BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

រយៈពេល ០៩ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហមបានជិត ៤០ម៉ឺននាក់

ភ្នំពេញ៖ ក្នុងរយៈពេល ៩ថ្ងៃនៃដំណើរការចាក់វ៉ាក់សាំងជូនប្រជាពលរដ្ឋនៅតំបន់ក្រហម ដែលជាតំបន់ប្រឈមនឹងការរីករាលដាលជំងឺកូវីដ១៩ ក្នុងរាជធានីភ្នំពេញ ក្រុមគ្រូពេទ្យយោធាបានចាក់ជូនប្រជាពលរដ្ឋជិត៤០ម៉ឺននាក់។ នេះបើតាមរបាយការណ៍របស់ក្រសួងការពារជាតិ។យោងតាមរបាយការណ៍របស់អនុគណៈកម្មការចំពោះកិច្ចចាក់វ៉ាក់សាំងបង្ការកូវីដ១៩នៃក្រសួងការពារជាតិ គិតត្រឹមថ្ងៃទី០៩ ខែឧសភា មានប្រជាពលរដ្ឋដែលរស់នៅតំបន់ក្រហមហើយបានចាក់វ៉ាក់សាំងចំនួន ៣៩៩,៦១៧នាក់។ ក្នុងនោះ ខណ្ឌមានជ័យ ចាក់បាន ៨៥,១១៧នាក់ ខណ្ឌដង្កោ ចាក់បាន ១០០,៩០៥នាក់ ខណ្ឌកំបូល ចាក់បាន ៧០,៨២៨នាក់ ខណ្ឌពោធិ៍សែនជ័យ ចាក់បាន ១៣២,៦៨០នាក់ ខណ្ឌឫស្សីកែវ ចាក់បាន ៨,៩១៩នាក់ និងខណ្ឌទួលគោក ចាក់បាន ១,១៦៨។លោកឧត្តមសេនីយ៍ទោ សែម រតនា ប្រធានក្រុមការងារចាក់វ៉ាក់សាំងនៅសង្កាត់បឹងសាឡាង ក្នុងខណ្ឌទួលគោក ជាទីតាំងមួយក្នុងចំណោមទីតាំងទាំង៦ដែលចាក់ដោយក្រុមគ្រូពេទ្យយោធា បានប្រាប់BTVថា ចំពោះបានអនុវត្តទៅដោយប្រក្រតី ក្រោមការសហការយ៉ាងល្អប្រសើរពីក្រុមការងារ អាជ្ញាធរមូលដ្ឋាន និងប្រជាពលរដ្ឋ ទើបធ្វើឱ្យទីតាំងនៃសង្កាត់បឹងសាឡាងអាចចាក់ជូនប្រជាពលរដ្ឋចំនួនជាង១ពាន់នាក់ក្នុងមួយថ្ងៃ។បន្ថែមពីលើនេះ លោកឧត្តមសេនីយ៍ទោ សែម រតនា បានអំណរគុណដល់ក្រុមការងារ អាជ្ញាធរមូលដ្ឋាន ដែលបានយកចិត្តទុកដាក់ចំពោះការផ្តល់វ៉ាក់សាំងជូនប្រជាពលរដ្ឋ ដើម្បីចូលរួមកាត់បន្ថយការឆ្លងបន្ថែមទៀតនូវជំងឺកូវីដ១៩ និងជាការការពារសុវត្ថិភាពបន្ថែមជូនបងប្អូនប្រជាពលរដ្ឋ។ លោកឧត្តមសេនីយ៍ទោ ក៏អំពាវនាវឱ្យអាជ្ញាធរមូលដ្ឋានចូលរួមសហការគ្នាឱ្យបានល្អបន្ថែមទៀត ដើម្បីធ្វើឱ្យការងារចាក់វ៉ាក់សាំងនេះ បានកាន់តែលឿន និងមានភាពល្អប្រសើរថែមទៀត ជាពិសេសប្រជាពលរដ្ឋដែលត្រូវទៅចាក់វ៉ាក់សាំង តម្រូវឱ្យបំពេញកម្រងព័ត៌មានអត្តសញ្ញាណនៅតាមលំនៅឋានជាមុន ហើយពេលទៅចាក់ត្រូវយកភ្ជាប់ទៅជាមួយឯកសារបញ្ជាក់អត្តសញ្ញាណ ដូចជាអត្តសញ្ញាណប័ណ្ណជាដើម ដើម្បីឱ្យកិច្ចការនេះប្រព្រឹត្តទៅដោយរហ័ស និងមានប្រសិទ្ធភាពខ្ពស់៕ អត្ថបទ៖ សេក ឧត្តម

ក្រសួងសាធារណការ និងដឹកជញ្ជូន សូមបដិសេធទាំងស្រុងចំពោះការចុះផ្សាយនៅលើគេហទំព័រមួយចំនួនអំពីការទទួលរៀបចំធ្វើបណ្ណបើកបរគ្រប់ប្រភេទស្របច្បាប់ និងមានគល់បញ្ជីក្រសួង

