BTV NEWS

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជនបរទេសជាង ៣០០នាក់

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

សន្តិសុខ និង សង្គម

រថយន្តតាកូម៉ាបើកខ្វះការប្រុងប្រយ័ត្នបុករះរថយន្តសេរីទំនើប៣គ្រឿង បណ្តាលឲ្យរងការខូចខាត

ភ្នំពេញ៖ គ្រោះថ្នាក់ចរាចរណ៍កើតឡើងដោយរថយន្តមួយគ្រឿង ម៉ាកតាកូម៉ា បើកទៅបុករះជាមួយរថយន្ត ៣គ្រឿងទៀតបណ្តាលឲ្យរងការខូចខាត កាលពីវេលាម៉ោង ៩និង៥០នាទីព្រឹកថ្ងៃទី១១ ខែសីហា ឆ្នាំ២០២១ ស្ថិតនៅតាមបណ្តោយផ្លូវ១០៥ ម្ដុំផ្សារសាន់ហាន់ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។ប្រភពព័ត៌មានពីកន្លែងកើតហេតុ បានប្រាប់ឲ្យដឹងថា នៅមុនពេលកើតហេតុ គេបានឃើញរថយន្ត ម៉ាក Tacoma ពណ៌ក្រហម ពាក់ស្លាកលេខ ភ្នំពេញ 1AU-2256 បើកបរក្នុងទិសដៅពីត្បូងទៅជើង ក្នុងល្បឿនលឿន ខណៈពេលបើកមកដល់ចំណុចកើតហេតុ ស្រាប់តែរថយន្តបានទៅបុកពីក្រោយគូទរថយន្ត Alphard ពណ៌ខ្មៅ ពាក់ស្លាកលេខ ភ្នំពេញ 2Y-2088 ដែលបើកបរក្នុងទិសដៅស្របគ្នា ហើយរថយន្ត Tacoma ក៏បានបើកថយក្រោយ ក្នុងគោលបំណងបើករត់គេចខ្លួន តែក៏បានទៅប៉ះជាមួយរថយន្ត មួយគ្រឿង ម៉ាក Range Rover ពណ៌ខ្មៅ ពាក់ស្លាកលេខ ភ្នំពេញ 2BF-6633 បណ្តាលឲ្យរងការខូចខាតផ្នែកខាងក្រោយចំហៀងខាងឆ្វេងបែកស្តុបក្រោយ រួចរថយន្ត Tacoma ក៏បន្តបើករត់គេចទៀត ក៏ទៅបុកជាមួយរថយន្ត មួយគ្រឿងទៀតម៉ាក Infinitl QX56 ពណ៌ខ្មៅ ពាក់ស្លាកលេខ ភ្នំពេញ 2AA-8118 បណ្តាលឲ្យរងការខូចខាតផ្នែកខាងមុខចំហៀងខាងស្តាំ ទើបរថយន្ត Tacomaមិនអាចបន្តដំណើរទៅមុខទៀតបាន ។ ចំណែកអ្នកបើកបររថយន្តម៉ាក Tacoma ត្រូវបានប្រជាពលរដ្ឋចាប់ឃាត់ខ្លួនតែម្តង។ ក្រោយពេលកលតហេតុកម្លាំងសមត្ថកិច្ចជំនាញបានចុះមកដល់ទីតាំងកើតហេតុ និងបានឃាត់ខ្លួនម្ចាស់រថយន្ត តាកូម៉ា យកទៅកាន់ប៉ុស្តិ៍នគរបាលទួលសង្កែទី១ និងបានហៅជំនាញការិយាល័យនគរបាលចរាចរណ៍ជើងគោក នៃស្នងការនគរបាលរាជធានីភ្នំពេញ ចុះមកធ្វើការវាស់វែងយករថយន្តទាំងសងខាងទៅរក្សាទុកនៅការិយាល័យជំនាញ ដើម្បីរង់ចាំការដោះស្រាយគ្នាតាមផ្លូវច្បាប់៕អត្ថបទ៖កុម្ភះ

