BTV NEWS

Kazuyoshi Miura កីឡាករបាល់ទាត់អាជីពវ័យចំណាស់បំផុតស៊ុតបញ្ចូលទីជាលើកដំបូងក្នុងរយៈពេលជិត ៤ឆ្នាំ នៅវ័យ ៥៩ឆ្នាំ

វីរបុរស World Cup របស់កាប់វែរ Vozinha ព្រមព្រៀងផ្ទេរទៅកាន់ក្លិប Colo-Colo របស់ស៊ីលី

សារដ៏ចម្រូងចម្រាស «The Malvinas are Argentine» ត្រូវបានបោះពុម្ពផ្សាយដោយឥតគិតថ្លៃនៅអាហ្សង់ទីន

ក្រុម ស.ស.យ.ក អលស្ដារ គ្រោងរៀបចំការប្រកួតសប្បុរសធម៌ នាចុងខែសីហា ក្រោយជំនួបមិត្តភាពផ្លូវការលើកដំបូង

ព័ត៌មានកីឡា

រសៀលនេះការប្រកួតបាល់ទាត់ស្វាយរៀងស៊ុបភើខាប់ នឹងរកឃើញម្ចាស់ពានរវាងស្នងការនគរបាលខេត្តស្វាយរៀង និងយុវជនអាយុក្រោម១៨ឆ្នាំព្រះខ័នរាជស្វាយរៀង។

ពានរង្វាន់ស្វាយរៀង ស៊ុបភើ ខាប់ ត្រូវបានរចនាឡើងដោយសម្រិតសម្រាំងទៅលើគ្រប់ចំណុច នៃតួផ្ទៃរបស់ពានទាំងមូល ត្រូវបានរំលេចឡើងដោយក្បូរក្បាច់រចនាផ្សេងៗ និងរូបតំណាង ដែលបង្ហាញនូវអត្តសញ្ញាណ ព្រមទាំងមានបង្កប់នូវអត្ថន័យនានាអំពីខេត្តស្វាយរៀង និងសម្ភារៈបុរាណខ្មែរ។*កំពូលពាន (ផ្ទៃខាងមុខ និងខាងក្រោយ) : រចនាឡើងដោយយកលំនាំតាមសម្ភារៈខ្មែរមួយប្រភេទ មានឈ្មោះថា “តោក” ដែលមានមុមចំនួន ៨ ដែលបានឆ្លាក់ព័ទ្ធជុំវិញទៅដោយឈ្មោះ ស្រុក-ក្រុង ទាំង ៨ នៃខេត្តស្វាយរៀង។*ផ្នែកកណ្តាលពាន : ផ្ទៃខាងមុខត្រូវបានរំលេចដោយពាក្យ ស្វាយរៀង ស៊ុបភើខាប់ ជាអក្សរឡាតាំង។ ចំណែកឯងផ្ទៃខាងក្រោយ គឺរំលេចចេញនូវរូបផែនទីទាំងមូល របស់ខេត្តស្វាយរៀង។ ផ្នែកកណ្ដាលពានទាំងសងខាង ត្រូវបានរចនាអមដោយដៃពានមានរាងជាស្នែងគោ ដោយយកតាមលំនាំនៃរចនាបថចម្លាក់លោហៈធាតុមួយប្រភេទ របស់បុរាណខ្មែរកាលសម័យដើម កំលុងសតវត្សទី១១-១២។*ផ្នែកទម្រនៃផ្ទៃកណ្ដាលពាន : ត្រូវបានរួមបញ្ចូលនូវរចនាបថចំនួនពីរ ក្នុងនោះ ៖ ១.មានសណ្ឋានជាក្បាលគោ ជាសត្វតំណាងឱ្យខេត្តស្វាយរៀង និងទី២.មានសណ្ឋានជាសម្ភារៈបុរាណខ្មែរម្យ៉ាងមានឈ្មោះថា “ឃ្លុំ” ដែលជាវត្ថុសម្រាប់ដាក់តម្រល់ត្រៃចីវរ និងវត្ថុមានតម្លៃផ្សេងៗ របស់ខ្មែរកាលសម័យដើម។*ផ្នែខាងក្រោមនៃពាន : មានសណ្ឋានរាងមូល ដោយបានចម្លងតាមរចនាបថនៃសម្ភារៈបុរាណខ្មែរម្យ៉ាងមានឈ្មោះថា “ភាច” ដែលជាវត្ថុកាលពីសម័យបុរាណខ្មែរយើងប្រើប្រាស់សម្រាប់ដាក់គ្រឿងសក្ការៈ ឬភោជនីយាហារ ជាដើម។ការប្រកួតនេះ BTV News Page, BTV Sport ផ្សាយផ្ទាល់៕

កីឡាកាយសម្ព័ន្ធ បន្ដបញ្ជ្រាបចំណេះដឹងថ្មីៗ ដល់គ្រូជំនាញ ដើម្បីពង្រឹង និងពង្រីកការអភិវឌ្ឍ

