BTV NEWS

មន្ទីរប្រឆាំងគ្រឿងញៀន បង្ក្រាបសំបុកក្រុមជួញដូរគ្រឿងញៀនយ៉ាងសកម្មក្នុងភូមិសាស្ត្រខេត្តតាកែវ ប្រដាប់ដោយអាវុធ បានបាញ់មកលើកម្លាំងនគរបាល២នាក់របួសធ្ងន់កំពុងសង្គ្រោះបន្ទាន់ ចាប់ខ្លួនជនល្មើសបានចំនួន ៧នាក់

BREAKING NEWS | តំណាងអយ្យការសម្រេចចោទប្រកាន់កូនស្នងការរងខេត្តបន្ទាយមានជ័យបើកបរបុកស្លាប់មនុស្ស ៦នាក់ នៅស្រុកមោងឫស្សី ចំនួន ២បទល្មើស

ខែមីនាកន្លងទៅនេះ នគរបាលជាតិឃាត់ខ្លួនជនងប់ល្បែង ៧៤នាក់ ខ្លះបញ្ជូនទៅតុលាការ មុនបន្តទៅពន្ធនាគារ ខ្លះបានទៅផ្ទះវិញ

ក្នុងខែមីនាកន្លងទៅនេះ មានអ្នកស្លាប់ ១០៧នាក់ និងរបួសជាង ២០០នាក់ដោយគ្រោះថ្នាក់ចរាចរណ៍

សន្តិសុខ និង សង្គម

ជនសង្ស័យបទល្មើសនេសាទ២៥នាក់ ត្រូវបានចាប់ខ្លួន ខណៈសម្ភារៈនេសាទខុសច្បាប់ជាច្រើនបានរឹបអូស

ភ្នំពេញ៖ ជនសង្ស័យបទល្មើសនេសាទចំនួន២៥នាក់ ត្រូវបានសមត្ថកិច្ចចាប់ខ្លួន និងបញ្ជូនសំណុំរឿងទៅតុលាការចំនួន ៥០ករណី ខណៈសម្ភារៈនេសាទឆក់ក្តៅ និងត្រជាក់រាប់ពាន់ករណីត្រូវបានរឹបអូសចាប់ពីខែមីនា ឆ្នាំ២០២២ មកបន្ទាប់ពីមានបទបញ្ជាក្តៅរបស់សម្តេចតេជោ ហ៊ុន សែន នាយករដ្ឋមន្រ្តី។ នេះបើតាមការឲ្យដឹងពីឯកឧត្តម ពុំ សុថា ប្រតិភូរាជរដ្ឋាភិបាល និងជាប្រធានរដ្ឋបាលជលផល។ថ្លែងនៅក្នុងសន្និសីទសារព័ត៌មានដែលបានរៀបចំឡើង ដោយទីស្តីការគណៈរដ្ឋមន្រ្តី នាព្រឹកថ្ងៃទី១៩ ខែកក្កដា ឆ្នាំ២០២២នេះ ឯកឧត្តម ពុំ សុថា បានលើកឡើងថា ក្រុមការងារបង្រ្កាបបទល្មើសនេសាទ នៅបឹងទន្លេសាបជាទ្រង់ទ្រាយធំ ចាប់ពីមានបទបញ្ជាយ៉ាងក្តៅគគុក ពីប្រមុខរាជរដ្ឋាភិបាលមក ធ្វើការឃាត់ខ្លួនមនុស្សបានមួយចំនួនរួមទាំងសម្ភារៈនេសាទ ខណៈជនសង្ស័យមួយចំនួនទៀតបានកំពុងស្រាវជ្រាវចាប់ខ្លួន។សូមបញ្ជាក់ថា កាលពីខែមីនា ឆ្នាំ២០២២កន្លងទៅនេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាឲ្យកងកម្លាំងប្រដាប់អាវុធទាំងអស់ធ្វើការសហការគ្នាជាមួយក្រសួងកសិកម្ម រុក្ខាប្រមាញ់ និងនេសាទ អាជ្ញាធរខេត្តត្រូវចាត់វិធានការក្តៅបំផុតចំពោះបទល្មើសនេសាទ នៅតាមបឹងទន្លេសាប ដែលបានធ្វើឲ្យបាត់បង់ផលនេសាទច្រើននាពេលកន្លងមក។ក្រោយមានបទបញ្ជារបស់សម្តេចតេជោ នាយករដ្ឋមន្រ្តី ក្រុមមន្រ្តីប្រឆាំងបទល្មើសនេសាទ ធ្វើការចាប់ជនសង្ស័យបានជាបន្តបន្ទាប់ ដោយប្រើប្រាស់មធ្យោបាយអាកាស និងទឹក៕ អត្ថបទ៖ បាន ចក់

