BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

ប្រទេសកូឡុំប៊ីអបអរសេចក្តីសម្រេចរបស់ទីក្រុងឡាអេ លើជម្លោះដែនសមុទ្រជាមួយប្រទេសនីការ៉ាហ្គ័រ

កាលពីថ្ងៃព្រហស្បតិ៍ (១៣ កក្កដា) ប្រទេសកូឡុំប៊ីបានអបអរសេចក្តីសម្រេចរបស់តុលាការយុត្តិធម៌អន្តរជាតិ(ICJ) ដែលបានច្រានចោលបណ្តឹងរបស់ប្រទេសនីការ៉ាហ្គ័រ ដែលស្វែងរកការកំណត់ និងពង្រីកសិទ្ធិសេដ្ឋកិច្ចនៅដែនសមុទ្រជ្រៅរបស់ខ្លួនលើសពីអ្វីដែលបានបង្កើតឡើងពីមុន នៅក្នុងជម្លោះព្រំដែនសមុទ្រដែលអូសបន្លាយពេលយូរលើប្រជុំកោះនៃមហាសមុទ្រការាអ៊ីប ជាមួយប្រទេសកូឡុំប៊ី។ចៅក្រមនៅតុលាការពិភពលោកដែលមានទំនងជាមួយអង្គការសហប្រជាជាតិ ឬតុលាការយុត្តិធម៌អន្តរជាតិ បានរកឃើញថា សិទ្ធិសមុទ្រទឹកជ្រៅរបស់នីការ៉ាហ្គ័រក្នុងចម្ងាយ ២០០ម៉ាយល៍ណត់ (៣៧០គីឡូម៉ែត្រ) ត្រូវបានបង្កើតឡើងពីមុន ហើយបានបដិសេធការអំពាវនាវរបស់ប្រទេសនេះក្នុងការទាមទារឱ្យពង្រីកព្រំដែនសមុទ្រ។ប្រធានាធិបតីកូឡុំប៊ីលោក Gustavo Petro បានសាទរចំពោះសេចក្តីសម្រេចនេះ នៅក្នុងការបង្ហោះនៅលើបណ្ដាញសង្គម Twitter ដោយហៅការសម្រេចនោះថាជា "ជ័យជម្នះដ៏អស្ចារ្យសម្រាប់ប្រទេសកូឡុំប៊ី"។ រដ្ឋាភិបាលរបស់នីការ៉ាហ្គាបានឆ្លើយតបនៅក្នុងសេចក្តីថ្លែងការណ៍មួយដោយបញ្ជាក់ថា ខ្លួនបានទទួលស្គាល់សេចក្តីសម្រេចរបស់តុលាការថា "រឹងមាំ ច្បាស់លាស់ និងជាកាតព្វកិច្ចខ្លួន"។ចាប់តាំងពីដើមសតវត្សរ៍ទី២០មក ប្រទេសនីការ៉ាហ្គ័រ និងកូឡុំប៊ីបានឈ្លោះប្រកែកគ្នាអំពីកម្មសិទ្ធិនៃធនធានរ៉ែ និងដែនទឹកដែលសម្បូរដោយភោគផលត្រីនៅក្នុងសមុទ្រការាអ៊ីប ទោះបីជាប្រទេសទាំងពីរមិនមានព្រំដែនដីគោកជាប់គ្នាក៏ដោយ៕

