BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

Iga Swiatek ឈ្នះ Liudmila Samsonova លើកពាន China Open

កីឡាការិនីវាយកូនបាល់លេខ ២ ពិភពលោក Iga Swiatek ដណ្តើមបានពានទី ៥ ប្រចាំរដូវកាលនេះក្រោយយកឈ្នះកីឡាការិនី Liudmila Samsonova នៅវគ្គផ្តាច់ព្រ័ត្រលើកពាន China Open។ វគ្គផ្តាច់ព្រ័ត្រ China Open ដែលរៀបចំនៅទីក្រុងប៉េកាំងប្រទេសចិន Iga Swiatek បានយកឈ្នះគូប្រកួតរុស្ស៊ីលំដាប់លេខ ២២ ពិភពលោក Liudmila Samsonova ដោយលទ្ធផល ២ សិតផ្ទួនៗ ៦-២ និង ៦-២ ដោយចំណាយពេលត្រឹម ៦៩ នាទី ដើម្បីលើកពានទី ១៦ ក្នុងអាជីព។ នេះជាពានទី ៥ សម្រាប់កីឡាករប៉ូឡូញរូបនេះ បន្ទាប់ពីឈ្នះពាននៅទីក្រុង Doha ប្រទេសកាតា Stuttgart ប្រទេសអាល្លឺម៉ង់ Grand Slam, Roland Garros នៅបារាំង និង Warsaw Open ក្នុងទឹកដីកំណើតរបស់ខ្លួន៕ អត្ថបទ៖នាង សុភាវុធ

Wayne Rooney សម្រេចដើរចេញពីតំណែងគ្រូបង្វឹក DC United

អតីតខ្សែប្រយុទ្ធអង់គ្លេស Wayne Rooney បានសម្រេចចិត្តដើរចេញពីតំណែងគ្រូបង្វឹក នៃក្លិបបាល់ទាត់អាមេរិក DC United ហើយ ក្រោយមិនអាចដឹកនាំក្រុមឡើងដល់វគ្គ Play-Off ក្របខណ្ឌ MLS Cup។អតីតខ្សែប្រយុទ្ធ និងជាកីឡាករស៊ុតបញ្ចូលទីច្រើនជាងគេរបស់ Manchester United រូបនេះ បានមកកាន់តំណែងដឹកនាំក្លិបដែលមានមូលដ្ឋាននៅរដ្ឋធានី Washington D.C. មួយនេះកាលពីខែកក្កដាឆ្នាំ ២០២២។ Rooney ធ្លាប់ចំណាយពេលជាកីឡាកររយៈពេល ១៨ ខែនៅ DC United នេះ មុនទទួលបានតំណែងដឹកនាំក្លិបអង់គ្លេស Derby County កាលពីខែមករាឆ្នាំ ២០២០។បុរសវ័យ ៣៧ ឆ្នាំរូបនេះ បាននិយាយថា នេះជាពេលវេលាត្រឹមត្រូវបំផុតសម្រាប់ការចាកចេញនេះ ហើយជាការខិតខំអស់ពីលទ្ធភាពហើយ ដើម្បីជួយក្រុម តែមិនអាចឡើងវគ្គ Play-Off បាន។ សូមបញ្ជាក់ថា DC United ខកខានមិនបានឡើងវគ្គ Play-Off MLS Cup នេះ ៤ ឆ្នាំជាប់គ្នាហើយ ទោះបីជាចុងក្រោយបំផុតឈ្នះ New York City FC ចុងសប្តាហ៍កន្លងទៅក៏ដោយដែលត្រឹមជាការប្រកួតបង្គ្រប់កិច្ចនៃរដូវកាលវិលជុំ៕ អត្ថបទ៖នាង សុភាវុធ

សាលី ហ្វីលីន ត្រូវបានចាត់ទុកជា Golden Boy ក្រោយសាងប្រវត្តិសាស្ដ្រ និងភាពភ្ញាក់ផ្អើលនៅអាមេរិក

