BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

សមរភូមិប្រដាល់គុនខ្មែរក្តៅគគុករួមមានជើងខ្លាំង ធឿន ធារ៉ា និងធន់ ផានិតក្នុង ”រាត្រីប្រកួតប្រដាល់ជើងឯក គូបូតា”

“ការប្រកួតជើងឯក គូបូតា បច្ចេកវិទ្យាកសិកម្មថ្មី” គឺជាកម្មវិធីប្រកួតប្រដាល់គុនខ្មែរដែលមានប្រជាប្រិយភាពជាងគេនៅក្នុងប្រទេសកម្ពុជា រៀបចំដោយក្រុមហ៊ុនគូបូតា បច្ចេកវិទ្យាកសិកម្មថ្មី ក៏កំពុងតែនាំយកព្រឹត្តិការណ៏ដ៏អស្ចារ្យមួយទៀត ជាមួយនឹងការប្រកួតនាពេលខាងមុខ មានឈ្មោះថា "រាត្រីប្រកួតប្រដាល់ គូបូតា" ដែលនឹងមានការផ្សាយផ្ទាល់នៅលើស្ថានីយទូរទស្សន៍ បាយ័ន ក៏ដូចជាទំព័រហ្វេសប៊ុកផេករបស់ KUBOTA Kampuchea Club ផងដែរ ព្រឹត្តិការណ៍ដ៏អស្ចារ្យនេះនឹងប្រព្រឹត្តទៅនាថ្ងៃទី ២០ ខែ តុលា ឆ្នាំ ២០២៣ ចាប់ពីម៉ោង ៧ យប់តទៅ។រាត្រីប្រកួតប្រដាល់ដ៏គួរឲ្យចាប់អារម្មណ៍មួយនេះ គ្រោងនឹងប្រព្រឹត្តទៅដោយចម្រាញ់យកតែជើងខ្លាំងដែលមានឈ្មោះបោះសំលេងក្នុងវិស័យប្រដាល់។ ព្រឹត្តិការណ៍នេះសន្យាថានឹងពោរពេញទៅដោយទិដ្ឋភាពដ៏ជក់ចិត្តដិតអារម្មណ៏ ផ្តួលដៃគូឱ្យសន្លប់ដោយឥតព្រៀងទុក ដោយគូប្រកួតនីមួយៗ បានធ្វើការហ្វឹកហាត់អស់ពីកម្លាំងកាយចិត្ត ដើម្បីបង្ហាញពីសមត្ថភាពដ៏ខ្លាំងក្លារបស់ខ្លួន។ ធឿន ធារ៉ា និង ធន់ ផានិត ដែលជាអ្នកប្រដាល់មានប្រជាប្រិយភាពខ្ពស់ជាងគេនៅកម្ពុជា រំពឹងថានឹងបញ្ចេញស្នៀតប្រដាល់ពិសេសៗប្រចាំត្រកូល ដែលនឹងធ្វើឲ្យទស្សនិកជនតាមដានយ៉ាងជក់ចិត្តដិតអារម្មណ៍។ ជាងនេះទៅទៀត យើងក៏មានគូប្រកួតជាលក្ខណៈមិត្តភាព ចំនួន ២គូ ជាកិច្ចចាប់ផ្តើមក្នុងកម្មវិធី ដែលអាចឱ្យអ្នកគាំទ្របានឃើញពីទឹកដៃគូប្រកួតថ្មីៗ ដែលកំពុងរះឡើងនៅក្នុងវិស័យប្រដាល់នេះផងដែរ។សម្រាប់ព្រឹត្តិការណ៍នេះ នឹងមានការផ្សាយផ្ទាល់លើកញ្ចក់ទូរទស្សន៍បាយ័ន និងគេហទំព័រហ្វេសប៊ុក របស់ KUBOTA Kampuchea Club ដោយអនុញ្ញាតឲ្យអ្នកចូលរួម លេងហ្គេមនៅលើផេកផ្ទាល់ មានឱកាសឈ្នះកាតបញ្ចូលទឹកប្រាក់ 5$ រហូតដល់ទៅ 40 រង្វាន់។ សម្រាប់ហ្គេមនៅក្នុងព្រឹត្តិការណ៍ផ្ទាល់ គ្រាន់តែចូលរួមទស្សន៍ទាយថាអ្នកប្រដាល់មួយណាជាអ្នកឈ្នះ នឹងមានសិទ្ធិឈ្នះរង្វាន់ធំៗជាច្រើនដូចជា ទូរស័ព្ទដៃទំនើប (1 រង្វាន់) កូនបាស (3 រង្វាន់) និងកាតបញ្ចូលទឹកប្រាក់ 5 ដុល្លារ រហូតដល់ 40 រង្វាន់។អ្វីដែលកាន់តែពិសេស សម្រាប់ការចូលរួមទស្សនា នៅក្នុងសង្វៀនប្រដាល់ដែលពោរពេញដោយភាពរំភើប និងការកម្សាន្តឥតព្រំដែន គឺចូលរួមដោយសេរី។ កុំភ្លេចណាត់មិត្តភ័ក្តិ ដៃគូ និងក្រុមគ្រួសារ ចូលរួមទស្សនាឲ្យបានច្រើនកុះករ ។ សម្រាប់អ្នកចូលរួមទស្សនាផ្ទាល់ ១០០នាក់ដំបូង នៅក្នុងព្រឹត្តិការណ៍នេះក៏មានការផ្តល់ជូននូវកាដូពិសេសថែមទៀតផង។ គូបូតា គឺជាម៉ាកយីហោឈានមុខគេក្នុងប្រទេសកម្ពុជា បានប្តេជ្ញាចិត្តក្នុងការលើកកម្ពស់ជីវភាពរបស់កសិករកម្ពុជា តាមរយៈការផ្តល់ផលិតផលដែលមានគុណភាពខ្ពស់ និងការគាំទ្រដែលអាចជឿទុកចិត្តបាន។ គួបូតា ត្រូវបានគេទទួលស្គាល់ដោយសារការប្តេជ្ញាចិត្តរបស់ខ្លួនចំពោះ ផលិតផលស្តង់ដារជប៉ុន នៅក្នុងឧស្សាហកម្មកសិកម្ម រួមមានត្រាក់ទ័រ ម៉ាស៊ីនច្រូតស្រូវ អេស្កាវាទ័រ គោយន្តដើរតាម ម៉ាស៊ីនម៉ាស៊ូត ម៉ាស៊ីនស្ទូងស្រូវ និងដ្រូនកសិកម្មគូបូតាជាដើម។រាត្រីប្រកួតប្រដាល់ជើងឯកគូបូតាដែលនឹងមានការផ្សាយផ្ទាល់នេះ សូមសន្យាថានឹងធ្វើទស្សនិកជនទទួលបានបទពិសោធន៍ដ៏អស្ចារ្យថែមមួយកម្រិតទៀត ធ្វើឱ្យអ្នកទស្សនាពិតជាទប់អារម្មណ៍ពុំបាន។ ត្រៀមខ្លួនជាសក្សី ក្នុងសកម្មភាពប្រកួតដ៏ក្តៅគគុក ជាមួយអ្នកប្រដាល់ជើងឯកឆ្នើមនៅកម្ពុជា។ ជាមួយ កណ្តាប់ដៃពោរពេញទៅដោយថាមពល អាចផ្តួលដៃគូឱ្យសន្លប់គ្រប់ពេល រួមជាមួយការប្រជែងយកឈ្នះចាញ់យ៉ាងខ្លាំងក្លាផងដែរ អាចនិយាយបានថា ការប្រកួតប្រដាល់នេះ ពិតជាព្រឹត្តិការណ៍ដែលអ្នកមិនគួរមើលរំលងប្រចាំឆ្នាំនេះ។ សូមចូលទៅកាន់ទំព័រហ្វេសប៊ុក KUBOTA Kampuchea Club សម្រាប់ព័ត៌មានបន្ថែម៕

