BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

គណៈវិនិច្ឆ័យសម្រេចឲ្យអតីតស្នងការរងរដ្ឋផ្លរីដារួចទោស ពាក់ព័ន្ធនឹងករណីមិនបានការពារសិស្ស ក្នុងការបាញ់ប្រហារ នៅផាកឡែន

អាមេរិក៖ គណៈវិនិច្ឆ័យនៃរដ្ឋផ្លរីដា (Florida) កាលពីព្រហស្បតិ៍ (ទី២៩ ខែមិថុនា) បានសម្រេចឲ្យអតីតស្នងការរង ដែលត្រូវបានចោទប្រកាន់ពីបទបរាជ័យក្នុងការការពារសិស្ស អំឡុងការបាញ់ប្រហារដ៏ធំឆ្នាំ២០១៨ នៅវិទ្យាល័យ Marjory Stoneman Douglas ក្នុងទីក្រុងផាកឡែន (Parkland)។លោក Scot Peterson ដែលជាមន្ត្រីធានាសុវត្ថិភាពតាមសាលារៀនដែលកំពុងបំពេញភារកិច្ច នៅពេលដែលខ្មាន់កាំភ្លើង បានចូលអគារ កាលពីថ្ងៃទី១៤ ខែកុម្ភៈ ឆ្នាំ២០១៨ ហើយបានបាញ់សម្លាប់មនុស្ស ១៧នាក់ និងរបួស ១៧នាក់ទៀត ត្រូវបានចោទប្រកាន់ចំនួន ១១ករណីពីបទមិនអើពើនឹងក្មេងៗ ជាការធ្វេសប្រហែស និងភូតកុហកដែលអាចមានទោស។លោក Peterson វ័យ ៦០ឆ្នាំ បានឈ្ងោកក្បាលនៅលើតុ និងយំខ្សឹកខ្សួលជាមួយភាពធូរស្រាលក្នុងទ្រូង នៅពេលដែលចៅក្រមអានសាលក្រមលឺៗពីភាព «មិនមានទោសកំហុស» ចំពោះករណីនីមួយៗ។ សាលក្រមរបស់គណៈវិនិច្ឆ័យនេះ បាននាំឲ្យរូបលោករួចផុតពីការចោទប្រកាន់ ដែលអាចឲ្យរូបលោកជាប់ពន្ធនាគារដល់ទៅ ៩៧ឆ្នាំ។នៅក្នុងសេចក្តីថ្លែងការណ៍មួយ ការិយាល័យមន្ត្រីក្រសួងយុត្តិធម៌រដ្ឋ Broward ដែលបានលើកយកករណីនេះឡើងមក បាននិយាយឡើងវិញនូវអំណះអំណាងរបស់ខ្លួនថា លោក Peterson អាចធ្វើអ្វីបានច្រើនជាងនេះ ដើម្បីការពារសមាជិកនៃសហគមន៍សាលា ហើយថា ភាពអសកម្មរបស់លោក «មានផលប៉ះពាល់យ៉ាងធ្ងន់ធ្ងរ» លើជនរងគ្រោះ។ ឪពុកម្តាយជនរងគ្រោះមួយចំនួនដែលបានចូលរួមសវនាការ ក៏សម្ដែងការខកចិត្ត ចំពោះការសម្រេចនេះដែរ។យោងតាមការិយាល័យនគរបាលស្រុក Broward និងវីដេអូឃ្លាំមើល លោក Peterson មានអាវុធនៅក្នុងដៃ ប៉ុន្តែមិនដែលចូលទៅខាងក្នុងនោះឡើយ ខណៈពេលដែលការបាញ់ប្រហារកំពុងប្រព្រឹត្តទៅ។ លោកគឺជាមន្ត្រីអនុវត្តច្បាប់មួយរូបក្នុងចំណោមមន្ត្រីអនុវត្តច្បាប់មួយចំនួន ដែលធ្លាប់ត្រូវបានកាត់ទោសពីបទមិនចាត់វិធានការ ឬផ្តល់ការថែទាំ៕

