BTV NEWS

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជនបរទេសជាង ៣០០នាក់

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

សន្តិសុខ និង សង្គម

ស្រ្តីចំណាស់ម្នាក់ គោលបំណងលោតទឹកសម្លាប់ខ្លួន ត្រូវបានកូនប្រុសមកជួយទាន់ពេល

ភ្នំពេញ៖ ស្រ្តីចំណាស់ម្នាក់ ខូចចិត្តបានបើករថយន្តខ្លួនឯង គោលបំណងមកលោតទឹកសម្លាប់ខ្លួន តែត្រូវបានកូនប្រុសមានការសង្ស័យជិះម៉ូតូតាមពីក្រោយ រហូតមកដល់ចំណុចលើស្ពានជ្រោយចង្វារចាស់ បំរុងលោត កូនប្រុសបានរាយការណ៍នគរបាលនៅប្រចាំគោលដៅស្ពាន ឡើងមកជួយទាន់ពេល។ហេតុការណ៍នេះបង្ករការភ្ញាក់ផ្អើលការពីវេលាម៉ោង១១ និង៣០នាទី ថ្ងៃត្រង់ នាថ្ងៃទី១០ ខែកក្កដា ឆ្នាំ២០២១ នៅចំណុចចុងស្ពានជ្រោយចង្វារចាស់ មូលដ្ឋានសង្កាត់ស្រះចក ខណ្ឌដូនពេញ។តាមប្រភពព័ត៌មាន បានឲ្យដឹងថា នៅមុនពេលកើតហេតុ គេឃើញស្រ្តីចំណាស់ម្នាក់ បានបើករថយន្តម៉ាក Lexus RX300 ពណ៌ស កាំម៉ៃ ពាក់ស្លាកលេខ ភ្នំពេញ 2AS-1842 ចេញពីផ្ទះនៅម្ដុំគីឡូម៉ែត្រលេខ៨ សង្កាត់ច្រាំងចំរះទី២ ខណ្ឌឬស្សីកែវ គោលបំណងឡើងមកលើស្ពានជ្រោយចង្វារចាស់ លោតទឹកសម្លាប់ខ្លួន តែត្រូវបានកូនប្រុសជិះម៉ូតូ តាមពីក្រោយរហូត បានរាយការណ៍ជូនសមត្ថកិច្ចនៅប្រចាំគោលដៅជួយម្ដាយទាន់ពេលវេលា។យោងសម្តីរបស់ស្រ្តីចំណាស់ដែលប៉ុនប៉ងលោតទឹកសម្លាប់ខ្លួន បានយំរៀបរាប់ថា មូលហេតុដែលគាត់គិតខ្លីបែបនេះ មូលហេតុដោយសារតែមានទំនាស់ក្នុងក្រុមគ្រួសារជាមួយប្ដី ដោយអះអាងថាប្ដីរបស់គាត់មានស្រីនៅខាងក្រៅ ធ្វើបាបចិត្តគាត់ ដូច្នេះក៏ខូចចិត្ត គិតអ្វីមិនចេញបានជិះរថយន្ត គោលបំណងមកលោតទឹក តែត្រូវបានកូនៗ តាមមកទាន់ចាប់ដាក់ចូលរថយន្តរួចត្រឡប់ទៅផ្ទះវិញ៕អត្ថបទ៖ កុម្ភះ

កម្ពុជាបន្ដរកឃើញមនុស្ស៩៣៣នាក់ឆ្លងកូវីដ-១៩ ខណៈមនុស្ស៧៤៣នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៣៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧៤៣នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៧៣៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២០០នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៨៨១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥១ ៦៦០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៩ ៩៧៨ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុងសម្រាកព្យាបាលនៅតាមផ្ទះ

