BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

នគរបាលនៅវិមាន Capitol ប៉ះទង្គិចជាមួយបាតុករកំពុងទាមទារបទឈប់បាញ់នៅហ្កាហ្សា

មន្ត្រីនគរបាលនៅវិមាន Capitol សហរដ្ឋអាមេរិក ក្នុងសម្លៀកបំពាក់បង្ក្រាបកុបកម្ម បានប៉ះទង្គិចជាមួយបាតុកររាប់សិបនាក់ ដែលបានមកប្រមូលផ្តុំគ្នានៅខាងក្រៅទីស្នាក់ការគណៈកម្មាធិការជាតិប្រជាធិបតេយ្យ (DNC) ក្នុងទីក្រុងវ៉ាស៊ីនតោន កាលពីល្ងាចថ្ងៃពុធ ដើម្បីទាមទារបទឈប់បាញ់នៅហ្កាហ្សា។ ការតវ៉ានេះ ត្រូវបានរៀបចំឡើងដោយក្រុមតស៊ូមតិចំនួនបីក្រុម និងបានធ្វើឡើងនៅក្នុងតំបន់មួយក្បែរវិមាន Capitol សហរដ្ឋអាមេរិក។ សមាជិកសភា ដែលនៅខាងក្នុងអគារគណៈកម្មាធិកាជាតិ DNC បាននិយាយថា នគរបាលបានជម្លៀសពួកគេចេញពីតំបន់នោះ។ នគរបាលនៅ វិមានCapitol សហរដ្ឋអាមេរិក បាននិយាយថាក្រុមមន្រ្តីកំពុងធ្វើការដើម្បីទប់ស្កាត់មនុស្សប្រមាណ ១៥០ នាក់ដែលបានធ្វើការតវ៉ាដោយខុសច្បាប់ និងដោយហិង្សា។ នគរបាលនៅវិមានCapitol បាននិយាយនៅលើប្រព័ន្ធផ្សព្វផ្សាយសង្គមថា មនុស្សម្នាក់ត្រូវបានចាប់ខ្លួនពីបទបំពានមកលើមន្រ្តីម្នាក់។ អ្នករៀបចំ បានច្រានចោលការចោទប្រកាន់ថាបាតុករបង្កអំពើហិង្សា។ បាតុកម្មសាធារណៈជាច្រើន រួមមានទាំងគាំទ្រប៉ាឡេស្ទីន និងគាំទ្រអ៊ីស្រាអែល បានផ្ទុះរាលដាល នៅជុំវិញពិភពលោក ចាប់តាំងពីខ្មាន់កាំភ្លើងក្រុមហាម៉ាស បានវាយលុកចូលអ៊ីស្រាអែលភាគខាងត្បូងកាលពីថ្ងៃទី ៧ ខែតុលា ដោយបានសម្លាប់មនុស្ស ១.២០០នាក់ និងបានចាប់ចំណាប់ថ្នូរប្រហែល ២៤០ នាក់ត្រឡប់ទៅតំបន់ហ្កាហ្សាវិញ។សមាជិកសភាលោក Sean Casten បាននិយាយថា លោកត្រូវបានជម្លៀសចេញពីអគារគណៈកម្មាធិការជាតិ DNC បន្ទាប់ពី ត្រូវបានហ៊ុមព័ទ្ធដោយក្រុមបាតុករ ដែលបានរារាំងគ្រប់ទម្រង់នៃច្រកចូលនិងច្រកចេញ។ លោកនិយាយថា យើងត្រូវបានជួយសង្គ្រោះដោយមន្ត្រីប្រដាប់អាវុធ ដែលពុំបានដឹងពីចេតនារបស់ក្រុមបាតុករ ពួកគេដឹងតែថាសមាជិកសភានៅខាងក្នុង មិនអាចចាកចេញបាននោះទេ ហើយបាតុករមិន ឲ្យនគរបាលឆ្លងកាត់បាន។