Newcastle បញ្ជាក់ថា Sandro Tonali ស្ថិតក្រោមការស៊ើបអង្កេតពីអាជ្ញាធរអ៊ីតាលីពាក់ព័ន្ធរឿងភ្នាល់

ក្លិបបាល់ទាត់ Newcastle United បានបញ្ជាក់ផ្លូវការហើយថា ខ្សែបម្រើ Sandro Tonali កំពុងស្ថិតក្រោមការស៊ើបអង្កេតដោយអាជ្ញាធរអ៊ីតាលី និងសហព័ន្ធបាល់ទាត់អ៊ីតាលីពាក់ព័ន្ធនឹងរឿងភ្នាល់។ កីឡាករវ័យ ២៣ ឆ្នាំរូបនេះ ទើបតែត្រូវបានកាត់ឈ្មោះចេញពីបញ្ជីក្រុមជម្រើសជាតិអ៊ីតាលីផងដែរកាលពីសប្តាហ៍មុន។Sandro Tonali និងកីឡាកររបស់ Aston Villa, Nicolo Zaniolo បានចាកចេញពីជំរំហ្វឹកហាត់របស់អ៊ីតាលី មុនការប្រកួតទល់នឹងម៉ាល់តា និងអង់គ្លេស។ Tonali ដែលធ្លាប់បង្ហាញខ្លួនឱ្យក្រុមជម្រើសជាតិអ៊ីតាលីបាន ១៥ លើក បានផ្លាស់មកកាន់ Newcastle ពី AC Milan ក្នុងតម្លៃផ្ទេរ ៥៥ លានផោនកាលពីខែកក្កដា។កាលពីថ្ងៃអង្គារកន្លងទៅ ខ្សែបម្រើ Juventus, Nicolo Fagioli ទើបតែទទួលការដាក់ពិន័យ ៧ ខែមិនឱ្យពាក់ព័ន្ធសកម្មភាពបាល់ទាត់ និងពិន័យជាទឹកប្រាក់ផងដែរដោយសហព័ន្ធបាល់ទាត់អ៊ីតាលី បន្ទាប់ពីរកឃើញ និងទទួលស្គាល់ដោយសាមីខ្លួនថា ពិតជាមានការពាក់ព័ន្ធរឿងភ្នាល់៕ អត្ថបទ៖នាង សុភាវុធ

កីឡាករអាមេរិក Marcos Giron ទំលាក់ជើងខ្លាំង Casper Ruud ឡើងវគ្គ ៨ នាក់ចុងក្រោយ Japan Open

កីឡាករវាយកូនបាល់អាមេរិក Marcos Giron បានធ្វើឱ្យមានការភ្ញាក់ផ្អើល ដោយទំលាក់កីឡាករជើងខ្លាំងន័រវេស Casper Ruud ដើម្បីឡើងវគ្គ ៨ នាក់ចុងក្រោយវាយកូនបាល់កម្មវិធី Japan Open នៅទីក្រុងតូក្យូ។កីឡាករលំដាប់លេខ ៧៩ ពិភពលោក Marcos Giron បានយកឈ្នះទាំងសិតតែម្តង ៦-៣ និង ៦-៤ ទៅលើ Casper Ruud និងបន្តដំណើរទៅវគ្គ ៨ នាក់ចុងក្រោយជួបជាមួយកីឡាករកាណាដា Felix Auger-Aliassime។ថ្ងៃជាមួយគ្នានោះដែរ កីឡាករអាមេរិកមួយទៀត Tommy Paul ក៏បានបន្តដំណើរទៅមុខដែរ ក្រោយយកឈ្នះមិត្តរួមជាតិ Mackenzie McDonald ៦-៤ និង ៦-២។ ជុំបន្ត Tommy Paul ក៏នឹងត្រូវជួបជាមួយកីឡាករអាមេរិកដែរគឺ Ben Shelton ដែលបានវាយបកយកឈ្នះកីឡាករអូស្រ្តាលី Jordan Thompson ៦-៧(៥-៧) ៦-៤ និង ៦-៣។ ងាកទៅលទ្ធផលផ្សេងទៀត កីឡាករចិន Zhang Zhizhen ក៏បានធ្វើឱ្យមានការភ្ញាក់ផ្អើលដែរ ក្រោយយកឈ្នះកីឡាករលំដាប់លេខ ១១ ពិភពលោក Hubert Hurkacz។ Zhang Zhizhen បានយកឈ្នះ Hurkacz ដោយលទ្ធផល ៣-៦ ៦-៤ និង ៧-៤(៧-៤) ដើម្បីបន្តដំណើរជួបជាមួយ Aslan Karatsev៕ អត្ថបទ៖នាង សុភាវុធ

