នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុង​ប្រតិបត្តិការ​បង្រ្កាបបទល្មើសតាមប្រព័ន្ធបច្ចេកវិទ្យា
ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប
ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ
ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

ការប្រតាយប្រតប់គ្នាផ្ទុះឡើងនៅទីក្រុងទូរីន ប្រទេសអ៊ីតាលី អំឡុងខួប៧៨ឆ្នាំនៃទិវារំដោះជាតិប្រឆាំងរបបហ្វាស៊ីស

2023/04/27 09:58:20 am        143
Facebook Telegram Linkin
អ៊ីតាលី៖ កាលពីថ្ងៃអង្គារ ការប្រតាយប្រតប់គ្នា បានផ្ទុះឡើងរវាងក្រុមមន្ត្រីនគរបាល និងក្រុមអ្នកតវ៉ា នៅក្នុងទីក្រុងទូរីន(Turin) អំឡុងក្បួនរំឭកខួបទី៧៨ឆ្នាំនៃទិវារំដោះជាតិរបស់ប្រទេសអ៊ីតាលី។យោងតាមរបាយការណ៍ក្នុងស្រុក ក្រុមបាតុករប្រហែល២ពាន់នាក់ បានចេញតវ៉ាតាមដងផ្លូវ និងបានចូលរួមពិធីដុតភ្លើងគប់ប្រពៃណីនៅទីលានចតុរង្គ Piazza Arbarello ដោយមានការប្រតាយប្រតប់គ្នាដោយសារតែវត្តមានរបស់ទង់សម្ព័ន្ធយោធាណាតូ និងទង់ជាតិអ៊ុយក្រែន។ ទិវារំដោះជាតិដែលប្រទេសនេះស្គាល់ថាជា Il Giorno Della Liberazione រំឭកដល់ចលនាបក្សសម្ព័ន្ធនិយមដ៏ធំ អំឡុងសង្រ្គាមលោកលើកទី២ នៅក្នុងប្រទេសអ៊ីតាលី។   ចលនានេះបានបង្រួបបង្រួមសកម្មជនប្រឆាំងរបបហ្វាស៊ីសអ៊ីតាលីមកពីមជ្ឈដ្ឋានផ្សេងៗ រួមទាំងកម្មករ កសិករ និងនិស្សិត ក្នុងការប្រយុទ្ធប្រឆាំងនឹងរបបរបស់មេដឹកនាំផ្ដាច់ការអ៊ីតាលីលោក Mussolini និងការគ្រប់គ្រងរបស់របបណាស៊ី។ ទ្រឹស្តីសង្គ្រាមលោកលើកទី ២ របស់ប្រទេសអ៊ីតាលីបានបញ្ចប់ជាមួយនឹងការស្លាប់របស់លោក Benito Mussolini កាលពីថ្ងៃទី ២៨ ខែមេសាឆ្នាំ ១៩៤៥ ហើយក្រោយមករដ្ឋាភិបាលអ៊ីតាលីបានប្រកាសយកថ្ងៃទី ២៥ខែមេសាជាថ្ងៃបុណ្យជាតិដើម្បីរំលឹកដល់ការរំដោះប្រទេសពីរបបផ្ដាច់ការណាស៊ី៕

អគ្គិភ័យបានបំផ្លិចបំផ្លាញលំនៅឋានជាង១៣០ខ្នង និងមនុស្សម្នាក់ស្លាប់នៅក្នុងតំបន់ស្វើដឡូវស៍ ប្រទេសរុស្ស៊ី

2023/04/27 09:54:52 am        46
Facebook Telegram Linkin
រុស្ស៊ី៖ អង្គភាពតំបន់របស់ក្រសួងសង្រ្គោះបន្ទាន់រុស្ស៊ី បាននិយាយនៅក្នុងសេចក្ដីថ្លែងការណ៍មួយថា លំនៅឋានជាង១៣០ខ្នង ត្រូវបានបំផ្លិចបំផ្លាញដោយអគ្គិភ័យនៅក្នុងតំបន់ ស្វើដឡូវស៍ (Sverdlovsk)របស់ប្រទេសរុស្ស៊ី។  សេចក្ដីថ្លែងការណ៍នេះបាននិយាយថា ក្រុមអ្នកពន្លត់អគ្គិភ័យបានខ្នះខ្នែងជួយសង្រ្គោះលំនៅឋានជាង១.២០០ខ្នងនៅក្នុងភូមិម Tayozhny និងតំបន់លំនៅឋាន Sosva។ ទោះយ៉ាងណា អគ្គិភ័យបានបំផ្លាញអគារប្រមាណ១៧៨  រួមទាំងលំនៅឋាន១៣៤ខ្នង។ យោងតាមក្រុមអាជ្ញាធរប្រចាំតំបន់ ឧបករណ៍ប្រើប្រាស់ទាំងអស់  សេវាផ្គត់ផ្គង់ថាមពល និងឧស្ម័ន ត្រូវបានដាក់ឲ្យស្ថិតក្នុងការប្រុងប្រយ័ត្នខ្ពស់ដោយសារអគ្គិភ័យនេះ។ អ្នកនាំពាក្យក្រសួងសង្រ្គោះបន្ទាន់បានប្រាប់សារព័ត៌មាន TASS របស់រុស្ស៊ីមុននេះ ថា អគ្គិភ័យនេះ បានបំផ្លិចបំផ្លាញផ្ទៃដីទំហំ៩ពាន់ម៉ែត្រក្រឡា នៅក្នុងតំបន់លំនៅឋាន Sosva និង ២.៧០០ម៉ែត្រក្រឡានៅក្នុងភូមិ Tayozhny ។ អគ្គិភ័យនេះ ក៏បានសម្លាប់មនុស្សម្នាក់ផងដែរនៅក្នុងតំបន់លំនៅឋានSosva៕

