BTV NEWS

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជនបរទេសជាង ៣០០នាក់

សន្តិសុខ និង សង្គម

កូរ៉េខាងជើង និយាយថា Travis King ចង់គេចចេញពីការរើសអើង និង ការធ្វើបាបនៅក្នុងសហរដ្ឋអាមេរិក

កូរ៉េខាងជើង៖ សារព័ត៌មានរដ្ឋបានរាយការណ៍នៅថ្ងៃពុធទី១៦សីហា នេះថា ពលទោ Travis King បានសារភាពពីមូលហេតុរត់ឆ្លងព្រំដែនចូលទៅក្នុងប្រទេសកូរ៉េខាងជើង ដោយសារតែការធ្វើបាបដ៏អមនុស្សធម៌ និងការរើសអើងពូជសាសន៍នៅក្នុងជួរកងទ័ពសហរដ្ឋអាមេរិក ដែលជាការទទួលស្គាល់ជាសាធារណៈលើកដំបូងនៃឧបទ្ទវហេតុនេះដោយទីក្រុងព្យុងយ៉ាង(Pyongyang)។កូនទាហានជាពលទោ ឈ្មោះ Travis T King បានរត់ចូលទៅក្នុងប្រទេសកូរ៉េខាងជើង ខណៈមានដំណើរកម្សាន្តរបស់ជនស៊ីវិលនៅតាមតំបន់សន្តិសុខរួម (JSA) នៅតាមព្រំដែនដែលមានការយាមកាមយ៉ាងតឹងរ៉ឹងបំផុត រវាងប្រទេសកូរ៉េទាំង២ ។ ក្រុមមន្ត្រីសហរដ្ឋអាមេរិក បាននិយាយថា ពួកគេជឿថា ពលទោ King មានបំណងរត់ឆ្លងព្រំដែន ។ ទីភ្នាក់សារព័ត៌មានរដ្ឋ KCNA បាននិយាយថា ពេលនេះក្រុមអ្នកស៊ើបអង្កេតកូរ៉េខាងជើង ក៏បានសន្មតិហើយដែរថា ទាហានស្បែកខ្មៅ រូបនេះ បានឆ្លងព្រំដែនដោយចេតនា និងខុសច្បាប់ ។ អំឡុងការស៊ើបអង្កេត លោក Travis King បានសារភាពថា លោក បានសម្រេចចិត្តឆ្លងចូលប្រទេសកូរ៉េខាងជើង ខណៈលោកមានអារម្មណ៍ឈឺចាប់ខឹងនឹងការធ្វើបាបដ៏អមនុស្សធម៌ និងការរើសអើងពូជសាសស៍។ លោកក៏បានបង្ហាញឆន្ទៈរបស់លោកក្នុងការស្វែងរកសិទ្ធិជ្រកកោននៅក្នុងប្រទេសកូរ៉េខាងជើងឬ ប្រទេសទី៣ ដោយនិយាយថាលោកមិនសប្បាយចិត្តចំពោះសង្គមវិសមភាពរបស់សហរដ្ឋងាមេរិកទេ ។ បន្ទាប់ពីការវាយតប់គ្នានៅពេលស្រវឹងនៅហាងស្រា ក្នុងឧបទ្ទវហេតុជាមួយនគរបាលនិង ជាប់ពន្ធនាគារកូរ៉េខាងត្បូង ពលទោឋានៈទី២ King ត្រូវបានបញ្ជូនទៅកាន់អាកាសយានដ្ឋានកាលពីឆ្នាំមុន ដើម្បីវិលត្រឡប់ទៅកាន់រដ្ឋ Texasវិញ ៕

ទីភ្នាក់ងារអនុវត្តច្បាប់ប្រឆាំងគ្រឿងញៀនអាមេរិក(DEA) ប្រចាំនៅភ្នំពេញ ចេញលិខិតថ្លែងអំណរគុណដល់មន្ត្រីអនុវត្តច្បាប់ប្រឆាំងគ្រឿងញៀនកម្ពុជា

