BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

ខេត្តតាកែវ រកឃើញមនុស្ស៤៥នាក់ទៀតឆ្លងកូវីដ-១៩ ភាគច្រើនកម្មករកម្មការិនីរោងចក្រសាន់បូ

តាកែវ៖ សេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តតាកែវ បានឱ្យដឹងថា ប្រជាពលរដ្ឋ ៤៥នាក់ទៀត ត្រូវបានរកឃើញឆ្លងមេរោគកូវីដ-១៩ ក្នុងនោះ មានកម្មករកម្មការិនីរោងចក្រសាន់បូដល់ទៅ ៣៧នាក់។ការផ្ទុះឡើងនូវការឆ្លងរីករាលដាលនៃមេរោគកូវីដ-១៩ នៅក្នុងចំណោមកម្មករកម្មការិនីនៅរោងចក្រសាន់បូ បានកើតឡើងចាប់តាំងពីដើមខែឧសភានេះមក។រដ្ឋបាលខេត្តតាកែវ ក៏បានអំពាវនាវទៅដល់ប្រជាពលរដ្ឋដទៃទៀតដែលពាក់ព័ន្ធនឹងមនុស្សទាំង ៤៥នាក់នេះ ឱ្យទៅផ្ដល់សំណាកដើម្បីពិនិត្យរកមេរោគ និងដាក់ខ្លួនឯងនៅដាច់ដោយឡែក ដើម្បីតាមដានសុខភាពខ្លួនឯង៕

អគ្គិភ័យឆាបឆេះផ្ទះពលរដ្ឋយ៉ាងសន្ធោសន្ធៅក្នុងសង្កាត់បឹងទំពន់ទី២ ខណ្ឌមានជ័យ

ភ្នំពេញ ៖ អគ្គិភ័យ ឆាប់ឆេះផ្ទះប្រជាពលរដ្ឋ១កន្លែងទាំងកណ្ដាលថ្ងៃត្រង់ តែសំណាងល្អមិនរាលដាល ដល់ផ្ទះអ្នកជិតខាង ឬបង្កអោយមានមនុស្សរងរបួសឡើយ។ ហេតុការណ៍នេះ កើតឡើងកាលពីវេលាម៉ោង១២ និង២០នាទី ថ្ងៃត្រង់ទី១៩ ខែឧសភា ឆ្នាំ២០២១នេះ នៅចំណុច ផ្លូវលេខ៦៥BT ក្រុម ក្បាល៣ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ។នគរបាល បានឲ្យដឹងថា ម្ចាស់ផ្ទះមានឈ្មោះ ប៊ុត សុភាព ភេទស្រី អាយុ៤០ឆ្នាំ មានផ្ទះទំហំ៦គុណ៩ ម៉ែត្រប្រភេទ ស័ង្កសី ត្រូវបានអគ្គីភ័យឆាបឆេះអស់ទាំងស្រុង។យោងតាមស្ត្រីម្ចាស់ផ្ទះ បានឲ្យដឹងនៅមុនពេលកើតហេតុ គាត់បានសម្រាកនៅក្នុងផ្ទះកើតហេតុ ស្រាប់តែលឺសំឡេងផ្ទុះ ហើយបង្កជាអណ្ដាតភ្លើងតែម្ដង ភ្លាមៗនោះ បានរត់ចេញហៅអោយអ្នកជិតខាងជួយ និងរាយការណ៍ជូនសមត្ថកិច្ច ចេញជួយអន្តរាគមន៍ តែដោយកម្លាំងនៃការឆាប់ឆេះខ្លាំងល្បឿន ពេលរថយន្តពន្លត់អគ្គីភ័យមកដល់ភ្លើងបានឆេះអស់ទៅហើយ។សមត្ថកិច្ច បាន ឲ្យដឹងថា ក្នុងហេតុការណ៍នេះគឺរថយន្តពន្លត់អគ្គីភ័យបានចេញជួយអន្តរាមគន៍ចំនួន៩គ្រឿង ដោយប្រើប្រាស់បាញ់ពន្លត់ចំនួន៨គ្រឿង និងជៀសវាងរាលដាលដល់ផ្ទះប្រជាពលរដ្ឋជិតខាង បន្ថែមទៀត។ សមត្ថកិច្ច បានបន្តទៀតថា ផលលំបាកនៃការជួយមិនទាន់ពេលគឺផ្ទះប្រភេទឈើប្រក់ស័ង្កសី ឆាប់ឆេះលឿន និងផ្លូវច្រកចូលលំបាកផងដែរ៕អត្ថបទ ៖ កុម្ភះ

អាជ្ញាធរខេត្តបាត់ដំបង បិទផ្ទះពលរដ្ឋ១៧ខ្នង ក្រោយរកឃើញមនុស្ស៤នាក់ ដែលវិលត្រឡប់ពីភ្នំពេញ ឆ្លងកូវីដ-១៩