សហព័ន្ធកីឡាកាយសម្ព័ន្ធកម្ពុជា បានរៀបចំវគ្គបណ្ដុះបណ្ដាល គ្រូជំនួញអាអេរ៉ូប៊ិកកម្រិត១ ឆ្នាំ២០២៤ នៅខេត្តកំពង់ឆ្នាំង ចាប់ពីថ្ងៃទី១៧ ដល់ថ្ងៃទី២១ ខែវិច្ឆិកា ដើម្បីបញ្ជ្រាបចំណេះដឹងថ្មីៗ ក្នុងន័យពង្រឹង និងពង្រីកការអភិវឌ្ឍវិស័យកីឡាអូឡាំពិកនេះឲ្យកាន់តែរីកចម្រើន ។វគ្គបណ្ដុះបណ្ដាលនេះ មានសិក្ខាកាមចូលរួមចំនួន ២២នាក់ មកពីបណ្ដាលរាជធានី-ខេត្តមួយចំនួន ដែលបង្រៀនដោយគ្រូឧទ្ទេសឯកឧត្តម ណយ ផាណា អគ្គលេខាធិការសហព័ន្ធ និងជាគ្រូបង្វឹកក្រុមជម្រើសជាតិកម្ពុជា និងកញ្ញា សោ សុគី គ្រូជំនួយក្រុមជម្រើសជាតិ ។តាមការបញ្ជាក់របស់ឯកឧត្តម ណយ ផាណា វគ្គបណ្ដុះបណ្ដាលនេះ ផ្ដោតលើ ៣ចំណុចសំខាន់ៗ ស្ដីពី ១- វគ្គបណ្ដុះបណ្ដាលគ្រូជំនាញកីឡាកាយសម្ព័ន្ធអាអេរ៉ូប៊ិកកម្រិត១, ២-ការអភិវឌ្ឍកីឡាកាយសម្ព័ន្ធថ្នាក់ជាតិ+ការបោះជុំរំហ្វឹកហាត់ និងទី៣-ការកំណត់អត្តសញ្ញាណកីឡាទេពកោសល្យ ។ឯកឧត្តមបន្ដថា វគ្គនេះរៀបចំឡើង ដើម្បីរក្សានូវការបញ្ជ្រាបណេះជំនាញថ្មីៗ ពង្រីក និងពង្រឹងសមត្ថភាពបច្ចេកទេសទៅគ្រូបង្វឹកកីឡាជំនាញមួយនេះឲ្យមានការយល់ដឹងច្បាស់ថាខ្លួន គឺជាបន្ទាត់សម្រាប់តម្រង់ទិសលើការអភិវត្តប្រភេទកីឡាកាយសម្ព័ន្ធ ទៅតាមកម្រិតអាយុរបស់កីឡាករ កីឡាករិនី។មួយវិញទៀត វគ្គនេះបានសង្កត់ធ្ងន់ឲ្យគ្រូបង្វឹកទាំងអស់ ទទួលបានការយល់អំពីការជ្រើសរើសកីឡាករ-កីឡាការិនី វ័យក្មេងតាមតាមផែនការ និងគោលការណ៍ នៃការកំណត់អត្តសញ្ញាណទេពកោសល្យ កីឡាវ័យផងដេរ ។គួរដឹងថា វគ្គបណ្ដុះណ្ដាលប្រចាំឆ្នាំនេះ រៀបចំឡើងក្រោមគម្រោងថវិការបស់ក្រសួងអប៎រំ យុវជន និងកីឡា ដើម្បីពន្លឿនការអភិវត្តលើធនធានមនុស្ស ៕ អត្ថបទ៖ លី ឈុនឡា

ពានសម្ដេចតេជោ-ថ្នាក់ខេត្ត បើកយុទ្ធនាការរកបេក្ខភាពវគ្គពាក់កណ្ដាលផ្ដាច់ព្រ័ត្រ សប្ដាហ៍នេះ

