BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

ផ្សែងអណ្ដែតត្រសែតគ្របលើតំបន់ភាគកណ្ដាលប៉ែកខាងលិច និងភាគខាងកើតអាមេរិក ដោយកំពុងប៉ះពាល់ដល់គុណភាពខ្យល់

កាណាដា៖ ផ្ទៃមេឃដែលពោរពេញទៅដោយផ្សែងអ័ព្ទពីចំហេះព្រៃ នៅប្រទេសកាណាដា កាលពីថ្ងៃពុធ (ទី២៨ មិថុនា) បានហោះអណ្ដែតគ្របពាសពេញតំបន់ភាគខាងលិចប៉ែកណ្ដាល និងភាគខាងកើតរបស់សហរដ្ឋអាមេរិក ដែលនៅតំបន់ទាំងនោះប្រជាជនអាមេរិករាប់លាននាក់ ត្រូវបានជំរុញឲ្យបន្ថយការធ្វើសកម្មភាពក្រៅផ្ទះ ដោយសារគុណភាពខ្យល់មិនល្អ បង្កឲ្យមានគ្រោះថ្នាក់ ដែលមានស្ថានភាពមិនល្អដល់សុខភាព។ការិយាល័យអាកាសធាតុជាតិ បានឲ្យដឹងថា ភាគច្រើននៃតំបន់ភាគខាងលិចប៉ែកកណ្ដាល ដោយរាប់ពីភាគខាងលិចរដ្ឋអៃអូវ៉ា (Iowa) ឆ្លងកាត់រដ្ឋអ៊ីលីណយ (Illinois) និងវ៉ីសខន់ស៊ីន (Wisconsin) ហើយចូលទៅក្នុងរដ្ឋមិស្ហ៊ីហ្គែន (Michigan) និងអូហៃយ៉ូ (Ohio) ស្ថិតនៅក្រោមការជូនដំណឹងពីគុណភាពខ្យល់ ដែលរំពឹងថា នឹងមានបន្តរហូតដល់ថ្ងៃព្រហស្បតិ៍ (ទី២៩ ខែមិថុនា) ឬក៏អាចយូរជាងនេះ។ការជូនដំណឹងព្រមានពីគុណភាពខ្យល់បង្កឡើងដោយផ្សែងហុយចេញពីចំហេះព្រៃ ដែលអូសបន្លាយក្នុងប្រទេសកាណាដា ក៏ត្រូវបានធ្វើឡើងផងដែរ សម្រាប់រដ្ឋញូវយ៉ក (New York) ញូវជើស៊ី (New Jersey) ផេនស៊ីលវ៉េណៀ (Pennsylvania) វ៉ាស៊ីនតោន (Washington D.C.) និងផ្នែកខ្លះនៃរដ្ឋណសខារ៉ូឡៃណា (North Carolina)។ គិតត្រឹមនៅរសៀលថ្ងៃពុធ ជនជាតិអាមេរិកជាង ១០០លាននាក់ កំពុងជួបប្រទះជាមួយនឹងគុណភាពខ្យល់មិនល្អ។ អ្នកព្យាករណ៍បានជំរុញឲ្យប្រជាជនដែលរស់នៅក្នុងតំបន់ទាំងនោះ ជាពិសេសកុមារ មនុស្សចាស់ និងអ្នកដែលរងផលប៉ះពាល់ដោយជំងឺផ្លូវដង្ហើម កុំធ្វើលំហាត់ប្រាណរយៈពេលយូរ ឬខ្លាំង ហើយប្រសិនបើអាច សុំស្នាក់នៅតែក្នុងផ្ទះ ឬពាក់ម៉ាស។ប្រទេសកាណាដា កំពុងតស៊ូជាមួយនឹងការចាប់ផ្តើមនៃរដូវកាលចំហេះព្រៃដ៏អាក្រក់បំផុតមិនធ្លាប់មាន ដែលបានឆាបឆេះរួចហើយនូវផ្ទៃដី ៨លានហិកតា ដោយផ្ទៃដីនេះ មានទំហំធំជាងរដ្ឋវ៉េសវើជីនៀ (West Virginia) ទៅទៀត ហើយកាលពីថ្ងៃពុធ មានភ្លើងឆេះយ៉ាងសកម្មចំនួន ៤៧៧កន្លែង ដោយក្នុងចំណោមកន្លែងឆេះទាំងនោះ ប្រហែលពាក់កណ្តាលត្រូវបានចាត់ទុកថា មិនអាចគ្រប់គ្រងបាន ដោយឆេះរាលដាលពីឆ្នេរសមុទ្រប៉ាស៊ីហ្វិកទៅកាន់ឆ្នេរសមុទ្រអាត្លង់ទិក៕

