នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ
កម្ពុជា ជួបសិង្ហបុរី បើកឆាកខួប ៣០ឆ្នាំ នៃពានបាល់ទាត់អាស៊ាន ម៉ោង ៧យប់នេះ នៅស្ដាតមរតកតេជោ

ព័ត៌មានកីឡា

បាល់ ១១ ម៉ែត្រលែងជា «ល្បែងសំណាង» ខណៈក្រុមធំៗផ្តោតលើវិទ្យាសាស្ត្រ និងចិត្តសាស្ត្រនៅ World Cup 2026

2026/07/07 08:08:30 pm        408
Facebook Telegram Linkin
ការស៊ុតបាល់កាត់សេចក្តី ១១ ម៉ែត្រ តែងតែត្រូវបានចាត់ទុកថាជាពេលវេលាដ៏តានតឹង និងឃោរឃៅបំផុតនៅក្នុងពិភពបាល់ទាត់។ ប៉ុន្តែនៅក្នុងព្រឹត្តិការណ៍ FIFA World Cup 2026 ទស្សនៈនេះកំពុងផ្លាស់ប្តូរ ខណៈកីឡាករ គ្រូបង្វឹក និងអ្នកចាំទី កាន់តែផ្តោតលើការហ្វឹកហាត់បច្ចេកទេស ការវិភាគទិន្នន័យ និងការរៀបចំផ្នែកចិត្តសាស្ត្រ ដោយមិនចាត់ទុកការស៊ុតប៉េណាល់ទីជារឿងពឹងសំណាងតែមួយមុខទៀតឡើយ។ការប្រកួតវគ្គ ៣២ ក្រុមចុងក្រោយបានបង្ហាញឱ្យឃើញពីសារៈសំខាន់នៃការត្រៀមខ្លួននេះ បន្ទាប់ពីក្រុមជម្រើសជាតិអាល្លឺម៉ង់ និងហូឡង់ ត្រូវបានទម្លាក់ចេញពីការប្រកួត ក្រោយចាញ់ប៉ារ៉ាហ្គាយ និងម៉ារ៉ុក ក្នុងការស៊ុតបាល់កាត់សេចក្តី។លោក Geir Jordet សាស្ត្រាចារ្យនៅសាលាវិទ្យាសាស្ត្រកីឡាន័រវែស និងជាអ្នកនិពន្ធសៀវភៅ Pressure ដែលសិក្សាអំពីចិត្តសាស្ត្រនៃការស៊ុត ១១ ម៉ែត្របានលើកឡើងថា គំនិតដែលថា «បាល់ ១១ ម៉ែត្រគឺជាល្បែងសំណាង» គួរតែបោះបង់ចោល ព្រោះក្រុមដែលមានបំណងឈ្នះពាន World Cup ស្ទើរតែគេចមិនផុតពីការប្រឈមមុខនឹងការស៊ុតកាត់សេចក្តី។ តាមការស្រាវជ្រាវរបស់លោក Jordet ដែលបានវិភាគការស៊ុតបាល់កាត់សេចក្តីចំនួន ៧១៨ លើក ក្នុងព្រឹត្តិការណ៍ World Cup, UEFA Euro និង UEFA Champions League ចាប់តាំងពីឆ្នាំ១៩៧០ ដល់ឆ្នាំ២០២៣ បានរកឃើញថា កីឡាករជាង ៥៣ ភាគរយ ដែលស៊ុតខកខាន មានកាយវិការបង្ហាញពីភាពខកចិត្ត និងសម្ពាធដូចគ្នា ដូចជាឱនក្បាល លាក់មុខ ដួលទៅលើដី ឬជៀសវាងការជួបមិត្តរួមក្រុម។ក្រុមជម្រើសជាតិអង់គ្លេស គឺជាឧទាហរណ៍មួយនៃការផ្លាស់ប្តូរវិធីសាស្ត្រ។ បន្ទាប់ពីចាញ់ការស៊ុតប៉េណាល់ទី ៦ លើក ក្នុងចំណោម ៧ លើក អំឡុងទសវត្សរ៍ឆ្នាំ១៩៩០ និងដើមទសវត្សរ៍ឆ្នាំ២០០០ សមាគមបាល់ទាត់អង់គ្លេសបានចាប់ផ្តើមគម្រោងសិក្សា និងហ្វឹកហាត់ការស៊ុតប៉េណាល់ទីយ៉ាងទូលំទូលាយ ដោយប្រើវិធីសាស្ត្រទំនើប និងផ្អែកលើការស្រាវជ្រាវ។ ក្រោមការដឹកនាំរបស់គ្រូបង្វឹក Thomas Tuchel ក្រុមអង់គ្លេសនៅតែបន្តអភិវឌ្ឍការងារនេះ។ទន្ទឹមនឹងនេះ អ្នកចាំទីក៏កំពុងក្លាយជាតួអង្គសំខាន់កាន់តែខ្លាំង។ ជំនួសឱ្យការលោតទប់បាល់ដោយការទាយទិសដៅ ពួកគេបានប្រើទិន្នន័យ ស្ថិតិ និងការវិភាគទម្លាប់នៃអ្នកស៊ុត ដើម្បីបង្កើនឱកាសសង្គ្រោះបាល់។ លោក Jordet យល់ថា អ្នកចាំទីក្នុង World Cup ឆ្នាំ២០២៦ កំពុងទទួលបានអត្ថប្រយោជន៍ពីការប្រើប្រាស់បច្ចេកវិទ្យា និងទិន្នន័យបានល្អជាងពេលណាៗទាំងអស់៕ អត្ថបទ៖នាង សុភាវុធ 

