BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

សហព័ន្ធហែលទឹក ត្រៀមរៀបចំជើងឯកថ្នាក់ជាតិ នាចុងខែតុលានេះ

សហព័ន្ធខ្មែរកីឡាហែលទឹក បានប្រកាសរៀបចំការប្រកួតកីឡាហែលទឹក និងហែលទឹកពាក់ជើងទា ជ្រើសរើសជើងឯកថ្នាក់ជាតិ ឆ្នាំ២០២៣ នាចុងខែតុលានេះ នៅអាងហែលទឹក នៃពហុកីឡដ្ឋានជាតិអូឡាំពិក រាជធានីភ្នំពេញ ។យោងតាមសេចក្ដីជូនដំណឹងរបស់សហព័ន្ធ ព្រឹត្តិការណ៍ប្រចាំឆ្នាំ ដែលឧបត្ថម្ភគាំទ្រដោយក្រសួងអប់រំ យុវជន និងកីឡានេះ នឹងរៀបចំការប្រកួតរយៈពេល ៣ថ្ងៃ ចាប់ពីថ្ងៃទី២៦ ដល់ថ្ងៃទី២៨ ខែតុលា ឆ្នាំ២០២៣ សប្ដាហ៍ក្រោយ ។ប្រភពដដែលបញ្ជាក់ថា ការប្រកួតនេះ សម្រាប់ប្រភេទកីឡាហែលទឹក គឺមាន ១៦វិញ្ញាសាបុរស-នាទី ខណៈប្រភេទកីឡាហែលទឹកពាក់ជើងទា គឺមាន ៦វិញ្ញាសាបុរស-នារី ដែលកីឡាករ-កីឡាការិនីចូលរួម ត្រូវមានអាយុចាប់ពី ១២ឆ្នាំឡើងទៅ ។ ចំពោះការចុះឈ្មោះចូលរួម នឹងត្រូវបិទនាថ្ងៃទី២៣ ខែតុលាដើមសប្ដាហ៍ក្រោយ ។ទន្ទឹមជាមួយការប្រកាសរៀបចំជើងឯកថ្នាក់ជាតិនេះដែរ សហព័ន្ធក៏បានអំពាវនាវដល់ទស្សនិកជន និងអ្នកគាំទ្រ ដែលស្នេហាវិស័យកីឡាហែលទឹក អាចូលរួមទស្សនាដោយសេរី ដើម្បីលើកទឹកចិត្តដល់កីឡាករ-កីឡាការិនីជាតិ និងរួមចំណែកអភិវឌ្ឍវិស័យកីឡាអូឡាំពិកមួយនេះឲ្យកាន់តែរីកចម្រើនថែមទៀត៕ អត្ថបទ លី ឈុនឡា

