BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

Coco Gauff និង Aryna Sabalenka ឡើងវគ្គ ៨ នាក់ចុងក្រោយ China Open

កីឡាការិនីវាយកូនបាល់អាមេរិកជើងឯក Grand Slam, US Open, Coco Gauff បានសង្គ្រោះពិន្ទុ Set-Point ៤ លើកដើម្បីយកឈ្នះកីឡាការិនី Veronika Kudermetova ៧-៦(៧-៥) និង ៦-២ ឡើងវគ្គ ៨ នាក់ចុងក្រោយនៃការប្រកួតពានរង្វាន់ China Open នៅលើទឹកដីចិន។នេះជាជ័យជំនះ ១៥ ប្រកួតជាប់គ្នាសម្រាប់ Coco Gauff ដែលជាជ័យជំនះជាប់គ្នាច្រើនប្រកួតបំផុតក្នុងឆ្នាំនេះ នៃការប្រកួតប្រកួតក្របខណ្ឌ Tour ខណៈកីឡាការិនីលំដាប់លេខ ២ ពិភពលោក Iga Swiatek ធ្លាប់ឈ្នះជាប់គ្នាត្រឹម ១៤ ប្រកួត។ កីឡាការិនីវ័យ ១៩ ឆ្នាំរូបនេះ ចាញ់ការប្រកួតចុងក្រោយបំផុតតាំងពីខែសីហា ការប្រកួតនៅទីក្រុង Montreal ប្រទេសកាណាដាទល់នឹងមិត្តរួមជាតិ Jessica Pegula មុនពេលចាប់ផ្តើមឈ្នះមកវិញ លើកពាន Cincinnati និង US Open។បើរាប់តាំងពី Wimbledon ដែលចាញ់ Sofia Kenin នៅជុំដំបូងនោះ Coco Gauff បានឈ្នះការប្រកួតសរុប ២១ ក្នុងចំណោម ២២ ប្រកួតចុងក្រោយ។ ជ័យជំនះលើ Kudermetova នៅ China Open នេះ Coco Gauff នឹងបន្តជួបជាមួយកីឡាការិនីក្រិក Maria Sakkari ដែលយកឈ្នះកីឡាការិនីម្ចាស់ផ្ទះចិន Wang Xinyu។ងាកមកកីឡាការិនីលំដាប់លេខ ១ ពិភពលោក Aryna Sabalenka វិញ ក៏បានកក់កៅអីនៅវគ្គ ៨ នាក់ចុងក្រោយដែរក្រោយយកឈ្នះកីឡាការិនីអ៊ីតាលី Jasmine Paolini។ កីឡាការិនីបេឡារុស ដែលជាជើងឯករង US Open កាលពីខែមុននោះ បានយកឈ្នះកីឡាការិនីអ៊ីតាលីដែលមានចំណាត់ថ្នាក់ពិភពលោកលេខ ៣៦ ដោយលទ្ធផល ៦-៤ និង ៧-៦(៧-៤)។ ម្ចាស់ជើងឯក Australian Open, Aryna Sabalenka នឹងបន្តជួបជាមួយជើងឯក Wimbledon, Elena Rybakina នៅវគ្គ ៨ នាក់ចុងក្រោយ China Open នេះ៕ អត្ថបទ៖នាង សុភាវុធ

West Ham បំបែកកំណត់ត្រាក្លិបអង់គ្លេសដំបូងលេងមិនចាញ់ ១៧ ប្រកួតជាប់គ្នានៅក្របខណ្ឌអឺរ៉ុប

ក្លិបបាល់ទាត់ញញួរធំ West Ham បានបន្តស្ថិតិអស្ចារ្យរបស់ខ្លួននៅក្របខណ្ឌ UEFA Europa League ក្រោយ យកឈ្នះនៅទឹកដី Freiburg។ កីឡាករប្រេស៊ីល Lucas Paqueta បើកការនាំមុខឱ្យ West Ham នៅនាទីទី ៨ មុនពេលម្ចាស់ផ្ទះតាមស្មើវិញនៅដើមវគ្គទី ២ នាទីទី ៤៩ ដោយ Roland Sallai។ យ៉ាងណាក្តី Nayef Aguerd គឺជាអ្នកសំរេចគ្រាប់បាល់ជ័យជំនះរបស់ West Ham នៅនាទីទី ៦៦។ជ័យជំនះនេះធ្វើឱ្យក្លិបដែលមានមូលដ្ឋាននៅទីក្រុងឡុងដ៍មួយនេះ ក្លាយជាក្លិបអង់គ្លេសដំបូងដែលលេងមិនចាញ់ ១៧ ប្រកួតជាប់គ្នានៅក្របខណ្ឌអឺរ៉ុប។កន្លងមកមានក្លិបអង់គ្លេសបីប៉ុណ្ណោះដែលលេងមិនចាញ់ ១៦ ប្រកួតជាប់គ្នារួមមាន Manchester City, Leeds United ធ្វើបានអំឡុងទសវត្សរ៍ឆ្នាំ ១៩៦០ និង Tottenham Hotspur អំឡុងទសវត្សរ៍ឆ្នាំ ១៩៧០។ West Ham ដែលឈ្នះ Backa Topola ប្រកួតដំបូងក្នុងពូល Europa League នោះ កំពុងឈរលេខ ១ ក្នុងពូល A មាន ៦ ពិន្ទុពេញខណៈ Freiburg ឈ្នះលេខ ២ មាន ៣ ពិន្ទុ តាមពីក្រោយដោយ Olympiakos និង Backa Topola មាន ១ ពិន្ទុដូចគ្នា។ ងាកមកក្រុមអង់គ្លេសមួយទៀត ហង្សក្រហម Liverpool ក៏រកបានជ័យជំនះពីរប្រកួតផ្ទួនៗផងដែរក្រោយយកឈ្នះ Union Saint-Gilloise ២-០ ដោយពីរគ្រាប់របស់ Ryan Gravenbach និង Diogo Jota។ជ័យជំនះនេះធ្វើឱ្យក្រុមរបស់លោក Jurgen Klopp ឈរលើគេក្នុងពូល E មាន ៦ ពិន្ទុពេញតាមពីក្រោយដោយ ក្រុមបារាំង Toulouse មាន ៤ ពិន្ទុ ខណៈ Union Saint-Gilloise និង LASK មាន ១ ពិន្ទុដូចគ្នា៕ អត្ថបទ៖នាង សុភាវុធ

