BTV NEWS

ជនជាតិវៀតណាមសរុប ៣៤នាក់ ត្រូវបានបណ្តេញចេញពីកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិបាវិត ខេត្តស្វាយរៀង

កាស៊ីណូ ស៊ីលវើរ ស្តារនៅក្រុងបាវិតត្រូវបានព្យួរអាជ្ញាប័ណ្ណបន្ទាប់ពី រកឃើញមានជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា

ឃាត់ខ្លួនជនបរទេសជាង១០០នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា ក្នុងអគារខនដូរ១កន្លែង នៅសង្កាត់បឹងសាឡាង ខណ្ឌទួលគោក

កម្លាំងចម្រុះនៃគណៈបញ្ជាការឯកភាពរដ្ឋបាលខេត្តសៀមរាបឃាត់ខ្លួនជនសង្ស័យចំនួន៤នាក់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា

សន្តិសុខ និង សង្គម

ការិយាល័យបង្ការពន្លត់អគ្គិភ័យ និងសង្គ្រោះ ត្រៀមកម្លាំងជំនាញ ដើម្បីអន្តរាគមន៍នៅពេលមានគ្រោះអគ្គិភ័យកើតឡើង

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កម្លាំងនៃការិយាល័យបង្ការពន្លត់អគ្គិភ័យ និងសង្គ្រោះ បានត្រៀមរួចជាស្រេច ២៤ម៉ោង/២៤ម៉ោង ដើម្បីចេញអន្តរាគមន៍ជួយពន្លត់អគ្គិភ័យឱ្យបានទាន់ពេលវេលា នៅពេលមានអគ្គិភ័យកើតមានឡើងជាយថាហេតុ។ទំនាក់ទំនងលេខទាន់ហេតុការណ៍: ៦៦៦ឬទំនាក់ទំនងលេខទូរសព្ទមន្ត្រីប្រចាំការថ្ងៃចូលឆ្នាំ ១៤-១៦ មេសា ២០២២ ដូចភ្ជាប់ជូនខាងក្រោម !!!សូមបងប្អូនប្រជាពលរដ្ឋ ពិនិត្យឱ្យបានច្បាស់លាស់ភ្លើងធូប ទៀន ភ្លើងអគ្គិសនីផ្សេងៗទៀត មុននឹងចាកចេញពីផ្ទះ !!!សូមធ្វើដំណើរកំសាន្តប្រកបដោយសុខសុវត្ថិភាព !!!

ការិយាល័យនគរបាលបង្ការពន្លត់អគ្គិភ័យ បានត្រៀមកម្លាំងជិត ២០០នាក់ និងរថយន្តពន្លត់អគ្គិភ័យជិត ៣០គ្រឿង ដេីម្បីជួយអន្តរាគមន៍អំឡុងពិធីបុណ្យចូលឆ្នាំ