បាត់ដំបង៖ អាជ្ញាធរខេត្តបាត់ដំបង បានសម្រេចបិទខ្ទប់ផ្ទះសម្បែងពលរដ្ឋចំនួន ១៧ខ្នងនៅក្នុងភូមិមួយស្ថិតក្នុងស្រុកមោងឫស្សី ចាប់ពីថ្ងៃម្សិលមិញនេះ បន្ទាប់ពីរកឃើញមនុស្ស ៤នាក់បានឆ្លងមេរោគកូវីដ-១៩។ក្នុងសេចក្ដីសម្រេចកាលពីថ្ងៃម្សិលមិញនេះ អភិបាលខេត្តបាត់ដំបង លោក ងួន រតនៈ បានសម្រេចឱ្យបិទខ្ទប់ផ្ទះសម្បែងពលរដ្ឋ ១៧ខ្នងនៅក្នុងភូមិអំពិលឈូង ស្ថិតក្នុងឃុំឫស្សីក្រាំង ដើម្បីទប់ស្កាត់ការរាលដាលនៃមេរោគកូវីដ-១៩។បើតាមសេចក្ដីសម្រេចដដែលនេះ ពលរដ្ឋ ៤នាក់ ក្នុងនោះមានស្ត្រី ២នាក់ផងដែរ ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ បន្ទាប់ពីពួកគេវិលត្រឡប់ទៅពីរាជធានីភ្នំពេញ។អាជ្ញាធរខេត្តនេះ បានសម្រេចហាមឃាត់មិនឱ្យមានការចេញ-ចូលបរិវេណផ្ទះទាំង ១៧ខ្នងនោះទេ ហើយមន្ត្រីសុខាភិបាលរបស់ខេត្តកំពុងដំណើរការយកសំណាកលើពលរដ្ឋដទៃទៀតដែលបានប្រាស្រ័យទាក់ទងនឹងមនុស្សទាំង ៤នាក់ដែលបានឆ្លងកូវីដ-១៩។រដ្ឋបាលខេត្តបាត់ដំបង ក៏បានអំពាវនាវទៅដល់ពលរដ្ឋផ្សេងទៀតដែលបានពាក់ព័ន្ធនឹងមនុស្សទាំង ៤នាក់ខាងលើនេះ ឱ្យទៅផ្ដល់សំណាកដើម្បីពិនិត្យរកមេរោគកូវីដ-១៩ និងរក្សាខ្លួននៅដាច់ដោយឡែកដើម្បីតាមដានសុខភាពខ្លួនឯង៕

កម្ពុជាសម្រេចការចាក់វ៉ាក់សាំងជូនពលរដ្ឋបានជាង ២១ភាគរយហើយក្នុងរយៈពេល ៩៨ថ្ងៃកន្លងមកនេះ

ភ្នំពេញ៖ របាយការណ៍របស់គណៈកម្មការចំពោះកិច្ចការចាក់វ៉ាក់សាំង បានបង្ហាញថា យុទ្ធនាការចាក់វ៉ាក់សាំងទូទាំងប្រទេសរបស់រាជរដ្ឋាភិបាល សម្រេចបានជាង ២១ភាគរយហើយនៅក្នុងរយៈពេល ៩៨ថ្ងៃចុងក្រោយមកនេះ។ក្នុងរបាយការណ៍ចេញនៅល្ងាចថ្ងៃនេះ គណៈកម្មការចំពោះកិច្ចការចាក់វ៉ាក់សាំងកូវីដ-១៩ បានឱ្យដឹងបន្ថែមថា ប្រជាពលរដ្ឋដល់ទៅជាង ២លាន ១៣ម៉ឺននាក់ហើយ បានទទួលការចាក់វ៉ាក់សាំង ដែលស្មើនឹង ២១.៣៣ភាគរយនៃចំនួនប្រជាជនសរុបខ្ទង់ ១០លាននាក់ដែលរាជរដ្ឋាភិបាលកំណត់ចាក់វ៉ាក់សាំងនៅត្រឹមឆ្នាំនេះ។បើតាមរបាយការណ៍ដដែលនេះ ពលរដ្ឋដល់ទៅជាង ១លាន ២៨ម៉ឺននាក់ហើយ បានទទួលវ៉ាក់សាំងទាំងពីរដូសនៅក្នុងយុទ្ធនាការរយៈពេល ៩៨ថ្ងៃកន្លងមកនេះ។ក្នុងរយៈពេលជិត ១០០ថ្ងៃនេះ គណៈកម្មការចំពោះកិច្ចការចាក់វ៉ាក់សាំង បានបង្ហាញថា មានពលរដ្ឋដល់ទៅជាង ២លាន ២០ម៉ឺននាក់ បានស្ម័គ្រចិត្តចុះឈ្មោះដើម្បីទទួលបានការចាក់វ៉ាក់សាំង ប៉ុន្តែ ប្រជាជនជិត ៧ម៉ឺននាក់ មិនត្រូវបានអនុញ្ញាតឱ្យចាក់វ៉ាក់សាំងទេ ដោយសារបញ្ហាសុខភាព។រាជរដ្ឋាភិបាលកម្ពុជា បានចាប់ផ្ដើមយុទ្ធនការចាក់វ៉ាក់សាំងទូទាំងប្រទេសកាលពីថ្ងៃទី១០ ខែកុម្ភៈកន្លងមកនេះ ពោលតែ ៣ថ្ងៃប៉ុណ្ណោះក្រោយពីកម្ពុជាទទួលបានវ៉ាក់សាំងស៊ីណូហ្វាមលើកដំបូងដែលដឹកជញ្ជូនមកដល់កម្ពុជា៕