ភ្នំពេញ ៖ អ្នកជំងឺកូវីដ-១៩ ដែលកំពុងព្យាបាលនៅតាមផ្ទះ ក្នុងរាជធានីភ្នំពេញគិតមកដល់ពេលនេះ បានកើនឡើងដល់ជិត១ពាន់នាក់ហើយ ខណៈចំនួនអ្នកជាសះស្បើយ ក៏មានចំនួនច្រើនដែរ។ក្នុងកិច្ចប្រជុំតាមរយៈអនឡាញ ជាមួយស្នងការនគរបាលរាជធានី មេបញ្ជាការកងរាជអាវុធហត្ថរាជធានី អាជ្ញាធរខណ្ឌទាំង១៤ និងមន្ទីរសុខាភិបាល ដែលដឹកនាំដោយ ឯកឧត្ដម ឃួង ស្រេង អភិបាលរាជធានីភ្នំពេញ នាព្រឹកថ្ងៃទី០៩ កក្កដា២០២១ នៅសាលារាជធានីភ្នំពេញ លោក ងី មានហេង ប្រធានមន្ទីរសុខាភិបាលរាជធានីភ្នំពេញ បានមានប្រសាសន៍ថា គិតមកដល់ម៉ោងនេះ អ្នកព្យាបាលជំងឺកូវីដ-១៩នៅតាមផ្ទះ បានកើនឡើងដល់ចំនួន៩១៥នាក់ហើយ ហើយក្នុងចំនួននេះ មានអ្នកជាសះស្បើយចំនួន ២៦៨នាក់ និងមានអ្នកកំពុងព្យាបាលចំនួន៦៤៧នាក់។ប្រធានមន្ទីរសុខាភិបាលរាជធានីភ្នំពេញ បញ្ជាក់ថា ការកើនឡើងនូវចំនួនអ្នកព្យាបាលជំងឺកូវីដ-១៩នៅតាមផ្ទះនារយៈពេលប៉ុន្មានថ្ងៃនេះ ដោយសារតែជំនាញពាក់ព័ន្ធបានលើកទឹកចិត្តឱ្យពួកគាត់បានព្យាបាលជំងឺកូវីដ-១៩នៅតាមផ្ទះ ។លោក ងី មានហេង បន្តថា ចំពោះអ្នកជំងឺដែលកំពុងព្យាបាលនៅតាមមណ្ឌល ពួកគាត់ក៏អាចសុំការអនុញ្ញាតិប្តូរទៅព្យាបាលនៅតាមផ្ទះវិញបានដែរ ប៉ុន្តែត្រូវមានកិច្ចសន្យាមួយ ជាមួយក្រុមការងារដោយភ្ជាប់នូវលក្ខខ័ណ្ឌច្បាប់មួយចំនួន ហើយខាងសុខាភិបាលជាអ្នករាយការណ៍ទៅអាជ្ញាធរមូលដ្ឋាន ដើម្បីគ្រប់គ្រងមើលខុសត្រូវពួកគាត់។ឯកឧត្ដម ឃួង ស្រេង អភិបាលរាជធានីភ្នំពេញ បានមានប្រសាសន៍ថា ប្រជាពលរដ្ឋ ក្រោយការធ្វើតេស្តទៅឃើញវិជ្ជមានកូវីដ-១៩ ក្នុងនាមជាអាជ្ញាធរ និងក្រុមគ្រូពេទ្យ ត្រូវសួរនាំពួកគាត់ថា តើមានលទ្ធភាពទៅព្យាបាលនៅតាមផ្ទះទេ? បើមាន អាជ្ញាធរ និងក្រុមគ្រូពេទ្យត្រូវជូនពួកគាត់ទៅផ្ទះ។ចៀសវាងខ្លាចពួកគាត់ទៅទីណាផ្តេសផ្តាសមុនចូលដល់ផ្ទះ។ នៅផ្ទះទៀតសោធន៍ ទោះបីផ្ទះនោះ ជាផ្ទះអ្នកណាក៏ដោយត្រូវតែដាក់ស្លាកសញ្ញា ដែលចេញដោយសាលារាជធានីភ្នំពេញ ដើម្បីឱ្យប្រជាពលរដ្ឋផ្សេងទៀតបានដឹង និងចេះប្រយ័ត្នខ្លួន។ ចំពោះសំរាមនៅផ្ទះអ្នកព្យាបាលជំងឺកូវីដ-១៩ មិនអនុញ្ញាតឱ្យយកចេញរាល់ថ្ងៃទេ គឺត្រូវទុករយៈពេល៧២ម៉ោង ទើបឱ្យយកចេញមកក្រៅម្តង ព្រោះខ្លាចរីករាលដាលជំងឺកូវីដ-១៩។ក្នុងកិច្ចប្រជុំនេះដែរ ឯកឧត្ដម ឃួង ស្រេង ក៏បានបញ្ជាទៅអាជ្ញាធរខណ្ឌទាំង១៤ ត្រូវតែយកចិត្តទុកដាក់ខ្ពស់ ចំពោះការងារព្យាបាលនៅតាមផ្ទះនេះ ដោយសារអាយុជីវិត និងជោគវាសនាប្រជាពលរដ្ឋត្រូវពឹងពាក់មកលើអាជ្ញាធរហើយ។ ឯកឧត្ដម ឃួង ស្រេង យល់ឃើញថា ការព្យាបាលតាមផ្ទះនេះ ពិតជាទទួលបានជោគជ័យ ដោយសារតែប្រជាពលរដ្ឋចូលរួមសហការ និងគាំទ្រយ៉ាងពេញទំហឹង ចំពោះការងារនៃការព្យាបាលតាមផ្ទះនេះ។គួរបញ្ជាក់ថា ការរៀបចំឱ្យមានការព្យាបាលអ្នកជំងឺកូវីដ-១៩តាមផ្ទះនេះ ធ្វើឡើងស្របតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី ហើយការងារនេះរាជធានីភ្នំពេញ បានឈានមួយជំហានទៅមុខរួចហើយ៕អត្ថបទ ៖ ប្រាក់ វ៉ាន់ដា

កម្ពុជាបន្ដរកឃើញមនុស្ស៩៨៨នាក់ឆ្លងកូវីដ-១៩ ខណៈមនុស្ស៨៩៧នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៨៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៨៩៧នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៧៨៩នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៩៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៣០នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៨៥៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥០ ៩១៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៩ ០៤៥ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ការរុះរើ ផ្ទះបណ្ដែតទឹក បែចិញ្ចឹមត្រី និងសំណង់មិនរៀបរយលើផ្ទៃទន្លេ នៅភ្នំពេញសម្រេចបានប្រមាណ៩៥ភាគរយហើយ