យានិកអ៊ីតាលីត្រឡប់មកដល់ផែនដីវិញ បន្ទាប់ពីមានការហោះហើរពាណិជ្ជកម្មលើកដំបូងដ៏មិនគួរឲ្យជឿរបស់យានចម្លង Virgin Galactic

អ៊ីតាលី៖ អាកាសយានិកបុរស ៣រូបមកពីប្រទេសអ៊ីតាលី បានហោះឡើងចម្ងាយជាង ៥០ម៉ាយល៍ (៨០គីឡូម៉ែត្រ) ពីលើវាលខ្សាច់របស់រដ្ឋញូវម៉ិកស៊ីកូ (New Mexico) សហរដ្ឋអាមេរិក កាលពីថ្ងៃព្រហស្បតិ៍ (ទី២៩ ខែមិថុនា) នៅលើយន្តហោះរ៉ុក្កែតរបស់ក្រុមហ៊ុន Virgin Galactic ដែលជាការហោះហើរលើកដំបូងរបស់ក្រុមហ៊ុនដោយការបង់ប្រាក់ពីអតិថិជន ដែលធ្វើដំណើរទៅកៀកនឹងទីអវកាស គិតចាប់តាំងពីមហាសេដ្ឋីអង់គ្លេសលោក Richard Branson បានបង្កើតក្រុមហ៊ុននេះ ក្នុងឆ្នាំ២០០៤។មន្ត្រីកងទ័ពអាកាសអ៊ីតាលី ២នាក់ និងវិស្វករអវកាសមកពីក្រុមប្រឹក្សាស្រាវជ្រាវជាតិ (CNR) របស់ប្រទេសអ៊ីតាលី បានជិះយានអវកាសលំដាប់ទី២ រយៈពេលខ្លីជាមួយសមាជិកយានិកករបស់យន្តហោះរ៉ុក្កែត Virgin Galactic ៣នាក់ ដែលក្នុងនោះ ២នាក់ បានបើកយាន VSS Unity នៅពេលដែលយាននោះ ត្រូវបានបាញ់បង្ហោះ ក្នុងរយៈកំពស់យ៉ាងខ្ពស់ពីផ្ទៃនៃយានតួភ្លោះ ដែលដឹកយន្តហោះរ៉ុក្កែតនោះ។វិស្វករអវកាសមកពីក្រុមប្រឹក្សាស្រាវជ្រាវជាតិ (CNR) លោក Pantaleone Carlucci បាននិយាយក្នុងអំឡុងសន្និសីទសារព័ត៌មានថា៖ «វាពិតជាមិនគួរជឿសោះ។ ការបង្កើនល្បឿន ការហោះឡើង និងបន្ទាប់មក មីក្រូទំនាញ ហើយខ្ញុំត្រូវផ្តោតអារម្មណ៍ជាមួយនឹងការធ្វើតេស្តសាកល្បងរបស់ខ្ញុំ ជាមួយនឹងក្តារបន្ទះទ្រាប់ជង្គង់របស់ខ្ញុំ ប៉ុន្តែខ្ញុំក៏ឆ្លៀតឱកាសមើលទៅខាងក្រៅដែរ ហើយទិដ្ឋភាពគឺអស្ចារ្យណាស់»។ប្រមាណជា ៧៥នាទីបន្ទាប់ពីការចាកចេញពីដីជាមួយនឹងយានមេ យានអវកាស VSS Unity បានហោះត្រឡប់មកកាន់ចំណុចចាប់ផ្តើមវិញ ដោយសុវត្ថិភាពលើផ្លូវរត់នៅឯ Spaceport America ដែលជាអគារគ្រប់គ្រងដោយរដ្ឋ នៅជិតទីក្រុង Truth or Consequences របស់រដ្ឋញូវម៉ិកស៊ីកូ (New Mexico)៕

ការខូចខាតដោយទឹកជំនន់ធ្ងន់ធ្ងរ បណ្តាលឲ្យរថយន្តដឹកទំនិញរាប់ពាន់គ្រឿងនៅជាប់គាំងនៅព្រំដែនឈីលី-អាហ្សង់ទីន