អគារនៅទីលានវាយកូនគោលដែលទើបរៀបចំការប្រកួត Ryder Cup សប្តាហ៍មុនត្រូវភ្លើងឆេះ

ព្រឹត្តិការណ៍វាយកូនគោលតំណាងទ្វីបពីរ អឺរ៉ុប-អាមេរិក Ryder Cup ទើបតែបញ្ចប់មិនទាន់បាន ១ សប្តាហ៍ស្រួលបួលផង អគារនៅក្នុងទីលានវាយកូនគោល Marco Simone នៅទីក្រុងរ៉ូមប្រទេសអ៊ីតាលីដែលទទួលរៀបចំការប្រកួតនោះ ត្រូវបានអគ្គិភ័យឆាបឆេះយ៉ាងសន្ធោសន្ធៅ។អគារដែលមានកំពស់ ៣ ជាន់ដែលបានសាងសង់ឡើងបណ្តោះអាសន្នដើម្បីទទួលការប្រកួតនោះ ត្រូវបានភ្លើងឆេះដោយមិនទាន់រកឃើញមូលហេតុ និងគ្មានអ្នករងរបួសឡើយ ស្របពេលដែលក្រុមពន្លត់អគ្គិភ័យអាចគ្រប់គ្រងស្ថានការបាន ខណៈហេតុការនេះ កើតឡើងនៅវេលាម៉ោង ៥ ល្ងាច ម៉ោងនៅទីក្រុងរ៉ូមអ៊ីតាលីថ្ងៃព្រហស្បតិ៍ម្សិលមិញ។ក្រុមវាយកូនគោលអឺរ៉ុបបានយកឈ្នះក្រុមអាមេរិក ដើម្បីគ្រងជើងឯកពានរង្វាន់ Ryder Cup ក្នុងទឹកដីរបស់ខ្លួននៅទីក្រុង Rome ប្រទេសអ៊ីតាលី។ជ័យជំនះនេះក៏បានធ្វើឱ្យក្រុមវាយកូនគោលអឺរ៉ុប គ្រងជើងឯកនៅក្នុងទឹកដីរបស់ខ្លួនរយៈពេល ៣០ ឆ្នាំចុងក្រោយ និងមានកីឡាករ ៥ នាក់របស់អឺរ៉ុបដែលមានវត្តមាននៅពេលនេះឈ្នះជើងឯក Ryder Cup នៅក្នុងទឹកដីរបស់ខ្លួន។ គិតតាំងពីបង្កើតឡើងរយៈពេល ៩៦ ឆ្នាំ Ryder Cup បានរៀបចំឡើងបាន ៤៤ លើក ក្នុងនោះអឺរ៉ុបឈ្នះ ២៧ លើក អាមេរិកឈ្នះ ១៥ លើក និងស្មើគ្នា ២ លើក៕ អត្ថបទ៖នាង សុភាវុធ