ក្រុមកីឡាម៉ូតូទឹកកម្ពុជា ដែលដឹកនាំដោយប្រធានក្រុមកីឡាករ សាលី អ៊ូមើត បានបញ្ចប់បេសកកម្មក្នុងព្រឹត្តិការណ៍ប្រណាំងម៉ូតូទឹកកម្រិតពិភពលោក Water Jet World Series ឆ្នាំ២០២៣ ជុំទី៣ នៅសហរដ្ឋអាមេរិក ដោយដណ្ដើមបានមេដាយសរុប ៩គ្រឿង (មាស ៤ ប្រាក់ ៤ និងសំរឹទ្ធ១) ខណៈកីឡាករវ័យក្មេង សាលី ហ្វីលីន ត្រូវបានប្រធានក្រុមកម្ពុជា ចាត់ទុកជា Golden Boy បន្ទាប់ពីដណ្ដើមបានមេដាយ ៥គ្រឿងម្នាក់ឯង បំបែកកំណត់ត្រាប្រវត្តិសាស្ដ្រ និងសាងភ្ញាក់ផ្អើលជាខ្លាំងក្នុងព្រឹត្តិការណ៍ពិភពលោកនេះ ។កីឡាករ សាលី អ៊ូមើត បានឲ្យដឹងថា បេសកកម្មក្រុមម៉ូតូទឹកកម្ពុជា ក្នុងព្រឹត្តិការណ៍ Water Jet World Series ជុំទី៣ នៅអាមេរិក បានបញ្ចប់ដោយជោគជ័យ ជាមួយលទ្ធផលដ៏ត្រចះត្រចង់ពុំធ្លាប់មានក្នុងប្រវត្តិសាស្ដ្រកីឡាម៉ូតូទឹកកម្ពុជា ចំពោះការដណ្ដើមបានមេដាយរហូតដល់ ៩គ្រឿង ដ្បិតកន្លងមក ខ្លួន និងសិស្សប្អូន ម៉ីន មូស្ដាន់ ដណ្ដើមបានមេដាយយ៉ាងច្រើនម្នាក់មួយ ឬ ២គ្រឿងប៉ុណ្ណោះ ។អ្វីដែលពិសេស គឺកីឡាករ សាលី ហ្វីលីន ដណ្ដើមបានមេដាយរហូត ៥គ្រឿងម្នាក់ឯង ក្នុងនោះមានមេដាយមាស ២ ប្រាក់ ២ និងសំរឹទ្ធ ១ ។ លើសពីនេះ កំឡុងពេលប្រកួត ក្នុងនាមកីឡាករវ័យក្មេងជាងគេ ក្នុងវិញ្ញាសាប្រកួតរបស់ខ្លួន ហ្វីលីន បានប្រើបច្ចេកទេសដ៏ប៉ិនប្រសព្វ ដើម្បីប្រជែង និងវ៉ាដៃគូប្រកួត ដែលមានកម្រិតពិភពលោកម្ដងមួយៗ ធ្វើឲ្យគណៈកម្មការរៀបចំ និងទស្សនិកជន មានការភ្ញាក់ផ្អើលជាខ្លាំង បន្ទាប់ពីមានការប្រកាសពីភាពអស្ចារ្យរបស់កីឡាករខ្មែរឥស្លាមរូបនេះ ស្ទើរៀងរាល់ថ្ងៃ ។តាមរយៈសមិទ្ធផលជាប្រវត្តិសាស្ដ្រមិនធ្លាប់មានកីឡាករម៉ូតូទឹកកម្ពុជាណាធ្លាប់បាននេះ ក្នុងនាមប្រធានក្រុម និងជាអ្នកមានបទពិសោធន៍មុនគេក្នុងព្រឹត្តិការណ៍ប្រណាំងម៉ូតូទឹកពិភពលោក សាលី អ៊ូមើត បានចាត់ទុកកីឡាករ សាលី ហ្វីលីន ដែលត្រូវជាប្អូនបង្កើត គឺជា Golden Boy ដោយសារគេធ្វើបានយ៉ាងល្អ ទាំងលទ្ធផល និងការស្ងើចសរសើរពីគណៈកម្មការរៀបចំ និង កីឡាករខ្លាំងៗលើពិភពលោក ចំពោះសមត្ថភាពដ៏អស្ចារយរបស់កីឡាករវ័យក្មេងរូបនេះ ។សូមបញ្ជាក់ថា ព្រឹត្តិការណ៍ Water Jet World Series ឆ្នាំ២០២៣ ជុំទី៣ នៅសហរដ្ឋអាមេរិក ចាប់ផ្ដើមប្រកួតពីថ្ងៃទី០៤ ដល់ថ្ងៃទី០៨ ខែតុលា ឆ្នាំ២០២៣ ដោយកីឡាករ សាលី អ៊ូមើត បានដឹកនាំកីឡាករវ័យក្មេង ៨រូបចូលរួមប្រកួត ក្នុងនោះមានកីឡាករ ៥រូបត្រូវធ្វើការប្រកួត និងកីឡាករថ្នាល ៤រូបទៀត ចូលរួមរៀនសូត្រ និងដកស្រង់បទពិសោធន៍ពីព្រឹត្តិការណ៍លំដាប់ពិភពលោកនេះ សម្រាប់យកមកអនុវត្តក្នុងការហ្វឹកហាត់ និងអភិវឌ្ឍន៍សមត្ថភាព ឆ្ពោះទៅរកការប្រកួតអន្ដរជាតិនាថ្ងៃអនាគត ។ជាលទ្ធផលក្នុងចំណោមកីឡាករ ៥រូបរបស់កម្ពុជា គឺសុទ្ធតែដណ្ដើមបានមេដាយ ក្នុងនោះក្រៅពីម្ចាស់មេដាយ ៥គ្រឿង សាលី ហ្វីលីន កីឡាករ សាលី អ៊ូមើត ដែលជាប្រធានក្រុមដណ្ដើមបានមេដាយមាស ១គ្រឿង, កីឡាករ កៃ វ៉ាន់ស៊ីនដែន ដណ្ដើមបានមេដាយមាស ១គ្រឿង, កីឡាករ ម៉ីន មូស្ដាន់ ដណើដមបានមេដាយប្រាក់ ១គ្រឿង និងកីឡាករ ម៉ីន អូស្មាន់ ដណ្ដើមបានមេដាយប្រាក់ ១គ្រឿង ។ដោយឡែកចំពោះការប្រកួតជុំទី៤ ដែលជាជុំផ្ដាច់ព្រ័ត្រ នៃព្រឹត្តិការណ៍ប្រណាំងម៉ូតូទឹកលំដាប់ពិភពលោកនេះ គ្រោងនឹងធ្វើនៅប្រទេសថៃ នាខែធ្នូ ឆ្នាំ២០២៣ ខាងមុខ ៕ អត្ថបទ លី ឈុនឡា

