BTV NEWS

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

ព័ត៌មានកីឡា

Tyson Fury និង Francis Ngannou តទល់គ្នាចុងក្រោយមុនឡើងសង្វៀនថ្ងៃសៅរ៍នេះ

ម្ចាស់ខ្សែក្រវាត់ទម្ងន់ធ្ងន់ WBC កីឡាករ Tyson Fury និងអតីតម្ចាស់ខ្សែក្រវាត់ទម្ងន់ធ្ងន់ UFC Francis Ngannou បានប្រឈមមុខដាក់គ្នាចុងក្រោយក្នុងសន្និសីទសារព័ត៌មាន មុនឡើងសង្វៀនប្រកួតនៅថ្ងៃទី ២៨ ខែតុលា ក្នុងការប្រកួតប្រើច្បាប់ប្រដាល់សកល។ កីឡាករវ័យ ៣៤ ឆ្នាំ Tyson Fury ខកខានមិនបានឡើងសង្វៀនប្រកួតចាប់តាំងពីការប្រកួតដែលគេអាចការពារខ្សែក្រវាត់ WBC របស់ខ្លួនបាននៅពេលយកឈ្នះនៅទឹកទី ១០ លើមិត្តរួមជាតិអង់គ្លេស Derek Chisora កាលពីខែធ្នូឆ្នាំមុន ដើម្បីបន្តស្ថិតិមិនដែលចាញ់របស់ខ្លួន។តាមពិតទៅ Fury មានគំរោងជួបជាមួយកីឡាករអ៊ុយក្រែន Oleksandr Usyk ដែលជាម្ចាស់ជើងឯក IBF, IBO, WBO និង WBA ប៉ុន្តែការចរចាបរាជ័យកាលពីខែមីនា។ចំណែកឯកីឡាករបារាំងកាត់កាមេរូន Francis Ngannou ត្រូវបានដកខ្សែក្រវាត់ទម្ងន់ធ្ងន់របស់ខ្លួនបន្ទាប់ពីមានជម្លោះកិច្ចសន្យាជាមួយ UFC កាលីខែមករាឆ្នាំ ២០២៣ នេះ។ កីឡាករវ័យ ៣៦ ឆ្នាំរូបនេះមានបទពិសោធប្រកួតលក្ខណៈ MMA ចំនួន ២០ លើក ឈ្នះ ១៧ ចាញ់ ៣ និងផ្តួលគូប្រកួតនៅលើសង្វៀន ១២ លើក៕ អត្ថបទ៖នាង សុភាវុធ

AFC Cup៖ គ្រូ Macarthur ថា ភ្នំពេញក្រោនស័ក្ដិសមនឹងឈ្នះ ខណៈ Oleg មានមោទនភាពខ្លាំង ចំពោះកូនក្រុម