តុលាការបោះឆ្នោត៖ គ្មានការរឹតបន្តឹងលើការបោះឆ្នោតជុំទី២ របស់ហ្គាតេម៉ាឡាទេ

មន្ត្រីជាន់ខ្ពស់ម្នាក់មកពីតុលាការបោះឆ្នោតបាននិយាយកាលពីថ្ងៃព្រហស្បតិ៍ (១៣ កក្កដា)ថា មិនមានការរឹតបន្តឹងផ្លូវច្បាប់ណាមួយដែលរារាំងការជាប់ឆ្នោតប្រធានាធិបតីរបស់ប្រទេសហ្គាតេម៉ាឡាដែលត្រូវបានអនុវត្តនោះទេ បន្ទាប់ពីតុលាការធម្មនុញ្ញបានកាត់សេចក្តីឱ្យផ្អាកគណបក្សមួយពីការប្រកួតបោះឆ្នោតប្រធានាធិបតីនៃប្រទេសមួយនេះ។តុលាការជាន់ទាបមួយកាលពីថ្ងៃពុធបានបញ្ជាឱ្យផ្អាកបេក្ខជនប្រធានាធិបតីលោក Bernardo Arevalo មកពីគណបក្ស Semilla ឆ្វេងនិយមកណ្តាល ដែលបានធ្វើឱ្យការបោះឆ្នោតជុំទីពីរចុងក្រោយនៅថ្ងៃទី២០ ខែសីហាមានភាពចលាចល។ការបោះឆ្នោតបានធ្លាក់ចូលទៅក្នុងភាពចលាចល នៅពេលដែលតុលាការជាន់ទាបបានផ្តល់សំណើរបស់រដ្ឋអាជ្ញាដើម្បីដកគណបក្ស Semilla ជុំវិញការចោទប្រកាន់ថាគណបក្សនេះមានសមាជិកពាក់ព័ន្ធនឹងរឿងខុសច្បាប់ជាង៥.០០០នាក់ រួមទាំងមនុស្សស្លាប់ចំនួន១២នាក់។លោក Arevalo ទទួលបានកំណើននៃការគាំទ្រនៅក្នុងការបោះឆ្នោតជុំទី១ កាលពីខែមិថុនា ក្នុងការមានលក្ខណៈសម្បត្តិគ្រប់គ្រាន់សម្រាប់ការបោះឆ្នោតជុំទី២ប្រឆាំងនឹងអតីតស្រ្តីទីមួយគឺលោកស្រី Sandra Torres នៅថ្ងៃទី២០ ខែសីហា។ លោកបានគម្រាមចាត់វិធានការលើការបង្កើតនយោបាយដែលលោកចោទប្រកាន់ថាពុករលួយ៕

វិបត្តិទឹកបានធ្វើឲ្យប៉ះពាល់យ៉ាងខ្លាំងដល់ការចិញ្ចឹមត្រីនៅទីក្រុង Basra របស់ប្រទេសអ៊ីរ៉ាក់

បច្ចុប្បន្នប្រទេសអ៊ីរ៉ាក់ កំពុងស្ថិតក្នុងវិបត្តិកង្វះខាតទឹកធ្ងន់ធ្ងរ ដែលធ្វើឲ្យអ្នកដំាដំណាំ និងអ្នកផលិតចំណីអាហារ ដូចជាកសិករចិញ្ចឹមត្រីអ៊ីរ៉ាក់ លោក Qasem Karamប្រឈមនឹងការបាត់បង់ជីវភាពរស់នៅប្រចាំថ្ងៃរបស់ពួកគេ ។ ក្រុមអ្នកជំនាញ និងក្រុមមន្រ្តីនិយាយថា ការលើកទំនប់ខ្សែទឹកខាងលើនៅក្នុងប្រទេសទួរគី និងអ៊ីរ៉ង់ បានធ្វើឲ្យប៉ះពាល់ដល់ចរន្តទឹកហូររួចទៅហើយនៅតាមដងទន្លេ Tigris និងទន្លេ Euphrates( អ៊ើហ្វ្រេត) ដែលបង្កើតបានជាទន្លេ Shatt al-Arabបន្ថែមពីការបញ្ចេញទឹកកាកសំណល់ និងភ្លៀងធ្លាក់តិចតួច ដោយសារតែបម្រែបម្រួលអាកាសធាតុ ជាហេតុធ្វើឲ្យ មានការកាត់បន្ថយដ៏គំហុកលើការចិញ្ចឹមត្រី ។ កម្រិតទឹកទាបជាងមុន បានបង្កើនការហួតទឹកកាន់តែខ្លាំងផងដែរ ហើយនិងធ្វើឲ្យទឹកកាន់តែប្រៃជាងមុន ។ លោក Karam និងកសិករចិញ្ចឹមត្រី ៣នាក់ផ្សេងទៀតដែលទីភ្នាក់ងារព័ត៌មានរ៉យទ័របានធ្វើបទសម្ភាសន៍ និយាយថា ការបាត់បង់ទឹកល្មម បានធ្វើឲ្យពួកគេលែងមានមុខរបររីកចម្រើន និងចំណេញប្រាក់ ។ លោក Karam និយាយថា ត្រីរបស់គាត់ឥឡូវបានឈឺផងដែរ មិនសូវលូតលាស់ ឬងាប់ ដោយសារតែលទ្ធផលបែបនេះ ។ យោងតាមការអះអាងរបស់លោក Abbas Dakheel គឺជាមន្រ្តីនៅអគ្គនាយកដ្ឋានកសិកម្មទីក្រុង Basra បានឲ្យដឹងថា កសិដ្ឋានចិញ្ចឹមត្រីមានច្បាប់អនុញ្ញាត ៤កន្លែងប៉ុណ្ណោះ បន្តការងារចិញ្ចឹមត្រីរបស់ពួកគេនៅក្នុងឆ្នាំនេះ ពោលគឺខុសគ្នាពីកសិដ្ឋានចិញ្ចឹមត្រី ១៥កន្លែងដែលនៅប្រតិបត្តិការអំឡុងឆ្នាំ ២០២០ ។ សូមបញ្ជាក់ថា ដើម្បីស្រោចស្រង់វិបត្តិកង្វះខាតទឹកធ្ងន់ធ្ងរ ក្រុមអាជ្ញាធរអ៊ីរ៉ាក់ បានចាត់វិធានការជាច្រើនដែលរួមទាំងការបិទកសិដ្ឋានចិញ្ចឹមត្រីគ្មានច្បាប់អនុញ្ញាតប្រហែល ៩៥កន្លែងនៅក្នុងទីក្រុង Basra ៕