ម្ចាស់ផ្ទះ World Cup 2026 ធ្លាក់អស់ហើយ! ក្រោយអាមេរិកចាញ់ប៊ែលហ្ស៊ិកធ្លាក់ត្រឹមវគ្គ ១៦ ក្រុមចុងក្រោយ

2026/07/07 05:04:05 pm        253
Facebook Telegram Linkin
ក្រុមជម្រើសជាតិអាមេរិក បានក្លាយជាប្រទេសម្ចាស់ផ្ទះចុងក្រោយដែលត្រូវធ្លាក់ចេញពីព្រឹត្តិការណ៍បាល់ទាត់ពិភពលោក FIFA World Cup 2026 បន្ទាប់ពីរងបរាជ័យក្រោមថ្វីជើងប៊ែលហ្ស៊ិក ក្នុងលទ្ធផល ៤-១ នៅវគ្គ ១៦ ក្រុមចុងក្រោយ។លទ្ធផលនេះមានន័យថា ប្រទេសម្ចាស់ផ្ទះទាំងបី រួមមាន សហរដ្ឋអាមេរិក, កាណាដា និងម៉ិកស៊ិក សុទ្ធតែបានបញ្ចប់ដំណើររបស់ខ្លួននៅមុនវគ្គ ៨ ក្រុមចុងក្រោយ ដោយមិនមានក្រុមណាមួយអាចបន្តដំណើរទៅមុខបានឡើយ ដោយមុននេះ កាណាដា បានចាញ់ ម៉ារ៉ុក ខណៈ ម៉ិកស៊ិក ក៏ត្រូវ អង់គ្លេស ទម្លាក់ចេញផងដែរ។ប៊ែលហ្ស៊ិកបានបង្ហាញទម្រង់លេងយ៉ាងរឹងមាំ និងមានប្រសិទ្ធភាព ដោយទម្លាក់អាមេរិកចេញពីការប្រកួត ទោះបីជាក្រុមម្ចាស់ផ្ទះទទួលបានការគាំទ្រយ៉ាងច្រើនពីអ្នកគាំទ្រនៅក្នុងកីឡដ្ឋាន Seattle ក៏ដោយ។Charles De Ketelaere រកបានពីរគ្រាប់ម្នាក់ឯង Hans Vanaken មួយគ្រាប់ និង Romelu Lukaku មួយគ្រាប់ ឱ្យប៊ែលហ្ស៊ិក ខណៈអាមេរិកស៊ុតគ្រាប់តាមស្មើដំបូងដោយ Malik Tillman។ជ័យជម្នះនេះបានជួយឱ្យប៊ែលហ្ស៊ិកកក់កៅអីឡើងទៅកាន់វគ្គ ៨ ក្រុមចុងក្រោយ ដើម្បីជួបក្រុមជម្រើសជាតិ អេស្ប៉ាញ ដែលទើបយកឈ្នះ ព័រទុយហ្គាល់ ១-០។ការប្រកួតរវាងប៊ែលហ្ស៊ិក និងអេស្ប៉ាញ ត្រូវបានគេរំពឹងថា នឹងក្លាយជាជំនួបដ៏ធំមួយនៅវគ្គ ៨ ក្រុមចុងក្រោយ ខណៈក្រុមទាំងពីរសុទ្ធតែបង្ហាញទម្រង់លេងល្អ និងកំពុងសម្លឹងឆ្ពោះទៅកាន់ការប្រជែងពាន World Cup ឆ្នាំ២០២៦៕ អត្ថបទ៖នាង សុភាវុធ

Ronaldo មិនទាន់សម្រេចចិត្តចូលនិវត្តន៍ពីជម្រើសជាតិក្រោយព័រទុយហ្គាល់ធ្លាក់ចេញពី World Cup

