BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

ខេត្តតាកែវ រកឃើញកម្មករចំនួន៤៨នាក់ ទៀតបានឆ្លងជំងឺកូវីដ១៩នៅថ្ងៃនេះ

តាកែវ ៖ នៅថ្ងៃនេះ ខេត្តតាកែវ រកឃើញមនុស្សចំនួន៤៨នាក់ ទៀតបានឆ្លងជំងឺកូវីដ-១៩ ភាគច្រើនជាកម្មករ-កម្មការិនីរោងចក្រ រួមទាំងជនបរទេសមួយចំនួន ដែលបំរើការនៅក្នុងខាងរោងចក្រទាំងអស់នេះផង។ប្រធានមន្ទីរសុខាភិបាលខេត្តតាកែវ លោកវេជ្ជបណ្ឌិត នុត ស៊ីណាត បានថ្លែងថា ក្នុងចំណោមមន្ត្រីរាជការ ប្រជាពលរដ្ឋ បងប្អូនអាជីវករ សិស្សសាលា កម្មករកាត់ដេរ ដែលមន្ត្រីជំនាញសុខាភិបាលយកសំណាកទៅធ្វើតេស្តរកមេរោគកូវីដ១៩ យើងបានរកឃើញអ្នកឆ្លងជំងឺកូវីដ១៩ភាគច្រើនជាកម្មករកាត់ដេរ ដោយគ្រាន់តែនៅថ្ងៃអង្គារ៍នេះ យើងបានរកឃើញកម្មករចំនួន៤៨នាក់បានឆ្លងជំងឺកូវីដ១៩។លោកប្រធានមន្ទីរសុខាភិបាលខេត្តតាកែវ បានថ្លែងបន្តថា ការរកឃើញចំនួនកម្មករឆ្លងជំងឺកូវីដ១៩ពីមួយថ្ងៃទៅមួយថ្ងៃកាន់តែកើនឡើង បែបនេះ គឺបន្ទាប់ពីមន្ត្រីជំនាញបានរកឃើញជនបរទេសពីរនាក់ដែលបំរើការនៅរោងចក្រដេរកាបូបមួយនៅក្នុងស្រុកបាទី បានឆ្លងជំងឺកូវីដ១៩ ដែលនាំអោយមានការឆ្លងរីករាលដាលជាបន្តបន្ទាប់បើទោះបីជាអាជ្ញាធរ បានធ្វើការផ្អាករោងចក្រចំនួន៤ជាបណ្ដោះអាសន្នយ៉ាងណាក៏ដោយ។បើតាមលោកវេជ្ជបណ្ឌិត នុត ស៊ីណាត បច្ចុប្បន្ននេះ កម្មករមួយចំនួនត្រូវបានដាក់អោយធ្វើចត្តាឡីស័ក នៅក្នុងក្រុងដូនកែវ ដើម្បីយកសំណាកទៅពិនិត្យរកមេរោគកូវីដបន្តទៀត ហើយអ្នកពាក់ព័ន្ធក៏ត្រូវដាក់អោយធ្វើចត្តាឡីស័ក នៅតាមផ្ទះ និងនៅតាមឃុំ ស្រុកដែលអាជ្ញាធររៀបចំ ដើម្បីធ្វើយ៉ាងណាកុំឲ្យមានការរីករាលដាលជំងឺកូវីដ១៩កាន់តែខ្លាំងក្លាថែមទៀត។លោក ម៉ឹង វីរីយ៉ា ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តតាកែវ បានថ្លែងបន្តថា បើទោះបីជាកម្មករកាន់តែច្រើនឡើងបានឆ្លងជំងឺកូវីដ១៩ យ៉ាងណាក៏ដោយ ក៏មន្ទីរជំនាញមិនមានគោលការណ៍បិទរោងចក្រណាមួយបន្តទៀតនោះទេ ហើយការចាក់ថ្នាំការពារជំងឺកូវីដ១៩ដល់បងប្អូនកម្មករនៅក្នុងខេត្តតាកែវ ក៏មិនទាន់ដឹងនៅឡើយដែរ ដោយពេលនេះ ក្រសួងការងារកំពុងតែផ្ដោតការចាក់ថ្នាំបង្ការជំងឺកូវីដ១៩ ទៅលើកម្មករនៅរាជធានីភ្នំពេញ និងខេត្តកណ្ដាល តែទោះជាយ៉ាងណាខេត្តតាកែវ និងខេត្តកំពង់ស្ពឺ ជាខេត្តអាទិភាពបន្ទាប់ពីភ្នំពេញ និងខេត្តកណ្ដាល៕ដោយ ៖ គុជ វិភាគ