ក្រុមបាល់ទាត់ភ្នំពេញក្រោន បានសាងប្រវត្តិសាស្ដ្រថ្មី បន្ទាប់ពីយកឈ្នះក្រុមខ្លាំង Macarthur FC មកពីអូស្ដ្រាលី ដោយលទ្ធផល ៣-០ ក្នុងជំនួបជើងទី១ នៃពានរង្វាន់ AFC Cup 2023/24 កាលពីរាត្រីថ្ងៃទី២៦ ខែតុលា នៅពហុកីឡដ្ឋានជាតិអូឡាំពិក ដើម្បីឡើងឈរកំពូលតារាងពូល F បណ្ដោះអាសន្ន ។ ភ្នំពេញក្រោន បានក្លាជាក្លិបបាល់ទាត់កម្ពុជាដំបូងគេ ដែលឈ្នះ ៣ប្រកួតជាប់គ្នាក្នុងពានរង្វាន់កម្រិតទី២ ប្រចាំទ្វីបអាស៊ីនេះ ។ក្រោយចប់ការប្រកួតលោក Mile Sterjovski គ្រូបង្វឹកក្រុម Macarthur FC បានទទួលស្គាល់ភ្នំពេញក្រោន គឺជាក្រុមខ្លាំង ហើយស័ក្ដិសមនឹងទទួលបានជ័យជម្នះ បន្ទាប់ពីការរៀបចំ និងលេងបានយ៉ាងល្អក្នុងការប្រកួតនេះ ។ចំណែកលោក Oleg Starynskyi គ្រូបង្វឹកក្រុមភ្នំពេញក្រោន បានសម្ដែងការសប្បាយចិត្ត និងមានមោទនភាពជាខ្លាំង ចំពោះកូនក្រុមដែលលេងដោយបេះដូង និងទំនុកចិត្ត ។ លោកថា ជ័យជម្នះលើក្រុមមកពីអូស្ដ្រាលីនេះ គឺជាជំហានថ្មីមួយ ដើម្បីបង្ហាញពីសក្ដានុពលបាល់ទាត់កម្ពុជា តែលោកក៏ត្រៀមយុទ្ធសាស្ដ្រ សម្រាប់ការប្រកួតជើងទី២ ជាមួយ Macarthur FC ក្រៅដី នាខែក្រោយផងដែរ ។សូមបញ្ជាក់ថា ក្នុងជំនួបបញ្ចប់ជើងទី១ ដ៏ជក់ចិត្តនេះ ភ្នំពេញក្រោន ធ្វើបានយ៉ាងល្អ ដោយបានដាក់សម្ពាធលើ Macathur FC ទាំងវគ្គទី១ និងវគ្គទី២ រហូតរកបាន ៣គ្រាប់នៅចុងម៉ោង ដោយកីឡាករ Shimizu Shintaro ២គ្រាប់ នៅនាទី៧៥ និងនាទី៨៦ មុនខ្សែការពារវ័យក្មេង ផាច សុជាវីឡា រកបានគ្រាប់ទី៣ នៅនាទី៩០+៤ ដើម្បីធានាជ័យជម្នះ អមជាមួយការរក្សាបាននូវ Clean Sheet ៣ប្រកួតជាប់គ្នាផងដែរ ។ជ័យជម្នះនេះ បានធ្វើឲ្យភ្នំពេញក្រោន ឡើងឈរកំពូលតារាងបណ្ដោះអាសន្ន ដោយមាន ៩ពិន្ទុពេញ ខណៈក្រុម Macarthur FC ធ្លាក់មកឈរលេខ២ មាន ៦ពិន្ទុ ។ ចំពោះការប្រកួតជើងទី២ ភ្នំពេញក្រោន នឹងត្រូវហោះទៅជួបក្រុម Macarthur FC វិញម្ដង នាថ្ងៃទី០៩-វិច្ឆិកា មុនជួបក្រុមភ្ញៀវ Cebu FC របស់ហ្វីលីពីន នាថ្ងៃទី៣០-វិច្ឆិកា និងចុងក្រោយ ជួបក្រុមម្ចាស់ផ្ទះ Shan United នាថ្ងៃទី១៤ ខែធ្នូ ឆ្នាំ២០២៣ ខាងមុខ ដើម្បីស្វែងរកក្រុមឡើងទៅវគ្គបន្ដ៕ អត្ថបទ លី ឈុនឡា

មន្ដ្រីសហព័ន្ធ អំពាវនាវអ្នកគាំទ្រចូលរួមទស្សនាការប្រកួតវាយសីជើងឯកយុវជនអាស៊ានឲ្យបានច្រើនកុះករ