2026/07/07 04:49:02 pm        230
Facebook Telegram Linkin
ខ្សែប្រយុទ្ធជើងចាស់ Cristiano Ronaldo បានបដិសេធមិនធ្វើការសម្រេចចិត្តភ្លាមៗអំពីអនាគតរបស់ខ្លួនជាមួយក្រុមជម្រើសជាតិព័រទុយហ្គាល់ បន្ទាប់ពីក្រុមរងបរាជ័យ ១-០ ក្រោមថ្វីជើងអេស្ប៉ាញ ក្នុងវគ្គ ១៦ ក្រុមចុងក្រោយនៃព្រឹត្តិការណ៍បាល់ទាត់ពិភពលោក FIFA World Cup។ការប្រកួតត្រូវបានសម្រេចដោយគ្រាប់បាល់នៅនាទីចុងក្រោយពីខ្សែបម្រើ Mikel Merino ដែលបានប្តូរចូលលេង និងស៊ុតបញ្ចូលទីជួយឱ្យអេស្ប៉ាញកក់កៅអីឡើងទៅវគ្គ ៨ ក្រុមចុងក្រោយ។ក្រោយបញ្ចប់ការប្រកួត Ronaldo បានប្រាប់អ្នកសារព័ត៌មានថា អេស្ប៉ាញមានសំណាងជាងបន្តិច ក្នុងការរកបានគ្រាប់បាល់ជ័យជម្នះ។ខ្សែប្រយុទ្ធវ័យ ៤១ ឆ្នាំរូបនេះ បានបញ្ជាក់ថានេះជាការប្រកួត World Cup លើកចុងក្រោយរបស់ខ្លួន តែអនាគតជាមួយក្រុមជម្រើសជាតិមិនទាន់សម្រេចនៅពេលនេះទេ ដោយបញ្ជាក់ថា លោកមិនចង់ឱ្យការសម្រេចចិត្តផ្ទាល់ខ្លួន មកបាំងសមិទ្ធផល និងការខិតខំប្រឹងប្រែងរបស់ក្រុមជម្រើសជាតិឡើយ។Ronaldo ក៏បានបង្ហាញពីមោទនភាពចំពោះអ្វីដែលលោកបានរួមចំណែកជាមួយក្រុមជម្រើសជាតិព័រទុយហ្គាល់។ ក្នុងអាជីពជាមួយជម្រើសជាតិ លោកបានជួយព័រទុយហ្គាល់ឈ្នះពាន UEFA Euro 2016 និងពាន UEFA Nations League ចំនួនពីរលើក នៅឆ្នាំ ២០១៩ និងឆ្នាំ ២០២៥។សម្រាប់អាជីពនៅកម្រិតក្លិប Ronaldo ធ្លាប់លេងឱ្យ Sporting Lisbon, Manchester United, Real Madrid, Juventus និងបច្ចុប្បន្នកំពុងប្រកបអាជីពជាមួយ Al Nassr។ចាប់តាំងពីបង្ហាញខ្លួនលើកដំបូងឱ្យក្រុមជម្រើសជាតិព័រទុយហ្គាល់ក្នុងឆ្នាំ ២០០៣ មក Ronaldo បានបង្ហាញខ្លួនសរុប ២៣៣ ប្រកួត និងស៊ុតបញ្ចូលទីបាន ១៤៦ គ្រាប់ ដែលជាកំណត់ត្រាដ៏អស្ចារ្យមួយក្នុងប្រវត្តិសាស្ត្របាល់ទាត់អន្តរជាតិ៕ អត្ថបទ៖នាង សុភាវុធ

Merino ស៊ុតគ្រាប់ជ័យចុងម៉ោងឱ្យអេស្ប៉ាញទម្លាក់ព័រទុយហ្គាល់ ឡើងវគ្គ៨ក្រុម​ចុង​ក្រោយបាល់ទាត់ពិភពលោក

2026/07/07 04:38:29 pm        143
Facebook Telegram Linkin
អ្នកគាំទ្របាល់ទាត់អេស្ប៉ាញបានផ្ទុះក្ដីរំភើបពេញទីក្រុង Madrid កាលពីថ្ងៃទី៦ ខែកក្កដា បន្ទាប់ពីខ្សែបម្រើក្រុមកាំភ្លើងធំ Arsenal, Mikel Merino ស៊ុតបញ្ចូលទីគ្រាប់ជ័យនៅនាទីដំបូងនៃម៉ោងបន្ថែមបង្គ្រប់ ៩០+១ ជួយឱ្យក្រុមជម្រើសជាតិអេស្ប៉ាញយកឈ្នះព័រទុយហ្គាល់ក្នុងលទ្ធផល ១-០ និងកក់កៅអីឡើងទៅកាន់វគ្គ៨ក្រុមចុងក្រោយនៃព្រឹត្តិការណ៍បាល់ទាត់ពិភពលោក FIFA World Cup។គ្រាប់បាល់របស់ Merino កើតឡើងត្រឹមតែ ៦ នាទីប៉ុណ្ណោះ បន្ទាប់ពីរូបគេត្រូវបានប្តូរចូលលេង ក្នុងការប្រកួតដ៏តានតឹងរវាងក្រុមទាំងពីរ ដែលធ្វើឡើងនៅកីឡដ្ឋាន Dallas រដ្ឋតិចសាស។ គ្រាប់បាល់នេះបានបំបែកភាពរឹងមាំរបស់ខ្សែការពារព័រទុយហ្គាល់ ដែលអាចទប់ទល់ការវាយសម្រុករបស់អេស្ប៉ាញបានអស់រយៈពេលជិតពេញការប្រកួត។ចំណែកឯបរាជ័យរបស់ព័រទុយហ្គាល់ ត្រូវបានគេរំពឹងថា អាចជាការប្រកួត World Cup លើកចុងក្រោយរបស់ខ្សែប្រយុទ្ធជើងចាស់ Cristiano Ronaldo វ័យ ៤១ ឆ្នាំ ដែលបានបង្ហាញខ្លួនក្នុងព្រឹត្តិការណ៍ World Cup លើកទី៦ ស្មើកំណត់ត្រាពិភពលោក និងស៊ុតបញ្ចូលទីបាន ៣ គ្រាប់ក្នុងការប្រកួតឆ្នាំនេះ៕ អត្ថបទ៖នាង សុភាវុធ

តេជោលីគ លើកទី៣ បង្ហាញភាពពិតប្រាកដ នៃសម្រស់បាល់ទះកម្ពុជា ខណៈបញ្ជាការដ្ឋាន​អង្គរក្ស ឈ្នះពានដាច់