សាកសពមនុស្សមួយចំនួនត្រូវគេគិតថាត្រូវបានរកឃើញ ក្នុងបំណែករបស់នាវាមុជទឹកទីតាន

អាមេរិក៖ ឆ្មាំល្បាតឆ្នេរអាមេរិក បាននិយាយថា សាកសពមនុស្សត្រូវគេជឿថា ត្រូវបានរកឃើញនៅក្នុងបំណែកនៃនាវាមុជទឹក ទីតាន(Titan) ។ បំណែកពីនាវាមុជទឹកដែលផ្ទុះនៅក្នុងពេលធ្វើដំណើរក្នុងទឹកជ្រៅទៅកន្លែងកប៉ាល់ទីតានិក(Titanic) ត្រូវបានគេស្រង់ចេញនៅទីក្រុង St John's របស់ប្រទេសកាណាដា កាលពីថ្ងៃពុធ។ ក្រុមមន្ត្រីបាននិយាយថា ទ្វារបស់នាវាមុជទឹក និងគម្របខាងក្រោយត្រូវបានរកឃើញក្នុងចំណោមបំណែកទាំងនោះ។ឆ្មាំល្បាតឆ្នេរបាននិយាយនៅក្នុងសេចក្តីថ្លែងការណ៍មួយថាក្រុមអ្នកជំនាញវេជ្ជសាស្រ្តអាមេរិកនឹងធ្វើការវិភាគជាផ្លូវការនូវបំណែកសាកសពដែលគេសន្មតិថាជាសាកសព។ ទីភ្នាក់ងារនេះ គឺស្ថិតក្នុងដំណាក់កាលដំបូងនៃការស៊ើបអង្កេតលើមូលហេតុនៃគ្រោះមហន្តរាយនេះ។គណៈកម្មការស៊ើបអង្កេតនៃទាហានម៉ារីនរបស់ឆ្មាំល្បាតឆ្មេរ(MBI) នឹងបញ្ជូនភស្តុតាងទៅកាន់កំពង់ផែសហរដ្ឋអាមេរិក សម្រាប់ការធ្វើកោសល្យវិច្ឆ័យនិងការធ្វើតេស្ត។ ប្រធានគណៈកម្មការស៊ើបអង្កេតនៃកងម៉ារីនរបស់ឆ្មាំល្បាតឆ្មេរ លោកកាពីទែន ចាសុន ណៃបាវ៉ា (Jason Neubauer) បាននិយាយនៅក្នុងសេចក្ដីថ្លែងការណ៍មួយថា នៅតែមានសារៈសំខាន់នៃការងារនេះ ដែលនឹងត្រូវបានធ្វើដើម្បីស្វែងយល់កត្តានានា ដែលនាំឲ្យមានគ្រោះមហន្តរាយបាត់បង់នាវាទីតាន (Titan) និងជួយធ្វើឲ្យប្រាកដថា សោកនាកម្មស្រដៀងគ្នាណាមួយផ្សេងទៀតនឹងមិនកើតឡើងម្ដងទៀតទេ។ គួររម្លឹកថា មហាសេដ្ឋីទាំង៥នាក់ នៅលើនាវា នេះ បានស្លាប់កាលពីថ្ងៃទី១៨ខែមិថុនា បន្ទាប់ពីនាវាមុជទឹករបស់ពួកគេបានផ្ទុះប្រមាណ៩០នាទី ក្នុងពេលធ្វើដំណើរទៅទស្សនាបំណែកនាវាទីតានិកដ៏ល្បីល្បាញរបស់ពិភពលោកឆ្នាំ១៩១២ ដែលស្ថិតនៅបាតសមុទ្រជម្រៅ៣.៨០០ម៉ែត្រ ក្នុងសមុទ្រអាល្លង់ទិកខាងជើង ៕

នគរបាលឈីលី ប្រើខ្សែពួរសង្គ្រោះមនុស្ស និងសត្វសេះចេញពីទន្លេដែលមានទឹកហៀរប្រៀបច្រាំង ខណៈទឹកជំនន់បណ្តាលឲ្យមនុស្សពីរនាក់ស្លាប់