ឯកឧត្តម ជាម សុភា អគ្គលេខាធិការសហព័ន្ធកីឡាវាយសីកម្ពុជា បានអំពាវនាវដល់ប្រជាពលរដ្ឋ និងអ្នកស្នេហាវិស័យកីឡាវាយសី ក៏ដូចជាគ្រូបង្វឹក និងកីឡាករ-កីឡាការិនីគ្រប់រាជធានី-ខេត្ត ចូលរួមទស្សនា និងអបអរសាទរការប្រកួតកីឡាវាយសីជើងឯកយុវជនថ្នាក់តំបន់អាស៊ីអាគ្នេយ៍(BA Sea Regional Junior Championship) ឆ្នាំ២០២៣ ឲ្យបានច្រើនកុះករ នៅទីលានវាយសី នៃពហុកីឡដ្ឋានជាតិមរតកតេជោ ខណៈការប្រកួតនៅសល់ ៣ថ្ងៃទៀតប៉ុណ្ណោះ ។អគ្គលេខាធិការសហព័ន្ធដដែលថា នេះជាលើកដំបូងហើយ ដែលកម្ពុជាទទួលបានសិទ្ធិរៀបចំការប្រកួតជើងឯកយុវជនថ្នាក់តំបន់នេះ បន្ទាប់ពីទទួលបានការអនុញ្ញាតពីសហព័ន្ធកីឡាវាយសីអាស៊ី និងមានការគាំទ្រពីបណ្ដាប្រទេសអន្ដរជាតិ ក្រោយកម្ពុជាទទួលបានជោគជ័យក្នុងការធ្វើម្ចាស់ផ្ទះ នៃការប្រកួតកីឡាស៊ីហ្គេម លើកទី៣២ ឆ្នាំ២០២៣ កាលពីថ្មីៗ ។ តាមរយៈនេះ ឯកឧត្តមសង្ឃឹមថា បងប្អូនប្រជាពលរដ្ឋនឹងចូលរួមទស្សនាការប្រកួតនេះឲ្យបានច្រើន និងពុំមានលក់សំបុត្រឡើយ ដើម្បីលើកទឹកចិត្ត និងជំរុញការអភិវឌ្ឍវិស័យកីឡាវាយសីកម្ពុជាបន្ថែមទៀត ។សម្រាប់ព្រឹត្តិការណ៍កីឡាវាយសីជើងឯកយុវជនអាស៊ាន ដែលផ្ដោតលើយុវជនអាយុក្រោម ១៥ឆ្នាំ និងអាយុក្រោម ១៧ឆ្នាំនេះ នឹងចាប់ផ្ដើមការប្រកួតពីថ្ងៃទី៣០ ខែតុលា ដល់ថ្ងៃទី០៣ ខែវិច្ឆិកា ឆ្នាំ២០២៣ ដោយមានអត្តពលិកប្រមាណ ៧០នាក់ មកពី ៥ប្រទេសចូលរួម រួមមានអត្តពលិកម្ចាស់ផ្ទះកម្ពុជា មីយ៉ាន់ម៉ា ឡាវ ប្រ៊ុយណេ និងទីម័រខាងកើត ។ សម្រាប់ម្ចាស់ផ្ទះកម្ពុជា គឺបានត្រៀមកីឡាករ-កីឡាការិនី ១០នាក់ ដើម្បីធ្វើការប្រកួតលើ ១២វិញ្ញាសា ហើយសហព័ន្ធក៏សង្ឃឹមថា នឹងទទួលបានមេដាយច្រើនពីការប្រកួតដ៏សំខាន់នេះផងដែរ ។អ្វីដែលពិសេស ក្នុងចំណោមកីឡាករ-កីឡការិនីទាំង ១០នាក់ សហព័ន្ធក៏បានបញ្ចូលកីឡាករ-កីឡាការិនីវ័យក្រោម ១៣ឆ្នាំមួយចំនួន ដើម្បីផ្ដល់ឱកាសឲ្យពួកគេបង្ហាញសមត្ថភាព ទេពកោសល្យ ហើយពង្រឹងសមត្ថភាពបន្ថែម ដើម្បីត្រៀមលក្ខណៈឆ្ពោះទៅការប្រកួតកីឡាយុវជនអាស៊ី លើកទី៥ ឆ្នាំ២០២៩ ដែលកម្ពុជានឹងធ្វើជាម្ចាស់ផ្ទះទៀតផង៕ អត្ថបទ លី ឈុនឡា

Mitrovic រកបាន ៣ គ្រាប់ម្នាក់ឯងឱ្យ Al-Hilal ឈ្នះ Mumbai City FC នៅ AFC Champions League

ខ្សែប្រយុទ្ធស៊ែប Aleksandar Mitrovic នៅតែបន្តទំរង់លេងអស្ចារ្យរបស់ខ្លួនបន្ទាប់ពីរកបានបីគ្រាប់ម្នាក់ឯងក្នុងជ័យជំនះ ៦-០ របស់ក្រុមអារ៉ាប៊ីសាអ៊ូឌីត Al-Hilal លើក្រុមភ្ញៀវឥណ្ឌា Mumbai City FC នៃការប្រកួតក្របខណ្ឌក្លិបកំពូលអាស៊ី AFC Champions League។លេងបានត្រឹម ៥ នាទី អតីតខ្សែប្រយុទ្ធ Fulham រូបនេះរកបានគ្រាប់ដំបូងទៅហើយ និងជាគ្រាប់បាល់តែមួយគត់ក្នុងវគ្គទី ១។ឈានដល់វគ្គទី ២ ការប្រកួតដែលមានការចូលរួមទស្សនាដោយប្រធាន FIFA លោក Gianni Infantino នោះ Aleksandar Mitrovic ក៏រកបានគ្រាប់ទីពីររបស់ខ្លួននៅនាទីទី ៦៧ មុនពេលដែល Sergej Milinkovic-Savic រកបានមួយគ្រាប់ដែរនៅនាទីទី ៧៣។គ្រាប់បាល់ Hat-Trick របស់ Mitrovic ក៏បានសំរេចនៅនាទីទី ៨០ ដែលជាការស៊ុត Bicycle Kick យ៉ាងអស្ចារ្យ។ មិនទាន់អស់នៅឡើយ Mohammed Al Burayk និង Abdulelah Al Malki រកបានម្នាក់មួយគ្រាប់ទៀតឱ្យ Al-Hilal យកឈ្នះ Mumbai City FC ៦-០ ឡើងឈរលេខ ១ ក្នុងពូល D មាន ៧ ពិន្ទុស្មើគ្នាក្រុមអ៊ូសប៊ែគីស្ថាន Navbahor។ចំណែក Mumbai នៅតែមិនទាន់ស្គាល់ជ័យជំនះនៅឡើយ ខណៈដែលប្រកួតបន្ទាប់នឹងត្រូវទទួល Al-Hilal វិញម្តងនៅទឹកដីឥណ្ឌា ២ សប្តាហ៍បន្ទាប់។ នៅក្នុងពូល D នេះដែរក្រុមអ៊ូសប៊ែគីស្ថាន Navbahor ក៏រកបាន ៣ ពិន្ទុផងដែរក្រោយយកឈ្នះក្រុមអ៊ីរ៉ង់ Nassaji ២-១។ ងាកមកការប្រកួតរបស់ក្លិបចាយលុយច្រើនរបស់អារ៉ាប៊ីសាអ៊ូឌីតមួយទៀត Al-Ittihad បន្តរកបានជ័យជំនះលើកទី ២ របស់ខ្លួនក្រោយយកឈ្នះក្រុមភ្ញៀវអ៊ីរ៉ាក់ Air Force Club ១-០។ មួយគ្រាប់ជ័យជំនះរបស់ Al-Ittihad ត្រូវរង់ចាំដល់នាទីទី ៩០+៤ ទើបសំរេចបានដោយ Abderrazak Hamdallah ខណៈបីពិន្ទុនេះ Al-Ittihad បន្តនាំមុខគេក្នុងពូល C មាន ៦ ពីការប្រកួត ២ លើកខណៈលេខ ២ គឺក្រុមអ៊ីរ៉ង់ Sepahan ដែលរកបានជ័យជំនះដំបូងរបស់ខ្លួននៅទឹកដីអ៊ូសប៊ែគីស្ថាន AGMK ៣-១៕ អត្ថបទ៖នាង សុភាវុធ

