BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

អាល់ហ្សេរីរ៉ាប់រងចំណាយទាំងស្រុងឱ្យប៉ាឡេស្ទីន រៀបចំការប្រកួតបាល់ទាត់ជម្រុះ World Cup ក្នុងទឹកដីរបស់ខ្លួន

ប្រទេសអាល់ហ្សេរីបានយល់ព្រមតាមការសំណូមពររបស់សហព័ន្ធកីឡាបាល់ទាត់ប៉ាឡេស្ទីន ដែលបានស្នើសុំរៀបចំការប្រកួតរបស់ក្រុមជម្រើសជាតិ សម្រាប់ការប្រកួតចំពោះមុខ។ក្រុមជម្រើសជាតិប៉ាឡេស្ទីន ត្រូវប្រកួតជម្រុះ World Cup 2026 ក្នុងតំបន់អាស៊ីនៅខែក្រោយ ដោយប្រកួតដំបូងត្រូវជួបលីបង់នៅថ្ងៃទី ១៦ ខែវិច្ឆិកា តែលេងនៅទឹកដីអារ៉ាប់រួម ខណៈការវិលមកទឹកដីប៉ាឡេស្ទីនវិញត្រូវធ្វើឡើង ៥ ថ្ងៃបន្ទាប់ តែត្រូវប្រកួតនៅប្រទេសអាល់ហ្សេរី ភាគខាងជើងទ្វីបអាហ្វ្រិក។ មិនត្រឹមតែប៉ុណ្ណោះ អាល់ហ្សេរីបានបញ្ជាក់ថា ប្រទេសរបស់ខ្លួននឹងរ៉ាប់រងរាល់ការចំណាយទាំងអស់របស់សហព័ន្ធកីឡាបាល់ទាត់ប៉ាឡេស្ទីនក្នុងការរៀបចំការប្រកួតទាំងស្រុង រួមមានដូចជាការធ្វើដំណើរការហូបចុក ស្នាក់នៅជាដើម។ សូមបញ្ជាក់ថា សមាគមកីឡាបាល់ទាត់ប៉ាឡេស្ទីន ដែលមានពហុកីឡដ្ឋានជាតិមានមូលដ្ឋាននៅតំបន់ West Bank បានស្វែងរកជំនួយពីខាងក្រៅ ខណៈដែលជម្លោះក្នុងតំបន់កាន់តែតានតឹងឡើង ដោយបញ្ជាក់ថា សហព័ន្ធកីឡាបាល់ទាត់អាស៊ីធ្លាប់បានស្នើឱ្យរៀបចំការប្រកួតនៅទឹកដីអូស្ត្រាលី ជាទឹកដីអព្យាក្រឹត។ការសំរេចស្នើសុំរៀបការប្រកួតនៅក្រៅទីរបស់ខ្លួន បន្ទាប់ពីការវាយប្រហាររបស់ប៉ាឡេស្ទីនលើអ៊ីស្រាអែលដោយក្រុមសកម្មប្រយុទ្ធហាម៉ាសកាលពីថ្ងៃទី ៧ ខែតុលា ដែលបានបណ្តាលឱ្យមនុស្សជាង ១៤០០ នាក់បានស្លាប់ ខណៈតំបន់ហ្គាហ្សាបានក្លាយជាកម្មវត្ថុនៃការវាយប្រហារបកមកវិញពីអ៊ីស្រាអែល តាមអាកាសដែលបណ្តាលឱ្យមនុស្សជិត ៣០០០ នាក់បានស្លាប់៕ អត្ថបទ៖នាង សុភាវុធ

ជំនួបប៊ែលហ្ស៊ិក និងស៊ុយអែតត្រូវផ្អាកពាក់កណ្តាលទី ក្រោយមានការបាញ់ប្រហារនៅទីក្រុង Brussel

