissa) ស្រុកវ៉ាជឺ (Wajir) និងស្រុកម៉ានដឺរ៉ា (Mandera) ត្រូវបានរងផលប៉ះពាល់យ៉ាងធ្ងន់ធ្ងរបំផុត នេះបើតាមរដ្ឋមន្ត្រីក្រសួងមហាផ្ទៃ លោក រេម៉ុន អូម៉ូឡូ (Raymond Omollo)។ នាយកដ្ឋានឧតុនិយមកេនយ៉ា បានព្យាករណ៍ថា ភ្លៀងធ្លាក់ខ្លាំងនឹងបន្តរហូតដល់ខែមករា ឆ្នាំ២០២៤៕

រយៈពេល៣ថ្ងៃ នៃព្រះរាជពិធីបុណ្យអុំទូក មនុស្សស្លាប់ ២២នាក់ និងរបួស៦៩នាក់ ដោយសារគ្រោះថ្នាក់ចរាចរណ៍

2023/11/29 10:17:52 am        423
Facebook Telegram Linkin
ភ្នំពេញ៖ ក្នុងរយៈពេល ៣ថ្ងៃ នៃព្រះរាជពិធីបុណ្យអុំទូក និងបណ្ដែតប្រទីប និងសំពះព្រះខែ អកអំបុក គ្រោះថ្នាក់ចរាចរណ៍នៅទូទាំងប្រទេស បានបណ្ដាលឲ្យមានមនុសស្លាប់ចំនួន ២២នាក់ និងរបួសធ្ងន់ស្រាលចំនួន ៦៩នាក់ ដែលភាគច្រើនជាអ្នកជិះម៉ូតូ ។យោងតាមរបាយកាណ៍របស់អគ្គស្នងការនគរបាលជាតិ បានឲ្យដឹងថា ក្នុងរយៈពេល ៣ថ្ងៃនោះ គឺថ្ងៃ​ទី២៦ មានស្លាប់ ចំនួន៥នាក់ និងរងរបួសសរុបចំនួន ៩នាក់, ថ្ងៃទី២៧ ស្លាប់ចំនួន ៣នាក់ និងរងរបួសសរុប ១៨នាក់ និងនៅថ្ងៃទី២៨ ស្លាប់ចំនួន ១៤នាក់ និងរងរបួសចំនួន ៤២នាក់ ។ប្រភពបានបន្តថា មូលហេតុបណ្ដាលឲ្យមានគ្រោះថ្នាក់ចរាចរណ៍ បង្កឡើង​ដោយសារ​បើកបរ​លើស​ល្បឿនកំណត់, មិនគោរពសិទ្ធិ, មិនប្រកាន់ស្តាំ, បត់គ្រោះថ្នាក់, ប្រជែងគ្រោះថ្នាក់, កត្តា​យានយន្ត និងបើកបរក្នុងស្ថានភាពស្រវឹង ៕

អង្គការសុខភាពពិភពលោកព្រមានថា ជំងឺអាចសម្លាប់មនុស្សច្រើនជាងការទម្លាក់គ្រាប់បែកនៅហ្កាហ្សាទៅទៀត