ក្រោយបញ្ចប់ការប្រកួតជម្រុះតាមពូលរួចមក ពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៨ ឆ្នាំ២០២៤/២៥ (ថ្នាក់ខេត្ត) នឹងបន្ដការប្រកួតវគ្គ ៨ក្រុមចុងក្រោយ សម្រាប់ជើងទី១ នាថ្ងៃទី២០-២១ ខែវិច្ឆិកា ក្នុងសប្ដាហ៍នេះ មុនឈានដល់ការប្រកួតកាត់សេចក្ដីជើងទី២ នាថ្ងៃទី២៦-២៦ ខែវិច្ឆិកាខាងមុខ ដើម្បីកំណត់បេក្ខភាពឡើងវគ្គពាក់កណ្ដាលផ្ដាច់ព្រ័ត្រ នាពេលខាងមុខ។សម្រាប់កម្មវិធីប្រកួត នៃវគ្គ ៨ក្រុមចុងក្រោយ ជើងទី១ នៅថ្ងៃទី២០ ខែវិច្ឆិកា គឺក្លិបបាល់ទាត់ឡាយអ៊ិនឃីងខេត្តសៀមរាប ត្រូវស្វាគមន៍ក្រុមភ្ញៀវ មន្ទីរអប់រំ យុវជន និងកីឡាខេត្តកំពង់ស្ពឺ នៅកីឡដ្ឋាន SRU ខណៈក្រុមសមាគមកីឡាបាល់ទាត់ខេត្តកំពង់ធំ ត្រូវបើកទ្វារកីឡដ្ឋានខេត្តកំពង់ធំ ស្វាគមន៍ក្រុមភ្ញៀវសមាគមបាល់ទាត់ខេត្តកែប។រីឯការប្រកួតនៅថ្ងៃទី២១ ខែវិច្ឆិកា គឺមាន ២គូដូចគ្នា រួមមានក្រុមមន្ទីរអប់រំ យុវជន និងកីឡាខេត្តត្បូងឃ្មុំ ត្រូវជួបក្រុមភ្ញៀវសមាគមកីឡាបាល់ទាត់ខេត្តស្វាយរៀង នៅទីលានវិទ្យាល័យ ប៊ុន រ៉ានី ហ៊ុន សែន មេមត់ និងក្រុមមន្ទីរអប់រំ យុវជន និងកីឡាខេត្តកំពង់ចាម ត្រូវជួបក្រុមបាល់ទាត់ឈើតុំខេត្តពោធិ៍សាត់ នៅទីលានវិទ្យាល័យ ព្រះសីហនុ នាវេលាម៉ោង ៣៖៣០នាទីរសៀលដូចគ្នា ។ក្រោយបញ្ចប់ការប្រកួតជើងទី១ ក្រុមនីមួយៗ នឹងត្រូវធ្វើការប្រកួតជើងទី២ ដែលត្រូវផ្លាស់ប្ដូរទឹកដីគ្នា ខណៈសរុបលទ្ធផលទាំង ២ជើង ក្រុមទទួលបានជ័យជម្នះ នឹងទទួលបានកៅអីឡើងទៅវគ្គពាក់កណ្ដាលផ្ដាច់ព្រ័ត្រ ដែលគ្រោងនឹងធ្វើការប្រកួត ២ជើងទៀត នាខែធ្នូ មុនឈានដល់ការប្រកួតវគ្គផ្ដាច់ព្រ័ត្រ ស្វែងរកក្រុមជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៨ ឆ្នាំ២០២៤/២៥ (ថ្នាក់ខេត្ត) នាថ្ងៃទី២២ ខែធ្នូ ឆ្នាំ២០២៤ ខាងមុខ ៕ អត្ថបទ៖ លី ឈុនឡា