ការប្រកួតវគ្គជម្រុះ Euro 2024 រវាងម្ចាស់ផ្ទះប៊ែលហ្ស៊ិក ទទួលស្វាគមន៍ស៊ុយអែតត្រូវបានផ្អាកការប្រកួតក្រោយចប់វគ្គទី១ បន្ទាប់ពីមានការបាញ់ប្រហារស្លាប់ជនជាតិស៊ុយអែត ២ នាក់នៅរដ្ឋធានី Brussel។ហេតុការបាញ់សម្លាប់នេះកើតឡើងប៉ុន្មានម៉ោងមុនការប្រកួតមកដល់ ខណៈអាជ្ញាធរក្រុង Brussel បានហៅការបាញ់ប្រហារនេះជាអំពើភេវរកម្ម។ ការសំរេចចិត្តឱ្យផ្អាកការប្រកួតត្រូវបានធ្វើឡើងនៅវេលាម៉ោង ២១ និង ៣០ នាទីយប់នៅទីក្រុង Brussel ស្របពេលការប្រកួតរវាងក្រុមទាំងពីរដំណើរការបានពាក់កណ្តាលទី។អ្នកគាំទ្រ និងកីឡាករនៅក្នុងកីឡដ្ឋាន អាជ្ញាធរមិនតម្រូវឱ្យចាកចេញពីកីឡដ្ឋាន King Baudouin ឡើយ មុនពេលបើកឱ្យចាកចេញនៅវេលាម៉ោង ២២ និង ៤៥ នាទី។ ការចាកចេញរបស់កីឡាករស៊ុយអែតត្រូវហែហមរក្សាសុវត្ថិភាពដោយមន្ត្រីមានសមត្ថកិច្ច មិនខុសគ្នាពីអ្នកគាំទ្រឡើយ ការចាកចេញសុទ្ធតែមានការត្រួតពិនិត្យ និងថែរក្សាសុវត្ថិភាពដោយមន្ត្រីមានសមត្ថកិច្ច។នាយករដ្ឋមន្ត្រីប៊ែលហ្ស៊ិកលោក Alexander de Croo បានផ្ញើសារំលែកទុក្ខទៅកាន់នាយករដ្ឋមន្ត្រីស៊ុយអែត ក៏ដូចជាក្រុមគ្រួសារសព ចំពោះហេតុការណ៍អកុសលដែលកើតឡើងប្រជាជនស៊ុតអែតក្នុងទឹកដីប៊ែលហ្ស៊ិក។ មុនការប្រកួតត្រូវបានផ្អាក ក្រុមទាំងពីរកំពុងមានពិន្ទុស្មើគ្នា ១-១ ខណៈស៊ុយអែតនាំមុខដោយ Gyokeres នាទីទី ១៥ និង បាល់ ១១ ម៉ែត្រតាមស្មើឱ្យប៊ែលហ្ស៊ិកពី Romelu Lukaku៕ អត្ថបទ៖នាង សុភាវុធ

ជម្រុះ World Cup៖ គ្រូកម្ពុជា និងប៉ាគីស្ថាន បង្ហាញការគោរពគ្នា មុនជំនួបកាត់ក្ដី ជើងទី២ ល្ងាចនេះ