ភ្នំពេញ ៖ ក្រសួងសាធារណការ និងដឹកជញ្ជូន សូមបដិសេធទាំងស្រុងចំពោះការចុះផ្សាយនៅលើគេហទំព័រទាំង ឡាយដែលមានខ្លឹមសារថា៖ អនុសាខាក្រសួងសម្រួលការងារតាមអនឡាញ ទទួលរៀបចំធ្វើបណ្ណបើក បរគ្រប់ប្រភេទស្របច្បាប់ មានគល់បញ្ជីក្រសួង ផុតកំណត់អាចបន្តសុពលភាពបានស្របច្បាប់ ដែលបង្ក ឱ្យមានការភ័ន្តច្រឡំដល់សាធារណជន ថ្ងៃចន្ទ ១៤រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១០ ខែឧសភា ឆ្នាំ២០២១ ក្រសួងសាធារណការ និងដឹកជញ្ជូន សូមធ្វើការបដិសេធទាំងស្រុងចំពោះការចុះផ្សាយនៅលើគេហទំព័រទាំង ឡាយដែលមានខ្លឹមសារថា៖ អនុសាខាក្រសួងសម្រួលការងារតាមអនឡាញ ទទួលរៀបចំធ្វើបណ្ណបើក បរគ្រប់ប្រភេទស្របច្បាប់ មានគល់បញ្ជីក្រសួង ផុតកំណត់អាចបន្តសុពលភាពបានស្របច្បាប់ និងបានអះអាងថាជាអនុសាខារបស់ក្រសួងសាធារណការ និងដឹកជញ្ជូន អាចផ្ដល់សេវាសាធារណៈជូនប្រជា ពលរដ្ឋ។ក្រសួងសូមបញ្ជាក់ជូនសាធារណជនឱ្យបានជ្រាបថា៖ ព័ត៌មានដែលបានចុះផ្សាយក្នុងគេហទំព័រទាំង ឡាយខាងលើនេះជាព័ត៌មានមិនពិត មានចរិតបង្កការភ័ន្តច្រឡំដល់សាធារណជន ធ្វើឱ្យប៉ះពាល់ដល់កិត្តិ យស និងសេចក្តីថ្លៃថ្នូររបស់ថ្នាក់ដឹកនាំក្រសួងសាធារណការ និងដឹកជញ្ជូន ក៏ដូចជារាជរដ្ឋាភិបាលផងដែរ។ ក្រសួង ក៏សូមស្នើសុំអាជ្ញាធរមានសមត្ថកិច្ចចាត់វិធានការតាមផ្លូវច្បាប់ចំពោះជនខិលខូចខាងលើដែលបានផលិតបណ្ណសម្គាល់យានយន្ត ផ្លាកលេខយានយន្ត និងប័ណ្ណបើកបរយានយន្តក្លែងក្លាយ និងការផ្សព្វផ្សាយលក់ផ្លាកលេខយានយន្តតាមបណ្ដាញសង្គមក្នុងគេហទំព័រនានា ជាពិសេស ចាត់វិធានការចំពោះអំពើបោកប្រាស់ និងការក្លែងឯកសារសាធារណៈទាំងនេះ ដែលបង្កជាការភ័ន្តច្រឡំដល់ សាធារណជន ដើម្បីយកមកផ្តន្ទាទោសតាមផ្លូវច្បាប់ជាធរមាន។ ជាមួយគ្នានេះផងដែរ ក្រសួងសូមជំរុញលើកទឹកចិត្ត ក៏ដូចជាសូមអំពាវនាវដល់សាធារណជន និងបង ប្អូនប្រជាពលរដ្ឋមេត្តាចៀសវាងការប្រើប្រាស់សេវាសាធារណៈក្រៅផ្លូវការ ដែលងាយធ្លាក់ចូលក្នុងអំពើ បោកប្រាស់របស់ជនខិលខូច នាំឱ្យខាតបង់ថវិកា និងងាកមកប្រើប្រាស់មណ្ឌលផ្តល់សេវាសាធារណៈ ទាំងឡាយនៅតាមទីតាំងនានាដែលទទួលស្គាល់ដោយក្រសួងសាធារណការ និងដឹកជញ្ជូនវិញ។ ជាងនេះទៅទៀត ដើម្បីការពារការភ័ន្តច្រឡំដល់មហាជន ជាពិសេសដើម្បីទប់ស្កាត់ការផ្សព្វផ្សាយព័ត៌ មានមិនពិតរបស់ជនទុច្ចរិត និងក្រុមបុគ្គលខូចដែលបង្កឱ្យមានភាពអសន្តិសុខ និងចលាចលដល់សង្គម ក្រសួងសាធារណការ និងដឹកជញ្ជូន សូមស្នើសុំក្រសួង-ស្ថាប័ន និងអាជ្ញាធរមានសមត្ថកិច្ចចាត់វិធាន ការឱ្យបានតឹងរ៉ឹងបំផុត ដើម្បីបង្ក្រាបនិងចាប់ជនខិលខូចដែលបានប្រព្រឹត្តខាងលើយកមកផ្តន្ទាទោសតាមផ្លូវច្បាប់ឱ្យខាងតែបាន។បច្ចុប្បន្ននេះ ក្រសួងក៏កំពុងជំរុញ និងធ្វើឱ្យប្រសើរឡើងលើការធ្វើកំណែទម្រង់សេវាសាធារណៈឱ្យកាន់តែ មានប្រសិទ្ធភាព តម្លាភាព សុក្រឹត្យភាព គណនេយ្យភាព និងឆាប់រហ័ស ស្របតាមគោលនយោបាយដ៏ ត្រឹមត្រូវរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕អត្ថបទ ៖ វ់ាន់ដា