កម្លាំងសមត្ថកិច្ចជំនាញចុះស្រាវជ្រាវ ឃាត់ចាប់ខ្លួនជនសង្ស័យម្នាក់ពីបទរំលោភសម្លាប់

ឧត្តរមានជ័យ៖ កម្លាំងសមត្ថកិច្ចស្នងការនគរបាលខេត្តឧត្តរមានជ័យ សហការដឹកនាំកម្លាំងផែននគរបាលព្រហ្មទណ្ឌ និងកម្លាំងនៃអធិការដ្ឋាននគរបាលស្រុកចុងកាល់ ចុះចាប់ឃាត់ខ្លួនជនសង្ស័យ ០១នាក់ ពាក់ព័ន្ធករណីរំលោភសម្លាប់លើនារីម្នាក់ កាលពីរសៀលថ្ងៃទី១៧ ខែឧសភា ឆ្នាំ២០២១ វេលាម៉ោង ១៧:៤០ នាទី។ករណីមានប្រជាពលរដ្ឋរាយការណ៍ បានប្រទះឃើញសាកសពអណ្ដែតទឹកនៅចំណុចត្រពាំងតាឌួង ដែលមានចម្ងាយ ១៥០០ម៉ែត្រខាងលិចភូមិរលំវែង ឃុំក្រសាំង ស្រុកចុងកាល់ ខេត្តឧត្តរមានជ័យ។បន្ទាប់ពីទទួលបានព័ត៌មានភ្លាមៗនោះលោកឧត្តមសេនីយ៍ទោ ហួត សុធី ស្នងការនគរបាលខេត្ត បានដឹកនាំកម្លាំងជំនាញផែនព្រហ្មទណ្ឌ និងនៃអធិការដ្ឋាននគរបាលស្រុកចុងកាល់ ចុះស្រាវជ្រាវសាវតា របស់ជនរងគ្រោះមានឈ្មោះ ងួយ សុណី ភេទស្រី អាយុ ១៧ឆ្នាំ រស់នៅភូមិ-ឃុំខាងលើ មានមុខរបរជាកសិករ។ ករណីនេះដែរយោងតាមការបំភ្លឺពីឪពុកម្តាយ ជនរងគ្រោះកាលពីថ្ងៃទី១៥ ខែឧសភា ឆ្នាំ២០២១នៅវេលាម៉ោង ១២:០០ នាទី ក្មេងស្រីដែលជាជនរងគ្រោះ បានជិះកង់ទៅបេះព្រីងនៅចំណុចខាងលើ លុះដល់ពេលល្ងាចពុំឃើញកូនត្រឡប់មកផ្ទះវិញ ឪពុកម្តាយ បានរាយការណ៍ប្រាប់មេភូមិ និងអ្នកជិតខាងឲ្យជួយរក រហូតដល់ថ្ងៃទី១៧ ខែឧសភា ឆ្នាំ២០២១ វេលាម៉ោង ១៧:៤០នាទី ទើបប្រទះឃើញសាកសពជនរងគ្រោះដេកស្លាប់តែម្តងនៅនឹងកន្លែងកើតហេតុ។បន្ទាប់ពីមន្ត្រីជំនាញ បានធ្វើកោសល្យវិច័យ និងស្រាវជ្រាវស៊ើបអង្កេត យើងកំណត់បានមុខសញ្ញា និងឈានដល់ការឃាត់ខ្លួនជនសង្ស័យ ម្នាក់ឈ្មោះ អឿម សារី (ហៅស្រ៊ី) ភេទប្រុស អាយុ ២៣ឆ្នាំ រស់នៅភូមិជាមួយគ្នា ក្រោយធ្វើការសាកសួររួចជនសង្ស័យបានសារភាពថា ខ្លួនពិតជាបានធ្វើសកម្មភាពចាប់រំលោភ និងសម្លាប់នារីដែលជាជនរងគ្រោះពិតប្រាកដមែន រួចហើយយកសាកសពទៅបោះចោលក្នុងត្រពាំងដែលមានព្រៃស្តុក រីឯកង់របស់ជនរងគ្រោះបានយកទៅទម្លាក់ចូលក្នុងអូរមួយកន្លែងចម្ងាយពីកន្លែងកើតហេតុប្រហែល ២០០ម៉ែត្រ។ករណីនេះ បច្ចុប្បន្នជនសង្ស័យខាងលើ ត្រូវបានកម្លាំងជំនាញកំពុងសាកសួរ និងកសាងសំណុំរឿងបន្តបញ្ជូនទៅតុលាការ ដើម្បីអនុវត្តតាមនីតិវិធីច្បាប់ផងដែរ៕