រុស្ស៊ី បានដំឡើងមីស៊ីលនុយក្លេអ៊ែរល្បឿនលឿនជាងសំឡេងមួយគ្រឿងទៀត

ទីភ្នាក់ងារព័ត៌មាន Interfax បានដកស្រង់សម្តីក្រសួងការពារជាតិរុស្ស៊ី បាននិយាយនៅថ្ងៃព្រហស្បតិ៍ (១៦ វិច្ឆិកា) នេះថា ប្រទេសរុស្ស៊ីបានដាក់មីស៊ីលនុយក្លេអ៊ែរយុទ្ធសាស្ត្រមួយផ្សេងទៀត ដែលបំពាក់ដោយយាន អាវេងហ្គាដ (Avangard) លឿនជាងសំឡេង ដែលនិយាយថាជាចម្លើយរបស់ខ្លួនចំពោះប្រព័ន្ធការពារមីស៊ីលរបស់សហរដ្ឋអាមេរិក។ដោយត្រូវបានដំឡើងនៅឯមូលដ្ឋានមួយក្នុងខេត្ត អូរ៉េនប៊ឺក (Orenburg) ភាគនិរតីនៃប្រទេសរុស្ស៊ី យាន អាវេងហ្គាដ អាចផ្ទុកដោយមីស៊ីលបាលិស្ទិកអន្តរទ្វីប និងធ្វើដំណើរក្នុងល្បឿនរហូតដល់ ២៧ដងនៃល្បឿនសំឡេង ពោលគឺប្រហែល ៣៤.០០០គីឡូម៉ែត្រក្នុងមួយម៉ោង នៅពេលដែលវាហោះឆ្ពោះទៅរកគោលដៅរបស់វា។មីស៊ីលប្រភេទនេះ គឺពិបាកសម្រាប់ប្រព័ន្ធការពារមីស៊ីលដើម្បីស្ទាក់ចាប់ ហើយរុស្ស៊ី ចាត់ទុកថាវាជាគន្លឹះក្នុងការរក្សាបាននូវស្ថានភាពនុយក្លេអ៊ែរនៃការបំផ្លាញគ្នាទៅវិញទៅមកឲ្យខ្ទេច។ រុស្ស៊ីបានដំឡើងមីស៊ីលបំពាក់ដោយយាន អាវេងហ្គាដ នេះជាលើកដំបូងរបស់ខ្លួនក្នុងឆ្នាំ២០១៩ នៅមូលដ្ឋានមួយក្នុងខេត្ត អូរ៉េនប៊ឺក ដដែលនោះ៕

ប្រព័ន្ធផ្សព្វផ្សាយ Watch ៖ កងកម្លាំងអ៊ីស្រាអែល បំផ្ទុះអគាររដ្ឋាភិបាលហាម៉ាសនៅហ្កាហ្សា

កងកម្លាំងអ៊ីស្រាអែល បានបំផ្ទុះអគាររដ្ឋាភិបាលធំរបស់ក្រុមហាម៉ាសនៅតំបន់ហ្កាហ្សា ហើយក៏បានវាយឆ្មក់ចូល បន្ទាប់មកសម្រុកចូលមន្ទីរពេទ្យធំរបស់ក្រុមហាម៉ាស មុនពេលដកថយ។វីដេអូដែលផ្សាយដោយបណ្តាញព័ត៌មានរបស់អ៊ីស្រាអែល បានបង្ហាញអគាររដ្ឋាភិបាលបេតុច្រើនជាន់ ត្រូវបានបំផ្លាញដោយការផ្ទុះដ៏ខ្លាំងមួយ។ទាហានអ៊ីស្រាអែល ក៏បានចូលទៅក្នុងមន្ទីរពេទ្យ Al Shifa ដោយផ្តោតលើអ្វីដែលពួកគេនិយាយថា ជាមជ្ឈមណ្ឌលបញ្ជាការរបស់ក្រុមហាម៉ាស ដែលលាក់នៅក្នុងផ្លូវរូងក្រោមដីនៅក្រោមអគារ ដែលជាកន្លែងដែលអ្នកជំងឺ ជនស៊ីវិល និងបុគ្គលិករាប់ពាន់នាក់ កំពុងជ្រកកោន។នៅពេលដែលពួកគេបានឆែកឆេរពីបន្ទប់មួយទៅបន្ទប់មួយនៃមណ្ឌលសុខភាពដ៏ធំបំផុតរបស់ដែនដី ប្រតិ បត្តិការនេះ បានបង្កឲ្យមានការថ្កោលទោសពីអង្គការសហប្រជាជាតិ និងការអំពាវនាវជាថ្មីឲ្យមានបទឈប់បាញ់ ដើម្បីបញ្ឈប់ការវាយលុកយោធារបស់អ៊ីស្រាអែល។លោក តេដ្រូស អាដហាណុម ហ្គឺប្រ៊ីយេស៊ុស (Tedros Adhanom Ghebreyesus) អគ្គលេខាធិការនៃអង្គការសុខភាពពិភពលោក បានហៅការវាយឆ្មក់របស់អ៊ីស្រាអែលទៅលើមន្ទីរពេទ្យ Al Shifa ថា «មិនអាចទទួលយកបានទាល់តែសោះ » ហើយបានបន្ថែមថា«មន្ទីរពេទ្យ មិនមែនជាសមរភូមិទេ»។