Judd Trump គ្រងជើងឯកស្នូកឃ័រ English Open ក្រោយវាយបកឈ្នះកីឡាករចិន Zhang Anda

កីឡាករស្នូកឃ័រអង់គ្លេស Judd Trump បានគ្រងជើងឯកនៃការប្រកួតពានរង្វាន់ English Open ក្រោយវាយបកយកឈ្នះកីឡាករចិន Zhang Anda នៅវគ្គផ្តាច់ព្រ័ត្រ។ឡើងមកដល់វគ្គនេះ កីឡាករទាំងពីរសុទ្ធតែឆ្លងកាត់ជើងខ្លាំងដូចគ្នា ក្នុងនោះ Judd Trump បានវាយបកយកឈ្នះ John Higgins ខណៈ Zhang Anda យកឈ្នះជើងឯកពិភពលោក ៧ សម័យ Ronnie O’Sullivan គួរឱ្យភ្ញាក់ផ្អើល។ ឈានមកដល់វគ្គផ្តាច់ព្រ័ត្រ កីឡាករចិនដែលមានចំណាត់ថ្នាក់លេខ ៥៧ ពិភពលោក Zhang Anda ក៏បន្តធ្វើឱ្យមានការភ្ញាក់ផ្អើលដែរដោយបាននាំមុខការប្រកួតទៅលើ Judd Trump ៧-៣ ហ្វ្រេម។ យ៉ាងណាក្តី ជើងឯកឆ្នាំ ២០១៩ Judd Trump បានវាយបកដោយយកឈ្នះ ៦ ហ្វ្រេមជាប់គ្នា ដើម្បីគ្រងជើងឯក តាមរយៈលទ្ធផលចុងក្រោយ ៩-៧ ហ្វ្រេម៕ អត្ថបទ៖នាង សុភាវុធ

ក្រុមកីឡាករប៉ាគីស្ថានមកដល់កម្ពុជា ត្រៀមប្រកួតជម្រុះ World Cup ជើងទី១ នាថ្ងៃទី១២-តុលា