យប់មិញឃាត់ខ្លួនអ្នកល្មើសបម្រាមគោចរបាន១,៦៨២នាក់ទៀត និងពិន័យជាប្រាក់ជាង៤៦លានរៀល

ភ្នំពេញ ៖ កាអនុវត្តវិធានការច្បាប់ចំពោះបុគ្គលល្មើសវិធានការសុខាភិបាល និងវិធានការរដ្ឋបាលទូទាំងប្រទេស នាយប់ថ្ងៃទី១០ ខែសីហា ឆ្នាំ២០២១នេះ សមត្ថកិច្ចជំនាញ បានរកឃើញមនុស្សចំនួន ១,៦៨២នាក់ និងយានយន្តចំនួន ៨១១គ្រឿង ហើយបានពិន័យជាប្រាក់ចំនួនជាង៤៦លានរៀល ក្នុងហេតុការណ៍៩៤១ករណី។យោងតាមចេញសេចក្តីជូនដំណឹងរបស់គណៈកម្មការអន្តរក្រសួង ដើម្បីប្រយុទ្ធប្រឆាំងជំងឺកូវីដ-១៩(គ.អ.ក) បានបញ្ជាក់នៅព្រឹកថ្ងៃទី១១ ខែសីហានេះថា កាអនុវត្តវិធានការច្បាប់មានចំនួន ៩៤១ករណីដោយក្នុងនោះធ្វើការឃាត់ខ្លួនមនុស្សយកមកអប់រំ និងពិន័យចំនួន ១,៦៨២នាក់បានធ្វើការឃាត់យានយន្តចំនួន ៨១១គ្រឿងហើយធ្វើការពិន័យជាប្រាក់ចំនួន ៤៦,១០០,០០០រៀល។សូមបញ្ជាក់ថា ចាប់ពីយប់ថ្ងៃទី៣០ ខែកក្កដារហូតមកដល់ថ្ងៃទី១១ ខែសីហានេះអាជ្ញាធររាជធានីភ្នំពេញ និងតាមបណ្តាខេត្តមួយចំនួន ជាពិសេសខេត្តដែលនៅជាប់ព្រំដែនប្រទេសថៃ បានធ្វើការបិទបម្រាមគោចរអស់រយៈពេល១១យប់មកហើយ ដើម្បីទប់ស្កាត់ការរីករាលដាលនូវមេរោគកូវីដបំប្លែងថ្មី deltaនេះ ដែលបានកំពុងតែបន្តឆ្លងចូលសហគមន៍ជាបន្តបន្ទាប់នោះ។ការរឹតបន្តឹងនេះ ប្រសិនបើបុគ្គលដែលល្មើស នឹងបម្រាមគោលចរ ហើយមានការជួបជុំគ្នាសេពគ្រឿងស្រវឹង សមត្ថកិច្ចនឹងចាប់វាយខ្នោះអនុវត្តទៅតាមផ្លូវច្បាប់ ដោយមិនមែនការអប់រំណែនាំ ឬលើកលែងអ្វីទៀតឡើយ។ក្នុងការអនុវត្តបម្រាមគោចរនេះដែរ កងកម្លាំងឯកភាពរាជធានី-ខេត្ត បានធ្វើការឃាត់ខ្លួនមនុស្សរាប់ពាន់នាក់ និងយានយន្តរាប់ពាន់គ្រឿង និងមនុស្សរាប់សិបនាក់បានបញ្ជូនទៅកាន់តុលាការផងដែរ បន្ទាប់ពីពួកគេបានប្រព្រឹត្តល្មើសធ្ងន់ធ្ងរ ផឹកស្រាស្រវឹងហើយបានជេរប្រមាថសមត្ថកិច្ចជាដើមនោះ៕ អត្ថបទ ៖ បាន ចក់

កម្ពុជាបន្ដរកឃើញមនុស្ស៤៩៩នាក់ឆ្លងកូវីដ-១៩ ខណៈអ្នកជំងឺ៨៨២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៩៩នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៨៨២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៧៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១២៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៦០២នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧៧ ០៣៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨២ ៨៩៨នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ឃាត់ខ្លួនអ្នកល្មើសបម្រាម ១,៥៨២នាក់ និងពិន័យជាប្រាក់ជាង២០លានរៀល នៅយប់ថ្ងៃទី៩នេះ