ម្ចាស់ផ្ទះចិនយកឈ្នះជប៉ុនប្រផិតប្រផើយ ៧៤-៧២ ឈ្នះមេដាយមាសបាល់បោះនារីកីឡាអាស៊ី

ក្រុមបាល់បោះនារីម្ចាស់ផ្ទះចិន បានក្លាយជាម្ចាស់មេដាយមាសលើវិញ្ញាសាកីឡាបាល់បោះនារីក្នុងព្រឹត្តិការណ៍កីឡាអាស៊ីលើកទី ១៩ នៅទីក្រុងហាន់ចូវទឹកដីរបស់ខ្លួន ក្រោយយកឈ្នះក្រុមបាល់បោះនារីជប៉ុនយ៉ាងប្រផិតប្រផើយលទ្ធផល ៧៤-៧២។ បីវគ្គដំបូងចិនបាននាំមុខដាច់ទៅហើយ តែវគ្គចុងក្រោយការប្រកួតចាប់ផ្តើមតានតឹងនៅពេលជប៉ុនតាមពីក្រោយរហូតមកស្មើគ្នា ៧២-៧២ ដោយបាល់បោះ ៣ ពិន្ទុរបស់កីឡាការិនី Saki Hayashi នៅសល់ ១៣ វិនាទីទៀតចប់ការប្រកួត។ ក្រោយមកចិនក៏រកបាន ២ ពិន្ទុចុងក្រោយដោយកីឡាការិនី Wang Siyu ខណៈនៅសល់ ៩ វិនាទីទៀតចប់ការប្រកួត ជប៉ុនវាយបកមកវិញបោះបាល់ចុងក្រោយមិនចូល ធ្វើឱ្យចប់ការប្រកួតចិនយកឈ្នះជប៉ុន ៧៤-៧២។ សូមបញ្ជាក់ថា នេះជាការការពារមេដាយមាសបានសំរេចសម្រាប់ក្រុមបាល់បោះនារីចិនដែលឈ្នះមេដាយមាសកាលពីឆ្នាំ ២០១៨ ផងដែរនៅទីក្រុង Jakarta ប្រទេសឥណ្ឌូនេស៊ី និងជាមេដាយមាស ទី៧ ផងដែរក្នុងប្រភេទកីឡាបាល់បោះនារីនៅកីឡាអាស៊ីសម្រាប់ចិន៕ អត្ថបទ៖នាង សុភាវុធ

ក្រុមបាល់ទះកងទ័ពកម្ពុជា របូតកៅអីវគ្គ ១/២ ក្រោយភ្លាត់ចាញ់ក្រុមកងទ័ពឡាវ ៣-២

ក្រុមបាល់ទះកងយោធពលខេមរមភូមិន្ទ របស់កម្ពុជា មិនអាចឡើងវគ្គពាក់កណ្ដាលផ្ដាច់ព្រ័ត្រ នៃការប្រកួតបាល់ទះដណ្ដើមពានរង្វាន់កងទ័បអាស៊ាន ឆ្នាំ២០២៣ នៅប្រទេសវៀតណាមបានឡើយ បន្ទាប់ពីភ្លាត់ចាញ់ក្រុមកងទ័ពឡាវ ដោយលទ្ធផល ៣-២សិត ។ការប្រកួតទី២ និងជាជំនួបបញ្ចប់ពូល A កាលពីល្ងាចថ្ងៃទី០៥ ខែតុលានេះ ក្រុមបាល់ទះកងទ័ពកម្ពុជា ធ្វើបានយ៉ាងល្អ សម្រាប់ ២សិតដំបូង ដោយបានយកឈ្នះក្រុមឡាវ ២៥-១៤ពិន្ទុ និង ២៥-១៦ពិន្ទុ ។ ប៉ុន្ដែនៅសិតទី៣ និងសិតទី៤ ក្រុមបាល់ទះកងទ័ពឡាវ ក៏វាយបកយកឈ្នះ ២សិតវិញ ក្នុងពិន្ទុ ២៥-២៣ និង ២៦-២៤ ដែលនាំឲ្យការប្រកួតឈានដល់សិតទី៥ តែសោកស្ដាយក្រុមបាល់ទះកងទ័ពកម្ពុជា បានបន្ដចាញ់ទាំងប្រផិតប្រផើយ ក្នុងពិន្ទុ ១៨-១៦ នាំឲ្យរបូតកៅអីវគ្គ ១/២ ផ្ដាច់ព្រ័ត្រតែម្ដង បន្ទាប់ពីប្រកួតដំបូង ចាញ់ម្ចាស់ផ្ទះវៀតណាម ៣-០សិតរួចមក ។សូមបញ្ជាក់ថា ការប្រកួតបាល់ទះពានរង្វាន់កងទ័ពអាស៊ាន ឆ្នាំ២០២៣ ដែលវៀតណាមធ្វើម្ចាស់ផ្ទះ គឺមាន ៧ប្រទេសចូលរួម ក្នុងនោះក្រុមកីឡាបាល់ទះកងយោធពលខេមភូមិន្ទ របស់កម្ពុជា ស្ថិតក្នុងពូល A ជាមួយក្រុមកងទ័ពឡាវ និងម្ចាស់ផ្ទះវៀតណាម ខណៈពូលB មានក្រុមបាល់ទះកងទ័ពថៃ មីយ៉ាន់ម៉ា់ ម៉ាឡេស៊ី និងឥណ្ឌូនេស៊ី ។បេសកកម្មនេះ ក្រុមបាល់ទះកងទ័ពកម្ពុជា គឺដឹកនាំដោយឯកឧត្តម តែម ម៉ឺន អនុរដ្ឋលេខាធិការក្រសួងការពារជាតិ ទទួលបន្ទុកការងារកីឡា និងជាអនុប្រធានអចិន្ត្រៃយ៍ក្រុមប្រឹក្សាកីឡាកងយោធពលខេមរភូមិន្ទ ។ ព្រឹត្តិការណ៍នេះ រៀបចំឡើង ដើម្បីរឹតចំណងមិត្តភាព រវាងកងទ័ពបណ្ដាប្រទេសសមាជិកអាស៊ាន តាមរយៈការប្រកួតកីឡាក្ខណៈមិត្តភាពមួយនេះ៕ អត្ថបទ លី ឈុនឡា