បុរសម្នាក់ត្រូវបាននគរបាលឃាត់ខ្លួន ករណីបៀតបៀនកេរ្ដិ៍ខ្មាស

ភ្នំពេញ៖ កម្លាំងនគរបាលនៃការិយាល័យប្រឆាំងការជួញដូរមនុស្ស និងការពារអនីតិជន បានធ្វើការឃាត់ខ្លួនបុរសម្នាក់ តាមដីកាបង្គាប់ឱ្យចាប់ខ្លួន ពាក់ព័ន្ធករណី ប្រទូស្តកេរ្ដិ៍ខ្មាសមានស្ថានទម្ងន់ទោសដោយសារមធ្យោបាយប្រើប្រាស់ ឬទាក់ទងនឹងចារី និងប្រើប្រាស់ដោយខុសច្បាប់នូវសារធាតុញៀន។ដោយមានការចង្អុលបង្ហាញពី ឯកឧត្តម ឧត្តសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ទោ ចាន់ កិត្តិខុម ស្នងការរងទទួលដឹកនាំការងារការិយាល័យប្រឆាំងការជួញដូរមនុស្ស និងការពារអនីតិជន។ជាក់ស្ដែងនៅវេលាម៉ោង ១១ ថ្ងៃត្រង់នៅថ្ងៃទី១៩ ខែកក្កដា ឆ្នាំ២០២២ កម្លាំងការិយាល័យប្រឆាំងការជួញដូរមនុស្ស និងការពារអនីតិជន ដឹកនាំផ្ទាល់ដោយលោកវរសេនីយ៍ទោ ហាក់ លី នាយរងការិយាល័យ បានចុះអនុវត្តដីកាបង្គាប់ឲ្យចាប់ខ្លួនលេខ ៥៧២ «ន»ដ.ច.ន ចុះថ្ងៃទី១៨ ខែឧសភា ឆ្នាំ២០២២ របស់លោក ទិតសុទ្ធី បូរ៉ាឆាត ចៅក្រមស៊ើបសួរសាលាដំបូងរាជធានីភ្នំពេញ ដោយបានឃាត់ខ្លួនជនសង្ស័យម្នាក់ នៅចំណុច ឃ្លាំងលក់រថយន្ត ផ្លូវលេខ៦A ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។នគរបាល បានឲ្យដឹងថា ជនសង្ស័យមាន ឈ្មោះ ភ័ក្រ្ត មេត្តា ភេទប្រុស អាយុ ៤២ឆ្នាំ មុខរបររត់កង់បី ទីលំបច្ចុប្បន្នស្នាក់នៅផ្ទះជួលលេខ៣A ផ្លូវលេខ១៧៨ ភូមិ២ សង្កាត់ជ័យជំនះ ខណ្ឌដូនពេញ រាជធានីភ្នំពេញ។គួរបញ្ចាក់ផងដែរ កាលពីថ្ងៃទី០៨ ខែកុម្ភៈ ឆ្នាំ២០២២ បុរសជាជនសង្ស័យបានប្រព្រឹត្តបទល្មើសនៅចំណុចផ្ទះជួលលេខ៣A ផ្លូវលេខ១៧៨ ភូមិ២ សង្កាត់ជ័យជំនះ ខណ្ឌដូនពេញ រាជធានីភ្នំពេញ។បច្ចុប្បន្នជនសង្ស័យត្រូវបាននគរបាលជំនាញនៃការិយាល័យនាំខ្លួនមក សាកសួរកសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់៕អត្ថបទ៖ កុម្ភៈ

ក្រុមការងារសង្គ្រោះជួយស្វែងរកឃើញសពអ្នកនេសាទដែលបានធ្លាក់ចូលក្នុងសមុទ្រនោះហើយ

ព្រះសីហនុ៖ ក្រុមសង្គ្រោះរបស់លោកឧកញ៉ា ទៀ វិចិត្រ ប្រធានសមាគមភ្នាក់ងារដឹកជញ្ជួនទេសចរណ៍ជលយានខេត្តព្រះសីហនុ សហការជាមួយកម្លាំងសមត្ថកិច្ច បានរកឃើញសពអ្នកនេសាទដែលធ្លាក់ពីលើទូកនេសាទចូលក្នុងសមុទ្របាត់ខ្លួននោះហើយ នៅចំណុចខាងជើងកោះរ៉ុង ក្រុងកោះរ៉ុង ខេត្តព្រះសីហនុ ថ្ងៃទី១៩ ខែកក្កដា ឆ្នាំ២០២២។ លោកឧកញ៉ាបានឱ្យដឹងថា សូមចូលរួមសោកស្តាយចំពោះការបាត់បង់ជីវិតអ្នកនេសាទរូបនេះ សពជនរងគ្រោះ លី ថេង ត្រូវបានក្រុមសង្គ្រោះនាំយកមកប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ រយៈពេលប៉ុន្មានពីរសប្តាហ៍នេះ ខេត្តព្រះសីហនុ បាននឹងកំពុងទទួលរងនូវសម្ពាធទាបដែលធ្វើឲ្យអាកាសធាតុអាប់អួរ លោកក៏បានបន្តអំពាវនាវឲ្យមានការប្រុងប្រយ័ត្នខ្ពស់ ចំពោះការធ្វើដំណើរលើផ្ទៃសមុទ្រ ជាពិសេសប្រជានេសាទសូមពិនិត្យលក្ខណៈបច្ចេកទេសទូកឱ្យបានត្រឹមត្រូវនិងពាក់អាវពោងសុវត្ថិភាព ព្រមទាំងត្រៀមឧបករណ៍សម្រាប់រកជំនួយពេលជួបគ្រោះអាសន្ន។សូមបញ្ជាក់ថា កាលរសៀលថ្ងៃទី១៨ ខែកក្កដា ឆ្នាំ២០២២ តាមការស្នើសុំពីក្រុមគ្រួសារជនរងគ្រោះ លោកឧកញ៉ា ទៀ វិចិត្រ ប្រធានសមាគមភ្នាក់ងារដឹកជញ្ជួនទេសចរណ៍ជលយានខេត្តព្រះសីហនុ បានបញ្ជូនក្រុមការងារសង្គ្រោះ និងអូប័រល្បឿនលឿនរបស់ក្រុមហ៊ុន G.T.V.C សហការជាមួយកម្លាំងនគរបាលចរាចរណ៍ផ្លូវទឹក ចេញទៅជួយស្វែងរកបុរសអ្នកនេសាទម្នាក់ ដែលបានធ្លាក់ពីលើទូកនេសាទចូលទៅក្នុងទឹកសមុទ្របាត់ខ្លួន នៅចំនុចចន្លោះពយក្បាលខ្មោច (អៅតាផេង) និងកោះតាទឹម កាលពីយប់ថ្ងៃទី១៧ ខែកក្កដា ឆ្នាំ២០២២ ដែលមាន ឈ្មោះ លី ថេង ភេទប្រុសអាយុ ៣៦ឆ្នាំ មានមុខរបរជាកូនដៃទូក មានស្រុកកំណើតនៅភូមិសាវង្ស ឃុំតាចេស ស្រុកកំពង់ត្រឡាច ខេត្តកំពង់ឆ្នាំង បច្ចុប្បន្នស្នាក់នៅផែជលផលទំនប់រលកនៅភូមិ៣ សង្កាត់លេខ១ ក្រុង-ខេត្តព្រះសីហនុ។ រហូតមកយប់ថ្ងៃទី១៨ ខែកក្កដា ឆ្នាំ២០២២នេះ នៅមិនទាន់ប្រទះឃើញជនរងគ្រោះនៅឡើយ ដូច្នេះការស្វះស្វែងរកជនរងគ្រោះកំពុងធ្វើជាបន្តទៀត ដោយក្រុមសង្គ្រោះក្រុមហ៊ុនលោកឧកញ៉ា G.T.V.C បានសហការជាមួយកម្លាំងនគរបាលចរាចរណ៍ផ្លូវទឹក នៅតែបន្តស្វែងរករហូតដល់ថ្ងៃនេះទើបឃើញ៕ អត្ថបទ៖ ប៊ុនថា