ឈីលី-អាហ្សង់ទីន៖ រថយន្តដឹកទំនិញរាប់ពាន់គ្រឿង បានជាប់គាំងនៅជិតព្រំដែនប្រទេសឈីលីនិងអាហ្សង់ទីន បន្ទាប់ពីមានភ្លៀងធ្លាក់ខ្លាំង ហើយព្យុះព្រិលបានបណ្តាលឱ្យមានការបំផ្លាញរចនាសម្ព័ន្ធផ្លូវថ្នល់ ដែលតភ្ជាប់ប្រទេសទាំងពីរ។ ទិដ្ឋភាពពីយានដ្រូន បានបង្ហាញរថយន្តដឹកទំនិញរាប់សិបគ្រឿង បានចតនៅតាមដងផ្លូវ ខណៈអ្នកបើកបររង់ចាំការឆ្លងកាត់ព្រំដែនបើកឡើងវិញ។ អ្នកបើកបរទាំងនេះ មួយចំនួនបានជាប់គាំងជាច្រើនថ្ងៃមកហើយ។យោងតាមការរាយការណ៍ក្នុងតំបន់បានឲ្យដឹងថា រថយន្តដឹកទំនិញប្រមាណ ២.០០០ គ្រឿង ត្រូវបានប្រជ្រៀតនៅខាងប្រទេសឈីលីរង់ចាំឆ្លងកាត់ព្រំដែន។ អាជ្ញាធរក្នុងតំបន់ជឿថា វាអាចមានរយៈពេលប្រាំពីរថ្ងៃទៀត មុនពេលព្រំដែនបើកឡើងវិញ។ ភ្លៀងធ្លាក់ខ្លាំង ដែលបានស្រោចស្រពមកលើប្រទេសឈីលីចាប់តាំងពីសប្តាហ៍មុន បានបំផ្លាញតំបន់ជាច្រើន បណ្តាលឣោយផ្ទៃដីពេញដោយភក់ល្បាប់ ជន់លិចភូមិឋាន បំផ្លាញលំនៅឋាន និងផ្លូវថ្នល់៕

រដ្ឋាភិបាល៖ កម្តៅឡើងហក់ឡើងខ្ពស់ សម្លាប់មនុស្សជាង ១០០នាក់ នៅម៉ិកស៊ិក

ម៉ិកស៊ិក៖ រដ្ឋាភិបាលបានឲ្យដឹងថា មនុស្សជាង ១០០នាក់ បានស្លាប់ដោយសារតែកម្ដៅឡើងក្ដៅខ្លាំង នៅប្រទេសម៉ិកស៊ិក ក្នុងខែមិថុនានេះ បន្ទាប់ពីមានរលកកំដៅជាបន្តបន្ទាប់ នៅក្នុងប្រទេសអាមេរិកឡាទីនមួយនេះ ស្របពេលដែលអ្នកវិទ្យាសាស្ត្រនិយាយថា ការឡើងកម្ដៅផែនដីកំពុងធ្វើឲ្យអាកាសធាតុកាន់តែអាក្រក់ទៅៗ ដោយប្រទេសជាច្រើនជួបប្រទះនូវសីតុណ្ហភាពខ្ពស់បំផុត។បើយោងតាមតួលេខរបស់ក្រសួងសុខាភិបាល ដែលចេញផ្សាយ កាលពីថ្ងៃពុធ (28 មិថុនា) ការជួយសង្គ្រោះបន្ទាន់ទាក់ទងនឹងកម្ដៅជាង ១.០០០ករណី ត្រូវបានរាយការណ៍នៅក្នុងប្រទេសម៉ិកស៊ិក ចន្លោះពីថ្ងៃទី១២ ខែមិថុនា ដល់ថ្ងៃទី២៥ ខែមិថុនា ដែលក្នុងនោះ ១០៤ករណី បានបណ្តាលឲ្យមានការបាត់បង់ជីវិត។អាជ្ញាធរបានរាយការណ៍ថា មានអ្នកស្លាប់ចំនួន ៨នាក់រួចហើយ នៅចន្លោះថ្ងៃទី១៤ ខែមេសា ដល់ថ្ងៃទី៣១ ខែឧសភា ដែលនាំឲ្យចំនួនសរុបកើនឡើងដល់ ១១២នាក់ ហើយបើតាមក្រសួងសុខាភិបាលបានឲ្យដឹងថា មូលហេតុចម្បងនៃការស្លាប់នោះ គឺដាច់សរសៃឈាមដោយសារក្ដៅខ្លាំង និងបន្ទាប់មកដោយសារការខ្សោះជាតិទឹក។ក្រសួងសុខាភិបាល បានឲ្យដឹងទៀតថា សីតុណ្ហភាពអតិបរិមា ៤៩អង្សាសេ គឺជាការឡើងកម្តៅខ្ពស់បំផុត ក្នុងសប្តាហ៍នេះ នៅរដ្ឋសូណូរ៉ា (Sonora) ភាគពាយ័ព្យ។ នៅប្រទេសម៉ិកស៊ិក សីតុណ្ហភាពអតិបរិមាជាមធ្យម ក្នុងកំឡុងរដូវក្តៅប្រែប្រួលចន្លោះពី ៣០ទៅ ៤៥អង្សាសេ ហើយអាជ្ញាធរបានព្រមានថា រលកកម្តៅមួយផ្សេងទៀត អាចប៉ះពាល់ដល់ប្រទេស ដែលមានប្រជាជនចំនួន ១២៧លាននាក់នេះ ចាប់ពីថ្ងៃទី១ ខែកក្កដា៕