អាល់កុលក្លែងក្លាយ ២៧តោន ត្រូវបានរកឃើញនិងរឹបអូសយកទៅកម្ទេចចោល

ភ្នំពេញ៖ គិតត្រឹមរយៈពេល ០៥ខែ ឆ្នាំ២០២១នេះ ក្រសួងពាណិជ្ជកម្ម បានរកឃើញការដាក់លក់ និងស្តុកទុកសារធាតុមេតាណុល (អាល់កុលក្លែងក្លាយ) ដែលជាសារធាតុពុល និងមិនមានសមត្ថភាពអាចសម្លាប់មេរោគបន្លំជាអាល់កុល នៅទូទាំងប្រទេសសរុបចំនួន ២៧តោន ២៣០គីឡូក្រាម។ឯកឧត្ដម ផាន អូន អគ្គនាយកនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) នៃក្រសួងពាណិជ្ជកម្ម បានមានប្រសាសន៍ប្រាប់ទូរទស្សន៍ព័តមាន ប៊ីធីវី នៅរសៀលថ្ងៃទី១៧ ខែឧសភានេះថា រហូតមកដល់ពេលនេះ បើទោះបីជាមានការត្រួតពិនិត្យ និងបង្ក្រាបជាហូរហែពីសំណាក់មន្ត្រីមានសមត្ថកិច្ចយ៉ាងណាក្តី តែនៅតែមានសារធាតុមេតាណុលដាក់លក់នៅតាមបណ្តាទីផ្សារ ព្រោះសារធាតុមេតាណុលមានតម្លៃទាបជាងតម្លៃអាល់កុលឬអេតាណុល ដែលធ្វើឱ្យជនខិលខូចមួយចំនួនតូច ព្រោះតែផលប្រយោជន៍ប្រាក់ចំណេញនៅតែប្រព្រឹត្តអំពើមិនសុចរិត ដោយមិនខ្លាចរអារច្បាប់ឡើយ។ ម្យ៉ាងទៀត ការយល់ដឹងរបស់ប្រជាពលរដ្ឋ និងអាជីវករមួយចំនួននៅមិនទាន់មានការយល់ដឹងទូលាយពីមេតាណុល និងអាល់កុល។ឯកឧត្តម បានបន្តថា សម្រាប់ការងារត្រួតពិនិត្យគុណភាពអាល់កុលនេះ អគ្គនាយកដ្ឋានក.ប.ប នឹងបន្តត្រួតពិនិត្យជាប្រចាំ ទោះបីដំណាក់កាលកូវីដត្រូវបានបញ្ចប់ក្តី ពីព្រោះគោលដៅរបស់ជនខិលខូចមួយចំនួន មិនត្រឹមប្រើប្រាស់សារធាតុមេតាណុល សម្រាប់ដាក់លក់បន្លំជាអាល់កុលសម្លាប់មេរោគប៉ុណ្ណោះទេ ក៏នៅតែមានការបន្លំយកទៅប្រើប្រាស់សម្រាប់ផលិតគ្រឿងស្រវឹង (ស្រាស ឬស្រាថ្នាំ) យកទៅលក់ជូនប្រជាពលរដ្ឋ ដែលបណ្តាឱ្យប្រជាពលរដ្ឋពុលស្លាប់ជារៀងរាល់ឆ្នាំផងដែរ។ឯកឧត្ដមអគ្គនាយក បានអំពាវនាវដល់អាជីវករលក់ដុំ លក់រាយ ម្ចាស់ឱសថស្ថាន ម្ចាស់ផ្សារទំនើប និងអ្នកនាំចូលផលិតផលអាល់កុលទាំងអស់ សូមកុំយកសារធាតុមេតាណុល បន្លំជាអាល់កុលលក់ជូនប្រជាពលរដ្ឋ ព្រោះសកម្មភាពនេះ មិនត្រឹមតែមិនអាចទប់ស្កាត់ការចម្លងមេរោគ ឬបង្កផលប៉ះពាល់ដល់សុខភាពអ្នកប្រើប៉ុណ្ណោះទេ ថែមទាំងនាំដល់ការប្រឈមចំពោះច្បាប់ដល់ខ្លួនថែមទៀតផង។សូមបញ្ជាក់ថា កាលពីឆ្នាំ២០២០កន្លងទៅ ដើម្បីចូលរួមជាមួយរាជរដ្ឋាភិបាលក្នុងការទប់ស្កាត់ និងកាត់ផ្តាច់ចរន្តរីករាលដាលនៃជំងឺកូវីត១៩ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) បានចុះត្រួតពិនិត្យគុណភាពអាល់កុលនៅតាមបណ្តាឃ្លាំងស្តុក ឱសថស្ថាន ផ្សាររដ្ឋ ផ្សារទំនើប និងផ្ទះលក់ទំនិញ ដោយបានរកឃើញការដាក់លក់ និងស្តុកទុកសារធាតុមេតាណុល ដែលជាសារធាតុពុល និងមិនមានសមត្ថភាពអាចសម្លាប់មេរោគ បន្លំជាអាល់កុល នៅទូទាំងប្រទេសសរុបចំនួន ៩៤តោន ៦៧០គីឡូក្រាម៕ អត្ថបទ៖ ឈិត បូរ៉ាវី