លោក ថោង រដ្ឋសក្តិ ចូលរួមកិច្ចមហាសន្និបាតទូកក្តោងពិភពលោកនៅប្រទេសសិង្ហបុរី

លោក ថោង រដ្ឋសក្តិ រដ្ឋលេខាធិការ នៃទីស្ដីការគណៈរដ្ឋមន្ត្រី និងជាអនុប្រធានចិន្ត្រៃយ៍សហព័ន្ធទូកក្ដោងកម្ពុជា (ស.ទ.ក) បានចូលរួមមហាសន្និបាតទូកក្ដោងពិភពលោកឆ្នាំ២០២៤ និងកិច្ចប្រជុំពាក់ព័ន្ធនានា ខណៈមហាសន្នបាតនេះមានអ្នកចូលរួមចំនួន៨៩ប្រទេស និងបានបោះឆ្នោតជ្រើសរើស ប្រធានសហព័ន្ធកីឡាទូកក្ដោងពិភពលោកជាថ្មីផងដែរ។ជាមួយមហាសន្និបាតនោះដែរសមាជិក សមាជិករបស់សហព័ន្ធក៏បានបោះឆ្នោតផ្តល់ទំនុកចិត្តឲ្យ លោក Quanhai Li ជាជនជាតិចិនធ្វើជាប្រធាន សម្រាប់ឆ្នាំ២០២៤ ដល់ឆ្នាំ២០២៨ និងអនុប្រធានចំនួន៧រូបទៀតនោះផងដែរ។នៅក្នុងមហាសន្និបាតប្រចាំឆ្នាំរបស់សហព័ន្ធកីឡាទូកក្តោងអាស៊ី ក៏បានបូកសរុបការងារប្រចាំឆ្នាំ២០២៤ និងលើកទិសដៅផែនការសកម្មភាពរយៈពេលខ្លី រួមទាំងបានឯកភាពគ្នាលើកឡើងអំពីប្រភេទកីឡា ដើម្បីដាក់បញ្ចូលក្នុងព្រឹត្តិការណ៍នៃការប្រកួតកីឡាអាស៊ីលើកទី២០ នៅទីក្រុង Aichi - Nagoya ប្រទេសជប៉ុន ឆ្នា២០២៦ផងដែរ ដោយព្រឹត្តិការណ៍នេះ កម្ពុជាគ្រោងបញ្ជូនអត្តពលិកទូកក្ដោងចំនួន៤រូបចូលរូមផងដែរ។នៅក្នុងមហាសន្និបាតខាងលើនេះ លោក ថោងរដ្ឋសក្តិ ក៏បានថ្លែងអំណរគុណយ៉ាងជ្រាលជ្រៅ ដល់សហព័ន្ធកីឡាទូកក្តោងអាស៊ី ក្នុងការគាំទ្រការអភិវឌ្ឍវិស័យកីឡាទូកក្តោងនៅកម្ពុជាកន្លងមក។ លើសពីនេះទៀត លោកក៏បានរាយការណ៍ពីភាពជោគជ័យក្នុងការរៀចំការប្រកួតកីឡាជាតិលើកទី៤ និងកីឡាជាតិ ជនពិការលើកទី២ ក្នុងនេះក៏មានប្រភេទកីឡាទូកក្តោងផងដែរ ដែលកម្ពុជាបានរៀបចំកាលពីថ្ងៃទី៣០ ខែតុលា ដល់ថ្ងៃទី០៨ ខែវិច្ឆិកា ឆ្នាំ២០២៤កន្លងទៅក្រោមការដឹកនាំរបស់សម្តេចបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ នៅក្នុងមហាសន្និបាត លោក ថោក រដ្ឋស័ក្តិ ក៏បានជំរាបជូនដល់អង្គសន្និបាតផងដែរថា កម្ពុជា បានត្រៀមលក្ខណៈរួចរាល់ហើយ ក្នុងការធ្វើជាម្ចាស់ផ្ទះនៃព្រឹត្តិការណ៍ការប្រកួតកីឡាយុវជនអាស៊ីឆ្នាំ២០២៩៕

ក្រសួងមហាផ្ទៃលេខ១កីឡាជាតិ ឯខេត្តកណ្តាលលេខ១កីឡាជាតិជនពិការឆ្នាំ២០២៤

កីឡាជាតិត្រូវបិទបញ្ចប់ការប្រកួតនៅល្ងាចថ្ងៃទី៨ ខែវិច្ឆិកានេះ បន្ទាប់ពីដំណើរការប្រកួតផ្លូវការតាំងពីថ្ងៃទី៣០ ខែវិច្ឆិកា ឆ្នាំ២០២៤កន្លងមកនេះ។ចំពោះលទ្ធផលការប្រកួត ក្រសួងមហាផ្ទៃគ្រងចំណាត់ថ្នាក់លេខ១ក្នុងការប្រកួតកីឡាជាតិលើកទី៤នេះ ដណ្តើមបានមេដាយច្រើនជាងគេ ដល់ទៅ២៤៨គ្រឿង ក្នុងនោះមេដាយមាស១២៧គ្រឿង ប្រាក់៧២គ្រឿង និងសំរឹទ្ធ៤៩គ្រឿង។ក្រសួងការពារជាតិបញ្ចប់នៅលេខ២ ក្រោយឈ្នះមេដាយមាស៩១គ្រឿង ប្រាក់៥៦គ្រឿង និងសំរឹទ្ធ៤១គ្រឿង។ ក្រសួងសេដ្ឋកិច្ច និងហិរញ្ញវត្ថុ ឈរនៅលេខ៣ជាមួយមេដាយសរុប៤៩គ្រឿង (មាស១៩គ្រឿង ប្រាក់១៤គ្រឿង និងសំរឹទ្ធ១៦គ្រឿង)។ចំណែកខេត្តកណ្តាល ស្ទឹងត្រែង ព្រៃវែង សៀមរាប កំពង់ឆ្នាំង ស្វាយរៀង និងបាត់ដំបងបញ្ចប់នៅចំណាត់លេខ៤ ៥ ៦ ៧ ៨ ៩ និងលេខ១០រៀងគ្នា។ ឯរាជធានីភ្នំពេញឈរនៅលេខ១២ ជាមួយមេដាយមាស៤គ្រឿង ប្រាក់៥គ្រឿង និងសំរឹទ្ធ២៦គ្រឿង។សូមបញ្ជាក់ថាការប្រកួតឆ្នាំនេះគ្មានខេត្តណាមិនដណ្តើមបានមេដាយនោះទេ យ៉ាងហោចណាស់ក៏មេដាយសំរឹទ្ធដែរ។សម្រាប់កីឡាជាតិជនពិការលើកទី២ឆ្នាំ២០២៤ ខេត្តកណ្តាល បញ្ចប់នៅចំណាត់ថ្នាក់លេខ១ បន្ទាប់ពីឈ្នះមេដាយសរុប៤០គ្រឿង ក្នុងនោះមាស១៤គ្រឿង ប្រាក់៩គ្រឿង និងសំរឹទ្ធ១៧គ្រឿង។ ខេត្តតាកែវលេខ២ ជាមួយមេដាយសរុប១៥គ្រឿង (មាស១០គ្រឿង ប្រាក់១គ្រឿង និងសំរឹទ្ធ៤គ្រឿង)។ខេត្តកែប ត្បូងឃ្មុំ រាជធានីភ្នំពេញ កំពង់ចាម សៀមរាប កំពង់ស្ពឺ កំពង់ឆ្នំាង និងស្វាយរៀង ឈរនៅចំណាត់ថ្នាក់១០ក្រុមលើគេ។ ដោយឡែក១០ក្រសួង និងខេត្តពុំដណ្តើមបានមេដាយពីការប្រកួតកីឡាជាតិជនពិការលើកនេះទេ៕