ឈីលី៖ នគរបាលល្បាតរបស់ប្រទេសឈីលី បានធ្វើការយ៉ាងលំបាកដើម្បីជួយសង្គ្រោះមនុស្ស និងសត្វពាហនៈ ដែលត្រូវបានកាត់ផ្តាច់ដោយទឹកជំនន់បណ្តាលមកពីភ្លៀងធ្លាក់ខ្លាំង និងមានទឹកហៀរប្រៀបច្រាំងទន្លេនៅភាគកណ្តាលប្រទេសឈីលី។ វីដេអូដែលបានចេញផ្សាយនៅលើបណ្តាញTwitter របស់នគរបាលល្បាត បានបង្ហាញភ្នាក់ងារកំពុងជួយសង្គ្រោះជនរងគ្រោះដែលជាប់នៅក្នុងទន្លេមានទឹកហៀរលិចច្រាំងក្នុងតំបន់ Niquen ខណៈនៅតំបន់ Concepcion មន្រ្តីពីរនាក់បានចុះទៅក្នុងទឹកដែលកើនឡើងដើម្បីជួយសង្គ្រោះសត្វសេះមកកាន់ទីទួលសុវត្ថិភាព។ ក្រសួងមហាផ្ទៃបានរាយការណ៍ថា មនុស្សពីរនាក់បានស្លាប់ដោយទឹកជំនន់ មនុស្ស៤នាក់កំពុងបាត់ខ្លួន និងជាង ១៣.០០០នាក់ បានបាត់បង់លំនៅឋានរបស់ពួកគេ។ ផ្លូវបិទ និងទឹកជំនន់ធ្ងន់ធ្ងរ បានជំរុញឱ្យអាជ្ញាធរជួយសង្គ្រោះជនរងគ្រោះដោយឧទ្ធម្ភាគចក្រ និងទូក។ស្ថាប័នសង្គ្រោះបន្ទាន់ បានរាយការណ៍ថា កាលពីព្រឹកថ្ងៃងង្គារពលរដ្ឋ ១៣.៣៧៩នាក់ បានរងផលប៉ះពាល់ ពលរដ្ឋ១.៦៣២នាក់កំពុងរស់នៅក្នុងទីជម្រក និង១២.៣១៤នាក់ កំពុងនៅឯកាដាច់ពីគេ៕

សីតុណ្ហភាពហក់ឡើងខ្ពស់ ខណៈរលកកំដៅ បន្តគ្របដណ្ដប់ពាសពេញប្រទេសអេស្ប៉ាញ

អេស្ប៉ាញ៖ ខណៈរលកកំដៅដែលកំពុងគ្របដណ្ដប់ពាសពេញប្រទេសអេស្ប៉ាញ បានឈានចូលដល់ថ្ងៃទី៣កាលពីថ្ងៃអង្គារ ទី២៧មិថុនា ប្រជាពលរដ្ឋនៅក្នុងទីក្រុងម៉ាឌ្រីត (Madrid) បានធ្វើដំណើរចេញពីកណ្ដាលទីក្រុង និងបានស្វែងរកកន្លែងជ្រកម្លប់គេចពីកំដៅព្រះអាទិត្យដោយការទទូលឆត្រ និងជ្រកក្រោមដើមឈើនៅក្នុងឧស្យានជាយក្រុងនេះ។ មានមនុស្សតែមួយចំនួនតូចប៉ុណ្ណោះដែលគេបានមើលឃើញដើរនៅទីលានចតុរង្គ Sol នៅពេលថ្មីៗនេះ ដែលបានផ្ដល់ម្លប់តិចតួច នៅពេលថ្ងៃ ខណៈសីតុណ្ហភាពនៅក្នុងទីក្រុង Madrid បានឡើងដល់៣៧អង្សាសេ ឬស្មើរ ៩៨,៦ហារិនហៃ។ គេរំពឹងថា រលកកំដៅនឹងបន្តមកដល់ថ្ងៃពុធនេះ ដែលមិនត្រឹមតែនៅក្នុងតំបន់អានដាលូសៀ(Andalusia) ដែលនឹងមានសីតុណ្ហភាពខ្ពស់បំផុតនោះទេ ថែមទាំងនៅក្នុងទីក្រុង Madrid តំបន់ស្វយ័តExtremadur និង Castilla-La Mancha ជាទីដែលសីតុណ្ហភាពអាចនឹងឡើងដល់៤០ ឬ ៤២អង្សាសេ។នៅឧស្យាន Retiro របស់ទីក្រុង Madrid ប្រជាពលរដ្ឋបាននាំគ្នាគេចចេញពីកំដៅព្រះអាទិត្យ ជ្រកក្រោមដើមឈើ ។ ចំណែកអ្នកផ្សេងទៀត នាំគ្នាទៅអង្គុយនៅមាត់បឹងនៃឧទ្យាននោះ។ សេចក្ដីណែនាំមួយដែលបានហាមប្រាមការធ្វើការនៅខាងក្រៅមួយចំនួន អំឡុងស្ថានភាពរលកកម្តៅខ្លាំង បានដាក់ឲ្យអនុវត្តន៍នៅតំបន់ខ្លះរបស់ប្រទេសនេះ៕

ក្រុមហ៊ុន ស្តាបាក់ស៍ នឹងចេញច្បាប់តុបតែង 'កាន់តែច្បាស់លាស់' បន្ទាប់ពីក្រុមគាំទ្រអ្នកស្រលាញ់ភេទដូចគ្នាប៉ះទង្គិចជាមួយសហជីព