ភ្នំពេញៈ ទីភ្នាក់ងារអនុវត្តច្បាប់ប្រឆាំងគ្រឿងញៀនអាមេរិក(DEA) ប្រចាំនៅភ្នំពេញ បានចេញលិខិតថ្លែងអំណរគុណដល់មន្ត្រីអនុវត្តច្បាប់ប្រឆាំងគ្រឿងញៀនកម្ពុជា ជាពិសេស ក្រោមការដឹកនាំដ៏ឈ្លាសវៃ របស់ ឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀន និងក្រោមការបញ្ជាដឹកនាំផ្ទាល់របស់ ឯកឧត្តម ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន ដែលកន្លងមក សមត្ថកិច្ចមន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ បានបើកកិច្ចប្រតិបត្តិការបង្ក្រាបគ្រឿងញៀនទ្រង់ទ្រាយធំដូចជាៈ បង្ក្រាបតាមច្រកប្រៃសណីយ៍, អាកាសយានដ្ឋានអន្តរជាតិ និងថ្មីៗនេះបង្ក្រាបក្រុមឧក្រិដ្ឋជន មេក្លោងមានអង្គការចាត់តាំង ដែលរៀបចំការដឹកជញ្ជូនគ្រឿងញៀនប្រភេទកេតាមីន ឆ្លងដែនតាមលំហរសមុទ្រទៅប្រទេសទី៣ សរុបគ្រឿងញៀនបង្ក្រាបបានប្រមាណ៨០០គីឡូក្រាម គិតជាទឹកប្រាក់ប្រមាណជាង៥០លានដុល្លារអាមេរិក ។គួរបញ្ជាក់ថា ទីភ្នាក់ងារអនុវត្តច្បាប់ប្រឆាំងគ្រឿងញៀនអាមេរិក(DEA) ប្រចាំនៅភ្នំពេញ បានចេញលិខិតថ្លែងអំណរគុណចំនួន ០៣លើករួចមកហើយ ដែលបង្ហាញពីកិច្ចសហប្រតិបត្តិការល្អ រវាងស្ថាប័នទាំងពីរ(DEA) និងមន្ទីរប្រឆាំងបទល្មើសគ្រឿងញៀន រួមគ្នាទប់ស្កាត់បទល្មើសគ្រឿងញៀន ដែលបង្ហាញពីស្នាដៃប្រយុទ្ធប្រឆាំងបទល្មើសគ្រឿងញៀនដ៏ធំធេង និងស្តែងចេញនូវឆន្ទៈ មោះមុតរបស់មន្ត្រីអនុវត្តច្បាប់ប្រយុទ្ធប្រឆាំងគ្រឿងញៀនកម្ពុជា ក្នុងការទប់ស្កាត់ការចរាចរគ្រឿងញៀនក្នុងពិភពលោក។ ទន្ទឹមនឹងនេះដែរ មន្ទីរប្រឆាំងបទល្មើសគ្រឿងញៀន សូមថ្លែងអំណរគុណដល់៖ • ទីភ្នាក់ងារអនុវត្តច្បាប់ប្រឆាំងគ្រឿងញៀនអាមេរិក(DEA) ក៏ដូចជាស្ថាប័នពាក់ព័ន្ធជាតិ និងអន្តរជាតិដ៏ទៃទៀត ដែលបានរួមគ្នាទប់ស្កាត់បទល្មើសគ្រឿងញៀន សំដៅរក្សាសុខមាលភាព និងសន្តិសុខដល់សង្គមជាតិទាំងមូល។• សាធារណៈជនដែលបានចូលរួមកែលំអរដល់កងកម្លាំង និងសហការផ្ដល់ព័ត៌មាន រួមគ្នាប្រឆាំងបទល្មើសគ្រឿងញៀន ដែលនេះជាស្មារតីដ៏ប្រពៃ ក្នុងការអនុវត្តន៍ទិសស្លោក «៣កុំ ១រាយការណ៍»៕ ដោយ ៖ ដារ៉ា

នាវាជាច្រើនបានមកប្រមូលផ្តុំនៅច្រកសមុទ្រខ្មៅ ខណៈការបាញ់ព្រមានរុស្ស៊ី រុញឲ្យមានភាពតានតឹង