ភ្នំពេញ ៖ កាអនុវត្តវិធានការច្បាប់ចំពោះបុគ្គលល្មើសវិធានការសុខាភិបាល និងវិធានការរដ្ឋបាលទូទាំងប្រទេស នៅថ្ងៃទី៩ខែសីហា ឆ្នាំ២០២១យប់មិញនេះ សមត្ថកិច្ចជំនាញ បានរកឃើញមនុស្សចំនួន ១,៥៨២នាក់ និងយានយន្តចំនួន ៥៥៦គ្រឿង ពិន័យជាប្រាក់ចំនួន ២២,២០០,០០០រៀល ក្នុងហេតុការណ៍៧៤៧ករណីនោះ។យោងតាមចេញសេចក្តីជូនដំណឹង របស់គណៈកម្មការអន្តរក្រសួង ដើម្បីប្រយុទ្ធប្រឆាំងជំងឺកូវីដ-១៩(គ.អ.ក) បានបញ្ជាក់នៅព្រឹកថ្ងៃទី១០ ខែសីហានេះថា កាអនុវត្តវិធានការច្បាប់មានចំនួន ៧៤៧ ករណីដោយក្នុងនោះធ្វើការឃាត់ខ្លួនមនុស្សយកមកអប់រំ និងពិន័យចំនួន ១,៥៨២នាក់បានធ្វើការឃាត់យានយន្តចំនួន ៥៥៦គ្រឿង បានធ្វើការពិន័យជាប្រាក់ចំនួន ២២,២០០,០០០រៀល។សូមបញ្ជាក់ថា ចាប់ពីយប់ថ្ងៃទី៣០ ខែកក្កដារហូតមកដល់ថ្ងៃទី១០ ខែសីហានេះអាជ្ញាធររាជធានីភ្នំពេញនិងតាមបណ្តាខេត្តមួយចំនួន ជាពិសេសខេត្តដែលនៅជាប់ព្រំដែនប្រទេសថៃ បានធ្វើការបិទបម្រាមគោចរអស់រយៈពេល១១ថ្ងៃមកហើយ ដើម្បីទប់ស្កាត់ការរីករាលដាលនូវមេរោគកូវីដបំប្លែងថ្មី deltaនេះ ដែលបានកំពុងតែបន្តឆ្លងចូលសហគមន៍ជាបន្តបន្ទាប់។ការរឹតបន្តឹងនេះ ប្រសិនបើបុគ្គលដែលល្មើសនឹងបម្រាមគោលចរ ហើយមានការជួបជុំគ្នា ឮសេពគ្រឿងស្រវឹង សមត្ថកិច្ចនឹងចាប់វាយខ្នោះអនុវត្តទៅតាមផ្លូវច្បាប់ ដោយមិនមែនការអប់រំណែនាំ ឬលើកលែងអ្វីទៀតឡើយ។សូមរំលឹកផងដែរថា ចាប់ពីចុងខែមីនា រហូតមកដល់ពេលនេះ ប្រទេសកម្ពុជា បានរកឃើញអ្នកឆ្លងមេរោគកូវីដ១៩ ប្រភេទdeltaកើនដល់ចំនួន៣៨៥នាក់ហើយ ដោយភាគច្រើនកើតចេញពីបងប្អូនពលករខ្មែរវិលត្រឡប់មកពីប្រទេសថៃវិញ ឆ្លងចេញពីអ្នកដំណើរតាមយន្តហោះ បុគ្គលិកសុខាភិបាល និងតាមសហគមន៍ជាដើម៕អត្ថបទបាន ចក់

កម្ពុជាបន្ដរកឃើញមនុស្ស៥០៨នាក់ឆ្លងកូវីដ-១៩ ខណៈអ្នកជំងឺ៦៦០នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥០៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦៦០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៨៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១២១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៣នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៥៨៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧៦ ១៥៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨២ ៣៩៩នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

មនុស្ស២៦នាក់បានបញ្ជូនទៅកាន់តុលាការ ក្រោយល្មើសបម្រាមគោចរនៅរាជធានីភ្នំពេញ រយៈពេល១០ថ្ងៃកន្លងទៅ