ក្រុមហ៊ុនខ្សែសង្វាក់ផ្គត់ផ្គង់កាហ្វេ ស្តារបាក់ស៍ (Starbucks) បាននិយាយនៅក្នុងលិខិតផ្ទៃក្នុងមួយទៅកាន់និយោជិកថា ក្រុមហ៊ុន ស្តារបាក់ស៍ គ្រោងនឹងចេញគោលការណ៍ណែនាំជាកណ្តាល "ច្បាស់ជាងមុន" មួយចំនួនសម្រាប់ការដាក់បង្ហាញរូបភាពនៅក្នុងហាង បន្ទាប់ពីមានការចោទប្រកាន់របស់សហជីពដែលថាអ្នកគ្រប់គ្រងបានហាមឃាត់ការតុបតែងបែបពណ៌ឥន្ទធនូ ដែលតំណាងឲ្យសិទ្ធិក្រុមអ្នកស្រលាញ់ភេទដូចគ្នា។លិខិតនេះធ្វើឡើង បន្ទាប់ពីសហជីពតំណាងឱ្យបុគ្គលិកហាងកាហ្វេ របស់សមាគមន៍ខ្សែសង្វាក់ផ្គត់ផ្គង់កាហ្វេមួយនេះបានចោទប្រកាន់ថា អ្នកគ្រប់គ្រងនៅទីតាំងហាងកាហ្វេ ស្តារបាក់ស៍ រាប់សិបកន្លែងបានរារាំងបុគ្គលិកមិនឱ្យដំឡើងទង់ និងការតុបតែងសម្រាប់ទិវានៃខែឥន្ទធនូ ឬបានដកការតុបតែងទាំងនោះចេញ។ ក្រុមហ៊ុនកាហ្វេយក្សមួយនេះបានជំទាស់នឹងការចោទប្រកាន់ទាំងនេះ។សហជីពបាននិយាយកាលពីថ្ងៃសុក្រថា កម្មករជាង៣.០០០នាក់នៅហាងហាងកាហ្វេ ស្តារបាក់ស៍ ជាង១៥០ទីតាំងនៅសហរដ្ឋអាមេរិកនឹងដើរចេញពីការងារជុំវិញបញ្ហានេះ។ក្រុមហ៊ុន ស្តារបាក់ស៍ ក៏បានដាក់ពាក្យបណ្តឹងចំនួនពីរករណីប្រឆាំងនឹងសហជីពកម្មករទៅកាន់ក្រុមប្រឹក្សាទំនាក់ទំនងការងារជាតិ (NLRB) កាលពីថ្ងៃចន្ទ ដោយចោទប្រកាន់ថាសហជីពនោះបានធ្វើការអះអាងខុសលើគោលការណ៍ណែនាំការតុបតែងនៅក្នុងហាងរបស់ក្រុមហ៊ុន និងអត្ថប្រយោជន៍ការថែទាំដែលបញ្ជាក់ពីសមភាពយេនឌ័រ។ស្លាកយីហោលក់រាយរបស់សហរដ្ឋអាមេរិកជាច្រើន បានប្រឈមមុខនឹងការរិះគន់ពីអ្នកអភិរក្សជុំវិញការការបង្ហាញទំនិញដែលមានការតុបតែងពណ៌ឥន្ទធនូដែលតំណាងឲ្យសិទ្ធិក្រុមអ្នកស្រលាញ់ភេទដូចគ្នា (LGBTQ+) ក៏ដូចជាការរិះគន់ពីក្រុមសិទ្ធិស្រឡាញ់ភេទដូចគ្នាចំពោះការគាំទ្រមិនគ្រប់គ្រាន់សម្រាប់សហគមន៍៕

អាជីវករលក់តាមផ្លូវជួបការលំបាកខ្លាំងនៅប្រទេសឥណ្ឌា ស្របពេលដែលជួបអាកាសធាតុក្តៅខ្លាំង