អង់គ្លេសឈ្នះអ៊ីតាលីកក់កៅអីនៅ Euro 2024 រួមជាមួយ ៨ ក្រុមផ្សេងទៀត

ក្រុមបាល់ទាត់ជម្រើសជាតិអង់គ្លេស បានកក់កៅនៅព្រឹត្តិការណ៍បាល់ទាត់ជើងឯកអឺរ៉ុប Euro 2024 នៅអាល្លឺម៉ង់ ឆ្នាំក្រោយហើយ បន្ទាប់ពីយកឈ្នះក្រុមការពារតំណែងជើងឯកអ៊ីតាលីយប់មិញ។ក្រុមរបស់លោក Gareth Southgate ត្រូវការត្រឹម ១ ពិន្ទុប៉ុណ្ណោះមុនការប្រកួតយប់មិញ ដើម្បីធានាកៅអីជុំផ្តាច់ព្រ័ត្រ តែការចេញដំណើររបស់ក្រុមម្ចាស់ផ្ទះនៅកីឡដ្ឋាន Wembley មិនបានល្អ បន្ទាប់ពីអតីតខ្សែប្រយុទ្ធ West Ham, Gianluca Scamacca បើកការនាំមុខឱ្យអ៊ីតាលីនៅនាទីទី១៥។ តែនៅក្នុងវគ្គទី ១ ដដែលខ្សែប្រយុទ្ធ Bayern Munich, Harry Kane ជាអ្នកស៊ុតបាល់ពិន័យ ១១ ម៉ែត្រតាមស្មើបានសំរេចនៅនាទីទី ៣២ មុនពេលដែល Jude Bellingham ប៉ះបញ្ជូនឱ្យ Marcus Rashford ស៊ុតឱ្យអង់គ្លេសនាំមុខវិញនៅដើមវគ្គទី ២។ មិនទាន់អស់នៅឡើយអង់គ្លេសក៏ធានាបានជ័យជំនះ បន្ទាប់ពី Harry Kane រកបានគ្រាប់ទីពីររបស់ខ្លួននៅនាទីទី ៧៧ ធ្វើឱ្យអង់គ្លេសរកបានជ័យជំនះដំបូងក្នុងទឹកដីរបស់ខ្លួនទៅលើអ៊ីតាលីគិតតាំងពីឆ្នាំ ១៩៧៧។ ជ័យជំនះនេះធ្វើឱ្យអង់គ្លេសកក់កៅអីនៅ Euro 2024 ក្នុងនាមជាក្រុមលេខ ១ ក្នុងពូល C នៃវគ្គជម្រុះមាន ១៦ ពិន្ទុ តាមពីក្រោយដោយអ៊ុយក្រែនមាន ១៣ ពិន្ទុ ខណៈអ៊ីតាលីឈរលេខ ៣ មានត្រឹម ១០ ពិន្ទុ។ គិតមកដល់ពេលនេះ ក្រុមដែលកក់កៅអីនៅ Euro 2024 រកបាន ៩ ក្រុមហើយរួមមាន អង់គ្លេស អាល្លឺម៉ង់ បារាំង ព័រទុយហ្កាល់ ប៊ែលហ្ស៊ិក អេស្ប៉ាញ ស្កុតឡេន ទួកគី និងអូទ្រីស៕ អត្ថបទ៖នាង សុភាវុធ

Anwar El Ghazi ត្រូវពិន័យដោយក្លិបអាល្លឺម៉ង់ Mainz រឿងបង្ហោះលើបណ្តាញសង្គមពាក់ព័ន្ធជម្លោះអ៊ីស្រាអែល-ប៉ាឡេស្ទីន

ខ្សែបម្រើស្លាបហូឡង់ Anwar El Ghazi ត្រូវបានក្លិបបាល់ទាត់អាល្លឺម៉ង់ Mainz05 ព្យួរការហ្វឹកហាត់ និងពិន័យមិនឱ្យប្រកួត បន្ទាប់ពីការបង្ហោះនៅលើបណ្តាញសង្គមពាក់ព័ន្ធនឹងជម្លោះរវាងអ៊ីស្រាអែល និងប៉ាឡេស្ទីន។កីឡាករវ័យ ២៨ ឆ្នាំរូបនេះ ក៏បានលុបចោលវិញភ្លាមៗដែរ ក្រោយមានប្រតិកម្មដោយក្លិបរបស់ខ្លួន។ ក្លិបនៅ Bundesliga មួយនេះ បានឱ្យដឹងក្នុងសេចក្តីថ្លែងការរបស់ខ្លួនថា ការយកខ្លួនឯងជាកីឡាករអាជីពទៅពាក់ព័ន្ធនឹងជម្លោះនៅតំបន់មជ្ឈឹមបូព៌ានេះ ក្លិបមិនអាចទទួលយកបានឡើយ។ Mainz គោរពការបញ្ចេញមតិរបស់កីឡាករ តែគោលការរបស់ក្លិបដូចគ្នា គឺមិនទៅពាក់ព័ន្ធនឹងនយោបាយ ហើយក៏គោរពពីការពិតនៃជម្លោះរ៉ាំរ៉ៃ និងស្មុគស្មាញនៃប្រជាជាតិទាំងពីរដូចគ្នា។ អតីតខ្សែបម្រើ Aston Villa និង Everton, Anwar El Ghazi បានផ្លាស់មកកាន់ Mainz05 កាលពីដើមរដូវកាល ដោយគ្មានតម្លៃផ្ទេរ និងបានចូលលេងរដូវកាលនេះ ៣ ប្រកួត។ នៅ Bayern Munich ឯណោះវិញក៏ត្រូវបានគេដឹងថា គ្រោងជួបផ្ទាល់ជាមួយខ្សែការពារ Noussair Mazraoui ផងដែរ បន្ទាប់ពីកីឡាករម៉ារ៉ុករូបនេះចែករំលែកវីដេអូគាំទ្រប៉ាឡេស្ទីននៅលើបណ្តាញសង្គម Instagram។នៅបារាំង ខ្សែការពារក្លិបបាល់ទាត់ Nice, Youcef Atal កំពុងស្ថិតក្រោមការស៊ើបសួរ ពាក់ព័ន្ធនឹងការបង្ហោះរឿងជម្លោះអ៊ីស្រាអែល-ប៉ាឡេស្ទីនដូចគ្នា៕ អត្ថបទ៖នាង សុភាវុធ