រកឃើញអ្នកឆ្លងកូវីដ១៩ចំនួន២០នាក់ ក្នុងរោងចក្រមួយកន្លែង នៅស្រុកកំពង់ត្រឡាច

កំពង់ឆ្នាំង៖ យ៉ាងហោចណាស់មានអ្នកឆ្លងជំងឺកូវីដ១៩ចំនួន២០នាក់ទៀត នៅក្នុងរោងចក្រហឺរ៉ាយហ្សិនអៅដរ ស្ថិតក្នុងស្រុកកំពង់ត្រឡាច ខេត្តកំពង់ឆ្នាំង ត្រូវបានរកឃើញ។ នេះបើយោងតាមការបញ្ជាក់ឲ្យដឹងពីលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាល នាព្រឹកថ្ងៃទី១៨ ខែឧសភា ឆ្នាំ២០២១នេះ ។លោកវេជ្ជបណ្ឌិត ប្រាក់ វ៉ុន បានបន្តថា កម្មការិនីរោងចក្រហឺរ៉ាយហ្សិនអៅដរ ស្ថិតក្នុងភូមិផ្សារត្រាច ឃុំលង្វែក ស្រុកកំពង់ត្រឡាច ចំនួន១៤នាក់ រស់នៅក្នុងភូមិក្ងោកពង់ និងភូមិត្រពាំងព្រីង ឃុំស្វាយជុគ ស្រុកសាមគ្គីមានជ័យ និងជនបរទេសធ្វើការនៅក្នុងរោងចក្រនោះចំនួន៦នាក់ ផ្សេងទៀត បានរកឃើញផ្ទុកវិជ្ជមានកូវីដ១៩ ក្រោយពីក្រុមការងារបានដាក់ការសង្ស័យទៅលើអ្នកបើកបររថយន្តដឹកកម្មការិនីម្នាក់រួចមក។ លោកវេជ្ជបណ្ឌិត បានបន្តថា ប៉ុន្មានថ្ងៃមុន ក្រុមការងារឆ្លើយតបបន្ទាន់បានរកឃើញស្ត្រីជាម្តាយរបស់អ្នកបើកបរឡានដឹកកម្មការិនីរោងចក្រហឺរ៉ាយហ្សិនមានវិជ្ជមានកូវីដ១៩ ក៏ប៉ុន្តែស្ត្រីរូបនោះ មិនដែលទៅណានោះឡើយ។ ក្រោយការស្រាវជ្រាវ ក្រុមការងារបានដាក់ការសង្ស័យទៅលើកូនប្រុសរបស់គាត់ជាអ្នកចម្លង បន្ទាប់មកក៏បានយកសំណាកកម្មការិនីជិះក្នុងឡាននោះចំនួន៥០នាក់ ដើម្បីធ្វើតេស្ត ជាលទ្ធផលមានកម្មការិនីចំនួន១៤នាក់ រកឃើញវិជ្ជមានកូវីដ១៩ ក្នុងនោះ មាន៣នាក់ជាអ្នកជិះអែបតៃកុងឡានតែម្តង។ ចំណែកការធ្វើតេស្តសំណាកជនបរទេសដែលធ្វើការនៅក្នុងរោងចក្រនោះចំនួន៦នាក់ផ្សេងទៀត ក៏មានវិជ្ជមានកូវីដ១៩ដូចគ្នាផងដែរ។លោកវេជ្ជបណ្ឌិត បានបន្ថែមថា អ្នកវិជ្ជមានកូវី១៩ទាំង២០នាក់នោះ បានយកទៅដាក់អោយសំរាកព្យាបាលនៅមន្ទីរពេទ្យបង្អែកស្រុកកំពង់ត្រឡាច ហើយក្រុមការងារឆ្លើយតបបន្ទាន់កំពុងយកសំណាកធ្វើតេស្តរកអ្នកវិជ្ជមានកូវីដ១៩ក្នុងរោងចក្រនោះបន្តទៀត។អ្នកនាំពាក្យសាលាខេត្តកំពង់ឆ្នាំង បានឲ្យដឹងថា រដ្ឋបាលខេត្តកំពង់ឆ្នាំងវិញ បាន និងកំពុងបើកកិច្ចប្រជុំបន្ទាន់មួយ ពិភាក្សារកដំណោះស្រាយក្នុងការបិទខ្ទប់រោងចក្រហឺរ៉ាយហ្សិន និងស្វែងរកអ្នកពាក់ព័ន្ធ រួមនឹងអ្នកនាំជំងឺនេះ ចូលរោងចក្រ ដើម្បីទប់ស្កាត់អោយទាន់ពេលវេលា កុំអោយជំងឺនេះ រាលដាលបន្តទៀត។ដោយឡែកលោក វន ស៊ីថា អភិបាលស្រុកសាមគ្គីមានជ័យ បានឲ្យដឹងថា ក្រុមការងារថ្នាក់ស្រុកកំពុងចុះទៅភូមិក្ងោកពង់ និងភូមិត្រពាំងព្រីង ឃុំស្វាយជុគ ដើម្បីណែនាំប្រជាពលរដ្ឋបន្ថែម រួមនឹងបិទខ្ទប់ជាបណ្តោះអាសន្នសិន កុំអោយមានការឆ្លងរីករាលដាលក្នុងសហគមន៍៕ អត្ថបទ ៖ ហុង វាស្នា