ជនសង្ស័យ២នាក់លួចហែកទ្រុងបន្ទប់ឃុំឃាំង ខណ្ឌឫស្សីកែវ រត់គេចខ្លួនបានសម្រេច

2023/04/26 08:01:24 am        324
Facebook Telegram Linkin
ភ្នំពេញ៖ អធិការដ្ឋាននគរបាលខណ្ឌឫស្សីកែវ ខណៈមេឃកំពុងភ្លៀងខ្លាំង ជនសង្ស័យ២នាក់ បានលួចហែកទ្រុងដែកនៃបន្ទប់ឃុំឃាំង រត់យករួចខ្លួនបានសម្រេច។ ហេតុការណ៍នេះ បានកើតឡើងកាលពីវេលាម៉ោង៩និង៥០នាទីយប់ ថ្ងៃទី២៥ ខែមេសា ឆ្នាំ២០២៣ នៅចំណុចអធិការដ្ឋាននគរបាលខណ្ឌឫស្សីកែវ រាជធានីភ្នំពេញ។ ហេតុការណ៍ភ្ញាក់ផ្អើលនេះ បានកើតឡើងបន្ទាប់ពីមេឃភ្លៀងលាយឡំខ្យល់កន្ត្រាក់ ភ្លាមៗនោះសមត្ថកិច្ចនៅក្នុងមូលដ្ឋានខណ្ឌឫស្សីកែវ បានចេញកម្លាំងជាច្រើននាក់ តាមស្វែងរកជនសង្ស័យ២នាក់ ដែលបានធ្វើសកម្មភាពហែកទ្រុងដែកបន្ទប់ឃុំឃាំង​ខណ្ឌឫស្សីកែវ។គួរបញ្ជាក់ផងដែរថា ជនសង្ស័យទាំងពីរ ម្នាក់ជាជនជាតិខ្មែរ និងម្នាក់ទៀតជាជនបរទេសស្បែកខ្មៅ ដោយជនសង្ស័យទាំង២បានជាប់ពាក់ព័ន្ធករណី២ផ្សេងគ្នា ក្នុងនោះជនបរទេសស្បែកខ្មៅ ជាប់ពាក់ព័ន្ធពីបទឧក្រិដ្ឋកម្មសម្លាប់មនុស្សដោយចេតនា និងត្រូវបានឃុំខ្លួនជាបណ្តោះអាសន្ន​នៅអធិការដ្ឋាននគរបាលខណ្ឌឫស្សីកែវ កាលពីថ្ងៃទី២៣ ខែមេសា ឆ្នាំ២០២៣។ ចំណែកជនសង្ស័យជនជាតិខ្មែរ ជាប់ពាក់ព័ន្ធករណីលួចរថយន្តសេរីទំនើបពីមូលដ្ឋានខណ្ឌឫស្សីកែវ និងបានរត់គេចខ្លួនដល់ខេត្តបន្ទាយមានជ័យ ខណៈឈប់ចាក់សាំងនៅចំណុចស្រុកព្រះនេត្រព្រះ តែអត់លុយឱ្យគេ ត្រូវសមត្ថកិច្ចឃាត់បានកាលពីថ្ងៃទី២១ ខែមេសា ឆ្នាំ២០២៣ ព្រមទាំងបានបញ្ជូនខ្លួនមកឃុំ ជាបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ។ បច្ចុប្បន្នមិនទាន់មានដំណឹងពីជនសង្ស័យនៅឡើយនោះទេ ដោយជនទាំងពីរនេះកំពុងរត់គេចខ្លួន និងស្ថិតក្រោមការតាមដានស្រាវជ្រាវរបស់សមត្ថកិច្ច ដើម្បីតាមឃាត់ខ្លួនយកមកផ្តន្ទាទោសតាមផ្លូវវិញផងដែរ៕ អត្ថបទ៖ កុម្ភៈ

ការផ្ទុះឃ្លាំងស្តុកគ្រាប់រំសេវប្រឆាំងភេរវកម្មនៅប៉ាគីស្ថាន បណ្តាលឲ្យមនសុ្ស ១៣នាក់ស្លាប់