ក្រុមបាល់ទាត់ជម្រើសជាតិកម្ពុជា នឹងត្រូវជួបក្រុមជម្រើសជាតិប៉ាគីស្ថាន នៅជើងទី២ នៃវគ្គជម្រុះបឋមពានរង្វាន់បាល់ទាត់ពិភពលោក FIFA World Cup 2026 នាវេលាម៉ោង ៤ល្ងាច ថ្ងៃទី១៧ ខែតុលា ឆ្នាំ២០២៣ ត្រូវនឹងពេលវេលានៅកម្ពុជា ដើម្បីកាត់សេចក្ដីរកក្រុមឈ្នះឡើងវគ្គបន្ដ បន្ទាប់ពីប្រកួតជើងទី១ ស្មើគ្នា ០-០ នៅពហុកីឡដ្ឋានជាតិអូឡាំពិក រាជធានីភ្នំពេញ ។មុនជំនួបនៅកីឡដ្ឋាន Jinnah នាទីក្រុងអ៊ីស្លាម៉ាបាដ គ្រូបង្វឹកក្រុមទាំងពីរ សុទ្ធតែបានបង្ហាញការគោរពគ្នា ក្នុងសន្និសីទសារព័ត៌មាន ហើយរំពឹងកូនក្រុមនឹងធ្វើបានល្អរៀងៗខ្លួន ដើម្បីស្វែងរកលទ្ធផលល្អ និងឈានទៅវគ្គបន្ដ នៃពានរង្វាន់បាល់ទាត់ពិភពលោកនេះ ។លោ Felix Dalmas គ្រូបង្វឹកក្រុមជម្រើសជាតិកម្ពុជា បានអរគុណម្ចាស់ផ្ទះប៉ាគីស្ថាន ដែលបានទទួលស្វាគមន៍ក្រុមគោព្រៃយ៉ាងល្អ តាំងពីព្រលានយន្ដហោះ រហូតដល់សណ្ឋាគារ ក៏ដូចជាភាពរួសរាយរបស់ប្រជាជនប៉ាគីស្ថាន ។លោកថា ប៉ាគីស្ថាន គឺជាក្រុមមួយដែលរៀបចំបានល្អ ហើយពួកគេបាននាំយកកីឡាករមកពីអឺរ៉ុបមួយចំនួន ដើម្បីលេងតំណាងក្រុមពួកគេ និងកីឡាករក្នុងប្រទេសសំបូរដោយកីឡាករល្អ ហើយពួកគេមានភាគរយខ្ពស់ជាងកម្ពុជា ដ្បិតនេះជាការប្រកួតលើទឹកដីពួកគេ ។ យ៉ាងណាមិញកម្ពុជាបានត្រៀមខ្លួនប្រយុទ្ធសម្រាប់ការប្រកួតនេះ ដើម្បីដណ្ដើមជ័យជម្នះជូនប្រទេសកម្ពុជា ។ចំណែកលោក Stephen Constantine គ្រូបង្វឹកក្រុមជម្រើសជាតិប៉ាគីស្ថាន នៅតែចាត់ទុកក្រុមជម្រើសជាតិកម្ពុជា គឺជាក្រុមមួយ ដែលមានច្បាប់ទម្លាប់ និងការរៀបចំបានល្អ ។ ដូច្នេះការប្រកួតនេះ គឺជាការប្រកួតដែលតានតឹងមួយ សម្រាប់ប៉ាគីស្ថាន ក្នុងការប្រកួតជាមួយក្រុមជម្រើសជាតិកម្ពុជា តែលោកសង្ឃឹមថា ក្រុមខ្លួននឹងធ្វើបានល្អ ដើម្បីសម្រេចបាននូវលទ្ធផលមួយដែលល្អ ។គួរដឹងថា នេះជាលើកដំបូងហើយ ដែលប៉ាគីស្ថាន បានរៀបចំការប្រកួតលើកទឹកដីខ្លួន ក្នុងរយៈពេល ៨ឆ្នាំចុងក្រោយ ។ ការណ៍នេះ ក៏បានធ្វើឲ្យលោក Felix Dalmas មានការព្រួយបារម្ភខ្លះដែរ ដ្បិតអ្នកគាំទ្រប៉ាគីស្ថានភ្លុកទឹកភ្លុកដី កំពុងទន្ទឹងរង់ចាំការប្រកួតនេះ ដែលជាសម្ពាធមួយសម្រាប់ក្រុមខ្លួន។ត្រឡប់មកចាប់អារម្មណ៍ការប្រកួតនាល្ងាចថ្ងៃអង្គារនេះ សម្រាប់ក្រុមទទួលបានជ័យជម្នះ នឹងទទួលបានកៅអីវគ្គជម្រុះជុំទី២ នៃពានរង្វាន់ FIFA World Cup 2026 តែម្ដង បន្ទាប់ពីក្រុមទាំងពីរ បានត្រឹមប្រកួតស្មើគ្នា ០-០ នៅទឹកដីកម្ពុជា កាលពីជើងទី១៕ អត្ថបទ លី ឈុនឡា