Rory McIlroy និង Anthony Joshua ដាក់ទុនវិនិយោគក្រុម Alpine Formula One

កីឡាករវាយកូនគោលកំពូល Rory McIlroy និងកំពូលកីឡាករប្រដាល់អង់គ្លេស Anthony Joshua បានក្លាយជាតារាកីឡាល្បីឈ្មោះបន្ថែមទៀតដែលដាក់ទុនវិនិយោគក្រុម Alpine Formula One។ខ្សែការពារ Liverpool និងអង់គ្លេស Trent Alexander-Arnold អតីតខ្សែការពារ Manchester United និងអេស្ប៉ាញ Juan Mata រួមជាមួយនឹងតារា NFL អាមេរិក Patrick Mahomes ក៏បានចូលរួមជាមួយ Otro Capital ផងដែរក្នុងការវិនិយោគ Alpine នៃភាគហ៊ុន ២៤ ភាគរយ។ក្រុមហ៊ុន Otro Capital បានចាប់ផ្តើមចូលហ៊ុនវិនិយោគក្រុម F1 Alpine កាលពីខែមិថុនាកន្លងមក រួមជាមួយ RedBird Capital និង តារាហូលីវូដ Ryan Reynolds និង Rob McElhenney។ភាគហ៊ុន ២៤ ភាគរយគឺស្មើនឹង ៧០៦ លានផោន ក្នុងចំណោមភាគហ៊ុនសរុបរបស់ក្រុមប្រណាំង Alpine ដែលកាន់កាប់ដោយ Renault។ ក្រុមប្រណាំង F1 Alpine បច្ចុប្បន្នមិនទាន់ជោគជ័យនៅឡើយក្រោមការបើកបរដោយកីឡាករបារាំង ២ នាក់រួមមាន Piarre Gasly ឈរលេខ ១១ និង Esteban Ocon ឈរលេខ ១២ ក្នុងតារាងជើងឯកពិភពលោករដូវកាលនេះ៕ អត្ថបទ៖នាង សុភាវុធ

F1 នឹងមានការប្រណាំងកំរិតថ្នាល ៧ ទីលាននៅរដូវកាលក្រោយ

Formula One នឹងមានការប្រណាំងកំរិតថ្នាលដល់ទៅ ៧ ទីលានចាប់ពីរដូវកាលក្រោយទៅ តែការប្រកួតនោះ អ្នកបើកបរសុទ្ធតែជាកីឡាការិនី។F1 កំរិតថ្នាលនឹងមានសរុប ៧ ទីលានចេញដំណើរពីប្រទេសអារ៉ាប៊ីសាអ៊ូឌីតនៅខែមីនា និងបញ្ចប់នៅទីលានចុងក្រោយទីក្រុង Abu Dhabi អារ៉ាប់រួមខែធ្នូ។៥ ទីលានផ្សេងទៀតរួមមាន ទីក្រុង Miami សហរដ្ឋអាមេរិក នៅអេស្ប៉ាញ ហូឡង់ សិង្ហបុរី និង កាតា។ឆ្នាំនេះ ការប្រណាំងកំរិតយុវជនថ្នាលមានតែនៅសហរដ្ឋអាមេរិកទីក្រុង Austin រដ្ឋតិចសាសមួយប៉ុណ្ណោះ ដែលនឹងមានវត្តមានសប្តាហ៍នេះ។ F1 កំរិតថ្នាលសម្រាប់អ្នកបើកបរជាស្ត្រី គឺជាជំហ៊ានដំបូងក្នុងការនាំនារីមកកាន់ការប្រណាំងយានយន្តកំរិតកំពូល បន្ទាប់ពួកគេបានឆ្លងកាត់ការប្រណាំងកំរិតក្រោមគឺរថយន្ត Go-Kart៕ អត្ថបទ៖នាង សុភាវុធ

