នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ
ឃាត់​ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេស​ស្នាក់​នៅខុស​ច្បាប់​ជា​ច្រើន​នាក់​ទៀត
នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា
ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

សហរដ្ឋអាមេរិក និងវៀតណាមយល់ព្រមពង្រឹងទំនាក់ទំនងកាន់តែស៊ីជម្រៅ ខណៈក្ដីបារម្ភពីចិនកើនឡើង

2023/09/11 10:13:17 am        108
Facebook Telegram Linkin
វៀតណាម៖ កាលពីថ្ងៃអាទិត្យ (១០ កញ្ញា) ប្រធានាធិបតីអាមេរិក លោក ចូ បៃដិន បានសាទរចំពោះទំនាក់ទំនងកាន់តែជិតស្និទ្ធជាមួយប្រទេសវៀតណាម ស្របពេលមានក្ដីបារម្ភពីប្រទេសចិនកាន់តែខ្លាំងឡើង ខណៈដែលប្រទេសទាំងពីរបានធ្វើកិច្ចព្រមព្រៀងមួយដើម្បីពង្រឹងកិច្ចសហប្រតិបត្តិការ រួមទាំងលើឧបករណ៍បច្ចេកវិទ្យាបន្ទះអេឡិចត្រូនិក ប៉ុន្តែលោកបៃដិន បាននិយាយថាលោកមិនមានគោលបំណងទប់ស្កាត់ប្រទេសចិននោះទេ។ «ភាពជាដៃគូយុទ្ធសាស្ត្រគ្រប់ជ្រុងជ្រោយ» ជាមួយទីក្រុងហាណូយ គឺជាផ្នែកមួយនៃការជំរុញរបស់ទីក្រុងវ៉ាស៊ីនតោន ដើម្បីពង្រឹងបណ្តាញសម្ព័ន្ធមិត្តរបស់ខ្លួនជុំវិញអាស៊ី និងប៉ាស៊ីហ្វិក ក្នុងការប្រឈមមុខនឹងកំណើនឥទ្ធិពលរបស់ទីក្រុងប៉េកាំង។ខណៈមានភាពច្របូកច្របល់រវាងទំនាក់ទំនងជាមួយទីក្រុងប៉េកាំង ទីក្រុងវ៉ាស៊ីនតោន បានវិនិយោគដ៏ច្រើនសម្បើម ក្នុងការកសាងសម្ព័ន្ធភាពជាផ្នែកនៃយុទ្ធសាស្ត្រឥណ្ឌូប៉ាស៊ីហ្វិករបស់ខ្លួន រួមទាំងកិច្ចសន្ទនាសន្តិសុខចតុភាគីប្រទេសឬ Quad ជាមួយឥណ្ឌា អូស្ត្រាលី និងជប៉ុន ព្រមទាំងសន្ធិសញ្ញា AUKUS ជាមួយអង់គ្លេស និងអូស្ត្រាលី ផងដែរ។ លោក បៃដិន បាននិយាយថា លោកចង់បង្កើតច្បាប់មូលដ្ឋានច្បាស់លាស់សម្រាប់ទំនាក់ទំនងរវាងបណ្ដាប្រទេស។ លោក បៃដិន បានធ្វើដំណើរទៅកាន់ទីក្រុងហាណូយ បន្ទាប់ពីកិច្ចប្រជុំកំពូល G20 ដែលមិនមានការព្រមយល់ព្រមលើដំណាក់កាលនៃបញ្ហាឥន្ធនៈហ្វូស៊ីល ហើយបានគូសបញ្ជាក់ពីការខ្វែងគំនិតយ៉ាងស៊ីជម្រៅ រវាងបណ្ដាប្រទេសជុំវិញការឈ្លានពានរបស់រុស្ស៊ី លើអ៊ុយក្រែន៕