ខេត្តបន្ទាយមានជ័យ ប្រកាសថា អ្នកជំងឺកូវីដ១៩ចំនួន៣៦នាក់ ត្រូវបានព្យាបាលជាសះស្បើយ

បន្ទាយមានជ័យ ៖ អាជ្ញាធរសុខាភិបាលខេត្តបន្ទាយមានជ័យ ប្រកាសនៅថ្ងៃនេះថា មានករណីជាសះស្បើយចំនួន ៣៦នាក់ ដែលភាគច្រើនជាជនជាតិឥណ្ឌូនេស៊ី មានចំនួនរហូតដល់ ៣១នាក់។ ក្នុងរបាយការណ៍នៅថ្ងៃនេះ មន្ទីរសុខាភិបាល បញ្ជាក់ថា ខេត្តបន្ទាយមានជ័យ មានករណីព្យាបាលជាសះស្បើយចំនួន៣៦នាក់ ក្នុងនោះមានជនជាតិខ្មែរចំនួន០៤នាក់ ជនជាតិចិន ០១នាក់ និងជនជាតិឥណ្ឌូនេស៊ី ចំនួន ៣១នាក់។តាមរបាយការណ៍ដដែលនោះ ជនជាតិខ្មែរ និងជនជាតិចិនខាងលើសរុបចំនួន ០៥នាក់ បានព្យាបាលជាសះស្បើយនៅមន្ទីរពេទ្យបង្អែកមង្គលបូរី ជនជាតិឥណ្ឌូនេស៊ីចំនួន ២៧នាក់នៅមណ្ឌលសុខភាពប៉ោយប៉ែត១ និងជនជាតិឥណ្ឌូនេស៊ីចំនួន ០៤នាក់ផ្សេងទៀតនៅមន្ទីរពេទ្យបង្អែកប៉ោយប៉ែត។ គិតត្រឹមថ្ងៃនេះ កម្ពុជាព្យាបាលជាសះស្បើយសរុបចំនួន ៧ ៨២០នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

ខេត្តកំពង់ចាម សម្រេចបិទខ្ទប់ភូមិមួយនៃស្រុកបាធាយចំនួន១៤ថ្ងៃ

កំពង់ចាម៖ ខេត្តកំពង់ចាមសម្រេចបិទខ្ទប់ជាបណ្ដោះនូវភូមិមួយនៅក្នុងស្រុកបាធាយ បន្ទាប់ពីរកឃើញករណីឆ្លងមេរោគកូវីដ១៩ ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីសម្រេចនៅថ្ងៃនេះ រដ្ឋបាលខេត្តកំពង់ចាម បានបញ្ជាក់ថា អាជ្ញាធរសម្រេចបិទខ្ទប់រយៈពេល១៤ថ្ងៃនូវភូមិអកទៀង ស្ថិតក្នុងឃុំតាងក្រសាំង ដោយគិតចាប់ពីថ្ងៃនេះរហូតដល់ថ្ងៃទី២៣ ខែឧសភា បន្ទាប់ពីបានរកឃើញអ្នកឆ្លងជំងឺកូវីដ១៩ ។ក្នុងសេចក្ដីសម្រេចនោះ អាជ្ញាធរហាមឃាត់ការចូលចូលភូមិអកទៀង ហាមឃាត់សកម្មភាពអាជីវកម្មគ្រប់ប្រភេទ និងហាមឃាត់ការជួបជុំ ឬការប្រមូលផ្ដុំមនុស្ស។ទោះជាយ៉ាងណា អាជ្ញាធរក៏ផ្ដល់ការលើកលែងផងដែរសម្រាប់ករណីបន្ទាន់ និងចាំបាច់នានា ដែលត្រូវបានអនុញ្ញាតដោយអាជ្ញាធរមានសមត្ថកិច្ច។ គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០ មក៕

ខេត្តកំពង់ចាមរកឃើញអ្នកឆ្លងកូវីដ១៩ចំនួន១៦នាក់កាលម្សិលមិញ

កំពង់ចាម ៖ ខេត្តកំពង់ចាម ប្រកាសថា បានរកឃើញអ្នកឆ្លងជំងឺកូវីដ១៩ចំនួន ១៦នាក់ ដែលពាក់ព័ន្ធនឹងព្រឹត្តិការណ៍សហគមន៍ ២០កុម្ភៈទាំងអស់។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បញ្ជាក់ថា រកឃើញអ្នកឆ្លងជំងឺកូវីដ១៩ចំនួន ១៦នាក់ ដែលស្ថិតនៅក្នុងស្រុកចំនួន៥ ក្នុងនោះស្រុកបាធាយរកឃើញច្រើនជាងគេចំនួន ០៧នាក់ បន្ទាប់មកគឺស្រុកចំការលើចំនួន ០៤នាក់ ស្រុកស្រីសន្ធរចំនួន ០២នាក់ ស្រុកកងមាសចំនួន ០២នាក់ និងស្រុកកំពង់សៀមចំនួន ០១នាក់។ តាមសេចក្ដីប្រកាសដដែលនេះ ពលរដ្ឋឆ្លងកូវីដ១៩ទាំង ១៦នាក់ខាងលើនេះ បច្ចុប្បន្ន ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម។ គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