របាយការណ៍ IAEA៖ ការពង្រឹងនុយក្លេអ៊ែររបស់អ៊ីរ៉ង់ មានភាពជឿនលឿនជិតដល់កម្រិតគ្រាប់បែកនុយក្លេអ៊ែរ

របាយការណ៍សម្ងាត់របស់ទីភ្នាក់ងារថាមពលអាតូមិកអន្តរជាតិ (IAEA) បានបង្ហាញកាលពីថ្ងៃពុធ (១៥ វិច្ឆិកា) ថា អ៊ីរ៉ង់មានសារធាតុអ៊ុយរ៉ានីញ៉ូម គ្រប់គ្រាន់រហូតដល់ ៦០% នៃភាពបរិសុទ្ធ ខិតជិតដល់កម្រិតថ្នាក់អាវុធ សម្រាប់គ្រាប់បែកអាតូមិកចំនួនបីគ្រាប់ នេះបើតាមនិយមន័យរបស់ទីភ្នាក់ងារថាមពលអាតូមិកអន្តរជាតិ ហើយអ៊ីរ៉ង់នៅតែកំពុងរារាំងទីភ្នាក់ងារនេះលើបញ្ហាសំខាន់ៗជាច្រើន។ការរីកចម្រើនឥតឈប់ឈររបស់អ៊ីរ៉ង់ ក្នុងការពង្រឹងនុយក្លេអ៊ែរបានឈានដល់កម្រិតខ្ពស់បំផុត ខណៈខកខានមិនបានផ្តល់ឱ្យទីភ្នាក់ងារថាមពលបរមាណូអន្តរជាតិ ជាមួយនឹងកិច្ចសហប្រតិបត្តិការដែលខ្លួនទាមទារក្នុងបញ្ជីបញ្ហាដែលកំពុងកើនឡើង បង្ហាញពីបញ្ហាប្រឈមសម្រាប់ទីភ្នាក់ងារមួយនេះ និងមហាអំណាចលោកខាងលិច ដែលបានអំពាវនាវម្តងហើយម្តងទៀតឱ្យអ៊ីរ៉ង់ ផ្លាស់ប្តូរគម្រោងអាវុធរបស់ខ្លួន។ស្តុកអ៊ុយរ៉ានីញ៉ូម របស់អ៊ីរ៉ង់ ដែលចម្រាញ់បានរហូតដល់ ៦០% បានកើនឡើងពី ៦,៧គីឡូក្រាម ដល់ ១២៨,៣គីឡូក្រាម ចាប់តាំងពីរបាយការណ៍ចុងក្រោយកាលពីថ្ងៃទី៤ ខែកញ្ញា ដែលជារបាយការណ៍មួយក្នុងចំណោមរបាយការណ៍ពីរទៅកាន់រដ្ឋសមាជិករបស់UN។ នោះគឺច្រើនជាងបីដងនៃទម្ងន់ប្រហែល ៤២គីឡូក្រាម ដែលតាមនិយមន័យរបស់ទីភ្នាក់ងារ IAEA គឺគ្រប់គ្រាន់តាមទ្រឹស្តីសម្រាប់គ្រាប់បែកនុយក្លេអ៊ែរ ប្រសិនបើបង្កើនបន្ថែមទៀត។អ៊ីរ៉ង់មានផ្ទុកសារធាតុអ៊ុយរ៉ានីញ៉ូមគ្រប់គ្រាន់ដើម្បីបន្ថយកម្រិតសម្រាប់គ្រាប់បែកបន្ថែមទៀត ប៉ុន្តែខ្លួនបដិសេធមិនព្យាយាមបង្កើតអាវុធបែបនេះនោះទេ ប៉ុន្តែទោះជាយ៉ាងណាក៏ដោយ ភាពតានតឹងរវាងទីភ្នាក់ងារ IAEA និងអ៊ីរ៉ង់ នៅតែកើនឡើងជាបន្តបន្ទាប់៕

ក្រុមគ្រូពេទ្យបារម្ភថា មន្ទីរពេទ្យដែលកំពុងជួបការលំបាកក្នុងប្រទេសលីបង់ អាចដួលរលំ ប្រសិនបើសង្រ្គាម កាន់តែតានតឹងឡើង