ចាប់តាំងពីមានការឆ្លងឡើងវិញនៃជំងឺកូវីដ-១៩ ការចាក់វ៉ាក់សាំងមានសន្ទុះឡើងដែរ

ភ្នំពេញ៖ ចាប់តាំងពីកម្ពុជាបានរកឃើញករណីវិជ្ជមានជំងឺកូវីដ-១៩ ឡើងវិញនៅអំឡុងខែមិថុនា ឆ្នាំ២០២២ ធ្វើឲ្យសន្ទុះរបស់ប្រជាពលរដ្ឋទៅចាក់វ៉ាក់សាំងមានការកើនឡើងវិញផងដែរ ទន្ទឹមនឹងការបន្តអនុវត្តវិធានការ ៣ការពារ ៣កុំ។ លោក ង៉ែត សូវណ្ណដេត ប្រធានក្រុមការចាក់វ៉ាក់សាំងរបស់សមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) នៅទីតាំងវិទ្យាល័យ ហ៊ុន សែន បូរី១០០ខ្នង ស្ថិតក្នុងខណ្ឌសែនសុខបានលើកឡើងថា កាលពីខែមុនៗ ក្រោយពេលកម្ពុជាមានភាពធូរស្បើយ នៃការរកឃើញករណីវិជ្ជមានកូវីដ-១៩ ការមកទទួលវ៉ាក់សាំងរបស់ពលរដ្ឋមានសភាពតិចតួចក្នុងមួយថ្ងៃៗ ឬមានភាពយឺតយ៉ាវ។ លោកបានបន្តថា ដោយនារយៈពេលកម្ពុជាបានរកឃើញករណីអ្នកវិជ្ជមានជាថ្មីឡើងវិញ ធ្វើឲ្យកំណើនអ្នកមកទទួលវ៉ាក់សាំងមានការកើនឡើងក្នុងមួយថ្ងៃៗ ខណៈក្រុមគ្រូពេទ្យ TYDA បាននឹងកំពុងពង្រាយការជួយចាក់វ៉ាក់សាំងការពារជំងឺកូវីដ-១៩ ដល់ប្រជាពលរដ្ឋនៅក្នុងខណ្ឌសែនសុខ ជិត ១០ក្រុម។សម្រាប់សិស្សានុសិស្សបានចាក់វ៉ាក់សាំងលើកឡើងថា ពួកគេបានដឹងថា បច្ចុប្បន្នកម្ពុជាកំពុងរកឃើញករណីឆ្លងជំងឺកូវីដ-១៩ ឡើងវិញជារៀងរាល់ថ្ងៃ ទើបពួកគេរួសរាន់ចាក់វ៉ាក់សាំងឲ្យគ្រប់ចំនួនដូស ហើយក៏សូមអរគុណដល់រាជរដ្ឋាភិបាល និងក្រសួងសុខាភិបាលបានបង្ខិតទីតាំងចាក់វ៉ាក់សាំង មកដល់សាលារៀនរបស់ពួកគេ និងដោយឥតគិតថ្លៃ។ គួរបញ្ជាក់ថា គិតត្រឹមថ្ងៃទី១៨ ខែកក្កដា ឆ្នាំ២០២២ កម្ពុជាបានចាក់វ៉ាក់សាំងដល់ពលរដ្ឋចាប់ពីអាយុ ៣ឆ្នាំឡើងទៅបានចំនួន ៩៤,៤៣ភាគរយ ធៀបនឹងចំនួនពលរដ្ឋសរុប ១៦លាននាក់៕ អត្ថបទ៖ បាន សុខរិទ្ធិ