ឥណ្ឌា៖ អាកាសធាតុក្តៅហួតហែង បន្តកើតមាននៅតាមតំបន់ជាច្រើននៅក្នុងប្រទេសឥណ្ឌា ក្នុងនោះក្រុមធុរកិច្ច និងក្រុមអាជីវករលក់ដូរតាមផ្លូវ មើលឃើញប្រាក់ចំណូលរបស់ពួកគេធ្លាក់ចុះយ៉ាងគំហុក ស្របពេលដែលអតិថិជន លែងសូវចេញក្រៅ ដោយសារតែរលកកម្តៅក្តៅខ្លាំងពេក ។ នៅទូទាំងប្រទេសឥណ្ឌា សីតុណ្ហភាពអតិបរមា បានឡើងដល់ចន្លោះពី ៤២ ដល់ ៤៥អង្សាសេ យ៉ាងហោចណាស់នៅតាមរដ្ឋចំនួន៥ កាលពីថ្ងៃទី១៧ ខែមិថុនាកន្លងទៅ ។ នេះបើយោងតាមការអះអាងរបស់នាយកដ្ឋានឧតុនិយមឥណ្ឌា ។ ក្រុមមន្រ្តីក្នុងស្រុក និយាយថា រដ្ឋភាគខាងជើង Bihar និង Uttar Pradesh ប្រឈមនឹងអាកាសធាតុដ៏អាក្រក់បំផុត ខណៈដែលចំនួនមនុស្សស្លាប់សរុបនៅក្នុងរដ្ឋទាំង២នេះ បានកើនឡើងដល់ ៩៨នាក់ អំឡុងរយៈពេល ៣ថ្ងៃប៉ុណ្ណោះ គិតត្រឹមថ្ងៃទី ១៨ ខែមិថុនា ។ ប្រជាពលរដ្ឋដែលមានជំងឺធ្ងន់ធ្ងរ ឬរ៉ាំរ៉ៃរយៈពេលយូរ ដែលរួមទាំងជំងឺបេះដូង ឬជំងឺសួត ទឹកនោមផ្អែម និងជំងឺគ្រួសក្នុងតម្រងនោម រងផលប៉ះពាល់ទាំងអស់ដោយសារតែរលកកម្តៅដ៏អាក្រក់នេះ ។ ដោយឡែក អ្នកដែលមានបញ្ហាសុខភាពផ្លូវចិត្ត រួមទាំងមនុស្សចាស់ និងអ្នកដែលប្រើថ្នាំតាមវេជ្ជបញ្ជាធ្វើឱ្យខូចសមត្ថភាពរាងកាយដើម្បីគ្រប់គ្រងសីតុណ្ហភាព មានហានិភ័យកើនឡើង នៅក្នុងសីតុណ្ហភាពដ៏ក្តៅបែបនេះ ។ ក្រុមគ្រូពេទ្យក្នុងស្រុកនៅទីក្រុង Patna រដ្ឋ Bihar និយាយថា ពួកគេពុំធ្លាប់ដែលមើលឃើញរលកកម្តៅដ៏ធ្ងន់ធ្ងរបែបនេះនោះទេ ។ លោក Deepak Kumar គឺជាវេជ្ជបណ្ឌិតមកពីមន្ទីរពេទ្យ Patna Medical College and Hospital (PMCH) និយាយថា លោកពុំធ្លាប់ដែលជួបអាការៈសុរិយរោគ ឬអាការៈថប់ដង្ហើមដោយសារកម្តៅខ្លាំងបែបហ្នឹងឡើយ ពីព្រោះថាមានមនុស្សច្រើនណាស់ បានស្លាប់ក្នុងរយៈពេល ៣-៤ថ្ងៃមុន ហើយលោកគិតថា មនុស្សប្រហែល ១០០នាក់ នឹងរងគ្រោះឥឡូវនេះនៅក្នុងមន្ទីរពេទ្យ PMCH របស់លោក ៕

ករណីជំងឺគ្រុនចាញ់នៅអាមេរិកលើកដំបូង ត្រូវបានពិនិត្យរោគវិនិច្ឆ័យក្នុងរយៈពេលច្រើនទសវត្សរ៍មកនេះនៅរដ្ឋ Florida និង Texas

អាមេរិក៖ មជ្ឈមណ្ឌលគ្រប់គ្រង និងបង្ការជំងឺឆ្លងបាននិយាយកាលពីថ្ងៃចន្ទថា ករណីជំងឺគ្រុនចាញ់ចំនួន៥ករណី ត្រូវបានបញ្ជាក់នៅក្នុងរដ្ឋ Florida និងរដ្ឋ Texas ជាលើកដំបូងដែលជំងឺចម្លងដោយសត្វមូសអាចបណ្តាលឱ្យស្លាប់ត្រូវបានគេរកឃើញក្នុងតំបន់នៅសហរដ្ឋអាមេរិកក្នុងរយៈពេល ២០ឆ្នាំមកនេះ។ ទីភ្នាក់ងារនេះ បាននិយាយថា ករណីចំនួនបួនករណីនៅក្នុងរដ្ឋ Florida រួមជាមួយនឹង១ករណីទៀតនៅរដ្ឋតិចសាស់ ត្រូវបានគេពិនិត្យរោគវិនិច្ឆ័យឃើញក្នុងរយៈពេលពីរខែ។រដ្ឋ Florida បាននិយាយថា ករណីលើកដំបូងរបស់ខ្លួនត្រូវបានពិនិត្យរោគវិនិច្ឆ័យកាលពីថ្ងៃទី ២៦ ខែឧសភានៅតំបន់ Sarasota ខណៈក្រុមមន្រ្តីនៅរដ្ឋតិចសាស់ បាននិយាយនៅថ្ងៃទី ២៣ ខែមិថុនាថាពលរដ្ឋនៅរដ្ឋតិចសាស់ម្នាក់ដែលធ្វើការនៅខាងក្រៅនៅតំបន់ Cameron ត្រូវបានគេពិនិត្យរោគវិនិច្ឆ័យថាមានជំងឺនេះ។ មជ្ឈមណ្ឌលគ្រប់គ្រង និងបង្ការជំងឺឆ្លង (CDC) បាននិយាយនៅក្នុងការព្រមានមួយដែលបានចេញផ្សាយកាលពីថ្ងៃច័ន្ទថា ជំងឺគ្រុនចាញ់ត្រូវបានចាត់ទុកថាជាគ្រាអាសន្នផ្នែកវេជ្ជសាស្រ្ត ហើយអ្នកដែលមានរោគសញ្ញាគួរតែត្រូវបានវាយតម្លៃជាបន្ទាន់។ទោះជាយ៉ាងណា មជ្ឈមណ្ឌលគ្រប់គ្រងនិងបង្ការជំងឺឆ្លង (CDC) បាននិយាយថា ហានិភ័យនៃជំងឺគ្រុនចាញ់ នៅតែមានកម្រិតទាបនៅក្នុងសហរដ្ឋអាមេរិក ហើយករណីភាគច្រើនត្រូវបានកើតឡើងនៅពេលដែលមនុស្សធ្វើដំណើរទៅក្រៅប្រទេស។ ទីភ្នាក់ងារសុខាភិបាលបាននិយាយថា ៩៥ ភាគរយនៃករណីឆ្លងមេរោគគ្រុនចាញ់ត្រូវបានឆ្លងនៅក្នុងទ្វីបអាហ្រ្វិក៕