2023/11/29 09:44:11 am        219
Facebook Telegram Linkin
ការវាយលុករបស់អ៊ីស្រាអែលលើតំបន់ហ្កាហ្សាស្ទ្រីបបានសម្លាប់មនុស្សជាង ១៥.០០០ នាក់រួចមកហើយ ភាគច្រើននៃពួកគេបានស្លាប់នៅក្នុងការវាយប្រហារតាមអាកាសដ៏បំផ្លិចបំផ្លាញដែលបានប្រែក្លាយភូមិឋាននានាទៅជាគំនរថ្មបាក់បែក។ប៉ុន្តែ អង្គការសុខភាពពិភពលោកព្រមានថា មនុស្សកាន់តែច្រើនអាចស្លាប់ដោយសារជំងឺជាងគ្រាប់បែកប្រសិនបើប្រព័ន្ធសុខភាពនៃតំបន់ដែលត្រូវបានរងការឡោមព័ទ្ធមិនត្រូវបានជួសជុលនោះទេ។គ្មានថ្នាំពេទ្យ គ្មានសកម្មភាពចាក់វ៉ាក់សាំង គ្មានលទ្ធភាពទទួលបានទឹកស្អាត និងអនាម័យ និងគ្មានអាហារ។ លោកស្រី ម៉ាហ្ការ៉េត ហារីស (Margaret Harris) អ្នកនាំពាក្យរបស់អង្គការសុខភាពពិភពលោក កាលពីថ្ងៃអង្គារបាននិយាយថា ទីភ្នាក់ងារនេះកំពុងមើលឃើញការកើនឡើងដ៏គ្រោះថ្នាក់ នៃជំងឺរាគរូសចំពោះកុមារប៉ាឡេស្ទីន។ លោកស្រីនិយាយថា យើងបានឃើញករណីជំងឺរាគក្នុងចំណោមទារកដ៏ច្រើន ជាថ្មីម្តងទៀត ហើយ គ្មានការព្យាបាលសម្រាប់ពួកគេទេ។ អ្នកដឹងទេ ប្រសិនបើអ្នកមានកូនដែលមានជំងឺរាគ អ្នកត្រូវផ្តល់ជាតិទឹកដល់ពួកគេឡើងវិញ ដើម្បីបន្តរហូតដល់ពួកគេធូរស្រាល ហើយប្រសិនបើអ្នកមិនអាចធ្វើបានទេ ពួកគេអាចស្លាប់យ៉ាងឆាប់រហ័សដោយសារកង្វះជាតិទឹក។ លោកស្រី Harris បានបន្ថែមថា ជិតបីភាគបួននៃមន្ទីរពេទ្យ ឬ ២៦ ក្នុងចំណោមមន្ទីរ៣៦កន្លែង បានបិទទាំងស្រុងនៅតំបន់ហ្កាហ្សា ដោយសារតែការទម្លាក់គ្រាប់បែក ឬកង្វះប្រេងឥន្ធនៈ។ នៅក្រោមលក្ខខណ្ឌនៃការផ្អាកការប្រយុទ្ធ អ៊ីស្រាអែលបានអនុញ្ញាតឱ្យជំនួយបន្ថែមទៀតហូរចូលទៅក្នុងតំបន់ហ្កាហ្សា រួមទាំងអាហារ ទឹក និងថ្នាំពេទ្យ ទោះបីជាភ្នាក់ងារផ្ដល់ជំនួយនិយាយថាបទឈប់បាញ់រយៈពេលខ្លីនេះ មិនគ្រប់គ្រាន់ដើម្បីបំពេញតម្រូវការដ៏ធំធេងក៏ដោយ៕

សម្ដេច​ធិបតី៖ព្រះរាជពិធីបុណ្យអុំទូកឆ្នាំនេះបញ្ចប់ទៅដោយជោគជ័យមានសន្តិសុខសណ្ដាប់ធ្នាប់ល្អ