Tyson Fury មកដល់ទឹកដីអារ៉ាប៊ីសាអ៊ូឌីតមុនជំនួបទល់នឹងអតីតម្ចាស់ខ្សែក្រវាត់ UFC, Francis Ngannou

ម្ចាស់ខ្សែក្រវាត់ទម្ងន់ធ្ងន់ WBC កីឡាករ Tyson Fury បានមកដល់ទឹកដីអារ៉ាប៊ីសាអ៊ូឌីតហើយ មុនជំនួបទល់នឹងអតីតម្ចាស់ខ្សែក្រវាត់ទម្ងន់ធ្ងន់ UFC Francis Ngannou នៅថ្ងៃទី ២៨ ខែតុលា ក្នុងការប្រកួតប្រើច្បាប់ប្រដាល់សកល។ កីឡាករវ័យ ៣៤ ឆ្នាំ Tyson Fury ខកខានមិនបានឡើងសង្វៀនប្រកួតចាប់តាំងពីការប្រកួតដែលគេអាចការពារខ្សែក្រវាត់ WBC របស់ខ្លួនបាននៅពេលយកឈ្នះនៅទឹកទី ១០ លើមិត្តរួមជាតិអង់គ្លេស Derek Chisora កាលពីខែធ្នូឆ្នាំមុន ដើម្បីបន្តស្ថិតិមិនដែលចាញ់របស់ខ្លួន។តាមពិតទៅ Fury មានគំរោងជួបជាមួយកីឡាករអ៊ុយក្រែន Oleksandr Usyk ដែលជាម្ចាស់ជើងឯក IBF, IBO, WBO និង WBA ប៉ុន្តែការចរចាបរាជ័យកាលពីខែមីនា។ចំណែកឯកីឡាករបារាំងកាត់កាមេរូន Francis Ngannou ត្រូវបានដកខ្សែក្រវាត់ទម្ងន់ធ្ងន់របស់ខ្លួនបន្ទាប់ពីមានជម្លោះកិច្ចសន្យាជាមួយ UFC កាលីខែមករាឆ្នាំ ២០២៣ នេះ។ កីឡាករវ័យ ៣៦ ឆ្នាំរូបនេះមានបទពិសោធប្រកួតលក្ខណៈ MMA ចំនួន ២០ លើក ឈ្នះ ១៧ ចាញ់ ៣ និងផ្តួលគូប្រកួតនៅលើសង្វៀន ១២ លើក៕ អត្ថបទ៖នាង សុភាវុធ