ដោះលែងកូនបង្កើត និងកូនប្រសារឧកញ៉ា ហេង សៀ ក្រោយការស៊ើបអង្កេតបានលទ្ធផលបឋម

ភ្នំពេញ៖ តុលាការសម្រេចដោះលែងកូនបង្កើត និងកូនប្រសារឧកញ៉ា ហេង សៀ ក្រោយធ្វើការស៊ើបអង្កេតស្រាវជ្រាវរយៈពេលពីរថ្ងៃ ទាក់ទិននិងការចែកចាយវីដេអូអាសអាភាស ដែលធ្វើឲ្យមានការភាន់ច្រឡំថាជារូបភាពរបស់កញ្ញា មាន ពេជ្ររីតា។នៅថ្ងៃទី១៧ ខែឧសភា ឆ្នាំ២០២១ អ្នកនាំពាក្យអយ្យការអមសាលាដំបូងរាជធានីភ្នំពេញ បានចេញសេចក្ដីថ្លែងការណ៍អំពីលទ្ធផលបឋម និងបានសម្រេចដោះលែងឈ្មោះ ឃន ឈុនតារា និងឈ្មោះ តាំង គឹមហៀង ដោយសម្រេចបន្តការស៊ើបអង្កេតស្រាវជ្រាវរកប្រភព នៃការផលិតរូបភាពអាសអាភាសដែលត្រូវបានចែកចាយតាមបណ្ដាញសង្គម។ក្នុងសំណុំរឿងនៃការចែកចាយវីដេអូអាសអាភាសនោះ នៅក្នុងសេចក្ដីថ្លែងការណ៍អយ្យការអមសាលាដំបូងរាជធានីភ្នំពេញបានឲ្យដឹងថា ឈ្មោះ ឃន ឈុនតារា និងឈ្មោះ តាំង គឹមហៀង ពិតជាបានជ្រើសរើសមនុស្សពីរនាក់ គឺស្ត្រីម្នាក់ និងបុរសម្នាក់ ដែលមានលក្ខណៈភិនភាគប្រហាក់ប្រហែល កញ្ញា មាន ពេជ្ររីតា និងឈ្មោះ ហេង សៀ ដើម្បីថតសម្ដែងត្រាប់អង្គហេតុនៃជម្លោះដែលកើតមានឡើងរវាងកញ្ញា មាន ពេជ្ររីតា និងឈ្មោះ ហេងសៀ ក្នុងរថយន្តកើតហេតុពិតប្រាកដមែន ព្រមទាំងមានវីដេអូឃ្លីប នៃការធ្វើត្រាប់អង្គហេតុក្នុងរថយន្តនេះជាភស្តុតាងសំអាង ប៉ុន្តែ ពុំមានភស្តុតាងណាមួយអំពីការផលិតជាវីដេអូឃ្លីបអាសអាភាស ឬរូបភាពអាសអាភាសដែលត្រូវបានចែកចាយក្នុងបណ្ដាញសង្គមឡើយ។ឈ្មោះ ឃន ឈុនតារា អាយុ៣២ឆ្នាំ បានឆ្លើយបញ្ជាក់ជូនសមត្ថកិច្ចថា ខ្លួនគាត់ក៏បានទទួលរូបភាពអាសអាភាសដែលមានប្រភពមិនច្បាស់លាស់តាមបណ្ដាញសង្គម និងបានចែកចាយរូបភាពទាំងនេះតាមប្រព័ន្ធ WhatsApp និងTelegram ឱ្យមនុស្សចំនួន ០៧នាក់ ហើយករណីនេះ ឈ្មោះ ឃន ឈុនតារា បានធ្វើលិខិតសុំអភ័យទោស និងសន្យាថា មិនឲ្យករណីនេះ កើតមានជាថ្មីទៀតឡើយ។នៅក្នុងសំណុំរឿងវីដេអូដែលត្រូវបានចែកចាយតាមបណ្ដាញសង្គមនេះដែរ អមសាលាដំបូងរាជធានីភ្នំពេញនៅតែបន្តពិនិត្យយ៉ាងម៉ត់ចត់នូវលទ្ធផលនៃការស៊ើបអង្កេតស្រាវជ្រាវប្រភពនៃការផលិតរូបភាពអាសអាភាសដែលត្រូវបានចែកចាយលើបណ្ដាញសង្គមនេះ៕ អត្ថបទ៖ ប្រាក់ វ៉ាន់ដា

សមត្ថកិច្ចខេត្តត្បូងឃ្មុំ បង្ក្រាបការនាំចូលជ្រូកពីប្រទេសវៀតណាម តាមច្រកព្រំដែនខេត្តត្បូងឃ្មុំ

ត្បូងឃ្មុំ ៖ សមត្ថកិច្ចខេត្តត្បូងឃ្មុំ បង្ក្រាបការនាំកូនជ្រូកពីប្រទេសវៀតណាម ឆ្លងកាត់តាមច្រកព្រំដែនខេត្តត្បូងឃ្មុំ បើទោះបីការហាមឃាត់យ៉ាងណាក៏ដោយ ក្នុងបរិបទកូវីដ១៩។ កាលពីថ្ងៃទី១៦ ខែឧសភា ឆ្នាំ២០២១ ក្រោមការបញ្ជាដោយផ្ទាល់ពី ឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វ ឲ្យក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយមន្ត្រីគយ នៃការិយាល័យស្រាវជ្រាវ និងបង្ក្រាបអំពើរត់ពន្ធតំបន់០៦ ខេត្តត្បូងឃ្មុំ បានចុះស្ទាក់ចាប់រថយន្ត០១គ្រឿង នៅចំណុចភូមិថ្លុកត្រាច ឃុំកក់ ស្រុកពញាក្រែក ខេត្តត្បូងឃ្មុំ ។សូមជម្រាបថា រថយន្តដឹកកូនជ្រូកមួយគ្រឿងនោះ ម៉ាកហ៊ីយ៉ាដាយ ពណ៌ ស ពាក់ស្លាកលេខ ព្រៃវែង 3A-1650 ដែលដឹកកូនជ្រូកចំនួន៨៩ក្បាល ឆ្លងដែនមកចូលតាមច្រកព្រំដែនខេត្តត្បូងឃ្មុំទាំងយប់ រត់គេចចូលមកចម្ការកៅស៊ូ នៅក្នុងភូមិសាស្ត្រស្រុកពញាក្រែក នេះតាមការបង្ហើបឲ្យដឹង ពីកងកម្លាំងពេទ្យសត្វខេត្តត្បូងឃ្មុំ ។សមត្ថកិច្ច ឃាត់បាននាំយកបទល្មើស និងវត្ថុ តាងទាំងនោះ ទៅរក្សាទុកនៅចត្តាឡីស័ក របស់អគ្គនាយកដ្ឋានសុខភាពសត្វ រាជធានីភ្នំពេញ ដើម្បីចាត់ការទៅតាមនីតិវិធីច្បាប់៕