ពីការិយាល័យរបស់ខ្លួនដែលមើលពីលើព្រំដែនជាមួយអ៊ីស្រាអែល លោកវេជ្ជបណ្ឌិត Mounes Klakesh អាចឮសំឡេងកាំភ្លើងធំ និងការវាយប្រហារតាមអាកាស ដែលបានធ្លាក់ទៅលើទីក្រុងលីបង់ក្បែរនោះ។ ការវាយប្រហារកាន់តែខ្លាំងឡើង បានធ្វើឲ្យបុគ្គលិកនៃមន្ទីរពេទ្យតូចមួយរបស់ខ្លួន ស្ថិតក្នុងស្ថានភាពគ្រោះថ្នាក់។លោក Klakesh បាននិយាយថា៖«យើងត្រូវតែព្យាបាលមនុស្សចំនួន ៥១នាក់ ដែលរងរបួសដោយការផ្ទុះនៅក្នុងខែមុន ឬច្រើនជាងនេះ។ អ្នករបួស១៧នាក់ក្នុងចំណោមអ្នកទាំងនោះ បានស្លាប់ ឬ បានមកដល់ស្លាប់ ហើយបើច្រើនជាងនេះទៅទៀតនោះ យើងនឹងកាន់តែលំបាកទៀត។លោក Klakesh ប្រធានមន្ទីរពេទ្យ Marjayoun នៅប្រទេសលីបង់ភាគខាងត្បូង បាននិយាយថា វាបម្រើមនុស្សជិត ៣០០.០០០ នាក់នៅក្នុងតំបន់នេះ។ មន្ទីរពេទ្យនេះ មានគ្រែសង្គ្រោះបន្ទាន់ចំនួន ១៤ ហើយពិបាកក្នុងការដំណើរការ ដោយសារតែខ្វះបុគ្គលិក ហើយសំខាន់ គឺកង្វះប្រេងឥន្ធនៈ។លោក Klakesh បាននិយាយថា មន្ទីរពេទ្យដំណើរការដោយម៉ាស៊ីនភ្លើងចំនួន២០ម៉ោងក្នុងមួយថ្ងៃ ហើយត្រូវចំណាយរហូតដល់ ២០.០០0 ដុល្លារក្នុងមួយខែសម្រាប់ប្រេងឥន្ធនៈ។ គ្មានលុយនោះ មកពី រដ្ឋាភិបាលទៀតទេ។ យើងពឹងផ្អែកលើមូលនិធិដែលមន្ទីរពេទ្យទទួលបានពីមួយសប្តាហ៍ទៅមួយសប្តាហ៍។-