2023/04/25 12:02:06 pm        56
Facebook Telegram Linkin
ប៉ាគីស្ថាន៖ នគរបាលនិយាយថា ការផ្ទុះ២លើកនៅឃ្លាំងស្តុកគ្រាប់រំសេវប្រឆាំងភេរវកម្ម នៅប្រទេសប៉ាគីស្ថានភាគពាយ័ព្យ បណ្តាលឲ្យមនុស្សយ៉ាងហោចណាស់១៣នាក់ស្លាប់ និងរងរបួសជាង៥០នាក់ កាលពីថ្ងៃចន្ទ។លោក Akhtar Hayat មន្ត្រីជាន់ខ្ពស់នគរបាលនិយាយថា ការផ្ទុះ បានធ្វើឲ្យរញ្ជួយការិយាល័យប្រឆាំងភេរវកម្ម នៅតំបន់ជ្រលងភ្នំ Swat ភាគពាយ័ព្យ ដែលកាលពីពេលមុន ត្រូវបានគ្រប់គ្រងរយៈពេលយូដោយក្រុមសកម្មប្រយុទ្ធអ៊ីស្លាម មុនពេលពួកគេត្រូវបានបោសសម្អាតចេញក្នុងប្រតិបត្តិការយោធាក្នុងឆ្នាំ២០០៩ ។ អ្នកនាំពាក្យរបស់លោក បាននិយាយនៅក្នុងសចក្តីថ្លែងការណ៍ថា គ្រាប់រំសេវ បានឆាបឆេះ ដែលបញ្ហានេះភាគច្រើនប្រហែលជាដោយសារតែការឆ្លងចរន្តអគ្គិសនី។ គ្មានភស្តុតាងនៃការវាយប្រហារពីខាងក្រៅដែលបានកើតឡើងនោះទេរហូតមកដល់ពេលនេះ។នគរបាល និងយោធា ប្រទេសប៉ាគីស្ថាន មានវត្តមានច្រើននៃបុគ្គលិកប្រឆាំងភេរវកម្មនៅក្នុងតំបន់ជ្រលងភ្នំនេះ ជាទីកន្លែងកំណើតរបស់លោក Mullah Fazlullah អតីតប្រមុខក្រុមតាលីបង់ប៉ាគីស្ថាន ដែលត្រូវបានសម្លាប់ក្នុងការវាយប្រហារតាមអាកាស ក្នុងប្រទេសអាហ្វហ្គានីស្ថានដែលនៅជិតខាងក្នុងឆ្នាំ២០១៨។លោក Hayat និយាយថា អ្នកនាំពាក្យនិយាយថា ទិដ្ឋភាពផ្សេងទៀតនៃការផ្ទុះនេះ កំពុងត្រូវបានស៊ើបអង្កេត។ ភាគច្រើននៃអ្នកដែលបានស្លាប់ក្នុងការផ្ទុះនេះ គឺជាមន្ត្រីនគរបាលប្រឆាំងភេរវកម្ម ហើយស្ត្រីម្នាក់ និងកូនរបស់នាង ដែលដើរឆ្លងកាត់ជិតអគារនោះ បានស្លាប់ផងដែរ។ មន្ត្រីរដ្ឋបាលមន្ទីរពេទ្យម្នាក់ និយាយថា ខាងមន្ទីរពេទ្យបានទទួលអ្នករងរបួសជាច្រើនដើម្បីព្យាបាល ដែលមួយចំនួនក្នុងចំណោមពួកគេរងរបួសធ្ងន់៕

ក្មេងស្រីអាយុ៦ឆ្នាំត្រូវបានគេបាញ់ បន្ទាប់ពីបាល់បោះរមៀលចូលក្នុងទីធ្លាផ្ទះបុរសម្នាក់នៅរដ្ឋ North Carolina

2023/04/21 12:04:01 pm        127
Facebook Telegram Linkin
អាមេរិក៖ បុរសម្នាក់នៅរដ្ឋ North Carolina ដែលត្រូវបានចោទប្រកាន់ពីការបាញ់ទៅលើក្មេងស្រីអាយុ៦ឆ្នាំម្នាក់ និងឪពុករបស់នាង បន្ទាប់ពីបាល់បោះរបស់ពួកគេ បានរមៀលចូលទៅក្នុងទីធ្លាផ្ទះរបស់គាត់ ត្រូវបានចាប់ខ្លួន នៅក្នុងរដ្ឋ Florida។ នគរបាលនិយាយថា លោក Robert Louis Singletary អាយុ២៤ឆ្នាំ បានចូលខ្លួនមកអាជ្ញាធរ ក្នុងទីក្រុង Tampa កាលពីល្ងាចថ្ងៃព្រហស្បតិ៍ បន្ទាប់ពីការតាមស្វែងរយៈពេល២ថ្ងៃ។ជនរងគ្រោះ២នាក់ផ្សេងទៀត មានបុរសម្នាក់ និងស្ត្រីម្នាក់ បានរងរបួស។ លោក Singletary ប្រឈមមុខ៤ករណី នៃឃាតកម្មដែលប៉ុនប៉ងកម្រិតទី១។ នគរបាលនឹងចោទប្រកាន់ផងដែរចំពោះជនសង្ស័យរូបនេះដោយ២ករណីពីបទវាយប្រហារដោយអាវុធដ៏ឃោរឃៅដែលមានបំណងសម្លាប់មនុស្ស និង១ករណីទៀតពីបទកាន់កាប់អាវុធដោយជាប់ពាក់ព័ន្ធបទឧក្រិដ្ឋ។កាលពីពេលមុន ជនសង្ស័យត្រូវបាននគរបាលដឹងថា បានវាយប្រហារទៅលើមិត្តស្រីយ៉ាងធ្ងន់ធ្ងរតាមដែលចោទប្រកាន់កាលពីពីខែធ្នូ។ នគរបាលនៅក្នុងតំបន់ Gaston នៅពេលដំបូងបានទទួលការហៅទូរស័ព្ទមកលេខ៩១១ នៅម៉ោង១៩:៤៤ នាទីម៉ោងក្នុងតំបន់កាលពីថ្ងៃអង្គារ អំពីការបាញ់ប្រហារ។ ក្រោយមកក្រុមអ្នកស៊ើបអង្កេត បានរាយការណ៍ថា ក្មេងស្រីអាយុ៦ឆ្នាំម្នាក់ និងឳពុករបស់នាង ទាំងពីរនាក់បានរងរបួសធ្ងន់។ស្ត្រីពេញវ័យម្នាក់ ត្រូវបានបាញ់ប្រផិត ហើយបុរសពេញវ័យទី២ ត្រូវបានបាញ់ចំ៕