ក្រុមបាល់ទាត់ជម្រើសជាតិប៉ាគីស្ថាន បានធ្វើដំណើរមកដល់រាជធានីភ្នំពេញហើយ ដើម្បីធ្វើការប្រកួតជើងទី១ នៃពានរង្វាន់បាល់ទាត់ពិភពលោក FIFA World Cup 2026 Asian Qualifiers វគ្គជម្រុះជុំទី១ ប្រចាំទ្វីបអាស៊ី ជាមួយក្រុមជម្រើសជាតិកម្ពុជា នាថ្ងៃទី១២ ខែតុលា ឆ្នាំ២០២៣ សប្ដាហ៍នេះ ។ទាំងគ្រូបង្វឹក និងកីឡាករ បានថ្លែងប្រាប់អ្នកសារព័ត៌មានក្នុងស្រុកខ្លួន មុនចាកចេញមកកម្ពុជា ចំពោះការត្រៀមខ្លួនរួចរាល់ ដើម្បីប្រជែងវគ្គបន្ដ នៃពានរង្វាន់ FIFA World Cup 2026 ជាមួយក្រុមគោព្រៃកម្ពុជា ពោលគឺពួកគេបានដាក់ក្ដីរំពឹងខ្ពស់ជាងកាលពីឆ្នាំ២០១៩ ដែលប៉ាគីស្ថានរងបរាជ័យទាំង ២ប្រកួត ក្រោមថ្វីជើងក្រុមជម្រើសជាតិកម្ពុជា ។គួរដឹងថា កាលពីឆ្នាំ២០១៩ ក្រុមទាំងពីរ ក៏បានចាប់ឆ្នោតជួបគ្នាក្នុងវគ្គជម្រុះបឋម នៃពានរង្វាន់បាល់ទាត់ពិភពលោកនេះដែរ ហើយជាលទ្ធផលក្រុមកម្ពុជា បានយកឈ្នះប៉ាគីស្ថាន ២-០ នៅទីក្រុងភ្នំពេញ មុនបន្ដយកឈ្នះក្នុងលទ្ធផល ២-១ នៅទីក្រុង Doha ដើម្បីធានាកៅអីវគ្គបន្ដ ។បែបនេះក្ដីលោក Felix Dalmas គ្រូបង្វឹកក្រុមជម្រើសជាតិកម្ពុជា បានគូសបញ្ជាក់ថា ជួបប៉ាគីស្ថានលើកនេះ មិនងាយស្រួលនោះទេ ដ្បិតពួកគេបានត្រៀមខ្លួនយ៉ាងល្អ គួបផ្សំពួកគេមានកីឡាករមានបទពិសោធន៍ច្រើន នឹងជះឥទ្ធិផលមកលើក្រុមគោព្រៃ ដែលមិនធ្វេសប្រហែលបានឡើយ។សូមបញ្ជាក់ថា ក្រុមទាំងពីរ នឹងត្រូវជួបគ្នា ២ជើង ដើម្បីប្រជែងកៅអីវគ្គជម្រុះជុំទី២ នៃពានរង្វាន់ FIFA World Cup 2026 ពោលគឺជើងទី១ កម្ពុជា ត្រូវបើកទ្វារពហុកីឡដ្ឋានជាតិ ទទួលក្រុមប៉ាគីស្ថាន នាថ្ងៃទី១២ ខែតុលា និងជើងទី២ ត្រូវជួបគ្នានៅប្រទេសប៉ាគីស្ថានវិញ នាថ្ងៃទី១៧ ខែតុលាខាងមុខ៕ អត្ថបទ លី ឈុនឡា

ទូច ដេវីត នឹងបរិច្ចាគតម្លៃខ្លួន១០០% បើឈ្នះឡាន ក្នុងកម្មវិធីប្រកួតអន្តរជាតិដណ្តើមឡាន