ស្រួង ភាវី ស្ដ្រីខ្មែរម្នាក់គត់ ក្នុងចំណោមបុគ្គលឆ្នើម ៦នាក់ ទទួលបានពានដ៏មានតម្លៃពីរដ្ឋាភិបាលកូរ៉េខាងត្បូង

កីឡាការិនីប៊ីយ៉ា-ស្នុកឃ័រជម្រើសជាតិកម្ពុជា ស្រួង ភាវី ត្រូវបានផ្ដល់កិត្តិយសជាថ្មី ដោយបានក្លាយជាស្ដ្រីខ្មែរតែម្នាក់គត់ ដែលត្រូវបានរដ្ឋាភិបាលសាធារណរដ្ឋកូរ៉េ ផ្ដល់ពានរង្វាន់វប្បធម៌បង្រួបបង្រួមជាតិពហុវប្បធម៌ និងពានរង្វាន់ពីក្រសួងព័ត៌មាន កាសែតទស្សនាវត្ដីដ៏ធំនៅទីនោះ ។យោងតាមបណ្ដាញសង្គមផ្លូវការរបស់ម្ចាស់មេដាយមាសស៊ីហ្គេម ឆ្នាំ២០២៣ រូបនេះ បានបញ្ជាក់ថា នេះគឺជាមហាកិត្តិយសដ៏ក្រៃលែង សម្រាប់ខ្លួន ក៏ដូចជាប្រជាជនខ្មែរ ដែលលោកស្រី ត្រូវបានរដ្ឋាភិបាលកូរ៉េខាងត្បូងជ្រើសរើសទទួលពានរង្វាន់ដ៏វិសេសវិសាលនេះ ក្នុងចំណោមបុគ្គលិកឆ្នើមចំនួន ៦នាក់ ។កីឡាការិនីមានដើមកំណើតពីខេត្តត្បូងឃ្មុំដដែលបន្ដថា អ្នកទទួលបានពានរង្វាន់វប្បធម៌បង្រួបបង្រួមជាតិពហុវប្បធម៌នេះ គឺជាបុគ្គលដែលទទួលជោគជ័យក្នុងជីវិត និងធ្វើកិច្ចការ ដែលមានគុណតម្លៃសម្រាប់ជាតិ និងប្រជាជន ហើយបានធ្វើឲ្យជាតិរីកចម្រើន ព្រមទាំងបានលើកកិត្យានុភាពជាតិឲ្យមានភាពល្បីល្បាញថែមទៀតផង ។ ចំពោះលោកស្រីផ្ទាល់ គឺបានលើកកិត្យានុភាពជាតិទាំងពីរ គឺកម្ពុជា ដែលជាជាតិកំណើត និងកូរ៉េខាងត្បូង ដែលជាជាតិស្នាក់អាស្រ័យ ។ចំណែកពានរង្វាន់ ដែលផ្ដល់ដោយក្រសួងព័ត៌មាន និងកាសែតពាណិជ្ជកម្មទស្សនាវដ្ដីដ៏ធំ គឺសម្រាប់បុគ្គលដែលមានការចុះផ្សាយពីសារព័ត៌មានធំៗ អំពីភាពជោគជ័យក្នុងជីវិត រាល់កិច្ចការដែលជាប្រយោជន៍សម្រាប់សង្គមជាតិ ហើយមានប្រជាប្រិយភាពខ្លាំងក្នុងប្រព័ន្ធផ្សព្វផ្សាយ។ ការទទួលស្គាល់នេះ គឺតំណាងឲ្យជាតិខ្មែរទាំងមូល ព្រោះ ស្រួង ភាវី គឺជាកូនខ្មែរ តែបានស្នាក់អាស្រ័យនៅលើទឹកដីកូរ៉េ ហើយបានកសាងមុខមាត់ កិត្តិយស កេរ្ដិ៍ឈ្មោះសម្រាប់ប្រទេសកម្ពុជា ។ក្នុងនាមកូនខ្មែរមួយរូប កីឡាការិនី ស្រួង ភាវី បានសម្ដែងនូវក្ដីរំភើបក្រៃលែង ដែលមានភព្វសំណាងទទួលបាននូវកិត្តិយសដ៏ថ្លៃថ្លា ជាមួយការចូលរួមទទួលពានរង្វាន់ដ៏មហាកិត្តិយស ជាមួយបុគ្គលគំរូ អស្ចារ្យ ឆ្នើម និងជាបុគ្គលល្បីៗ ដែលពួកគាត់សុទ្ធសឹងជាអ្នក កសាងជាតិ ជាអ្នកបង្រួបបង្រួមជាតិ ជាអ្នកអភិវឌ្ឍឃុំគ្រងប្រទេសជាតិ និងប្រជាជន ហើយជាអ្នកលើកមុខមាត់ប្រទេសជាតិ កិត្យានុភាពជាតិ ឲ្យពិភពលោកបានស្គាល់ថែមទៀត ។ បន្ថែមលើនេះ ភាវី ក៏បានថ្លែងអំណរគុណរដ្ឋាភិបាលកូរ៉េ និងប្រជាជនកូរ៉េ ដែលតែងផ្ដល់ការគោរពស្រលាញ់ដល់ខ្លួនផងដែរ៕ អត្ថបទ លី ឈុនឡា