ខេត្តកំពត រកឃើញពលការិនីខ្មែរ៣នាក់ឆ្លងមេរោគកូវីដ-១៩ ក្រោយវិលត្រឡប់មកពីប្រទេសថៃ

កំពត៖ រដ្ឋបាលខេត្តកំពត បានប្រកាសពីការរកឃើញមនុស្ស ៣នាក់ទៀតឆ្លងមេរោគកូវីដ-១៩ ដែលសុទ្ធតែជាករណីនាំចូលពីក្រៅប្រទេស។ក្នុងសេចក្ដីជូនដំណឹងរបស់ខ្លួន រដ្ឋបាលខេត្តកំពតបញ្ជាក់ថា ស្ត្រី ៣នាក់ដែលជាពលរដ្ឋរស់នៅក្នុងស្រុកឈូក ត្រូវបានធ្វើតេស្តសំណាកកាលពីថ្ងៃសៅរ៍ចុងសប្ដាហ៍មុន ហើយលទ្ធផលចេញកាលពីថ្ងៃម្សិលមិញ បង្ហាញថា ពួកគេឆ្លងមេរោគកូវីដ-១៩។រដ្ឋបាលខេត្តកំពតអះអាងថា ស្ត្រីទាំង ៣នាក់នេះ គឺជាពលករធ្វើដំណើរវិលត្រឡប់មកពីប្រទេសថៃ ចូលមកដល់កម្ពុជាតាមច្រកព្រំដែនអូរបីជាន់ ស្ថិតនៅក្នុងខេត្តបន្ទាយមានជ័យ កាលពីថ្ងៃទី១០ ខែឧសភា។រដ្ឋបាលខេត្តកំពត ឱ្យដឹងទៀតថា ស្ត្រីខ្មែរទាំង ៣នាក់នេះ បានធ្វើដំណើរតាមរយៈមួយជាមួយអ្នកដំណើរ ១៧នាក់ផ្សេងទៀតកាលពីថ្ងៃទី១១ ខែឧសភា។រដ្ឋបាលខេត្តនេះ បានអំពាវនាវទៅដល់អ្នកប៉ះពាល់នឹងស្ត្រីទាំង ៣នាក់នេះ ឱ្យទៅផ្ដល់សំណាកដើម្បីពិនិត្យរកមេរោគកូវីដ-១៩ និងដាក់ខ្លួននៅដាច់ដោយឡែក ដើម្បីតាមដានសុខភាពខ្លួនឯង៕

រដ្ឋបាលខេត្តកំពង់ចាម អំពាវនាវឱ្យពលរដ្ឋផ្ដល់សំណាក និងតាមដានសុខភាព ក្រោយរកឃើញមនុស្ស១០នាក់ទៀតឆ្លងកូវីដ-១៩

កំពង់ចាម៖ រដ្ឋបាលខេត្តកំពង់ចាម បានប្រកាសពីការរកឃើញមនុស្ស ១០នាក់ទៀតឆ្លងមេរោគកូវីដ-១៩ ហើយអំពាវនាវទៅពលរដ្ឋប៉ះពាល់ឱ្យផ្ដល់សំណាក។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាមបញ្ជាក់ថា ករណីឆ្លងថ្មីទាំង ១០នាក់នេះ ត្រូវបានរកឃើញនៅក្នុងចំណោមស្ត្រី ៦នាក់ និងបុរស ៤នាក់។បើតាមសេចក្ដីប្រកាសព័ត៌មានដដែលនេះ រដ្ឋបាលខេត្តកំពង់ចាម បានរកឃើញពលរដ្ឋ ៦នាក់ឆ្លងកូវីដ-១៩នៅស្រុកបាធាយ ហើយស្រុកស្រីសន្ធរ ស្រុកស្ទឹង់ត្រង់ ស្រុកព្រៃឈរ រកឃើញ ១នាក់ៗនៅក្នុងស្រុកនីមួយៗ។រដ្ឋបាលខេត្តកំពង់ចាម បញ្ជាក់ថា អាជ្ញាធរបានប្រមូលសំណាកពីប្រជាពលរដ្ឋសរុប ១៩៣នាក់កាលពីថ្ងៃម្សិលមិញនេះ ហើយលទ្ធផលរកឃើញមនុស្ស ១០នាក់ឆ្លងមេរោគកូវីដ-១៩។រដ្ឋបាលខេត្តកំពង់ចាម ក៏បានអំពាវនាវទៅដល់ពលរដ្ឋដទៃទៀតដែលបានប៉ះពាល់ពលរដ្ឋទាំង ១០នាក់ដែលឆ្លងកូវីដ-១៩ ឱ្យទៅផ្ដល់សំណាកដើម្បីរកមេរោគកូវីដ-១៩ និងដាក់ខ្លួនឯងនៅដាច់ដោយឡែកដើម្បីតាមដានសុខភាព។គិតត្រឹមថ្ងៃនេះ កម្ពុជាបានរកឃើញមនុស្ស ២២ ៥៤៤នាក់ហើយ បានឆ្លងមេរោគកូវីដ-១៩នៅទូទាំងប្រទេសគិតចាប់តាំងពីពេលកម្ពុជារកឃើញករណីឆ្លងលើកដំបូងកាលពីចុងខែមករា ឆ្នាំ២០២០មក៕