(កម្ពុជា)៖ អ្នកលេងគុនខ្មែរកម្ពុជា កីឡាករ ទូច ដេវីត បានប្រាប់ប៊ីធីវី កាលពីពេលថ្មីៗនេះ ថា ខ្លួនបានត្រៀមលក្ខណៈរួចរាល់ ពោលពេញលេញ ១០០% ដើម្បីប្រជែងជាមួយអ្នកលេងគុនខ្មែរ ខ្លាំងៗផ្សេងទៀត ការប្រកួតគុនខ្មែរអន្តរជាតិ ដែលមានឈ្មោះថា«ប៊ូសស្រ្ដង ជួយគុនខ្មែរ អ្នកខ្លាំងពូកែឲ្យឡាន ២០២៣»។កីឡាកររូបនេះ នៅបានបញ្ជាក់បន្ថែមថា មិនមានក្តីបារម្មណ៍ ទោះបីខ្លួនមិនធ្លាប់ចូលរួមប្រកួតទ្រង់ទ្រាយធំ ដណ្តើមឡានក៏ដោយ។កីឡាកររូបនេះនៅបានបង្ហាញក្តីរីករាយដែលបានចូលរួមក្នុងកម្មវិធីប្រកួតដណ្តើមឡាននេះ ហើយក៏បានអំពាវនាវឱ្យបងប្អូនអ្នកស្នេហាកីឡាគុនខ្មែរផ្តល់ការគាំទ្រ តាមរយៈការបោះឆ្នោតដើម្បីឱ្យបានឡើងដល់វគ្គផ្តាច់ព្រ័ត្រ ដណ្តើមឡានតែម្តង ហើយបើឈ្នះបានឡាននឹងបរិច្ចាគថវិកាតម្លៃខ្លួនទាំងអស់ជូន មន្ទីរពេទ្រគន្ធបុប្ជា ប៉ុន្តែបើមិនឈ្នះ បរិច្ចាគតម្លៃខ្លួនត្រឹមតែ២០%។ទូរទស្សន៍ប៊ីធីវី និង ប៊ូសស្ត្រង សហការគ្នារៀបចំព្រឹត្តិការណ៍ប្រដាល់គុនខ្មែរ “ប៊ូសស្រ្ដង ជួយគុនខ្មែរ អ្នកខ្លាំងពូកែឲ្យឡាន ២០២៣ លើប្រភេទទំងន់៦០គីឡូក្រាម” នេះឡើងនៅថ្ងៃទី១១ ខែតុលា ឆ្នាំ២០២៣ វេលាម៉ោង ៧និង០០នាទីតទៅ នៅវិមានពហុកីឡដ្ឋានជាតិ ដោយក្នុងនោះ កីឡាករ ទូច ដេវីត ត្រូវជួបអ្នកលេងគុនខ្មែរមកចិន វ័ង យៀកយៀក, កីឡាករ អេលីត សាន់ ជួបកីឡាករថៃ រុងរ៉ាវី បានឆាមេក, ឈុន សេរី វ៉ាន់ថង ប្រកួតជាមួយកីឡាករប្រេស៊ីល អ៊ីតាឡូ ហ្វ្រេតាស់ និងកីឡាករ ឃុន បូរ៉ា ប្រកួតជាមួយកីឡាករថៃ ឆាត់ឆ័យ ភីខេ សែនឆ័យ។ ការប្រកួតនេះ កីឡាករគុនខ្មែរកម្ពុជាទាំងបួន ដែលទទួលបានការគាំទ្រពីការបោះឆ្នោត (Vote) ច្រើនជាងគេទី១ និងទី២ ជួបគ្នាប្រកួតដណ្តើមឡានតែម្តង។ក្រៅពីនេះក៏មានគូអមអន្តរជាតិ បីប្រកួតដែរ កីឡាករ បឺត សង្ឃឹម ប្រកួតជាមួយកីឡាករចិន ហ្គ័រ ចិន, ព្រំ សំណាង ជួបកីឡាករ អ៊ុយក្រែន វីយ៉ា ឌីស្លាវ និងកីឡាករ ពេជ្រ សម្បត្តិ ប្រកួតជាមួយកីឡាករអាមេរិក អេលៀស ហ្កាហ្សាលី៕

Max Verstappen គ្រងជើងឯក F1 ពិភពលោក ៣ រដូវកាលជាប់គ្នា

កីឡាករប្រណាំងរថយន្តហូឡង់ Max Verstappen បានក្លាយជាជើងឯក Formula One ពិភពលោក ៣ រដូវកាលជាប់គ្នា ក្រោយជ័យជំនះនៅទឹកដីកាតាថ្ងៃអាទិត្យម្សិលមិញ។តាមពិតទៅកីឡាកររបស់ក្រុម Red Bull រូបគ្រប់ពិន្ទុជាជើងឯកពិភពលោកតាំងពីយប់ថ្ងៃសៅរ៍ នៅពេលទទួលបានចំណាត់ថ្នាក់លេខ ២ ក្នុងការប្រកួត Sprint Race ស្របពេលដែលមិត្តរួមក្រុម Sergio Perez ដែលឈរលេខ ២ ក្នុងតារាងជើងឯកនោះ មិនអាចបញ្ចប់ការប្រកួតបាន។ Verstappen ដែលឈ្នះការប្រណាំងយកទីចេញដំណើរ Pole Position កាលពីថ្ងៃសុក្រ ជាអ្នកចេញដំណើរមុខគេនៅការប្រកួត Grand Prix និងនាំមុខមិនងាកក្រោយយកឈ្នះការប្រកួតនៅទឹកដីកាតា។កីឡាកររបស់ Mercedes ទាំងពីរ Lewis Hamilton និង George Russell ចេញដំណើរត្រឹមផ្លូវបត់ដំបូងក៏ប៉ះទង្គិចគ្នាឯងបណ្តាលឱ្យ Hamilton ដើរចេញពីការប្រកួតតែ Russell អាចបន្តបាន។ Hamilton ក្រោយការប្រកួតចប់ ក៏បានទទួលស្គាល់ថាខ្លួនពិតជាខុសដែលបណ្តាលឱ្យមានបញ្ហានេះ។ កីឡាករអូស្រ្តាលី Oscar Piastri របស់ McLaren ដែលឈ្នះការប្រកួត Sprint Race កាលពីថ្ងៃសៅរ៍នោះ ទទួលបានចំណាត់ថ្នាក់លេខ ២ ថ្ងៃអាទិត្យម្សិលមិញខណៈដែលមិត្តរួមក្រុម Lando Norris បានលេខ ៣។ បន្ទាប់ពីទឹកដីកាតា Formula One នឹងបន្តដំណើរទៅទឹកដីសហរដ្ឋអាមេរិកថ្ងៃទី ២៣ ខែតុលានេះ៕ អត្ថបទ៖នាង សុភាវុធ