សេវាដឹកអ្នកដំណើរមួយចំនួនបន្តផ្អាក ទោះបីបានបញ្ចប់ការបិទខ្ទប់រាជធានីភ្នំពេញក៏ដោយ

ភ្នំពេញ ៖ គិតមកត្រឹមពេលនេះ ទោះបីមានការបើកឱ្យធ្វើដំណើរឆ្លងរាជធានី-ខេត្តយ៉ាងណាក្ដី ក៏ក្រុមហ៊ុនដឹកអ្នកដំណើរមួយចំនួនមិនទាន់បើកដំណើរការទទួលដឹកភ្ញៀវនោះទេ រីឯក្រុមហ៊ុនដឹកអ្នកដំណើរផ្សេងទៀតបានចាប់ផ្ដើមដំណើរការជាថ្មី តែមានការប្រុងប្រយ័ត្នដោយដាក់ចេញវិធានការការពារផ្សេង។បន្ទាប់ពីមានការបើកការធ្វើដំណើរឆ្លងរាជធានីខេត្ត ក្រុមហ៊ុនដឹកអ្នកដំណើរមួយចំនួន បានចាប់ផ្ដើមទទួលដឹកភ្ញៀវជាថ្មី រីឯក្រុមហ៊ុនដឹកអ្នកដំណើរផ្សេងទៀតបន្តផ្អាក ដោយទទួលដឹកតែឥវ៉ាន់តែប៉ុណ្ណោះ។ ជាក់ស្ដែងសម្រាប់ក្រុមហ៊ុនដឹកអ្នកដំណើរ ឡារីតា តាមការឱ្យដឹងពីលោក មឿន សម្បត្តិ ជាអ្នកចាត់ការទូទៅ បានបញ្ជាក់ថា ក្រុមហ៊ុនបានចាប់ផ្ដើមទទួលដឹកភ្ញៀវជាថ្មីកាលពីថ្ងៃទី៦ ខែឧសភា តែពុំទាន់ដំណើរការការងារពេញលេញនោះទេ ដោយក្រុមហ៊ុនដំណើរការតែគោលដៅ ភ្នំពេញ-សៀមរាប ប៉ុណ្ណោះ រីឯគោលដៅភ្នំពេញ-ព្រះសីហនុ គឺបន្តផ្អាក។លោក បន្តថា ចំពោះការដំណើរការជាថ្មីនេះ គឺក្រុមហ៊ុននៅតែបន្តអនុវត្តវិធានការការពារ ដើម្បីសុវត្ថិភាព។ វិធានការដែលក្រុមហ៊ុនដាក់ចេញ គឺការអនុវត្តវិធានការអនាម័យ ការបាញ់សម្លាប់មេរោគលើរថយន្ត កន្លែងរង់ចាំ ការវាស់កម្ដៅ ការតម្រូវឱ្យពាក់ម៉ាសការពារ និងការកាត់បន្ថយចំនួនអ្នកដំណើរពី ១៥នាក់ មកត្រឹម៩នាក់ក្នុងមួយរថយន្ត។ លើសពីនេះ ក្រុមហ៊ុនក៏មានការសហការជាមួយអាជ្ញាធរខេត្ត សៀមរាប ដោយក្រុមហ៊ុនបានស្រង់ទិន្នន័យភ្ញៀវទាំងអស់ ទាំងគោលដៅ លេខអត្តសញ្ញាណប័ណ្ណ និងលេខ passport ដើម្បីប្រគល់អាជ្ញាធរជាប្រចាំ។ក្នុងខណៈពេលដដែលនេះ ក្រុមហ៊ុនដឹកអ្នកដំណើរផ្សេងទៀត មិនទាន់ទទួលដឹកភ្ញៀវនោះទេ។ លោក ភូ កុកវ៉ាន់ ជាជំនួយការអគ្គនាយក នៃក្រុមហ៊ុនទេសចរណ៍ និង ដឹកអ្នកដំណើរកាពីតូល លើកឡើងថា មកទល់ពេលនេះ ក្រុមហ៊ុនទទួលតែការដឹកជញ្ជូនឥវ៉ាន់តែប៉ុណ្ណោះ។ លោក បន្តថា ចំពោះសេវាកម្មដឹកអ្នកដំណើរ គឺបន្តផ្អាកដោយពុំទាន់មានការកំណត់ពេលវេលាដំណើរការវិញនោះទេ ដោយក្រុមហ៊ុនបន្តរង់ចាំពិនិត្យមើលស្ថានភាពជំងឺកូវីដ-១៩ ជាក់ស្ដែង រឺក៏បន្តរង់ចាំរហូតដល់ការបិទបញ្ចប់ នៃព្រឹត្តិការណ៍សហគមន៍ ២០កុម្ភៈ។ចំពោះក្រុមអ្នកបើកបរឡានឈ្នួលនៅជុំវិញផ្សារធំថ្មីវិញ ក៏បានចាប់ផ្ដើមដំណើរការរត់ឈ្នួលជាថ្មីផងដែរ ដោយព្រឹកនេះ មានរថយន្តឈ្នួលជាច្រើន បន្តចតរង់ចាំនៅទីតាំងចំណតរថយន្តឈ្នួល។ តាមការសាកសួរ ពួកគាត់ បញ្ជាក់ថា ខណៈពេលនេះគឺពុំមានអ្នកដំណើរជិះនោះទេ ភាគច្រើនគឺមានតែការដឹកឥវ៉ាន់ ពីខេត្តមកភ្នំពេញ និងការដឹកឥវ៉ាន់ពីភ្នំពេញ ទៅខេត្តវិញប៉ុណ្ណោះ។ ពួកគាត់ថាមនុស្សភាគច្រើនមានការបារម្ភ បើពួកគាត់ចង់ចេញទៅតាមខេត្ត ក៏ប្រើប្រាស់រថយន្តជាលក្ខណៈគ្រួសារផ្ទាល់ខ្លួន មិនធ្វើដំណើរតាមឡានឈ្នួលនោះទេ៕អត្ថបទ៖គឹមហុក