នាវាពាណិជ្ជកម្ម នៅតែប្រមូលផ្តុំគ្នានៅច្រកនាវាចរណ៍ ជុំវិញសមុទ្រខ្មៅ កាលពីថ្ងៃចន្ទ ខណៈកំពង់ផែជាច្រើនព្យាយាមបញ្ចប់ការងារនៅសេសសល់ជាច្រើន ក្នុងពេលមានការព្រួយបារម្ភកើនឡើង ក្នុងចំណោមក្រុមហ៊ុនធានារ៉ាប់រង និងក្រុមហ៊ុនដឹកជញ្ជូន មួយថ្ងៃបន្ទាប់ពីនាវាចម្បាំងរុស្ស៊ី បាញ់ព្រមាននាវាដឹកទំនិញមួយគ្រឿង។ រុស្ស៊ី និយាយថា នាវាល្បាត Vasily Bykov របស់ខ្លួនកាលពីថ្ងៃអាទិត្យ បានបាញ់នាវា Sukru Okan ដោតទង់ជាតិប្រទេសប៉ាឡាវ (Palau) បន្ទាប់ពីកាពីទែននាវានោះ មិនបានឆ្លើយតបទៅនឹងសំណើរសុំឲ្យឈប់ដើម្បីត្រួតពិនិត្យ។ បន្ទាប់ពិការត្រួតពិនិត្យ នាវានោះ បានបន្តដំណើររបស់ខ្លួនឆ្ពោះទៅកាន់កំពង់ផែ Izmail ប្រទេសអ៊ុយក្រែនតាមដងទន្លេ Danube ។ កាលពីថ្ងៃចន្ទ ទីក្រុងគីវ បានថ្កោលទោសនូវអ្វីដែលខ្លួនបានចាត់ទុកសកម្មភាពរបស់រុស្ស៊ីថា ជាការបង្ករឿង និងបានអំពាវនាវឲ្យមានវិធានការប្រឆាំងដោយមិនស្ទាក់ស្ទើរ ធ្វើឡើងដោយសហគមន៍អន្តរជាតិ។ប្រភពពីឧស្សាហកម្មធានារ៉ាប់រងបាននិយាយថា អត្រាសម្រាប់ការបង់ប្រាក់ធានាហានីភ័យសង្គ្រាមបន្ថែមទៀត នៅតែមានស្ថិរភាពទោះបីជាមានលទ្ធភាពនៃការកើនឡើងប្រសិននាវាមួយគ្រឿងត្រូវបានធ្វើឲ្យខូចខាត ឬលិច។ ការចំណាយលើការបង់ប្រាក់ធានាពីហានីភ័យសង្គ្រាមនៅសមុទ្រខ្មៅ ដែលជាធម្មតាបន្តថ្មីរៀងរាល់៧ថ្ងៃ ហើយកំពុងបន្ថែមទៅលើការចំណាយធានារ៉ាប់រងប្រចាំឆ្នាំ ត្រូវបានប៉ាន់ប្រមាណថា មានចំនួនរាប់ម៉ឺនដុល្លារសម្រាប់នាវាមួយគ្រឿងក្នុងផ្លូវធ្វើដំណើរ។ យ៉ាងហោចណាស់ នាវា ៣០គ្រឿង កំពុងទម្លាក់យុទ្ធការនៅជុំវិញជ្រោយ Musura នៅសមុទ្រខ្មៅ ដែលឆ្ពោះទៅកាន់ព្រែកជីកមួយ ដែលភ្ជាប់ជាមួយកំពង់ផែ Izmail នៅតាមបណ្តោយផ្លូវទឹក ។

តំបន់ភាគខាងលិចរបស់ប្រទេសអ៊ុយក្រែន ត្រូវរងការវាយប្រហារតាមអាកាសទ្រង់ទ្រាយធំរបស់រុស្ស៊ី