របបសឹកនីហ្សេ ចោទបារាំងថាបានពង្រាយទ័ពសម្រាប់អន្តរាគមន៍ដែលអាចកើតមាន

2023/09/11 10:06:25 am        155
Facebook Telegram Linkin
នីហ្សេ៖ កាលពីថ្ងៃអាទិត្យ (១០ កញ្ញា) របបយោធានីហ្សេ បានចោទប្រកាន់បារាំងពីបទដាក់ពង្រាយកងទ័ពនៅក្នុងប្រទេសអាហ្វ្រិកខាងលិចមួយចំនួន ដែលជាផ្នែកមួយនៃការត្រៀមរៀបចំសម្រាប់អន្តរាគមន៍យោធាដែលអាចកើតមានជាមួយប្លុកក្នុងតំបន់ ECOWAS ប្រឆាំងនឹងនីហ្សេ។នៅក្នុងសេចក្តីថ្លែងការណ៍មួយនៅលើកញ្ចក់ទូរទស្សន៍រដ្ឋ របបយោធាក៏បានធ្វើការអំពាវនាវរបស់ខ្លួនម្តងទៀត សម្រាប់ការចាកចេញរបស់កងទ័ពបារាំងពីទឹកដីរបស់ខ្លួន ដែលជាប្រភពសំខាន់នៃភាពតានតឹងរវាងភាគីទាំងពីរ ចាប់តាំងពីការទម្លាក់តំណែងលោកប្រធានាធិបតី Mohamed Bazoum កាលពីថ្ងៃទី២៦ ខែកក្កដា មក។ សេចក្តីថ្លែងការណ៍នេះបានអំពាវនាវដល់ «មតិជាតិ និងអន្តរជាតិ ដើម្បីធ្វើជាសាក្សីអំពីផលវិបាកនៃទង្វើឈ្លានពាន ការបំពាន និងការមើលងាយ ដែលបានធ្វើឡើងដោយប្រទេសបារាំង»។ទំនាក់ទំនងរវាងនីហ្សេ និងអតីតអាណានិគមបារាំងរបស់ខ្លួន កាន់តែមានភាំពប្រេះស្រាំឡើងចាប់តាំងពីទីក្រុងប៉ារីសបានប្រកាសថា របបសឹកក្នុងប្រទេសនេះជាក្រុមខុសច្បាប់។ ស្របពេលមានរលកនៃមនោសញ្ចេតនាប្រឆាំងបារាំង ក្រុមមេដឹកនាំនៃរដ្ឋប្រហារនីហ្សេ ក៏បានធ្វើតាមយុទ្ធសាស្ត្ររបស់របបយោធានៅក្នុងប្រទេសជិតខាងម៉ាលី និងបួរគីណា ហ្វាសូ ក្នុងការស្វះស្វែងបញ្ចប់ទំនាក់ទំនងយោធា ដែលមានរយៈពេលយូរជាមួយប្រទេសបារាំង ក្នុងការប្រយុទ្ធប្រឆាំងនឹងការបះបោរអ៊ីស្លាមនិយមដ៏ព្រៃផ្សៃ៕

Zelenskiy បានបញ្ជាក់ពីការរីកចម្រើននៃការវាយបកក្នុងភាគខាងត្បូង និងសកម្មភាពប្រយុទ្ធនៅភាគខាងកើត

2023/09/11 09:58:29 am        97
Facebook Telegram Linkin
អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskiy បាននិយាយកាលពីថ្ងៃអាទិត្យថា កងទ័ពអ៊ុយក្រែនដែលកំពុងវាយសម្រុកលើកងកម្លាំងរបស់រុស្ស៊ីកំពុងកាន់កាប់តំបន់នោះ បានរុលទៅទិសខាងត្បូងកាលពីសប្តាហ៍មុន ខណៈមានសកម្មភាពប្រយុទ្ធនៅជិតទីក្រុងបាកម៉ូត (Bakhmut) នៅភាគខាងកើតផងដែរ។ការអត្ថាធិប្បាយចុងក្រោយរបស់លោក Zelenskiy លើស្ថានភាពនៃការវាយលុករយៈពេល៣ខែបានលេចឡើងដើម្បីបញ្ជាក់ពីការវាយតម្លៃនៃការវាយដណ្ដើមទឹកដីមកវិញដោយមន្ត្រីផ្សេងទៀត ទោះបីជាតិចតួចក៏ដោយ នៅភាគខាងកើត និងខាងត្បូង។លោកប្រធានាធិបតីអ៊ុយក្រែនរូបនេះ បាននិយាយនៅក្នុងសុន្ទរកថាតាមវីដេអូពេលយប់របស់លោកថា ក្នុងរយៈពេល៧ថ្ងៃកន្លងមកនេះ យើងបានឈានទៅមុខក្នុងតំបន់ តារីយ៉ា (Tavria) ភាគខាងត្បូង និងមានសកម្មភាពប្រយុទ្ធគ្នានៅក្នុងទីក្រុងបាកម៉ូត។  លោក Zelenskiy បាននិយាយថា កងកម្លាំងអ៊ុយក្រែនកំពុងកាន់កាប់មូលដ្ឋានរបស់ពួកគេនៅលើសមរភូមិជួរមុខផ្សេងទៀតនៅភាគខាងកើតតំបន់អាឌីវកា(Avdiivka)និងតំបន់ម៉ារីអ៊ីនកា(Maryinka) នៅជិតចំណុចសំខាន់នៃការវាយប្រហាររបស់រុស្ស៊ី ហើយតំបន់លីមែន(Lyman) និង គូភៀនស៍(Kupiansk)ក៏ជាគោលដៅសំខាន់នៃការប៉ុនប៉ងរបស់រុស្ស៊ីដើម្បីឆ្ពោះទៅភាគខាងជើងបន្ថែមទៀតផងដែរ៕

Biden ជួបលោក Li Qiang និងលើកឡើងថា វិបត្តិសេដ្ឋកិច្ចរបស់ចិន ធ្វើឲ្យឱកាសក្រសោបយក តៃវ៉ាន់កាន់តែតិច

