BTV NEWS

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

Chelsea បើកការចរចានាំយក Jordan Henderson និង Danny Welbeck មកបន្ថែមបទពិសោធន៍ក្នុងក្រុម

កីឡារាំកម្ពុជា៖ ការឈ្នះមេដាយ ៦៩គ្រឿងពីជើងឯកអាស៊ាននៅម៉ាឡេស៊ី ជាការបំបែកកំណត់ត្រាថ្មីប្រកបដោយភាពជោគជ័យជូនជាតិ

ព័ត៌មានកីឡា

ឯកឧត្តម ថោង ខុន៖ ការប្រកួតគុនចម្រុះ «ពានរង្វាន់សម្ដេចធិបតី» ជាឱកាសគាស់រំលើងយុទ្ធគុនបុរាណឡើងវិញ

ឯកឧត្តមបណ្ឌិតទេសរដ្ឋមន្ដ្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា(NOCC) និងជាប្រធានគណៈកម្មការចំពោះកិច្ចរៀបចំការប្រកួតកីឡាយុទ្ធគុនចម្រុះខ្មែរបុរាណ “ពានរង្វាន់សម្ដេចធិបតី” (គ.ច.យ.ខ.ព) បានចាត់ទុកព្រឹត្តិការណ៍នេះ គឺជាឱកាសគាស់រំលើងយុទ្ធគុនបុរាណខ្មែរគ្រប់ទម្រង់ឡើងវិញ ដើម្បីបន្ដការអភិរក្ស និងអភិវឌ្ឍន៍យូរអង្វែងតទៅមុខទៀត ។ឯកឧត្តមបានមានប្រសាសន៍បែបនេះ នៅក្នុងសន្និសីទសារព័ត៌មាន ស្ដីពីប្រកាសផ្លូវការអំពីកាលបច្ចេទប្រកួត ក៏ដូចជាផ្សព្វផ្សាយនូវព័ត៌សំខាន់ៗ ពាក់ព័ន្ធនឹងការប្រកួតយុទ្ធគុនចម្រុះខ្មែរបុរាណ «ពានរង្វាន់សម្ដេចធិបតី» ដែលគ្រោងនឹងធ្វើការប្រកួតនាថ្ងៃទី១៨ ដល់ថ្ងៃទី២០ ខែតុលា ឆ្នាំ២០២៤ ខាងមុខ ក្រោយទទួលបានការអនុញ្ញាតដ៏ខ្ពង់ខ្ពស់ពីសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា ។ឯកឧត្តមបណ្ឌិត ថោង ខុន បន្ដថា ព្រឹត្តិការណ៍ជាប្រវត្តិសាស្ដ្រនេះ គឺជាគំនិតផ្តួចផ្តើមដ៏ខ្ពង់ខ្ពស់ ប្រកបដោយចក្ខុវិស័យវែងឆ្ងាយរបស់ សម្តេចធិបតីនាយករដ្ឋមន្ដ្រី ក្នុងគោលបំណងគាស់រំលើងឡើងវិញនូវយុទ្ធគុនបុរាណរបស់បុព្វបុរសដូនតាខ្មែរគ្រប់ជំនាន់ ក្រោមស្មារតី អភិរក្សដើម្បីអភិវឌ្ឍ អភិវឌ្ឍដើម្បីអភិរក្ស “មរតកយុទ្ធគុនខ្មែរបុរាណ” ។ ដោយហេតុនេះ ឯកឧត្តមបានអំពាវនាវដល់អ្នកហាត់ក្បាច់គុនបុរាណខ្មែរទាំងអស់ ពិសេចាស់ព្រឹទ្ធាចារ្យ នៅតាមសហគមន៍ទូទាំងប្រទេស ចុះឈ្មោះចូលរួមឲ្យបានច្រើន ដើម្បីបង្ហាញ ក៏ដូចជាចូលរួមអភិរក្ស និងអភិរក្សនូវក្បាច់គុនមរកតដូនតាខ្មែរទាំងអស់គ្នា ។ឆ្លៀតឱកាសនោះដែរ ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា ប្រធានសហព័ន្ធកីឡាយុទ្ធគុនចម្រុះកម្ពុជា និងជាអនុប្រធានគណៈកម្មការអចិន្ដ្រៃយ៍គណៈកម្មការចំពោះកិច្ច ក៏បានផ្ដល់នូវព័ត៌មានសំខាន់ជាច្រើន ពិសេសពាក់ព័ន្ធនឹងបទបញ្ជាការប្រកួត ដោយឯកឧត្តមបានពន្យល់ច្បាស់ អំពីការបង្កើតនូវបទបញ្ជាថ្មី និងមានលក្ខណៈវិទ្យាសាស្ដ្រកីឡា សម្រាប់អនុវត្តក្នុងព្រឹត្តិការណ៍យុទ្ធគុនចម្រុះខ្មែរបុរាណ «ពានរង្វាន់សម្ដេចធិបតី» ដោយបើកឲ្យអ្នកហាត់គុនខ្មែរបុរាណគ្រប់ទម្រង់ និងគ្រប់ប្រភេទ ចូលរួមដោយសេរី ។គួរដឹងថា សម្ដេចមហាបវរធិបតី ហ៊ុន ម៉ាណែត ធ្លាប់បានប្រកាសក្នុងពិធីបើកការប្រកួតយុទ្ធគុនចម្រុះជើងឯកអាស៊ី លើកទី២ កាលពីថ្ងៃទី១១ ខែកក្កដាកន្លងទៅថា សម្ដេចបានផ្ដួចផ្ដើម និងអនុញ្ញាតជាគោលការណ៍ឲ្យមានរៀបចំការប្រកួតយុទ្ធគុនចម្រុះខ្មែរបុរាណ ដើម្បីដណ្ដើមពានរង្វាន់សម្ដេចធិបតី រៀងរាល់ឆ្នាំ ចាប់ពីខែតុលា ឆ្នាំ២០២៤ តទៅ ដើម្បីអភិរក្ស និងអភិវឌ្ឍន៍ក្បាច់គុនបុរាណខ្មែរ ជាពិសេសផ្សព្វផ្សាយឲ្យពិភពលោកដឹងថា កម្ពុជាមានយុទ្ធគុនបុរាណដ៏សម្បូរបែប ច្រើនប្រភេទ ច្រើនទម្រង់ និងច្រើនមេគុន មិនមែនមានក្បាច់គុនបុរាណត្រឹម ២ ឬ ៣ នោះទេ៕ អត្ថបទ លី ឈុនឡា

លោក ធិន វិចិត្រ៖ ការប្រកួតកីឡាឧបសគ្គមានការចូលរួមពីកីឡាករ កីឡាការិនីច្រើនលើសពីការរំពឹងទុក