ភ្នំពេញ៖ ដោយអនុវត្តតាមបទបញ្ជា និងការណែនាំរបស់ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី១២ ខែមេសា ឆ្នាំ២០២២ លោកវរ:សេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ បានប្រជុំកម្លាំង ស្តីពី ការផ្សព្វផ្សាយផែនការ សន្តិសុខ សណ្តាប់ធ្នាប់ និងសុវត្ថិភាពសង្គម ក្នុងពិធីបុណ្យចូលឆ្នាំប្រពៃណីជាតិ ដល់លោកនាយរងការិយាល័យ-នាយផ្នែកនាយរងផ្នែក និងមន្ត្រីជំនាញ ត្រូវយកចិត្តទុកដាក់ខ្ពស់ ក្នុងការដឹកនាំកម្លាំង ដេីម្បីអនុវត្តការងារឱ្យបានល្អ ធានាឱ្យបាននូវសន្តិសុខ សណ្តាប់ធ្នាប់ល្អ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ ទាំងក្នុងភូមិសាស្ត្ររាជធានីភ្នំពេញ និងរៀបចំកម្លាំងឱ្យបានល្អ ដូចជាការស្លៀកពាក់ឯកសណ្ឋានការងារឱ្យបានត្រឹមត្រូវ កាត់សក់ខ្លី ជាពិសេសអនុវត្តឱ្យបាននូវសម្តី កាយវិការឱ្យបានសមរម្យ នៅពេលបំពេញតួនាទីភារកិច្ច។ ដោយនៅក្នុងនោះដែរ លោកវរសេនីយ៍ឯក ព្រហ្ម យ៉ន នាយការិយាល័យ បានថ្លែងថា កម្លាំងជំនាញរបស់យេីង បានបែងចែកជាច្រេីនគោលដៅ សម្រាប់អន្តរាគមន៍ជួយសង្គ្រោះប្រជាពលរដ្ឋនៅពេលដែលមានហេតុការណ៍គ្រោះអគ្គិភ័យកេីតឡេីង។ ជាពិសេសទៅទៀតនោះ យេីងបានបែងចែករថយន្តពន្លត់អគ្គិភ័យនៅគោលដៅតាមខណ្ឌទាំង១៤ ដោយនៅក្នុងមួយខណ្ឌ យេីងមានរថយន្តពន្លត់អគ្គិភ័យចំនួន ៣គ្រឿង សម្រាប់ចេញជួយអន្តរាគមន៍បឋមជាមុន។ ក្នុងករណីដែលទីតាំងកេីតហេតុខាងលេី មានស្ថានភាពឆេះខ្លាំង ត្រូវការជំនាញនោះ គឺយេីងនឹងបញ្ចេញរថយន្តពន្លត់អគ្គិភ័យនៅការិយាល័យ ក៏ដូចជាតាមបណ្តាលខណ្ឌទាំង១៤ ចេញជួយអន្តរាគមន៍ផងដែរ។ ថ្លែងនៅក្នុងឱកាសនោះលោកវរសេនីឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ ក៏បានផ្ដាំផ្ញើដល់កងកម្លាំងចំណុះការិយាល័យនគរបាលបង្ការពន្លត់អគ្គិភ័យទាំងអស់ ត្រូវតែបន្តអនុវត្តនូវវិធានការរបស់រដ្ឋាភិបាល ក៏ដូចក្រសួងសុខាភិបាលទាំងអស់គ្នា គឺ ៣កុំ ៣ការពារ ទាំងអស់គ្នា៕អត្ថបទ៖ កុម្ភៈ

កម្ពុជារកឃើញអ្នកឆ្លងថ្មីកូវីដ-១៩ចំនួន ១៧នាក់ សុទ្ធតែជាករណីឆ្លងក្នុងសហគមន៍ និងគ្មានករណីស្លាប់ថ្មីទេ

ភ្នំពេញ៖ ក្រសួងសុខាភិបាល ប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ១៧នាក់ (PCR) សុទ្ធតែជាប្រភេទអូមីក្រុង ឆ្លងក្នុងសហគមន៍,ជាសះស្បើយចំនួន ២៧នាក់ និងគ្មានករណីស្លាប់ថ្មីទេ នៅថ្ងៃទី១២ ខែមេសា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩ សរុបចំនួន ១៣៥.៩៨០នាក់ ,ជាសះស្បើយសរុបចំនួន ១៣២.៦៦៦នាក់ និងករណីស្លាប់សរុបចំនួន ៣.០៥៥នាក់។

កម្ពុជារកឃើញអ្នកឆ្លងថ្មីកូវីដ-១៩ចំនួន ១៦នាក់ សុទ្ធតែជាករណីឆ្លងក្នុងសហគមន៍ និងគ្មានករណីស្លាប់ថ្មីទេ

ភ្នំពេញ៖ ក្រសួងសុខាភិបាល ប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ១៦នាក់ (PCR) សុទ្ធតែជាប្រភេទអូមីក្រុង ឆ្លងក្នុងសហគមន៍,ជាសះស្បើយចំនួន ២១នាក់ និងគ្មានករណីស្លាប់ថ្មីទេ នៅថ្ងៃទី១១ ខែមេសា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩ សរុបចំនួន ១៣៥.៩៦៣នាក់ ,ជាសះស្បើយសរុបចំនួន ១៣២.៦៣៩នាក់ និងករណីស្លាប់សរុបចំនួន ៣.០៥៥នាក់។