ភ្នំពេញ ៖ ការអនុវត្តវិធានការរៀបចំសណ្តាប់ធ្នាប់របៀបរៀបរយ ទៅលើបែត្រី ផ្ទះបណ្ដែតទឹក និងសំណង់មិនរៀបរយនៅលើផ្ទៃទន្លេ ក្នុងភូមិសាស្ត្ររាជធានីភ្នំពេញ គិតដល់ពេលនេះ អនុវត្តការងារបានប្រមាណ៩៥ ភាគរយហើយ ។ នេះចាត់ទុកថា ជាការអនុវត្តវិធានការរៀបចំសណ្ដាប់ធ្នាប់លើផ្ទៃទន្លេ បានយ៉ាងរលូន និងទទួលបានជោគជ័យ ។នេះបើតាមការលើកឡើងនៅក្នុងកិច្ចប្រជុំសាមញ្ញលើកទី២៦ របស់ក្រុមប្រឹក្សារាជធានីភ្នំពេញក្រោមវត្តមាន ឯកឧត្ដម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និងលោក មាន ចាន់យ៉ាដា អភិបាលរងរាជធានីភ្នំពេញ នាព្រឹកថ្ងៃទី០៨ ខែកក្កដា ឆ្នាំ២០២១នេះ នៅសាលារាជធានីភ្នំពេញ។លោក មាន ចាន់យ៉ាដា បានមានប្រសាសន៍ថា រាជធានីភ្នំពេញមានខណ្ឌចំនួន០៦ ដែលមានផ្ទះបណ្ដែតទឹក បែត្រី និងសំណង់មិនរៀបរយនៅតាមដងទន្លេ ដែលមានចំនួនរហូតដល់ ១៤៧២ទីតាំង ដោយចែកចេញជា៤ប្រភេទ ក្នុងនោះមានប្រភេទជា បែត្រី សំណង់មិនរៀបរយ ដៃត្រី និងទូកនេសាទ។ ការអនុវត្តវិធានការ គឺមានប្រជាពលរដ្ឋបានស្ម័គ្រចិត្តរុះរើចេញមកលើគោកមានចំនួន ១២៤២ទីតាំង។ ចំពោះទីតាំងចល័ត អាជ្ញាធរបានរៀបចំឲ្យពួកគាត់ចិញ្ចឹមត្រីជាបណ្តោះអាសន្នចំនួន២ទីតាំងផ្សេងគ្នា ក្នុងនោះទីតាំងទី១ នៅជាប់ព្រំប្រទល់រវាងស្រុកពញាឮ និងខណ្ឌព្រែកព្នៅ មានចំនួន១៩៤ទីតាំង ។ ទីតាំងទី២ នៅជាប់និងស្រុកលើកដែកចំនួន១៩ទីតាំង និងទីតាំងដែលបាននិងកំពុងរុះរើមានចំនួន១៧ទីតាំង ដែលការងារនេះ អាជ្ញាធររាជធានីភ្នំពេញ អនុវត្តបានជោគជ័យចំនួន៩៥ភាគរយ គិតមកដល់ពេលនេះ។លោក មាន ចាន់យ៉ាដា ក៏បានបញ្ជាក់ផងដែរថា ការអនុវត្តនូវវិធានការជុំវិញការរៀបចំសណ្តាប់ធ្នាប់របៀបរៀបរយ ទៅលើបែត្រី ផ្ទះបណ្ដែតទឹក និងសំណង់មិនរៀបរយនៅលើផ្ទៃទឹកតាមដងទន្លេ នៅរាជធានីភ្នំពេញ ទទួលបានជោគជ័យ គឺដោយសារអាជ្ញាធរមានវិធានការចំពោះមុខល្អប្រសើរ សហការបានល្អជាមួយដៃគូពាក់ព័ន្ធ និងមានការគាំទ្រពីមហាជនយ៉ាងពេញទំហឹង។ឯកឧត្ដម ប៉ា សុជាតិវង្ស នៅក្នុងឱកាសនោះបានថ្លែងនូវការកោតសរសើរយ៉ាងខ្លាំង ចំពោះអាជ្ញាធររាជធានីភ្នំពេញ ក្រោមការដឹកនាំរបស់ ឯកឧត្ដម ឃួង ស្រេង ជាអភិបាល ដែលអនុវត្តការរៀបចំសណ្ដាប់ធ្នាប់លើផ្ទៃទឹកនេះបានយ៉ាងល្អប្រសើរ និងទទួលបានជោគជ័យ។សូមបញ្ជាក់ថា កាលពីថ្ងៃទី១២ ខែមិថុនា កន្លងទៅ គឺជាថ្ងៃដែលអាជ្ញាធរប្រើវិធានការរដ្ឋបាលចុះទៅរុះរើ បែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ដើម្បីបើកផ្លូវនាវាចរ កុំឲ្យប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសកុំឲ្យបន្តការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាសវាលពាសកាលក្នុងទន្លេ ធ្វើឱ្យខូចខាតយ៉ាងធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណភាពរាជធានីភ្នំពេញ ព្រមទាំងប៉ះពាល់ដល់សុខភាពប្រជាពលរដ្ឋ ដែលបានប្រើប្រាស់ទឹកមិនស្អាតផងដែរ៕អត្ថបទ ៖ ប្រាក់ វ៉ាន់ដា

កម្ពុជាបន្ដរកឃើញមនុស្ស៩៥៤នាក់ឆ្លងកូវីដ-១៩ ខណៈមនុស្ស១០៤៦នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៥៤នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន១០៤៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៨១៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៣៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៨២៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥០ ០២០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៨ ០៥៧ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