សមត្ថកិច្ចព្រហ្មទណ្ឌក្រសួងមហាផ្ទៃ ធ្វើការឃាត់ខ្លួនសង្ស័យ ពាក់ព័ន្ធនឹងករណីឃាតកម្មសម្លាប់នារីម្នាក់កាត់ក្បាលនៅបាវិត

2023/04/21 09:20:09 am        430
Facebook Telegram Linkin
ភ្នំពេញ៖ ជនដៃដល់ដែលបានកាត់ក្បាលសម្លាប់នារីម្នាក់នៅក្រុងបាវិតខេត្តស្វាយរៀង ត្រូវបានកម្លាំងនគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងនគរបាលនៃស្នងការខេត្តព្រះវិហារ ឃាត់ខ្លួនបាននៅភូមិកំពុងស្រឡៅ ឃុំកំពង់សោឡៅមួយ ស្រុកឆែប ខេត្តព្រះវិហារ វេលាម៉ោង១១យប់ថ្ងៃទី២០ ខែមេសា ឆ្នាំ២០២៣។ប្រតិបត្តិការនេះធ្វើឡើងក្រោមការដឹកនាំចង្អុលបង្ហាញផ្ទាល់ពីឯកឧត្តម នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ ឯកឧត្តមឧត្តមសេនីយ៍ឯក មួង សុធា អគ្គស្នងការរងទទួលផែនយុតិធម៌ និងបញ្ជាដឹកនាំដោយ ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌយ៉ាងយកចិត្តទុកដាក់ ។ លោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគបាលព្រហ្មទណ្ឌកម្រិតធ្ងន់ បានដឹកនាំ​សហការជាមួយនគរបាលជំនាញព្រហ្មទណ្ឌនៃស្នងការដ្ឋាននគរបាលខេត្តព្រះវិហារ និង​មានការសម្របសម្រួលពី លោក ទី សុវិនថាល់ ព្រះរាជអាជ្ញាអមសាលាដំបូងព្រះវិហារ បានធ្វើការឃាត់ខ្លួនបានសម្រេច។តាមប្រភពព័ត៌មានពីមន្ត្រីនគបាលព្រហ្មទណ្ឌ បានឲ្យដឹងថា មុនឈានដល់ការឃាត់ខ្លួន​បាន​ជនសង្ស័យគឺនៅវេលាម៉ោង ១១យប់ថ្ងៃទី២០ ខែមេសាឆ្នាំ ២០២៣ កម្លាំងសមត្ថកិច្ចស្នងការ​នគរបាលខេត្តព្រះវិហារ បានទទួលព័ត៌មានពីរម្ចាស់ផ្ទះសំណាក់ បានរាយការណ៍មកថា​មានបុរសម្នាក់បានលេបថ្នាំពុលនៅបន្ទប់ផ្ទះសំណាក់របស់ខ្លួន។ ក្រោយមកកម្លាំងនគរបាលបានសហការជាមួយនឹងគ្រូពេទ្យចុះទៅដល់កន្លែងកើតហេតុ ពេលទៅដល់ឃើញជនរងគ្រោះដែលលេបថ្នាំសម្លាប់ខ្លួននោះមានឈ្មោះ ឡោ គង់ហួរ ភេទប្រុស ៤១ឆ្នាំ ដែលជាមុខសញ្ញាកម្លាំងសមត្ថកិច្ចកំពុងស្វែងរកឃាត់ខ្លួនពាក់ព័ន្ធនឹងករណីឃាតកម្ម។អាងករសម្លាប់នារីម្នាក់នៅឯ ក្រុងបាវិត ខេត្តស្វាយរៀង កាលពីថ្ងៃទី១៩ ខែមេសា ឆ្នាំ២០២៣។បច្ចុប្បន្នជនសង្ស័យត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តព្រះវិហារ ដើម្បីរង់ចាំបន្តតាមនីតិវិធី៕ អត្ថបទ ៖ កុម្ភៈ

តំណាងអយ្យការសម្រេចចោទប្រកាន់ជនជាតិចិន ទាំង ០៥នាក់ ពីបទ បង្ខាំងមនុស្ស និងកាន់កាប់អាវុធដោយគ្មានការអនុញ្ញាត