ភ្នំពេញ ៖ មនុស្សយ៉ាងតិចចំនួន២៦នាក់ ត្រូវបានកងកម្លាំងនគរបាលរាជធានីភ្នំពេញ ចាប់បញ្ជូនទៅកាន់តុលាការ បន្ទាប់ពីពួកគេបានជេរប្រមាថ និងប្រើប្រាស់គ្រឿងស្រវឹងខ្លាំង ក្នុងអំឡុងពេលអនុវត្តបម្រាមគោចររយៈពេល១០មកនេះ ។ថ្លែងប្រាប់ទូរទស្សន៍BTV តាមរយៈទូរស័ព្ទនៅព្រឹកថ្ងៃទី៩ខែសីហានេះ លោក វរសេនីយ៍ឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានឲ្យដឹងថា ចាប់ពីយប់ថ្ងៃទី៣០ ខែកក្កដា រហូតមកដល់យប់ថ្ងៃទី៨ ខែសីហានេះ គឺមានរយៈពេល៩យប់មកហើយ ដែលកងកម្លាំងនគរបាលរាជធានភ្នំពេញ បានធ្វើការរឹតបន្តឹងបម្រាមគោចរ ដើម្បីទប់ស្កាត់ការរីករាលដាលនូវមេរោគកូវីដបំប្លែងថ្មី delta ហើយអាជ្ញាធរធ្វើការរឹតបន្តឹងខ្លាំងដោយធ្វើការឃាត់ខ្លួនមនុស្សរាប់ពាន់នាក់ និងយានយន្តចំនួន១៦៩២គ្រឿង ដោយក្នុងនោះបានធ្វើការពិន័យរួចរាល់ចំនួន៤១៦គ្រឿង ខណៈនៅសល់ទៀតបានយកទៅរក្សាទុកនៅតាមបណ្តាខណ្ឌនីមួយៗដែលបានរឹតបន្តឹងនោះ។លោកវរៈសេនីយ៍ឯក បានបញ្ជាក់បន្ថែមថា« ការដែលយើងឃាត់ពួកគាត់ និងបញ្ជួនទៅកាន់តុលាការរាជធានីភ្នំពេញនោះ ដោយសារតែពួកគាត់បានជេរប្រមាថ និងប្រើប្រាស់គ្រឿងស្រវឹងខ្លាំងបំពានទៅហ្នឹងបម្រាមគោរចររបស់អាជ្ញាធរ ខណៈដែលពួកយើងកំពុងអនុវត្តវិធានការក្តៅដែលធ្វើឡើងក្នុងន័យទប់ស្កាត់ការរាលដាលជំងឺកូវីដ-១៩ ជាពិសេសប្រភេទdeltaនេះតែម្តងនោះ»។ជាមួយគ្នានោះដែរ លោកវរៈសេនីយ៍ឯក សាន សុខសីហា ក៏បានធ្វើការអំពាវនាវដល់បងប្អូនទាំងអស់បើមិនចាំបាច់ទេគប្បីកុំចេញក្រៅឲ្យសោះ ត្រូវចូលរួមសហការជាមួយអាជ្ញាធរ ខណៈការអនុវត្តរបស់អាជ្ញាធរនេះ គឺដើម្បីសេចក្តីសុខរបស់បងប្អូនទាំងអស់គ្នាតែប៉ុណ្ណោះ ពុំមានការរឹតត្បិតសិទ្ធិសេរីភាពរបស់បងប្អូននោះទេ។លោកក៏បានអំពាវនាវដល់បងប្អូនទាំងអស់បើមិនអាណិតខ្លួនឯងទេ គប្បីអាណិតដល់ក្រុមគ្រូពេទ្យ និងជាអាជ្ញាធរ ដែលពួកគាត់ខិតខំទាំងយប់ទាំងថ្ងៃ ដោយមិនបានចូលផ្ទះជួបប្រពន្ធកូន ឱពុកម្តាយរបស់ពួកគាត់ ដើម្បីតែសុខុមាលភាព និងអាយុជីវិតរបស់បងប្អូនទាំងអស់គ្នាឲ្យរួចផុតពីជំងឺដ៏កាចសាហាវនេះ។សូមបញ្ជាក់ផងដែរថា នៅយប់ថ្ងៃទី៨ ខែសីហានេះ កងកម្លាំងប្រដាប់អាវុធបានអនុវត្តបម្រាមគោចរនៅទូទាំងប្រទេស ដោយបានធ្វើការឃាត់ខ្លួនមនុស្សចំនួន១៩៣៤នាក់ បញ្ជូនទៅកាន់តុលាការម្នាក់ ឃាត់យានយន្តបានចំនួន១១០១គ្រឿង ខណៈពិន័យបានជាលុយជិត៤០លានរៀលនោះ។ នេះបើតាមសេចក្តីជូនដំណឹងរបស់គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ១៩(គ.អ.ក.) នាព្រឹកថ្ងៃទី៩ ខែសីហានេះ៕អត្ថបទ បាន ចក់

នគរបាលឃាត់ខ្លួនជនជាតិចិនម្នាក់រួមនឹងគ្រឿងញៀនជាង១៦គីឡូក្រាម នៅក្នុងខុនដូមួយកន្លែងនៃរាជធានីភ្នំពេញ