2026/07/06 10:43:23 pm        200
Facebook Telegram Linkin
ព្រឹត្តិការណ៍បាល់ទះតេជោលីគ រដូវកាលទី៣ បានបញ្ចប់ដោយជោគជ័យ និងត្រូវបាន​វាយ​តម្លៃខ្ពស់ ពីថ្នាក់ដឹកនាំសហព័ន្ធជាតិ ក៏ដូចជាសហព័ន្ធកីឡាបាល់ទះពិភពលោក ដែលបានបង្ហាញពីភាពពិតប្រាកដនៃសម្រស់បាល់ទះកម្ពុជា ស្របពេលក្រុមបញ្ជាការដ្ឋានអង្គរក្ស បានឈ្នះពានដាច់ ក្នុងការនាំយកពានតេជោលីគ ទៅតម្កល់ទុកនៅក្លិបរបស់ខ្លួនជាផ្លូវការ ក្រោយគ្រងជើងឯក ៣រដូវកាលជាប់ៗគ្នា តាមលក្ខខណ្ឌនៃព្រឹត្តិការណ៍បាល់ទះធំជាងគេនៅកម្ពុជានេះ។លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បានគូសបញ្ជាក់ថា តេជោលីគ ឆ្នាំនេះ ត្រូវបានវាយតម្លៃជាលីគមួយដ៏ធំក្នុងតំបន់ ដ្បិតកម្ពុជាទើបរៀបចំលីគបាន ៣ឆ្នាំ និងចុះបញ្ជីនៅសហព័ន្ធកីឡាបាល់ទះពិភពលោកបាន ២ឆ្នាំចុងក្រោយ តែការអនុវត្តតាមនិយាមអន្ដរជាតិ បានធ្វើឲ្យព្រឹត្តិការណ៍នេះ ទាក់ទាញការគាំទ្រដ៏ច្រើនលើសលុប តាំងពីវគ្គសន្សំពិន្ទុ រហូតដល់វគ្គផ្ដាច់ព្រ័ត្រ ក្រោយការពង្រឹងធនធានក្នុងស្រុក និងនាំចូលកីឡាករខ្លាំងៗពីអន្ដរជាតិរបស់ក្លិបនីមួយៗ។តាមរយៈភាពជោគជ័យនេះ មន្ដ្រីជាន់ខ្ពស់សហព័ន្ធដដែល ថា ពានតេជោលីគ ឆ្នាំនេះ ពិតជាបានបង្ហាញនូវសម្រស់បាល់ទះពិតប្រាកដក្នុងប្រទេសកម្ពុជា ដ្បិតលោកសង្កេតឃើញអ្នកគាំទ្រផ្ទាល់ប្រមាណ ៨ ទៅ ៩ពាន់នាក់ ទាំងក្នុង និងក្រៅវិមានពហុកីឡដ្ឋានជាតិ ក៏ដូចជាអ្នកទស្សនាតាមបណ្ដាញសង្គមនានាយ៉ាងហោច ៨០% គឺជាការគាំទ្រព្រឹត្តិការណ៦ទាំងមូល ដោយទឹកចិត្ដ ក្ដីស្រលាញ់ និងឆន្ទៈចំពោះវិស័យកីឡាបាល់ទះជាតិ។ ការគាំទ្រនេះ បានធ្វើឲ្យមន្ដ្រីសហព័ន្ធបាល់ទះពិភពលោក ផ្ញើសារមកអបអរសាទរកម្ពុជា ហើយថា លីគបាល់ទះកម្ពុជា កំពុងប្រកួតប្រជែងជាមួយលីគបណ្ដាប្រទេសក្នុងតំបន់មួយចំនួន ដែលដើរមុនកម្ពុជាង ២០ឆ្នាំទៀតផង។សូមបញ្ជាក់ថា សម្រាប់ព្រឹត្តិការណ៍បាល់ទះតេជោលីគ រដូវកាលទី៣ គឺមានបេក្ខភាពចំនួន ៨ក្រុមចូលរួម និងធ្វើការប្រកួតជម្រុះ ២ជុំ រហូតដល់រកឃើញក្រុមឡើងវគ្គផ្ដាច់ព្រ័ត្រ ដោយក្រុមបញ្ជាការដ្ឋានអង្គរក្ស បានយកឈ្នះក្រុមវិសាខា ដោយលទ្ធផល ៣-០សិត ក្នុងពិន្ទុ ២៥-១៦, ២៥-១៨ និង ២៥-១៨។ ជ័យជម្នះស្ទើរមិនគួរឲ្យជឿ ជាមួយការធ្វើបានយ៉ាងល្អនេះ បានធ្វើឲ្យបញ្ជាការដ្ឋានអង្គរក្ស ក្លាយជាក្រុមជើងឯក ៣ឆ្នាំជាប់ៗគ្នា និងក្លាយជាម្ចាស់កម្មសិទ្ធពានធំ តេជោលីគ ជាផ្លូវការ ហើយសហព័ន្ធនឹងត្រូវរចនាពានថ្មីមួយទៀត សម្រាប់ដាក់ឲ្យប្រកួតប្រជែងនារដូវកាលថ្មី។ចំណែកក្រុមវិសាខា ដែលបាននាំចូលកីឡាករបរទេសខ្លាំងពីបារាំង អាមេរិក និងប្រេស៊ីល បានត្រឹមទទួលចំណាត់ថ្នាក់លេខ២ បីរដូវកាលជាប់គ្នា ស្របពេលក្រុមបាល់ទះស្នងការនគរបាលខេត្តស្វាយរៀង បានទទួលចំណាត់ថ្នាក់លេខ៣ ក្រោយវាយបកឈ្នះក្រុមស្នងការនគរបាលរាជធានីភ្នំពេញ គួរឲ្យភ្ញាក់ផ្អើល ដោយលទ្ធផល ៣-២សិត ជាមួយពិន្ទុ ២១-២៥, ១៩-២៥, ២៥-១៩, ២៧-២៥ និង ១៥-១២៕ អត្ថបទ លី ឈុនឡា 