ប្រេស៊ីលចាញ់ហើយ Neymar រងរបួសត្រូវវះកាត់ថែមទៀត

ខ្សែប្រយុទ្ធប្រេស៊ីល និង Al-Hilal, Neymar នឹងត្រូវទទួលការវះកាត់ បន្ទាប់ពីរងរបួសដាច់សសៃពួរជង្គង់ខាងឆ្វេងអំឡុងការប្រកួតជាមួយក្រុមជម្រើសជាតិប្រេស៊ីល។កីឡាករវ័យ ៣១ ឆ្នាំរូបនេះត្រូវបានសែងចេញពីទីលាននៅវគ្គទី ១ អំឡុងការប្រកួតចាញ់អ៊ុយរូហ្កាយ ២-០ ព្រឹកថ្ងៃពុធម្សិលមិញនៃការប្រកួតជម្រុះបាល់ទាត់ពិភពលោក ២០២៦។ គេមិនទាន់ដឹងច្បាស់នៅឡើយថា Neymar នឹងសម្រាកព្យាបាលរបួសរបស់ខ្លួនរយៈពេលប៉ុន្មាននៅឡើយ តែតាមការប៉ាន់ស្មានអាចសម្រាកដល់ទៅ ៩ ខែឯណោះ។កីឡាករដែលស៊ុតបញ្ចូលទីច្រើនជាងគេឱ្យក្រុមជម្រើសជាតិប្រេស៊ីលរូបនេះ បានរងរបួសជាក្នុងរយៈពេលប៉ុន្មានឆ្នាំចុងក្រោយនេះ។នៅជាមួយ PSG, Neymar មានរបួសកជើងទាំងសងខាងក្នុងរយៈពេល ២ ឆ្នាំចុងក្រោយ និងរបួសដែលធ្វើឱ្យគេ អវត្តមានពីក្រុមប្រេស៊ីល ២ ដំបូងនៅ World Cup 2022 ឆ្នាំមុនផងដែរ។កាលពី World Cup 2014 នៅក្នុងទឹកដីប្រេស៊ីល Neymar មានរបួសបាក់ឆ្អឹងខ្នងនៅពេលត្រូវមួយជង្គង់របស់ Juan Zuniga ក្នុងការប្រកួតវគ្គ ៨ ក្រុមចុងក្រោយទល់នឹងកូឡុំប៊ី។ ប្រេស៊ីលឈ្នះការប្រកួតនោះតែ Neymar ត្រូវអវត្តមានការប្រកួតនៅសល់ ខណៈប្រេស៊ីលក៏ចាញ់អាល្លឺម៉ង់ធ្ងន់ក ៧-១ នៅវគ្គពាក់កណ្តាលផ្តាច់ព្រ័ត្រ៕ អត្ថបទ៖នាង សុភាវុធ

Nicolo Fagiolo ចេញមុខសុំទោសជាសាធារណៈក្រោយរងពិន័យ ៧ ខែពាក់ព័ន្ធរឿងភ្នាល់

និយាយជាសាធារណៈលើកដំបូង ចាប់តាំងពីជាប់ពាក់ព័ន្ធក្នុងរឿងអាស្រូវការភ្នាល់ ខ្សែបម្រើរបស់ Juventus កីឡាករ Nicolo Fagioli បានសុំទោសចំពោះ "កំហុសឆ្គង" ប៉ុន្តែក៏បានវាយបកលើសារព័ត៌មានមួយចំនួនដែលចុះផ្សាយដោយហៅទង្វើរបស់ខ្លួនប្រៀបដូចជា "សំរាម"។សារនៅលើបណ្តាញសង្គម Instagram ចំនួនពីរដែលបានបង្ហោះកាលពីថ្ងៃពុធ បានកើតឡើងមួយថ្ងៃបន្ទាប់ពី Fagioli ត្រូវបានពិន័យរយៈពេលប្រាំពីរខែដោយសហព័ន្ធបាល់ទាត់អ៊ីតាលី ពាក់ព័ន្ធរឿងភ្នាល់ និងបានបញ្ជាឱ្យទទួលការព្យាបាលសម្រាប់ការញៀនល្បែង។Nicolo Fagiolo បានទទួលការពិន័យត្រឹម ៧ ខែ កាត់បន្ថយពី ៣ ឆ្នាំយ៉ាងតិច បន្ទាប់ពីសាមីខ្លួនបានសារភាព ហើយណាមួយទង្វើភ្នាល់ល្បែងរបស់គេ មិនមានពាក់ព័ន្ធនឹងក្រុម Juventus ឡើយ។ រំលឹកថា Nicolo Fagioli បានចូលលេងឱ្យក្រុមធំ Juventus នៅឆ្នាំ ២០២១ តែត្រូវបានក្លិបបញ្ចេញឱ្យ Cremonese ខ្ចីអំឡុងរដូវកាល ២០២១-២២។ Fagioli ក៏បានជួយ Cremonese ឡើងមកកាន់ក្របខណ្ឌកំពូល Serie A ផងដែរ មុនពេលត្រលប់មក Juventus វិញ និងបានបង្ហាញខ្លួន ៦ ប្រកួតរដូវកាលនេះ៕ អត្ថបទ៖នាង សុភាវុធ