ប្រជាពលរដ្ឋតិចសាស់សហរដ្ឋអាមេរិក ត្អូញត្អែរអាកាសធាតុក្ដៅខ្លាំង ខណៈរលកកំដៅឡើងដល់ជាង៣៨ អង្សាសេ

អាមេរិក៖ ប្រជាពលរដ្ឋនៅក្នុងទីក្រុង ប្រោនស្វ៊ីល (Brownsville) រដ្ឋតិចសាស់(Texas) សហរដ្ឋអាមេរិក បានជួបប្រទះការហក់ឡើងរលកំដៅខ្លាំងមួយផ្សេងទៀត កាលពីថ្ងៃព្រហស្បតិ៍ ទី២៩ខែមិថុនា ខណៈរលកកំដៅដែលបានអូសនបន្លាយជាច្រើនថ្ងៃ បន្តគ្របដណ្ដប់លើតំបន់នេះ ដោយសីតុណ្ហភាពកើនឡើងជាង១០០អង្សាហ្វារិនហៃ ស្មើរ៣៨ អង្សាសេ។ អ្នកក្រុងប្រោនស្វ៊ីល លោក រ៉ូល វ៉ាគ្វេស (Raul Vasquez) បាននិយាយថា កំដៅកាន់តែក្ដៅខ្លាំង ពីមួយឆ្នាំទៅមួយឆ្នាំ ។ យើងមានអារម្មណ៍ ថា ចង់ឆេះខ្លួនហើយ ។ យើងមិនដែលឃើញកំដៅបែបនេះទេ ពីមុនមកនៅក្នុងរដ្ឋ Texas ភាគខាងត្បូង។ សេវាព្យាករណ៍អាកាសធាតុជាតិ បាននិយាយថា ពលរដ្ឋអាមេរិកាំង ៦២ លាននាក់ នៅក្នុងរដ្ឋ អារីហ្សូណាភាគកណ្ដាល ទូទាំងរដ្ឋតិចសាស់ និងតំបន់ឌីបសោត ព្រមទាំងតំបន់គ្រប់គ្រងដោយរដ្ឋហ្ល្វរីដា ស្ថិតក្រោមការតាមដានរលកកំដៅ ដោយចេញការព្រមាន និង ណែនាំថា គេរំពឹងថាការកើនឡើងរលកកំដៅនេះ នឹងបន្តរហូតដល់ថ្ងៃ ទី៤ ចុងសប្ដាហ៍ខែកក្កដា។ ប្រព័ន្ធសម្ពាធខ្ពស់នៅតែមិនស្រុតចុះទូទាំងភាគខាងត្បូង ដែលនៅតែបន្តឲ្យមានជារលកកំដៅនិងសំណើម ត្រូវគេស្គាល់ថាជាលំហកំដៅ បានបន្តអូសបន្លាយរយៈពេលប៉ុន្មានសប្តាហ៍ចុងក្រោយនេះ ដែលបណ្តាលឲ្យអាកាសធាតុក្តៅខ្លាំង៕