វ៉ូវីណាម ចាប់ផ្ដើមពង្រឹងថ្នាល ដើម្បីត្រៀមការប្រកួតកីឡាយុវជនអាស៊ី ឆ្នាំ២០២៩

សហព័ន្ធកីឡាវ៉ូវីណាមកម្ពុជា បានចាប់ផ្ដើមពង្រឹង និងបណ្ដុះបណ្ដាលថ្នាលយុវជន ដើម្បីសម្រួចសមត្ថភាព និងបច្ចេកទេស ឆ្ពោះទៅការប្រកួតកីឡាយុវជនអាស៊ី លើកទី៥ ឆ្នាំ២០២៩ ដែលកម្ពុជាធ្វើជាម្ចាស់ផ្ទះ ។នេះបើតាមការបញ្ជាក់របស់ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បន្ទាប់ពីសហព័ន្ធបានរៀបចំប្រឡងដំឡើងខ្សែក្រវាត់ដល់កីឡាករ-កីឡាការិនីថ្នាលរបស់ខ្លួន កាលពីចុងសប្ដាហ៍កន្លងទៅ នៅអគារមជ្ឈមណ្ឌលជាតិហ្វឹកហ្វឺនកីឡា ។ឯកឧត្តមបន្ដថា ដើម្បីរួមចំណែកអភិវឌ្ឍន៍វិស័យកីឡា ពិសេសពង្រឹងធនធានថ្នាលបន្ដវេណ សហព័ន្ធមានគោលដៅបណ្ដុះបណ្ដាលកុមារ និងយុវជនថ្នាលជាច្រើន ជាក់ស្ដែងបន្ទាប់ពីការបង្ហាត់បង្រៀន សហព័ន្ធតែងរៀបចំការប្រឡងឡើងខ្សែក្រវាត់ ដើម្បីជាការលើកទឹកចិត្តដល់ពួកគេ និងជំរុញឲ្យពួកគេកាន់តែមានទឹកចិត្តក្នុងការហ្វឹកហាត់បន្ថែម ។ម្យ៉ាងដោយសារកម្ពុជា ទទួលបានសិទ្ធធ្វើម្ចាស់ផ្ទះការប្រកួតកីឡាយុវជនអាស៊ី ឆ្នាំ២០២៩ សហព័ន្ធក៏បានចាប់ផ្ដើមយកចិត្តទុកដាក់កាន់តែខ្លាំង លើការងារបណ្ដុះបណ្ដាលយុវជនថ្នាលនេះ ដើម្បីធានាបាននូវធនធានគ្រប់គ្រាន់ សម្រាប់ចូលរួមការប្រកួតនេះ ។ លើសពីនេះ សហព័ន្ធក៏សង្ឃឹមថា រាជរដ្ឋាភិបាល នឹងដាក់កីឡាវ៉ូវីណាម ក្នុងការប្រកួតកីឡាយុវជនអាស៊ីនេះផងដែរ៕ អត្ថបទ លី ឈុនឡា

Spurs ចាប់ផ្តើមរដូវកាលល្អបំផុតក្នុងរយៈពេល ៦០ ឆ្នាំក្រោយឈ្នះ Fulham ឡើងលេខ ១ Premier League