សំបុត្រទស្សនាការប្រកួតជម្រុះ World Cup រវាងកម្ពុជា និងប៉ាគីស្ថាន នឹងដាក់លក់នៅស្ដាតអូឡាំពិកស្អែកនេះ

សំបុត្រចូលទស្សនាការប្រកួតជម្រុះពានរង្វាន់បាល់ទាត់ពិភពលោក FIFA World Cup 2026 Preliminary Joint Qualification វគ្គជម្រុះជុំទី១ រវាងក្រុមជម្រើសជាតិកម្ពុជា នឹងក្រុមជម្រើសជាតិប៉ាគីស្ថាន នឹងមានដាក់លក់ផ្ទាល់ នៅពហុកីឡដ្ឋានជាតិ(ស្ដាតអូឡាំពិក) នាថ្ងៃទី០៧ ខែតុលាស្អែកនេះ មុនការប្រកួតនាថ្ងៃទី១២ ខែតុលា ឆ្នាំ២០២៣ សប្ដាហ៍ក្រោយ ។យោងតាមសហព័ន្ធកីឡាបាល់ទាត់កម្ពុជា សំបុត្រចូលទស្សនាការប្រកួតអន្ដរជាតិ បែងចែកជា ២ប្រភេទ គឺតំបន់ A មានតម្លៃ ៣០,០០០រៀល និងតំបន់ B មានតម្លៃ ១៥,០០០រៀល ដែលទស្សនិកជនអាចរកទិញផ្ទាល់បាននៅពហុកីឡដ្ឋានជាតិ ពីម៉ោង ៩ព្រឹក ដល់ម៉ោង ៥ល្ងាច ចាប់ពីថ្ងៃទី០៧ ខែតុលាស្អែកតទៅ ។ប៉ុន្ដែមុនដាក់លក់ផ្ទាល់នៅពហុកីឡដ្ឋានជាតិ សំបុត្រចូលទស្សនាការប្រកួតជម្រុះពានរង្វាន់បាល់ទាត់ពិភពលោក ជើងទី១ រវាងកម្ពុជា និងប៉ាគីស្ថាន នេះ គឺបានដាក់លក់តាម Online ជាង ២០ថ្ងៃមកហើយ ដោយអ្នកទិញសំបុត្រតាម Online អាចប្ដូរយកក្រដាសសំបុត្របាននៅសួន Vattanac Capital Lifestyle Park ចាប់ពីថ្ងៃទី២ ដល់ថ្ងៃទី១១ ខែតុលា និងច្រកចូលពហុកីឡដ្ឋានជាតិ ប្ដូរនៅថ្ងៃទី១២ ខែតុលា ត្រូវនឹងថ្ងៃប្រកួតតែងម្ដង ។គួរដឹងថា ក្រុមជម្រើសជាតិកម្ពុជា នឹងត្រូវធ្វើការប្រកួតជម្រុះពានរង្វាន់ FIFA World Cup 2026 វគ្គជម្រុះជុំទី១ ចំនួន ២ជើង ជាមួយក្រុមជម្រើសជាតិប៉ាគីស្ថាន ដោយជើងទី១ ត្រូវប្រកួតនៅពហុកីឡដ្ឋានជាតិ រាជធានីភ្នំពេញ នាម៉ោង ៧យប់ថ្ងៃទី១២ ខែតុលា មុនការប្រកួតកាត់សេចក្ដីជើងទី២ រវាងក្រុមទាំងពីរ នៅទឹកដីប្រទេសប៉ាគីស្ថានវិញម្ដង នាថ្ងៃទី១៧ ខែតុលា ឆ្នាំ២០២៣ ខាងមុខ ៕ អត្ថបទ លី ឈុនឡា

AFC Cup៖ គ្រូភ្នំពេញក្រោន នឹងផ្ដោតការប្រកួតជាមួយក្រុមខ្លាំងអូស្ដ្រាលី ក្រោយឈ្នះ ២ប្រកួតជាប់គ្នា