នារីម្នាក់ត្រូវនគរបាលឃាត់ខ្លួន ដោយសង្ស័យចាក់សម្លាប់បងខ្លួនឯង

ភ្នំពេញ៖ សមត្ថកិច្ចខណ្ឌឫស្សីកែវ បានឃាត់ខ្លួនស្ត្រីម្នាក់យកទៅសួរនាំ ក្រោយសង្ស័យចាក់សម្លាប់បងប្រុសរបស់ខ្លួន។ការឃាត់ខ្លួននេះត្រូវបានធ្វើឡើងនៅអំឡុងម៉ោង ១២ និង៤០នាទី នៃថ្ងៃទី១៨ ខែកក្កដា ឆ្នាំ២០២២ ស្ថិតនៅតាមបណ្តោយផ្លូវជាតិលេខ៥ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។ប្រភពពីសមត្ថកិច្ចបានឱ្យដឹងថា បុរសដែលស្លាប់នោះមានឈ្មោះ ឡោះ សុគ្រី អាយុ ៤១ឆ្នាំ មានមុខរបរលាងម៉ូតូ។ ចំណែកជនសង្ស័យជាប្អូនស្ត្រីរបស់ជនរងគ្រោះ មានឈ្មោះ ម៉ាសត៍ មានអាយុប្រមាណ ៤០ឆ្នាំ ស្នាក់នៅផ្ទះកើតហេតុជាមួយជនរងគ្រោះ។ប្រភពដដែលបន្តថា អំឡុងធ្វើបុណ្យ និងបញ្ចុះសព ក៏មានលេចឮនូវភាពមិនប្រក្រតីអំពីករណីស្លាប់នោះ ហេតុនេះទើបសមត្ថកិច្ចមូលដ្ឋាន បានចុះទៅសាកសួរក្រុមគ្រួសារ និងទទួលបាននូវចម្លើយមិនប្រក្រតី ថែមទាំងមានការលាក់បាំងព័ត៌មានមួយចំនួនគួរឱ្យសង្ស័យថែមទៀត។ ដោយសារតែមានករណីសង្ស័យជាច្រើនចំណុច ទើបសមត្ថកិច្ចជំនាញបានសុំគោលការណ៍គាស់យកសាកសពមកធ្វើកោសល្យវិច័យ។ ក្រោយការធ្វើកោសល្យវិច័យសមត្ថកិច្ចជំនាញពិនិត្យឃើញសាកសពមានស្នាមរបួសចំនួ ន ៧កន្លែងនៅក្រោយខ្នង។ប្រភពពីកន្លែងដែលជនសង្ស័យ និងជនរងគ្រោះរស់នៅបានឱ្យដឹងថា កាលពីអំឡុងម៉ោងប្រហែល ៩យប់នៃថ្ងៃទី១៧ ខែកក្កដា ឆ្នាំ២០២២ នៅផ្ទះដែលជនសង្ស័យ និងជនរងគ្រោះរស់នៅនោះ មានករណីបងប្អូនឈ្លោះប្រកែកគ្នា រហូតឈានដល់ការប្រើហិង្សា ដោយបណ្តាលឱ្យបុរសម្នាក់រងរបួសធ្ងន់ និងត្រូវបានក្រុមគ្រួសារបញ្ជូនទៅមន្ទីរពេទ្យ ដើម្បីជួយសង្គ្រោះ ប៉ុន្តែដោយសារជនរងគ្រោះ មានរបួសធ្ងន់ ទើបបណ្ដាលឱ្យស្លាប់ក្នុងអំឡុងពេលជួយសង្គ្រោះនៅមន្ទីរពេទ្យនោះទៅ៕ អត្ថបទ៖ កុម្ភៈ

ឆ្លងចរន្តអគ្គិសនីបណ្តាលឲ្យឆេះផ្ទះ៣ខ្នង និងខូចខាតទ្រព្យសម្បិត្តអស់ទឹកប្រាក់រាប់ម៉ឺនដុល្លារ

ប៉ៃលិន៖ ផ្ទះប្រជាពលរដ្ឋចំនួន ០៣ខ្នង ត្រូវបានអគ្គិភ័យឆាបឆេះគ្មានសល់ បង្កការភ្ញាក់ផ្អើលដល់សមត្ថកិច្ច និងអាជ្ញាធរមូលដ្ឋាន ព្រមទាំងប្រជាពលរដ្ឋធ្វើដំណើរ កាលពីវេលាម៉ោង១៨ និង២០នាទីព្រលប់ថ្ងៃទី១៥ ខែកក្កដា ឆ្នាំ២០២២ តាមបណ្តោយផ្លូវជាតិលេខ៥៧ ស្ថិតក្នុងភូមិផ្សារព្រំត្បូង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។តាមប្រភពព័ត៌មានពីកន្លែងកើតហេតុ បានឲ្យដឹងថា ដំបូងគេឃើញអណ្តាតភ្លើងឆេះចេញពីផ្ទះអ្នកលក់ចាប់ហ៊ួយមួយកន្លែងឈ្មោះ ឈីម ស្រីធំ ភេទស្រី អាយុ២១ឆ្នាំ ព្រមទាំងមានសំឡេងផ្ទុះ សង្ស័យជាការផ្ទុះធុងហ្គាស រួចក៏បន្តឆេះរាលដាល ជាអណ្តាតភ្លើងខ្លាំងឡើងៗតែម្តង។បើតាមលោក ស៊ឹម សុផល នាយប៉ុស្ត៍រដ្ឋបាលឃុំស្ទឹងកាច់ បានឲ្យដឹងថា មូលហេតុនៃការឆាបឆេះបណ្ដាលមកពីឆ្លងចរន្តអគ្គិសនី រួចក៏ឆេះឆ្លងផ្ទុះហ្គាសបណ្ដាលឲ្យរាលឆេះដល់ផ្ទះចំនួនពីរថែម ទៀត។សមត្ថកិច្ចជំនាញគ្រប់គ្រងស្ថានភាពបានពន្លត់ជាស្ថាពរ ដោយប្រើទឹករថយន្តពន្លត់អគ្គីភ័យនៃស្នងការដ្ឋាន អស់ទឹកចំនួន ៣គ្រឿងផងដែរ៕