កំពង់ចាម រកឃើញមនុស្ស៥នាក់ទៀតឆ្លងមេរោគកូវីដ-១៩ ក្នុងនោះមានកុមារម្នាក់អាយុ៩ឆ្នាំផងដែរ

កំពង់ចាម៖ រដ្ឋបាលខេត្តកំពង់ចាម បានប្រកាសនៅថ្ងៃនេះពីការរកឃើញមនុស្ស ៥នាក់ទៀតបានឆ្លងមេរោគកូវីដ-១៩នៅក្នុងស្រុកចំនួន ៤ផ្សេងគ្នា។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាមបញ្ជាក់ថា មនុស្ស ៥នាក់ទៀត ត្រូវបានរកឃើញឆ្លងមេរោគកូវីដ-១៩ ក្នុងនោះមានកុមារាម្នាក់អាយុ ៩ឆ្នាំផងដែរ។បើតាមសេចក្ដីប្រកាសព័ត៌មាន មនុស្សទាំង ៥នាក់ដែលទើបត្រូវបានរកឃើញឆ្លងមេរោគកូវីដ-១៩នោះ មាននៅស្រុកចំការលើ ១នាក់ ស្រុកបាធាយ ១នាក់ ក្រុងកំពង់ចាម ១នាក់ និងស្រុកកំពង់សៀម ២នាក់។រដ្ឋបាលខេត្តកំពង់ចាមបញ្ជាក់ផងដែរថា លទ្ធផលនេះ គឺជាការធ្វើតេស្តទៅលើមនុស្ស ១៦៩នាក់កាលពីថ្ងៃម្សិលមិញនេះ។បើតាមរដ្ឋបាលខេត្តកំពង់ចាម ពលរដ្ឋ ៥នាក់ដែលទើបត្រូវបានរកឃើញឆ្លងមេរោគកូវីដ-១៩ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាមហើយ។រដ្ឋបាលខេត្តនេះក៏បានអំពាវនាវដល់ពលរដ្ឋពាក់ព័ន្ធឱ្យចូលរួមផ្ដល់សំណាក និងដាក់ខ្លួនដាច់ដោយឡែក ដើម្បីតាមដានសុខភាពខ្លួនឯង៕

ខេត្តព្រៃវែង រកឃើញពលរដ្ឋ៦នាក់ទៀតឆ្លងមេរោគកូវីដ-១៩ សុទ្ធតែធ្វើដំណើរវិលត្រឡប់មកពីតំបន់ផ្សេងៗ

ព្រៃវែង៖ រដ្ឋបាលខេត្តព្រៃវែងប្រកាសថា មនុស្ស ៦នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ដែលភាគច្រើនជាអ្នកដំណើរវិលត្រឡប់ពីភ្នំពេញ និងប្រទេសថៃ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តព្រៃវែង បញ្ជាក់ថា ប្រជាពលរដ្ឋ ៣នាក់ដែលបានធ្វើដំណើរវិលត្រឡប់ពីរាជធានីភ្នំពេញ ត្រូវបានរកឃើញឆ្លងមេរោគកូវីដ-១៩ ហើយពលរដ្ឋ ២នាក់ទៀត ក៏ត្រូវបានរកឃើញឆ្លងមេរោគកូវីដ-១៩ផងដែរ ក្រោយពីពួកគេវិលត្រឡប់មកពីប្រទេសថៃ។បើតាមសេចក្ដីប្រកាសព័ត៌មាន ពលរដ្ឋទាំង ៥នាក់នេះ សុទ្ធតែរស់នៅក្នុងភូមិតាង៉កស្រែ ឃុំព្នៅ២ ស្រុកស៊ីធរកណ្ដាល។ចំណែកឯនារីម្នាក់ទៀតអាយុ ២៨ឆ្នាំ ដែលរស់នៅស្រុកពាមជរ ក៏ត្រូវបានរកឃើញឆ្លងមេរោគកូវីដ-១៩ផងដែរ ក្រោយពីវិលត្រឡប់មកពីខេត្ដត្បូងឃ្មុំ។រដ្ឋបាលខេត្តព្រៃវែង បញ្ចាក់ថា ខេត្តនេះរកឃើញមនុស្ស ១៨៨នាក់ បានឆ្លងមេរោគកូវីដ-១៩ ក្នុងនោះពលរដ្ឋ ៣នាក់បានស្លាប់បាត់បង់ជីវិតដោយសារជំងឺកូវីដ-១៩ ខណៈដែលអ្នកជំងឺកូវីដ-១៩ចំនួន ១០១នាក់ហើយ ត្រូវបានព្យាបាលជាសះស្បើយ ហើយពលរដ្ឋ ៨៤នាក់ទៀត កំពុងស្ថិតក្រោមការព្យាបាលបន្ត៕