មនុស្ស៤នាក់ស្លាប់និង២នាក់របួសធ្ងន់ ក្នុងហេតុការណ៍គ្រោះថ្នាក់ចរាចរណ៍ នៅស្រុកទ្រាំងខេត្តតាកែវ

តាកែវ៖ ហេតុការណ៍គ្រោះថ្នាក់ចរាចរណ៍ដ៏រន្ធត់រវាងរថយន្ត និងរថយន្តបញ្ច្រាសទិសគ្នា បានបណ្ដាលឱ្យមនុស្ស៤នាក់បានស្លាប់ និងមួយចំនួនទៀតបានរងរបួស ត្រូវបញ្ជូនទៅព្យាបាលនៅមន្ទីរពេទ្យ។ហេតុការណ៍នេះ បានកើតឡើងនៅថ្ងៃទី១១ខែមេសា ឆ្នាំ២០២២ វេលាម៉ោង១រំលងអាធ្រាតនៅចំណុចភូមិជ្រេ ឃុំជីខ្មា ស្រុកទ្រាំងខេត្តតាកែវ លើផ្លូវជាតិលេខ២ចន្លោះគីឡូម៉ែត្រ៩៤-៩៥។លោក សៅ ចាន់សំណាង ប្រធានការរិយាល័យចរាចរណ៍ផ្លូវគោក នៃស្នងការដ្ឋាននគបាលខេត្តតាកែវ បានឱ្យដឹងថា គ្រោះថ្នាក់នេះ បណ្ដាលអ្នកបើករថយន្តម៉ាកហ៊ីយ៉ាន់ដាយពណ៌សពាក់ស្លាកលេខតាកែវ 3A-3211 បើកបរដោយឈ្មោះ រត់ សត្យា ភេទប្រុសអាយុ ១៨ឆ្នាំមុខរបរបើកបររថយន្តរស់នៅភូមិប្រសុង ឃុំតាភេមស្រុកត្រាំកក់ ខេត្តតាកែវបានស្លាប់ នៅនឹងកន្លែងកើតហេតុ និងអ្នករួមដំណើរ២នាក់ស្លាប់នៅនឹងកន្លែងកើតហេតុ រីឯម្នាក់ទៀតបានស្លាប់ពេលយកទៅមន្ទីរពេទ្យ និងមានអ្នករបួសធ្ងន់ចំនួន២នាក់។បើតាមលោកប្រធានការរិយាល័យចរាចរណ៍ជើងគោកខេត្ត រថយន្តហ៊ីយ៉ាន់ដាយដឹកទានេះបើកបរពីទិសត្បូងទៅជើងលុះមកដល់កន្លែងកើតហេតុក៏បានជ្រុលចង្កូត«ប្រហែលងងុយដេក» ទៅបុករថយន្ដមួយគ្រឿងម៉ាកFUSOពណ៌សពាក់ស្លាកលេខតាកែវ 3A- 1188 បណ្ដាលឲ្យអ្នកបើកបររថយន្តនិងអ្នករួមដំណើររងរបួសធ្ងន់។បច្ចុប្បន្នសាកសពត្រូវបានបញ្ជូនឱ្យក្រុមគ្រួសារយកទៅធ្វើបុណ្យ រីឯមធ្យោបាយពាក់ព័ន្ធត្រូវបានយកមករក្សាទុកនៅអធិការដ្ឋាននគរបាលស្រុកទ្រាំង ដើម្បីកសាងសំណុំរឿងតាមនីតិវិធី៕