ទីក្រុង Torontoឈ្លក់ផ្សែង ស្របពេលដែលការបំភាយឧស្ម័នពីភ្លើងឆេះព្រៃកាណាដាឡើងដល់កម្រិតខ្ពស់បំផុត

កាណាដា៖ យោងតាមការអះអាងពីសេវាកម្មត្រួតពិនិត្យបរិយាកាស Copernicus របស់សហភាពអឺរ៉ុប បានឲ្យដឹងថា កាលពីថ្ងៃពុធម្សិលមិញ ទីក្រុង Toronto ដែលជាទីក្រុងធំបំផុតរបស់ប្រទេសកាណាដា បានគ្របដណ្តប់ដោយផ្សែង ស្របពេលដែលភ្លើងឆេះព្រៃនៅទូទាំងប្រទេស បានបញ្ចេញឧស្ម័នកាបូនច្រើនបំផុតរហូតដល់ ១៦០លានតោន ។ លោក Mahen Thacker គឺជាពលរដ្ឋវ័យ ៨៧ឆ្នាំមួយរូប ដែលមិនខុសប្លែកពីពលរដ្ឋដទៃទៀតដែរ ពាក់ម៉ាសការពារផ្សែងពុល និយាយថា លោកត្រូវតែប្រុងប្រយ័ត្នខ្លួនថាផ្សែងទាំងនេះ ពុំបានប៉ះពាល់ដល់សុខភាពរបស់លោក និងសួតរបស់លោកនោះឡើយ ។ ផ្សែងចំហេះព្រៃ ជាប់ពាក់ព័ន្ធនឹងអត្រាខ្ពស់នៃជំងឺគាំងបេះដូង ដាច់សរសៃខួរក្បាល ហើយនិងនាំឲ្យមានអ្នកជំងឺកាន់តែច្រើនចូលបន្ទប់សង្រ្គោះបន្ទាន់ ដើម្បីព្យាបាលស្ថានភាពផ្លូវដង្ហើម ។ រដូវភ្លើងឆេះព្រៃក្នុងឆ្នាំនេះ គឺជារដូវដ៏អាក្រក់បំផុតមានក្នុងកំណត់ត្រានៅប្រទេសកាណាដា ក្នុងនោះផ្ទៃដីព្រៃប្រហែល ៧៦.០០០គ.មក្រឡា ត្រូវបានភ្លើងឆាបឆេះនៅទូទាំងតំបន់ភាគខាងកើត និងតំបន់ភាគខាងលិចប្រទេស ស្របពេលដែលក្រុមអាជ្ញាធរសុខភាពសាធារណៈចេញសេចក្តីប្រកាសអាសន្នពីគុណភាពខ្យល់ ដោយជំរុញឲ្យប្រជាពលរដ្ឋស្នាក់នៅក្នុងផ្ទះ ៕