Taylor Fritz និង Ben Shelton ឡើងជុំទី ២ វាយកូនបាល់ Japan Open

កីឡាករវាយកូនបាល់អាមេរិក Taylor Fritz បានចាប់ផ្តើមការពារតំណែងជើងឯក Japan Open របស់ខ្លួនជាមួយនឹងជ័យជំនះជុំទី ១ លើកីឡាករអង់គ្លេស Cameron Norrie។កីឡាករលំដាប់លេខ ១០ ពិភពលោក និងឈរលេខរៀងកំពូលក្នុងកម្មវិធីមួយនេះ ប្រើពេលត្រឹម ១ ម៉ោង ២០ នាទីដើម្បីយកឈ្នះកីឡាករកំពូលរបស់អង់គ្លេស Cameron Norrie ៦-៤ និង ៦-៣ នៅទីក្រុងតូក្យូ។ជុំទី ២ Taylor Fritz នឹងបន្តជួបជាមួយកីឡាករជប៉ុនដែលមកពីវគ្គជម្រុះ Shintaro Mochizuki។ ចំណែកឯកីឡាករអូស្រ្តាលី Alex de Minaur ក៏បានបន្តដំណើរទៅមុខដែរក្រោយយកឈ្នះកីឡាករអង់គ្លេស Jack Draper ប្រើពេលជាង ៣ ម៉ោងលទ្ធផលចុងក្រោយ ៤-៦ ៧-៦(៧-៤) និង ៧-៦(៧-១)។ Alex de Minaur នឹងបន្តជួបជាមួយកីឡាករអាហ្សង់ទីន Diego Schwartzman។ លទ្ធផលគូផ្សេងទៀត កីឡាករអាមេរិក Ben Shelton បានវាយបកយកឈ្នះ Taro Daniel ដើម្បីឡើងវគ្គ ១៦ នាក់ចុងក្រោយ។ បន្ទាប់ពីចាញ់សិតដំបូង ៣-៦ Ben Shelton បានយកឈ្នះ Daniel ២ សិតផ្ទួនៗ ៦-៤ និង ៧-៦(៧-២) ដើម្បីបន្តជួបជាមួយកីឡាករ Jordan Thompson៕ អត្ថបទ៖ នាង សុភាវុធ

កម្ពុជា ធ្លាក់ត្រឹមវគ្គជម្រុះឋបម World Cup ក្រោយចាញ់ប៉ាគីស្ថានលើកដំបូង ក្នុងប្រវត្តិសាស្ដ្រ

ក្រុមបាល់ទាត់ជម្រើសជាតិកម្ពុជា បានធ្លាក់ពីការប្រកួតជម្រុះពានរង្វាន់បាល់ទាត់ពិភពលោក FIFA World Cup 2026 ហើយក្រោយចាញ់ក្រុមជម្រើសជាតិប៉ាគីស្ថាន ដោយលទ្ធផល ១-០ ក្នុងជំនួបជើងទី២ កាលពីល្ងាចថ្ងៃទី១៧ ខែតុលា ឆ្នាំ២០២៣ នៅកីឡដ្ឋាន Jinnah នាទីក្រុងអ៊ីស្លាម៉ាបាដ ។គ្រាប់តែមួយគត់ ក្នុងការប្រកួតរយៈពេលជាង ១៨០នាទី