ក្រុមអាមេរិកមិនសម្រាកបុណ្យឯករាជ្រឡើយ ខណៈត្រៀមជួបប៊ែលហ្ស៊ិកវគ្គ ១៦ ក្រុម

2026/07/06 10:30:46 pm        194
Facebook Telegram Linkin
ទោះបីជាថ្ងៃទី៤ ខែកក្កដា ជាទិវាបុណ្យឯករាជ្យជាតិរបស់សហរដ្ឋអាមេរិកក៏ដោយ ក៏ក្រុមបាល់ទាត់ជម្រើសជាតិអាមេរិកមិនមានពេលសម្រាកនោះទេ ដោយកីឡាករទាំងអស់បានបន្តហ្វឹកហាត់យ៉ាងម៉ឺងម៉ាត់ ដើម្បីត្រៀមប្រកួតជាមួយក្រុមជម្រើសជាតិបែលហ្ស៊ិកក្នុងវគ្គ ១៦ ក្រុមចុងក្រោយនៃព្រឹត្តិការណ៍បាល់ទាត់ពិភពលោក FIFA World Cup។ការប្រកួតនឹងធ្វើឡើងនៅកីឡដ្ឋានរបស់ក្រុម Seattle Seahawks ក្នុងទីក្រុង Seattle ដែលត្រូវបានចាត់ទុកថាជាកីឡដ្ឋានមួយមានបរិយាកាសរំភើប និងសំឡេងគាំទ្រខ្លាំងបំផុតក្នុងលីគ NFL។ មុនការប្រកួត World Cup ចាប់ផ្តើម អ្នកគាំទ្រជាច្រើនគ្រាន់តែរំពឹងថា ក្រុមជម្រើសជាតិអាមេរិកអាចឆ្លងផុតវគ្គចែកពូល និងឡើងដល់វគ្គ ១៦ ក្រុមចុងក្រោយប៉ុណ្ណោះ។ ប៉ុន្តែការយកឈ្នះ ប៉ារ៉ាហ្គាយ, អូស្ត្រាលី និងបន្តយកឈ្នះ បូស្នៀ ២-០ បានធ្វើឱ្យទំនុកចិត្ត និងក្តីសង្ឃឹមរបស់អ្នកគាំទ្រកើនឡើងយ៉ាងខ្លាំងថា ក្រុមរបស់លោក Mauricio Pochettino អាចបន្តដំណើរបានឆ្ងាយជាងការរំពឹងទុក។ចំណែកឯក្រុមជម្រើសជាតិបែលហ្ស៊ិកវិញ មិនទាន់បង្ហាញទម្រង់លេងដែលអាចបញ្ចុះបញ្ចូលអ្នកគាំទ្របាននៅឡើយទេ។ ក្នុងវគ្គមុន ពួកគេត្រូវរងសម្ពាធពីក្រុម សេណេហ្គាល់ អស់រយៈពេលជាច្រើននាទី មុនពេលរកបាន ២ គ្រាប់តាមស្មើ គ្រាប់ជ័យជំនះ ១១ ម៉ែត្រនៅចុងម៉ោងនៃម៉ោងបន្ថែម ១៥ នាទីពីរដង។ការប្រកួត World Cup លើកនេះ ក៏អាចជាការបង្ហាញខ្លួនចុងក្រោយរបស់ ជំនាន់មាសរបស់បែលហ្ស៊ិក ដែលដឹកនាំដោយ Kevin De Bruyne, Romelu Lukaku និង Thibaut Courtois ផងដែរ។សម្រាប់ក្រុមអាមេរិក ខ្សែការពារដែលធ្លាប់ត្រូវគេចាត់ទុកថាជាចំណុចខ្សោយ មុនការប្រកួត បានបង្ហាញទម្រង់លេងយ៉ាងរឹងមាំក្នុងជ័យជម្នះលើបូស្នៀ។ ទោះជាយ៉ាងណា ពួកគេនឹងត្រូវប្រុងប្រយ័ត្នចំពោះខ្សែប្រយុទ្ធស្លាបល្បឿនលឿន Jérémy Doku ដែលត្រូវបានគេរំពឹងថាអាចបង្ហាញសមត្ថភាពពេញលេញក្នុងជំនួបនេះ៕ អត្ថបទ៖នាង សុភាវុធ 

Unai Simón៖ Ronaldo នៅតែគ្រោះថ្នាក់ ទោះមិនស្ថិតក្នុងចំណុចកំពូលនៃអាជីព មុនអេស្ប៉ាញជួបព័រទុយហ្គាល់