ការលក់ភាគហ៊ុនរបស់ Everton ទៅកាន់ក្រុមហ៊ុនអាមេរិក 777 Partners ត្រូវជាប់គាំង

កាសែត New York Times បានចុះផ្សាយកាលពីថ្ងៃពុធថា ការលក់ភាគហ៊ុនធំក្លិប Everton ដែលកំពុងជួបការលំបាកក្នុងក្របខ័ណ្ឌ English Premier League ទៅ 777 Partners បានជាប់គាំង ដោយសារតែមូលនិធិវិនិយោគរបស់ក្រុមហ៊ុនអាមេរិកមួយនេះមិនទាន់ផ្តល់របាយការណ៍ហិរញ្ញវត្ថុដែលបានធ្វើសវនកម្មដល់និយតករអង់គ្លេសនៅឡើយ។New York Times អាជ្ញាធរប្រតិបត្តិហិរញ្ញវត្ថុរបស់ចក្រភពអង់គ្លេស (FCA) បានផ្តល់សំណើរបស់ខ្លួនទៅកាន់ 777 Partners ក្នុងខែនេះ ហើយប្រសិនបើក្រុមហ៊ុនមិនផ្តល់ហិរញ្ញវត្ថុតាមតម្រូវ ឬការពន្យល់ដែលអាចទទួលយកបាននោះ ការកាន់កាប់ភាគហ៊ុនអាចនឹងត្រូវបរាជ័យ។កាលពីខែមុន Everton ត្រូវបានលក់ទៅឱ្យ 777 Partners ក្នុងកិច្ចព្រមព្រៀងមួយដែលត្រូវបានគេរាយការណ៍ថាមានតម្លៃជាង ៥៥០ លានផោន។តួលេខចុងក្រោយបំផុតរបស់ Everton បានបង្ហាញពីការខាតបង់ ៥ ឆ្នាំជាប់គ្នា ក្នុងនោះ ៤៤.៧ លានផោន សម្រាប់រដូវកាល ២០២១-២២ ជាមួយនឹងការបាត់បង់សរុបរបស់ពួកគេក្នុងរយៈពេលនោះមានចំនួនជាង ៤៣០ លានផោន។ក្រុមហ៊ុន 777 Partners មានក្លឹបមួយចំនួនស្ថិតក្រោមកាវិនិយោគរបស់ខ្លួន រួមមានក្លឹបអ៊ីតាលី Genoa និងក្រុមបែលហ្ស៊ិក Standard Liege ខណៈដែលពួកគេក៏មានភាគហ៊ុននៅក្នុងក្លឹបអេស្ប៉ាញ Sevilla និងក្លឹបអូស្រ្តាលី Melbourne Victory ផងដែរ៕ អត្ថបទ៖នាង សុភាវុធ

ជើងឯក ៣ សម័យនូវែលសេឡង់ហ្វឹកហាត់ក្រោមដំណក់ទឹកភ្លៀងត្រៀមវគ្គពាក់កណ្តាលផ្តាច់ព្រ័ត្របាល់ឱបពិភពលោក

ក្រុមជើងឯកពិភពលោក ៣សម័យ នូវែលសេឡង់ បានធ្វើឱ្យការហ្វឹកហាត់ក្រោមដំណក់ទឹកភ្លៀងនៅទីលានហ្វឹកហាត់ជាយក្រុងប៉ារីសប្រទេសបារាំង មុនការប្រកួតវគ្គពាក់កណ្តាលផ្តាច់ព្រ័ត្រការប្រកួតបាល់ឱបជើងឯកពិភពលោកទល់នឹងអាហ្សង់ទីនថ្ងៃសៅរ៍ចុងសប្តាហ៍នេះ។ក្រុមរបស់លោក Ian Foster បានរងបរាជ័យប្រកួតដំបូងនៃការប្រកួតជើងឯកពិភពលោកកាលពីវគ្គចែកពូលក្រោមស្នាដៃក្រុមម្ចាស់ផ្ទះបារាំង តែមុនឡើងមកដល់វគ្គនេះ ពួកគេបានទំលាក់ក្រុមលំដាប់លេខ១ ពិភពលោកសាធារណរដ្ឋអៀរឡង់ ២៨-២៤ នៅវគ្គ ៨ ក្រុមចុងក្រោយកាលពីថ្ងៃសៅរ៍សប្តាហ៍មុន។ចំណែកក្រុមបាល់ឱបអាហ្សង់ទីនស្គាល់ជ័យជំនះលើនូវែលសេឡង់ត្រឹម ២ លើកប៉ុណ្ណោះក្នុងប្រវត្តិសាស្រ្តរបស់ពួកគេ ពោលគឺជ័យជំនះចុងក្រោយបំផុតកាលពីខែសីហាឆ្នាំ ២០២២។ រំលឹកថា នូវែលសេឡង់បានធ្លាក់នៅវគ្គពាក់កណ្តាលផ្តាច់ព្រ័ត្រកាលពី ៤ ឆ្នាំមុននៅពេលបាល់ឱបពិភពលោករៀបចំនៅទឹកដីជប៉ុន។ ជ័យជំនះលើអាហ្សង់ទីនៅថ្ងៃសៅរ៍ខាងមុខ នូវែលសេឡង់នឹងមានឱកាសស្វែងរកជើងឯកពិភពលោកលើកទី៤ ដោយនឹងត្រូវជួបជាមួយអ្នកឈ្នះរវាងអាហ្វ្រិកខាងត្បូង រឺអង់គ្លេស៕ អត្ថបទ៖នាង សុភាវុធ