បន្ទាប់ពីស្មើគ្នា ០-០ នៅទឹកដីកម្ពុជា គឺធ្វើសម្រេចដោយកីឡាករ Harun Arrashid Fahhem នៅនាទី៦៨ ក្រោយការទាត់បំផ្លោងពីចម្ងាយ ផុតដៃអ្នកចាំទី ហ៊ុល គឹមហ៊ុយ ដែលព្យាយាមជួយសង្គ្រោះ តែមិនបានសម្រេច ហើយលទ្ធផលនេះ ក៏បានរក្សាដល់ចប់ការប្រកួតពេញម៉ោង ។នេះជាលើកដំបូងហើយ ដែលក្រុមជម្រើសជាតិប៉ាគីស្ថាន យកឈ្នះក្រុមជម្រើសជាតិកម្ពុជា បន្ទាប់ពីជួបគ្នាក្នុងវគ្គជម្រុះ AFC Asian Cup 1967 ចាញ់កម្ពុជា ១-០ និងវគ្គជម្រុះ FIFA World Cup 2022 ចាញ់កម្ពុជា ២-០ នៅជើងទី១ មុនបន្ដចាញ់ក្រុមគោព្រៃ ១-២ នៅជើងទី២ កាលពីឆ្នាំ២០១៩ កន្លងទៅ ។ជ័យជម្នះនេះ បានធ្វើឲ្យថ្នាក់ដឹកនាំ ក៏ដូចជាអ្នកគាំទ្រប៉ាគីស្ថាន មានការសប្បាយរីករាយជាខ្លាំង ដ្បិតនេះគឺជាលើកដំបូង ដែលប៉ាគីស្ថាន បានទទួលរៀបចំការប្រកួតអន្ដរជាតិលើទឹកដីខ្លួន បន្ទាប់ពីខកខានអស់រយៈពេល ៨ឆ្នាំ ដោយសារជាពិន័យជាបន្ដបន្ទាប់ពីសហព័ន្ធកីឡាបាល់ទាត់អន្ដរជាតិ(FIFA)។ក្រឡេកមកក្រុមគោព្រៃកម្ពុជា បន្ទាប់ពីធ្លាក់ត្រឹមវគ្គជម្រុះជុំទី១ ក្នុងពានរង្វាន់ FIFA World Cup 2026 ផ្ទុយពីការប្រកួតជម្រុះ FIFA World Cup ឆ្នាំ២០១៨ និងឆ្នាំ២០២២ ដែលកម្ពុជា បានឡើងដល់ជុំទី២ បានធ្វើឲ្យអ្នកគាំទ្រមិនសប្បាយចិត្ត និងនាំគ្នាប្រតិកម្មជាខ្លាំង ដោយហាក់មិនពេញចិត្ត ចំពោះទម្រង់លេង និងការដឹកនាំរបស់គ្រូបង្វឹកលោក Felix Dalmas ឡើយ ។គួរដឹងថា ក្រៅពីធ្លាក់ត្រឹមវគ្គជម្រុះបឋមពានរង្វាបន់បាល់ទាត់ពិភពលោក ឆ្នាំ២០២៦ ការបរាជ័យលើកដំបូង ក្រោមថ្វីជើងក្រុមប៉ាគីស្ថាន ក៏បានធ្វើឲ្យក្រុមជម្រើសជាតិកម្ពុជា ធ្លាក់ពីការប្រកួតជម្រុះជើងឯកអាស៊ី Asian Cup 2027 ផងដែរ៕ អត្ថបទ លី ឈុនឡា