ក្រុមមន្ត្រី បាននិយាយថា ប្រទេសរុស្ស៊ី បានបើកការវាយប្រហារតាមអាកាសទ្រង់ទ្រាយធំទៅលើតំបន់ល្វីវ (Lviv) ភាគខាងលិចរបស់ប្រទេសអ៊ុយក្រែន និងតំបន់វ៉ូលីន ( Volyn)ភាគពាយ័ព្យ ដោយត្រូវចំអគារជាច្រើន បណ្តាលឲ្យជនស៊ីវិលរងរបួស និងបង្ខំឲ្យមានការជម្លៀសមនុស្សចេញ។អភិបាលក្រុង លោក អានឌ្រីយ សាដូវយី ( Andriy Sadovyi) បាននិយាយនៅលើកម្មវិធីផ្ញើសារ Telegram នៅព្រឹកថ្ងៃអង្គារនេះថា៖«មីស៊ីលជាច្រើនគ្រាប់ ត្រូវបានបាញ់ទម្លាក់ ប៉ុន្តែក៏មានការវាយប្រហារនៅក្នុងទីក្រុងល្វីវផងដែរ ដោយបន្ថែមថា បទបញ្ជាជាច្រើនត្រូវបានចេញឲ្យជម្លៀសចេញពីយ៉ាងហោចណាស់អគារផ្ទះល្វែងមួយដែលកំពុងឆេះ។លោកអភិបាលក្រុងនេះ បាននិយាយនៅលើ Telegram ថា មនុស្ស ៤នាក់ ត្រូវការជំនួយផ្នែកវេជ្ជសាស្រ្ដ ហើយអគារលំនៅឋានជាង ១០០ខ្នង ត្រូវខូចខាតក្នុងការវាយប្រហារ រួមទាំងសាលាមត្តេយ្យមួយកន្លែង ដែលត្រូវបានបំផ្លាញដោយសារការធ្លាក់កម្ទេចកម្ទីពីមីស៊ីលរុស្ស៊ីដែលត្រូវបានបំផ្លាញ។មុននេះ អភិបាលតំបន់ល្វីវ លោក ម៉ាស៊ីម កូហ្ស៊ីតស្គី (Maxim Kozitsky) បាននិយាយថា៖«ក្រុមមី ស៊ីលរុស្ស៊ីជាច្រើនក្រុម ត្រូវបានតម្រង់ឆ្ពោះទៅកាន់តំបន់នេះ។

ទាហាននីហ្សេរីយ៉ា២៦នាក់ត្រូវបានសម្លាប់ នៅក្នុងការពួនស្ទាក់វាយប្រហារ ខណៈឧទ្ធម្ភាគចក្រជួយសង្គ្រោះបានធ្លាក់

ប្រភពយោធាពីរបានប្រាប់សារព័ត៌មាន AFP ថា យ៉ាងហោចណាស់សមាជិក២៦នាក់ នៃកងកម្លាំងសន្តិសុខនីហ្សេរីយ៉ា បានសម្លាប់ និងមនុស្ស៨នាក់ទៀត បានរងរបួសនៅក្នុងការពួកស្ទាក់វាយដោយខ្មាន់កាំភ្លើងនៅកណ្តាលប្រទេសនីហ្សេរីយ៉ា កាលពីល្ងាចថ្ងៃអាទិត្យ។បន្ថែមពីលើនេះទៀត អ្នកនាំពាក្យកងទ័ពអាកាសបាននិយាយថា ឧទ្ធម្ភាគចក្រជួយសង្គ្រោះអ្នករបួសបានធ្លាក់កាលពីព្រឹកថ្ងៃច័ន្ទ នៅតំបន់នោះ ជាទីដែលកងទ័ពកំពុងប្រយុទ្ធជាមួយក្រុមឧក្រិដ្ឋជន ដោយមិនបានបញ្ជាក់ពីថា តើយានិក និងអ្នកដំណើរបានរួចជីវិត ឬយ៉ាងណានោះទេ។ប្រភពនោះបាននិយាយថា "យើងបានបាត់បង់ទាហានចំនួន២៦នាក់ រួមទាំងមន្រ្តី៣នាក់ និងជនស៊ីវិល ៣នាក់ នៅក្នុងការប្រយុទ្ធនោះ ខណៈដែលទាហាន៨នាក់បានរងរបួស បន្ទាប់ពីការប្រយុទ្ធគ្នាយ៉ាងធ្ងន់ធ្ងរ នៅតាមបណ្តោយផ្លូវហាយវេ Zungeru-Tegina។អ្នកនាំពាក្យកងទ័ពអាកាសនីហ្សេរីយ៉ា បានបញ្ជាក់ថា ឧទ្ធម្ភាគចក្រ Mi-171 របស់ខ្លួន ខណៈពេលកំពុងបំពេញបេសកកម្មជម្លៀសជនរងគ្រោះ បានធ្លាក់កាលពីថ្ងៃចន្ទ បន្ទាប់ពីហោះចេញពីទីក្រុងZungeru។ លោកបាននិយាយថា ការខិតខំប្រឹងប្រែងកំពុងដំណើរការដើម្បីជួយសង្គ្រោះអ្នកដែលជិះលើយន្តហោះនោះ ហើយការស៊ើបអង្កេតបឋមត្រូវបានបើក ដើម្បីរកមូលហេតុនៃការធ្លាក់យន្តហោះនេះផងដែរ៕