ខេត្តរតនគិរី រកឃើញមនុស្ស០២នាក់ ឆ្លងមេរោគកូវីដ-១៩ កាលពីម្សិលមិញនេះ

រតនគិរី៖ ខេត្តរតនគិរី ប្រកាសថា បានរកឃើញជនជាតិខ្មែរ ០២នាក់ ឆ្លងជំងឺកូវីដ១៩ពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយនេះជាករណីដំបូងបង្អស់នៅក្នុងខេត្តនេះ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តរតនគិរី បញ្ជាក់ថា រកឃើញអ្នកឆ្លងជំងឺកូវីដ១៩ចំនួន ០២នាក់ ជាជនជាតិខ្មែរនៅត្រង់ចំណុចស្ពានស្រែពក ព្រំប្រទល់ខេត្តរតនគិរីនឹងខេត្តស្ទឹងត្រែង។ តាមសេចក្ដីប្រកាសដដែលនេះ អ្នកជំងឺម្នាក់ជាអ្នករស់នៅស្រុកសំរោង ខេត្តតាកែវ ដែលមានមុខរបរដឹកជញ្ជូនទំនិញ និងម្នាក់ទៀតរស់នៅស្រុកកូនមុំ ខេត្តរតនគិរី មុខរបរជាកម្មករលើកឥវ៉ាន់ក្រុមហ៊ុនដឹកជញ្ជូនJ&T ទីតាំងទំនប់កប់ស្រូវ រាជធានីភ្នំពេញ។ គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

ខេត្តកំពង់ធំ រកឃើញមនុស្ស០៩នាក់ទៀត ឆ្លងមេរោគកូវីដ-១៩ ក្នុងនោះមានពលករខ្មែរម្នាក់មកពីថៃ

កំពង់ធំ ៖ ខេត្តកំពង់ធំ ប្រកាសថា បានរកឃើញមនុស្ស ០៩នាក់ទៀតនៅក្នុងស្រុកចំនួន០៣ក្នុងខេត្តនេះ បានឆ្លងមេរោគកូវីដ-១៩ ក្នុងនោះមានពលករខ្មែរម្នាក់មកពីប្រទេសថៃផងដែរ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ធំ បញ្ជាក់ថា រកឃើញអ្នកឆ្លងជំងឺកូវីដ១៩ចំនួន ០៩នាក់ ក្នុងនោះអ្នកឆ្លងជំងឺកូវីដ១៩ពាក់ព័ន្ធនឹងព្រឹត្តិការណ៍ ២០កុម្ភៈ មានចំនួន០៨នាក់ និងពលករមកពីប្រទេសថៃ ចំនួន០១នាក់។ តាមសេចក្ដីប្រកាសព័ត៌មានដដែលនោះ អ្នកឆ្លងមេរោគកូវីដ១៩ មាននៅក្នុងស្រុកបារាយណ៍ចំនួន០៦នាក់ ស្រុកស្ទោងចំនួន០២នាក់ និងស្រុកកំពង់ស្វាយចំនួន០១នាក់។ គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

មួយសប្ដាហ៍ចុងក្រោយនេះ អាជ្ញាធរខេត្តបាត់ដំបង រកឃើញពលករមកពីថៃ១៣នាក់ វិជ្ជមានកូវីដ-១៩