តារាសម្តែងហូលីវូដ ចូលរួមជាមួយក្រុមអ្នកនិពន្ធ ក្នុងកូដកម្មជាប្រវត្តិសាស្ត្រ

តារាសម្ដែងរបស់ផលិតកម្មហូលីវូដ បានធ្វើកូដកម្ម នៅពាក់កណ្តាលអធ្រាត្រថ្ងៃព្រហស្បតិ៍ (ទី១៣ ខែកក្កដា) បន្ទាប់ពីការចរចាជាមួយស្ទូឌីយោ បានបរាជ័យ ដោយចូលរួមជាមួយអ្នកនិពន្ធអត្ថបទភាពយន្ត និងទូរទស្សន៍ ដែលបានជួបជុំគ្នា តាំងពីខែឧសភា និងដោយធ្វើឲ្យរាំងស្ទះកាន់តែខ្លាំងឡើងដល់ការផ្សាយកម្មវិធីកម្សាន្ត និងភាពយន្តជាច្រើន។ឥឡូវនេះ ស្ទូឌីយោ កំពុងប្រឈមជាមួយការឈប់ដំណើរការចំពោះការងារទាំង២ ជាលើកដំបូងរបស់ខ្លួន ក្នុងរយៈពេល ៦៣ឆ្នាំ ដោយជំរុញឲ្យពួកគេបង្ខំចិត្តបញ្ឈប់ផលិតកម្មជាច្រើន នៅទូទាំងសហរដ្ឋអាមេរិក និងក្រៅប្រទេស។ កូដកម្មរួមបញ្ចូលគ្នានេះ នឹងបន្ថែមការខូចខាតផ្នែកសេដ្ឋកិច្ច ដោយសារការដើរចេញរបស់អ្នកនិពន្ធ ដោយផ្តល់ផលប៉ះពាល់មួយផ្សេងទៀតដល់ឧស្សាហកម្ម ដែលកំពុងប្រឹងដោះស្រាយកែប្រែអាជីវកម្មរបស់ខ្លួន។សហជីពដែលមានឈ្មោះថា SAG-AFTRA Screen Actors Guild និងសមាគមសិល្បករទូរទស្សន៍ និងវិទ្យុអាមេរិក បានចូលរួមជាមួយសមាគមអ្នកនិពន្ធ Writers Guild of America (WGA) ក្នុងកូដកម្មទាមទារដំឡើងប្រាក់ឈ្នួលគោល និងអត្ថប្រយោជន៍ផ្សេងៗទៀត នៅក្នុងយុគសម័យទូរទស្សន៍ផ្សាយផ្ទាល់តាមប្រព័ន្ធអ៊ិនធឺណេតនេះ បូករួមទាំងការធានាថា ការងាររបស់ពួកគេ នឹងមិនត្រូវបានជំនួសដោយបញ្ញាសិប្បនិម្មិត (AI) នោះទេ។លោកស្រី Fran Drescher អតីតតារាដ៏ល្បីល្បាញរបស់កម្មវិធីទូរទស្សន៍ «The Nanny» និងជាប្រធានសហជីព SAG-AFTRA បានហៅការឆ្លើយតបរបស់ស្ទូឌីយោ ចំពោះកង្វល់ពីតារាសម្តែងថា ជា «ប្រមាថ និងមិនគោរព»។ផលិតកម្មហូលីវូដ មិនបានជួបប្រទះនឹងការធ្វើកូដកម្មក្នុងពេលដំណាលគ្នានោះឡើយ ចាប់តាំងពីឆ្នាំ១៩៦០ នៅពេលដែលសមាជិកនៃសមាគម WGA និង Screen Actors Guild ទាំង២ បានលាឈប់ពីការងារ ដើម្បីជាការតវ៉ាប្រឆាំងនឹងការមិនទទួលបានអត្ថប្រយោជន៍ផ្សេងៗពីលក់ខ្សែភាពយន្តឲ្យទៅបណ្តាញស្ថានីយទូរទស្សន៍៕