តេស្តរហ័សតាមច្រកព្រំដែនជាប់បាត់ដំបង រកឃើញអ្នកបើកបររថយន្ត៣១នាក់ វិជ្ជមានកូវីដ១៩

បាត់ដំបង ៖ អាជ្ញាធរខេត្តបាត់ដំបង និងមន្ត្រីសុខាភិបាលខេត្ត បានរកឃើញអ្នកបើកបររថយន្ត និងជំនួយការ ដែលដឹកទំនិញឆ្លងកាត់ព្រំដែនប្រចាំថ្ងៃ ជាប់ខេត្តបាត់ដំបង ចំនួន៣១នាក់ មានវិជ្ជមានកូវីដ១៩ បន្ទាប់ពីការធ្វើតេស្តរហ័ស នៅតាមបន្ទាត់ព្រំដែន ហើយពួកគេទាំងអស់នោះ ត្រូវបញ្ជូនទៅព្យាបាលគ្រប់គ្នា ។បើតាមលោក សឿម ប៊ុនរិទ្ធ អភិបាលរង និងជាអ្នកនាំពាក្យរដ្ឋបាលខេត្តបាត់ដំបង បានលើកឡើងថា សម្រាប់អ្នកបើកបរ និងជំនួយការ មានវិជ្ជមានកូវីដ១៩ គឺជាជនជាតិខ្មែរទាំងអស់ ដោយចំនួននេះ គិតត្រឹមរយៈពេល ៨ថ្ងៃ ដែលអាជ្ញាធរបានរៀបចំធ្វើតេស្តរហ័ស នៅតាមបន្ទាត់ព្រំដែន គឺចាប់ពីថ្ងៃទី៣០ ខែមិថុនា ដល់ថ្ងៃទី៧ ខែកក្កដា ឆ្នាំ២០២១ ។លោក បានបន្តថា ទន្ទឹមនឹងការពិនិត្យសំណាកដល់អ្នកបើកបររថយន្ត និងជំនួយការនេះ នៅតាមច្រកព្រំដែនមន្ត្រីសុខាភិបាល ក៏បានធ្វើសំណាកដល់ពលករទើបត្រឡប់មកពីប្រទេសថៃ ត្រូវបានរកឃើញមានវិជ្ជមានកូវីដ១៩ ជាបន្តបន្ទាប់ ត្រូវបានបញ្ជូនទៅព្យាបាល និងអ្នកអវិជ្ជមានត្រូវបញ្ជូនទៅធ្វើចត្តាឡីស័ក ។លោក សឿម ប៊ុនរិទ្ធ បានបន្ថែមថា កាលពីថ្ងៃទី៧ ខែកក្កដា មន្ត្រីសុខាភិបាលប្រចាំនៅច្រកទ្វារអន្តរជាតិដូង ច្រកតំបន់អូរអន្លក់ ច្រកតំបន់អូររំដួល និងច្រកអន្តរជាតិភ្នំដី បានធ្វើតេស្តរហ័សលើអ្នកបើកបររថយន្ត និងជំនួយការ ទាំងជនជាតិខ្មែរ និងជនជាតិថៃបានចំនួន ៤៩៥នាក់ ក្នុងនោះមានអ្នកបើកបរជនជាតិខ្មែរ មានវិជ្ជមានកូវីដ១៩ ចំនួន៥នាក់ ខណៈបុគ្គលិកសុខាភិបាលចំនួន ២នាក់ រងចាំការធ្វើតេស្តរហ័ស នៅច្រកអូរអន្លក់ បានឆ្លងជំងឺនេះផងដែរ ។នៅក្នុងរបាយការណ៍រដ្ឋបាលខេត្តបាត់ដំបង បានបង្ហាញថា កាលពីថ្ងៃទី៧ ខែកក្កដា មានពលករត្រឡប់មកពីប្រទេសថៃ ចូលតាមច្រកនានាជាប់ខេត្តបាត់ដំបងចំនួន ៣៧នាក់ និងរហូតមកដល់ពេលនេះ អាជ្ញាធរខេត្តបានកំណត់មុខសញ្ញាពាក់ព័ន្ធក្នុងព្រឹត្តិការណ៍សហគមន៍២០កុម្ភៈ បានចំនួនសរុប ៤៥២១នាក់ លទ្ធផលវិជ្ជាមាន ៨៦៥នាក់ ។ ចាប់ពីមានការឆ្លងជំងឺកូវីដ១៩ នៅក្នុងប្រទេសកម្ពុជា សម្រេចនៅខេត្តបាត់ដំបង មានអ្នកឆ្លងចំនួន ១៣៤០នាក់ ត្រូវបានព្យាបាលជាសះស្បើយចំនួន៦៤៣នាក់ ស្លាប់ចំនួន ៩នាក់ និងកំពុងសម្រាកព្យាបាលចំនួន ៦៨៨នាក់ ៕អត្ថបទ ៖ សុខរិទ្ធ

អាជ្ញាធរខណ្ឌសែនសុខ ចុះបិទទីតាំងភោជនីយដ្ឋានហ្គោលជាបណ្តោះអាសន្ន ក្រោយលួចលាក់បើកខារ៉ាអូខេ និងឃាត់ខ្លួនមនុស្សប្រុសស្រី២៦នាក់