2023/11/29 09:05:43 am        413
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បាន​កោតសរសើរ និងវាយតម្លៃខ្ពស់ចំពោះគណៈកម្មការរៀបចំពិធីបុណ្យអុំទូក បណ្តែតប្រទីប សំពះព្រះខែ និង​អកអំបុកឆ្នាំនេះ ដែលមានសាលារាជធានីភ្នំពេញ សមត្ថកិច្ចគ្រប់អង្គភាព និងរាល់ក្រសួង ស្ថាប័នពាក់ព័ន្ធ ដែលបានសហការគ្នាក្នុងការរៀបចំពិធី ដែលបានប្រព្រឹត្តទៅដោយរលូន មានសន្តិសុខសណ្ដាប់ធ្នាប់ល្អ ដែលបង្កលក្ខណៈឱ្យប្រជាពលរដ្ឋបានចូលរួមសប្បាយរីករាយ។សម្ដេច​ធិបតី​ នាយករដ្ឋមន្រ្ដី និង​ភរិយាមានការសប្បាយរីករាយយ៉ាងខ្លាំងដែលបានចូលរួមនៅក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅឆ្នាំ២០២៣នេះ។ សម្ដេច​ធិបតីថ្លែង​ថា ឆ្នាំនេះមានបងប្អូនប្រជាពលរដ្ឋខ្មែរទាំងអ្នករាជធានីភ្នំពេញ និងអ្នកមកពីតាមបណ្ដាខេត្ត ក៏ដូចជាជនជាតិបរទេសដែលមានវត្តមាននៅព្រះរាជាណាចក្រកម្ពុជាបានចូលរួមយ៉ាងច្រើនកុះករ ក្នុងរយៈពេល៣ថ្ងៃនេះ។ សម្ដេច​បានកោតសរសើរ និងវាយតម្លៃខ្ពស់ចំពោះគណៈកម្មការរៀបចំពិធីបុណ្យអុំទូក បណ្តែតប្រទីប សាលារាជធានីភ្នំពេញ សមត្ថកិច្ចគ្រប់អង្គភាព និងរាល់ក្រសួង ស្ថាប័នពាក់ព័ន្ធ ដែលបានសហការគ្នាក្នុងការរៀបចំពិធី ដែលបានប្រព្រឹត្តទៅដោយរលូន មានសន្តិសុខសណ្ដាប់ធ្នាប់ល្អ ដែលបង្កលក្ខណៈឱ្យប្រជាពលរដ្ឋបានចូលរួមសប្បាយរីករាយ។ ខ្ញុំសូមសរសើរចំពោះបងប្អូនគណៈកម្មការគ្រប់គ្រងការប្រកួតក៏ដូចជាកីឡាករ កីឡាការនីដែលចូលរួមក្នុងការប្រណាំងទូក និងក្រុមការងារពាក់ព័ន្ធទាំងអស់ដែលបានខិតខំអស់កម្លាំងកាយចិត្តក្នុងការគ្រប់គ្រងការប្រកួត ក៏ដូចជាខិតខំប្រកួតដោយស្មារតីសាមគ្គីភាព និងគោរពគ្នាទៅវិញទៅមក ដែលធ្វើឱ្យការប្រកួតអុំទូកនេះមានភាពជោគជ័យជារួម ទោះជាលទ្ធផលយ៉ាងណាក៏ដោយសម្រាប់ទូកនីមួយៗ។ សម្ដេច​ធិបតី ថ្លែង​អំណរគុណ ដល់បណ្ដាក្រសួងស្ថាប័ន និងក្រុមហ៊ុនឯកជនដែលបានចូលរួមរៀបចំប្រទីបស្អាតៗទាំងសោភ័ណភាព ទាំងអត្ថន័យល្អៗ ដើម្បីបង្ហាញដល់បងប្អូនប្រជាពលរដ្ឋបានទស្សនាក្នុងពេលរាត្រី ក្រោយពេលប្រណាំងទូកបានបញ្ចប់ក្នុងថ្ងៃនីមួយៗ។ ជាមួយគ្នានេះដែរការរៀបចំកន្លែងកម្សាន្ត​ និង​ការប្រគំតន្ត្រីជាច្រើនកន្លែង បានញ៉ាំងឱ្យពិធីនេះកាន់តែមានភាពអធិកអធម និងសប្បាយរីករាយសម្រាប់ប​ងប្អូនប្រជាពលរដ្ឋនៅទូទាំងប្រទេស​មកលេងកម្សាន្ត។​ជាមួយគ្នានេះ សម្ដេច​ធិបតី ក៏បានថ្លែងអំណរគុណដល់ក្រុមការងារសម្តែងគ្រប់ប្រភេទ ក៏ដូចសិល្ប:ករ សិល្បៈ ការីនីទាំងអស់ ដែលបានផ្តល់នូវផ្ទាំងទស្សនីយភាពរីករាយ និងការរាំលេងកំសាន្តគ្រប់ទីកន្លែងដល់​មហាជន ប្រកបដោយភាពស្រស់ស្រាយ និងសប្បាយអឺងកង ។ សម្ដេច​ធិបតីបញ្ជាក់ថា ភាពជោគជ័យនេះ អាចសម្រេចទៅបាន គឺដោយសារការចូលរួមចំណែកពីគ្រប់បណ្តាក្រុមការងារពាក់ព័ន្ធ ជាពិសេសកងកម្លាំងគ្រប់ប្រភេទ ដែលបានលះបង់ពេលវេលា និងកម្លាំងកាយចិត្តធ្វើយ៉ាងណាធានាឱ្យបានសេចក្តីសុខ សុវត្ដិភាព សណ្តាប់ធ្នាប់សាធារណៈ និងបង្កលក្ខណ:គ្រប់បែបយ៉ាង ដើម្បីបម្រើដល់ដំណើរការនៃព្រះរាជពិធីបុណ្យជាតិនេះឱ្យប្រព្រឹត្តទៅដោយភាពអធិកអធម និងសប្បាយរីករាយបំផុត៕អត្ថបទ៖ វ៉ន ដារ៉ា 