នគរបាលពង្រឹងការអនុវត្តច្បាប់ចរាចរណ៍ ខណៈពិធីបុណ្យចូលឆ្នាំថ្មីជិតមកដល់

ភ្នំពេញ៖ មុនពិធីបុណ្យចូលឆ្នាំថ្មី ប្រពៃណីជាតិ ជិតចូលមកដល់ឆាប់ៗនេះ សមត្ថកិច្ចរាជធានីភ្នំពេញ បានត្រៀមលក្ខណៈរួចរាល់ ជួយសម្រួលចរាចរណ៍ និងពង្រឹងការអនុវត្តច្បាប់ នៅពេលពលរដ្ឋចេញពីភ្នំពេញ ទៅស្រុកំណើត ឬតំបន់កំសាន្តផ្សេងៗ ។នៅថ្ងៃទី០៩ ខែមេសានេះ ឧត្ដមសេនីយ៍ទោ ចេវ ហាក់ ស្នងការរងនគរបាលរាជធានីភ្នំពេញ ទទួល ផែនការងារចរាចរណ៍ បានប្រាប់BTVថា តាមការផែនការ នគរបាលរាជធានីភ្នំពេញ នឹងធ្វើការអនុវត្តយ៉ាងតឹងរឹងចំពោះច្បាប់ចរាចរណ៍ផ្លូវគោក មុនពិធីបុណ្យចូលឆ្នាំថ្មី ប្រពៃណីជាតិ ជិតចូលមកដល់ឆាប់ៗនេះ ខណៈពលរដ្ឋចេញពីភ្នំពេញទៅស្រុកំណើត ឬតំបន់កម្សាន្តផ្សេងៗ។ឧត្ដមសេនីយ៍ទោ បានបន្តថា គ្រប់ច្រកចេញតាមផ្លូវជាតិទាំង៦ របស់រាជធានីភ្នំពេញ ត្រូវបានត្រួត ពិនិត្យទាំងចេញពីរាជធានីភ្នំពេញ ក៏ដូចជាចូលមករាជធានីពេញវិញ ហើយបើសិនជាប្រជាពលរដ្ឋ មិន គោរពច្បាប់និងវិធានសុខាភិបាល សមត្ថកិច្ចនឹងផាកពិន័យតាមផ្លូវច្បាប់។កន្លងទៅថ្មីៗនេះ គណៈកម្មាធិការជាតិសុវត្ថិភាពចរាចរណ៍ផ្លូវគោក បានធ្វើការអំពាវនាវ និងណែនាំដល់ប្រជាពលរដ្ឋ ដែលជាអ្នកប្រើប្រាស់ផ្លូវទាំងអស់ ឱ្យគោរពច្បាប់ចរាចរណ៍សំដៅកាត់បន្ថយគ្រោះ ថ្នាក់ចរាចរណ៍ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ពិសេសគឺត្រូវពាក់មួកសុវត្ថិភាពជានិច្ច ក្នុងពេលធ្វើដំណើរតាមទោចក្រយានយន្ត មិនត្រូវបើកបរលើសល្បឿនកំណត់ មិនត្រូវបើកបរក្រោមឥទ្ធិពល នៃគ្រឿងស្រវឹង គោរពសញ្ញាចរាចរណ៍ និងកុំផ្ទុកអ្នកដំណើរ ឬទំនិញលើសច្បាប់កំណត់៕អត្ថបទ៖ ទូច សោភ័ណ

កម្ពុជារកឃើញអ្នកឆ្លងថ្មីកូវីដ-១៩ចំនួន២៥នាក់ សុទ្ធតែជាករណីឆ្លងក្នុងសហគមន៍ និងគ្មានករណីស្លាប់ថ្មីទេ

ភ្នំពេញ៖ ក្រសួងសុខាភិបាល ប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ២៥នាក់ (PCR) សុទ្ធតែជាប្រភេទអូមីក្រុង និងសុទ្ធតែជាករណីឆ្លងក្នុងសហគមន៍,ជាសះស្បើយចំនួន ២៧នាក់ និងគ្មានករណីស្លាប់ថ្មីទេ នៅថ្ងៃទី០៩ ខែមេសា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩ សរុបចំនួន ១៣៥.៩១៤នាក់ ,ជាសះស្បើយសរុបចំនួន ១៣២.៥៩៦នាក់ និងករណីស្លាប់សរុបចំនួន ៣.០៥៥នាក់។