រដ្ឋបាលខេត្តតាកែវ រកឃើញមនុស្ស ៥១នាក់ទៀតឆ្លងមេរោគកូវីដ-១៩ ភាគច្រើនជាកម្មកររោងចក្រ

តាកែវ៖ រដ្ឋបាលខេត្តតាកែវ បានប្រកាសពីការរកឃើញមនុស្សចំនួន ៥១នាក់ទៀត បានឆ្លងមេរោគកូវីដ-១៩ ក្នុងនោះមានកម្មករកម្មការិនីជាច្រើននាក់។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តតាកែវ បានបញ្ជាក់ថា ប្រជាពលរដ្ឋទាំង ៥១នាក់ដែលទើបត្រូវបានរកឃើញឆ្លងមេរោគកូវីដ-១៩នោះ មានកម្មករកម្មការិនីរោងចក្រដល់ទៅ ៣៨នាក់ អាជីវករ ៤នាក់ កម្មករសំណង់ ៧នាក់ កសិករម្នាក់ និងសិស្សសាលាម្នាក់។រដ្ឋបាលខេត្តតាកែវ ក៏បានអំពាវនាវទៅដល់ប្រជាពលរដ្ឋដទៃទៀតដែលបានប៉ះពាល់ជាមួយអ្នកឆ្លងកូវីដ-១៩ទាំង ៥១នាក់នេះ ឱ្យទៅផ្ដល់សំណាក់ដើម្បីត្រួតពិនិត្យរកមេរោគកូវីដ-១៩ និងដាក់ខ្លួននៅដាច់ដោយឡែកដើម្បីតាមដានសុខភាពខ្លួន។គិតត្រឹមថ្ងៃនេះ កម្ពុជាបានរកឃើញមនុស្ស ២២ ៥៤៤នាក់ហើយ បានឆ្លងមេរោគកូវីដ-១៩នៅទូទាំងប្រទេសគិតចាប់តាំងពីពេលកម្ពុជារកឃើញករណីឆ្លងលើកដំបូងកាលពីចុងខែមករា ឆ្នាំ២០២០មក៕

ក្រសួងសុខាភិបាលថា ការឆ្លងរាល់ថ្ងៃនៅតែជាក្ដីបារម្ភ ទោះមានការថយចុះក្ដី

ភ្នំពេញ ៖ រយៈពេលប្រមាណ១សប្ដាហ៍នេះ ការឆ្លងកូវីដ-១៩ ប្រចាំថ្ងៃនៅកម្ពុជា មានការធ្លាក់ចុះក្រោមចំនួន ៥០០ ករណី។ ជុំវិញការធ្លាក់ចុះនៃការឆ្លងនេះ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល បានលើកឡើងកាលពីចុងសប្ដាហ៍ថា ការឆ្លងប្រចាំថ្ងៃក្នុងរយៈពេលប៉ុន្មានថ្ងៃមកនេះ ពិតជាមានការធ្លាក់ចុះមែន តែបើមើលក្រាហ្វិក នៃការឆ្លងគិតជាខែវិញ គឺមានចំនួនច្រើននៅឡើយ ហើយក្ដីបារម្ភមួយទៀតគឺវត្តមានវីរុសបំប្លែងថ្មី។ការឆ្លងកូវីដ-១៩ ប្រចាំថ្ងៃនៅកម្ពុជា ក្នុងរយៈពេលប្រមាណមួយសប្ដាហ៍ចុងក្រោយនេះមានការធ្លាក់ចុះជាបន្តបន្ទាប់ដោយស្ថិតក្រោមចំនួន ៥០០ ករណីក្នុងមួយថ្ងៃ។ ជុំវិញការធ្លាក់ចុះចំនួនឆ្លងនេះ លោកជំទាវ ឱ វណ្ឌឌីន អ្នកនាំពាក្យក្រសួងសុខាភិបាល លើកឡើងថា វានៅតែជាក្ដីព្រួយបារម្ភ និងទាមទារឱ្យមានការអនុវត្តវិធានការការពារចាំបាច់បំផុត។ លោកជំទាវថា ករណីឆ្លងប្រចាំថ្ងៃពិតជាមានធ្លាក់ចុះមួយចំនួនពិតមែន តែបើមើលការឆ្លងគិតជាខែវិញ គឺការឆ្លងក្នុងខែ ឧសភានេះស្ថិតក្នុងចំនួនច្រើន ស្របពេលដែលខែឧសភា មិនទាន់បិទបញ្ចប់នៅឡើយ។ជាក្ដីព្រួយបារម្ភមួយទៀត ដែលលោកជំទាវ បានលើកឡើងនោះ គឺវត្តមានវីរុសបំប្លែងថ្មីទាំងវីរុសបំប្លែងថ្មីមានប្រភពពីចក្រភពអង់គ្លេស និងវីរុសបំប្លែងថ្មីដែលមានប្រភពពីប្រទេស ឥណ្ឌា។ លោកជំទាវថា សព្វថ្ងៃវីរុសបំប្លែងថ្មីមកពីអង់គ្លេស គឺមានវត្តមានចរាចរណ៍នៅកម្ពុជាហើយ ចំណែកវត្តមានវីរុសបំប្លែងថ្មីពីឥណ្ឌាវិញ គឺកំពុងរីករាលដាលទៅប្រទេសជាច្រើន ជាក្ដីព្រួយបារម្ភសកល ហើយវីរុសនេះ ក៏ធ្លាប់បានរកឃើញនៅកម្ពុជា ១ករណីផងដែរ ជាករណីនាំចូលហើយបានព្យាបាលជាសះស្បើយ។ការធ្លាក់ចុះនៃចំនួនឆ្លងប្រចាំថ្ងៃប្រមាណ១សប្ដាហ៍មកនេះ ប្រជាពលរដ្ឋក៏បង្ហាញការសាទរផងដែរ។ ទន្ទឹមនឹងភាពរីករាយនេះ ពួកគាត់ថាការរស់នៅ និងការប្រកបរបរជីវិតប្រចាំថ្ងៃរបស់ពួកគាត់ គឺនៅតែរក្សាការប្រុងប្រយ័ត្នអនុវត្តវិធានការការពារ តាមការណែនាំរបស់ក្រសួងសុខាភិបាលនិងរាជរដ្ឋាភិបាល មិនប្រហែសនោះទេ។បច្ចុប្បន្នរាជរដ្ឋាភិបាលកម្ពុជា ក៏បានដាក់ចេញយុទ្ធសាស្ត្រជាច្រើនក្នុងការទប់ស្កាត់ការរីករាលដាលនៃការឆ្លងកូវីដ-១៩។ ក្នុងនោះរាជរដ្ឋាភិបាល ក៏បានស្វះស្វែងរកជំនួយ និងទិញវ៉ាក់សាំងដើម្បីចាក់ជូនដល់ប្រជាពលរដ្ឋផងដែរ។ គិតត្រឹមថ្ងៃទី ១៦ឧសភា ម្សិលមិញនេះ កម្ពុជាក៏បានចាក់វ៉ាក់សាំងជូនដល់ប្រជាពលរដ្ឋចំនួន ២ ០៨២ ២៨២ នាក់គិតជាភាគរយស្មើនឹង ២០,៨២ ភាគរយ នៃគោលដៅចាក់ជូនប្រជាពលរដ្ឋឱ្យបាន ១០លាននាក់៕អត្ថបទ ៖ គឹមហុក