ក្រុមបាល់ទាត់ជម្រើសជាតិកម្ពុជាបន្តហ្វឹកហាត់ និងស្វាគមន៍កីឡាករថ្មី Yudai Ogawa

(កម្ពុជា)៖ កីឡាករក្រុមបាល់ទាត់ជម្រើសជាតិកម្ពុជា បន្តការហ្វឹកហាត់របស់ខ្លួនត្រៀមប្រកួតជម្រុះបាល់ទាត់ពិភពលោក ២០២៦ កាណាដា ម៉ិចស៊ិក អាមេរិក ជុំទី១ ជាមួយប៉ាគីស្ថាន ថ្ងៃទី១២ ខែតុលា ឆ្នាំ២០២៣ នៅពហុកីឡដ្ឋានជាតិ។អ្វីដែលចាប់អារម្មណ៍ក្នុងក្រុមជម្រើសជាតិនេះ មានវត្តមានកីឡាករដើមកំនើតជប៉ុន Yudai Ogawa បង្ហាញខ្លួនជាមួយមិត្តរួមក្រុម បន្ទាប់ពីទទួលបានសញ្ជាតិកម្ពុជាផ្លូវការថ្មីៗនេះ។ប្រាប់ប៊ីធីវី ក្រោយដឹកនាំកូនក្រុមហ្វឹកហាត់ លោក Felix Dalmas មានប្រសាសន៍ថា “ ជាបឋមយើងពិតជាសប្បាយរីករាយចំពោះវត្តមានរបស់ Yudai ខ្ញុំគិតថាវាជាការបន្ថែមដល់ក្រុម ហើយអ្នកគាំទ្រទាំងអស់បានទស្សនាលីគកំពូលហើយ ខ្ញុំបានមើលឃើញពីសក្តានុពល និងលក្ខ័ណដ៏ល្អរបស់កីឡាកររូបនេះ។ ខ្ញុំចង់និយាយថាវាមិនស្រួលនោះទេ ខ្ញុំចង់លើកឡើងជាបទពិសោធន៍ពេលខ្ញុំនៅក្មេង គ្រូសាររបស់ខ្ញុំនៅអាហ្សង់ទីន ក្រោយមកធ្វើអន្តោប្រវេសន៍។ ខ្ញុំធំឡើងនៅប្រទេសផ្សេង ហើយវាមិនងាយស្រួលទេ រស់នៅប្រទេសដ៏ទៃ ត្រូវរៀនពីវប្បធម៌ ភាសា វាពិតជាលំបាកដើម្បីឱ្យស៊ាំនឹងប្រទេសផ្សេង។ ប៉ុន្តែកម្ពុជានិងប្រជាជនបានស្វាគមន៍យ៉ាងកក់ក្តៅចំពោះយូដាយ ក៏ដូចជាខ្ញុំ មានអារម្មណ៍ថាជាស្រុកកំនើត ដូច្នោះហើយបានជាគាត់លេងឱ្យ និងពាក់អាវជម្រើសជាតិប្រទេសនេះ។ ខ្ញុំគិតថានេះពិតជាពិសេសសម្រាប់ប្រជាជនកម្ពុជាទាំងអស់ ។ ខ្ញុំពិតជាសប្បាយចិត្តដែលមានគាត់នៅទីនេះ និងលេងឱ្យក្រុម។”ទាក់ទងនឹងសំនួរដែលថាដាក់ឱ្យយូដាយលេងជាមួយប៉ាគីស្ថាន រឺអត់ លោក Dalmas បានឆ្លើយយ៉ាងខ្លីថា បើគាត់ ហាត់ និងធ្វើល្អ គាត់អាចលេងបាន។សូមជម្រាបជូនថាកម្ពុជា ត្រូវជួបប៉ាគីស្ថាន នៅថ្ងៃទី១២ ខែតុលា ឆ្នាំ២០២៣ ម៉ោង ៧និង០០នាទីយប់នៅពហុកីឡដ្ឋានជាតិ (អូឡាំពិក) ខណៈពីរជើងកាលពីការប្រកួតជម្រុះបាល់ទាត់ពិភពលោក២០២២ កម្ពុជាឈ្នះទាំងក្នុង និងក្រៅដី៕

មនុស្សជាង ៧០០នាក់ រត់ប្រណាំងអបអរការដាក់ដំណើរការព្រលានយន្តហោះអន្តរជាតិសៀមរាប-អង្គរ