ភ្នំពេញ ៖ កម្លាំងគណៈបញ្ជាការឯកភាពខណ្ឌសែនសុខ ចុះធ្វើការបិទហាងខារ៉ាអូខេ មួយកន្លែង យីហោ ហ្គោល នៅតាមបណ្តោយផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ឃាត់ខ្លួនមនុស្សប្រុសស្រីចំនួន២៦នាក់ និងដកហូតបានម៉ូតូជាច្រើនគ្រឿង។ប្រត្តិបត្តិការនេះ ធ្វើឡើងកាលពីវេលាម៉ោង១២យប់រំលងអធ្រាត្រឈានចូលព្រហស្បតិ៍ ទី៨ ខែ កក្កដា ឆ្នាំ២០២១ ក្រោយពីបានទទួលព័ត៌មានថា ទីតាំងនេះបើក ទទួលភ្ញៀវចូលច្រៀងលេងយ៉ាងសប្បាយដោយផ្គើន និងសេចក្តីណែនាំរបស់រដ្ឋបាលរាជធានី ភ្នំពេញ ដើម្បីចូលរួមបង្កាទប់ស្កាត់ការរីករាលដាលនៃជំងឺកូវីដ។ជាថ្មីៗនេះ រដ្ឋបាលរាជធានីភ្នំពេញ បានសម្រេចអនុញាតឱ្យបើកដំណើរការអាជីវកម្មឡើងវិញ តែដោយអនុវត្តតាមការណែនាំ របស់ក្រសួងសុខាភិបាល ពាក់ម៉ាស់ វាស់កម្តៅ រក្សាគម្លាត ជាពិសេសប្រកាន់ភ្ជាប់ជានិច្ចនូវវិធានការ ៣ការពារ ៣កុំ របស់ប្រមុខរាជរដ្ឋាភិបាល។ ក្រោយប្រតិបត្តិការនេះ កម្លាំងសមត្ថកិច្ចធ្វើការឃាត់ខ្លួនមនុស្សប្រុសស្រីចំនួន២៦នាក់ ក្នុងនោះ មានស្រី១៤នាក់ ប្រុស១២នាក់ រួមនិងម៉ូតូជាច្រើនគ្រឿង នាំយកទៅអធិការរដ្ឋាននគរបាលខណ្ឌសែនសុខ ដើម្បីបន្តទៅតាមនីតិវិធីច្បាប់៕អត្ថបទ៖ កុម្ភះ

អាជ្ញាធរខេត្ដសៀមរាប ប្រកាសបិទផ្សារលើធំថ្មីចំនួន២អាទិត្យទៀត ខណៈដែលខេត្ដនេះ កំពុងរីករាលដាលជំងឺកូវីដ១៩