ក្រុមអ្នកជំនាញ៖ ទីក្រុង Chicago និង New York អាចនឹងមានគុណភាពខ្យល់ដ៏អាក្រក់បំផុតនៅលើពិភពលោក

វាទើបតែមានរយៈពេល ២សប្តាហ៍មុនប៉ុណ្ណោះ ពេលដែលទីក្រុង Chicago សហរដ្ឋអាមេរិក មានគុណភាពខ្យល់ដ៏អាក្រក់បំផុតនៅលើពិភពលោកដោយសារតែផ្សែងហោះចេញពីភ្លើងឆេះព្រៃនៅក្នុងប្រទេសកាណាដា ។ វាកាន់តែអាក្រក់បំផុត ពេលដែលមនុស្សរាប់លាននាក់ ត្រូវបានគេព្រមានឲ្យស្នាក់នៅក្នុងផ្ទះរយៈពេលច្រើនថ្ងៃដោយសារការព្រួយបារម្ភថា ភាគល្អិតនៅក្នុងខ្យល់អាចនឹងធ្វើឲ្យពួកគេធ្លាក់ខ្លួនឈឺ ។ ផ្សែងកខ្វក់នៅក្នុងទីក្រុង Chicago បានកើតមានឡើងរយៈពេលប៉ុន្មានសប្តាហ៍ប៉ុណ្ណោះ ក្រោយផ្សែងភ្លើងឆេះព្រៃកាណាដា បានគ្របដណ្តប់លើទីក្រុង New Yorkធ្វើឲ្យផ្ទៃមេឃប្រែជាស្រអាប់ និងឡើងពណ៌លឿងទុំ ។ ស្របពេលដែលភ្លើងឆេះព្រៃនៅកាណាដា ត្រូវបានគេរំពឹងថានឹងបន្តឆាបឆេះពេញរដូវក្តៅ ហើយនិងបន្តរហូតដល់រដូវស្លឹកឈើជ្រុះនោះ ក្រុមអ្នកជំនាញបម្រែបម្រួលអាកាសធាតុ មានជំនឿថា ទីក្រុង New York, Chicago និងទីក្រុងជាច្រើនទៀតរបស់សហរដ្ឋអាមេរិក អាចនឹងហ៊ុព័ទ្ធដោយផ្សែងម្តងទៀត ក្នុងពេលដ៏ខ្លីខាងមុខនេះ ដែលជាគុណភាពខ្យល់ដ៏អាក្រក់បំផុតនៅលើពិភពលោក ។ លោក Daniel Horton គឺជាសាស្រ្តាចារ្យរង និងជាអ្នកដឹកនាំក្រុមស៊ើបអង្កេតសម្រាប់ក្រុមស្រាវជ្រាវបម្រែបម្រួលអាកាសធាតុនៅសាកលវិទ្យាល័យ Northwestern បាននិយាយប្រាប់ទីភ្នាក់ងារព័ត៌មានរ៉យទ័រថា ក្តីកង្វល់ពីគុណភាពខ្យល់គ្មានសុខភាពនៅទីក្រុង Chicago និងទីក្រុង New York បានជួយធ្វើឲ្យបញ្ហាក្លាយជាចំណាប់អារម្មណ៍របស់សាធារណជន ៕