ប្រជាជនកម្ពុជា-ចិន ជាង ៧០០នាក់ បាននាំគ្នារត់ប្រណាំងចម្ងាយខ្លី ដើម្បីអបអរខួប១០ឆ្នាំ នៃការបង្កើតយុទ្ធសាស្ត្រ “ផ្លូវមួយ ខ្សែក្រវ៉ាត់មួយ” និងដើម្បីអបអរដាក់ឱ្យដំណើរការជើងហោះហើរអាកាសយានដ្ឋានអន្តរជាតិសៀមរាប-អង្គរ ដែលនឹងប្រព្រឹត្តទៅនៅថ្ងៃទី១៦ ខែតុលា ឆ្នាំ២០២៣ខាងមុខនេះ នៅបណ្ដោយផ្លូវតភ្ជាប់អាកាសយានដ្ឋានអន្តរជាតិសៀមរាប-អង្គរ នៅថ្ងៃទី៨ ខែតុលា ឆ្នាំ២០២៣។ លោកជំទាវ ឆាយ ស៊ីវលីន ប្រធានសមាគមទេសចរណ៍កម្ពុជាមានប្រសាសន៍ថា ការរត់ម៉ាតុងនេះ ក៏បានបង្ហាញទៅភ្ញៀវទេសចរនៅក្នុងពិភពលោកថា កម្ពុជាកំពុងទទួលភ្ញៀវទេសចរគ្រប់ជាតិសាសន៍។ ហើយក៏ជាការឆ្លើយតបថា កម្ពុជាជាគោលដៅទេសចរណ៍ដែលមានសុវត្ថភាព និងអាចបង្កើតព្រឹត្តិការណ៍បានគ្រប់ទីកន្លែង។លោក ពិន ប្រាកដ អភិបាលរង ខេត្តសៀមរាប បានមានប្រសាសន៍ថា ពិធីរត់ប្រណាំងចម្ងាយខ្លី នៅលើផ្លូវហាយវេអាកាសយានដ្ឋានអន្តរជាតិសៀមរាបអង្គរ នៅទឹកដីខេត្តសៀមរាបនេះ ត្រូវបានរៀបចំឡើង ក្នុងគោលបំណងអបអរសាទរចំពោះខួបលើកទី១០ នៃការបង្កើតយុទ្ធសាស្ត្រ “ផ្លូវមួយ ខ្សែក្រវ៉ាត់មួយ” និងចូលរួមអបអរសាទរអាកាសយានដ្ឋានអន្តរជាតិសៀមរាបអង្គរ ដែលគ្រោងនឹងបើកដំណើរការ និងដាក់ឱ្យប្រើប្រាស់ ជាផ្លូវការនាពេលខាងមុខឆាប់ៗនេះ ក៏ដូចជារួមចំណែកជំរុញ និងទាក់ទាញស្តាវិស័យទេសចរណ៍នៅប្រទេស កម្ពុជាក៏ដូចជានៅខេត្តសៀមរាបឱ្យកាន់តែល្អប្រសើរ ក្រោយវិបត្តិសេដ្ឋកិច្ចនៃការរីករាលដាលជំងឺកូវីដ-១៩។ ព្រឹត្តិការណ៍រត់ប្រណាំងចម្ងាយខ្លីនាពេលនេះ គឺជាការចូលរួមចំណែក ជំរុញឱ្យមានការរីកចម្រើននូវវិស័យកីឡា ក៏ដូចជាវិស័យទេសចរណ៍ទូទាំងខេត្ត។ គួរបញ្ជាក់ថា កម្មវិធីរត់ប្រណាំង ដើម្បីអបអរការដាក់ដំណើរការព្រលានយន្តហោះអន្តរជាតិសៀមរាប-អង្គរ គឺមាន ៣វិញ្ញាសារួមមានរត់ ៥គីឡូម៉ែត្រ, ១០គីឡូម៉ែត្រ, ១៥គីឡូម៉ែត្រ ដែលមានអ្នកចូលរួមជាង ៧០០នាក់៕

អបអរសាទរ! កម្ពុជា ដណ្ដើមបានមេដាយសំរឹទ្ធដំបូង ក្នុងព្រឹត្តិការណ៍ Asian Games លើកទី១៩ នៅប្រទេសចិន

ក្រុមកីឡាការិនីការ៉ាតេកម្ពុជា ដណ្ដើមបានមេដាយសំរឹទ្ធដំបូង ក្នុងព្រឹត្តិការណ៍ Asian Games លើកទី១៩ នៅទីក្រុង Hangzhou ប្រទេសចិន នៅរសៀលថ្ងៃទី០៦ ខែតុលានេះ លើវិញ្ញាសាសម្ដែងមេគុនជាក្រុមនារី ។ ក្រុមកីឡាការិនី ដែលដណ្ដើមបានមេដាយសំរឹទ្ធដំបូងជូនជាតិ រួមមានកីឡាការិនី ពុទ្ធា ស្រីណុច, ថាត់ ឆេងហ័ង និងកីឡាការិនី អូន ស្រីដា ។