អាកាសធាតុវិទូសហរដ្ឋអាមេរិក ព្យាករណ៍ពីរដូវក្តៅខុសពីប្រក្រតី

អាមេរិក៖ វាដូចជាចាប់ផ្តើមមានអារម្មណ៍ថារដូវក្តៅខុសពីប្រក្រតីខ្លាំងដោយសារសីតុណ្ហភាពខ្ពស់កើតមាននៅតំបន់ភាគខាងត្បូងសហរដ្ឋអាមេរិក ប៉ុន្តែអាកាសធាតុវិទូម្នាក់ និយាយថា វាទើបតែជាការចាប់ផ្តើមប៉ុណ្ណោះ ។ លោក Andrew Kruczkiewicz គឺជាអ្នកវិទ្យាសាស្រ្តអាកាសធាតុនៅសាកលវិទ្យាល័យ Columbia ស្ថិតក្នុងទីក្រុងញូវយ៉ក និយាយថា នៅតាមតំបន់ជាច្រើននៅទ្វីបអាមេរិក ពួកយើងគួរតែរំពឹងដល់ស្ថានភាពអាកាសធាតុលើកម្រិតមធ្យម ។ លោកនិយាយថា នៅទូទាំងសហរដ្ឋអាមេរិក ពួកយើងបានឮច្រើនពីហេតុការណ៍អាកាសធាតុក្តៅខ្លាំងខុសប្លែកគ្នាជាច្រើន ឬហេតុការណ៍កម្រៗដូចដែលបានកើតឡើង ឧទាហរណ៍ដូចជាកម្តៅនៅតំបន់ភាគខាងត្បូង នៅតំបន់ភាគនិរតី ។ ពួកយើងមានស្ថានភាពផ្សែង ស្ថានភាពផ្សែងដែលបង្កឡើងដោយសារភ្លើងឆេះព្រៃនៅតាមទីក្រុងជាច្រើននៅសហរដ្ឋអាមេរិក ។ ពួកយើងបានប្រឈមនឹងទឹកជំនន់ដ៏គំហុក។ សំនួរមួយអាចសួរខ្លួនឯងបានថាតើវាប្រក្រតីឬ? តើនេះជាអ្វីដែលរដូវក្តៅគួរតែចាប់ផ្តើមឬ? ហើយចម្លើយគឺមិនប្រាកដនោះទេ ។ គួរឲ្យដឹងថា នៅទីក្រុង Houston រដ្ឋ Texas សីតុណ្ហភាពបានកើនឡើងលើសពី៣៨អង្សាសេរួចទៅហើយ ពោលគឺមានចំនួនប្រហែល ៧អង្សាសេខ្ពស់ជាងសីតុណ្ហភាពធម្មតាអំឡុងពេលតែមួយនៃឆ្នាំ ៕

កំពង់ផែនៅកោះអូគីណាវ៉ាប្រទេសជប៉ុន ប្រែជាពណ៌ក្រហម ពីការលេចធ្លាយនៅរោងចក្រស្រាបៀរ

ជប៉ុន៖ កំពង់ផែនេសាទ និងទន្លេ នៅកោះអូគីណាវ៉ា របស់ប្រទេសជប៉ុន បានប្រែជាពណ៌ក្រហមកាលពីថ្ងៃអង្គារ បន្ទាប់ពីការលេចធ្លាយសារធាតុរាវលាយពណ៌អាហារក្រហមចេញពីរោងចក្រស្រាបៀរក្នុងតំបន់។ មន្ត្រីមកពីរោងចក្រស្រាបៀរ Orion ស្ថិតនៅចម្ងាយប្រមាណ៧០០ម៉ែត្រពីកំពង់ផែនេសាទ បាននិយាយថា សារធាតុរាវនេះគឺចេញពីប្រព័ន្ធធ្វើឲ្យត្រជាក់នៃស៊ីទែនស្រាបៀរ ដោយលាបពណ៌ក្រហម ដើម្បីអាចកំណត់បាន ប្រសិនបើទឹកចូលក្នុងស៊ីទែននេះ។កំពង់ផែនៅកោះអូគីណាវ៉ាប្រទេសជប៉ុន ប្រែជាពណ៌ក្រហម ពីការលេចធ្លាយនៅរោងចក្រស្រាបៀរអង្គធាតុរាវបានលេចធ្លាយចូលទៅក្នុងទន្លេក្បែរនោះតាមប្រឡាយបង្ហូរទឹកភ្លៀង។ ក្រុមហ៊ុនបានសុំឣភ័យទោសចំពោះឧបទ្ទវហេតុនេះ និងបាននិយាយថា វត្ថុរាវនេះពុំមានគ្រោះថ្នាក់ដល់សុខភាពមនុស្សនោះទេ។ មូលហេតុនៃការលេចធ្លាយអង្គធាតុរាវនៅតែត្រូវបានស៊ើបអង្កេត៕