រលកកម្តៅនៅអេស្ប៉ាញធ្វើឲ្យក្មេងៗលេងសប្បាយក្រោមទឹកបាញ់ ខណៈដែលកម្មករកាត់បន្ថយម៉ោងធ្វើការ

អេស្ប៉ាញ៖ រលកកម្តៅដំបូងក្នុងឆ្នាំនេះនៅប្រទេសអេស្ប៉ាញ បង្ខំឲ្យអ្នកថែសួននៅទីក្រុង Madridឈប់ធ្វើការមុនម៉ោងធម្មតាកាលពីថ្ងៃចន្ទម្សិលមិញ ហើយក្មេងៗ ព្យាយាមគេចចេញពីកម្តៅព្រះអាទិត្យដ៏ក្តៅនេះ ដោយនាំគ្នានៅខាងក្រោមកន្លែងទឹកបាញ់ ។ រលកកម្តៅនេះ ត្រូវបានគេរំពឹងថា នឹងបន្តកើតមានរហូតដល់ថ្ងៃពុធ មិនត្រឹមតែនៅក្នុងតំបន់សហគមន៍ Andalusia មួយប៉ុណ្ណោះទេ ប៉ុន្តែនៅទីក្រុង Madrid តំបន់សហគមន៍ Extremadura និងតំបន់សហគមន៍ Castilla-La Mancha ផងដែរ ជាទីដែលសីតុណ្ហភាពកើនឡើងដល់ ៤០អង្សាសេ ឬ ៤២អស្សាសេរ ។ វាពិតជាក្តៅខ្លាំងណាស់ ។ អ្នកស្រី Elvira Martinez គឺជាពលរដ្ឋមួយរូបវ័យ ២៧ឆ្នាំ និយាយប្រាប់ទីភ្នាក់ងារព័ត៌មានរ៉យទ័រ ខណៈពេលដែលកូនៗរបស់គាត់លេងសប្បាយលើឆ្នេរទីក្រុង Madrid ដែលមានទឹកបាញ់ជាច្រើននៅតាមដងទន្លេ Manzanares ថា ក្មេងៗមកទីនេះ ដើម្បីឲ្យត្រជាក់ខ្លួន ដោយសារនៅផ្ទះ ពួកគេមិនអាចទ្រាំបាននោះទេ ។ គួរឲ្យដឹងថា រលកកម្តៅនៅក្នុងខែមិថុនា បានកើតឡើងញឹកញាប់ជាងមុនក្នុងរយៈពេលប៉ុន្មានឆ្នាំចុងក្រោយនេះ គឺជាផ្នែកមួយនៃការឡើងសីតុណ្ហភាព ដែលក្រុមអ្នកវិទ្យាសាស្រ្ត និងអ្នកជំនាញអាកាសធាតុ សន្និដ្ឋានថាបណ្តាលមកពីសកម្មភាពរបស់មនុស្ស ។ លោក Ruben del Campo គឺជាអ្នកនាំពាក្យទីភ្នាក់ងារឧតុនិយមជាតិ (AEMET)បាននិយាយកាលពីថ្ងៃចន្ទនៅក្នុងព្រឹត្តការណ៍ជាមួយរដ្ឋមន្រ្តីក្រសួងបរិស្ថានលោក Teresa Ribera ថា កាលពីរយៈពេលជាង ១០ឆ្នាំមុន រលកកម្តៅពុំដែលកើតមានញឹកញាប់បែបនេះទាល់តែសោះ ប៉ុន្តែនៅក្នុងរយៈពេល ១២ឆ្នាំចុងក្រោយនេះ ភាពញឹកញាប់នៃរលកកម្តៅក្នុងខែមិថុនា បានកើនឡើងបីដង ៕