រុស្ស៊ី វាយប្រហារដោយមីស៊ីលទៅលើតំបន់ Donetsk របស់អ៊ុយក្រែន

អ៊ុយក្រែននិយាយថា យោធារុស្ស៊ី បានទម្លាក់គ្រាប់បែកទៅលើទីប្រជុំជនមួយកន្លែងនៅភាគខាងកើត តំបន់ Donetsk របស់អ៊ុយក្រែន។ ប្រធានាធិបតីអ៊ុយក្រែន លោក Volodymyr Zelenskyy អះអាងថា ប្រធានាធិបតីរុស្ស៊ី លោក Vladimir Putin ចង់បានលទ្ធផលមុនការបោះឆ្នោតប្រធានាធិបតីរុស្ស៊ី ដែលគ្រោងធ្វើនៅខែមីនា។ អាជ្ញាធរក្នុងតំបន់ Donetsk និយាយថា កងកម្លាំងរុស្ស៊ី បានវាយប្រហារដោយមីស៊ីលទៅលើតំបន់លំនៅឋានមួយកន្លែងក្នុងទីក្រុង Selydove កាលពីព្រឹកថ្ងៃពុធ បណ្តាលឲ្យមនុស្សពីរនាក់ស្លាប់ និងបីនាក់ផ្សេងទៀតរងរបួស។ លោក Zelenskyy និយាយថា ការវាយលុករបស់រុស្ស៊ីមានសភាពធ្ងន់ធ្ងរ ជាពិសេសនៅតំបន់ Donetsk ។ លោកអះអាងថា លោកPutin ចង់បង្ហាញថា យ៉ាងហោចណាស់ទទួលបានលទ្ធផលយុទ្ធសាស្ត្រមួយចំនួនលើកដំបូងនៅពាក់កណ្តាលខែធ្នូ។វិទ្យាស្ថានសិក្សាពីសង្គ្រាម Think Tank របស់សហរដ្ឋអាមេរិក បាននិយាយនៅក្នុងការវិភាគកាលពីថ្ងៃអង្គារថា កងកម្លាំងរុស្ស៊ីទំនងជាកំពុងព្យាយាមដណ្តើមយកតាមគំនិតផ្តួចផ្តើមកម្រិតថ្នាក់តំបន់នៅអ៊ុយក្រែនដោយធ្វើប្រតិបត្តិការវាយលុកដំណាលគ្នាជាច្រើននៅភាគខាងកើតប្រទេសអ៊ុយក្រែន។វិទ្យានស្ថានេះបាននិយាយថា វានៅតែមិនច្បាស់ ថាតើកងកម្លាំងរុស្ស៊ីនឹងអាចដណ្តើមបានទាំងស្រុងតាមគំនិតផ្តួចផ្តើមនេះឬយ៉ាងណា ខណៈកងកម្លាំងអ៊ុយក្រែននៅរក្សាសម្ពាធលើតំបន់សំខាន់ៗនៅសមរភូមិមុខ។ប្រធានការិយាល័យប្រធានាធិបតីអ៊ុយក្រែន លោក Andriy Yermak បាននិយាយក្នុងអំឡុងសុន្ទរកថានៅសហរដ្ឋអាមេរិក កាលពីថ្ងៃចន្ទថា កងកម្លាំងរបស់ប្រទេសលោក បានបង្កើតមូលដ្ឋានឈរជើងនៅលើច្រាំងភាគខាងកើតទន្លេ Dnipro ហើយកងកម្លាំងកំពុងធ្វើឲ្យគ្មានយោធានៅតំបន់គ្រីម៉េ ជាជំហានៗ។ លោក Vladimir Saldo ជាមេដឹកនាំដែលត្រូវបានលើកបន្តុបដោយរុស្ស៊ីនៅទីក្រុង Kherson របស់អ៊ុយក្រែន បាននិយាយនៅលើប្រព័ន្ធផ្សព្វផ្សាយសង្គមកាលពីថ្ងៃពុធថា កងកម្លាំងអ៊ុយក្រែនកំពុងបញ្ជូនយោធាជាច្រើនឆ្លងកាត់ទន្លេ។-

មនុស្សរាប់ពាន់នាក់តវ៉ានៅក្នុងទីក្រុងMadrid ជុំវិញការលើកលែងទោសក្រុមផ្តាច់ខ្លួន បន្ទាប់ពីការជជែកដេញដោលតាមការស៊ើបអង្កេតដ៏តានតឹង

ក្រុមអ្នកតវ៉ារាប់ពាន់នាក់ បានមកប្រមូលផ្តុំគ្នា កាលពីល្ងាចថ្ងៃពុធ នៅខាងមុខទីស្នាក់ការគណបក្សអ្នកសង្គមនិយម របស់ប្រទេសអេស្ប៉ាញ បន្ទាប់ពីការជជែកដេញដោលតាមការស៊ើបអង្កេតដ៏តានតឹង សម្រាប់អណត្តិថ្មីរបស់នាយករដ្ឋមន្ត្រីស្តីទី លោក Pedro Sanchez ។ លោក Sanchez ជាអ្នកដែលបានផ្តល់ការលើកលែងទោសដល់ក្រុមអ្នកផ្តាច់ខ្លួនតំបន់កាតាឡាន់ ជាថ្នូរសម្រាប់ការគាំទ្រ បានបង្កឲ្យមានការតវ៉ា ខណៈទទួលបានការគាំទ្រពីក្រុមផ្តាច់ខ្លួនតំបន់កាតាឡាន់ Junts និង អ៊ីស្គូរ៉ា រីផាប្លីកកាណា ដេ កាតាលុនីយ៉ា (Esquerra Republicana de Catalunya) និងក្រុមប្រចាំតំបន់ផ្សេងទៀត ដែលនឹងមានការគាំទ្រគ្រប់គ្រាន់ដើម្បីទទួលបានជ័យជម្នះក្នុងការបោះឆ្នោតត្រូវបានកំណត់ពេលនៅថ្ងៃព្រហស្បតិ៍ទី១៥ នេះ។ ដោយមានកាន់ស្លាកសញ្ញាអំណានថា«លោក Sanchez ជនក្បត់ជាតិ» និងកំពុងក្រវីទង់ជាតិអេស្ប៉ាញ មនុស្សរាប់ពាន់នាក់ បានធ្វើបាតុកម្មរយៈពេល១៣យប់ ជាប់ៗគ្នា នៅជិតទីស្នាក់ការគណបក្សអ្នកសង្គមនិយម។ កិច្ចព្រមព្រៀងលើកលែងទោសដល់ក្រុមអ្នកផ្តាច់ខ្លួន បានជំរុញឲ្យមានការតវ៉ាជាបន្តបន្ទាប់ នៅទូទាំងប្រទេសអេស្បាញ។ អាជ្ញាធរនិយាយថា មនុស្ស៨០.០០០នាក់ បានមកប្រមូលផ្តុំគ្នានៅក្នុងទីក្រុង Madrid ខណៈរាប់ម៉ឺននាក់ បានចូលរួមបាតុកម្មក្នុងទីក្រុង Granada និងទីក្រុង Seville។