(Update)៖ តុលាការសម្រេចឃុំខ្លួនជនត្រូវចោទចំនួន ១១នាក់ ពាក់ព័ន្ធករណីកែច្នៃផលិតគ្រឿងញៀនជាង ១,៨០តោន និងសារធាតុគីមីជាង ២៧៦តោន

ភ្នំពេញ៖ លោក សាន្ត ប៊ុនធឿន ចៅក្រមស៊ើបសួរ សាលាដំបូងរាជធានីភ្នំពេញ បានសម្រេចឃុំខ្លួនដាក់ពន្ធនាគារបណ្ដោះអាសន្ន ចំពោះជនត្រូវចោទដែលជាជនជាតិចិន ១១នាក់ ពាក់ព័ន្ធករណីកែច្នៃផលិតគ្រឿងញៀនជាង ១,៨០តោន និងសារធាតុគីមីជាង ២៧៦តោន នៅព្រលប់ថ្ងៃទី១៤ ខែកក្កដា ឆ្នាំ ២០២២នេះសូមបញ្ជាក់ផងដែរ លោក ប្លង់ សុផល ព្រះរាជអាជ្ញារង និងអ្ននាំពាក្យអយ្យអមសាលាដំបូងរាជធានីភ្នំពេញ បានឲ្យដឹងថា នៅរសៀលថ្ងៃទី១៤ ខែកក្កដា ឆ្នាំ២០២២នេះ តំណាងអយ្យការបានបេីកការស៊េីបសួរ នៅថ្ងៃនេះ ចំពោះជនសង្ស័យជាជនជាតិចិន ចំនួន១១នាក់ ពាក់ព័ន្ធករណីបានរឹបអូសសារធាតុញៀនជាង ១,៨០តោន និងសារធាតុគីមី ជាង ២៧៦តោន នៅរាជធានីភ្នំពេញ ស្វាយរៀង ព្រៃវែង និងខេត្កណ្តាល ពីបទ ផលិតដោយខុសច្បាប់នូវសារធាតុញៀន បទ ផលិត រក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុគីមីផ្សំ និងបទសម្អាតប្រាក់ តាមមាត្រា ៣៩ មាត្រា ៤៧ និងមាត្រា ៥៤ នៃច្បាប់ស្តីពីការត្រួតពិនិត្យគ្រឿងញៀន និងមាត្រា ៣៨ នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ។គួរបញ្ជាក់ថា ការចាប់ខ្លួនក្រុមគ្រឿងញៀននេះធ្វើឡើងជាបន្តបន្ទាប់ពីថ្ងៃទី ០៤ដល់ថ្ងៃទី០៩ ខែកក្កដា ឆ្នាំ២០២២ ដោយនគរបាលមន្ទីរប្រឆាំងគ្រឿងញៀន ការិយាល័យក១ ដឹកនាំដោយលោក ឧត្តមសេនីយ៍ទោ អ៊ិន សុង នាយករងមន្ទីរ និង សហការជាមួយកម្លាំងជំនាញគយប្រចាំការនៅកំពង់ផែអន្តរជាតិភ្នំពេញ ស្នងការដ្ឋាននគរបាលរាជធានីភ្នំពេញ ស្វាយរៀង ព្រៃវែង និងខេត្តកណ្តាល ដែលមានការសម្របសម្រួលដោតអយ្យការអមសាលាដំបូងរាជធានីភ្នំពេញ អយ្យការអមសាលាដំបូងខេត្តកណ្តាលលោក អយ្យការអមសាលាដំដូងខេត្តស្វាយរៀង និងអយ្យការអមសាលាដំបូងខេត្តព្រៃវែង ។ សូមបញ្ជាក់ថា ករណីនេះសមត្ថកិច្ចបានបើកការស៊ើបអង្កេតអស់រយៈពេលជាង៣ខែ លុះដល់ថ្ងៃទី០៤ ខែកក្កដា ឆ្នាំ២០២២ បានបើកប្រតិបត្តិការបង្ក្រាបក្រុមឧក្រិដ្ឋជនកែច្នៃផលិតដោយខុសច្បាប់នូវសារធាតុញៀន និងរក្សាទុកដោយខុសច្បាប់នូវសារធាតុគីមីផ្សំ ចំនួន ១២គោលដៅផ្សេងៗគ្នាជាបន្តបន្ទាប់ នៅរាជធានីភ្នំពេញ ០៧គោលដៅ ខេត្តស្វាយរៀង០២គោលដៅ ខេត្តព្រៃវែង០១គោលដៅ ខេត្តកណ្តាល០២គោលដៅ ក្នុងនោះមាន ទីតាំងកែច្នៃ ផលិត១ទីតាំង និងស្តុកទុកចំនួន ៦ទីតាំង។ក្នុងរង្វងប្រតិបត្តិការកម្លាំងនគរបាលជំនាញបានដកហូតវត្ថុតាង រួមមាន របាយសារធាតុញៀនកេតាមីន ចំនួន ជាង១តោន ៨២៧ គីឡូក្រាម សារធាតុគីមី និងគីមីផ្សំចំនួន ជាង ២៧៦តោន ឧបករណ៍ សម្ភារ: គ្រឿងបន្លាស់សម្រាប់កែច្នៃ ផលិតគ្រឿងញៀនមួយចំនួនធំ កេតាមីន ទម្ងន់សុទ្ធ២១៨.៦២ក្រាម រថយន្ត ០៨គ្រឿង ម៉ូតូ ០៣គ្រឿង ទូរស័ព្ទដៃ ១៩គ្រឿង អចលនទ្រព្យ ចំនួន ០៧កន្លែង មានដូចជាខុនដូរ០២ ឃ្លាំង០៤ រោងចក្រផលិត០១ និងផ្ទះវីឡា០១បច្ចុប្បន្ន ត្រូវចោទទាំង១១នាក់ ត្រូវបានបញ្ជូនទៅដាក់ពន្ធនាគារព្រៃស (ម១) ជាបណ្តោះអាសន្ន៕ អត្ថបទ ៖ កុម្ភៈ