លោក ធិន វិចិត្រ អគ្គលេខាធិការ សហព័ន្ធកីឡាឧបសគ្គកម្ពុជាបានគូសបញ្ជាក់ថា ការប្រកួតកីឡាឧបសគ្គ ដែលប្រារព្ធធ្វើឡើងខេត្ត ព្រះសីហនុ មានចំនួនកីឡាករ កីឡាការិនីចូលរួមប្រកួតយ៉ាងផុសផុលខ្លាំង លើសពីការរំពឹងទុក បើទោះបីជានេះជាប្រភេទកីឡាថ្មីសម្រាប់កម្ពុជាក្តី។អគ្គលេខាធិការរូបនេះ គូសបញ្ជាក់ថា ព្រឹត្តិការណ៍កីឡាឧបសគ្គនេះ ត្រូវបានរៀបចំការប្រកួតចំនួន ៣ជុំ ពោលគឺចំនួន៣សប្តាហ៍ ដោយសប្តាហ៍ទី១ ជាការប្រកួតវគ្គជម្រុះ ដែលបានធ្វើឡើងកាលពីថ្ងៃទី០៣-០៤ ខែសីហា ឆ្នាំ២០២៤ ហើយការប្រកួតសម្រាប់សប្តាហ៍ទី២ គឺជាការប្រកួតវគ្គពាក់កណ្តាល គ្រោងនឹងចាប់ផ្តើមពីថ្ងៃទី១០-១១ ខែសីហា ឆ្នាំ២០២៤ និងសប្តាហ៍ទី៣ ជាការប្រកួតវគ្គផ្តាច់ព្រ័ត្រ គ្រោងនឹងចាប់ពីថ្ងៃទី១៧-១៨ ខែសីហា ឆ្នាំ២០២៤ ។ ការប្រកួតនេះមានការចូលរួមពីសាលាអន្តរជាតិ អ៊ីសិន អនុវិទ្យាល័យ ហ៊ុនសែន កម្មករ អនុវិទ្យាល័យសម្តេចឪ ក្លឹបសន្តិភាព ការ៉ាតេដូ សាលាជីវិត វិទ្យាល័យហ៊ុនសែនមិត្តភាព ក្លឹបភ្នំពេញ និងក្រុមមហាជន ដែលមានចំនួនអ្នកចូលរួម សរុប ២៣៦នាក់ ក្នុងនោះមានកីឡាការិនីចំនួន៥២នាក់។គោលបំណងសំខាន់មួយទៀត ក្នុងការរៀបចំការប្រកួតនៅខេត្តព្រះសីហនុនេះ គឺដើម្បីជាការបំផុសស្មារតីដល់យុវជនឱ្យចូលរួមលេងកីឡា ដើម្បីសុខភាព មិត្តភាព និងសាមគ្គីភាព និងបញ្ជៀសយុវជនឱ្យជៀសឆ្ងាយពីអំពើអបាយមុខផ្សេងៗ ស្របតាមគោលនយោបាយរបស់រាជរដ្ឋាភិបាលនូវពាក្យស្លោក ប្រជាជនម្នាក់លេងកីឡាមួយប្រភេទ ប្រចាំជីវិត។ ជាមួយគ្នានេះ សហព័ន្ធកីឡាឧបសគ្គកម្ពុជាក៏មានបំណងសំខាន់មួយទៀត ក្នុងការបង្កឱ្យមានភាពទាក់ទាញដល់វិស័យទេសចរណ៍ផងដែរ។ លោក ធិន វិចិត្រ សង្កត់ធ្ងន់ថា ៖«ថ្មីដ្បិតតែ ប្រភេទកីឡាឧបសគ្គនេះ គឺថ្មីសម្រាប់កម្ពុជាក៏ពិតមែន ប៉ុន្តែប្រភេទកីឡានេះត្រូវបានរៀបចំប្រកួត ក្នុងព្រឹត្តិការណ៍កីឡាស៊ីហ្គេម លើកទី៣២ កាលពីខែឧសភា ឆ្នាំ២០២៣ នៅកម្ពុជា ដែលជាប្រវត្តិសាស្រ្តដំបូងរបស់កម្ពុជា ហើយក្នុងនាមជាម្ចាស់ផ្ទះ កីឡាឧបសគ្គកម្ពុជាក៏ដណ្តើមបានមេដាយសំរឹទ្ធ ក្នុងចំណោមប្រទេសអាស៊ាន ដែលចូលរួមផងដែរ»៕

មន្ដ្រីរំពឹងលីគនារី នឹងចម្រាញ់បានកីឡាការិនីខ្លាំងៗ ក្រោយបើកទំព័រប្រវត្តិសាស្ដ្រក្នុងស៊ីហ្គេម

លោកស្រី ពុធ ធីតា សមាជិកគណៈកម្មាធិការប្រតិបត្តិសហព័ន្ធកីឡាបាល់ទាត់កម្ពុជា និងជាប្រធានគណៈកម្មការបាល់ទាត់នារី បានដាក់ក្ដីរំពឹងថា ការចាប់ផ្ដើមឡើងវិញ នៃលីគបាល់ទាត់នារី នឹងចម្រាញ់បាននូវធនធានកីឡាការិនីឆ្នើមៗត្រៀមការប្រកួតអន្ដរជាតិនានា បន្ទាប់ពីក្រុមជម្រើសជាតិនារីកម្ពុជា បានបើកទំព័រប្រវត្តិសាស្ដ្រឡើងវគ្គពាក់កណ្ដាលផ្ដាច់ព្រ័ត្រស៊ីហ្គេម ឆ្នាំ២០២៣។ការបង្ហាញសុទិដ្ឋិនិយមនេះ ធ្វើឡើងក្នុងពិធីសិក្ខាសាលាផ្សព្វពផ្សាយពីច្បាប់ប្រកួត និងចាប់ឆ្នោត នៃការប្រកួតបាល់ទាត់ «ខេមបូឌានលីគនារី» ឆ្នាំ២០២៤/២៥ នៅព្រឹកថ្ងៃទី០៧ ខែសីហា ឆ្នាំ២០២៤ នៅមជ្ឈមណ្ឌលជាតិហ្វឹកហ្វឺនកីឡា ខណៈការប្រកួតគ្រោងនឹងចាប់ផ្ដើមនាថ្ងៃទី១៧ ខែសីហាខាងមុខ ដោយមានក្លិប សមាគម មន្ទីរ និងអង្គការចូលរួមសរុបចំនួន ១០ក្រុម ។មន្ដ្រីសហព័ន្ធដដែលបន្ដថា ទោះបីលីគនារី ខកខានរៀបចំជិត ៣ឆ្នាំមកហើយក្ដី ប៉ុន្ដែសហព័ន្ធមិនបានបោះបង់ការអភិវឌ្ឍនោះទេ ពិសេសមោទនភាពមិនអាចបំភ្លេចបាន ក្នុងស៊ីហ្គេម ឆ្នាំ២០២៣ នៅកម្ពុជា ដែលក្រុមជម្រើសជាតិនារីកម្ពុជា ធ្វើបានយ៉ាងល្អឡើងទៅវគ្គពាក់កណ្ដាលផ្ដាច់ព្រ័ត្រជាលើកដំបូង បានជំរុញឲ្យថ្នាក់ដឹកនាំសហព័ន្ធខិតខំ ដើម្បីរៀបចំការប្រកួតកម្រិតខ្ពស់នេះឡើងវិញ ។លោកស្រី ពុធ ធីតា បានដាក់ក្ដីសង្ឃឹម តាមរយៈការប្រកួតខេមបូឌានលីគនារីនេះដែរ នឹងអាចចម្រាញ់បាននូវកីឡាការិនីខ្លាំងៗ ដើម្បីក្រុមជម្រើសជាតិនារីកម្ពុជា ត្រៀមការប្រកួតប្រជែងក្នុងក្របខណ្ឌអន្ដរជាតិនានា នៅថ្ងៃអនាគត ពិសេសការត្រៀមលក្ខណៈចូលរួមការប្រកួតពានរង្វាន់បាល់ទាត់នារីអាស៊ីអាគ្នេយ៍ AFF Women Cup ឆ្នាំ២០២៤ ដែលគ្រោងនឹងធ្វើឡើងនៅប្រទេសឡាវ នាខែវិច្ឆិកាខាងមុខ ។ដូច្នេះលោកស្រីបានជំរុញ និងលើកទឹកចិត្តដល់បណ្ដាសមាគម ក្លិប មន្ទីរ និងអង្គការចូលរួមទាំងអស់ ពិសេសកីឡាការិនីផ្ទាល់ ត្រូវខិតខំប្រឹងប្រែងឲ្យអស់ពីសមត្ថភាព ដើម្បីស្វែងរកលទ្ធផលល្អជូនក្រុមរៀងៗខ្លួន ក៏ដូចជាមានឱកាសជាប់ជម្រើសជាតិត្រៀមចូលរួមការប្រកួតអន្ដរជាតិនានាផង។គួរដឹងថា ក្រោយពិធីចាប់ឆ្នោតបែងចែកគូប្រកួតរួចរាល់ សម្រាប់កម្មវិធីប្រកួតសប្ដាហ៍ទី១ នៃលីគនារី រដូវកាលថ្មី នាថ្ងៃទី១៧ ខែសីហា ឆ្នាំ២០២៤ ខាងមុខ ក្នុងចំណោម ១០ក្រុម រួមមាន៖ ក្រុមព្រះខ័នរាជស្វាយរៀង ជួបខេត្តកំពង់ធំ, សមាគមក្លិបបាល់ទាត់មីស្ទើរលេង ជួបក្រុមវិសាខា, ក្រុម សលត៍ ខេត្តបាត់ដំបង ជួបក្រុមសៀមរាបអេហ្វស៊ី, ក្រុមបឹងកេត ជួបខេត្តកំពង់ឆ្នាំង និងក្រុមជើងឯកឆ្នាំ២០២១ ភ្នំពេញក្រោន ជួបក្រុមជើងឯករង ណាហ្គាវើលដ៏ ៕ អត្ថបទ លី ឈុនឡា