ភ្នំពេញ ៖ នគរបាលរាជធានីភ្នំពេញបំបែកសំណុំរឿងទីតាំងលួចផលិតកែច្នៃ និងជួញដូរគ្រឿងញៀន នៅក្នុងខុនដូមួយកន្លែងកណ្តាលរាជធានីភ្នំពេញ ក្នុងប្រតិបត្តិការនេះ បានឃាត់ខ្លួនជនសង្ស័យជនជាតិចិន ០១នាក់ និងដកហូតគ្រឿងញៀនចម្រុះជាង១៦គីឡូក្រាម កាលពីចុងសប្តាហ៍កន្លងទៅនេះ។ការបង្រ្កាបទីតាំងផលិតកែច្នៃ និងជួញដូរគ្រឿងញៀនជាទ្រង់ទ្រាយធំពីសំណាក់កងកម្លាំងនគរបាលរាជធានីភ្នំពេញ គឺបានធ្វើឡើងតាមបទបញ្ជាផ្ទាល់របស់ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ។លោកវរសេនីយ៍ទោ រ៉ឹម ម៉ិច នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលរាជធានីភ្នំពេញ បានឱ្យដឹងថា កម្លាំងនគរបាលខណ្ឌចំការមន បានល្បាតត្រួតពិនិត្យពង្រឹងការងារសន្តិសុខក្នុងមូលដ្ឋាននៅចំណុចផ្តុំរង្វង់មូលផ្សារដើមថ្កូវ ក្នុងសង្កាត់ផ្សារដើមថ្កូវខណ្ឌចំការមន ខណៈនោះក៏ជួបប្រទះបុរសម្នាក់ជនជាតិចិនកំពុងជិះម៉ូតូតែម្នាក់ឯង នៅពេលនោះកម្លាំងនគរបាលមានការសង្ស័យក៏ហៅឱ្យឈប់ហើយសាកសួរនិងឆែកឆេរត្រួតពិនិត្យក៏បានឃើញថ្នាំញៀនម្សៅពណ៌សម៉ត់០៥កញ្ចប់ ដែលលាក់ក្នុងកាបូបស្ពាយ សមត្ថកិច្ចបានដកហូត និងនាំខ្លួនជនសង្ស័យឈ្មោះ ហ្វ័ង ស៊ីឡុង ភេទប្រុសអាយុ២១ឆ្នាំមកសួរនាំបន្តនៅអធិការដ្ឋាននគរបាលខណ្ឌចំការមន។លោកនាយការិយាល័យនគរបាលប្រឆាំងគ្រឿងញៀន ប្រាប់ឱ្យដឹងទៀតថា ក្រោយពីសមត្ថកិច្ចបានសាកសួរជនសង្ស័យនេះហើយ ក៏មានតម្រុយក្នុងការបន្តទៅឆែកឆេរត្រួតពិនិត្យនៅកន្លែងស្នាក់នៅរបស់ជនសង្ស័យនៅកន្លែងផ្សេងទៀត ដើម្បីស្វែងរកគ្រឿងញៀនបន្ថែម ខណៈនោះ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាទៅការិយាល័យជំនាញគ្រឿងញៀន ចុះទៅសហការជាមួយនគរបាលខណ្ឌចំការមន ក្រោមការដឹកនាំបញ្ជាផ្ទាល់ដោយលោកឧត្តមសេនីយ៍ទោ សុង លី ស្នងការរងទទួលផែនការងារព្រហ្មទណ្ឌ និង លោកឧត្តមសេនីយ៍ត្រីគល់ យី ស្នងការរងទទួលផែនការងារប្រឆាំងគ្រឿងញៀនដោយមានការសម្របសម្រួលនីតិវិធីពីលោក សំម ប្ញទ្ធីវាសនា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ។បន្ទាប់មកកម្លាំងសមត្ថកិច្ចក៏បានចុះត្រួតពិនិត្យនៅកន្លែងស្នាក់នៅបណ្តោះអាសន្ន របស់ជនសង្ស័យក្នុងសណ្ឋាគារវីបូទិក ស្ថិតនៅសង្កាត់អូរឡាំពិកខណ្ឌបឹងកេងកង ប៉ុន្តែរកឃើញលិខិតឆ្លងដែនរបស់ជនសង្ស័យ០១ច្បាប់ប៉ុណ្ណោះ។ក្រោយមកកម្លាំងសមត្ថកិច្ចក៏មានពន្លឺថែមទៀតក្នុងករណីគ្រឿងញៀននេះ ហើយក៏បានចេញទៅសហការជាមួយនគរបាលខណ្ឌមានជ័យ ដើម្បីស្វែងរកកន្លែងស្នាក់នៅរបស់ជនសង្ស័យមួយកន្លែងទៀតនៅក្នុងខុនដូលំនៅឋានអឹល បឹងទំពុន សង្កាត់បឹងទំពុន២ ខណ្ឌមានជ័យ កម្លាំងសមត្ថកិច្ចចូលឆែកឆេរត្រួតពិនិត្យ បន្ទប់ស្នាក់នៅរបស់ជនសង្ស័យក៏បានប្រទះឃើញឧបករណ៍សម្ភារៈជាច្រើនសម្រាប់ផលិត កែច្នៃ គ្រឿងញៀន និងវត្ថុតាងធាតុផ្សំរួមនឹងគ្រឿងញៀនចម្រុះជាច្រើនប្រភេទសរុបជាង១៦គីឡូក្រាម ត្រូវបានដកហូត និងបញ្ជូនមកស្នងការដ្ឋាននគរបាលរាជធានីភ្នំពេញ ដើម្បីយកទៅអនុវត្តតាមនីតិវីធី។លោកវរសេនីយ៍ទោ រ៉ឹម ម៉ិច នាយការិយាល័យនគរបាលប្រឆាំងគ្រឿងញៀន ឱ្យដឹងទៀតថា ជនសង្ស័យគ្រឿងញៀនជនជាតិចិននេះ ទើបចូលមកធ្វើការនិងស្នាក់នៅក្នុងប្រទេសកម្ពុជា ប្រមាណ១០ខែ ប៉ុណ្ណោះជននេះជាអ្នកចាត់ចែងគ្រប់គ្រងនឹងដឹកជញ្ជូនគ្រឿងញៀនទៅឱ្យអតិថិជនរបស់ខ្លួនតាមរយៈភ្ញៀវកុម្ម៉ង់ទិញអីវ៉ាន់។ជនសង្ស័យ និងវត្ថុតាងនៅព្រឹកថ្ងៃទី០៩ ខែសីហា ឆ្នាំ២០២១ កម្លាំងការិយាល័យជំនាញកសាងសំណុំរឿងចាប់បញ្ជូនជនសង្ស័យ និងវត្ថុតាងទៅតុលាការចាត់ការតាមផ្លូវច្បាប់៕អត្ថបទ ៖ បាន ចក់