សីតុណ្ហភាពហក់ឡើងដល់៤៤ អង្សាសេនៅអេស្ប៉ាញ អំឡុងរលកកំដៅដំបូងនៃរដូវក្ដៅ

អេស្ប៉ាញ៖ មានការប្រកាសភ្លើងសញ្ញាអាសន្នពណ៌ក្រហម នៅទីក្រុង ម៉ាឌ្រីដ (Madrid) ខដូបា (Cordoba) និងសេវីល (Seville) ខណៈអាកាសធាតុក្ដៅខ្លាំងក្នុងរលកកំដៅនៃរដូវក្ដៅដំបូងរបស់ប្រទេសអេស្ប៉ាញ។ សីតុណ្ហភាពបានកើនឡើងដល់៤៤អង្សាសេ នៅភាគខាងត្បូង ស្របពេលកំដៅនៅក្នុងរដ្ឋធានី ម៉ាឌ្រីដ ក៏បានហក់ឡើងលើស៤០អង្សាសេផងដែរ។ រដ្ឋមន្ត្រីក្រសួងបរិស្ថានរបស់ប្រទេសអេស្ប៉ាញ លោកស្រី ធារ៉េសា រីប៊ើរ៉ា (Teresa Ribera)បានហៅភាពក្ដៅហែងខុសរដូវនៅទូទាំងឧបទ្វីប អាយប៊ើរៀន( Iberian) កាលពីខែមីនា និងមេសាថាជា កំដៅគួរឲ្យខ្លាច ហើយពេលនេះ ប្រទេសនេះត្រៀមនឹងទទួលរងរលកកំដៅខ្លាំងសម្រាប់រដូវក្ដៅនេះ។ ដោយសារតែ នៅក្នុងរដ្ឋធានីម៉ាឌ្រីដ ពុំមានឆ្នេរសមុទ្រ មនុស្សម្នា បានស្វែងរកភាពត្រជាក់នៅតាមអាងទឹកសាធារណៈ និងសួនទឹកនានា ដូចជានៅសួនបាញ់ទឹកក្នុងតំបន់ម៉ាឌ្រីដ រីយ៉ូ (Madrid Rio) ជាដើម ។ ក្រុមអ្នកឃ្លាំមើលសិទ្ធិមនុស្សបាននិយាយក្នុងរបាយការណ៍កាលពីថ្ងៃចន្ទថា មនុស្សដែលមានពិការភាពប្រឈមនឹងការបាត់បង់ជីវិត បង្កគ្រោះថ្នាក់ដល់រាងកាយ សង្គម និងសុខភាពផ្លូវចិត្ត ដោយសារកំដៅខ្លាំងពេក ពិសេស ប្រសិនបើមានអារម្មណ៍ថា ត្រូវរកវិធីទប់ទល់នឹងការហក់ឡើងសីតុណ្ហភាពដ៏គ្រោះថ្នាក់ដោយខ្លួនឯង ផងនោះ៕

រថភ្លើងដឹកអ្នកដំណើរ ធ្លាក់ចេញពីផ្លូវ បន្ទាប់ពីបុករថយន្តដឹកទឹក នៅរដ្ឋកាលីហ្វ័រនីញ៉ា

អាមេរិក៖ រថភ្លើង Amtrak ដែលដឹកអ្នកដំណើរជាង ១៩០នាក់ ឆ្ពោះទៅកាន់ទីក្រុងស៊ីអាតថល (Seattle) បានធ្លាក់ចេញផ្លូវផ្នែកខ្លះ កាលពីថ្ងៃពុធ (ទី២៨ ខែមិថុនា) បន្ទាប់ពីបានបុកជាមួយរថយន្តដឹកទឹកមួយគ្រឿងនៅទីក្រុងម័រផាក (Moorpark) រដ្ឋកាលីហ្វ័រនីញ៉ា (California) សហរដ្ឋអាមេរិក។ ឧបទ្ទវហេតុនេះ ត្រូវបានគេរាយការណ៍នៅម៉ោងប្រហែល ១១:៣០ ម៉ោងក្នុងស្រុក (ត្រូវនឹងម៉ោង ១៨:០០ ម៉ោងសកល) ហើយក្រុមសង្គ្រោះបន្ទាន់ត្រូវបានបញ្ជូនទៅកាន់កន្លែងកើតហេតុនោះ។អ្នកពន្លត់អគ្គិភ័យ លោក Andy VanSciver បាននិយាយថា ក្នុងចំណោមអ្នកដំណើរ និងនិយោជិតជាង១៩០នាក់ ដែលធ្វើដំណើរលើរថភ្លើងនោះ មានតែ៨នាក់ប៉ុណ្ណោះ ដែលរងរបួសក្នុងកម្រិតពីមធ្យមទៅស្រាល ហើយអ្នកទាំងនោះត្រូវបានបញ្ជូនទៅកាន់មន្ទីរពេទ្យហើយ។ក្រុមអ្នកពន្លត់អគ្គិភ័យ និងគ្រូពេទ្យ បានបង្កើតកន្លែងពិនិត្យ និងព្យាបាលអ្នកដំណើរផ្សេងទៀត ដែលអ្នកខ្លះបាននិយាយថា ពួកគេមានអារម្មណ៍ថា ពួកគេ «រងការប៉ះទង្គិចយ៉ាងខ្លាំង« ជាមួយនឹងអ្វីមួយ មុនពេលចេញពីរថយន្ត។ យ៉ាងណាក្ដី មូលហេតុនៃឧបទ្ទវហេតុនេះ កំពុងត្រូវបានសមត្ថកិច្ចស៊ើបអង្កេត៕