អត្តពលិកកម្ពុជា ៣រូប បញ្ចប់ភារកិច្ចក្នុងការប្រកួតអូឡាំពិកប៉ារីស ឆ្នាំ២០២៤

អត្តពលិកកីឡាកម្ពុជា ៣រូប រួមមានកីឡាអត្តពលកម្ម ឈុន ប៊ុនថន និងកីឡាហែលទឹក ២រូប គឺកីឡាករកូនកាត់ខ្មែរ-បារាំង កូសុងដឺឡាប៉ារ៉ង់ អង់ត្វ័ន ម៉ាតាំងក្លូដ និងកីឡាការិនីខ្មែរ-អាមេរិក សាក់ប៊ុន អប្សរា កាតារីណា បានបញ្ចប់ភារកិច្ចរបស់ខ្លួន ក្នុងការប្រកួតកីឡាអូឡាំពិក រដូវក្ដៅ លើកទី៣៣ នាទីក្រុងប៉ារីស ប្រទេសបារាំង ហើយ ដោយធ្លាក់ត្រឹមវគ្គជម្រុះដូចគ្នា ។សម្រាប់កីឡាករ ឈុន ប៊ុនថន ដែលទើបប្រកួតកាលពីល្ងាចថ្ងៃពុធ លើវិញ្ញាសា ៨០០ម៉ែត្រ ដោយបញ្ចប់ត្រឹមចំណាត់ថ្នាក់លេខ៩ ក្នុង Heat 5 ដោយប្រើថិរវេលា ១នាទី និង ៥៣.៣១វិនាទី ដែលនាំឲ្យម្ចាស់មេដាយមាសស៊ីហ្គេម ឆ្នាំ២០២៣ រូបនេះ មិនអាចឡើងទៅវគ្គបន្ដនោះទេ ប៉ុន្តែត្រូវប្រកួត Recharge រកឱកាសឡើងវគ្គផ្តាច់ព្រ័ត្រថ្ងៃនេះ ។អ្វីដែលគួរឲ្យកត់សម្គាល់ គឺថិរវេលាក្នុងការប្រកួតកីឡាអូឡាំពិកនេះ ប៊ុនថន មិនអាចបំបែកកំណត់ត្រាចាស់របស់ខ្លួន ដែលធ្លាប់ធ្វើបានល្អបំផុតក្នុងការប្រកួតជើងឯកអាស៊ី ឆ្នាំ២០២៣ នៅទីក្រុងបាងកក ប្រទេសថៃ ដោយប្រើថិរវេលា ១នាទី ៥០.០៩វិនាទីនោះទេ តែគេបានបំបែកកំណត់ត្រាកីឡាអូឡាំពិករបស់កីឡាករកម្ពុជា គៀង សាម៉ន ដែលធ្លាប់ធ្វើបានក្នុងថិរវេលា ១នាទី និង៥៥.២៦វិនាទី ក្នុងព្រឹត្តិការណ៍អូឡាំពិកក្រុងឡុងដ៍ កាលពីឆ្នាំ២០១២ ។ដោយឡែកអត្តពលិកកីឡាហែលទឹកទាំង ២រូប ក៏មិនខុសពី ប៊ុនថន ដែរ ដោយសុទ្ធតែធ្លាក់ក្នុងវគ្គជម្រុះក្នុងនោះ កីឡាករ អង់ត្វ័ន បានបញ្ចប់ភារកិច្ចរបស់ខ្លួន ក្នុងការប្រកួតកីឡាអូឡាំពិក នៅទឹកដីកំណើតរបស់ខ្លួន ត្រឹមចំណាត់ថ្នាក់លេខ៣ ក្នុង Heat 2 ដោយប្រើថិរវេលា ៥២.៩៥វិនាទី លើវិញ្ញាសា ១០០ម៉ែត្រហែលរបៀបសេរី គ្រាដែលកីឡាការិនីខ្មែរ-អាមេរិក សាក់ប៊ុន អប្សរា កាតារីណា បានបញ្ចប់ត្រឹមចំណាត់ថ្នាក់លេខ៦ ក្នុង Heat 6 ដោយប្រើថិរវេលា ២៩.៩០វិនាទី លើវិញ្ញាសាហែលសេរី ៥០ម៉ែត្រ ហើយក៏មិនអាចបំបែកកំណត់ត្រាស៊ីហ្គេម ឆ្នាំ២០២៥ ដែលនាងធ្លាប់ធ្វើបានត្រឹម ២៦.៤១វិនាទីផងដែរ ។គួរដឹងថា អូឡាំពិកប៉ារីស ឆ្នាំ២០២៤ កម្ពុជា បានបញ្ជូនអត្តពលិក ៣រូបប៉ុណ្ណោះចូលរួមប្រកួត ក្នុងនាមអត្តពលិកទទួលបានសិទ្ធពិសេស ក្រោមការពិនិត្យ និងជ្រើសរើសដ៏តឹងរឹងរបស់គណៈកម្មាធិការអូឡាំពិកអន្ដរជាតិ(IOC) និងសហព័ន្ធកីឡាអន្ដរជាតិសាមី ក្នុងនាមប្រភេទកីឡាចាំបាច់ បន្ទាប់ពីប្រភេទកីឡាផ្សេងៗ មិនបានជាប់ក្នុងការប្រកួតជម្រុះ ។ យ៉ាងណាមិញការចូលរួមនេះ គឺជាស្មារតីអូឡាំពិកមួយ ដែលបណ្ដាប្រទេសសមាជិក IOC ត្រូវចូលរួម ដើម្បីជាការអបអរសាទរព្រឹត្តិការណ៍ពិភពលោក ៤ឆ្នាំម្ដងនេះ ៕ អត្ថបទ លី ឈុនឡា