Eden Hazard សម្រេចចិត្តចូលនិវត្តន៍ពីអាជីពបាល់ទាត់ត្រឹមវ័យ ៣២ឆ្នាំ

អតីតខ្សែបម្រើ Chelsea និង Real Madrid, Eden Hazard បានសម្រេចចិត្តចូលនិវត្តន៍ពីអាជីពបាល់ទាត់ហើយ ក្រោយចំណាយពេល ១៦ឆ្នាំ។កីឡាវ័យ ៣២ ឆ្នាំរូបនេះ បានផ្លាស់ទៅកាន់ Real Madrid ពីតោខៀវ Chelsea កាលពីឆ្នាំ ២០១៩ ក្នុងតម្លៃ ៨៩ លានផោន តែបង្ហាញខ្លួនបានត្រឹម ៥៤ ប្រកួតប៉ុណ្ណោះនៅក្នុងលីគ និងបានចាកចេញពី Real Madrid នៅដំណាច់រដូវកាលមុន។ កីឡាករប៊ែលហ្ស៊ិករូបនេះ ក៏បានចូលនិវត្តន៍ផងដែរពីក្រុមជម្រើសជាតិកាលពីខែធ្នូឆ្នាំមុន បន្ទាប់ពីបញ្ចប់បេសកកម្មរបស់ខ្លួននៅ World Cup 2022 លើទឹកដីកាតាជាមួយប៊ែលហ្ស៊ិកដែលធ្លាក់ត្រឹមវគ្គចែកពូល។នៅជាមួយ Real Madrid, Eden Hazard ធ្លាប់ឈ្នះជើងឯក UEFA Champions League, FIFA Club World Cup, European Super Cup, La Liga ២ ដង Copa del Rey និង អេស្ប៉ាញ Super Cup ២ ដង។ ថ្វីបើឈ្នះជើងឯកច្រើនក៏ពិតមែន ពេលវេលាជាមួយ Real Madrid មិនចាត់ទុកជាឱកាសជោគជ័យ នៃអាជីពរបស់ខ្លួនឡើយ ដោយសាររបួសញាំញី ធ្វើឱ្យ Hazard បង្ហាញខ្លួនបានត្រឹម ៧៦ ប្រកួតប៉ុណ្ណោះរកបាន ៧ គ្រាប់។ រំលឹកថា Eden Hazard បានចាប់ផ្តើមអាជីពរបស់ខ្លួនដំបូងជាមួយក្លិបបារាំង Lille បង្ហាញខ្លួនបាន ១៤៩ ប្រកួតរកបាន ៥០ គ្រាប់ឈ្នះជើងឯក Ligue1 និង French Cup ក្នុងរដូវកាលតែមួយ ២០១០-១១។ អាជីពជោគជ័យនៅទឹកដីបារាំង Eden Hazard សម្រេចបានការផ្ទេរមកកាន់តោខៀវ Chelsea នៅឆ្នាំ ២០១២ ក្នុងតម្លៃ ៣២ លានផោន និងចាត់ទុកថាជាអាជីពជោគជ័យនៅលើទឹកដីអង់គ្លេសក្រោយបង្ហាញខ្លួនសរុប ៣៥២ ប្រកួតរកបាន ១១០ គ្រាប់ ឈ្នះជើងឯក English Premier League ២ លើក Europa League មួយលើក និងជាកីឡាករឆ្នើមបំផុតប្រចាំរដូវកាល ២០១៤-១៥ នៅអង់គ្លេស៕ អត្ថបទ៖នាង សុភាវុធ