មនុស្សជាច្រើននៅចក្រភពអង់គ្លេស ជួបផលលំបាកក្នុងការចិញ្ចឹមជីវិតប្រចាំថ្ងៃ ខណៈអតិផរណាឡើងខ្ពស់

ការប៉ុនប៉ងរបស់រដ្ឋាភិបាលចក្រភពអង់គ្លេស ក្នុងការគ្រប់គ្រងអតិផរណាដោយដំឡើងអត្រាការប្រាក់ បានបង្កើនបន្ទុកក្នុងការចិញ្ចឹមជីវិតប្រចាំថ្ងៃរបស់ប្រជាជន ដោយជំរុញឱ្យមានកូដកម្មដ៏ធំនៅគ្រប់វិស័យ ដែលបណ្តាលឱ្យចំនួនអ្នកគ្មានផ្ទះសម្បែង និងអត្រាឧក្រិដ្ឋកម្មកើនឡើង ដោយនាំទៅដល់ការបិទអាជីវកម្មតាមបែបប្រពៃណីជាច្រើនផងដែរ។យោងតាមទិន្នន័យដែលចេញផ្សាយដោយរដ្ឋាភិបាលអង់គ្លេស កាលពីថ្ងៃទី២៥ ខែកក្កដា ចំនួនគ្រួសារដែលរស់នៅក្នុងកន្លែងស្នាក់នៅបណ្តោះអាសន្នក្នុងប្រទេសអង់គ្លេស បានកើនឡើងដល់កម្រិតខ្ពស់ថ្មីចំនួន១០៥.០០០គ្រួសារ នៅក្នុងត្រីមាសទីមួយនៃឆ្នាំនេះ កើនឡើងចំនួន១០ភាគរយធៀបនឹងរយៈពេលដូចគ្នាកាលពីឆ្នាំមុន និងជាចំនួនខ្ពស់បំផុតចាប់តាំងពីកំណត់ត្រាបានចាប់ផ្តើមនៅឆ្នាំ១៩៩៨មក។អតិផរណារបស់ចក្រភពអង់គ្លេស បានកើនឡើងដល់កម្រិត៩,៤ភាគរយនៅក្នុងខែឧសភាឆ្នាំនេះ ដែលជាកម្រិតខ្ពស់បំផុតក្នុងរយៈពេល៤០ឆ្នាំ។ នាយករដ្ឋមន្ត្រីអង់គ្លេស លោក Rishi Sunak បានសន្យាថានឹងកាត់បន្ថយអតិផរណាចំនួនពាក់កណ្តាលនៅចុងឆ្នាំនេះ ដែលហាក់ដូចជាការប៉ុនប៉ងចុងក្រោយ ដើម្បីពន្យារការគ្រប់គ្រងរបស់គណបក្សអភិរក្ស។ការស្ទង់មតិចុងក្រោយបានបង្ហាញថា អត្រាគាំទ្ររបស់គណបក្សកាន់អំណាចកំពុងធ្លាក់ចុះ ហើយបក្សនេះអាចនឹងស្ថិតក្នុងស្ថានភាពមិនអំណោយផលនៅក្នុងការបោះឆ្នោតសកលនៅឆ្នាំក្រោយ៕