ឯកឧត្តមសាស្រ្តាចារ្យ ឈាង រ៉ា ថ្លែងអំណរគុណមន្រ្តីសុខាភិបាលខិតខំប្រចាំការ នាឱកាសព្រះរាជពិធីបុណ្យអុំទូក

2023/11/28 12:32:37 pm        71
Facebook Telegram Linkin
ភ្នំពេញ៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល អមដោយថ្នាក់ដឹកនាំក្រសួងសុខាភិបាល បានអញ្ជើញជួបសំណេះសំណាល និងថ្លែងអំណរគុណដល់មន្រ្តីសុខាភិបាល ដែលបានចូលរួមលះបង់ពេលវេលា ទាំងកម្លាំងកាយចិត្ត ក្នុងការផ្តល់សេវាសុខាភិបាលជូនដល់ប្រជាពលរដ្ឋ ដោយប្រសិទ្ធិភាពខ្ពស់ នាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣,នាព្រឹកថ្ងៃទី២៨ ខែវិចិ្ឆកានេះ។ឯកឧត្តមសាស្ត្រាចារ្យរដ្ឋមន្រ្តី សូមធ្វើការកោតសសើរ និងវាយតម្លៃខ្ពស់ដល់ក្រុមគ្រូពេទ្យប្រចាំការ ក្រុមរថយន្តគិលានសង្រ្គោះ ដែលបានបំពេញការងារក្នុងរយ:ពេល៣ថ្ងៃនេះ បានយ៉ាងល្អប្រសើរ។ ឯកឧត្តមសាស្ត្រាចារ្យរដ្ឋមន្រ្តី ក៏បានស្នើឱ្យមន្រ្តីសុខាភិបាលទាំងអស់ យកចិត្តទុកដាក់ និងខិតខំបន្តទៀតក្នុងការផ្តល់សេវាសុខាភិបាលជូនប្រជាពលរដ្ឋ នាថ្ងៃចុងក្រោយ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក។ឆ្លៀតក្នុងឱកាសដ៏ពិសេសនេះ ឯកឧត្តមសាស្រ្តាចារ្យរដ្ឋមន្រ្តី បានរំលឹកបន្ថែមអំពីសារៈសំខាន់ និងអត្ថន័យនៃការជួយសង្រ្គោះអាទិភាព មានចំនួន ៤ពណ៌ ដែលក្រុមគិលានសង្រ្គោះត្រូវយកចិត្តទុកក្នុងការជួយដល់ជនរងគ្រោះ ដើម្បីបង្កើនប្រសិទ្ធិភាពថែមទៀតលើការងារជួយសង្រ្គោះ នៅតាមពិធីបុណ្យជាតិធំៗ ដែលមានមនុស្សច្រើន និងករណីមានការឡើងជាយថាហេតុណាមួយ។ជាចុងក្រោយ ឯកឧត្តមសាស្រ្តាចារ្យរដ្ឋមន្រ្តី ក៏បានថ្លែងអំណរគុណដល់មន្រ្តីសុខាភិបាលពាក់ព័ន្ធ ជាពិសេសក្រុមគ្រូពេទ្យប្រចាំការ និងក្រុមគិលានសង្រ្គោះដែលបានលះបង់ទាំងកម្លាំងកាយចិត្ត ចូលរួមបំពេញភារកិច្ច ដើម្បីផ្តល់សេវាជូនប្រជាពលរដ្ឋនាឱកាសដ៏វិសេសវិសាលនេះ។ ឯកឧត្តមរដ្ឋមន្រ្តី សូមជូនពរដល់ប្រជាពលរដ្ឋទាំងអស់ ទទួលបាននូវសុខភាពល្អ និងសប្បាយរីករាយ នាឱកាសព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នេះ។សូមបញ្ជាក់ថា ក្រសួងសុខាភិបាលបានត្រៀមក្រុមគ្រូពេទ្យ និងរថយន្តគិលានុសង្រ្គោះ សរុបចំនួន ៧០គ្រឿង ដែលមានរថយន្តប្រចាំការតាមគោលដៅ ចំនួន ៥០គ្រឿង រថយន្តគ្លីនិកចល័ត ចំនួន ៤គ្រឿង និងជម្រកតង់ពិនិត្យសុខភាពដើម្បីផ្តល់សេវាសុខាភិបាល ចំនួន១៥កន្លែង ដែលផ្តល់សេវា២៤ម៉ោងលើ២៤ម៉ោង។ ដោយឡែកនៅទីស្តីការក្រសួងសុខាភិបាល ក៏បានត្រៀមរថយន្តគិលានសង្រ្គោះ ចំនួន២០គ្រឿង ដើម្បីប្រចាំការត្រៀមអន្តរាគមន៍សង្រ្គោះបន្ទាន់ក្នុងករណីចាំបាច់បំផុតផងដែរ៕