ផ្លូវការ ចក្រភពអង់គ្លេស និងសាធារណរដ្ឋអៀកឡង់ ជាម្ចាស់ផ្ទះបាល់ទាត់អឺរ៉ុប ២០២៨

សមាគមកីឡាបាល់ទាត់អឺរ៉ុប UEFA បានប្រកាសថា ចក្រភពអង់គ្លេស និងសាធារណរដ្ឋអៀកឡង់ទទួលបានសិទ្ធផ្លូវការ ក្នុងការរៀបចំព្រឹត្តិការណ៍បាល់ទាត់អឺរ៉ុប ២០២៨។ ការដេញថ្លៃរួមគ្នានេះបានដំណើរការ ដោយមិនមានការជំទាស់បន្ទាប់ពីប្រទេសទួរគីបានដកខ្លួន ដើម្បីផ្តោតលើការដេញថ្លៃជាមួយប្រទេសអ៊ីតាលីសម្រាប់ Euro 2032 វិញ។ ចក្រភពអង់គ្លេស និងអៀកឡង់បានផ្តោតលើការសហការរៀបចំ Euro 2028 ដោយមានការយល់ព្រមពី UEFA បន្ទាប់ពីពួកគេបានបញ្ចប់ផែនការក្លាយជាបេក្ខភាពដែលអឺរ៉ុបពេញចិត្តដើម្បីរៀបចំបាល់ទាត់ពិភពលោកឆ្នាំ 2030។កីឡដ្ឋាន Wembley របស់ទីក្រុងឡុងដ៍ និង Hampden Park របស់ Glasgow ធ្លាប់ធ្វើជាម្ចាស់ផ្ទះការប្រកួតនៅ Euro 2020 នាពេលកន្លងមកផងដែរ តែសាធារណរដ្ឋអៀកឡង់ អៀកឡង់ខាងជើង និងវែល មិនដែលរៀបចំព្រឹត្តិការណ៍បាល់ទាត់ធំៗពីមុនឡើយ។ប្រទេសទួកគីបានដកខ្លួនចេញពីការប្រកួតធ្វើជាម្ចាស់ផ្ទះ Euro 2028 កាលពីសប្តាហ៍មុនបន្ទាប់ពីការដេញថ្លៃរបស់ពួកគេជាមួយប្រទេសអ៊ីតាលីសម្រាប់ឆ្នាំ 2032 ត្រូវបានអនុម័តដោយស្ថាប័នគ្រប់គ្រងបាល់ទាត់អឺរ៉ុប។ទួកគីមានកីឡដ្ឋានសក្តានុពលចំនួន 20 ដែលក្នុងនោះ 10 នឹងត្រូវបានជ្រើសរើស។ប្រទេសទួរគីបានធ្វើជាម្ចាស់ផ្ទះនៃការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League កាលខែមិថុនារវាង Manchester City និង Inter Milan នៅពហុកីឡដ្ឋានជាតិអូឡាំពិក Ataturk ទីក្រុង Istanbul ប៉ុន្តែការប្រកួតអន្តរជាតិដ៏ធំមួយមិនដែលបានធ្វើឡើងនៅក្នុងប្រទេសនេះទេ ស្របពេលដែលម្ចាស់ជើងឯកអ៊ឺរ៉ុប អ៊ីតាលី ធ្វើជាម្ចាស់ផ្ទះ Euros ក្នុងឆ្នាំ 1968 និង 1980 ខណៈពេលដែលកីឡដ្ឋាន Stadio Olimpico របស់ទីក្រុងរ៉ូម ក៏ត្រូវបានគេប្រើជាកន្លែងប្រកួតនៅ Euro 2020 ផងដែរ៕ អត្ថបទ៖នាង សុភាវុធ

ក្រុមក្នុងពូលមានសមត្ថភាពប្រហាក់ប្រហែលគ្នា ជាឱកាសសម្រាប់ភ្នំពេញក្រោន ឈានទៅវគ្គបន្ដ AFC Cup