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក(ស្លាប់ ១នាក់, របួស ៨នាក់)

ភ្នំពេញ៖ របាយការណ៍នគរបាលចរាចរណ៍ផ្លូវគោកចេញផ្សាយថា គិតត្រឹមម៉ោង៤រសៀល ថ្ងៃទី៨ ខែមេសា ឆ្នាំ២០២២នេះ គ្រោះថ្នាក់ចរាចរណ៍ទូទាំងប្រទេសបានកើតឡើងចំនួន ៥លើក បណ្តាលឲ្យមនុស្សចំនួន ១នាក់ស្លាប់ និងរងរបួសចំនួន ៨នាក់ ក្នុង នោះរបួសធ្ងន់ ៥នាក់ និងរបួសស្រាលចំនួន ៣នាក់។គ្រោះថ្នាក់ចរាចរណ៍បានកើតនៅរាជធានី-ខេត្តចំនួន ៤ មានដូចជា៖ ខេត្តកំពត របួស ២នាក់, ភ្នំពេញ របួស ៣នាក់ , ព្រៃវែង ស្លាប់ ១នាក់ និងខេត្ត ពោធិ៍សាត់ របួស ២នាក់៕

តុលាការបង្គាប់ឱ្យសមត្ថកិច្ចនាំខ្លួនតំណាងស្ថាបនិក គណបក្សបេះដូងជាតិ ពាក់ព័ន្ធករណីក្លែងបន្លំ និងប្រើប្រាស់លិខិតក្លែង ក្នុងការបង្កើតគណបក្ស

ភ្នំពេញ៖ ចៅក្រមស៊ើបសួរ នៃសាលាដំបូងរាជធានីភ្នំពេញ នៅថ្ងៃទី០៨ ខែមេសា ឆ្នាំ២០២២នេះ បានចេញដីកាមួយបង្គាប់ឱ្យកម្លាំងសាធារណៈឱ្យនាំខ្លួន លោក សៀម ភ្លុក តំណាងស្ថាបនិក គណបក្សបេះដូងជាតិ ឱ្យបានមុនថ្ងៃទី២៥ ខែមេសា ឆ្នាំ២០២២ ពាក់ព័ន្ធនឹងករណីក្លែងបន្លំ និងប្រើប្រាស់លិខិតក្លែង ក្នុងការបង្កើតគណបក្សនេះ។តាមដីកាតុលាការ បានបញ្ជាក់ថា លោក សៀម ភ្លុក ត្រូវបានចោទប្រកាន់ចំនួន២បទល្មើស រួមមាន បទក្លែងបន្លំ និងបទប្រើប្រាស់លិខិតក្លែង ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២១ ដែលបទល្មើស ដែលមានចែង និងឱ្យផ្តន្ទាទោសតាមមាត្រា៦២៦, មាត្រា៦២៧ និងមាត្រា៦២៨ នៃក្រមព្រហ្មទណ្ឌ។ដីកានេះ បានបញ្ជាក់ទៀតថា ដើម្បីធានាដល់ការស៊ើបសួរឱ្យបានពេញលេញ គប្បីសម្រេចនាំខ្លួនឈ្មោះ សៀម ភ្លុក មកចំពោះមុខចៅក្រមស៊ើបសួរ ដើម្បីបំភ្លឺការពិត។ ហេតុដូច្នេះសម្រេច៖១៖ ឱ្យនាំខ្លួនឈ្មោះ សៀម ភ្លុក ភេទប្រុស ដែលមានអត្តសញ្ញាណខាងលើនេះ។២៖ បង្គាប់មកកងកម្លាំងសាធារណៈឱ្យនាំខ្លួនជនត្រូវចោទខាងលើនេះ មកប្រគល់ជូនសាលាដំបូងរាជធានីភ្នំពេញ ឱ្យបានមុនថ្ងៃទី២៥ ខែមេសា ឆ្នាំ២០២២ ជាកំហិត ដើម្បីចាត់ការតាមច្បាប់។សូមជម្រាបថា ក្រសួងមហាផ្ទៃ នៅថ្ងៃទី០២ ខែមីនា ឆ្នាំ២០២២ បានចេញប្រកាសមួយ ដោយសម្រេចលុបឈ្មោះ «គណបក្សបេះដូងជាតិ» ចេញពីបញ្ជីគណបក្សនយោបាយ។ ការចេញប្រកាសលុបឈ្មោះគណបក្សបេះដូងជាតិនេះ បានធ្វើឡើងបន្ទាប់ពី តុលាការកំពូល បានបើកសវនការ និងបានប្រកាសសាលដីកា សម្រេចទាត់ចោលបណ្ដឹងរបស់ លោក សៀម ភ្លុក ដែលប្រឆាំងនឹងការបដិសេធក្រសួងមហាផ្ទៃ ចំពោះសំណើបង្កើតគណបក្សបេះដូងជាតិ កាលពីថ្ងៃទី២៤ ខែធ្នូ ឆ្នាំ២០២១ ហើយបានបិទផ្លូវតវ៉ា៕