កម្ពុជាបន្ដរកឃើញមនុស្ស៥២២នាក់ឆ្លងកូវីដ-១៩ ខណៈអ្នកជំងឺ៧០០នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥២២នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧០០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៨៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៣៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១១នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៥៣៧នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧៤ ៧៤៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨១ ៣៣៥នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

អាជ្ញាធរខណ្ឌជ្រោយចង្វារ បញ្ជូនខ្លួនក្មេងស្ទាវមួយក្រុមដេញវាយគ្នាពេញផ្លូវ និងល្មើសបម្រាមគោរចរទៅតុលាការ

ភ្នំពេញ៖ កម្លាំងអាជ្ញាធរខណ្ឌជ្រោយចង្វារ បានកសាងសំណុំរឿងបញ្ជូនខ្លួនក្រុមក្មេងស្ទាវមួយក្រុមដេញវាយគ្នាពេញផ្លូវ និងល្មើសបម្រាមគោរចរ ទៅអយ្យការអមសាលាដំបូងរាជធានីភ្នំពេញ នៅថ្ងៃទី០៦ ខែសីហា ឆ្នាំ២០២១នេះ ដើម្បីបន្តនីតិវិធីតាមផ្លូវច្បាប់។គួរំលឹកផងដែរ កាលពីវេលាម៉ោង១០យប់ ថ្ងៃទី៣ ខែ សីហា ឆ្នាំ២០២១ កម្លាំងល្បាតរបស់គណៈបញ្ជាការឯកភាពខណ្ឌជ្រោយចង្វារ បានចុះល្បាតតាមមូលដ្ឋាន និងឃាត់ខ្លួន ក្រុមក្មេងស្ទាវមួយក្រុម មានប្រុសមានស្រីសរុបចំនួន១៨នាក់ បានដេញវាយគ្នាពេញផ្លូវ និងល្មើសបម្រាមគោរចរនៃសេចក្ដីសម្រេចរបស់រដ្ឋបាលរាជធានី នៅចំណុចក្បែរការ៉ាសសាំងតូតាល់ ក្បែរវត្តព្រែកលៀប តាមបណ្ដោយផ្លូវជាតិលេខ៦ សង្កាត់ព្រែកលៀប ខណ្ឌជ្រោយចង្វារ រារាជធានីភ្នំពេញ។ លោក ឃ្លាំង ហួត អភិបាលខណ្ឌ បានប្រាប់ថា មុនពេលឈានដល់ការឃាត់ខ្លួន កម្លាំងគណៈបញ្ជាការឯកភាពខណ្ឌ បានដឹកនាំកម្លាំងចម្រុះ ចុះល្បាតក្នុងមូលដ្ឋានខណ្ឌ មកដល់ចំណុចកើតហេតុ ខាងលើ បានប្រឃើញក្រុមក្មេងទំនើង ចំនួន១៨នាក់ ក្នុងនោះមាន ស្រី៤នាក់ ជិះម៉ូតូច្រើនគ្រឿង បង្កហិង្សាដេញ វាយតប់គ្នាពេញផ្លូវ និងល្មើសបម្រាមគោរចរ ទើបកម្លាំងគណៈបញ្ជាការឯកភាពខណ្ឌ ចុះប្រតិបត្តិការឃាត់ខ្លួនតែម្តង។ន្ទាប់ពីចេញលទ្ធផលតេស្ត ក្រុមក្មេងប្តុសស្រីទាំង១៨នាក់នោះ ត្រូវបានបញ្ជូនខ្លួនបន្ត ទៅកាន់អធិកាដ្ឋានខណ្ឌជ្រោយចង្វារ កសាងសំណុំរឿងបញ្ជូនខ្លួនបន្តទៅកាន់តុលាការចាត់ការបន្តតាមនីតិវិធីច្បាប់ ៕អត្ថបទ៖ កុម្ភះ