លោក Oleg Starynskyi គ្រូបង្វឹកក្រុមភ្នំពេញក្រោន បានបង្ហាញសុទិដ្ឋិនិយម ចំពោះការប្រជែងកៅអីវគ្គបន្ដ នៃពានរង្វាន់ AFC Cup 2023/24 បន្ទាប់ពីមើលឃើញបេក្ខភាពក្នុងពូលF មានកម្រិតសមត្ថភាពប្រហាក់ប្រហែលគ្នា ។ការលើកឡើងនេះ ស្របពេលក្រុមភ្នំពេញក្រោន បានយកឈ្នះគូប្រកួត ២ប្រកួតជាប់គ្នា ក្នុងវគ្គចែកពូល នៃពានរង្វាន់កម្រិតទី២ ប្រចាំទ្វីបអាស៊ីនេះ ដោយមិនរបូតគ្រាប់សូម្បី ១គ្រាប់ ពោលគឺបានយកឈ្នះក្រុមម្ចាស់ផ្ទះ Cebu FC របស់ហ្វីលីពីន ៣-០ មុនបន្ដយកឈ្នះក្រុមភ្ញៀវ Shan United របស់មីយ៉ាន់ម៉ា ៤-០ កាលពីថ្មីៗ មុនជួបក្រុម Macarthur FC មកពីអូស្ដ្រាលី បញ្ចប់ជើងទី១ នាចុងខែតុលានេះ ។លោក Oleg ថា នេះជាឱកាសល្អ សម្រាប់ក្លិប និងវិស័យបាល់ទាត់កម្ពុជា ដើម្បីបើកទំព័រប្រវត្តិសាស្ដ្រ ក្នុងការឈានទៅវគ្គបន្ដ ដែលខ្ពស់ជាងវគ្គចែកពូល ហើយអាចធ្វើឲ្យក្លិបបាល់ទាត់កម្ពុជា ទទួលបានកៅអីកាន់តែច្រើន ដើម្បីចូលរួមការប្រកួតពានរង្វាន់ AFC Cup នារដូវកាលក្រោយៗ ដែលផ្ទុយពីឆ្នាំនេះ កម្ពុជាទទួលបានត្រឹមកន្លះកៅអីប៉ុណ្ណោះ ។គួរដឹងថា បន្ទាប់ពីយកឈ្នះ Cebu FC និង Shan United ក្នុងជើងទី១ ភ្នំពេញក្រោន នឹងត្រូវបើកទ្វារផ្ទះទទួលក្រុម Macarthur FC ដែលកំពុងមាន ៦ពិន្ទុក្នុងដៃស្មើគ្នា នាថ្ងៃទី២៦ ខែតុលា នៅពហុកីឡដ្ឋានជាតិអូឡាំពិក មុនធ្វើដំណើរឆ្លងទ្វីប ទៅជួបក្រុមអូស្ដ្រាលីនេះវិញម្ដង នៅជើងទី២ នាថ្ងៃទី៩ ខែវិច្ឆិកា ។ បន្ទាប់មកបើកទ្វារផ្ទះទទួលក្រុម Cebu FC របស់ហ្វីលីពីន នៅជើងទី២ វិញម្ដង នាថ្ងៃទី៣០ ខែវិច្ឆិកា មុនការប្រកួតបញ្ចប់ពូល F ជាមួយក្រុមម្ចាស់ផ្ទះ Shan United នាថ្ងៃទី១៤ ខែធ្នូ ឆ្នាំ២០២៣ ខាងមុខ៕ អត្ថបទ លី ឈុនឡា

Paul Pogba តេស្តវិជ្ជមានសារធាតុហាមឃាត់ ជាលើកទី ២

ខ្សែបម្រើបារាំង Paul Pogba ត្រូវបានធ្វើតេស្តឃើញវិជ្ជមានសារធាតុហាមឃាត់ Testosterone ជាលើកទី ២ ដែលមានន័យថា ខ្សែបម្រើ Juventus រូបនេះត្រូវស្ថិតក្រោមការស៊ើបអង្កេតផ្លូវការ។លទ្ធផលតេស្ត ត្រូវរកឃើញដោយ Nado Italia ដែលជាភ្នាក់ងារប្រយុទ្ធប្រឆាំងនឹងសារធាតុហាមឃាត់អ៊ីតាលី ដែលធ្លាប់បានធ្វើតេស្តកីឡាករវ័យ ៣០ ឆ្នាំរូបនេះកាលពីខែមុន បន្ទាប់ពី Juventus ឈ្នះ ៣-០ នៅទឹកដី Udinese កាលពីថ្ងៃទី ២០ ខែសីហា កន្លងទៅ។កីឡាករវ័យ ៣០ ឆ្នាំ គឺជាកីឡាករបម្រុងដែលមិនត្រូវបានប្រើប្រាស់ឡើយ ប៉ុន្តែត្រូវបានជ្រើសរើសដោយចៃដន្យសម្រាប់ការធ្វើតេស្តរកសារធាតុហាមឃាត់ក្រោយការប្រកួត។Pogba នឹងបន្តស្ថិតក្រោមការពិន័យមិនឱ្យចូលរួមការប្រកួតនានាដដែល ហើយការស៊ើបអង្កេតនឹងបន្ត ខណៈប្រសិនរកឃើញការពិតពីមូលហេតុនៃការប្រើប្រាស់សារធាតុនេះ អតីតខ្សែបម្រើក្រុមបិសាចក្រហម Manchester United ប្រឈមនឹងជាប់បម្រាមមិនឱ្យពាក់ព័ន្ធនឹងសកម្មភាពបាល់ទាត់រយៈពេល ៤ ឆ្នាំ។ អ័រម៉ូន Testosterone គឺជាអរម៉ូនដែលបង្កើនកំលាំង និង ការស៊ូទ្រាំរបស់អត្តពលិក។រំលឹកថា Paul Pogba បានត្រលប់មកកាន់ Juventus វិញកាលពីខែកក្កដាឆ្នាំ ២០២២ ជាមួយនឹងកិច្ចសន្យា ៤ ឆ្នាំក្រោយចាកចេញពី Manchester United។តែការវិលវិញរបស់ Pogba មកកាន់ទីក្រុង Turin ត្រូវបានញាំញីដោយសាររបួសភ្លាមៗ និងឈានដល់អវត្តមានពីក្រុមជម្រើសជាតិបារាំងនៅ World Cup 2022 នៅឆ្នាំកាតាឆ្នាំមុន៕ អត្ថបទ៖នាង សុភាវុធ