ពលករមកពីថៃ ចូលតាមខេត្តបន្ទាយមានជ័យកើនឡើង ខណៈបុណ្យចូលឆ្នាំខិតជិតមកដល់

បន្ទាយមានជ័យ៖ ពិធីបុណ្យចូលឆ្នាំប្រពៃណីជាតិខ្មែរ កាន់តែគៀកជិតឈានមកដល់ ពលករខ្មែរដែលធ្វើការនៅប្រទេសថៃ បានត្រឡប់មកស្រុកកំណើតវិញ តាមច្រកខេត្តបន្ទាយមានជ័យ ក្រោមការអនុវត្តរឹតបន្តឹងត្រួតពិនិត្យវិធានការសុខាភិបាល។ថ្លែងប្រាប់BTV នៅថ្ងៃទី៨ ខែមេសា ឆ្នាំ២០២២ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានឲ្យដឹងថា ពលករខ្មែរដែលត្រឡប់មកពីប្រទេសថៃ តាមច្រកខេត្តបន្ទាយមានជ័យ បានកើនឡើងតាំងពីសប្តាហ៍ចុងក្រោយខែមីនា ហើយបន្តកើនឡើងក្នុងសប្តាហ៍ដំបូងខែមេសា ដោយក្នុងមួយថ្ងៃមានចំនួនយ៉ាងហោចណាស់ប្រមាណ១ពាន់។ ឯកឧត្តម បន្តថា ក្នុងចំណោមនោះ បានឆ្លងដែនតាមច្រកចំនួន៤ រួមមាន ច្រកទ្វារព្រំដែនអន្តរជាតិប៉ោយប៉ែត ច្រកបឹងត្រកួន ស្រុកថ្មពួក ច្រកបឹងបេង ស្រុកម៉ាឡៃ និងច្រកអូរបីជាន់ ស្រុកអូរជ្រៅ ខណៈច្រកដែលមានពលករឆ្លងដែនច្រើនជាងគេមានច្រកទ្វារអន្តរជាតិប៉ោយប៉ែត និងច្រកអូរបីជាន់។ឯកឧត្តម បញ្ជាក់ថា ទោះបីមានការកើនឡើងនៃចំនួនពលករមកពីថៃ ប៉ុន្តែក្រុមការងារជំនាញដែលឈរជើងតាមបណ្តាព្រំដែនបន្តអនុវត្តវិធានការសុខាភិបាលម៉ឺងម៉ាត់ ពោលគឺអ្នកមិនទាន់បានចាក់វ៉ាកសាំងដូសមូលដ្ឋាន ឬយ៉ាងហោចណាស់ចំនួនដូសនោះនឹងត្រូវបញ្ជូនទៅធ្វើចត្តាឡីស័ក។ឯកឧត្តម បន្តថា រាល់ការឆ្លងដែនរបស់ពលករទាំងអស់តម្រូវឲ្យធ្វើតេស្តសម្រាប់អ្នកដែលមានអាការៈមិនស្រួលខ្លួន ហើយអ្នកបានចាក់វ៉ាក់សាំង ដូសទី២រួចរាល់ អនុញាត ឲ្យត្រឡប់ទៅផ្ទះ និងអ្នកមិនទាន់ចាក់ត្រូវធ្វើចត្តាឡីស័កគ្រប់ចំនួនថ្ងៃ ដែលកំណត់ បន្ទាប់ពីបញ្ចប់ការធ្វើចត្តាឡីស័ក បានរៀបចំចាក់វ៉ាក់សាំងជូនពួកគេ។ឯកឧត្តម អ៊ុំ រាត្រី បន្ថែមថា ដើម្បីឆ្លើយតបចំពោះបញ្ហាកំណើនពលករ រដ្ឋបាលខេត្តបន្ទាយមានជ័យ បានបន្តឲ្យកងកម្លាំងប្រដាប់អាវុធ និងមន្រ្តីជំនាញឈរជើងជាប់ជាប្រចាំរង់ចាំទទួលពលករមកពីថៃ និងបានរៀបចំទីតាំងធ្វើចត្តាឡីស័ក និងព្យាបាល សំដៅធានាឲ្យបានពីការរីករាលមេរោគកូវីដ១៩ក្នុងសហគមន៍ ខណៈប្រទេសថៃនៅថ្ងៃទី៨ ខែមេសានេះ បានរកឃើញករណីឆ្លងចំនួនជាង ២ម៉ឺនករណី និងស្លាប់៨៩នាក់៕ អត្ថបទ សេក ឧត្តម