លោក Oleg Starynskyi គ្រូបង្វឹកក្រុមភ្នំពេញក្រោន បានផ្ដោតជាពិសេស សម្រាប់ការប្រកួតបន្ទាប់ជាមួយក្រុម Macarthur FC របស់អូស្ដ្រាលី បន្ទាប់ពីក្រុមខ្លួន បានទទួលជ័យជម្នះ ២ប្រកួតជាប់គ្នា ក្នុងវគ្គចែកពូល នៃពានរង្វាន់ AFC Cup 2023/24 ពូលF ។នេះបើតាមការបញ្ជាក់ក្នុងសន្និសីទសារព័ត៌មាន ក្រោយចប់ការប្រកួតជើងទី១ ជាមួយក្រុម Shan United របស់មីយ៉ាន់ម៉ា ដោយក្រុមភ្នំពេញក្រោន បានយកឈ្នះក្រុមជើងឯកលីគមីយ៉ាន់ម៉ា ៤សម័យនេះ ដោយលទ្ធផល ៤-០ កាលពីយប់ថ្ងៃទី០៥ ខែតុលា ឆ្នាំ២០២៣ នៅពហុកីឡដ្ឋានជាតិ(ស្ដាតអូឡាំពិក) ។ជំនួបវគ្គចែកពូលលើកដំបូងនៅកម្ពុជានេះ កីឡាករជប៉ុន Shimizu Shintaro បានរកគ្រាប់បាល់នាំមុខឲ្យភ្នំពេញក្រោន ១គ្រាប់មុន នៅវគ្គទី១ ដោយការទាត់បាល់ពិន័យ ១១ម៉ែត្រ នៅនាទី២៧ ។ បន្ទាប់មកពួកគេ នៅតែបន្ដដាក់សម្ពាធ ជាមួយការបង្កើតឱកាសក្នុងតំបន់គ្រោះថ្នាក់គូប្រកួតជាច្រើន រហូតរកបាន ៣គ្រាប់ទៀត នៅវគ្គទី២ ដោយខ្សែប្រយុទ្ធ Shimizu Shintaro ដដែល ២គ្រាប់ និង លឹម ពិសុទ្ធ ១គ្រាប់ ។ក្រោយចប់ការប្រកួតលោក Oleg បានសម្ដែងមោទនភាព ចំពោះកូនក្រុម ក៏ដូចជាបាល់ទាត់កម្ពុជា ដែលធ្វើបានល្អ សម្រាប់ការប្រកួតទី២ ក្នុងពូល ទោះបីលោកមើលឃើញចំណុចខ្សោយរបស់ក្រុម Shan United មួយចំនួនក៏ដោយ ។ បែបនេះក្ដី លោកនឹងផ្ដោតការប្រកួតបន្ទាប់ ដែលត្រូវជួបក្រុមឆ្លងទ្វីបមកពីអូស្ដ្រាលី Macarthur FC ដើម្បីរក្សាបាននូវលទ្ធផលជាវិជ្ជមានបន្ដទៀត ។ដោយឡែក Han Win Aung គ្រូបង្វឹកក្រុម Shan United បានទទួលស្គាល់ក្រុមភ្នំពេញក្រោន គឺជាក្រុមខ្លាំង និងធ្វើបានល្អជាងក្រុមខ្លួន ពិសេសខ្សែប្រយុទ្ធ និងខ្សែបម្រើស្លាបឆ្វេង-ស្ដាំ ដែលធ្វើបានយ៉ាងល្អ ទើបធ្វើឲ្យក្រុមខ្លួនរបូតគ្រាប់បាល់ច្រើនគ្រាប់បែបនេះ ។ ដូច្នេះ Shan នឹងផ្លាស់ប្ដូរយុទ្ធសាស្ដ្រមួយចំនួន នៅប្រកួតបន្ទាប់ ដែលជាការប្រកួតដ៏សំខាន់ និងលំបាកសម្រាប់ខ្លួន ។គួរដឹងថា ក្រោយឈ្នះ ២ប្រកួតជាប់គ្នា ភ្នំពេញក្រោន បានឈរលេខ២ ក្នុងពូលC បណ្ដោះអាសន្ន ដោយមាន ៦ពិន្ទុស្មើក្រុម Macarthur FC ដែលឈ្នះ ២ប្រកួតដូចគ្នា មុនក្រុមទាំងពីរ ត្រូវជួបគ្នាបញ្ចប់ជើងទី១ ក្នុងពូល នាថ្ងៃទី២៦ ខែតុលាខាងមុខ នៅពហុកីឡដ្ឋានជាតិ(ស្ដាតអូឡាំពិក) រាជធានីភ្នំពេញ មុនបន្ដការប្រកួតជើងទី២ មួយជុំទៀត រហូតដល់ខែធ្នូ ឆ្នាំ២០២៣ ដើម្បីកាត់សេចក្ដីរកក្រុមខ្លាំងឡើងវគ្គបន្ដ៕ អត្ថបទ លី ឈុនឡា

ក្រុមបាល់ទះកងទ័ពកម្ពុជា ជួបកងទ័ពឡាវរសៀលនេះ ដើម្បីប្រជែងកៅអីវគ្គ ១/២ ផ្ដាច់ព្រ័ត្រ