ក្រុមបាល់ទាត់ Tottenham Hotspur បានចាប់ផ្តើមរដូវកាលល្អបំផុតក្នុងរយៈពេល ៦០ បន្ទាប់ពីឡើងមកឈរលេខ ១ នៅ English Premier League ក្រោយជ័យជំនះ ២-០ លើ Fulham យប់មិញ។ប្រធានក្រុម Son Heung-Min រកបានគ្រាប់នាំមុខឱ្យ Spurs នៅនាទីទី ៣៦ ដែលជាគ្រាប់បាល់ទី៧ ក្នុងរដូវកាលនេះ មុនពេលដែលអតីតខ្សែបម្រើ Leicester City, James Maddison រកបានគ្រាប់ទីពីរនៅវគ្គទី ២។ ពីរគ្រាប់នេះបានធានឱ្យ Spurs រកបានជ័យជំនះទី ៧ ក្នុងចំណោម ៩ ប្រកួតរដូវកាលនេះនៅ Premier League។ ក្រោមការដឹកនាំរបស់អ្នកចាត់ការថ្មី Ange Postecoglou, Spurs មាន ២៣ ពិន្ទុមិនទាន់ចាញ់នៅឡើយ ដោយនាំមុខ ២ ពិន្ទុពីក្រុមការពារជើងឯក Manchester City និង Arsenal។ Spurs បាត់បង់បីពិន្ទុតែពីរប្រកួតប៉ុណ្ណោះរដូវកាលនេះគឺស្មើ Arsenal និង Brentford។ប្រកួតបន្ទាប់របស់ Spurs គឺត្រូវជួបជាមួយ Crystal Palace នៅថ្ងៃសុក្រនេះ៕ អត្ថបទ៖នាង សុភាវុធ

AFC Cup៖ ភ្នំពេញក្រោន ដាក់លក់សំបុត្រ មុនជួបក្រុមអូស្ដ្រាលី Macarthur ថ្ងៃព្រហស្បតិ៍នេះ

ក្រុមភ្នំពេញក្រោន របស់កម្ពុជា នឹងបន្ដជួបក្រុម Macarthur FC មកពីអូស្ដ្រាលី ក្នុងជំនួបជើងទី១ នៃពានរង្វាន់ជើងឯកក្លិបបាល់ទាត់អាស៊ី AFC Cup 2023/24 ពូល F នាល្ងាចថ្ងៃទី២៦ ខែតុលា ឆ្នាំ២០២៣ សប្ដាហ៍នេះ នៅពហុកីឡដ្ឋានជាតិអូឡាំពិក ខណៈសំបុត្រចូលទស្សនាការប្រកួតត្រូវបានក្រុមសិង្ហក្រហម ប្រកាសដាក់លក់ ចាប់ពីព្រឹកថ្ងៃទី២៤ ខែតុលានេះតទៅ ។នេះគឺជាការប្រកួតបញ្ចប់ជើងទី១ ក្នុងវគ្គចែកពូល បន្ទាប់ពីក្រុមទាំងពីរ បានយកឈ្នះក្រុម Shan United របស់មីយ៉ាន់ម៉ា និងក្រុម Cebu FC របស់ហ្វីលីពីន រៀងៗខ្លួន កាលពីថ្មីៗ ។លោក Oleg Starynskyi គ្រូបង្វឹកក្រុមភ្នំពេញក្រោន ធ្លាប់បានលើកឡើង បន្ទាប់ពីយកឈ្នះក្រុមShan United ៤-០ កាលពីដើមខែតុលាកន្លងទៅថា បេក្ខភាពប្រកួតប្រជែងក្នុងពូល F គឺប្រហាក់ប្រហែលគ្នា ។ ដូច្នេះគឺជាឱកាសមួយសម្រាប់ក្រុមខ្លួន ក្នុងការប្រជែងកៅអីវគ្គបន្ដ សម្រាប់ពានរង្វាន់ AFC Cup 2023/24 ។គួរដឹងថា បន្ទាប់ពីជួបក្រុម Macarthur FC ក្រុមជើងឯកលីគកំពូលកម្ពុជា ភ្នំពេញក្រោន គឺនៅសល់ ៣ប្រកួតទៀត ក្នុងជើងទី២ ពោលគឺត្រូវធ្វើដំណើរទៅជួបក្រុមអូស្ដ្រាលីវិញម្ដង នាថ្ងៃទី០៩ ខែវិច្ឆិកា មុនត្រឡប់មកបើកទ្វារផ្ទះទទួលក្រុម Cebu FC របស់ហ្វីលីពីន នាថ្ងៃទី៣០ ខែវិច្ឆិកា និងចុងក្រោយ ត្រូវជួបក្រុមម្ចាស់ផ្ទះ Shan United នាថ្ងៃទី១៤ ខែធ្នូខាងមុខ៕ អត្ថបទ លី ឈុនឡា