ភ្លើងឆេះព្រៃ បានឆាបឆេះផ្ទះសម្បែងប្រជាពលរដ្ឋ និងរថយន្តជាច្រើនគ្រឿងនៅប្រទេសក្រូអាត

អណ្តាតភ្លើង និងផ្សែងខ្មៅយ៉ាងក្រាស់ឃ្មឹក បានហោះពីលើផ្ទះ និងរថយន្តដែលរងការឆាបឆេះ នៅប្រទេសក្រូអាត ស្របពេលដែលភ្លើងឆេះព្រៃ បានឆាបឆេះឡើងកាលពីថ្ងៃព្រហស្បតិ៍ ក្នុងនោះភូមិមួយកន្លែងរងការឆាបឆេះគ្មានសេសសល់ ហើយភូមិជាច្រើនកន្លែងទៀត រងការគំរាមកំហែង ស្របពេលដែលសីតុណ្ហភាពបន្តហក់ឡើងខ្ពស់នៅទូទាំងប្រទេស ។ ស្ថានភាពអាកាសធាតុក្តៅខ្លាំងបានកើតមាននៅតំបន់បាល់កង់ ពេលដែលសីតុណ្ហភាពកើនឡើងដល់ជាង ៤០អង្សាសេកាលពីថ្ងៃព្រហស្បតិ៍ គឺរលកកម្តៅមួយគេដាក់ឈ្មោះ "Cerberus" ជាឈ្មោះសត្វសុនខក្បាល ៣របស់ឋាននរគនៅក្នុងទេវកថាក្រិក ដែលបានវាយប្រហារនៅទូទាំងអឺរ៉ុប ។ នៅក្នុងប្រទេសក្រូអាត ក្រុមភ្នាក់ងារពន្លត់អគ្គិភ័យ ៥៦នាក់ ជាមួយនឹងរថយន្ត ២០គ្រឿង និងយន្តហោះ ៣គ្រឿង បានប្រឹងប្រែងទប់ស្កាត់ភ្លើងឆេះព្រៃដែលបានរីករាលដាលយ៉ាងឆាប់រហ័ស ដោយសារតែខ្យល់បក់ខ្លាំងមកពីទិសខាងត្បូង នៅជិតទីក្រុង Sibenik ជាប់សមុទ្រ Adriatic ។ ភូមិ Grebastica រងការឆាបឆេះទាំងស្រុងដោយសារភ្លើងឆេះព្រៃ ក្នុងនោះរថយន្ត និងផ្ទះសម្បែងប្រជាពលរដ្ឋ ត្រូវបានបំផ្លិចបំផ្លាញ ។ គេរំពឹងផងដែរថា សីតុណ្ហភាពនឹងបន្តនៅ ៤០អង្សាសេនៅទូទាំងតំបន់រហូតដល់សប្តាហ៍ក្រោយ ៕

ព្យុះស៊ីក្លូនដ៏មានឥទ្ធិពល វាយបក់លើប្រទេសប្រេស៊ីលភាគខាងត្បូង មនុស្សម្នាក់ស្លាប់

ប្រេស៊ីល៖ អង្គភាពការពារជនស៊ីវិលក្នុងតំបន់ បាននិយាយថា ព្យុះដ៏មានឥទ្ធិពល បានវាយបក់បោកមកលើប្រទេសប្រេស៊ីលភាគខាងត្បូងកាលពីយប់ថ្ងៃពុធ ដែលបានជន់លិចផ្លូវជាច្រើនកន្លែង និងលំនៅឋានជាច្រើនខ្នង និងបានបណ្តាលឲ្យមនុស្សម្នាក់ស្លាប់។ ទីក្រុង Vera Cruz, Sobradinho, និងទីក្រុង Joia ស្ថិតនៅភាគពាយព្យ តំបន់ Rio Grande Do Sul បានប្រកាសដាក់រដ្ឋក្នុងគ្រាអាសន្នដោយសារតែការបំផ្លាញបណ្តាលមកពី ការកើតឡើងនៃព្យុះស៊ីក្លូនត្រូពិកដ៏មានឥទ្ធិពល។ ពលរដ្ឋជាច្រើន នៅក្នុងតំបន់រងផលប៉ះពាល់ បានស្វែងរកទីជម្រកនៅទីតាំងហាត់កីឡា នៅទីក្រុងរបស់ពួកគេ។ អាជ្ញាធរបានព្រមានពីហានីភ័យនៃបំណាក់ដីនៅក្នុងតំបន់ជាច្រើន។