អូស្ត្រាលីដណ្តើមបានមេដាយច្រើនជាងគេថ្ងៃប្រកួតទី១២ តែអាមេរិក និងចិនបន្តឈរលើគេ

អូស្ត្រាលីឈ្នះមេដាយមាសដល់ទៅបួនគ្រឿងបន្ថែមដើម្បីបន្តឈរនៅចំណាត់ថ្នាក់លេខ៣ ចំណែកអាមេរិក និងចិនឈ្នះមេដាយកម្រិតខ្ពស់ជាងគេនេះបន្ថែមបីគ្រឿងរៀងខ្លួនៗ ឈរនៅលំដាប់ទី១ និងទី២រៀងគ្នា ថ្ងៃប្រកួតទី១២ (៧ សីហា ២០២៤)។អូស្ត្រាលីដណ្តើមបានលើប្រភេទកីឡាទូកក្តោង ស្កេតបត ប្រណាំងកង់ក្នុងសាល និងអត្តពលកម្ម។ មេដាយមាសបីគ្រឿងរបស់អាមេរិកកើតឡើងពីកីឡាអត្តពលកម្ម ប្រណាំងកង់ក្នុងសាលនារី និងកីឡាចំបាប់។ ឯចិនឈ្នះមេដាយមាសបីគ្រឿងទៀតពីកីឡា លើកទម្ងន់ពីរគ្រឿង និងហែលទឹក (artistic swimming)។ប្រទេសផ្សេងទៀតដែលឈ្នះមេដាយមាសបន្ថែមមាន អ៊ុយក្រែន ម៉ារ៉ុក កូរ៉េខាងត្បូង ហ្សាម៉ាអ៊ឹក អ៊ីរ៉ង់ ជប៉ុន ប៉ូឡូញ ហូឡង់ និងអេស្ប៉ាញ។គិតត្រឹមព្រឹកថ្ងៃទី៨ ខែសីហា អាស៊ានដណ្តើមបានមេដាយសរុប ១២គ្រឿង (មាស៣ ប្រាក់២ សំរឹទ្ធ៧) ធ្វើបានដោយប្រទេសហ្វីលីពីន ថៃ ម៉ាឡេស៊ី និងឥណ្ឌូនេស៊ី។កីឡាដែលត្រូវប្រកួតដណ្តើមមេដាយថ្ងៃប្រកួតទី១៣នេះគឺ ហែលទឹកចម្ងាយឆ្ងាយ ទូកក្តោង ឡើងភ្នំ ទូកកានូ ហុកគី លោតទឹក លើកទម្ងន់ បាល់ទាត់ កង់ក្នុងសាល តេក្វាន់ដូ អត្តពលកម្ម និងប្រដាល់។ អូឡាំពិកទីក្រុងប៉ារីស នឹងបញ្ចប់នៅចុងសប្តាហ៍នេះ៕

ឧបនាយករដ្ឋមន្ដ្រី ទៀ សីហា ត្រូវបានអង្គមហាសន្និបាតបោះឆ្នោតគាំទ្រធ្វើជាប្រធានសហព័ន្ធវាយកូនគោលកម្ពុជា អាណត្តិទី៦

ឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ ត្រូវបានអង្គមហាសន្និបាតសហព័ន្ធកីឡាវាយកូនគោលកម្ពុជា បោះឆ្នោតគាំទ្រធ្វើជាប្រធានសហព័ន្ធ អាណត្តិទី៦ បន្ទាប់ពីសម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ ឈប់ឈរឈ្មោះ ខណៈគណៈកម្មាធិការប្រតិបត្តិសហព័ន្ធ ក៏បានគាំទ្រសម្ដេចធ្វើជាប្រធានកិត្តិយសសហព័ន្ធផងដែរ ។មហាសន្និបាតបញ្ចប់អាណត្ដិទី៥ និងបន្ដអាណត្តិទី៦ ឆ្នាំ២០២៤-២០២៨ នេះ បានរៀបចំឡើងនៅទីស្នាក់ការគណៈកម្មាធិការជាតិអូឡាំពិកកម្ពុជា នៅថ្ងៃទី០៦ ខែសីហា ឆ្នាំ២០២៤ ដោយពិធីបិទបានប្រព្រឹត្តទៅក្រោមវត្តមានឯកឧត្តមបណ្ឌិត ថោង ខុន ទេសរដ្ឋមន្ដ្រី ប្រធានគណៈកម្មាធិការជាតិអូឡាំពិកកម្ពុជា ហើយឯកឧត្តមក៏បានអបអរសាទរ ចំពោះឯកឧត្តមឧបនាយករដ្ឋមន្ដ្រី ទៀ សីហា ដែលបានក្លាយជាប្រធានសហព័ន្ធអាណត្តិថ្មី ព្រមទាំងសមាជិក-សមាជិការផ្សេងទៀតផងដែរ ។ឆ្លៀតឱកាសនោះដែរ ឯកឧត្តមទេសរដ្ឋមន្ដ្រី ថោង ខុន បានកោតសរសើរ និងវាយតម្លៃខ្ពស់ ចំពោះគណៈកម្មាធិការប្រតិបត្តិសហព័ន្ធ ដែលបានបង្ហាញនូវការប្ដេជ្ញាចិត្ត និងឆន្ទៈយ៉ាងមោះមុតប្រកបដោយស្មារតីទទួលខុសត្រូវខ្ពស់ ក្នុងការលើកស្ទួយវិស័យកីឡាវាយកូនគោល ក៏ដូចជាអភិវឌ្ឍធនធានអត្តពលិកកីឡាវាយកូនគោលកម្ពុជា ចូលរួមការប្រកួតអន្ដរជាតិជាប្រចាំ ក៏ដូចជារៀបចំការប្រកួត និងពានរង្វាន់កម្រិតជាតិជាច្រើន ។បន្ថែមលើនេះ ដើម្បីរួមចំណែកក្នុងការជំរុញអភិវឌ្ឍកីឡាវាយកូនគោល ឈានទៅដណ្តើមមេដាយជូនជាតិ នាពេលអនាគត លោកទេសរដ្ឋមន្ដ្រី ថោង ខុន បានផ្តល់នូវអនុសាសន៍ណែនាំចំនួន ៨ចំណុច ដល់សហព័ន្ធអាណត្តិទី៦ ដូចខាងក្រោម៖១. ត្រូវរៀបចំផែនការយុទ្ធសាស្រ្តអភិវឌ្ឍកីឡាវាយកូនគោលសម្រាប់អាណត្តិទី៦ ដោយកំណត់ចក្ខុវិស័យ បេសកកម្ម គោលដៅយុទ្ធសាស្រ្ត និងសូចនាករវាស់វែងច្បាស់លាស់ ជាមួយយន្តការអនុវត្តយន្តការ ត្រួតពិនិត្យ និងវាយតម្លៃ និងធានាប្រភពធនធានសមស្រប ។២. បង្កើតក្រុមការងារទីផ្សារនិងចលនូបត្ថម្ភ និងក្រុមការងារបច្ចេកទេសគ្រប់គ្រងការប្រកួត ជាមួយនឹងការរៀបចំផែនការយុទ្ធសាស្រ្តទីផ្សារ និងប្រតិទិនប្រកួតច្បាស់លាស់ ដើម្បីកៀកវិស័យឯកជន និងពង្រឹងភាពជាដៃគូជាមួយម្ចាស់ទីតាំងវាយកូនគោលក្នុងការគាំទ្រដល់ការពង្រឹង និងពង្រីកការរៀបចំព្រឹត្តិការណ៍ប្រកួតជាតិ-អន្តរជាតិ ដែលជាយុទ្ធសាស្រ្តគន្លឹះដ៏សំខាន់ក្នុងការអភិវឌ្ឍ និងលើកកម្ពស់វិស័យកីឡាវាយកូនគោលនៅកម្ពុជា។៣. រៀបចំផែនការកម្មវិធីបណ្តុះបណ្តាលមន្ត្រីបច្ចេកទេស និងមន្ត្រីរៀបចំការប្រកួតដើម្បីធានានូវការរៀបចំព្រឹត្តិការណ៍ប្រកួតជាលក្ខណៈជាតិ-អន្តរជាតិប្រកបដោយគុណភាពខ្ពស់ ស្របតាមបទប្បញ្ញត្តិ របស់សហព័ន្ធកីឡាវាយកូនគោលអន្តរជាតិ ។៤. ពង្រឹងសុខដុមនីយកម្មការងារផ្ទៃក្នុង និងអភិបាលកិច្ចល្អសម្រាប់សហព័ន្ធ ស្របតាមគោល-ការណ៍មូលដ្ឋានជាសកលស្តីពីអភិបាលកិច្ចល្អរបស់គណៈកម្មាធិការអូឡាំពិកអន្តរជាតិ-IOC។៥. រៀបចំកម្មវិធីកំណត់ទេពកោសល្យ និងអភិវឌ្ឍ (Talent Identification and Development Program) សម្រាប់អត្តពលិកយុវជន ថ្នាល និងអត្តពលិកកម្រិតខ្ពស់ ដើម្បីឈានទៅធ្វើការប្រមូលផ្តុំក្នុងក្រុមជម្រើសជាតិ ត្រៀមចូលរួមការប្រកួតជាលក្ខណៈអន្តរជាតិ ជាពិសេសត្រៀមការប្រកួតកីឡាស៊ីហ្គេម ឆ្នាំ២០២៥ នៅប្រទេសថៃ និងស៊ីហ្គេម ឆ្នាំ២០២៧ នៅប្រទេសម៉ាឡេស៊ី។ ជាមួយគ្នានេះ សហព័ន្ធត្រូវខិតខំស្វែងរកកូនខ្មែររស់នៅ និងហ្វឹកហាត់នៅក្រៅប្រទេសដែលមានកម្រិតបច្ចេកទេសខ្ពស់ ដើម្បីសហព័ន្ធបន្តគាំទ្រក្នុងការអភិវឌ្ឍគុណផលឈានទៅដណ្តើមមេដាយការប្រកួតជាអន្តរជាតិ នាពេលអនាគត។៦. បន្តខិតខំពង្រឹង និងពង្រីកក្លិបកីឡាវាយកូនគោលនៅកម្ពុជាជាមួយនឹងការជំរុញបង្កើនការចូលរួមសម្រាប់យុវជន និងការអភិវឌ្ឍហេដ្ឋារចនាសម្ព័ន្ធកីឡាវាយកូនគោលទាំងបរិមាណ និងគុណភាព តាមរយៈកិច្ចសហការ និងកិច្ចគាំទ្រជាមួយទីលានវាយកូនគោលនៅតាមបណ្តារាជធានី-ខេត្ត ។៧. ពង្រឹងភាពជាដៃគូជាមួយក្រសួងអប់រំ យុវជន និងកីឡា NOCC ក្នុងការចូលរួមចំណែកអភិវឌ្ឍវិស័យកីឡាវាយកូនគោលតាមរយៈថវិកាគាំទ្រប្រចាំឆ្នាំរបស់រដ្ឋ គាំទ្រក្រុម- ជម្រើសជាតិ និងគាំទ្រដល់ការអភិវឌ្ឍសមត្ថភាពមន្ត្រីបច្ចេកទេស អត្តពលិក និងមន្ត្រីជំនាញ។៨. ពង្រឹងកិច្ចសហប្រតិបត្តិការអន្តរជាតិ ពិសេសទំនាក់ទំនងស្អិតរមួតជាមួយសហព័ន្ធវាយកូនគោល អាស៊ី និងសហព័ន្ធវាយកូនគោលអន្តរជាតិ ក្នុងការធ្វើបច្ចុប្បន្នភាពបទបញ្ញត្តិកីឡាវាយកូនគោលជាប្រចាំ ក៏ដូចជាស្នើសុំគម្រោងអភិវឌ្ឍ។ទន្ទឹមជាមួយការផ្ដល់អនុសាសន៍ណែនាំពីប្រមុខចលនាអូឡាំពិកកម្ពុជានេះដែរ ឯកឧត្តម ជា បូរ៉ា រដ្ឋមន្ដ្រីប្រតិភូអមនាយករដ្ឋមន្ដ្រី និងជាអគ្គលេខាធិការសហព័ន្ធ បានបង្ហាញនូវផែនការសកម្មភាព សម្រាប់ទិសដៅអនុវត្តការងារបន្ដ ក្នុងអាណត្ដិថ្មី ចំនួន ៨ចំណុច និងការប្ដេជ្ញាចិត្ត ៤ចំណុចបន្ថែមទៀត ដើម្បីធានានូវការអភិវឌ្ឍវិស័យកីឡាវាយកូនគោលកម្ពុជា ឆ្ពោះទៅរកភាពរីកចម្រើន ត្រៀមការប្រកួតអន្ដរជាតិនានា ពិសេសត្រៀមការប្រកួតកីឡាស៊ីហ្គេម ឆ្នាំ២០២៥ នៅថៃ និងត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩ នៅកម្ពុជាតែម្ដង ៕អត្ថបទ លី ឈុនឡា

លោក គង់ ចាន់ធីណា៖ ហាប់គីដូព្យាយាមប្រកួត ទោះមានបញ្ហាបច្ចេកទេស រហូតអន្ដរជាតិស្ងើចសរសើរ