2026/07/06 08:32:08 pm        313
Facebook Telegram Linkin
អ្នកចាំទីក្រុមជម្រើសជាតិអេស្ប៉ាញ Unai Simón បានអះអាងថា ទោះបី Cristiano Ronaldo មិនស្ថិតក្នុងទម្រង់លេងល្អបំផុតដូចកាលពីអតីតកាលក៏ដោយ ប៉ុន្តែខ្សែប្រយុទ្ធវ័យ ៤១ ឆ្នាំរូបនេះនៅតែជាកីឡាករដែលអាចសម្រេចលទ្ធផលការប្រកួតបានគ្រប់ពេល។ថ្លែងក្នុងសន្និសីទសារព័ត៌មាន Simón បាននិយាយថា ក្រុមអេស្ប៉ាញត្រូវតែព្យាយាមទប់ស្កាត់មិនឱ្យ Ronaldo មានឱកាសចូលទៅក្នុងតំបន់គ្រោះថ្នាក់ និងបង្កើតឱកាសនៅមុខទី ប្រសិនបើចង់ទទួលបានលទ្ធផលល្អក្នុងជំនួបវគ្គ ១៦ ក្រុមចុងក្រោយនៃព្រឹត្តិការណ៍បាល់ទាត់ពិភពលោក FIFA World Cup។ការប្រកួតរវាងអេស្ប៉ាញ និងព័រទុយហ្គាល់រាត្រីនេះ នឹងក្លាយជាជំនួបដ៏ក្តៅគគុកមួយ ដែលជាការសងសឹកបន្ទាប់ពីព័រទុយហ្គាល់បានយកឈ្នះអេស្ប៉ាញដោយបាល់ ១១ ម៉ែត្រកាត់សេចក្តី ក្នុងវគ្គផ្តាច់ព្រ័ត្រ UEFA Nations League កាលពីឆ្នាំមុន បន្ទាប់ពីស្មើគ្នា ២-២។ជំនួបនេះក៏ត្រូវបានគេចាត់ទុកថា ជាការប្រឈមរវាងជំនាន់ចាស់ និងជំនាន់ថ្មី ពោលគឺ Cristiano Ronaldo របស់ព័រទុយហ្គាល់ និងតារាវ័យក្មេង Lamine Yamal របស់អេស្ប៉ាញ។Simón ក៏បានបង្ហាញទំនុកចិត្តលើ Yamal ផងដែរ ដោយជឿជាក់ថា ខ្សែប្រយុទ្ធវ័យក្មេងរូបនេះ នឹងខិតខំជួយការពារក្រុម ពិសេសក្នុងការទប់ទល់នឹងការវាយលុកដ៏គ្រោះថ្នាក់ពីស្លាបឆ្វេងរបស់ព័រទុយហ្គាល់។ពាក់ព័ន្ធនឹងកំណត់ត្រារក្សាសំណាញ់ទីមិនឱ្យរបូតបាល់ចំនួន ៤ ប្រកួតជាប់គ្នា ដែលធ្វើឱ្យរូបគេបំបែកកំណត់ត្រារបស់អតីតអ្នកចាំទីអ៊ីតាលី Walter Zenga នៅ World Cup នោះ Simón បានបញ្ជាក់ថា សមិទ្ធផលនេះមិនមែនជារបស់គេតែម្នាក់ឯងទេ ប៉ុន្តែជាលទ្ធផលនៃការខិតខំប្រឹងប្រែងរបស់កីឡាករទាំងមូល។ក្រោមការដឹកនាំរបស់គ្រូបង្វឹក Luis de la Fuente អេស្ប៉ាញកំពុងបន្តទម្រង់លេងដ៏ល្អ ដោយមិនស្គាល់ពាក្យថាចាញ់ក្នុង ៣៤ ប្រកួតជាប់គ្នា ចាប់តាំងពីឈ្នះពាន UEFA Nations League 2023៕ អត្ថបទ៖នាង សុភាវុធ

លោក Carlos Queiroz លាលែងពីតំណែងគ្រូបង្វឹកហ្គាណា ក្រោយធ្លាក់ចេញពី World Cup

2026/07/06 08:10:45 pm        135
Facebook Telegram Linkin
លោក Carlos Queiroz បានប្រកាសលាលែងពីតំណែងជាគ្រូបង្វឹកក្រុមបាល់ទាត់ជម្រើសជាតិហ្គាណា បន្ទាប់ពីដឹកនាំក្រុមបានរយៈពេលត្រឹម ៣ ខែ និងបញ្ចប់ដំណើរនៅព្រឹត្តិការណ៍ World Cup ត្រឹមវគ្គ ៣២ ក្រុមចុងក្រោយ។គ្រូបង្វឹកវ័យ ៧៣ ឆ្នាំរូបនេះ បានចូលកាន់តំណែងកាលពីខែមេសា និងបានដឹកនាំហ្គាណាបញ្ចប់ចំណាត់ថ្នាក់លេខ៣ ក្នុងពូល L មុនពេលចាញ់ក្រុមកូឡុំប៊ីក្នុងលទ្ធផល ១-០ នៅវគ្គ ៣២ ក្រុមចុងក្រោយ។លោក Queiroz ធ្លាប់មានបទពិសោធន៍ដឹកនាំក្រុមជម្រើសជាតិជាច្រើននៅលើឆាកព្រឹត្តិការណ៍បាល់ទាត់ពិភពលោក ហើយការប្រកួតលើកនេះ គឺជាការចូលរួម World Cup ជាប់គ្នាលើកទី៥ ក្នុងនាមជាគ្រូបង្វឹក។ មុននេះ លោកធ្លាប់ដឹកនាំក្រុមជម្រើសជាតិអ៊ីរ៉ង់ ព័រទុយហ្គាល់ និងអេហ្ស៊ីប ក្នុងការប្រកួតអន្តរជាតិធំៗ ហើយក៏ធ្លាប់បម្រើការជាជំនួយការគ្រូបង្វឹកនៅក្លិប Manchester United ផងដែរ។លោក Queiroz ក្លាយជាគ្រូបង្វឹកម្នាក់ក្នុងចំណោមគ្រូបង្វឹក World Cup ពីររូបដែលបានចាកចេញពីតំណែងនៅថ្ងៃអាទិត្យ ដោយក្រុមជម្រើសជាតិហ្ស៊កដានីក៏បានបញ្ចប់កិច្ចសហការជាមួយលោក Jamal Sellami ផងដែរ បន្ទាប់ពីក្រុមបញ្ចប់ចំណាត់ថ្នាក់លេខ៤ ក្នុងពូល J៕ អត្ថបទ៖នាង សុភាវុធ 