កងទ័ពអ៊ីស្រាអែលនិយាយថា អាវុធរបស់ក្រុមហាម៉ាស់ និងមណ្ឌលទីបញ្ជាការ ត្រូវបានរកឃើញនៅមន្ទីពេទ្យហ្កហ្សា

អ្នកនាំពាក្យមេបញ្ជាការយោធាអ៊ីស្រាអែល ឧត្តមនាវីឯក Daniel Hagari បាននិយាយនៅក្នុងសន្និសីទសារព័ត៌មានថា កងទ័ពអ៊ីស្រាអែល បានរកឃើញសព្វាវុធ បរិក្ខាបច្ចេកវិទ្យា និងឧបករណ៍បប្រើឲ្យការប្រយុទ្ធ នៅក្នុងមន្ទីពេទ្យ Al Shifa នៅតំបន់ហ្កាហ្សាកាលពីថ្ងៃពុធ និងកំពុងបន្តការស្វែងរកនៅបរិវេណនោះ។ យោធាបានបញ្ចេញវីដេអូ ដែលពួកគេនិយាយថា បានបង្ហាញពីសម្ភារៈដែលត្រូវបានរកឃើញនៅអគារមួយដែលបានបង្ហាញនៅក្នុងមន្ទីរពេទ្យ រួមមានអាវុធស្វ័យប្រវត្តិ គ្រាប់បែក គ្រាប់រំសេវ និងអាវកាក់ដាក់គ្រាប់កាំភ្លើង។ អ៊ីស្រាអែល និយាយថា កងកម្លាំងរបស់ខ្លួនកំពុងធ្វើប្រតិបត្តិការទាំងនៅក្នុងនិងជុំវិញមន្ទីរពេទ្យធំបំផុតនៅហ្កាហ្សា គោលបំណងចម្បងក្នុងយុទ្ធនាការរបស់ខ្លួនគឺត្រូវបំផ្លាញក្រុមសកម្មប្រយុទ្ធហាម៉ាស់ប៉ាឡេស្ទីន ដែលកងទ័ពនិយាយថា មានលាក់ទុកអាវុធ និងមានមណ្ឌលទីបញ្ជាការនៅក្នុងផ្លូវរូងក្រោមដី ក្រោមអគារ។ យោធាពុំបាននិយាយអំពីការរកឃើញច្រកចូលផ្លូវរូងក្រោមដីណាមួយនោះទេនៅមន្ទីពេទ្យ Al Shifa។ កាលពីលើកមុនយោធានិយាយថាក្រុមហាម៉ាស បានសាងសង់បណ្តាញផ្លូវរូងក្រោមដីក្រោមន្ទីរពេទ្យ។ ប៉ុន្តែក្រុមហាម៉ាស បានបដិសេធ និងបានច្រានចោលសេចក្តីថ្លែងការណ៍ចុងក្រោយរបស់យោធា។

គ្រួសារអ៊ីស្រាអែលទទូចឱ្យមានកិច្ចព្រមព្រៀងចំណាប់ខ្មាំងជាមួយក្រុមហាម៉ាស ដើម្បីនាំមនុស្សជាទីស្រឡាញ់ឲ្យត្រឡប់មកផ្ទះវិញ