ក្រុមប្រតិភូ និងកីឡាករ-កីឡាការិនីហាប់គីដូកម្ពុជា បានត្រឡប់មកដល់មាតុភូមិវិញហើយ នៅល្ងាចថ្ងៃទី០៦ ខែសីហាម្សិលមិញ ក្រោយចប់បេសកកម្មដ៏ជោគជ័យក្នុងការប្រកួតកីឡាហាប់គីដូជ្រើសរើសជើងឯកពិភពលោក ឆ្នាំ២០២៤ នៅប្រទេសថៃ កាលពីថ្មីៗ ដោយដណ្ដើមបានមេដាយសរុប ៤០គ្រឿង រួមមានមេដាយមាស ១២ ប្រាក់ ១៣ និងសំរឹទ្ធ ១៥ ។ក្រោយដឹកនាំអត្តពលិកធ្វើដំណើរតាយមរថយន្ដក្រុងពីទីក្រុងបាងកក ដល់ពហុកីឡដ្ឋានជាតិ រាជធានីភ្នំពេញ ដោយសុវត្ថិភាព លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូ បានឲ្យដឹងថា បេសកកម្មនេះ មានឧបសគ្គខ្លះ ទៅលើការងារបច្ចេកទេស តែដោយសារការព្យាយារបស់កីឡាករ-កីឡាការិនី បានខំប្រឹងរហូតទទួលបានជោគជ័យលើសការរំពឹងទុក ពិសេសបណ្ដាប្រទេសចូលរួម សុទ្ធតែបានភ្ញាក់ផ្អើល និងស្ងើចសរសើរកម្ពុជា ដែលធ្វើបានយ៉ាងល្អ ពិសេសកីឡាករក្មេងៗ ។ក្នុងឱកាសទទួលដំណើរមាតុភូមិនិវត្តន៍របស់ក្រុមប្រតិភូកីឡាហាប់គីដូកម្ពុជានេះដែរ លោកឧកញ៉ា គួច ហុងចៀក អនុប្រធានសហព័ន្ធ បានកោតសរសើររបស់ក្រុមការងារគ្រូ និងកីឡាករ-កីឡាការិនីទាំងអស់ រហូតដណ្ដើមបានមេដាយដ៏គួរឲ្យភ្ញាក់ផ្អើលជូនជាតិ ។ ចំពោះប្រាក់ឧបត្ថម្ភផ្សេងៗ លោកមិនទាន់ទទួលបានគោលការណ៍ ឬព័ត៌មានច្បាស់នោះទេ តែលោកបានអរគុណគណៈកម្មាធិការអូឡាំពិកកម្ពុជា ក៏ដូចជាក្រសួងអប់រំ យុវជន និងកីឡា ដែលតែងគាំទ្រ ហើយសហព័ន្ធក៏នឹងព្យាយាមអនុវត្តតាមគោលការណ៍ផ្សេងៗ ក្រែងមានឱកាសទទួលបានប្រាក់រង្វាន់លើទឹកចិត្តដល់កីឡាករ-កីឡាការិនីរបស់ខ្លួនផងដែរ ។គួរដឹងថា ការប្រកួតកីឡាហាប់គីដូជ្រើសរើសជើងឯកពិភពលោក ឆ្នាំ២០២៤ នៅខេត្តនុនថាបុរី ប្រទេសថៃ បានធ្វើការប្រកួតពីថ្ងៃទី០១ ដល់ថ្ងៃទី០៤ ខែសីហា ឆ្នាំ២០២៤ ដោយមានអត្តពលិក ១២ប្រទេសចូលរួម រួមមានកម្ពុជា អូស្ដ្រាលី ប្រេស៊ីល កូឡុំប៊ី អាល្លឺម៉ង់ ឥណ្ឌា អ៊ីរ៉ង់ ឡាវ មីយ៉ាន់ម៉ា នេប៉ាល់ អាមេរិក និងម្ចាស់ផ្ទះ ដែលមានអត្តពលិកចូលរួមសរុប ៦៤៩នាក់។ ជាលទ្ធផលបច្ចេកទេស ក្រុមកីឡាហាប់គីដូកម្ពុជា ដណ្ដើមបានមេដាយសរុប ៤០គ្រឿង ក្នុងនោះមានមេដាយមាស ១២ មេដាយប្រាក់ ១៣ និងមេដាយសំរឹទ្ធ ១៥គ្រឿង ដែលឈរលេខរៀងទី២ បន្ទាប់ពីម្ចាស់ផ្ទះថៃ ដែលដណ្ដើមបានមេដាយច្រើនជាងគេ ។ នេះជាលើកដំបូងហើយ ដែលកីឡាហាប់គីដូកម្ពុជា បានចូលរួមការប្រកួតលក្ខណៈអន្ដរជាតិ ៕ អត្ថបទ លី ឈុនឡា

បេស្បលហ្វាយបន្តផ្សព្វផ្សាយប្រជាប្រិយភាពមុនលីគផ្លូវការមកដល់នៅពាក់កណ្តាលខែ សីហាឆ្នាំនេះ

កីឡាបេស្បលហ្វាយដែលជាកីឡាប្រជាប្រិយភាពមួយនៅអន្តរជាតិ ទើបតែនាំចូលមកដល់ប្រទេសកម្ពុជា តាមរយៈសហព័ន្ធកីឡាបេស្បលនិងសហ្វប្បលកម្ពុជា កំពុងតែបន្តបេសកម្មផ្សព្វផ្សាយ ដើម្បីពង្រឹងការត្រៀមឱ្យកាន់តែប្រសើរ មុនការប្រកួតបេស្បលហ្វាយលិគលើទី១ ចូលមកដល់នៅពហុកីឡដ្ឋានជាតិអូឡាំពិក ចាប់ផ្តើមពីថ្ងៃទី២២ ខែ សីហា ឆ្នាំ២០២៤។លោក ឆែម តារ៉ា ប្រធាន សហព័ន្ធកីឡាបេស្បល និងសហ្វប្បលកម្ពុជា បានគូសបញ្ជាក់ឱ្យដឹងដែរថា មុននឹងការប្រកួតលិគផ្លូវការចូលមកដល់ សហព័ន្ធនឹងរៀបចំការប្រកួតមិត្តភាព ឬព្រីស៊ីសិន ចំនួន១២ប្រកួត ខណៈពេលនេះ គឺបានរៀបចំរួចរាល់ចំនួន៤ប្រកួតហើយ។លោក ឆែម តារា បានអះអាងថា ការប្រកួតមិត្តភាពនេះ សហព័ន្ធរៀបចំឡើង ដើម្បីជាការពង្រឹងសមត្ថភាពកីឡាករកីឡាការិនីឱ្យត្រៀមខ្លួនបានកាន់តែប្រសើរ នូវពេលការប្រកួតលិគផ្លូវការមកដល់ ការប្រកួតនឹងប្រព្រឹត្តិទៅមានភាពស្វិតស្វាញល្អមើល ធ្វើឱ្យអ្នកទស្សនាមានការជក់ចិត្តជាមួយប្រភេទកីឡាថ្មីមួយនេះ។សម្រាប់ការប្រកួតមិត្តភាពតាមបណ្តាសាលាអន្តរជាតិ និងផ្សារទំនើប មុនការប្រកួតផ្លូវការ ជាការផ្សព្វផ្សាយមួយ ដល់យុវជ និងយវនារី ឱ្យងាកមកចាប់អារម្មណ៍លេងកីឡា ជៀសឆ្ងាយអំពីអំពើរឧបាយមុខផ្សេងៗដែលនាំឱ្យមានការលំបាកដល់គ្រួសារនិងសង្គមជាតិ។ ជាមួយគ្នានេះ ការប្រកួតនេះ ក៏ជាការបង្ហាញអំពីការលើកស្ទួយយកចិត្តទុកដាក់ចំពោះតម្លៃស្រ្តី និងពង្រឹងទាំងកីឡាករ និងកីឡាការិនីឱ្យមានលទ្ធភាពគ្រប់គ្រាន់សម្រាប់ការប្រជែងមេដាយ នៃការប្រកួតអន្តរជាតិនៅខែវិច្ឆិកា ឆ្នាំ២០២៤ និង ប្រកួតអន្តរជាតិនៅឆ្នាំ ក្រោយបន្ទាប់ទៀតផងដែរ។សូមបញ្ជាក់ថា ការប្រកួតបេស្បលហ្វាយមិត្តភាពនេះ តាមការគ្រោងទុកនឹងរៀបចំ១២ប្រកួត មុនការប្រកួតលីគផ្លូវការ គ្រោងធ្វើឡើង នៅពហុកីឡដ្ឋានជាតិអូឡាំពិក នាថ្ងៃទី២២ និង២៣ ខែសីហា ឆ្នាំ២០២៤ ខណៈមកដល់ពេលនេះ គឺដំណើរការបាន៤ប្រកួតហើយ និងនៅសល់៨ប្រកួតទៀត និងបន្តធ្វើនៅតាមសា9iលាអន្តរជាតិនិងផ្សារទំនើប៕