អាជ្ញាធរខណ្ឌទួលគោក ចុះត្រួតពិនិត្យការដ្ឋានសាងសង់ អគារខុនដូរមួយកន្លែង មានយីហោ W

ភ្នំពេញ៖ ក្រោយមានការសំណូមពរ និងត្អូញត្អែររបស់បងប្អូនប្រជាពលរដ្ឋ ដែលបានលើកឡើងថា ការដ្ឋានមួយកន្លែងនៅជាប់សាលាខណ្ឌទួលគោក កំពុងសាងសង់ រំលោភលើចិញ្ចើមផ្លូវ បង្កការកកស្ទះ និងខ្វះលក្ខណៈបច្ចេកទេស គ្មានស្តង់ដារ អាចបង្កហានិភ័យ និងគ្រោះថ្នាក់ដល់ពលរដ្ឋអ្នកធ្វើដំណើរ។ទីតាំងការដ្ឋានកំពុងសាងសង់ស្ថិតនៅតាមបណ្ដោយផ្លូវលេខ៥៩៦ កែងផ្លូវលេខ៣២៩ ភូមិ៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ជាក់ស្ដែងនៅព្រឹកថ្ងៃទី១៣ ខែកក្កដា ឆ្នាំ២០២២នេះ លោក ទៀវ សំអឿន អភិបាលរងខណ្ឌទួលគោក បានដឹកនាំកម្លាំងជំនាញរដ្ឋបាលខណ្ឌចុះត្រួតពិនិត្យ និងធ្វើការអប់រំណែនាំដល់ម្ចាស់គម្រោងសាងសង់ការដ្ឋាន ដើម្បីធ្វើយ៉ាងឲ្យមានសុវត្ថិភាព សណ្ដាប់ធ្នាប់ អនាម័យល្អ និងមិនប៉ះពាល់ដល់សណ្ដាប់ធ្នាប់សាធារណៈ។ក្នុងការចុះត្រួតពិនិត្យនេះដែរលោក ទៀវ សំអឿន អភិបាលរងខណ្ឌទួលគោក បានឱ្យដឹងថា ចំពោះទីតាំងការដ្ឋាននេះ មានច្បាប់អនុញ្ញាតសាងសង់ត្រឹមការសាងសង់ក្នុងទំហំដីក្នុងប្លង់ត្រឹមត្រូវពុំបានរំលោភចិញ្ជើមផ្លូវសាធារណៈឡើយ មានព័ទ្ធសំណាញ់និងរបាំងដែក ការពារធ្លាក់របស់របប គ្រប់ជាន់ ជៀសវាងបង្កហានិភ័យដល់បងប្អូនប្រជាពលរដ្ឋអ្នកធ្វើដំណើរជាដើម។លោក អភិបាលរងខណ្ឌ បានបន្ថែមទៀតថា ចំពោះដែលថា ការដ្ឋានបង្កការកក់ស្ទះនោះ គឺមានបន្តិចបន្តួច ប៉ុន្តែពេលចាក់បេតុងម្ដងៗ គឺអាជ្ញាធរអនុញ្ញាតឲ្យបិទផ្លូវតែមួយចំហៀងប៉ុណ្ណោះ ពុំដែលអនុញ្ញាតបិទផ្លូវទាំងស្រុងឡើយ៕ អត្ថបទ៖ កុម្ភៈ

នគរបាលបញ្ជូនខ្លួនជនជាតិចិន ១១នាក់ទៅតុលាការ ពាក់ព័ន្ធករណកែច្នៃផលិតគ្រឿងញៀនជាង ១,៨០តោន និងសារធាតុគីមីជាង ២៧៦តោន