2023/04/19 07:02:05 pm        165
Facebook Telegram Linkin
ភ្នំពេញ៖ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យកាអមសាលាដំបូងរាជធានីភ្នំពេញបានឲ្យដឹងនៅល្ងាចថ្ងៃទី ១៩ ខែមេសា ឆ្នាំ ២០២៣ នេះថា ករណីជនជាតិចិនចំនួន០៥នាក់ដែលចាប់ជំរិតជនជាតិជនចិនដូចគ្នាតំណាងអយ្យការបានសម្រេចបេីកការស៊េីបសួរពីបទបង្ខាំងមនុស្សដោយខុសច្បាបធ្វេីទារុណកម្ម ដេីម្បីជំរិតទារប្រាក់ និងកាន់កាប់អាវុធដោយគ្មានការអនុញ្ញាត។សូមបញ្ជាក់ថា លោក ម៉ុត ដារ៉ា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បើកការស៊ើបសួរក្រុមឧក្រិដ្ឋជនជនជាតិចិន ចំនួន ៥នាក់ដែលត្រូវបានចាប់ខ្លួនពាក់ព័ន្ធករណីបង្ខាំងជនជាតិចិនដូចគ្នា ដើម្បីជំរិតទារលុយប្រមាណ១០លានដុល្លារ នៅអគារស្កាយវីឡា ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។តាមការបញ្ជាក់ពីមន្ត្រីនគរបាលបានឲ្យដឹងថាក្នុងរង្វង់ប្រតិបត្តិការកម្លាំងសមត្ថកិច្ចបានឃាត់ខ្លួនក្រុមក្រិដ្ឋជន ជាជនជាតិចិនចំនួន ៧នាក់។ក្រោយធ្វើការសាកសួរ ជនជាតិចិនចំនួនពីរនាក់មិនមានការពាក់ព័ន្ធឡើយ ដូច្នេះបញ្ជូនជនជាតិចិនចំនួន ៥នាក់ ដើម្បីទៅអយ្យកាអមសាលាការដំបូងរាជធានីភ្នំពេញចាត់ការតាមនីតិវិធី៕ អត្ថបទ៖ កុម្ភៈ

បុរសឈ្មោះ កែវ សុន ដែលមានកំហុសលើការបើកបរ ត្រូវបានដោះលែងឱ្យមាន​សេរីភាព​វិញហើយ

2023/04/19 12:56:34 pm        316
Facebook Telegram Linkin
កំពង់ឆ្នាំង៖ នៅវេលាម៉ោង១២និង២០នាទីថ្ងៃទី១៩ ខែមេសា ឆ្នាំ២០២៣នេះ បុរសឈ្មោះ កែវ សុន ដែល​បានប្រព្រឹត្តខុសនឹងច្បាប់ចរាចរណ៍នោះ ​ត្រូវបានលោក នូ ដារ៉ា ចៅក្រមស៊ើបសួរសាលាដំបូង​ខេត្តកំពង់ឆ្នាំង ​បានចេញដីកាបង្គាប់ឱ្យ​ដោះលែងវិញហើយ ដែលដីកានោះមានលេខ២១៦ ចុះថ្ងៃទី១៩ ខែមេសា ឆ្នាំ២០២៣ ។សូមបញ្ជាក់ថា លោក កែវ សុន មានទីលំនៅក្នុងភូមិត្បែងខ្ពស់ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ​ត្រូវបាន​នគរបាលចរាចរណ៍ផ្លូវគោកនៃស្នងការនគរបាលខេត្តកំពង់ឆ្នាំង ឃាត់ខ្លួន បញ្ជូន​មក​ស្នងការដ្ឋានខេត្ត ​និងបន្តតាមនីតិវិធីទៅតុលាការនៅថ្ងៃទី១២ ​ខែមេសា​ ឆ្នាំ២០២៣ ក្រោយរូបគាត់​បាន​ជាប់ចោទពីបទ «បើកបរធ្វេសប្រហែស ខ្ជីខ្ជា មិនប្រុងប្រយ័ត្ន ​មិនគោរព​កាតព្វកិច្ច ​ដែលបទបញ្ញត្តិស្តីពីចរាចរណ៍ផ្លូវគោកតម្រូវ ​បណ្តាលឱ្យរងរបួសអ្នកដទៃ»។ ករណីគ្រោះថ្នាក់ចរាចរណ៍នេះ បានកើតឡើងនៅកំណាត់ផ្លូវជាតិលេខ៥ ចន្លោះគីឡូម៉ែត្រលេខ៤១-៤២ ក្នុងភូមិពោធិឬទ្ធីក្រៃ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង៕

បង្ក្រាបក្រុមចោរលួចយ៉ាងសកម្មឈានដល់ការបាញ់តបតគ្នា ស្លាប់ក្រុមចោរ២នាក់ របួសសមត្ថកិច្ចម្នាក់