ក្រុមបាតុករ និងសមាជិកគ្រួសាររបស់ចំណាប់ថ្នូរអ៊ីស្រាអែលបានប្រមូលផ្តុំគ្នានៅទីក្រុង Tel Aviv កាលពីល្ងាចថ្ងៃពុធ ១៥ វិច្ឆិកា ដោយជំរុញឱ្យរដ្ឋាភិបាលទទួលយកកិច្ចព្រមព្រៀងចំណាប់ខ្មាំងជាមួយក្រុមហាម៉ាស ដើម្បីនាំយកមនុស្សជាទីស្រលាញ់របស់ពួកគេមកផ្ទះវិញ។ អ្នកស្រី សាម៉ូអែល ប្រូដាច់(Samuel Brodutch) វ័យ៧៥ឆ្នាំ ដែលសមាជិកគ្រួសារជាច្រើន របស់អ្នកស្រី ត្រូវបានគេជឿថាត្រូវបានឃុំខ្លួន នៅក្នុងតំបន់ហ្កាហ្សាស្ទ្រីប ( Gaza Strip )បាននិយាយថា ខ្ញុំមិនខ្វល់ថាយ៉ាងម៉េចទេ ខ្ញុំមិនខ្វល់អ្វីទាំងអស់ ខ្ញុំចង់ឱ្យពួកគេត្រលប់មកវិញតាំងពី៣០ថ្ងៃមុនមកម្ល៉េះ ពេលនេះមានរយៈបេល៤០ថ្ងៃហើយ ខ្ញុំយល់ថារដ្ឋាភិបាលអ៊ីស្រាអែលពុំបានធ្វើអ្វីទាំងអស់។ ខ្ញុំមិនចង់ដឹងរឿង អ្វីក្រៅពីលទ្ធផលនោះទេ រហូតមកដល់ពេលនេះ នៅតែគ្មានលទ្ធផលដដែល។ ស្លាបប្រដាប់អាវុធនៃក្រុមសកម្មប្រយុទ្ធហាម៉ាសប៉ាឡេស្ទីន បាននិយាយកាលពីថ្ងៃចន្ទថា ខ្លួនបានត្រៀមខ្លួនរួចជាស្រេចក្នុងការដោះលែងចំណាប់ខ្មាំងជាស្ត្រី និងកុមាររហូតដល់ ៧០ នាក់ ជាថ្នូរនឹងបទឈប់បាញ់រយៈពេលប្រាំថ្ងៃ និងការដោះលែងស្ត្រី និងកុមារប៉ាឡេស្ទីនចំនួន២៧៥ នាក់ដែលត្រូវបានឃុំខ្លួននៅក្នុងពន្ធនាគារអ៊ីស្រាអែល។ រហូតមកដល់ពេលនេះ លោកនាយករដ្ឋមន្ត្រីអ៊ីស្រាអែល Netanyahu បានច្រានចោលរាល់ការពិភាក្សាអំពីបទឈប់បាញ់ ដោយប្រាប់ទូរទស្សន៍ NBC News កាលពីថ្ងៃអាទិត្យថា លោកនឹងព្រមផ្អាកការប្រយុទ្ធ ប្រសិនបើចំណាប់ថ្នូរទាំងអស់ត្រូវបានដោះលែង៕

វេជ្ជបណ្ឌិតនៅមន្ទីរពេទ្យស៊ីហ្វា៖ អ្នកជំងឺក្នុងបន្ទប់សង្រ្គោះបន្ទាន់ ប្រឈមការស្លាប់ អំឡុងការវាយឆ្មក់របស់អ៊ីស្រាអែល

វេជ្ជបណ្ឌិតនៅមន្ទីរពេទ្យ អាល់ ស៊ីហ្វា (Al Shifa) នៃទីក្រុងហ្កាហ្សា បានបង្ហាញពីការបំផ្លិចបំផ្លាញ ដល់ផ្នែកសង្គ្រោះបន្ទាន់ ក្រោយការវាយប្រហាររបស់អ៊ីស្រាអែល នៅក្នុងវីដេអូដែលចេញផ្សាយដោយក្រសួងសុខាភិបាលហ្កាហ្សា កាលពីថ្ងៃពុធ ១៥ ខែវិច្ឆិកា។ វេជ្ជបណ្ឌិតមិនស្គាល់អត្តសញ្ញាណម្នាក់ បាននិយាយថា អ្នកជំងឺនៅក្នុងបន្ទប់ សង្រ្គោះបន្ទាន់ឬ ICU កំពុងប្រឈមនឹងការស្លាប់ បន្ទាប់ពីត្រូវបានបញ្ចូនចេញឆ្ងាយពីឧបករណ៍សង្គ្រោះជីវិតចូលទៅក្នុងច្រករបៀងរបស់មន្ទីរពេទ្យ។ វីដេអូរបស់ក្រសួងសុខាភិបាលហ្កាហ្សា ដែលផ្តល់ឲ្យ សារព័ត៌មាន Reuters កាលពីថ្ងៃពុធ បានបង្ហាញរូបភាពដែលថតបានយ៉ាងហោចណាស់មួយថ្ងៃមុនភាពចលាចលនៅក្នុងមន្ទីរពេទ្យ al Shufa បន្ទាប់ពីសកម្មភាពយោធា។ នៅក្នុងវីដេអូ នោះ គេបានមើលឃើញគ្រូពេទ្យ កំពុងដោះស្រាយជាមួយអ្នកជំងឺ និងបង្ហាញពីការព្រួយបារម្ភអំពីស្ថានភាពសុខភាពរបស់ពួកគេ។ អ្នកបានឃើញហេតុការណ៍ និយាយថា ក្រោយមកកាលពីពុធថ្ងៃពុធ ទាហានអ៊ីស្រាអែលបានចូលទៅក្នុងមន្ទីរពេទ្យដ៏ធំបំផុតរបស់ហ្កាហ្សា ហើយកំពុងស្វែងរកបន្ទប់ និងបន្ទប់ក្រោមដី ដោយបញ្ចប់ការឡោមព័ទ្ធដែលបង្កឱ្យមានការភ្ញាក់ផ្អើលជាសកល បន្ទាប់ពីអ្វីដែលអ៊ីស្រាអែលបាននិយាយថាជាការប៉ះទង្គិចគ្នាយ៉ាងសាហាវនៅច្រកទ្វារនានា។ មន្ទីរពេទ្យ Al Shifa បានក្លាយជាគោលដៅសំខាន់នៃប្រតិបត្តិការជើងគោករបស់កងកម្លាំងអ៊ីស្រាអែល ដែលនិយាយថា ក្រុមសកម្មប្រយុទ្ធ ហាម៉ាស មានទីស្នាក់ការកណ្តាល នៅក្នុងផ្លូវរូងក្រោមដី នៃមន្ទីរពេទ្យនេះ ដែលក្រុមហាម៉ាស បដិសេធ៕