អាវ Barcelona នឹងមានរូបសញ្ញាក្រុមតន្ត្រី Rolling Stones សម្រាប់ជំនួប El Clasico សប្តាហ៍ក្រោយ

ក្លឹប Barcelona និង Rolling Stones បានចូលរួមជាមួយគ្នា ហើយឈុតរបស់ក្លឹបនឹងមានរូបសញ្ញាអណ្ដាត និងបបូរមាត់ដ៏ល្បីរបស់ក្រុមតន្រ្តីមួយនេះ សម្រាប់ការប្រកួត El Clasico នៅសប្ដាហ៍ក្រោយទល់នឹង Real Madrid។សេវាកម្មស្រាប់តន្ត្រីលើប្រព័ន្ធអនឡាញ Spotify បានឧបត្ថម្ភ Barcelona ចាប់តាំងពីរដូវកាល ២០២១-២២ ហើយក្លឹបធ្លាប់មានយុទ្ធនាការដែលមានតារា Hip Hop, Drake និងតារាចម្រៀងអេស្ប៉ាញ Rosalia ប៉ុន្តែឥឡូវនេះក្លិបនឹងបំពេញបំណង អ្នកស្រលាញ់ក្រុមតន្រ្តីរ៉ុកវិញម្តង។អាល់ប៊ុមចុងក្រោយបង្អស់របស់ Rolling Stones ដែលមានចំណងជើងថា Hackney Diamonds ចេញលក់នៅថ្ងៃសុក្រនេះ ហើយអាវដែលមានរូបសញ្ញានេះ នឹងអាចរកទិញបានចាប់ពីថ្ងៃទី២៣ ខែតុលា។ ក្រុមនារីរបស់ Barca ក៏នឹងពាក់អាវដែលមានរូបសញ្ញានេះសម្រាប់ការប្រកួតរបស់ពួកគេជាមួយនឹងក្រុម Sevilla នៅថ្ងៃទី ៥ ខែវិច្ឆិកាផងដែរ។សូមបញ្ជាក់ថាសម្រាប់ជំនួប El Clasico សប្តាហ៍ក្រោយនេះ រវាង Barcelona និង Real Madrid ជាជំនួបទី ១៨៧ នៅក្នុងក្របខណ្ឌអេស្ប៉ាញ La Liga ដែលកន្លងមកក្រុមទាំងពីរមានស្ថិតិ Barcelona ឈ្នះ ៧៤ Real Madrid ឈ្នះ ៧៧ ស្មើ ៣៥៕ អត្ថបទ៖នាង សុភាវុធ

បាល់បោះជិះរទេះនារីកម្ពុជា បើកយុទ្ធនាការអាស៊ីប៉ារ៉ាហ្គេម ជាមួយជ័យជម្នះ មុនជួបជប៉ុនរសៀលនេះ