បណ្ដាញសង្គម

ព័ត៌មានថ្មីៗ

កម្ពុជា-អាមេរិក ពិភាក្សាលើការពង្រឹងទំនាក់ទំនងទ្វេភាគី តាមរយៈការពង្រីកកិច្ចសហប្រតិបត្តិការលើវិស័យមួយចំនួន

ក្រុមអ្នកសង្កេតការណ៍អាស៊ាន ចុះត្រួតពិនិត្យការអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ ដំណាក់កាលទី១ ដែលបញ្ជូនត្រឡប់មកទីតាំងដើមវិញ នៅខេត្តកំពង់ស្ពឺ

អាជីវករផ្សាសំរោង ខេត្តឧត្តរមានជ័យលក់ដាច់គ្រាន់បើឡើងវិញក្រោយស្ថានភាពព្រំដែន ធូរស្រាល

ប្រមុខការពារជាតិកូរ៉េខាងត្បូង និងអាមេរិក បើកកិច្ចពិភាក្សាសន្តិសុខប្រចាំឆ្នាំដើម្បីបង្ហាញពីសម្ព័ន្ធភាពយោធា

ការបិទរដ្ឋាភិបាលសហរដ្ឋអាមេរិក ត្រៀមប្រជែងយកឈ្នះ ដោយគ្មានសញ្ញានៃការបញ្ចប់

មនុស្សរាប់ពាន់នាក់ត្រូវបានជម្លៀសចេញ ខណៈព្យុះទីហ្វុងKalmaegi ខិតជិតប្រទេសហ្វីលីពីន

កម្ពុជា-តួកគីយ៉េ ប្តេជ្ញាជំរុញពាណិជ្ជកម្មទ្វេភាគីឱ្យបាន១ពាន់លានដុល្លារក្នុងពេលអនាគត

ក្រុមអ្នកសង្កេតការណ៍អាស៊ាន (AOT) ចុះត្រួតពិនិត្យការអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ ដំណាក់កាលទី១ ដែលបញ្ជូនត្រឡប់មកទីតាំងដើមវិញ នៅក្នុងខេត្តកណ្តាល

អ៊ុយក្រែនទទួលបានប្រព័ន្ធប៉ាទ្រីយ៉ូត ក្នុងការពង្រឹងការការពារដែនអាកាសប្រឆាំងរុស្ស៊ី

លោក Trump នឹងរឹតត្បិតមូលនិធិសហព័ន្ធសម្រាប់ទីក្រុងញូវយ៉កប្រសិនបើលោក Mamdani ឈ្នះការបោះឆ្នោត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877