យប់មិញនគរបាលឃាត់ខ្លួនមនុស្ស៨២៨នាក់ និងបញ្ជូនទៅតុលាការ១៤នាក់ ក្រោយល្មើសនឹងបម្រាមគោចរ

ភ្នំពេញ ៖ យប់ថ្ងៃទី៥ ខែសីហានេះ កងកម្លាំងនគរបាលរាជធានីភ្នំពេញ បានធ្វើការឃាត់ខ្លួនមនុស្សចំនួន៨២៨នាក់ ហើយបានបញ្ជូនទៅកាន់តុលាការចំនួន១៤នាក់ បន្ទាប់ពីគេបានល្មើស នឹងបម្រាមគោចររបស់រដ្ឋបាលរាជធានីភ្នំពេញ ដើម្បីទប់ស្កាត់ការរាលដាលជំងឺកូវីដ-១៩ ជាពិសេសប្រភេទdelta ខណៈមេរោគនេះបានកំពុងរកឃើញមានអ្នកវិជ្ជមានជាបន្តបន្ទាប់ក្នុងរាជធានីភ្នំពេញនោះ។យោងតាមសេចក្តីជូនដំណឹងរបស់គណៈកម្មការអន្តរក្រសួងដើម្បីប្រយុទ្ធ នឹងជំងឺកូវីដ-១៩ដែលហៅកាត់ថា គ.អ.ក. នាព្រឹកថ្ងៃទី៦ ខែសីហានេះ បានឲ្យដឹងថា កងកម្លាំងបានធ្វើការចុះអប់រំ និងផ្សព្វផ្សាយច្បាប់ចំនួន៤១៩ករណី ហើយឃាត់ខ្លួនមនុស្សយកមកអប់រំ និងពិន័យបានចំនួន៨២៨នាក់ ហើយក្នុងនោះបានបញ្ជូនទៅកាន់តុលាការចំនួន១៤ បន្ទាប់ពីអ្នកទាំង១៤នេះ បានប្រព្រឹត្តមានលក្ខណៈធ្ងន់ធ្ងរនោះ។សេចក្តីជូនដំណឹង បានបញ្ជាក់ទៀតថា ក្រៅពីធ្វើការឃាត់ខ្លួនមនុស្សអាជ្ញាធរក៏បានឃាត់យានយន្តបានចំនួន៣៣០គ្រឿង និងធ្វើការផាកពិន័យបានលុយចំនួន៤៤លានរៀលផងដែរ ខណៈការអនុវត្តវិធានការរបស់អាជ្ញាធរនេះគឺគ្មានការលើកលែងនោះឡើយ។ រហូតមកដល់ថ្ងៃទី៦ ខែសីហានេះ មានមនុស្សចំនួន៣២នាក់ហើយ ដែលត្រូវបានអាជ្ញាធររាជធានីភ្នំពេញធ្វើសំណុំរឿងបញ្ជូនទៅកាន់តុលាការបន្ទាប់ពីពួកគេទាំងនោះ បានប្រព្រឹត្តល្មើសនឹងបម្រាមគោចររបស់រដ្ឋបាលភ្នំពេញធ្ងន់ធ្ងរនោះ។សូមបញ្ជាក់ថា ចាប់ពីពេលនេះ តទៅសម្រាប់បុគ្គលដែលល្មើសនឹងបម្រាមគោលចរ ហើយមានការជួបជុំគ្នាសេពគ្រឿងស្រវឹង សមត្ថកិច្ចនឹងចាប់វាយខ្នោះអនុវត្តទៅតាមផ្លូវច្បាប់ ដោយមិនមែនការអប់រំណែនាំ ឬលើកលែងអ្វីទៀតឡើយ ខណៈវិធានការក្តៅរបស់អាជ្ញាធររាជធានីភ្នំពេញនេះ ធ្វើឡើងក្នុងន័យទប់ស្កាត់ការរាលដាលជំងឺកូវីដ-១៩ ជាពិសេសប្រភេទdeltaនេះ ដែលបានរកឃើញមានអ្នកវិជ្ជមានជាបន្តបន្ទាប់ក្នុងរាជធានីភ្នំពេញនោះ។ទាក់ទងនឹងបម្រាមគោចរនេះដែរ លោកកវរៈសេនីយ៍ឯក សាន សុខសីហា ក៏បានធ្វើការអំពាវនាវដល់បងប្អូនទាំងអស់ បើមិនចាំបាច់ទេគប្បីកុំចេញក្រៅឲ្យសោះ ខណៈការអនុវត្តរបស់អាជ្ញាធរនេះ គឺដើម្បីសេចក្តីសុខរបស់បងប្អូនទាំងអស់គ្នាតែប៉ុណ្ណោះ ពុំមានការរឹតត្បិតសិទ្ធិសេរីភាពរបស់បងប្អូននោះទេ៕អត្ថបទ បាន ចក់