ព្យុះភ្លៀងបោកបក់មកលើតំបន់ជាច្រើនរបស់ចិន បណ្តាលឲ្យមានទឹកជំនន់ទ្រង់ទ្រាយធំ

ចិន៖ ភ្លៀងធ្លាក់ខ្លាំងបានបោកបក់ទៅលើតំបន់ជាច្រើនរបស់ចិនក្នុងរយៈពេលប៉ុន្មានថ្ងៃចុងក្រោយនេះ បណ្តាលឲ្យកើតមានទឹកជំនន់ជន់លិចដីកសិកម្ម បង្អាក់ដល់ការធ្វើចរាចរណ៍ និងធ្វើឲ្យអ្នកស្រុកជាប់ខ្លួន ។ ទីក្រុង Qiyang (ឈីយ៉ាង)ស្ថិតនៅខេត្តភាគកណ្តាល Hunan(ហ៊ូណាន)របស់ចិន បានកើតមានទឹកជំនន់ខ្ពស់បំផុតកាលពីរសៀលថ្ងៃចន្ទ ដោយសារភ្លៀងធ្លាក់ខ្លាំងអស់រយៈពេលជាច្រើនថ្ងៃជាប់ៗគ្នា និងការរំដោះទឹកជន់ពីផ្នែកខាងលើនៃទន្លេ Xiangjiang (ហ៊្សាំងជាំង)។ នៅក្នុងភូមិ Dongchuan(ទុងឈ័ន) ទឹកជន់បានហូរប្រៀបច្រាំងទន្លេហៀរដល់ផ្លូវថ្នល់ និងផ្ទះកញ្ចក់ ហើយវាលស្រែសងខាងផ្លូវ ត្រូវបានជន់លិចអស់ ។ ក្រុមអ្នកស្ម័គ្រចិត្តក្នុងស្រុក បានរៀបចំឲ្យអ្នកភូមិជម្លៀសខ្លួនចេញ និងផ្លាស់ទីទៅកាន់ទីទួលសុវត្ថិភាព ។ មកទល់នឹងពេលនេះ មនុស្ស ៨៩៤នាក់ ត្រូវបានជម្លៀសចេញ ។ ភ្លៀងធ្លាក់ឥតឈប់ឈរ បានបោកបក់លើទីក្រុង Hezhou (ហ៊ើចូវ)តំបន់ស្វយ័តភាគខាងត្បូង Guangxi Zhuang (ក្វាងហ្ស៊ី ជ័ង)អស់រយៈពេលជាច្រើនថ្ងៃមកហើយ ធ្វើឲ្យជន់លិចផ្លូវជនបទ និងបង្កឲ្យកើតមានបំណាក់ដីនៅទីនោះផងដែរ ។ ផ្លូវសំខាន់ៗជាច្រើនខ្សែនៅក្នុងទីក្រុងមួយនេះ ត្រូវបានជន់លិចជម្រៅទឹក ២០សង់ទីម៉ែត្រ កាលពីថ្ងៃអាទិត្យ ។ ក្រុមអាជ្ញាធរក្នុងស្រុក បានដាក់ពង្រាយរថយន្តបូមភក់ និងក្រុមការងារសង្រ្គោះបន្ទាន់ទៅកាន់តំបន់ជនបទផ្សេងៗជាច្រើន ដើម្បីធានាដល់ការធ្វើចរាចរណ៍ធម្មតា ។ ខណៈពេលនោះដែរ មនុស្ស ៧នាក់ ត្រូវបានគេរាយការណ៍ថា កំពុងបាត់ខ្លួន ក្រោយហេតុការណ៍បំណាក់ដី ២លើកបណ្តាលមកពីភ្លៀងធ្លាក់ខ្លាំងនៅស្រុក Wenchuan (វិនឈ័ន) ខេត្ត Sichuan (ស៊ីឈ័ន) ភាគនិរតីប្រទេសចិន នាព្រឹកថ្ងៃអង្គារនេះ ៕