កម្ពុជា រកឃើញមនុស្ស៣៤៥នាក់ទៀតឆ្លងកូវីដ-១៩ ខណៈអ្នកជាសះស្បើយមានតួលេខច្រើនជាង១ពាន់នាក់

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ២នាក់ទៀត បានស្លាប់ដោយសារជំងឺកូវីដ-១៩ ខណៈមនុស្ស ៣៤៥នាក់ទៀត ត្រូវបានរកឃើញឆ្លងមេរោគផ្លូវដង្ហើមមួយនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា តួលេខអ្នកស្លាប់ដោយសារជំងឺកូវីដ-១៩សរុប កើនដល់ ១៥៦នាក់ហើយនៅក្នុងរយៈ ៦៨ថ្ងៃកន្លងមកនេះ ក្នុងនោះមានទាំងករណីស្លាប់ថ្មី ២នាក់ទៀត ដែលក្រសួងប្រកាសនៅថ្ងៃនេះផងដែរ។ក្រសួងសុខាភិបាលឱ្យដឹងទៀតថា មនុស្ស ៣៤៥នាក់ផ្សេងទៀត ត្រូវបានរកឃើញឆ្លងមេរោគកូវីដ-១៩ ដែលនាំឱ្យតួលេខអ្នកឆ្លងសរុបនៅទូទាំងប្រទេសកើនឡើងដល់ ២២ ៨៨៩នាក់ហើយគិតត្រឹមថ្ងៃនេះ។បើតាមក្រសួងសុខាភិបាល ករណីឆ្លងថ្មីចំនួន ៣៤៤នាក់ បានឆ្លងមេរោគកូវីដ-១៩នេះ បន្ទាប់ពីពួកគេពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ ១ករណីទៀត គឺជាករណីនាំចូល។ក្រសួងសុខាភិបាលបានឱ្យដឹងផងដែរថា អ្នកជំងឺកូវីដ-១៩សរុប ១៤ ៣៤៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ១ ៣៣៧នាក់ ដែលក្រសួងប្រកាសនៅថ្ងៃនេះផងដែរ៕

រឿងក្មេងពាល ជិះឡានមកកាប់គេផ្អើលពេញភូមិ គំរាមបាញ់ មិនមានចំណាត់ការពីអធិការស្រុកព្រៃកប្បាស

តាកែវ ៖ កាមេរ៉ាវីដេអូមួយ ដែលបង្ហាញពីក្មេងពាលបួនប្រាំនាក់ជិះឡានមកកាប់យុវជនម្នាក់នៅក្នុងឃុំកំពែង ស្រុកព្រៃកប្បាស ខេត្តតាកែវ ដែលកំពុងតែបង្កការភ្ញាក់ផ្អើល និងចែកចាយតៗគ្នា នៅតាមបណ្ដាញសង្គម បែជាសមត្ថកិច្ចស្រុកព្រៃកប្បាស ដែលមានលោកអធិការវ័យក្មេង ឡេង ប៊ុនឡុង មិនទាន់មានចំណាត់ការ នៅឡើយ ធ្វើឲ្យមតិមួយចំនួននិយាយថា សមត្ថកិច្ច កំពុងតែលាក់បាំងបទល្មើសមិនអោយថ្នាក់លើបានដឹង។យោងតាមប្រភពពីក្រុមគ្រួសារជនរងគ្រោះ បន្ទាប់ពីជនល្មើសចុះមកកាប់ និងវ៉ៃជនរងគ្រោះហើយ ក្រុមគ្រួសារជនរងគ្រោះបាននាំគ្នាទៅដាក់ពាក្យបណ្ដឹងទៅសមត្ថកិច្ចប៉ុស្តិ៍កំពែង ស្រុកព្រៃកប្បាស ក៏ប៉ុន្តែរហូតមកដល់ពេលនេះ សមត្ថកិច្ចស្រុកព្រៃកប្បាស មិនមានចំណាត់ការអ្វីនោះទេ បើទោះបីជាជនរងគ្រោះ មានវីដេអូ បង្ហាញពីជនដៃដល់ នឹងបានស្គាល់ជនដៃដល់ប្រាប់សមត្ថកិច្ចយ៉ាងណាក៏ដោយ។ពាក់ព័ន្ធ នឹងបញ្ហានេះ លោក ឡេង ប៊ុនឡុង អធិការស្រុកព្រៃកប្បាស មិនបានឆ្លើយតបនឹងការសាកសួររបស់ទូរតស្សន៍ BTV ទេនៅថ្ងៃនេះ។គួបញ្ជាក់ថា កាលពីវេលាម៉ោង៤ រសៀលថ្ងៃទី១៦ ខែឧសភាឆ្នាំ២០២១កន្លងទៅនេះ មានក្រុមក្មេងស្ទាវមួយក្រុមដែលគេដឹងថា មានទីលំនៅក្នុងឃុំពន្លៃស្រុកអង្គបូរី ខេត្តតាកែវ បាននាំគ្នាជិះរថយន្តមួយគ្រឿង មានគ្នា៤ទៅ៥នាក់ ដោយកាន់ដាវ បានជិះមកផ្ទះជនរងគ្រោះនៅក្នុងភូមិកំពែងខាងត្បូង ឃុំកំពែង ស្រុកព្រៃកប្បាស ហើយបានធ្វើសកម្មភាពចាប់ជនរងគ្រោះវ៉ៃ និងកាប់ នឹងដាវ និងគំរាមយកកាំភ្លើងមកបាញ់ជនរងគ្រោះផងដែរ បើទោះបីជាជនរងគ្រោះនិងក្រុមគ្រួសារអង្វយ៉ាងណាក៏ជនដៃដល់មិនបញ្ឈប់សកម្មភាព របស់ខ្លួននោះទេ ។ ក្រោយធ្វើសកម្មភាពហើយជនដៃដល់បានជិះរថយន្តចេញយ៉ាងរំភើយមិនរំខានសមត្ថកិច្ចស្រុកព្រៃកប្បាសនោះទេ៕អត្ថបទ ៖ វិភាគhttps://web.facebook.com/BTVCambodia/videos/581935902744463