Real Madrid ប្រកាសផ្ទេរខ្សែការពារហូឡង់ Denzel Dumfries ពី Inter Milan ជាផ្លូវការ

2026/07/06 06:53:35 pm        460
Facebook Telegram Linkin
ក្លិបយក្សអេស្ប៉ាញ Real Madrid បានប្រកាសជាផ្លូវការពីការចុះហត្ថលេខាយកខ្សែការពារស្លាបស្តាំជម្រើសជាតិហូឡង់ Denzel Dumfries ពីក្លិបអ៊ីតាលី Inter Milan ក្នុងកិច្ចសន្យារយៈពេល ៤ ឆ្នាំ។ទោះបីក្លិបមិនបានបង្ហាញតម្លៃផ្ទេរជាផ្លូវការក៏ដោយ ប៉ុន្តែប្រភពព័ត៌មានជាច្រើនបានឱ្យដឹងថា Real Madrid បានសម្រេចបង់ប្រាក់តាមលក្ខខណ្ឌផ្តាច់កិច្ចសន្យាដែលមានតម្លៃប្រមាណ ២០ លានអឺរ៉ូ។Dumfries វ័យ ៣០ ឆ្នាំ ក្លាយជាកីឡាករថ្មីទី៤ ដែល Real Madrid នាំចូលក្នុងទីផ្សារដោះដូរកីឡាកររដូវក្តៅនេះ បន្ទាប់ពី Marc Cucurella, Bernardo Silva និង Ibrahima Konaté។ ការមកដល់របស់គេត្រូវបានគេរំពឹងថានឹងបង្កើនការប្រកួតប្រជែងនៅតំបន់ការពារស្លាបស្តាំ ជាមួយខ្សែការពារជម្រើសជាតិអង់គ្លេស Trent Alexander-Arnold។អំឡុងពេលលេងឱ្យ Inter Milan ចាប់តាំងពីផ្ទេរមកពី PSV Eindhoven នៅឆ្នាំ ២០២១ Dumfries បានរួមចំណែកជួយក្រុមឈ្នះពាន Serie A ចំនួន ២ លើក និង Coppa Italia ចំនួន ៣ លើក។ រូបគេបង្ហាញខ្លួនសរុប ២០៧ ប្រកួត រកបាន ២៧ គ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីបាន ២៨ លើក។លើឆាកអន្តរជាតិ Dumfries ក៏បានជួយក្រុមជម្រើសជាតិហូឡង់ឈានដល់វគ្គ ៣២ ក្រុមចុងក្រោយ ក្នុងព្រឹត្តិការណ៍ FIFA World Cup រដូវក្តៅនេះផងដែរ។សម្រាប់ Real Madrid ការនាំចូល Dumfries គឺជាផ្នែកមួយនៃផែនការពង្រឹងតំបន់ការពារ បន្ទាប់ពីក្លិបបញ្ចប់រដូវកាលមុនដោយគ្មានពានរង្វាន់។ ប្រធានក្លិប Florentino Pérez ធ្លាប់បានសន្យាថានឹងពង្រឹងសមាសភាពក្រុមក្នុងយុទ្ធនាការបោះឆ្នោតរបស់លោក ហើយក្លិបក៏បានតែងតាំង José Mourinho ឱ្យត្រឡប់មកដឹកនាំក្រុមជាលើកទី២ផងដែរ៕ អត្ថបទ៖នាង សុភាវុធ 

អ្នកគាំទ្ររាប់ពាន់នាក់ស្វាគមន៍ក្រុមជម្រើសជាតិកាបវែរ ក្រោយបញ្ចប់ដំណើរប្រវត្តិសាស្ត្រនៅ World Cup