ប្រធាន FIA ចង់ឱ្យមានក្រុម F1 បន្ថែមតែកាត់បន្ថយចំនួនប្រកួតក្នុងរដូវកាល

ប្រធានសហព័ន្ធកីឡាប្រណាំងយានយន្តលោក Mohammed Ben Sulayem បានឱ្យដឹងថា លោកស្វាគមន៍ចំពោះការបង្កើនឱ្យមានក្រុមប្រណាំង F1 ច្រើនជាងនេះ តែត្រូវកាត់បន្ថយចំនួនប្រកួតក្នុងរដូវកាល។ការលើកបែបនេះធ្វើឡើងបន្ទាប់ពីបញ្ចប់ការប្រកួត Formula One លើទឹកដីកាតាកាលពីថ្ងៃអាទិត្យ ស្របពេលដែល F1 អាចនឹងមានវត្តមានក្រុមបន្ថែមទៀតនៅឆ្នាំក្រោយគឺក្រុម General Motor’s Cadillac របស់អតីតកីឡាករ F1, Michael Andretti។FIA ទើបបានប្រកាសកាលពីសប្តាហ៍មុន ពីការយល់ព្រមសំណើចូលរួមប្រកួតរបស់ General Motor’s Cadillac តែត្រូវឆ្លងកាត់ការពិភាក្សាបន្ថែមទៀត។មិនត្រឹមតែប៉ុននេះទេ FIA មានគោលដៅដល់ ១២ ក្រុមប្រសិនបើអាចទៅរួច។ បច្ចុប្បន្ន F1 មានត្រឹម ១០ ក្រុម និងប្រកួតសរុប ២២ ទីលាន ខណៈរដូវកាលក្រោយ ប្រសិនបើអ្វីៗអាចសំរេចទាន់ គេនឹងឃើញមានដល់ ១១ ក្រុមចូលរួម តែការប្រកួតសរុបកើនឡើងដល់ ២៤ ទីលាន៕ អត្ថបទ៖នាង សុភាវុធ