ភ្នំពេញ៖ សមត្ថកិច្ចជំនាញ នៃមន្ទីរប្រឆាំងគ្រឿងញៀន បានបញ្ជូនខ្លួនជនជាតិចិន ១១នាក់ ទៅអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី១៣ ខែកក្កដា ឆ្នាំ២០២២ ដើម្បីបន្តនីតិវិធីច្បាប់ ពាក់ព័ន្ធករណីបានរឹបអូសសារធាតុញៀនជាង ១,៨០តោន និងសារធាតុគីមី ជាង ២៧៦តោន នៅរាជធានីភ្នំពេញ ស្វាយរៀង ព្រៃវែង និងខេត្កណ្តាល។គួរបញ្ជាក់ផងដែរ ចាប់ពីថ្ងៃទី ០៤-០៩ ខែកក្កដា ឆ្នាំ២០២២ សមត្ថកិច្ចជំនាញ នៃមន្ទីរប្រឆាំងគ្រឿងញៀន(ក១)ដឹកនាំដោយលោក ឧត្តមសេនីយ៍ទោ អ៊ិន សុង លោក វរសេនីយ៍ឯក តោ ដារិទ្ធ. លោក វរសេនីយ៍ឯក ម៉ាក់ សេរីវឌ្ឍនា. លោក វរសេនីយ៍ទោ ថៃ រិទ្ធីរក្ស នាយករងមន្ទីរ និងលោក វរសេនីយ៍ទោ ហុង វណ្ណារិទ្ធ នាយការិយាល័យ(ក១) សហការជាមួយកម្លាំងជំនាញគយប្រចាំការនៅកំពង់អន្តរជាតិភ្នំពេញ ស្នងការដ្ឋាននគរបាលរាជធានីភ្នំពេញ ស្វាយរៀង ព្រៃវែង និងខេត្តកណ្តាល សម្របសម្រួលដោយ លោក សឿ ឡងឌី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ លោក ហោ លីណា ព្រះរាជអាជ្ញារងនៃអយ្យការអមសាលាដំបូងខេត្តកណ្តាល.លោក ដូរ៉ា អង្គប្រទាន ព្រះរាជអាជ្ញារងនៃអយ្យការអមសាលាដំដូងខេត្តស្វាយរៀង និងលោក ចាន់ វណ្ណ: ព្រះរាជអាជ្ញារង នៃអយ្យការអមសាលាដំបូងខេត្តព្រៃវែង ។ សូមបញ្ជាក់ថា សមត្ថកិច្ចជំនាញ បានបើកការស៊ើបអង្កេតអស់រយៈពេលជាង៣ខែ លុះដល់ថ្ងៃទី ០៤ ខែកក្កដា ឆ្នាំ២០២២ បានបើកកិច្ចប្រតិបត្តិការបង្ក្រាបក្រុមឧក្រិដ្ឋជន កែច្នៃផលិតដោយខុសច្បាប់នូវសារធាតុញៀន និងរក្សាទុកដោយខុសច្បាប់នូវសារធាតុគីមីផ្សំ ចំនួន ១២គោលដៅផ្សេងៗគ្នាជាបន្តបន្ទាប់ នៅរាជធានីភ្នំពេញ ០៧គោលដៅ ខេត្តស្វាយរៀង០២គោដៅ ខេត្តព្រៃវែង០១គោលដៅ ខេត្តកណ្តាល០២គោលដៅ ក្នុងនោះមាន ទីតាំងកែច្នៃផលិត១ទីតាំង និងស្តុកទុកចំនួន ៦ទីតាំង។បច្ចុប្បន្ន ជនសង្ស័យត្រូវបានបញ្ជូនខ្លួនមកដល់អយ្យការអមសាលាដំបូងរាជធានីភ្នំពេញ និងកំពុងស្ថិតក្នុងដំណាក់កាលតំណាងអយ្យការបើកការស៊ើបសួរ ៕(ដោយ៖ កុម្ភៈ )

អាជ្ញាធរស្រុកបូទុមសាគរចុះពិនិត្យ និងសួរសុខទុក្ខប្រជាពលរដ្ឋតាមខ្នងផ្ទះរងផលប៉ះពាល់លិចផ្ទះ និងបាត់បង់សត្វពាហនៈ

កោះកុង៖ លោក ហាក់ ឡេង អភិបាលស្រុកបូទុមសាគរ បានដឹកនាំមន្រ្តីក្រោមឱវាទ ដោយមានអាជ្ញាធរភូមិឃុំ ព្រឹកថ្ងៃទី១៣ ខែកក្កដានេះ បានចុះត្រួតពិនិត្យ និងសួរសុខទុក្ខប្រជាពលរដ្ឋតាមខ្នងផ្ទះភូមិប្រលាន ឃុំកណ្តោល ដែលរងផលប៉ះពាល់លិចផ្ទះនិងបាត់បង់សត្វពាហនៈដោយសារភ្លៀងជោគជាំរយ:ពេល២ថ្ងៃកន្លងមកនេះ។លោកអភិបាលស្រុក ក៏បានណែនាំដល់ប្រជាពលរដ្ឋ ឱ្យប្រុងប្រយ័ត្នមើលថែកូនចៅ និងរៀបចំទុកដាក់សម្ភារៈអោយនៅលើទីទួល កុំឱ្យមានការខូច ឬបាត់បង់បន្តទៀត។ ករណីស្ថានភាពជន់លិចកាន់តែខ្លាំង អាជ្ញាធរត្រៀមជួយសង្រ្គោះ។ ការរងផលប៉ះពាល់ដោយព្យុះភ្លៀងនេះពុំបង្កឱ្យពលរដ្ឋបាត់បង់ជីវិតនោះឡើយ ដោយខូចខាតផ្ទះសម្បែង គោក្របី បច្ចុប្បន្ន អាជ្ញាធរកំពុងចុះស្រង់ស្ថិតិពលរដ្ឋរងគ្រោះបន្ត៕ (ដោយ៖ឈឹម មករា)

បណ្ដាញសង្គម

ព័ត៌មានថ្មីៗ

ព្រឹទ្ធសភាបានពិនិត្យ និងឱ្យយោបល់លើច្បាប់ប្រឆាំង Online Scams និងចាត់ទុកច្បាប់នេះបានចូលរួមស្ដារមុខមាត់កម្ពុជា

[BREAKING NEWS] ប្រមុខរបបសឹកមីយ៉ាន់ម៉ា ត្រូវបានសភាបោះឆ្នោតជ្រើសតាំងឱ្យក្លាយជាប្រធានាធិបតីជាផ្លូវការ

អគ្គមេបញ្ជាការកងយោធពលខេមរភូមិន្ទ វាយតម្លៃខ្ពស់ចំពោះការរីកចម្រើននៃកិច្ចសហប្រតិបត្តិការរវាងកងទ័ពកម្ពុជា និងអាមេរិក ជាពិសេសគម្រោងធ្វើសមយុទ្ធឆ្មាំអង្គរនាពេលខាងមុខ