ក្រុមបាល់បោះជិះរទេះនារីកម្ពុជា បានបើកយុទ្ធនាការប្រកួតកីឡាអាស៊ីប៉ារ៉ាហ្គេម លើកទី៤ នៅទីក្រុង Hangzhou ប្រទេសចិន ហើយ ដោយទទួលបានជ័យជម្នះលើក្រុមឡាវ មុនបន្ដជួបក្រុមខ្លាំងជប៉ុន នៅរសៀលថ្ងៃទី២០ ខែតុលា ឆ្នាំ២០២៣ នេះ ។សម្រាប់ជំនួបបើកវគ្គជម្រុះវិលជុំ ផ្នែកបាល់បោះជិះរទេះនារី នៃព្រឹត្តិការណ៍កីឡាជនពិការប្រចាំទ្វីបអាស៊ីឆ្នាំនេះ ក្រុមបាល់បោះជិះរទេះនារីកម្ពុជា ធ្វើបានយ៉ាងល្អ ដោយបានយកឈ្នះក្រុមបាល់បោះជិះរទេះនារីឡាវ ដោយលទ្ធផល ៦៥-៣៥ពិន្ទុ ។ចំណែកលទ្ធផលដំបូងរបស់គូប្រជែងក្រុមបាល់បោះជិះរទេះនារីកម្ពុជាផ្សេងទៀត គឺក្រុមម្ចាស់ផ្ទះចិន បានយកឈ្នះក្រុមថៃ ដោយលទ្ធផល ៧២-២៣ពិន្ទុ និងក្រុមបាល់បោះជិះរទេះនារីជប៉ុន បានយកឈ្នះក្រុមបាល់បោះជិះរទេះនារីអ៊ីរ៉ង់ ដោយលទ្ធផល ៨៤-១៦ពិន្ទុ ។សម្រាប់កម្មវិធីបន្ដបន្ទាប់របស់ក្រុមបាល់បោះជិះរទេះនារីកម្ពុជា បន្ទាប់ពីយកឈ្នះក្រុមឡាវ កម្ពុជា នឹងបន្ដជួបក្រុមខ្លាំងជប៉ុន នារសៀលថ្ងៃទី២០ ខែតុលានេះ មុនបន្ដជួបក្រុមម្ចាស់ផ្ទះចិន នាថ្ងៃទី២១-តុលា និងជួបក្រុមអ៊ីរ៉ង់ នាថ្ងៃទី២៤-តុលា ខណៈចុងក្រោយ ត្រូវជួបក្រុមថៃ នាថ្ងៃទី២៥ ខែតុលា ដើម្បីកំណត់ជោគវាសនាក្រុមឡើងវគ្គផ្ដាច់ព្រ័ត្រ នាថ្ងៃទី២៦ ខែតុលា ឆ្នាំ២០២៣ ខាងមុខ ។សូមបញ្ជាក់ថា ក្នុងព្រឹត្តិការណ៍កីឡាអាស៊ីប៉ារ៉ាហ្គេម ឆ្នាំ២០២៣ នៅទីក្រុង Hangzhou កម្ពុជា បានបញ្ជូនអត្តពលិក ៦ប្រភេទកីឡាចូលរួមប្រកួត ក្នុងនោះមានអត្តពលិកជនពិការផ្នែកកីឡាអត្តពលកម្ម ហែលទឹក វាយកូនឃ្លីលើតុ បាល់ទះអង្គុយ បាល់បោះជិះរទេះ និងកីឡាវាយសី ។ ព្រឹត្តិការណ៍កីឡាជនពិការប្រចាំទ្វីប ៤ឆ្នាំម្ដងនេះ គ្រោងនឹងប្រារព្ធពិធីបើកការប្រកួតនាថ្ងៃទី២២ និងពិធីបិទ នាថ្ងៃទី២៨ ខែតុលា ឆ្នាំ២០២៣ ៕អត្ថបទ លី ឈុនឡា

ការប្រកួតបាល់ទាត់លីគកំពូលកម្ពុជានឹងបន្ដការប្រកួតសន្សំពិន្ទុ សប្ដាហ៍ទី៨ ខណៈក្រុមមិនទាន់ស្គាល់ចាញ់ ត្រូវជួបក្រុមមិនទាន់ស្គាល់ឈ្នះ

ការប្រកួតបាល់ទាត់លីគកំពូលកម្ពុជា(Cambodian Premier League) ឆ្នាំ២០២៣/២៤ នឹងបន្ដការប្រកួតសន្សំពិន្ទុ សប្ដាហ៍ទី៨ នៃជុំទី១ នាចុងសប្ដាហ៍នេះ បន្ទាប់ពីសម្រាក ២សប្ដាហ៍ អំឡុងពេល FIFA Day ប្រចាំខែតុលា ។សម្រាប់កម្មវិធីប្រកួតសប្ដាហ៍ទី៨ នៃលីគកំពូលកម្ពុជា នៅថ្ងៃទី២១ ខែតុលាស្អែកនេះ គឺមាន ១គូប៉ុណ្ណោះ ដែលជាការជួបគ្នារបស់ក្រុមភ្នំពេញក្រោន និងក្រុមព្រៃវែងអេហ្វស៊ី ។ចំណែកនៅថ្ងៃទី២២ ខែតុលា គឺមាន ៤គូ ក្នុងនោះក្រុមវិសាខា ជួបក្រុមភ្ញៀវអង្គរថាយហ្គឺរ, ក្រុម ISI ដង្កោសែនជ័យ ជួបក្រុមនាគខៀវបឹងកេត និងក្រុមណាហ្គាវើលដ៏ ជួបក្រុមកងយោធពលខេមរភូមិន្ទ ។ អ្វីដែលពិសេស គឺជំនួបរវាងក្រុមមិនទាន់ស្គាល់ចាញ់ ឬស្មើ ព្រះខ័នរាជស្វាយរៀង ជាមួយក្រុមមិនទាន់ស្គាល់ឈ្នះ គិរីវង់សុខសែនជ័យ ដែលនឹងធ្វើឡើងនៅកីឡដ្ឋានខេត្តស្វាយរៀង។គួរដឹងថា គិតត្រឹមសប្ដាហ៍ទី៧ មុនលីគសម្រាកការប្រកួត ២សប្ដាហ៍កន្លងទៅ ក្រុមព្រះខ័នរាជស្វាយរៀង គឺជាក្រុមតែមួយគត់ ដែលឈ្នះ ៧ប្រកួតជាប់គ្នា និងកំពុងឈរកំពូលតារាងបណ្ដោះអាសន្ន ដោយរកបាន ២១ពិន្ទុពេញ តាមពីក្រោយដោយក្រុមភ្នំពេញក្រោន រកបាន ១៨ពិន្ទុ ខណៈក្រុមបឹងកេត ឈរលេខ៣ មាន ១៣ពិន្ទុ និងក្រុមវិសាខា ឈរលេខ៤ មាន ១២ពិន្ទុ នាំមុខក្រុមកងយោធពលខេមរភូមិន្ទ និងព្រៃវែង ដែលមាន ១០ពិន្ទុស្មើគ្នា៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Tyson Fury និង Francis Ngannou តទល់គ្នាចុងក្រោយមុនឡើងសង្វៀនថ្ងៃសៅរ៍នេះ