លោក Wang Yi៖ ចិន និងអាស៊ាន ស្ថិតលើផ្លូវដ៏ត្រឹមត្រូវនៃការអភិវឌ្ឍន៍រួម និងវិបុលភាព

ចិន៖ នាយកការិយាល័យនៃគណៈកម្មាធិការកណ្តាលសម្រាប់កិច្ចការបរទេស លោក Wang Yi បាននិយាយកាលពីថ្ងៃព្រហស្បតិ៍ថា ប្រទេសចិននិងអាស៊ាន បង្ហាញនូវផ្លូវត្រឹមត្រូវនៃការកសាងភាពជាអ្នកជិតខាងល្អរយៈពេលយូរអង្វែង ខណៈទទួលបានការអភិវឌ្ឍន៍រួម និងវិបុលភាព។ អ្នកការទូតជាន់ខ្ពស់ចិន បានធ្វើអត្ថាធិប្បាយដូច្នេះ ខណៈចូលរួមក្នុងកិច្ចប្រជុំរដ្ឋមន្ត្រីការបរទេសចិន-អាស៊ាន ដែលបង្ហាញពីសមិទ្ធផលនៃការពង្រីកគ្រប់ជុំនៃកិច្ចសហប្រតិបត្តិការ ផ្តល់ផលប្រយោជន៍ឲ្យគ្នាទៅវិញទៅមករវាងប្រទេសចិននិងសមាគមនប្រជាជាតិអាស៊ីអាគ្នេយ៍ ឬអាស៊ាន។ លោក បាននិយាយថា អស់រយៈកាលជាង២០ឆ្នាំកន្លងទៅនេះ ប្រទេសចិន និងអាស៊ាន បានអនុវត្តយ៉ាងសកម្ម នូវរាល់បំណង និងគោលការណ៍នៃសន្ធិសញ្ញាចំណងមិត្តភាព និងកិច្ចសហប្រតិបត្តិការ នៅក្នុងតំបន់អាស៊ីអាគ្នេយ៍ និងពង្រីកកិច្ចសហប្រតិបត្តិការផ្តល់ផលប្រយោជន៍ឲ្យគ្នាទៅវិញទៅមករាល់ការប្រឈមទាំំងអស់។ លោក Wang Yi និយាយថា ទី១ ភាគីទាំងពីរ បានធ្វើការរួមគ្នា លើការកសាងសហគមន៍ដែលមានអនាគតរួមគ្នា។ ប្រទេសចិន និងអាស៊ាន បានជួយគ្នា ចែករំលែកឱកាសអភិវឌ្ឍន៍ និងជម្នះបញ្ហាប្រឈមទៅនឹងជំងឺរាតត្បាត។ ប្រទេសចិនបានឈានដល់ការឯកភាពដ៏ខាន់ ជាមួយប្រទេសឥណ្ឌូនេស៊ី ថៃ ម៉ាឡេស៊ី មីយ៉ាន់ម៉ា ឡាវ និងកម្ពុជា លើការកសាងសហគមន៍រួមដែលមានអនាគតរួមគ្នា។ លោកWang និយាយថា ទី២ ការស្ថាបនារួមគ្នានៃផ្លូវនិងខ្សែក្រវ៉ាត់ ដែលបានមើលឃើញគម្រោងជាព្រឹត្តិការណ៍សំខាន់ដែលបានបំពេញ រួមមានការបើកផ្លូវល្បឿនលឿនភ្នំពេញ-ក្រុងព្រះសីហនុរបស់កម្ពុជា ការបើកសេវាអ្នកដំណើរឆ្លងកាត់ព្រំដែនរវាងចិន-អាស៊ានលើផ្លូវរថភ្លើងចិន-ឡាវ និងច្រករបៀងពាណិជ្ជកម្មសមុទ្រ-ដីគោកអន្តរជាតិថ្មី ដែលបានបើកបណ្តាញមាសសម្រាប់កិច្ចសហប្រតិបត្តិការឆ្លងកាត់តំបន់ ដែលនាំមកនូវផលប្រយោជន៍ជាក់ស្តែងដល់ពលរដ្ឋជាង២ពាន់លាននាក់៕