រថយន្តសណ្តោងកុងតឺន័រ មួយគ្រឿងបើកលឿន ជ្រុលទៅបុករបាំងថ្មពុះចែកទ្រូងផ្លូវបាក់ចំនួន ៤កង់

ភ្នំពេញ៖ ដោយសារកត្តាមនុស្សបើកបរខ្វះការប្រុងប្រយ័ត្ន បង្កជាករណីគ្រោះថ្នាក់ចរាចរណ៍ ដោយរថយន្តសណ្តោងទូរកុងតឺន័រ របស់ក្រុមហ៊ុន ផែស្ងួតតេងឡាយ មួយគ្រឿង បើកក្នុងល្បឿនលឿនជ្រុលទៅ បុកក្បាលនាគពុះចែកទ្រូងផ្លូវ ពេញទំហឹងបណ្ដាលឲ្យបាក់ចំនួន ៤ កង់ ហើយរថយន្តខូចខាតផ្នែកខាងមុខស្ទើទាំងស្រុង។ហេតុការណ៍នេះ កើតឡើងកាលពីវេលាម៉ោង៥ទៀបភ្លឺព្រឹកថ្ងៃទី១៧ ខែឧសភា ឆ្នាំ២០២១ ស្ថិតតាមបណ្ដោយផ្លូវជាតិលេខ៥ ក្នុងភូមិស្វាយប៉ាក់ សង្កាត់ស្វាយប៉ាកខណ្ឌឬស្សីកែវ រាជធានីភ្នំពេញ។តាមប្រភពព័ត៌មាន នៅកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្ត សណ្តោងទូរកុងតឺន័រមួយគ្រឿង ម៉ាកFUSO ពាក់ស្លាកលេខភ្នំពេញ3C-0635 ជារថយន្តរបស់ក្រុមហ៊ុន ផែស្ងួតតេងឡាយ បានធ្វើដំណើរតាមផ្លូវជាតិលេខ៥ ក្នុងទិសដៅពីជើងទៅត្បូង ក្នុងល្បឿនលឿន ខណៈពេលមកដល់ចំណុចកើតហេតុ ក៏ជ្រុលចង្គូតទៅបុកក្បាលនាគពុះចែកទ្រូងផ្លូវ ពេញទំហឹង បណ្ដាលឱ្យបែកខ្ទាតចេញពីជួរ ចំនួន៤កង់ ចំណែករថយន្តបណ្ដាលឱ្យរងការខូចខាតដាច់កង់មុខទាំងពី រួមទាំងផ្នែកខាងមុខទៀតស្ទើតែទាំងស្រុង នៅកណ្ដាលផ្លូវបង្កការកកស្ទះចរាចរណ៍ តែមិនបណ្តាលឱ្យនរណាម្នាក់រងរបួសនោះទេ បន្ទាប់ មក តៃកុងរថយន្តបានចុះពីលើរថយន្ត ហើយរត់គេចខ្លួនបាត់ពីកន្លែងកើតហេតុ។ក្រោយពេលកើតហេតុ កម្លាំងសមត្ថកិច្ចមូលដ្ឋាន រួមកម្លាំងសមត្ថកិច្ចជំនាញ ចុះមកដល់ចំណុចកើតហេតុ ជួយសម្រួលចរាចរណ៍ រួចធ្វើការវាស់វែង ស្ទូចយករថយន្តទៅរក្សាទុកនៅការិយាល័យចរាចរណ៍ ផ្លូវគោក ដើម្បីដោះស្រាយសងការខូចខាតទ្រព្យសម្បត្តិសាធារណៈ៕អត្ថបទ ៖ កុម្ភះ

អាជ្ញាធរក្រុងសំរោង សម្រេចបិទទីតាំងលក់គ្រឿងបន្លាសរថយន្ត១កន្លែង ពាក់ព័ន្ធនឹងបុគ្គល ដើរលក់កងឡាន មានវិជ្ជមានកូវីដ-១៩