កីឡាករកម្ពុជា រំពឹងធ្វើបានល្អក្នុងការប្រកួត Asia Cross Country Rally 2024 ក្រោយចូលរួមជាង ១០ឆ្នាំ

ក្រុមប្រណាំងរថយន្ដឆ្លងកាត់ឧបសគ្គរបស់កម្ពុជា VKH Rally Racing បានធ្វើដំណើរទៅកាន់ប្រទេសថៃហើយ ដើម្បីចូលរួមព្រឹត្តការណ៍ប្រណាំងរថយន្តឆ្លងកាត់ឧបសគ្គ Asia Cross Country Rally ឆ្នាំ២០២៤ លើចម្ងាយផ្លូវសរុប ២,៤០០គីឡូម៉ែត្រ ចាប់ពីថ្ងៃទី១១ ដល់ថ្ងៃទី១៧ ខែសីហាខាងមុខ ដោយរំពឹងនឹងទទួលបានលទ្ធផលល្អជូនជាតិ បន្ទាប់ពីមានបទពិសោធន៍ចូលរួមជាង ១០ឆ្នាំកន្លងមក ។កីឡាករ វង្ស គឹមហួត បានឲ្យដឹងថា ក្រុម VKH Rally Racing បានចូលរួមព្រឹត្តិការណ៍ប្រណាំងរថយន្ដកម្រិតអាស៊ីនេះ តាំងពីឆ្នាំ២០១៣ ។ ឆ្លងកាត់បទពិសោធន៍នៃការចូលរួមនេះ បានធ្វើឲ្យក្រុមកីឡាករកម្ពុជា និងក្រុមការងារបច្ចេកទេស មានភាពស្ទាត់ជំនាញ ទាំងបច្ចេកទេស ការជួយជុល និងការជួយសង្រ្គោះរថយន្ដប្រណាំងជាដើម ។ ការណ៍នេះ បានធ្វើឲ្យសមាជិកក្រុមទាំងអស់ មានចិត្តមោះមុត និងឆន្ទៈ ក៏ដូចជាក្ដីរំពឹងនឹងធ្វើបានលទ្ធផលល្អប្រសើរជាងឆ្នាំមុនៗ ។បែបនេះក្ដី អ្នកជំនាញរូបនេះ នៅតែផ្ដោតការយកចិត្តទុកដាក់ខ្ពស់លើបញ្ហាបច្ចេកទេសរថយន្ដប្រណាំង បន្ទាប់ពីធ្លាប់ជួបបញ្ហានាឆ្នាំកន្លងមក ។ ជាក់ស្ដែងក្រុមកីឡាករកម្ពុជា បានសម្រេចចិត្តបើករថយន្ដប្រណាំងលើចម្ងាយផ្លូវប្រមាណ ១,៣០០គីឡូម៉ែត្រ ដើម្បីសាកល្បង និងពិនិត្យបច្ចេកទេសជុំវិញរថយន្ដ ដើម្បីធានាបាននូវការត្រៀមខ្លួនរួចរាល់ មុនការប្រកួតផ្លូវការ ខណៈបើមានបញ្ហា នឹងមានពេលវេលាគ្រប់គ្រាន់ ដើម្បីជួសជុល ។កីឡាករ វង្ស គឹមហួត បានឲ្យដឹងថា ចំពោះព្រឹត្តិការណ៍ប្រណាំងរថយន្ដឆ្លងកាត់ឧបសគ្គ Asia Cross Country Rally 2024 គឺមានរថយន្តចូលរួមច្រើនរហូត ៤៥គ្រឿង ក្នុងនោះក៏មានក្រុម VKH Rally Racing របស់កម្ពុជា ដែលបានបញ្ជូនរថយន្តប្រណាំង ១គ្រឿងចូលរួមផងដែរ ដែលបើកបរដោយកីឡាករ ហេង បញ្ញា និងជំនួយការអ្នកបើកបរ កីឡាករ វង្សគឹមហួត និងមានរថយន្តជំនួយ ៤គ្រឿង ។ រីឯការប្រកួត នឹងចាប់ផ្ដើមពីខេត្តសូរ៉ាតថានី ឆ្ពោះទៅខេត្តហួហ៊ីន និងបញ្ចប់នៅខេត្តកាន់ឆាណាក់បូរី ប្រទេសថៃ ។សូមរំឮកថា សម្រាប់លទ្ធផលចូលរួមលើកចុងក្រោយ ក្នុងព្រឹត្តិការណ៍ប្រណាំងរថយន្ដឆ្លងកាត់ឧបសគ្គក្នុងតំបន់អាស៊ីនេះ ក្រុម VKH Rally Racing បានទទួលបានចំណាត់ថ្នាក់លេខ១១ ក្នុងរថយន្តប្រណាំងសរុប ៤១គ្រឿង ៕អត្ថបទ លី ឈុនឡា

ជើងឯកលីគកំពូលកម្ពុជា ព្រះខ័នរាជស្វាយរៀង និងACE បន្តភាពជាដៃគូជាថ្មី

ក្លិបបាល់ទាត់ព្រះខ័នរាជស្វាយរៀងសម្រេចបានកិច្ចបន្តភាពជាដៃគូសារជាថ្មីជាមួយ មជ្ឈមណ្ឌលអូស្រ្តាលីសម្រាប់ការបណ្តុះបណ្តាល (ACE)។ ទំនាក់ទំនងនេះបង្ហាញពីការយកចិត្តទុកដាក់របស់ក្លិបចំពោះគុណភាពទាំងក្នុង និងក្រៅទីលាន ដោយសារ ACE មានភាពល្បីល្បាញសម្រាប់កម្មវិធីអប់រំរបស់ខ្លួន។ សម្ព័ន្ធភាពមួយនេះមានគោលបំណងធ្វើឱ្យប្រសើរឡើងនូវឱកាសសម្រាប់កីឡាករវ័យក្មេងដោយផ្តល់ឱ្យពួកគេទទួលបានការអប់រំប្រកបដោយគុណភាពបន្ថែមលើការបណ្តុះបណ្តាលបាល់ទាត់របស់ពួកគេ។ គម្រោងនេះបង្ហាញពីការប្តេជ្ញាចិត្តរបស់ក្លិបក្នុងការបណ្តុះទេពកោសល្យ និងជួយដល់ការអភិវឌ្ឍន៍ទូទៅរបស់កីឡាករ។សូមបញ្ជាក់ថាក្លិបព្រះខ័នរាជស្វាយរៀង រដូវកាល២០២៤នេះមានភាពជោគជ័យខ្លាំងដោយបានឈ្នះជើងឯកបាល់ទាត់ជាតិ (Cambodian Premier League) បាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន និងថ្មីៗនេះឈ្នះពានបើករដូវកាល គ្រុឌស៊ុបភើខាប់ ក្រោយឈ្នះភ្នំពេញក្រោន២ទល់១។រដូវកាលថ្មី២០២៤-២០២៥ ព្រះខ័នរាជបើកយុទ្ធនាការការពារជើងឯកដោយជួបកងយោធពលខេមរភូមិន្ទ ថ្ងៃទី១១ ខែសីហា ឆ្នាំ២០២៤ នៅកីឡដ្ឋានខេត្តស្វាយរៀង៕