ឯកឧត្តម ហ៊ុន ម៉ានី ផ្តល់កិត្តិយសបំពាក់មេដាយជូនដល់ជ័យលាភីបាល់ទះអង្គុយជនពិការ

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាអនុប្រធានគណៈកម្មាធិការជាតិប៉ារ៉ាឡាំពិកកម្ពុជា បានអញ្ជើញផ្តល់កិត្តិយសដ៏ខ្ពស់ខ្ពស់ចូលរួមលើកទឹកចិត្តបំពាក់មេដាយដល់ការប្រកួតកីឡាបាល់ទះអង្គុយជនពិការបុរស-នារី នៅថ្ងៃទី០៧ ខែវិច្ឆិកានេះ នៃព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤។ក្នុងឱកាសបិទការប្រកួតប្រកបដោយភាពជោគជ័យនេះក៏មានការអញ្ជើញចូលរួមពីឯកឧត្តម សាមឺឌី ស៊ីវឌ្ឍនា រដ្ឋលេខាធិការ ក្រសួងអប់រំ យុវជន និងកីឡា និងឯកឧត្តម ប៉ុន សុខ អគ្គនាយក នៃអគ្គនាយកដ្ឋានកីឡាផងដែរ។ ជាលទ្ធផលបច្ចេកទេស ជ័យលាភីបាល់ទះអង្គុយនារី លេខ១ ខេត្តបន្ទាយមានជ័យ លេខ២ ខេត្តបាត់ដំបង និងលេខ៣ ខេត្តកំពង់ស្ពឺ ខណៈផ្នែកបុរស លេខ១ ខេត្តកណ្តាល លេខ២ ខេត្តកំពង់ស្ពឺ និងលេខ៣ ខេត្តសៀមរាប។លោក ផឹង សារ៉េត មន្ត្រីគណៈកម្មាធិការជាតិប៉ារ៉ាឡាំពិកកម្ពុជាបានឱ្យដឹងថា កីឡាជាតិ និងកីឡាជាតិជនពិការ លើប្រភេទកីឡាបាល់ទះអង្គុយជនពិការមានកីឡាករ ៥២នាក់ កីឡាការិនី ៤១នាក់មកពី៥ខេត្ត។ ឆ្លងកាត់ការប្រកួតរយៈពេល៤ថ្ងៃ គណៈកម្មការរៀបចំការប្រកួតបានសង្កេតឃើញថា ក្រុមកីឡាករ កីឡាការិនីបាល់ទះអង្គុយជនពិការបានខិតខំប្រឹងប្រែងប្រកួតអស់ពីសមត្ថភាព និងគោរពបាននូវក្រមសីលធម៌ វិន័យ បទបញ្ជាបច្ចេកទេសយ៉ាងល្អប្រសើរ ជាពិសេសគុណផលរបស់កីឡាករ កីឡាការិនីមានភាពល្អប្រសើរផងដែរ៕

កីឡាជាតិលើកទី៤៖ ក្រសួងមហាផ្ទៃនៅតែបន្តនាំមុខតារាងមេដាយ ដេញតាមពីក្រោយដោយក្រសួងការពារជាតិ