2023/09/11 09:55:34 am        173
Facebook Telegram Linkin
 តៃវ៉ាន់៖ ប្រធានាធិបតីអាមេរិក លោក Joe Biden បាននិយាយកាលពីថ្ងៃអាទិត្យថា លោកបានរៀបចំកិច្ចពិភាក្សាកម្រិតខ្ពស់បំផុតរបស់លោកជាមួយថ្នាក់ដឹកនាំចិនក្នុងរយៈពេលជាច្រើនខែ ដោយបន្ថែមថា វិបត្តិសេដ្ឋកិច្ចរបស់ទីក្រុងប៉េកាំងនឹងមិននាំឲ្យប្រទេសនេះមានឱកាសតិចតួចក្នុងការក្រសោមយកកោះតៃវ៉ាន់។  លោក Biden បាននិយាយថា លោកបានជួបមេដឹកនាំកំពូលលំដាប់ទី២ របស់លោកប្រធានាធិបតី Xi Jinping គឺលោក លី ឈាង (Li Qiang) នាយករដ្ឋមន្ត្រីចិន នៅក្នុងកិច្ចប្រជុំកំពូលប្រចាំឆ្នាំ G20 ក្នុងទីក្រុង New Delhi ប្រទេសឥណ្ឌា។ កិច្ចពិភាក្សានេះគឺជាកិច្ចប្រជុំកម្រិតខ្ពស់បំផុតរវាងមហាអំណាចទាំងពីរក្នុងរយៈពេលជិត ១០ ខែចាប់តាំងពីលោក Biden និង Xi បានជួបគ្នានៅឯ G20 កាលពីឆ្នាំមុននៅក្នុងប្រទេសឥណ្ឌូនេស៊ី។លោក Li ដែលបានឡើងកាន់តំណែងជានាយករដ្ឋមន្ត្រីកាលពីខែមីនា បានចូលរួមក្នុងការប្រមូលផ្តុំមេដឹកនាំពិភពលោកជំនួសលោក Xi។ មេដឹកនាំទាំងពីរមិនត្រូវបានគេរំពឹងថានឹងរៀបចំកិច្ចពិភាក្សានៅឯ G20 ទេ ប៉ុន្តែការជួបគ្នាដែលពុំបានរៀបចំទុកជាមុននៅក្នុងកិច្ចប្រជុំកំពូលគឺជារឿងធម្មតា។លោក Biden បានប្រាប់ក្រុមអ្នកយកព័ត៌មានថា ក្រុមរបស់ខ្ញុំ បុគ្គលិករបស់ខ្ញុំនៅតែជួបជាមួយមនុស្សរបស់លោកប្រធានាធិបតី Xi និងគណៈរដ្ឋមន្ត្រីរបស់លោក។ ខ្ញុំបានជួបជាមួយមនុស្សលំដាប់ទី២ របស់លោកនៅក្នុងប្រទេសឥណ្ឌានៅថ្ងៃនេះ ។  លោកបានបន្ថែមថា យើងបាននិយាយអំពីស្ថិរភាព និងអឌ្ឍគោលខាងត្បូង។ នេះពុំមែនជាការប្រឈមមុខដាក់គ្នាទាល់តែសោះ។  សេតវិមានកាលពីថ្ងៃអាទិត្យបាននិយាយថាលោក Biden បានជួបជាមួយមេដឹកនាំចិននៅឯកិច្ចប្រជុំកំពូល។មហាអំណាចទាំងពីរបាននិងកំពុងព្យាយាមធ្វើឱ្យទំនាក់ទំនងល្អប្រសើរឡើងវិញនៅឆ្នាំនេះ បន្ទាប់ពីមានការប៉ះទង្គិចគ្នាលើបាឡុងចារកម្មចិនដែលសង្ស័យថាបានហោះលើទឹកដីសហរដ្ឋអាមេរិក ខណៈក្ដីបារម្ភនៃការធ្លាក់ចុះសេដ្ឋកិច្ចបានគ្របដណ្តប់ទីក្រុងប៉េកាំង៕

របបយោធាហ្គាបុង សម្លឹងមើលការផ្លាស់ប្តូររយៈពេល២៤ខែទៅកាន់ការបោះឆ្នោត

2023/09/11 09:35:29 am        85
Facebook Telegram Linkin
ហ្គាបុង៖ កាលពីថ្ងៃអាទិត្យ (១០ កញ្ញា) ទីភ្នាក់ងារសារព័ត៌មានបារាំង AFP បានដកស្រង់សម្តីនាយករដ្ឋមន្ត្រីហ្គាបុង លោក Raymond Ndong Sima ដោយនិយាយថា ការផ្លាស់ប្តូររយៈពេល២៤ខែទៅកាន់ការបោះឆ្នោតនៅក្នុងប្រទេសហ្គាបុង នឹងជារឿង «សមហេតុផល» បន្ទាប់ពីរដ្ឋប្រហារកាលពីខែមុន។ក្រុមមន្ត្រីកងទ័ព បានដណ្តើមអំណាចកាលពីថ្ងៃទី៣០ ខែសីហា ដោយលុបចោលលទ្ធផលបោះឆ្នោតត្រឹមតែប៉ុន្មាននាទីប៉ុណ្ណោះ បន្ទាប់ពីមានការប្រកាសថាលោកប្រធានាធិបតី អាលី បុងហ្គោ បានឈ្នះឆ្នោត ជាលទ្ធផលដែលពួកគេបាននិយាយថា មិនគួរឱ្យទុកចិត្ត។ លោក បុងហ្គោ ដែលកាន់អំណាចតាំងពីឆ្នាំ២០០៩មក បានស្នងតំណែងពីឪពុករបស់ខ្លួនឈ្មោះ លោក អូម៉ា បុងហ្គោ ដែលបានគ្រប់គ្រងប្រទេសនេះអស់រយៈពេល៤២ឆ្នាំ។របបសឹកហ្គាបុង បានសន្យាថា នឹងត្រួតពិនិត្យការបោះឆ្នោតដោយសេរី និងយុត្តិធម៌ ប៉ុន្តែមិនបានផ្តល់ពេលវេលាសម្រាប់រៀបចំការបោះឆ្នោតនោះទេ។ នៅក្នុងការអត្ថាធិប្បាយដំបូងអំពីរយៈពេលដែលអាចកើតមាននៃការផ្លាស់ប្តូរនេះ លោក Ndong Sima បានប្រាប់ព័ត៌មាន AFP ថា «នេះជាការចាប់ផ្តើមដ៏ល្អក្នុង ជាមួយនឹងគោលដៅសមហេតុផល ហើយយើងសង្ឃឹមថា នឹងមើលឃើញដំណើរការនេះបានបញ្ចប់ក្នុងរយៈពេល២៤ខែ ដូច្នេះយើងអាចត្រលប់ទៅរកការបោះឆ្នោតវិញបាន»៕