AFC Cup៖ គ្រូ Macarthur ថា ភ្នំពេញក្រោនស័ក្ដិសមនឹងឈ្នះ ខណៈ Oleg មានមោទនភាពខ្លាំង ចំពោះកូនក្រុម

មន្ដ្រីសហព័ន្ធ អំពាវនាវអ្នកគាំទ្រចូលរួមទស្សនាការប្រកួតវាយសីជើងឯកយុវជនអាស៊ានឲ្យបានច្រើនកុះករ

Mitrovic រកបាន ៣ គ្រាប់ម្នាក់ឯងឱ្យ Al-Hilal ឈ្នះ Mumbai City FC នៅ AFC Champions League

វ៉ូវីណាម ចាប់ផ្ដើមពង្រឹងថ្នាល ដើម្បីត្រៀមការប្រកួតកីឡាយុវជនអាស៊ី ឆ្នាំ២០២៩

Spurs ចាប់ផ្តើមរដូវកាលល្អបំផុតក្នុងរយៈពេល ៦០ ឆ្នាំក្រោយឈ្នះ Fulham ឡើងលេខ ១ Premier League

AFC Cup៖ ភ្នំពេញក្រោន ដាក់លក់សំបុត្រ មុនជួបក្រុមអូស្ដ្រាលី Macarthur ថ្ងៃព្រហស្បតិ៍នេះ

អាវ Barcelona នឹងមានរូបសញ្ញាក្រុមតន្ត្រី Rolling Stones សម្រាប់ជំនួប El Clasico សប្តាហ៍ក្រោយ

បាល់បោះជិះរទេះនារីកម្ពុជា បើកយុទ្ធនាការអាស៊ីប៉ារ៉ាហ្គេម ជាមួយជ័យជម្នះ មុនជួបជប៉ុនរសៀលនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Tyson Fury និង Francis Ngannou តទល់គ្នាចុងក្រោយមុនឡើងសង្វៀនថ្ងៃសៅរ៍នេះ

AFC Cup៖ គ្រូ Macarthur ថា ភ្នំពេញក្រោនស័ក្ដិសមនឹងឈ្នះ ខណៈ Oleg មានមោទនភាពខ្លាំង ចំពោះកូនក្រុម

មន្ដ្រីសហព័ន្ធ អំពាវនាវអ្នកគាំទ្រចូលរួមទស្សនា​ការប្រកួតវាយសីជើងឯកយុវជនអាស៊ាន​ឲ្យបានច្រើនកុះករ

Mitrovic រកបាន ៣ គ្រាប់ម្នាក់ឯងឱ្យ Al-Hilal ឈ្នះ Mumbai City FC នៅ AFC Champions League

វ៉ូវីណាម ចាប់ផ្ដើមពង្រឹងថ្នាល ដើម្បីត្រៀមការប្រកួតកីឡាយុវជនអាស៊ី ឆ្នាំ២០២៩

Spurs ចាប់ផ្តើមរដូវកាលល្អបំផុតក្នុងរយៈពេល ៦០ ឆ្នាំក្រោយឈ្នះ Fulham ឡើងលេខ ១ Premier League

AFC Cup៖ ភ្នំពេញក្រោន ដាក់លក់សំបុត្រ មុនជួបក្រុមអូស្ដ្រាលី Macarthur ថ្ងៃព្រហស្បតិ៍នេះ

អាវ Barcelona នឹងមានរូបសញ្ញាក្រុមតន្ត្រី Rolling Stones សម្រាប់ជំនួប El Clasico សប្តាហ៍ក្រោយ

បាល់បោះជិះរទេះនារីកម្ពុជា បើកយុទ្ធនាការអាស៊ីប៉ារ៉ាហ្គេម ជាមួយជ័យជម្នះ មុនជួបជប៉ុនរសៀលនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ដ្រីសហព័ន្ធ អំពាវនាវអ្នកគាំទ្រចូលរួមទស្សនាការប្រកួតវាយសីជើងឯកយុវជនអាស៊ានឲ្យបានច្រើនកុះករ