ការវាយប្រហារតាមអាកាសបានសម្លាប់មនុស្សយ៉ាងហោចណាស់២៦នាក់ នៅប្រទេសអេត្យូពី

មន្ត្រីមន្ទីរពេទ្យមួយបាននិយាយថា ការវាយប្រហារតាមអាកាសនៅក្នុងតំបន់ Amharaនៃប្រទេសអេត្យូពី បានសម្លាប់មនុស្សយ៉ាងហោចណាស់២៦នាក់ និងមនុស្ស៥៥នាក់បានរងរបួស។ ការវាយប្រហារនៅទីក្រុង Finote Selam កាលពីថ្ងៃអាទិត្យ គឺជាការវាយប្រហារមួយ ក្នុងចំណោមការវាយប្រហារមានមនុស្សស្លាប់ច្រើនបំផុតនៅក្នុងតំបន់ ជាទីដែលកងទ័ពបាននិងកំពុងប្រយុទ្ធជាមួយក្រុម ហ្វាណូ ដែលជាកងកម្លាំងប្រដាប់អាវុធយោធាប៉ារ៉ា។គណៈកម្មាធិការសិទ្ធិមនុស្សរបស់ប្រទេសអេត្យូពី បានសម្តែងការព្រួយបារម្ភយ៉ាងខ្លាំង ចំពោះអរិភាពដ៏មហន្តរាយនៅប្រទេសអេត្យូពីនេះ។ រដ្ឋាភិបាលរបស់លោកនាយករដ្ឋមន្ត្រីអេត្យូពី Abiy Ahmed បានប្រកាសដាក់រដ្ឋក្នុងគ្រាអាសន្នរយៈពេល៦ខែនៅទូទាំងតំបន់ Amhara កាលពីថ្ងៃទី៤ ខែសីហា។ ការប្រយុទ្ធគ្នានោះត្រូវបានបញ្ឆេះដោយការចោទប្រកាន់របស់ក្រុមប្រដាប់អាវុធ ហ្វាណូ ដែលថារដ្ឋាភិបាលសហព័ន្ធកំពុងព្យាយាមធ្វើឱ្យកម្លាំងកាការពាររបស់តំបន់ Amharaនេះ ចុះខ្សោយ។នេះជាវិបត្តិដ៏អាក្រក់បំផុតរបស់ប្រទេសអេត្យូពី ចាប់តាំងពីសង្គ្រាមស៊ីវិលនៅក្នុងតំបន់ Tigray ភាគខាងជើងបានបញ្ចប់ក្នុងខែវិច្ឆិកាមក។ ក្រុមហ្វាណូ បានគាំទ្រកងកម្លាំងសហព័ន្ធអំឡុងសង្គ្រាមតំបន់ Tigray ហើយពួកគេ បានបដិសេធមិនព្រមរំសាយអាវុធ ដោយជំរុញឱ្យរដ្ឋាភិបាលសហព័ន្ធដាក់ពង្រាយកងទ័ពទូទាំងតំបន់។អំពើហឹង្សានេះ បាននាំឱ្យមានចំណាត់ការជាក់ស្តែង ដូចជារដ្ឋាភិបាលអ៊ីស្រាអែលបានជម្លៀសពលរដ្ឋ និងប្រជាជនជ្វីហ្វចេញពីតំបន់នេះ កាលពីសប្តាហ៍មុន ព្រោះតំបន់ Amhara នេះគឺជាជម្រករបស់សមាជិករាប់ពាន់នាក់នៃសហគមន៍ជ្វីហ្វ៕

មនុស្សយ៉ាងហោចណាស់១០នាក់ ស្លាប់ បន្ទាប់ពីមានការផ្ទុះនៅជិតរដ្ឋធានីរបស់សាធារណរដ្ឋដូមីនីក

សារព័ត៌មានជាភាសាអេស្ប៉ាញ Hoy កាលពីថ្ងៃចន្ទ (ទី១៤ ខែកក្កដា) បានរាយការណ៍ថា មនុស្សយ៉ាងហោចណាស់ ១០នាក់ បានស្លាប់ បន្ទាប់ពីមានការផ្ទុះនៅជិតរដ្ឋធានីនៃសាធារណរដ្ឋដូមីនីក។សារព័ត៌មានដដែលនេះ បានឲ្យដឹងទៀតថា ក្រៅពីអ្នកស្លាប់នោះ ក៏មានអ្នករងរបួសយ៉ាងតិចណាស់ ២៨នាក់ផ្សេងទៀតដែរ ក្នុងហេតុការណ៍ផ្ទុះនៅរោងចក្រប្លាស្ទិកមួយ នៅខេត្ត San Cristobal ភាគខាងត្បូងនៃសាធារណរដ្ឋដូមីនីក។ជាមួយគ្នានេះ សេវាសុខភាពជាតិ បានឲ្យដឹងនៅក្នុងសេចក្តីថ្លែងការណ៍ថា ជនរងគ្រោះទាំងនោះ ក៏រួមមានទារកអាយុ ៤ខែម្នាក់ និងមនុស្សពេញវ័យ ២នាក់ ដែលពួកគេ សុទ្ធតែរងការរលាក ៩០ភាគរយ នៅលើដងខ្លួនដូចគ្នា។រដ្ឋមន្ត្រីនៃការិយាល័យប្រធានាធិបតី លោក Joel Santos បានទៅកន្លែងកើតមហន្តរាយនេះ ជាទីដែលលោក បាននិយាយថា ធនធានរបស់រដ្ឋាភិបាល នឹងត្រូវបានប្រើប្រាស់ជួយសង្គ្រោះជនរងគ្រោះឲ្យបានច្រើនតាមដែលអាចធ្វើទៅបាន៕