មនុស្ស៤៣នាក់ បានស្លាប់ក្នុងការវាយប្រហារតាមអាកាសលើផ្សារមួយកន្លែងនៅប្រទេសស៊ូដង់

2023/09/11 08:49:01 am        83
Facebook Telegram Linkin
ស៊ូដង់៖ យោងតាមក្រុមវេជ្ជសាស្រ្ដបានឱ្យដឹងថា យ៉ាងហោចណាស់មនុស្ស៤៣នាក់ ត្រូវបានសម្លាប់នៅក្នុងការវាយប្រហារតាមអាកាសលើផ្សារមួយកន្លែងក្នុងរដ្ឋធានី Khartoum ប្រទេសស៊ូដង់ កាលពីថ្ងៃអាទិត្យ (១០ កញ្ញា)។ នៅក្នុងសេចក្តីថ្លែងការណ៍មួយ ក្រុមវេជ្ជបណ្ឌិតរបស់ស៊ូដង់បាននិយាយថា មនុស្ស៥៥នាក់ ក៏បានរងរបួសផងដែរនៅក្នុងការវាយប្រហារដែលបានកំណត់គោលដៅផ្សារបើកចំហមួយ នៅក្នុងសង្កាត់ Mayo ក្នុងភាគខាងត្បូងរដ្ឋធានី Khartoum។គេមិនទាន់ដឹងថានរណាជាអ្នកនៅពីក្រោយការវាយប្រហារតាមអាកាសនេះទេ ហើយការវាយប្រហារនេះកើតមានស្របពេលមានការប្រយុទ្ធគ្នាយ៉ាងខ្លាំងរវាងកងទ័ពស៊ូដង់ និងក្រុមកងកម្លាំងគាំទ្ររហ័សយោធាប៉ារ៉ា (RSF) ក្នុងរដ្ឋធានីនៃប្រទេសនេះ។យោងតាមក្រុមគ្រូពេទ្យក្នុងតំបន់បានឱ្យដឹងថា ជនស៊ីវិលជាង៣.០០០នាក់ ត្រូវបានសម្លាប់ និងរាប់ពាន់នាក់បានរងរបួសនៅក្នុងការប៉ះទង្គិចគ្នារវាងកងទ័ពស៊ូដង់ និងក្រុមទាហានប៉ារ៉ាចាប់តាំងពីខែមេសា មក។ កិច្ចព្រមព្រៀងឈប់បាញ់ជាច្រើន ដែលសម្របសម្រួលដោយអារ៉ាប៊ីសាអូឌីត និងអាមេរិក បានបរាជ័យក្នុងការបញ្ចប់អំពើហិង្សាក្នុងប្រទេសមួយនេះ៕

[UPDATE] ចំនួនអ្នកស្លាប់ក្នុងគ្រោះរញ្ជួយដីនៅប្រទេសម៉ារ៉ុក បានកើនឡើង ជាង២.១០០នាក់ និងរបួសជាង២.៤០០នាក់