FFC អនុញ្ញាតឲ្យក្លិបសៀមរាបយូណាយធីត រៀបចំពានយុវជនអន្ដរជាតិ ដែលមាន ៣ប្រទេសចូលរួម

សហព័ន្ធកីឡាបាល់ទាត់កម្ពុជា បានយល់ព្រមតាមសំណើររបស់សមាគមក្លិបបាល់ទាត់ សៀមរាប យូណាយធីត រៀបចំការប្រកួតពានរង្វាន់យុវជនអន្ដរជាតិ U14 Siem Reap International Cup ដែលមានក្រុមយុវជនមកពី ៣ប្រទេសចូលរួម ។យោងតាមលិខិតអនុញ្ញាតរបស់សហព័ន្ធ ពានរង្វាន់យុវជនអន្ដរជាតិនេះ គឺមាន ៤ក្រុមចូលរួម ក្នុងនោះក្រុមយុវជន U14 សៀមរាប យូណាយធីត តំណាងកម្ពុជា គ្រាដែលក្រុមយុវជនមកពីថៃ ២ក្រុម មានក្រុម U14 Buriram United និងក្រុម U14 Chonburi FC និង ១គ្រាប់ទៀត គឺក្រុម U14 Lion City Sailor មកពីសិង្ហបុរី ។តាមការគ្រោងទុកការប្រកួតបាល់ទាត់ពានរង្វាន់ U14 Siem Reap International Cup នឹងប្រព្រឹត្តទៅ ពីថ្ងៃទី១៧-១៩ ខែវិច្ឆិកា ឆ្នាំ២០២៣ ខាងមុខ នៅកីឡដ្ឋានហនុមាន ខេត្តសៀមរាប ដែលជាមូលដ្ឋានផ្ទាល់របស់សមាគមក្លិបបាល់ទាត់ សៀមរាប យូណាយធីត ។ជាមួយការស្នើរៀបចំពានយុវជនអន្ដរជាតិនេះដែរ ក្រោយទទួលបានការអនុញ្ញាតពីសហព័ន្ធ គេឃើញមានអ្នកគាំទ្របាល់ទាត់ជាច្រើន បានសម្ដែងការសាទរចំពោះសមាគមក្លិបបាល់ទាត់ សៀមរាប យូណាយធីត ដែលរៀបចំពាននេះឡើង ដើម្បីផ្ដល់ឱកាសឲ្យក្រុមយុវជនរបស់ខ្លួន មានពិសោធន៍ប្រកួតលក្ខណៈអន្ដរជាតិ និងពង្រឹងសមត្ថភាព និងអាជីពនាថ្ងៃអនាគត ៕ អត្ថបទ លី ឈុនឡា

ការប្រកួតបាល់បោះរវាង Valencia និង Maccabi Tel Aviv របស់អ៊ីស្រាអែល ស្ថិតក្រោមការពារសន្តិសុខតឹងរ៉ឹង