ឧត្តរមានជ័យ៖ នៅថ្ងៃនេះអាជ្ញាធរក្រុងសំរោង ខេត្តឧត្តរមានជ័យ សហការជាមួយមន្រ្តីសុខាភិបាលខេត្ត ចុះពិនិត្យសម្រេចបិទទីតាំងលក់គ្រឿងបន្លាសរថយន្ត នឹងសំបកកងឡានមួយកន្លែង យីហោឈ្មោះ សួស សុភា២ ស្ថិតនៅបរិវេណភូមិពុល សង្កាត់សំរោង ក្រុងសំរោង ខេត្តឧត្តរមានជ័យ ដែលពាក់ព័ន្ធដោយប្រយោលជាមួយបុគ្គលម្នាក់ឈ្មោះកេង រ៉ា អាយុ២៦ឆ្នាំ ជាអ្នកដើរទីផ្សារលក់សំបកកងឡានមានវិជ្ជមានកូវីដ-១៩។ក្នុងនោះដែរ ឯកឧត្តមវេជ្ជបណ្ឌិត ឃ្លោក ហួត ទីប្រឹក្សាក្រសួងសុខាភិបាលនឹងជាប្រធានមន្ទីរសុខាភិបាល ខេត្តឧត្តរមានជ័យ បានឲ្យដឹងថា ការសម្រេចធ្វើការបិទទីតាំងលក់គ្រឿងបន្លាសរថយន្ត នឹងសំបកកងឡានដែលមានយីហោឈ្មោះ សួស សុភា២នេះ ដោយសារតែម្ចាស់ អាជីវកម្ម ខាងលើបានប៉ះពាល់ដោយប្រយោលជាមួយបុគ្គលម្នាក់ឈ្មោះ កេង រ៉ា ជាអ្នកដើរទីផ្សារលក់សំបកកងឡាន មានវិជ្ជមានកូវីដ-១៩ បានធ្វើដំណើរមកក្រុងសំរោង នៅថ្ងៃទី១៤ ឧសភា ឆ្នាំ២០២១នេះ។ឯកឧត្តមវេជ្ជបណ្ឌិត បានបន្តថា ក្នុងនោះអ្នកពាក់ព័ន្ធដែលត្រូវយកសំណាកពិនិត្យធ្វើតេស្តរកកូវីដ-១៩មានចំនួន១២បូករួមទាំងគ្រួសារ នឹងជាងជួសជុលផងដែរ។ឯកឧត្តមវេជ្ជបណ្ឌិត បានបញ្ជាក់ថា ក្នុងករណីដែលមានការពាក់ព័ន្ធជាមួយ និងបុគ្គលឈ្មោះ កេង រ៉ា ដែលមានវិជ្ជមានកូវីដ-១៩នេះ ទីតាំងដែលបានពាក់ព័ន្ធត្រូវបានបិទជាបណ្តោះអាសន្ន រួមមាន នៅស្រុកត្រពាំងប្រសាទ មាន២កន្លែង ស្រុកអន្លងវេង ផ្ទះសំណាកសោភា ១កន្លែង នឹងទីតាំងលក់គ្រឿងបន្លាសសំបកកងឡាន យីហោ សួស សុភា២ ក្រុងសំរោង១កន្លែងទៀត ។អ្នកទាំងអស់នោះ ត្រូវបានមន្រ្តីជំនាញសុខាភិបាល ឲ្យបន្តនៅធ្វើចត្តាឡីស័ក នៅនឹងផ្ទះ ដោយមិនឲ្យចេញទៅណានោះឡើយរងចាំការយកសំណាកពិនិត្យលើកក្រោយៗទៀត បើមិនមានកូវីដ-១៩នោះទេ នឹងឲ្យដំណើរបើអាជីវកម្មជាធម្មតាវិញ ៕អត្ថបទ ៖ ឃិនសារិទ្ធ

បណ្ដាញសង្គម

ព័ត៌មានថ្មីៗ

ព្យុះខ្សាច់បានវាយប្រហារតំបន់ស៊ីនជាំងរបស់ប្រទេសចិន

ប្រធានាធិបតីបារាំង ស្វាគមន៍ការបើកច្រកសមុទ្រ Hormuz ឡើងវិញនៅក្នុងកិច្ចប្រជុំពហុភាគី

អូស្ត្រាលី និងជប៉ុនចុះហត្ថលេខាលើកិច្ចសន្យាដើម្បីចាប់ផ្តើមកិច្ចព្រមព្រៀងនាវាចម្បាំងតម្លៃ៧ពាន់លានដុល្លារ

អ៊ុយក្រែនត្រៀមខ្លួនរួចជាស្រេចសម្រាប់កិច្ចប្រជុំថ្នាក់ដឹកនាំជាមួយរុស្ស៊ីក្រោមការសម្របសម្រួល

តម្លៃប្រេងឆៅធ្លាក់ចុះជាង ១០ ភាគរយ ខណៈច្រកសមុទ្រហ័រមូសបើកដំណើរការឡើងវិញ

ពលរដ្ឋលីបង់ភៀសខ្លួនពីសង្គ្រាមសម្រុកវិលត្រឡប់ទៅភាគខាងត្បូងវិញនៅថ្ងៃទីពីរនៃបទឈប់បាញ់ជាមួយអ៊ីស្រាអែល

អ្នកស្រុក Manipur របស់ឥណ្ឌាប្រមូលផ្ដុំដោយកាន់គប់ភ្លើង ជុំវិញការផ្ទុះដ៏សាហាវដែលបានសម្លាប់កុមារពីរនាក់