ក្រុមបាល់ទះកងយោធពលខេមរមភូមិន្ទ របស់កម្ពុជា នឹងត្រូវជួបក្រុមបាល់ទះកងទ័ពឡាវ នារសៀលថ្ងៃទី០៥ ខែតុលានេះ ក្នុងកម្មវិធីពានរង្វាន់កងទ័ពអាស៊ាន ឆ្នាំ២០២៣ នៅប្រទេសវៀតណាម ដើម្បីប្រជែងកៅអីវគ្គ ៤ក្រុមចុងក្រោយ ។នេះគឺជាការប្រកួតទី២ របស់ក្រុមបាល់ទះកងទ័ពកម្ពុជា បន្ទាប់ពីប្រកួតបើកឆាកចាញ់ក្រុមម្ចាស់ផ្ទះវៀតណាម ៣-០ ។ លទ្ធផលនេះ នាំឲ្យក្រុមកងទ័ពកម្ពុជា ត្រូវការឈ្នះដាច់ខាត ក្នុងការប្រកួតជាមួយក្រុមកងទ័ពឡាវ នារសៀលនេះ ដើម្បីមានឱកាសឡើងវគ្គបន្ដ ។គួរដឹងថា ការប្រកួតបាល់ទះពានរង្វាន់កងទ័ពអាស៊ាន ឆ្នាំ២០២៣ ដែលវៀតណាមធ្វើម្ចាស់ផ្ទះ គឺមាន ៧ប្រទេសចូលរួម ក្នុងនោះក្រុមកីឡាបាល់ទះកងយោធពលខេមភូមិន្ទ របស់កម្ពុជា ស្ថិតក្នុងពូលA ជាមួយក្រុមកងទ័ពឡាវ និងម្ចាស់ផ្ទះវៀតណាម ខណៈពូលB មានក្រុមថៃ មីយ៉ាន់ម៉ា់ ម៉ាឡេស៊ី និងឥណ្ឌូនេស៊ី ។បេសកកម្មនេះ ក្រុមបាល់ទះកងទ័ពកម្ពុជា គឺដឹកនាំដោយឯកឧត្តម តែម ម៉ឺន អនុរដ្ឋលេខាធិការក្រសួងការពារជាតិ ទទួលបន្ទុកការងារកីឡា និងជាអនុប្រធានអចិន្ត្រៃយ៍ក្រុមប្រឹក្សាកីឡាកងយោធពលខេមរភូមិន្ទ ។ ព្រឹត្តិការណ៍នេះ រៀបចំឡើង ដើម្បីរឹតចំណងមិត្តភាព រវាងកងទ័ពបណ្ដាប្រទេសសមាជិកអាស៊ាន តាមរយៈការប្រកួតកីឡាក្ខណៈមិត្តភាពមួយនេះ៕ អត្ថបទ លី ឈុនឡា

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍កម្រិតពិភពលោក នៅអាមេរិក

ក្រុមកីឡាម៉ូតូទឹកកម្ពុជា ដណ្ដើមបានមេដាយ ៤គ្រឿងទៀតហើយ រួមមានមេដាយមាស ២ និងប្រាក់ ២ នៅក្នុងព្រឹត្តិការណ៍ប្រណាំងម៉ូតូទឹកកម្រិតពិភពលោក Water Jet Ski World Series ឆ្នាំ២០២៣ ជុំទី៣ នៅសហរដ្ឋអាមេរិក នៅថ្ងៃទី០៥ ខែតុលា ឆ្នាំ២០២៣ នេះ ។តាមការបញ្ជាក់របស់កីឡាករ សាលី អ៊ូម៉ើត ដែលជាប្រធានក្រុម សម្រាប់ការប្រកួតថ្ងៃទី២ នេះ ក្រុមកីឡាករកម្ពុជា ធ្វើបានយ៉ាងល្អ ដោយធ្វើការប្រកួត ៣នាក់ សុទ្ធតែដណ្ដើមបានមេដាយជូនជាតិ ក្នុងនោះកីឡាករ សាលី ហ្វីលីន ដែលឈ្នះមេដាយមាស ១ និងប្រាក់ ១ កាលពីម្សិលមិញ បានបន្ដឈ្នះមេដាយមាស ១ និងប្រាក់ ១គ្រឿងបន្ថែមទៀត ។ចំណែកមេដាយ ២គ្រឿងទៀត គឺកីឡាករ កៃ វ៉ាន់ស៊ីដែន ដណ្ដើមបានមេដាយមាស ១ និងកីឡាករ ម៉ីន អូស្មាន់ ដណ្ដើមបានមេដាយប្រាក់ ១គ្រឿង ។ សរុបពេលនេះ ក្រុមកីឡាម៉ូតូទឹកកម្ពុជា ដណ្ដើមបានមេដាយ ៦គ្រឿងហើយ ពោលគឺមានមេដាយមាស ៣ និងមេដាយប្រាក់ ៣គ្រឿង។ប៉ុន្ដែការប្រកួតមិនទាន់បញ្ចប់នោះទេ ដោយក្រុមម៉ូតូទឹកកម្ពុជា នៅសល់កីឡាករ ៣រូបទៀត ដែលត្រូវបន្ដការប្រកួតរហូតដល់ ៦វិញ្ញាសា ក្នុងនោះមានកីឡាករ សាលី អ៊ូមើត, ម៉ីន មូស្ដាន់ និងសិស្សប្អូន សាលី ហ្វីលីន ។សូមបញ្ជាក់ថា ក្នុងព្រឹត្តិការណ៍ Water Jet Ski World Series ឆ្នាំ២០២៣ ជុំទី៣ នៅសហរដ្ឋអាមេរិក ចាប់ពីថ្ងៃទី០៤ ដល់ថ្ងៃទី០៨ ខែតុលា ឆ្នាំ២០២៣ កីឡាករ សាលី អ៊ូមើត ដែលជាប្រធានក្រុមបានដឹកនាំកីឡាករវ័យក្មេង ៨រូបចូលរួមប្រកួត ក្នុងនោះមានកីឡាករ ៥រូបត្រូវធ្វើការប្រកួត ដែលមាន សាលី អ៊ូមើត ផ្ទាល់, កៃ វ៉ាន់ស៊ីដែន, មីន មូស្ដាន់ និង មីន អូស្មាន់ ។ រីឯ ៤នាក់ទៀត គឺកីឡាករថ្នាល ដែលចូលរួមរៀនសូត្រ និងដកស្រង់បទពិសោធន៍ពីព្រឹត្តិការណ៍លំដាប់ពិភពលោកនេះ សម្រាប់យកមកអនុវត្តក្នុងការហ្វឹកហាត់ និងអភិវឌ្ឍន៍សមត្ថភាព ឆ្ពោះទៅរកការប្រកួតអន្ដរជាតិនាថ្ងៃអនាគត៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Coco Gauff និង Aryna Sabalenka ឡើងវគ្គ ៨ នាក់ចុងក្រោយ China Open