បាត់ដំបង ៖ ក្នុងរយៈពេលមួយសប្ដាហ៍ គឺគិតត្រឹមថ្ងៃទី៣ ដល់ទី៩ ខែឧសភា ឆ្នាំ២០២១ អាជ្ញាធរខេត្តបាត់ដំបង និងមន្ទីរសុខាភិបាលខេត្ត បានរកឃើញពលករទើបត្រឡប់មកពីប្រទេសថៃ មានវិជ្ជមានកូវីដ១៩ ចំនួន១៣នាក់ ក្នុងនោះ មានទាំងអ្នករស់នៅក្នុងខេត្តបាត់ដំបង និងអ្នករស់នៅខេត្តបន្ទាយមានជ័យ។នៅក្នុងសេចក្តីប្រកាសព័ត៌មានរបស់រដ្ឋបាលខេត្តបាត់ដំបង កាលពីថ្ងៃទី៣ ខែឧសភា ឆ្នាំ២០២១ បានបង្ហាញពីការរកឃើញពលករម្នាក់ ទើបត្រឡប់មកពីប្រទេសថៃ វិជ្ជមានកូវីដ១៩ ហើយនៅថ្ងៃទី៤ អាជ្ញាធរខេត្ត បានប្រកាសពីការរកឃើញបន្ថែមនូវពលករចំនួន៤នាក់ទៀត។ ចំពោះមនុស្សទាំង៥នាក់នេះ បានមកពីប្រទេសថៃជាមួយគ្នា និងមានលំនៅឋានក្នុងស្រុកសង្កែ ហើយមានអ្នកពាក់ព័ន្ធនឹងពួកគេរហូតដល់ជាង៣០នាក់ ត្រូវបានមន្ត្រីសុខាភិបាលខេត្តធ្វើសំណាក និងដាក់ឲ្យធ្វើចត្តាឡីស័ក។ចំណែកនៅថ្ងៃទី៧ ខែឧសភា រដ្ឋបាលខេត្ត ក៏បានប្រកាសពីការរកឃើញករណីវិជ្ជមានកូវីដ១៩ម្នាក់ទៀត រស់នៅក្នុងស្រុកសង្កែ ដែលជាអ្នកពាក់ព័ន្ធនឹងមនុស្សទាំង៥នាក់ខាងលើ ហើយត្រូវបានមន្ត្រីសុខាភិបាលខេត្ត បាននាំមកព្យាបាលនៅក្នុងមន្ទីរពេទ្យបង្អែកខេត្ត ។ដោយឡែកក្នុងសេចក្តីប្រកាសព័ត៌មានមួយទៀត កាលពីថ្ងៃទី៨ ខែឧសភា អាជ្ញាធរបាន រកឃើញពលករ២នាក់ទៀត រស់នៅឃុំអូរសំព័រ ស្រុកម៉ាឡៃ ខេត្តបន្ទាយមានជ័យ មុខរបរលក់ផ្កានៅប្រទេសថៃ ដោយពួកគេ បានចេញពីថៃ តាមច្រកទ្វារតំបន់ព្រំដែនអូរអន្លក់ ស្រុកកំរៀង ហើយត្រូវបានបញ្ជូនទៅធ្វើចត្តាឡីស័ក កម្រិត១ នៅក្នុងវិទ្យាល័យពេជ្រចិន្តា ស្រុកភ្នំព្រឹក ។សម្រាប់កាលពីថ្ងៃទី៩ ខែឧសភា រដ្ឋបាលខេត្តបាត់ដំបង ក៏បានប្រកាសពីការរកឃើញពលករចំនួន ៥នាក់ទៀត ដោយ១នាក់ រស់នៅឃុំគារ ស្រុកមោងឫស្សី, ១នាក់ទៀតរស់ឃុំតាក្រី ស្រុកកំរៀង និង៣នាក់ រស់នៅឃុំតាពូង ស្រុកថ្មគោល ខណៈក្នុងសេចក្តីប្រកាសព័ត៌មានដដែលនេះ ក៏បានរកឃើញជនជាតិនេបាល់ម្នាក់ ទើបត្រឡប់មកពីទីក្រុងប៉ោយប៉ែត ខេត្តបន្ទាយមានជ័យ មានវិជ្ជមានកូវីដ១៩ផងដែរ ។ចាប់តាំងពីការផ្ទុះឆ្លងជំងឺកូវីដ-១៩ ក្នុងប្រទេសកម្ពុជា ខេត្តបាត់ដំបង មានអ្នកជំងឺនេះ ចំនួន៤៨នាក់ បានព្យាបាលជាសះស្បើយ២៩នាក់ និងកំពុងសម្រាកព្យាបាលក្នុងមន្ទីរពេទ្យបង្អែកខេត្ត ចំនួន១៩នាក់៕អត្ថបទ៖ បាន សុខរិទ្ធ