2023/09/11 08:44:46 am        79
Facebook Telegram Linkin
ម៉ារ៉ុក៖ យោងតាមរបាយការណ៍បច្ចុប្បន្នភាពចុងក្រោយរបស់ក្រសួងមហាផ្ទៃដែលបានបញ្ចេញកាលពីម៉ោង៤ល្ងាចថ្ងៃអាទិត្យ មនុស្សយ៉ាងហោចណាស់២.១២២នាក់ បានស្លាប់ និង២.៤២១នាក់ បានរងរបួស ក្នុងគ្រោះរញ្ជួយដីក៏មហន្តរាយ ដែលបានអង្រួនខេត្ត អាល់ ហូស (Al Haouz) ភាគកណ្ដាល របស់ប្រទេសម៉ារ៉ុក កាលពីល្ងាចថ្ងៃសុក្រសប្ដាហ៍មុន ។  ក្រុមអាជ្ញាធរ កំពុងបន្តកិច្ចខិតខំប្រឹងប្រែងរបស់ខ្លួនដើម្បីពន្លឿនសហប្រតិបត្តិការសង្គ្រោះ ជម្លៀស និងផ្ដល់ការថែទាំអ្នករបួស និងចល័យគ្រប់ធនធានក្នុងករណីចាំចាំទាំងអស់ ដើម្បីឆ្លើយតបទៅនឹងផលប៉ះពាល់នៃសោកនាកម្មដ៏ខ្លោចផ្សានេះ ។ វីដេអូពីប្រព័ន្ធផ្សព្វផ្សាយ បានបង្ហាញពីក្រុមអ្នកសង្រ្គោះ និងកងកម្លាំងយោធាកំពុងព្យាយាមកាយគំនរកម្ទេចកម្ទីរនៅក្នុងភូមិម៉ូឡេ ប្រាហីម (Moulay Brahim)ស្ថិតនៅចម្ងាយ៤០គីឡូម៉ែត្រភាគខាងត្បូងទីក្រុង ម៉ារ៉ាកិច (Marrakech)ដែលទីក្រុងធំបំផុតទី៤របស់ប្រទេសម៉ារ៉ុក ។ ក្រុមអ្នកនៅរស់រានមានជីវិត ពីគ្រោះរញ្ជួយដីដ៏ធ្ងន់ធ្ងរបំផុតរបស់ប្រទេសម៉ារ៉ុក ក្នុងរយៈពេលជាង៦ទសវត្សរ៍មកនេះ បានព្យាយាម ស្វែងរកអាហារ ទឹក និងជម្រក ខណៈការស្វែងរកអ្នកបាត់ខ្លួននៅតែបន្តក្នុងភូមិដាច់ស្រាយាលនានា ។  ក្រុមបុគ្គលិកផ្ដល់ជំនួយប្រឈមនឹងផលវិបាកខ្លាំងនៃការស្វែងរកអ្នកបាត់ខ្លួន នៅក្នុងភូមិនានាដែលរងផលប៉ះពាល់ធ្ងន់ធ្ងរបំផុត នៅក្នុងតំបន់ភ្នំ High Atlas ជាជួរភ្នំខ្ពស់ៗ ជាទីដែល លំនៅឋានជាច្រើន នៅដាច់ឆ្ងាយពីគេ និងជា ទីដែលផ្ទះសម្បែងជាច្រើនរងការបំផ្លិចបំផ្លាញ ៕

មេប៉ុស្តិ៍សំព្រោជ​ដែលមានប្រវត្តិប្រព្រឹត្តិបទឧក្រិដ្ឋត្រូវបានផ្អាកការងារ​បណ្ដោះអាសន្ន