ក្រុមបាល់បោះ Maccabi Tel Aviv របស់អ៊ីស្រាអែលបានមកដល់កីឡដ្ឋានទីក្រុង Valencia នៅថ្ងៃពុធម្សិលមិញ ដោយមានការការពារយ៉ាងតឹងរ៉ឺងដោយប៉ូលីសអេស្ប៉ាញ បន្ទាប់ពីក្រសួងមហាផ្ទៃអេស្ប៉ាញ បានប្រកាសការប្រកួត Euroleague ស្ថិតក្រោមហានិភ័យខ្ពស់។វីដេអូបង្ហាញពីម៉ាស៊ីនរាវរកជាតិផ្ទុះមួយ ដែលត្រូវបានប្រើប្រាស់នៅច្រកចូល ដើម្បីត្រួតពិនិត្យរបស់របររបស់អ្នកគាំទ្រ។Maccabi Tel Aviv បានបង្ហោះនៅលើប្រព័ន្ធផ្សព្វផ្សាយសង្គម ដោយពួកគេនឹងពាក់អាវពណ៌ខ្មៅដែលសរសេរថា "នាំពួកគេមកផ្ទះឥឡូវនេះ" ដោយសំដៅទៅលើចំណាប់ខ្មាំងអ៊ីស្រាអែល។នៅព្រឹកព្រលឹម ប៉ូលិសអេស្ប៉ាញត្រូវបានដាក់ពង្រាយនៅខាងក្រៅមជ្ឈមណ្ឌលកីឡា Fuente de San Luis។ក្រសួងមហាផ្ទៃអេស្ប៉ាញបានឱ្យដឹងកាលពីថ្ងៃអង្គារថា ប្រទេសអេស្ប៉ាញបានបង្កើនវិធានការសន្តិសុខនៅចំណុចរសើប និងកិច្ចខិតខំប្រឹងប្រែងប្រឆាំងភេរវកម្មទ្វេដង ខណៈដែលប្រទេសអឺរ៉ុបផ្សេងទៀតបាននិយាយថា ពួកគេប្រឈមនឹងការកើនឡើងនៃការគំរាមកំហែងជ្រុលនិយមចំពេលមានភាពតានតឹងកើនឡើងនៅមជ្ឈិមបូព៌ា។មន្ត្រីប៉ូលិសប្រមាណ ៧០០នាក់ នឹងត្រូវដាក់ពង្រាយនៅក្នុងទីក្រុងឆ្នេរសមុទ្រ ដែលក្រុមបាល់បោះ Valencia នឹងជួបជាមួយ Maccabi Tel Aviv៕ អត្ថបទ៖នាង សុភាវុធ

ខេត្តស្វាយរៀង ប្រកាសរៀបចំពិធីប្រណាំងទូក និងអំពាវនាវឲ្យអង្គភាពពាក់ព័ន្ធរួសរាន់ចុះឈ្មោះ

រដ្ឋបាលខេត្តស្វាយរៀង បានប្រកាសនឹងរៀបចំពិធីប្រណាំងទូក នាថ្ងៃទី១៨ និងថ្ងៃទី១៩ ខែវិច្ឆិកា ឆ្នាំ២០២៣ ខាងមុខ នៅទន្លេវ៉ៃគោ ក្រុងស្វាយរៀង ខេត្តស្វាយរៀង ដើម្បីអបអរសាទរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលជាពិធីបុណ្យប្រពៃណីជាតិខ្មែរ និងបង្កបរិយាកាសសប្បាយរីករាយជូនប្រជាពលរដ្ឋបានទស្សនាកម្សាន្ដ ។យោងតាមសេចក្ដីជូនដំណឹង ចុះហត្ថលេខាដោយឯកឧត្តម ប៉េង ពោធិ៍សា អភិបាលខេត្តស្វាយរៀង ដើម្បីជំរុញពិធីប្រណាំងទូកនេះ ប្រព្រឹត្តទៅដោយរលូន និងមានភាពអធិកអធម រដ្ឋបាលខេត្ត បានជម្រាបជូនថ្នាក់ដឹកនាំ និងអង្គភាពពាក់ព័ន្ធ ដែលមានទូកខ្នាតអន្ដរជាតិ និងទូកក្ដារប៊ីសន្លឹក ដែលមានបំណងចង់ចូលរួម សូមរួសរាន់ចុះឈ្មោះនៅមន្ទីរទេសចរណ៍ខេត្ត ចាប់ពីថ្ងៃជូនដំណឹង ឬទំនាក់ទំនងទូរស័ព្ធលេខ៖ ០១១ ៩៨៧ ៨៩៦ ។សូមរំឮកថា ពិធីប្រណាំងទូក នៅទន្លេវ៉ៃគោ ត្រូវបានទុកជាព្រឹត្តិការណ៍ប្រចាំឆ្នាំមួយ ដែលរដ្ឋបាលខេត្តស្វាយរៀងតែងរៀបចំ ដើម្បីបង្កបរិយាកាសសប្បាយរីករាយជូនប្រជាពលរដ្ឋ ក៏ដូចជាចូលរួមថែរក្សានូវទំនៀមទម្លាប់ពីបុរាណ ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ផងដែរ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Newcastle បញ្ជាក់ថា Sandro Tonali ស្ថិតក្រោមការស៊ើបអង្កេតពីអាជ្ញាធរអ៊ីតាលីពាក់ព័ន្ធរឿងភ្នាល់