សៀមរាប ៖ រដ្ឋបាលខេត្ដសៀមរាប បានប្រកាសបិទការលក់ដូរ នៅផ្សារលើធំថ្មី ជាបណ្ដោះអាសន្នចំនួន២សប្ដាហ៍បន្ថែមទៀត ដើម្បីទប់ស្កាត់ការឆ្លងជំងឺកូវីដ១៩ ទីតាំងផ្សេងទៀត ខណៈដែលខេត្ដនេះ បាននឹងកំពុងរីករាលជំងឺកូវីដ១៩ កើនឡើងគួរអោយព្រួយបារម្ភ។ផ្សារលើធំថ្មីមានទីតាំងស្ថិតនៅភូមិដកពោធិ សង្កាត់ស្លក្រាម ក្រុងសៀមរាប ។ ផ្សារនេះ ត្រូវបានរដ្ឋបាលខេត្ដសៀមរាប បានប្រកាសបិទការលក់ដូរ ចំនួន២អាទិត្យរួចហើយ កាលពីថ្ងៃទី២៤ ខែមិថុនា ឆ្នាំ២០២១កន្លងទៅនេះ បន្ទាប់ពីរកឃើញអ្នកមានវិជ្ជមានកូវីដ១៩ជាច្រើននាក់នៅក្នុងផ្សារនោះ ។យោងតាមសេចក្ដីសម្រេចរបស់រដ្ឋបាលខេត្ដសៀមរាប បានចេញផ្សាយនៅថ្ងៃទី០៦ខែកក្កដាឆ្នាំ២០២១នេះ បានបង្ហាះថា រដ្ឋបាលខេត្ដ បានបន្តបិទផ្សារលើធំថ្មីជាបណ្ដោះអាសន្នចំនួន២សប្ដាហ៍ទៀត ខណៈដែលជាផ្សារនេះ មានការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ ២០២១ ។ការបិទការលក់ដូរនេះ ដោយគិតចាប់ពីថ្ងៃទី០៧ ដល់ថ្ងៃទី២០ ខែកក្កដា ឆ្នាំ២០២១ ក្នុងគោលបំណងធានាដល់ប្រសិទ្ធភាពនៃការគ្រប់គ្រងការឆ្លងរាលដាលនៃជំងឺកូវីដ-១៩ នៅក្នុងភូមិសាស្ត្រ ទីតាំងដែលត្រូវបិទ និងទប់ស្កាត់ជំងឺនេះមិនឱ្យឆ្លងរាលដាលទៅតំបន់ផ្សេងទៀត រហូតមានការចេញ សេចក្តីសម្រេចជាថ្មី។ការបន្ដបិទផ្សារលើធំថ្មីបន្ថែមពីរសប្ដាហ៍ទៀតនេះ ត្រូវបានគេមើលឃើញថា ខេត្ដសៀមរាប បាននឹងកំពុងរីករាលដាលនូវជំងឺកូវីដ១៩ ជាបន្ដបន្ទាប់គួរអោយព្រួយបារម្ភ ជាក់ស្ដែងចាប់ពីថ្ងៃទី១ដល់ថ្ងៃទី០៥ ខែកក្កដានេះ ខេត្ដសៀមរាប ត្រូវបានរកឃើញអ្នកវិជ្ជមានកូវីដ១៩មានអត្រាខ្ពស់រហូតជាង១រយនាក់ក្នុងមួយថ្ងៃ។ ប៉ុន្ដែយ៉ាងនេះក្ដី អាជ្ញាធរខេត្ដសៀមរាប ក៏បានបញ្ចប់ការកំណត់ជា “តំបន់លឿង" នៅក្នុងភូមិសាស្ត្រភូមិអន្លង់ពីរ (ផែ្នកខាងជើងផ្លូវជាតិលេខ៦) ឃុំត្រពាំងធំ ស្រុកប្រាសាទបាគង ខេត្តសៀមរាបផងដែរ ។តំបន់លឿងនៅក្នុងឃុំត្រពាំងធំ ស្រុកប្រាសាទបាគងនោះ ត្រូវបានដាក់ចេញនូវវិធានការរដ្ឋបាល ក្នុងរយៈពេលកន្លងទៅ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។រដ្ឋបាលខេត្តសៀមរាប ប្រកាសដំណឹងដល់ប្រជាពលរដ្ឋ ដែលមានការពាក់ព័ន្ធដោយផ្ទាល់ ឬដោយប្រយោល ជាមួយអ្នកវិជ្ជមានកូវីដ១៩ ទោះនៅតំបន់ណា សូមផ្ដល់សំណាកធ្វើតេស្ដរកមេរោគកូវីដ១៩ និងរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួនឱ្យបានគ្រប់១៤ថ្ងៃ ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។ក្នុងករណីមិនអនុវត្តកាតព្វកិច្ចចត្តាឡីស័ក រដ្ឋបាលខេត្តនឹងចាត់វិធានការផ្លូវច្បាប់ចំពោះបុគ្គលទាំងឡាយណាដែលលើ្មស នឹងវិធានសុខាភិបាលនេះ។ ប្រសិនបើមានការប្រែប្រួលសុខភាព ប្រជាពលរដ្ឋផ្តល់ព័ត៌មានទៅកាន់លេខទូរស័ព្ទ ០១២ ៩៥៥ ៤៧៤ / ០៧៧ ៧៨៩ ០០៧ ដើម្បីក្រុមការងារចាត់វិធានការក្នុងការយកសំណាកធ្វើតេស្តស្រាវជ្រាវ។ជាមួយគ្នានោះដែរ មន្ទីរសុខាភិបាលខេត្ដសៀមរាប ក៏បានប្រកាសបង្ហាញទីតាំងច្បាស់លាស់នូវកន្លែងស្រាវជ្រាវធ្វើតេស្ដសំណាករកមេរោគជំងឺកូវីដ១៩ ចំពោះអ្នកដែលសង្ស័យថា បានប៉ះពាល់អ្នកវិជ្ជមាន ឬមានរោគសញ្ញាសង្ស័យកូវីដ១៩ផងដែរ។លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្ដសៀមរាប បានឲ្យដឹងថា ទីតាំងយកសំណាកនៅកន្លែងច្បាស់លាស់មានចំនួន០៨ទីតាំង នៅក្នុងខេត្ដសៀមរាប។ ទីតាំងទាំងនោះ រួមមាន ៖ មណ្ឌលសុខភាពកំពង់ក្ដី ស្រុកជីក្រែង វិទ្យាល័យដំដែក ស្រុកសូទ្រនិគម សាលាគរុកោសល្យ និងវិក្រិតិការខេត្ដសៀមរាប វិទ្យាល័យអង្គរ ក្រុងសៀមរាប អនុវិទ្យាល័យដូនទ្រ ស្រុកពួក សាលាបឋមសិក្សា ទៀ បាញ់ ដូនស្វា ស្រុកអង្គរជុំ វិទ្យាល័យស្រែណូយ ស្រុកវ៉ារិន និងមន្ទីរពេទ្យបង្អែកស្រុកក្រឡាញ់ ។បន្ថែមលើសពីនោះ លោកក៏បានណែនាំដល់ប្រជាពលរដ្ឋ ដែលបានប៉ះពល់និងសង្ស័យមានរោគសញ្ញាជំងឺកូវីដ១៩ ត្រូវទៅជួបប្រឹក្សាយោបល់ជាមួយគ្រូពេទ្យ និងយកសំណាកទៅទីតាំងដែលនៅជិតផ្ទះរបស់ពួកគាត់ ដើម្បីឲ្យក្រុមគ្រូពេទ្យពិនិត្យមើលពីសុខភាពរបស់ពួកគាត់ ៕អត្ថបទ ៖ សាវី