ពិធីអបអរសាទរបុណ្យចូលឆ្នាំថ្មីប្រពៃណីខ្មែរ រៀបចំដោយសមាគមនិស្សិតខ្មែរនៅប្រទេសជប៉ុន

អាមេរិកបន្តលើកលែងទណ្ឌកម្មប្រេងរុស្ស៊ី ក្រោយមានសម្ពាធពីប្រទេសដែលកំពុងដោះស្រាយវិបត្តិតម្លៃប្រេងក្នុងពេលមានសង្គ្រាមអ៊ីរ៉ង់

អ៊ីរ៉ង់គំរាមបិទច្រកសមុទ្រហ័រមូស (Hormuz) ប្រសិនបើអាមេរិកនៅតែបន្តបិទកំពង់ផែរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ខេត្តតាកែវ រកឃើញកម្មករចំនួន៤៨នាក់ ទៀតបានឆ្លងជំងឺកូវីដ១៩នៅថ្ងៃនេះ

អាល់កុលក្លែងក្លាយ ២៧តោន ត្រូវបានរកឃើញនិងរឹបអូសយកទៅកម្ទេចចោល

ដោះលែងកូនបង្កើត និងកូនប្រសារឧកញ៉ា ហេង សៀ ក្រោយការស៊ើបអង្កេតបានលទ្ធផលបឋម

សមត្ថកិច្ចខេត្តត្បូងឃ្មុំ បង្ក្រាបការនាំចូលជ្រូកពីប្រទេសវៀតណាម តាមច្រកព្រំដែនខេត្តត្បូងឃ្មុំ

ខេត្តកំពត រកឃើញពលការិនីខ្មែរ៣នាក់ឆ្លងមេរោគកូវីដ-១៩ ក្រោយវិលត្រឡប់មកពីប្រទេសថៃ

រដ្ឋបាលខេត្តកំពង់ចាម អំពាវនាវឱ្យពលរដ្ឋផ្ដល់សំណាក និងតាមដានសុខភាព ក្រោយរកឃើញមនុស្ស១០នាក់ទៀតឆ្លងកូវីដ-១៩

រដ្ឋបាលខេត្តតាកែវ រកឃើញមនុស្ស ៥១នាក់ទៀតឆ្លងមេរោគកូវីដ-១៩ ភាគច្រើនជាកម្មកររោងចក្រ

ក្រសួងសុខាភិបាលថា ការឆ្លងរាល់ថ្ងៃនៅតែជាក្ដីបារម្ភ ទោះមានការថយចុះក្ដី

រថយន្តសណ្តោងកុងតឺន័រ មួយគ្រឿងបើកលឿន ជ្រុលទៅបុករបាំងថ្មពុះចែកទ្រូងផ្លូវបាក់ចំនួន ៤កង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ខេត្តតាកែវ​ ​​រក​ឃើញ​កម្មករ​ចំនួន​៤៨​នាក់​ ទៀត​បាន​ឆ្លង​ជំងឺ​កូ​វីដ​១៩​នៅថ្ងៃនេះ ​

អាល់កុល​ក្លែងក្លាយ ២៧​តោន ត្រូវ​បាន​រក​ឃើញ​និង​រឹបអូស​យក​ទៅ​កម្ទេចចោល​

ដោះលែង​កូនបង្កើត និង​កូន​ប្រសារ​ឧកញ៉ា ហេង សៀ ក្រោយ​ការស៊ើបអង្កេត​បាន​លទ្ធ​ផល​បឋម​

ខេត្ត​កំពត​ ​រក​ឃើញ​ពលការិនី​​ខ្មែរ​៣​នាក់​ឆ្លង​មេរោគ​កូវីដ-១៩ ក្រោយ​វិល​ត្រឡប់​មក​ពី​ប្រទេស​ថៃ

រដ្ឋបាល​ខេត្ត​តាកែវ​ រក​ឃើញ​មនុស្ស ៥១​នាក់​ទៀត​ឆ្លង​មេរោគ​កូវីដ-១៩​ ភាគច្រើន​ជា​កម្មករ​រោងចក្រ

ក្រសួងសុខាភិបាល​ថា​ ការឆ្លង​រាល់ថ្ងៃ​នៅតែ​ជា​ក្ដីបារម្ភ ​ទោះ​មានការ​ថយ​ចុះ​ក្ដី

រថយន្តសណ្តោងកុងតឺន័រ មួយគ្រឿងបើកលឿន ជ្រុលទៅបុករបាំងថ្មពុះចែកទ្រូងផ្លូវបាក់ចំនួន ៤កង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ខេត្តតាកែវ រកឃើញកម្មករចំនួន៤៨នាក់ ទៀតបានឆ្លងជំងឺកូវីដ១៩នៅថ្ងៃនេះ

អាល់កុលក្លែងក្លាយ ២៧តោន ត្រូវបានរកឃើញនិងរឹបអូសយកទៅកម្ទេចចោល

ដោះលែងកូនបង្កើត និងកូនប្រសារឧកញ៉ា ហេង សៀ ក្រោយការស៊ើបអង្កេតបានលទ្ធផលបឋម

ខេត្តកំពត រកឃើញពលការិនីខ្មែរ៣នាក់ឆ្លងមេរោគកូវីដ-១៩ ក្រោយវិលត្រឡប់មកពីប្រទេសថៃ

រដ្ឋបាលខេត្តតាកែវ រកឃើញមនុស្ស ៥១នាក់ទៀតឆ្លងមេរោគកូវីដ-១៩ ភាគច្រើនជាកម្មកររោងចក្រ

ក្រសួងសុខាភិបាលថា ការឆ្លងរាល់ថ្ងៃនៅតែជាក្ដីបារម្ភ ទោះមានការថយចុះក្ដី