បណ្ដាញសង្គម

ព័ត៌មានថ្មីៗ

ព្យុះខ្សាច់បានវាយប្រហារតំបន់ស៊ីនជាំងរបស់ប្រទេសចិន

ប្រធានាធិបតីបារាំង ស្វាគមន៍ការបើកច្រកសមុទ្រ Hormuz ឡើងវិញនៅក្នុងកិច្ចប្រជុំពហុភាគី

អូស្ត្រាលី និងជប៉ុនចុះហត្ថលេខាលើកិច្ចសន្យាដើម្បីចាប់ផ្តើមកិច្ចព្រមព្រៀងនាវាចម្បាំងតម្លៃ៧ពាន់លានដុល្លារ

អ៊ុយក្រែនត្រៀមខ្លួនរួចជាស្រេចសម្រាប់កិច្ចប្រជុំថ្នាក់ដឹកនាំជាមួយរុស្ស៊ីក្រោមការសម្របសម្រួល

តម្លៃប្រេងឆៅធ្លាក់ចុះជាង ១០ ភាគរយ ខណៈច្រកសមុទ្រហ័រមូសបើកដំណើរការឡើងវិញ

ពលរដ្ឋលីបង់ភៀសខ្លួនពីសង្គ្រាមសម្រុកវិលត្រឡប់ទៅភាគខាងត្បូងវិញនៅថ្ងៃទីពីរនៃបទឈប់បាញ់ជាមួយអ៊ីស្រាអែល

អ្នកស្រុក Manipur របស់ឥណ្ឌាប្រមូលផ្ដុំដោយកាន់គប់ភ្លើង ជុំវិញការផ្ទុះដ៏សាហាវដែលបានសម្លាប់កុមារពីរនាក់

ពិធីអបអរសាទរបុណ្យចូលឆ្នាំថ្មីប្រពៃណីខ្មែរ រៀបចំដោយសមាគមនិស្សិតខ្មែរនៅប្រទេសជប៉ុន

អាមេរិកបន្តលើកលែងទណ្ឌកម្មប្រេងរុស្ស៊ី ក្រោយមានសម្ពាធពីប្រទេសដែលកំពុងដោះស្រាយវិបត្តិតម្លៃប្រេងក្នុងពេលមានសង្គ្រាមអ៊ីរ៉ង់

អ៊ីរ៉ង់គំរាមបិទច្រកសមុទ្រហ័រមូស (Hormuz) ប្រសិនបើអាមេរិកនៅតែបន្តបិទកំពង់ផែរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខេត្តតាកែវ រកឃើញមនុស្ស៤៥នាក់ទៀតឆ្លងកូវីដ-១៩ ភាគច្រើនកម្មករកម្មការិនីរោងចក្រសាន់បូ

អគ្គិភ័យឆាបឆេះផ្ទះពលរដ្ឋយ៉ាងសន្ធោសន្ធៅក្នុងសង្កាត់បឹងទំពន់ទី២ ខណ្ឌមានជ័យ

អាជ្ញាធរខេត្តបាត់ដំបង បិទផ្ទះពលរដ្ឋ១៧ខ្នង ក្រោយរកឃើញមនុស្ស៤នាក់ ដែលវិលត្រឡប់ពីភ្នំពេញ ឆ្លងកូវីដ-១៩

កម្ពុជាសម្រេចការចាក់វ៉ាក់សាំងជូនពលរដ្ឋបានជាង ២១ភាគរយហើយក្នុងរយៈពេល ៩៨ថ្ងៃកន្លងមកនេះ