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Iga Swiatek ឈ្នះ Liudmila Samsonova លើកពាន China Open

Wayne Rooney សម្រេចដើរចេញពីតំណែងគ្រូបង្វឹក DC United

សាលី ហ្វីលីន ត្រូវបានចាត់ទុកជា Golden Boy ក្រោយសាងប្រវត្តិសាស្ដ្រ និងភាពភ្ញាក់ផ្អើលនៅអាមេរិក

Judd Trump គ្រងជើងឯកស្នូកឃ័រ English Open ក្រោយវាយបកឈ្នះកីឡាករចិន Zhang Anda

ក្រុមកីឡាករប៉ាគីស្ថានមកដល់កម្ពុជា ត្រៀមប្រកួតជម្រុះ World Cup ជើងទី១ នាថ្ងៃទី១២-តុលា

ទូច ដេវីត នឹងបរិច្ចាគតម្លៃខ្លួន១០០% បើឈ្នះឡាន ក្នុងកម្មវិធីប្រកួតអន្តរជាតិដណ្តើមឡាន

Max Verstappen គ្រងជើងឯក F1 ពិភពលោក ៣ រដូវកាលជាប់គ្នា

ក្រុមបាល់ទាត់ជម្រើសជាតិកម្ពុជាបន្តហ្វឹកហាត់ និងស្វាគមន៍កីឡាករថ្មី Yudai Ogawa

មនុស្សជាង ៧០០នាក់ រត់ប្រណាំងអបអរការដាក់ដំណើរការព្រលានយន្តហោះអន្តរជាតិសៀមរាប-អង្គរ

អបអរសាទរ! កម្ពុជា ដណ្ដើមបានមេដាយសំរឹទ្ធដំបូង ក្នុងព្រឹត្តិការណ៍ Asian Games លើកទី១៩ នៅប្រទេសចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Iga Swiatek ឈ្នះ Liudmila Samsonova លើកពាន China Open

Wayne Rooney សម្រេចដើរ​ចេញពីតំណែងគ្រូបង្វឹក DC United

សាលី ហ្វីលីន ត្រូវបានចាត់ទុកជា Golden Boy ក្រោយសាងប្រវត្តិសាស្ដ្រ និងភាពភ្ញាក់ផ្អើលនៅអាមេរិក

Judd Trump គ្រងជើងឯកស្នូកឃ័រ English Open ក្រោយវាយបកឈ្នះ​កីឡាករចិន​ Zhang Anda

ក្រុមកីឡាករប៉ាគីស្ថានមកដល់កម្ពុជា ត្រៀមប្រកួតជម្រុះ World Cup ជើងទី១ នាថ្ងៃទី១២-តុលា

ទូច ដេវីត នឹងបរិច្ចាគតម្លៃខ្លួន១០០% បើឈ្នះឡាន ក្នុងកម្មវិធីប្រកួតអន្តរជាតិ​ដណ្តើមឡាន

Max Verstappen គ្រងជើងឯក F1 ពិភពលោក ៣ រដូវកាលជាប់គ្នា

ក្រុមបាល់ទាត់ជម្រើសជាតិកម្ពុជាបន្តហ្វឹកហាត់ និងស្វាគមន៍កីឡាករថ្មី Yudai Ogawa

មនុស្សជាង ៧០០នាក់ រត់ប្រណាំងអបអរការដាក់ដំណើរ​ការព្រលានយន្តហោះ​អន្តរជាតិ​សៀមរាប-អង្គរ

អបអរសាទរ! កម្ពុជា ដណ្ដើមបានមេដាយសំរឹទ្ធដំបូង ក្នុងព្រឹត្តិការណ៍ Asian Games លើកទី១៩ នៅប្រទេសចិន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Wayne Rooney សម្រេចដើរចេញពីតំណែងគ្រូបង្វឹក DC United

Judd Trump គ្រងជើងឯកស្នូកឃ័រ English Open ក្រោយវាយបកឈ្នះកីឡាករចិន Zhang Anda

ទូច ដេវីត នឹងបរិច្ចាគតម្លៃខ្លួន១០០% បើឈ្នះឡាន ក្នុងកម្មវិធីប្រកួតអន្តរជាតិដណ្តើមឡាន

មនុស្សជាង ៧០០នាក់ រត់ប្រណាំងអបអរការដាក់ដំណើរការព្រលានយន្តហោះអន្តរជាតិសៀមរាប-អង្គរ