គិតត្រឹមថ្ងៃទី៥ ខែវិច្ឆិកា ឆ្នាំ២០២៤ ក្រសួងមហាផ្ទៃនៅតែបន្តនាំមុខតារាងមេដាយ ក្រោយឈ្នះមេដាយសរុប១១៥គ្រឿង(មាស៦៥ ប្រាក់៣២ និងសំរឹទ្ធ១៨) ក្នុងព្រឹត្តិការណ៍កីឡាជាតិលើកទី០៤ និងកីឡាជាតិជនពិការលើកទី០២ ឆ្នាំ២០២៤។ ក្រសួងការពារជាតិកំពុងដេញតាមពីក្រោយ ប៉ុន្តែគម្លាតមេដាយខុសគ្នាច្រើន បន្ទាប់ពីឈ្នះមេដាយមាស៤២គ្រឿង ប្រាក់២៥គ្រឿង និងសំរឹទ្ធ២១គ្រឿង សរុប៨៧គ្រឿង។ចំណែកខេត្តកណ្តាលបន្តឈរលេខ៣ ជាមួយមេដាយមាស១២គ្រឿង ប្រាក់១៣គ្រឿង និងសំរឹទ្ធ៣១គ្រឿង សរុប៥៦គ្រឿង។ ក្រសួងសេដ្ឋកិច្ច បញ្ចប់ថ្ងៃប្រកួតទី៧ ឈរនៅលេខ៤ជាមេដាយសរុប១៩គ្រឿង ក្នុងនោះមាស៩គ្រឿង ប្រាក់៧គ្រឿង និងសំរឹទ្ធ៣គ្រឿង។ឯខេត្តតាកែវ សៀមរាប ស្ទឹងត្រែង កែប ព្រៃវែង និងខេត្តកំពង់ឆ្នាំងឈរនៅលំដាប់ទី៥ ៦ ៧ ៨ ៩ និងលំដាប់ទី១០រៀងគ្នា ស្របពេលដែលខេត្តស្វាយរៀងឡើងពីលេខ១៧មកឈរនៅចំណាត់ថ្នាក់ទី១១ ក្រោយដណ្តើមបានមេដាយមាស៣គ្រឿង ប្រាក់៨ និងសំរឹទ្ធ៧គ្រឿង សរុប១៨គ្រឿង។រីឯខេត្តកោះកុង ពេលនេះដណ្តើមបានមេដាយហើយ និងឡើងមកឈរលេខ១៨ ក្រោយឈ្នះមេដាយមាស២គ្រឿង ប្រាក់២គ្រឿង និងសំរឹទ្ធ៣គ្រឿង សរុប៧គ្រឿង។ ព្រះវិហាក៏ឈ្នះមេដាយដែរ ក្រោយពីមិនអាចរកមេដាយបាន៦ថ្ងៃប្រកួត ដោយដណ្តើមបានមេដាយសំរឹទ្ធ៣គ្រឿង។ពេលនេះមានតែខេត្តពីរទេក្នុងចំណាម២៥រាជធានី ខេត្តនិងក្រសួង៣ដែលចូលរួមកីឡាជាតិ និងកីឡាជាតិជនពិការឆ្នាំនេះ មិនទាន់ឈ្នះមេដាយ គឺខេត្តក្រចេះ និងខេត្តរតនៈគីរី ពេលដែលកីឡាជាតិ នឹងបញ្ចប់នៅថ្ងៃទី៨ ខែវិច្ឆិកា សប្ដាហ៍នេះ៕