ពលរដ្ឋម៉ិកស៊ិក តស៊ូក្នុងកម្តៅខ្លាំង ដែលកំពុងកើតឡើងនៅភាគខាងជើងប្រទេស

ម៉ិកស៊ិក៖ ប្រជាជននៅក្នុងទីក្រុង Mexicali ភាគពាយព្យប្រទេសម៉ិកស៊ិក បញ្ចៀសការចញទៅខាងក្រៅក្នុងកម្តៅខ្លាំង និងព្យាយាមរក្សាខ្លួនពួកគេឲ្យមានសំណើមជាតិទឹកដើម្បីជួយទប់ទលើកម្តៅ ខណៈតំបន់ស្ថិតក្រោមសីតុណ្ហភាពកើនឡើង។ យោងតាមផ្ទាំងអេក្រង់តាំងបង្ហាញ ដែលបង្ហាញពីសីតុណ្ហភាពនៅក្នុងតំបន់ បានឲ្យដឹងថា នៅសប្តាហ៍នេះ សារធាតុបារ៉តឡើងខ្ពស់ ដែលបានឈានដល់៥១អង្សាសេ។នៅកន្លែងចតរថយន្តនៃអគារពាណិជ្ជកម្ម កម្មករសំណង់កំពុងធ្វើការក្រោមកម្តៅព្រះអាទិត្យដោយផ្ទាល់ ដែលលោក Brian Larreta បាននិយាយថា ឲ្យចៀសវាងការដាក់ខ្លួនឲ្យនៅក្រោមកម្តៅព្រះអាទិត្យរយៈពេលយូរ និងផឹកទឹកឲ្យបានច្រើនដើម្បីទប់ទល់កម្តៅ។ រដ្ឋាភិបាលក្នុងតំបន់ និងអ្នកស្ម័គចិត្ត បានចេញដើរតាមដងផ្លូវ ដើម្បីផ្តល់ជម្រកដល់អ្នកគ្មានលំនៅឋាន និងទឹកដើម្បីបញ្ចៀសជំងឺដែលកើតឡើងដោសារតែកម្តៅខ្លាំង។ យោងតាមទិន្នន័យពីឆ្នាំ១៨៨០ ដល់ឆ្នាំ២០០៥ ដែលបានចេញផ្សាយដោយ សាកលវិទ្យាល័យជាតិស្វយ័ត ប្រទេសម៉ិកស៊ិក បានឲ្យដឹងថា រលកកម្តៅ ធ្លាប់វាយប្រហារនៅក្នុងប្រទេសម៉ិកស៊ិក កាលពីខែមេសា និងឧសភា។ នៅឆ្នាំនេះ អ្នកជំនាញនិយាយថា វាកាន់តែធ្ងន់ធ្ងរដោយមានគ្រោះរាំងស្ងួត៕

គ្រូពេទ្យទីក្រុង PHOENIX សហរដ្ឋអាមេរិក ព្យាយាមថែទាំជនអនាថា ពីការខ្វះជាតិទឹក និងការរលាកកម្រិតទី៣ ដោយសារក្ដៅខ្លាំង