បណ្ដាញសង្គម

ព័ត៌មានថ្មីៗ

ហេតុការណ៍លិចទូកក្រោយបុកស្ពានបណ្តែតនៅភាគខាងជើងឥណ្ឌាសម្លាប់មនុស្សយ៉ាងហោច ១០នាក់

អ៊ីរ៉ង់ខាតបង់ ១៤៥ពាន់លានដុល្លារ និងរងការបំផ្លិចបំផ្លាញយ៉ាងធំធេង ក្រោយសង្គ្រាម ៤០ថ្ងៃ

សាធារណជនកោះតៃវ៉ាន់មានការបែងចែកចំពោះដំណើរទស្សនកិច្ចរបស់មេដឹកនាំប្រឆាំងទៅកាន់ចិនដីគោក

លោក Macron ចង់បញ្ចុះបញ្ចូលលោក Trump នៅ G7 ដោយការអញ្ជើញក្រោយកិច្ចប្រជុំកំពូលឲ្យទៅវិមាន Versailles

ការវាយប្រហារយានដ្រូនរុស្ស៊ីបណ្តាលឲ្យកើតមានអគ្គិភ័យនៅតំបន់ Odesa របស់អ៊ុយក្រែន

គ្រួសារទាមទារយុត្តិធម៌ ខណៈបាតុកម្មកើនឡើងចំពោះការវាយប្រហារគ្រាប់បែកនៅទីក្រុង Manipur ប្រទេសឥណ្ឌា

ប្រមុខសម្ព័ន្ធអារ៉ាប់ គាំទ្រលីបង់ និងថ្កោលទោសការវាយប្រហារគ្មានមេត្តារបស់អ៊ីស្រាអែល

មនុស្សរាប់ម៉ឺននាក់ជួបជុំគ្នានៅទីក្រុងតេអេរ៉ង់ ពេលអ៊ីរ៉ង់ប្រារព្ធខួប ៤០ថ្ងៃនៃការសម្លាប់មេដឹកនាំកំពូល Ali Khamenei

រដ្ឋមន្រ្តីហិរញ្ញវត្ថុបារាំង៖ តម្លៃប្រេងត្រូវតែធ្លាក់ថ្លៃលឿន ពេលអត្រាប្រេងធ្លាក់ចុះ

នាវាដឹកឧស្ម័នឥណ្ឌាធ្វើដំណើរមកដល់កំពង់ទីក្រុងម៉ុមបៃ ក្រោយធ្វើដំណើរឆ្លងកាត់ច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877