2023/04/18 03:01:37 pm        2319
Facebook Telegram Linkin
ភ្នំពេញ៖ ក្រុមចោរលួច និងប្លន់យ៉ាងសកម្មប្រដាប់ដោយអាវុធ០២នាក់ បានស្លាប់ភ្លាមៗ​នៅ​ហ្នឹងកន្លែង និងមន្ត្រីនគរបាលម្នាក់បានរងរបួស ក្នុងប្រតិបត្តិការរបស់សមត្ថកិច្ច នៃការិយាល័យព្រហ្មទណ្ឌកម្រិតស្រាលរាជធានីភ្នំពេញ បើកការឡោមព័ទ្ធបង្ក្រាបមុខសញ្ញាខាងលើ បន្ទាប់ពីបើកការស្រាវជ្រាវ និងតាមដានអស់ជាច្រើនខែរួចមក ។ប្រតិបត្តិការបង្ក្រាប រហូតមានការបាញ់តបតគ្នាអស់ជាច្រើនគ្រាប់ខាងលើនេះ បង្កឱ្យមាន​ការ​ភ្ញាក់ផ្អើលឡើង កាលពីវេលាម៉ោង១០ និង៣០នាទីព្រឹកថ្ងៃទី១៨ ខែមេសា ឆ្នាំ២០២៣ នៅទល់មុខនឹងយានដ្ឋានជួសជុលរថយន្តមួយកន្លែង យីហោ « អេផ្លឹស » ស្ថិតក្រោយវត្តអង្គតាមិញ ក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។ ជនសង្ស័យទាំង០២នាក់ ដែលត្រូវបានសមត្ថកិច្ចបាញ់ស្លាប់នៅហ្នឹងកន្លែងនោះ ពុំត្រូវបាន​បញ្ចេញអត្តសញ្ញាណឡើយ ។ ចំណែកមន្ត្រីនគរបាលដែលរងរបួស ក៏ពុំស្គាល់អត្តសញ្ញាណ គ្រាន់តែដឹងថា មានតួនាទី ជានាយរងការិយាល័យព្រហ្មទណ្ឌកម្រិតស្រាលរាជធានីភ្នំពេញ ។ យោងតាមប្រភពព័ត៌មាន បានឱ្យដឹងថា នៅមុនកើតហេតុ ក្រុមជនសង្ស័យទាំង០២នាក់ បានជិះម៉ូតូមួយគ្រឿងម៉ាក PCX ពណ៌ស ​ពាក់ស្លាកលេខ កណ្តាល 1AP-6490 បានឌុបគ្នា​ធ្វើដំណើរ​ចូលទៅមើលរថយន្តស៊េរីទំនើបមួយគ្រឿង​ដែល​កំពុង​ជួសជុល​នៅ​ក្នុងយានដ្ឋានខាងលើ ហើយ​ក៏​ជារថយន្តដែលពួកគេធ្វើសកម្មភាពលួចបានកាលពីពេលកន្លងទៅ ។ ភ្លាមៗ នៅពេលដែល​ពួកគេ​ទៅដល់មុខយានដ្ឋានខាងលើនោះ​ កម្លាំងសមត្ថកិច្ចដោយបាន​ស្រាវជ្រាវ និងតាមដានពួកគេ​មក​ជាយូរហើយនោះ ​ក៏បានតាមបន្តដល់ចំណុច​យានដ្ឋាន ហើយបានពង្រាយ​កម្លាំងធ្វើការឡោម​ព័ទ្ធទីតាំងតែម្តង ។បន្ទាប់ពីឃើញសមត្ថកិច្ចហើយនោះ ​ក្រុម​ជនសង្ស័យ ​បានដកកាំភ្លើងខ្លីពីចង្កេះ រួចធ្វើការបាញ់​ស្រោច​ទៅលើក្រុមសមត្ថកិច្ចជាមុន ​បណ្តាលអោយនាយរងការិយាល័យម្នាក់រងរបួសជើង ។ ហើយភ្លាមនោះ ​ដោយប្រើសិទ្ធិក្នុងការការពារខ្លួន ​កម្លាំងសមត្ថកិច្ចទាំងអស់ បានធ្វើការ​បាញ់តបត​យ៉ាង​សន្ធប់ទៅលើក្រុមជនសង្ស័យទាំង០២នោះវិញ ​ដោយបាញ់ចំលើដងខ្លួនពួកគេជាច្រើនគ្រាប់ បណ្តាល​អោយស្លាប់ភ្លាមៗ​នៅហ្នឹងកន្លែងតែម្តង ។ក្រោយកើតហេតុ សមត្ថកិច្ចដែលរងរបួស ​ត្រូវដឹកតាមរថយន្ត​បញ្ចូន​ទៅសង្គ្រោះនៅ​មន្ទីរ​ពេទ្យផងដែរ ។ ចំណែកឯនៅទីតាំងកើតហេតុ ​កម្លាំងនគរបាលមូលដ្ឋាន រួមទាំងនគរបាល​មកពី​បណ្តាខណ្ឌពាក់ព័ន្ធមួយចំនួន​ ក៏ដូចជានគរបាលជំនាញ​កោសល្យវិច្ច័យ បានចុះធ្វើការ​សាក​សួរនាំព័ត៌មាន ​ក៏ដូចជាពិនិត្យភស្តុតាង​ និងវត្ថុតាង ជុំទីតាំង​ដែលកើត​មាន​ការបាញ់តបតគ្នា​ខាងលើផងដែរ ។ក្នុងប្រតិបត្តិការខាងលើនេះដែរ ​សមត្ថកិច្ចដកហូតបានរថយន្តមួយគ្រឿង ​និងម៉ូតូមួយគ្រឿង ដែល​ក្រុមចោរបានធ្វើសកម្មភាពលួចកន្លងមក រួមទាំងដកហូតបានអាវុធខ្លីមួយដើមផងដែរ ។ ជុំវិញករណីនេះដែរ បើតាមការឱ្យដឹងពីលោកឧត្តមសេនីយ៍ត្រី ​សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ ​បានបញ្ជាក់ថា ក្រុមខាងលើ គឺជាក្រុមចោរលួច​យ៉ាង​សកម្មបំផុតនៅក្នុងភូមសាស្ត្ររាជធានីភ្នំពេញ ​ដោយក្រុមនេះ​មានប្រដាប់ដោយអាវុធគ្រប់ដៃផងដែរ ។ ហើយមុខសញ្ញាដដែលនេះ ​ជាមុខសញ្ញាដែលសមត្ថកិច្ចបើកការស្រាវជ្រាវតាម​ចាប់ខ្លួន​មកជា​យូរខែដែរមកហើយ ។ ម្យ៉ាងវិញទៀតក្រុមនេះ មិនមែនមានគ្នាតែ០២នាក់​ដែល​បានស្លាប់​នៅ​ខាងលើនោះទេ គឺក៏នៅមានបក្សពួកបន្តទៀតទៀតដែរ ​ដែលសមត្ថកិច្ចកំពុងបន្តជំនាញ ក្នុងការតាមចាប់ខ្លួន ។ យ៉ាងចំពោះម្ចាស់យានដ្ឋានជួសជុលរថយន្តខាងលើ​ ក៏ត្រូវបាន​សមត្ថកិច្ចសុំការសហការ ដើម្បី​សាកសួរនាំ​ នឹងបន្តទៅតាមជំនាញជាក់ស្តែងរបស់សមត្ថកិច្ចផងដែរ ៕ លីហេង