ក្រសួងមុខងារសាធារណៈរៀបចំវេទិកាផ្ដល់ឱកាសឱ្យសាធារណជនបញ្ចេញទស្សនៈលើការកំណែទម្រង់

អ្នកនាំពាក្យ៖ ការចាប់ឃាត់ខ្លួនជនត្រូវចោទឈ្មោះ ជា វុទ្ធី អតីតសង្ឃ គឺពាក់ព័ន្ធការញុះញង់បង្កឲ្យមានភាពវឹកវរធ្ងន់ធ្ងរដល់សង្គមជាតិ

រដ្ឋមន្រ្តីយុត្តិធម៌៖ ឧក្រិដ្ឋជនឆបោកតាម Online ដែលចាប់បាននៅកម្ពុជាភាគច្រើនប្រើស៊ីមកាតបរទេស

ច្បាប់ប្រឆាំង Online Scams បង្កើតនីតិវិធីពិសេសដើម្បីបង្កក និងរឹបអូសទ្រព្យសម្បត្តិរបស់ឧក្រិដ្ឋជន

ប្រេងឆៅអាមេរិកកើនឡើងជាង ១១% ខណៈភាគហ៊ុនសកលប្រែប្រួល ក្រោយលោកTrumpគំរាមវាយកម្ទេចអ៊ីរ៉ង

អគ្គលេខាធិការរង សមាគមអតីតយុទ្ធជននាំយកអំណោយជូនអតីតយុទ្ធជន និវត្តជន និងគ្រួសារពលីមរណៈ ៥០គ្រួសារក្នុងខេត្តកណ្ដាល

កូរ៉េខាងត្បូងនិងបារាំង ដំឡើងកម្រិតទំនាក់ទំនង ខណៈវិបត្តិមជ្ឈិមបូព៌ាជះស្រមោលលើទស្សនកិច្ចលោក Macron

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ជនសង្ស័យបទល្មើសនេសាទ២៥នាក់ ត្រូវបានចាប់ខ្លួន ខណៈសម្ភារៈនេសាទខុសច្បាប់ជាច្រើនបានរឹបអូស

បុរសម្នាក់ត្រូវបាននគរបាលឃាត់ខ្លួន ករណីបៀតបៀនកេរ្ដិ៍ខ្មាស

ក្រុមការងារសង្គ្រោះជួយស្វែងរកឃើញសពអ្នកនេសាទដែលបានធ្លាក់ចូលក្នុងសមុទ្រនោះហើយ

ចាប់តាំងពីមានការឆ្លងឡើងវិញនៃជំងឺកូវីដ-១៩ ការចាក់វ៉ាក់សាំងមានសន្ទុះឡើងដែរ

នារីម្នាក់ត្រូវនគរបាលឃាត់ខ្លួន ដោយសង្ស័យចាក់សម្លាប់បងខ្លួនឯង

ឆ្លងចរន្តអគ្គិសនីបណ្តាលឲ្យឆេះផ្ទះ៣ខ្នង និងខូចខាតទ្រព្យសម្បិត្តអស់ទឹកប្រាក់រាប់ម៉ឺនដុល្លារ

អាជ្ញាធរខណ្ឌទួលគោក ចុះត្រួតពិនិត្យការដ្ឋានសាងសង់ អគារខុនដូរមួយកន្លែង មានយីហោ W

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ជនសង្ស័យបទល្មើសនេសាទ២៥នាក់ ត្រូវបានចាប់ខ្លួន ខណៈសម្ភារៈនេសាទខុសច្បាប់ជាច្រើនបានរឹបអូស

បុរសម្នាក់ត្រូវបាននគរបាលឃាត់ខ្លួន ករណីបៀតបៀន​កេរ្ដិ៍ខ្មាស​

ក្រុមការងារ​សង្គ្រោះ​ជួយ​ស្វែង​រក​ឃើញ​សព​អ្នកនេសាទ​ដែល​បាន​ធ្លាក់​ចូល​ក្នុង​សមុទ្រ​នោះ​ហើយ

ចាប់​តាំង​ពី​មានការ​ឆ្លង​ឡើងវិញ​នៃ​ជំងឺ​កូ​វីដ​-១៩ ការ​ចាក់​វ៉ាក់សាំង​មាន​សន្ទុះ​ឡើង​ដែរ

នារីម្នាក់ត្រូវនគរបាលឃាត់ខ្លួន ដោយសង្ស័យចាក់សម្លាប់បងខ្លួនឯង

ឆ្លងចរន្តអគ្គិសនីបណ្តាលឲ្យឆេះផ្ទះ៣ខ្នង និងខូចខាតទ្រព្យសម្បិត្តអស់ទឹកប្រាក់រាប់ម៉ឺនដុល្លារ

អាជ្ញាធរខណ្ឌទួលគោក ចុះត្រួតពិនិត្យការដ្ឋានសាងសង់ អគារខុនដូរមួយកន្លែង មានយីហោ W

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បុរសម្នាក់ត្រូវបាននគរបាលឃាត់ខ្លួន ករណីបៀតបៀនកេរ្ដិ៍ខ្មាស

ក្រុមការងារសង្គ្រោះជួយស្វែងរកឃើញសពអ្នកនេសាទដែលបានធ្លាក់ចូលក្នុងសមុទ្រនោះហើយ

ចាប់តាំងពីមានការឆ្លងឡើងវិញនៃជំងឺកូវីដ-១៩ ការចាក់វ៉ាក់សាំងមានសន្ទុះឡើងដែរ