ក្រុមសិទ្ធិមនុស្សជំរុញឲ្យមានការអន្តរាគមន៍ពីអន្តរជាតិឲ្យបានឆាប់ ដើម្បីបញ្ចប់អំពើហិង្សាបង្កឡើងដោយក្រុមអន្ធពាលនៅប្រទេសហៃទី

ក្រុមសិទ្ធិមនុស្សមួយកាលពីថ្ងៃចន្ទ បានជំរុញឲ្យសហគមន៍អន្តរជាតិធ្វើការអន្តរាគមន៍ឲ្យបានឆាប់រហ័ស ដើម្បីបញ្ចប់អំពើហិង្សាដែលកើនឡើងខ្លាំងដោយក្រុមអន្ធពាលនៅក្នុងប្រទេសហៃទី ខណៈក្រុមនេះ បានរៀបរាប់លម្អិតអំពីការរំលោភ និងការសម្លាប់យ៉ាងឃោរឃៅ ដែលបានប្រព្រឹត្តនៅក្នុងរដ្ឋធានីរបស់ប្រទេសដែលមានបញ្ហានេះ។ការអំពាវនាវរបស់អង្គការឃ្លាំមើលសិទិ្ធមនុស្ស បានធ្វើឡើង នៅពេលដែលប្រទេសហៃទី រង់ចាំការឆ្លើយតបពីក្រុមប្រឹក្សាសន្តិសុខUN ចំពោះសំណើរបស់ខ្លួននៅក្នុងខែតុលាសម្រាប់ការដាក់ពង្រាយកងកម្លាំងប្រដាប់អាវុធអន្តរជាតិជាបន្ទាន់ ដើម្បីប្រយុទ្ធប្រឆាំងនឹងការកើនឡើងនៃអំពើហិង្សា។លោក Ida Sawyer នាយកទទួលបន្ទុកដោះស្រាយវិបត្តិនិងជម្លោះរបស់ក្រុមនេះ ដែលបានទៅបំពេញទស្សនកិច្ចនៅប្រទេសហៃទី ដើម្បីប្រមូលនិងចងក្រងរបាយការណ៍ស្តីពីអំពើហិង្សា បាននិយាយថា៖« នៅពេលដែលយើងរង់ចាំយូរ ហើយមិនមានការឆ្លើយតបនេះ យើងនឹងឃើញប្រជាជនហៃទីកាន់តែច្រើន ត្រូវបានសម្លាប់ ចាប់រំលោភ និងចាប់ពង្រត់ និងមនុស្សជាច្រើនទៀត ដែលរងទុក្ខដោយមិនមានអាហារទទួលទានគ្រប់គ្រាន់៕

មន្ត្រីក្រសួងការពារជាតិ៖ ប្រទេសរុស្ស៊ីផ្គត់ផ្គង់ប្រព័ន្ធការពារដែនអាកាស S-400 ដល់ឥណ្ឌាតាមកាលវិភាគ