អាជ្ញាធរខណ្ឌដូនពេញចុះស្ទួចរថយន្តដែលតាំងលក់ល្មើសនិងវិធានការរដ្ឋបាលខណ្ឌ

ភ្នំពេញ ៖ នៅព្រឹកថ្ងៃទី០៦ ខែកក្កដា ឆ្នាំ២០២១ នេះ កម្លាំងគណៈបញ្ជាការឯកភាពខណ្ឌដូនពេញ បានចុះអនុវត្តវិធានការក្ដៅចំពោះម្ចាស់ទីតាំង លក់រថយន្តមួយចំនួនស្ថិតនៅតាមបណ្ដោយផ្លូវលេខ១០៦ សង្កាត់វត្តភ្នំ។បងប្អូនអាជីវករមួយចំនួនមិនគោរពតាមសេចក្ដីជូនដំណឹងរបស់រដ្ឋបាលខណ្ឌ ក៏ដូចរបស់រដ្ឋបាលរាជធានីភ្នំពេញ ដោយរឹងទទឹងតាំងលក់រថយន្តរំលោភលើចិញ្ជើមផ្លូវមិនរក្សាចិញ្ជើមទុកសម្រាបអ្នកថ្មើរជើង ឬជនពិការភាពនោះឡើយ ត្រូវបានកម្លាំងសណ្ដាប់ធ្លាប់ខណ្ឌធ្វើការស្ទួចរថយន្តមករក្សាទុកនៅសាលាខណ្ឌ តែម្ចាស់ទីតាំងមិនត្រឹមតែមិនអនុវត្តតាមវិធានការរដ្ឋបាលនោះទេ ថែមទាំងរឹងទទឹងជាមួយអាជ្ញាធរទៀតផងដែរ។គួរបញ្ជាក់ផងដែរ កាលពថ្ងៃទី០៨ ខែមិថុនា ឆ្នាំ២០២១ លោក សុខ ពេញវុធ អភិបាលខណ្ឌដូនពេញ បានចេញសេចក្ដីជូនដំណឹងមួយលេខ 588/21 សជណ ស្តីពីការបញ្ឈប់ការដាក់តាំងលក់រថយន្តនៅលើទ្រូងផ្លូវ និងចិញ្ចើមផ្លូវសាធារណៈក្នុងមូលដ្ឋានខណ្ឌដូនពេញ។យោងតាមសេចក្ដីជូនដំណឹង បានឲ្យដឹងថា រដ្ឋបាលខណ្ឌដូនពេញ កន្លងមកបានចុះអនុវត្តការរៀបចំសណ្តាប់ធ្នាប់ និងរបៀបរៀបរយនៅលើទ្រូងផ្លូវ និងចិញ្ចើមផ្លូវសាធារណៈបានស្អាតជាប្រចាំ។ ប៉ុន្តែនៅក្រោយពេលបញ្ចប់ការបិទខ្ទប់រាជធានីភ្នំពេញមក រដ្ឋបាលខណ្ឌ បានសង្កេតឃើញថា មានបងប្អូនប្រជាពលរដ្ឋមួយចំនួនតូច បានយករថយន្តមកដាក់តាំងលក់នៅលើទ្រូងផ្លូវ និងចិញ្ចើមផ្លូវសាធារណៈ ដែលធ្វើឱ្យបាត់បង់សោភ័ណភាព សណ្តាប់ធ្នាប់ របៀបរៀបរយសាធារណៈ និងបណ្តាលឱ្យមាន ការកកស្ទះចរាចរណ៍តាមដងផ្លូវផងដែរ៕អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

មេដឹកនាំអូស្រ្តាលី និងសិង្ហបុរី សន្យាជំរុញទំនាក់ទំនងថាមពល ដើម្បីធានាការផ្គត់ផ្គង់សកល

EU អំពាវនាវឲ្យបញ្ឈប់ការវាយប្រហារជាបន្ទាន់ នៅលីបង់ និងជំរុញឲ្យការការពារជនស៊ីវិល

វិមានក្រឹមឡាំង៖ ទស្សនកិច្ចដោយប្រេសិត នៅអាមេរិក មិនមានន័យថា ការចរចាអ៊ុយក្រែន ចាប់ផ្តើមវិញឡើយ

អ៊ីស្រាអែលគំរាមវាយប្រហាររថយន្តសង្គ្រោះបន្ទាន់ នៅលីបង់ ដោយចោទថា ត្រូវបានក្រុមហេសបូឡាប្រើប្រាស់

អនុប្រធានាធិបតីសហរដ្ឋអាមេរិកនិយាយថា លោករំពឹងថាជំនួបអ៊ីរ៉ង់នឹងវិជ្ជមាន

ហេតុការណ៍លិចទូកក្រោយបុកស្ពានបណ្តែតនៅភាគខាងជើងឥណ្ឌាសម្លាប់មនុស្សយ៉ាងហោច ១០នាក់

អ៊ីរ៉ង់ខាតបង់ ១៤៥ពាន់លានដុល្លារ និងរងការបំផ្លិចបំផ្លាញយ៉ាងធំធេង ក្រោយសង្គ្រាម ៤០ថ្ងៃ

សាធារណជនកោះតៃវ៉ាន់មានការបែងចែកចំពោះដំណើរទស្សនកិច្ចរបស់មេដឹកនាំប្រឆាំងទៅកាន់ចិនដីគោក

លោក Macron ចង់បញ្ចុះបញ្ចូលលោក Trump នៅ G7 ដោយការអញ្ជើញក្រោយកិច្ចប្រជុំកំពូលឲ្យទៅវិមាន Versailles