ភ្លៀងធ្លាក់ខ្លាំងធ្វើឲ្យផ្លូវថ្មើរជើង នៅក្រុងប៊ែរឡាំង ជន់លិច

អាល្លឺម៉ង់៖ ភ្លៀងធ្លាក់រយៈពេលខ្លី ប៉ុន្តែមានសភាពខ្លាំងក្លា នៅទីក្រុងប៊ែរឡាំង ប្រទេសអាល្លឺម៉ង់ កាលពីថ្ងៃចន្ទ (ទី២៦ ខែមិថុនា) ដោយបានធ្វើឲ្យអ្នកជិះកង់ និងអ្នកថ្មើរជើងត្រូវទទឹក ដោយសារពួកគេត្រូវដើរលុយទឹកដែលលិចដល់ស្មងជើង នៅគ្រប់កន្លែង។ភ្លៀងបានធ្លាក់បន្ទាប់ពីមានអាកាសធាតុក្ដៅហើយសើម ដែលឃើញថា សីតុណ្ហភាពឡើងខ្ពស់ដល់ ៣០អង្សាសេ។ ការិយាល័យអាកាសធាតុអាល្លឺម៉ង់ បានចេញសេចក្ដីព្រមានអំពីព្យុះ និងការធ្លាក់ព្រិល នៅផ្នែកខ្លះនៃទីក្រុងប៊ែរឡាំង និងទីក្រុងប៊្រេនដែនប៊ើក (Brandenburg) ខណៈដែលការិយាល័យអគ្គិភ័យ បានប្រកាសអំពី «ស្ថានភាពមិនប្រក្រតី» នៅលើទំព័របណ្ដាញសង្គម Twitter របស់ខ្លួន។គេឃើញថា ការធ្វើចរាចរណ៍មិនសូវជាមមាញឹក ដោយសារភ្លៀងនេះ ហើយសេវាដឹកជញ្ជូនសាធារណៈ S-Bahn នៅទីក្រុងប៊ែរឡាំង បានប្រកាសផ្ដល់ដំណឹងថា នឹងមានការលុបចោល និងការពន្យារពេលទាំងស្រុងនូវបណ្តាញដឹកជញ្ជូនរបស់ខ្លួន៕

បណ្ដាញសង្គម

ព័ត៌មានថ្មីៗ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភកុមារា២នាក់ដែលឱពុកជាប់បំពេញកាតព្វកិច្ចជូនជាតិ

TOP STORY | សម្តេចតេជោប្រកាសមិនចូលរួមប្រជុំព្រឹទ្ធសភាថ្ងៃស្អែកទេដោយជាប់រវល់ប្រចាំការរួមបញ្ជាកងទ័ព២៤ម៉ោងលើ២៤ម៉ោងក្រោយថៃរៀបចំផែនការវាយប្រហារកម្ពុជា

BREAKING NEWS ÷ ក្រសួងការពារជាតិកម្ពុជា៖កងទ័ពថៃគ្រោងនឹងបើកការវាយលុកតាមបណ្តោយព្រំដែនជាមួយកម្ពុជាឆាប់ៗនេះ

លោកជំទាវ ហ៊ុន ម៉ាណា អញ្ជើញនាំយកទេយ្យវត្ថុប្រគេនព្រះសង្ឃនៅវត្តគោកត្របែក ក្នុងខេត្តកំពង់ធំ និងចែកអំណោយជូនប្រជាពលរដ្ឋ៣៤៩គ្រួសារ

អ្នកនាំពាក្យរាជរដ្ឋាភិបាល៖រាជរដ្ឋាភិបាលកំពុងយកចិត្តទុកដាក់យ៉ាងខ្លាំងចំពោះយោធិន ពិសេសយោធិនពលី និងពលរដ្ឋភៀសសឹក

ព្រះសង្ឃ និងប្រជាពលរដ្ឋខេត្តពោធិ៍សាត់ច្រើនពាន់នាក់ចូលរួម ក្បួនដង្ហែទង់ជាតិខ្មែរ រួមគ្នាថែរក្សាការពារជាតិមាតុភូមិ

សហគមន៍ខ្មែរនៅកូរ៉េប្រមាណជិត២ពាន់នាក់ ប្រមូលផ្តុំអំណរគុណ និងគាំទ្រប្រធានាធិបតីអាមេរិកទទួលពានរង្វាន់សន្តិភាព និងអំពាវនាវឱ្យថៃយល់ព្រមទៅតុលារការអន្តរជាតិ

មនុស្សរាប់ម៉ឺននាក់ប្រមូលផ្ដុំគ្នាទូទាំងពិភពលោកតវ៉ាប្រឆាំងការវាយប្រហាររបស់អ៊ីស្រាអែលនៅហ្កាហ្សា

ប្រតិភូខេត្តកណ្ដាល ចុះសួរសុខទុក្ខ និងនាំយកគ្រឿងឧបភោគបរិភោគដែលទទួលបានពីសប្បជនផ្ដល់ជូនវីរកងទ័ពជួរមុខក្នុងខេត្តព្រះវិហារ

[UPDATE] ចំនួនអ្នកស្លាប់ដោយសារទឹកជំនន់ភ្លៀងមូសុងនៅប្រទេសឥណ្ឌា បានកើនឡើងដល់ជិត១៨០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877