West Ham បំបែកកំណត់ត្រាក្លិបអង់គ្លេសដំបូងលេងមិនចាញ់ ១៧ ប្រកួតជាប់គ្នានៅក្របខណ្ឌអឺរ៉ុប

អគារនៅទីលានវាយកូនគោលដែលទើបរៀបចំការប្រកួត Ryder Cup សប្តាហ៍មុនត្រូវភ្លើងឆេះ

ម្ចាស់ផ្ទះចិនយកឈ្នះជប៉ុនប្រផិតប្រផើយ ៧៤-៧២ ឈ្នះមេដាយមាសបាល់បោះនារីកីឡាអាស៊ី

ក្រុមបាល់ទះកងទ័ពកម្ពុជា របូតកៅអីវគ្គ ១/២ ក្រោយភ្លាត់ចាញ់ក្រុមកងទ័ពឡាវ ៣-២

សំបុត្រទស្សនាការប្រកួតជម្រុះ World Cup រវាងកម្ពុជា និងប៉ាគីស្ថាន នឹងដាក់លក់នៅស្ដាតអូឡាំពិកស្អែកនេះ

AFC Cup៖ គ្រូភ្នំពេញក្រោន នឹងផ្ដោតការប្រកួតជាមួយក្រុមខ្លាំងអូស្ដ្រាលី ក្រោយឈ្នះ ២ប្រកួតជាប់គ្នា

ក្រុមបាល់ទះកងទ័ពកម្ពុជា ជួបកងទ័ពឡាវរសៀលនេះ ដើម្បីប្រជែងកៅអីវគ្គ ១/២ ផ្ដាច់ព្រ័ត្រ

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍កម្រិតពិភពលោក នៅអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Coco Gauff និង Aryna Sabalenka ឡើងវគ្គ ៨ នាក់ចុងក្រោយ China Open

West Ham បំបែកកំណត់ត្រាក្លិបអង់គ្លេសដំបូងលេងមិនចាញ់ ១៧ ប្រកួតជាប់គ្នា​នៅក្របខណ្ឌអឺរ៉ុប

អគារនៅទីលានវាយកូនគោលដែលទើបរៀបចំការប្រកួត Ryder Cup សប្តាហ៍មុនត្រូវភ្លើងឆេះ

ម្ចាស់ផ្ទះចិនយកឈ្នះជប៉ុនប្រផិតប្រផើយ ៧៤-៧២ ឈ្នះមេដាយមាស​បាល់បោះនារី​កីឡាអាស៊ី

ក្រុមបាល់ទះកងទ័ពកម្ពុជា របូតកៅអីវគ្គ ១/២ ក្រោយភ្លាត់ចាញ់ក្រុមកងទ័ពឡាវ ៣-២

សំបុត្រទស្សនាការប្រកួតជម្រុះ World Cup រវាងកម្ពុជា និងប៉ាគីស្ថាន នឹងដាក់លក់នៅស្ដាតអូឡាំពិកស្អែកនេះ

AFC Cup៖ គ្រូភ្នំពេញក្រោន នឹងផ្ដោតការប្រកួតជាមួយក្រុមខ្លាំងអូស្ដ្រាលី ក្រោយឈ្នះ ២ប្រកួតជាប់គ្នា

ក្រុមបាល់ទះកងទ័ពកម្ពុជា ជួបកងទ័ពឡាវរសៀលនេះ ដើម្បីប្រជែងកៅអីវគ្គ ១/២ ផ្ដាច់ព្រ័ត្រ

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍​កម្រិត​ពិភពលោក នៅអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

West Ham បំបែកកំណត់ត្រាក្លិបអង់គ្លេសដំបូងលេងមិនចាញ់ ១៧ ប្រកួតជាប់គ្នានៅក្របខណ្ឌអឺរ៉ុប

ម្ចាស់ផ្ទះចិនយកឈ្នះជប៉ុនប្រផិតប្រផើយ ៧៤-៧២ ឈ្នះមេដាយមាសបាល់បោះនារីកីឡាអាស៊ី

ក្រុមម៉ូតូទឹកកម្ពុជា បន្ដឈ្នះមេដាយមាស-ប្រាក់ ៤គ្រឿងទៀត ក្នុងព្រឹត្តិការណ៍កម្រិតពិភពលោក នៅអាមេរិក