កីឡា៥ ប្រភេទបន្ថែមត្រូវបានដាក់បញ្ចូលនៅព្រឹត្តិការណ៍អូឡាំពិក ២០២៨ នៅសហរដ្ឋអាមេរិក

កីឡាចំនួន ៥ ប្រភេទបន្ថែមទៀត នឹងត្រូវបានដាក់បញ្ចូលឱ្យប្រកួតនៅក្នុងព្រឹត្តិការណ៍អូឡាំពិករដូវក្តៅ ២០២៨ ទីក្រុង Los Angeles សហរដ្ឋអាមេរិក បន្ទាប់ពីទទួលបានការអនុញ្ញាតពីគណៈកម្មាធិការអូឡាំពិកអន្តរជាតិ IOC។ កីឡាទាំង ៥ ប្រភេទនោះរួមមាន គ្រីកឃីត(T20) វាយកូនបាល់ផ្ទប់ជញ្ជាំង(Squash) បេស្បល/សហ្វបល Lacrosse និង Flag Football ក្រោយទទួលបានការគាំទ្រ និងអនុញ្ញាតក្នុងកិច្ចប្រជុំរបស់ IOC នៅទីក្រុង Mumbai ប្រទេសឥណ្ឌាថ្ងៃចន្ទម្សិលមិញ។បើតាមច្បាប់របស់ IOC ប្រទេសម្ចាស់ផ្ទះនីមួយៗ អាចស្នើសុំបន្ថែមកីឡាថ្មីមួយចំនួន ពីលើកីឡាអូឡាំពិកដែលមានស្រាប់។ កីឡា Cricket ដែលមានការតាមដានយ៉ាងច្រើននៅក្នុងប្រទេសឥណ្ឌា និងមានទស្សនិកជនជាសាកលដែលកំពុងកើនឡើងយ៉ាងឆាប់រហ័សនោះ បានត្រលប់មកវិញបន្ទាប់ពីអវត្តមានជាងមួយសតវត្ស ដោយបានបង្ហាញខ្លួនម្តងក្នុងព្រឹត្តិការណ៍កីឡាអូឡាំពិកឆ្នាំ 1900 ជាមួយនឹងទម្រង់ Twenty20 (T20) ចំនួនប្រាំមួយក្រុមដែលបានស្នើឡើងសម្រាប់បុរស និង ស្ត្រី។Flag Football មើលទៅស្រដៀងនឹងបាល់ឱបអាមេរិក និងធ្លាប់មានវត្តមាននៅអូឡាំពិកទីក្រុង Los Angeles ឆ្នាំ ១៩៣២ ជាប្រភេទកីឡាបង្ហាញនៅពេលនោះ។ កីឡាបេស្បលមានលក្ខណៈពិសេសនៅក្នុងអូឡាំពិកមុនៗជាច្រើន នឹងមានវត្តមានផងដែរនៅអូឡាំពិកតូក្យូឆ្នាំ ២០២០ បន្ទាប់ពីត្រូវបានទុកចោលក្នុងឆ្នាំ ២០១២ និង ២០១៦ ប៉ុន្តែក៏មិនមានវត្តមានដែរនៅទីក្រុងប៉ារីសឆ្នាំ ២០២៤។ សហ្វបល ក៏ជាកីឡាបេស្បលតែសំដៅលើការប្រកួតដោយនារី និងបានបង្ហាញខ្លួននៅការប្រកួតកីឡាអូឡាំពិករដូវក្តៅចំនួនប្រាំលើកមុន ហើយក៏មិនមានវត្តមាននៅទីក្រុងប៉ារីសដែរ។ Lacrosse កីឡាវាយបាល់ (ឡាក្រូស) ធ្លាប់ជាកីឡាអូឡាំពិកដណ្តើមមេដាយពីរលើកដែរនៅឆ្នាំ ១៩០៤ និង ១៩០៨។ចំណែកឯកីឡាវាយកូនបាល់ផ្ទប់ជញ្ជាំង Squash នឹងបង្ហាញខ្លួនលើកដំបូងនៅព្រឹត្តិការណ៍អូឡាំពិក ២០២៨៕ អត្ថបទ៖នាង សុភាវុធ

Judd Trump គ្រងជើងឯកស្នូកឃ័រ Wuhan Open នៅចិនពីរឆ្នាំជាប់គ្នា

កីឡាករអង់គ្លេស Judd Trump ទីបំផុតអាចការពារតំណែងជើងឯកស្នូកឃ័រពានរង្វាន់ Wuhan Open បានសំរេចក្រោយយកឈ្នះមិត្តរួមជាតិអង់គ្លេស Ali Carter នៅវគ្គផ្តាច់ព្រ័ត្រ ១០-៧ ហ្វ្រេម។កីឡាករលំដាប់លេខ ៤ ពិភពលោក Judd Trump បានធ្វើដំណើរមកទឹកដីចិនយឺតជាងគេ បន្ទាប់ពីឈ្នះជើងឯក English Open ភ្លាម ហោះហើរមកកាន់ទឹកដីចិនភ្លាមកាលពីថ្ងៃចន្ទសប្តាហ៍មុន។ កីឡាករវ័យ ៣៤ ឆ្នាំរូបនេះ បានធ្វើការប្រកួត ២ ប្រកួតកាលពីថ្ងៃពុធ ដោយសារតែការមកដល់ក្រោយគេ។ ជើងឯក Masters, Judd Trump ត្រូវបាន Ali Carter នាំមុខ ៤-១ ហ្វ្រេម ពេលចេញដំណើរការប្រកួតនៅដំណាក់កាលទី ១ ពេលព្រឹក តែបានតាមពីក្រោយ ៥-៤ វិញក្រោយចប់ដំណាក់កាលទី ១ មុនពេលវាយបកយកឈ្នះវិញនៅដំណាក់កាលទី ២ ពេលល្ងាចដើម្បីយកឈ្នះការប្រកួតសរុបលទ្ធផល ១០-៧ ហ្វ្រេម។ ជើងឯក Wuhan Open នេះជើងឯកពិភពលោកឆ្នាំ ២០១៩ Judd Trump ទទួលបានប្រាក់រង្វាន់ ១៤០០០០ ផោន៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