2023/09/10 08:34:12 pm        2294
Facebook Telegram Linkin
កំពង់ធំ៖ មេប៉ុស្តិ៍សំព្រោជ ដែល​មាន​ប្រវត្តិ​ប្រព្រឹត្តិប​ទ​ឧក្រិដ្ឋ​ទាក់​ទិន​នឹង​ករណី​ប្លន់​ទូមាស​នៅ​ក្នុង​ផ្សារ​ស្ទោង​កា​លពីឆ្នាំ២០១៥ ហើយទើបឡើងកាន់តួនាទីជាមេប៉ុស្តិ៍ថ្មីៗនេះ ត្រូវ​បាន​ស្នង​ការ​នគរបា​លខេត្តកំពង់ធំផ្អាកការងារបណ្ដោះអាសន្ននៅថ្ងៃទី១០ ខែកញ្ញា ឆ្នាំ២០២៣នេះ។យោងតាមលិខិតបង្គាប់ការរបស់ឧត្ដមសេនីយ៍ទោ ម៉ែន លី ស្នងការនគរបាលខេត្តកំពង់ធំ ដែល​បាន​ចេញ​នៅថ្ងៃទី១០ ខែកញ្ញា ឆ្នាំ២០២៣ គឺបានសម្រេច​បាន​ផ្អាក​ការងារ​បណ្តោះ​អា​សន្ន​ចំពោះ​លោក​អនុសេនីយ៍ឯក ហុង សារ៉ុម អត្តលេខ ៤៩៩៥៥ ឋានៈនាយប៉ុស្តិ៍​នគរបាល​រដ្ឋបាល​សំព្រោជ ​អធិការដ្ឋាននគរបាលស្រុកស្ទោង នៃស្នងការដ្ឋាននគរបាលខេត្តកំពង់ធំ មូលហេតុ​ពាក់​ព័ន្ធ​សំណុំ​រឿងរបស់តុលាការ។ លោកអនុសេនីយ៍ឯក ហុង សារ៉ុម ត្រូវ​ទៅ​បម្រើ​ការងារ​នៅ​ការិយាល័យ​បុគ្គលិក នៃស្នងការដ្ឋាននគរបាលខេត្តកំពង់ធំ រៀងរាល់ម៉ោងធ្វើការ រហូត​ដល់​មាន​ការ​សម្រេច​ជាថ្មី​។ប្រភពព័ត៌មានបានឱ្យដឹងថា ឈ្មោះ ហុង សារ៉ុម បានចូលធ្វើនគរបាលជាតិនៅឆ្នាំ១៩៩៣ ជា​មន្ត្រី​នគរបាលនៃអធិការដ្ឋានស្រុកបារាយណ៍ ក្រោយមកនៅឆ្នាំ២០០៩ បានផ្ទេរ​ទៅ​នៅ​អធិការដ្ឋាន​នគរបាលស្រុកស្ទោង នៅឆ្នាំ២០១៤ កាន់​តួនាទី​ជា​នាយរង​ផ្នែក​នគរបា​ល​យុត្តិធម៌​នៃ​អធិការដ្ឋាន​នគរបាលស្រុកស្ទោង និងមកដល់ថ្ងៃ០៨ ខែមីនា ឆ្នាំ២០១៥ ជាប់​ចោទ​បទ​សម​គំនិត​ប្លន់​ទូមាស​នៅផ្សារស្ទោង ក្រោយអនុវត្តទោសបានមួយរយៈក៏បានចេញពីពន្ធនាគារ ហើ​យ​នៅ​ឆ្នាំ​២០០៩​ ក៏មកបម្រើការងារជានគរបាលរហូតបានកាន់តួនាទីជាមេប៉ុស្តិ៍ និង​ប្រកាស​ចូល​កាន់​តួនាទី​នៅ​ថ្ងៃទី០១ ខែកញ្ញា ឆ្នាំ២០២៣នេះ។គួរបញ្ជាក់ថា ក្រោយឈ្មោះ ហុង សារ៉ុម ឡើងជាមេប៉ុស្តិ៍ភ្លាម ប្រជា​ពលរដ្ឋ​ក្នុង​មូល​ដ្ឋាន​បាន​បង្ហោះ​សារ​តាមបណ្ដាញសង្គមជាបន្តបន្ទាប់ ហើយនៅថ្ងៃទី១០ ខែកញ្ញានេះ សម្តេច​មហាបវរ​ធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានបញ្ជាឱ្យនាយឧត្តមសេនីយ៍ ស ថេត អគ្គ​ស្នង​ការ​នគរបាលជាតិ និងស្នងការខេត្តកំពង់ធំ ធ្វើកាពិនិត្យ និង​ស្រាវជ្រាវ​ជា​បន្ទាន់​ចំពោះ​ករណី​តែ​ង​តាំង​មេប៉ុស្តិ៍ម្នាក់នៅឃុំសំព្រោជ ស្រុកស្ទោង ខេត្តកំពង់ធំ ដែលមានប្រវត្តិប្រព្រឹត្តិបទឧក្រិដ្ឋនេះ។តាមរយៈបណ្តាញសង្គមនាព្រឹកថ្ងៃទី១០ ខែកញ្ញា ឆ្នាំ២០២៣នេះ សម្តេចធិបតី ហ៊ុន ម៉ាណែត បាន​បញ្ជាក់ថា «ក្រោយពីបានទទួលព័ត៌មានតាមប្រភពផ្សេងៗរួមទាំងប្រព័ន្ធផ្សព្វផ្សាយសង្គម ពាក់​ព័ន្ធនឹងការតែងតាំងបុគ្គលម្នាក់ធ្វើជាមេប៉ុស្តិ៍នៅឃុំសំព្រោជ ស្រុកស្ទោង ខេត្តកំពង់ធំ ដែល​ធ្លាប់​មានប្រវត្តិប្រព្រឹត្តបទឧក្រិដ្ឋ ខ្ញុំបានចេញបទបញ្ជាភ្លាមទៅ ឯកឧត្តម ស ថេត អគ្គ​ស្នង​ការ​នគរបាល​ជាតិ ឱ្យពិនិត្យ ស្រាវជ្រាវជាមួយ ឯកឧត្តម ម៉ែន លី ស្នងការនគរបាលខេត្តកំពង់ធំ ជាបន្ទាន់។ ក្នុងករណីជារឿងពិត ត្រូវធ្វើការកែសម្រួលភ្លាម»។សម្តេចបានបន្ថែមទៀតថា «ខ្ញុំសូមឱ្យមានការត្រួតពិនិត្យនិងវាយតម្លៃឲ្យបានច្បាស់លាស់ នូវ​បុគ្គលិក​លក្ខណៈរបស់បុគ្គលនីមួយៗ ឲ្យបានហ្មត់ចត់មុននឹងធ្វើការតែងតាំង នៅ​តាម​បណ្ដា​ស្ថាប័ន​រដ្ឋ​ទាំងស៊ីវិល និងកងកម្លាំងប្រដាប់អាវុធ ទាំងថ្នាក់ជាតិនិងក្រោមជាតិ»៕ អត្ថបទ ៖ ប្រាក់ វ៉ាន់ដា

បើករថយន្តលឿន មិនប្រយ័ត្នរេចង្កូតបុកក្បាលនាគពុះចែកទ្រូងផ្លូវ បណ្តាលឱ្យក្រឡាប់ផ្ញារជើង