បណ្ដាញសង្គម

ព័ត៌មានថ្មីៗ

ប្រមុខការពារជាតិកម្ពុជានឹងដឹកនាំគណៈប្រតិភូទៅម៉ាឡេស៊ី ដើម្បីចូលរួមកិច្ចប្រជុំ GBC នៅព្រឹកនេះ

TOP STORY | សម្ដេចតេជោ៖ យើងឈានទៅរកការពឹងពាក់លើកាកបាទក្រហមអន្តរជាតិដើម្បីជួយដល់ទាហានកម្ពុជា១៨រូបដែលថៃចាប់ក្រោយបទឈប់បាញ់ និងមិនទាន់បញ្ជូនមកឱ្យកម្ពុជាវិញ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភកុមារា២នាក់ដែលឱពុកជាប់បំពេញកាតព្វកិច្ចជូនជាតិ

TOP STORY | សម្តេចតេជោប្រកាសមិនចូលរួមប្រជុំព្រឹទ្ធសភាថ្ងៃស្អែកទេដោយជាប់រវល់ប្រចាំការរួមបញ្ជាកងទ័ព២៤ម៉ោងលើ២៤ម៉ោងក្រោយថៃរៀបចំផែនការវាយប្រហារកម្ពុជា

BREAKING NEWS ÷ ក្រសួងការពារជាតិកម្ពុជា៖កងទ័ពថៃគ្រោងនឹងបើកការវាយលុកតាមបណ្តោយព្រំដែនជាមួយកម្ពុជាឆាប់ៗនេះ

លោកជំទាវ ហ៊ុន ម៉ាណា អញ្ជើញនាំយកទេយ្យវត្ថុប្រគេនព្រះសង្ឃនៅវត្តគោកត្របែក ក្នុងខេត្តកំពង់ធំ និងចែកអំណោយជូនប្រជាពលរដ្ឋ៣៤៩គ្រួសារ

អ្នកនាំពាក្យរាជរដ្ឋាភិបាល៖រាជរដ្ឋាភិបាលកំពុងយកចិត្តទុកដាក់យ៉ាងខ្លាំងចំពោះយោធិន ពិសេសយោធិនពលី និងពលរដ្ឋភៀសសឹក

ព្រះសង្ឃ និងប្រជាពលរដ្ឋខេត្តពោធិ៍សាត់ច្រើនពាន់នាក់ចូលរួម ក្បួនដង្ហែទង់ជាតិខ្មែរ រួមគ្នាថែរក្សាការពារជាតិមាតុភូមិ

សហគមន៍ខ្មែរនៅកូរ៉េប្រមាណជិត២ពាន់នាក់ ប្រមូលផ្តុំអំណរគុណ និងគាំទ្រប្រធានាធិបតីអាមេរិកទទួលពានរង្វាន់សន្តិភាព និងអំពាវនាវឱ្យថៃយល់ព្រមទៅតុលារការអន្តរជាតិ

មនុស្សរាប់ម៉ឺននាក់ប្រមូលផ្ដុំគ្នាទូទាំងពិភពលោកតវ៉ាប្រឆាំងការវាយប្រហាររបស់អ៊ីស្រាអែលនៅហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877