សហព័ន្ធហែលទឹក ត្រៀមរៀបចំជើងឯកថ្នាក់ជាតិ នាចុងខែតុលានេះ

អង់គ្លេសឈ្នះអ៊ីតាលីកក់កៅអីនៅ Euro 2024 រួមជាមួយ ៨ ក្រុមផ្សេងទៀត

Anwar El Ghazi ត្រូវពិន័យដោយក្លិបអាល្លឺម៉ង់ Mainz រឿងបង្ហោះលើបណ្តាញសង្គមពាក់ព័ន្ធជម្លោះអ៊ីស្រាអែល-ប៉ាឡេស្ទីន

Rory McIlroy និង Anthony Joshua ដាក់ទុនវិនិយោគក្រុម Alpine Formula One

F1 នឹងមានការប្រណាំងកំរិតថ្នាល ៧ ទីលាននៅរដូវកាលក្រោយ

Tyson Fury មកដល់ទឹកដីអារ៉ាប៊ីសាអ៊ូឌីតមុនជំនួបទល់នឹងអតីតម្ចាស់ខ្សែក្រវាត់ UFC, Francis Ngannou

Taylor Fritz និង Ben Shelton ឡើងជុំទី ២ វាយកូនបាល់ Japan Open

កម្ពុជា ធ្លាក់ត្រឹមវគ្គជម្រុះឋបម World Cup ក្រោយចាញ់ប៉ាគីស្ថានលើកដំបូង ក្នុងប្រវត្តិសាស្ដ្រ

កីឡា៥ ប្រភេទបន្ថែមត្រូវបានដាក់បញ្ចូលនៅព្រឹត្តិការណ៍អូឡាំពិក ២០២៨ នៅសហរដ្ឋអាមេរិក

Judd Trump គ្រងជើងឯកស្នូកឃ័រ Wuhan Open នៅចិនពីរឆ្នាំជាប់គ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

សហព័ន្ធហែលទឹក ត្រៀមរៀបចំជើងឯកថ្នាក់ជាតិ នាចុងខែតុលានេះ

អង់គ្លេសឈ្នះអ៊ីតាលីកក់កៅអីនៅ Euro 2024 រួមជាមួយ ៨ ក្រុមផ្សេងទៀត

Anwar El Ghazi ត្រូវពិន័យដោយក្លិបអាល្លឺម៉ង់ Mainz រឿងបង្ហោះ​លើ​បណ្តាញសង្គម​ពាក់ព័ន្ធជម្លោះអ៊ីស្រាអែល-ប៉ាឡេស្ទីន

Rory McIlroy និង Anthony Joshua ដាក់ទុនវិនិយោគក្រុម Alpine Formula One

F1 នឹងមានការប្រណាំងកំរិតថ្នាល ៧ ទីលាននៅរដូវកាលក្រោយ

Tyson Fury មកដល់ទឹកដីអារ៉ាប៊ីសាអ៊ូឌីតមុនជំនួបទល់នឹងអតីតម្ចាស់ខ្សែក្រវាត់ UFC, Francis Ngannou

Taylor Fritz និង Ben Shelton ឡើងជុំទី ២ វាយកូនបាល់ Japan Open

កម្ពុជា ធ្លាក់ត្រឹមវគ្គជម្រុះឋបម World Cup ក្រោយចាញ់ប៉ាគីស្ថានលើកដំបូង ក្នុងប្រវត្តិសាស្ដ្រ

កីឡា៥ ប្រភេទបន្ថែមត្រូវបានដាក់បញ្ចូលនៅព្រឹត្តិការណ៍អូឡាំពិក ២០២៨ នៅសហរដ្ឋអាមេរិក

Judd Trump គ្រងជើងឯកស្នូកឃ័រ Wuhan Open នៅចិនពីរឆ្នាំជាប់គ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Anwar El Ghazi ត្រូវពិន័យដោយក្លិបអាល្លឺម៉ង់ Mainz រឿងបង្ហោះលើបណ្តាញសង្គមពាក់ព័ន្ធជម្លោះអ៊ីស្រាអែល-ប៉ាឡេស្ទីន