2023/09/08 10:26:15 pm        205
Facebook Telegram Linkin
ភ្នំពេញ ៖ បុរសម្នាក់បានបើករថយន្តតូយូតាព្រូសមួយគ្រឿង ក្នុងល្បឿនលឿនមិនប្រយ័ត្ន ក៏រេចង្កូតទៅបុកផ្ទប់នឹងក្បាលនាគពុះចែកទ្រូវផ្លូវពេញទំហឹង បណ្តាលឱ្យក្រឡាប់ផ្ញារជើងច្រងាង បង្កការភ្ញាក់ផ្អើលជាខ្លាំងនៅកំណាត់ផ្លូវព្រះមុន្នីរ៉េត ( 217 ) ចំណុចគល់ស្ពានអាកាសស្ទឹងមានជ័យ ស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យ កាលពីវេលាម៉ោង២១ និង០០នាទីយប់ថ្ងៃទី០៨ ខែកញ្ញា ឆ្នាំ២០២៣ ។ យោងតាមប្រភពព័ត៌មានពីសាក្សីដែលបានឃើញហេតុការណ៍ បានឱ្យដឹងថា នៅមុនកើតហេតុ គេសង្គេតឃើញបុរសម្នាក់ រថយន្តព្រូសខាងលើ ពណ៌ស ពាក់ផ្លាកលេខ ភ្នំពេញ 2BG-2877 បើកបរធ្វើដំណើរតាមបណ្តោយផ្លូវលេខ២១៧ ក្នុងទិសដៅពីលិចទៅកើត ក្នុងល្បឿនយ៉ាងលឿន ។ លុះខណះធ្វើដំណើរដល់ចំណុចកើតហេតុ រថយន្តបង្ក ក៏បានរេចង្កូតទៅបុកផ្ទប់នឹងក្បាលនាគពុះចែកទ្រូងផ្លូវទាំងកំរោល បណ្តាលឱ្យរថយន្តត្រូវក្រឡាប់ផ្ញារជើងច្រងាងនៅហ្នឹងកន្លែងតែម្តង ។ ភ្លាមៗនោះដែរ បុរសជាអ្នកបើកបររថយន្ត ក៏បានលូនចេញពីក្នុងរថយន្តមកក្រៅ ហើយចាកចេញពីកន្លែងកើតហេតុ បាត់ស្រមោល ។ ក្រោយកើតហេតុ កម្លាំងសមត្ថកិច្ចមូលដ្ឋាន សហការជាមួយជំនាញ ចុះអន្តរាគមន៍ធ្វើការវាស់វែង ស្ទូចយករថយន្តបង្កទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគររបាលរាជធានីភ្នំពេញ រងចាំម្ចាស់ចូលខ្លួនទៅដោះស្រាយទៅតាមផ្លូវច្បាប់នៅពេលក្រោយ ។ សូមបញ្ជាក់ផងដែរថា នៅក្នុងហេតុការណ៍គ្រោះថ្នាក់ចរាចរណ៍នេះ មិនមានបណ្តាលឱ្យមនុស្សណាម្នាក់រងរបួសនោះឡើយ ពោលរងការខូចខាតតែរថយន្តបង្កហេតុប៉ុណ្ណោះ ។ ក្នុងនោះដែរ ចំណុចកើតហេតុ ក៏មានភ្លៀងធ្លាក់ជាអន្លើយៗខ្លាំងគួរសមផងដែរ ៕ ដោយ÷ លីហេង

​នគរបាលឃាត់ខ្លួនជនសង្ស័យម្នាក់ដែលក្លែងគណនីតេឡេក្រាមថ្នាក់ដឹកនាំកងយោធពលខេមរភូមិន្ទ

2023/09/08 08:13:44 pm        381
Facebook Telegram Linkin
ភ្នំពេញ ៖ មុខសញ្ញាក្លែងគណនីតេឡេក្រាមរបស់ថ្នាក់ដឹកនាំកងយោធពលខេមរភូមិន្ទ ត្រូវបានកម្លាំងជំនាញនាយកដ្ឋានប្រឆាំងបទល្មើសបច្ចេកវិទ្យាបង្រ្កាបបានហើយ​នគរបាលបានឱ្យដឹងថា នៅរសៀលថ្ងៃទី០៧ ខែកញ្ញា ឆ្នាំ២០២៣ កម្លាំងជំនាញនាយកដ្ឋានប្រឆាំងបទល្មើសបច្ចេកវិទ្យា បានសហការជាមួយកម្លាំងស្នងការដ្ឋាននគរបាលរាជធានីភ្នំពេញ ក្រោមការសម្របសម្រួលដោយលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានឃាត់ខ្លួនជនសង្ស័យម្នាក់ ឈ្មោះ រ៉ែម គង់នៅដារ៉ា ភេទប្រុស អាយុ ៤៣ឆ្នាំ មុខរបរមិនពិតប្រាកដ ដែលបានបង្កើតប្រព័ន្ធទំនាក់ទំនងសង្គមតេឡេក្រាម ដោយក្លែងដាក់ឈ្មោះ ឯកឧត្តម ឧត្តមសេនីយ៍ឯក ម៉ៅ សុផាន់ អគ្គមេបញ្ជាការកងទ័ពជើងគោក នៃកងយោធពលខេមរភូមិន្ទ និងដាក់ឈ្មោះ ឯកឧត្តម ទេសរដ្ឋមន្ត្រី គន់ គីម ដោយបានធ្វើសកម្មភាពទាក់ទងទៅអ្នកមានទំនាក់ទំនងស្គាល់ ឯកឧត្តម ឧត្តមសេនីយ៍ឯក ម៉ៅ សុផាន់ និង ឯកឧត្តម ទេសរដ្ឋមន្ត្រី គន់ គីម ដើម្បីឆបោកឱ្យផ្ញើប្រាក់ ក្រោមរូបភាពគៀរគរប្រាក់យកទៅជួយគ្រួសារទ័ព។គួរបញ្ជាក់ថា កាលពីថ្ងៃទី២៣ ខែសីហា ឆ្នាំ២០២៣ ឯកឧត្តមឧត្តមសេនីយ៍ឯក ម៉ៅ សុផាន់ មេបញ្ជាការទ័ពជើងគោក នៃកងយោធពលខេមរភូមិន្ទ បានចេញសេចក្តីបដិសេធ លើគណនីតេឡេក្រាមមួយដាក់ឈ្មោះ Mao Sophan និងរូបថត ឯកឧត្តម ដែលបានផ្ញើសារទៅអ្នកដទៃគៀរគរប្រាក់ និងបានស្នើសុំឱ្យសមត្ថកិច្ចស្រាវជ្រាវ និងចាត់វិធានការតាមផ្លូវច្បាប់។ ដូចគ្នានេះដែរ នៅថ្ងៃទី២៩ ខែសីហា ឆ្នាំ២០២៣ ឯកឧត្តម ទេសរដ្ឋមន្រ្តី គន់ គីម ក៏បានប្រកាសឱ្យសមត្ថកិច្ចស្រាវជ្រាវរកជនសង្ស័យដែលបានបង្កើតតេឡេក្រាមដោយដាក់រូបថត និងឈ្មោះ គន់ គីម ផងដែរ។ ប្រភពព័ត៌មានឱ្យដឹងថា ជនសង្ស័យរូបនេះធ្លាប់ជាប់ពន្ធនាគារ២លើករួចមកហើយកាលពីឆ្នាំ២០១៦ និងឆ្នាំ២០១៩ ពាក់ព័ន្ធក្លែងទូរស័ព្ទជាថ្នាក់ដឹកនាំដើម្បីឆបោក។បច្ចុប្បន្នជនសង្ស័យត្រូវបាននគរបាលបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់វិធានការតាមនីតិវិធីច្បាប់បន្ត៕អត្ថបទ ៖ ប្រាក់ វ៉ាន់ដា