អគ្គីភ័យឆាបឆេះផ្សារតាខ្មៅចាស់ បង្កការខូចខាតតូបជួសជុលគ្រឿងម៉ូតូជាង១០តូប

កណ្ដាល ៖ នៅព្រឹកថ្ងៃទី១០ ខែឧសភានេះ មានអគ្គីភ័យមួយបានបង្កការឆាបឆេះផ្សារតាខ្មៅចាស់ ដែលផ្សារនេះ ពលរដ្ឋក្រុងតាខ្មៅ តែងហៅថា ផ្សាដឺលុច នៅផ្នែកខាងក្រៅ ហើយត្រូវបានក្រុមពន្លត់រថយន្តពន្លត់អគ្គីភ័យខេត្តកណ្តាល បានចុះពន្លត់ទាន់ពេលវេលា តែបានបង្កអោយខូចខាតសម្ភារៈនៅក្នុងតូបជួសជុលគ្រឿងកង់ម៉ូតូ នៅចំហៀងខាងត្បូងផ្សារ ចំនួនជាង១០តូប ក្នុងនោះ ភាគច្រើនរងការខូចខាតធ្ងន់ធ្ងរ។បើតាមពលរដ្ឋឃើញហេតុការណ៍ដំបូងគេ បានឲ្យដឹងថា អគ្គីភ័យបង្កការឆាបឆេះតូបលក់គ្រឿងកង់ម៉ូតូនេះគឺបានចាប់ផ្តើមឆេះ នៅក្នុងអំឡុងពេលម៉ោងប្រមាណ៩និង៣០នាទីព្រឹក ដោយសារមានជាងផ្សារដែក មកផ្សារជួសជុលតូបលក់គ្រឿងកង់ម៉ូតូនៅតូបលេខ៣ កែងខាងកើតផ្សារ ហើយបានធ្លាក់ផ្កាភ្លើង ឆាប់ជ័រនៅក្នុងតូបលេខ៣នោះ បង្កការរាលដាលឆេះបន្តបន្ទាប់។នៅក្នុងប្រតិបត្តិការពន្លត់អគ្គីភ័យការឆាបឆេះនេះ គឺបានពន្លត់អស់១០០% នៅពេលវេលាម៉ោងប្រមាណជាង១០ និង១១នាទីព្រឹកនេះវិញ។ តាមការអោយដឹងបន្ថែមពីតំណាងគណៈកម្មាការគ្រប់គ្រងផ្សារតាខ្មៅ បានឲ្យដឹងថា ការផ្សារដែកជួសជុលតូបលក់ទំនិញនៅផ្នែកខាងក្រៅនេះ បានធ្វើឡើងបន្ទាប់ពីអនុញ្ញាតពីគណៈកម្មការគ្រប់គ្រងផ្សារ ម្ចាស់តូបនីមួយៗត្រូវធ្វើការគ្រប់គ្រងនិងទទួលខុសត្រូវដោយខ្លួនឯង។តំណាងគណៈកម្មការគ្រប់គ្រងផ្សារតាខ្មៅចាស់ បានឲ្យដឹងបន្ថែមថា នៅក្នុងអំឡុងពេលដែលផ្សារតាខ្មៅចាស់ បានធ្វើការផ្អាកលក់ដូរជាបណ្តោះអាសន្ននេះ គឺគណៈកម្មការគ្រប់គ្រងផ្សារ បានអនុញ្ញាតអោយបណ្តាម្ចាស់តូបលក់ទំនិញទាំងអស់ជុំវិញផ្សារនេះ ត្រូវធ្វើការជួសជុលកែលំអរផ្សារអោយមានសោភ័ណភាពឡើងវិញ នឹងត្រូវរៀបចំកន្លែងលក់ដូរអោយបានត្រឹមត្រូវជាពិសេសគឺត្រូវរក្សាគម្លាត និងការពារទប់ស្កាត់ការឆ្លងមេរោគកូវីដ១៩ នៅពេលដែលផ្សារតាខ្មៅចាស់នេះ ប្រកាសបើកដំណើរការឡើងវិញ៕អត្ថបទ ៖ ស៊ុម សុខជា

បណ្ដាញសង្គម

ព័ត៌មានថ្មីៗ

ព្យុះខ្សាច់បានវាយប្រហារតំបន់ស៊ីនជាំងរបស់ប្រទេសចិន

ប្រធានាធិបតីបារាំង ស្វាគមន៍ការបើកច្រកសមុទ្រ Hormuz ឡើងវិញនៅក្នុងកិច្ចប្រជុំពហុភាគី

អូស្ត្រាលី និងជប៉ុនចុះហត្ថលេខាលើកិច្ចសន្យាដើម្បីចាប់ផ្តើមកិច្ចព្រមព្រៀងនាវាចម្បាំងតម្លៃ៧ពាន់លានដុល្លារ

អ៊ុយក្រែនត្រៀមខ្លួនរួចជាស្រេចសម្រាប់កិច្ចប្រជុំថ្នាក់ដឹកនាំជាមួយរុស្ស៊ីក្រោមការសម្របសម្រួល

តម្លៃប្រេងឆៅធ្លាក់ចុះជាង ១០ ភាគរយ ខណៈច្រកសមុទ្រហ័រមូសបើកដំណើរការឡើងវិញ

ពលរដ្ឋលីបង់ភៀសខ្លួនពីសង្គ្រាមសម្រុកវិលត្រឡប់ទៅភាគខាងត្បូងវិញនៅថ្ងៃទីពីរនៃបទឈប់បាញ់ជាមួយអ៊ីស្រាអែល

អ្នកស្រុក Manipur របស់ឥណ្ឌាប្រមូលផ្ដុំដោយកាន់គប់ភ្លើង ជុំវិញការផ្ទុះដ៏សាហាវដែលបានសម្លាប់កុមារពីរនាក់

ពិធីអបអរសាទរបុណ្យចូលឆ្នាំថ្មីប្រពៃណីខ្មែរ រៀបចំដោយសមាគមនិស្សិតខ្មែរនៅប្រទេសជប៉ុន

អាមេរិកបន្តលើកលែងទណ្ឌកម្មប្រេងរុស្ស៊ី ក្រោយមានសម្ពាធពីប្រទេសដែលកំពុងដោះស្រាយវិបត្តិតម្លៃប្រេងក្នុងពេលមានសង្គ្រាមអ៊ីរ៉ង់

អ៊ីរ៉ង់គំរាមបិទច្រកសមុទ្រហ័រមូស (Hormuz) ប្រសិនបើអាមេរិកនៅតែបន្តបិទកំពង់ផែរបស់ខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

រយៈពេល ០៩ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហមបានជិត ៤០ម៉ឺននាក់