បណ្ដាញសង្គម

ព័ត៌មានថ្មីៗ

ព្រះមហាក្សត្រម៉ាឡេស៊ី នឹងបំពេញព្រះរាជទស្សនកិច្ចផ្លូវរដ្ឋ នៅរុស្ស៊ី ដើម្បីជួយជាមួយលោក Putin
08/02/2025 03:08 PM
Facebook Telegram Linkin
ចិនប្រកាសការព្រមានជាថ្មី អំពីព្យុះភ្លៀង និងសីតុណ្ហភាពខឡើងក្ដៅខ្លាំង
08/02/2025 03:08 PM
Facebook Telegram Linkin
ភ្នំភ្លើង Lewotobi Laki-laki របស់ឥណ្ឌូណេស៊ី ផ្ទុះម្តងទៀត ដោយព្រួសផេះកម្ពស់ ១៨គីឡូម៉ែត្រ
08/02/2025 03:08 PM
Facebook Telegram Linkin
ការវាយប្រហារដោយយានដ្រូនរបស់អ៊ុយក្រែន សម្លាប់មនុស្ស ៣នាក់ នៅរុស្ស៊ី
08/02/2025 03:08 PM
Facebook Telegram Linkin
វិស័យឯកជនសាទរ ចំពោះការទម្លាក់អត្រាពន្ធបដិកាលើការនាំចូលទំនិញកម្ពុជារបស់សហរដ្ឋអាមេរិក
08/02/2025 03:08 PM
Facebook Telegram Linkin
ក្រសួងទេសចរណ៍៖ កម្ពុជានៅតែជាគោលដៅទេសចរណ៍សុវត្ថិភាព និងរាក់ទាក់ស្វាគមន៍
08/02/2025 03:08 PM
Facebook Telegram Linkin
មេដឹកនាំហ្វីលីពីនសម្លឹងដល់ពាណិជ្ជកម្ម និងវិស័យការពារជាតិ អំឡុងទស្សនកិច្ចផ្លូវរដ្ឋ នៅឥណ្ឌា
08/02/2025 02:08 PM
Facebook Telegram Linkin
មេដឹកនាំអង់គ្លេស និងអ៊ុយក្រែន ស្វាគមន៍ឱសានវាទថ្មីរបស់លោក Trump សម្រាប់រុស្ស៊ី ជុំវិញបទឈប់បាញ់
08/02/2025 01:08 PM
Facebook Telegram Linkin
ប្រធានាធិបតីអាមេរិក Trump បន្តរក្សាអត្រាពន្ធធ្ងន់ធ្ងរបំផុត សម្រាប់ឡាវ មីយ៉ាន់ម៉ា និងស៊ីរី
08/02/2025 01:08 PM
Facebook Telegram Linkin
ក្រសួងមុខងារសាធារណៈ រៀបចំការប្រឡងជ្រើសរើសមន្ត្រីសម្រាប់ពីរក្រសួង-ស្ថាប័នក្នុងថ្ងៃតែមួយ
08/02/2025 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.