ទីភ្នាក់ងារព័ត៌មានInterfax បានដកស្រង់សម្តីមន្ត្រីជាន់ខ្ពស់ម្នាក់ដែលទទួលបន្ទុកផ្នែកនាំចេញនៃក្រសួងការពារជាតិរុស្ស៊ី កាលពីថ្ងៃចន្ទថា ប្រទេសរុស្ស៊ី នឹងផ្តល់ការបញ្ជាទិញប្រព័ន្ធប្រឆាំងយន្តហោះS-400 ដល់ប្រទេសឥណ្ឌា ក្នុងរយៈពេលដែលបានព្រមព្រៀងគ្នា។ប្រទេសឥណ្ឌា គឺជាប្រទេសនាំចូលអាវុធដ៏ធំបំផុតរបស់ពិភពលោក ហើយភាគច្រើននៅតែប្រើប្រាស់បច្ចេកវិទ្យារុស្ស៊ីសម្រាប់អាវុធប្រពៃណី ប៉ុន្តែក្រុមមន្ត្រីនៅទីក្រុងញូវដែលី បានសម្តែងការព្រួយបារម្ភថាសង្រ្គាមរបស់រុស្ស៊ីនៅអ៊ុយក្រែន អាចពន្យារពេលការដឹកជញ្ជូនសព្វាវុធដែលបានគ្រោងទុកនោះ។សារព័ត៌មានInterfax បានដកស្រង់សម្តី លោកឌីមិទ្រី ស៊ុហ្គាអេវ (Dmitry Shugaev) ប្រធានសេវាសហព័ន្ធសម្រាប់កិច្ចសហប្រតិបត្តិការបច្ចេកទេសយោធារបស់ប្រទេសរុស្ស៊ី ដោយនិយាយថា៖«ការផលិតប្រព័ន្ធមីស៊ីលប្រឆាំងយន្តហោះS-400 Triumf ( ត្រាយអឹម) កំពុងត្រូវបានធ្វើឡើង តាមកាលវិភាគ»។ លោកបាននិយាយនៅក្នុងការអត្ថាធិប្បាយដែលបានធ្វើឡើងក្នុងអំឡុងពេលព្រឹត្តិការណ៍កងកម្លាំងប្រដាប់អាវុធថា៖«ការប្រគល់ឧបករណ៍នៃប្រព័ន្ធ S-400 Triumf ត្រូវបានគេរំពឹងថា នឹងបញ្ចប់ក្នុងរយៈពេលដែលបានព្រមព្រៀងគ្នា»។

បណ្ដាញសង្គម

ព័ត៌មានថ្មីៗ

មនុស្សយ៉ាងតិច ៣០នាក់ស្លាប់ ក្នុងហេតុការណ៍ប្រជ្រៀតជាន់គ្នា នៅទីតាំងប្រវត្តិសាស្ត្ររបស់ហៃទី

ចិនផ្តល់វិធានការលើកទឹកចិត្តដល់កោះតៃវ៉ាន់ បន្ទាប់ពីមានទស្សនកិច្ចរបស់មេដឹកនាំប្រឆាំង

ការគ្រប់គ្រងច្រកសមុទ្រ Hormuz និងការស្តុកសារធាតុអ៊ុយរ៉ានីញ៉ូមរបស់អ៊ីរ៉ង់ គឺជាចំណុចជាប់គាំង

លោក Netanyahu៖ អ៊ីស្រាអែលចង់បាន «កិច្ចព្រមព្រៀងសន្តិភាពពិត» ជាមួយលីបង់ មុនជួបគ្នានៅក្រុងវ៉ាស៊ីនតោន

មន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើការងារស្ថាបនាផ្លូវក្រាលដីល្បាយក្រួស ១ខ្សែ ប្រវែង ៩គីឡូម៉ែត្រ នៅទីតាំងដីសម្បទានសង្គមកិច្ច ខេត្តឧត្តរមានជ័យ

ប្រជាជនហុងគ្រីបោះឆ្នោតនៅក្នុងការបោះឆ្នោតដែលត្រូវបានតាមដានដោយ EU រុស្ស៊ី និងអាមេរិក

រុស្ស៊ី និងអ៊ុយក្រែនចោទគ្នាទៅវិញទៅមកថា បានរំលោភបទឈប់បាញ់បុណ្យ Easter

លោកជំទាវបណ្ឌិត ពេជ ចន្ទមុន្នី អញ្ជើញសំណេះសំណាលជាមួយអ្នកធាក់ស៊ីក្លូ ក្នុងឱកាសបុណ្យចូលឆ្នាំថ្មី

លីបង់៖ ចំនួនអ្នកស្លាប់ដោយសារការវាយប្រហាររបស់អ៊ីស្រាអែល កើនឡើងលើស ២.០០០នាក់

នាយករដ្ឋមន្ត្រីអ៊ីស្រាអែល៖ សង្គ្រាមបានជោគជ័យ ក្នុងការកម្ទេចកម្មវិធីនុយក្លេអ៊ែរ និងមីស៊ីលរបស់អ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877