កីឡាករជម្រើសជាតិកីឡាប៊ីយ៉ាកម្ពុជា ចេញទៅប្រកួតជើងឯកពិភពលោក នៅចិន

ប្រតិភូកីឡាករជម្រើសជាតិប៊ីយ៉ាកម្ពុជាចំនួន ៦នាក់បានធ្វើដំណើរទៅចូលរួមប្រកួតកីឡាប៊ីយ៉ាពិភពលោក (World Chinese 8Ball) នៅទីក្រុងយូសាន ខេត្តជាំងស៊ី សាធារណរដ្ឋប្រជានិតចិនកាលពីពេលថ្មីៗនេះ។ មុនចាកចេញ លោក ម៉ារ៉ា សុជាតិ អគ្គលេខាធិការ សហព័ន្ធកីឡាប៊ីយ៉ាកម្ពុជា ទទួលបន្ទុកប្រតិភូដឹកនាំបានគូសបញ្ជាក់ថា នេះជាការប្រកួតប្រភេទកីឡាប៊ីយ៉ាថ្នាក់ពិភពលោក លើវិញ្ញាសា 8Ball ដែលប្រទេសចិនជាម្ចាស់ផ្ទះ និងជាអ្នកបង្កើតវិញ្ញាសាមួយនេះឡើង ពីថ្ងៃទី១០ដល់ថ្ងៃទី២២ ខែតុលា ឆ្នាំ២០២៣។ ចំពោះសមាសភាពកីឡាករជម្រើសជាតិ៥នាក់ គឺមានកីឡាករ ម៉ែន សុផានិត, សោម សំណាង, ដួង ប៊ុនធឿន, សៀង កូស៊ីន និងកីឡាករ លន់ សៅជេត្តភាម ដែលកីឡាករកម្ពុជាទាំងនេះសុទ្ធសឹងតែសម្រិតសម្រាំងចេញពីជើងខ្លាំងធ្លាប់ប្រកួតស៊ីហ្គេម លើកទី៣២ ឆ្នាំ២០២៣ ហើយក្នុងនោះក៏មានម្ចាស់មេដាយមាសស៊ីហ្គេមផងដែរ។បន្ថែមពីលើនេះ លោក ម៉ារ៉ា សុជាតិ បានបង្ហាញការពិតថា បច្ចុប្បន្ន សហព័ន្ធកីឡាប៊ីយ៉ាកម្ពុជាមិនទាន់ទទួលបានការឧបត្ថម្ភគាំទ្រពីខាងណានោះទេ ដោយរាល់ការប្រកួតអន្តរជាតិនានា រាប់ទាំងការប្រកួតអន្តរជាតិ នៅចិន នាពេលនេះត្រូវរ៉ាប់រងថ្លៃសំបុត្រយន្តហោះ និងការចាយវាយផ្សេងៗលើការស្នាក់នៅ ហូបចុក ដោយសហព័ន្ធផ្ទាល់ខ្លួនទាំងអស់៕

Sevilla បញ្ចប់តំណែងគ្រូបង្វឹក Jose Luis Mendilibar ក្រោយចាប់ផ្តើមរដូវកាលមិនល្អ

ក្លិបបាល់ទាត់អេស្ប៉ាញ Sevilla បានសំរេចបញ្ចប់តំណែងគ្រូបង្វឹកលោក Jose Luis Mendilibar ហើយក្រោយចាប់ផ្តើមរដូវកាលមិនបានល្អ។បុរសវ័យ ៦២ ឆ្នាំរូបនេះបានចូលមកកាន់តំណែងនេះកាលពីខែមីនាចុងរដូវកាលមុន និងបានជួយ Sevilla រួចផុតពីតំបន់គ្រោះថ្នាក់ ក៏ដូចជាដឹកនាំក្រុមឈ្នះជើងឯក Europa League លើកទី៧ របស់ Sevilla ផងដែរ និងទទួលបានកៅអីនៅ UEFA Champions League រដូវកាលនេះ។យ៉ាងណាក្តី រដូវកាលថ្មីនេះ La Liga, Sevilla ចាប់ផ្តើមរដូវកាលបាន ៨ ប្រកួតឈ្នះតែ ២ ប្រកួតប៉ុណ្ណោះ ខណៈចុងក្រោយ Sevilla ស្មើ ២-២ ក្នុងទឹកដីខ្លួនឯងទល់នឹង Rayo Vallecano កាលពីថ្ងៃសៅរ៍ដែលធ្វើឱ្យ Sevilla ធ្លាក់ដល់លេខ ១៤ ក្នុងតារាង។ រំលឹកថាលោក Mendilibar បានដឹកនាំ Sevilla ឈ្នះ Manchester United និង Juventus ក្នុងដំណើរឡើងវគ្គ ផ្តាច់ព្រ័ត្រ Europa League រដូវកាលមុន និងយកឈ្នះ Roma នៅវគ្គផ្តាច់ព្រ័ត្រ។ នៅ UEFA Champions League រដូវកាលនេះ Sevilla ស្មើទាំងពីរប្រកួតក្នុងពូលទល់នឹង Lens និង PSV ឈរលេខ ៣ ក្នុងពូល B៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877