ខេត្តបន្ទាយមានជ័យ ប្រកាសថា អ្នកជំងឺកូវីដ១៩ចំនួន៣៦នាក់ ត្រូវបានព្យាបាលជាសះស្បើយ

ខេត្តកំពង់ចាម សម្រេចបិទខ្ទប់ភូមិមួយនៃស្រុកបាធាយចំនួន១៤ថ្ងៃ

ខេត្តកំពង់ចាមរកឃើញអ្នកឆ្លងកូវីដ១៩ចំនួន១៦នាក់កាលម្សិលមិញ

សេវាដឹកអ្នកដំណើរមួយចំនួនបន្តផ្អាក ទោះបីបានបញ្ចប់ការបិទខ្ទប់រាជធានីភ្នំពេញក៏ដោយ

ខេត្តរតនគិរី រកឃើញមនុស្ស០២នាក់ ឆ្លងមេរោគកូវីដ-១៩ កាលពីម្សិលមិញនេះ

ខេត្តកំពង់ធំ រកឃើញមនុស្ស០៩នាក់ទៀត ឆ្លងមេរោគកូវីដ-១៩ ក្នុងនោះមានពលករខ្មែរម្នាក់មកពីថៃ

មួយសប្ដាហ៍ចុងក្រោយនេះ អាជ្ញាធរខេត្តបាត់ដំបង រកឃើញពលករមកពីថៃ១៣នាក់ វិជ្ជមានកូវីដ-១៩

អគ្គីភ័យឆាបឆេះផ្សារតាខ្មៅចាស់ បង្កការខូចខាតតូបជួសជុលគ្រឿងម៉ូតូជាង១០តូប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

រយៈពេល​ ០៩​ថ្ងៃ កងទ័ព​ចាក់​វ៉ាក់សាំង​ជូន​ពលរដ្ឋ​នៅ​តំបន់​ក្រហម​បាន​ជិត​ ៤០​ម៉ឺន​នាក់

ខេត្តបន្ទាយ​មាន​ជ័យ ​ប្រកាស​ថា អ្នក​ជំងឺ​កូវីដ​១៩​ចំនួន​​៣៦នាក់ ​ត្រូវ​បាន​ព្យាបាល​ជា​សះ​ស្បើយ

ខេត្តកំពង់ចាម​ សម្រេច​បិទខ្ទប់​ភូមិ​មួយ​នៃ​ស្រុក​បាធាយ​ចំនួន​១៤ថ្ងៃ

ខេត្តកំពង់​ចាម​រក​ឃើញ​អ្នក​ឆ្លង​កូវីដ​១៩​ចំនួន​១៦នាក់​កាល​ម្សិល​មិញ

សេវា​ដឹក​អ្នកដំណើរ​មួយ​ចំនួន​បន្ត​ផ្អាក ​ទោះបី​បាន​បញ្ចប់​ការ​បិទ​ខ្ទប់​រាជធានី​ភ្នំពេញ​ក៏ដោយ​

ខេត្ត​រតនគិរី រក​ឃើញ​​មនុស្ស​​​​០២នាក់ ​ឆ្លង​មេរោគ​កូវីដ-១៩​ កាល​ពីម្សិល​មិញ​នេះ

មួយ​សប្ដាហ៍​ចុងក្រោយ​នេះ​ អាជ្ញាធរខេត្ត​បាត់ដំបង ​រក​ឃើញ​ពលករ​មកពី​ថៃ​១៣​នាក់ ​វិជ្ជមាន​កូ​វីដ​-១៩

អគ្គីភ័យ​ឆាបឆេះ​ផ្សារ​តាខ្មៅ​ចាស់ បង្ក​ការខូចខាត​តូប​ជួសជុល​គ្រឿង​ម៉ូតូ​ជាង​១០​តូប​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រយៈពេល ០៩ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហមបានជិត ៤០ម៉ឺននាក់

ខេត្តបន្ទាយមានជ័យ ប្រកាសថា អ្នកជំងឺកូវីដ១៩ចំនួន៣៦នាក់ ត្រូវបានព្យាបាលជាសះស្បើយ

ខេត្តកំពង់ចាម សម្រេចបិទខ្ទប់ភូមិមួយនៃស្រុកបាធាយចំនួន១៤ថ្ងៃ

ខេត្តកំពង់ចាមរកឃើញអ្នកឆ្លងកូវីដ១៩ចំនួន១៦នាក់កាលម្សិលមិញ

សេវាដឹកអ្នកដំណើរមួយចំនួនបន្តផ្អាក ទោះបីបានបញ្ចប់ការបិទខ្ទប់រាជធានីភ្នំពេញក៏ដោយ

ខេត្តរតនគិរី រកឃើញមនុស្ស០២នាក់ ឆ្លងមេរោគកូវីដ-១៩ កាលពីម្សិលមិញនេះ

មួយសប្ដាហ៍ចុងក្រោយនេះ អាជ្ញាធរខេត្តបាត់ដំបង រកឃើញពលករមកពីថៃ១៣នាក់ វិជ្ជមានកូវីដ-១៩

អគ្គីភ័យឆាបឆេះផ្សារតាខ្មៅចាស់ បង្កការខូចខាតតូបជួសជុលគ្រឿងម៉ូតូជាង១០តូប