2026/07/06 06:39:31 pm        180
Facebook Telegram Linkin
អ្នកគាំទ្ររាប់ពាន់នាក់នៅរដ្ឋធានី Praia បាននាំគ្នាគ្រវីទង់ជាតិ លើកកន្សែងដែលមានអក្សរ "Cape Verde" និងបោះអាវជូនកីឡាករ ខណៈក្បួនដង្ហែរបស់ក្រុមជម្រើសជាតិកាបវែរ បានចាប់ផ្តើមធ្វើដំណើរជុំវិញទីក្រុង ដើម្បីអបអរសាទរការវិលត្រឡប់មកមាតុភូមិ កាលពីចុងសប្តាហ៍កន្លងទៅ។ទោះបីកាបវែរត្រូវបញ្ចប់ដំណើរនៅវគ្គ ៣២ ក្រុមចុងក្រោយ បន្ទាប់ពីចាញ់ក្រុមការពារតំណែងជើងឯក អាហ្សង់ទីន ក្នុងលទ្ធផល ៣-២ នៅម៉ោងបន្ថែមកាត់សេចក្តីក៏ដោយ ប៉ុន្តែក្រុមមួយនេះបានបង្កើតប្រវត្តិសាស្ត្រដ៏អស្ចារ្យក្នុងការបង្ហាញខ្លួនលើកដំបូងនៅព្រឹត្តិការណ៍បាល់ទាត់ពិភពលោក FIFA World Cup និងទទួលបានការគាំទ្រ និងលើកទឹកចិត្តយ៉ាងខ្លាំងពីអ្នកគាំទ្របាល់ទាត់ជុំវិញពិភពលោក។កាបវែរ ជាប្រទេសលើដីកោះចំនួន ១០ ស្ថិតនៅឆ្នេរសមុទ្រខាងលិចនៃទ្វីបអាហ្វ្រិក មានប្រជាជនប្រមាណ ៥០ម៉ឺននាក់។ ប្រទេសនេះទើបតែចូលរួមការប្រកួតជម្រុះ World Cup នៅដើមសតវត្សរ៍ទី២១ ហើយមុនការប្រកួតឆ្នាំនេះ ក្រុមជម្រើសជាតិរបស់ពួកគេឈរនៅចំណាត់ថ្នាក់លេខ ៦៧ ពិភពលោក។ភាពជោគជ័យរបស់កាបវែរនៅ World Cup គឺជាលទ្ធផលនៃគម្រោងអភិវឌ្ឍន៍រយៈពេលវែង ក្រោមការដឹកនាំរបស់គ្រូបង្វឹក Bubista ដែលបានស្វែងរក និងប្រមូលផ្តុំកីឡាករដែលមានដើមកំណើតកាបវែរ ពីបណ្តាប្រទេសនានាជុំវិញពិភពលោក មកកសាងជាក្រុមមួយដែលមានស្មារតីប្រកួតខ្ពស់ ភាពរឹងមាំ និងយុទ្ធសាស្ត្រលេងដ៏មានប្រសិទ្ធភាព។ទោះបីមិនអាចបន្តដំណើរទៅវគ្គបន្តបានក៏ដោយ ការបង្ហាញសមត្ថភាពរបស់កាបវែរនៅ World Cup លើកនេះ ត្រូវបានចាត់ទុកថាជាជោគជ័យដ៏ធំធេង និងជាមោទនភាពសម្រាប់ប្រទេស ក៏ដូចជាបានបង្ហាញថា ក្រុមតូចមួយក៏អាចប្រកួតប្រជែងជាមួយមហាអំណាចបាល់ទាត់ពិភពលោកបានដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សម្តេចធិបតី ហ៊ុន ម៉ាណែត ណែនាំឱ្យត្រៀមខ្លួនឆ្លើយតប​ផលប៉ះពាល់​ដោយសារ​បាតុភូត​ធម្មជាតិ​អែលនីញ៉ូ
07/25/2026 09:07 AM
Facebook Telegram Linkin
មីស៊ីលអាមេរិក វាយប្រហារអ៊ីរ៉ង់ខណៈផ្លូវឆ្ពោះទៅរកការបន្ធូរបន្ថយភាពតានតឹងមិនប្រាកដប្រជា
07/25/2026 09:07 AM
Facebook Telegram Linkin
ព្រះមហាក្សត្រ ប្រោសប្រទានលើកលែងទោសបន្ថែមដល់លោក កឹម សុខា បើក​ផ្លូវ​ឱ្យ​ចាក​ចេញ​ទៅ​ក្រៅ​ប្រទេស​បាន
07/25/2026 09:07 AM
Facebook Telegram Linkin
សម្ដេចធិបតី៖ រាជរដ្ឋាភិបាល​នឹង​ដាក់​ចេញ​នូវ​វិធាន​ការ​មុត​ស្រួច​មួយ​ចំនួន​ដើម្បី​ដោះ​ស្រាយ​បញ្ហា​សំខាន់​ៗ​ជូន SME
07/25/2026 08:07 AM
Facebook Telegram Linkin
ក្នុងរយៈពេល១ឆ្នាំ សំណុំរឿងឆបោកតាមប្រព័ន្ធបច្ចេកវិទ្យា២៦៨ករណីត្រូវបញ្ជូនទៅតុលាការ និងពាក់ព័ន្ធមុខសញ្ញាសង្ស័យជិត ៣ពាន់នាក់
07/25/2026 07:07 AM
Facebook Telegram Linkin
UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ
07/24/2026 09:07 PM
Facebook Telegram Linkin
ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយ​មាន​ជំនួបផ្លែផ្កាជាមួយ​​លោក Trump
07/24/2026 08:07 PM
Facebook Telegram Linkin
មនុស្ស ១៤នាក់ស្លាប់ និង ២៤នាក់រងរបួស អំឡុង​​ការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន
07/24/2026 08:07 PM
Facebook Telegram Linkin
ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា
07/24/2026 08:07 PM
Facebook Telegram Linkin
ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់
07/24/2026 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.