បណ្ដាញសង្គម

ព័ត៌មានថ្មីៗ

ព្យុះខ្សាច់បានវាយប្រហារតំបន់ស៊ីនជាំងរបស់ប្រទេសចិន
04/18/2026 05:04 PM
Facebook Telegram Linkin
ប្រធានាធិបតីបារាំង ស្វាគមន៍ការបើកច្រកសមុទ្រ Hormuz ឡើងវិញនៅក្នុងកិច្ចប្រជុំពហុភាគី
04/18/2026 05:04 PM
Facebook Telegram Linkin
អូស្ត្រាលី និងជប៉ុនចុះហត្ថលេខាលើកិច្ចសន្យាដើម្បីចាប់ផ្តើមកិច្ចព្រមព្រៀងនាវាចម្បាំងតម្លៃ៧ពាន់លានដុល្លារ
04/18/2026 05:04 PM
Facebook Telegram Linkin
អ៊ុយក្រែនត្រៀមខ្លួនរួចជាស្រេចសម្រាប់កិច្ចប្រជុំថ្នាក់ដឹកនាំជាមួយរុស្ស៊ីក្រោមការសម្របសម្រួល
04/18/2026 05:04 PM
Facebook Telegram Linkin
តម្លៃប្រេងឆៅធ្លាក់ចុះជាង ១០ ភាគរយ ខណៈច្រកសមុទ្រហ័រមូសបើកដំណើរការឡើងវិញ
04/18/2026 05:04 PM
Facebook Telegram Linkin
ពលរដ្ឋលីបង់ភៀសខ្លួនពីសង្គ្រាមសម្រុកវិលត្រឡប់ទៅភាគខាងត្បូងវិញនៅថ្ងៃទីពីរនៃបទឈប់បាញ់ជាមួយអ៊ីស្រាអែល
04/18/2026 05:04 PM
Facebook Telegram Linkin
អ្នកស្រុក Manipur របស់ឥណ្ឌាប្រមូលផ្ដុំដោយកាន់គប់ភ្លើង ជុំវិញការផ្ទុះដ៏សាហាវដែលបានសម្លាប់កុមារពីរនាក់
04/18/2026 05:04 PM
Facebook Telegram Linkin
ពិធីអបអរសាទរបុណ្យចូលឆ្នាំថ្មីប្រពៃណីខ្មែរ រៀបចំដោយសមាគមនិស្សិតខ្មែរនៅប្រទេសជប៉ុន
04/18/2026 04:04 PM
Facebook Telegram Linkin
អាមេរិកបន្តលើកលែងទណ្ឌកម្មប្រេងរុស្ស៊ី ក្រោយមានសម្ពាធពីប្រទេសដែលកំពុងដោះស្រាយវិបត្តិតម្លៃប្រេងក្នុងពេលមានសង្គ្រាមអ៊ីរ៉ង់
04/18/2026 03:04 PM
Facebook Telegram Linkin
អ៊ីរ៉ង់គំរាមបិទច្រកសមុទ្រហ័រមូស (Hormuz) ប្រសិនបើអាមេរិកនៅតែបន្តបិទកំពង់ផែរបស់ខ្លួន
04/18/2026 02:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.