បណ្ដាញសង្គម

ព័ត៌មានថ្មីៗ

ក្រុមគ្រួសារចំណាប់ខ្មាំងអ៊ីស្រាអែល ត្រៀមធ្វើកូដកម្មទូទាំងប្រទេស ជំរុញឲ្យមានបទឈប់បាញ់ដោះលែងសាច់ញាតិ

ឥណ្ឌូនេស៊ីកំពុងស្វែងរកគោលគំនិតល្អៗ ដោះស្រាយបញ្ហាអាស៊ាន ក្រោយមានវិវាទព្រំដែនរវាងកម្ពុជា និងថៃ

ក្រសួងការងារ និងក្រុមការងារ ស ស យ ក រៀបចំវគ្គបណ្តុះបណ្តាល និងដំណើរទស្សនកិច្ចសិក្សាស្តីពី «មូលដ្ឋានគ្រឹះសុវត្ថិភាព និងសុខភាពការងារ»

ឯកឧត្តម ហ៊ុន ម៉ានី៖ សូមជម្រាបជូនជនរួមជាតិ និងសាធារណជនទូទៅមេត្តាជ្រាបថា «មិនមានការរៀបចំ កម្មវិធីដើរថ្មើរជើង ថ្ងៃ១៨សីហាខាងមុខទេ»

[UPDATE] ចំនួនអ្នកស្លាប់បន្ទាប់ពីទឹកជំនន់រដូវមូសុងនៅប៉ាគីស្ថាន និងឥណ្ឌា កើនឡើងដល់ជាង៤០០ នាក់

យោធាអ៊ីស្រាអែល ត្រៀមផ្លាស់ប្តូរទីលំនៅរបស់ប្រជាពលរដ្ឋហ្កាហ្សាទៅកាន់តំបន់ភាគខាងត្បូង

កម្ពុជាបន្តទាមទារឱ្យថៃប្រគល់កងកម្លាំងកម្ពុជា ដែលថៃចាប់ខ្លួន ដោយខុសច្បាប់ មិនទាន់ដោះលែង

អ្នកនាំពាក្យ៖កិច្ចប្រជុំ RBC ទទួលបានលទ្ធផលជាវិជ្ជមាន និងអាចឈានទៅសភាពដើមវិញក្នុងពេលឆាប់ៗ

អគ្គនាយកស៊ីម៉ាក់៖ គ្រាប់មីន PMN-2 ថៃដាក់បង្ហាញប្រតិភូបរទេសចោទកម្ពុជា ជាគ្រាប់មីនជាន់មិនផ្ទុះនោះទេ

លោក Zelensky៖ រុស្ស៊ីធ្វើឱ្យស្មុគស្មាញដល់ការបញ្ចប់សង្រ្គាម ខណៈលោកTrump ជំរុញអ៊ុយក្រែនឱ្យយល់ព្រមលើកិច្ចព្រមព្រៀងសន្តិភាពក្រុងមូស្គូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877