កីឡាករអាមេរិក Marcos Giron ទំលាក់ជើងខ្លាំង Casper Ruud ឡើងវគ្គ ៨ នាក់ចុងក្រោយ Japan Open

ប្រេស៊ីលចាញ់ហើយ Neymar រងរបួសត្រូវវះកាត់ថែមទៀត

Nicolo Fagiolo ចេញមុខសុំទោសជាសាធារណៈក្រោយរងពិន័យ ៧ ខែពាក់ព័ន្ធរឿងភ្នាល់

ការលក់ភាគហ៊ុនរបស់ Everton ទៅកាន់ក្រុមហ៊ុនអាមេរិក 777 Partners ត្រូវជាប់គាំង

ជើងឯក ៣ សម័យនូវែលសេឡង់ហ្វឹកហាត់ក្រោមដំណក់ទឹកភ្លៀងត្រៀមវគ្គពាក់កណ្តាលផ្តាច់ព្រ័ត្របាល់ឱបពិភពលោក

FFC អនុញ្ញាតឲ្យក្លិបសៀមរាបយូណាយធីត រៀបចំពានយុវជនអន្ដរជាតិ ដែលមាន ៣ប្រទេសចូលរួម

ការប្រកួតបាល់បោះរវាង Valencia និង Maccabi Tel Aviv របស់អ៊ីស្រាអែល ស្ថិតក្រោមការពារសន្តិសុខតឹងរ៉ឹង

ខេត្តស្វាយរៀង ប្រកាសរៀបចំពិធីប្រណាំងទូក និងអំពាវនាវឲ្យអង្គភាពពាក់ព័ន្ធរួសរាន់ចុះឈ្មោះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Newcastle បញ្ជាក់ថា Sandro Tonali ស្ថិតក្រោមការស៊ើបអង្កេតពីអាជ្ញាធរអ៊ីតាលី​ពាក់ព័ន្ធរឿងភ្នាល់

កីឡាករអាមេរិក ​Marcos Giron ទំលាក់ជើងខ្លាំង Casper Ruud ឡើងវគ្គ ៨ នាក់ចុងក្រោយ Japan Open

ប្រេស៊ីលចាញ់ហើយ Neymar រងរបួសត្រូវវះកាត់ថែមទៀត

Nicolo Fagiolo ចេញមុខសុំទោសជាសាធារណៈក្រោយរងពិន័យ ៧ ខែពាក់ព័ន្ធរឿងភ្នាល់

ការលក់ភាគហ៊ុនរបស់ Everton ទៅកាន់ក្រុមហ៊ុនអាមេរិក 777 Partners ត្រូវជាប់គាំង

ជើងឯក ៣ សម័យនូវែលសេឡង់ហ្វឹកហាត់ក្រោមដំណក់ទឹកភ្លៀង​ត្រៀមវគ្គពាក់កណ្តាលផ្តាច់ព្រ័ត្របាល់ឱបពិភពលោក

FFC អនុញ្ញាតឲ្យក្លិបសៀមរាបយូណាយធីត រៀបចំពានយុវជនអន្ដរជាតិ ដែលមាន ៣ប្រទេសចូលរួម

ការប្រកួតបាល់បោះរវាង Valencia និង Maccabi Tel Aviv របស់អ៊ីស្រាអែល ស្ថិតក្រោមការពារសន្តិសុខតឹងរ៉ឹង

ខេត្តស្វាយរៀង ប្រកាសរៀបចំពិធីប្រណាំងទូក និងអំពាវនាវឲ្យ​អង្គភាពពាក់ព័ន្ធ​រួសរាន់ចុះឈ្មោះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Newcastle បញ្ជាក់ថា Sandro Tonali ស្ថិតក្រោមការស៊ើបអង្កេតពីអាជ្ញាធរអ៊ីតាលីពាក់ព័ន្ធរឿងភ្នាល់

កីឡាករអាមេរិក Marcos Giron ទំលាក់ជើងខ្លាំង Casper Ruud ឡើងវគ្គ ៨ នាក់ចុងក្រោយ Japan Open

ជើងឯក ៣ សម័យនូវែលសេឡង់ហ្វឹកហាត់ក្រោមដំណក់ទឹកភ្លៀងត្រៀមវគ្គពាក់កណ្តាលផ្តាច់ព្រ័ត្របាល់ឱបពិភពលោក

ខេត្តស្វាយរៀង ប្រកាសរៀបចំពិធីប្រណាំងទូក និងអំពាវនាវឲ្យអង្គភាពពាក់ព័ន្ធរួសរាន់ចុះឈ្មោះ