កីឡដ្ឋានថ្មីរបស់ក្លឹបអង្គរថាយហ្គឺរ នឹងប្រើសម្រាប់ការប្រកួតលីគកំពូលចុងសប្តាហ៍

ការទន្ទឹងរង់ចាំបានមកដល់! ក្លឹបបាល់ទាត់ដែលម្ចាស់ជាជនជាតិជប៉ុន អង្គរថាយហ្គឺរ នឹងប្រើប្រាស់កីឡដ្ឋានថ្មីរបស់ខ្លួនដែលដាក់ឈ្មោះតាមម្ចាស់ក្លឹបថាកីឡដ្ឋាន អាគីហ៊ីរ៉ូ កាតូ នឹងត្រូវប្រាស់សម្រាប់ការប្រកួតលីគកំពូលកម្ពុជា ទល់នឹងក្លឹបមកពីរាជធានីភ្នំពេញ សមាគមកីឡាបាល់ទាត់ក្រសួងមហាផ្ទៃ ថ្ងៃទី១០ ខែវិច្ឆិកា ឆ្នាំ២០២៤ ម៉ោង ៦និង០០នាទីល្ងាច។ម្សិលមិញមន្ត្រីខេមបូឌានព្រីមៀរលីគដឹកនាំដោយនាយកប្រតិបត្តិ Peter Koo បានចុះត្រួតពិនិត្យកីឡដ្ឋាននេះដើម្បីសម្រេចថាតើអាចលេងបានរឺអត់។ ជាលទ្ធផលតំណាងក្លឹបអង្គរថាយហ្គឺរ បញ្ជាក់ថា CPL សម្រេចឱ្យប្រើប្រាស់ និងប្រកួតផ្លូវការហើយ។សូមរំលឹកថា ក្នុងកិច្ចសម្ភាសន៍ជាមួយ BTV Newsថ្មីៗនេះ ជាមួយការសាងសង់កីឡដ្ឋានផ្លូវការ ក្រោយបង្កើតក្លិបជិត ១០ឆ្នាំនៅកម្ពុជា លោក Akihiro Kato ប្រធានក្លិបអង្គរថាយហ្គឺរ បានបង្ហាញនូវចក្ខុវិស័យដ៏វែងឆ្ងាយលើសពីបាល់ទាត់ ដោយលោករំពឹងថា សមិទ្ធផលថ្មីមួយនេះ នឹងរួមចំណែកអភិវឌ្ឍវិស័យកីឡាកម្ពុជា ក៏ដូចជាលើកកម្ពស់សេដ្ឋកិច្ច និងទេសចរណ៍នៅខេត្តសៀមរាបទៀតផង ។លោក Akihiro Katoបន្តថា ការសាងសង់កីឡដ្ឋាននេះ ធ្វើតាមលទ្ធភាព ទៅតាមកម្រិតធនធាន ដោយជំហានដំបូងក្រៅពីទីលានប្រកួត គឺធ្វើកន្លែងអង្គុយត្រឹម ២,០០០កៅអី ។ តែអ្វីដែលសំខាន់ គឺការសាងសង់ស្របតាមស្ដង់ដារអន្ដរជាតិ ក៏ដូចជា AFC ហើយបើមានការចូលរួមគាំទ្រកាន់តែច្រើន លោកនឹងពង្រីកសាងសង់កាន់តែធំ ។រហូតដល់លក់ក្រុមហ៊ុននៅជប៉ុន ដើម្បីដំណើរការក្លិប និងសាងសង់កីឡដ្ឋាននេះ ហេតុផលសំខាន់បំផុត គឺដោយសារលោកស្រាលាញ់ប្រទេសកម្ពុជាខ្លាំង ។ ហេតុនេះ លោកសុទិដ្ឋិនិយមក្រោយវត្តមានកីឡដ្ឋានរបស់ក្លិប មិនត្រឹមតែជួយការអភិវឌ្ឍកីឡាបាល់ទាត់នោះទេ នឹងអាចជួយដល់សេដ្ឋកិច្ច និងទេសចរណ៍នៅសៀមរាប ។ ម្យ៉ាងក៏ជាគំរូសម្រាប់ក្លិបតំណាងឲ្យខេត្តមួយផងដែរ ។លោក Akihiro Kato បានបន្ថែមថា ដីដែលលោកបានវិនិយោគ សម្រាប់សាងសង់កីឡដ្ឋាននេះ មានទំហំសរុប ៦ហិចតា ក្នុងនោះ ៣ហិចតាសម្រាប់ធ្វើកីឡដ្ឋាន ហើយសល់ប៉ុន្មាន លោកនឹងកៀគរវិនិយោគិនមកវិនិយោគធ្វើជាក្រុងមួយ ដែលមានមន្ទីរពេទ្យ និងសាលារៀនជាដើម ។ លោកសង្ឃឹមថា ៥ ឬ ១០ឆ្នាំទៀត ទីតាំងនេះ មិនត្រឹមតែជាកីឡដ្ឋាននោះទេ តែនឹងក្លាយជាទីប្រជុំជនមួយ ដែលផ្ដល់លើសពីកីឡាបាល់ទាត់ដល់ប្រជាពលរដ្ឋ និងទេសចរណ៍ ។សូមបញ្ជាក់ថា កីឡដ្ឋានរបស់ក្លិបអង្គរថាយហ្គឺរស្ថិតនៅភូមិបឹង សង្កាត់ក្របីរៀល ក្រុង និងខេត្តសៀមរាប៕

កីឡាជាតិ លើកទី៤ ៖ គិតត្រឹមថ្ងៃទី៤វិច្ឆិកា ក្រសួងមហាផ្ទៃ បន្តឈរនៅកំពូលតារាងមេដាយ ក្រោយឈ្នះមេដាយសរុប ៨៨គ្រឿង

គិតត្រឹមថ្ងៃទី០៤ ខែវិច្ឆិកា ឆ្នាំ២០២៤ ក្រសួងមហាផ្ទៃ បន្តឈរនៅកំពូលតារាងមេដាយ ក្រោយឈ្នះមេដាយមាស៤៩គ្រឿង ប្រាក់២៦ និងសំរឹទ្ធ១៣គ្រឿង សរុប៨៨គ្រឿង ក្នុងព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤។ក្រសួងការពារជាតិ ឈរនៅលេខ២ជាមួយមេដាយ៤៩មាស៣០គ្រឿង ប្រាក់១៦គ្រឿង និងសំរឹទ្ធ១៥គ្រឿង សរុប៦៣គ្រឿង។ចំណែកខេត្តកណ្ដាល ឡើងមកឈរនៅលេខ៣ បន្ទាប់ពីដណ្ដើមបានមេដាយសរុប៤៣គ្រឿង ក្នុងនោះមាស៩គ្រឿង ប្រាក់៩ និងសំរឹទ្ធ២៥គ្រឿង។ក្រសួងសេដ្ឋកិច្ច និងហិរញ្ញវត្ថុ លេខ៤ឈ្នះមេដាយមាស៩គ្រឿង ប្រាក់៤គ្រឿង និងសំរឹទ្ធ៣គ្រឿង សរុប១៦គ្រឿង។មកដល់ពេលនេះ ខេត្តមិនទាន់ឈ្នះមេដាយសោះមាន កោះកុង ក្រចេះ រតនៈគីរី និងខេត្តព្រះវិហារ៕