បណ្ដាញសង្គម

ព័ត៌មានថ្មីៗ

ផលិតផលក្នុងស្រុកកាន់តែរីកចម្រើន ពង្រីកវត្តមាននៅផ្សារទំនើប ឆ្លើយតបតម្រូវការទីផ្សារ

មនុស្សយ៉ាងហោចណាស់៣០នាក់ស្លាប់ក្នុងការវាយប្រហារលើភូមិមួយក្នុងរដ្ឋ Kaduna ប្រទេសនីហ្សេរីយ៉ា

អតីតមន្ត្រីយោធាអ៊ីស្រាអែលរាប់រយនាក់ជំរុញឱ្យលោក Trump ជួយបញ្ចប់អំពើហិង្សារបស់អ្នកតាំងលំនៅឋាន

មន្ត្រីអាមេរិក៖ កិច្ចចរចាជុំបន្ទាប់រវាងអ៊ីស្រាអែល និងលីបង់ នឹងត្រូវធ្វើឡើងនៅថ្ងៃទី៤ ខែសីហា

អារ៉ាប៊ីសាអ៊ូឌីត ការពារប្រឆាំងការវាយប្រហារដោយយានដ្រូនពីក្រុមគាំទ្រដោយអ៊ីរ៉ង់

រដ្ឋមន្រ្ដីក្រសួងសុខាភិបាល៖ មន្ទីរពេទ្យគន្ធបុប្ផាជានិម្មិតរូបនៃការជួយសង្រ្គោះកុមារនៅកម្ពុជាប្រកបដោយក្តីករុណា គុណភាព និងក្តីសង្ឃឹម

Chelsea បើកការចរចានាំយក Jordan Henderson និង Danny Welbeck មកបន្ថែមបទពិសោធន៍ក្នុងក្រុម

អាជ្ញាធរខេត្តកំពង់ស្ពឺ កំពុងជួសជុលពង្រីកបន្ថែមតួផ្លូវជាតិលេខ៤៦ទៅរមណីយដ្ឋានព្រះសុរាម្រិតកុសមៈ-ឧទ្យានជាតិគីរីរម្យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ឯកឧត្តម ថោង ខុន៖ ការប្រកួតគុនចម្រុះ «ពានរង្វាន់សម្ដេចធិបតី» ជាឱកាសគាស់រំលើងយុទ្ធគុនបុរាណឡើងវិញ

លោក ធិន វិចិត្រ៖ ការប្រកួតកីឡាឧបសគ្គមានការចូលរួមពីកីឡាករ កីឡាការិនីច្រើនលើសពីការរំពឹងទុក

មន្ដ្រីរំពឹងលីគនារី នឹងចម្រាញ់បានកីឡាការិនីខ្លាំងៗ ក្រោយបើកទំព័រប្រវត្តិសាស្ដ្រក្នុងស៊ីហ្គេម

អត្តពលិកកម្ពុជា ៣រូប បញ្ចប់ភារកិច្ចក្នុងការប្រកួតអូឡាំពិកប៉ារីស ឆ្នាំ២០២៤

អូស្ត្រាលីដណ្តើមបានមេដាយច្រើនជាងគេថ្ងៃប្រកួតទី១២ តែអាមេរិក និងចិនបន្តឈរលើគេ

លោក គង់ ចាន់ធីណា៖ ហាប់គីដូព្យាយាមប្រកួត ទោះមានបញ្ហាបច្ចេកទេស រហូតអន្ដរជាតិស្ងើចសរសើរ

បេស្បលហ្វាយបន្តផ្សព្វផ្សាយប្រជាប្រិយភាពមុនលីគផ្លូវការមកដល់នៅពាក់កណ្តាលខែ សីហាឆ្នាំនេះ

កីឡាករកម្ពុជា រំពឹងធ្វើបានល្អក្នុងការប្រកួត Asia Cross Country Rally 2024 ក្រោយចូលរួមជាង ១០ឆ្នាំ

ជើងឯកលីគកំពូលកម្ពុជា ព្រះខ័នរាជស្វាយរៀង និងACE បន្តភាពជាដៃគូជាថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ឯកឧត្តម ថោង ខុន៖ ការប្រកួតគុនចម្រុះ «ពានរង្វាន់សម្ដេចធិបតី» ជាឱកាសគាស់រំលើង​យុទ្ធគុនបុរាណឡើងវិញ

លោក ធិន វិចិត្រ៖ ការប្រកួតកីឡាឧបសគ្គមានការចូលរួមពីកីឡាករ កីឡាការិនីច្រើន​លើសពីការរំពឹងទុក

មន្ដ្រីរំពឹងលីគនារី នឹងចម្រាញ់បានកីឡាការិនីខ្លាំងៗ ក្រោយបើកទំព័រប្រវត្តិសាស្ដ្រក្នុងស៊ីហ្គេម

អត្តពលិកកម្ពុជា ៣រូប បញ្ចប់ភារកិច្ចក្នុងការប្រកួតអូឡាំពិកប៉ារីស ឆ្នាំ២០២៤

អូស្ត្រាលីដណ្តើមបានមេដាយច្រើនជាងគេថ្ងៃប្រកួតទី១២ តែអាមេរិក និងចិនបន្តឈរលើគេ

លោក គង់ ចាន់ធីណា៖ ហាប់គីដូព្យាយាមប្រកួត ទោះមានបញ្ហាបច្ចេកទេស រហូតអន្ដរជាតិស្ងើចសរសើរ

បេស្បលហ្វាយបន្តផ្សព្វផ្សាយប្រជាប្រិយភាពមុនលីគផ្លូវការមកដល់នៅពាក់កណ្តាលខែ សីហាឆ្នាំនេះ

កីឡាករកម្ពុជា រំពឹងធ្វើបានល្អក្នុងការប្រកួត Asia Cross Country Rally 2024 ក្រោយចូលរួមជាង ១០ឆ្នាំ

ជើងឯកលីគកំពូលកម្ពុជា ព្រះខ័នរាជស្វាយរៀង និងACE បន្តភាពជាដៃគូជាថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម ថោង ខុន៖ ការប្រកួតគុនចម្រុះ «ពានរង្វាន់សម្ដេចធិបតី» ជាឱកាសគាស់រំលើងយុទ្ធគុនបុរាណឡើងវិញ

លោក ធិន វិចិត្រ៖ ការប្រកួតកីឡាឧបសគ្គមានការចូលរួមពីកីឡាករ កីឡាការិនីច្រើនលើសពីការរំពឹងទុក