កម្លាំងសមត្ថកិច្ចជំនាញចុះស្រាវជ្រាវ ឃាត់ចាប់ខ្លួនជនសង្ស័យម្នាក់ពីបទរំលោភសម្លាប់

រកឃើញអ្នកឆ្លងកូវីដ១៩ចំនួន២០នាក់ ក្នុងរោងចក្រមួយកន្លែង នៅស្រុកកំពង់ត្រឡាច

កំពង់ចាម រកឃើញមនុស្ស៥នាក់ទៀតឆ្លងមេរោគកូវីដ-១៩ ក្នុងនោះមានកុមារម្នាក់អាយុ៩ឆ្នាំផងដែរ

ខេត្តព្រៃវែង រកឃើញពលរដ្ឋ៦នាក់ទៀតឆ្លងមេរោគកូវីដ-១៩ សុទ្ធតែធ្វើដំណើរវិលត្រឡប់មកពីតំបន់ផ្សេងៗ

កម្ពុជា រកឃើញមនុស្ស៣៤៥នាក់ទៀតឆ្លងកូវីដ-១៩ ខណៈអ្នកជាសះស្បើយមានតួលេខច្រើនជាង១ពាន់នាក់

រឿងក្មេងពាល ជិះឡានមកកាប់គេផ្អើលពេញភូមិ គំរាមបាញ់ មិនមានចំណាត់ការពីអធិការស្រុកព្រៃកប្បាស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្ត​តាកែវ ​រក​ឃើញ​មនុស្ស​៤៥​នាក់​ទៀត​ឆ្លង​កូវីដ-១៩​ ភាគ​ច្រើន​កម្មករ​កម្មការិនី​រោងចក្រ​សាន់បូ

អគ្គិភ័យ​ឆាបឆេះ​ផ្ទះ​ពលរដ្ឋ​យ៉ាង​សន្ធោសន្ធៅ​ក្នុង​សង្កាត់​បឹងទំពន់​ទី​២ ​ខណ្ឌមានជ័យ

កម្លាំង​សមត្ថកិច្ច​ជំនាញ​ចុះ​ស្រាវជ្រាវ​ ឃាត់​ចាប់ខ្លួន​ជនសង្ស័យ​ម្នាក់​ពី​បទ​រំលោភ​សម្លាប់​

រក​ឃើញ​អ្នក​ឆ្លង​កូ​វីដ​១៩​ចំនួន​២០​នាក់​ ក្នុង​រោងចក្រ​មួយ​កន្លែង ​នៅ​ស្រុក​កំពង់ត្រឡាច

កំពង់ចាម ​រក​ឃើញ​មនុស្ស​៥​នាក់​ទៀត​ឆ្លង​មេរោគ​កូវីដ-១៩ ក្នុង​នោះ​មាន​កុមារ​ម្នាក់​អាយុ​៩​ឆ្នាំ​ផង​ដែរ

កម្ពុជា ​រក​ឃើញ​មនុស្ស៣៤៥​នាក់​ទៀត​ឆ្លង​កូវីដ-១៩ ខណៈអ្នកជាសះស្បើយមានតួលេខច្រើនជាង១ពាន់នាក់

រឿង​ក្មេងពាល​ ជិះឡាន​មកកាប់គេផ្អើលពេញភូមិ ​គំរាមបាញ់​ មិន​មាន​ចំណាត់ការពីអធិការ​ស្រុក​ព្រៃកប្បាស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខេត្តតាកែវ រកឃើញមនុស្ស៤៥នាក់ទៀតឆ្លងកូវីដ-១៩ ភាគច្រើនកម្មករកម្មការិនីរោងចក្រសាន់បូ

អគ្គិភ័យឆាបឆេះផ្ទះពលរដ្ឋយ៉ាងសន្ធោសន្ធៅក្នុងសង្កាត់បឹងទំពន់ទី២ ខណ្ឌមានជ័យ

កម្លាំងសមត្ថកិច្ចជំនាញចុះស្រាវជ្រាវ ឃាត់ចាប់ខ្លួនជនសង្ស័យម្នាក់ពីបទរំលោភសម្លាប់

រកឃើញអ្នកឆ្លងកូវីដ១៩ចំនួន២០នាក់ ក្នុងរោងចក្រមួយកន្លែង នៅស្រុកកំពង់ត្រឡាច

កំពង់ចាម រកឃើញមនុស្ស៥នាក់ទៀតឆ្លងមេរោគកូវីដ-១៩ ក្នុងនោះមានកុមារម្នាក់អាយុ៩ឆ្នាំផងដែរ

កម្ពុជា រកឃើញមនុស្ស៣៤៥នាក់ទៀតឆ្លងកូវីដ-១៩ ខណៈអ្នកជាសះស្បើយមានតួលេខច្រើនជាង១ពាន់នាក់

រឿងក្មេងពាល ជិះឡានមកកាប់គេផ្អើលពេញភូមិ គំរាមបាញ់ មិនមានចំណាត់ការពីអធិការស្រុកព្រៃកប្បាស