កម្ពុជារៀបចំការប្រកួតកីឡាហែលទឹកពាក់ជើងទា ជ្រើសរើសជើងឯកអាស៊ីអាគ្នេយ៍ ឆ្នាំ២០២៤

កម្ពុជាទទួលបានសិទ្ធិរៀបចំការប្រកួតកីឡាហែលទឹកពាក់ជើងទាជ្រើសរើសជើងឯកអាស៊ីអាគ្នេយ៍ លើកទី១ ឆ្នាំ២០២៤ ដោយមានអត្តពលិកមកពីប្រទេសចំនួន ០៧ផ្សេងគ្នាក្នុងតំបន់អាស៊ី អាគ្នេយ៍ដោយមានម្ចាស់ផ្ទះកម្ពុជា ថៃ, វៀតណាម, ម៉ាឡេស៊ី, សិង្ហបុរី, ឥណ្ឌូណេស៊ី និងហ្វីលីពីន។ពិធីបើកការប្រកួតកីឡាហែលទឹកពាក់ជើងទាជ្រើសរើសជើងឯកអាស៊ីអាគ្នេយ៍ លើកទី១ ឆ្នាំ២០២៤ ធ្វើឡើងនារសៀលថ្ងៃទី០២ ខែវិច្ឆិកា ឆ្នាំ២០២៤ ដែលមានការអញ្ជើញចូលរួមពីឯកឧត្តមបណ្ឌិត ថោង ខុនទេសរដ្ឋមន្រ្តីទទួលបន្ទុកជំរុញចលនាកីឡា និងជាប្រធានគណៈកម្មាធិការជាតិអូឡាំពិកកម្ពុជា ជាប្រធានកិត្តិយអស់មួយជីវិតរបស់ក្រុមប្រឹក្សាកីឡាអាស៊ីអាគ្នេយ៍, Mr. MICHEL GAUNARD ប្រធានគណៈកម្មាធិការកីឡារបស់សហព័ន្ធកីឡាក្រោមទឹកអន្តរជាតិតំណាងសហព័ន្ធកីឡាក្រោមទឹកអន្តរជាតិ (CMAS)៕

បណ្ដាញសង្គម

ព័ត៌មានថ្មីៗ

រដ្ឋាភិបាលយេម៉ែន ត្រៀមខ្លួនសម្រាប់ការកើនឡើងភាពតានតឹងណាមួយជាមួយក្រុមហ៊ូទី

លោក TRUMP គំរាមចាត់ចាត់វិធានការយោធាដ៏ខ្លាំងក្លា ប្រសិនបើការចរចាជាមួយអ៊ីរ៉ង់បរាជ័យ

តម្លៃប្រេងធ្លាក់ចុះ១% ខណៈអ្នកវិនិយោថ្លឹងថ្លែងការផ្អាកវាយប្រហាររបស់អាមេរិកទៅលើប្រទេសអ៊ីរ៉ង់

សម្តេចធិបតី ហ៊ុន ម៉ាណែត អនុញ្ញាតឱ្យនាយកប្រតិបត្តិក្រុមហ៊ុន MinebeaMitsumi Inc. ចូលជួបសម្តែងការគួរសម និងពិភាក្សាការងារ

កម្ពុជា និងជប៉ុន បន្តពង្រឹងកិច្ចសហប្រតិបត្តិការលើច្បាប់ការពារបរិស្ថាន

ក្រសួងបរិស្ថានគាំទ្រសកម្មភាពរបស់អង្គការទស្សនៈពិភពលោកអន្តរជាតិ ក្នុងការលើកកម្ពស់ជីវភាពសហគមន៍

គណៈបញ្ជាការឯកភាពរាជធានី បង្ក្រាបទីតាំងអនឡាញស្គេម នៅអគារព្រ៊ីន ខណ្ឌចំការមន ឃាត់ជនបរទេស៥៤នាក់

ជនប៉ាឡេស្ទីនជម្លៀសខ្លួនស្វាគមន៍កងកម្លាំងអន្តរជាតិនៅហ្កាហ្សា និងអំពាវនាវឲ្យកសាងផ្ទះសម្បែងរបស់ពួកគេឡើងវិញ

ពលរដ្ឋវិលត្រឡប់ទៅកាន់តំបន់ភាគខាងត្បូងលីបង់វិញ ក្រោយការដកទ័ពរបស់អ៊ីស្រាអែល

ប្រធានាធិបតីហ្វីលីពីន លោក Marcos ប្រាប់ថា ប្រហែលដល់ពេលត្រូវពិនិត្យថាមពលនុយក្លេអ៊ែរឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877