អាមេរិក៖ នៅពេលដែលគេហរទំព័រផ្លូវការ Phoenix របស់ទីក្រុង Phoenix បានបង្ហោះជាប់គ្នារយៈពេល ១៤ថ្ងៃ ពីសីតុណ្ហភាពដែលឡើងខ្ពស់យ៉ាងហោចណាស់ ៤៣អង្សាសេនោះ ប្រជាជនដែលគ្មានផ្ទះសម្បែង ក្នុងទីក្រុង បានស្វែងរកការសង្គ្រោះពីការឡើងកម្ដៅនេះ។លោក Kevin Hendershot វ័យ ៤៧ឆ្នាំ អត់មានទីលំនៅពិតប្រាកដអស់រយៈពេល ២៥ឆ្នាំហើយ ដោយក្នុងនោះសម្រាប់រយៈពេល ១២ឆ្នាំ លោករស់នៅក្នុងរដ្ឋអារីហ្សូណា (Arizona) ហើយប្រាប់ថា លោកនៅតែមិនអាចស៊ាំនឹងការឡើងកម្ដៅខ្លាំងពេករយៈពេលជាច្រើនខែ ក្នុងពេលខ្លះដែលក្តៅបំផុតប្រចាំឆ្នាំ។វិលទៅខែមិថុនា នៅពេលដែលសីតុណ្ហភាពចាប់ផ្តើមឡើងក្ដៅជាលើកដំបូង លោក Hendershot បានដេកលក់នៅលើកម្រាលបេតុងដ៏ក្តៅ និងបានភ្ញាក់ឡើងដោយសារការរលាកកម្រិតទី៣ពីស៊ីម៉ងត៍នៃបេតុងនោះ។ កាលពីថ្ងៃព្រហស្បតិ៍ (ទី១៣ ខែកក្កដា) លោក Hendershot ស្ថិតនៅលើឡានពេទ្យចល័តរបស់សេវាកម្មសុខភាព សម្រាប់ជនអនាថា (Circle the City) ដើម្បីពិនិត្យរាងកាយ។ ការព្យាករណ៍ បានប៉ាន់ស្មានថា ទីក្រុង Phoenix នៅសប្ដាហ៍ក្រោយ នឹងឡើងកម្ដៅខ្ពស់បំផុតលើស ៤៣អង្សាសេ ១៨ថ្ងៃជាប់គ្នា ពោលគឺក្ដៅខ្លាំងជាងកម្ដៅ ដែលមានក្នុងខែមិថុនា ឆ្នាំ១៩៧៤ ទៅទៀត៕

បណ្ដាញសង្គម

ព័ត៌មានថ្មីៗ

ក្រុមអ្នកជំនាញ ចោទអ៊ីស្រាអែលថាវាយកម្ទេចតំបន់ West Bank ដើម្បីបណ្ដេញប្រជាជនប៉ាឡេស្ទីន

ប៉ាគីស្ថាន ចាត់វិធានការទប់ទល់អាកាសធាតុអាក្រក់ ខណៈចំនួនអ្នកស្លាប់ក្នុងភ្លៀងមូសុង ឡើងដល់ ៣០០នាក់

ប៉ាគីស្ថាន បន្តការបណ្តេញជនអាហ្វហ្គានីស្ថាន ១,៤លាននាក់ ចេញទាំងបង្ខំ ទោះជា UN បារម្ភខ្លាំងក៏ដោយ

អាជ្ញាធរ៖ ជំនួយមនុស្សធម៌ដែលទៅដល់តំបន់ហ្កាហ្សា បានបំពេញតម្រូវការត្រឹមតែ ១៤%ប៉ុណ្ណោះ

ពលករមកពីថៃចំនួន២២គ្រួសារនៅស្រុកស្វាយទាបខេត្តស្វាយរៀង ត្រូវបានរដ្ឋបាលស្រុកផ្ដល់គ្រឿងឧបភោគបរិភោគ

ការស្ទង់មតិ៖ ពលរដ្ឋអាមេរិកភាគច្រើន កំពុងឈឺក្បាលដោយសារគ្រឿងទេសឡើងថ្លៃខ្លាំង

អ្នករស់រានមានជីវិតពីគ្រាប់បែកបរមាណូដែលមានវ័យចំណាស់នៅប្រទេសជប៉ុន និយាយប្រឆាំងអាវុធនុយក្លេអ៊ែរ

កងកម្លាំងសន្តិសុខសូម៉ាលី បានសម្លាប់យុទ្ធជននៃក្រុម Daesh ជាច្រើននាក់ នៅក្នុងរដ្ឋ Puntland

ពលរដ្ឋអាមេរិក រាប់លាននាក់ស្ថិតក្រោមការព្រមានពីគុណភាពខ្យល់ ដោយសារផ្សែងហុយពីចំហេះព្រៃកាណាដា

ប្រព័ន្ធផ្សព្វផ្សាយ៖ លោក Erdogan អាចនឹងទៅបំពេញទស្សនកិច្ចនៅអ៊ុយក្រែន ក្នុងពេលឆាប់ៗនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877