ឧក្រិដ្ឋជនជាជនជាតិចិន ចំនួន០៧នាក់ នគរបាលកំពុងសួរនាំត្រៀមបញ្ជូនខ្លួនទៅតុលាការ នៅព្រឹកថ្ងៃទី១៩ ស្អែកនេះ

2023/04/18 02:34:14 pm        558
Facebook Telegram Linkin
ភ្នំពេញ៖ កម្លាំងនគរបាល និងបញ្ជូនឧក្រិដ្ឋជនជាជនជាតិចិន ចំនួន០៧នាក់ពាក់ព័ន្ធករណីចាប់បង្ខាំងជនជាតិចិន ដើម្បីជំរិតទារប្រាក់១លានដុល្លារ នៅស្កាយវីឡានៅមូលដ្ឋាន ខណ្ឌ៧មករា ទៅសាលា​ដំបូងរាជធានីភ្នំពេញ ចាត់ការតាមនីតិវិធី នៅព្រឹកថ្ងៃទី១៩ ខែមេសា ឆ្នាំ២០២៣ ស្អែកនេះ។គួរបញ្ជាក់ផងដែរកាលពី វេលាម៉ោង២យប់រំលងអាធាត្រ ចូលថ្ងៃទី១២ ខែមេសា ឆ្នាំ២០២៣ មានករណីចាប់បង្ខាំងជនជាតិចិនម្នាក់ ​ដើម្បីជំរិតទារប្រាក់ ១លានដុល្លារអាមេរិក នៅចំណុចចំណត​រថយន្តនៃអគារស្នាក់នៅស្កាយវីឡា ​មានអាសយដ្ឋានអាគារលេខ១៩២ ផ្លូវ១៦៣ ​សង្កាត់វាលវង់ ខណ្ឌ៧មករា រាជធានីភ្នំពេញ ត្រូវកម្លាំងនគរបាលស្រាវជ្រាវបង្ក្រាប​បាន​ឧក្រិដ្ឋជនជនជាតិចិន​ដូចគ្នា​ ចំនួន៧នាក់​ នៅ​ពីរគោលដៅផ្សេងគ្នា ​ក្នុងខណ្ឌដង្កោ ​និងខណ្ឌមានជ័យ។បន្ទាប់ពីបានទទួលបណ្ដឹងពីក្រុមគ្រួសារជនរងគ្រោះ ​សមត្ថកិច្ចជំនាញរបស់​នាយកដ្ឋាន​ចារកម្ម និង​នាយកដ្ឋានកណ្ដាលសន្តិសុខ ​នៃអគ្គស្នងការដ្ឋាននគរបាលជាតិ ​សហការជាមួយសមត្ថកិច្ចពាក់ព័ន្ធ បានប្រតិបត្តិការបង្ក្រាបករណីនេះ នៅយប់ថ្ងៃទី១៣ ខែមេសា ឆ្នាំ២០២៣ នៅចំណុចពីគោលដៅ​ផ្សេងពីរគ្នា គោលដៅទី១៖ នៅបុរីមួយកន្លែង​ នៅផ្លូវ៦០ម៉ែត្រ ផ្ទះលេខ ​ផ្លូវសង្កាត់បឹងទំពុន ខណ្ឌមានជ័យ រាជធានីភ្នំពេញ ។ និងគោលដៅទី២៖ នៅបុរីមួយកន្លែង នៅផ្លូវ៥០ម៉ែត្រ ផ្ទះលេខ១៨ ផ្លូវលេខM26 សង្កាត់ ខណ្ឌដង្កោ រាជធានីភ្នំពេញ។ចំណែកជនរងគ្រោះត្រូវបាន​សមត្ថកិច្ចរំដោះបានដោយជោគជ័យ និងមានសុវត្ថិភាព ចំណែក​សុខភាពមានលក្ខណៈទន់ខ្សោយ ​ដោយសារជនរងគ្រោះត្រូវ​បានក្រុមជនសង្ស័យ ធ្វើ​ទារុណកម្ម​យ៉ាងធ្ងន់ធ្ងរ​លើរាងកាយ។ក្នុងរង្វង់ប្រតិបត្តិការនេះ សមត្ថកិច្ច បានបញ្ជាក់ទៀតថា សមត្ថកិច្ចជំនាញបានធ្វើការឃាត់ខ្លួនជន​សង្ស័យ​បានចំនួន០៧នាក់​ វត្ថុតាងដកហូត គោលដៅទី១ រថយន្ដម៉ាក Alphard ពណ៌ស ផ្លាកលេខភ្នំពេញ 2BZ-9995 ចំនួន១គ្រឿង, រថយន្ដម៉ាក Alphard ពណ៌ខ្មៅ ផ្លាកលេខតាកែវ 2D-8888 ចំនួន១គ្រឿង, ផ្លាកលេខរថយន្ដ (មុខក្រោយ) ១គូលេខ ភ្នំពេញ 2BQ-0560, កាំភ្លើងវែង១ដើម មានបង់២, កាំភ្លើងខ្លី ១ដើម មាន​បំពាក់​ឧបករណ៍​ខ្ទប់សំលេង, បង់ចំនួន១, គ្រាប់កាំភ្លើងវែង​ខ្លីមួយចំនួន គ្រាប់បែក១ (ប្រគល់ជូនCMAC), កូនកាំបិត២, ខ្នោះដៃ៣គូ, វិទ្យុទាក់ទងចំនួន៣គ្រឿង, ទូរដែកចំនួន១, ទូរស័ព្ទដៃ២គ្រឿង, កាតសម្គាល់ខ្លួន២, អាវការពារគ្រាប់ចំនួន១ និង​ឯកសារមួយចំនួន។ និងគោលដៅទី២ កាំភ្លើងម៉ាក់ ZOTAKI M9 06-T, គ្រាប់កាំភ្លើងចំនួន៦គ្រាប់, បង់ចំនួន១, ទូរស័ព្ទដៃ២គ្រឿង ម៉ាក OPPO ១គ្រឿង, ម៉ាក XIAOMI ១គ្រឿង, កាបូបពណ៌ខ្មៅ ចំនួន១ មាន​កាតមួយចំនួន, លិខិតឆ្លងដែនចំនួន១, រថយន្តមួយគ្រឿងម៉ាក ​Vellfier ពណ៌ខ្មៅ ពាក់ផ្លាកលេខភ្នំពេញ 2BT-1768 មួយគ្រឿង។បច្ចុប្បន្នក្រុមឧក្រិដ្ឋជនទាំងអស់នោះ​ ត្រូវបាន​កម្លាំង​សមត្ថកិច្ចជំនាញកំពុងធ្វើការសួរនាំ កសាង​សំណុំរឿងបញ្ជូនខ្លួន​ទៅសាលាដំបូង​រាជធានីភ្នំពេញ ​ដើម្បីចាត់ការបន្ដតាមផ្លូវច្បាប់៕ អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