ការវាយប្រហារយានដ្រូនរុស្ស៊ីបណ្តាលឲ្យកើតមានអគ្គិភ័យនៅតំបន់ Odesa របស់អ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ស្រ្តីចំណាស់ម្នាក់ គោលបំណងលោតទឹកសម្លាប់ខ្លួន ត្រូវបានកូនប្រុសមកជួយទាន់ពេល

កម្ពុជាបន្ដរកឃើញមនុស្ស៩៣៣នាក់ឆ្លងកូវីដ-១៩ ខណៈមនុស្ស៧៤៣នាក់ត្រូវបានជាសះស្បើយ

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុងសម្រាកព្យាបាលនៅតាមផ្ទះ

កម្ពុជាបន្ដរកឃើញមនុស្ស៩៨៨នាក់ឆ្លងកូវីដ-១៩ ខណៈមនុស្ស៨៩៧នាក់ត្រូវបានជាសះស្បើយ

ការរុះរើ ផ្ទះបណ្ដែតទឹក បែចិញ្ចឹមត្រី និងសំណង់មិនរៀបរយលើផ្ទៃទន្លេ នៅភ្នំពេញសម្រេចបានប្រមាណ៩៥ភាគរយហើយ

កម្ពុជាបន្ដរកឃើញមនុស្ស៩៥៤នាក់ឆ្លងកូវីដ-១៩ ខណៈមនុស្ស១០៤៦នាក់ត្រូវបានជាសះស្បើយ

តេស្តរហ័សតាមច្រកព្រំដែនជាប់បាត់ដំបង រកឃើញអ្នកបើកបររថយន្ត៣១នាក់ វិជ្ជមានកូវីដ១៩

អាជ្ញាធរខេត្ដសៀមរាប ប្រកាសបិទផ្សារលើធំថ្មីចំនួន២អាទិត្យទៀត ខណៈដែលខេត្ដនេះ កំពុងរីករាលដាលជំងឺកូវីដ១៩

អាជ្ញាធរខណ្ឌដូនពេញចុះស្ទួចរថយន្តដែលតាំងលក់ល្មើសនិងវិធានការរដ្ឋបាលខណ្ឌ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ស្រ្តីចំណាស់ម្នាក់ គោលបំណង​លោត​ទឹកសម្លាប់ខ្លួន​ ត្រូវបានកូនប្រុសមកជួយទាន់ពេល

កម្ពុជា​បន្ដ​រក​ឃើញ​មនុស្ស​៩៣៣នាក់​​ឆ្លង​កូវីដ-១៩​ ខណៈ​​មនុស្ស៧៤៣នាក់​ត្រូវ​បានជា​សះស្បើយ

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុង​សម្រាកព្យាបាល​នៅ​តាមផ្ទះ

កម្ពុជា​បន្ដ​រក​ឃើញ​មនុស្ស​៩៨៨នាក់​​ឆ្លង​កូវីដ-១៩​ ខណៈ​​មនុស្ស៨៩៧នាក់​ត្រូវ​បានជា​សះស្បើយ

កម្ពុជា​បន្ដ​រក​ឃើញ​មនុស្ស​៩៥៤នាក់​​ឆ្លង​កូវីដ-១៩​ ខណៈ​​មនុស្ស១០៤៦នាក់​ត្រូវ​បានជា​សះស្បើយ

តេស្តរហ័សតាមច្រកព្រំដែនជាប់បាត់ដំបង រកឃើញ​អ្នក​បើកបរ​រថយន្ត៣១នាក់​ វិជ្ជមានកូវីដ១៩

អាជ្ញាធរខេត្ដសៀមរាប ប្រកាសបិទផ្សារលើធំថ្មីចំនួន២អាទិត្យទៀត ខណៈដែលខេត្ដនេះ កំពុងរីករាលដាលជំងឺកូវីដ១៩

អាជ្ញាធរខណ្ឌដូនពេញចុះស្ទួចរថយន្តដែលតាំងលក់ល្មើសនិងវិធានការរដ្ឋបាលខណ្ឌ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្រ្តីចំណាស់ម្នាក់ គោលបំណងលោតទឹកសម្លាប់ខ្លួន ត្រូវបានកូនប្រុសមកជួយទាន់ពេល

កម្ពុជាបន្ដរកឃើញមនុស្ស៩៣៣នាក់ឆ្លងកូវីដ-១៩ ខណៈមនុស្ស៧៤៣នាក់ត្រូវបានជាសះស្បើយ

គិតមកដល់ពេលនេះនៅភ្នំពេញមានអ្នកជំងឺកូវីដ-១៩ ជិតមួយពាន់នាក់កំពុងសម្រាកព្យាបាលនៅតាមផ្ទះ

កម្ពុជាបន្ដរកឃើញមនុស្ស៩៨៨នាក់ឆ្លងកូវីដ-១៩ ខណៈមនុស្ស៨៩៧នាក់ត្រូវបានជាសះស្បើយ

កម្ពុជាបន្ដរកឃើញមនុស្ស៩៥៤នាក់ឆ្លងកូវីដ-១៩ ខណៈមនុស្ស១០៤៦នាក់ត្រូវបានជាសះស្បើយ

តេស្តរហ័សតាមច្រកព្រំដែនជាប់បាត់ដំបង រកឃើញអ្នកបើកបររថយន្ត៣១នាក់ វិជ្ជមានកូវីដ១៩