ចិនចាប់ផ្តើមសាងសង់ទំនប់វារីអគ្គិសនីធំជាងគេបំផុតរបស់ពិភពលោកនៅតំបន់ទីបេតិ៍
07/23/2025 12:07 AM
Facebook Telegram Linkin
គណៈកម្មាធិការស្វែងរកការពិតស៊ីរី រាយការណ៍ថា មនុស្ស ១.៤២៦នាក់ ត្រូវបានសម្លាប់អំឡុងអំពើហិង្សាក្នុងខែមីនា
07/23/2025 12:07 AM
Facebook Telegram Linkin
ជនប៉ាឡេស្ទីននៅទីក្រុងហ្កាហ្សានិយាយថា ពួកគេពុំបានបរិភោគអស់រយៈពេល ៥ថ្ងៃមកហើយ
07/23/2025 12:07 AM
Facebook Telegram Linkin
រដ្ឋមន្ត្រីសុខាភិបាល «អ្នកដឹកនាំសុខាភិបាល ស្ថិតនៅជាប់ជានិច្ចជាមួយមន្រ្តីរបស់ខ្លួន ឈរលើគោលដៅសម្រេចឱ្យបានជោគជ័យក្នុងការបម្រើសេវាជូនប្រជាពលរដ្ឋ និងលើកកិត្តិយសវិជ្ជាជីវៈសុខាភិបាលទាំងមូល»
07/23/2025 12:07 AM
Facebook Telegram Linkin
ផ្សារសមាគមខ្មែរកំពុងស្រូបយកផលិតផលកែច្នៃក្នុងស្រុក គាំទ្រដល់ការរីកចម្រើនរបស់សហគ្រិន
07/22/2025 11:07 PM
Facebook Telegram Linkin
រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី
07/22/2025 08:07 PM
Facebook Telegram Linkin
ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត
07/22/2025 08:07 PM
Facebook Telegram Linkin
រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»
07/22/2025 07:07 PM
Facebook Telegram Linkin
ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍
07/22/2025 07:07 PM
Facebook Telegram Linkin
គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk
07/22/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.